الليله نعلگها الشموع نواسي زينب بالدموع
الليله وحشه ....... الليله وحشه
.....................................................
خل نواسي الليله زينب ونلبس ثياب السواد
نعلگ اشموع بدربها ويمها ينقام الحداد
الليله تبچي وماكو والي والخيم صارت رماد
والدمع يحرك جفنها وهزت السبع الشداد
الليله يبچيها الرسول وحيدرة وامها البتول
الليله وحشه ....... الليله وحشه
..........................................................
الليله زينب واليتامى يا علي ايصيحن دخيل
ياعلي احضر بناتك الصاحن بدمعة وعويل
لامحامي اليبقه عدهن وعالنهر طاح الكفيل
بلا وطن وبلا عشيرة وهيه ظلمه ودنيه ليل
خيمة چانت هسه نار ..... تحرك چفوف الزغار
الليله وحشه ....... الليله وحشه
.....................................................................
يا منام الليله وحشه وينذبح بيها الامام
وتبقى زينب واليتامى الچنهن طيور الحمام
عشهن الخيمه احركوها وما بقت عدهن خيام
يَمّن وبيَمّن يباتن وحشه هالليله وظلام
منهن المدمع يسيل ...... صاحن وماكو كفيل
الليله وحشه ....... الليله وحشه
..........................................................................
الليله مو مثل الليالي ينسلب بيها الحسين
الليله صرخات الفواطم تعلة وي صوت الونين
الليله كفّال الضعينه تنگطع منه الادين
والشباب تموت كلها وينذبح حته الجنين
الليله ريحان الرسول ...... تسحگ اعليه الخيول
الليله وحشه ....... الليله وحشه
..............................................................
الگاع متروسة بجمرها الدنيه تمطر چنها نار
ترفة رجلين اليتامى شلون تمشي الجمر حار
سكنة لو يسكت بچيها ارقيه تبچي اويه الزغار
وحدة بالوحدة يلوذن والوجه لاحه الشرار
زينب تون وتنوح.... اصفِطّت يمها الجروح
الليله وحشه ....... الليله وحشه
.......................................................
نسالكم الدعاء
الشاعر علي صادق المجراوي
/channel/aabas78
قصائد لكل ايام محرم اشترك بالقناة
https://vt.tiktok.com/ZSYGbnAHm/
للحومة اعتنيتك جايبه الماي
رغم كسر الضلع ما طاب جرحة
ياليل طول خل اودعه
طول ياليل المصايب هي آخر ليله
وي الحسين واخوتي همه بخت الشيله
حلو المسامر يهلنه وحلو جمع العيله
باجر يخوفني باجر دمع عدنه نسيله
فراكَه يكتل خل اودعه
ها يليل شبيك مسرع خل أودع حسيني
هو بس هاليله يمي بعده تهمل عيني
خل اشبكَه خل اشمه وداع بينه وبيني
خل اشمن ريحة امي شبيك ما اتانيني
دمعي يهمل خل اودعه
حلو من يلتم شملنه شكد حلو نلتم سوه
شلونچ يكَلي واكَله بخير ما دمت الضوه
وشحلاته من يسولف الاخو جن نسمة هوه
يكتل وداع الحبايب اخ منچ نينوه
عنه أسأل خل اودعه
شكَد احب حسين انا هو ريحة فاطمه
كَعد يمي وسولفالي وهلت عيوني دمه
كلي باجر ماكو راحه حرب باجر ملحمه
خافن انذل خل اودعه
لأكبر يطيح اعله وجهه دامي ويغركَه النجع
وجاسم الحنه دمائه حنه ماكو لا شمع
باجر وعباس زينب عالنهر هم منصرع
وانا يازينب أخيتي الراس مني ينكَطع
هذا يحصل. خل اودعه
وانتن تروحن سبايا لديرة الكوفه بيسر
وابد لا جنچ أميرة الدرب تمشينه بحذر
الشمر باجر لضعينه يحدي من بعد الكَمر
صبري يا زينب يخيتي ولاجر من الصبر
هذا مقتل خل اودعه
الشاعر أسعد الناصري
/channel/aabas78
قصائد لكل ايام محرم اشترك بالقناة
عزيـــه المسيه
وداع اهل الحميه
***
ليلـــة اوداع حلـم ضاع
مدامــع جاريه حناجر ناعـيه تقيـــــم التعزيه
بين الاحباب والاصحاب
تسولف بالدمع الاحبه تنجمع صباحاً تنصرع
منيــــه المسيه
وداع اهل الحميه
***
اوداع الاخوان بالاحزان
يقبله بجبهته ويخبره بحيرته الجبيره امعزته
تبجي العيون يسألون
غداَ كلنه غداَ تشيل اهل الضعن خيام ابلا وطن
أذيه المسيه
وداع أهل الحميه
***
الوالده اونــــين عالحنين
تودعلهه طفل التعرفـــــه ينقتل وداعه ومو سهل
اتحضنه وتنوح بلاروح
تلوليله بقهر يمحزوز النحر انذبح تعب السهر
ضحيه المسيه
وداع اهل الحميه
***
بنار الاشواك والفــــــراك
اخـــو ويه الاخــــو الابن وي الابـــو يفرقها العـــــدو
طــــول ياليل الصبح خيل
تدوس اعله الصدر لحد وكت العصر يسلبون الخدر
قضيه المسيه
وداع اهل الحميه
***
باجــــر النار والاخطار
تحيط العايلـــــه وتحاصر كربله وتشـــيل القافله
تمشي الحيود والاحدود
تظل ابلا حرس ظلام ابلا قبس سماء ابلا نفس
شجيه المسيه
وداع اهل الحميه
***
باجـــر اخـــيام بــــالالام
تظل ابلا كمــــر عيون ابلا بصر علمهه اعله النهر
اهواي الجروح دمه ايفوح
بصحاري نينوى يون حتى الهوى على ذاك اللـــوه
رزيه المسيه
وداع اهل الحميه
***
ابو علي الركابي
/channel/aabas78
قصائد لكل ايام محرم اشترك بالقناة
والله لكسرك ياضلع ... عله حسين واولاده
..................................................
والله لكسرك ياضلع ... عله حسين واولاده
وما خلي بعيوني دمع ... عله حسين واولاده
هالليله فاطم تنفجع ... عله حسين واولاده
(للزهره ارخص ماي اعيوني )
عله حسين واولاده... عله حسين واولاده
................................................................
هذا الضلع خل ينكسر ... عله حسين واولاده
ليل وصبح ضهر وعصر ... عله حسين واولاده
الليله اخسفك ياصدر ... عله حسين واولاده
( مو دمعه ابچيلك فص عيني )
عله حسين واولاده... عله حسين واولاده
....................................................................
هالليله حزانه السمه ... عله حسين واولاده
والليله تمطر بالدمه ... عله حسين واولاده
خلي نعزي فاطمه ... عله حسين واولاده
( ما ريد اعيوني بهالليله )
عله حسين واولاده... عله حسين واولاده
.................................................................
حر الشمس زاد الضمه ... عله حسين واولاده
كل الضلوع امهشمه ... عله حسين واولاده
وماي النهر سهمه رمه ... عله حسين واولاده
(جايبلك ماي بچفيني )
عله حسين واولاده... عله حسين واولاده
................................................................
ننصب جوادر بالدرب ... عله حسين واولاده
جمرة حزن خل تلتهب ... عله حسين واولاده
مايطفه حزن البلگلب ... عله حسين واولاده
(دگيت اسمك فوگ أضلوعي )
عله حسين واولاده... عله حسين واولاده
....................................................................
بالعاشر ايطول السهر ... عله حسين واولاده
نبچي ونحن مثل الكمر ... عله حسين واولاده
هذه عزاء المنتظر ... عله حسين واولاده
(امتانينه يحضر مجلسنه )
عله حسين واولاده... عله حسين واولاده
الخادم
علي صادق المجراوي
16/7/2024
/channel/aabas78
قصائد لكل ايام محرم اشترك بالقناة
جمر الخيام الخيام(نزال ليلة العاشر)
—————-المستهل—————
جمر الخيام الخيام حَرگ جدم العقيله
****
ساعـة اوداع وتـدير ابعـينها
زينب وتصفگ هظم جفينها
الكافل امگطع ذبيح حسينها
حرمه ظـلت لازلـم واتعيـنها
بعد الـوداع الـوداع دمـع نـار التسـيله
جمّر الخيام الخيام حَرگ جدم العقيله
***
نادت من التل يعـباس الشـهم
نهبت اخيامك يبـو فـاضـل زلم
وحيل اخِيتك عاليتامه المنهدم
مره أركض مره اصيحن مره ألم
شبت النار بعد نـار ولا امـلـك وسـيـله
جمّر الخيام الخيام حَرگ جدم العقيله
****
ياما صاحت ياما نادت يالگـمر
صعـد دُخـان المُـخيم وأسـتعَر
وعالشريعه شابحه وتربي النظر
الحـگ تصـيح ودليلي المنفـطر
گلبي عطشان يعطشان اخو يلهب دليله
جمّر الخـيام الخـيام حَرگ جدم العقيله
****
تحَـيِرت ويـه اليـتامه اتـحـيرت
تركـض بـنار وجـمـر واتـعـثـرت
زيـنب بـيـن العـسـاكر حَـشمت
اختـك الزورگ مـتنـها اتشتـمت
خويه عباس يعباس جبت ضعني وكفيله
جمّر الخـيام الخـيام حَرگ جدم العقيله
****
أگرب الها والجمر يچـوي الجمر
خيمه خيمه علينا ظلـت تسـتعر
شكثر صحتك ياگمر خويه شكثر
نكسر ظهري والصبر شـح الصبر
تجري العيون العيون دمـع دم التهيله
جمّر الخيام الخيام حَرگ جدم العقيله
****
تشكف بچفها العقيله من الضرب
فترت اعليـها الزلـم شـرق وغـرب
ابين الاجناب وصـفت بين الـغرب
الموفق بدون الكفلها شگد صعب
بطگ المتون المتون بعـد من تشكيله
جمّر الخيام الخيام حَرگ جدم العقيله
*****
خادم اهل البيت(حــمــزه فـاضـل)
/channel/aabas78
قصائد لكل ايام محرم اشترك بالقناة
فزاعيات ليلة العاشر
چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله
اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه
يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب
كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه
مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها
الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده
الشاعر سلام البهادلي
/channel/aabas78
قصائد لكل ايام محرم اشترك بالقناة
ليلة العاشر
حان الدمع يم الخدر هاي المسيه
باچر إخوتچ تنذبح وانتي سبيه
****
ادري الوداع إيألمچ يُم المصايب
خيط الفجر بيّن تره ودعي الحبايب
كلهم وحگ عينچ غداً فوگ الترايب
أسمعها ونة كربله بصوت المنيه
****
اول وداعچ يبتدي لازم بالحسين
حيل اويه اخوچ اتعانگي شمي الصدر زين
باچر خيول اتهشمه بعينچ تشوفين
وضلوعه كلها تنكسر يالهاشميه
****
من يعتني دور الگمر قبْلي چفوفه
بچفوفه من يحمل نهر تغدره طفوفه
الكافل سهم عالمشرعه يعميله شوفه
ويصيبه عباس العمد اشعظم الرزيه
****
للقاسم ام قاسم عجل خلها تودعه
من هسه لبن المجتبى عِلگوله شمعه
ماكو هلاهل لا عرس هالليله دمعه
يتحنه من دمه الولد فوگ الوطيه
****
لوليه عبدالله الطفل هزيله مهده
گومي رباب اويه الحرم بوسيله خده
باچر عليه يلتف سهم والشده شده
دامي يرد بيه الابو دمومه جريه
****
لكبر تره دون الاهل تايه مچانه
يا ليلى من هسه علي يابس لسانه
يتصوب وتالي المهر يلتف عِنانه
بالحومه يتگطع وصل بسيوف اميه
****
لا خيمه باچر لا اهل آ يالعقيله
وصي البنات اعله الدمع خفيه تسيله
نومتچن بليل اهدعش فوگ الهزيله
ذيچ الخرابه تنتظر سكنه ورقيه
****
الشاعر اياد الديراوي
/channel/aabas78
قصائد لكل ايام محرم اشترك بالقناة
مصرع عبدالله الرضيع
يمه متعود على چفچ انام
تالي نمت بهيمه ترهب بالظلام
يمه اجه الليل.. يمه اجه الليل
………………………………
الخيمتچ رديني وحشه هنانه يمه
الليل اجاني واني اخاف الهيمه ضلمه
يمه اريدن حضنچ الدافي اضمه
ماي ماريد والبن تكفيني شمه
..بطلت ماريد يايمه اني ماي
..يمه اخافن ضلمه شو ليه تعاي
بحضنچ الدافي احسن بالسلام
تالي نمت بهيمه ترهب بالظلام
يمه اجه الليل.. يمه اجه الليل
………………………………
حيل مشتاگ الحضن كله محنه
يمه حضنچ وين اكو بهالدنيه منه
يمه صدرالهيمه يرهب حيال حضنه
گومي رديني الحضن خيمة اهلنه
..ما اريد الليله بالهيمه ابات
..ارد انام الليله بحضان الخوات
يم رقيه يمه يحلالي المنام
تالي نمت بهيمه ترهب بالظلام
يمه اجه الليل.. يمه اجه الليل
………………………………
يمه مشتاگ الحضن اختي رقيه
ارد انام اني ابحضنها هالمسيه
ارد انام وخدها المسنه بديه
ادري چف باچر يسطره من ال ميه
..ارد ابوسن خدها واشتم الاذن
..اليسلب الترچيه چف زلمه خشن
وباچر ايورم متنها ابن الحرام
تالي نمت بهيمه ترهب بالظلام
يمه اجه الليل.. يمه اجه الليل
………………………………
ليش يمه ابهيمتي عفتيني وحدي
يمه اريد الليله انام اني عله مهدي
يمه حضن الگاع شو چوالي خدي
مدري من حر الرمل لو نار چبدي
..حيل خدي تچوه يمه يالرباب
..هذا شنهي اللي اشوفه بعيني شاب
يصير اشوف بعيني محترگه الخيام
تالي نمت بهيمه ترهب بالظلام
يمه اجه الليل.. يمه اجه الليل
………………………………
هاي ياهي الاجنبي بسوطه اجاها
گام ترگض تعثر ويركض وراها
نار اشوفن تاكل ابطارف عباها
عثرت وطاحت واجه ابسوطه ولاها
..انكسرگلبي على هاي المره
..شو اشوفنها وحيده محيره
شحچي عنها يمه مايوفي الكلام
تالي نمت بهيمه ترهب بالظلام
يمه اجه الليل.. يمه اجه الليل
………………………………
هاي لتگليلي يايمه العقيله
ما اصدگ عمتي لامستحيله
زينب امخدره شو هايه ذليله
موخدرها عمي ابو الغيره كفيله
..شوخذوها گوه يمه للسبي
..هذا موعباس وياها اجنبي
شلون تمشي ويالغرب يمه حرام
تالي نمت بهيمه ترهب بالظلام
يمه اجه الليل.. يمه اجه الليل
عقيل الحسناوي
/channel/aabas78
قصائد لكل ايام محرم اشترك بالقناة
مقدمه اليله العاشره
هاي اللية هاي الليلة --- عاشر ليلة من عاشور
""""""""""""""""""
هل الليــــلة ليــــــلة الأحــــزان
خلصوها بتقــــــوى وأيـمــــان
قدموا للبــــــاري القـــــــــربان
الدين بدمهــــــــم تكميـــــــــله
""""""""""""""""""
ثبتـــــوا ما خلفُ العهـــــــــود
من أطوعت كلها جنـــــــــــــود
قدموا رأس ودم وزنـــــــود
ما قبلُ يوم أعله العيــــــــله
""""""""""""""""""
ثبتت للوادم هل الثـــــورة
نصر الله ومعروف بنصــــره
ذل سيف الظالم دم نحــــــره
الدين حسين وتمثيـــــــــــله
""""""""""""""""""
شاعر أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
لمة عزه للأكبر ع
عالأكبر دم تجري عيوني
عالأكبر دم تجري عيوني
___
آنه أم الأكبر عينوني
بمصابه الليله واسوني
شفت أوليدي بهاي عيوني
عالغبره ومنّه حرموني
عالأكبر دم تجري عيوني
_
شفت بعيني براسه الطبره
وطاح الأكبر فوگ الغبره
وشفت الظالم من حز نحره
ياريت بداله ذبحوني
عالأكبر دم تجري عيوني
_
عطشان وذبحوا گدامي
وذبحوا وياه كل أحلامي
من بعده شلي أب أيامي
ماعيش بدونه يدروني
عالأكبر دم تجري عيوني
_
بدموعي وسهري ربيته
وبعيوني وگلبي خليته
من طاح بحزني ناديته
عدوانه بعده تولوني
عالأكبر دم تجري عيوني
_
ماعيش ولا أصبر دونه
أبني وچا ليش يذبحونه
لابيدي وغمضّت عيونه
مسبيه من عنده أخذوني
عالأكبر دم تجري عيوني
_
يامحبوبي وصعب فراگه
تدريني الحضنك مشتاگه
راسك گدامي أعله الناگه
مكشوف وبيك إيئلموني
عالأكبر دم تجري عيوني
_
لجل الدين ولجل حسينك
يالأكبر ضحيت سنينك
ومثل حسين أنته مگطعينك
لو أبچي إعليه لتلوموني
عالأكبر دم تجري عيوني
___
الشاعر(اسعد قاسم الگريعاوي)
/channel/aabas78
قصائد لكل ايام محرم اشترك بالقناة
نزله على علي الاكبر (ع)
نازل بزود الاكبر نازل بزود
كوموا فتحوله الدرب ناوي يكلبها گلب
نازل بزود الاكبر نازل بزود
___-
شبل حيدر جنه حيدر ياهوا يكدر للشبل
سيفه بيده واليصيده مـــــــــــايردلكم عدل
والمنيــــــه بجفه هيه ساعة الساعه تحل
ناره كبره عينه حمره لــــو زعل ماينحمل
كلمن يروح الهله لا يضل بكربله
نازل بزود الاكبر نازل بزود
***
عجه صفره ضلمه خطره نزلت عله الحومه
ناس صاحت ناس طاحت على الارض مسمومه
هذا الاكبر وحده عسكر والعجاج أعلومه
ناس شردت ناس ختلت ناس مامعلومه
انفگدت بعج مهرته من هجم ما شافته
نازل بزود الاكبر نازل بزود
__
هد عليهــم يدري بيهم ها لجمع غداره
واليلوحه يجيب روحه سيفه چالسناره
الطاح راسه من اساسه يشيله بين اكتاره
بيده جابه وصاح يابه هذا صيد الغاره
نشمي صياد الزلم هالشهم وابن الشهم
نازل بزود الاكبر نازل بزود
_
مثل عمـــه مايهمــــــــه دارس فنون الحرب
كلها تهرب ياهو يگرب كلها تندل الــــــدرب
خوفه بيها من يجيها يكوم يستنكه الصعــب
هد عليهم خله بيهم رجفه وبوسط الگلب
هاشمي ومن حيدره اتخيل اعله القسوره
نازل بزود الاكبر نازل بزود
____-
شوف الاكبر وحده سيطر تسلم الي جابته
كانصلهم مايهدهم فارشلهم شبچته
الطار منهم من يردهم مايثتي بضربته
اجه بغاره الكل حياره من يصدها الغارته
هذا من حيدر فرع لوهجم ماينجرع
نازل بزود الاكبر نازل بزود
__
رد يخاطب ياكتــــايب وينكم لاكوني
واكفلكم ونتظركــم عا لدرب تلكوني
ارد اردن مااضلن يله لتاخروني
روس ركعت مانرفعت جنكم اتانوني
انتضر من الصبح يله اسرعوا للذبح
نازل بزود الاكبر نازل بزود
___
السيد كريم دانه الاعرجي
/channel/aabas78
قصائد لكل ايام محرم اشترك بالقناة
#نزله_للاكبر
……………………………………………………………
علي الاكبر شهم •• صگر كل نينوه
بگت خيل وزلم •• تدور عل الهوه
……………………………………………………………
كاشخ ابغيره عمامه لابس اعمامه هله
شافته وفكت حلكها وصاحت( الله)كربله
يوسف بأيه جماله ابد ما يوصل اله
حسين خايف على اوليده عين حاسد تكتله
الفلق والناس . بالاحساس . قراها حسينه
بطل عاشور . گمر نور . يشع بجبينه
نزل بالطف نجم •• يوزع بالضوه
على الاكبر شهم •• صگر كل نينوه
……………………………………………………………
مصلصل من اجدادي انه حيدر وطه النبي
علويٌ هاشميٌ قرشيٌ طالبي
وجدتي زهره وخديجه الله گصلهن عبي
فاطمه وارضه لرضاج واغضب ولو تغضبي
ابن الحسين . ضوه العين . اشوف ابنوره
عمي عباس . بالانفاس . اشم اعطوره
بعد ساعه ايهجم •• يهد شايل لوه
علي الاكبر شهم •• صگر كل نينوه
……………………………………………………………
اتخورسو لو تذب ابره بالمعسكر تنسمع
ماعوا من الخوف كلهم نار تحرك بالشمع
ربع شارد ربع حاير ربع مخلوس وربع
بطّل من الحرب كلها وباعو السيف ودرع
صاحو الگوم . تره اليوم . اظن يگضينه
هذا كرار . غضب نار . يشب من عينه
يطش بينه ويلم •• مثل طش النوه
علي الاكبر شهم •• صگر كل نينوه
……………………………………………………………
دوّروا واحد يطبله كون مقدام وكلف
ابن غانم عود عدهم ينعد ابميه والف
روح بارز علي الاكبر بلكي منك يرتجف
تالي رد ليهم بطلهم ماكو راس وبس جتف
راسه جاباه . يحياه . هداه للوالد
رفعة الهام . يضرغام . ذبحت القائد
حضن ببنه ويشم •• وعلي منه ارتوه
علي الاكبر شهم •• صگر كل نينوى
……………………………………………………………
اثنين فوگ اثنين يطبگ سيفه ابدن ما فُرد
نار وتشب ابيادر خلّص ابساع العدد
وشمر كلساع وينادي يا عُمر رايد مدد
ولن ابو فاضل يصيحه وشبقه لعمك بعد
عمي يالحيد . يصنديد . كظيت الوادم
قسم خليه . انه اگظيه . وقسم للقاسم
واذا رايد عزم •• نطب ليهم سوه
علي الاكبر شهم •• صگر كل نينوه
……………………………………………………………
اولسنا على الحقي نعم كال حسينه
مو مهم عالموت طحنه لو يطيح علينه
اخذ شاب مخلي روحه وقف بس لدينه
علي وكون الخدم كلهم صاروا امقلدينه
ايريد الحسين .ابو الدين . خُلق تربيته
مو حجي لسان . بالاعلان . يدوَّر صيته
ابد ما ملّچم •• ولا گلبه انجوه
علي الاكبر شهم •• صگر كل نينوه
……………………………………………………
✍️ ( سيد خضر الزاملي )
/channel/aabas78
قصائد لكل ايام محرم اشترك بالقناة
علي الأكبر ضهضب وشل حالها
ماجت_ الحومه _وزعل خيالها
زعل _خيال_ المنايا_ والحرب
مثل جده_ المرتضى لمن يطب
ريح صرصر عاتيه وبيهم يهب
سل _المذهب _يكَص _برجالها
يكَص روس العادته بسيفه الصكَيل
كفو ___يا دهدارها_ الزلمة الثچيل
وين__ ما يميل الحرب_ كلها تميل
مثل ما سوه علي ___سوالها
مثل_ ما سوه _علي بعمر_ ابن ود
هيج_ سوه أبكر _ابن غانم__ بدد
بحين __ناده وصاح _ياحيدر مدد
كَصرت الجانت تُعد __اطولها
اطوال __ماكو اكَصار_ يمه ودنكَت
موش__ من السيف _خوف اتچتلت
حيود هشام__ عالقتال_ تعلمت
بغير نصر الدين _مامر ___بالها
الأكبر اعليهم _سدر چنه__ علي
الطفوف__ ادموم_ صارت تنملي
فوكَ_ ضهر الاحق بعز___ معتلي
دخيله__ لو ضهضب زعل عيالها
دخيله لو ضهضب غزاها الحومه
الجيش كل الجيش تجري ادمومه
والكتايب_ أصبحت____ مهزومه
حسين _ابنه_ القسور___ الودالها
الشاعر اسعد الناصري
/channel/aabas78
قصائد لكل ايام محرم اشترك بالقناة
حيدري بصولاته..
يذبح..... بخزراته
حي الله الأكبر........حي الله الأكبر
*
صال وحده بصولته... رجفت الخياله
اشگد مراجل هيبته.....كاشخ بأفعاله
چن علي بسيفه دخل والزعل يحلاله
بكر ابن غانم شرد بيده دگه وشاله
يقره بس اياته
يذبح_ بخزراته
حي الله الأكبر.......حي الله الأكبر
***
خورس احلوك الزلم.....والنصر عنوانه
يرتجز سيفه غضب.....يعتلي بميدانه
صگر بالحومه نزل.....ترتعب فرسانه
حيدره شافو علي....من يطك بركانه
تنحسم حملاته
يذبح_بخزراته
حي الله الأكبر......حي الله الأكبر
***
يعتلي بسوح الوغى...من يطب راعيها
ذّكر بخيبر علي ....تموت من ماضيها
والشمر خاتل يجي....يخاف من تاليها
چم كتيبه وصلته.......بخزرته يبچيها
يخطف بنظراته
يذبح_ بخزراته
***
مثل عمه لوحمل......چفه يقره الزلزله
ياعلي چفك يصير...منه تبدي البسمله
داخت اگباله المله.....سوه خيبر كربله
كلها گدامه تموت.....خله بيهم معضله
ماجت بضرباته
يذبح_ بخزراته
***
هذا الاكبر بالحرب...بيده شال الحومه
شمرته شمرة علي...واضح من اعلومه
ال اميه انطه الخبر....وبصقر معزومه
كلها تدري بضربته.....وصلت المعلومه
ترتفع _ راياته
يذبح_بخزراته
***
بكيفه يمشي ويرتجل..والعده يهابونه
مثل ابوالغيره حمل.....والزعل بعيونه
چنه عباس وعلي.....بالحرب مضمونه
الموت الاحمر عالعده.....گامو يسمونه
يرتجل_ ابياته
يذبح_بخزراته
حي الله الأكبر.......حي الله الأكبر
**
#تمت بعون الله تعالى
خادمكم....يوسف الفتلاوي
/channel/aabas78
قصائد لكل ايام محرم اشترك بالقناة
نزله للامام الحسين ع
زلــــزال .. زلـزلها ابـن حيـدر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من صعد فوگ المهر .. ناده يا اهل الغدر
حسين ابد ما ينكسر ..وتحزم
من لزم سيفه ونشد .. يعلم الله شگد حصد
شنحسب وتاه العدد ..ما نعلم
عنده ثارات وحمل .. بكربله سوه عمل
حيّر الجيش انذهل ..ما يهتم
يا حيـد .. زلمـة علي من كر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيهم الطف انخسف .. مدد يا حيدر هتف
اتراجفو مثل السعف ..خلاهم
اتقدم استاذ الحرب .. الّف اشكال الكتب
وامتحان الطف صعب .. ذلاهم
عله ابن العاص الزلِم .. الما لحگ يشرد يهِم
بسرعه ينزعها الهدِم .. لاگاهم
بالطــف .. هالمشهـد اتكرر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گلهم اليدنه تره .. للخيم ما اعذره
سيفي محد يگدره .. تدرونه
لا تگولون الگمر .. ميت وراح الحذر
كون اسويكم وذر .. وعيونه
واخته ابد ما تنولي .. والله اصليكم صلي
چنهه حيدر بت علي .. مضمونه
زينـــب .. يـا مهجــــة الكوثر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منين ما فرو طلع .. سيفه من دمهم نگع
لو اكو باب انقلع .. بحساسه
خيبر انعادت درس .. يومه هم يشبه امس
من يجي مرحب نجس .. طگ راسه
مغبره وماكو صحو .. عاشت ايمينه وكفو
ناده يا ثار الاخو .. عباسه
لحسيــن .. ذكــرهــــم ابخيبر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علّه خلّه بنينوه .. مايصير الهم دوه
حسين مو سهله ونوه .. يگضيهه
قائد ابقائد يطگ .. والشرد هم ينسحگ
حيل خانگهم خنگ .. واليهه
معركه وتوها بدت .. يا عدد منهم خذت
الخيل بالخيل اعثرت .. تاليهه
مهيـوب. .. خله الجثث بالبـر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عجزو اهمه وما عجز .. موت الاحمر من برز
سبحه طشرهم خرز .. بالحومه
كلف محد يوصله .. اقوه سيف بكرله
جيش كامل زلزله .. ونعومه
نار مشتعله بگصب .. بيده سواهم حطب
نازل اعليهم غضب .. بهموما
يا ليـث .. وسط الحرب يزئر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مؤمن وصابر ابي .. نحبه يا روح النبي
والله سابيهم سبي .. بچفوفه
الله حبه وخلّدّه .. واحنه يومه انجدده
واليبغضه انعانده .. منعوفه
ما نسينه امصيبته .. بدمه خضب شيبته
بكلشي ضحه وعيلته .. بطفوفه
ويـــــاه .. يا هــو الـذي يگــدر
من صال .. يرجف بقى العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا يلـــومنـه لأن .. نعشگ حسين وحسن
بيهم اعبرنه المحن .. للتالي
ما نصير الهم عبيد .. خله ينفعم يزيد
نهج ابو الاكبر نريد .. الغالي
هذا ابن حامي الحمه .. سهله نفديله الدمه
والله حط بيهم عمه .. يالوالي
يا شيخ .. و الشــافـه يتحيّر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي
/channel/aabas78
قصائد لكل ايام محرم اشترك بالقناة
موشح ليلة الوداع
ناده بالخيمه بمدامع هامله
رايد ايودع حسين العايله
١
ناده زينب والأطفال ابدمعته
ايودع الليله خواته بخيمته
يحجي وياهم وتنزل دمعته
هاي آخر ليله النه بكربله
٢
باجر بكربله لو صار الصبح
بعينج اتشوفين كلنه ننذبح
وزينب اتنظرين كل راس برمح
بعد عباس انتي صيري الكافله
٣
باجر العباس فوك المشرعه
يختي يم النهر يصبح مصرعه
براسه عامود وجفوفه مكطعه
وجربته مابيها ماي ومايله
٤
لو صعد صهوة جواده ويعتلي
يختي باجر علي الاكبر ينولي
انه اركضله وانادي ياعلي
بويه عالدنيه العفه اصرخ اله
٥
باجر العريس يترك خيمته
جاسم وبالحومه تصبح زفته
بدم وريده اتصير باجر حنته
امه تتلكاه اتنادي ياهله
٦
كبل ما انذبح اترك ياولد
ينذبح عبدالله ويعوف المهد
بيا سهم ينفطم وينادي مدد
ينفطم ابني بسهم من حرمله
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
نزلة
للطفل الرضيع ع
أستعدي للمصاب~~~~هلله هلله يالرباب
مات عبدالله الرضيع/مات عبدالله الرضيع
__
شاله أبوه حسين بيده
وناده ماي الأبني أريده
وحرمله صابه بوريده
وللحياه بعد أشيعيده
رمش عين حسين شاب/هلله هلله يالرباب
مات عبدالله الرضيع/مات عبدالله الرضيع
_
بكربله أول مصيبه
سهم عبد الله يصيبه
زاد أبو اليمه نحيبه
وصارت الدنيه كئيبه
شلون يحمل هالغياب/هلله هلله يالرباب
مات عبدالله الرضيع/مات عبدالله الرضيع
_
شافته سكنه ورقيه
ودمعه من عدهن جريه
وأصرخن سوده عليه
ريت سهم البين أليه
وتسلم أنته من الصواب/هلله هلله يالرباب
مات عبدالله الرضيع/مات عبدالله الرضيع
_
يعينها الله شلون أمه
شاهدت من نحره دمه
منذبح بيد أبو اليمه
صاحت بلهفه ييمه
يمُه ماأحمل عذاب/هلله هلله يالرباب
مات عبدالله الرضيع/مات عبدالله الرضيع
_
چم مصيبه آلي سبنها
للرباب أو عذبنها
شحالها من غاب أبنها
ظل يدُر إعليه لبنها
بهذا ماحاسبه حساب/هلله هلله يالرباب
مات عبدالله الرضيع/مات عبدالله الرضيع
_
طفل ست أشهور عمره
وگلبه من العطش جمره
هل ضمّه للسانه فطره
وأنگطع عبد الله نحره
گلبه من العطش ذاب/هلله هلله يالرباب
مات عبدالله الرضيع/مات عبدالله الرضيع
_
بيا ذنب عبد الله ذبحوا
وأعله راسه الرمح رفعوا
گبال أمه وأهله شالوا
جسمه هم ياناس سحگوا
وأندفن تحت التراب/هلله هلله يالرباب
مات عبدالله الرضيع/مات عبدالله الرضيع
_
الشاعر (أسعد قاسم الكريعاوي)
/channel/aabas78
قصائد لكل ايام محرم اشترك بالقناة
باجر اتشوف العقيله بعينهه
ينكطع بالسيف راس حسينهه
واماماه وحسيناه
====================
طلعت من الخيمه شافت فاجعه
وكفت اعله التل تشاهد مصرعه
من الضهر ياويلي نحره يكطعه
الزنيم الشمر ناكر دينهه
======================
بعده اخوهه حسين ماكاطع نفس
وسفه كبل الذبح جسمه ينرفس
على صدره اتربع اربات الرجس
خضب الّحيه الشريفه بطينهه
=====================
جسمه كله اجروح بسيوف وحجر
والمثلث صار مطالعه الضهر
شلون كلبج يالعقيله من نضر
جروحه تتفايض دمه مخلينهه
=======================
رادت اتصيح بلكلبهه المحترك
شلون يطلع صوته كلي المختنك
هذا روح الزهره كاعد ينسحك
بالحوافر جثته مخذمينهه
======================
سوه من داسنه لا مو بالسره
عشره تطحن بيه تريد اتوذره
وصله من الكلب جاب بحافره
واحد من الخيل يسحل بيهه
=======================
هذه جرح احسين ما مثل جرح
شلون ما شافو محمد بالذبح
هوسو بالراس حطو بالرمح
وردو اعله اثيابك امسلبينهه
=======================
ونت اعله حسين والتل انهدم
طاحن الدمعات جن طيحت سهم
مادري بيا حال ردت للخيم
من بعد هل مشهد اشضل بيهه
=========================
وسام صباح الشويليباجر اتشوف العقيله بعينهه
ينكطع بالسيف راس حسينهه
واماماه وحسيناه
====================
طلعت من الخيمه شافت فاجعه
وكفت اعله التل تشاهد مصرعه
من الضهر ياويلي نحره يكطعه
الزنيم الشمر ناكر دينهه
======================
بعده اخوهه حسين ماكطع نفس
وسفه كبل الذبح جسمه ينرفس
على صدره اتربع اربات الرجس
خضب الّحيه الشريفه بطينهه
=====================
جسمه كله اجروح بسيوف وحجر
والمثلث صار مطالعه الضهر
شلون كلبج يالعقيله من نضر
جروحه تتفايض دمه مخلينهه
=======================
رادت اتصيح بلكلبهه المحترك
شلون يطلع صوته كلي المختنك
هذا روح الزهره كاعد ينسحك
بالحوافر جثته مخذمينهه
======================
سوه من داسنه لا مو بالسره
عشره تطحن بيه تريد اتوذره
وصله من الكلب جاب بحافره
واحد من الخيل يسحل بيهه
=======================
هذه جرح احسين ما مثل جرح
شلون ما شافو محمد بالذبح
هوسو بالراس حطو بالرمح
ورود اعله اثيابك امسلبينهه
=======================
ونت اعله حسين والتل انهدم
طاحن الدمعات جن طيحت سهم
مادري بيا حال ردت للخيم
من بعد هل مشهد اشضل بيهه
=========================
وسام صباح الشويلي
/channel/aabas78
قصائد لكل ايام محرم اشترك بالقناة
ليلة جـرح..........تكسر جـنح
نشبع بجي.........لحد الـصبح
»»»»»»»»»»»»»»»»»»»»»»»»»»»»»»
1️⃣
ليـلة وداع وبـالبـجي نكـضـيها
وبالدمعه كون جفوفنا نحـنيها
والخيمه حارت والسوالف بيها
هالديره غربه والحزن غـاطيها
~~~
شفنه الحزن.......غاطي الجفن
وكـلبي رجف...........كـلها تـون
»»»»»»»»»»»»»»»»»»»»»»»»
2️⃣
رمله وحـزنها والـفرح والـحنه
ابـزفـة ابـنـهـا اليوم ما تـتـهنـه
تحنيها ادينه شـگد بقت تتمنه
باجـر يـسافر والعـرس بالجنه
~~~
القاسم حلم............من ينرسم
يـهب الـهوه.............يرد ينهدم
»»»»»»»»»»»»»»»»»»»»»»»»
3️⃣
ليله بدمـعها تكضي هاي الليله
تحضنك يالاكبر هاي امك ليله
سـالم تريـده هيـه من تـدعيله
يركضله باجـر بلحرب ويشيله
~~~
گلبه انكسر.........حسين وصبر
وما ينحمل...........يحني الظهر
»»»»»»»»»»»»»»»»»»»»»»»»
4️⃣
عبد الله هـاي الروح دارت يمه
أمـه الـرباب ابنـحره مـن تشمه
أحمر تشوفه يصير باجر هدمه
وبنحره طايح من تعاين سهمه
~~~
مثل الورد...........وصار الفكد
تحرك كلب.............نار البـعـد
»»»»»»»»»»»»»»»»»»»»»»»»
5️⃣
العباس شفته وعاينتها جفوفه
اسـمه الكفـيل وياحلاة حروفه
سيوف الحرايب كلها من طوفه
باجـر ينـام اعـله النـهر ونـعوفه
~~~
كافل خدر...........من يعتذر
يموت الهوه....ويبقى الستر
»»»»»»»»»»»»»»»»»»»»»»»
6️⃣
خلوا السوالف كلها بينه وبيني
اترسها عيني بشوفتك ياعيني
مـعقوله باجر تمشي وتخـليني
يا خويه وين اليـوجعك دليني
~~~
بحر الظهر..........داسوا صدر
گطعوا نحر........ومات الصبر
»»»»»»»»»»»»»»»»»»»»»»»
7️⃣
باجر وردنا اطـيح كل اغصانه
والخيمه باجر تـحترگ فوكانه
كـلها علـينه ومنـهو يبقه ويانه
عطشانه تبقه كلوبنا العطشانه
~~~
نمشي بسبي....وحمره العبي
تشبع قهر..............بنت النبي
»»»»»»»»»»»»»»»»»»»»»»»»»»»»»»
محمد خشان ✍️.
»»»»»»»»»»»»»»»»»»»»»»»»»»»»
/channel/aabas78
قصائد لكل ايام محرم اشترك بالقناة
ليلة العاشر للوداع
يا ليل العاشر تدرينه
هالليله انودع والينه
...........
طول آا يا ليل العاشر
خلينه اويه حسين انساهر
جيّش جيشه اعلينه الكافر
باجر ناويهه يسبينه
هالليله انودع والينه
...........
ريض ويانه وبهيده
باجر تمشي ازلام البيده
تصبح باجر كلهه ابعيده
عن الوليان اميسرينه
هالليله انودع والينه
...........
ما نشبع شوف ولو راحو
نتعذب لو كلهم طاحو
اويانه الاملاك الهم ناحو
اوداع النحبهم ياذينه
هالليله انودع والينه
...........
شوفة وجه الكافل هيبه
بلسم جرحي وهوه الطيبه
باجر رايح جا شيجيبه
جا بعده منهو اليحمينه
هالليله انودع والينه
...........
قاسم والاكبر واخواني
بيهم انسه كل احزاني
خل اشبع من عدهم تاني
ياليل الفركَه اتبجينه
هالليله انودع والينه
ياسر العارضي
/channel/aabas78
قصائد لكل ايام محرم اشترك بالقناة
معقوله بسهام
يوليدي لتنام
حسراتي باچر انفجع
عبدالله مذبوح الشمع
***
بعيوني حضرت الدمع....وگليبي محتار
والحسره تذبح مهجتي..چن شبت النار
سميته مفطوم السهم......بالرگبه آثار
محروم من ماي العذب...ذبحوني بالدار
يا سلوة الروح
حضرت الجروح
بالخيمه حضرت الدمع
عبدالله مذبوح الشمع
***
من نومتك ردتك تفز.....تذبحني الاحلام
بحلامي عانيت اشكثر....تاخذني الاوهام
ياگلبي تدري ابدنيتي ...عطشانه السهام
سلمتك ابعمر الورد........تفجعني الأيام
تطلبني دنياي
ما تشرب الماي
تاليهه بس ون استمع
عبدالله مذبوح الشمع
***
بمصابك اشگد انفجع.....ودموعي مرار
واجروحي ماظن تنجلي....اثار الاعبار
كل ام تناغي للولد ......لو يكبر وصار
وبجاها تگعد چن ضوه... ياشمعة الدار
يا ليل الاحزان
ماتخلص اشجان
لوعني دهري بهالوضع
عبدالله مذبوح الشمع
***
بالفرگه ماتت دنيتي......واحلام السنين
والونه ظلت بالگلب......... آهات الاونين
يوليدي درب المعركه.....ما اندل امنين
والحسره بانت بالوجه...وبشيبة احسين
عاشرت الهموم
بالدمعه مرسوم
وناتي صارت ترتفع
عبدالله مذبوح الشمع
***
بعيوني ما ظل الدمع....تاخذني الجروح
والفاگده اعيون النظر.....بالحسره ونوح
امك يرووحي .امعذبه.....لوعتهه بالروح
وارباي ست اشهر بقى.....تاليهه مذبوح
يا سهري ورباي
تانيتك اهواي
حبل الوصل اه انگطع
عبدالله مذبوح الشمع
***
تمت بعون الله تعالى الشاعر_يوسف_الفتلاوي
/channel/aabas78
قصائد لكل ايام محرم اشترك بالقناة
مقدمة ـ 10
ليلة العاشر من محرم
عاشر مسه ابشهر الدمع
مـــن فاطمه يلچـم ضلع
هم تدري يحسين..
الليله صعــــــبه ليلة اوداع المنيه
باچر اتگطعكم اسيـــوف ال اميه
روســكم باچـر يرفعوهن ســـويه
وزينب اختك تمشي وياهن سبيه
باچـر جثثكم عالارض
خيل العده بيهن ترض
هم تدري يحسين
°°°°°°°°°°°°°°°
التمن اعليك وينوحــــن كل بناتك
اوداع هاي اليله اصعب من مماتك
باچــر وياهن تضـــل بس ذكرياتك
ونته تعرف عدهن شتــعني غلاتك
باجر يجتفوهن غصب
وسكينه بنتك تنضرب
هم تدري يحسين
°°°°°°°°°°°°°°°°°
✍الخادم
كامل السعيدي
/channel/aabas78
قصائد لكل ايام محرم اشترك بالقناة
نزله
علي الاكبر علي .... علي الاكبر علي
..1..
شبيه الهادي جده ... برز ما جنه وحده
يلوَّح بيده ما هم بالمنيه
تعجب كلشي شافه ... اسد يمشي بترافه
شجاعه وغيره بن حامي الحمية
رعب خصمه ... نطق اسمه ... انه بن الطالبي
علي الاكبر ... شبل حيدر ... سبي اسبيكم سبي
منو ايلاوي ... كمر ضاوي ... على اجداده ابي
وكف ... وكف .. وكف ... جبل شامخ وكف
رجف ... رجف ... رجف ... كلب خصمه رجف
علي الاكبر علي ... علي الاكبر علي
....2....
نزل شايل فقاره .... شبل ليث المعاره
عبر كل ساتر اكباله وتبسم
عليه محد تكرب .... عددهم بيده شطَّب
مثل موت احمر بزوده تقدم
على العسكر ... علي سيطر ... ولي نعم الولي
اخذ حيفه ... مطر صيفه ... على الكل معتلي
عصف بيهم ... يلاويهم ... علي صاحو علي
رجع ... رجع ... رجع ... علي حيدر رجع
ركع ... ركع ... ركع ... امامه الكل ركع
علي الاكبر علي .... علي الاكبر علي
...3...
مثل بدر الهواشم .... رسم أروع ملاحم
علي الاكبر حصد روس القياده
بطل من عنده فرو ... ركض من سيفه ركضو
عليهم اعلن بزوده جهاده
على الساتر ... ظهر عاشر ... علن يوم الحشر
على الظالم ... صبح راسم ... علامات النصر
امامه الكل ... بقى يختل ... يدورون الستر
نفس ... نفس ... نفس ... فلا جرو نفس
خرس ... خرس ... خرس ... قيادتهم خرس
علي الاكبر علي .... علي الاكبر علي
...4...
رفع بيمينه رايه ... وتقدم عالسرايه
كلبهه الميمنه اعله الميسره أورد
فلا واحد تكلم ...امامه الكل تلعثم
بالف فارس علي الاكبر مينعد
الحرب فنه ... نعم منه ... مثيله ما حصل
يعرفونه ... يهابونه .... مثل يوم الاجل
نزالاته .. بطولاته ... عظيمه ما تمل
هجم .. هجم ...هجم ... عليهم من هجم
هزم ... هزم ....هزم ... شكو ظالم هزم
علي الاكبر علي .... علي الاكبر
...5...
مثل سيل اعتناهم .... لكو كلشي وراهم
جرفهم ما ترك كلشي عليهم
خيمهم ضيعوهه .... اساميهم نسوهه
علي الاكبر زلم ما خله بيهم
علي الاكبر ... صبح مصدر ... رعب جيش العده
أقام الحد ... على المرتد ... شهدله ساعده
تولاهم ... تحداهم .... ولا جن وحده
نزل ... نزل ... نزل ... مثل موت ونزل
قتل ... قتل ... قتل ... رؤس الشر قتل
علي الاكبر علي ... علي الاكبر علي
.......
تمت
كلمات
موسى الخادم
/channel/aabas78
قصائد لكل ايام محرم اشترك بالقناة
بجماله وهيبته .. طلع من خيمته .. يرف برايته
علي الاكبر
....1....
يا سلام الله عالاكبر ... من نزل سوح الحرب
دكول حيدر علي طبهم ... كَلب ساترهم كَلب
طب غاير .... ما واحد ... من سيفه سلم
طشرهم ... لماهم ... ساترهم هدم
بالمهره ... يتمايل ... ويرف بالعلم
رسم اعظم صور.. مثل عمه الكمر..على الكل انتصر
علي الاكبر
يا سلام الله عالاكبر
بيده شايل عزم حيدر
....2....
كالاسد غاير عليهم ... طب شبيه المصطفى
صاح هل بيكم مبارز ... كلشي كدامه اختفه
كل فارس ... كدامه ... ما شال النظر
خيرهم ... بالحومه ... ايدور عالمفر
عيشهم ... بالخوفه ... وركضهم شهر
طبر روس العده ... بقيادتهم بده.. أجاهم وحده
علي الاكبر
يا سلام الله عالاكبر
سيفه عالظلأم يفتر
...3...
زلزل الكاع ابمهرته ... علي الاكبر من نزل
سرفن اردانه وترجل ... على كل ظالم حمل
ماهمه ... كثرتهم ... لا همه العطش
كل فارس ... يدناله ... عالكاع انفرش
من صوته ... وخزراته ... ما واحد رمش
وكف مثل الجبل .. لزم بيده ألاجل
على العالم وصل ..
علي الاكبر
يا سلام الله عالاكبر
على كل الجيش سيطر
....4....
لا سرايه ولا كتايب .... وكفت ابوجهه علي
طشر الحومه بزلمها .... ولي يا نعمه الولي
صح واحد ... بس عزمه ... ايعادل جم الف
للكوفه ... رجعهم .... يا سامع زحف
ميثني .... بضرباته ... عالكل مختلف
عليهم كل الهوه.. كطع ويه الضوه.. شبَه راعي اللوه
علي الاكبر
يا سلام الله عالاكبر
اعليهم الميدان زغّر
.....
تمت
.....
موسى الخادم
/channel/aabas78
قصائد لكل ايام محرم اشترك بالقناة
أويلاه على الأكبر .. أويلاه على الأكبر
...................................
هذا علي ويشبه علي بصولاته
السبعين ألف دوخهم بغاراته
بالحومه سيفه يسولف بكلماته
بهذا البطل يتفاخرن عماته
أويلاه على الأكبر .. أويلاه على الأكبر
.................................
يشبه محمد هالشبل بأوصافه
شخصيه هيبه بلا رتب بجتافه
ينحط الأكبر عالجرح يتشافه
يبست لهاته منلعطش وشفافه
أويلاه على الأكبر .. أويلاه على الأكبر
..................................
صاح آنه الأكبر من برز بالحومه
بعطر الحسين معطرات أهدومه
أأكباله كل أهل الكفر مهزومه
أخباره وصلت للخيم وأعلومه
أويلاه على الأكبر .. أويلاه على الأكبر
.................................
بهذا الشبل كل الحرب محتاره
يمنه ويسار يشن عليهم غاره
بالروس يحصد ماتعب بتاره
عاجل تبث الحومه كل أخباره
أويلاه على الأكبر .. أويلاه على الأكبر
...................................
عيون أمه تربي على الولد وتشوفه
طاح وبقت حتى الشمس مكسوفه
للجنه روحه بكل شغف ملهوفه
بماي الذهب مكتوبه كل حروفه
أويلاه على الأكبر .. أويلاه على الأكبر
..................................
بحسره ومدامع خل نودع أيامه
وظلن بصدره مكسرات أسهامه
للموت الأكبر ما يدنك هامه
مفتوح باب الجنه ظل كدامه
أويلاه على الأكبر .. أويلاه على الأكبر
...................................
حيدر مطر العبادي
/channel/aabas78
قصائد لكل ايام محرم اشترك بالقناة
نزله في حق الامام علي الاكبر ( عليه السلام)
يالاكبر يالاكبر من
فدوه الك يالغالي
...............
حسين حيله وي الاكبر طايح
بعد ما يكَوه وضنااه الرايح
من دماه بالحومه عطره فايح
ومن الاطفال ابخيمهم صايح
والحسين تحير كال الوكَع دلالي
يالاكبر يالاكبر من فدوه الك يالغالي
...............
هاي المصيبه واشكبرهه اعليهم
جان الاكبر شوفته ترويهم
وبأمان من العده اتخليهم
والهواشم كلهم ايحييهم
شبه جده واكثر صفاته من الوالي
يالاكبر يالاكبر من فدوه الك يالغالي
...............
هذا اول من شجاعة هاشم
للاعادي ابكل حميه قادم
بهيبة المرسل تشوفه الوادم
ياحسافه ابرمله طاح ونايم
بالسيوف تعثر ذاك أَلاشَم العالي
يالاكبر يالاكبر من فدوه الك يالغالي
...............
ياحسافه ايروح من اخوانه
ويترك ابسجادته قرأنه
ابكَلب ابو السجاد عاف احزانه
وبجفن كل هاشمي نيشانه
وللاحزان تحضر كال الحزن يجرالي
يالاكبر يالاكبر من فدوه الك يالغالي
...............
علي الاكبر شاب واجه موته
رملت الطف بالوغه تابوته
من العطش بالكَوه يطلع صوته
ذِبحِته اللي بالغدر منعوته
تحمل عطش حر وبروحه ابد ميبالي
يالاكبر يالاكبر من فدوه الك يالغالي
الشاعر ياسر العارضي
/channel/aabas78
قصائد لكل ايام محرم اشترك بالقناة
ابو ذيات توجع
ينوك اعله المصارع ضلع بينا
عسه يبرد جثثهم ضل عبينا
بالخيام وسمعنا ضل عبينا
تهشم من حوافر خيل أمية
***
شمر كلما بصوطه لاح متني
انكسر لاجن الهيبه لاح متني
لا هدت عشيرة لا حمتني
اشاگف عن يتاماهم بديه
**
ينوك السبي بدرب الطف تذرعين
عساج بعقم ما بعده تذرعين
صور موتاي يوم الطف تذرعين
ماضل الفگدجن شوف بيه
***
الشاعر فلاح العنكبي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
نزال علي الاكبر (ع)
من طب الاكبر دنگت كل الناس
………………………………….
من طب الاكبر ملحمه سواهه
والعده تركض كالغنم خلاهه
راية احسين ابكل فخر شالاهه
أحتارو اهواي ابأمره
طيح الرايه الحمره
لحسين ناذر عمره
من شهر سيفه چنه عمه العباس
…………………………………….
محله الخضار الايگ اعله متونك
والخير كله بنظره من اعيونك
صارن خيم فوگ الخيام اجفونك
ياهو ابوك وعمك
ياهوه يوصل يمك
وعطرالورد يشتمك
ياهيبت الله منهو بيكم ينقاس
…………………………………..
فنان سيفك بل حرب مايندگ
ياهو اليقيمك واليقيمك ينحگ
چم ملك شاله اعله الارض لاتنشگ
تشبه علي ابصولاتك
ماتنوصف حملاتك
فوگ المتن راياتك
يالاكبر اسمك بل كرم رفعت راس
…………………………………..
وين ابن غانم وين كل طغيانه
ذليته ذله وهدمت بنيانه
زمرة اميه خايفه وحيرانه
طاري الحرب وفنونه
منك تره يعرفونه
حدك فلا يعبرونه
وحدود هاشم بوگفتك ماتنجاس
…………………………………..
عرفو وياك الحرب لاماتخلص
وكلمن برزلك راسه طبعاً ينگص
وكلمات سيفك بالحرب تتلخص
اانسد الفرات ومايه
هاي الهضيمه هايه
بيدك ترف الرايه
بيك انتنومس ونته راعي النوماس
الشاعر سلام البهادلي
/channel/aabas78
قصائد لكل ايام محرم اشترك بالقناة
