عهد الانصار
هاي رايـــــــه والضماير بيهــــــــــا — عفنــــه كلشي من اجل نحميها
روح دك صدرك الزينب وحجي بينه — كلها انصاري النشامه الوينـه وينه
عفنه كلشي من اجل نحميها
__
هاي رايه مأصله وعالي قدرها
عالـــم الذر افتخر بيها بخدرها
مانخلها اليـــوم محتاره بامرها
فدوه كل اعمارنه تروح العمرها
جينه كلنه نموت دون الرايــه — للشهاده بكـــل فخــــر شرايــــه
كربله اعله الكوفه نكلبها نوينه — كلها انصاري النشامه الوينه وينه
عفنه كلشي من اجل نحميها
__
سمعنه زينب كالـــوا تناشد علينــــه
تخاف لو صار الصبح نخلف حجينه
روح كلهـــــا للشهاده اليوم اجينــــــه
نموت لــو نرجع سوه الارض المدينه
كلها وقعولي العهد برواحهم — باجــــر تشوفيهـــم بمصباحهـــم
كلها واحدهم ترك اهله وبنينه — كلها انصاري النشامه الوينه وينه
عفنه كلشي من اجل نحميها
____
اذا خذلوها الـــــذي رسلوا كتبهم
كلها يحسين النشامه مــــو مثلهم
لجل خدرج عافوا الدنيه واهلهم
أحنــــه انصارك وكللها رزتهم
الكيت بيهـــم غيره ماموصوفه بحر واحدهم جمر بجروفه
يبو اليمه ولو بعد تنشد علينــه كلها انصاري النشامه الوينه وينه
عفنه كلشي من اجل نحميها
____
هيه ما مرتاحه زينب كل وكتها
كربله وهاي المأسي منين اجتها
جينه مـــن جينه يبو اليمه ابختها
بينه كـــــل الهمه هالحره حيتها
نكلب الدنيـــه ونهز اكوانها — ياهــــو يوصل زينب وديوانهــــا
كلها أحسبيهم اخوتج يالحنينه — كلها انصاري النشامه الوينه وينه
عفنه كلشي من اجل نحميها
__
يبو اليمه وباجر احنه النعتنيها
نخفض الهامات ونسلـــم عليها
للعقيلـــه انودع انقبــــل اديهــــا
نكلها أول هجمــه احنــه النبتديها
فضل منهـــا وماترده ارواحنه — ولا نرده مــــن نزيف اجراحنه
فضل ما ننساه لو احنه البدينه — كلها انصاري النشامه الوينه وينه
عفنه كلشي من اجل نحميها
____
كلهــا بس هليلــــه زينب تنتضرنــه
باجر بــــاب الخيــــم وتباوعنـــــــه
مثل اخوها الكمر نغضب لو زعلنـــه
كلهــا متحضرين للهجمه زلمنـــــــــه
كلها ليل وخالتنامه بجالنــه — يكشف المصباح عــن ارجالنه
رايتك ناخذهــا وترفر بدينه — كلها انصاري النشامه الوينه وينه
عفنه كلشي من اجل نحميها
___
الشاعر
السيد كريم دانه الاعرجي
/channel/aabas78
قصائد لكل ايام محرم اشترك بالقناة
نزله للانصار
سبعين بس مو سبعين
الموت هد اوياهم
*----------------------*---------------------*
جدامهم يركض موت
والصوت يسبك الصوت
للحرب هاليوم انفوت
بأرواحهم عاش الدين
رووه من ادماهم
سبعين بس مو سبعين
الموت هد اوياهم
*----------------------*-------------------*
فرضوعلى الجيش إنذار
العار رفضو العار
ثوار والله ثوار
صاحو فدا لجل حسين
واحسينهم حياهم
سبعين بس مو سبعين
الموت هد اوياهم
*----------------------*-------------------*
هوسو يم العباس
والعلم رفرف عالراس
وارتحز راعي النوماس
دون الحسين بهاليوم
اهجم واتحداهم
سبعين بس مو سبعين
الموت هد اوياهم
*---------------------*--------------------*
هوس حبيب وكبر
الجيش من عدهم فر
واضطرب كل العسكر
بسيوفهم كتبو دور
مخطوط من ادماهم
سبعين بس مو سبعين
الموت هد اوياهم
*--------------------*--------------------*
من نزلو اعله الميدان
واشتبكو ويه العدوان
بالعدى خلو نيشان
دب الرعب بأهل الشام
واحتارو ابملكاهم
سبعين بس مو سبعين
الموت هد اوياهم
*-------------------*--------------------*
الشاعر محمد النوري
/channel/aabas78
قصائد لكل ايام محرم اشترك بالقناة
هوّس حبيب وگال ذبّو العمايم
وصيحو بعلاة الصوت يم الهواشم
أنصار أنصار
ــــــــــــــــــــــــــــــــــــــ
صح احنه قله القليله
لاكن نعادل قبيله
كل زلمه واگف علم
الگابلنه نهجمله بيته
انجر الشمر من لحيته
وانذبحه ذبح الغنم
راس ابـراس .. والعباس .. نردمهم سويه
بشرو احسين .. يالسبعين .. متردنه الـمنيه
عمر ابن سعد اليوم خل شيله يلبس
لو اعمه لاهله ايروح لو يرجع اخرس
أنصار أنصار
ــــــــــــــــــــــــــــــــــــــ
امشونه نسعي بخيمهم
وانفرح الزهره امهم
احنه زلم كربله
موچف حسين النبوسه
انبوس التراب اليدوسه
خدامه واجنود إله
انهب اعصار .. عالكفار.. وانرجف الشوارب
حَر السيف .. يچوي الصيف .. وايسوي العجايب
بالغيره نگعناه سيف البدينه
باعوا اميه احسين واحنه اشترينه
أنصار انصار
ــــــــــــــــــــــــــــــــــــــ
عبدالله كلمن يمسه
شيله وعبايه نلبسه
وانرجعه لهله مره
رغم الذبول اعله شفته
هذا الطفل يم ضحكته
الورد لازم سره
ابهذا الليل .. يطلع هيل .. من كاروكه فايح
واشمحلاه .. جل الله .. السواله الملامح
من يرمش الگيعان تنگلب خضره
ابوجهه صلاة العيد والضحكه فطره
أنصار أنصار
ــــــــــــــــــــــــــــــــــــــ
لازم نطمن الاميره
انگللهه انتي الچبيره
يابت علي وفاطمه
شوفينه شنسوي باچر
باچر نثوّب مناحر
باچر نضحي الدمه
اتطيح ارگاب .. فوگ ارگاب .. لو مسّو عبايه
العلويات .. ذن آيات .. مايمشن سبايه
من رخصة العباس نعتذر منّه
حسبينه يالحوراء خوانچ احنه
أنصار أنصار
ــــــــــــــــــــــــــــــــــــــ
باچر نسوي العلينه
القاسم نزفه بدينه
وانسوي اكبر عرس
انهوسله هوسة شجاعه
هذا اللي يوصل شعاعه
من الأرض للشمس
ماكو ادموع .. بس اشموع .. باچر بس سعاده
يفتخرون .. زلم ام عون .. لو نال الشهاده
شيخ الكرم جسّام والطف مضيفه
عنده الحرب ديوان والدله سيفه
أنصار أنصار
ــــــــــــــــــــــــــــــــــــــ
للحومه طبو الاشاوس
جون وحبيب اوي عابس
عجبو حتى العجب
عالدرع لبسو گلبهم
ومن گد صلابة رگبهم
السيف منهم تعب
واليوفون .. يتعلگون .. رايات بمواكب
ربع احسين .. بالرجلين .. داسو عالشوارب
صاحو حلاة الموت لو عالعقيده
واليمس ثوب احسين نگطعله ايده
أنصار أنصار
محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
نزله
فوگ ظَهر كحيله للسّفر شـــد حيله
حَيَّ الله مُسلم
***
حَي ابن أشرف عشيره
مُسلم الماكو نظـــــيره بيده شــايل رايه
من ابن عمّــــه وإمامه
صاحب العز والشّهامه وابن أعظم آيه
صادقاً فيما يَقولـــــــــه
احياء دين الله ورسوله حسين رايد هايه
ودّعه ويدعيلــه للسّفر شد حيله
حَي الله مُسلم
***
بكل عزم وبكل بســـاله
ساعة الشّد برحالـــه و غايته المنشوده
المن أجلها حسين راده
وقلّده وســام السّياده وشـدّه بين زنوده
بهِمَّـه يگطع ديره ديره
مارجف گلبه بمسيره من گصدها بزوده
ما تأخّر لـــــيله للسّفر شد حيله
حَي الله مُسلم
***
مسابگ ويه الرّيح مُهره
گطع بيها دروب خطره ماتهاون ساعه
عاصمة حـــــيدر وصلها
وبيه دارت كل أهلـــها وبايعتله أشياعه
يبن عم حسين مَرحَب
تگوه ياسـيفه المجرّب وأعلنتله الطّاعه
لليضدك ويلـــه للسّفر شد حيله
حَي الله مُسلم
***
بس بعضـــها البايعتله
بيعه ســوده تريد قتله و المطامع دينها
اتطّيع بس الإلها يدفــع
للدراهُم هــــــيّه تركع گضت كل سنينها
ركض لبن زياد ركضت
بيعة البالأمس نقضت ما تشوف بعينها
بلا ورع تسعيله للسّفر شد حيله
***
ياسلام الله اعله طوعه
الطّيبه الحُرّه الخشوعه ياحـــلاة حروفها
ضحّت المُسلم بكل شي
بيه أبد مارضت توشي هالحقيقه نشوفها
ويّه هاني بكل صـــلابه
ناصرت شـــبل النّجابه ولا بخل معروفها
تشجعه وتحييله للسّفر شد حيله
حَي الله مُسلم
***
غُصن من بيت أبو طالب
صفوة العز و الغوالب للحرب سل سيفه
من علي ماخذ خصاله
وشمرته بساحة نزاله والمراجــــل كيفه
ترس گاع الكوفه منهُم
طبهُم وخورس لسنهُم و أخذ منهُم حيفه
بحيل حامي دخيله للسّفر شــــد حيله
حَي الله مُسلم
***
الشّاعر
أبو سجّاد الجعفري
/channel/aabas78
قصائد لكل ايام محرم اشترك بالقناة
مسلم شيخها وخيالها وصلها
شما مالت الكوفه يرد يعدلها
@@@@@@@@@@@@@@@@
شما مالت ودارت حول عليها
ذلها وفرت وعتها اوجر بيها
غار وكلب سافلها عله عاليها
ونكس روسها وشجعانهم شلها
@@@@@@@@@@@@@@@
جن حيدر النازل والزلم طرها
ضهضب والتوه وتاهت معابرها
عاد الخندق وصولات خيبرها
وذكرهم بقتال العرب كلها
@@@@@@@@@@@@@@@@
فراس وثكيل وياهو اليكدره
من اسياد العرب والموزمه بصدره
يافارس يلاكي ينكسر ضهره
وحالف عله الكوفه بصارمه يذلها
@@@@@@@@@@@@@@@
حدره تبريدت وختاض خالسها
وضاك الهوه وضكت ونخمد حسها
وكام يكطف الخيل وفوارسها
منه تراجفت وارخت فطاحلها
@@@@@@@@@@@@@@@
زمجر ورتعد وعليها ذب حيله
حيهم ولتوت من عزمه الكحيله
خيرهم نزع هدمه ولبس شيله
وداس حيودها وكص راس عايلها
@@@@@@@@@@@@@@@
#الخادم
#علي_جاسب_الموسوي
/channel/aabas78
قصائد لكل ايام محرم اشترك بالقناة
نزله
الى مسلم بن عقيل
راية حق وترف بالكوفه
مسلم كل يوم احنا نشوفه
رايات ترف بالحريه
تنادي بإسم الانسانيه
مسلم كل يوم يشع ضيه
ويرفع للاحرار اجفوفه
مسلم كل يوم احنا نشوفه
*----------------------*----------------------*
وسط الكوفه وصارت غاره
عدوانه اكباله ومحتاره
مسلم يرعبهم بتاره
من هاشم صوله ومعروفه
مسلم كل يوم احنا نشوفه
*--------------------*---------------------*
واكف وحده وكلها اتهابه
ماذل رغم الظلم الصابه
مسلم ثوره تضل لهابه
وحده وزارع بيهم خوفه
مسلم كل يوم احنا نشوفه
*---------------------*--------------------*
جم مسلم مر بينا وصرح
صوت الحق عالباطل يصدح
لو تتبع للحق لو ترزح
تحت الباطل تحمل خوفه
مسلم كل يوم احنا نشوفه
*---------------------*---------------------*
لاتتعجب من اخباره
لو كالو شحت أنصاره
بالواقع شفناها اسراره
دوم الناس الحق تعوفه
مسلم كل يوم احنا نشوفه
*----------------------*---------------------*
محمد دعبل النوري
/channel/aabas78
قصائد لكل ايام محرم اشترك بالقناة
محرم 1447ه-2025م
قصيدة الليله العاشره
توجهت زينب لخوها بليلة اوداع وحزن
گعدت گباله وتگله خويه يحسين وتون
خل اشوفك خل اشبگك خلي راسك بالحضن
انا اخافن خويه باچر ليلي من دونك يجن
آ يخويه آ يخويه
؛★★★★★★★★★★★★★★★★★
يگلها الحسين بعبرته وصوته بالهم مختنگ
خويه يا زينب اودعچ باچر احنه نفترگ
عينچ اعلى اطفالي خويه من المخيم يحترگ
وعينچ اعليهم يخويه بالحصن لا تنسحگ
ها يزينب ها يزينب
؛★★★★★★★★★★★★★★★★★
راحت العباس اخوها والدمع مثل المطر
ليلة وداع الحبايب ليلة الهم والسهر
هذي آخر ليله بيها تلتقي الشمس بگمر
زينب تودع گمرها وينكسر منها الظهر
آ يخويه آ يخويه
؛★★★★★★★★★★★★★★★★★
گلها ابو فاضل يزينب يالاعز من العمر
يالتربيت اعلى چفك يالحنينه من الزغر
خويه اودعچ بالسلامه وگلبي يلهب بيه جمر
سامحيني يالعزيزه لو بِدَر مني قصُر
ها يزينب ها يزينب
؛★★★★★★★★★★★★★★★★★
لطمت الراس العقيله وصاحت بذاك الفله
بگاعچ شضميتي اليه كربله يا كربله
چانو حيود العشيره وياهم انا مدلله
راح افارگهم واعيشن كل حياتي معلعله
يا غربتي يا غربتي
؛★★★★★★★★★★★★★★★★★
احس من هسه وحيده وماكو واحد من هلي
لا حُسَين ولا ابو فاضل لا القاسم لا علي
چني من هسه غريبه وبالمصايب ابتلي
چني من هسه سبيه وغربه تمشي بمحملي
يا غربتي يا غربتي
؛★★★★★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
#قصيدة للوداع
ــــــــــــــــــــــــــ
وداع وداع ليلة مصيبه
وداع وداع اه يالغريبه
بيمن تحشمين
مذبوح الاحسين
ـــــــــــــــــــــــ
يالضامه ادموعج ضخر ینفع بهالليلة الدمع
تدرين بس هالليلة الج هذا الشمل ما ينجمع
باجر يزينب يا كلب لمصابج الما ينفجع
تحشمين بالصارو جثث صوتج كبل ما ينسمع
يجيج يجيج ليل وظلامه
يجيج يجيج بس اليتامه
المن تتانين مذبوح الاحسين
ـــــــــــــــــــــــ
هاليلة عباس الوفي تشوفينه حارس خيمتج
باجر الراية اعلى النهر تكسر الخاطر غربتج
تركضين بالهيمه الظهر تركض الزهره لركضتج
بس الامجوياته الخيم عايش مصايب حيرتج
دموع دموع تنخه بكفليلج
دموع دموع ما خذته حيلج
حيلج بعد وين مذبوح الاحسين
ـــــــــــــــــــــــ
ساعات باقي اعلى الصبح حسرات كل لحظة تمر
عباس اشبعي ابشوفته باجر بعد ما كو بدر
الما شايفه اخيالج شمس تركضين بالهيمه الظهر
الكاسر كفاج ابكربله ايتام والحادي الشمر
بنات بنات مرعوبه باجر
بنات بنات مكسوره خاطر
للتل تركضين مذبوح الاحسين
ـــــــــــــــــــــــ
وجه الاحسين وهيبته يا زينب بعينج وطن
بس جسمه باجر عالرمل بسيوف ورماح انطعن
لا ماي عندج لا دمع واخيامج الما ينطفن
التمت مصايب كربله كله وعلى راسج صفن
ظلام ظلام غايب ضواجن
ظلام ظلام طايح لواجن
بعينج تشوفين مذبوح الاحسين
ـــــــــــــــــــــــ
عينج على الاكبر تصد والحزن بعيونج كثر
هذالعزيز ابن الاخو يمتاز نوره اعلى الكمر
باجر يجيبونه الج متكطع وصاير وذر
ظهرج مثل ظهر الابو من شافه مذبوح انكسر
اخوج اخوج من جاب الاكبر
اخوج اخوج كلبج تفطر
ساعه وتعرفين مذبوح الاحسين
ـــــــــــــــــــــــ
نعيم ابو باقر الساعدي
/channel/aabas78
قصائد لكل ايام محرم اشترك بالقناة
(#ليلة_وتعادل_عمر ) #محرم_1447
……………………………………………………………
ليله و اتعادل عمر .. ريت ما يطلع فجر
هسه خيمه اتحيط بيها اخواني
باجر ابيا هيمه يصفه امچاني
……………………………………………………………
يا صبح ظل لا تجينه
اضواك لا يطلع علينه
باچر انفارگ ولينه . وبعده أنتيه
ريت ليل العمر يبگه
و لا اشوفن سمه زرگه
باچر الحافر يسحگه . وصدره يمحيه
الليله اخر ليله وي اوجوه اهلنه
وباجر وياهم تره اتشيل المحنه
سبحه باجر تنگطع ياهو اليلمنه
رحمه باجر ما أكو . اليمي چتّال الأخو
شامت او وين اخوتج نشداني
باجر ابيا هيمه يصفه امچاني
……………………………………………………………
حسيني باجر يظل حاير
اوحيد و آلاف العساكر
ايدير عينه وماكو ناصر . و ظهره مكسور
وِحده وِحده ينادي أسمنه
براس كل وحده يحبنه
رايح وما يرجع النه . اينام منحور
ريت باجر لا يجي ولا شوف ظهره
اثنعش طبره الشمر يا وادم يطبره
امن الگفه وبهداي يتلذذ ابنحره
وجه ابن امي السمح . ذابل وفوگ الرمح
يظل يهتز لو شمر شتماني
باجر ابيا هيمه يصفه أمچاني
……………………………………………………………
باجر ابترس اذني أسمع
أه أظل من نحره تطلع
سحگ خيل ابصدره يطبع. احديد لسعات
ابلايه روح اتباوعلهن
اثگال و يغرس سحگهن
ايجيبن أگليبه ابرجلهن . ينبض آهات
حسين بالحومه الحوافر يطشرنه
جسم اخوي اوي التراب ايضيّعنه
ابكل شبر بالگاع توجد وذره منه
وخافن اسكينه تصد . صدر ابوها المنمرد
و مدري لرّ قيه اشيگول لساني
باجر ابيا هيمه يصفه امچاني
……………………………………………………………
طوّل ابوكتك يليلي
صبحك ايعذب دليلي
يموت خدري وي چفيلي . طولي ينشاف
كون وي عباس اموتن
عيوني هو وبي اشوفن
حرمه بعده وين اروحن . زرگه الاچتاف
باجر ايظل ع النهر و الروح يمه
اتگله گوم الزينبك و اظل تحشمه
على الخيمات المعسكر صار لمّه
أكعد و رد الخدر .. اعليها مد ايده الشمر
انعه خدري وهو هم ينعاني
باجر ابيا هيمه يصفه امچاني
……………………………………………………………
شكثر يا خيمه انا احبچ
من عطر عباس عطرچ
نارهم باچر تحرگچ . وحدرج اطفال
حايره ومن هسه اهمّن
لو وراي الخيل ركضن
اركض و خافن اطيحن . ابمد الاحبال
باجر ابثگل الجبال اعليه همّه
ضعن اطفال و حرم لازم ألمه
امن السياط وكلها تصرخ عمه عمه
ذيج مجروحة إذن .. وهاي مچويه و تون
ايصح عمه الجمر هل حرگاني
باجر ابيا هيمه يصفه امچاني
……………………………………………………………
ابليل باچر الله يعلم
ماكو خيمه او وين نلتم
هيمه محد بينه يهتم . فراشنه اتراب
باجر اليحرسنه چاتل
اعلينه حقد الدنيه شايل
نتجه صوب ابو فاضل . انودي العتاب
صبح حادي العشر ضيمه اشلون احمله
والشمر يندهني اطلعي وبيده حبله
وشدة الشدات يا صعدة الهزله
ويبتدي ضيم السبي . فره يبنات النبي
الما شتم امي ابحجر ضرباني
باجر ابيا هيمه يصفه أمچاني
……………………………………………………………
✍️ ( سيد خضر الزاملي )
/channel/aabas78
قصائد لكل ايام محرم اشترك بالقناة
آه............يليل العاشر
آه............يكسر الخاطر
==============================================================================
1️⃣
ليله وحده وراح أودع كل هلي وكل وناسي
المـوت عـطره شـما اشـمه يجرح بأحساسي
بالمـصـيبه الكلـب شـيب صـار ابيـض راسي
والـليالي ابـعيـني ظـلمـه و تخـنك بأنـفاسي
~~~
آه..............يدمعي الحاير
آه..............يكسر الخاطر
===========================
2️⃣
يا مـصايب مـن أعـدها اتفـسر ابمـوضوعي
باجــر الطـف الـمـنايـه اطـيـح كـل دمـوعي
والـزلم باجـر تـسافـر كـلـها تـطـفه شمـوعي
والـظهر طـايح اشـوفه من لزمت اضـلوعي
~~~
آه...............عيون اتساهر
آه...............يگسر الخاطر
===========================
3️⃣
ارد اكـحـل عـيـني بيـهم ما اغـمض عـيني
ابلـيله اوداع الـحبايب تـكضي كـل سنيني
الغالـي لو فارك اعيـوني ابـقى بيـن ونـيني
مـن المـصارع للمخـيم دمـعـة مـا تـكفـيتي
~~~
آه..............يگلبي الصابر
آه..............يكسر الخاطر
===========================
4️⃣
زينـب أوظهري تگـسر و امـشي ع العگازه
ولأبو فاضل مات حيلي وتبقى ظلت عازه
الگافـل ومـا اريد عـذره ولا أريد اعـجـازه
واخـو زينـب مـا يقـصر طـيبه مـا ينـجازه
~~~
آه..............اشوفه باجـر
آه..............يگسر الخاطر
===========================
5️⃣
حرمـه باجر بالحـرايب اركـض ابلا شوفي
وأعتني لحسين اشوفه ويمه يگـثر خوفي
يا جرح يحسين اضمد خويه زينب عوفي
بس جرح گـلبي يزينب يمه ظلي وطوفي
~~~
آه.............يرضه الحافر
آه.............يكسر الخاطر
===========================
6️⃣
كـلها تـصرخ ع السـبيه من الخـيم طلعوها
والخيـم فـوك اليتـامه ابلا رحـم حـرگـوها
وعـله الناكه تمـشي زينب وابد ما رحموها
وعـالعـبايه يـطيح دمهـا بالـحجـر يرمـوها
~~~
آه..............غريبه اتسافر
آه..............يكسر الخاطر
=======================================
محمد خشان ✍️.
=======================================
/channel/aabas78
قصائد لكل ايام محرم اشترك بالقناة
نزلة/ ليلة الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب
يهضم وكلش صعب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول
اول جروح الحرب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن
خَلّه دمعي دم يصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح
بسمه بعيون الغرب جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي
يعصر دموعي غصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل
علّتي بطول الدرب. جرح الوداع
اعظم جروح الگلب. جرح الوداع
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/aabas78
قصائد لكل ايام محرم اشترك بالقناة
قصيدة في مصاب عبدالله الرضيع لسان حال الرباب ...
ـــــــــــــــــــــــــــــــــــــــــــــــــــــ
ضاعت برَمية سَهَم يايُمّه أمنياتي
تاهَت الروح بحِلِم ويّاها ذكرياتي
مِـن رِحِــت يَغـالي
بس هضم صفالي
ـــــــــــــــــــــــــــــــــــــــــــــــــــــــــــ
تِــــدري يَبني تسعة أشهر آنه شِلتَك
يا الغذاءك من وريدي ضلوعي بيتك
وبشــــتياقي تنــطّرتهـا يبني طلتـك
وبكبُـــــرتي يَبـــني تَچوة منتظرتك
مثل ما داري الوَرد داريتك بحناني
ثغرك يناغي الأمل وعيونك الأماني
ســاهَرِت لَيـــــالي
بس هضم صفالي
ـــــــــــــــــــــــــــــــــــــــــــــــــــــــــــــــ
چنت أشوفك كل صباح وكل مسية
چنت أشـــيلن عمري لو شلتك بدية
ولو همــــــومي ٱلتَمّت ودارت عَلَية
كِلهِــــن يروحَــــــن إذا تنـــظر إلِيّـة
وجهك المنّه الگمر ماخذ يروحي نوره
بخَــــدّك يطِگ الوَرد مِتـــنوّع بعطوره
وأســرَح بخَـــيالي
بس هضم صفالي
ـــــــــــــــــــــــــــــــــــــــــــــــــــــ
زلمة تصبح چنت أنِطرك كل ثواني
تلِمني يُمّه بكُبري لو وَكتي رِمــاني
ويَمّــي تِحضَر يبني لو گرب أواني
أمنـــيات وتحـــمل اشكال المعاني
هالأماني ٱتبخّرت يبني بلَهَب مُصابك
من وصلنا لكربله لاحَت سُحُب غيابك
وروحَــة الغــوالي
بس هضم صُفالي
«««««»»»»»»««««»»««»»»»»»»»»»»
والله صعبة من أشوفك ظامي بالطّف
واليِحِــــملك يا رضــيعي ريجه أنشَف
لا تظـــــن يبــني الزمـن ويانه أنصَـف
حــــكمـة البـــاري بعــــباده هو ألطَف
مو سهل أتمايزك تذبل عطش خدودك
چنك تريد السفر وين أصبحت وعودك
رسـمك ٱعلـــــبالي
بس هضم صفالي .
«««««»»»»»»«««««»»»»««««»»»«««
ماكو أصعب من رضيع تشــوفه أمه
ظامي صابت نحره نبلة بلايه رحمة
يعينه الله الشــالك وبگلـيبه هضـمة
يرمــي دمــك للســما ونحـرك يشمه
حالتك أصعب على الوالد من المشعّب
والعطــش ومصــيبتك نار بدليله تلهب
تـدري بالجـــرالي
بس هضم صفالي
ـــــــــــــــــــــــــــــــــــــــــــــــــــــــــ
ما أريــدن عمــري عگــبك يا حبيبي
يبني يبني ومن حياتك شح نصيبي
حزنــي ما يــنفع ولا يـنفع نحـــيبي
بَـس غيــابك يشـعل بگلــبي لهـيبي
من أعاين عالمهد يطفح نزف جروحي
ثوبك أشتمه بقهر شيصــبّرچ يروحي
مهدك إنته خالــي
بس هضم صفالي .
ـــــــــــــــــــــــــــــــــــــــــــــــــــ
الأستاذ / ستار عذاب الحچامي
/channel/aabas78
قصائد لكل ايام محرم اشترك بالقناة
نام نام باجر وراك الذبح
نام نام وآنه وراي الجرح
اشهور عمرك موسنه// تنذبح بيدي يلظنه
نام نام نام نام
/////////////////////////////
اسم الله بس لا لا تفز ... نام نام ابراحتك
ساكت يبعد امك عجب ... هل سكته أبد مومالتك
من شفت كوه أتجر نفس ... هضمتني كلش حالتك
يايمه ميته آنه ردت ... ولا كبلي صارت ساعتك
وين وين رايح يبعد النظر
وين وين بلكت يحن النهر
وتشربه يمه بلهنه// تنذبح بيدي يلظنه
نام نام نام نام
///////////////////////////////
الكعده الاخيره بالحظن... والليله آخر ليله
آنه الوحيده العدها ابن ... مالحكت اتلوليله
اوليدي جان اول طفل... مو جفي رمح ايشيله
مو آنه ياوسفه صبح ... خيل العده اتناغيله
راح راح من ايدي يمه رحت
راح راح من عمرك انته اشفت
انهدم بيتي الي انبنه// تنذبح بيدي يلظنه
نام نام نام نام
//////////////////////////////
ام عبدالله جان اسمي وصرت... هسه الرباب اتسمه
مو خرزه ابني امن السهم ... خاطر نعرف انضمه
كل طفل ندري بهل عمر ... من الرضاعه انفطمه
بس ابني مفطوم ابسهم... والرجله واصل دمه
ليش ليش منه اشيريد السهم
ليش ليش بوليدي شو مارحم
ظهري اعلى فركاك انحنه// تنذبح بيدي يلظنه
نام نام نام نام
//////////////////////////////
باجر نساوين السلف ...كل وحده ابنها اوياها
وكل وحده تفرح بلظنه ... وانه بلا ظنواها
جلمة اليمه امن الولد ... جا تطلع اشمحلاها
واليمه واحلام العمر ... مني السهم باكاها
ساد ساد بيبانه ليش الفرح
ساد ساد ووليدي ليش انذبح
روحي اعلى فكده امدوهنه // تنذبح بيدي يلظنه
نام نام نام نام
/////////////////////////////
من شاله الحسين ومشه ... عبدالله صوبي ايباوع
سالم اوليدي ابلا جرح ... وحسيته جنه اينازع
ماادري نظرات الولد ... معناها نيته ايوادع
لو ادري ببني ينذبح ... باب الخيم ما طالع
مات مات عبدالله رمشت جفن
مات مات ضل خالي عكبه الحظن
هوه الفرح بس انفنه// تنذبح بيدي يلظنه
نام نام نام نام
///////////////////////////
تمت // مرتضى الرافضي
/channel/aabas78
قصائد لكل ايام محرم اشترك بالقناة
محرم 1447ه-2025م
عبدالله يبني الغالي فگدك كسر دلّالي
يمه يا نور عيوني
يمه بدونك خلوني
فگدك كسر دلّالي
؛★★★★★★★★★★★★★★★★★★
يمه يا عبدالله يا روحي وحياتي عايف امك للنحيب
انت عمري ولو متت يعني مماتي وانت للعله طبيب
اعتبرني ميته من بعدك يغاتي الموت من عندي قريب
مني مشيت الموتك وصار الرمح زاتوتك
يمه عگبك يولوني
يمه بدونك خلوني
فگدك كسر دلّالي
؛★★★★★★★★★★★★★★★★★★
بعمر ورده بعدك وخلصت ايامك يالچنت ليه ضوه
يوم يوم انتظر بيه تكبر احلامك وعودك اللين روه
چنت اتمنى اشوفك وي عمامك تگعد وياهم سوه
يالحطميت احلامي خليت گلبي ضامي
يبني بلياك شلوني
يمه بدونك خلّوني
فگدك كسر دلّالي
؛★★★★★★★★★★★★★★★★★★
آه يا فگد العزيز شگد مصيبه تحرگ بروحي حرگ
والحبيب يموت لو فارگ حبيبه لأن گلبه ما يدگ
صحت يا هالموت ابني ما تجيبه انا كل لحظه اختنگ
صار الدهر چتالك ماخذني كون ابدالك
ثكلى راح يسموني
يمه بدونك خلّوني
فگدك كسر دلّالي
؛★★★★★★★★★★★★★★★★★★
طير وترفرف چنت بالمهد يمي وحرمله بسهمه رماك
لا تظن يرتاح بعدك لحظه جسمي بالشمس اگعد وراك
دمك الطاح بذبحتك احس دمي كون ماخذني الخذاك
طاح بوريدك سهمك تمنيت ذابح امك
بموتك ردت يموتوني
يمه بدونك خلّوني
فگدك كسر دلّالي
؛★★★★★★★★★★★★★★★★★★
كسر ظهري فگدك وفگد الغوالي ما بقى عدنه سند
راسي چان وياكم اعله من العوالي فراگكم هد حيلي هد
رحت انتَ وراح ابوك الشغل بالي العمر ما اريده بعد
احنه وراكم ضعنه يمه ترى تسلبنه
بعدك ترضه يسلبوني
يمه بدونك خلّوني
فگدك كسر دلّالي
؛★★★★★★★★★★★★★★★★★★
آ شگد بعدك ييمه بروحي حسره وشعظم هالمعضله
اليفگد ابنه من وراه شيفيد عمره لو يموت افضل اله
انا كل لحظه اصيح ودمعي اهمره اوف منچ كربله
راح اظل كل ايامي بس صورتك گدامي
منك وسفه يحرموني
يمه بدونك خلّوني
فگدك كسر دلّالي
؛★★★★★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
(( أنصار أنصار ))
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أحـنــه جـيـنــه بـكــل عـزيـمــه لـكــربـلـــه ... يـا حُـسـيـن
وهــذا جـيــش أيــزيـــد والله أنــزلّـــزلـــــه ... يـا حُـسـيـن
أنـصــار للــديـــن لـبـــن سـيــــد الــمــلــــه ... يـا حُـسـيـن
للـمـــــوت ويّــــــاك – خــلـيــهـــــــم يــذبــحـــــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نـفــدي ألك والــديــــن هـــــاي أنـــحــــورنــــــه ... يـا حُـسـيـن
وكـربـلـــه تـشـهــــد يــبــن مــكــــه ومــنـــــــــه ... يـا حُـسـيـن
أشــحـــده جــيــش أيـــزيـــــد مــنــك لــو دنـــــه ... يـا حُـسـيـن
تـعـرفـنه الـسـيـوف – بـالـحـــومـــه يــشـــوفـــونّـــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عـابـس أو جـــون وزهــيــر أويــه حــبـيـــب ... يـا حُـسـيـن
نـكَـلـب الــحــومـــه عــلـيــهـــم يــا غــريـــب ... يـا حُـسـيـن
نـنـصــر الــزهـــره يـبــن طـــــه الـحــبــيــب ... يـا حُـسـيـن
عـشـاكَــة الـمــــوت – بـالـدنــيـــــــا يـــســـمــــــونّـــــه
أنـصــار أنـصــار – لـحــسـيــن ويــعــــرفـــونّــــــه
أحـنــه أنـصــار الـرســالـه الـبـلـطـفـــوف ... يـا حُـسـيـن
أنـكَـابـل بـنـحـر الـشـهــاده هــالألـــــــوف ... يـا حُـسـيـن
حـتـى لـــو نـتـــوذّر بـحــــد الـســيـــــوف ... يـا حُـسـيـن
بالـسـيـف يـحـسيـن – مـيــهــــــم لـــو يــــوذّرونّـــــــــه
أنـصــار أنـصــار – لـحــسـيــن ويــعــــرفـــونّــــــه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الـواحــــد بـمـيّـــه تــعـــادل ضــربـتـــــه ... يـا حُـسـيـن
نـقـســم بـحـامــي الـحـمـيّـه وطـبــرتــــه ... يـا حُـسـيـن
بـكــربـلـه الـيـدنــاك نــكَـطــع ركَـبــتـــــه ... يـا حُـسـيـن
فـرسـان هـالـجـيـش– فـنـهم لـو يــلاكَونّـه
أنـصــار أنـصـار – لـحـسـيــن ويــعـرفـونّـه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أيـخـلــد الـتــاريـــخ دمـنـــه أبــدفـتــــره ... يـا حُـسـيـن
وأحـنـه جـالـبـركـان نــار و مـسّــعـــــره ... يـا حُـسـيـن
أنـرجـع أعـلـه أيــزيـد بـالـطـف خـيـبــره ... يـا حُـسـيـن
تـفـجـرنه بـركـان – نـار ومـا يـــطــفــونّـــه
أنـصــار أنـصـار – لـحــسـيـن ويــعرفـونّــه
الشاعر السيد علاء الحيدري
/channel/aabas78
قصائد لكل ايام محرم اشترك بالقناة
#قصائد_الانصار_عليهم_السلام
ياهلا ياهلا حيو الانصار ياهلا ياهلا حيو الانصار
__***
يا هلا بأهل الشـــــهامه يا هــــلا بأهل العزم
للحسين اصحـــــــاب فزعــه ونعم والله زلم
سجلو اروع بـطوله يا هلا بأهـــــل الـــّـشيم
ليث واحدهم نشـــوفـه ياهو من سيفه سلم
ذوله الانـــصار النـشامه
دمهم اتحــــــول علامه
يا هلا بأهــــــل الكرامه
ياهلا ياهلا حيو الانصار ياهلا ياهلا حيو الانصار
_***
زلم لو دگت رجلهـا تگـــلب الحـــــــومه گلب
نار واليگـــــــرب سناهـا ينــچوي بذاك اللهب
ياهلا ابزلم النـوايب غيضـــــــهم والله عجب
واحد يســولف للأخر قبـلـــك الحــومه اطب
منافس وصعدت هممهم
من ابوفاضـــــل عزمهـم
بالحـــــرب شدو حزمهم
ياهلا ياهلا حيو الانصار ياهلا ياهلا حيو الانصار
_***
عالمراجل يالــتســولف اقـره عنـهم واتعــض
ركضو اعله الموت ركضه وبدو بطـي الارض
حسين گلوله اعله امرك سيدي وصـلو فرض
عرگت اگصصهم شهامه وعـرج للغيَـره نبض
الواحد وسبعـين غيـــره
ذولـه همـــكــتهم چبيره
شيخهـــــم بدر العشيره
ياهلا ياهلا حيو الانصار ياهلا ياهلا حيو الانصار
___***
واحد وســــبعين گالو تامـر الـــحـره امـــــر
للخيم حــــراس نبقه وياهو بخـــــيمها يـمر
انصار الحسين الغيارى انطـــو لزينب العـمر
فزعو اعله الموت فزعه وشدو الـظهر بظـهر
للخـــيم حــــراس گالو
يا لثار حســــين صاحو
بالطفـــوف الشرف نالو
ياهلا ياهلا حيو الانصار ياهلا ياهلا حيو الانصار
__***
غيره تدفع غيره طلعو واختنگ حتى الهوى
اشوارب الانصار رفت وانگلــب طف نينوى
حشد صــارو للشــفيه وگالو المـــوته سـوى
نورهم ميحجبـه سيف ويا هلا بهذا الضوى
نورهم ما بــين اديهم
شكــــــــر الله سعيهم
قسمو لنــصرت وليهم
ياهلا ياهلا حيو الانصار ياهلا ياهلا حيو الانصار
__***
تمت بحمد الله وتوفيقه:الخادم المقصر ناجي ابو كيان الصالحي ونسألكم الدعاء لي ولوالدي
/channel/aabas78
قصائد لكل ايام محرم اشترك بالقناة
نزله. مسلم ابن عقيل
قصه الاهيه... بسمك وقف هيه... هاي السفاره
كلها راحت وانت خالد..... گبتك اعظم دليل
والعطش صار بحضرتك....ماي يتوزع سبيل
ياسفير حسين انت......من صنعت المسحيل
جوه رجلك كل قصرهم...صار مكسور وذليل
واليوصل الكوفه. بعيني يجي يشوفه
.قصر الاماره ......... هاي السفاره
**
صرت باالكوفه انت معلم...شامخ بكل العصور
وچي امان الله بحضرتك......بيها ترتاح الطيور
والهوى يمر اعله صحنك.....خاطر يخلي عطور
براحه نفسيه عجيبه..............يشعر الرايد يزور
عطر الامامه أنت.....كل المجد نلته...
..بزود وجداره ......هاي السفاره
**
ألف عام عليك وأكثر....وانت قرآن الخلود
بحر.ياالكلك معاجز... شما خذو منك تزود
مرتبط هذا وجودك.......سيدي بكل الوجود
من اخر الدنيا تجيلك.........كلها زوار اوفود
قائد وابن قائده....رف بيرغ الساده...
فوگ المناره......هاي السفاره
**
العنده شده ويعتنيلك......يمك يفل الشداد
ماكو مؤمن عنده حاجه...ومااخذ منك مراد
دار كل واحد يضدك...... راحت وصارت رماد
كل مجاهد راعي مبدأ......انت علمته الجهاد
كلمن نوه الثوره.....عندك اخذ دوره...
وحدد مساره......هاي السفاره
**
الشمس مايخفي ضواهه...شما كبر حجم الغيوم
الباطل اشما طال حبله...فترى يبقى وما يدوم
وكل خفافيش.السياسه ... تطيح ماتگدر تحوم
وانت الك هاي المناير.......تسجد عليها النجوم
كل نجمه تهواهه....وتصلي فوگاهه..
وتقره الزياره.......هاي السفاره
الشاعر سعد العبودي
/channel/aabas78
قصائد لكل ايام محرم اشترك بالقناة
نزال لمسلم ابن عقيل ع… محرم 1447 هـ
اليوم صاير زلزال بالكوفه
ــ⊱☆☆❀☆☆⊰ــ
الجيش حفنه ارماد صار وذره مسـلم بالهوه
ومن حرارة غضب گلبه الواگف بصفه انچوة
شـاد بالعبــــاس حيــــله لمــن اعليـــهم نوه
نشـــمي مثل الجبـــــل ثابت لا اهتز ولاهوه
حتى اليخزره ايموت من خوفه
اليوم صـــــــــاير زلزال بالكوفه
ــ⊱☆☆❀☆☆⊰ــ
ازغار وكبار اتراكض مــن عله صـوته ورعد
نفخت اســــرافيل ضـنو وقترب يوم الوعد
على اصدور الزلم وحده اتربع اليوم وگعد
وساحگ اخشوم الرجال الما التزمت بالعهد
اگباله كل نيه اليوم مكشوفه
اليوم صـــــــاير زلزال بالكوفه
ــ⊱☆☆❀☆☆⊰ــ
من توســـط بالمعاره ابين كل ذاك الجمع
بس صليل السيفه تسمع صوتهم ماينسمع
اتراصفـــــــت يمه الرگاب وگال لاز تنگــطع
ايچيل بالميزان سيفه بروسهم من تنجمـع
عنده صولات اكبار معروفه
اليوم صـــاير زلزال بالكوفه
ــ⊱☆☆❀☆☆⊰ــ
هيبة القران عنــده وتعجـــز اتوصــفه الكتب
مــن كثر خوف ال آميـــه ابجيلهم ورث رعب
اشما ازدادو زاد عزمـــه محــزم اعليهم يطب
اشتد وطيس الحرب يمه ساعه والكون انگلب
الگابله ايشوف الموت ويشوفه
اليوم صـــــــــــاير زلزال بالكوفه
ــ⊱☆☆❀☆☆⊰ــ
سعف وتهزه الرياح اتگوم وطيــــح الزلم
اتصيح من شدة رعبها هـذا واقع لوحلم
وحده والعدوان كثره وبيهم ايطش ويلم
ثلمت الحايط اليوم الجيش اصـبح منثلم
وصفت يمه الفرسان مچتوفه
اليوم صــــــــاير زلزال بالكوفه
ــ⊱☆☆❀☆☆⊰ــ
✍الخادم
كامل السعيدي
/channel/aabas78
قصائد لكل ايام محرم اشترك بالقناة
يمسلم ياهيبه..ويشيخ المرجله
يسلطان الكوفه..وتحبك كربله
...
انته بجداره
نلت الصداره
من طولك اكصر
قصر الاماره
تملك ثقافه
وكشخه وقيافه
أنته الحقيقه
وكلهم خرافه
ياترف مثل الهوه..بالنزاكه أنته الضوه
ياخشن بالحومه
المو ثكيل اوموشهم..طبعا ابسوك الزلم
بالرخيص انسومه
يمسلم وافعالك..تضل امعدله
يسلطان الكوفه..وتحبك كربله
...
وجهك سماوي
بالكوفه ضاوي
سيفك الهي
تمحيهه ناوي
وحدك تقاتل
عندك تفائل
الله ينصرك
يابوالمراجل
يابو سيف الصاعقه.. خايف العسكر بقه
يرجف أمن اخياله
يالبعتهم بالرخص ..كامت بسيفك تغص
الخيل والخياله
يشراي الغيره..هله بزودك هله
يسلطان الكوفه..وتحبك كربله
...
حرب الشوارع
بيهه أنته بارع
افضح خمرهم
يبن الجوامع
صارت قضيتك
شيبه بلحيتك
أنته الحسيني
والحب هويتك
امرايه أنته ابنص عمي.. ياسبع يالهاشمي
هلهلتلك طوعه
ذوله أشباه الزلم.. من خزرتك تنهزم
شارده ومفزوعه
فقط بس بتارك..يحل المسأله
يسلطان الكوفه ..وتحبك كربله
...
سيفك قيامه
عالي مقامه
لمن ترفعه
اتلوح الحمامه
من حيدر أنته
صيتك أخذته
قصر الاماره
ابجدمك سحكته
خطه سوي بالحرب.. تكلب الكوفه كلب
والنصر فك بابه
البس الثام الولي..خل يحسبونك علي
وانته من طلابه
علي أنته الثاني...وكأنك زلزله
يسلطان الكوفه.. وتحبك كربله
....
بالكوفه وادم
للذل تسالم
باعو عقيده
بحفنة دراهم
يعدي مرضهم
واضح غرضهم
والحمدُ لله
سيفهك قرضهم
ذوله ما إلهم دوه..وين مامال الهوه..
يابو طاهر مالو
كالنعاج اتصفطو..ورطه والله اتورطو
اليوم بيمن عالو
التلوحه ابسطراتك.. تجمد هيكله
يسلطان الكوفه..وتحبك كربله
...
دين الخليفه
نفس السقيفه
من الثلاثه
نال الوضيفه
الدين السياسي
همه الأساسي
يقتل أئمه
لاجل الكراسي
وانته ماجاي الحكم.. رايد اتبين ضلم
كل بني سفيانهه
يالصرت كبش الفده.. طوعه هيه الشاهده
عن غدر كوفانهه
فزت يامولانه..برفيع المنزله
يسلطان الكوفه.. وتحبك كربله
محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
تم نشر 200 قصيده 👆👆 العشره الاولى من الهلال للعاشر حسب الترتيب
ومن اليوم سوف انشر لكم لك يوم حسب اليالي شارك الرابط لتعم الفائدة 👇👇👇
/channel/aabas78
ليلة العاشر
بالعاشر و لاهلا. وكل جرح من كربله
من يطر فجر الذبح. شيصير بالعايله
……
ليل العاشر التمت. عيال حسين بالخيمه
صار وداع مثل الموت. كلمن سولف بضيمه
حمره من العطش كل عين. والعيله بوسط هيمه
ظل الامل بالعباس. وجوده الله اليديمه
امنيه عندي. وادعي طول الليل
صدره الحنيّن. ماتدوسه الخيل
ولساني بسمه لهج. كون الله باجر فرج
لو خضبو شيبته. شيصير بالعايله
……..
ساعه ولن اجه العباس. يشبع شوف بحسينه
ضمه حسين لحضانه. وصار يقبله من عينه
ساعه يناغي عبد الله. وساعه يصبر سكينه
الماي الماي كلهه تصيح. يابالفضل حاچينه
تحسر العباس. واجره دمع العين
ادللن ناده. يابنات حسين
اذاه طاري الضمه. ظل فكره يم صارمه
لو ما يموت العطش. شيصير بالعايله
……..
صاح حسين يا زينب. باجر لو خلص عمري
واطيح من المهر للكاع. ودمي اعله الارض يجري
ماوصيج بعيالي. يختي وياستر خدري
امانه اطفالي ياخويه. انتي الكافله ادري
صيحي يابويه. خويه لتصيحين
طايح العباس. ولايرد حسين
وخيامي باجر جمر. وعيالي لمن تفر
ولوحدج بلا اخو. شيصير بالعايله
…….
شفت كبال المخيم. شوك وشف خويه حجار
امشينه نلمهن كون. يابت حيدر الكرار
ترفه اجدام اطفالي. وماتحمل يخويه زغار
كلهم باجر يفرون. لو شبت خيمنه بنار
شتحمل رقيه. مدلله هوايه
الله اليعينج. بطيحة الراية
لو صاح اذان الظهر. مايبقه عندج خدر
ولو هجمو اعله الخيم. شيصير بالعايله
……..
من خلص موادعنه. لمحرابه تعنه حسين
يدعي بالقنوت هواي. والدمعه اعله طرف العين
ربي احفظ عيالي. غيرك مايظل معين
صار الموت الي راحه. ويمك راحة الطيبين
صحت يابويه. ياعلي حيلك
حاضر الشدات. باجر دخيلك
اذن حسين الفجر. وانه ادعي ربي الصبر
لو فاركت هالوجه. شيصير بالعايله
…….
نسألكم الدعاء
حسين صادق العقابي
جديد_محرم_الحرام_١٤٤٧هـ
/channel/aabas78
قصائد لكل ايام محرم اشترك بالقناة
ليل العاشر شــــوف أحبابك
****
هاي أحبابك أهـــــــــل الغيره
محضريــــــــن الهام التطبيره
ولو سمْــــــــعَـــوْ باجر تكبيره
تدمــــي الهام بذكرى مصابك
*
كل واحـــــــد حضّرلك روحه
ولجلك كــــــل همّه وكل نوحه
عينه ليــــم طـــــفّـــك مشبوحه
يتمنّه حاضــــــــــــــر بأطنابك
*
الحاضر بأكفان وثـــوب أبيض
كلبه بحروف أسمــــــك ينبض
ويرفض للعــــــــاداكم يرفض
ويتمنّه أتعده مــــــن أصحابك
**
الطبّر راســـــــــه بيوم العاشر
يتمنّه وي أنصــــارك حــاضر
يفدي الــــروح ويصبح ناصر
وشيبه يخضبه كبل خضابك
***
العـــــاده التطبير أحنه نضدّه
منريــــــــده ولا نحضر عنده
وندعيله الجبـــــــــــار يرشده
ويتمعـــــــن بالصار وصابك
****
واجب عــــــدنه هاي القامه
والمسها ناقـــــــص أسلامه
ومــــا يعرف دينه وأحكامه
ومـــا قدّر يحسين صوابك
**
مـــــا يمنعنه واحـــــــد حاسد
وأنطبر رغــــــــم أنف الحاقد
الله علينه هـــــــــــــوّ الشاهد
دمنــــــــــه نسيله يم أعتابك
****
يـــــا رب بحسين وأصحابه
فرّج عـــــــن المهدي غيابه
بلهفـــــــــــــه تتنطّر أحبابه
وتدعيله هـــــــل ليله أبابك
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
بأهاتي كسر الخاطر
يذبحني ليل العاشر
انت ابروحي
هاي اجروحي..............انه ام البنين
***
ما حسبت تالي العمر ...وجروحي تاكل بيه
شيبني دهري من وكت....وخلاني اون ليليه
الفاگد اعزاز الكلب.......اشتم هوه بلا ريه
خلصته عمري بالبچي......وبين سماره عليه
يا ليلي تشهد نوحي
وبروحي عشت اجروحي
عشت الحاله
هاي اطفاله............انه ام البنين
***
متعويده اگبالي الگمر.....اصحه واشوفه اگبالي
تالي الوكت بيه اشعمل.....خلاني وحدي بحالي
والحسره ميته بلا شمل....والبيت اصبح خالي
ياوكتي ماترجع بعد...........بس ألتقي بالغالي
اشكد حلوه لو حضروني
اشبعهه شووف اعيوني
شگد مشتاگه
بس املاگه .............انه ام البنين
***
مكسورة الخاطر اظل...بالحسره يحچي احساسي
شمس الله انت ودنيتي....محبوبي تاج ابراسي
ياموطن احزان السمه......مخنوگه ليش انفاسي
عندي النذر اربع ولد.......هامه ويه چف عباسي
مايسوه عمري ابدونك
يوليدي صحت اشلونك
ميته ابدونك
يمه اشلونك...............انه ام البنين
***
اخر محطه ابدنيتي......وين اليغمض اعيوني
لا كافل الحره وصل......يمي ويشوف شلوني
والوحشه صليت القهر.....بالدمعه تهوه اجفوني
بداري المنيه استوطنت.....منتظره بس يلفوني
منتظره جيت الغالي
اگعد واشوفه اگبالي
احسب طيفي
شوگي وضيفي...........انه ام البنين
***
ياحيره شمعاتي انطفن......راحت عذاب اسنيني
محنيه وتلفت صرت......بلگت اشوفه ابعيني
گدامه اذبحله نهر........بس كون يروه احسيني
انتظره لو مات النبض......يمسح بيدينه اجبيني
ملهوفه اشگد منتظره
يرجع الي أبن الزهره
كون الغالي
هسه اگبالي ...........انه ام البنين
***
تذبحني كلمة ما اجو.......راح العزيز ابدنيتي
چان انتظاره اشكد صعب.مخنوگه وانه بغربتي
چم حافر بصدرك گعد......ياويلي يذبح مهجتي
يحسين چم مره طحت......بالونه تشهد حسرتي
ياروحي صعبه اشواگه
ابدموعي اشكد مشتاگه
وين اوليدي
اصفج بيدي................انه ام البنين
***
تمت بعون الله
خادمكم........ يوسف الفتلاوي
/channel/aabas78
قصائد لكل ايام محرم اشترك بالقناة
نزال ليلة الوداع
.
.
.
وداعك موســهل خوية .. وداعك يهـدم الدلال
اخلافك ســــالفة زينب .. يبو السجاد ماتـنگال
***
اليسولف خوية بـوداعك .. كون انـــسان بي قوه
وقوية اختك لچن تدري .. يكسرها حچي الخـوه
انـــــه بحـاجة مروتــك .. اخلافك ما اكو مـــروه
من گتلي وداعك حل
بديت الواقعـه اتخيل
وچني واگـــفه عالتل
اصيحن لو عدل يحسين .. الحگ هجمت الانذال
***
گول بخاطــرك شـيـدور .. بــس الفرگه خليــها
العشـــره البــينك وبيني .. صدگ هالليله تاليها
من يوم اهدعش زينب .. الوادم خويه تسـبيها
من هالليله مسبـــيه
واحس الحبل بيديه
وكـــلها تأشــر اعليه
هاي اخت الكمر عباس .. المحد شايف الها خيال
***
مودع بالله ياخـويه .. يمـن ناوي الهجر باچر
الراح ايصير ادريـــبه .. لا صـــايـر ولا دايـــر
أشبگني على صـدرك .. گبل ميشبگك الحافر
يروح اختك يبعـد الـحيل
يخويه انه اوله من الخيل
انه ويـــــاك بــس هـالليل
باچر عالـــتراب انـــته .. وانه محـــيره بعيال
***
گلي ومااريد هواي .. هـــيه خويـــه بــس كلمه
باچر گلي يازينب .. باقـــي ويـــاچ أبو الــــيمه
تره امن تروح ظعن اختك .. خـــويه محد يلمه
مثل جسمك يبو الأكبر
يخويه ضعني يتطـشر
شوف شكـبره هذا البر
من تشرد من الغاره .. يخويه شيجمع الأطفال
***
حزن ســـالوفت وداعــــك .. يخـــويه بگد جبل حمرين
الهجــــرك يالاخو ينـــراد .. مـــو مــــالت گــلب وثنين
صدگ هاي اخر الساعات..صدگ خويه نگضت يحسين
كلشي يهــون اله انـته
وداعك كلفـه ســـالفته
هذا اصعب مسه شفته
مثله مايصـــير وصـــار .. ولا مايخـــــطر اعــــله البال
***
باچـــر من تـــروح انته .. ويرد النه المهر خالي
حالي شلون راح يصــير .. عگبك يالاخو حالي
من هســـــه يبو اليمـــه .. اخــــذ ويـــاك دلالي
يشهگه وتــكتل الشــهگه
يــمن بحساسك مغـــرگه
الگلــب مابي على الفرگه
بدونك گلبي ياخويه .. ترس متروس خويه اهوال
***
حيدر تركي الكربلائي
/channel/aabas78
قصائد لكل ايام محرم اشترك بالقناة
#قصيدة ليلة الوداع
ــــــــــــــــــــــ
الليلة اخر ليلة
والحزن شد حيله
باجر يجي ليل اهدعش
نار ورعب ظلمه وعطش
والحزن شد حيله
ـــــــــــــــــــــ
بهدوة اليل وسكونه اتمر صور سوده اعلى بالي
قنعت روحي بصبرها وشبت النار بخيالي
كلبي يجفل واليصبره من اشوفن عندي والي
وانظر لراية كفليلي البيها خدري وراسي عالي
النار تدوي بروحي
وي نزيف جروحي
كل ساعه احس كلبي انخمش
نار ورعب ظلمه وعطش
والحزن شد حيله
ـــــــــــــــ
اعيوني مشغوله بوداعي وخلصت الساعة الكصيره
وي حبيبي احسين اضنها الليلة ياروحي الاخيره
سهم الافراك الرماني يلجم اجروحي الجبيره
مرت اكبالي المصايب وحيرتي الما منها حيره
كمت اشوف اكبالي
شلون الم باطفالي
قبل الفجر حزني غبش
نار ورعب ظلمه وعطش
والحزن شد حيله
ـــــــــــــــ
قنعت روحي بصبرها ونار الاخيام بخيالي
كلبي يجفل واليصبره من اشوفن عندي والي
وانظر لراية كفليلي البيها خدري وراسي عالي
ساعه اسولف ساعه اصفن والحزن صار اعلى بالي
للفجر سهرانه
مدوهنه وحيرانه
من حيرتي كلبي اندهش
نار ورعب ظلمه وعطش
والحزن شد حيله
ـــــــــــــــ
خلصت الليلة وغزتني همومي نبلات الخواطر
الدنيا كلها بعيني سوده كل مصيبة بكلبي عاشر
واسمع اظلوع الزجية اتكسرت تحت الحوافر
للشريعه روحي راحت جف كفليلي الظهري كاسر
وي لهيب اخيامي
كلب اخوي الضامي
جسمه التحت خيل انفرش
نار ورعب ظلمه وعطش
والحزن شد حيله
ـــــــــــــــ
انه واجروحي ودمعتي بالمصايب كلبي ذايب
ذاك جسم حسين عاري يجري دمه اعلى الترايب
مدري اطفي النار بيدي وفرهدت بينه الكتايب
كمت احشم يا ابو فاضل وين عني اليوم غايب
يا كلب حاجيني وينه عطر حسيني
جسمه ولا شاله النعش
نار ورعب ظلمه وعطش
والحزن شد حيله
ـــــــــــــــ
الشفته بالطف من مصيبه ما شفتها بكل حياتي
دنيا مغرب وانه وحدي بكربله تاهن بناتي
تالي عمري وظهري محني ولامه ايتام بعباتي
كمت اصيحن يمه وينج عاونيني بنايباتي
يمه اصيحن وينج
هذا نحر حسينج
صيت الحزن بجروحي طش
نار ورعب ظلمه وعطش
والحزن شد حيله
ـــــــــــــــــــــــ
نعيم ابو باقر الساعدي
/channel/aabas78
قصائد لكل ايام محرم اشترك بالقناة
كون اوليدي شارب ماي امهنّه بنومته امهنه
حدر اعبايتك خليـــــه حرام اعليه اگعدنه
عن لايفز عينك ليــــــــــــه
اسم الله من السهام اعليه
ــــــــــــــــــــ ــــــــــــــــــــ
يحسين انا ام اوحيــــــــد
واغله امن النفس عندي
يتلــــــوه العطش خــــلاه
وانا العطش فت جبدي
موش اعليّه اخاف اعليه
وهذا اويه الصبر حدي
بلسانه يلوچ ابنــي
فرحة عمري تعبني
حتى بعيني ماكو ادموع
جا من دمعي اشربنه
ــــــــــــــــــــ ــــــــــــــــــــ
طاح امن المهد للگــــاع
يسمعك تطلب الناصر
شِم عبد الله بلكي ينام
ثالث يوم اله مساهر
يفاگد اكبــــــر وعباس
مثلك ماشفت صابر
گلهم ذبلت اعيونــــــــــه
بلكي العده يرحمونـــــــه
الغيرك والله ماانطيــــــه
بس شفته ثگل ونّــــــــه
ــــــــــــــــــــ ــــــــــــــــــــ
انت اتوصّي ماوصّيــك
بس ام انا تعذرني
اشوفنها عطش واسهام
كلها تريد ذبح ابني
بيدي اوليدي راح يموت
دلني براي صبرنــي
شتظن لو خذيته الهم
مايكســــر خواطرهم
ولَو همه اذبحو جسام
مامنهم بعد ظنـــــــــه
ــــــــــــــــــــ ــــــــــــــــــــ
گلبي اويه ابني بيدك راح
ونسّاني الضمه افراگه
عله هالوگفه رحت وجيت
گد ما لبني مشتــــاگه
ياهو المثلي موش اضمــاه
الشوگ اميبس ارياگه
صحت ابجيّتك لينـــه
تلگي احبابي يسكينه
گلت مايرغب الكاروك
الليله بحضني انومنه
ــــــــــــــــــــ ــــــــــــــــــــ
تدري بشوگي لبني ونار
فرگاه ماطفت بيّه
الخيمت زينب تعنيـــت
ليش حسين مو ليّه
عبد الله سكت تعبــان
ها لو شارب اميه
حــدر اعبايتــــك خَلّه
بس خلينــــي اصدنلّه
دم خر من عباتك حار
منك هذا لو منّــــــــــه
ــــــــــــــــــــ ــــــــــــــــــــ
امگمط من خذيته وليش
تتلولح اشوف ايـــده
وين اوريـــده اشمه احاه
شجاب النبله لوريـــده
حرت وصحت شيســـوي
حسين الذبحو اوليده
البجي واللطم مايكفي
برد حضنـي برد چتفي
ضم ابني بمجان ابعيد
الحوافر لايسحگنــــــه
ــــــــــــــــــــ ــــــــــــــــــــ
علي محسن الزيادي
/channel/aabas78
قصائد لكل ايام محرم اشترك بالقناةج
الرضيع
طولك مهد مو مال شوغة منيه
بين السهام اتنام مو بين اديه
ماتعرف اتگول
چلمة دللول
مو بين اديه
++++++++
سامحني موبيدي العطش
جف اللبن من صدري
لو ينفع ويروي الضمه
چا گطرتلك عمري
ماسامعه قبلك طفل
بگماطه وادما تجري
يالطولك ابعمر الورد اشماله السهم مايدري
منتظره يم الباب واسأل سكينه
گالتلي رد حسين وطفله اعله ادينه
وگماطه محلول
وچلمة دللول
مو بين اديه
+++++++++
عبد الله گلب امك عِلم
أول طلعتك مني
ودعتك وطاح الگلب كل خطوه تبعد عني
صحتك تجي لو ماتجي
مهدك يون الوني
بيهن انشف دمعتي
نگعت اهدومك ذني
من الزمت لحجاب ساعة.وداعك
هاي العلامه البيك توحي بضياعك
والساني مشلول
وچلمة دللول
مو بين اديه
++++++
گالو رجع يمكن روه وحسين شايل طفله
بس مو مثل مشيه قبل مگلوب لونه وشكله
يم خيمة الحره عثر والباب مايندله
عن الشمس غطه الولد
لو يخفي عني النبله
صاح اعله زينب ليش مو آنه امك
ما ادري ليش حسين عني يضمك
معقوله مكتول
وچلمة دللول
مو بين اديه
++++++++
يوليدي لمّك ماصحت لو گطع صوتك سهمك
اشحاچيت ابوك اخر نفس لمن شبگته وظمك
اشفافه حمر منها اعرفت عودك ابنحرك شمك
راوني چفه واعرفت تارسله چف من دمك
ضليت اشم لثياب عطرك لگيته
گتله ابني وين وگال عنچ خفيته
ضل ونّته اتطول
وچلمة دللول
مو بين اديه
++++++++
حار الرمل وانت ترف عبد الله هسه شلونك
من الدللو والمهد ماشابعات اعيونك
هسه انته مييت منفطم ما ادري شيسمونك
يحرم عليّه كل سگف اگعد ابفيّه ابدونك
خلف الخيم مدفون وحرگو خيامي
خوفي الجمر هم لاح جسمك يضامي
ياهوه مسؤل
وچلمة دللول
مو بين اديه
++++++++
باجر اصير اعله الهزل وراسك ابرمحه اگبالي
مذبوح واعليه تحن الچفي تصد يالغالي
بمچانك بچفي حبل حالك يحن الحالي
واعيونك اتسولف الم تنظر الحضني الخالي
لمّن يجيني الليل وتنام الاعيون
بس عيني ما ترتاح واتغمض شلون
والداير الحول
چلمة.دللول
مو بين اديه
الشاعر ثائر الربيعي
/channel/aabas78
قصائد لكل ايام محرم اشترك بالقناة
اخر دللول....احچيها يمك
اخر دللول....يسمعها مهدك
رايح للتراب. يااغلا الاحباب.
**
يعبدالله دلولك. اخر مره احچيها
يمه خلافك الايام. گلي شلون اگضيها
اعاين رگبتك يبني..... مكسور السهم بيها
هليله الحزن والهم........ امك خيم عليها
عبدالله اناديك........وانظر وريدك
والنبله تاذيك.... لازمها بيدك
ياذيني الاصواب.....يااغلا الاحباب
**
ماعندي ولد غيرك.....واگول أنساك وتصبر
چنت يوميه احسبلك.. وافرح لو شهر تكبر
لو ترجعلي كل دنياي ...لجلك مستعده أسهر
اعدل رگبتك بيدي..........وما يتعدل المنحر
عميانه العيون. فگدت ضواهه
امك تريد تريد. .. منك رباهه
كافي من الغياب. يااغلا الاحباب
**
من ابعيد اناغيلك...... واتمنه تفز ريتك
عبدالله يبعد امك. تسمعني تمنيتك
شجاني وما حسبتلها....وتشرب ماي وديتك
يبني بكربله مذبوح ....... هاي اليله خليتك
موتتي الافراگ. وانه بجوارك
.مابين الضلوع. شيطفي نارك
تدري الگلب ذاب ... يااغلا الاحباب
**
راسك عاالرمح رفعوه...وگدامي طلع رمحك
ترف كلش ترف انت... ونسمات الهوى تجرحك
شنو الذنب الي سويته....ليش الوادم اتذبحك
وشيال الرمح كل ساع. ...من يتعمد يرفعك
راسك عاالرماح.............گدامي عالي
ومهدك على الگاع........خليته خالي
حتى الجفن شاب.....يااغلا الاحباب
**
مثل هزت مهد يبني. تدري الناگه مشيتها
امك باالدرب تنعاك.......وتنحب بستراحتها
من بعدك ليالي الضيم... يا عبدالله شافتها
مجتوفه وحضن خالي... ...هيچ الدنيا ردتها
فوگ الجره وصار....مچتوفه اديه
وبرمحه يندار..............راسك عليه
جرحك ولا طاب. يااغلا الاحباب
الشاعر سعدالعبودي
/channel/aabas78
قصائد لكل ايام محرم اشترك بالقناة
منهاج محرم الحرام الحرام 1447 هـ
عبد الله الرضيع (عليه السلام)
طير چان بكربله
وشاف نبلة حرمله
يروي أخر شبگه ما بين
الطفل عبد الله والحسين
طير چان بكربله
طير وأسال عمري كله.... وين ابو اليمه أشوفه
واعرفت بالطف واجيته....ودي أقَبِلَّه چفوفه
وگلت هسه الناس زحمه....محاوطه حسين وتطوفه
وين أَحَصّل نظره منه....وگلبي بس من هاي خوفه
واقنعت كلبي بخبر
لو مشه إنشم الأثر
أو نشوف اليوم الأثنين
الطفل عبد الله والحسين
طير چان بكربله
ــــــــــــــــــــــ١ـــــــــــــــــــــــ
جيت من جهة العساكر....گلت اكيد اعليه زحمه
وبالوجوه شما اباوع.... هاي ماهي اوجوه رحمه
اعله النهر باوعت فارس....ابلا چفوف ويجري دمه
انعصر گلبي وصرت اصرخ.... هذا بس لا أبو اليمه
وردت اموت واستمع
صوت للحگ مرتفع
الصوت هذا الجايني منين
الطفل عبد الله والحسين
طير چان بكربله
ــــــــــــــــــــــ٢ـــــــــــــــــــــــ
گلبي أخذني لأبو اليمه.... وشفته شايل طفل بيده
يِشم نحره وهوَّ يمشي....أشعر ايواسي وريده
والطفل چي على ذراعه.... عيونه مبتسمه وسعيده
وچنه بعيونه يگله....مو الماي أنت الأريده
وبالحسين أشعر ألم
چنه خايف من سهم
ويا حنان سوالف بعين
الطفل عبد الله والحسين
طير چان بكربله
ــــــــــــــــــــــ٣ـــــــــــــــــــــــ
الطفل گدما بي براءة....وگد جماله ودي أحضنه
وطرت فوگه حتى أبعد....بجنحي حر الشمس عنه
ودرت وجهي ولنها نبله.... جايه وتقترب منه
بگلبي ردت اشگفها لكن....منذبح أنظرله لَنَّه
وانظرت لن الدِمَه
منه صاعد للسمه
والامحاضن بين حضنين
الطفل عبد الله والحسين
طير چان بكربله
ــــــــــــــــــــــ٤ـــــــــــــــــــــــ
دَوَّرِت لو بعد نبله.... حتى كون انذبح بيها
ارد اموت ولا اشاهد.... عيون الحسين وبچيها
وبي يشم الدرب كله.... والخيم تنطر يجيها
وصاح زينب مدري أمه.... وحرمه اجت ترجف إيديها
اتگله اهلا بالضوه
ساكت اتوقع روه
وباوِعَت دم اعله الايدين
الطفل عبد الله والحسين
طير چان بكربله
ــــــــــــــــــــــ٥ـــــــــــــــــــــــ
منذبح وامه تگله....شبي تِغيَّر لون خدك
نايم إهنه وابقى نايم.... بحضني ما اردك لمهدك
يُمه لا افتح عيونك....حتى أعرف شني اشعندك
بكلشي منك يُمه أرضى....لچن ما بيَّه اعله فگدك
يُمه گالو منذبح
وينتظر راسك رمح
وبالسبي ابقى انظر لوين
الطفل عبد الله والحسين
طير چان بكربله
ــــــــــــــــــــــ٦ـــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
/channel/aabas78
قصائد لكل ايام محرم اشترك بالقناة
