وين أهــــــله الهواشم خل يحضرونه
ومن ذاك الســـجن واللهم يخلصونه
****
خلص عمــــــــره مابين الألـم والنوح
عفيه وزين ضلت عنده لسه الروح
يرتاح اليموت ويتعب المجــــــــــروح
وجرحك يبن جعفر مايضمــــــــدونه
****
ســنين تون وسط طامــورة السجان
كَلبه من الحجــــر مارق عليك ولان
الله يعين كلبك شـــــال كثرة أحزان
بكلام وسوط كل ســــــــاعة يأذونه
****
وين أهل المعـــارف والكرم والجــــود
خل تحظر بني هــــاشم تجي الحيــــود
أبن جعفر كضــــه وبجفــــه لسـه قيود
من ذيج السلاســـل خل يفكــــــونه
****
على ذاك الجسر مــن خلوا المظلوم
وتشوف النعش ربعــة بهذاك اليـوم
مسموم أرتحل من السجن مسموم
موسى الكاظــــــم ونعشه يشـيعونه
****
اليموت وأهـله محــــــــد يمــــه بالغربة
يطكَ وينفطـــــــر من الحــزن كَلبه
بلا أحباب لو يمشي النعش صعبة
يدور ماهـــــم أهــــله وتدمـع عيونه
****
هم السجن وحد يريــــد طـــولة بال
وفراكَ الأهل همـــــه يـهــــدم أجـبال
فوق الروس نعشه لو يموت أنشال
على الهامات نعشه أهـــــــله يخلونه
****
شاعر أهل البيت
الشيخ عبد الحسين المنصوري
/channel/aabas78
قصائد لكل ايام محرم اشترك بالقناة
منهـو بـالله الهالجنــازه
كريم الحاج فليح
ونسإلكم الدعاء
نـادت الـزهـره الـزﭽيـه والـﮕلب يلهـب جَمــر
منهـو بالله الهالجنــازه يـا شــباب الـعـالجســر
ـــــــــــــــــ
وﮔفـت الـزهــره تنـادم أبـدمعـه مـن دَم هـاملــه
هـــذا كـاظمكـم يَشيعــه هـذا إبــن عقــد الـولـــه
ليـش محَـد شــال نعشــه او واسه بمصابه هَلـــه
وينــه ليشيِّـع إمـامـه بنــوح وبلطـــم الصـــدر
ـــــــــــــــــ
مـﮕابلـه التابـوت وإبـﭽـي وإصـرخ آ يَمْصيبتـه
وينــه ليشيِّـع إمــامــه الـكاظـم إبصب دمعتـــه
بالسجـن خلـص حيـاتــه وﮔطـع السَـم ﭽَبـدتـــه
هـذا إمـام الـرافضيـه وكعبـت الهَـم والصبر
ـــــــــــــــــــ
ليـش يــا سَجـانـه ﮔلــي هــالحقـــد وتسممـــــه
مـاكسَـر ﮔلبـك يظالـم مـو بـﭽـت لجلــه السمـه
حيـن ذَب إمنـالحشـايـا ﭽبـدتـه وزاع الــدمـــه
مـا كفاك إبسجنه خَلَّـص هالـولـي كـل العمـر
ـــــــــــــــــــ
إنـﭽـان عنـدك بيهـا غـايـه عنـه تبعــد شيعتــه
ﮔـوم شـوف الشيعـه تلطــم عالصدور شَيِّعتــه
تعتني المشايه تسعـي بلهفـه ﮔصدت حضرتـه
مـا يهمهـا الـناصبيه ولا غَــدر إهـل الغَـدر
ـــــــــــــــــــ
ﮔـوم شوف إشلون كلها بلهفـه وبحب ﮔصدتـه
ﮔوم شوف إشلون كلها إتطوف والله حضرتـه
بـالـذهَــب صاغــت إديهــم يـالمنافــق ﮔبتـــه
وينه هارونك هـذاكَ الطاغي ما ضله ذﭽـر
ـــــــــــــــــــ
ﮔـوم شوف الكظم غيضه شنهي إصبح منصبه
بـــاب للحـاجـات إصبـح مــا يـــرده اليطلبــــه
تحيط الإملاك إعلـه ﮔبـره وينـه ذاك الحاربـه
قطعـه مـن الجنـَّه ﮔبـر وبي تشم إحلى العطـر
ــــــــــــــــــــ
شـوف هالـﮕبه الشريفه الترتبط بـرض النجـف
وصـوت زوار الحسـين أبكربلـه الأجلـه هتـف
آه يحســين ومِصابـه ودمـه لســه الـمـا نشـــف
يـا لـثـاراتـه إمنُميــه وحرملـه ومـن الشمــــر
الشاعر كريم الحاج فليح
/channel/aabas78
قصائد لكل ايام محرم اشترك بالقناة
وينه هارون وجنوده
والسجن ذاك وقيوده
چف المكيده الحديد
ضيع آثار الرشيد
يحاچي نجمات السما لون القباب
تنضر الهن عـن بعـد تسمع جواب
بصوتهن نبرت حزن تحمل عتاب
مـات غربه والعمر خلص عذاب
عادت الي ايحضره موته
تحضره كل ولده وأخوته
ينازع ابموته وحيد
ضيع آثار الرشيد
ياسـجـيـن الـعـلم الـضـالـم درس
يانـفس مـخـلوقه مـن عـزةت نفس
الغـيـم مـمـكن يكـدر يـضم الشمس
وموسى ابن جعفر فلا ضمه حبس
هايه من الله صفاته
موته يتحول حياته
مايضيع اجر الشهيد
ضيع آثار الرشيد
شيعتك عالجسر مشبوحه النظر
حسرة احبابك تفت كلب الحجر
بيك موسى اتنخه من شق البحر
يـلا شـق السـجن قـد حان القدر
شمعه عالنار انتضرنه
سيدي خلص صبرنه
ناسك تشوفك تريد
ضيع آثار الرشيد
مـن سـقيـفتهم وحـل وكـت البلاء
غصب حق ال النبي وسفك الدماء
واحـنه كـل يوم اليمر طف كـربلاء
والمنايه معـاشره اصحاب الـوفاء
والله من اجل الامامه
الموت نعتبره سلامه
والمحن مهما تزيد
ضيع آثار الرشيد
ربي يشهد خصمي خصمك سيدي
وعـدي مـن عــالم الـذر الـمـولدي
موسى ابن جعفر امامي وقائدي
ومثل وعدك راح احقق موعدي
الجمعه مو عالجسر هايه
الجمعه من مكه الحكايه
المهدي والأمر الوعيد
ضيع آثار الرشيد
كون نرفع اسمك بوكت الاذان
موسى ابن جعفر امان لكل امان
سيـدي ذاك الـزمن نـفس الزمان
بي نعيش ويختلف بس بالمكان
والطغاة الحاربونه
ضاعوا وما غيرنه
وصحنه مانصبح عبيد
ضـيع اثـار الـرشـيـد
هاني ناصر السعيدي
/channel/aabas78
قصائد لكل ايام محرم اشترك بالقناة
نزله
...........
لذكرى أستشهاد الأمام موسى أبن جعفر عليه السلام
.............
جثه الكاظم تشع أنوارها
أو راية المهدي تكوم الثارها
.............
ع الجسر مرميه شنهي الغايه
خل نشوف الجثه ألمن هايه
أويمهه خل ننصب عزه وقرايه
أن جان للكاظم نجل مقدارها
...............
ع الجسر ملتمه من بان أوبني
ما تهم بلموت لا ما تنثني
من أليم أمصابه كامت تنحني
شيعته أو للمهدي تشكي أمصابها
............
مدد ياحيدر علي تندب مدد
ع الجسر حراس وبهذا العدد
لو بني العباس عدهم معتقد
عرفو الغيره شنو مكدارها
...............
من سقيفة ساعده الهذا الخبر
بين أميه أوبينهم وجهت نظر
حاربو ملة علي فارس مضر
أوهاجموها أبكل فئات أعمارها
...............
واجب الميت دفنته أبكل شرع
جثة الكاظم عليش أبهل الوضع
أمسممه أومن الدفن هم تنمنع
والشمس تلهب جميع أكتارها
..............
ما كفاهم عاش صابر ممتحن
أومن سجن بلقيد ينكاد السجن
مثل جده أحسين محروم الدفن
الله خزا الناصبه وفكارها
..............
فوك رجلينه أثر قيد أنبره
والأيادي أبيا ذنب دمهه جره
ويلي علمظلوم صوت الحك قره
أو شيعته ونت جميع أطوارها
..............
الردي هارون من كد رهبته
راهب آل البيت سمو جبدته
السندي هذا اليوم نفذ رغبته
أوظلمه بغداد أبجميع أمصارها
.............
راهب آل البيت مهتوك العمر
ظل ثلث تيام مرمي علجسر
رايه للمهدي تجي أبفارغ صبر
ننتظر من الجسر مشوارها
...............
خادم أهل البيت
الشاعر : أسماعيل الجوراني
/channel/aabas78
قصائد لكل ايام محرم اشترك بالقناة
موشح بحق السيدة زينب عليها السلام
زينب انطت منحر بوادي الطفوف
وقدمت رايه على الشاطي وچفوف
١
زينب المهضومه عاشت بس جرح
تمشي مابين العده بذاك الصبح
شلون حال الي اخوها منذبح
تگوم تركض حافيه ابين السيوف
٢
اتعاين المذبوحها وتدمع العين
اتصيح جاوبني حبيبي ياحسين
وين انه والمصايب ذني وين
وگامت اعله جسد بالمدمع تطوف
٣
يالتحب زينب شنو اتصب دمع
هسه كونك باللطم تكسر ضلع
شلون زينب ترضه توگع تندفع
وتطر ميدان الزلم بين الصفوف
٤
زينب العاشت أميره أم الخدر
للشريعه اشجابها بذاك الظهر
تنظر العباس بدموع الصبر
اتگله انظر كون الك عين وتشوف
٥
شافت العباس وتدگ عالضلوع
وگام تنحب تبچي وتهل الدموع
الفاگده الخوان من حقها تلوع
وتمشي واتدوس الجمر بين الألوف
٦
كربله العاشت جرح بين السماء
شلون تشرب من دماء الشهداء
المعركه لو عدها ذره من الحياء
چان ماترضه يذبحون الضيوف
٧
وهسه زينب سلمت لامر القدر
تنحب وتبچي على اچفوف ونحر
تبقه رغم ايامها الكلها خطر
شامخه وهيبه رغم كل الانوف
٧
وهالسنه تختلف عن كل السنين
زينب بلايه خدم أخت الحسين
الصحن فارغ بين لوعات وآنين
وبين دمعات وندم شمس الكسوف
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
/channel/aabas78
قصائد لكل ايام محرم اشترك بالقناة
نزله حماسيه
الاستشهاد مولاتي زينب ع
كل مــــسه بذكـراهـم
اخـــــواني ماانـساهـم
......................................................
زينــب أنه بكل مـسيه بالي يمشي الكربله
واذكر حـسيـن ومــصابه والثــياب مــسلبه
الحظه ماانســـه مــصابه والمـدامع سايله
عينـي مو بـس بدمــعها لادمه هــم هامله
دمعــتي الفـــركاهـم
أخــواني ماانســـاهم
مـن بعــد دور الكــفيــل تـكـفلـت بيـتـامـي
لو بجــت طفله أكــــلها عمة هيـــدي ونامـي
فـــزت بذيـج الخرابه طفـله تنعـــة الضامـي
عـمة يازيــنب يعــمة شـــفت أبـوي الدامــي
تلـــطم وتنــعاهــم
أخواني ماانساهـم
هايه ذكراتي يخويه كـل مـسيه وكل صـــبح
والله ماانسه يخـويه من شـفـت راس برمــح
شنسه من ذيج المصايب بيه ماطاب الجـرح
مــن أسولف ياكمرنه صعبه ويطول الشرح
شـشــرح بـــفركاهم
إخواني ماانســاهـم
لو شــرح كلبـي مصـابي توكـف قلام وحبر
منين اسولفك يخويه وبيمن ابدي بالعــمر
من دمعتي والمصيبه من السياط من الزجر
من غربتي يا أبوفاضل زينب أنه أم الخدر
الهـــج ابــطـــرواهـــم
إخـوانـي ماانســـاهــم
عـيني مشتاكه الاخوتي روحي هم مشتاكه
طولت غيـبت هـــجرهم كلـبي كلــب النـاكه
والكـــفلني. مـن هجــرني موتــاني افـراكـه
يمـتـه تلفــيني المنــيه وعـن قرب نتــلاكه
بالله ويــن الكـــاهـــم
إخواني ما انــسـاهـم
شاعرها خادم.الحسين
مرتضى مكطوف الموالي
/channel/aabas78
قصائد لكل ايام محرم اشترك بالقناة
لو يرد بيه زمان
وبوفاتج حاضر اني
برايتي ودمعة حناني
يزينب يزينب
++++++++++++
الناعي اتصوره لو جاني ينعه
ماتت زينبك عباس اسمعه
اگوم وعالوجه اخذلي وگعه
مفرع حافي اركض كلي دمعه
بركضي اعثرحيلي مختل
يشبه اصعودچ عله التل
حاير وفگدچ دهاني
يزينب يزينب
+++++++++++
بصوت الماله غيرچ رحتي عنّه
اعله نعشج راح اون شلون ونه
دمــع عباس زينب ماكو منّه
بي طعم الوفه وريحة محنّه
دمعت الكافل چبــيره
ابگد جرح ذيچ المسيره
امخيمچ جمره چواني
يزينب يزينب
+++++++++
الميته وناس غربه ايشيعوها
عليها اثار من چلمه الحچوها
عن اجنازة اخته وين اخوها
بعيده اطفوفهم يمكن نسوها
كون ارد ابعمري ليله
نعشچ اعله متوني اشيله
فكري يم گبرچ خذاني
يزينب يزينب
++++++++++++
اعليچ امن النهر چانت نظرتي
انتظارچ كسّر ابگلبي حسرتي
ابگد دعواچ وشگد انتظرتي
اعله نعشچ رايد انحبها عبرتي
غالي دمعي وما ابالي
بس الج مايبقى غالي
كلشي بغيابچ يعاني
يزينب يزينب
++++++++++
حزينه واضــح بوجهچ عذابچ
اعــرف وين يتجسد مصابچ
لا باقــي ولد يورث ثيابــچ
عدمن ضل حرز زينب حجابچ
البي عطر اختي الاميره
وفوگه اثر لوعة اسيره
وبي امل حرمه تتاني
يزينب يزينب
+++++++++++
الشاعر ثائر الربيعي
/channel/aabas78
قصائد لكل ايام محرم اشترك بالقناة
من كربله للشام .... جابتهه ضيم اَلام
واليوم وافاهه الاجل زينب
........
يلي تنشد على الصار وحل عليهه
هاي بت حيدر علي اليتباهه بيهه
من بعد موتت اهله افتو سبيهه
مشت من يمهم غصب مجتوفه اديهه
يالتنشد اعله الصار ... زينب سبوهه أشرار
ويدرون بيهه بت حبيب الرب
واليوم وافاهه الاجل زينب
......
بلايه هودج على الهزله ركبوهه
الذبحو ابن امهه وذبحته شوفوهه
حركو اعليهه الخيام وطلعوهه
حارت اتلم اليتامه اتشيل اخوهه
اخت البطل عباس .... جارت عليهه الناس
مارعو حهقه والأخو تسلب
واليوم وافاهه الاجل زينب
.......
مشت للشام ونضرهه عالشريعه
تنتظر جيت ابو اجفوف الكطيعه
راحت ودمعتهه فوك الخد صريعه
وبيدهه ذكره دمه حسين ورضيعه
ورايه كمر عدنان ... ظلت على التربان
اوفوكه جفينه ودماه الصب
واليوم وافاهه الاجل زينب
......
اتريد اكمل ما سداهه من مصايب
امن السياط امتونهه اتورمت يصاحب
بالخرابه كعدوهه اعله الترايب
والحسين اعله الرمح راسه يراقب
ايعاين عليهه اشلون .... بيهه العده ايجرون
خاف احجي الك اكثر وتتعجب
واليوم وافاهه الاجل زينب
......
من بحر همهه الك سولفت قطره
الشافته زينب يهد الكون بَسره
طاحت اعليهه المصايب عشره عشره
من زغرهه اجتفت بحزان كثره
ضيم السداهه اهواي ... كد العطش للماي
كل ساعه من الزمن تتعذب
واليوم وافاهه الاجل زينب
.......
حتى بالموت المصايب جاورتهه
ناس غربه موش اهلهه شيعتهه
اعيونهه مو جف اخوهه الغمضتهه
جانت اتحسب يجيهه ابخاتمتهه
زينب بقت هيهات .... بعازت اخوهه المات
بمنازع الموت وبقت تنحب
واليوم وافاهه الاجل زينب
.......
كلمات
موسى الخادم
/channel/aabas78
قصائد لكل ايام محرم اشترك بالقناة
ام البدور ألاربعه
شيـــعُُ نعش ام البدور ألاربعة
هاذي أم عباس سبع المـشرعة
***
ياله ياخدام شيعو ام الــــوفه
باالطم والنوح شيلو الهـــاتفه
بالولد ضحيت وانه العـــارفه
والنحور ويه الجفوف مكطعة
هاذي ام عباس سبع المشرعة
****
هاذه نعش ام البنـين العــل ثره
حيرة ياعباس المــن تحظــره
من تجيــــها والجفوف مبـتره
حيرة والله شلون كلي تشيــعة
هاذي ام عباس سبع المشـرعة
***
بـالله يادفـــان هونك باالحـــد
بلكي يحضرها ويجيها المبتعد
رادت اتشوف الحسين وبالمجد.
تمنت تشوفه وتموت بمصرعة
هاذي ام عباس سبع المشرعة.
*
بالله يادفــان وســــع باالـــكبــر
شالت هـموم ومااســـي بالعــمر
تناطر حـسين عله حر من الجمر
بلكي يلفيها وتهــــيد الفاجـعة
هاذي ام عباس ســبع المـشرعة
***
ياله يا أم حسين كومي باالعــجل
هاذي ام عباس جتــــج باالخـجل
مقصره انه تكول بجفــوف الكفل
والله لو ادري برباي مرضــعة
هاذي ام عباس سبع المـشرعة
**
كلمات
خادمكم مرتضى مكطوف الموالي
/channel/aabas78
قصائد لكل ايام محرم اشترك بالقناة
حامي الحميّه .. دافن شمس بالليل
بعد الزچيّــــه .. صايــر علي بلا حيل
روحــه غريــــبه
بعــد الحـــبيبه
صاحب مصيبه
____
علي جروح المصيبه خذت كل حيله
مشه محـــبوب گلــبه عنّه هالليــــله
( الله يصبــرك ) سلـمان يدعــــيــــله
نعش أم الحســن گــوّه علي ايشـيله
قالـــعها خيــبر ... لزهره گوّه ايشــيل
مو ذاكه حـيدر ... صايــر علي بلا حيل
روحه غريــــبه
بعد الحـــبيبه
صاحب مصيبه
___
القويِّ الـ بالمــعارك مِنفرِد عزمــــه
الـ ما يوگف اگبـــــاله لو ألـــف زلمه
بصعـوبه الهَوَه بعد الزهــره يشتمّه
أبو الاحزان صـار من الضــلع أسمه
فرگــــاها خَلّه ... بصوته الحـزن ترتيل
الشافه يــگله : ... صايــر علي بلا حيل
روحه غريــــبه
بعد الحـــبيبه
صاحب مصيبه
__
علي هذه الدهـــر منّـه سِلِـب عمره
عالمُـغتــسل بيـــــده مَـدد الزهـــره
يبــاوع خدها ازرگ و السبب سطره
من كَسر الضِـلع و الله انكسر ظهره
محروگه اديها ... شاهدها بالتــغسيل
يبچـــي عليها ... صايـــر علي بلا حيل
روحه غريــــبه
بعد الحـــبيبه
صاحب مصيبه
____
گـــعد بالزاويــه يبـــچي بألم مخفي
و يصيح بدمعته و الصيحه ما تكفي
گالتلــــــه شــجرالك گال : وا لهفي
اعله ضلع المنكسر أسماء مَر چفّي
شاف بدمعــته ... كــسر الضلــع بالويـل
آ يا كسرته ... صـــايــر علي بلا حيل
روحه غريــــبه
بعد الحـــبيبه
صاحب مصيبه
___
يعالـــــم و الله تكـتل فرگـــة الأحـباب
غابت ضحكته وجه ام حسن من غاب
أبو تـــراب و يـــهيل اعله الزچيّه تراب
علي ميّـــت عليـــها من عصرها الباب
وَدعـها ينــحب ... رَد و دموعه اتسيل
گالــته زيـنب : ... صايـر علي بلا حيل
روحه غريــــبه
بعد الحـــبيبه
صاحب مصيبه
الشاعر حاتم صبري الكاظمي
/channel/aabas78
قصائد لكل ايام محرم اشترك بالقناة
يا حال توصف حاله .. وضل خالي الليله الدار
حيدر رد لازم ظهره .. دافن بجفوفه الزهره
وضل خالي الليله الدار
****
رد قالع البيبان يمشي بهيده
زهرة حياته الليله دافن بيده
ام الحسن تسري اويَ دم اوريده
يا حال حاله بمحنته الصميده
هلت ياناس عيونه .. ودمعه اعلى الخد نهران
بالكوه يجر الحسره .. دافن بجفوفه الزهره
وضل خالي الليله الدار
****
رد منحني وياحال صاير حاله
حتى الصخر عالزهره ضل ينعاله
يتعثر ودمعه علي تجاله
حيله انهدم حتى الجدم ماشاله
عالزهره تهل دموعه .. ويعثر بدموع العين
مهموم و ياهو يصبره .. دافن بجفوفه الزهره
وضل خالي الليله الدار
****
كلما يصد عالباب ينزل دمعه
وكلما يصد مسمار يلزم ضلعه
شصاير يناس بحاله عكب البضعه
اهل المكابر بالبوابجي تسمعه
بس عالفركه الله يعينه .. مفارك ياناس عزاز
مجروح تخنگه العبره .. دافن بجفوفه الزهره
وضل خالي الليله الدار
****
كلبه يحن للزهره ولملكاها
شحاله ويرد للدار مايلكاها
روحه اعلى كبر ام الحسن خلالها
بذاك اللحد حيله اندفن وياها
يمشي ودمعاته بعينه .. يرجع لدياره شلون
محتار وهمه شكبره .. دافن بجفوفه الزهره
وضل خالي الليله الدار
****
شاب الجفن والحيل رايح منه
من ونه داحي الباب يغفه بونه
مكسور كلبه وللكبر يتعنه
وياها ميت باللحد يتمنه
وياها تمنه يدفنونه .. والفرگه تشيب الراس
من بابه وذيج العصره .. دافن بجفوفه الزهره
وضل خالي الليله الدار
****
مجروح حيدر بالألم واللوعه
ما تنشف وي الليل لحضه دموعه
محنيه لمصاب الزجيه ضلوعه
و ونات گلبه من العرج مشلوعه
كل ليله ينوح بحركه .. تفطر گلبه من النوح
الهاضمته جفوف السطره .. دافن بجفوفه الزهره
وضل خالي الليله الدار
****
تمت
احمد الخفاجي
/channel/aabas78
قصائد لكل ايام محرم اشترك بالقناة
هالليله بأصوات النحيب
نصرخ وداعا يالغريب
واقاسما..واقاسما
...
مثل مانحيي الليالي الفاطميه
ننصب اعله القاسم الليله العزبه
انواسي ابوه المندفن بالكاظميه
وللرضا انقدم تعازي بهالمسيه
ياوسفه اشراف العباد
كل واحد ايموت ابلاد
واقاسما...واقاسما
....
فاطمه المعصومه كون الليله يمه
بآخر انفاسه تواسيه وتشمه
ابشوفة احبابه الغريب ايزول همه
وماتضل الدنيه بين اعيونه ضلمه
معصومه يمه الليله كون
اخت واخوهه يلتقون
واقاسما..واقاسما
...
عنده بس ابنيه ياناس وزغيره
لااهل يمه ولايمه عشيره
بآخر انفاسه بقه الناظر يديره
عله احسين اللمو اضلوعه ابحصيره
هذا الامام اشكد حنين
يبجي وينادي اهلي وين
واقاسما..واقاسما
...
ناس الامضيفينه من شافو يعاني
والعمر ماباقي ينعد بالثواني
ناشدو عن اسمه كال القاسم آني
ابن موسى الكاظم وسيد زماني
بس الوكت بايامي دار
خلاني احن ليل ونهار
واقاسما..واقاسما
....
كلهم اخذو ابنيتي لو رحتو الوطنه
هيه الاتدليكم اعله ابيوت اهلنه
وانتو ماقصرتو يالكلكم محنه
بالحشر ويانه مثواكم الجنه
ومن غمض اعيونه الامام
سووله بالحله مقام
واقاسما..واقاسما
....
كون هاي الليله نلتم بمزاره
نلطم بحركتنه وانون بحراره
بالكلب بانين اله كبه ومناره
يا الهي ارزقنه للقاسم زياره
اخو الرضه وللحاجه باب
هالليله غطوه بالتراب
واقاسما..واقاسما
....
محمد الجماسي
اللهم عجل لوليك الفرج
/channel/aabas78
قصائد لكل ايام محرم اشترك بالقناة
رايتنه مرفوعه
صيحتنه مسموعه
للعسكري .... للعسكري
.........
شيب وشباب امحزمين الليله
اويه المهدي راعي العزه دم نبجيله
امصابه ثجيل ابحاجة الي ايشيله
بالصبر والتعجيل خل ندعيله
ما نشفت ادموعه
صيحتنه مسموعه
للعسكري .... للعسكري
.......
صيحتنه يابو المنتظر صيحتنه
باجر نعليهه ابعلو رايتنه
والشاهد اعلينه تضل دمعتنه
غايتنه مو نحصد اجر غايتنه
واحدنه بي لوعه
صيحتنه مسموعه
للعسكري .... للعسكري
.......
للعسكري واحدنه ذايب شمعه
و ما بطل اعليه الجفن بالدمعه
الهاي المصيبه كلشي بينه ينعه
حتى الكَلب يبجي المصابه انسمعه
كل نبضه مفجوعه
صيحتنه مسموعه
للعسكري .... للعسكري
.......
مثل اربعين حسين اله نتعنه
وننصب مواكبنه بطريق الجنه
للعسكري بَّصمنه بالدم كلنه
يرخصله كلشي المنه واحنه منه
وانضل رهن طوعه
صيحتنه مسموعه
للعسكري .... للعسكري
........
اويه المهدي باجر نعتني بالرايه
من كربله الصحن الحسن مشايه
وفايه نبقه اعله العهد وفايه
ومابينه ابد واحد يبدل رايه
والطحنو اظلوعه
صيحتنه مسموعه
للعسكري .... للعسكري
.........
✍️ كلمات . موسى الخادم
/channel/aabas78
قصائد لكل ايام محرم اشترك بالقناة
(( نزله حماسيه ))
وداعاً يا محمد والدي
وداعاً يا محمد والدي
___
راح اودعنك يبويه وتجري دمعة عيني
بويه لاترحل دخيلك فدوه هاك اسنيني
والله مـن ترحـل يبويه مايهود أونيني
بويه من أنحب ونوحاً يبجي حته حسيني
وداعاً يا محمد والدي
وداعاً يا محمد والدي
___
خذني وياك بمنيتك والله ماريـد العمر
كون اموتاً هسه أنه دمعي مايقبل عذر
سوده صارت كل حياتي يامحمد ياذخر
كلبي مابطل نياحه ومدمعي حد الفجر
وداعاً يا محمد والدي
وداعاً يا محمد والدي
___
بيتي يفرغ من حنانك يالحنين لغالي
خالي من نور الهدايه بيتي بعدك خالي
بويه لا تترك يتيمه وارحم انته بحالي
فكدت بعمر الطفوله أمها وأنته التالي
وداعاً يا محمد والدي
وداعاً يا محمد والدي
___
هذه حيدر وبغيابك خيم عليه الحزن
ظهره محني يامحمد والدمع ذبل جفن
والله يشتاق الكيانك بويه وكلش يحن
الفارك أحبابه يويلي يكره اليل اليجن
وداعاً يا محمد والدي
وداعاً يا محمد والدي
___
وأرد اسولفك يبويه من يطول غيابك
هجمو علينه بحقدهم وعتنو يم بابك
بالشماته يا محمد سحكو على عتابك
الحركو البيت بغيابك همه من أصحابك
وداعاً يا محمد والدي
وداعاً يا محمد والدي
___
فاطم توأن من ضلعها ويلي اه من الكسر
مااسامح بـويه أنه وأبقه اليوم الحشر
أنصب بيوم القيامة محكمه الاهل الكفر
فلان وفلان بجهنم والله مااقبل عذر
وداعاً يا محمد والدي
وداعاً يا محمد والدي
___
كلمات
الشاعر الحسيني
مرتضى مكطوف الموالي
/channel/aabas78
قصائد لكل ايام محرم اشترك بالقناة
يالعفتني...ورده واحلامي سراب
يالعفتني...بويــه موتـني الغيـــاب
ويــنك انته ياهواي....عازتك ذبحت صباي
يالعفتني يالعفتني
....................................................
بويه ويـــنك يــــالخذت ويـــاك كُلشي
من رحت والعين زعلانه اعله رمشي
هــــــــا يروح العافيـــــه لاوين تمشي
ريت بويه ويـــاك كـــون انشال نعشي
يا شمعتي...روحي ما تحمل عذاب
يا شمعتي...فدوه رجــعلي جــــواب
وينك انتـــه ياهواي...عازتك ذبحت صباي
يالعفتني يالعفتني
......................................................
وحشه بويه الدار من يوم الرحت
ويــن مـــا انــدار اشتمك كمـــت
يا محمــد يا علــي يــامـا صحت
أكفياني وبس علـي شفته وطحت
يا فرحتي...وين وداك الزمان
يا فرحتي...فاطمه بعازة حنان
ويـــنك انتـــه يا هواي...عازتك ذبحت صباي
يالعفتني يالعفتني
..............................................................
يالعشت وياك احلــــى ايام عمري
دمعه دمعه خلصت شيبات صبري
ياحلم عمـــري الحلم لحضات تــدري
وانه من يوم الرحت مكسور ضهري
يا حسرتي...ثمنطعش عمري بجفاك
يا حسرتي...شصار لو تدري وراك
وينك انتــــه ياهــواي...عازتك ذبحت صباي
يالعفتني يالعفتني
................................................................
يالعفتني ومن رحت نكروا وصيتك
ما رعوني الجانوا ايلبسون صيتك
عفت كلشي وللكبر اعتب اجيتك
بويه احسبني هوه وتشتمني ريتك
يا فركتك...كطعت احبال الوصال
يا فركتك...الياوكت اصرخ تعال
وينك انته ياهواي...عازتك ذبحت صباي
يالعفتني....يالعفتني
..............................
بويه وحشه الدنيا وافراكك مردني
لون ناوي تروح ماجيت وخذتني
يا حزن عمري بعد المن عفتني
صعبه اعيش وانته بويه فاركتني
يا حياتي...عمري مايسوه بلاك
يا حياتي...موتي مستعجل وراك
وينك انته ياهواي...عازتك ذبحت صباي
يالعفتني يالعفتني
.....................
خادم خدمة الحسين
الشاعر محمد الموالي
/channel/aabas78
قصائد لكل ايام محرم اشترك بالقناة
مقدمة للامام الكاظم ع
.
.
.
مهـدويه المــدامع .. كاظمـيه المــواجع
وتضـل وَنــتنه ونــه زينبــيه
***
الليله چــن عـاشـور حـل وكــله اهات
الليله مو بس الارض تبچي السماوات
الليله نبچي اعيـون لامانبـچي دمعات
الليله مــو مالــت لطم بل مـال قامات
مرجعية حچينه .. مرجعية بچيـنه
المشت ياناس عالناگه سبيه
***
الليله كـون ادموعنه چـنــهـن خناجر
الليله ابن جعفر غفه ابحـظن الـمقابر
الليله تشـبه ابـو كربلاء بيوم عـاشر
الليله بيهــا اگيــود مابـــيها حـــوافر
للجسر من مشينه .. للجـسر وشلـگينه
جنازه امگيده ابگيـد المــنيه
***
بينه نـــار ونــار لامــــاتطــفـي تســعر
بينه شــوغه وهــاي كل ماجــاها تكبر
بينه حسره الفاجعة موسى ابـن جعفر
بينه الله اليـدري يــومــه شــلون أثــر
محــنته مــو قليله .. محنته اشگد ثگيله
ونضل الها نون صبح ومسيه
***
بينه من طـف كربلـه واحـزان زينــب
بينه چـن خـيـمة عليـل ولـسـه تلهب
بيــنه بـس الـحــزن وحـده ماتـسـلب
بينه حـرگه عـالـذي بـسـجـنه تعــذب
وسفـه نـور الامـامه .. وسفه عاش ابضلامه
مثل عمته ابظلام الغاظريه
***
تبقه تجري عالگضه مسمـوم كل عين
تبقه يمــه امگيـده اگلــوب الـمـوالين
تبقه ريحـة كـربلـه بــرض الجــوادين
تبقه جمـراته مثـل جمـرات الحـسين
إي وحق العلى التل .. إي وحـق التـكـفل
على الكاظم مدامعنه جريه
***
تبقه هــاي الفـاجـعـه محفـوره بالراس
تبقه عالمـسموم تبچي وتنةحـب الناس
تبقه بينه امصيبته شهگه ويه الانفاس
تبقه اي والـذي نـاحـت علــى العــباس
والـذي سلـبـوها .. والذي فرهدوها
على المسموم منبـطل العزيه
____
حيدر تركي الكربلائي
/channel/aabas78
قصائد لكل ايام محرم اشترك بالقناة
نزله للكاظم ( ع )
حضرت الزهره بدمعها
ويلي يامسموم
نـادت ولـزمت ضلعهـا
ويلي يامسموم
1
حضرت اتشيع الكاظم والدمع فوگ الوجن
شافت اجنازة ابنها طلعوها من السجن
گعدت بحسرتها تبچي تنحب بدمعه وتون
ياهو مثل الزهره ياهو شافت آهات ومحن
تنادي والعالم سمعها
ويلي يامسموم
نادت ولزمت ضلعها
ويلي يامسموم
2
نادت بدمعتها نادت ابني سمو چبدته
شافته بوسط الجنازه غيره تنضح جبهـته
حنت اونت الزهره من ابنها شافته
على الكاظم ابني ويلي خل تنادي شيعته
الزهره هـنيالـه التبعها
ويلي يامسموم
نـادت ولـزمت ضلعهـا
ويلي يامسموم
3
وين شيعتنه تنادي خل تجي بدمع الصبر
انشيع اوليدي بدمعنه والجنازه اعله الجسر
والي يلطم والي يحضر بيدي اوقع عالآجر
وعهد انطي للي يخدم احضر وياه بالگبر
تحلف بـربها الـرفعها
ويلي يامسموم
نادت ولـزمت ضلعها
ويلي يامسموم
4
ماتعوف الزهره ابنها تحضر وتوصل اله
تجي تنوح ويمه تنحب ودمعه عالخد هامله
وعلى الكاظم تبچي گامت وللابن تتأمله
تصيح كلها اتهـون كلها بس مصيبة كربله
حسين ومصابه الفجعها
ويلي يامسموم
نـادت ولـزمت ضلعهـا
ويلي يامسموم
5
تصيح يابو الرضا وينك عفت أمك بالدمع
بالسجن خلصت عمرك يبني هذا بيا شرع
الـطاغي راد بسمك انته گلب أمك ينفـجع
مدري انوح انه الچبدتك مدري انوح اعله الضلع
الباب ملعـون الـدفعها
ويلي يامسموم
نادت ولـزمت ضلعها
ويلي يامسموم
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
استشهاد الامام الكاظم ع
غربه ومتت موتت مساجين
عن اهلي كثرت چلمة الوين
رمشي ياهو الغمضه
عني وينك يالرضا
موتت مساجين
++++++++++
لچمه لچمه روحي طلعت واعتبر موتي مريح
من تجيني لوية السم آه يبني الحگني اصيح
مره اگعد مره انهض وارجع الوجهي اطيح
ساعه ابرد ساعه احتر مشكله بچبدي جريح
سجانه ما صاحو سلامات
بس چلمة البشرني ها مات؟
سمَي بعروگي مضه
عني وينك يالرضا
موتت مساجين
++++++++++
اگبالي صارت كل صوركم من اجاني الاحتضار
روحي تطلع وآنه اتاني باقي بعيوني انتظار
رايد اعيوني اليسدها چف عزيز وگلبه حار
گلبي عطشان اعله چلمة بويه من ولدي الزغار
لو عالاقـل معصومه وياي
چفها اعله شفتي ايگطر الماي
اتگلي سجنك ماگضه
عني وينك يالرضا
موتت مساجين
+++++++++++
بروحي ضلت هالوصيه والتفت مامش حبيب
مني ياخذ للمدينه چلمه يحچيها بنحيب
فوگ ربوه ايعلَي صوته مات ابن جعفر غريب
جسمه منرض بالسلاسل وثوبه من دمعه خضيب
تركوها گعدتكم عله الباب
المن بعد ماترجع احباب
الكاظم النحبه قضى
عني وينك يالرضا
موتت مساجين
+++++++++++
من اجاني موتي وينك وانتظرتك ما اجيت
ايگلبوني يمنه يسره او من دروا بيه انتهيت
ايمددوني وارجع التم من زغر گيدي انحنيت
ابقسوه اديه مددوها ياهو يسمع لو شكيت
سجّـانه واتجبلـلها مسجون
سدوهن بسطرات الاعيون
المن دمعها فايِضه
عني وينك يالرضا
موتت مساجين
+++++++++++
هسه اقلها لو تجيني للنعش رايدله شيل
الغربه بويه استثگلوني والحچي يطلع ثجيل
منهم اسمع تعبتنه وعالنعش جسمي يميل
مو هداوه بكل حملهم عالجسر شمروني حيل
ويه النعش ماعدهم انصاف
شمروا شمر من فوگ الاجتاف
اعضامي كلها مرضرضه
عني وينك يالرضا
موتت مساجين
الشاعر ثائر الربيعي
/channel/aabas78
قصائد لكل ايام محرم اشترك بالقناة
بالضماير موسى صاير
إجفوفه من بطن السجن طلعن مناير
يابهائه ورونقه وگبته المتـألــقـــه
أشك مو أنسان هذا الله البنــاهـــــا
عنه لا ماابتعد اشلون اصلي بلا حمد
وموسى ابن جعفر شمس عمري وضواها
مستعد للموت اضل إبخدمته
لو جذبني الشوگ نحو إزيارته
إمن الجسر وإشتم نسيم إمحبته
وچني انظر من جديد إجنازتـه
من هويته مانسيته
لاوحگ دمع التلوليله النواظر
***
ظنو أقيود الرجس تگدر أتغطي الشمس
لــو الـف طــامـوره مـاتحجـب امـامي
مايموت البي علي بروحي أفديه وهلي
والحــواس الخــمـسه تبعثلــه سـلامــي
وين كرسي الحاربه وذيج القصور
مادره الدنيـه علـه الظالـم تـدور
خل يشوف إچفوفنه أتدگ عالصدور
والمـلايين التـجـي يـمـه وتــزور
الحضره جنه أوشغلـه مـنـه
اشعر أيحييني من اگصدله زاير
****
الكاظم اعظم مدرسه للرفض متاسسه
بيـهه افكــار وتــعـــاليــم ومـــواعــظ
والرشيــد وسلطتــه إتوقع إبسم چبدته
إيهدم الحـب اليحمــلونــه الــروافــض
إحنه صنعتنه بطوله كربلـــه
قافله إتروح إوتسلم قافلــــه
مانمل إمن الحبس والسلسله
بالعكس نزداد غيره ومرجلــه
افهم افهم صرخة الــدم
تشبه البركان وإتفجر مناحر
**
موسى ابن جعفر علم بالصبر شوف اشرسم
انشــــد البصــره وسجــن بغــــداد عنــــه
ظل يشد جرح بجرح وماخفض الهم جنح
امقيدينــه وخــايــف الـســجــان مــنــه
لو سجد دولة ظلمهم ترتعش
بالمباشر صوته يوصل للعرش
جبروت الحاكم وذاك البطـش
من أسد بغداد ماحرك رمــش
شوفه شوفه يالتطــوفــه
صلوات إبمرقده وصرخة مناير
***
يالذي مسك عسر ولوعك ليل الصبر
شد رحـالك واعتــنــي للكــاظمــيــه
خل تسولف دمعتك والله يقضي حاجتك
قــــاضي الحـــاجــات امــام الرافضيه
يمه چم مشلـول ذب عكـــازتــه
چم عليل الخلصــه مـــن علتـــه
حته الاعمه إيشوف لو طب حضرته
شـــرف للــزوار بوســـة عتبتـــه
گلــه اجيتـــك واعتنيتـــــك
گالو انته التعرف إبكسر الخواطر
****
واحنه لو جانه الفرج مو شمع نعلگ مهج
وللبشــاره إعيــون گــام إتصبـر إعيـــون
اربع إحماميل إجو بالجنـازه وصــوتــو
هـــذا امـــام الرافضـــه بالــذل ينـــادون
من كثر مبچانه ماظلت خــدود
وصارت إتحز بالگلب هاي القيود
ماتمنينــاك بجنـــازه تعـــــــود
ياهو سن قانـون تمزيق الچبـود
عگب الاغياب إتريد الأحباب
شوفتك وتصيح إرجع لاتسافر
****
#العبدالحسيني_محمدالجماسي
/channel/aabas78
قصائد لكل ايام محرم اشترك بالقناة
غافي الحزن بعيوني
أهلي بـغرب عـافوني
عشت بمصيبه............ميته وغريبه
==============================================================================
1️⃣
كضيت عمـري بغربتي هواي الزمن اذاني
امشي سـبيه عالهـزل بيـن الغرب خـلاني
بالغربه دمـعاتي تهل والكلب يـبقه متاني
محد حضر يم الكـبر ليـش الاهل تنساني
~~~
هاي السنه بدمـعاتي
اكضيها وي حسراتي
بحسره عجيبه.............ميته وغريبه
=========================
2️⃣
كلما يمر عام الحـزن يفتح جرح ما يشفه
نار الخيم من تشـتعل نار الـكلب ما تطفه
يومـيه مسـبيه بـغرب حـته الدمع ما كفه
منتظره وعيوني تصد والحزن بيهن يغفه
~~~
تاليـها ويـه الـغربه
ايامي كلش صعبه
كلبي ونحيبه..............ميته وغريبه
=========================
3️⃣
ياشيعه عذبني الهجر تكـضي بقهر ايامي
سافر ضـواي من الزغر وتـهدمت أحلامي
دلالي ابد ما يرتوي يبقه لصورهم ضامي
كلـهم سـويه تذبـحوا صـار الذبح كـدامي
~~~
بهـاي الصـور مهـضومه
عشت الحزن من يومه
وكلمن نصيبه...............ميته وغريبه
=========================
4️⃣
ودعـني كـافل عالنهر طـول العـمر كفـالي
دللني ما يـقبل اذا واحـد يـشوف خـيالي
عكبه صفيت محيره والناس تهضم حالي
ترميني بحجار وحجي شكد عذبوا دلالي
~~~
درب الـهزل حـيرني
وعباس ما يحضرني
وشلون اجيبه................ميته وغريبه
=========================
5️⃣
شيخ العشيره الما يرد يومـيه احير بأمره
وتخيلت نحره التفت والسيف كطع نحره
بصدره سوالفـنه كبل تاليـها رضـوا صدره
شميت عطره وميزت ماعرفه لو ماعطره
~~~
راح وتـركـهـا سـنـيـني
وجروحه ترست عيني
الجثته سليبه.................ميته وغريبه
=========================
6️⃣
بأخر حياتي تحسرت محد حضر ودعني
والغربه زادت هلوكت ليش الزمن لوعني
زينب غريبه مـحيره وين الكمـر يسمعني
يحسين لو رد السبي ورد الزمن يفجعني
~~~
وين التـفت يالغالي
بالغربه يهضم حالي
لجانت حبيبه..............ميته وغريبه
=======================================
محمد خشان ✍️.
=======================================
/channel/aabas78
قصائد لكل ايام محرم اشترك بالقناة
هونك يدفان * ماعدهه خوان
مبينه غريبه هالمره // صفنت عليهه المكبره
//////////////////////////////////
الفاره الدنيه بسبيهه شباقي بيهه
شويه يادفانهه هون عليهه
بلكت آمن اخوانهه واحد يجيهه
خاف ماتدري الحبل رضرض اديهه
شوف النعش زين * هاي اخت الحسين
ياهو بسبيهه مادره // صفنت عليهه المكبره
//////////////////////////////////
جي غريبه بالنعش ينسمع ونهه
بالك اتراب اللحد يلجم متنهه
دموع غربتهه تره بخدهه جونهه
جنازه لا بيهه اخوهه ولا ابنهه
مبحوحت الصوت * ما جاهه زاتوت
جنازت غريبه محيره // صفنت عليهه المكبره
//////////////////////////////////
وسع اشويه الكبر خليهه ترتاح
ظلوع كسرو منهه تدري بكعب الرماح
طبع بالمحني ظهرهه تكض الصفاح
بالسبي يكومهه جانو شتم واصياح
التلجمهه الخيام * مسبيه للشام
ليش بحزنهه موزره // صفنت عليهه المكبره
//////////////////////////////////
شويه من الشوج فدوه نضف التراب
السحكته الشوج بجدمهه لهسه ماطاب
وللحجار اشويه اريدك تحسب احساب
بحجر اهل الشام صعبه انوب تنصاب
من كل سطح دار * راموهه بحجار
ويدرون بيهه مخدره // صفنت عليهه المكبره
//////////////////////////////////
جوه خدهه وصله خلي امنكعه احساس
وصله من راية اخوهه الكمر عباس
حزن زينب عالكفلهه عجب الناس
طول درب السبي غيره يدخن الراس
ما شافت افياي* كرهت شكو ماي
الشافت هذيج المجزره // صفنت عليهه المكبره
//////////////////////////////////
لا تعلي اتراب كبر الحره تزعل
اتراب الهوايه تره يذكرهه بالتل
انعادت الوحشه عليهه من الاول
شكد مصايب ياكلب زينب تحمل
طف كربله بعيد *** وشوفت اخو تريد
الشمات وكفو دائره // صفنت عليهه المكبره
//////////////////////////////////
تمت ____ علاء الزيدي
/channel/aabas78
قصائد لكل ايام محرم اشترك بالقناة
كربت فاجعت الشام _ والمهدي شدلهه حزام
بين الصحن والحظره
يهل بدمعته الحمره
///////////////////////////////
يحاجي عمته ودموعه تتجاره
اقرالج نعي لو اقره الزياره
طريق الشام يالماشيته محتاره
الما لحك يشتمج يشمر احجاره
المسبيه كل ما تندار _ اعليهه يشمرون احجار
شيحجي اليغص بالعبره
يهل بدمعته الحمره
///////////////////////////////
يشبك عالكبر وتلجمه غربتهه
الما ترتاح ساعه الدنيه خلتهه
العليهه من التعب ظل تبجي ناكتهه
المسبيه الغريبه الذبحو اخوتهه
عالكبر يهمس بحساس _ يسلم عليج العباس
يجيبلهه الرايه الخظره
يهل بدمعته الحمره
///////////////////////////////
يكلهه شلون اكلج عمتي اشلونج
ومثل لون السمه يازينب امتونج
يم ارماح اخوتج من يشوفونج
اهل الشام يازينب يطردونج
والاصعب امن الصعبات_ اليندفن يم الشمات
ينلجم حتى بكبره
يهل بدمعته الحمره
///////////////////////////////
الوكفت بالقصر بجتني وكفتهه
عمتي اول خدر شافو عبايتهه
بيش الشام من طبت تلكتهه
فرق بين الخرابه اوذيج خيمتهه
ثلث تيام ثلث ليلات _ وكفت اباب الساعات
تلجم يهاي الذكره
يهل بدمعته الحمره
///////////////////////////////
عايشهه المصيبه وصعبه ينساهه
اجه العمته الغريبه يكعد اوياهه
كابلهه وكعد يبجي اعله مبجاهه
وبيبان الصحن بدموعه حناهه
جابلهه صوغه باأهات _ من كبر اخوهه ترابات
ظلت تشمهه بحسره
يهل بدمعته الحمره
///////////////////////////////
المهدي المغربيه شكله يتغير
يذب اعمامته من يصعد المنبر
قره نص المصيبه وصاح مااكدر
المجتوفه شتكض بالناكه من تعثر
خافن تطيح امن الخوف _ وامكيدين الهه جفوف
المجويه اديهه بجمره
يهل بدمعته الحمره
///////////////////////////////
تمت ____ علاء الزيدي
/channel/aabas78
قصائد لكل ايام محرم اشترك بالقناة
✔️
خل يجي عبــــــــــــــــــاس لمّه ايشيلها
وهـــــــــوّ يتكفّــــــــــــل امــــر تغسيلها
**
هاي ام الوفــــــــــــــــه الضحّت اربعه
وبقت حـــــــــــــد الموت تبجي ودامعه
على حسين وأخـــــــــــــوته المصرّعه
مـــــــــن إجه الناعي وبــــــده يحجيلها
*
ماتت بهاليــــــــــــــــــــوم ويلي وحيده
وحسره عــــــــــــــــدها بالكلب وتريده
الكمر هاشــــــــــــم خل يجي وعضيده
ويحضـر وياهـــــــــــم اليحمي ادخيلها
*
خل يجي عبــــــــــــــــاس يتكفّل الامر
وتــــــــــدري مكطوعات الزنود السمر
عذرتـــــــــــــه وتريـــــــد منّه بس يمر
حتى لــــــــــــــــو بس يوكف ويبجيلها
****
خل يجـــــــــــــــي يشيعها ويقيم العزاء
امنيتها جانــــــــــــــــــــــــت بهذا اللقاء
ويحفر جـــــــــــــــوا ره لحدها بكربلاء
وجــــــار ابو اليمه ويــــــــرد كل حيلها
**
شيلها يابو الوفـــــــــــــــــه الطف كربله
هنــــــــــــــــــاك جهزها وجسدها غسّله
وبينك وبينه الأبن سيـــــــــــــــــــد المله
گبر يــــــــــــــــــــــــا عباس أنت بنيلها
**
شيّـــــــــــــــــــــد إلها گبر بين الحرمين
حتى مـــــــن نگصد نجي نزور الحسين
نزورهــــــــــــــــا ونبچي على ام البنين
البچت لجــــــــــــــــل حسين حتى بليلها
***
يرد حيــــــل امــــــــــــــك بهاي الأمنيه
وتضــــــــــــــــل دمعتهـــا عليكم جاريه
شما بقـــه هــــــــذا زمنّـــــــــــــــه باقيه
حتى تشفي مـــــــــــــــــن الدموع غليلها
*
مـــــــــــــا وفت تشعـــر بدمعات الحزن
تريد حتــــــــــــــى بالكبـــر تبجي وتون
على حسين وكــــــــل خواته اللي أنسبن
وعلى حــــــــــــــــــــال العايله وعليلها
*
بجاه ام عباس يـــــــــــــــا رب يا رحيم
ردّه مــــــــــــــــن غيابه مهدينه الحكيم
خلّي ينهي كـــــــــــــــــل فرد حاقد لئيم
والهموم العل مــــــــــــــــــوالي يشيلها
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
✔️
عزبت.......بربع زلم
ورضعتهم بس عزم
والمراجل للگمر عنوانها
●●●●●●●●●●●●●●●●●●●●●●
ابوفاضل رفع راسي بالمجد عزه اعتله
والنهر ناده دخيله بيده يگلب كربله
انه ابني بزوده يكشخ زينب اخته مدلله
بعزمي ربيت البواسل بت حزام امعدله
عفيه زودي ابربعه
وقعوا عالمشرعه
والمفاخر تشهد ابميدانها
●●●●●●●●●●●●●●●●●●●●●●
الله بيض وجهي بيهم وانه منطيته عهد
اربعه لحسين فدوه انتو يم ظهره سند
وانه وياكم اخدمه حسين يا يمه المدد
والحنين حسين يدري بكلبي ماغيره بعد
انه وصيت الگمر
بيده يهديله نهر
والعراضه لو يطك بركانهه
●●●●●●●●●●●●●●●●●●●●●●
فخري بيهم راح اكتبه دونت اروع صور
والمسافه النهر يگصر بجوده ينحط النهر
خوة العباس خوه تحچي ذرعانه دهر
دورت بالدنيا كلها ماشفت مثله گمر
صارت الخوه سمه
تبوس چفه فاطمه
والفضائل كربله بيبانها
●●●●●●●●●●●●●●●●●●●●●●
ذوله ولدي بالمعاره حزام للكلفه رهن
وابوفاضل من خصاله هذا للخوه وطن
والفواطم بيده رايه هوه حماي الضعن
گدها معروف وگلتهه انت خيال الرسن
شمخ زوده معتلي
بهيبته يشبه علي
يا كتيبه تنهزم فرسانهه
●●●●●●●●●●●●●●●●●●●●●●
بالمحبه اشكد احثهم شفت زود ومرجله
بخزرة العباس حادث والنهر مايه ابتله
زعل والعباس غاضب چنه يقره الزلزله
والعجاج اتشوف خيبر ثاني خيبر كربله
امربع الحك رجعه
يا اصالة منبعه
والعساكر خورست بلسانها
***
تمت بعون الله تعالى الشاعر_يوسف_الفتلاوي
/channel/aabas78
قصائد لكل ايام محرم اشترك بالقناة
حان الوداع ... يا علي يا با الحسن
......
١؛؛؛؛؛؛؛؛
امسح يا علي ادموعك
كاسر كَـلبي موضوعك
دير العين إليه
بطل يا شهم ونك
مو بيدي ابتعد عنك
محسومه القضيه
مو سهل البُعد ادري
يابو اعيالي يا عمري
بس شنهو البديه
موتي كَـرب يابا الحسن ودعني
بيدك اريدن يا علي اتشيعني
والكسرو اظلوعي متحضر دفني
حان الوداع ... غطي وجهي بالجفن
حان الوداع ... يا علي يابا الحسن
......
٢؛؛؛؛؛؛؛؛؛؛
اصبر يا علي الموتي
ساعت ينكَـطع صوتي
غطني بالعبايه
لتّبين أبد كسرك
زينب واكَـفه اتنظرك
يا حيدر ورايه
هَون امصيبتي اعليهه
صير ام وأبو ليهه
يالبيك الكفايه
زينب امانت فاطمه يحيدر
أوصيك بيهه وانت كَـدهه واكثر
طبعك حنين وبيك اظلن افخر
حان الوداع .... فاركَـنه هالزمن
حان الوداع .... يا علي يابا الحسن
......
٣؛؛؛؛؛؛؛؛؛؛؛؛؛
يا حيدر يضي عيني
حالك حيل ماذيني
يا نبع الأماني
ما متعوده يالغالي
هيج انظرلك اكَـبالي
يا حجة زماني
اصبر يا بعد حيلي
وراكم دفنتي ابليلي
ميته الليله اني
تكَـصر حياته المنه كسرو ضلعه
هذا الخبر يصعب عليك اتسمعه
ادري ولكن عمري ما بي رجعه
حان الوداع .... اشموع ايامي طفن
حان الوداع .... يا علي يابا الحسن
......
٤؛؛؛؛؛؛؛؛؛؛
تدريني اعشكَـ احروفك
لو صح بيدي ما عوفك
بس هذا قدرنه
انه أدخل الكَـبري
وانت يا بعد عمري
اتخلص العمر حنه
وحشه اسنينك ادريهه
من بعدي وتكَـضيهه
ونه ابأثر ونه
صعبه ادري مو هين وداع الزهره
شكرآ الك ما قصرت بل مره
خلصت حياتي اوياك بجمل عشره
حان الوداع .... هنه ساعات البقن
حان الوداع .... يا علي يابا الحسن
.......؛؛؛؛؛؛؛؛؛................
✍️🏻 كلمات موسى الخادم
/channel/aabas78
قصائد لكل ايام محرم اشترك بالقناة
لوفاة القاسم بن الامام الكاظم عليهما السلام
اتهدمت اركان گلبي اتهدمت
اتألمت لمصابه روحي اتألمت
بصحره المواجع هايم
لجل الغريب القاسم
ابن الامام الكاظم
★★★★★
اتهدمت اركان گلبي ونكسر
من كثر نوحي الفرح ماله أثر
للغريب المارحم بيه الدهر
المشه بدروب يحويها الخطر
وياي الحزن متوالم
لجل الغريب القاسم
ابن الامام الكاظم
★★★★★
طلع من داره گصد دار الغرب
تلهب الحسرات ضلت بالكلب
احتار وين يروح ويذبه الدرب
الدنيا وي اهل المجد شنت حرب
ملزوم دمعي ولازم
لجل الغريب القاسم
ابن الامام الكاظم
★★★★★
وصل للغربه المواجع حالته
المنكسر مهدوم ضل ابحيرته
الناس مذهوله الوقاره وهيبته
الديره عمها الخير كلها بجَيَّتَه
ناحت بحسره الوادم
لجل الغريب القاسم
ابن الامام الكاظم
★★★★★
الفاطمه بنته حچه عن فاطمه
عن كسرها وطَبْر حماي الحمه
وچبدة المسموم صورة مؤلمه
وكربلا ونحر انگطع ينزف دمه
چن الزمن مونادم
لجل الغريب القاسم
ابن الامام الكاظم
★★★★★
شرح للوادم قضيته وقصته
وعن دواهي الوكت بيه وغربته
عرفوا اصله منين واهله وديرته
بالبواچي شييعوها اجنازته
ردوا ابنوح الدايم
لجل الغريب القاسم
ابن الامام الكاظم
الشاعر حسن لعيبي الحريشاوي
/channel/aabas78
قصائد لكل ايام محرم اشترك بالقناة
نزله الامام العسكري (ع)
يالعسكري بدمع الحزن نادينه : يمسموم
سامره حزنانه بفگد والينه : يمسموم
نبچي ونون بدمع الحزن
يمسموم
يمسموم
١
هالليله بدموع الحزن ننادي : يمسموم
ابنك چبدته اتوذرت يالهادي : يمسموم
ويگول كل خادم انه اعتقادي : يمسموم
بالمجلس اخذ يالحسن مرادي : يمسموم
ابچي بدمع واكسر ضلع
يمسموم
يمسموم
٢
لجلك بچينه والدموع بحسره : يمسموم
عايش مصابك بالگلوب اشكبره : يمسموم
الليله نحلفك يالحسن بالزهره : يمسموم
للمجلس احنه انريد منك نظره : يمسموم
الهم ينجلي يابن علي
يمسموم
يمسموم
٣
هذا الخبر هالليله من نذيعه : يمسموم
تنحب تنوح اعليك كل الشيعه : يمسموم
ضاگت علينه سيدي الوسيعه : يمسموم
نقسم عليك بأمك الشفيعه : يمسموم
شوف الخدم تبچي بألم
يمسموم
يمسموم
٤
سمّو چبدتك سيدي النواصب : يمسموم
واحنه گلبنه الليله لجلك ذايب : يمسموم
ماتنگـطع تمشيلك المواكب : يمسموم
حضرت الليله بدمك وتطالب : يمسموم
بدم رگبتك و إمحبتك
يمسموم
يمسموم
٥
نكتب عهدنه وبالدمع نادينه : يمسموم
والينه يبقه العسكري والينه : يمسموم
خدام الك تقبلنه يا مهدينه : يمسموم
وسجلينه يالزهره بسجل سجلينه : يمسموم
يم المحن لجل الحسن
يمسموم
يمسموم
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
استشهاد الرسول ص
هي لـتفارگ ابوها شلونها
فاطمة الله يكون بـعونها
"""""""""
راح طه وراح مو بس الامان
راح وياه شكو بالدنيا حنان
چان ابوها وچان اخوها وكلشي چان
هاي اول مرة يمشي بدونها
"""""""""
كل ابو لابنيّته خيمة وسند
وابو الزهرة والله ميعوضه احد
فاطمة شلونچ منو يگلها بعد
راح غاليها وسندها وعونها
"""""""""
بچت اهوايه باذنها من همس
رايح لوجه الله لتحزنين بس
انتي بنتي وانتي روحي والنفس
محنة شيّبت راسها وجفونها
""""""""
حچايه گلها اتبسمت ودمعت العين
امن اهلي انتي يمي اولهم تجين
وويه ابوچ ابنيتي باچر تلتقين
حچاية بچّه فاطمة مضمونها
""""""""
يساعد الله فاطمة بهذا الجره
وجه ابوها وضحكته تحت الثره
روحها طلعت بچي بالمگبره
الفرگة صعبة حگها لـتلومونها
"""""""
عينها عالباب تنتظره يعود
راح اعز انسان إلها بهالوجود
ولايام الحلوة ما ترجع اردود
راح طه وغاب عن عيونها
""""""""
الـمات ابوها بجيته تبقه حالمه
شگد صعب احساسها لـميتمه
مات طه مدري ماتت فاطمه
الموت ريته ايخيبلها ظنونها
"""""""""
هاي محنة تبدي من عدها المحن
وينكسر بالباب ضلع ام الحسن
وذبح ابو اليمه وخواته ينسبن
وتستمر ما لا نهاية شجونها
انيس الخفاجي الكربلائي
/channel/aabas78
قصائد لكل ايام محرم اشترك بالقناة
موشح للرسول الكريم (ص)
شلون حال الزهره هسه بيا وضع
عين عالوالد وأيد اعله الضلع
١
المصطفى بآخر نفس واتصد عليه
بالمدامع حايره ولزمت أديه
احجي يابويه تگله وترتجيه
حچه طه بصوت بس ماينسمع
٢
حچه طه وسكت واتعالت اصوات
ناده جبرائيل بين السماوات
الدنيه فالتحزن محمد رحل مات
ولازم الجثمان هسه ينرفع
٣
گبل ماينرفع جثمان الرسول
اتصور انته بيا وضع حال البتول
تبچی تنحب حايره الليله أشتگول
ساكته ومذهوله وتصب الدمع
٤
شمته بصدره وتحس ذابت الروح
حايره الزهره بدمعها والجروح
على الوالد تبچى بالمدمع تنوح
وروحها ذابت تحس مثل الشمع
٥
يمها حيدر عاش لحظات الحزن
اعز ناسه ايفارگ الليله ویون
يدري كلش صعبه ساعات الدفن
دفن روحه وحگه حيدر ينصدع
٦
حمل نعش المصطفى وبالگبر صار
نزله بأيده علي بحيره ومرار
من نظرله جنه مليانه خضار
وجه طه المصطفى نور ويشع
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
من بعد يوم السبي..نقيم ماأتم للنبي
يم ابو حسين..يم ابو حسين
&&&
للنجف جينه بعد ذيج المسيه
نقيم ماتم والدج ايا الزجيه
اربعينج كربله ليهسه بيه
دمعي ينزل عالنبي بدمعة رقيه
جيتكم احبي حبي.. نقيم ماأتم للنبي
يم ابو حسين..يم ابو حسين
&&&
دمع باقي بعيني من طف كربله
دموع خازن للنبي وي العايله
رجعت ويانه بحزنها القافله
للنبي تنصب عزاها بهل المله
تشوفها سود العبي.. نقيم ماأتم للنبي
يم ابو حسين..يم ابو حسين
&&&
يارسول الله اجينه وبينه روح
من مصاب حسين وليومك ننوح
للنجف جينه وبينه من الجروح
هوايه يامولاي من عطرك تفوح
انته ديني ومذهبي.. نقيم ماأتم للنبي
يم ابو حسين..يم ابو حسين
&&&
شكثر احزان بينه وبينه داي
للنبي تمشي بخطها وكل مناي
روحي ملهوفه وتنادي وعدها راي
يم علي الكرار ادريها شفاي
رغم جور الناصبي.. نقيم ماأتم للنبي
يم ابو حسين..يم ابو حسين
&&&
التعب هين علينه وكلشي راح
يوم نوكف تحت كبتك نستراح
يمك اتطيب العلل كل الجراح
ياابو الزهراء يالبيك السماح
اعرف انه مطلبي.. نقيم ماأتم للنبي
يم ابو حسين..يم ابو حسين
&&&
بالنجف ننصب عزاك وي السبيه
يانبي الرحمه العلينه ورحمه ليه
يارسول الله نعزي بهل االمسيه
نعزي ابو الحسنين ونعزي البقيه
نعزي كلمن عربي.. نقيم ماأتم للنبي
يم ابو حسين..يم ابو حسين
&&&
خادم اهل البيت
الحاج ابو علي السعيدي
/channel/aabas78
قصائد لكل ايام محرم اشترك بالقناة
