موشح
يلي گضّيت العمر كله حزين
ياعلي السجاد زين العابدين
____
شلون عينك شافت حسين الظهُر
فوگ صدره أمثني رجلينه الشمُر
ياعلي زين وبقه عندك صبُر
وشفته لازم لحيته يحز الوتين
ياعلي السجاد زين العابدين
_
من گطع راس الحسين أبخنجره
وثنعش طبره على راسه أطبره
وأعله راس الرمح خله منحره
ودمه ظل يجري أمام الناظرين
ياعلي السجاد زين العابدين
_
من بعد ماحز وريد أبن الرسول
لن أجت يم جثته عشرة خيول
وأعله صدر أبن النبي گامت تجول
طحنت أعظامه مثل حب الطحين
ياعلي السجاد زين العابدين
_
ياعـلي وشـلون زينب شافته
حسين طاح وخيل سحگت جثته
وشايله شمر الخنه مـن هامته
وزينب تنادي حبيبي ياحُسين
ياعلي السجاد زين العابدين
_
والگمر عباس گلي بيا وضع
شفته واگع عالنهر ذاكه السبع
وسيفه يمه ورايته ويمه الدرع
وهامته بعامود صارت فلقتين
ياعلي السجاد زين العابدين
_
وسفه عباس البطل عالمشرعه
بالغدر يمه چفوفه أمگطعه
وجـــثته يــم النــهر مــتوزعه
تدري لو ماتدري بي أم البنين
ياعلي السجاد زين العابدين
_
گلي عمتك زينب الحره شحچت
من وگع عباسها بيش أنتچت
منهو واساها عليه لمن بچت
وعالنهر عباس مگطوع الأدين
ياعلي السجاد زين العابدين
_
ياعلي وشلون گلي عالهزل
ركبوكم وأنتوا بيديكم حبل
والحرم وعيال چم طفله وطفل
سرتوا بحبال الأعادي مربطين
ياعلي السجاد زين العابدين
___
الشاعر (أسعد قاسم الكريعاوي)
/channel/aabas78
قصائد لكل ايام محرم اشترك بالقناة
رحلة حياته جروحه
دافن سنينه وروحه
من كربله لحد الكبر
نوحه
••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••
1️⃣
جرحك نزف شايل قهر راسم حزن بعيونك
يالدافن احـباب العـمر هذا المسه ايدفنونك
يالمـاشي بدروب السـبي شفتك تغـير لونك
خمسه وثلاثين العشت ما غمضتها جفونك
~~~
حـزن الكـلب مـا يطفه
وجفنك يـضل ما يغفه
يالما عشت غير الكسر
نوحه
•••••••••••••••••••••••••••••••••••••••••••
2️⃣
كـلما تـصد صـوب النـهـر كـلبك يوج ابـناره
وحسين ضامي لوحده لمن حجيت اخباره
يالمنحني طـولك عتب ما ظل دمع يتجاره
ما شافت عـيوني ابد مـهضوم حركوا داره
~~~
واليفـگد اغـله سنينه
كـلشي يمـوت ابعينه
ما ينفع بروحه الصبر
نوحه
•••••••••••••••••••••••••••••••••••••••••••
3️⃣
يالعايش جروح الزمن شايـفها كلها ابعينك
والعاشر بروحك يـضل ياخذ حـلم بسنينك
وكـبالك تموت الاهـل ع الشده الله يـعينك
يا عمه فروا بهالأرض طاح العزيز حسينك
~~~
زينب تشوف اخيامك
حـركوها فوك ايتامك
يالشاعل ابكلبك جمر
نوحه
•••••••••••••••••••••••••••••••••••••••••••
4️⃣
ما ينحمل درب السبي ياخيمه فوك الخدر
وجفك حنونه وجلبت بيد الطفل من يعثر
يا مـوقف ابعينك يضل مـن يا جـرح تتأثر
وجروحك ابكد السبي عينك تضل تتحسر
~~~
وأصـعب جـروح الايام
دخـلت سـباياكـم شـام
وهـالمـوقف ابالك يـمر
نوحه
•••••••••••••••••••••••••••••••••••••••••••
5️⃣
ما ناسي أيام الدفـن كاصـد اجـيت ابحيره
كلها النشامه مطشره وجـهك صعوبه اديره
لمـيت ابوك مـن الترب وتـشيله بالحـصيره
بالتبجي عينك كربله مـحنة مصاب جبيره
~~~
تمل البشر مـن نوحك
يـومـيه تطـلع روحـك
يالعاشرت ضيم اليسر
نوحه
•••••••••••••••••••••••••••••••••••••••••••
6️⃣
نوحك ولا يخـلص ابد بظهرك تـعاين كسرك
والحكمه جانت بالمرض تبقه ويطول عمرك
والليله موتك مـن كصد حـاير نشوفه بأمرك
ميـت لگاك ابلا نفس ومـحتاج راحه ابكبرك
~~~
ابطف كربله امنيتك
يصيـر الدفن تاليتك
وآخر حلم هذا العمر
نوحه
••••••••••••••••••••••••••••••••••••••••••••••••••••••••••••••••
محمد خشان ✍️.
•••••••••••••••••••••••••••••••••••••••••••
/channel/aabas78
قصائد لكل ايام محرم اشترك بالقناة
نزله..
الله خلـه بالعليل معجزه وبيها الدليل
ونزلت بيـوم الطفوف
ونزلت بيـوم الطفوف
__
من كرب شهر الفجيعه من اجه يوم الطفوف
وربنـــه نــزل بالامــام معـجزة ضد السيـوف
معجــزت عله وعليل والعـــدو مــــنه يعـــوف
حتى مايخلص نسلهم. من بعد نـحر وجفـوف
لا تشك باأمر الخليل.
معجزه وبيها الدليل
ونزلت بيـوم الطفوف
___
من بـــــده طــــف المنـاحر كالو أنواع الكـلام
واحد ينـــادي على واحد نكطعه نســل الامام
نذيح الطفل الرضــيع وتشتـــعل كل الخـــيام
مــادرو زيـــن الـــعباد معـــجزه وبيهــا السلام
من بعد دور الكفيل.
معجزه وبيها الدليل
ونزلت بيـوم الطفوف
__
ماكو أمـه بلاامام بكل زمان بكل وكت
يل ردت تكطع نسلـهم اسمع انته يالكلت
وربنـــه حافــظ هل سلاله ماتـحقق ماردت
شجره ويـخبل ثمرها أنـــته وحدك .ألمــــتت
والعدو اصبح ذليل.
معجزه وبيها الدليل
ونزلت بيـوم الطفوف
_
معجزه وثابت قـدرها من طــــفوف العــاشر
ماخلص نـســل الأمامه وخـــل نكله الكـــافر
أحنه شيعه وحـيدريه وعدنه مهــدي الحـاظر
باجر يــصـيح ويـــنادي وكلنه نصـرخ باجـــر
نصرخ ونندب يويل
معجزه وبيها الدليل
ونزلت بيـوم الطفوف
___
كلمات الشاعر
الحسيني
مرتضى مكطوف الموالي
/channel/aabas78
قصائد لكل ايام محرم اشترك بالقناة
اشعندك يحادي النوگ
ماخذنه وسط السوك
عدنه خدر وايتام والعبايه
ما ترهم النه چلمة السبايه
.................................
ريض بالضعن يالحادي واتوانه
راس حسين اشوف اتحرك امچانه
الما عفناه عمرنه ابغفله عافانه
ليل ابلا كمر من راح خلانه
الما ينسه وننساه وما نرهم ابلياه
هوه واخوته عالترب ضحايا
عندي حرم وايتام والعبايه
.............................
هزيله ناكتي ومن تمشي تتعثر
والهم لو كثر يالحادي يتطشر
عبينه ما تحامي البيهه يتستر
يصد اعيونه ليه شوف ابو الاكبر
يمكنه يعرف وين راحن خواته حسين
الجانت يمنته عاليودهه رايه
عندي حرم وايتام والعبايه
.............................
مثل عين وجفن يالعاشرينه الهم
واشوف اگبالي تعرض نار الامخيم
مو آنه المره الشتموهه ما تهتم
ولا آنه المره التحجي الحجي المبهم
چلماتي بيهه آثار. من امي والكرار
وچلمة ابونه للخلائق آيه
عندي حرم وايتام والعبايه
.............................
شلي ويالسوك يالحادي وتمر بيهه
ولا اندلهه حتى اعرف نواحيهه
الميت عدهه اخو الوادم تواسيهه
مو بحجار اهل حيكم تلاكيهه.
بالحجر وايشتمون ما اعرف اشيردون
واحنه بلايا كافل وحمايه
عندي حرم وايتام والعبايه
...........................
خوارج تندعي وما رحمت الطاحت
وعلايم للسبي فوك الهزل لاحت
رقيه وين ابوي ابهل وكت صاحت
گضت روح الحنينه ابغيبته وناحت
كلما تحن اعليه راس الولي انوديه
تشكيله يالچنت هيبه وثايه
عندي حرم وايتام والعبايه
خادم اهل البيت علي الزرگاني
/channel/aabas78
قصائد لكل ايام محرم اشترك بالقناة
قصيده نزله إلى مولاي زين العابدين ع
انا زين العابدين
مرمرن حالي السنين
============================
روحي بيها جم هظيمه من مصايب كربله
تذكرت جيش إل اميه سلبوها القافله
عمتي زينب عذبوها وهيه عدنه مدلله
خلصت سفرت حياتي مشكله تجر مشكله
حصتي بالدنيه الونين انا زين العابدين
============================
عذبن روحي اليالي جم جرح مرن علي
ديره ديره الناكه تمشي وياه اميه وتحدي بي
ناس غربه تصد عليه وسناسل بين ادي
ولا اكو خيمه لعمتي زينب لاكو دار ولا في
بويه تسمع يا حسين انا زين العابدين
============================
راح مني حسين أبويه الدنيا بعده بلا طعم
ورحي تعبانه وعليله وشافت شكال الظلم
ومن بعد ما راحو هلي تحملت كل الهظم
ما رحم حالي وغربته قاسي وياي الخصم
العمر خلصته حزين انا زين العابدين
============================
من المصايف والااذيه راح الموتن بالوطن
خلصت عمري وحياتي عيوني تجري وما غفن
شاهدت جفين عمي ودم على جفوفه بجن
من ادي كل اهلي راحو حيره حيرني الزمن
عمي حصل مثله وين انا زين العابدين
============================
جم زمان المر عليه وأنا روحي معلعله
ثاري ما عفته ونسيته بيه عاشت كربله
احنه قسمتنه الشهاده وانا كاتب منزله
الدنيه عشناها بكرامه والكتاب انرتله
انا ابن فتح المبين انا زين العابدين
==========================
الشاعر ابو هاجر المجراوي
/channel/aabas78
قصائد لكل ايام محرم اشترك بالقناة
محرم 1447ه-2025م
قصائد استشهاد الامام السجاد عليه السلام
يمكن قراءة القصيده بطريقة الموشح النجفي
يا علي السجاد يالدمعك مطر
ميت وگلبك شبع من القهر
؛★★★★★★★★★★★★★
يا علي السجاد يالسر المبين
يالعشت بالآه والهم والونين
ومتت وانت تلهج بإسم الحسين
هدم حيلك شهر عاشور وصفر
؛★★★★★★★★★★★★★
يا علي روحك بقت متلوعه
بالدمع دشداشتك متنگعه
تون من تذكر حسين ومصرعه
تبچي كلما ذكر من عاشور مر
؛★★★★★★★★★★★★★
شصار بيك بيوم عاشر يا علي
من بعد ما طاح الحسين الولي
سمعت صوت ابن سعد خيل اعتلي
على حسين ورضرضي صدر وظهر
؛★★★★★★★★★★★★★
شفت مأساة الحسين وغربته
شفت بعيونك شمر حز رگبته
من النحر يا بويه تسمع ونته
خلي عينك على اطفالي بالسفر
؛★★★★★★★★★★★★★
سفر بيه زينب اسيره مگيده
بالمتون آثار من ضرب العده
يعينك اللّه يا علي بهذا السده
ادري ظهرك على المسبيه انكسر
؛★★★★★★★★★★★★★
انكسر ظهرك والسلاسل أذتك
من اثرها يسيل دم من رگبتك
وانت حاير بالأطفال وعمتّك
شلون تطلع زينب ابّين البشر
؛★★★★★★★★★★★★★
طلعت وطلعتها صارت عالهزل
بعد ما خوانها راحو چتل
وسفه اخت عباس مچتوفه بحبل
زين يالسجاد دلّالك صبَر
؛★★★★★★★★★★★★★
صح اسير ولا عشيره النصرتك
لچن هاي جموعهم ما هزّتك
زلزلت زمرة يزيد بكلمتك
وعرش ذاك الطاغي بالگاع اندثر
؛★★★★★★★★★★★★
من بعد ذيچ المآسي المؤلمه
عشت عمرك بالدموع الساجمه
إلى أن غدرتك ناس الظالمه
بثر سَم ارجاس غمّضت النظر
؛★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
نزلة / للإمام السجاد عليه السلام
عايش باحزانه والدمع عنوانه
.................
قصّة السجاد صعبه تفجع اليقراها
بس دمع وجروح بيها والحزن معناها
تبتدي بالغاضريه من شهد بلواها
عمره مانشفت دمعته ولاگدر ينساها
كربله بلسانه والدمع عنوانه
................
ياعليل الشاف اهله عالترب مذبوحه
بس علي السجاد هذا والمصيبه بروحه
حگه لو يبچي عليهم ما نلومه بنوحه
راس ابوه عالرمح شافه دم تسيل جروحه
عالترب جثمانه. والدمع عنوانه
..................
اعظم وافجع مصيبه عالامام الصابر
من خذوا زينب سبيه بلا محامي وناصر
ينظر السجاد زينب عالمصيبه تكابر
بالمرض مهدوم حيله وي خواته مسافر
چتفوه عدوانه. والدمع عنوانه
...................
واجب نذكره يشيعه نلتزم منهاجه
منهج السجاد عدنه كل وكت نحتاجه
وارث الهادي مُحمّد هوه لابس تاجه
لو نخينه الباري بسِمه الله يگضي الحاجه
ميّت ويرعانه. والدمع عنوانه
...............
خلّص ايّامه مناحه والشهود ادموعه
يبچي عالمرضوض جسمه کسّروها ضلوعه
حفرت خدوده المدامع عالوجه مطبوعه
حالة السجاد هايه لوعه تتبع لوعه
واسع باحسانه والدمع عنوانه
...................
ويلي من سمّوا دليله گطّعوا احشائه
من بعد كل المصايب سمّموه اعدائه
شيّعوه مسموم ويلي للگبر ابنائه
واجب نقيم العزاء انشارك بأحيائه
نبتغي رضوانه. والدمع عنوانه
سيد زيد الفحام
___
/channel/aabas78
قصائد لكل ايام محرم اشترك بالقناة
ميمر للسجاد ع
بجمر الحزن والفاجعه انواسيها
للـزهـره بـالسجاد و انعـزيـهـا
هـالليله للسجــاد نجــري العــبــره
وبــدمعـة الاحــزان نـذكــر صـبـره
ونصيح كلنه بصوت هـا يـالـزهره
من كل گلب صرخـتـنه من نشكيها
جـمــر المصاب الليلــه يامــولانــه
ننحــب الـك يــاسيــدي خــلانــــــه
والزهره تنحب نشعر احنه ويانــه
مدري ننوح اعليك مدري اعليهــا
بـالفاجـعه الليله بگـلبـنـه الصابــر
نجـرع مـرار امصيـبـتـك ونكـابـــر
وانــادي ما ننساك يــابــو الـبـاقــر
هـــاي الجروح البينه تعــرف بيها
ماننسه جــرحــك سـيــدي والآمك
باللوعه والحسره عـشـت أيــامـك
اهـلـك ضحـايــه سـيـدي گــدامــك
كلهــا شفتها وابــد مــانــاسـيـهــا
ماجـفت السجـاد لحظه ادمــوعـــه
بعـيونه شاهـد چم فجيعه و لوعـه
آهـاتـه تبقـه بكل وكت مسموعــه
بطـف كـربله چان الحــرم واليهـا
سهـم المصاب اعليك چان الرامي
بطـف المنايه شفت ابوك الضامي
شلون اگدرت تنظر النحره الدامي
وهمومك شلون اگــــدرت تخفيها
يل تحـمل اللـوعات عـمـرك جبته
أشچم مصاب بعـينك انته الشفتـه
مـن آل اميـه السمــك اتجـرعــته
انـتـــه الفــزت اولهــا وبتـاليهــا
الشاعر رياض الرسل الجابري
لاتنسون والدي ووالدتي وأبني عباس من الرحمه والمغفره خادمكم
الشاعر رياض الرسل الجابري
/channel/aabas78
قصائد لكل ايام محرم اشترك بالقناة
((للامام السجاد))
الليله هاشم ٠٠ راح ابـنها
والمـــــدينه ٠٠ عم حزنها
الليله ابو الباقر مصابه
والحــــــزن عم بغيابه
ــــــــــــــــــــــــــــــــــــــــ
البگه براس الهواشم والحزن خيم
العلي السجاد هاليله الدمع من دم
وابو صــــــالح حزين الليله وملثم
ويم گـــــــــبره اظنه ناصب المأتم
الساده لبست .. ثوب الاسود
والمدامـــــــع .. تجري عالخد
تشبه عيون السحــابه
والحــــــزن عم بغيابه
ــــــــــــــــــــــــــــــــــــــــ
علي السجاد مـــــات وبالگلب لوعه
على الرضو بصدره وطحنو اضلوعه
مات وبالجـــفن مــــانشفت ادموعه
مصـــــــايب كربله ابدلاله مجموعه
شاف الحسين .. يجري نـحره
وداست الخيل .. اعلى صدره
وظل يلوج اعله الترابه
والحــــــزن عــم بغيابه
ــــــــــــــــــــــــــــــــــــــــ
مصاب حسين عاش ابروحه وبگلبه
وعالمـــــــاي اليشربه المدمع ايصبه
ماســــــــــــاعه نساه وعايش ابغربه
حسبه التاخذه وتجيبه الــف حسبه
من يذكره .. يجري دمعه
علّلي گطعو .. منه اصبعه
حــیف وانسلبت ثيابه
والحــــــزن عم بغيابه
ــــــــــــــــــــــــــــــــــــــــ
لومر سوگ ابد مـــاتنشف عيونه
وينشد عالكبش لمـــــن يذبحونه
تعرضونه على المــــاي وتشربونه
وابو اليمه انذبح عطشان تدرونه
مات ضامي .. وما تـــروّه
امن العطش .. چبده تلوه
هذا لليسأل جــــــــوابه
والحــــــزن عــم بغيابه
ــــــــــــــــــــــــــــــــــــــــ
غسل جسمه ابنه الباقر ابهيده
لا يلچـــــم جرح دلاله وايعيده
آثار الســـــــلاسل باقيه ابأيده
وبجدامه الجمر من ركضة البيده
خايف ايده .. لا تــــــلچمه
السوط ذاكه .. باقي رسمه
واثر من حزن الخرابه
والحــــــزن عم بغيابه
ــــــــــــــــــــــــــــــــــــــــ
الباقر وسده ابايده وعدل لحده
وبچفه خلــــه اعلى الترب خده
مو مثل الغــريب الراس ماعنده
آ يحسين يلي شــــــــــدته شده
على اليمنه .. خله نحره
اوسد ابنه .. على صدره
وغارگ بدــــــمع اكتآبه
والحــــــزن عـم بغيابه
ــــــــــــــــــــــــــــــــــــــــ
حيدر بشار الدراجي
/channel/aabas78
قصائد لكل ايام محرم اشترك بالقناة
قصيدة لاستشهاد الأمام السجاد عليه السلام
لابقت خوان لاظلو هله
مات زين العابدين بكربلا
*--------------*---------------*----------------*
اليشوف حسين مكطوع النحر
حتما يعيش يتكلب بالقهر
أبد ماينسى المصاب اعله الدهر
تشوفه حي بس هو لاقي مقتله
*----------------*--------------*---------------*
شلون عاش بياوضع هالمظلمه
وصورة المنظر جسد ينزف دمه
اقمار بس اقمار كلها امثلمه
وشاف ذاك اليوم اعظم مقتله
*-----------------*-------------*---------------*
رحلة السجاد رحله من العذاب
شاف في طف كربلا كل العذاب
شال سيفه وراد ينزل للضراب
صاح الحسين على اخيته اتعطله
*--------------*--------------*-----------------*
مايقاتل جان ويعطله المرض
و الحسين لنزلته رد واعترض
هذا نسل ال النبي منه الفرض
هالنسل منه الأرض لا متخله
*---------------*---------------*--------------*
عاش اوجاع الشهادة ويه السبي
وشاف ماضل يمه بس نسوه وعبي
اه يابنت فاطمه بنت النبي
شالت الهم بعد ذيج النازله
*---------------*--------------*---------------*
محمد دعبل النوري
/channel/aabas78
قصائد لكل ايام محرم اشترك بالقناة
ألعنده حاجه ورايد أينـــول الجنان
يكصد البنت الحسن صك الضمان
............................................
ألعنده حاجه وحاجته مستعصية
ولا ينفعه طب عرب لا أدويـــة
خله يكصدها الشريفة الزاهيـــة
حاجتـــه تكضيها والله المستعان
.........................................................
بابهـــــا باب الحوائــــــــج والقيم
أمن الحسن موروث عدها هالكرم
مـــــــــــا ترد كلمن تعناها وعزم
ألشمع والحنه ألــــــك شاهد عيان
....................................................
هـاي بنت الحسن سبط المصطفى
شجم عليـــل الكصد مرقدها وشفه
قبلة صـــــــــارت للكرم والعاطفه
ألحله بيها أتشرفت طـــول الزمان
......................................................
هواي وادم شككت بيهـــــا وتصيح
بدعه هذا الكبــــر وأبدن موصحيح
شمــــا حجوا الله يوسعلها الضريح
المـــــــا ينوش العنب يترسها دنان
..............................................
أعتني يم بابها وصب الدمـــــــــــع
وألطم أعليها لحد كسر الضلـــــــع
تره شافت راس أخوهــــــا ينكطع
أووي زينب جانت بنفس المكــــان
.........................................................
ويه زينب جانت بدرب السبـــــي
وبالحبل مجتوفه بيد الأجنبــــــــي
ماتت امن التعب بنت الطالبــــــي
والعليل بجفه واراها البيــــــــــان
...............................................
خادم خدمة الحسين
الشاعر
محمد الموالي
/channel/aabas78
قصائد لكل ايام محرم اشترك بالقناة
لسان السيده زينب ع
قصيدة للامام السجاد ع
رغم لوعـــــاتي وألم حســراتي
حظرت امصابك أهل دمعــــاتي
--****
ابمصيبة ليلك - اجيت ابچيلك - دمع من عيني - ثواب اهديلك
لطمة اخدودي - ألك وزنودي - يصبر گلبي - أطلبت معبودي
اشكثر مفجوعه - ومصابك لوعه - عليك الناظر - تصب ادموعه
اكثرن ونــاتي واجر باهاتي
حظر امصابك أهل دمعاتي
--****
دليلي اتفطر - عليك اتكدر - مصابك ياذي - الجرح بيه يكبر
ثگيله احزاني - الحزن خاواني - عمر گظيته - فلا عافاني
تهدم حيلي - يشمعت ليلي - بألم وبحرگه - صت ياويلي
بعذاب اجروحي ومواجـع نوحي
حظرت امصـابك أهل دمعــــاتي
--****
حظر بحزانه - ابوك اويانه - يقبل اشفافك - غدت ذبلانه
ذبل كل ريعك - وجه التوديعك - الدفنته ابگبره - حظر تشييعك
غسل جثمانك - أوضعها اجفانك - حفرلك لحدك - ويهل تربانك
خلص كل عمرك ورحلت الگبرك
حظرت امصـابك أهل دمعـــاتي
--****
اخلصت انفاسك - وعفت كل ناسك - اجه اعله اخدودك - محمد باسك
ابحظور الزهره - الملائك تقره - الحسن وياهم - ألك دگ صدره
وانا ابكل مجلس - اطب واجلس - اعله صوت الناعي - اون ابلا حس
انصبلك مئتــــم الحسن بي يلطم
حظرت امصابك أهل دمعــــــــاتي
*--*
اوحجابي اوستري - وعباتي وخدري -ألك ياعمه - تحدب ظهري
متدري ابزينب - گلبهه اتعذب - گضيت اسنيني - اون وانحب
الفرح ماشفته - الحزن عاشرته - الاسود لوني - فلا بدلته
ابمشيب اجفوني اوزراگ امتوني
حظرت امصـابك أهل دمعــــاتي
--****
الخادم
كامل السعيدي
/channel/aabas78
قصائد لكل ايام محرم اشترك بالقناة
(( #السيدة_الكريمه )) شريفه
…………………………………………………………
مثل ابوها المضياف صارت كريمه
…………………………………………………………
عُجبه ال الحسن عُجبه افتخر بيهم هاشم
ماتوا و لاچن كرمهم عدِل بين الوادم
شجره عملاقه او وراها صُبح ضايع حاتم
نهر ابو محمد تفرّع للشريفه و جاسم
آل ابو محمد غير .. عزبوا حتى الطير
ابنيه عدهم بالجود كلش عظيمه
……………………………………………………………
لو دخلت الحله تلگه بيها الف أكتابه
من هنا مرقد شريفه المايسد ابوابه
مرقد الحاجات وكفت سره يم اعتابه
موش گبه البيها هايه امن الله الها اعصابه
هذا الج هالتكريم .. راسج ابعلو الغيم
صارت ام الهل ناس بيهم رحيمه
……………………………………………………………
الله ميجامله واحد ينطي لليستاهل
ابدال ذيج الخيمه هسه ذهب صاعد نازل
صارن اجبال المناير بدل متن المايل
گبل هيمه و صحن هسه اشكثر وادم شايل
بدل عن شوچ انداس .. هسه مرمر ينباس
اتسلّم اعليها الناس عگب الشتيمه
……………………………………………………………
لان ماتت من مرضها اعل الهزل مقهوره
الله جازاها و جعلها الكل مرض دكتوره
عِلگ وصفتها ويخلي كل نفس مسروره
القطع عالحيطان كتبت بت حسن مشكوره
كل مريض الزاراچ .. يشفه يم الشبّاچ
ويه طيح الدمعات ما يبقه ضيمه
……………………………………………………………
اثلاثه علويات ماتن من دمه نبچيهن
ازغار واسياط العساكر طبعت اعل اعبيهن
والاحبال اشطوط سوّت تحفر إبإيديهن
شمس طول اليوم تحرگ ماكو ضل اعليهن
بت حسن يا ويلاه .. الـ خوله الف آه و آه
ارقيه قصة آهات كلش أليمه
……………………………………………………………
نكول للينكر گبرها روح يمها و شاهد
راح تشعر وسط جنه عل الآرائك گاعد
امن المناره السمه السبعه نور ابيض صاعد
هناك تلگه آلاف يمها مو اثنين او واحد
وازدحام الزوار .. على ابنيت الكرار
و الوصل للشباچ اكبر غنيمه
……………………………………………………………
✍️ ( سيد خضر الزاملي )
/channel/aabas78
قصائد لكل ايام محرم اشترك بالقناة
نزله للأمام علي السجاد عليه السلام
هـذا زين العابـديـن. لا تلومونه
مات من جرح السبي. يالتسئلونه
.......
ابتدت قصّة عذابه من مصيبة كربله
شاف بعيونه يشيعه. مقتل حسين وهله
وراح مسبي ويالسبايا وبرگبته السلسله
راحه ما شاف بحياته. والمحن متواصله
ساعة ما نشفت ابد. دمعة عيونه
مات من جرح السبي. يالتسئلونه
.......
شاف عمّاته وخواته عالهزل طلعن سبي
مات من هاي المصيبه. وحتيه شبل النبي
وشاف يتباوع عليهن چم عدو وچم ناصبي
حگّه دم تهمل دموعه. يحدي بيهن اجنبي
بالمرض حيله انهدم. ما يرحمونه
مات من جرح السبي. يالتسئلونه
.......
عن علي السجاد شحچي يعجز السان الوصف
عذّبوه بجروح صعبه لا تلين ولا تخف
صابر بجدّه مُحــمّــد بالمواقف يتّصف
رغم كل هاي المصايب. كلّه حنّـيّـه وعطف
بالبواچي والدمع. ذبلن جفونه
مات من جرح السبي. يالتسئلونه
.......
مو شخص عادي يشيعه. حجة الله وآيته
وارث الهادي مُحـمّـــد من بنينه وعترته
علي السجاد بحياته. الأمّه لا ما رحمته
چان يهديها بعلومه. تالي بالسم غدرته
قرّرو سَم الوليد. بي يقتلونه
مات من جرح السبي. يالتسئلونه
.......
الليله من غدر آل امية. مات مسموم الچبد
بأمر من حاكم امية. نفّذوا اهل الحقد
شيّعه الباقر وشاله ونزّله بذاك اللحِد
لاشك بجرح السبايا. گلبه اكثر منمرِد
يشفع بيوم الحساب. لليواسونه
مات من جرح السبي. يالتسئلونه
.......
واجب بهاي المجالس. نذكر مصابه بدمع
حب علي السجاد آيه. بالضماير تنطبع
چبده ومصابه وعذابه اصله من كسر الضلع
ليش من شجرة نبينه. غصنه بالسم ينگطع
والحوائج تنگضي. من تذكرونه
مات من جرح السبي. يالتسئلونه
الشاعر سيد زيد الفحام
___
/channel/aabas78
قصائد لكل ايام محرم اشترك بالقناة
محرم 1447ه-2025م
قصيده للامام السجاد عليه السلام
رحلة عذابي الطويله معانات
عالراحن اعله الهزيله سبيات
ما أصعب الايام من كربله للشام
معانات
؛★★★★★★★★★★★★★★★
انا السجاد وجروح الگلب كثره
حيلي انهدم عالداست عليه عشره
المصيبه الخلت بكل العمر جمره
بنات النبي راحن عالهزل اسره
وسفه بنات الرساله گيدوهن
اهل الطمع والنذاله سلبوهن
بس بالاسم اسلام من كربله للشام
معانات
؛★★★★★★★★★★★★★★★
اصعب كل مصيبه المرت اعليه
اميرة هاشم يگودوها مسبيه
اشوف اگبال عيني تصرخ ارقيه
تناديني يخويه لحّگ اعليه
يذبحني صوت اليتامه وبچيهم
يشكولي من هالظلامه بسبيهم
ذبحوني الظلّام من كربله للشام
معانات
؛★★★★★★★★★★★★★★★
أنا اتعذب ولا هميت لحوالي
شنفع عمري ورحل عن العمر غالي
اشاهد راس ابوي اعلى الرمح عالي
واحس چنه يگلي باري لعيالي
چن صوت نحره بونينه ودمعته
عينك على اختي الحنينه سمعته
مرسالة السلام من كربله للشام
معانات
؛★★★★★★★★★★★★★★★
بعد هذا الگلب ما تطفه نيرانه
وتظل كل العمر تتلاهب أحزانه
ابد هذا الدهر ما انصف ويانه
بذبح اهلي وسبي النسوان جازانه
اهلي بقو عالوطيه بذبحهم
وعالهزل راحت سبيه اختهم
يا حيرة المنظام من كربله للشام
معانات
؛★★★★★★★★★★★★★★★
بيش يداوي جرحه المنجرح گلبه
يحس چنه وحيد وعايش بغربه
مصيبة عمتي زينب يا عرب صعبه
بعد عباس سارو بالضعن غربه
الچانت مچلب بديها بو فاضل
صارت تدور عليها السلاسل
حقيقه مو احلام من كربله للشام
معانات
؛★★★★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
استشهاد الامام السجاد ع
ياهو بيهن نازف اكثر
جرحي لو جرحك يالاكبر
طعنت خناجر كربله
لو من جروح السنسله
++++++++++
خلصت وجيتك يالاكبر حالت المهضوم حالي
من إخوتي اليبچي فوگي ويحني ظهره ما بقالي
تقره بعيوني سوالف عن سهر ذيچ الاليالي
صح متت راسي اعله جسمي امن الخناجر جسمي خالي
يختلف قتلي بقضيه
اني مذبوح امن اديه
امن الخيمه ابدي المسأله
لو من جروح السنسله
++++++++++
تذكر الخيمه يلاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني
هيه تسحبني بأديها
والسياط اتدگ عليها
من سوطه عمتي مايله
لو من جروح السنسله
++++++++
ما اقارن انته تحكم ياهو بينه الجرحه اكبر
انته روحك مره طلعت وجسمك بساعه توذر
لو الف سيف اعله نحري او لا حبل بچفوفي وانجر
آه يا صوت اليصيحه ابوجهي من اجدامي تعثر
زلمه مو سهله وتشوفه
اخته واحبال بچفوفه
تبچي اعله حاله العايله
لو من جروح السنسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمّه خواته
آه ماصاحن عليه حال اخوهـن عاذراته
امضيّگين ابگيده عنقي اتجرحه ابسط التفاته
مادرت عيني عليهن
ساكت واسمع بچيهن
يكتل سبي لمدلـله
لو من جروح السنسله
++++++++++
الشام آه الشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وبالحجر صابو يتيمه
واسمع ايصيحوني هذا عايش السلبوا حريمه
يا الم چلمه الحچوها
بيها روحي گطعوها
الكم دموعي الهامله
لو من جروح السنسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل بنعشي ردتها
هسه اجيت واني يمك
ضمني ياخويه واضمك
كل همي چلمة يا هله
لو من جروح السنسله
الشاعر ثائر الربيعي
/channel/aabas78
قصائد لكل ايام محرم اشترك بالقناة
موشح للامام زين العابدين السجاد عليه السلام
زيـــــــن الاعــــــباد الـجروح الشالها
بگـــلبه من كـــربله ومــــن افعـــالها
گــضه عـــمــره بالــحـزن والـــنايبات
عــيونه للدمــعـات دوم امــشــرعـات
يبچي للرفعـــوه راسه اعله الــقـــناة
وروحه من الــطف ثگـــيله احـــمالها
منين ماينــــــــدار عــماتــه يـــشوف
ايركضن بحر الهــجــير البالطـــفـوف
وابو سكينه جسمه حاضنته السيوف
وبقه عـــاري بكــربلــه اعله ارمـــالها
الشاف اهله امذبحين اعله الـــرماح
حگه من يخلي ايده اعــله الصــفاح
وحگه من يبچي دمه ومايــســتراح
الفاكد عــــــــيونه الدمع يـــــحلالها
اشما الزاد ايقـدمـــوه يگعــد ينوح
الزاد يتـــــــبلل بدمـعات الجــروح
كربله شخلّـــت اله شلّـــت الــروح
كربـــــــــله ذبحـــــت الروح آمالها
الشاف خيمات اهله نيران ولهـيب
وشاف كل غالي عله الغبره سلـيب
اشيبقى بي غير المآسي والنحـيب
روحه سالفت الســبي چتــــــــالها
رزقهم سلام اللهعليهم
احمد رزاق الاعرجي
/channel/aabas78
قصائد لكل ايام محرم اشترك بالقناة
قصيده نزله للامام السجاد (ع) (طور احمد الباوي الخيل جرت الخيل) ابو ادم الحلي
أشلون أنه أنسى الأطفوف وأنسى المصاب البيها
أنه أبو الباقر يشيعه وأروي الكُم قصتي
بالطفوف أشلون صارت ألكم أروي حالتي
وجمْ مُصيبه الي شفتها وبيها زادت محنتي
و عالجرالي والي شفته لا مَتِنْشَفْ دمعتي
دمعاتي ما تنشف يوم للحشر أبقه أجريها
أشلون ينشف دَمِعَ عَيْنِي أَشْلُونَ أَصَبرَه الكَلب
بكربله شفت الماسي وشفت جم مَوقِف صَعب
وشفت الأكبر حين صال أوذرته أسيوف الحرب
أَوْجَن رَسول الله ألي طاح أَمخَضَب أُوفَوَك التَّرْب
هذا الرسول المختار چن جثته أموذريها
هذا حالي أبكر بلاء أو شفت بيها أَشكَد صُوَرَ
شفت أبويه أحسين محني جانه من صوب النهر
ايصيح يا عباس خويه ظهري هاليوم أنكسر
أينادي يازينب يخيتي راح من عدنه الگمر
راح أبو الغيره العباس وجفوفه المكطعيها
أشلون أنسي هالمصايب وانسه آنه كربله
وشفت أبويه أحسين يمشي والرضيعه حامله
جابه للكوم أو ينادي شِرْبَة أَمِيهِ إِلَهِ
وبالسهم فطموه تالي آينبلة حرمله
خلت ابگلبي نيران هالنبله ماناسيها
وشفت أبويه أحسين وحده يحارب الذيج الألوف
اوشتَتْ العُسْكَر أبسيفه وطشر الذيج الصفوف
التَمَتْ أَعلِيَّه الاعادي أو محد أبحاله يَروفُ
وريته حاضر أبو الزهره جدنا وبعينه يشوف
جثته وذروها أشلون أو سحكت الخيل أعليها
والأشد وأصعب عليه يوم هجمت عالخيم
ناس لا رَحَمَه لَغِيرَه لا شَرف عدها وَرَحم
وشبوا النيران بيها وداست الخيل الحرم
وأنه بالخيمه الوج أمن المصيبه والألم
كربله خَلَتْ نيران بكليبي شيطفيها
خادم الحسين (ع) أبو آدم الحلي
/channel/aabas78
قصائد لكل ايام محرم اشترك بالقناة
استشهد الامام السجاد ع
گبـل اسنيـن مـيـت مــــن الالام
السم ايهون بس مو هين الشام
متت..مـن طبـن خـواتي
متت..الف ياهي ابعباتي
===================================
السم ابحالي اهون بيـه اثـر رحمـه
اصفر وجهي بس مابيه طبع لطمـه
بينه وبين نفسه اليبچي مـو زحمـه
بــس ابـگربـلـه هاضمني چـم زلمـه
هضمني الي سلب سچادة ام عون
اويصيح انتـم خـوارج مـا تصلـون
بقت..بس سبحة صـلاتي
متت..الف ياهي ابعباتي
==================================
اول حارس اعله الـگـومـه مـا يگدر
يكسر اضلوعي احسه البالمهد كسر
اشـلون ارگـض وآنه ابمشيتي اتعثر
الـمـوت اهون عليــه وداعــة الاكبر
وينك يا علي ايصيحن النسـوان
فـوگ اخيامـنـه ذبــوا الـنيــران
ردت..احميهـن امنـيـاتـي
متت..الف ياهي ابعباتي
===================================
متت من صاحوا ام الخدر طلعوهه
واذا مـا طلعـت الـخيمـه احـرگوهه
وبـالـيجرح گلبهـه حيـل الـچمـوهه
ابــراس احسيـن الـمطبــر تلگــوهه
اسمهه انباك منهه وصاحت احلوگ
يالمسبيـه صيحوا مـن نطـب سوگ
نحت..عله عمتي وبناتي
متت..الف ياهي ابعباتي
===================================
ابـريتي اسهـام اشمن مـا تطب نسمـه
اسد جفني اعله لچمه وأفتحه ابلچمه
وحــده اتصيح خـــويه وحده يا عمه
گلبي راد يوگف مـــــــــــــــن كثر همه
اركض عله ارقيـه وزينـب اتصيح
اروح الهـاي اشوف الثانيـه اطيح
حرت..الهضم اعلن وفاتي
متت.الـف يـاهي ابعباتي
===================================
اعله باب الشام ثلث ايام وَگفونـي
كل سـاعـه اشوف المـوت خلونـي
بـلايـه افياي مـن الـشمس اذونـي
تگشر چلـد وجهـي وغيرت لـونـي
كلشي انسلب حته الون منـه
مـن طبينه مـو اسـود لبسنـه
خذت..امن الفشله حياتي
متـت..الف ياهي ابعباتي
===================================
الخرابـه الغيرت لـونـي ومتت مرتين
مـن جابوا طشتهم بيـه راس احسين
ورقيه اتصيح بويه گلي حضنك وين
خـاف اتمـوت زينب مـن نموت اثنين
عايش بس بقيت ابحسرت الموت
ابطـول ارقيــه ادور مـاكوا تـابوت
صحت..تعجل يـا مماتي
متت..الف ياهي ابعباتي
==========================
✍حيدر الشغانبي
/channel/aabas78
قصائد لكل ايام محرم اشترك بالقناة
ميمر للامام السجاد ع
____
حزنك كلف بالدلال
نوح اقتبس من نوحك
****
شفت المصايب والحزن بدموعك
اهات ونك تحني حتى اظلوعك
لچمات دهرك سولفت موضوعك
حمزه الثمالي يلگاك
ليل الحزن بجروحك
**
حزنك اخذ طول العمر بالعبره
وياك چن اسمع نواعي الزهره
خلصته ليلك بالنوايب حسره
ماتنسه يوم المذبوح
نهرك دمع بسفوحك
***
مرت عليك اشكد محن تتگوه
چنك غريب وبالجمر تتچوه
ظهرك اشوفه من الهضم يتلوه
بالطف عشتهه المأساة
دهرك يعذب روحك
**
امضت سنينك بالحزن والمدمع
بعيونك اتشاهد جثث بالمصرع
شفت المأسي حدبت بالمضجع
اعرف ونينك مفجوع
سهم المنيه ايلوحك
***
لان الحديد اعله النبي بشجانك
وانت الصبر جاز وعبر بأحزانك
صرت ابونينك بالبچي عنوانك
خامس الخمسه اليبچون
نقره الكتاب اطروحك
***
دهر المصيبه خيم اعله المحتوم
ترسم محط النايبه اعله المظلوم
ويلاه صحنه امصيبتك يامسموم
تاليته طفك ميشوم
هدم كيان اصروحك
***
موتك نشوفه ابكربله ضي عينك
ونك اشد من السبي عله حسينك
حان السفر هالليله شفنه اجبينك
حضرته دمعك يحسين
جرح الختام ابنوحك
***
تمت بعون الله تعالى الشاعر____يوسف_الفتلاوي
/channel/aabas78
قصائد لكل ايام محرم اشترك بالقناة
فوك الهزل جتفوني. يابويه مارحموني
انه العليل بلا رحم بدرب السبي عذبوني
==========
انه العليل بكربله شاف الرزيه
انه الكضوا أهله ذبح بالغاضريه
الزاد الألم فوك المرض والعِلّه بيه
اخت الكمر من صاحو اخذوها سببه
فوك المرض اذوني بالسوط من ضربوني
بالروح خلو جم سهم بدرب السبي عذبوني
==========
جتفو اديه بالحبل زادت حسرتي
والسلسلة من الثكل حزت رگبتي
دم الجفن ينزل دمه سالت دمعتي
ارجف يبويه عل الهزل وبروحي عِلتي
دم الدمع بعيوني. أصعب جرح راووني
حيلي عله النوك انهدم بدرب السبي عذبوني
==========
عماتي من مرن عله القتله يصيحن
عالجثث من فوك الهزل رادن يطيحن
بسجن يعماتي عله النوك استريحن
انكسر گلبي لعمتي والحادي ماحن
يابويه من اخذوني بگلبي تره لجموني
سار الضعن وبلاعَلم بدرب السبي عذبوني
==========
انظر عليها عالهزل تنظر عليه
مجتوفه وتون مانشف مدمع رقيه
جنها تكلي من الحبل فكهن اديه
جم مره يابويه بألم شفت المنيه
بدلالي من صابوني والسوط صاب امتوني
بمتوني وبگلبي الالم. بدرب السبي عذبوني
==========
ليل السبي لمن يمر ويهيج الآلام
تبجي اليتامه من الألم ماتكدر تنام
بتنه بخرابه ياوسف ماعدنا اخيام
والصعبه جانت عالحرم طبينه للشام
بذاك القصر دخلوني وسط القصر جروني
وانده يحماي الخيم بدرب السبي عذبوني
==========
رحلة عذابي ولوعتي وغصت حياتي
جرحي فلا يشفه ابد لساعة مماتي
انزف الم من الهضم كد نايباتي
بالسم ختم عمري الألم ساعة وفاتي
بسم الحقد سموني انزف الم تركوني
من الألم جبدي انجسم بدرب السبي عذبوني
==========
الشاعر علي النائلي
/channel/aabas78
قصائد لكل ايام محرم اشترك بالقناة
مصــابــك يــابــو البــاقــر بينــه
مصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
صوبنه امصابك صوبنه
مثل الشــمعات وذوبــنه
يهمل مايوگــف مدمعنـه
وجمرات فراگك تچوينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
جمراتــك تسـعر جمراتك
بـينــه ونتـــذكر لوعــاتك
برض الشـام انته وعماتك
سبيك وي عمــتك يسـبينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
بمــصابك والله اتأثـــرنه
بيوم الطف يومـك ذكرنه
والأســر شخصك اسرنه
وياريت ويـاك مگـــيدينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
يوم بيـنه اتـشب نيرانه
مثـل امخــيمكم شبــانه
من ظلت زينب حيرانه
والكافل گـــطعو چـفينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
بيــنه نـــيرانك مستعــره
من الطف شبت هالجمره
وجـروح القــيد الماتــبره
بكل لحظه اتمـر اتأذيــنه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
وي دمعك تـهمل دمعتنه
وانـسمع العالم صرختنه
مصيبتكم يعني مصيبتنه
عهـد وبالـــدم اموقــعينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
المثلك الله ايسـاعد گــلبه
اعليك ايام المرت صعبه
ماتنسه الشام انته ودربه
وجسمك بالسوط امدمينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
دمعك فوگ اخـدودك صـله
بكل ساعه وكل لحظه اتهله
بيك اشكـم لوعـه وكم عــله
گــلبك وحــده الباري ايعينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
يالسجاد الســمك ســمنه
وبمصابك يتكاثــر همنه
ردناك اتظل اكـــثر يمنه
اشگـد محتاجينك تدرينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
اليوم الشيعه اتنوح الفـگدك
ماتتـحـــمل جــمرة بُعـــدك
ايتام وصــارت من بعـــدك
ايتــامك منــــهو ايـــسلـــينه
امصــابــك يــابــو البــاقــر بينــه
ــــــــــــــــــــــــــــــــــــــــــــــــــ ــــــــــــــــــــــــــــ
خادم الحسين حيدر تركي الكربلائي
/channel/aabas78
قصائد لكل ايام محرم اشترك بالقناة
بالدمعات....بويه الماي اشربه
والحسرات.... فاگد بس احبه
والعمر خلص مناحه
چم نحر ارسم جراحه.......بالدمعات
***
بيه نار اجروح خيمه
حيره أسكت يا يتيمه
............................تلهب النار
هاي طفله هنانه تبچي
بيها حسره اشلون تحچي
............................لفتت انظار
والوضع يا ناس حيره
اني امام وكلي غيره
.......................ابروحي محتار
شفت موقف عمه زينب
بالعبايه النار تلهب
..........................حرگو الدار
مات احسين عمه الخيل اجتنه
فرن ابساع گاع الطف چوتنه
امنين ألكالي استراحه
چم نحر ارسم جراحه
***
گلبي مات شلون ينبض
عمتي طلعت حيل تركض
.........................شافت الخيل
عالهضم مابيدي حيله
قصة احزاني طويله
..........................اتهدم الحيل
حسره مچتوفات اديه
خنگه شفت الغاظريه..
.............................بهدوة الليل
الجامعه كلش ثگيله
اتسندت صوب العقيله
.........................رگبتي اتسيل
جرح الايد ما تحمل سلاسل
مات الحيل امشي ويه المحامل
قصتي احچي ابصراحه
چم نحر ارسم جراحه
***
حسره يا دنيا حسافه
والفگد غالي كلافه
.........................انزف اجروح
صعبه گدامي سبوهن
عگب ابو الغيره ولوهن
..........................لاجت الروح
راس ابويه اگبالي شفته
والجسد عالغبره عفته
...........................نحره مذبوح
والورد يبچي عله فگده
ايريد مايك بس تبده
.........................دمعي مسفوح
ليش اتموت چبدك ماتروه
عاري مطروح يالظهرك تچوه
ما ألي بالدنيا راحه
چم نحر ارسم جراحه
***
هنانه اگعد كلشي اذكر
ذكريات احسين اشعر
............................گلبي لوعات
كلشي بيه يصيح وينك
منهو غمض بويه عينك
............................وحده لو مات
اصبر انه وگلبي حاير
تنذبح حسره المشاعر
...............................الفاطميات
شاهدت بالطف مواقف
ينچفي ادلال المضايف
.......................... عمري مأساة
هاي الخيل تسحگ بويه صدرك
صعبه يحسين انه ابعيني انظرك
والحزن تارك مساحه
چم نحر ارسم جراحه
***
والرمح حسره بفؤادي
آه من الطف انادي
..........................دمعي وبچاي
والدهر يابويه ظالم
شفته راسك عالعوالم
............................رايح وجاي
والشمس صبغت رسومك
وين ما تمشي خصومك
...........................ظلمة اعداي
چنهه هاي اشفافه زرگه
من العطش ذبلانه ورگه
............................شدة الماي
عايش ليل ظلمه ابكل مغيبه
فگد احسين يا دنيا مصيبه
گلبي مكسور بجناحه
چم نحر ارسم جراحه
***
اتلومني حمزه الثمالي
نار بيه وشوف حالي....
..............................شيب الراس
هاك انت وشوف وضعي
مستمر ظل يجري دمعي.
..............................صعبه ياناس
تطفه يمتى النار بيه
شلون انسه الغاظريه
..........................دمع الاحساس
حسره ظلت عالشريعه
چفوف عالشاطي گطيعه
..............................عمي عباس
جاني الموت متأخر عليه
كون اهناك بالطف المنيه
ينشلع گلبي ابرماحه
چم نحر ارسم جراحه
***
الشاعر يوسف الفتلاوي
/channel/aabas78
قصائد لكل ايام محرم اشترك بالقناة
جرّعك سم الحـــــــزن درب السبي
وجــــــــرّح ابگلبك يبن سبط النبي
***
اشگد بچـــــيت ابين عاشور وصفر
او يـــــــوم منهن عندك أيـعادل دهر
يعني گلـــــــبك يالعــليل اشگـد صبر
موغــــــــــريبه صبرك وطـبعك أبي
***
عـــــــاشر ابعاشور بضلوعك رمح
وبالسبي كل خــــطوه چانتلك جرح
وچـــــــــلمت الشمات اشـبه بالملح
ال امـــــيه وبـــــــين اديهــه طالبي
***
عينك اتشـــــوف العــقيله بيـاوضع
وكـــــــــل يتيم اتصدله گلبك ينفجع
لـــــو وگع من ناگته ايرضلك ضلع
وعلــــــــه خدك دمعتك تحبي حبي
***
تشكي من علّه وهـــــــزيله ناگــــتك
هواي صعبه اعله الأرض لوطيحِتك
شالت احزان الــــــدهر من شـــالتك
وبيك يحـــــدي بالـــبـراري الأجـنبي
***
مــــاطحت مـــــــن ناگتك لاماطحـِت
وبـــــيتامه ازغـــــــار يامه حسـبِت
لارقـــــيه اتطيـــــح من هايه خــفِت
بسوطه خـاف ايردهه چف الناصبي
***
ابكــــــــربله حــيلك الف مره انهدم
وچتــــــفك درب السبي بحــبل الألم
وگلـــبك المجــــــروح بالشـام الچم
اشگد صحــت إلهه يروحي اتأهبي
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي
/channel/aabas78
قصائد لكل ايام محرم اشترك بالقناة
سجاد وعليل ودمعته بعينه
ظل بغربته وماواحد ايعينه
من گيده الدمه يجري /// الكون بحالته يدري
=======================
ســجاد وعلــيـل وبــالــحرم حــاير
يشوف بصدر ابوه ظل منطبع حافر
عــفه گـلبه گـــلب وتـحمل العاشر
وضعنه اگــباله بـاچر للـسبي يسافر
باچر ينسبي وتتگد اچفوفه
والشمات فوگ الهزل اشوفه
يگول شجاني وي دهري /// الكون بحالته يدري
======================
ظل يربي خواته وحالته ياحال
وچفوف اليتامه جرحتهه احبال
تحملت بزمانك يلعليل اشكال
كل عمرك گظيته مدمعك همال
يجري وماكطع ظل مدمعه جروان
واحزانه مثلهه ماتمر أحزان
شاب من الحزن صدري /// الكون بحالته يدري
=======================
محتار بخواته وعمته بحيره
ومن ديره النوايب ودته لديره
چبيره اعله السبايا حسرته چبيره
كسره بروحه يصعب كسره تجببره
گلبه وخاطره كل ساعه مكسورات
وبطول الدرب يسمع حچي وشتمات
گيدي ابيدي ونحري /// الكون بحالته يدري
======================
ليليه المصايب تلچم ابروحه
وماتنعد چثيره صارت اجروحه
مابطل ونينه ولا گطع نوحه
من جور النوايب روحه مذبوحه
مابطل ونينه اعله الجره ولصار
يذكر زينب وخيمتهه والنار
وشينفع بعد صبري /// الكون بحالته يدري
======================
مــا مــره بشرابه وزاده متهني
اعله ابوي شلون ابطله ياخلگ وني
وانه جروحي كل ساعه يلچمني
ما احچي المصايب هنه يحچني
ماتنعد چثيره جروحه ماتنعد
ولامجمر دليله اعله الجرن يبرد
عالي وما نزل قدري /// الكون بحالته يدري
=====================
الشاعر احسان الحميداوي
/channel/aabas78
قصائد لكل ايام محرم اشترك بالقناة
فوگ رمحه ودار أليه اعيونه
وروحه بطراف الضعن مرهونه
.....................................
راح ويانه ويباري للضعن
يدري علويات غربه ويستحن
ايدير بعيونه عليهن لو بچن
و چنه يتفكد الراس اضعونه
......................................
الچان من ننخاه صار وينتخي
ايكول من عيناي النه ويصتخي
هذا ابو احزام الكلف مايرتخي
وچفه للينخاه تچوه وعونه
.......................................
طول دربه يباري لضعون الهزل
عينه تجدح غيض لمن ننسئل
النه چنه ايكول ما ميت عدل
عدل ميت كافل ايسمونه
........................................
ما امگصر يومن املاگه السمر
راس ويرافكنه بدروب اليسر
رغم جيش اعداه ويانه اشكثر
راهي واجيوش التضدهم دونه
.........................................
غير صح القول ابدآ ما يصح
اليسولف هاي يتعب بالشرح
لان عالي راسه اعله امن الرمح
فاتحة طفهه الخلك يقرونه
..........................................
الفاتحه الينساهه ما تم الصلا
ابلا گمر هاشم شوصف كربلا
الكتاب ايشوف مضمونه القرا
ابوسط عنوانه الشرح يلگونه
.......................................
خادم اهل البيت علي الزرگاني
/channel/aabas78
قصائد لكل ايام محرم اشترك بالقناة
السجاد الليله امودعينه
.............
يالحاسب نفسك واليته
وبالمدمع جفك حنيته
واسيته ابعينك واسيته
وياعاشك ماتنزف عينه
..........
خلص عمره اينوح امصابه
ومفارك بالغربه احبابه
سجابه عيونه سجابه
يبجي ادموم الذبح حسينه
............
يالواليت اللطم بالعشره
وعزيهه المظلومه الزهره
بجاه حسين وطفله ونحره
يحظرنه المهدي ايواسينه
........
اهتف وتنخه ابياحيدر
وصرخ يالصديق الاكبر
تحظرنه الليله انته التحظر
وتجيب ابجفك مهدينه
...........
تحظرنه الزهره وتبجيله
ودموم المدمع تجريله
توكف عالمنبرتنعيله
واحنه شماونت ونينه
..........
ياحيدراحظرهالساعه
والسجاد الليله وداعه
اشياعك صارواشياعه
وباجر بالونه ايشيعونه
........
يالمهدي عاينهه انصارك
وياكم بالهم نتشارك
نترجه يالمهدي اخبارك
عزينه امصابك عزينه
..........
ريت حسين اليحظريمنه
وبهذا المجلس يعلمنه
كل واحد مخلص يخدمنه
باجر بالجنه ايلاكينه
........
يترجه المجلس خدامه
يمكم مرفوعين الهامه
ببهامه يبصم ببهامه
صك وبالدم اموقعينه
.......
بالمحشر خدام حسينك
مابين حسين ولابينك
اتكل للخادم كرت عينك
ونوكف وياك اتحاجينه
..........
علي الحاج الصبيحاوي
/channel/aabas78
قصائد لكل ايام محرم اشترك بالقناة
لاستشهاد الامام علي بن الحسين السجاد عليه السلام شوط كربلائي
ماينساهن السجاد حتى ابنادم يذَكرَه
ايام الطفوف وياه نار وتلهب بصدره
★★★★★
لحظات الطفوف أثگال ينسه منها يالحضه
الفاگدله عشيره شلون يهَوَّد الجفن ويغمضه
چم حيد نذبح بالسيف وحافر بالصدر رضه
احزان الشافها السجاد
كل يوم اليمر تنعاد
يهل الدمع وكت الزاد
ويصد للماي يتذكر گلب عطشان للگطره
★★★★★
لفحات وسموم الطف شكثر مولاي خانگته
شينسه ياجسد مرضوض عشر خيول ساحگته
ينسه أعيال مرعوبين لوينسه هظم عمته
بحيره عمته ضلت
بلاوليان تتلفت
اعيال من الرعب فرت
اصعب موقف يشوفه هدم حيله و كسر ظهره
★★★★★
أبد ماترحل الذكره جرح چتال تبراله
حالت كل بدر مذبوح أويلي اسووت ابحاله
شحال الدنيا بعيونه الغريب وفارگ عياله
ولمن يفتح عيونه
مايلگه اليهمو نه
بحرگه يطبگ جفونه
واشد لوعات من فارگ عزيز الطاهره الزهره
★★★★★چ
أشد لوعات من فارگ اهله ابروح حيرانه
المدينه اظلمت كلها وحتى الشمس حزنانه
روحه من القهر ذابت غريبة حال خلصانه
بعد افراگ ابواليمه
النهار تساوه بالظلمه
يوم الغدرت الأمه
بسبط المصطفى المختار نبيهم خالفوا امره
★★★★★
بلوعة يوسف وبلواه وحزن يعگوب وآلامه
وصبر ايوب بالصعبات النوايب تِحدِي بأيامه
ياهو المثله بالوادم أبوه انذبح گدامه
وراح الاكبر وجاسم
بالحومه وگمر هاشم
بفعل كل غادر وظالم
راحوا كل هله الطيبيين يعني راحت العشره
الشاعر حسن لعيبي الحريشاوي
/channel/aabas78
قصائد لكل ايام محرم اشترك بالقناة
موشح لإستشهاد مولاي زين العابدين عليه السلام
مات من طف كربله وأحزانه
أبو الباقر والحزن عنوانه
==========
ضيم من طف كربله شاف الألم
شاف شامت من اجه يحرگ خيم
شاف عبد الله انذبح من السهم
روحه لحبابه تحن لهفانه
==========
جان شاهد عالمصايب والجره
شاف ابوه احسين حزوا منحره
الجرحته زينب غريبه ميسره
والنذل أعلن عليه طغيانه
==========
حيل ماعنده وصعد فوگ الهزل
ويده ياوسفه يعت بيها الحبل
يطيح من الناگه لو جره النذل
مابقه واحد عدل بخوانه
==========
زين الاعباد وتمرمر ياخلگ
صدره بالحسره علئ الحره احترگ
جفه للناگه بحبل ويلي انشبگ
وسفه يتمرجل ابن مرجانه
==========
والهضم أكثر بعد طاري السبي
بغربه مسبيه يصد بت النبي
علي السجاد وينادي ياعلي
جدي احظر ياعلي ويانه
==========
لإبنك احظر ياعلي بهذا المحل
تحظر الينخاك أعرف يالفحل
هاي وادم جدي ماعدها خجل
عمتي ياجدي تره عطشانه
==========
تمت ولله الحمد/ المقصر مع الحسين
📝 علي النائلي
/channel/aabas78
قصائد لكل ايام محرم اشترك بالقناة
آه واويلاه ياسجادها
يلبنيت اعله الصبر امجادها
آه واويلاه يلطحت ابغدر
مامثل صبرك يمن صبرك صبر
ياهو مثلك حمل لو عات اليسر
والأرؤس امعلگه أبعوادها
آه واويلاه يلحالك غريب
شلون شفت الأبو والخد التريب
مانلومك لون كل راسك يشيب
امصابك الهز الأرض واوتادها
آه واويلاه على هل الدموع
من نضرة حسين مكسور الضلوع
وطبرت الأكبر اوجاسم والشموع
أنطفت حين انطفه وگادها
آه واويلاه يالمالك مثيل
يلي جسمك بلمرض غادي نحيل
منهو مثلك قاد ثوره يلعليل
ومنهو مثلك صنع ثوره وقادها
آه واويلاه شتكذرك بعد
والشمر ربع على الصدر اوكعد
شلون شفته ويحز راسه من صعد
والعيون تشاهد من أبعادها
آه واويلاه على حرك الخيام
شلون ساعه البيها هجت هاليتام
وساعة الظيج اليردلها العمام
والعمام امدده بحمادها
آه واويلاه ومصاب الطفل
شنهو ذنبه أبسهم ظالم ينچتل
هذا المصاب الأبد ماينحمل
شلون گلبك حمل زين اعبادها
الحمدلله
كلمات عادل خضير الكربلائي
٢٥محرم
/channel/aabas78
قصائد لكل ايام محرم اشترك بالقناة
