من شدت الكيد. دم تنزف الايد
**
اشكد علي السجاد مخنوك بعبرته
ماكو غربه باليسر تشبه غربته
بعينه غيمه وعالجفن مطرت دمعته
وضلت امن الجامعه تنزف ركبته
نسمه هوه يريد. دم تنزف الايد
**
حاضر بطف كربله بوكت الحرك جان
وشاف عماته انسبن وطفال رضعان
شاف عطشان بألم يبجي اعله عطشان
وحته من حرك الخيم بهدومه دخان
وعتابه شيفيد. دم تنزف الايد
****
شاف ابوه راس انكطع بالغاضريه
ورضرضت صدره الخيول الاعوجيه
سلبو اهدومه وكبر جرح الرزيه
وخذو يم حسين ترجيه رقيه
مكطوع الوريد. دم تنزف الايد
****
والله ضيم الشام ما ينسه عذابه
اشلون زينب باتت بنص الخرابه
اشكد رقيه تصيح ضلت بابا بابا
اتكله عكبك كعدونه اعله الترابه
طبينه ليزيد. ودم تنزف الايد
**
شاف عماته الشمس حركت وجهن
والشماته بعين صلفه تنضر الهن
عكب عباس انسبن عماته كلهن
وماكو مسبيات بالعالم مثلهن
راعي اللوه بعيد. دم تنزف الايد
***
راح زين العابدين ايغمض العيون
وكبل لا يرحل بده يسلم عالمتون
عادت الميت تره ايتاني اليشيعون
الماكل اجفوفه الحبل يتغسل اشلون
بوجه التجاعيد. دم تنزف الايد
**
تمت
تحسين الخفاجي
/channel/aabas78
قصائد لكل ايام محرم اشترك بالقناة
موشح نجفي للسيده رقيه عليها السلام
بطشت جابو راسه الله يعينها
طگ گلبها وماتت إعله حسينها
======================
بالسفر متوقعه أَن والدها چان
مَلَّت إِمنِ الخطر محتاجه الأمان
من درت مذبوح بالطف الحنان
چن حمامه وكسرو جنحينها
======================
إتلاگو اليوم الأميره والأمير
اللقاء إِلأول وصار الأخير
صدمه كتلت گلب مشتاگ وزغير
وختمت بشام العذاب سنينها
======================
حين شافت راس أبوها إبلا حضن
شمته وگالتله مخنوگه وتون
إشلون أشبگك وإنت ماعندك متن
إستشهدت فوگاه وغمضت عينها
======================
تريد تتمدد إبصفه بالظلام
حيل متعلقه رقيه بالإمام
على ذراعه وصدره متعوده تنام
بالخرابه وبالسبي إِملوعينها
======================
من أبوها الطفله ماشبعت دلال
حجار شمروها على ظهر الجِمال
غصن ورده زنودها وخشنه الحبال
إِمجرحات الگيد گص إيدينها
======================
چَمِّلت زينب جرح ماينحمل
لأبوالأكبر من ترد وأباالفضل
وشتجاوبهم غداً من تنسئل
إخت عبدالله العزيزه وينها
خادم العليله وخادمكم
الشاعر هادي العگيلي الناصري
/channel/aabas78
قصائد لكل ايام محرم اشترك بالقناة
مولاي زين العابدين ع
وداعا كربلــــه اشســويتي بيه
وداعا ياجــــــــــروح الغاضريه
وداعا راح اشوف اهلـــي المسيه
وداعا وداعا
.........................................
بشتياقي للاهل ... منتظر بس الاجــــل
راح اموت وألتقي ويه الغوالـــــــــي
عايش المن والحزن يرمينــــي بسهام
ماشفت عگب الأهل بس جـــور الايام
آنه كل جرة نفس أتنفــــــــــــــس آلآم
عاشت اوياي المصيبه وحرگ الاخيام
نهاري عاشر وذيـــــــج المصيبــــــه
أون بالليـــــــل زينب ياغريبــــــــــــه
وداعا أسمـــــــع من الهاشميــــــــــــه
وداعا وداعا
...........................................
للجرح ماصح دوه آني والميت ســــوه
يادوه الينفــــــــــــع للاجروحه مصايــــب
بس جسد ضليت عايــــش هاي الاسنيــــن
اني ميت قبل هاي الموتـــــه مرتيـــن
مــره حين الگطعو العباس چفيــــــن
وثانــي مره متت لمن طاح الحسيـن
متت من مات عمي اعله الشريعــــــــــــه
ومتت من وگـــــــع محبوب الوديعــــــــه
وداعا صحــــــــــــت يا أهل الحميــــــــــه
وداعا وداعا
..............................................
الموت أصبح مطلبي ولا معانات السبي
شاب گلبـــــــــي امن المصايب والمعانات
والله معذور اليعـــــــــاتب بيـــــــــه ويلوم
ياعلـــــي السجاد كافـــي من الهموم
مادرو بالينجرح مايعـــــرف النـــــوم
ماابطل من ونينـــي وابقـــــه ملچوم
ابجراحات السبي خلصـــــــــت حياتــــــي
أنه اتمنيت ويه اهلــــــــــــي مماتــــــــــي
وداعا لاشفــــــــت حــــــــال السبيـــــــــه
وداعا وداعا
...........................................
راح اروح ابحسرتي.. وجرح گلبي وجمرتي
ولوعتي المامنهـــــــــه لوعه ابكل الاكوان
رايح ابشكوه وعذاب الرب الاربـــاب
والظلمنه خل يتانـــي يوم الحســاب
ال اميه الضلمت العتره والكتــــــاب
الله لا يرضه عله السببلي الامصـاب
عدو الله وعــــــــــــــدوي عذبانـــــــــــــي
يسمم چبدتي وخلانــــــــي اعانــــــــي
وداعا والرحيـــــــــــــــل ابهل المسيـــــــه
وداعا وداعا
.................................................
يالحسرتك دايمه ... مثل حسرة فاطمـــــه
لامقام ولامناره الگبــــــرك انــــــــــشوف
فوگ ماملجوم من الغاضريـــــــــــه
حتى گبرك ماسلم من ا ل اميـــــــــــــه
لعنـــــــــــة الله ياعلـــــــــي عالناصبيه
لعنــــــــــــه منا لحد ماترضـــــــه الزچيه
نواســــــــــــي فاطمه الليله ابمصــــــــابك
حزن ودموع خلينـــــــــــه اعلــــــــه بابك
وداعا تربتك وحشــــــــــــه وخليــــــــه
وداعا وداعا
..............................................
السيد علي الموسوي
/channel/aabas78
قصائد لكل ايام محرم اشترك بالقناة
شفنه العبايه............بطول المسيره
مرفوعه رايه...........بـراس الامـيره
»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»»
1️⃣
اذا صـاحـوا سـبـيه ابـلا عشيره
ترد احجـايه من صوت الامـيره
عكب رايه كفيلي بـهل المسيره
العـبايه تنـرفـع مـتروسه غيـره
~~~
هالسفره غايه..........وبعيوني غيره
مرفوعه رايه...........بـراس الامـيره
»»»»»»»»»»»»»»»»»»»»»»»»
2️⃣
عـله راسـي الـعبايه مـن وصلـها
تـضل زيـنب عـزيزه ومـن يذلها
تـره وياهـا الـرمـح من يـكدرلها
خـذت هـاي الشـجاعه من أهلها
~~~
ابتاج الولايه...........وعاشت جبيره
مرفوعه رايه...........بـراس الامـيره
»»»»»»»»»»»»»»»»»»»»»»»»
3️⃣
بقـت مـهيـوبـه ما تنـزل عـباتـي
انـجمع كله الشرف كله بصفاتي
اذا بيها اكـتمل فرضـي بـصلاتي
ردت يكمل فرض ديني وحياتي
~~~
ويقروها إيه............الدين ومصيره
مرفوعه رايه...........بـراس الامـيره
»»»»»»»»»»»»»»»»»»»»»»»»
4️⃣
تـره ادروب السـفر كلش بـعيده
حـزن كلبي اقل مـوقـف يـزيده
الأمان بهل الـعبايه ابكل عقيده
واذا يـعثـر طـفل يـلزمـها بيـده
~~~
كـلهـم ورايـه..............اوجهي اديره
مرفوعه رايه...........بـراس الامـيره
»»»»»»»»»»»»»»»»»»»»»»»»
5️⃣
نـطـب كل ديـره والـوادم علينه
ابحجر وسـياط ونشاكف بدينه
تـضل هاي الـعبايه شكـد حنينه
تـنـشـفـهـا المـدامـع لو بـجـيـنـه
~~~
بخطوة بدايه...........واهدملي ديره
مرفوعه رايه...........بـراس الامـيره
»»»»»»»»»»»»»»»»»»»»»»»»
6️⃣
انتـصار الثـورة بدمـوع اليتـامه
تره كل خـطوه عشـناها بكرامه
يـضل بـيـنه الستر أكبـر عـلامه
ويضل حسين ما وصلوا مقامه
~~~
عندك درايه..............بشيخ العشيره
مرفوعه رايه...........بـراس الامـيره
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
»»»»»»»»»»»»»»»»»»»»»»»»»»»»»»»
/channel/aabas78
قصائد لكل ايام محرم اشترك بالقناة
نزله
حره زينب والفخر عنوانها
سكّت ايزيد وزمرته السانها
ـــــــــــــــــــــــــــــــــــــــــــــــــــــــــــ
توراثت زينب شجاعت حيدره
بـــيها ينبع زود سبع الگـنطره
خــــلت العدوان كلها محــيره
رغم مجروحه وجثيره احزانها
ـــــــــــــــــــــــــــــــــــــــــــــــــــــــــــ
رغم مجروحه وجثيره النايبات
هزة اعروش النواصب ولطغات
كلها زود وما تدنگ يم شـــمات
ما تذل وذللت عدوانها
ـــــــــــــــــــــــــــــــــــــــــــــــــــــــــــ
ما تذل وتبقى اْميره مخدره
نكّست راية يزيد وعـــسكره
بت علي الكرار صارت مفخره
بالبلاغه وبالصبر ويّمانها
ـــــــــــــــــــــــــــــــــــــــــــــــــــــــــــ
بالبلاغه وبالصبر صارت مثال
كلها عفّه وهيه نبراس الجلال
هيبة الكرار وايآت الكــــمال
كلها ترجف من يطگ بركانها
ـــــــــــــــــــــــــــــــــــــــــــــــــــــــــــ
كلها ترجف من عقيلة حــيدره
مثل ابو فاظل يموت التنّضره
هيه قائد والجيوش ميــــسره
وال اميه زلزلت اركانها
ـــــــــــــــــــــــــــــــــــــــــــــــــــــــــــ
ال اميه ما بقت عدهم رجــال
ظلت اگبال الخدر بس الخيال
جن علي ونازل عليهم بالقـتال
ولعزم ماخدته من خووانها
الشاعر علي كاظم المنصوري
/channel/aabas78
قصائد لكل ايام محرم اشترك بالقناة
نزله للامام السجاد
.
.
.
خيــمه لو رمــح لو نــبلـه لو حــافر
ياهو اليوجعــك منهن يـــبو البــاقر
***
جــروح هواي بــيك اتجـاوزت الفين
ياهــو اليوجــعك منهــن يبعــد العين
امتون الحره عمتك لو ضلوع حسين
ومــن صدرك الحـــافر ياضـــلع كاسر
***
بصدرك ياضلع مكسور ومـهــشم
يــزين العابـدين الـــياهي تـتـألم
للحــفــاي ركــضن لـــو للمــخيم
المــن لسه يـهمل سـيدي النــاظر
***
لهسه يهل الـــك ناظـر ولا ينــشـف
يالبالطف سبو من عندك المـصحف
آ يــا عملة اهــل الشـام يوم الطف
اعله عمـاتك لمــن بحجارها تشامر
***
مشامرها ســـوالف يوجعـــنك حيل
يريدن حيل وانتــه منيـلك هالحيل
راح الحيل من سحگت ابوك الخيل
ولســـه ترن بذانــك غـــارت العاشر
***
بذانـك لسه كلمة غــافي عبدالله
دللــول الولد لا يگــعد اســم الله
سهم حرمله من ابمــنحره صــله
اونـات الربـاب التــكــسر الخاطر
***
يكــسر خاطرك خــد عمتــك ذابل
من گد ما بچــت لفراك ابـو فاضل
الممشه للســبي يوجــع بـــلا كافل
طبيعيه اعله زينب من تضل حاير
***
طبــيعيه دموعــك والله ما تـنلام
شــفت آلام مامــرت على الايـــام
هيــه اگليله قابــل طبـــتك للشام
مگيد على الناگه امـفــرع وحاسر
***
مگيد عله النــاگه والـگلب مـحروگ
عله المثلك چبيره وادري لا متـلوگ
شــكبرها وطببو نسوانكــم بالسوگ
شــماته سوگـــهم مابي ابــد نــاصر
***
حيدر تركي الكربلائي
/channel/aabas78
قصائد لكل ايام محرم اشترك بالقناة
محرم 1446ه_2024م
قصيدة للإمام السجاد عليه السلام
زَلزَلها الشام بكلماته زَلزَلها الشام بكلماته
؛★★★★★★★★★★★★★★★
زين العُبّاد أعني بهايه
بالمجلس من گال حچايه
راد يذلّ ايزيد الغايه
ويبث للعالم لچماته زَلزَلها الشام بكلماته
؛★★★★★★★★★★★★★★★
صاح وعدوانه يسمعونه
جدي المرسل وتعرفونه
ذاك الخالفتو قانونه
وحاربتو دينه وآياته زَلزَلها الشام بكلماته
؛★★★★★★★★★★★★★★★★
انا إبن الما يرحم سيفه
وچان يدير العركه بكيفه
حيدر ما حاجه التعريفه
يذكّركم اسمه بصولاته زَلزَلها الشام بكلماته
؛★★★★★★★★★★★★★★★★
انا إبن حسين الذلّاكم
عمي العباس البچّاكم
بلا روس الكافل خلّاكم
يگطع بس روس بضرباته زَلزَلها الشام بكلماته
؛★★★★★★★★★★★★★★★★
يا طاغي الما تعرف دينك
راح نظل سلّايه بعينك
باچر يحكم بيني وبينك
منهو التبقى ترف راياته زَلزلَها الشام بكلماته
؛★★★★★★★★★★★★★★★★
احنه أهل البيت أهل الحكمه
بينه الرأفه وبينه الرحمه
الحبّانه يشوف افضل نعمه
والضَدنه يموت بحسراته زلزلها الشام بكلماته
؛★★★★★★★★★★★★★★★★
الشاعر جعفر عطيه البزوني
/channel/aabas78
قصائد لكل ايام محرم اشترك بالقناة
ميمر // للأمام السجاد عليه السلام
ليش الامام السجاد. كل عمره تجري دموعه
............
من ياجرح اكثر تألّم گلبه
خل نسأل ويعذرنه احنه نحبّه
يامحنه سهله وياهي منهن صعبه
نار الحزن تسعر ليش ما تطفه بين ضلوعه
..........
جرح الغريب حسين اكثر اذّاه
لو جرح ابوفاضل الينحب خلّاه
لو طيحة عضيده علي بفيض دماه
لو على القاسم مجروح. والموّت طفّه شموعه
...........
وصلت رسالتنه وسمعنه السجاد
ردّ الجواب ابدمعته وحزنه انعاد
يامن سألتو ياجرح اكثر حاد
جرح السبي ينزف دوم. يفري الگلب موضوعه
...........
كل جرح يمكن يشفه بس جرح الشام
من شفت زينب عالهزل ذاك العام
تنظر عليها الناس نظرات اسهام
عالناگه عمتي بياحال متچتّفه ومفجوعه
............
ياشيعتي مشكور عنّي تسألون
يمكم علي السجاد آنه المحزون
بالمجلس احضر وبچي لمن تبچون
واليدعي بسمي ومحتاج. دعوة محب مسموعه
.............
ليلة مصابي الليله جرّعوني السم
ياشيعتي چبدي انمرد وتألّم
مأجور كلمن لجلي ينصب مأتم
اگضيله حاجة بدعواه والدعوة ما مرجوعه
.............
مظلوم عمري ومن متت هم مظلوم
بلا قُبّة گبري ولاصحن ظل مهدوم
ياربي يمته المهدي يظهر يايوم
يبني المراقد لو ثار. براية علي المرفوعه
الشاعر سيد زيد الفحام
_
/channel/aabas78
قصائد لكل ايام محرم اشترك بالقناة
ياساجد اهل الغيره حزنك صعب تفسيره
كلما تصد ليتامك حزنك صعب تفسيره
...........................................................
شوغاتك ابكل مغرب اعله احبابك
اللهُ أكبر صعب حيل امصابك
ابحزنك وضوح وبارزات اسبابك
جن شجره واحزانك غصن باعتابك
من يوم طحت ابحيره حزنك صعب تفسيره
...........................................................
بروحك خيال الساعة الفجيعه
من كَمر ضامي اتوسد الشريعه
وجثَت الأكبر عالترب صريعه
ويطيح ضامي القاسم الوديعه
وضعك يحيير الديره حزنك صعب تفسيره
...........................................................
كلما تشوف الماي جفنك دامي
تتذكر حسين الذبيح وضامي
صاح اقصدوني واتركوهه اخيامي
بظلوعي شِبو النار مو بايتامي
عندك بقه تصويره حزنك صعب تفسيره
...........................................................
بعد الطف انفاسك بقت مهمومه
والروح لجل الودعك مهضومه
من شوفت اهلك عينك المحرومه
وجروح عندك بالكَلب ملجومه
كلما ذكرت السيره حزنك صعب تفسيره
...........................................................
ياوسفه ابن عبد الملك ضد حيلك
وايريد يذبح هذا نجمة ليلك
بالسم يقران انقتل ترتيلك
ويانعش يكَدر يالعليل ايشيلك
بثكل الحزن تقديره حزنك صعب تفسيره
...........................................................
ذاب الجبد والشوف قل ابعينك
ياما جريت ادموعك اعله حسينك
يارحمت الله بكل وجودك وينك
شيعتك صاحت ياعمود الدينك
وبدينك وتعبيره حزنك صعب تفسيره
...........................................................
عمرك خلص من سم حقود وضالم
جان اعله سَمك هالمنافق عازم
امصيبه عظيمه وبيهه ربنه العالم
دم و دمع تبجي عليك الوادم
عاللي جره وتبريره حزنك صعب تفسيره
ياسر العارضي
/channel/aabas78
قصائد لكل ايام محرم اشترك بالقناة
.... استشهاد الامام السجاد ع......
وحشه الدنيه بويــه ابدونك
هاي الليلـــه الكَــه اعيونك
عطشانه الروح ابلياك راحل يابويه الملكَاك
هاي الليله هاي الليله
***
يبو السجاد سجادك عطش كَــــلبه
وصارت دنيتي يابويه جن غربه
صعبه اهواي والله حيرتي صعبه
ظلت ذكرى اليـه اهدومك وتربه
ضايك صدري جــي ماشمك
شالت روحــي ورادت يــمك
دوم اكبالي وما انساك راحل يابويه الملكَاك
هاي الليله هاي الليله
***
ليلي امساهره واعيوني ماتغفه
اشلون اينام بويه الحالته كــلفه
بيه اجروح ماطابــت ولاتشفه
وكَلبي امكطع ولاماوكف نزفه
يافــي عمري وياعافـــيتي
خنكَه انفاسي وماتت ريتي
كلبي المتوجع ناداك راحل يابويه الملكَاك
هاي الليله هاي الليله
***
كلشي اظلم اشوفه صار بعيوني
من كثر البجي مانشــفن اجفوني
بفاتحتي عليك اهــــواي لاموني
وجثير النوح والونه يســـــموني
اعليك ادموعي لامانشـــفن
اتزيد اجروحي كلمــا اونن
حلم العاشك يتمناك راحل يابويه الملكَاك
هاي الليله هاي الليله
***
أنه الميت يبويه من غبت عني
ولالحظه فتــــــر لوبطلت وني
المنايا اســــهام بالدلال صـابني
الوجن بالمواجع حــــيل لجمني
يالماترجــع غمضت عيني
رايد شوفك واتلاكَـــــيني
يروى العطشان بطرواك راحل يابويه الملكَاك
هاي الليله هاي الليله
***
وي وني تحن اونــــــــــت الناكَه
الرايح منه غالـــي ايشيب افراكَه
الله اليدري روحي اشكثر مشتاكَه
عطشانه يبويــــــــه اليوم الملاكَه
ماشي وراحل هاي الساعه
وعمري الليله حان اوداعه
عايف اهلي وجاي اوياك راحل يابويه الملكَاك
هاي الليله هاي الليله
***
الشاعر ابو علي الركابي
/channel/aabas78
قصائد لكل ايام محرم اشترك بالقناة
ساجد وعابد وامام هذا ابن خير الانام
@ياامامي ويا امام ويا امامي ويا امام @
---------------------------------------
هذا زين العابدين
هذا ابن طه الامين
وحدة ظل ابن الحسين
بالطفوف ابلا معــــين
صرخوا وصلوله السلام
@ياامام ويا امام ويا امام ويا امام @
-------------------------------------
هسه لبينه النـــــداء
سيدي بصرخة وفاء
والله يبن الانبـــــــياء
فدوه إلك نجري الدماء
نعاهدك مو بس كلام
@ياامام ويا امام ويا امام ويا امام @
-----------------------------------
يا عليل ابكربله
يالحرت بالعايله
ويا ابن خير المله
صوت إلك وانوصله
خدمتك افضل وسام
@ياامام ويا امام ويا امام ويا امام @
------------------------------------
نقسم احنه بالطفوف
وبلي كطعوله الجفوف
وبلي حاطته الصفوف
لا نهجكم ما نعوف
حبكم اليجلي الظلام
@ياامام ويا امام ويا امام ويا امام @
-------------------------------
نحسب ايام الشهور
ننتظر وكت الظهور
ويه غايبكم نثـــــور
عالظلم لمن يجور
ويعلن الحب وسلام
@ياامام ويا امام ويا امام ويا امام @
-------------------------------------
الشاعر سجاد العبود
/channel/aabas78
قصائد لكل ايام محرم اشترك بالقناة
مــا بيـــن آيـــــات القـــــرآن
بوَنـَّــت سَجـــــــده .. وحَسـرت ركعــه * السبحه تـواســي التـُربـــه بـــدمعـــــه
وإتــلاطـــم مـوج الإحــــزان
مــا بيـــن آيـــــات القـــــرآن
عـالسجــاد عـالسجــاد * عـالسجــاد عـالسجــاد
ــــــــــــــــــــــــ
سَجــدَت لـيـل إبمجــره المـدمـــع
ودلال إصبــــح للهــــم مَــرتــــع
عالبالطف شـاهَــد ﭽَــم مَصـــرع
بالسَــم ﭼـبــــده اليــــوم إتـﮕطــع
نـــــاح الـديــــن الإجلــــه وشــرعـــه ... السبحه تـواســي التـُربـــه بـــدمعـــــه
وإتـــــوذر ﭼَبــــد التبيـــــــان * مــا بيـــن آيـــــات القـــــرآن
ـــــــــــــــــــــــــ
ركعــة هَــم مـكسـورة خـاطــــر
تبـﭼـي الفــﮕدك يـابـو الــبـاقــــر
منتظـــره الجيتــــك وتنــاطـــــر
يمتـه إلـهـا إتـرد هـا يَمســافــــر
البتــرابــــه إتلـَحـــــد شيــــرجعـــــــه ... السبحه تـواســي التـُربـــه بـــدمعـــــه
السجــاد إفــراشــه التـربـــان * مــا بيـــن آيـــــات القـــــرآن
ـــــــــــــــــــــــــ
سبحــت ﭼــف ينـــزف مَـدمعهــا
راح الـﭼــف إو مــا وَدعهــــــــا
تصـــرخ يـالسَجــــاد إسمعهـــــا
فــــﮕدك مـــولاي إمــروعهــــــا
ملهــوفــه الـهـالـﭼــف والصبعـــــــــه ... السبحه تـواســي التـُربـــه بـــدمعـــــه
يبـن الـراسـه تعـالـى الــــزان * مــا بيـــن آيـــــات القـــــرآن
ـــــــــــــــــــــــــ
والسَجــده إحــــا آ يــالسَجـــــده
ملهـوفــه إعلـه جبينــــه وخـــــده
نــاحــت لمـــن شـافــــت ﭼبــــده
والسَـــم بحشــــا مَـــر وتعَــــــده
حــارت لمـــن شـــافــت وَضعـــــــه ... السبحه تـواســي التـُربـــه بـــدمعـــــه
منتظــــره إيـــــرد وَيِّ لاذان * مــا بيـــن آيـــــات القـــــرآن
ـــــــــــــــــــــــــ
التـربــه تنــوح وتصــرخ وينـــك
يـالـواريـــت بحظنـــي حسينـــــك
مشتــاﮔــــه الإنــــوار جبينـــــــك
مشتــــاﮔــــه اتقُبـــــــل ﭼفينــــــك
يـا مَـــن بيــك العـــــز والــرفعــــــه ... السبحه تـواســي التـُربـــه بـــدمعـــــه
يــا نــور إو وجــه الرحمـــن * مــا بيـــن آيـــــات القـــــرآن
ـــــــــــــــــــــــــ
والسجــــاده إبـدمعــه تنـــاشـــــــد
وينـــك يـالنـــاسِــك والــعــابــــــد
وينـــك يـالــراكــع والســــاجـــــد
رحـــت وما ﭼـــن راح إتعــــــاود
ويــــن النـــــور وذيــــــﭻ الطلعـــــــه ... السبحه تـواســي التـُربـــه بـــدمعـــــه
يـالكلـــك غيــــره وإحســــان * مــا بيـــن آيـــــات القـــــرآن
الشاعر كريم الحاج فليح
/channel/aabas78
قصائد لكل ايام محرم اشترك بالقناة
نعزي حسين بالســجـــاد ومــصابه
عليه للموت دمعة عـــــينه سچـابه
آه اعليك يامظلوم آه اعليك يامظلوم
***
عــــــلي السجاد من بعدك يـبواليمه
هوه احزانك نَفس وبــنوحه يشتمه
ماكفـــــت دمعته وفـــــارگ البسمه
حزينه ارسوم وجهه وحزنه جلبابه
آه اعليك يامظلوم آه اعليك يامظلوم
***
حياته من عگب عاشور صح وحده
بس بــــيهه عـــــوالم منهن السجده
وعــــالَم لهــــــفة الدمعه على خده
يتم فـــــرض الصلا ويبچي محرابه
آه اعليك يامظلوم آه اعليك يامظلوم
صحــــــيفه للدعا دونهـه بچـفوفه
باسمه اتســــمت وللناس معــروفه
ودوّن بالنحيب المعـــــتلي اطفـوفه
والام السبي مـــــــــوجوده بكـتابه
آه اعليك يامظلوم آه اعليك يامظلوم
***
منه ابحسره تسمع چلـــمه آه الشام
سِبت روحه وجروحه اتخيطت بالام
الخدر زينب ينــــــوح ولوعة الأيتام
ورقيه اهــــناك ماتت زادت اصوابه
آه اعليك يامظلوم آه اعليك يامظلوم
***
عله افراش المنــيه وتهمل ادموعه
ألم من صدرك المهشوم بضـــلوعه
وبگلبه الگطِع نحرك ألـــــف لوعه
نــــظرخـــــدك وشيبك فوگ لترابه
آه اعليك يامظلوم آه اعليك يامظلوم
***
چبدته اتگطــعت عگب الهظم بالـسم
وامصــابه عله امصاب الطفوف التم
واشد مــــن جمرة السم نار المْخـيّم
لأن زينب تچـــــــــوّت بيهه واحبابه
آه اعليك يامظلوم آه اعليك يامظلوم
***
تمت بفضل الله وتوفيقه والحمدلله رب العالمين
وصلى الله على محمدٍوال محمدوعَجل فرجهم اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي
/channel/aabas78
قصائد لكل ايام محرم اشترك بالقناة
جرّعك سم الحـــــــزن درب السبي
وجــــــــرّح ابگلبك يبن سبط النبي
***
اشگد بچـــــيت ابين عاشور وصفر
او يـــــــوم منهن عندك أيـعادل دهر
يعني گلـــــــبك يالعــليل اشگـد صبر
موغــــــــــريبه صبرك وطـبعك أبي
***
عـــــــاشر ابعاشور بضلوعك رمح
وبالسبي كل خــــطوه چانتلك جرح
وچـــــــــلمت الشمات اشـبه بالملح
ال امـــــيه وبـــــــين اديهــه طالبي
***
عينك اتشـــــوف العــقيله بيـاوضع
وكـــــــــل يتيم اتصدله گلبك ينفجع
لـــــو وگع من ناگته ايرضلك ضلع
وعلــــــــه خدك دمعتك تحبي حبي
***
تشكي من علّه وهـــــــزيله ناگــــتك
هواي صعبه اعله الأرض لوطيحِتك
شالت احزان الــــــدهر من شـــالتك
وبيك يحـــــدي بالـــبـراري الأجـنبي
***
مــــاطحت مـــــــن ناگتك لاماطحـِت
وبـــــيتامه ازغـــــــار يامه حسـبِت
لارقـــــيه اتطيـــــح من هايه خــفِت
بسوطه خـاف ايردهه چف الناصبي
***
ابكــــــــربله حــيلك الف مره انهدم
وچتــــــفك درب السبي بحــبل الألم
وگلـــبك المجــــــروح بالشـام الچم
اشگد صحــت إلهه يروحي اتأهبي
***
تمت بفضل الله وتوفيقه والحمدلله رب العالمين
حيدركريم جارالله الكربلائي
/channel/aabas78
قصائد لكل ايام محرم اشترك بالقناة
نزله..
الله خلـه بالعليل معجزه وبيها الدليل
ونزلت بيـوم الطفوف
ونزلت بيـوم الطفوف
__
من كرب شهر الفجيعه من اجه يوم الطفوف
وربنـــه نــزل بالامــام معـجزة ضد السيـوف
معجــزت عله وعليل والعـــدو مــــنه يعـــوف
حتى مايخلص نسلهم. من بعد نـحر وجفـوف
لا تشك باأمر الخليل.
معجزه وبيها الدليل
ونزلت بيـوم الطفوف
___
من بـــــده طــــف المنـاحر كالو أنواع الكـلام
واحد ينـــادي على واحد نكطعه نســل الامام
نذيح الطفل الرضــيع وتشتـــعل كل الخـــيام
مــادرو زيـــن الـــعباد معـــجزه وبيهــا السلام
من بعد دور الكفيل.
معجزه وبيها الدليل
ونزلت بيـوم الطفوف
__
ماكو أمـه بلاامام بكل زمان بكل وكت
يل ردت تكطع نسلـهم اسمع انته يالكلت
وربنـــه حافــظ هل سلاله ماتـحقق ماردت
شجره ويـخبل ثمرها أنـــته وحدك .ألمــــتت
والعدو اصبح ذليل.
معجزه وبيها الدليل
ونزلت بيـوم الطفوف
_
معجزه وثابت قـدرها من طــــفوف العــاشر
ماخلص نـســل الأمامه وخـــل نكله الكـــافر
أحنه شيعه وحـيدريه وعدنه مهــدي الحـاظر
باجر يــصـيح ويـــنادي وكلنه نصـرخ باجـــر
نصرخ ونندب يويل
معجزه وبيها الدليل
ونزلت بيـوم الطفوف
___
كلمات الشاعر
الحسيني
مرتضى مكطوف الموالي
/channel/aabas78
قصائد لكل ايام محرم اشترك بالقناة
تيهنه الدرب مانندل منين
من بعيد شفنه راس الحسين
عبايه تجر عبايه _وكل احنه سبايه
تيهنه الدرب مانندل منين
°°°°°°°°°°°°°°°°°°°°°°°°°°°°°°°°°°°°°°
اه واه _واويلاه محتارين بين اللطمه والدمعه
بس نسوان_وماكو امچان يلمنه وضاگت الوسعه
نيشان الدرب نگاط من دم نحر عبد الله
الخيل اثاره تمحي ودوم محد كدر يوصله
ماندري بمجانه وين ماوين
°°°°°°°°°°°°°°°°°°°°°°°°°°°°°°°°°°°°°°°
بين الخيل _رحت بليل من بعيد اسمع صوت بيه خوه
ون ونه_اسمعنه_عرفته من الرمل ابن امي يتجوه
خاف بجفي اگلبنه وبيدي خاف اطشره
بيك منين ماگلبك السيف مسوي حفره
ضلوعك باقي منهن فقط ضلعين
°°°°°°°°°°°°°°°°°°°°°°°°°°°°°°°°°°°°°°°
صدرك وين _خويه حسين _گلبك هذا طالع وانغمه عليه
حمره الگاع_بساع بساع_ذبل وجهك نزف واخذوني مسبيه
كل شويه امشي اوكف منك الكه وذره
مو بس جسمك مطشر اطشرت بينه عشره
عنك ماشيه وتشابح العين
°°°°°°°°°°°°°°°°°°°°°°°°°°°°°°°°°°°°°°°
بهذا الليل _گمنه نميل_وكلمن طلعت ادور اعله غاليها
بس انه_حيرانه_كلها اعزاز مدري منين ابديها.
كلهم فرد طيحه هنا بس هو الگلب واحد
شيحمل يامصيبه يريد يذكر جم طفل شارد
من هول المصايب کلبي نصين
°°°°°°°°°°°°°°°°°°°°°°°°°°°°°°°°°°°°°°°
الشاعر طالب الصالحي
/channel/aabas78
قصائد لكل ايام محرم اشترك بالقناة
بالطف مفجوعه وحيرانه
ما صح لزينب عوانه
___
ياهو يفزع اهل الكلفه
يانه الظالم ناره بجفه
يحرك كام خيام العفه
ورماد الخيمه الجوانه
___
حتركت واحنه بنص الخيمه
نركض بالحر وسط الهيمه
المن يحجي الفاكد ضيمه
وكون يموت الماكو اخوانه
___
ثمانين اكثر جنت انه الهن
اشكف نوبه ونوبه احضنهن
مات الجان بنحره يشمهن
وسوط الكافر حيل اذانه
___
حيرت زينب جانت حيره
تطلع من ديره اطب ديره
ماكو امـروه ولاكو غيره
والغيرة العدهم ذبلانه
___
ننظر المن ياهو اليفزع
حسين اتوذر جسمه ادكطع
محد سالم حتى الرضع
الكاع البدمهم شبعانه
___
برمحه الحاقد يدفع بيها
زينب كال اليوم اسبيها
وين الكافل يفزع ليها
وكت المحد مد اللسانه
___
حبال انحطت وسفه بدينه
وبنوگ الهزل صعدينه
يزجر كام الحاقد بينه
ومن السوط اشكد تعبانه
___
الشاعر/ انور خلف البيظاني
/channel/aabas78
قصائد لكل ايام محرم اشترك بالقناة
مأسات الامام السجاد روحي فداه
يابويه الكسرت گلبي وأذتني اهواي
خلوك ابحر الهيمه واتصيح الـماي
كلشي بعيوني شفت
امن الرمح حد الطشت
واتصيح الماي
ــــــــــــــــــــــــــــــــــــــ
آنه الوجعان..وانته العطشان
ابحر التربان..نحرك يابس
ايطلبونك بيش..جابولك جيش
وابصدرك ليش ..خيل اترافس
شمسوي وهيچ اتموت..يحسيني
واتظـل ابلا تابوت..يحسيني
وگمت اسمع منك صوت..يحسيني
ياناس اوداعة جدي اتگلهم عطشان
وآنه اشما الطم راسي تبچي النسوان
بويه ليش اتطشرت
امن الرمح حد الطشت
واتصيح الماي
ــــــــــــــــــــــــــــــــــــــ
اشلونك يحسين..چنك موزین
داسن مرتين..الخيل بصدرك
ذباحك ذاك..ترفس خلاك
والسيف اذاك..إشسوه بنحرك
وانته بآخر لحضات ..يابويه
ظهرك شابع طعنات..يابويه
وعينك عالعلـويات..يابويه
اتگوم وتوگع عله وجهك ماعندك حيل
طبگن صدرك وي ظهرك رجلين الخيل
وآنه چم موته متت
امن الرمح حد الطشت
واتصيح الماي
ــــــــــــــــــــــــــــــــــــــ
معقوله الچان.. هيبة ديوان
كلش گصران..طولك صاير
صبعك مگطوع..صدرك مشلوع
چتفك مخلوع..من الحافر
نبچي وهمه ايضحكون..ياويلي
ابراسك ليش ايهوسون..ياويلي
وبزينب يتشمتون..ياويلي
والعلويات ايصيحن وين السجاد
لاتوصل نار الثوبه وايصير إرماد
وآنه إلمن التفت
امن الرمح حد الطشت
واتصيح الماي
ــــــــــــــــــــــــــــــــــــــ
اسال بام عون..ياعمه اشلون
هذا الـميمون..ردلچ خالي
ميمون احسين..بيه اتشمين
حگچ تبچين..راح الغالي
ولمن شفتي الذباح..ياعمه
من عينچ مدري شطاح ..ياعمه
شيبتي وحيلچ راح..ياعمه
الخيل ايركضن وايعثرن بهدوم احسين
وآنه الوجعان شبيدي وانتي اتصرخين
اصعب أيامي عشت
امن الرمح حد الطشت
واتصيح الماي
ــــــــــــــــــــــــــــــــــــــ
آه امن الشام.. غربه وألام
وراسك گدام.. يمشي اويانه
وملتمه الناس..تضرب بالراس
وعين العباس.. دم مليانه
گام ايونن عالنوگ..عماتي
مستحيات امن السوگ..عماتي
گلبي اعليهن محروگ..عماتي
يابويه وشفت اجبينك صابوه بحجار
ولو طگو اي مسبيه راسك يندار
وآنه باحزاني ضعت
امن الرمح حد الطشت
واتصيح الماي
ــــــــــــــــــــــــــــــــــــــ
ظليت إوحـيد.. أصفگ بالايد
وبقصر ايزيد..وإمچتفيني
سعفه ابنص ريح..ايوگفوني واطيح
وادموعي اتصيح.. آه يحسيني
ظليت ابلا خوّان..ياروحي
صرت آنه الهم دفان..ياروحي
وكسرن گلبي النسوان..ياروحي
الماتو كل اهله اگباله اتموته المأسات
وجهي اعليكم يابويه شابع طگات
امن البواچي ماجزت
امن الرمح حد الطشت
واتصيح الماي
محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
موشح
الـــيوم زينب تشــتكي لًـكفالهه
من الجره عليه وجره اعله اعيالهه
=========================================
اليوم زيـنب للكــفيل اتـعنته
والجفن من عدهه يهمل دمعته
دنيت يمه الحره اخيته وحاجته
بطيحة فـگدت العيله امالهه
الـــيوم زينب تشــتكي لًـكفالهه
=========================================
تگله يابو الغيره اسمع مطلبي
گوم خلص عيلتك من الـسبي
وطفي نار الخيم خويه والعبي
وانـظر سكيــنه وشاهد حالهه
الـــيوم زينب تشــتكي لًـكفالهه
=========================================
گــوم ياعباس وانظـر للجره
لا تعوف اختك يخويه محيره
جودك العيله بــامل تـتنطره
من العطش ارويهه وسگي اطفالهه
الـــيوم زينب تشــتكي لًـكفالهه
=========================================
يامر اعله اختك ترضاهه الشمر
والســبيه اصير من عگب الخدر
ولا بـعد بيه صبر حتى انتظـر
وروحي ماهدئت ولا عن بالهه
الـــيوم زينب تشــتكي لًـكفالهه
=========================================
گوم اشوف اختك يخويه شحالهه
نشاف طول الي منشاف خيالهه
وسوط اميه اعله المتن يبرالهه
ونت وحتى الصــخر ونــانلهه
الـــيوم زينب تشــتكي لًـكفالهه
=========================================
ينهدم كل حيلك أمن شوفني
المصايب كل مسيه اطوفني
ابد مو طبعك يخويه تعوفني
وروحي مشدوه اعله فگدك بالها
الـــيوم زينب تشــتكي لًـكفالهه
=========================================
الشاعر احسان الحميداوي
/channel/aabas78
قصائد لكل ايام محرم اشترك بالقناة
من يگول الحره ذلت بالسبي
تبچي مكسورة گلب لاوالنبي
مااصدگ هالوضع هيه بتمن وقتنع
تبچي مكسورة گلب لاوالنبي
***
هاي زينب ياخلگ هاي العقيله
هاي بت حيدر علي واصل الفضيله
شلون فهموني اذن تمشي ذليله
وهيه حمل الدنيه لومالت تشيله
يم شماته شلون بالله تنكسر
وهيه من عدهه اخذ درس الصبر
شلون شافوه الدمع هيه بتمن وقتنع
تبچي مكسورة گلب لاوالنبي
زينب المفهوم للعز والاباء
وماتطيح ادموعهه بس بالدعاء
صوتهه يسمعوه بس اهل السماء
شلون بين اجناب تبچي بكربلاء
هيهه لورفعت اديهه للجليل
الگاع حدر اجدامهم والله تميل
الباري ألهه يستمع هيه بتمن وقتنع
تبچي مكسورة گلب لاوالنبي
هاي من حيدر علي اخذت صفات
كل الجبل وكت الشدد بالنايبات
ماتطخ الراس تعرف يم شمات
وهيه بس للله تدنگ بالصلات
الجبل هم ينچتف ارد افتهم
حتلو طايح فرض راعي العلم
ياجبل دنك خضع هيه بتمن وقتنع
تبچي مكسورة گلب لاوالنبي
زينب بعلم وفهم منزل امام
وبالبلاغه چن علي توزن الكلام
الصبر يمهه يدنگ يحني هام
ويامره گلي مثلهه بهل المقام
چان صبر ايبوب مضرب للمثل
ومن صبرهه احتار ايوب وخجل
بالصبر ألهه رجع هيه بتمن وقتنع
تبچي مكسورة گلب لاوالنبي
الله مايقبل لون ذلت محال
هيه ستر الله وحجاب الكمال
هاي زينب هوه ياهو الگام گال
شلون چاه راحت سبيه وللجدال
هيه راحت موسبيه لا ابد
راحت لعرش الطغات تهده هد
هدمت عرشه وگع هيه بتمن وقتنع
تبچي مكسورة گلب لاوالنبي
انه اريدن واحد يگلي بدليل
زينب الحره مشت مشي الذليل
بالقصر وكفت مثل حامي الدخيل
براس مرفوع دخلت مو بالعويل
الاسير الذله بطباعه تصير
كيد كيدك هاي موچلمت اسير
هاي موذل وركع هيه بتمن وقتنع
تبچي مكسورة گلب لاوالنبي
علي مظلوم الجناحي
/channel/aabas78
قصائد لكل ايام محرم اشترك بالقناة
الى رقية بنت الحسين عليهما السلام
طفله بطشت فجعوها
بالخوف روعوها
جابوه راس أبوها
بس شافته مكطوع
*------------------*-----------------*
كالتله بويه شلونك
ذبلانه بويه عيونك
جا شو تغير لونك
وعيونك مغمضات
يابويه يتراوالي
راسك وتوه كبالي
انت الكلت تعالي
جيتك أهل ادموع
*----------------------*----------------------*
توك خذتني بايدك
وكتلك يبويه أريدك
سالم شفت وريدك
شو هسه كله ادموم
يابويه ينزف نحرك
ذبلان كلش ثغرك
جا ما درو أنتظرك
لو صوتي مامسموع
*---------------------*---------------------*
راووني راس الغالي
وتغيرت احوالي
يالجنت يمي تلالي
مذبوح هسه كبالي
الدنيا صارت تابوت
حقي اعله راسك لو موت
أبصفك اغفى بلاصوت
اغفى مثل الشموع
*----------------------*--------------------*
يابويه عذبوني
واعله الجمر مشوني
وبمنظرك فجعوني
غافي ينور عيوني
يابويه جنت انتظرك
تحظر واشمن عطرك
وافرح يضمني صدرك
شو لاصدر وضلوع
*--------------------*--------------------*
جابوك بويه بس رأس
ومكطعات الأنفاس
يادنيا من الإحساس
ليش النفس محبوس
يالعيشتني بروحك
ضليت اعيش بنوحك
أه ياكبرها جروحك
بعدك بقيت الوع
*--------------------*------------------*
الشاعر محمد النوري
/channel/aabas78
قصائد لكل ايام محرم اشترك بالقناة
https://vt.tiktok.com/ZSYcc35dq/
جديد باسم الكربلائي
#الامام_السجاد_عليه_السلام
الحير الكون بدعاءه
فكدته ارضه وسماءه
اه يا زين العباد اه يا زين العباد
**.
هذا كون الله بألــــــم ينصب عزيه
يواسي بيها الطاهـره امه الزجيه
ينادي وجروحه تهل بهــــــالرزيه
يل مصــابك من جروح الغاضريه
والنجم يهوي ابكاءه
فكدته ارضه وسماءه
**.
بالدعاء اصبح نشر دين الرساله
عكب ظلم الطاغيه وجور الجهاله
وبدعاءه يذكر حسين اووصالـــه
وصار ينشر دعوته لرب الجلاله
والدعاء اصبح نداءه
فكدته ارضه وسماءه
**.
الصحيفه ام العلم تبجي لمصابه
شافت الام ومحن حسرة عذابه
تذكــــــرت وناته بايام الخرابه
وتسأل وتنطر متى يرجع جوابه
من يواسيني بعزاءه
فكدته ارضه وسماءه
**.
الملايك تصتنت لــــــــــمن ينادي
بيا الهي وترتفــــــــع ذيج الايادي
وجانو يكولــــــــون يا زين العبادِ
عرش ربك يستمع صوت الرشادِ
والملك يرجو بقاءه
فكدته ارضه وسماءه
**.
كلها ناحت سيدي شرق وغربها
علمك وطيب الاصل هو الجذبها
اخلاقك من المصطفى كلنا نحبها
حك الك يابو الشرف تحني ركبها
وطيبته تجري بدماءه
فكدته ارضه وسماءه
**.
بالدعاء وبالعمـــــل خلص حياته
متنه اسود سيدي وتشهد عبــــاته
يشبع ايتامه كبل ركعــة صــــلاته
مات وجروح اليتم حسره بصفاته
شاهد بفعله رداءه فكدته ارضه وسماءه
**.
السممه كل ظنه يكطعله سبيلــــــه
ولله صار ابن النبي غايه اووسيله
بالمناجاة ودعاءه بوسط ليلــــــــه
هز عروش الطاغيه واهل الرذيله
وفقط للباري ولاءه فكدته ارضه وسماءه
**.
ونسألكم الدعاء والتوفيق
لخادم ال محمد(ع)
الشاعر حيدر كاظم الساري
/channel/aabas78
قصائد لكل ايام محرم اشترك بالقناة
ميمر للامام السجاد ع
____
حزنك كلف بالدلال
نوح اقتبس من نوحك
****
شفت المصايب والحزن بدموعك
اهات ونك تحني حتى اظلوعك
لچمات دهرك سولفت موضوعك
حمزه الثمالي يلگاك
ليل الحزن بجروحك
**
حزنك اخذ طول العمر بالعبره
وياك چن اسمع نواعي الزهره
خلصته ليلك بالنوايب حسره
ماتنسه يوم المذبوح
نهرك دمع بسفوحك
***
مرت عليك اشكد محن تتگوه
چنك غريب وبالجمر تتچوه
ظهرك اشوفه من الهضم يتلوه
بالطف عشتهه المأساة
دهرك يعذب روحك
**
امضت سنينك بالحزن والمدمع
بعيونك اتشاهد جثث بالمصرع
شفت المأسي حدبت بالمضجع
اعرف ونينك مفجوع
سهم المنيه ايلوحك
***
لان الحديد اعله النبي بشجانك
وانت الصبر جاز وعبر بأحزانك
صرت ابونينك بالبچي عنوانك
خامس الخمسه اليبچون
نقره الكتاب اطروحك
***
دهر المصيبه خيم اعله المحتوم
ترسم محط النايبه اعله المظلوم
ويلاه صحنه امصيبتك يامسموم
تاليته طفك ميشوم
هدم كيان اصروحك
***
موتك نشوفه ابكربله ضي عينك
ونك اشد من السبي عله حسينك
حان السفر هالليله شفنه اجبينك
حضرته دمعك يحسين
جرح الختام ابنوحك
***
تمت بعون الله تعالى الشاعر____يوسف_الفتلاوي
/channel/aabas78
قصائد لكل ايام محرم اشترك بالقناة
انودع الليله امام الساجدين
بالحزن مولانه زين العابدين
1
انودعه وجروحنه تنزف إله
بكل وكت عالشافه في طف كربله
دموعه متبطل وتبقه هامله
عالجره والشافه من الظالمين
2
بصبره يردع جان كل ظالم اجير
وعاش ثوره وقمه بأعماق الضمير
بحكمته اعقول وضماير تستنير
لان فكره من أمير المؤمنين
3
علي السجاد ونعم من هالاسم
قاد ثوره بصبره بحكام وعلم
جان كل طاغي بحجرها ينرجم
لان جانت ثورة الحق المبين
4
بقوة إصراره وعزم فيض الصبر
اكباله أكبر قوه جانت تندحر
مشعل الثوره بقه وحتى النصر
وهالنصر خطه اله العالمين
5
شاف أهوال بحياته والمحن
من جرح طب المنايه وابتدن
شاف عماته وخواته ينسبن
وهو وياهن مشو متيسرين
6
هذا حاله ومشه سلم للقدر
لان محد مثله بالعالم صبر
رغم جرح الفاجعه الكبرى انتصر
بقه اسمه وراح مرفوع الجبين
الشاعر رياض الرسل الجابري
/channel/aabas78
قصائد لكل ايام محرم اشترك بالقناة
استشهاد الامام السجاد ع
لوالدي يا شيعتي زيدوا البكاء
مات مذبوح وغريب بكربلاء
ما بقه ناصر إله
مات محد غسّله
""""""""
علي ابن حسين اني ودمعي بمصابي ايهلي
إبچوا يا شيعة اعله ابويه بالله لا تبچون إلي
يومه لا يوم اليشبهه بكلشي هو مبتلي
ذبحوا ابنه علي الاكبر وذبحوا الاصغر علي
إبچوا عالمذبوح يا شيعتنه دوم
يوم ابو اليمه تره ما مثله يوم
ذبّحوا ناسه وهله
""""""""
فوگ صدر حسين شفته للشمر لمن صعد
وسيفه حط يم راس ابويه وللذبح شفته استعد
منظره وهو ويذبحه والله ما انساه ابد
بعد ذبحه اثنعش طعنة بنحره ظل يضرب بعد
شيلوا راسه برمح شفت الشمر صاح
وراسه ما ينزل اريد امن الرماح
عالرمح راسه اعتله
"""""""""
مات وما خلصان منهم فاجعه تجر فاجعه
فرصة للسلّاب چانت شاف خاتم باصبعه
دنت نفسه على الخاتم والطمع ما ابشعه
گطع صبعه وچان يگدر من اصبعه يطلعه
الميت اكرامه الدفن يا مسلمين
تلث ليالي بلا غسل ظل الحسين
الله يلعن قاتله
"""""""""
من وكت آدم يشيعة وباقية ليوم الحشر
عالمنابر بس مصيبة وغيرهه ما تنذكر
هو بس عطشان واحد وچان ذبّاحه الشمر
وهو بس مذبوح عدنه الخيل داستله الصدر
وصدر ابويه الچانت الزهرة تبوس
بعيني عشر خيول شفت اعليه تدوس
وذرة وذرة بالفله
""""""""
شفت ابويه بعينه دمعة وحاط ايده اعله الظهر
من سألته ما يجاوب بأيده أشر عالنهر
گلي شوف اعله الشريعة منهو گطعوله النحر
گلي هسه انكسر ظهري يا علي مات الگمر
شاف عمي بلا يسار ولا يمين
الان قلت حيلتي صاح الحسين
عگب راعي المرجله
""""""""
للشمر گلتله عمتي حين ركبونه الهزل
لو تصعّد ابن اخويه لو حبل ايده تحل
بصوط يضربهه بمتنهه وسكتي گللهه النذل
وحيل صار بأيد عمتي يشده ويجره الحبل
والحبل حز ايدها والدم يسيل
لعمتي نوحوا ركبوهه اعله الهزيل
وين حامي العايله
""""""
كل ابن امنيته يحضن والده گبل الدفن
وجسمه انه اشما احاول احضنه ما ينحضن
وذرة وذرة صار ابويه ضلوعه طحنوهن طحن
صرت الم جسمه بحصيرة الفاتحة اقراله واون
بالدفن يا شيعتي منظر فجيع
فوگ صدره ادفنت عبد الله الرضيع
دموعي ظلت هامله
انيس الخفاجي الكربلائي
/channel/aabas78
قصائد لكل ايام محرم اشترك بالقناة
با الآهات… والحسرات… الليلة انودع السجاد
زين العابدين اليوم راح اتغيب انواره
واشباح الخطر والموت كلها مخيمه بداره
من نار الخيم لليوم كبره وماطفت ناره
من الطف لحد ما مات دمعة عينه تجاره
با الاحزان.. والاشجان.. الليلة انودع السجاد
__
ما مرت عليه ساعه اذا مو كربله اباله
يذكر والده مذبوح وتسحگ فوگه خياله
والماي انحرم منه ذاك المحد ابحاله
وجسمة من الحوافر ذيچ كلها مگطعه اوصاله
عالمذبوح.. ظل ينوح… الليلة انودع السجاد
_
ابو الباقر حضر بالطف وشاف الفاجعه بعينه
شاف اعله النهر عباس ومگطعيها چفينه
مارد للخيم خجلان منطي احچاية لسكينه
كلها تصيح ياعباس وين الماي تروينه
والرواي… ظل عالماي… اليوم انودع السجاد
___
ننشد ياعلي السجاد وانته بكربله شاهد
من طاحو بني هاشم وماظل للحرم واحد
شلون الاكبر اتگطع ويمه اتمدد الوالد
وليلة من الخيام اتشوف ابنها وعينه اتشاهد
واعله الصار.. گلبك نار.. الليلة انودع السجاد
_
شلون ام جاسم العريس منه گطعت الضنه
من شافت عزيز الروح بفيض ادماهه يتحنه
گالت راح تعب ارباي يبني وايست منه
حگها والمثلها اتصير ما تلام ع الونه
يا ستار… هذا الصار.. الليلة انودع السجاد
__
من صارت حرب وابطال بيها يسولف الميدان
طلعت كل بني هاشم بين ارجال والشبان
بس الطف سمعناهه بيها اتذبحت رضعان
عبد الله اشعليه من دين حته ينذبح عطشان
حزنك بان… ع الرضعان.. الليلة انودع السجاد
_
شنهي موقفك مولاي من هجمو ع المخيم
وانته لا اخو عندك ولا والد ولا ظل عم
والما يشرد من النار من النار مايسلم
وظلت بس حرم وايتام واعليها الرعب خيم
وين تروح.. كلها اجروح.. الليلة انودع السجاد
_
شبت بالمخيم نار ودار اعليكم العسكر
وما بين الزلم والخيل وين يشردن الخدر
وين اطفالكم ضاعت وزينب حافيه بالبر
ذني مخدرات حسين الله عله الخدر يستر
بين النار ..والاخطار.. الليلة انودع السجاد
____
انعادت ذكريات الطف وانت السم اخذ بحشاك
من غيرك يجاوبنه ومصايب كربله وياك
ننعه امصابك اويه حسين يالسجاد لو ننعاك
لو نذكر سبايا الشام وانته السلسله بيمناك
دمك سال.. با الغلال.. الليلة انودع السجاد
____
ايام السبي والشام ابد مافارگت بالك
عليل امگيد اعله النوگ ما واحد رحم حالك
وعينك تنضر الچتال بالذل ماخذ اعيالك
كل موقف يمر اعليك چان الموت اشوالك
همك زاد… جرحك عاد.. الليلة انودع السجاد
____
اصعب موقف المر بيك عماتك تصد ليهن
شلون ايطبن الديوان والتربان بعبيهن
شلون امخدرات حسين غربه اتعاين اعليهن
لو وياهن العباس من يگدر يحاچيهن
بلا كفال.. هذا الحال… الليلة انودع السجاد
___
وداعا سيد العباد الليلة انختمت ايامك
باچر يم رسول الله تحضر تشكي الآمك
للزهره تبث شكواك كلها لحرگت اخيامك
واثار الحبل والگيد لسه امبينه بجدامك
الكل ناداك… الله وياك.. الليلة انودع السجاد
___
الشاعر حيدر الخفاجي
/channel/aabas78
قصائد لكل ايام محرم اشترك بالقناة
حره ودروب اليسر ماتعرفلهه*اوتشوف عله الرمح راس الكفلهه
***
1 كفيلي عله النهرخليته مطروح
كطيعه اجفوف اديه اوراسه مذبوح
تعلك عا لرمح جـد امي ويلوح
عليه كل ما اصدن تطلع الروح
و ا و نن والمـدا مع دم اهلهه
*
2 مشيت اميسـره وابوليت ارجـاس
وشوف عله الرمح راسـك يعباس
انه الطولي كبل ما شا فته الناس
براضي الطف عجيبه احدودي تنداس
الزمن خان اوعليه اسيوفه سلهه
*
3 اروح اويه الغـرب ياخـويه تـرضون
ود يه امجتفا ت اعليكـم ايهـو ن
انه اختـك يابوفاضل وانسبي اشلون
الشمر ترضه الشمريحديهه الضعون
الهضم والله الهضم زينب كتلهه
**
4 الهضم زينب كتلهه الحك ياكفـال
سبا هه الطف يضيغم والحمل مال
تعا ل انضر يخويه اوشا هد الحال
سبيه عله الهزل مجتو فه بحبال
دأ جرد صا رمك وجفو في حلهه
***
5 صحت بسمك يليث الغا ضر يه
دأ جرد صا ر مك والحك عليه
ابعجل خويه ابعجل خلص السبيه
كبل لا طب لعد د يوا ن اميه
تعا ل ا وز لزل ا لشا م ابهلهه
****
6 اذا يو صل خبر عباس اجاني
اويصيح انه الكفل زينب تراني
اذا بيكم زلم بس خل تتا ني
يموت اوتنخطف روحه السباني
الزلم تلزم سره اوتنطر اجلهه
***
الشاعر حكيم الفرطوسي
/channel/aabas78
قصائد لكل ايام محرم اشترك بالقناة
