دلهمت وشتد غضب عباسها
الحومه مثل الرحه گام وحاسها
هز رسن جيدومه وهتزت عداه
بيده جف الموت ملموم ولواه
تحت جدم الطاويه الجيش وطواه
الحومه كامت ترتعش وبناسها
نزل عم سكينه والموت الحمر
اليوم لهل الشام ما يحصل مفر
فوك روس الجيش والقاده عبر
الزلم تخنس لو دخل خلاسها
چالعرمرم فات بالوادي ودخل
لا عطار يلحگه وحتى زحل
صياح اهل الشام للشام اوصل
والشريعه تقهقرت حراسها
نشمي ومعلم على سوح الحرب
علي چنه ومثل عوده من يطب
غالب اكبار الزلم ما ينغلب
حتارت وضلت تون ارجالها
اخو خيته معدل وما ينهزم
تموت من الخوف لو طبها الشهم
الزلم بالطف ابد ما ضلت زلم
لان كل الحومه شالع ساسها
انت واحد بالحرب مالك شريك
حيل الله وقوته كلهن بديك
ال هاشم كلها معتمده عليك
بيك والغيره تعرف مقياسها
دخيل جفك ابد لا ما يلوي
يا شجاعة حيدره وهيبه علي
بجالك الحره لا لا ما تنولي
لان يا عباس انت احساسها
الشاعر اسعد الناصري
/channel/aabas78
قصائد لكل ايام محرم اشترك بالقناة
استهلاليّه
المهدي ناصـب خيمته..عله التل الزيبني
كل محـــــرم من يُمر..ينتظر ظعن النبي
ينتـــــظر ركب الاباء
المهدي هسه بكربلاء
....................
(عجل الله فرجه) مشبوحه عينه
والملايك عن يسارة وعن يمــينه
محضر خيام الله ينـصبهه بأدينه
كل محرم ينتـــظر ذيج الظـعينه
واگف اعله التل يصد...بلكت يـــشاهد عَلم
ينتــظر عمّه الگــــمر...ينصب وياه الخــيم
كل صباح وكل مساء
المهدي هسه بكربلاء
......................
كل صـلاه لمن تِحِل لِبن الوديعـة
يستمع أذان جــــــــبريل اليذيعة
ينزل ويتــوضة من ماي الشريعة
يم مكان ايصلي بي (كفٌ قطيعة)
لصـــــــــلاه لمن يتم ... وركعتين النافلة
يدعي توصــله الأهل... بالـسلامه لكربلة
يا مجـــــــــيباً لدعاء
المهدي هسه بكربلاء
......................
بس دمـــــع مِنّه الثَـغر لا ما تـبَسَّم
ينتظر راية تجي ورافعهه چَف عَم
من يحن يقرة بدموع الغُربة والهَم
يقـــــــــرة وارث لكن بنُص المخيم
وبورد ارض الجــــنان...زارع الــطف تربته
المهدي لقماش الخيام...مـبخرة من ريحته
وبـعطر عرش السماء
المهـدي هسه بكربلاء
....................
عله التل گاعد على ذيچ الحصيرة
بسبحة الزهراء ياخذ بيهه خــِــيرة
ينتظر مـــــــــلگاهه أقمار العشيرة
شوكت يوصل هودج تركبه أميـرة
حته جبرائيل صاح...سيدي من رخصتك
ارد اطش جنحي ورد...عله هودج عمتك
وارد أگلهه بكل وفاء
المهدي هسه بكريلاء
.........................
گلبه من شوگة ايتفايض بالمـحنّه
غِرگ تل الزيــــــــــنبي بالدمع منّه
بچتفه جِربة عمّه بس تارسهه ونّه
حته عرس القاسم امحضرله حِـنّه
شايل لشبل الحسن...امَلبس ابطعم الدمع
أيد يحمل بيهه ياس...وبيد صِـينية شمع
ويـمه ذكريني النداء
المهدي هسه بكربلاء
..........................
ولو وصل ظعن القداسة الهاشمية
المهدي يتلگا بدمعــــــــة فاطمية
يصير حُضنه بكـُبُر گاع الغاضرية
ورة زينـــــب يمشي وبچفه رقية
ويه ابو فاضل يقــــيم...كل مراســيم الشرف
تحرس انفـاسه الخيم...الچان كل سنينه طف
والله يا مـحله اللقاء
المهدي هسه بكربلاء
الشاعر حاتم صبري الكاظمي
/channel/aabas78
قصائد لكل ايام محرم اشترك بالقناة
سرجو الخيل وحبيب القائد
واعتنو خيمتها جنهم واحد
****"*"
ناده ابن ظاهر يبنت الطاهرين
هاي فرسان الوغه بصوت اليقين
اعتنو خيمتج وصلو طالبين
يجددون العهد يا اخت الحسين
جنود يم بابج واجينه نعاهد
سرجو الخيل وحبيب القائد
*
من وره حجاب المخيم حاجته
عمي ياشيخ الاصحاب نادته
باجر يظل الحسين بغربته
وحيد لا ناصر وياه بجبهته
وانتفض جمع الاصحاب الشاهد
سرجو الخيل وحبيب القائد
*
هلهلت بسيوفه جفوف الزلم
واحد يشد عزم اخوه وبالعزم
يبت حيدر كون كلبج لا يهم
عقولنه بدين ويقين وبالعلم
عن يقيم وعلم احنه نجاهد
سرجو الخيل وحبيب القائد
*
رواحنه كبل الهواشم بالفداء
باجر نعلم الكوان عله الوفاء
نسطر اروع تضحيه بحر الدماء
قصص تبقه تنروي بارض وسماء
عله افعال الزلم تبقه الشاهد
سرجو الخيل وحبيب القائد
*
صباح عاشر نزلو افراد وعدد
دخلو الميدان والجيش ارتعد
الحمله منهم واحد تشوفه مدد
يرتجز بحروف تتهاوه الشدد
مالك الميدان عزم وصامد
سرجو الخيل وحبيب القائد
*
الشاعر حيدر عيسى البديري
/channel/aabas78
قصائد لكل ايام محرم اشترك بالقناة
ما صارت كَبل لا شافت العين
ميت ينسحكَ بالخيل يحسين
يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه
حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه
كلشي البيك ما ظل مثل ما جان
اهواي اتغيرت ارسومك يعطشان
يخوية .... الحجر فاتح هامك
يخوية .... اكبال عين ايتامك
..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه
راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه
جم شامت نظرت ابهايه عيناي
شابع ضحك ويه الرايح اويه الجاي
يخوية ... وانت تخفي الامك
يخوية ... اكبال عين ايتامك
...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه
بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه
قميصك جابته الخيل اعله الاخيام
وخفت لا تطلع وتنظرله الايتام
يخوية ... سلبو هندامك
يخوية ... اكبال عين ايتامك
4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي
مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي
برماح وسيوف اهوايه مطعون
وعشر اخيول سحكَت ليك الامتون
يخوية .... فرهدوهه ايامك
يخوية .... اكبال عين ايتامك
....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري
شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري
هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك
كلمات ✍️ موسى الخادم
/channel/aabas78
قصائد لكل ايام محرم اشترك بالقناة
زينب وهلال محرم
ذكرتني ياهلال بالمعزّه وبالدلال
صعبه فرگتهم اخوتي صعبه فرگتهم
يامحنّتهم اخوتي يامحنّتهم
ــــــــــــــــــــــــــــــــــــــ
ياشهر حزني آنه اشوفنك كل سنه ابصوره
مره فوگ التل وبالحبل مره آنه مجروره
چان فيّ الرايه فوگي چنه ديوان الحسن
احسين يمي وابوفاضل چان حارس عالظعن
هسه من اسياط اميه امتون زينب ورمن
چان عبدالله بضحكته يترس الدنيه ضوه
وچان يخجل من عباتي مايحركهه الهوه
هسه تعبانه واريدن واحد ايگلي الگوه
واليقدرون الحجاب نامو بوسط التراب
حلوه لـمّتهم اخوتي حلوه لـمّتهم
يامحنّتهم اخوتي يامحنّتهم
ــــــــــــــــــــــــــــــــــــــ
راحو اخواني كلهم من ايدي ابلچمة العاشر
كون افز والگه دمهم اليجري بالحلم صاير
وترجع ايامي القديمه وماكو خيل ولا ذبح
الليل امسحه من وجودي وارسم بعيني صبح
راسي شيّب يوم شالو راس الاحسين برمح
الحادي مراني اعله جسمه جنه خيمه ومحترگ
گتله احلفك هذا ياهو الـميت احچيلي الصدگ
گلي هذا احسين اخيچ بالحوافر ينسحگ
يامحرم مانسيت وبقضاء الله رضيت
بيضه نيتهم اخوتي بيضه نيتهم
يامحنّتهم اخوتي يامحنّتهم
ــــــــــــــــــــــــــــــــــــــ
ياهلال أنظر طولك المحني هم مثل طولي
اشما بچت عيني اهلي واحبابي مايرجعولي
ابهيئة الراكع اشوفك يعني صوره أمن الحزن
وانه گضيت الليالي لازمه اصفاحي واون
ومره قوس اتصير اشوفك تذبح اگماط وحضن
مره اشوفك خيمه توگع مره اشوفك گنطره
بيهه دم هامة كفيلي والچفوف امبتره
آنه اول وحده أدفن ذكرياتي بمگبره
زينب وطگني الزمان طگة ابنادم جبان
كلفه غيبتهم اخوتي كلفه غيبتهم
يامحنّتهم اخوتي يامحنّتهم
ــــــــــــــــــــــــــــــــــــــ
گبل ماتطلع آنه يهلالي ابدي الاقرايه
وكل بني هاشم تلبس الاسود وآنه ملايه
من شهر ذي الحجه تبدي ادموع عالراحو تهل
دنيه ماترضالي افرح فرقت مني الشمل
چان چف حيدر بچفي وهسو شدوني بحبل
آنه علويه واهلنه ساده بيهم ينحلف
الشام لا آني الاحبهه ولا الي اوياهه عرف
وطبت السوگ الچبيره هاي ابد ماتنوصف
وروس اخوتي عالرماح ذاكه مال وهذا طاح
مُره بلوتهم اخوتي مُره بلوتهم
يامحنّتهم اخوتي يامحنّتهم
ــــــــــــــــــــــــــــــــــــــ
بهالشهر كلمن رايد الخدمه آنه اشد حيله
واللي يتمنه يقصد الگبري ازياره اهديله
آنه اخت باب الحوائج يمي كلهن ينگظن
الخادم الينصبله موكب رايه أعلگه بالصحن
العين من تبجي اعتبرهه غيمه تمطر عالضعن
احسين يستاهل تعبكم يالتعبتو بخدمته
انتو ماشفتو الحوافر من اجت يم جثته
للخيم گامت تجره ووشلت دم رگبته
وانه عالتل واصيح ياهو منكم مو ذبيح
وين فزعتهم اخوتي وين فزعتهم
يامحنّتهم اخوتي يامحنّتهم
محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
قصيده اساسية بحق فاطمة العليلة (ع)
مهضومه ومنتظره احبابي من الغرفه العتبة بابي
امشي وادعي
وايصب دمعي
من الغرفه العتبة بابي
.................................
محتاره والدمعه ابعيني خلوني اهلي ابوحشه الدار
واتنطر بلكي أيــردولي لـــــومنــهــم اسمع أخبار
اسألمن عنهم والديره ماتعرف باحبابي اشصار
كَمت اتخيل موت احسيني تذبحه اعله الرمله الكفار
بهذا وضعي
وايصب دمعي
من الغرفه العتبة بابي
.................................
مالومه وتوجعني اعظامي وانسه العله اشما ونيت
نـسـتـني آلامي هِجــرتـهم خلــــوني وحدي بالبيت
كل ساعه اسأل عنهم روحي تجــــاوبني عنهم ياريت
اوصل يمهم واعرف منهم ولا وي حسراتي ضليت
واحني ابضلعي
وايصب دمعي
من الغرفه العتبة بابي
.................................
وحشه ادياري ابدون الجانو لــمــتــهم حلوه ابكل يوم
حين الراحو لــســـه اكَليبي يلجمني ابحزنه ومهضوم
يــامــا جنه انحب المجلس انـصـلـي ونتعبد وانصوم
هسه ابوحدي وماكو المنهم طارش وايوصِّلي اعلوم
وانشَد سمعي
وايصب دمعي
من الغرفه العتبة بابي
.................................
لاعباس الطارش منهم لا أكبر ويردلي اجواب
مشتاقه الشوفتهم كلهم شلون اصبر كلهم غياب
ماأدري ابحالتهم واشعر عطشانين ابلا أسباب
واتخيل عبدالله اليبجي كَلبه من الحر يمهم ذاب
واحزن طبعي
وايصب دمعي
من الغرفه العتبة بابي
.................................
ياما اتمنيت احظر يمهم ياخذني الهم جنح الريح
ياوسفه العيشه ابلياهم طعم الفرح بيهه اشحيح
منتظره ايدك بابي المخبر ايخبرني باجمل توضيح
ردولج يـــــافــاطم اهلج بعد الغيبه ابهالتصريح
والهُم اسعي
وايصب دمعي
من الغرفه العتبة بابي
الشاعر ياسر العارضي
/channel/aabas78
قصائد لكل ايام محرم اشترك بالقناة
قصائد محرم الحرام(الليله السابعه)
قصيده رئيسيه (للامام العباس )
.................................................................
حـي الله عباس الگمر رايح يجيبلنه النهر
غـره وعزم ماينهزم حـي الله عباس الگمر
.................................................................
زينب هي التندبه ياحلال كل صعبه
گوم انهض يعباس
شيل الجود والرايه وانطي لزينب حچايه
گوم انهض يعباس
الزم يالاخوا جودك ولاختك وفي وعودك
گوم انهض يعباس
طلب طلبيت يالهيبه الماي بجودك تجيبه
گوم انهض يعباس
الحـــــــره لمن نـدبته عباس دگلها الصدر
غيره وعزم ماينهزم حي الله عباس الگمر
.................................................................
يختي الماي اجيبنه العسكر كله اذلنه
يزينب لاتهمين
شنهو الماي يازينب على العباس مايصعب
يزينب لاتهمين
الفرات اليوم اذلنه سحل ياخويه اسحلنه
يزينب لاتهمين
طلب ياخويه طلبيني الچ افديهن عيوني
يزينب لاتهمين
يازينب انه لخاطرچ الجيش اشطرنه شطر
غيره وعــزم ماينهزم حي الله عباس الگمر
.................................................................
انه ادريك يالوفاي مايصعب عليك الماي
تفزعلي من احشمنك
انته الكافل اطفالي انته الحامي لعيالي
تفزعلي من احشمنك
حيدر بيــه موصيك گدها يالگمر يدريك
تفزعلي من احشمنك
بالشدات بس انته يفزع والله لاخته
تفزعلي من احشمنك
عباس كافل زينب ياناس هـــــو مـن الزغر
غيــره وعزم ماينهزم حي الله عباس الگمر
.................................................................
امني ارتاحي بوجودي محد يوصل حدودي
كفيلچ وانه عباس
انا البالعين خليتچ انا البالروح ضميتچ
كفيلچ وانه عباس
واگف دوم گدامچ حارس انه لخيامچ
كفيلچ وانه عباس
اضل للموت ابرالچ انتي وهاي اطفالچ
كفيلچ وانه عباس
خادم الچ يازينب وبخدمتچ انه افتخر
غيره وعزم ماينهزم حي الله عباس الگمر
.................................................................
مجرب مااجربنك اخوي وانه اعرفنك
نعم منك يــوفاي
بس احچيلي حچايه اشوفه لازم الرايه
نعم منك يـــوفاي
طلبته وگال لتهمين امر يازينب تأمرين
نعم منك يـــوفاي
ندبته وگالي هالجاي گتله سكينه تطلب ماي
نعم منك يــوفاي
عباس كل عمره وفـي وبعمره مامره اعتذر
غيره وعزم ماينهزم حي الله عباس الگمر
.................................................................
الشاعر عماد محمد الدراجي
الاحد 2024/4/28
/channel/aabas78
قصائد لكل ايام محرم اشترك بالقناة
براية علي طب علي الاكبر
وتراجفت قادت العسكر
هذا حيدر هذا حيدر
**
عالكتايب حمل جنه حيدر نزل حيراها وطشراها وبيده شال الزعل
كوه شاله الفرس فنها تاخذ نفس الطف حلاله ومن قتاله دخلت انذار الحرس
صفنت اهل الحرب اعليها ضاع الدرب للسلامه من حسامه بدربه محد يطب
بيهم نفخ نفخت المحشر
وتراجفت قادت العسكر
هذا حيدر هذا حيدر
**
هيه هاي الزلم من تشد العزم كلها غيره وعدها سيره ما تعوف المهم
والتبع سيده يسحك اعله العده اصله طاهر دمه ثائر ينتظر موعده
انه كلهم علي والمراجل الي هذا ديني وبيقيني صوتي ضل يعتلي
بالطف عدت واقعة خيبر
وتراجفت قادت العسكر
هذا حيدر هذا حيدر
***
هوستله الخيم هذا راعي الشيم جنه ايه بيده رايه وللقتال ابتسم
من شهر صارمه الدنيه مطرت دمه والعجيبه بكل كتيبه يرجع بروس الزلم
بصدره ما حط درع وصرخته تنسمع خل كل صف بآخر الطف وسمه هز الجمع
بالمعركه صاح انه الاجدر
وتراجفت قادت العسكر
هذا حيدر هذا حيدر
****
من هجم كربله لجله صاحت هله بزوده طبها وذب ركبها وضيع الراجله
جنه عمه الكمر بيها سد النهر الموت اجاها وروعاها وجيش اميه نكسر
وجها مثل البدر ومن برزله بكر بكل شراسه كصله راسه ورد لبوه منتصر
لحسين اجه وراسه بي يفتر
وتراجفت قادت العسكر
هذا حيدر هذا حيدر
***
كربله تزلزلت والحرب بينت ماكو راحه والمناحه بالكتايب علت
عزمه عزم النبي هذا فارس ابي الحومه فنه ومن تعنه كلها ابست عبي
ما يهمه العدد وسيفه بالطف شهد بلاعادي ضل ينادي يا حيدر مدد
ولجل السبط ناذر المنحر
وتراجفت قادت العسكر
هذا حيدر هذا حيدر
*
تمت
تحسين الخفاجي
/channel/aabas78
قصائد لكل ايام محرم اشترك بالقناة
(عگيلي)
»»»»»»»»»»»»»»»»»»»»»»»»»»»»»»
كافل زينب......طبها الحومه
»»»»»»»»»»»»»»»»»»»»»»»»»»»
1️⃣
كـافــل نـازل شــايـل رايــه
صد للخيمه وانـطه حجايه
يجـدح غـيره ويـقـرأ بـأيـه
الكافـل يا شـيـخ الـوفـايـه
~~~
من تنگط غيره من هدومه
كافـل زينب طبـها الحـومه
»»»»»»»»»»»»»»»»»»»
2️⃣
اهـتـزت كـاع الله وزلـزلـهـا
كلها اكـباله وكـلـهـا ايـذلـهـا
شـدهـا وراجـع جـفه يحلها
وكـالـب عـاليـها وسـافـلـهـا
~~~
انتشرت بين الناس اعلومه
كـافـل زينب طبـها الحومه
»»»››»»»»»»»»»»»»»»»
3️⃣
قارن يـومه ابـيـوم الساعه
يـنزل جـدمه وتـهتز گـاعه
ومـحد يـكدر يلوي ذراعـه
وكـلهم شـافوا هـذا ابداعه
~~~
يـفـزع كـلما يـوصل يـومـه
كـافـل زينب طبـها الحومه
»»»»»»»»»»»»»»»»»»»
4️⃣
واصـل جـفه الحد الـغيـمه
ظهر حسينه وستر الخيمه
الله يحفـظه والله يـديـمـه
راعي لحومه راعي الشيمه
~~~
ابجفه الدنيا هل المـضومه
كـافـل زينب طبـها الحومه
»»»»»»»»»»»»»»»»»»»
5️⃣
يبجيها الحـومه شما يفزع
كـلهـا اكـبالـه نـزلـت تـركـع
حـمره اعـيونـه نـار وتـطلع
لـو يـمـحـيها لـو مـا يـرجـع
~~~
وذلها القاده شگد مـهزومه
كـافـل زينب طبـها الحومه
»»»»»»»»»»»»»»»»»»»
6️⃣
بكلمة زيـنب يخـتم عـمره
لحد خـيامه يـودي ابعذره
حايـر عـقلي شـرايد يقـره
بـدمه الـنازل كـاتب نـصره
~~~
قصه بزينب هل المختومه
كـافـل زينب طبـها الحومه
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
/channel/aabas78
قصائد لكل ايام محرم اشترك بالقناة
قصائد محرم 1446 هجري
نزلة للاكبر عليه السلام
...........................
علي الاكبر من طلع .. خوف بالعسكر زرع
لو دخل سوح الحرب .. الحومة يگلبها گلب
علي الاكبر .. علي الاكبر
..........................
من تقدم للمعسكر .. بالحسين اقسم قسم
اي وحگ جدك يبويه .. احسب الأمر انحسم
گام شداها العمامة .. وگال أبشر اي نعم
سرفن الذرعان الاكبر .. اتلثم اعليهم هجم
الجيش كله طشره .. سوه بيهم مجزره
نار بالعسكر يشب .. الحومة يگلبها گلب
علي الاكبر .. علي الاكبر
........................
يوم كبر باعلى صوته .. المعسكر ارتجف
ضيغم ويرهب عدوه .. گبالهم لمن وگف
حلف بالعباس عمه .. أله يفنيهم حلف
صِفط جثه فوگ جثه .. بيهم الطف انخسف
روه منهم صارمه .. صبغ الحومه ابدمه
علي يرعبهم رعب ..الحومة يگلبهه گلب
علي الاكبر .. علي الاكبر
...........................
صال صولاته وخلسهه.. الزلم ضلت حايره
من سحب سيفه وفناهم .. رجع گالو حيدره
الچان گدام المعسكر .. خاف او رد ليوره
طشر وشتت جمعهم .. ليث يوم الزمجره
صاح هذا آنه علي .. اليوم أوليكم ولي
موت الاحمر من يطب .. الحومة يگلبهه گلب
علي الاكبر .. علي الاكبر
.......................
چن أسد من هد عليهم.. گام يفرسهم فرس
نار تتجادح اعيونه .. لقن العادي درس
أبحُنَين وبدر ذَكَّر .. بمس ذكرهم بمس
من گصه الكرار بيهم .. وگطع ارگاب الرجس
سوه بالطف زلزله .. نزل اعليهم بله
غضب اعليهم يصب ..الحومة يگلبهه گلب
علي الاكبر .. علي الاكبر
.........................
ضاگت الدنيا عليهم .. الهوه صاحو الهوه
ضل يطگ راس ويه راس..العشره يطبگهم سوه
بسيفه راواهم منايا .. بذراعه ايديهم لوه
نسر عالغربان نازل .. اليوم يفنيهم نوه
علي راواهم سقر .. منه لا ماكو مفر
يغلب وما ينغلب ..الحومة يگلبهه گلب
علي الاكبر .. علي الاكبر
تم بحمد الله
رائد محمود العامري
/channel/aabas78
قصائد لكل ايام محرم اشترك بالقناة
جربه سوه المشرعه وشالاها
وعالحرس لمن زعــل بداها
------------------------------
1= هاكـــثر طــــول خلك وياهم ** بالبدايه أخلو النــهر ناداهم
رفضوا وعالمسطره مشاهم ** حدر جدمينه أرض سواهم
--------------------------------------------------
أجو ممشه بس زحف رداها
عالحرس لمن زعـــــل بداها
****
2= بطرف عينه من خزرهم طاحو ** دخيل زينب يابو فاضل صاحو
فص ملح وبماي كلـــهم راحو ** كلهم الخاطرها ساعه رتــاحو
---------------------------------------------------
فرصه رادو والكفيل أطاها
عالحرس لمن زعــل بداها
***
3= نعــقــد وياك أتــــفاق بكيفك ** تريد نترس جـربتك رد سيفك
بكل الأحوال أنته ماخذ حيفك ** أمهلنه ساعـه وأرجع التكليفك
----------------------------------------------------
زلم تترجه الذبح خلاها
عالحرس لمن زعل بداها
4= مغزل وفرها الشريعه بصبعه ** كلشي ساكت بس قراره نسمعه
مايسامح ضالـــم أخته بطبعه ** نشمي والباعوا أخوه مو ربعه
----------------------------------------------------
رايته بعلـــو النجم علاها
عالحرس لمن زعل بداها
***
5= من ندس مهره بو فاضل يكوه ** كلها صاحت شوف سيفه شسوه
دكهم وجــــــنه يدكله بكهوه ** طفت كلها وبس جــــــينه ضوه
----------------------------------------------------
ماشرب بس جربته رواها
عالحرس لمن زعــل بداها
*
6= شربك الروس وأمرهم يمه ** حار راسه وفار سيفه ودمه
صاح مابيكم يـــوادم زلمه ** ما أعطله بساع ياخذ سهمه
---------------------------------------------------
نسر بجناحه الحرب غطاها
عالحرس لمن زعــل بداها
*****
الخادم عبد الجليل المالكي
/channel/aabas78
قصائد لكل ايام محرم اشترك بالقناة
نزال
روه كاس الموت كل شجعانها
عثرت الخيل وجمع فرسانها
ــــــــــــــــــ
هاية خيبر هالحرب لو كربلاء
نزل أمر الحرب من وحي السماء
صوت كل الجيش يتعالى النداء
هذا منهو الطب حرگ ميدانها
ــــــــــــــــــ
هذا منهو الشاب اليوكع السيوف
وبلثام الموزمة تلگة الالوف
واليزامط ينعجب خل ويشوف
نزل واجفوفة العكفها اردنها
ــــــــــــــــــ
كل قبائلهم تحرت بالسؤال
هذا معقولة الرجع وسط النزال
حيدر الكرار لو غيرة احتمال
رجعت الدنيا بعمر سكانها
ــــــــــــــــــ
عاد صولا الحرب بدر وحنين
من برز وحدة لقتال الظالمين
يرتجر بالحومة اني ابن الحسين
ال هاشم اني من شبانها
ــــــــــــــــــ
فرها مثل الرحلة لمن طبها صار
حتى نسمات الهوه مشتعله نار
على الاكبر بيدة شايل ذو الفقار
مايثني الضربة بيدة امجانها
ــــــــــــــــــ
طبها منجل على السنابل بالحصاد
وشردو شلون الهوه وهب على الرماد
سيفة بنحور الظلم واهل العناد
حده سيفة اعله الرگاب ودانها
ــــــــــــــــــ
على الاكبر بالحرب سيفة انتقام
هوه شمس الله وشرق وسط الظلام
خرس الجيش وكطع حتى الكلام
ورجفت الطف من جميع اركانها
ــــــــــــــــــ
الشاعر زين العابدين الشمري
/channel/aabas78
قصائد لكل ايام محرم اشترك بالقناة
ليلة 8 محرم
شبيها مكلوبه الأرض ويالسمه
علي الأكبر زعل لو حامي الحمه
1
عجت أرض الحومة واهتز الفله
وشردت امن الخوف أهل المرجلة
الدنيا مالت مدري مالت كربله
كلها صاحت هي هاي الخاتمة
2
نزل واحد صوته بالحق يعتلي
وينه اليكول آنه زلمه يدنه إلي
ناس كالت شنهو رد حيدر علي
مادروا لأكبر ظهر بالموزمه
3
من وصل صوب الشمر هذا الخبر
رجع للخيمة وبديه ضم النحر
شاف مو واحد على مد البصر
شاف جيش بأكمله وشوفه أنعمه
4
بالمعسكر من ترك موطئ قدم
رفعه سيفه وشخص واحد ماسلم
جاب ابن غانم هديه للخيم
رأسه للحسين وعمامه قدمه
5
حين كله بيمنته الجيش أنطوه
عالجماجم أذن ودك اللوه
ناده بعد السيف ضامي وماروه
يريد يملي الحومة طوفان الدمه
6
سيفه كراري حصد بيهم حصد
والمراجل منه ظلت تبتعد
للمخيم ماقبل لاكبر يرد
اله يكضيها الجيوش الآثمه
7
قاتل وذل الزلم وأهل البدع
والشمر بالخيمة باقي وماطلع
الهوى والماي عالجيش انكطع
لعب بيهم لعب ضنوه فاطمة
8
كال لو بالحومة اظلن وحدي
ماعوفن عهدي واترك والدي
آنه وي جدي الصميدة موعدي
بالشهادة العمر رايد اختمه
شطره
امجد صاحب الشطري
/channel/aabas78
قصائد لكل ايام محرم اشترك بالقناة
تم نشر 400 قصيده لكل ايام محرم بالترتيب لكل يوم من ايام محرم الحرام وسوف يتم نشر اجمل القصائد اشترك بالقناة ليصلك كل ما جديد وحصري 👇👇👇👇👇
/channel/aabas78
عبدالله يا اكبر جرح
.واصغر مضحي بنحره
ليوم القيامه لوعتك
جرحك يضامي شكبره
****
عبدالله يا اول بشر يتروه من النبلـه
يتروه من سن النبل ريجه بدماه يبله
والسهم چنه لمنحرك راح وصدگ يندله
شاف الفرات شگد ردي ماروه ذيچ القبله
ماي الفرات شماله ويگنطر الخياله
يل منه ماتتروه. تالي النبل رواله
المايروي جبد الضاميه..
خللي يموت بحسره
ليوم القيامه لوعتك
جرحك يضامي شكبره
*
عبدالله يااول طفل من الرمــل كـاروكه
يرضع دمه من النحر من نحره دمه يضوگه
يترجه من ماي النهر يعطف عليه بشوگه
لكن عطف ذاك السهم والحسره بيه مخنوگه
مهد الطفل جاوينه. رده بدماه حسينه
كاروكه فارغ والطفل. شاف المنيه بعينه
كاروكه صار اعله الثره
ويلي وتحمل حره
ليوم القيامه لوعتك
جرحك يضامي شكبره
*""**
ابيض كماطه وشعجب احمر يردلي كماطه
منظر يهد حيل الگلب ويلي ويگطع نياطه
موت وعطش جيش وظلم سهم المثلث حاطه
لهل الزماط وللزلم مو عالرضيع زماطه
عبالهم منه الخطر. كالو يهد مثل الكمر
ارتجزوا عليه العده بالنبله صابوله النحر
صوّب وريده حرمله
واعله الطفوله تجره
ليوم القيامه لوعتك
جرحك يضامي شكبره
***
عبدالله چن حس بالولي حاطت عليه صفوفه
بغربة ابوه حس الطفل ماراد وحده يشوفه
للنصره هــد بمنحره ما عنده شي بچفوفه
يحضن ابوه من السهم حضنت نهر لجروفه
خاف النبال تلوحه. قدمله نحره ورحه
لحسين يفدي بالنفس. چنه يحس بجروحه
چن السهم من شافه
لحسين قدّم نحره
ليوم القيامه لوعتك
جرحك يضامي شكبره
**""""*
عبد الله چاهو النهر ما يدري ثغرك ضامي
لو ما سمع صوت العطش ذاك اليهيج الامي
تتروه من جرح الگلب صارت يغالي احلامي
دهري علي ريت انچفه ولا تنچتل جدامي
دهري البداهه بلوعه
.حسره بگلب موجوعه
لو ميته كبل الطف صرت
' ولا بالولد مفجوعه
لو ميته يمه وهالالم
لا مستحيل نعبره
ليوم القيامه لوعتك
جرحك يضامي شكبره
**
نحرك زغير وهالسهم اكبر يغالي هوايه
لكن رغم ذاك الفرق مــامنع ذيج الغايه
عطشان مصيوب بسهم ليوم القيامه حجايه
صرت اكبر انت من العطش ومن الفرات ومايه
للدين نحرك فدوه. صعبه ولكن حلوه
دين الله رايدله نصر. للدين نحرك تچوه
اصغر فدائي يالولد
واعظم نصر للعتره
ليوم القيامه لوعتك
جرحك يضامي شكبره
*------**
ونسألكم الدعاءوالتوفيق
لخادم ال محمد عليهم السلام
الشاعر حيدركاظم الساري
/channel/aabas78
قصائد لكل ايام محرم اشترك بالقناة
رئيسية عزاء ليلة مولاي علي الأكبر عليه السلام
شلون يالأكبر ارد لخيامي
طاح حيلي وماخذتني اجدامي
بويه يالأكبر متت وطاح گلبي من طحت
==========
للمخيم خطوه لكن بيها الف عام
وصارت عليه بعيده يبني الاخيام
شلون امشي واني كلي انزف آلام
والدك بويه بمماتك گوه من گام
حالتي صعبه يبويه بموتك
شلون ارد واني فاگد صوتك
يبني من ايدي رحت. وطاحت گلبي من طحت
==========
ياعلي ظهري انحئ ظهري كسرته
ميت ومن والدك تسمع حسرته
موقف الكلش صعب ذبحك نظرته
ياعلي بويه تره گلبي فطرته
گلبي وي ظهري انكسر لمصابك
بيش ارد وشرد اگل لحبابك
بهاي حيرة تحيرت. وطاح گلبي من طحت
==========
شلون اشيلك للخيم حيلي تبده
والهوه يعثرني بويه لو تعده
منين جسمك ماالزمه گمت اهده
يلّجمْ جرحك يبويه وبيش اشده
هواي ماتنعد اشوف اجروحك
شلون اصبر روحي طلعت روحك
جروح بجفوفي الزمت. وطاح گلبي من طحت
==========
خيمه البروحي وكع من عدها عامود
وخيمتك بيها گلب يوليدي ممرود
امك وتتنطرك يالأكبر اتعود
جمر دمع الوالده ينزل عالخدود
تسأل وفگدك علي ماذيها
گوم شوف امك يبويه شبيها
علي صاحت شيبت. طاح گلبي من طحت
==========
بعيني كون الله انطفه والدنيا ظلمه
وبيه حسرة فاجد وبيه انه لچمه
عطرك منين انه اجيبه ارد اشمه
منه ماباقيلي ابني فقط هدمه
مگطعه اوصالك علي يالغالي
شاب گلبي وشيبت دلالي
بهل المصاب تألمت. طاح گلبي من طحت
=========
ضاكت الوسعه علي بالغاضريه
راح ابني وبس بقيت اصفگ بديه
بعد گلبي شيحتمل يبني اذيه
بعد گسرة عمك وهاي الرزيه
ظهري مكسور اعل كافل زينب
نار گلبي ماطفت بس تلهب
من المصايب حدبت. طاح گلبي من طحت
==========
الشاعر علي النائلي
/channel/aabas78
قصائد لكل ايام محرم اشترك بالقناة
قصائد محرم الحرام(الليله الثالثه)
قصيده رئيسيه (للعليله)
.................................................................
حمل ضعنهم وابعدوا اهلي الغوالي
وانـــه انتظر منهم اضل كلمه تعالي
عيوني تنضر عالدرب
والانتظار شگد صعب
بويه بويه بويه بويه
.................................................................
عيوني منيوم المشيتوا بويـه ماشافت النوم
امگابله الباب واناطـــر ياهلي منــــكم اعلوم
بگلبي يابويــــــه تـــراني عايشه بس الهموم
من يوم فرگاكم يبويــه تغيرت حتى الرسوم
رحتوا وين ليابلد گلولــــــــي
رحتوا وين ليش ماصحتولي
وحدي عفتوني شعجب
عيونـــــي تنضر عالدرب
.................................................................
اسبوع صار محضرتهن بويه يحسين الثياب
اغراضي كلهن جمعتهن وواگفه ابعتبه الباب
حيل فرحانـــــه يبويـــه ومنك اتنطر جواب
تجي وتگلي يبويـــــــه للسفـــر حان الذهاب
حسين گال ابقي بويه هنانه
ماكـو مجال الچ بويـــه ويانه
حســـــــــــــــــره ضلت بالگلب
عيونـــــــــــــــي تنضر عالدرب
.................................................................
سافروا اهلي واخـــوتي سافروا كل العمام
العتب ماينفـــــــــع بعد وبعد ميفيد الكلام
مشتاگتلكم حيل أنـه وشوگي زايد والهيام
يحسين گلي بغيبتك بياحضن انــــــه انام
حسين راح وراحت وياه الاماني
حسين راح العمــــــره كله دللاني
امناطـــــــــــره جيـــــــــت المحب
عيونـــــــــــــــــــــي تنضر عالدرب
.................................................................
فارگوني اعــــزاز گلبي راحوا احباب العمر
اهلي عافوني وحيــــده ونووا كلهم للسفر
لاطارش الدزولي انـــــه ماوصل منهم خبر
لاابــوي حسين اجاني ولاعلي الاكبر حضر
اشتاگ حيل الكم انــــــه يالاهل
اشتاگ حيل عايشه بطاري الامل
بعــــــــــــــــــــد ميفيـــــــد العتب
عيونــــــــــــــــــــي تنضر عالدرب
.................................................................
للسفر يابويـــه تدري اشكبر چانت فرحتي
ماخـــذتني وياك ليش بالبيت شنهو ضلتي
لومشيت وياكم انه تطيب بويــــــــه علتي
ويانه ماترحين گتلي بگلبي زادت حسرتي
صح عليله لكن اگــــدر عالسفر
صح عليله اتحمل انواع الخطر
فـــــــــــــــرحتي انباگت غصب
عيــــــــــــــــــوني تنضرعالدرب
.................................................................
الشاعر عماد محمد الدراجي
الاربعاء 2024/4/3
/channel/aabas78
قصائد لكل ايام محرم اشترك بالقناة
محرم الحرام 1446 هـ
لمولاي ابا الفضل العباس عليه السلام
ابو فاضل بالــحروب ... من يشد الثــامه
سيفه يتحول غروب ... من دمه الگدامه
ينشلع وجه اليسطره
فارس ومــحد يقهره
من يـــــــشــد الــــــثــــــامــه
لو صعد فوگ المهر ... چنه حيدر من يكر
واليلوحه بسيفه يخلص دمه خوف
بالملاحم يـبتســـم ... فــارك خشوم الزلم
سيفه من ايسلّه ينشاف الخــسوف
امن الوكت لو هــــدّه اسرع عالمناحر سيفه
سيفه صـــــياد بيمــــينه ومن يصـيد بكيفه
واليذب ثوبه امامــــه مايــــذبحـه ايعـــيفه
هذا تربات الـــــفحول ... ياحــلات افعاله
بحومته لمّن يصــــول ... أيتــعب الخيّاله
چنه الاحسين اعله مهره
فارس ومــحد يقــــــهره
من يـــــــشــد الــــــثــــــامــه
1
غضب نازل مايـزل ... خزرته ماتنــحمل
بكربـله ســــوّه العجايب عالفرات
من گصد للمشرعه ... زلم شــاف امگبعه
هاذي ياسبعين الـف بيـــهم ثبات؟
سيفه هُدهُد أبو فـاضل بس خبــــر مايحمل
يحمل الدم من عــدوّه وصـــــاعقه من ينزل
الشرده باب وبيده سده والخصم يمّـه ايِذل
القارعه بـــچف الكفيل ... بالطفوف انشاهد
هذا ابن حامي الدخيل ... طـالع اعله الوالد
ينتهي البطف يخزره
فارس ومحد يــقهره
من يـــــــشــد الــــــثــــــامــه
_2__
راسه حار وســـطرتــه ... بيها حــر گد خزرته
والزلم تــــترادم گــــباله وتطيح
الموت بچفوفه انرسم ... ورفرف بچفه العلم
مايجامل بالحرب كلــش صريح
بالخيم ساقى العــطاشى وقائد اعله الحومه
زلمة حســـــــين المقدس حيـــــدريه اعلومه
بالحرب صياد ماهــــــــر والشهـود اخـصومة
صوته شفرة ذوالفقار ... وسطــوته جبّاره
راسه حار وكلشي حار ... والعــدا محتاره
بالعساكر خلّه كسره
فارس ومحد يقهره
من يـــــــشــد الــــــثــــــامــه
_3__
كربله تــــشهد الــــه ... خطـــــوته كـــالزلزله
الارض مـن يمشي أبو فاضل تميل
مثل الاحسين الكمر ... بيــده كل وادي سقر
الما گدر يشــــرد عِمل روحه قتيل
من دخل ميدانه بالطف سيفه لا مــــا يـــلـــمع
ابكثــر دم المنــاحـر فـــوگه صــــــار امگبــــــع
ينحــر بروس الاعـــــادي والنــــسلْهم يگــــطع
اگباله كل فارس يطيـح ... چـن ورگ صفصافه
بالـچثث ســـــيفه يزيح ... حيـــــدره باوصافه
الشمس يم چفه جمره
فارس ومحد يقــــهره
من يـــــــشــد الــــــثــــــامــه
4__
بكربله سوّه العــــجب ... عالــعدا سيفه شطب
شد لـّـــثامه وهد مــــناحرها الالوف
عالــــــشريعه من نزل ... النـــهر جـــــرفه هدل
براحته جوده ملاه والكل يــــشوف
اثنعش عين لموسى نبـــعن مـن ضرب عالصخره
ومــــــادرو جـود ابو فاضــــل هـوّه اصـل الفكره
وابو فاضل حين يمشي الصــحره تصبح خـضره
النهر سر الحــــــياة ... وجوده سر اخيامه
وهو سر المعجزات ... مــــــــن يهد الثامه
البارزه يمحيله بزره
فارس ومحد يقهره
من يـــــــشــد الــــــثــــــامــه
_5___
ياهــــــو سوّاها وگدر ... بجربته ايشــقِّ النهر
والكتايب سعفه ماخذهـا الرجيف
ماكو مثلــــه وين اكو ... مـثل ابو فاضل كفو
كاسر ظهـور الزلم كــــسر الرغيف
بـــــــخطوته يسحك جمــــاجم ياهو يوصل حده
سيـــــفه هــــــزّه ارگاب وگـعت بالمـــــناحر حدّه
وگلبه يوگع عالـــترايب النــــــوه اعــــــله الـشرده
تنحني اگبالـه الخصوم ... عالي ياهو ايلوحه
الخـايف أگبــاله يگــوم ... بيده يـذبح روحه
ما ينلمح منّه ظهره
فارس ومحد يقهره
من يشد الثامه
ـــــــــــــــــــــ6ـــــــــــــــــــــــــــــــــــــــــ
#احمد_رزاق_الاعرجي
#رزقهم_سلام_الله_عليهم
/channel/aabas78
قصائد لكل ايام محرم اشترك بالقناة
قصيدة اساس ليلة 1 محرم
عوّد عاشور عوّد عاشور
كل شيعي اليوم يبجي ومكسور
هليلة بدمع العين نستقبل شهر حسين
بدموع العين
1
رجع شهر المصايب والهضم والهم
رجع نحر الحسين الليلة ينزف دم
من هالحضة لازم كلنا نتحزم
ومن هاي المسيه ننصب المأتم
مهدينة ينوح وي الزهراء
صاح أعله حسين آه وويلا
وياهم مجتمعين نستقبل شهر حسين
بدموع العين
2
أجه محرم علينه وصبت الدمعة
وعلى سطح المنازل بيرغ نرفعه
هليله ننوح وننحب وننعه
على حسين الذبيح المنكسر ضلعه
ياقلب ايهيد ياعين تنام
وبصدر حسين حافر وسهام
والموعد من يحين نستقبل شهر حسين
عوّد عاشور
3
شهر لوعة ومصيبة شهر أبو اليمه
يريد من المواكب والخدم همه
اليحب يخدم صدك ليفكر باسمه
حبيب يسجل اسمه بدفتر الخدمة
اليخدم بخلاص بأسم العباس
كل يوم عيش مرفوع الرأس
بهذا المنهج باقين نستقبل شهر حسين
بدموع العين
4
كل مجلس حسيني لازم نحضره
الحضور بهاليالي يفرح الزهرة
بعد جم ليلة يبجي العالم بأسره
يذبحون الرضيع الست شهر عمره
شهر الآهات شهر المأساة
تنعاه الحور والمخلوقات
وياهم مجروحين نستقبل شهر حسين
بدموع العين
5
محرم خله بينه بكل قلب لوعة
لأن من فيض أبو السجاد ينبوعه
الحزن والهم نقاط وعدنا مشروعة
لان هو الحسين أختار موضوعه
نكضي الأيام حسرات ونوح
للموت أنصيح آه يامذبوح
هل الصرخة ليوم الدين نستقبل شهر حسين
بدموع العين
6
محرم لو سنة هم مانمل منه
أهم شي فاطمة وحسين يقبلنه
ابد ماتنطفي جمره مجالسنه
مادام الإمام المنتظر عدنه
لابد فد يوم مهدينه يعود
وإحنا انلاكي بهدوم السود
من نوفي وياه بالدين نستقبل شهر حسين
بدموع العين
شطره
امجد صاحب الشطري
/channel/aabas78
قصائد لكل ايام محرم اشترك بالقناة
من حمل بتاره .... تكردست انصاره
****
لبسو كَلوب على دروع مفاخر ترتدي
كلمن يكَول من صباي طفوفك موعدي
لجلك الموت والأخطار سهل ياسيدي
هالقيادات بطولات حبيب الاسدي
بيرغه بيساره ... تكردست انصاره
*
كالو انصار نواليك يبن حيدر علي
رافع السيف اجه بزود زهير البجلي
والتحق بيه بُرير وشبيب النهشلي
وبالرياحي حرب نار تموج وتصطلي
تقدم بأعذاره .... اتكردست انصاره
***
عابس يكول يمولاي أرخصلك دَمي
بهاي الحروب فلا يموت كَبلنه هاشمي
تقدم السوح مع جون زهير الخثعمي
لن وهب صال والوياه عمير الخضرمي
حاملين بشارة .... تكردست انصاره
***
عوسجة صال والوياه يزيد الكندي
ومَجمَع ايكول انا الليث مقاتل عائدي
عندي خفاكَ والنصول ارفرفها بيَدي
مواعد احسين حشه وياه اخالف موعدي
ملازمين اسواره ..... تكردست انصاره
****
اربع ابطال محامين على خيام النبي
نافع وقيس ميامين وانس والأرحُبُي
ماوصل جيش تدناه خيام الغالبي
كالو نصير ستر نار عله كل ناصبي
عالخيم واكتاره ..... تكردست انصاره
*
ابوريحانة زهير الحساني ١٤٤٦
/channel/aabas78
قصائد لكل ايام محرم اشترك بالقناة
نزله سريعه لمسلم
الكوفه ماجت والزلم محتاره
هاذه مسلم لو علي او فقاره
_
طبها مسلم والمنايه ضل تدگ اجراسها
الكوفه ماجت جوه رجله اتزلزلت من ساسها
چنه ملچ الموت بيده قابض اعله انفاسها
وين وين الحيد بيهم عل شوارب داسها
سيفه يجدح بل مناحر ناره
هاذه مسلم لو علي او فقاره
_
چنه حامي الجار حيدر من يدك احصونها
اشما تگرب للمعاره يصبح اصفر لونها
يبست الآف العساكر بس تدير اعيونها
مسلم او غضبان اجاها يعني بالله اشلونها
امنين تشرد مابعد كل چاره
هاذه مسلم لو علي او فقاره
_
حيّ حيّ عل هزيمه بل مآذن صاحو
لان كل حمله التجي له بس خزرهم طاحو
غير ابن عمه ابو فاضل !! ذوله المن راحو
اشجع الشجعان منه بل معارك ناحو
فقط الله الي عرف مقداره
هاذه مسلم لو علي او فقاره
_
صب عليهم موت احمر حوّط ابكوفانها
زلم واخيول اترادم وانگلب ميدانها
او علي من شافت حملته اتبوّشت شجعانها
اتساوت اگبال ابو طاهر زلم وي نسوانها
چنه آيه محكمات اسراره
هاذه مسلم لو علي او فقاره
_
چن عذاب انصب عليها والسبب افعالها
وادم اتبيع ابو سكنه واشترت ارذالها
هاي غير الموت ابدن ماكو شي يحلالها
ولذالك گام يحصد مسلم ابأبطالها
او للقيامه باقيات اخباره
هاذه مسلم لو علي او فقاره
_
ما يهاب الموت مسلم لا يهاب اسيوفها
زلم فوگ الخيل لاجن تحت رجله ايشوفها
زلمه بل ميدان رابي احگوگه لا ميعوفها
اخذ حيفه اواخذ بيده روسها اويه اچفوفها
او فنه واحد ينكر الـ آثاره
هاذه مسلم لو علي او فقاره
_
ابو فاطمة الطائي
/channel/aabas78
قصائد لكل ايام محرم اشترك بالقناة
بسمه تعالى
المستهل --
* ماتوكــع من جـفه الرايـه * ما توكـع من جـفه الرايــه
* بيها العباس انطه احجـايـه * ماتوكع من جــفه الرايـه
--------------------------------------------------
1/ اتــرف رايـــات اجـيـــوش الــرده
او كافـــل زيـنــب جــيـش الوحــده
طـبـــع الرايــــه ابـيــــوم الـشــــده
• تـتسلـم للبيــه اكفـايـــه * ماتــوكـع مـن جـفــه الرايــه
---------------------------------------------------
2/ هـالرايــه اتلــوك الـراعـيـــهــا
يعـرفــها اويعــرف ماضيـــهـا
مــتراهــن عبــــاس أعـليــهــا
• بيـها احتـل الشـــاطي اومايــه * ما توكـع من جــفه الرايــه
----------------------------------------------
3/ رايــه الكــــرار امــوديــــــهــا
اوجــان العـبـــاس امتانيـــهـا
أكثـر مـن روحــه ايبـاريــهـــا
• مـن حـيدر بسمـه امسمايــه * ما توكــع مـن جفـــه الرايــه
---------------------------------------------------
4/ رايــه التحـلـف زيـنب بيـــهـا
معـقـولــه اتـطيــح ايخــليـهــا
يحمـل عــالحومــه اويجـفيـهــا
• فرســان اوخيـل او رمـايــه * ما توكـــع من جــفـه الرايــه
----------------------------- -----------------
5/ هـالرايــه اعلــه الــدم مفطومـــه
يــا حــيـدر لــو حـاضــر يــومــــه
أيـطــب يتخـــير بـرض الحــومـــه
• يكــلبهـا اشما يحكــم رايــه * مـاتــوكــع من جــفــه الرايـــه
----------------------------------------
6/ رايـــة عبـــاس المعـــــروفـــه
مـا تــوكــع وحسيــن ايشــوفــه
اله اتـطيـــح اويـاهـا اجـفــوفـــه
• اومــن دم جـفينــه امحنايـــه * ما توكـــع من جـفـه الرايـــه
--------------------------------------------------------
7/ هـالرايـــه البـاري امـأيــدهـا
او حـقــه التاريـــخ ايخلـــدهـا
روح انتـه اتـأكـد مــن عـــدهـا
• لليــوم اتـرف عالمشايــه * ما تـوكـــع من جــفه الرايــه
------------------------------------------------------ 8/ رايه او محــد يعـــرف ســرهــا
واحــداث العـــالــم تــذكـــرهـــا
خـصمــه العبــــاس اليكسـرهــا
• بيهـا اعـترفــت ناس اهوايـــه * ما توكــع من جـفه الرايـــه
خـــادم أهــل البيــت عليهـــم الســـلام
الشاعـــــر ابــو حـــيـدر المجـــراوي
1446 هج / 2024 م
/channel/aabas78
قصائد لكل ايام محرم اشترك بالقناة
اليوم خل صوت المجالس يرتفع
هل شهر عاشور خل نهل دمع
ياشهر عاشور ياشهر الهضم
بيك وجبنه المجالس والطم
ونته عند الله من شهور الحرم
ويا مقام البيك بالطف يندفع
بيك صارت بالطف اكبر ملحمه
گضو ال المصطفى بسيف وضمه
حتى عبدالله الرضيع اتقدمه
انفطم بسهام المنيه من الرضع
ياشهر بيك الحزن طعمه اختلف
والبجي علحسين بدموع وشغف
بيك ثوب المحب من لونه نعرف
والحزن غيم على الناس ابجمع
الحزن والهم خيم ابيت البتول
وصعدو زينب على النوك الهزول
ومنعو الماي علهل بيت الرسول
ورادو بصوت الموذن ينمنع
رادو يموت التسامح والصلح
ورادو يصير الحكم سيف وذبح
وسم ابو الحسنين رادو ينمسح
كون بلاذان ابد ما ينسمع
رادو الحق يتفق وي الرجس
ورادو القران صوته ينحبس
كون ايمام الجماعه يضل نجس
ورايه للاسلام لا ما ترتفع
ال سفيان وعمر وابن الحكم
ناس باعوهه الضماير والشيم
وعافت القبله وتصلي عله صنم
الينكر الحق والبطل بي يقتنع
قسم بسم النون وسطور القلم
لجل دين الله الحنيف انطينه دم
مثل ما خله برهه بفيله انهزم
العار بوجوه اليضدك ينطبع
الشاعر
ابو حيدر الابراهيمي
/channel/aabas78
قصائد لكل ايام محرم اشترك بالقناة
ما صارت كَبل لا شافت العين
ميت ينسحكَ بالخيل يحسين
يخوية ... طشروهه اعظامك
يخوية ... اكبال عين ايتامك
....1....
ما شفت قبلك منذبح
كل جرح بي فاتح جرح
واكف على صدره رمح .... وصل .. لحد .. كلبه
حافرهم البيك انكسر
صدرك طبك فوك الظهر
والدم يسيل امن النحر ... على .. الأخت .. صعبه
كلشي البيك ما ظل مثل ما جان
اهواي اتغيرت ارسومك يعطشان
يخوية .... الحجر فاتح هامك
يخوية .... اكبال عين ايتامك
..2....
كدامي رفسو جثتك
من بعد كطعت ركبتك
شمرو علية اعمامتك ... وانه ... اركضت .. ليهه
راسك على الرمح ارتفع
وجم مره كدامي وكع
حالك كلب اختك شلع ... محد .. رحم .. بيهه
جم شامت نظرت ابهايه عيناي
شابع ضحك ويه الرايح اويه الجاي
يخوية ... وانت تخفي الامك
يخوية ... اكبال عين ايتامك
...3...
يالتارس الدنية عشكَ
منمرد حيل امن السحكَ
خاف اسحب اسهامك واشك ... جبد ... نزف ... دمه
بيش الم جسمك حايره
والخيل كلشي امطشره
اظلوعك اهواي امكسره ... صعب ... صعب ... لمه
قميصك جابته الخيل اعله الاخيام
وخفت لا تطلع وتنظرله الايتام
يخوية ... سلبو هندامك
يخوية ... اكبال عين ايتامك
4.........
يا خيمه التفيِ علي
رحت وعفتني افرك بدي
ذبحوك ضامي وانت مي ... متت .. عطش .. ويلي
مدفون كلك بالترب
من كل كتر دمك يصب
منظر صعب كلش صعب ... صور ... تهد ... حيلي
برماح وسيوف اهوايه مطعون
وعشر اخيول سحكَت ليك الامتون
يخوية .... فرهدوهه ايامك
يخوية .... اكبال عين ايتامك
....5....
بالشمس نايم يا ضوه
وخدك امن الكاع انجوه
بعدك علي ضاك الهوه ... يمن ... الك ... قهري
شابع طعن شابع رفس
ضحيت للدين النفس
قدمت للعالم درس ... يضل ... وحق ... صبري
هيهات المذله كلمة متموت
ابوجه كل ظالم وقاتل وطاغوت
يخوية ... يالحييت اسلامك
يخوية .... اكبال عين ايتامك
كلمات ✍️ موسى الخادم
/channel/aabas78
قصائد لكل ايام محرم اشترك بالقناة
هلال شهر محرم الحرام ١٤٤٦ هجري
قصيدة { هذا محرم }
شِدّو العــَــزم هـذا مُحرّم
شهر إنتصار الغيره والدَم
...........................................................................................................
يلّا النــشــامى يــا مُــوالــيـن
كلنا اعله درب حسين ماشين
إحيــو الشــعائــر يا مُحـبـيـن
عاشور يعــنــي ثــــورة الدين
من كربلاء الواعــي يفهم
شهر إنتصار الغيره والدَم
...........................................................................................................
ننشر ســواد أحــزان الگلوب
ما عدنه غير حسين محبوب
هوه العشگ واگلوبنه تذوب
فرض الخِدامه هسه مطلوب
والبــــاري بالخِــدّام أعلم
شهر إنتصار الغيره والدَم
...........................................................................................................
إي والرُفـــع بالطـــف لواءه
للمـــوت ما نــتـــــرك عزاءه
كل يـــوم يتجـــدد فـــداءه
كل أرض هــيّــــه كــــربلاءه
كل خادم امن السبط مُلْـهَم
شهر إنتصــــار الغيره والدَم
...........................................................................................................
يالتـخـدم إحـــذر لا يـغيروك
بالخدمه تبــقــه مـــا يريدوك
عوف النقد عــــوف الينقدوك
شد حيلك وخـلـهــم يشوفوك
احسين لجروحك هوّه بلسم
شهر إنتصـــار الغيــره والدَم
...........................................................................................................
بهذا الطريق أجيـال وأجيـال
من هالمجالس خِرجَت أبطال
نفس العــهـــد والحمل ما مال
والخدمة تبقه مصـنــــع ارجال
ثابت أساســــه وما تهدّم
شهر إنتصار الغيره والدَم
...........................................................................................................
لو هَــل هِــلاله انْـهــل الدمــوع
لهاي المصيبه نحـــنــي الضلوع
ونذوب مدمع مـــــثــل الشموع
بحسين راس الشيـعـــه مرفوع
والعاف نهج حسين يندم
شهر إنتصار الغيره والدَم
...........................................................................................................
بـهــاي اللـيـالــي بدمــعـــة العين
نــتــقــرّب الربــنـــا بالحــســيــن
إبــدي العــزا ولتــگـلّــي بعــديــن
هـــاي النِــعــم تـتـحــصّــل امنين
بحسين ربنا اعلينه أنْـعَـمْ
شهر إنتصار الغيره والدَم
...........................................................................................................
خادم الإمام الحسين عليه السلام
عمار هليل الواسطي
الكوت
١٤٤٦ هجري / ٢٠٢٤ ميلادي
/channel/aabas78
قصائد لكل ايام محرم اشترك بالقناة
#قصيدة_الاكبر
نزال الاكبر
الحومه طلبت ونتخت راعيهه
وعلي الاكبر سيفه شاخ اعليهه
-------------------------------------
طلع من صوب الخيم مثل النجم
يشبه المختار بفعاله الشهم
مايهم للجيش لحدوده يهم
وللشاهده گاصد وشاريهه
-------------------------------------
برز ليهم قسوره ابن الفحول
كوور الجيشين وندهشت عقول
ميسره ولميمنه بيهم يجول
وخله عاليهه صبح ناصيهه
-------------------------------------
صاح بيهم جفل الخيل وزلم
طشر الفرسان وبسيفه يلم
إلخلص من ضربته شبهه الحلم
اشجع الشجعان ضل يرميهه
------------------------------------
قال قوله المشتهر يوم الطفوف
انه ابن شجعان وربات السيوف
صاح بيهم ماتگابلني الالوف
اليوم ناوي اعليهه الا افنيهه
------------------------------------
برق سيفه اعليهم وصار الرعد
وزلزلاهه الگاع جن يوم الوعد
فتك بيهم ولشرد منهم شرد
ويردم الاول غده ابتاليهه
------------------------------------
صال بيهم هذه بن عقد الوله
حير القاده بقت متذل له
جائزه صاحو لمن يوصل اله
وهذه الاكبر موت ضل يرويهه
------------------------------------
علي سليم الحسناوي
/channel/aabas78
قصائد لكل ايام محرم اشترك بالقناة
أغضب العباسِ وأفره أركَابها
وأرخت الفرسانِ من أرچابها
أشرسً كنو غضنفر ماتهمو اسيوفها
شكَ طريكَه للفرات بطرف عينو يشوفها
ضربتو وحده وكبيره كنو بركَ يطوفها
والمنيه عندو كل أسبابها
ما يهاب الناس كلها بكفه صارم حيدره
مصلت السيف بيمينو حيو سبع الكَنطره
ياعجيد اهل الملاحم منو تاخذ مفخره
علوم حيدر للطفوفِ جابها
اسرع من الريح سيفو يومن يهزو البطل.
محداً يجابل بوفاضل وللنهر غصباً وصل
ماتوانه _ولا تعذر _حملة الوالد حمل
والطفوف المنتقم ادرا بها
جابه أكَرام الفوارس كَلبو ماساعه رجف
يعجز الراوي بصفاتو ويعجز الشاعر وصف
مهندماً غيره وشجاعه اهو بالملكَه كلف
كربله العباسِ بيدو اكتابها
عكرش مهيوب الأشوس والحرب عندو درس
اسرع من (آصف) مطهم ما تدركو اي فرس
يفري بركَاب الإعادي عليهم وضاكَ النفس.
لو جيوش الصينِ لا ما يهابها
الشاعر أسعد الناصري
/channel/aabas78
قصائد لكل ايام محرم اشترك بالقناة
الليلة يم حسين أخر ليلة .. تودعه وتجري الدموع العيلة
*
الليلة زينب كَاعــــده يم الكَمــــــر
بس جفنـها من الدمع صاير حمر
تدري باجــر أختك تظـل بخطر
من يــرد الجيش عنها وخيــــــله
*
تحجـــي والعباس ينظــرهـــــا بألم
مـن تكَله بشـــاربك خــويه الحرم
شاط بيه الغيض وكَليبــه أنجسم
من بدت أم الخدر تشـــــــكيله
*
حيــل مهمومـــــــــــــة وتغير لونه
خايــفه جيوش العــــــدة يسبونه
تســــولف أم عون وتـهل عيونه
نهر مدمعـــــــــها العقيلة تسيله
*
تســولف بحيرته يم راعــي العــــلم
ياهو يحمينه ويدافـــع عالخـــــــــيم
تـدري بالعدوان ما عدهـــم شيم
ولـو رحلتُ من يـــــــــرد العيله
*
ختاض عباس وهتف خويه عفه
وأشتعل نيران أخوهه ومـــا طفه
شــــــــلون يدنون آل المصـطفى
ألمن العباس داخـــــــــــر حيله
*
اطمـــأني زينب وغمــضي الجفـــن
وزيحي من كَلبج يأم عون الحزن
والله أخلي رجالــــــــها كلها تون
ما يضل رأس ومتون تشــــــيله
*
شاعر أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
مابين الرضيع والرباب.ع.
جيتك ييمّه أو فاجده الراي
عبدالله يبني ونور عيناي
يابـعد طولي أولـوني
من شوفتك حرموني
جيتك ييمّه أو فاجده الراي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جيتك ييمّه أبهدوة الليل
أكسر الخاطر دمعتي أتسيل
أمشي وتعثّر بالمـچـاتيل
أفراگك ييمّه أيهدّم الحيل
عبدالله يبني الغالي
أحچي أنفطر دلّالي
جيت أوجبتلك يالولد ماي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يوليدي ما لايگلك النوم
يمدلل أو ياحلو إلرسوم
أفراگك أسنين أوچنّه مويوم
آنه أمك إتلّگّاني أو گوم
يوليدي بس فك عينك
أشحال بيني أوبينك
سهم ألبنحرك مرّد أچلاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أشغيّر أرسومك يالتشع نور
الـورد للـشم مـو للـگـبور
أمنين أجاني وخذك عاشور
يابعد گلبي أگليبك أيـفـور
من العطش تلهب ناره
مابيدي حيله أوچاره
الله اليصبّرني أعله بلواي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يالخذت حيلي وماخذ الروح
ماحسّبت تنسـاني وتـروح
أشلون أقنّع روحي مذبوح
وگبال عيني أخيالك أيلوح
ميت عدل حاچيني
تدري أنت فچّة عيني
يابعد هاي أعيوني أوهاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تيّهت دربي ياضوه العين
محتاره أنطي الوجه لا وين
أعليك أرد أنوحن لو للحسين
كلكم خـذاكم منّي الـبين
البين شـل أحوالي
مني أخذ چم غالي
مدري عگبكم وين مـنواي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
حگي أمننوحن وإلطم الهام
ودمع آنه أصب من عام للعام
گلبي أنكسر چن كسرة الجام
شنهي زماني أبكربله أشظام
ماخذ حياتي أوروحي
بيش آنه أضمد أجروحي
الكربله ريت أحسين ما جاي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلمات الشاعر والرادود عدي البصراوي
/channel/aabas78
قصائد لكل ايام محرم اشترك بالقناة
1446 هـ
#قصيدة_ليلة_العاشر
كأني بالسيدة زينب تخاطب الحسين ع
و تقول
لا تفكّــــــر بالصَباح
نام يالغالي استراح
و عالحـــرم لا يظل بالك
انه خيمتــــــهن بــــدالك
نام يالغالي استراح
ــــــــــــــــــــــــــــــــــــ
لا يظل بالـــــــك عليــــنه
خوية و شما بينه صار
ربّنه يحــــــوينه ابرحمته
و عينه ترعـــالي الزغار
عالخيـم كســرة ابنظرتك
شنـهو يعـــــني بيها نار
أمْسَح ادمـــوعك يغــالي
و لا تــزودني انكــــسار
كربلا و شــــما تكون
سهلة و لعينك تهون
و اختك اتعوضه دلالك
انه خيمتــــهن بـــدالك
نام يالغالي استراح
ــــــــــــــــــــــــــــــــــــ
شو دمعتـــــــك عاليتامة
حسرة حسرة تنحدر
عالجمر لو حتى سحگوا
يطفه تالــــيته الجمر
ابتســم راويني ثغــــــرك
خويه و أكسـبّلك أجر
تدري بيَّه شگــــــد احبك
و انكسر مـــن تنكسر
روحي تتحول سراب
من اشــوفك بالعذاب
يالحَنيـــن اذّاني حــــالك
انــه خيمتــــــهن بـــدالك
نام يالغــالي استراح
ــــــــــــــــــــــــــــــــــــ
لا تظــــــل ابهذا وضعك
و لحــــضن اختك تعال
وينه نحـرك ارد ابـوسه
و ارد اشم عطر الجلال
خويه و امشينه لبناتك
نقره ايـــــات الـــــدلال
قُل اعوذُ مــــن سبيهن
و قُل اعوذُ امن الحبال
شو رجع دمعك يسيل
ويـــنّه او ويـن الهزيل
لا تهم و شما جـــــــرالك
انــــه خيمتــــــهن بدالك
نام يالغالي استراح
ــــــــــــــــــــــــــــــــــــ
اقره بعيونك ســـــــــوالف
منّـــك اسمعــــــهن اريد
شبيها يا خــوية الشــريعة
و منّها ليــش اترد وحيد
ابدمعتــك مرسومة جربة
و راية طاحت مـن بعيد
الله ليــــــگول و دخيــــله
ذنّي بــس لا للعـــــضيد
كافي لا مـاريـد اشوف
كافل اخته ابلا چفوف
خوية ضــــــم عنّي خيالك
انــــه خيمتــــهن بــــــدالك
نام يالغالي استراح
ــــــــــــــــــــــــــــــــــــ
شوية عينك خلها تغمض
خويه و ادخل للخـــــيام
نـــــــام حتى ابليـل باچر
احنه هـــــم نگـــــدر ننام
بالصـــــــلاة و بالعــــبادة
نگضي شوط امن الظلام
و لو جِسر جنـــدي يرده
علي الســــجاد الامــــــام
باچـــر انه و البنات
وين ما نتعـب نبات
صبري هذا مــن خلالك
انه خيمتـــهن بـــــدالك
نام يالغالي استراح
ــــــــــــــــــــــــــــــــــــ
كافي خوية ارتاح كافي
مــــــا بقه شَــي للصُبـح
ضُمّه حيلك خاف باچر
راح تتـــــــعب بالــــذبح
و انه گتـــــــلك لا يهمك
عوفه لام عــــون الجرح
و لا تعاين عالهـــــــزيلة
و انته صاعد عالـــــرمح
إلرمـــح ما بي امان
گلبه ميت من زمان
خوية لو فــوگــانه شالك
انه خيمتـــــهن بــــدالك
نايم يالغالي استراح
ــــــــــــــــــــــــــــــــــــ
الحمدلله
#علي_حسين_الكناني
/channel/aabas78
قصائد لكل ايام محرم اشترك بالقناة
