ابو فـاضل من دخـل ميدانها
سيفة رحه ويطحن بأكوانها
........
ابو فـاضل لـو نزل للحـومة
لوحة بـيدة كـربله مرسومة
من عـلي ماخـذه كل علومة
ضربته وحدة لان محسومة
بالـفخـر مذخـورهـاذه يومة
وكـربلة هـوه رمز عنوانها
.......
بالطفوف الموت صار بكيفه
من عـلي ماخـذ اذن تكـليفه
شمرت الفقار شمرت سيفه
بالركـاب يصير حـد تنظيـفه
من بني سفيـان ياخـذ حيفه
زلزل جيوش ويهد اركانها
.......
تـشرد ابطـال الـزلم كـدامه
سيفة ما يبتر يدور الهـامه
القصاص مطـبقة بأسـلامه
الحرب مقبوله بس احكامه
يحـكم يقـرر ينـفـذ اعـدامه
مايكابل شرط بس فرسانها
.......
سيفة رحه ضربته جن زلزله
شهب لو صعـقة عليهم نازله
سيفه يقبض روح ليحل اجله
بيـدة مـلك الموت سلمهه اله
بسيفه اية عالحـسيـن منـزله
اية بالحـق والعـدل برهـانها
.........
سيفه بالميدان عصة موسىه
كل سحرهم يبطل من يدوسه
يلغـف سيـوف ويكطع روسه
سجدت اركاب الزلم لدروسه
صار بالحـومة يأدي طقوسه
وشعـل بيهم بالذعـر بركانها
......
سيفة قـطعه الجهـنم بالارض
العذاب الهـم بده اصبح فرض
حل قدرهم منو بيهم يعـترض
اليشوف السيف منه ينـقرض
دخل بيهم طول ياكل بالعرض
ويـدخل وبيـدة يـسـد بيـبانها
.......
الشاعر
اياد الفرح التميمي
/channel/aabas78
قصائد لكل ايام محرم اشترك بالقناة
بالحرب عنوانك
حيدري ميدانك
هذا عباس.......هذا عباس
***
دنكت كلها تسلم ........خوفهه ايمر الگمر
والنهر مايه تحزم......... راد يتعنه النهر
هيبة العباس طبهه.....سجل بصيته الدهر
رمشت اعيونه خطفهم.....خرزته تكسر ظهر
ترتعب عدوانك
حيدري ميدانك
***
چنه عزريل اعتناهم......والطف ابسيفه ابتله
كال بسم الله يمكن .....راد يكلب كربله
اتكترت كلها العساكر.......چفه يقره البسمله
وشل الطف من خزرته....منهو كدها ويوصله
والفخر ذرعانك
حيدري ميدانك
***
هزه ارضيه نشاهد.......وصل سبع الگنطره
والنهر مايه تبده..........چنه خزرة حيدره
اصطفت اگباله الشريعه ...كلها توگف مسطره
دخنت والطف توقع.....موت واصل بالسره
يا نفل بركانك
حيدري ميدانك
***
اتفاجئت كلها تسولف.....هذا حيدر بالحرب
عالرگاب يخط هويته.....ابو فاضل من يطب
ماتت اگباله المنايا........خلصو من الرعب
چن یميل الطف عليهم.......والعساكر تنشطب
تنذهل فرسانك
حيدري ميدانك
***
سطرة الحمزه سطرته....ابو فاضل لو يطك
چان واحد لو وصله.......يصبح اثنين ابطبك
حارت الدنيا ابجربته......راد يترسهه عشك
والشمر بالهجمه شارد.....چان يتصور صدك
ماجت ابطوفانك
حيدري ميدانك
**
تمت بعون الله تعالى
خادمكم .....يوسف الفتلاوي
/channel/aabas78
قصائد لكل ايام محرم اشترك بالقناة
عكيلي للأنصار
*موته اويحسين اشمحلاهــا * مـوتـه اويحسيـن اشمحــلاهـــا
* بس البيــه حـظ يتـمـناهـا * مـوتـه او يحسيـــن اشمحــلاهــا
---------------------------------------------
1 – يهـتــف صــوت انصـــار الثـــوره
عـــد عيـــنـــك يــــا روح الزهــــــره
عـــالمــــوت انـــوقــــع بـــالعشـــــره
• فكـــرنه اوزيــن احـسبناهـــا * موتـه اويحسين اشمحــلاهـــا
---------------------------- -------------
2 – دنيــه اوصـارت كلــش صعــبــه
تهجـــيـــر اومـــأســـاة اوغــــربـــــه
كــــون ابنــــــــادم يحمـــــــــــد ربــه
• على هــاي القسمــه الردناهــا * موتـه اويحسيــن اشمحــلاهــا
3– عفنـــــه الحــج اوعـفـنـــه العمـــره
واعبرنــــــه الصحـــــراء الخـطــــــره
جـــينـــه انمــــــوت ابحــــب العـتــــره
• حـتى الخــــدر طلـكــناهــا * موتــه اويحسيــن اشمحــلاها
-------------------------------------------
4 – مــثل الكعـبــه حسيــن انشوفــــه
أحــرمـنــه او كــل يـــوم انـطــــوفـــه
مـــا تـرهـــبنـــه اسيـــوف الكــوفـــــه
• اولا بينــه اليكـــره مـلكــاهــا * موتــه او يحسين اشمحـــلاهـــا
---- ------------- -------------------------
5 – انمـوت انمـوت اشكـــد مــاعـشنــه
هـيهـــات أهـــل الدنيــه اتــغــشــنــه
للمـــوت ابـــواهــس غــبــشــــــنـــه
*عـالجـنــه البالطــف شفــناهــا * مـوتــه او يحسيـن اشمحـلاهــا
6 – هــوسنـــه امــن انـطــانـه الـرايــه
يامـــوت احــنـــه اهــلــك شـرايـــــه
لبـن الهــــادي انطـيـنــــه احجـــايــه
• و اكـفـــان المــوت البسنـــاهـا * موتــه اويحسـين اشـمحــلاهــا
------------------------------------------------
7 – عـبـأ جــيـش الـرده اصفــوفـــه
وحـــده حســـين اشلـــون انعـــوفـــه
يـــوم العـــاشــر احـــنـــه اســيــوفـــه
• والنيــه اويـــاه صـفـيـناهـــا * موتـــه او يحسيـن اشــمحـلاهـا
---------------------------------------------
8- خـــل العـسكــــر يــسمــــع كلـــــه
عــن صــــوت الحــق مــا نتـخلـــه
نهــتـــف هـيهـــات امـــن الـذلـــــه
• بس جـيـب اليفهـم مـعـنــاهــا * موتـه او يحسيـن اشمحــلاهـــا
خـــادم أهـــل البيــت عليـــهم الســـلام
أبـــو حــيدر المجــــــراوي
1446 هــــج / 2024 م
/channel/aabas78
قصائد لكل ايام محرم اشترك بالقناة
هاي الليلة هاي الليلة --- سادس ليلة من عاشور
"""""""""""""""""
هــــاي الليـــلة كلـــها أخطار
منجمعـــة وتهتف الأنصـــــار
يـــــــم زينب كل الأحـــــرار
من سمعوا مدمعــها تســــيله
"""""""""""""""""
يتقــدمهــــــم ليث مظــــاهر
والحــــر ومســــــلمها الثائر
رسموا منهـــج يوم العـــاشر
دستور الحق وتأويــــــــله
"""""""""""""""""
ماهابت الأنصــــار العسكر
صدقت بالميثــــــــاق الأكبر
وقعت من فيض الدم الأحمر
منهــــاج تحيــــر بتفصيــــله
"""""""""""""""""
شاعر أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
نزله للانصار.
.
اليوم بنصارك يبن خير الورى
تفتخر ياحسين دنيا وآخره
.
.
اليوم انصارك يبن حامي الحمه
رفعو الرايات برض الموزمه
خلو الفرسان يجري بالدمه
والهم التاريخ يكتب مأثره
.
.
شاهد الانصار مامنهم مثيل
لا ولا واحد برز ليهم جبيل
عدهم الارواح يفدونك قليل
وي دماك اليوم كل دمهم جره
.
.يلي خدك عالترب دامي وتريب
شلون نحرك سيدي موذر خضيب
من بعد جون وزهير وهم حبيب
صدرك خيول آل اميه اتوذره
.
.
يالشفت لجلك وهب لما وهب
نحره والتربان من دمه اختضب
عرف معنى الدين من مايك شرب
الك وبكل طيب قدم منحره
.
.
يالموالي عاين الارض الطفوف
شوف عابس شنهي سوه بالإلوف
چفه يذبح عالترب نحر السيوف
خضب الميدان روس امشمره.
.
.
شوف عابس سيفه ذهب اعله التراب
نزل يتحداهم وشگ الثياب
آنه مجنون الحسين وما اهاب
ارعب الشجعان ليث الزمجره
.
.
الناس ماشافت بطل وبلا سيوف
ينزل بچفه ويشتتها الصفوف
هالفدائي من نزل سوح الحتوف
منهو يوصل نحره منهو يطبره
.
.
حسن الموالي الفاطمي
/channel/aabas78
قصائد لكل ايام محرم اشترك بالقناة
موشح إلى انصار الامام الحسين عليه السلام
خطــوا الأنصــار آيـــات الشـــرف
ورخصوا دمهم لجل أقدس هدف
*---------------*---------------*
رخَصّــوا دمهــم لجــل ديــن الإله
والله لحسين السبــط دينــه اجتباه
هــو يحــي الديـن من نحره ودماه
ومثـــل دم حسيــن هم دمهم نزَف
*---------------*---------------*
خطـــوا الأنصـــار آيـــات الــــولاء
يــوم نزفت عالارض ذيــچ الدماء
سجلوا أروع دروس مـن الـــوفاء
نهـــر والضامي عذب حبهم غرَف
*---------------*---------------*
خطوا أســرار المجد أهل الصـمود
يوم لحسين انتمــوا صــارو جنود
همّــه سبعين وتـعنـــوها الحشـود
ولا شخص منهم ابــد گلـبه رجَف
*---------------*---------------*
خطـــوا الأنصـــار بالطـــف انتصـار
مثله ما أظن بالسمه وبالارض صار
الله كــرمهـــم أوي حســين المـــزار
أباب أبـو أليمه الدهـــر الهـم وگـَـف
*---------------*---------------*
خطـــوا الأنصــار أعظـــم ملحمـــه
حيرت أهـــل الأرض وأهل السمــه
وقعوا لحسين مـــن فيـــض الدمه
موقـف أبكل جيل مثله ما أنَوصَف
*---------------*---------------*
خطوا أوي حسين لــوحة كبــريــاء
مــن تفايض دمهم ابطـــف كربــلاء
سجلــوا أنبـــل دروس مــن الآبــاء
وحگه هـــذا الكون بيهم لـــو هَتَف
*---------------*---------------*
خطو آيات الدمـه بـأرض بالطفــوف
ورخصــو ذيــچ المنــاحر للسيـــوف
مثل هاي التضحيه ما أظــن نشـوف
الحب جنـون الهم عبــر حـد الشَغـَف
*---------------*---------------*
الشاعر
موسى البديري
/channel/aabas78
قصائد لكل ايام محرم اشترك بالقناة
قصائد محرم الحرام (اليله السادسه)
نزله (للانصار)
................................................................
حيهم مــن ناده الهيبه
طبهم وشمحله الشيبه
گلهم الحگ نـجيبــــــه
حي الله الشايب لوكض عوچيته
.................................................................
لبس خاچيته حبيب وهوس اباب الخيم
شايب شمحلاته والله بيده يــــرف العلم
صاح هاويــــن الانصار يالله چاوين الزلم
للحرب يخواني كلكم يالله شدوها الحزم
نفزع كل احنه نقاتل
نطلع وي ابـــوفاضل
تسمع شايبنه شعامل
والثار مربع شايبنه يجيبه
.................................................................
شايب وطب للمعاره وبيضه چانت شيبـته
واحـــــد وتسعين عمره وبيده شايل رايته
عربي ومأصل نعرفــــه باقي والله بنخوته
دخلت انذار المعاره مـــــــــن بداها صولته
يزئر طباها الحومـــــــه
سطر كومه بصف كومه
كبـر بالطف ويومـــــــــه
مــــن يومه الشايب هيبه
.................................................................
عابس ينادي حبيب گله چاويـــــــــن الربع
اباب زينب هايخوتـــــي اليوم كلنه نجتمع
بالخيمه لماهم حبيب وصوته بالعالي ارتفع
درس انطاهم اصحابه وللحرب خطه وضع
حيهم يصحاب الغيره
لمهم وسولف بالسيـره
گلهم نحميها الديــــره
عيالــه انتم زلم النيبه
.................................................................
بصوته ناداهم بريــر وهتف يهل الموزمات
حسين يرخصله عمرنه حسين ترخصله الحيات
بالحرب يخواني كلكم قدموا اروع تضحيات
مانعوف حسين صاحوا نبقى ولحد الممات
لحسين منطين حچايه
ماشين دوم احنه برايه
وللدين نبقى وفايـــــــه
حسين اتنومس بأنصاره الهيبه
.................................................................
للحـــــرب طبوا سويــه وجون طب وياهم
ذوله انصارك نشامه بكل حـــــــرب تلگاهم
ذوله انصارك بواسل مـــــــــن يمر طرواهم
جيش اميه بالمعاره يخاف مــــــن ملگاهم
صاحوا لاتشتغل بالك
گالــــــوا خلينا نشارك
نادوا مــــــاننسه ثارك
والعايل دوم احنه نصيبه
.................................................................
الشاعر عماد محمد الدراجي
الاثنين 2024/2/12
/channel/aabas78
قصائد لكل ايام محرم اشترك بالقناة
نزله
الى مسلم بن عقيل
راية حق وترف بالكوفه
مسلم كل يوم احنا نشوفه
رايات ترف بالحريه
تنادي بإسم الانسانيه
مسلم كل يوم يشع ضيه
ويرفع للاحرار اجفوفه
مسلم كل يوم احنا نشوفه
*----------------------*----------------------*
وسط الكوفه وصارت غاره
عدوانه اكباله ومحتاره
مسلم يرعبهم بتاره
من هاشم صوله ومعروفه
مسلم كل يوم احنا نشوفه
*--------------------*---------------------*
واكف وحده وكلها اتهابه
ماذل رغم الظلم الصابه
مسلم ثوره تضل لهابه
وحده وزارع بيهم خوفه
مسلم كل يوم احنا نشوفه
*---------------------*--------------------*
جم مسلم مر بينا وصرح
صوت الحق عالباطل يصدح
لو تتبع للحق لو ترزح
تحت الباطل تحمل خوفه
مسلم كل يوم احنا نشوفه
*---------------------*---------------------*
لاتتعجب من اخباره
لو كالو شحت أنصاره
بالواقع شفناها اسراره
دوم الناس الحق تعوفه
مسلم كل يوم احنا نشوفه
*----------------------*---------------------*
محمد دعبل النوري
/channel/aabas78
قصائد لكل ايام محرم اشترك بالقناة
( نزله حماسيه)
اليله الخامسه
من شهر محرم الحرام
مـســلم كـلها أدللي
طـوعه أنتي هلهلي
__
هلهلت ليـه وتـناديه يبـن فارس مظـر
مسلم اوحيد يصنديد وصل اليك الخطر
وصلت الكوم تهدكوم تشك حلك الدهر
بسيل الدموم. يجيدوم تسويلك نهـــر
صـوتي يمك يعتلي
مسلم كلــها أدللـي
___
هلهلت ليه. وتحـاجيه تكـوم على الزلـم
يله ياحيد وأنه أريد. تـلبـــسـهــم هدم
عيد المجاد باالجداد يمــسلم ياشــهم
وقلع الباب والجـواب يمــوتون بحلــم
عيـده يل عـمـك علي
مســـلم كلــها اداللـي
___
بهايه يمناي ولي وياي حسامي المايهـيد
اذبح الناس والعباس إذل حـته العجيد
اكطع الراس والنفاس تموت ويه الرعيد
أرعد بصوت أنه الموت وصولن من جديد
واللــه بيـهــم أبــتلي
مـســلم كـلــها أدللي
___
عدنه عنوان باالميدان نشك حلك الحرب
المن نفوت ولاصوت علـةٔ ولـمـن نطب
أكسر خشوم لليهوم وأدوس ع الصعب
حيره بعداي ولي الرأي اسد حته الدرب
واذبح اليمه أعتلي
مـسـلم كـلها أدللي
___
مسلم أرجاك ويه عداك تسـوئي المجزره
يله باالسيف ع الكـيف توسدهم ثــره
ها يمهيوب باالحروب عــداك محيره
أنته ياحيد. يصنديد تـظل للمــفخـره
يابعـد أمـي وهـلـي
مـســلم كـلها أدلـلي
___
تسـلم أبهـاي يرجواي يمسـلم ياكـلف
شفت الجيوش من الصاركلب اليهم يرف
سيفك الحار ليها النار يزف كايم يزف
أنته صكار من الصار أبد ماتنوصف
الحومه بيهم تنجلي
مـســلم كـلهـا أدللـي
كلمات الخادم
مرتضى مكطوف الموالي
/channel/aabas78
قصائد لكل ايام محرم اشترك بالقناة
هاي الليلة هاي الليلة ... خامس ليلة من عاشور
""""""""""""""""""""
هاي الليــــــلة الدمع تفجـــــــر
ليـــلة مســــلم ضد أهل الشـــــر
خط ميثاق النصـــــــــــــر الأكبر
تشهـــــــد له الكوفه وتحجـيله
""""""""""""""""""""
ذل مســلم كل جيش الكوفــــــه
خط النصـــر بدم جفوفـــــــه
قلعـــــة إيــبــــــــاء ومعروفــــــه
وحيد وبس طوعـــــة تحـــــيله
""""""""""""""""""""
مســـلم تاريخـــــه وأمجـــــــــــاده
من ذل القصـــر وأســــــــــياده
خل تتعـــــــــلم منــــــــــه القـادة
رتبة قائـــــــد كون نشـــــــــيله
""""""""""""""""""""
شاعر أهل البيت
الشخ عبدالحسين المنصوري
/channel/aabas78
قصائد لكل ايام محرم اشترك بالقناة
السيده حميده ع -------------------------- ارد اشم تــــــرابك واطفي نـــار غيابك
بويه يا طير السعد جني ما اشوفكم بعد
--------------------------
اني يابويه حميده وهذا صوت احــزانـي
اني من بعدك غريبه واليتم عنوانــــــــي
أبعدت يالغالي عني و هيجت نيرانــــــــي
ومنهو غيرك يا حبيبي بهالزمن يرعاني
سلها روحي مصابك ... هذا حال احبابــــك
صحت يا ربي المدد ... جني ما اشوفك بعد
---------------------------
نــــار فكــــدك آ يبويه كلـــي شيطفيهـا
اتـــوجرت حركتلي كلبي وللابــد تاليها
روحي تنشد والله عنك يالولي رد ليهـا
عيوني مشتاكه تشوفك يا نظرها البيها
يا اعــــــز كل ناسي ... يـا مليك احساسي
حلم عمري الي ابتعد ... جني ما شوفك بعد
------------------------------------
روحي مجروحه يبويه وانت بلسم روحي
شوفتك هيه دواها وبيها تشفه اجروحــي
اني كل عمري انوح وما ابطل نوحــــــي
ودمعي خط سيرة حياتي وعلكاها بلوحي
مــــا أعيش بدونك ... أي وحــك عيونك
هـــــــذا حالي للابد ... جني ما اشوفك بعد
------------------------------
جمرة فراكك عليه تحــرك بدلالـــــــــي
احسب أيــــام وليالـي الجيتك يالغالــــي
وجهك بنوره يبويه بكل وكت يبرالــــي
والله من غيرك يوالي بيتي يصبح خالي
ضاعت احله سنيني ... بدمعتي وبـــونيني
غيرك شعندي سند ... جني ما شوفك بعد
---------------------------------------
عنك انشد بويه مسلم وينه اليدليني
وينه الي يخبرني عنك يمك يوديني
انتظر ترجع اليه وشوفتك تروينــي
الاخر انفاسي اضل أتأملك تدرينــي
صورتك بعيوني ... بسمك يسمونـــي
اني ما انساك ابد ... جني ما شوفك بعد
-------------------------------
نسألكم الدعاء // أبو باقر المالكي /2/7/2023
/channel/aabas78
قصائد لكل ايام محرم اشترك بالقناة
موشح نجفي في حق مسلم بن عقيل (عليه السلام)
دخنت والكوفه شبت نارهه
بيهه مسلم كَالو بأخبارهه
......................
طبهه مسلم والزلم تردم زلم
ضلت وبالخنكَه ماتكَدر تشم
بيهه مسلم نار شبت والنعِم
من جهبهه الحرب مسلم دارهه
......................
رجفت الحيطان مو بس العده
ارجال فوك ارجال ذبهه امدده
جيش هُمه وهوه جان الوحده
موت بيهم من شهر بتارهه
......................
والعُبَيِدِ الله ردوله خبر
جيب جيشك احنه تيهنه المفر
ارسلتكم كَلهم اني ال بس نفر
ضربته كَالوله جيش ابحارهه
......................
احتارت الفرسان بس من صرخته
صوته يذبح كَبل شدة ضربته
حيدره وعباس جانت صولته
اليمنه تاهت بيهم من اشمالهه
......................
هذا مسلم لو علي كلمن سأل
جاوبه ابسيفه غضب ربك نزل
سيفه حش اركَابهم حش الاجل
بني هاشم كفو من افعالهه
......................
حاصر الكوفه كأن جيش وعدد
ضربته توضيح الله الصمد
لم يكن من ضربته كفواً أحد
للقيامه ايشد جيوش ارحالهه
الشاعر ياسر العارضي
/channel/aabas78
قصائد لكل ايام محرم اشترك بالقناة
لوردت تتوفق...والحلم يتحقق
روح دك باب باب ام البنين
..............
اولا يحتاجلك نيه سليمه
حتى تدخل عالم المرأه العضيمه
تدخل ابهيئة فقير اعله الكريمه
لاتجي ابهيئة شمر ضارب يتيمه
ابفطرتك حاجيهه...حاجتك تكضيهه
روح دك باب باب ام البنين
.........
صلي يم شباجهه واسجد يسامع
سولف وياهه اذان ابنص جوامع
انته يم الرائعه ام الروائع
احضر ابمجلسهه واخذلهه المدامع
كلهه ذن ادموعي..اتخبرج ابموضوعي
روح دك باب باب ام البنين
............
كلهه اريد احسين دليني اعله دربه
علميني اشلون ادكن باب كلبه
وصب دمعتك بأي طلب منهه تطلبه
واجبه الدمعه تصب مومستحبه
وفرغلهه احساسك..وهيه ترفع راسك
روح دك باب باب ام البنين
...........
كلهه بدويه جذب هاي الكنايه
انتي علويه واميره بالعطايه
الخلفت عباس موبدويه هايه
وموكلابيه اشكن بالروايه
ليش اسمهه اتخلد.. لوردت تتأكد
روح دك باب باب ام البنين
...........
روح دك الباب باب الله ونبيه
وكلهه ياام الوفه حني عليه
يالترستي الدنيه اخلاص وحميه
ابركات احسين اترسيلي اديه
لامنياتك توصل...فرصه ماتتحصل
روح دك باب باب ام البنين
.............
منهه اطلب ماتشاء وماتفشلك
استريح ابمجلسي اتفضل تكلك
يالتواسيني بدعائي اليوم اشملك
ابلطمتك وابحركتك خادم اقبلك
يلله صفي النيه...واحضر اللطميه
روح دك باب باب ام البنين
الشاعر محمد الجماسي
/channel/aabas78
قصائد لكل ايام محرم اشترك بالقناة
يحسين بالطف لاتهم ربيتلك اربع زلم
كلهم وفه وحنيه تربات ام بدويه
*
الله رزقني بأربعه ذيج الوجوه الحلوه
وربيتهم ذاك الربه وبيهم زرعت الخوه
ماشفت برباهم تعب والتعب الهم يسوه
غيرة علي ونخوة علي خضرت بيهم نخوه
شبان كلهم مرجله ايرفعون راسي بكربله
ادعيلهم يوميه تربات ام بدويه
****
عن كربله وعن الخيم وياهم حجيت اهوايه
آنه امهم وأم الوفه وطلعو علي وفايه
يحسين دكولي الصدر ومنهم خذيت حجايه
وشمحله بجفوف الگمر باجر رفيف الرايه
معدل وأمه معدله ولو زعل زعله شيحمله
طالع اوليدي عليه تربات ام بدويه
**
وصيتهم يا ابو علي اگبالك يدنگون الراس
سيدهم انته وسيدي اتراب جدمك ينباس
ولخيام زينب بالغرب ايصيرون الهن حراس
وعباس بالطف كشختي صاح ونعم من عباس
ربيتلك خوش اربعه والموعد عله المشرعه
وعالشاطي يسطع ضيه تربات ام بدويه
*
يا ابو علي اول درس علمته الهم حبك
والثاني حب ام الخدر ويمشون دوم بدربك
وعالتضحيه وبذل النفس ويبقون اريد بقربك
وعباس لو مرك عطش من ماي عينه ايشربك
وصيتهم بيك اشكثر وگلولي نفديله العمر
وارواحهم ثوريه تربات ام بدويه
*
محظوظه يحسين شكثر حظي ييمه شكبره
وفقني الله وخادمه صرت العزيز الزهره
يالخدمتك اعظم شرف وخادمك ترفع قدره
وتتباها دوم بخدمتك ام البنين الحره
كلش جبيره محبتك وشرفنه الله بخدمتك
ووجوهم قدسيه تربات ام بدويه
***
تمنيتهم عشره الولد عشرتهم افديهم راح
لجلك واكولن قصرت ما طعنته جسمي ارماح
وياك كون بكربله وتسحگني خيل وارتاح
ومثلك اطيح من المهر ويحز وريدي الذباح
وبصدري مثلك انرفس وهناك انامن بالشمس
وامشي ردت مسبيه تربات ام بدويه
***
تمت
ميثم العمري
/channel/aabas78
قصائد لكل ايام محرم اشترك بالقناة
نزله
صاحت الحره هله
هذا سبعج كربله
===========
هذا خلاس الكناطر هذا عباس الكفيل
لو زعل تظلم الدنيا والنهار يصير ليل
فارس وكلها تعرفه واسمه برهان ودليل
ضعن بي عباس حامي منو بيه يكدر يعيل
بزوده تمشي القافله
هذا سبعج كربله
===========================
هذا قائد جيش اخيه وهذا شيال العلم
رمح ياسطرة يمينه وخزرت عيونه سهم
لمن يصول ويكبر جيش كدامه انهزم
كل وجه بالحرب يصفر بس ابو الغير ابتسم
هاي مشهوده اله
هذا سبعج كربله
===========================
حسين بس ايكله حيهم بيهم اتحل زلزله
معجز بالحرب سوه وسجل التاريخ اله
شكد عدد عباس صاحو حتى نعرف نوصله
فات من اربع محاور وحده طوق كربله
وياه طحنه بمشكله
هذا سبعج كربله
===========================
شلون واحد عشره عشره اطيح كدام جثث
ها انه العباس مره صاح والوادي انحرث
ضهضب وصارت رعيده ودمهم من الروس نث
بالنهر سوه المباشر للخيم بالماي بث
منو بيهم كابله
هذا سبعج كربله
==========================
صفن الجيش بكيانه والعجب بيهم كبر
هيج ماشفنه احنه فارس لا ربيعه ولا مضر
والسؤأل الطلع منهم حين حسو بالخطر
انتو متأكد ابنه!! لو علي هذا الحضر
منهو يمشي ويسأله
هذا سبعج كربله
========================
هذا فارس طب علينه لو صكر بالجناحه رف
شفنه بس ريشاته راسه يوم بالحومه خطف
يشمر الجندي وعجيبه هل ثكيل شلون خف
جم الف عل النهر وكفو وحده وكفها كف
صدك سيد المرجله
هذا سبعج كربله
وسام صباح الشويلي
/channel/aabas78
قصائد لكل ايام محرم اشترك بالقناة
الانصار ع
----------------
بالطف ينادي صوت الأنصار
----------------------------
صوت المناحـــر هـذا ناداك
يمك هتفنه بكربلـــه ويـــاك
ساتر نصير ومنهــــو يدناك
بجيش الشمر نشعل الف نار
---------------------------------
خل الطفوف اتبين الأفعــــال
بسوح الحرب تنقاس الرجال
نكلب ارضها انغير الحـــال
انضيع اثـــرها بــــلايا تذكار
----------------------------------------
لا والله وحـــــدك ما نخليـــك
دم وركــاب الـــيوم ننطـــيك
فوك الدروع كلـوب تفديـــك
هـذا عهدنه عهد الاحـــرار
-----------------------------
انخلي اليشوف ويسمع اليوم
نروي ارضها كربله دمــوم
ورايتنه فوك خيامــك تحوم
نهزم عدونه بذله وبعـــار
------------------------------------
انت الامــــام وسيد الكـــون
تدري بعمرنه وياك مرهون
لا مــا نعوفك هــــذا ميكون
فــــدوه الك منذوره الاعمار
-----------------------------------------
هـذا العهد بالـــدم كتبنـــاه
فوك النحر بسمك رسمناه
كاس لشهاده احنـه شربناه
بالطف نسوي لصارما صار
------------------------------------
نسالكم الدعاء
أبو باقر المالكي / 4/7/2024
/channel/aabas78
قصائد لكل ايام محرم اشترك بالقناة
قصائد محرم الحرام (الليله السادسه)
نزال (للانصار)
....................................................
هــــوس حبيب وشـــــال بيــــده الرايـــــه
ولزينب أخــــــت حسيـــــن أنطه حچايــــه
.......................................................
شيـــخ الانـصار بصـــــوتـــــه لمــــــــن ناده
عــــــــد عينـــــــــچ يگلها يعمــــــة الساده
الجيــــــــش هـــــذا كلــــــه ماتهمنه أعداده
واليوم لاجلچ نـــــذبـــــــح احنـــــــه القاده
غايتنه محـــــــــد يوصلچ يازينب الغايــه
.......................................................
هــــــــــــوس حبيب وناده هايخت حسين
امنـــي يزينب يمـــــچ احنــــــــه لاتخافين
عالمــــــــوت والله اليــــوم كلنـــــــه ناوين
الكــــــــــون كله نگلبـــــــه واحنه السبعين
نشتـــــــري الموت لخاطرچ يازينب شرايه
.......................................................
گلهـم حبيـب حسيــــــــــن نبقـــــــــى وياه
الـــزيـــن يوفــــي لصاحبه وماينطي مگفاه
بالروح بالـــــــــــدم والله احنـــــــــه نفداه
والمـــــوت وي حسيـــن عدنـــــــه شمحلاه
انصـارك احنـــــه وللابد يحسين وفايـــــــه
......................................................
هـــــــوس حبيب وصـــــــاح هايالشجعان
الحومـــــــه نگلبها گلب من ندخل الميدان
منريــــد تبقــــــى قـاده اولا فـــــــــــرسان
بـــــــــروس الزلم هاليـــــوم نتـــرك نيشان
جيشك يزيـــــد شـــــــواي واحنه الاهوايه
......................................................
مــــــــــن زينب أحنـــــه ننتظــــــــر هلهوله
أوحتى بسم الله نبــــــــــــــدي الصولـــــــه
وحسيـــــن أجـــــوه أنصاره وگلولــــــــــــه
بالقاده والله اليــــــــــوم نلعب جـــــولـــه
بالحومــــــه صرناله سند صرناله تچايــــــه
.......................................................
بغيــــره وعــــــزم أنصاره مـــــــــن طبوها
شمحلـه السيــــوف بأيـــــدهم لزمــــــوها
والروس تتطاير بقت بالحومــــــــه خلوها
الغــــزايــــــــه والله اليــــــوم هل ردوها
شـــــردت القاده بالحرب وانهزمت الغزايه
................................................. الشاعر عماد محمد الدراجي
/channel/aabas78
قصائد لكل ايام محرم اشترك بالقناة
قصيده للانصار
( يمكن ان تقراء نزله)
عزم يتبع عزم
صدگ هاي الزلم
انصار الحسين
///////////////
مثل ليل - عله الخيل - هل انصار غضب
بالصفوف - نزل خوف - ترى الناس عجب
حبيب وعابس وجون
اسود الله ويصولون
فده العتره ينادون - غضب
ابد ماتنهزم
صدگ هاي الزلم
انصار الحسين
///////////////
هده الصوت - اجه الموت - وابو الحيل هرب
الف ويل - هدر سيل - عل رگاب كتب
نهار الطف صبح ليل
عله الحومه ابابيل
خسر كل ابرهه وفيل - هرب
عله العسكر تهم
صدگ هاي الزلم
انصار الحسين
///////////////
هل سيوف - بالطفوف - مواعيد نصر
اهل دين - ميامين - يشبون جمر
وهب وامه مثل صار
شموع اتضوي الانصار
منار الحر للاحرار - نصر
شهم يسند شهم
صدگ هاي الزلم
انصار الحسين
///////////////
بحر زود - عل حدود - منو الگال يمر
للحسين - وفه ودين - حلو الموت صبر
برير ونافع اعلام
وزهير الزاح الاوهام
من اليجره عل خيام - يمر
بعلي اتشد العزم
صدگ هاي الزلم
انصار الحسين
///////////////
بالالواح - هل ارواح - للحسين فدى
والاثبات - بالايات - مصابيح هدى
شموس الدنيا الابرار
تشع عل ناس ثوار
فضائلهم عل امصار - هدى
اهل حق والنعم
صدگ هاي الزلم
انصار الحسين
احمد عيسى البديري
/channel/aabas78
قصائد لكل ايام محرم اشترك بالقناة
نزلة عزاء للأنصار
انصار انصار. موقف ثبات بكربله
انصار انصار. بالموت صاحوا ياهله
==========
هز حبيب الرايه بيده وصاح لاوين المفر
كربله ضاگت عليهم لاح بجفوفه الخطر
حسين هذا اليدنه يمه والله اكسرله الظهر
سيفي عطشان اعل دمكم يشرب بدم النحر
انصار انصار. تسمع دويهم بالفله
انصار انصار. بالموت صاحوا ياهله
===========
يازهير يگله انزل وانت اخذها الميسره
الميمنه عليه وزلمها عالذبح تلزم سره
الا اخلي الطف دمايه والجثث متطشره
منين تشرد وين تشرد والاعادي حايره
انصار انصار. جلماته تدوي اعل المله
انصار انصار. بالموت صاحوا ياهله
==========
گله انزل للمعاره خل اشوفك ياوهب
موقفك ثابت اعرفه وانت اصفه من الذهب
سيفك اليحجي برگبهم خل يشوفون العجب
ازرع الطف موت بيدك صير للموته سبب
انصار انصار ليل الحرب من انجله
انصار انصار. بالموت صاحوا ياهله
==========
عيد الانصار الحرايب وكفوا بوگفت زلم
الواحد بمية تعده يطشر بكيفه ويلم
نصرة حسين العقيده بس الحسين المهم
من ابو فاظل عزمهم منه اخذوا هالعزم
انصار انصار صوته حبيب من اعتله
انصار انصار. بالموت صاحوا ياهله
==========
بالطفوف الناس موقف ينشره الموقف تره
والانصار بيوم عاشر كلمن لموقف شره
عابس المزگ قميصه ونزل قدم منحره
الفوز وي حسين والله فوز دنيا واخره
انصا انصار. غالي ابن عقد الوله
انصار انصار. بالموت صاحوا ياهله
==========
ابن ظاهر غيض دخن رفرف بجفه العلم
الجيش ألاف ويگلهم الزلمه يگرب للخيم
اليوم اغرگها المعاره اليوم اخلي الحومه دم
الجيش اسحگه ومايهمني الجيش كله ماسلم
انصار انصار. والطف بالادموم انمله
انصار انصار. بالموت صاحوا ياهله
==========
الشاعر علي النائلي
/channel/aabas78
قصائد لكل ايام محرم اشترك بالقناة
مقدمه 6
ليلة السادس من محرم
سادس مسه بشهر الدمع
من فاطمه يلچــــم ضلع
هم تدري يحسين
ليلة اصحاب الوفه الماگل عزمهم
اتحــــزمو لجل الجهاد الليله كلهم
ياحســـــين لنصرتك ضحو رگبهم
صحبه بالتــاريخ مايحصل مثلهم
والموت لجلك والعهد
عـدهم الذ امن الشهد
هم تدري يحسين
°°°°°°°°°°°°°°°
وگف شيخ انصــارك ومرفوع راسه
اباب خيمة زينب وسولف احساسه
كلها نوگف كلنه يم بابــــــچ حراسه
ولي يوصل للخيــــام اندوس راسه
منه العقيله اتشـــكرت
دگ الصدر وستبشرت
هم تدري يحسين…
°°°°°°°°°°°°°°°°°
✍الخادم
كامل السعيدي
/channel/aabas78
قصائد لكل ايام محرم اشترك بالقناة
عهد الانصار
هاي رايـــــــه والضماير بيهــــــــــا — عفنــــه كلشي من اجل نحميها
روح دك صدرك الزينب وحجي بينه — كلها انصاري النشامه الوينـه وينه
عفنه كلشي من اجل نحميها
__
هاي رايه مأصله وعالي قدرها
عالـــم الذر افتخر بيها بخدرها
مانخلها اليـــوم محتاره بامرها
فدوه كل اعمارنه تروح العمرها
جينه كلنه نموت دون الرايــه — للشهاده بكـــل فخــــر شرايــــه
كربله اعله الكوفه نكلبها نوينه — كلها انصاري النشامه الوينه وينه
عفنه كلشي من اجل نحميها
__
سمعنه زينب كالـــوا تناشد علينــــه
تخاف لو صار الصبح نخلف حجينه
روح كلهـــــا للشهاده اليوم اجينــــــه
نموت لــو نرجع سوه الارض المدينه
كلها وقعولي العهد برواحهم — باجــــر تشوفيهـــم بمصباحهـــم
كلها واحدهم ترك اهله وبنينه — كلها انصاري النشامه الوينه وينه
عفنه كلشي من اجل نحميها
____
اذا خذلوها الـــــذي رسلوا كتبهم
كلها يحسين النشامه مــــو مثلهم
لجل خدرج عافوا الدنيه واهلهم
أحنــــه انصارك وكللها رزتهم
الكيت بيهـــم غيره ماموصوفه بحر واحدهم جمر بجروفه
يبو اليمه ولو بعد تنشد علينــه كلها انصاري النشامه الوينه وينه
عفنه كلشي من اجل نحميها
____
هيه ما مرتاحه زينب كل وكتها
كربله وهاي المأسي منين اجتها
جينه مـــن جينه يبو اليمه ابختها
بينه كـــــل الهمه هالحره حيتها
نكلب الدنيـــه ونهز اكوانها — ياهــــو يوصل زينب وديوانهــــا
كلها أحسبيهم اخوتج يالحنينه — كلها انصاري النشامه الوينه وينه
عفنه كلشي من اجل نحميها
__
يبو اليمه وباجر احنه النعتنيها
نخفض الهامات ونسلـــم عليها
للعقيلـــه انودع انقبــــل اديهــــا
نكلها أول هجمــه احنــه النبتديها
فضل منهـــا وماترده ارواحنه — ولا نرده مــــن نزيف اجراحنه
فضل ما ننساه لو احنه البدينه — كلها انصاري النشامه الوينه وينه
عفنه كلشي من اجل نحميها
____
كلهــا بس هليلــــه زينب تنتضرنــه
باجر بــــاب الخيــــم وتباوعنـــــــه
مثل اخوها الكمر نغضب لو زعلنـــه
كلهــا متحضرين للهجمه زلمنـــــــــه
كلها ليل وخالتنامه بجالنــه — يكشف المصباح عــن ارجالنه
رايتك ناخذهــا وترفر بدينه — كلها انصاري النشامه الوينه وينه
عفنه كلشي من اجل نحميها
___
الشاعر
السيد كريم دانه الاعرجي
/channel/aabas78
قصائد لكل ايام محرم اشترك بالقناة
افنيهم والحسين والحسين ياطوعة
……
مااهم وكت الحرب طبعي اكلبها كلب
مسلم بيوم اليطب صولتة معروفة
فرحي بية وهلهلي ايصيح كلمن صد الي
هالبطل حيدر علي شرجعة للكوفة
يلاكوني ولاهات ولاهات مسموعة
.افنيهم والحسين والحسين ياطوعة
……
عندي مايعني العدد افرح بيوم الشدد
هاشمي وكلبي استعد ياهو اليلاكيني
سيفي غازل يمنتي ياهو يحمل ضربتي
الجيش اسمعة كلمتي مااعوف حسيني
صرخاتي باالافكار بالافكار مطبوعة
افنيهم والحسين والحسين ياطوعة
……
وية الحرب ماافترك كلبي بالغيرة يدك.
السيف يعشكني عشك ويطرب اعلة حساسي
جني سبع الكنطرة الدنيا بية محيرة
تعملت من حيدرة ماادنك راسي
ينضروني ولانفاس ولانفاس مكطوعة
افنيهم والحسين والحسين ياطوعة
……
بالجثث املي الارض موقفي اصبح فرض
ارفض الذلة رفض بالخطر مابالي
يوم الملاكة حلة وسيفي اسلة ابيا هلة
بدت منا كربلة وتستمر للتالي
يبرزولي وباالكلوب وباالكلوب جم لوعة
. افنيهم والحسين والحسين ياطوعة
……
تعلمت واني طفل لااساوم لااذل
بس للحسين امتثل هذي تربيتي
الماعرف خل يعرفة. امري واضح ماخفة
فدوة لبن المصطفة انذبح امنيتي
تبعوني ولاعذار ولاعذار ممنوعة
افنيهم والحسين والحسين ياطوعة
……
سيد معتز الحسيني
/channel/aabas78
قصائد لكل ايام محرم اشترك بالقناة
نزله
مسلم ابن عقيل
مسلم ذاك لوحيدر وفقاره
يتفداك وتلوگ اله السفاره
***
حين شافو ضنو حيدر باالحرب
والهوه هناه. وياه ماحصل درب
جبل شايل أصلن ماشايل گلب
هذا مسلم عازم يتحدى الصعب
حب حسين مسلم صبح شعاره
يتفداك. وتلوگ اله السفاره
***
كثره همه اوحده بس طلبوا مدد
من نظرهم شو گال مايسوه العدد
جن جهنم سيفه ناداهم بعد
جدمه ثابت دگه چن دگت وتد
خل الگاع. نهر بدمه يتجاره
يتفداك.. وتلوگ إله السفاره
***
طوعه تنظر هاالجيش گدامه انكسر
هيه ضنت حيدر لو ابنه الگمر
خاف حمزه هذا للكوفه وحضر
كلهاصاحت قادم الموت الحمر
طوعه تشوف. وتسجل انتصاره
يتفداك. وتلوگ اله السفاره
***
ها المقاتل كلهم طشهم باالفله
راح يوصل. بيهم حتى الكربله
درس قدم شنهو معنى المرجله
جيش اجاله وناده بيكم ياهله
راعي الثار. ما ينسه لحضه ثاره
يتفداك. وتلوگ إله السفاره
***
هوه نيته طبعن جانت بس سلم
لچن وسفه ماكو ناس التفتهم
شو تفاجأ ضده مگلوبه الزلم
گال حاضر سيفي يطشر واليلم
ماطخ راس خل تسمع الغياره
يتفداك وتلوگ إله السفاره
***
الشاعر سعد العبودي
/channel/aabas78
قصائد لكل ايام محرم اشترك بالقناة
مقدمه 5
ليلة الخامس من محرم
خامس مسه ابشهر الدمع
من فاطمه يلچــــــم ضلع
هم تدري يحسين
ياحســـــــــــين الليله فاجعتك چبيره
الليله مسلم ضل وحيــــد ابلا عشيره
ابغربه وحـده وهمه كثره وهاي حيره
الگلك اقدم شو صــــــبح بايع ضميره
ضل وحده محد ينصره
والناصــــرت مسلم مره
هم تدري يحسين
انته ثوره وهوه چان اول شـــــــراره
وجسد اعظم تضحيه ابعزمه وقراره
عن طريق الحق فلا غيــــــر مســاره
عاش خالد وندفن قصــــــــر الاماره
اقدس سفير ابثورتك
وبدمه وقــــــع بيعتك
هم تدري يحسين
°°°°°°°°°°°°°°°°°°
✍الخادم
كامل السعيدي
/channel/aabas78
قصائد لكل ايام محرم اشترك بالقناة
نزله مسلم ابن عقيل
گلب مسلم من يدگ
والله موخوفن عشگ
عاشگ حسين
طب عليهم مبتسم
طشر ارگاب الزلم
يسرة ويمين
===============
شلون هسه والحسين خبر من عنده نتظر
هوه مرسل والرسول ما يرد الا بخبر
لازم ايدزله الجواب جيتك صارت خطر
كلهه ضدك يل حسين بشر وجروف ونهر
من يگله لا تجون.
بيكم الوادم تخون
. ابقى يحسين
سلو ابوجه السيوف.
بلاخجل وبلايه خوف
ابقى يحسين
==============
من يگله البايعوك عافو المرسل وحيد
بل لسن كالو تعال والگلب مال اليزيد
صاح حيى اعله الجهاد فتوه گالوله نريد
جيبهه انه امن الحسين لان يدرونك بعيد
من يگله اهل الكتاب.
مايهم صبح سراب
ابقى يحسين
وادم اتحب الجفاء
عاشت الدنيه برياء
ابقى يحسين
============
اتركو مسلم سفيرك ياحسين الكاتبوك
ذره لوعدعم وفاء موتجيهم جايجوك
للمدينه ويعتنون ياحسين وبايعوك
مسلم الوحده تركوه يعني من هسه خذلوك
حتى قاتلهم قتال
گطع اركاب الرجال
ابقى حسين
مسلمك شافو شجاع
فزعو اعليه بل خداع
ابقى يحسين
===========
توالفت كل الوجوه والگلوب اتخالفت
والقبائل والجيوش ضده كلهه تحالفت
طبهه مسلم والجيوش ترجف وبيه سولفت
كلهه رجفت منه خوف والركب هم رجفت
كلهه ردت ليورى
وكفت ويا بس مره
ابقى يحسين
من يگله اهل الكتب
وحده عافو بل حرب
ابقى يحسين
=======
الشاعر محمود رحيل
/channel/aabas78
قصائد لكل ايام محرم اشترك بالقناة
يم حميده امشنه ننصب فاتحه
وهاي اول خيمه بالطف طايحه
ــــــــــــــــــــــــــــــــــــــ
امشنه علويات نتگابل سوه
نلطم اوياهه ونگللهه الگوه
طاح ابوهه من قصر عالي وهوه
واليتيم اعليه تلوگ النايحه
ــــــــــــــــــــــــــــــــــــــ
خل نحسسهه ابحنان العاشته
الچان في ابصيفهه ودفو الشته
مات أبوهه ومحضرت بجنازته
لاهي ميته اوياه ولاهي الرايحه
ــــــــــــــــــــــــــــــــــــــ
يم حميده امشنه خنصب الدمع
وداير الحلقه نسوي ونجتمع
حلوه لـمتنه مثل لمة شمع
ونلطم اعله الجثته بالدم سابحه
ــــــــــــــــــــــــــــــــــــــ
وين ابوي اتصيح چاوين الحلم
عمه خبريني إذا عندچ علم
من حضّني احسين حـسيت بيتم
وگلبي يوجعني بقه امن البارحه
ــــــــــــــــــــــــــــــــــــــ
اتدنن وگعدن حولهه بهالمصاب
زينب التقره ويلطمن بانتحاب
آه يامسلمنه يازين الشباب
يالامعدل يالچلمتك مالحه
ــــــــــــــــــــــــــــــــــــــ
طيحوك أمن القصر طيحة سمه
اتلگتك امنه اكيداً فاطمه
وضمد اجروحك علي حامي الحمه
وظلت اعيون التحبهم شابحه
محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
نزله لمسلم ع
بأمكانكم تغيير كلمه (الكوفه) في المستهل الى كلمه (الحومه)
.
ذكرهم ابحامي الحـمه .. يامسلم
والـكـوفـه رويـهـا دمـه .. يامسلم
__
يالله سيفك جـَرده . وعلي عمك جـَسده . الظربته ابروس العده
موصوفه
الناس خلها تفتهم . هـذا مـو واقع حلم . وخـل تجي ليك الزلم
مچتوفه
غربل اجيوش الكفر . بيهم انته اشتنتظر . شـي طبيعي تنتصر
عالكوفه
امـن الـخريطه الغـيها . الناســيه ماضـيها . السيـف يحكـم بـيها
ومعروفه
مـبعوث مـن رب السمه .. يامسلم
والـكـوفـه رويـهـا دمـه .. يامسلم
__
الجــمع خــلي ينــبهر .ليلــهم سويه ظـهر . الرايــده منــك تــفر
خليـــها
ابشـرط تسمـع مايلـي .البچي صوته يعتـلي . حـقـها تتذكر علي
امبچيها
البالشجاعه اتضاهرت . وللنزال اتحظرت . الفاتحه اعليها انقرت
تاليـــها
الله ساتر صاحت . انغـمه اعليها وطاحت . ارواح كثره الراحت
تدريــها
تـدريبك انتـه الخـاتمه .. يامسلم
والـكـوفـه رويـهـا دمـه .. يامسلم
__
من تشيل الرايه . اعليهم احچي احچايه . گلــهم اموصايه
لـَيميني
گلهــم اتــحداكم . اگــدر المــلـگاكـم . جـيـبو جيش اوياكم
يكفيني
اني صح بس واحـد . لكــن الله الـشاهد . فنــه جيش وقائد
يلويني
احسب احچاياتكم . ولو سمعت اصواتكم . اعتقد هاماتكم
تدريني
مخـلوق لجـل الموزمه .. يامسلم
والـكـوفـه رويـهـا دمـه .. يامسلم
__
تره من حـقه النشد . علــي حلال الشدد . يمـته مــن گبره گعد
خبرونه
الكوفه عمك ذكرته . شلون تنـسه شمرته . بيـك شافت صورته
وعيونه
حقها لو سجدت الك . الماسجد يعني هلك . چفك السيف امتلك
يدرونه
الملگه وي حيدر صعب . شايفـينه بالحرب . للمـفر ماكــو درب
يلگونه
خـلي سمـاهم مظــلمه .. يامسلم
والـكـوفـه رويـهـا دمـه .. يامسلم
__
الكوفه من بيها تهد . كل منافذها تسـد . حـتمــاً الشردت ترد
مكسوره
گلهم ارد انه انتقم . وماكو نـيه للسـلم . الزلـم يــمـك تنصـدم
مذعوره
ايصير يوم الاخره . من تحاصرهم وره . عاد يــبدي القسوره
وبدوره
لا تسامح كل احد . بيدك السيف انوجد . تــره من حقه اللبد
مخطوره
اچفوفك الـهاي امعلمه .. يامسلم
والـكـوفـه رويـهـا دمـه .. يامسلم
__
الجيـش مايگدر ابـد . الك يالچـنك اسـد . انـته يالمـنطي وعـد
لحسينك
الكوفه احـذرها تـره . هـيه غـدرت حيدره . خلي سيفك تنظره
ابچفينك
اعليك والله اتحملت . هواي قاده اتجندلت . اتردلك اهيه فكرت
من دينك
تملك اسـلوب الغـدر . وصـعبه لـمن تنـكسر . تنشمر مـن القـصر
هـا وينك
خو ما سهم بيك انـرمه .. يامسلم
والـكـوفـه رويـهـا دمــه .. يامسلم
__
حيدر تركي الكربلائي
/channel/aabas78
قصائد لكل ايام محرم اشترك بالقناة
نزلة / ام البنين عليها السلام 2024
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
ام الكمر هايه. خل تعرف الناس
وفت لبواليمه. ضحّتله عباس
ما بخلت بكلشي. ما دنكت راس
ضحّت باولادها. حققت امجادها
حتى تنصر دينه. الله للطف رادها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
سار الظعن عنها. ودمعتها بالعين
وصّت كمر هاشم. ضنوتها بثنين
يكفل خدر زينب ومايترك حسين
ضحّت بشبّانها. وقدمت قربانها
فارگاها الغالي. ظلت باحزانها
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
من واست الزهره. واستها بحيود
اربع بنين انطت. للتضحية شهود
صارو لبواليمه. بالمعركة جنود
حگها تفخر بيهم. أمهم توصّيهم
للحُسين وآله. بالحرب تفديهم
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لحسين ابواليمه. تتنشّد اخبار
راح وبقت هيه. تنتظره بالدار
تبجي وتون ظلّت. ما تدري بالصار
تكعــد بمحــرابه. تبچي دم بغيابه
تدعي الله يجيبه. لو تموت ابابه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
للغالي مشتاگه. تحسبله ايام
ليليّه سهرانه. ما كدرت تنام
ام البنين أمه. من حگها تحتام
تنتظر ملهوفه والدرب متعوفه
والأمل بعيونها. للحُسين تشوفه
السلامُ على امُ البنين
السلامُ على امُ البنين
٠٠٠٠٠٠٠٠٠٠٠٠٠٠٠٠٠٠٠٠٠
لن تسمع الناعي يصرخ اويلاه
ذبحوا ابواليمه. ونسفكت دماه
ام الكمر صاحت. اَي وا حُسيناه
ياحبيب الزهره. لجيّتك منتظره
ما دريت بحالك. تنذبح عالغبره
السلامُ على امُ البنين
السلامُ على امُ البنين
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/aabas78
قصائد لكل ايام محرم اشترك بالقناة
نزله ام البنين (ع)
رابح الوالاها ام البنين
خاسر العاداها ام البنين
1
للوفيه الطاهره انصب الدمع
هواي تستاهل نكسرلها ضلع
هاي ام الاربعه الما ينفجع
گلبه الها عالاقل خل ينصدع
ربك العلاها ام البنين
خاسر العاداها ام البنين
2
العنده حاجه لا يقصر باللطم
باب للحاجات منها والنعم
مره هيه وقدمت اربع زلم
من تمد چفك الك تختم ختم
الحاجه ماتنساها ام البنين
خاسر العاداها ام البنين
3
حاجتك تگضيها بالمجلس تره
من تناديها بدمع يالطاهره
بكل مجالسها تجيك وحاضره
والك تشفع يالمحب بالاخره
حيدره السماها ام البنين
خاسر العاداها ام البنين
4
لا تقصر بالحضور وياها
فرصه هاي اشعندك وانخاها
اشگد كرامات الجليل انطاها
وباب للحاجه الك خلاها
اطلب وانخاها ام البنين
خاسر العاداها ام البنين
5
الها من تحضر الدمعه ابچيها
تفلح بأولها وبتاليها
بالمجالس انته من ترثيها
عهد لأم الاربعه تنطيها
عهدك انته وياها ام البنين
خاسر العاداها ام البنين
6
اختم بدمعك ونوحك عالشهيد
الطاح فوگ الترب محزوز الوريد
ظل ثلث تيام مرمي اعله الصعيد
وصيح يأم البنين شما تريد
اشعندك وانخاها ام البنين
خاسر العاداها ام البنين
لاتنسون والدي وابني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
