قصيدة اسشتهاد الرسول الاكرم ص
استأذن الموت وخذاك ــ ويتــم العـــــالم وراك
انته بس ماكو سـواك ــ استأذنه الموت
©©©©©©©©
يمن نزلت آية الباري اعله صدرك
بالأرض لو بالســمه ينحفــر گبرك؟
الأنبياء يمك تجــي لو غاب بدرك؟
لو ملائكت العرش تنزل تحظــرك؟
يا سـراج المهتدين ــ ياضياء الصالحين
ياهو قبلك يا آمين ــ استأذنه الموت
©©©©©©©©
اتيتمو هاليوم حيـــــدر والزچيه
يبو الزهره امصيبتك اعظم رزيه
اتگابلو يم راســـك اونو ســـويه
اوداعـة الله يامحمد هالمســــيه
ادموع حيدر والبتول ــ تجري من دم يالرسول
كاذب الغيــــرك يگول ــ استأذنه الموت
©©©©©©©©
يطــرق البـاب بأدب مثل اليـزورك
استأذنك ميريد ابد يجرح شعورك
گالك رب العرش يطلب حظـــورك
وبان ياطــه على وجهك ســـرورك
وانته لبيت النداء ــ ورفع روحك للسماء
ياهو مــن الانبياء ــ استأذنه الموت
©©©©©©©©
الدعو اصحاب. الجرح عافو نزيفه
الك ما نصــبو عزاء نصـــبو سقيفه
انكـرو عهـدك والاحـاديث الشـريفه
وقبل دفنـــك نصبو منهم خليـــفه
وي علي ماشــــيعوك ــ ابسرعه ياطه نسوك
اوماكو غيرك يعرفوك ــ استأذنه الموت
©©©©©©©©
وي علي الليله تضـــل بس ذكريـاتك
ومنـــك بأيده بقـت سبـحت صـلاتك
نكسر ظهره وتدري عنده شگد غلاتك
اوياه الامــــلاك انزلت تبچي ابمماتك
ارد اسألك يالحنين ــ يانبي قبلك امين
قبل لاتغمضله عين ــ استأذنه الموت
©©©©©©©©
✍الخادم
كامل السعيدي
/channel/aabas78
قصائد لكل ايام محرم اشترك بالقناة
بسرعه خلصن * شهر عاشور وصفر
خوفي ترحـل * ياحبيبي المنتظـر
باقي بس يوم الرســول
خايـف غيابــك يطــول
وين اشوفك * وين اشوفك
ــــــــــــــــــــ
مو لساني يخاطبك گلبي الشجي
خاف مــا عيشن بعد عـام اليجـي
لهالسبب جيت اعله بابك ارتجي
اعليك ضـلع الرضّه حافر اعوجي
العشره الاولى * ندري تگضيها لطم
ولذلــــك * كـل محـرم بــي طـعـم
خاف هالنعــمه تـزول
خايف غيابك يطــول
وين اشوفك * وين اشوفك
ـــــــــــــــــــــ
ويوم عاشر ادري بي تشبع الم
انته گايلها دموعك تجـــري دم
گوه بالركضه تشيل انته الجدم
بعده يخنگ بيك دخان الخيــم
وي ركضتك * خطوه خطوه تضل تعد
ومن ضريحه * يصيحلك عبد الله رد
تأخرت يمته الوصول
خايف غيابك يطــول
وين اشوفك * وين اشوفك
ـــــــــــــــــــــ
ثاني عشره اگضيتها تنوح وتــون
نحت من يوم اهدعش لــم الحزن
وندري يوم اثلطعش بي ممتـحن
احضرت وي زين العباد انته الدفن
وبدفنتـــــه * اضــن ايدك حـاضـره
بصلب جدك * وانته تبچي لخنصره
شگد عليه مرّن خيول
خايف غيابك يطــول
وين اشوفك * وين اشوفك
ــــــــــــــــــــــ
ادري ثالث عشــره وين توجهت
بوسط هاي العشره للغرقد رحت
يم گبر زين العبــاد انتـه گصــدت
بس صحن ماكو لعد وين گعــدت
أرد اسألك * لچــن كاتلـنــي القهـــر
گبره طفته * شلون طفت اعله الصخر؟
انته زرته احنه شــنگول
خايف غيــابك يطــــول
وين اشوفك * وين اشوفك
ــــــــــــــــــــــ
اول العشــره بصفـر لمن يهـــل
موعــدك للشــــام لازم تنـــتقل
يم رقيه تفك اديها من الحــبل
زغيره عمتك عالهجر ما تحتمل
و ابو محمد * يوم سابع ليه ترد
وبالمديــنه * للمآتـــم تســتـعد
وهم تمر اعله عالبتول؟
خايف غيابك يطـــول
يمته اشوفك * يمته اشوفك
ـــــــــــــــــــــــ
وترجع وتلگه المواكب تنّصـب
وتبقى عينك بس تباوع عالدرب
باربعــين حسين عمتك من تطب
تضمها بعيونك عن عيون الغــرب
وانته بيدك * تترس الشارع عبــي
حتـــى زيـنب * تنســى ايام السبي
لأن عمتك بت أصول
خايف غيابك يطــول
وين اشوفك * وين اشوفك
ــــــــــــــــــــــــ
بهذن كلهن جفني صاحي وماغــفه
وشمعي ضل يتاني تحضــر ما طفى
دخيل عندك بس وفاة المصطفى
رايـــدك بـــس هالعــــزاء تشــــرّفه
راح اخلي * عيون گلبي مركـّـزه
بلكي اشوفك * لان هذا آخر عزه
الورد ما يحمل ذبـول
خايف غيابك يطـول
وين اشوفك * وين اشوفك
ـــــــــــــــــــــــــــ
الشاعر مهدي التقي
/channel/aabas78
قصائد لكل ايام محرم اشترك بالقناة
أجيت بهمي وأحزاني كـــــــــوم أكعد تلكاني
آه يحسين آه يحسين
........................................
وصلت الكربله يحسين متعوبه
من الشام آه الشام وأدروبـــــــه
مسبيه مشيت وجيت مسلوبــــه
بسهام الهجر والشوك مصيوبه
بعيوني الدمع زمزم مثل جسمك ولا يلم
آه يحسين آه يحسين
.........................................
دورتك يخويه وعثرت أجدامــي
أهنا عفتك جسد متوسد وضامـي
أهنا جان الشمر يحسين كدامـــي
يحز بكفاك شفته وغابت أحلامي
عطشان وجرى مايك وما واحد أجه وشالك
آه يحسين آه يحسين
.............................................
ركضت أعله النهر وأعيوني جاريها
صحت عباس زينب عاين شبيهـــــــا
أجت محنيه درب الشــــــــــام ماذيها
الكبر حسين كـــــــــــوم أكعد ودليها
أصيح وما يحاجيني جا يا هــــــو اليدليني
آه يحسين آه يحسين
....................................................
طفه شوفي وأجيتك أعثر وكــــوه
وعلى أجناح الأمل يحسين والخوه
طحت يمك وأحس كلبي نبض توه
كعدت وروحي أكلها هوه مو هوه
شلت أترابك أشتمك بعده ناكـــــــع بدمك
آه يحسين آه يحسين
...............................................
صحت أهنا تعالن سون أقرايـــــه
وكل وحده اعله أبنها تصير نعايه
أنصبن جادر وكتبن علـــى الرايه
ألميت شيخ أحزنوا يهل الولايـــــه
وأجفن كمكم أدلاله مضيف وشيع أهلاله
آه يحسين آه يحسين
..................................................
يالنايم ذبيح وسابـــــــح بدمك
يبن أمي أودعك لو أضل يمك
طالت نومتك ما تكعد أنضمك
هلبت ضل نفس يحسين ونشمك
عليك بداعت الزهرة أكعد وأذكر العشرة
آه يحسين آه يحسين
................................................
خادم خدمة الحسين
الشاعر
محمد الموالي
/channel/aabas78
قصائد لكل ايام محرم اشترك بالقناة
موشح ( جابت الروس ) تضمين في البيت الاول لمستهل جينه ننشد كربله مضيعينها
أتجــدد بطــف كـربــلاء مصــابـها
يــوم جابــت روس كــل احبــابها
****
ردت الحــره ودمعــهــا ابعــينــه
عالمصــايب ربــها بــس ايعينها
حجي زاير گــال گبـــل اسنيـنها
جيــنا ننشــد كــربلـه مضيعينها
بيــهــا زينــب گـالــو ميسـرينـها
آه يــا زينــب وعـِـظمْ اصــوابها
****
اتجدد امصــاب العقيله الصــابـره
يـوم شافــت كربله المــدمع جـــره
اتذكرت ﭼــم طــاهر نحـز منحــره
وضدنا بالطــف عــوّدت احــزابهـا
****
اتجدد النــوح ودمـــع عالخـد همـل
عــاد بيـها مصــابها فگــد الاهــــل
اهناك اخوها نذبـح واهنـاك الكفـل
والخيّـم نيـــران وجــها ارهـــابــها
****
ردت بــآلام كـــل الـــذكـــريـات
يوم صدت عينها صــوب الفـرات
اندارت ابطيحت گمرها النـايبات
أوصلــت اخيــول العــده لطنابها
****
صــدّت بآلام لــرمــــاد الخـِـيــام
ذكــرت الكــافل المــا جفنه ينـام
ﭼــان يحرسها الگمــر مــن اللئام
هسه يبــره اويه الضعن ســلاّبها
****
صدت لكتر الي بي صـدره انهشم
من الخيّول ضلوعه ما واحد سلم
صاحــت بــآهـــات يـا خويه وألم
جبــت راســـك يـــا سليل انسابها
****
رجع بيها النوح ونعــاد المصاب
مــنْ لگــت اثـــار من دم الشـباب
ورد ﭼنهــم حيـف ظلوا عالتراب
جســوم ال الـزهره دم اخضـابها
****
اه صــاحــت اه منـــج كـــربــلاء
يوم طاح اعلى النهـر ذاك اللــواء
بالبــراري فـــرت ايتـــام ونســـاء
اقصور اهــل الكفــر دخلـت بابها
****
الشاعر
موسى البديري
/channel/aabas78
قصائد لكل ايام محرم اشترك بالقناة
اليوم وصلت كربله بضعونها
زينب شغير الدمع بعيونها
**
جايتهم من سفر كله قهر
مفارگتهم صار أكثر من شهر
هيه تجري عيونها مثل المطر
وين أهلها هلبت يشوفونها
**
باالصحار گطعت دروب الألم
ركض بيها العمر چن ركضت سهم
تجري دمعتها اذا شافت علم
باالكفيل ورايته يذكرونها
**
لكربله متعنيه اجتهم زايره
چم مدينه وچم خرابه عابره
چم گبر صاح الها نرجو المعذره
على الفرگه زينب يحاچونها
**
من دمعها نگع اتراب الثره
شسوت بزينب هذيچ المگبره
ياخواني جيت اشوفنكم تره
صاحت ورادتهم يسمعونها
**
يهل گلبي تصيح صيحت فاجده
وعله گبر حسين خرت ساجده
جيت اشوفك كلشي أبد مارايده
وانه ادري الخوه انت تصونها
**
الافراگ هوايه اخذ منها عمر
مدلله وتجرعت ضيم وهجر
بكربله اخر مره يمكنها تمر
تموت برض الشام ويدفنونها
**
الشاعر سعد العبودي
/channel/aabas78
قصائد لكل ايام محرم اشترك بالقناة
يا هلا بـزوار ابن حامي الحمه
الــهم الــرايات رفـت بالسمه
نعمة المشايه عدنه اكبر نعم
كرم الله بيهه هيئات الخدم
**
خـادمك يا حسين لخدمه استعد
وزايـرك شــد رايته وگبرك كـصد
بدمه يوصل حضرتك كاتب عهد
يزحف اعله اجدمه ويصيح المدد
زايـرك مـتيقـن بأجره انكتب
وبخطوته حاج بيت الله انحسب
والي ضدك خاب يحسين وندم
نعمة المشايه عدنه اكبر نعم
**
الخيمه والــهيئه الــك نـصبوهه
وخــدمة الــزاير فــرض ادوهـه
ونــافلة فــرض الــعشگ صلوهه
اتــلگوا الــروس الــذي جـابوهه
رايــه بيد الــزاير اترفرف الـك
وهو يمشي افياي سوتله الملك
ومانسوا يحسين زينب والخيم
نعمة المشايه عدنه اكبر نعم
*
زايرك يحسين انوه اعله السفر
من هوه البحري الئ دم النحر
ثوره عدنه صار عشرين بصفر
منهه اخذنه ادروس تضحيه وعبر
فضلك اعليه صبح كلش چبير
واليطب يم حضرتك لامايحير
ادروبك اتـگطر كرامات وقيم
نعمة المشايه عدنه اكبر نعم
**
ما تــمل اجـدامهم طول الزمن
وبالگلوب اخيام يحسين انبنن
اتــلــگوا الـزوار زينب والـضعن
وحضرة وياهم تنوح ام الحسن
والدمع بالحضره ظل من دم يهل
وسجلت زوارك الزهره بسجل
وكصدوا العباس شيال العلم
نعمة المشايه عدنه اكبر نعم
**
قـبلت الاحــرار صـارت كربله
لاجــلك الــزوار عــدنه امدلله
الــمهدي ويــانه يــناديهم هـله
ردت وي الروس شاف الـعايله
الـمهدي والزوار طبوا كربلاء
بـدمعته اتـلگاهم وقام العزاء،،
وطافوا ويحسين قسمولك قسم
نعمة المشايه عدنه اكبر نعم
*'*
الشاعر احسان الحميداوي
/channel/aabas78
قصائد لكل ايام محرم اشترك بالقناة
جيتك اوجبت الراس وياي
واعله الكَبر رشيتلك ماي
اه يعطشان
...1...
جيتك وجبت الماي وياي ارد ارويَّك
مذبوح جبدك بالعطش يا خوية ادريك
ألماي شح اعليه ذاك اليوم انطيك
هسه انه جبته اوياي الك بلكي الله يحييك
عطشان عفتك يوم الاطفوف
ما بيك حيل اترد الاسيوف
وحيل تعبان
...2...
من بعد ضيم الشام اجيتك يابن امي
بالكوه امشي اعله الجدم كايدني همي
جم ليلة مرت وانت غايب ماهو يمي
رديت الك مو زينب، المسبية اسمي
ابنوك الهزيله الشام طبيت
وبسوكهم جم شامت الكيت
امتاني الي جان
.....3.
مر تسعه وتلاثين يوم اعلية غايب
ماشفت طولك يالنمت جوه الترايب
كوم اعله حيلك يالعليك الكَلب ذايب
افراكَك كتلني وعاشت ابروحي النوايب
بعدك يخوية حالي يا حال
وياك راحت راحت البال
والكَلب حزنان
...4...
كبرك وصلته اكعد يخوية اتلكه أخيَّتك
عطشانه تدري الشوفتك وانته ابغربتك
زيح التراب وكوم روايني كشختك
ما ريد اشوف اسهام بيك ولا ذبحتك
مشتاكه اشوفك ببيض الثوب
واكف تصلي فرض الاغروب
حان الاذان
...5...
جبت الدرب وي روحي اسولف يابو الاكبر
هلبت ارد والكاك سالم ما موذر
ويطلع خبر موتك جذب ما لايحك شر
وابعيني اشوفك سالم اعله اخيامي تفتر
وعبدالله فوك امتونك الكاه
شابع ضحك ما شابع اضماه
موش ذبلان
.....6....
جيتك يخويه ابلا نبض كلبك رقية
بذيج الخرابه انه ادفنتهه ابهاي ادية
من جابو ابطشت الذهب راسك اليه
اتلكته بلهفه وشبكَته شبكت منية
ما ودعتني ماتت ابساع
وانه ادفنتهه بدمعة اوداع
جوه تربان
........
✍️ كلمات موسى الخادم
/channel/aabas78
قصائد لكل ايام محرم اشترك بالقناة
نزله حماسيه للمشايه
يمه ويــن الرايه.
طلـعت المــشايه
تمشـي والله وياها الكـــربله منـــواها
للحسين للحسين
_
يمه جهزي الرايه يمه تربه خلي وياها
طلعت الناس بحــزنها الكربله منـواها
وأرد اروح بحزني يمه وزينـب أتلكاها
ردت بناكــه هـزيله وكلبـي هل ينعاها
ديره تـطوي وديره.
رجــعت بـيا حـيره
تنـحب بممشاها الكـربله منــواها
للحسين للحسين
_
يمه هاك الرايه يمـه واطوي انـته البيـده
وارد اوصيك بوصيه وخـذ طـبع الهــيده
بهيده من تنوي المسيره نظره خلي ابعيده
واسي زينب بالمصيبه وحيده هيه وحيده
واسي زينب بالجرح.
رجعت الطف الذبح
مــحد أتلاكــاها الكــربله منـواها
للحسين للحسين
____
يبني أسمع هل وصـيه يبنـي يانبـض الكلب
بالمسـيره من تماشـي كـل خـواتك بالدرب
دنك وامشي بهداوه. هل أمر لا مـو صعب
المهدي حاظر بالمسيره والدمع منه يصب
يبني أسمع هل كلام
بنظرتك تجــرح أمام
المهدي وي مسراها الكــربله منـواها
للحسين للحسين
_
والله سمعاً ع الوصيه بشوكي كاصد كربله
امشي وتراب ع راسي والمـدامع ســايله
طلـعت آلناس بحــزنها قـافله وي قــافلـه
كلها تصرخ كلها تبـجي كلها تنحـب قائـله
كلها تصـرخ ياحـسين
كصدت بلهفه وحنين
ورأيـته عـــلاهـا الكــربله منـواها
للحسين للحسين
___
مرتضى مكطوف الموالي
/channel/aabas78
قصائد لكل ايام محرم اشترك بالقناة
يا لحسن منعوفك الليلة أحنه ضيوفك
***
يبو محمـــد أحنه شيعـــــــــة وعالعهد وفّايه
بهل مسه كلنه أعـتـنـيـنه وأنت صرت الغايه
مــجــلـــــس الـلـيـــلة نصبنه وللأجر شرّايه
ولجلك أحنه مــــن حضرنه يـــــا دليل وآيه
يا لكريمة جفوفك الليلة أحنه ضيوفك
**
أنت ربّـــــان الــســفــيــنــــة وأنت أول قائد
مـــــن بعـــــد حامي ألحميه المؤتمن والخالد
نـلـتـزم دربــــك وسرنــــه وأبــد لا منباعد
وكلكم أنتوا روح وحــــده وكل علمكم واحد
بنور كل حروفك الليلة أحنه ضيوفك
*
أرواحنه نفديها لجلك يـــــــــــا لحسن منبالي
ونفدي كـــــل اللي نملكه وكـــل ثمين وغالي
نحيي ذكـــــراك الأليمة رغم كـــــــل عذالي
ورغـــــم أنف الناصبية تـبـقـــــه أنت الوالي
ونـنـتـمي لصفوفك الليلة أحنه ضيوفك
***
مــثـــل مـخــدمــنـــــه أخيّك أحنه هم خدّامك
والشــعـيـــرة تــبــقـــــه وحده بيومه وبأيامك
والمصيبة مصيبه وحـــــده وصوّبتنه سهامك
وكل مـوالي الليلة أمسه سيدي مــــــن أيتامك
وسفه هاي ظروفك الليلة أحنه ضيوفك
****
شلون نــنــســـاكم وننسه كل مصيبه عليكم
والجليل بكتبه كلهـــا نصّـــــــــه نازل بيكم
والمودة راد جـــدّك أجره مـــــــــن باريكم
نوالي إلكــــــم أحنه صرنه نعادي ليعاديكم
رسينه يم جروفك الليلة أحنه ضيوفك
**
انجمعت الشيعة بألمها اليوم تحيي مصابك
وتلعن بجعـــــــده ألخبيثة والأمر بصوابك
تواسي أمك هــــل مسيه بالجره وبالصابك
تنوح مالومـــــــه وحزينة والفجعها غيابك
اليوم عدها طفوفك الليلة أحنه ضيوفك
**
نسألــــــه بجاهــــك الليلة للوحيـــــد الدايم
يعجّـــــــــــل لشبل ألزجيه المنتظر والقائم
يزلزل عــروش المعــــاند والظلم والظالم
وديــــــن جــــــدّه يــعــيــده ســـــالم غانم
بجاهك ومعروفك الليلة أحنه ضيوفك
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
نزلة // للإمام الحسن المجتبى عليه السلام
يا امامي الثاني
ما نسيتك آني
٠٠٠٠٠٠٠٠٠٠٠٠٠٠٠٠
سيدي يبن الزجية ويا ابن حامي الحمه
حبك عله الأمه كلها فرض من رب السمه
افتخر اني بولائك فايز البيك احتمه
حبك بگلبي مكانه يسري بي مسره الدمه
اسمك عله الساني
ما نسيتك آني
٠٠٠٠٠٠٠٠٠٠٠٠٠٠٠٠
يالحسن مولاي حبك ينجي من موج الخطر
شلون ما اهوى واحبك. وانت اغله امن النظر
الله خصك بالإمامة. فرض واجب عالبشر
اكتمال الدين بيكم واليحبكم ما خسر
منهجي وعنواني
ما نسيتك آني
٠٠٠٠٠٠٠٠٠٠٠٠٠٠٠٠
طالعت سيرة حياتك. يا امامي يالحسن
كلها نور وكلها رحمه وانت للخايف وطن
تهدي للحق والهداية ودرع يحمينه الفتن
للكرم فاتح مضيفك. سيدي بطول الزمن
عايش بوجداني
ما نسيتك آني
٠٠٠٠٠٠٠٠٠٠٠٠٠٠٠٠
شكد جرعت جروح كلفه. گلبك شيحمل ألم
مرّه طعنه من عدوك مرّه من خِلّك سهم
والأشد طعنة خليلك من تخاذل ونهزَم
لو جبل صبرك يغالي. جا تضعضع وتهدم
ذكرك باحزاني
ما نسيتك آني
٠٠٠٠٠٠٠٠٠٠٠٠٠٠٠٠
فوك كل هاي المصايب. آل اميه ظلمتك
ابن ابو سفيان ظالم. انتهك كل حرمتك
غَرر بجَعدَه اللعينه. نفذتله وسمّتك
چبدك بسمها تكطع صايم ومارحمتك
مقتلك بچّاني
ما نسيتك آني
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/aabas78
قصائد لكل ايام محرم اشترك بالقناة
بـاجـر يـرد بـيـنـه الـزمـن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
1️⃣
تـره اشـواك الـكلب كلش جبـيره
لحسن كبرك اشوفه بعيني حيره
شوكت مـشايه نطلـع ديره ديـره
واجي لحد الـكبر وأشـتم عبـيره
~~~
مـن تـطـفى نيـران الفتن
ونـزوه كـبـرك يـالـحـسـن
»»»»»»»»»»»»»»»»»»»»»»»»
2️⃣
اجيك ابدمعه ما تطفى وحـراره
واشــوف الـكـبه ويـاهـا الـمـناره
ضريحك ملـجى الناس الحـياره
الكلب بمصابك يـعيش انكـساره
~~~
وبمصيبتك كلبي امـتحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
3️⃣
اخذني الشوك لأحضان المـدينه
وأريـد اقراله بدمـوعي الحـزينه
الحـسن مـن الـكبر نسمع ونينـه
شـوكت مـشايه نكـصد بأربعينه
~~~
وننصب عزائك بالصـحن
ونـزوه كـبـرك يـالـحـسـن
»»»»»»»»»»»»»»»»»»»»»»»»
4️⃣
مصيبه وعالجـفن عافت علامه
الحسن كضه العمر كله بظلامه
الجبد مسمـوم ما عرفوا مقامه
قرينا جروح من نعشه وسهامه
~~~
والغـربـه صـارتـلك وطـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
اذا جـف الظـلام يطـفي شمـعه
اذا صلح الحسن سـويته بـدعه
تره رايـك نرفضـه وما نسـمـعه
حقن دم الشريعه وحامه ربعـه
~~~
ما مـات وبـروحي ندفـن
ونـزوه كـبـرك يـالـحـسـن
»»»»»»»»»»»»»»»»»»»»»»»»
5️⃣
يجينا المهدي شايل سيف بيده
تـره كبـرك ذهـب بـاجـر يـعيده
بضريحك تنقري لقصه لجديده
تـره الـمـا راد دربـك مـا يـريـده
~~~
لـو ردنــا جــنـات الـعـدن
ونـزوه كـبـرك يـالـحـسـن
»»»»»»»»»»»»»»»»»»»»»»»»»»»»»»»
الشاعر محمد خشان ✍️.
»»»»»»»»»»»»»»»»»»»»»»»»»»»»»»»
/channel/aabas78
قصائد لكل ايام محرم اشترك بالقناة
عمه كومي من الطشت
.حـــيره بيــج اتحـيرت
عمه. عمه
ــــــــــــــــــــــــــــــــــــــــــــــــــــــــــــــــ
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت
كومي يل جنتي بدالال
ونــــــج يـهـــدم الجبال
الونج يذوب الصخر. والله دالالي نفــــــطر
ماتــحاجيني شكلت
حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره
عمــة كــلها وخــل تكوم
ع الطشت مو هذا نــوم
وخل تجـي لدالاالي. وهايه بنــت الغالي
ويلي ياعـمه أشفت
حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس
الورده ميته ولا حجت
تبجي زيـنب والطــمت
رمله تنحب والربـاب وسكنه تلطم بالتراب
يالعلــيل انته اشكلت
حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها
والله من سوط النذل
والله من ذاك الحــبـل
مومريضه بهل درب. هـــايه آثار الظـــــرب
وأنه عـبـاس أندبت
حيــره بيج اتحـيرت
___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب
طولي ماشافه الخيال
ويــنك انتـه بس تعال
هســـه بديار العـــدو. ويــنك انـــته ياالــــخو
والله حـــيل تمــرمرت
حيــره بــيج اتحـيرت
___
الخادم أهل البيت. ( ع)
وخادم رقيه بنت الامام الحسين
(( مرتضى مكطوف الموالي))
/channel/aabas78
قصائد لكل ايام محرم اشترك بالقناة
مسموم الحسن هـل يوم وأبنه حاضر مصابه
مهموم ودموعــه تسيل فوك خـــدوده سجّابه
**
أبـو المهدي يشيعه أنصاب أبغربه وأنغـدر بالسم
هــذا الزاهــد العابد جبده أنمــرد وتخذّم
مثل جــــــــدّه أبــــو الهادي غريب بــــــــــداره يتألّم
بغربــــــــــه أوّحشة الديره مثل جـــدّه بقـــه بحيره
ويفـــــــر النظر ويديــــــــــــــره
ويلوج مـــــــــــن أثر سمّه وعينه شابحه البابه
***
بأمر ملعون أبــــن ملعون أتصوّب مهجـــــة الزهره
جابه مـــــــن أرض طيبه وسمّه بـــــــأرض سامره
ديدنهم بنـــــــــــي العباس تعـــــادي الهادي والعتره
بأمرهم مــات جم معصوم وفكرهــم بالجريمه يحوم
على كـــــــــل هاشمي ومظلوم
الطه وعترتــــه منسوب تذبحــــــــه الطيبه أنسابه
*
فجعتنـــــــه بنــــــي العباس ومــــن عدنه الكلب لاهب
سمّت والــــــــــــــد المهدي ولينه الحاضـــــــر الغايب
الجرحه لا شفــــه ولا طاب ودوم الطلعتــــــــه يراقب
حتى يا خـــــــــــــذ الثارات من أهل الجور والغدرات
وأيجـــــــــــــــــــرعهم الويلات
بشرعــــه ومنهجه العادل ديـــــــــن الباري وكتابه
***
حضر يم والــــــــــده بلوعه المهدي أتكفّــــــــل بأمره
وباسه بجبهتــــــــــه وينحب وكلبه مستعــــــــر جمره
وبعد مــــــــــــا تمم الواجب بيده وسّــــــــــــــده بكبره
بس حسيــــــــن ضل عاري وأكفانه مـــــــــن الذاري
جوار العــــــــــــــذب والجاري
لاكن مـــــــــــــا شرب منّه آ يحسيـــــــــــن ومصابه
*
بفعل أهـــــــل الغدر والجور أميه وكــــــل بني العباس
وظلم كـــــل ناصبي ودجال بايـــــــــع ذمته للأرجاس
بكل بقعـــــــــة أرض ننظر نشوف كبور أشرف ناس
وسفه الدهـــــــــر غادرهم بسيف وســــــم اليضدهم
ومفجوعـــــــــــه بقــــت أمهم
بفعل كــــــــل حاكم وحاقد وأهـــــــــــل الكفر أذنابه
*
إلاهي بجاه كــــل معصوم أسأل وأنـــــــــــدب الليله
تعجّـــــــــــل طلعة الغايب الصارت غيبتــــــه طويله
وعشنه بضيم بغيـــــــــابه وهاي أحبابـــــــــه تدعيله
يربّي سهّــــــــــــل الأمره بطلعته كــــــل جرح يبره
ويشفي أبــــــــن الحسن صدره
يوم الياخـــــــــــــذ الثاره وينهــــــي الظلم وأسبابه
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
موشح للامام الحسن ع
اليوم دار الكرم طايح سورها
يالحسن مظلمه وغايب نورها
.....................
بدمعه لمصابك يهنياله الحضه
العين تعمه اعليك يبن المرتضى
الليله اخوك حسين بي ضاك الفضه
بالحزن هل دنيا لعبت دورها
....................
اليوم ابو فاضل جرالك دمعته
والله يدري شلون چانت حيرته
سحب من سيفه شبر من غضبته
وچان هدّم لال اميه قصورها
.......................
يانعش مثلك وبسهام انرمه
بغضاً بحيدر وامك فاطمه
اعليك ناحت سيدي ارض وسمه
الوادم العادتك ضايع شورها
....................
يامؤسس كربله بيوم الصلح
والصلح خله ال اميه تنفضح
هاي وادم بيها ماغزر ملح
طيبتك جازتها ليش بجورها
.....................
صاحب الراي وعظيم المنزله
يا امام حسين ابن عقد الوله
منك تعلمنه نمشي لكربله
من مشيت لكعبة الله تزورها
......................
يا چبير الساده ولهاشم فخر
عالعهد تلگانه كل سبعه بصفر
مأتمك يبقه لظهور المنتظر
الدمعه الك يالحسن من عاشورها
……..
نسألكم الدعاء
حسين صادق العقابي
/channel/aabas78
قصائد لكل ايام محرم اشترك بالقناة
نزله للحسن
يا مظلوم .. يا مسموم
يا محروم .. وتْعاني
ـــــــــــــــــــــــــــــــــــــــــ
بالكرم معروف انته .. والحلم عنوانك
بصبرك وحلمك عليهم .. حيرت عدوانك
المكارم اسستهه .. من عمق ايمانك
بهالصفات البيك كلهه .. الله رافع شانك
شكد مشتاك .. صدري ضاك
طول افراك .. اذّاني
ــــــــــــــــــــــــــــــــــــــــــــــ
ابني يسألني وسؤاله .. عيّشاني ابحيره
يكلي الحسين انه زرته .. وزرت راعي الغيره
الحسن جا وينه كبره .. وساكن بيا ديره
مادره بهذا سؤاله ... شكد صعب تفسيره
كلبي يلوع .. اجري دموع
هالموضوع .. خلاني
ــــــــــــــــــــــــــــــــــــــــــــــ
يا وكت كبرك نزوره ... ونعتنيه ونطوفه
وينبني وشمس الحقيقه ... ما تظل مكسوفه
وصرحك اينور المدينه .... الدنيه كلهه اتشوفه
عهد وانخطه بدمانه .... هالكبر منعوفه
بكبرك كــون .. يزهي الكون
يحتارون .. عدواني
ـــــــــــــــــــــــــــــــــــــــــــ
والله كون يصح بدينه ... بين يوم وليله
لكربله كبرك نجيبه .. من البقيع انشيله
ليش خلصنه عمرنه .. من البعد نوميله
تفرح كلوب النواصب .. لو دمعنه انسيله
كلي اجــــروح .. وسْط الروح
دمعه و نوح .. عنواني
ــــــــــــــــــــــــــــــــــــــــــ
شرد اسولف يا امامي ... عالجره بأيامنه
ردو اعلينه ال اميه ... اتمردو كدامنه
دار زينب انه اخبرك .... يالحسن مو آمنه
ترحل يريدوهه عنهه ... الشام صاحو شامنه
ويالموعود .. لو موجود
فنّه يعود .. سفياني
ــــــــــــــــــــــــــــــــــــــــــ
كل سنه نجدد عهدنه .. وكل صفر وفايه
من كرم چفك علينه .. انعزّب المشايه
بالدرب ننصب مواكب .. والضيافه الغايه
يالمضيفك دوم عامر .. محْله زاده ومايه
بماي العين .. أوفي الدين
يم حسين .. تلگاني
الشاعر احمد العكيلي
/channel/aabas78
قصائد لكل ايام محرم اشترك بالقناة
اليوم زينب عودت برچابها
جايه بحسره تزور احبابها
**
حيل مشتاگه واجت مستعجله
وباالدرب ماتستراح القافله
طگ گلبها تريد توصل كربله
الشوگ لخوتها الضياغم جابها
**
چان گبل الناگه يسبگها الگلب
باالبواچي خلصت كل الدرب
صعب حال ام الخدر كلش صعب
والحزن ناصبله خيمه أبابها
**
هيه درب الطف نواعي جابته
مساهره واليل أبد مانامته
هذا حاله الجاي لگبور اخوته
للي يسأل هچي چان اجوابها
**
جابها الشوگ واجت للمگبره
ومن على الناگه وهوت فوگ الثره
حگها زينب حيل معذوره تره
صار فتره مرافگه سلابها
**
حضنت اتراب الگبر وعليه هوت
وبچه التل الزينبي لمن بچت
حسين يبن امي عليه تلطم صفت
رغم كلشي ولا ماتسمعه اعتابها
**
تسولف وكل كلمه متروسه هظم
الفاگده باالمگبره تحب الطم
تره افراگ اهل الوفه يدگ باالعظم
حيل ذبلت والافراگ اسبابها
**
راحت الراعي الوفاء وگصدته
إنه ياعباس اجيتك ندبته
علم جابت فوگ گبره وخلته
والعيون ولانشف خنيابها
الشاعر سعد العبودي
/channel/aabas78
قصائد لكل ايام محرم اشترك بالقناة
من عكب هظم وسبي عدوانها
رجعت الليلــة تــزور اخوانهــا
رجعت بيا حال من عكب اليسر
ياجرح تشكي وتسولف ياكسر
حال زينب عكب اهلها ما يسر
يعجز شيحجي شيكول ألسانها
غصبا اعليها الضعن للكوفه راح
روس اهلها امعلكَه بروس الرماح
و العدو جابابهم بســب وصيـاح
التفـــــزع الهم نايمه ابتربانهـــا
على كـبر احسيـن ذبـت روحها
بياجرح تبدي وجثيرة اجروحها
بكربــلا تـطـلـع تـمـنـت روحهـــا
شلهــــا بالدنيــــه عكَب وليانها
يم كَبـــر عباس راحت بالعتاب
نادته خلافك دليلي خويه شاب
اتهنه بالنومه خلص درب العذاب
روحتــك محــــد يسد امجانها
تصيح طر كَبرك يخويه وصد ألي
عالهزل ركبوني وانه بت علي
انته يالبيدك جبتني من هلي
لحالي ناحـت كربلا و وديانها
توجهت لكبور هاشــم معوله
ياهلي رد ضعني ياهو استقبله
جيت هاليــوم و جبتها العايله
شلون هاشٕــم تنسبي نسوانها
تعاتب الحرمة اهلها عدها حكَ
جفني طول الدرب صاحت ماطبكَ
احنه اهل البيت صاحت ياخلكَ
احنه خيرة هاشم و عدنانها
للقصر من طبت ابمجلس رجال
حالها يبجي الحجر وشلون حال
راس اخوها شافته ومدمعها سال
شافته و زادت عليها احزانها
من خلص درب السبي الماله مثيل
خيروها اختارت بسرعه الرحيل
صوب كبر حسين وعضيده الكفيل
اتجـــدد بوادي الطفوف اشجانها
========================
حسن بشير السوداني
/channel/aabas78
قصائد لكل ايام محرم اشترك بالقناة
رجع ظعن السبايه
رجع ما عـنده رايه
يوم الأربعين
»»»»»»»»»»»»»»»»»»»»»»»»»»»»»»»
1️⃣
رجـع ظـعـن السـبايا بـدمـعه سـجابـه
رجع كل خطوه تنعى حسين ومصابه
كـصـد مـوكـبها زيـنـب يا حـزن جـابه
تـراب الحـومـه يـسـأل فـاكـد اغـيابـه
~~~
كصد ظعن العقيله
عـله الناكه الهزيله
يوم الأربعين
»»»»»»»»»»»»»»»»»»»»»»»»»
2️⃣
رجـع والـشـوك عـابر مرحـله وحـرگه
واجت كل وحـده مشتاكه عله الملكه
وعـلـه الأكـبر لـيلى ابشـوكه مخـتنكه
ورمـله اتريـده جـاسـم رادت اتـشبكه
~~~
الورد يـنكـط ترافـه
العطر ينشم مسافه
يوم الأربعين
»»»»»»»»»»»»»»»»»»»»»»»»»
3️⃣
الرباب اتشوفه عبد الله وتشم عطره
وكـعـدت تـشـتـكيلـه الـنايـم ابـكـبره
راحـوا كـلـهـم وصـار الـدمـع جـمـره
تطشر كلشي وسـفه وراحت العشره
~~~
الاهـل حـدر الترايـب
عله عيوني المصايب
يوم الأربعين
»»»»»»»»»»»»»»»»»»»»»»»»»
4️⃣
عله العـباس حـزني الما بـرد لحـضه
جفاني وخالي ظعني ومحد يعوضه
امـشي بهل الدرب مسـبيه ما يـرضه
وصلت الكبره واسـمع دكتـه ونبـضه
~~~
الكلب ينبض يزينب
اموت وباقي انحـب
يوم الأربعين
»»»»»»»»»»»»»»»»»»»»»»»»»
5️⃣
يـم حـسين روحـي راحـت بـسرعه
عله كبره وصـلته وطاحـت الدمـعه
وذكرت ابيـوم شفته حـاير ابوضعه
وصلته وطشره الحـافر منو يجمعه
~~~
ومصابه ابكد بجينه
وله ابحـسره اجـينه
يوم الأربعين
»»»»»»»»»»»»»»»»»»»»»»»»»
6️⃣
شبعنه اشكـد بواجي وعاتبت بيهم
دكـافي مـن العـتب وادري يـأذيـهم
اجينه من السفـر نكعـد نحـاجـيهـم
ونـخلص كـل بجـينه وهـم نخلـيهم
~~~
مشيت ابكلبي حسره
ويموت اليمشي عمره
يوم الأربعين
»»»»»»»»»»»»»»»»»»»»»»»»»»»»»»
محمد خشان ✍️.
»»»»»»»»»»»»»»»»»»»»»»»»»»»»»»»
/channel/aabas78
قصائد لكل ايام محرم اشترك بالقناة
رجوع الضعن في اربعين ولحسين (ع)
رد الضعن باربعين الوالي
وكلهن اجن يبجن اعله الغالي
.............................
من يسر رجعن وكلهن تعب
والعمر من الايام انسلب
مو صبر جن صبح نار وحطب
ينتشر بالدمع مثل اللهب
وعلي الساجد حادي ياحسين اينادي
سيدي اتعنينه من اليسر للوادي
نسوه وبجن واشبقه ابدلالي
وكلهن اجن يبجن اعله الغالي
.............................
مو هوه هب رماد اخيامه
ونينوه لخنصره وابهامه
يادوه والجروح ايتامه
والتوه ظهره يم ازلامه
زينب ويه العيله من بعد توميله
من اليسر مهضومه تكَعد وتحجيله
دار الزمن والدموع اتلالي
وكلهن اجن يبجن اعله الغالي
.............................
جف سبع من بِعِد حياهم
منكَطع بمشرعه اتلّكَاهم
وينسمع هالحديث وياهم
وابدمع عينه من ترعاهم
استقبل اخته بعينه امكَطعه جفينه
للخدر والعيله فدوه كال اسنينه
وزينب تون وينه جا كّفالي
وكلهن اجن يبجن اعله الغالي
.............................
بالترب وسفه زلم الهيبه
والحرب عاليتامه امصيبه
بالرعب والعدو تعذيبه
شكَد صعب وعلي منين اتجيبه
عيد شام اعداهم حيل والله اذاهم
بالشتم عالعيله وسوط يتلكَاهم
وابلا وطن رجعن ابهَم عالي
وكلهن اجن يبجن اعله الغالي
.............................
استقبله جابر الانصاري
بكل هله وبدمع دم جاري
يسأله والعليل اخباري
قافله جاوبه بكل ناري
ها يعمي جابر على اجروحي مكابر
انظر اعله سكينه وكَوه كَلبي صابر
كَلبي انطعن من اشوف اعيالي
وكلهن اجن يبجن اعله الغالي
الشاعر ياسر العارضي
/channel/aabas78
قصائد لكل ايام محرم اشترك بالقناة
نزله للاربعين:
رفعت الرايات شيعة حيدره
وزحفت الالاف لبن الطاهره
زحفت الالالف يوم الاربعين
و گصدت اتواسي العقيله بالحسين
خطوه خطوه ايباري جبريل الامين
و ساقي للمشايه سبع الگنطره
زينب اتلاگي النساء ابكربله
وتبچي من اتجيب طاري حرمله
تذكر اشصار اعلى اهلها بالفله
وتنعي وياهن وتهوه اعلى الثره
علي الاكبر حاضر ابشيمة هله
وگفه لاستقبال مر كل قافله
ياهله ايصيح الاجونه ياهله
والكرم عند ابوالقاسم مصدره
يفرش ادروب المشي سفره الحسن
و المناسف بيد اولاده حلن
محله وگفتهم اسباع امن اوگفن
امعزبين ولاگو اعلى المفخره
كل بني هاشم اجلالا ً للرسول
باَربعين احسين ايقيمون الاصول
ايساندون اليعتني حتى البتول
حيث يحيون الشعيره العابره
احسين من الله سفينه للنجاة
لازم انقدس وجوده للمماة
احسين تربات الزكايه الماجداة
وهوه عنوان الجسور المعبره
احسين حبه ايجنن اعقول الهوّه
مثل عابس جون واحيود الفدوّه
نعم ذيچ المعرفه ابیوم اعرفوّه
ولاگو اسيوف العده ونالو ضره
ـــــــــــــــــــــــــــــــــ
الشاعر هادي الامغيطي(البوغبیش)
/channel/aabas78
قصائد لكل ايام محرم اشترك بالقناة
رِجعت زينب أمن الشام
بنفس الهيبه لخوتها
وياها علي السجاد
والزهره التلگتها
رِِحلة عز واجت منها والظالم عرف حجمه
الگاعد عالعرش مرتاح يم زينب نسه اسمه
شيطان الشكل والروح والإيمان اجه يرجمه
دخلت للقصر حيدر
وگفت وگفت الاكبر
حرب وانتصرت الخدر
علي وبسيفه طب عالگوم كل الناس شافتها
صاحت يا يزيد اصمت اووِگف مجرى النفس عنده
بي خوفه وعلي خلت تذكرها ولد ولده
گبال الهيبه مو طينه( كلمن دمعته بخده )
منها شردت القاده
تشل الراد يتماده
زينب هيبه الساده
يا دولة التسكتها وكل الكاع دولتها
المو رجال يم عباس يم الحره مو رجال
العفه من الله ياهل الناس عَليها مفصله تفصال
اول حرمه بالتاريخ شافتها العِده خيال
بعباية فاطمه الزهره
وگفت بالقصر حضره
وانطت كل شخص قدره
رهبه بالزلم صارت زينب هاي صولتها
مضرب للوفه زينب هاي الماتهبط الرأس
التاريخ انحنى يمها غير اخت الشهم عباس
الحارسها الملك جبريل بس بفاطمه تنقاس
ردت راشده النيه
المرأه الكربلائيه
حضنت گبر ابو الرقيه
وبده سيل الدمع يجري اعله ونها تبچي ناگتها
من گبر لگبر ضلت تمشي ولونها تغير
مثل اشفاف ابو السجاد گلبها بكربله اتفطر
الماعثرت بطبت السوگ يم إخوتها تتعثر
العافت عالارض مذبوح
حگها تنحني وتنوح
احساس الحره ضل مجروح
لان عافت اخو مطشر ويمه الروح خلتها
بعبره نادت اخوتها وداعت الله يخواني
هذا اول عزه يمكم ويم جدي العزه الثاني
وعد ما اگطع الونه واموت من الهجر اني
وعد ما ينگطع نوحي
ولا انساهن اجروحي
لحد ما تنقبض روحي
كل لحظه تموت ام عون بلا اخوان رجعتها
الشاعر عبدالله الشويلي
/channel/aabas78
قصائد لكل ايام محرم اشترك بالقناة
تهتف ....الوفايه
هذا صوت الرايه
........عاشك انه احسيني
معتني مشايه
***
يالله شد الرايه.....وعتني مكصودك
سبح بنفاسك........بالمشي مشهودك
معجزات تشاهد......هذا وافر جودك
كلشي لجل الزهره..قدمت مجهودك
بيها تلكه انفاسك
عابس ابحساسك
........والموالي ينادي
شيعتك عنايه
***
اعمه شفنه بدربك......مايشوف بعينه
بروحه لمن كاصد..بالمشي الله يعينه
كال اشوف بكلبي.....والبصيره بدينه
الوفي بيمانه...كلشي ينطي احسينه
بالمشي انتباها
فاطمه نلكاها
......تمشي والله ويانه
لو نسوي اقرايه
***
فاطمه اتلكينه.......شوفي هاي احبابج
ماتعوف احسينج....نجري دم بمصابج
فدوه لو شمينه............ذره من اترابج
دم نشوف اعيونج......مانشف بهدابج
بالمسيره انواصل
هيه بس تستاهل
........انتي كلشي بروحي
روحي يمج هايه
***
وزعتلك روحي..كلشي لجل انطينه
اشرت دمعاتي.......الكربله اتودينه
بوصلت. احلامي......بدربك ادلينه
والعذر تقصيري......والله ماوفينه
كاتب ابحساسي
حيدري عباسي
.......فاطمي دمعاتي
وانه منطي احچايه
***
كل مسيره انواصل ...بربعينك جينه
اتوزع الزوارك......ماي شفنه سكينه
يم حسن خطارج.......فاطمه تلكينه
والكمر شد واهس.....والعزم منطينه
ياعلي نادينه
ماتهم رجلينه
......كل تعب مابيها
هيه هاي الغايه
****
تمت بعون الله
خادمكم..... يوسف الفتلاوي
/channel/aabas78
قصائد لكل ايام محرم اشترك بالقناة
ويلي على المجتبى
واويلي عالمسموم..واويلي عالمسموم
...
جبده انمرد والسم صعد لعيونه
واخوانه كل ساعه الجهه ايديرونه
بآخر نفس يتشاهد ايسمعونه
ملعونه جعده السمته ملعونه
ياشيعه سابع صفر
يوم الحزن هاليوم..واويلي عالمسوم
...
ريحانة الهادي وعزيزه الزهره
ياكل الطير بخيره لو مد سفره
بالتمن ايحط الذهب للفقره
هذا الامعزب وابوادلال السمره
اصبح مضيف الكرم
من شوفتك محروم ..واويلي عالمسموم
....
الخوان لويتفاركون بساعه
يبقه الكسر طول العمر اوجاعه
احسين اعله أخيه الليله طاح اشراعه
كسرة ضهر والله الحنين اوداعه
واعله الحسن مودمع
زينب بجيهه ادموم..واويلي عالمسموم
....
ابحظنه الحسين امخلي راس الغالي
وايكله ونتك خويه شلة حالي
ابوجهك اباوع وانه سارح بالي
خيمه ورمح يالحسن يتراولي
وياي اريدك سند
لو هاجمتني الكوم..واويلي عالمسموم
...
الطف اجاني وصدري ضل يوجعني
وباجر الخيل ابكربله اتكطعني
تاخذني صوب الخيمه واترجعني
بالطف أضل اومحد ايشيعني
وعالشاطي يبقه الكمر
راسه بعمد مهشوم..واويلي عالمسموم
....
باجر اذكرك واذكر انه ايامك
من توكع ادموعي بعرس جسامك
كون انه ميت يالحسن كدامك
ولا طرن التابوت خويه اسهامك
وصلن اسهام العده
للجسد يامضلوم..واويلي عالمسموم
....
واحنه ابمصابك هم نسوي اقرايه
شيعتك ياابومحمد اووفايه
يمته نشاهد كبتك امضوايه
و لارض البقيع انروحلك مشايه
هالحلم شيحققه
يالمرقدك مهدوم..واويلي عالمسموم
....
الشاعر محمد الجماسي
اللهم عجل لوليك الفرج
/channel/aabas78
قصائد لكل ايام محرم اشترك بالقناة
يا لحسن منعوفك الليلة أحنه ضيوفك
***
يبو محمـــد أحنه شيعـــــــــة وعالعهد وفّايه
بهل مسه كلنه أعـتـنـيـنه وأنت صرت الغايه
مــجــلـــــس الـلـيـــلة نصبنه وللأجر شرّايه
ولجلك أحنه مــــن حضرنه يـــــا دليل وآيه
يا لكريمة جفوفك الليلة أحنه ضيوفك
**
أنت ربّـــــان الــســفــيــنــــة وأنت أول قائد
مـــــن بعـــــد حامي ألحميه المؤتمن والخالد
نـلـتـزم دربــــك وسرنــــه وأبــد لا منباعد
وكلكم أنتوا روح وحــــده وكل علمكم واحد
بنور كل حروفك الليلة أحنه ضيوفك
*
أرواحنه نفديها لجلك يـــــــــــا لحسن منبالي
ونفدي كـــــل اللي نملكه وكـــل ثمين وغالي
نحيي ذكـــــراك الأليمة رغم كـــــــل عذالي
ورغـــــم أنف الناصبية تـبـقـــــه أنت الوالي
ونـنـتـمي لصفوفك الليلة أحنه ضيوفك
***
مــثـــل مـخــدمــنـــــه أخيّك أحنه هم خدّامك
والشــعـيـــرة تــبــقـــــه وحده بيومه وبأيامك
والمصيبة مصيبه وحـــــده وصوّبتنه سهامك
وكل مـوالي الليلة أمسه سيدي مــــــن أيتامك
وسفه هاي ظروفك الليلة أحنه ضيوفك
****
شلون نــنــســـاكم وننسه كل مصيبه عليكم
والجليل بكتبه كلهـــا نصّـــــــــه نازل بيكم
والمودة راد جـــدّك أجره مـــــــــن باريكم
نوالي إلكــــــم أحنه صرنه نعادي ليعاديكم
رسينه يم جروفك الليلة أحنه ضيوفك
**
انجمعت الشيعة بألمها اليوم تحيي مصابك
وتلعن بجعـــــــده ألخبيثة والأمر بصوابك
تواسي أمك هــــل مسيه بالجره وبالصابك
تنوح مالومـــــــه وحزينة والفجعها غيابك
اليوم عدها طفوفك الليلة أحنه ضيوفك
**
نسألــــــه بجاهــــك الليلة للوحيـــــد الدايم
يعجّـــــــــــل لشبل ألزجيه المنتظر والقائم
يزلزل عــروش المعــــاند والظلم والظالم
وديــــــن جــــــدّه يــعــيــده ســـــالم غانم
بجاهك ومعروفك الليلة أحنه ضيوفك
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
ان شاء الله نبني ضريحه . ونعتنيه مشايه
اوموش رايه وحده نطلع . رايه تتبع رايه
......
ننتظر جيَّت المهدي ابن الحسن
ونبني وياه مرقد وكَبه وصحن
لبو محمد شبل حماي الحمه
والعهد باقي لحد طول الزمن
ونعتني من كربله .... مشي بدمعه هامله
كل تعب ميهمنه
بعدد قطرات المطر .... نكَصد الأكرم بشر
كل تعب ميهمنه
راحه ممشانه بطريقه . وتعب ماكو ابهايه
......
وبعدد اهل الكساء نبني القبب
و المناير كد عددهن من ذهب
وابو صالح نفسه يشرف عالعمل
راحه عدنه الخدمه وياه مو تعب
شكَد حلو اويه ابن الحسن ... نبني مرقد للحسن
عاليات اسواره
بخت ما مثله بخت .... الروحه للمهدي اتنخت
وصار تحت انظاره
الخدم وي ابو صالح . هذا بي الكفايه
......
والمدينه اتصير ثاني كربله
والجموع اطبهه طبت العائله
مثل يوم الاربعين ابكل صفر
هيجي اعداد الجموع الهائله
عل جهات الاربعه ... الجموع اموزعه
تمشي يوم امصابه
للحسن كل الخدم ... مشي تطلع عالجدم
وبخدمته احبابه
والعدد يتعده اكبر . نهر جاري ابمايه
....
باجر التاريخ يكتب وبفخر
حاضر ابهاي الزياره المنتظر
وحايطه الزوار بي من كل جهه
ورايته اترف اعله كل واحد حضر
صوره ما الهه وصف ... كلشي بيهه مختلف
منهه ما موجوده
والمواكب عامره ... بسفرت ابن الطاهره
الما يخلص جوده
تشبع الزاير سفرته . ويبقى منهه اهوايه
......
✍ كلمات : موسى الخادم
/channel/aabas78
قصائد لكل ايام محرم اشترك بالقناة
موشح نجفي للسيده رقيه عليها السلام
**
بطشت جابو راسه الله يعينها
طگ گلبها وماتت إعله حسينها
======================
بالسفر متوقعه أَن والدها چان
مَلَّت إِمنِ الخطر محتاجه الأمان
من درت مذبوح بالطف الحنان
چن حمامه وكسرو جنحينها
======================
إتلاگو اليوم الأميره والأمير
اللقاء إِلأول وصار الأخير
صدمه كتلت گلب مشتاگ وزغير
وختمت بشام العذاب سنينها
======================
حين شافت راس أبوها إبلا حضن
شمته وگالتله مخنوگه وتون
إشلون أشبگك وإنت ماعندك متن
إستشهدت فوگاه وغمضت عينها
======================
تريد تتمدد إبصفه بالظلام
حيل متعلقه رقيه بالإمام
على ذراعه وصدره متعوده تنام
بالخرابه وبالسبي إِملوعينها
=====================
من أبوها الطفله ماشبعت دلال
حجار شمروها على ظهر الجِمال
غصن ورده زنودها وخشنه الحبال
إِمجرحات الگيد گص إيدينها
======================
إمن اليسر لوعاد زين العابدين
الكربلاء إشحاله يوم الأربعين
إبلا رقيه الگبر أبوه متوجهين
الدفنها بخربة السابينها
====================
چَمِّلت زينب جرح ماينحمل
لأبوالأكبر من ترد وأباالفضل
وشتجاوبهم غداً من تنسئل
إخت عبدالله العزيزه وينها
*
خادم العليله وخادمكم هادي العگيلي الناصري
الصوره من الإرشيف الجميل مرقد مولاتي رقيه عليها السلام
/channel/aabas78
قصائد لكل ايام محرم اشترك بالقناة
اليوم بمصاب الحســـــــــــن ونينه
وبالجفوف اعله الصـــــــدر دكينه
***
اليوم بمصاب الحسـن نقـــره بأنين
وعدنه كلنـــــه معتـــقد والله ويقين
حاضره الليله عزانـــه ام الحسين
تكول وينه الــــــــــــي يدك اجبينه
***
حاضره الزهــــره تنادي للحضر
اتكول عينوني تره ظهري انكسر
اوليدي مظلوم وعليه كَلبي انفطر
وينه اليساعدنـــــــي واتهل عينه
***
فاطمه تقـــــــره وترد بالمستهل
اويانه تلطم لاتعـــــب وابلا ملل
حكه ام حسين تبجي اعله الأهل
واجفه انحسهه تحشـــــــــم بينه
***
وبالحســـــــــــينه نحس انفاســهه
بالعزه تبجــــــي وتشارك ناســهه
وعالمصاب بحركه تلطم راســهه
اتصيح ابجو اعله الحسن واسنينه
***
اتروح يم الناعــــــي واتكله بنحيب
اذكر اوليدي البقه بالطـــف غريب
المات عطشان وعلى الغبره سليب
عاري بالرملــــــــه العده امخلينه
***
يالقريت اتكول انعه الكــــــــربله
وعرج اعله الراحــت اوي العايله
عالهزل مجتوفــــه تمشي امعلعله
وي ضعنهه للســـــبي اميسرينه
***
الشاعر ابو علي الركابي
/channel/aabas78
قصائد لكل ايام محرم اشترك بالقناة
بويه وينك وين عن بنتك رحت
من ســألت اعليك گالو سـافرت
لاتطـــول بالغياب گلبي ما يحمل عذاب
بويه وينك عن رقيه
***
من عگب ذاك الدلال وذيچ الايام
بالحبل مچتوفه أيدي بديرة الشام
أنتحــــب وتـــلفت بلكي اشوفك بلكت
واشتكيلك حـــالي الشام بينه اشسوت
مرعليّه بطيف خلي اتشوفك العين
گلبي محتاج الحنانك بويه يحسين
أنشد وأنطر جواب گلبي ما يحمل عذاب
بويه وينك عن رقيه
***
خايفه مــــن البـــواچي تعمه عيني
بعد بيمن راح اشــوفك من تجيني
بكربــــله چنه سوه وچــنت لعيوني ضوه
اشعر اوياك ابأمان وچنت لجروحي دوه
گــلبي مـــا يتحمل افــراگ ويتاني
وتدري گلب الطفله يذبل من يعاني
اعليك من اشواگي ذاب گلبي ما يحمل عذاب
بويه وينك عن رقيه
***
تالي جـــيت بياوضع واشلون شفتك
بالطشت راسك وملهـــوفه شــبگتك
شفتك وگلبي انفطر وصحت آه ابكل قهــر
بالدمه شيبك خضيب امخضب ابدم الــنحر
منهو من عندك حرمني ياهضيمه
وبزغــــر سني يريد اصبح يتيمه
وينه جسمك عالتراب ؟ گلبي ما يحمل عذاب
بويه وينك عن رقيه
***
مــاتت ابديرة سبي بــذيـچ الخرابه
اونــهه يصرخ آه يحسين ومصابه
من عگب آه ونحيب لحگــت حسين الغريب
طفله ماگدرت تشوف الـــوالد بـــدمه خضيب
طفله بيديهه الحبل مــاتت غريبه
زادت اعلــه العايله آلام المصيبه
ورتفع صوت انتحاب گلبي ما يحمل عذاب
بويه وينك عن رقيه
***
تمت بفضل الله وتوفيقه، الحمد لله رب العالمين،
اللهُمَّ صل على محمّدٍ وآلِ محمّدٍ وعَجِّلْ فرجَهم
حيدر كريم جار الله الكربلائي
الفاتحة إلى أمواتي وبالخصوص والدتي رحمها الله
/channel/aabas78
قصائد لكل ايام محرم اشترك بالقناة
تجليبه السيدة رقيه (ع)
اول طفله من جور العده الظلام
على نحر الحسين اتموت برض الشام
١
اول طفله تمشي بليل مسبيه
مابين العده ونيران مچويه
الشمر يركض وراها ايصبح علويه
چتفوها بحبل خل تشهد الأيام
٢
چتفوها بحبل هالليله چتفوها
وجيبو راس ابوها يمها خلوها
لترحموها هاي الليله ضربوها
ولتخلوها تغمض عينها وتنام
٣
مشوها سبيه بنار دمعتها
تمشي وي الحرم وياها عمتها
يا وسفه الشماته كلها شافتها
وينظر گام وسفه الخاص وي العام
٤
وصلت للنواصب والدمع بالعين
بعد رحلتها شافت كل دواهي البين
دخلوها بخرابه ويمها راس حسين
نظرت للطشت بس الگلب محتام
٥
شافت راس ابوها وشهگت بدمعه
متحملت رقيه وبالحزن تنعه
حست لحظه بس ورايح اتودعه
من كثر المواجع كلها والآلام
٦
فزت بالخرابه الطفله من نامت
من شافت ابوها الفرحه مادامت
شافت نحره دامي وبالعجل ماتت
ادعو الليله كون اتسجل الخدام
لاتنسون والدي ووالدتي وأبني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
استشهاد المام الحسن ع
عذابي ومماتي اعله جرحچ يهون
وغربتچ يزينب ابهذيچ الضعون
مثل هيچي ليله
اعله ظهر الهزيله
بهذيچ الضعون
++++++++
تودعين الحسن وانتي بوداعچ هسه مستوره
چبير اخوانچ واعرف عليه بكلشي معذوره
عزيزه انتي تصد عيني عليچ وتنرسم صوره
ماتبجيها يم حسين دمعتج هايه مجبوره
بحرگهن خيامچ يشغلچ يتيم
يلوذ بعباتچ وصياح الحريم
حسرتچ طويله
اعله ظهر الهزيله
بهذيچ الضعون
+++++++++
مو آخر طشت هذا يخيتي اتشاهده اعيونچ
ولا آخر چبد مفتوت تخطف شوفته لونچ
هسه اگبالي من تبچين واخوانچ يسكتونچ
تجيلچ فتره من تبچين سوط ايدگ عله امتونچ
اموت ابدياري وعيالي ابأمان
يزيتب غربتچ تحير الزمان
العظيمه العقيله
اعله ظهر الهزيله
بهذيچ الضعون
++++++++
قبل موتي اريد العين عليچ دموعي تهملها
يزينب دخلتچ للشام شده وياهو ليحلها
تذكريني وعليچ اتصيح هاي اخت الحسن كلها
ادموعچ لو اجه طرواي لثيابچ تبلـلها
زمن مايرجعه اليدفنه التراب
يريت انه يمچ بهذاك المصاب
عذابچ اشيله
اعله ظهر الهزيله
بهذيچ الضعون
++++++++
يصادفكم سنة وانتي وفاتي بناگه تحييها
اعله رمله تنظر اعيونچ بالنظره تعزيها
اشلون الحرمه تلطم عاد اذا مچتوفه ايديها
بين احسينچ وجسّام نظراتچ تديريها
يعين الله گلبچ چثيره الجروح
عله اخوتها زينب تخلصيها نوح
ولا تبقى حيله
اعله ظهر الهزيله
بهذيچ الضعون
++++++++
يشيعوني الاهل باچر اخوتي الي يشيعوني
على طولي جسد والراس ملتحمه يدفنوني
اعليه ماتم ايعزون وادمهم ينوحوني
وتجيني انتي بظلام الليل اويه اخوانچ تزوروني
لچن يالعقيله اضل تالي وين
بعيده دفنتي اعله اخوي الحسين
طويله الرحيله
اعله ظهر الهزيله
بهذيچ الضعون
الشاعر ثائر الربيعي
/channel/aabas78
قصائد لكل ايام محرم اشترك بالقناة
