الليله كلش مـوش مثـــل البارحه
الليله اهلـنه اعله الترايب طايحه
+++
الليله وحشه وين ننطي اوجوهنه
ماي ماكو وتجــــــــري ماي عيونه
خاف باجــــر على الهـــزل يسبونه
راح اسوي اعلئ الشـريعه الفاتحه
+++
يله يالنســــــــوان شــــدن حيلچن
حســــــين طايح محــــد يتچيلچن
امشنه يم عــــــــباس خل انعيلچن
وضغبره انســــويهه يمه ونايـــحه
+++
مثلــي ياهالناس ياحــــــرمه انولت
بالمعـــــــــــاره وبالعــــــيال اتكفلت
الريج ناشف والفـواطــــــــم شيبت
وانه للعــــــــباس اصيحـــــن رايحه
+++
رايـــــحه اتعـــناه اشــــــوفه بحالتي
اعليه لوله الفشـــلــــه اذب اعصابتي
يضــحك ومـــــــرتاح اخبره بشامتي
خلاف وجهه والمـــــــــــدامع جارحه
+++
الليله يالنســــــــوان كلــــــــش حيره
خاف باجر ننســــــــــــــبي من الديره
عالهزل وحســـــــــــــين وجهه ايديره
عالضعن ودمــــــــوع اشــوفن فايحه
+++
ليلة الوحشه
خادم اهل البيت
هيثم شهد الابراهيمي
/channel/aabas78
قصائد لكل ايام محرم اشترك بالقناة
(( #يم_المصرع ))
………………………………………………………
يم المصرع .. راحت گوه الجدم اتشيله
يم المصرع .. يشكي الحال وهم تشكيله
يامتعوبه و مامش حيل
اشجابج يختي ابهذا الليل
يم المصرع .. يم المصرع
……………………………………………………………
امن النحر حاچاها صوته . ادري بگليبچ دليلج
كعدي عد نحري يزينب.وخل اسولف واشتكيلچ
اشكثر صحت وطلبت الماي.وادم چن ولا تسمع
سگوني ابسهم المثلّث . و دمي امن الظهر ينبع
الشمر يتلذذ ابذبحي.اعل كيفه ابراسي من يگطع
لا مو ذبحه .. عالكاع التلسع گلباني
لا مو ذبحه .. امن المگفه بسيفه ونحراني
راسي ونحري ايسيلن سيل
اشجابج يختي ابهذا الليل
يم المصرع .. يم المصرع
……………………………………………………………
اتگله هم مذبوحه آنه . وبس جسد هذا وحياتك
صرت اطفي النار بيدي . حتى ما تحرگ بناتك
ما هم الـ لهيب النار . ارقيه وسكنه كل همي
اطفي اذيالهن وانسه . اخمد النار الـ ابهدمي
بحيث الجمر مالي الگاع.واحس بي يحفر ابجدمي
وچان الاصعب .. ركضيت وتخنگني العبره
وچان الاصعب .. بذيال وچم عثره ابعثره
و منا نار و منا خيل
شجابج يختي ابهذا الليل
يم المصرع .. يم المصرع
……………………………………………………………
سلّبوا ثوبي يزينب . والخذاه عاري تركني
الرمل چن چانون حدري . يلسع ابجسمي وحرگني
يخيتي وشوفي چفيني . اصابعهن بگن تسعه
المحبس ماكفه السلاب . رد عالخنصر ايگطعه
شفتها اتگلب التربان . علِيِه ادوّر البضعه
نفس الگعده .. من عصر الباب امحنبه امج
نفس الكعده .. وانت محنبه وهادل متنج
ليش وشو كل ساعه اميل
شجابج يختي ابهذا الليل
يم المصرع .. يم المصرع
……………………………………………………………
حسين تنشدني اعل متني . وخاف تاذيك الحجايه
الدنيه ظلمه وما يبين . سوط طابع بالعبايه
انا احمل ضرب يحسين . بس لو شفت چتّالك
شمر فوگ الفرس ويگوم . يجلد جلد بعيالك
يلتف عالرگب هالسوط . منه اختنگت اطفالك
صاحوا عمّه .. چن نار السوط و يچوينه
صاحوا عمّه .. صيحي الكافل خل يحمينه
احنا زغار و سوط اطويل
شجابج يختي ابهذا الليل
يم المصرع .. يم المصرع
……………………………………………………………
ايگلها شوفي الجسد يختي .اتساوه وي الگاع حجمه
اربعين امن الحوافر . اعليه هجمت فرد هجمه
حديد اتلبّسن وآنه . امسلّب منكشف صدري
سحگهن چن طعن برماح.يزينب وصلن الظهري
شو چنهن اموصّايات . حيل ايدوسن ابنحري
اوياهن طالع .. كلبي و مردنّه ابرجليهن
اوياهن طالع .. اعل ابنياتي وينبض ليهن
بيه الخيل اتحط و تشيل
شجابج يختي ابهذا الليل
يم المصرع .. يم المصرع
……………………………………………………………
الليله بيتتنه يخويه . بالظلام وكاع هيمه
والتراب افراش النه . وهالعبايه اصبحت خيمه
يخويه وجابو النه الماي.وهذا اصعب جرح بينه
چفيناه من ذكرنه اشفاك . ابد لا گطره شربينه
عطشانات جوعانات . عفت ارقيه واسكينه
اشلون اباچر .. ريت اوياكم ماظل عدله
اشلون اباچر .. امحضرين إلنه احبال وهزله
امن الغبشه وللشام ارحيل
شجابج يختي ابهذا الليل
يم المصرع .. يم المصرع
………………………………………………………
✍️ ( سيد خضر الزاملي )
/channel/aabas78
قصائد لكل ايام محرم اشترك بالقناة
ليلة الوحشه
كربله كربله.. الليله اسمعي اعتابي
كربله كربله.. ليش اخذتي احبابي
ــــــــــــــــــــــــــــــــــــــ
كلشي مات بعيني لمن طاح اخونه
وجيت اليطلبله دم الناس اجونه
حركو الخيمه علينه وفرهدونه
أمن الركض والسوط كلش تعبونه
كربله كربله.. النار اجت لثيابي
كربله كربله.. ليش اخذتي احبابي
ــــــــــــــــــــــــــــــــــــــ
كربله وطيحة كمر هاشم جبيره
راح اخونه وراحت اوياه العشيره
طكو بعامود راسه ونزف غيره
وانمسح اسم الاميره وصرت اسيره
كربله كربله..والشمر سلابي
كربله كربله..ليش اخذتي احبابي
ــــــــــــــــــــــــــــــــــــــ
كربله وحتى الطفل ذبحو ضحكته
وبقت من الضربه تتلولح ركبته
رغم ماميت يناغيلي سمعته
زينب ومن القهر وجهي لطمته
كربله كربله.. والهظم دك بابي
كربله كربله..ليش اخذتي احبابي
ــــــــــــــــــــــــــــــــــــــ
فكد الاكبر كّبر بروحي النواعي
والشمع من عكب جاسم ماله داعي
كربله ايريد الزمن يلوي ذراعي
ياهو الايخلصني من حزني وضياعي
كربله كربله.. الطف صبح محرابي
كربله كربله. ليش اخذتي احبابي
ــــــــــــــــــــــــــــــــــــــ
ابليلة الوحشه اليفكدون الغوالي
يعلكون اشموعهم واتضل تلالي
وانه ماواحد بجه اوياي وقرالي
يادلالي الضاع وينك يادلالي
كربله كربله.. مني ضاع احسابي
كربله كربله..ليش اخذتي احبابي
ــــــــــــــــــــــــــــــــــــــ
وجهت وجهي وصحت يابوالمحنه
ياعلي وينك يبوالحمله افزعلنه
احسين ابنك احظر الليله وادفنه
الحوافر من سحكهن كطعنه
كربله كربله.. منج استغرابي
كربله كربله..ليش اخذتي احبابي
الشاعر محمد الجماسي
#اللهم_عجل_لوليك_الفرج
/channel/aabas78
قصائد لكل ايام محرم اشترك بالقناة
اجمل صلاه بالعمر * چانت صلاة الظهر
چي بيها الحسين
ــــــــــــــــــــــــــ
وره حسين اجمل صلاه لمن وگفنه
حسين كل تكبيره منه نحسها جنه
يوم عاشر للجنان حســين صفــنه
بعــد مو حگـنه نضـحيله بعمــرنه
متروسه سجدة شكر * چانت صلاة الظهر
چي بيها الحسين
ــــــــــــــــــــــــــ
حلوه چانت هالصـــلاة و بيها فزعه
ابخمس اصابع چفه ابو الاكبر يرفعـه
حسين چان شگد حلو المحبس بصبعه
هاي اخر دعــوه والظـــالم يگطــعه
اخر صلا وينبتر * چانت صلاة الظهر
چي بيها الحسين
ــــــــــــــــــــــــــ
مو صلاة الخـوف صليناها خـلفه
منو ايحس بخوف والكافل ابصفه
شگد حلو العبـاس لمن شال چفـه
ابچفه چن شايل نهر واخته التحلفه
وآخر صلاه للخدر * چانت صلاة الظهر
چي بيها الحسين
ــــــــــــــــــــــــــ
هالصــلاه منها العدو گام ايتردد
نوبه يدنه ونوب من عدنه ايتبعد
الصف الاول شاف بي واكف محمد
چنّه طه ايگوم مثله ومثله يگعَد
الخلّت عدونه ابذعر * چانت صلاة الظهر
چي بيها الحسين
ــــــــــــــــــــــــــ
بهالفـرض واگـف بدر . تـم بكماله
يندعي وشمس الله غارت من جماله
علگت اشموعه السمه من چفه شاله
چي بلا حــنه المَلـَك شـافه وبچـاله
آخر فرض للبـدر * چانت صلاة الظهر
چي بيها الحسين
ــــــــــــــــــــــــــ
تچوي بينه الگاع من نسجد عليها
صح رمل بس الجنان انشمها بيها
نصلـّـي والارواح چنّه محضريها
افتحنه إلها گلبونه وفتحت اديها
إنصلـّي ورمح ينشمر * چانت صلاة الظهر
چي بيها الحسين
ــــــــــــــــــــــــــ
حلوه چانت واحله صارت بالنهايه
من نسلــّـم يبتدي فـرض المنــايه
حسين گال آخر صلا نصليها هايه
جدي گلي المغرب تصلّو . ورايه
تنطينه عزْم وصبر * چانت صلاة الظهر
چي بيها الحسين
ــــــــــــــــــــــــــ
الشاعر مهدي التقي
/channel/aabas78
قصائد لكل ايام محرم اشترك بالقناة
قصائد محرم ١٤٤٧ هجري
(ليلة العاشر)
( عن لسان حال زينب عليها السلام)
آه يا ليلة العاشر
ريت ما يلفيلي باچر
.............
ريت باچر لا يجي لا شوفه
كون لا يغبش علي بسيوفه
لا اريده و لا اريد طفوفه
بيه عباس تطيح چفوفه
حسين صدره يدوسه حافر(٢)
............
للمدينه ياهو ليرد بينه
الگبر جدنه منو ليودينه
گبل متهد الجيوش اعلينه
يطيح جاسم واستمع لونينه
گبالي الاكبر وذر صاير(٢)
........
عالطفل حرملة يرمي سهامه
حسين ابنه ينذبح گدامه
گبال عينه تنتهي احلامه
الرضيع السهم يطفي ايامه
والدمه من نحر فاير(٢)
............
شلون بيه لو گضو خواني
بالطفوف اتذبحوا ولياني
من بعدهم ياهو يتلگاني
خلافهم تهجم علي عدواني
وليه توليني العساكر (٢)
..........
ينذبح لحسين بالطف ضامي
اتصير سوده خلاف اخوي ايامي
شلون لو حرگوا عليه خيامي
گبال عيني تنضرب ايتامي
حرمه وحدي بلايه ناصر (٢)
...........
لا حسين اليبقى حِسه ويايه
لا كفيل العندي لا من رايه
وحدي والعدوان حولي هوايه
هنا احس جارت علي دنيايه
شلون يحدي ضعوني فاجر(٢)
تم بفضل الله
رائد محمود العامري
٢-٦-٢٠٢٥
/channel/aabas78
قصائد لكل ايام محرم اشترك بالقناة
قصيده نزله للرضيع
مجلس ليلة ١٠ محرم
بسهم المثلث يعبدالله الرضيع
صوبو كَلب الرباب
صوبو كَلب الرباب
.....................................
ابد مو بس نحرك الصابه السهم
من اديهم واصل اطراف الخيم
صوبو كَلب امك وحيله انهدم
والجبد نصين يالغالي انجسم
مثل ما نحرك صبح ضامي وكَطيع
صوبو كَلب الرباب
.....................................
اي يعبدالله الحقد نفس الحقد
نحرك انصاب ومرد لُمك جبد
سهم واحد والهدف لا مِن نِعِد
ينتهي عمر امك وعمر الورد
ابسهمك ايريدون عمر امك صريع
صوبو كَلب الرباب
.....................................
غصنك ازغير وحمل ثكَل النبل
وبخضارك طاحت اسهام النذل
رفرفت واوراقك ايهزهه القتل
ياطفل وامصابك ايشيب الطفل
مارعوك ولارعو عمر الربيع
صوبو كَلب الرباب
.....................................
ضامي وشفافك وضوء الانبياء
مو وكت نبله وتسيل اطهر دماء
كون ماي ويكشف حسين الرداء
وهذا حقك سيدي لا مو عطاء
من رجعت ودمك الطاهر نجيع
صوبو كَلب الرباب
.....................................
ماهوه الدم بس قبل روحك عرج
للسمه خاطر يتممهه الحجج
تارك ابكَلب اليودونك وهج
وجمر فكَدك بالعطش راح اندمج
ياشهيد بهالامر ربنه سميع
صوبو كَلب الرباب
الشاعر ياسر العارضي
/channel/aabas78
قصائد لكل ايام محرم اشترك بالقناة
نزلة/ ليلة الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠
كل جرح لابد اله فتره ويطيب
إلا جرح الرايد يودع حبيب
واني هاي الليله بجروحي اشيب
راح اودع حسين بدموع ونجيب
يهضم وكلش صعب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع حسين يا عالم شگول
ودري باجر تسحك بصدره الخيول
ريت ليل العاشر اعلينه يطول
ولا يروح حسين والهيبه تزول
اول جروح الحرب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
شلون اودع الكافل وحامي الظعن
چفوفه يم شاطي النهر يتكطعن
كبل ابوالغيره يذبحوني عسن
ولا اشوف چفوفه دم يتسايلن
خَلّه دمعي دم يصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
ليلة اوداع اخوتي ليلة جرح
راح أظل سهرانه وبچي للصبح
باجر ابن امي وحبيبي ينذبح
وراس اخويه حسين ينشال برمح
بسمه بعيون الغرب جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
آنه مو أي مره زينب بت علي
من يعوفوني خوتي منهو الألي
جابني العباس گلّي ادلّلي
لا تعوفيني غريبه يا هلي
يعصر دموعي غصب. جرح الوداع
اعظم جروح الگلب. جرح الوداع
٠٠٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله ملتم الشمل
كلها باجر تنذبح حتى الطفل
والمصيبه الكبره والماتنعقل
انسلب ياوسفه ونجر بحبل
علّتي بطول الدرب. جرح الوداع
اعظم جروح الگلب. جرح الوداع
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/aabas78
قصائد لكل ايام محرم اشترك بالقناة
حسين حدر الخيل ابد ماصايره
وانه زينب بالمخيـــــــــم حايره
* * *
وين طاح حسين سولف يالمهر
گتلـــــــه دليني بعجل وبيا كتر
كال بين اسهام وسيوف وخطر
والخيول اعليه ترگـــــظ غايره
* * *
ابعباتي من الشمـــــــــس فيتله
وماي ماصــح بيدي جا وديتله
اســــهام بضلوعه شكثر عديتله
والعساكــــــــر عل مخيم دايره
* * *
حسين ماتنعد رماح امتــــــونه
وال اميه عمــــــــــــدآ يطعنونه
عگب زلمـــــــي كمت ادور عونه
والــــــدماء اعله الارض هالفايره
* * *
انه زينب عــــــــــــــذبنها ايامهه
وحيل مابيــــــــــها وتهيج الامهه
من تصد وتشــــوف ميته ازلامهه
ونار شبت بالخيــــــــم هل سايره
* * *
اليلــــــــه صعبه كلش شيگضيهه
وي رقيه حســـــــــــين مارد ليهه
وراس ابوهه اعله الرمــح شطيهه
حتى تسكت والمــــــــدامع طايره
الشاعر هيثم شهد
ليلة العاشر
/channel/aabas78
قصائد لكل ايام محرم اشترك بالقناة
عگيلي ليلة العاشر
زينب تنحب يوم العاشر
١
زينب هالليله بيا حاله
ضلت مابين الخياله
وحسين اتكفلت بعياله
وحدها ومكسورة خاطر
٢
تنظر للحومه بدمعتها
وتصد اتعاين لخوتها
مابين النار ودمعتها
بالطف ضل الجفن امساهر
٣
محد هالليله ايحاميها
بالحومه وطايح واليها
زينب والوحشه اتباريها
مهضومه وبالدمعه اتكابر
٤
تنظر للعباس ابدمعه
واتذكرت ايامه وتنعه
مجبوره بهالليله اتودعه
زينب واتعوف الطف باجر
٥
راح اطلع باجر مسبيه
يحسين وجثتك مرميه
تعرف شنو الأثر بيه
مطبوع انته بصدرك حافر
٦
زينب ماضل واحد عدها
بالدمعه المتفارگ خدها
من الطف نادت والدها
ياحيدر لو يمنه وحاضر
لاتنسون والدي ووالدتي وابني عباس من الرحمه والمغفره
خادمكم رياض الرسل الجابري
/channel/aabas78
قصائد لكل ايام محرم اشترك بالقناة
نزله للرضيع
هـــرش ﮔلبي خــــذاه بيوم فـــارﮔني
حڴي لـــو صحـــت آه يالــــولد يبني
*
خـذاها اهروش ﮔلبي وصاب دلالــي
من يوم الجفـــاني أوليــدي الغالــي
يبـــرالي ردت مــو دمعـــي يبرالــي
أمــل روحي ابجفــاه أسهام صوبني
*
بجفاه أسهام صوبني وذبـح روحي
ومــا يبطل عليه لا دمعـي لا نوحي
يا جــرح اليفـــزز صفـنت اجروحي
كلف جـرح الولد كل ساعه يلچمني
*
يلچمني الولــد وجــروحـه تاذينـي
لان ردتــه تچيــه لتــالـي اسنيــني
سهم فڴــد الولـد طفــه نظر عيني
وعلــى النوح الدهر بجفاك علمني
*
علمنــي الدهــر بجفاك اجــر ونـه
يا مــاي العــذب مــا ينشبــع منه
ييمه اوياك راح انه اﮔطـع الظنه
يمن فرﮔاك يمه ابنار تضـــرمنـي
****
نــار افراﮒ هجـرك مـا اظن تطفه
اذكــر بين اديـه مـــن چنت تغـفه
يريت الصــاب نحرك ينڴطع چفه
لان منك يمــاي العين يحــــرمني
****
يحــرمني يمــاي العـين مـن طرواك
يريته ابنص دليلي سهمــك الصابك
كـــون افد لحــد نندفن انـــه ويــاك
ولحــدك يالولـــد يــا ريته اليضمني
*
الشاعر
موسى البديري
/channel/aabas78
قصائد لكل ايام محرم اشترك بالقناة
نزلة عزاء ( مولاي على الاكبر) عليه السلام
للحرب لمن برز راعيها
جنود وي القاده داس عليها
==========
شيخ وابن شيوخ ابن الساده
طب عليهم زلزله كالعاده
بيها بلش من جبير القاده
ذكرت الماضي النست ماضيها
==========
صاح بيهم صوت وإهتز الفله
الا اطشركم جثث في كربله
وينه ابن جوشن اوينه حرمله
مو زلم هالقاده واني ادريها
==========
القاده سككت لاجواب ولاقرار
وابن جوشن صاح لوذو بالفرار
ليل همه وطب عليهم جن نهار
كربله ظلمه وعلي يضويها
==========
طر عساكرهم اجه بهيئة ضوه
وكامت العسكر تدور عالهوه
كتاب بيده الطف علي اليوم انطوه
والكتايب بيده ظل يطويها
==========
عمه ابو فاضل بعد سيد الرجال
وهو ربه الاكبر ويُهزم محال
شاف فعله الدربه بيوم القتال
شاف الاكبر والعده يمحيها
==========
طشهم وذرهم وذر وبلا مفر
وداس روس القاده راوها الخطر
ظهر اكبرهم علي برجله كسر
وحالف اليوم الكفر يكضيها
==========
الشاعر علي النائلي
/channel/aabas78
قصائد لكل ايام محرم اشترك بالقناة
صل ياحيد يمرجف عساكرها
غيضك نار جايسها بمناحرها
*
يكبر ياتجف مالان ماسايست بالحومة
يالصيتك سبک طرواك يملخص الملزومه
بعدك بالخيم والجيش صارت عده معلومه
سمعو حالف بيمناك تمليها مگابرها
*
اشهوس عالزلم والخيل فارس وتقن دوره
ياهو ابن ابوه يبقه راسه بمحضره يدوره
حار حرورة العباس الطف بكيفه وبشوره
شكد بجفن هالسيف بيده صدور فازرها
***
ليله من الخيم وتشوف صال الاكبر مبرگع
بيها بروده من الخوف جمدت والزلم تصگع
صفنت مايطير الطير من شد بيهم الانزع
تاهت يمنه من شمال ماتندل سواترها
****
هزبر بالحرب شاهين فك جناحة فكهم فك
عجت وابتسم بالكون من صوت المراهف صك
بيها مذهبه احمر صار محد من وحيفه افتك
يدور بيها ماكو اسباع يرجف يمه ماذرها
****
رد هدد نبي سليمان جاي اعله الخيم طاير
ذابح اشجع الشجعان وبعده بروسهم طامع
بشر والده بالصار والجيش شكثر راكع
ركعتله العساكر ذيج من اولها لأخرها
***
الشاعر طالب الصالحي
/channel/aabas78
قصائد لكل ايام محرم اشترك بالقناة
ليلة 9محرم الحرام 1447
ليـلة والاكـبر تـودعـه اليـلة
تنحب وتصرخ دمعـها تسـيله
كلـبي هـل ليلة نمـرد
شلـون اودعك يالولد
ونتـــي عكـــبك ييـــمه اثكـــيله
__
موادع الأم وي أبنها وباجر يطـر الفـجر
تكله يايمه بغيابك لو رحت ماضـل عمر
كعدو وسولف سوالف يم كلبها المنكسر
واحد يصعد عله واحد باجر أيامه الهجر
وباجر تروح وتغـيب
راسـي بفراكك شيب
آه مـــن جـرح الدهــر أحجـيلة
____
يمه ياالأكبر دخيلك لا تخليني وتروح
لورحت من بين اديه ماتظل يايمه روح
والله يبني وبفركتك تكثر اعليه الجروح
وين اشوفك بعد يمه والعطر منك يفوح
راح أعيش ع الحزن
بالدمـــع ذاب الجـفن
جسـمي بعـدك ونـهدم كل حـيلــة
_
يمه ياثمرت حياتي بعدك اهات ودمـع
ويلي ياالأكبر يويلي فركتك ماتنـجرع
حيل أوناً حيل أنوحاً حيل أدك ع الضلع
كلي يايمه ييمه شلون أعيشن هل وضع
ياجرح يلــفي العمر
شلون اعوفك ياذخر
راح أظـل طـول العــمر انــعيلـة
__
راح أظل يمه بدمعي ساهره باليل اليجن
شلي بالدنيا وهواها خيم اعـليه الــحزن
يمـه الأكــبر أنـادي. وبالدمــع ذاب الجفن
يمه ماأحمل غيابك كلبي والشـوفك يحـن
يبني ياالأكبر علـي
همي ماضن ينجلي
وين أبني من الهظم اشـكيله
___
كلمات الخادم
مرتضى مكطوف الموالي
/channel/aabas78
قصائد لكل ايام محرم اشترك بالقناة
موشح إلى سيدي ومولاي الاكبر عليه السلام
بالدمـوع أتـــــودع اصبــي عينـــها
الله بــاچــــــر عالـــــوداع أيعيـنــها
****
الليله ليلى أتــــودع الأكبـــــر علــي
تگله يا روحــي وحياتــي وكل هلـي
باچــــر الدمعــه تظــل بعـــدك ألـــي
باچــر الفـــرحه علـــي امــودعينها
*
باچـــر الفــرحه أودعــها أبــدمــــوع
باچــر يمــوت الگلــب بـين الضلـوع
باچر تموت ابوسط عينــي الشمـوع
الشمعه بــاچــر يــا علــــي امطفينها
*
تطفه بــاچــر شمعتـي فــوگ التــراب
وعالــرمل يوليدي اشــوفنك خضـاب
گبل يومك راسي احس يوليدي شاب
الله للتفگـــد ولـــدهـــــــــا يعينـــــها
*
الله يبنــي يعيــن المضيعــه الحيـــاة
بيها كــل سـاعــه تمــر شوغة الممـات
مــن تـــروح انتــه تجينــي النايبــات
ومــــا تبطـل أمــــــك مــــن اونينــها
*
يبنــي ونتــها التفـــارگ مــــا تهيـد
وهيــه تدريـه الــولـــد عنــها بعيـد
باچر اخـر شوفه يمه أعلى الصعيد
وباچــر أمـــك عالهـــزل ســابينها
*
باچـــر أمــك كــون يلفيها الاجــــل
گبل لحظــت موتــك يـموت الأمــل
أهلـي انتــه وباچـــر تـــروح الأهــل
بالسيــوف أبكـــربله امگطعينـــها
*
الشاعر
موسى البديري
/channel/aabas78
قصائد لكل ايام محرم اشترك بالقناة
نزله
انه اخت حسين واخت الاربعه
حـايره بين الـخيم والـمشرعه
======================================= =========
انـه مــتكفله بـــيتامه وبــحرم
انه شفت بعيني محترگه الخيم
والكفيل چـفوفه طاحن والسهم
نــابت بـعـينه وچــثته مــگطعه
انه اخت حسين واخت الاربعه
---------------------------------------------------------------------------------------
حرت بين اضعوني خويه والسبي
والـــيتامه والــــفواطم والــعـبي
اطلب ومــحد يــجاوب مـطلبي
تــريد كـافلنه اليتامه تــودعه
انه اخت حسين واخت الاربعه
---------------------------------------------------------------------------------------
بعيني شفت الخيل داست علصدر
وراس ابو السجاد من حزه الشمر
والعــذر يحسين صحت انه العذر
مــن تعنيت بــدمع يــم مــصرعه
انه اخت حسين واخت الاربعه
---------------------------------------------------------------------------------------
عــيني ظلـت شباحه بصـوب النهر
ظلـمه امست دنيتي بـطيح الگمر
وعيني ادماهه النحيب وي السهر
والــحزن بيبانه كـثره امشرعه
انه اخت حسين واخت الاربعه
---------------------------------------------------------------------------------------
حــايره بــين الـــيتامه والــضعن
وبـالنوايب من زغر گلبي امتحن
والمحن مافارگني رسمن اهات المحن
وچفي كل مصباح حزني يصارعه
انه اخت حسين واخت الاربعه
---------------------------------------------------------------------------------------
باليتامه وبالحرم ظليت ألم
وريحة الدخان من اخيامي اشم
صعبه من انطگ يخوتي ونشتم
ناظري ماگطع يهمل مدمعه
انه اخت حسين واخت الاربعه
================================================
الشاعر احسان الحميداوي
/channel/aabas78
قصائد لكل ايام محرم اشترك بالقناة
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
1
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
5
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
6
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
كلمات الشاعر موسى الخادم
/channel/aabas78
قصائد لكل ايام محرم اشترك بالقناة
#ليلة_الوحشة
ليلة الحادي عشر. ليلة احزان وخطر
متنه من كثر القهر. ذبحو حسين
٠٠٠٠٠٠٠٠٠٠٠٠٠٠٠٠٠٠
من يوصّل للنبي وحامي الحميه
خبر مفجع والحدث بالغاضريه
ذبحوا حسين بحقدهم ال اميه
وداسوا بصدرة حوافر اعوجيه
حركو علينه الخيم. فرّت اطفال وحرم
من بعد راعي العَلَم. نتّجه وين
٠٠٠٠٠٠٠٠٠٠٠٠٠٠٠٠٠٠٠٠
چلچل الليل بضلامه واحنه غربه
شلون احميها اليتامه والله صعبه
الليل موحش والگمر مكطوع دربه
الچان يحرسنه وكع ونصاب گلبه
خيمه ماكو ولا خدر. وسفه يحرسنه الشمر
باجر بنوگ الأسر كلنه ماشين
٠٠٠٠٠٠٠٠٠٠٠٠٠٠٠٠٠٠٠
ذاك اخوي حسين جسمه مگطعينه
وبحوافر خيل صدره مرضرضينه
والكفيل عله النهر مطفيه عينه
الليله من يحرسنه يا ناس انسبينه
عيله مجتوفه بحبل. منّي ولآخر طفل
لا اخو عندي عدل. ويلي ميتين
٠٠٠٠٠٠٠٠٠٠٠٠٠٠٠٠٠٠
ترجف گلوب اليتامه وموحش الليل
بيها رهبه وخوف سوّت غارت الخيل
والله من كثر التعب ما ظل بعد حيل
مثل دم جروح اخوتي دموعنه تسيل
ويلي لو صار الصبح. ننسبي دمعه وجرح
راسك براس الرمح ياضوه العين
٠٠٠٠٠٠٠٠٠٠٠٠٠٠٠٠٠٠٠٠
هذه آخر ليله باجر للسبي انروح
والمصيبه انعوف اخوي حسين مذبوح
بالسيوف امگطعينه جروح بجروح
آه ميدفنون جسمه ويبقى مطروح
يا وكت بنت النبي. تمشي بدروب السبي
يحدي بيها الأجنبي للدواوين
سيد زيد الفحام
محرم ١٤٤٧هـ
____
/channel/aabas78
قصائد لكل ايام محرم اشترك بالقناة
محرم 1447ه-2025م
ليلة 11 محرم
ليل مظلم والعده حرّاسنه
بعد ما ذبحو اهلنه وناسنه
؛★★★★★★★★★★★★★
ليل مرعب ليل موحش بالظلام
شلون نگظي الليل ما عدنه خيام
والحرس غربه ولا منهم سلام
الليل وگفه نخلصه ما نگدر ننام
يا زلم تحرس بعد عبّاسنه
بعد ما ذبحو اهلنه وناسنه
؛★★★★★★★★★★★★★
لا زلم ظلت وتفزع لو نخيت
الظهر فوگ الغبره كلهم ودعيت
شصار بيه وبين عدواني مشيت
تعذبيت هواي والله تعذبيت
حتى ما نگدر نجر انفاسنه
بعد ما ذبحو اهلنه وناسنه
؛★★★★★★★★★★★★★
تكفليت اليوم باطفال وحرم
بعد ما عالشاطي ظل راعي العلم
والحسين من الطحن جسمه انهشم
بس علي السجاد ظل مبلي بسقم
ما بقى والي وتهدم ساسنه
بعد ما ذبحو اهلنه وناسنه
؛★★★★★★★★★★★★★
اطلع بهالليل ادور عالولي
وانا اصيح احضر البنتك يا علي
بويه شوف بنيتك بهم تبتلي
ياهو بعد الگمر كافل محملي
شلون بين اجناب نرفع راسنه
بعد ما ذبحو اهلنه وناسنه
؛★★★★★★★★★★★★★
امشي واعثر والجرح يتبع جرح
بس اريد اوصل حسين المنذبح
ماكو من اهل الرحم واحد يصح
بس ينزل راس اخوي من الرمح
حسين دلّانه عليه احساسنه
بعد ما ذبحو اهلنه وناسنه
؛★★★★★★★★★★★★★
ذن بنات حسين يتنن جيته
ما مصدگات الى الآن بموتته
هاي بنته رقيه رادت شوفته
تگلي ابوي هواي طالت غيبته
الظهر آخر مره اذكر باسنه
بعد ما ذبحو اهلنه وناسنه
؛★★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
عگيلي الليلة العاشره
زينب هاي الليله ابحسره
وابخيمتها ادموع او عبره
_
الهن دويه الليله الخدّر
خافن . والدلال اتفسر
باچر موت او گطعة منحر
والكل باچر ينحز نحره
زينب هاي الليله ابحسره
___
زينب تتلوه ابحسرتها
واحسين اتعنه الخيمتها
او عباس ايعدل شيلتها
او يمسح بل دمعات الحمره
زينب هاي الليله ابحسره
___
گاللها احسين اعلي هونچ
لا تسفح دمعات اعيونچ
ما دامي حي ما يصلونچ
لا واقسملچ بامي الزهره
زينب هاي الليله ابحسره
___
او كافلها ايحاچيها ابهِمه
زينب انتي اربات العصمه
برگبتي يا زينب ذمه
اليوصل حدچ اكسر ظهره
زينب هاي الليله ابحسره
___
گلبچ لا يرجف يا زينب
مادامي حي فنه اليگرب
وانه المنّي مامش مهرب
من ازعل تغدي الطف حمره
زينب هاي الليله ابحسره
___
كفي ادموعچ يابت حيدر
مصباح العاشر من ايطر
شوفي افعالي او گلبچ ينسر
من اركب لكحيله الشگره
زينب هاي الليله ابحسره
___
نعمين اتگله ابكفالي
يل ماغيرك شاغل بالي
خويه اعذرني او اعذر حالي
كل خوفي لا ننگاد أسره
زينب هاي الليله ابحسره
___
ابو فاطمة الطائي
/channel/aabas78
قصائد لكل ايام محرم اشترك بالقناة
فزاعيه للمقتل..
عباس طايح عالنهر وتگطعن جفينه
بالعمد صابو هامته وبالســـــهم طفو عينه
عباس طايح عالنهر وتگطعن جفينه
ضال نايم بحر الشمس عينه تصد لحسينه
عباس طايح عالنهر وتگطعن جفينه
وبســــهام ضربو جربته وكل مايها امبدينه
عباس طايح عالنهر وتگطعن جفينه
وطفال تصرخ بالخيم عمي العطش ماذينه
عباس طايح عالنهر وتگطعن جفينه
العبــاس متحــــير بقه بيمــن يرد لسكينه
عباس طايح عالنهر وتگطعن جفينه
لا ماي بالجــربه بقه ولا يســـرته وليمــينه
عباس طايح عالنهر وتگطعن جفينه
وطفاله تنطـــــــــر جيته ايرد الهم امتانينه
عباس طايح عالنهر وتگطعن جفينه
تبجي اليتـامه وحشمت وين الگمر والينه
عباس طايح عالنهر وتگطعن جفينه
كلها تنادي بالخــــــــــــيم عباس مارد لينه
عباس طايح عالنهر وتگطعن جفينه
ورياگنه صارت خشب حـر العطش ماذينه
عباس طايح عالنهر وتگطعن جفينه
صاحو يزينب لو رجع مــــــن النهر خبرينه
عباس طايح عالنهر وتگطعن جفينه
راح الكفيل البي مسد عل علگمي موذرينه
عباس طايح عالنهر وتگطعن جفينه
دارو عليه من كل كتر يا وســفه ومگعينه
عباس طايح عالنهر وتگطعن جفينه
باخر نفس راعي الوفه ويصـد لخيته بعينه
عباس طايح عالنهر وتگطعن جفينه
حركو اخيام العايله وصـــاحن منو يطفينه
عباس طايح عالنهر وتگطعن جفينه
✍الخادم
كامل السعيدي
/channel/aabas78
قصائد لكل ايام محرم اشترك بالقناة
عبد الله ع
احرگوا كلشي بس خلوه الـيه
مهـد عبد لله اشــــيلنــه ابديه
مال ازغار..مو للنار..خلوه اليه
==================================١
لاتحرگـــــون المهد..اتموت فوگه ام الولد
خلولي المهد وخذوا التريدونه
النايم ابحضنه الورد..اخضر وما ينحصد
اموتن من اشوفنكم تحرگـونه
بيـه ريحت طفـل عطشــان ماشاربلـه اميـه
راعي المهد ما موجود السهم سكّت بواچيه
گامــت ناركـــم تاكـل بالــگماط
گبل دخانه اشمن بالگلب شاط
ياكفــار ..مـو للـنار.. خلـوا اليه
==================================٢
ارکض ويركض وراي..واحد ايطگ ابگفاي
هوه وسوطه متني ما يعوفونه
يصيح انه اسلبهه هاي..للغنائم نيتي جاي
حصتي الــمهد هذا ولاتكربــونه
من اسمَعته هيچ ايكول وجهي انخطفت الوانه
گبل احسين ياهو الــمات وسلبوا مهد رضعانه
اجـم مـره ضربنـي وآنـه لـزميـت
مهد ابني واجاني الموت حسيت
بيه احتار .. مو للنار ..خلوه اليه
==================================٣
عافني وبالگوه راح ..جيبوا راس الولد صاح
عله راس الرمح لازم ترفعونه
گلبي گبل الساني ناح .. مو عله گده الــرماح
گبالي وعمده كل ساعه يهزونه
يهز بالـــرمح واترجـاه بالله لايطيــح ابنـي
چنـه يگلـي يايمـه حيـل الـــرمح يلچمنـي
اركـض والــمهد جـــواه اخليــــه
عليه افتر اخاف الـــرمل يچويـه
اطواف الزار..مو للنار..خلوه اليه
==================================٤
بالمهد جواه اصير ..يمـــه انـــزل يازغــيـر
اذا لـولــيت وتناغــي يسمعـــونه
يمه من يطلع نهار ..يصير راس الرمح حار
يمه حته الطفل ذوله ما يرحمونه
انطر الـفجـر راح يصيــر حـار ويلجم اجروحك
الرمح بالشمس مثل النار انزلك ردت ما الوحك
عله راس الرمح يا چف الـيلوح
فَي اشلون احط للنحره مذبوح
باچر حار.. مو النار ..خلوا اليه
==================================٥
نوگ جابــو للسبــي..واحنه ابطرگ الـعبـي
اضمّـه ويـن حتـه مايشــوفــــونه
ربي احلفــك بالــنبي ..لايذكــره الــناصبي
امن اطبن سوك اخافن لا يبيعونه
ابسوگ الكوفه من طبيت بيه باعوا تراچينه
ياحافظ عليــل الــطف خلهم مهـده ناسينــه
اذا خلّصت من الـسوگ ارتاح
اكولــن يــوم مر ومني ماراح
يـاستار ..مـو للنار..خلوا اليه
==================================٦
وصلت للشام الـضعن..يمي الــشمـات اجـن
دللول الـولد الـمن تلولـينه
يا هو اليسكت اللسن..عَلي ضحكم ما بچن
ما عندچ ولد ناخذه خلينه
يعبد الله دلـولـك مـات يعيرونـي امـن الــولــيلك
دمعي التحت رمحك طاح صَعد يوليدي يشكيلك
يالـمالچ ولـد صاحت الـنسـوان
بتره وجفن عينچ ليش سهران
بيه اشصار ..مو للنار..خلوا اليه
===================================
✍حيدر الشغانبي
/channel/aabas78
قصائد لكل ايام محرم اشترك بالقناة
قصائد محرم الحرام للسنة الهجرية ١٤٤٧
ليلة الوداع
هالليله يحسين اوياك ... باچر اشيحمل فرگاك
تحاچيني يا ماي العين
هالليله بس باچر وين ... باچر اشيحمل فرگاك
................................................................................................
يبن أمي هالليله بدمع نتوادع ومن يدري
باچر يخويه بكربله شيصير يا ضي عمري
أصبر واشوفك يا شهم توصيني خويه بخدري
تدريني أظل امحيره صبرك تشد بي صبري
ريت الصبح لا مرني ... ينگطع باچر ظني
يا خويه تحصلّي منين
هالليله بس باچر وين ... باچر اشيحمل فرگاك
................................................................................................
مكفوله جيت الكربله براعي الفضل يدروني
هاي اخت عباس الگمر وامدللـه ايسموني
وعيونه تربي المحملي سهرانه لجل عيوني
شيصير بيه لو شفت مكطوعه منه ظنوني
باچر تغمض عينه ... ويتكطعن چفينه
محلاهه ذيچ الچفين
هالليله بس باچر وين ... باچر اشيحمل فرگاك
................................................................................................
بين الخيم يا مهجتي شفتك وگلبي تفطر
تتفگد الليله الأهل وللمعركه تتحضر
طالت يخويه صفنتي بس بالصبر أتصبر
لحظة الشفتك يا شهم گاعد تحاچي الأكبر
يحچيلك وتحچيله... والليله آخر ليله
والموت ينطر روحين
هالليله بس باچر وين ... باچر اشيحمل فرگاك
................................................................................................
أصعب بعد يا سلوتي شفت الرباب بعيني
تناغي الطفلهه بالمهد چن هاجسي يحاچيني
باچر النبله بمنحره بينه تحول وبيني
شيصبر أمه عالبعد العبد الله فدوه سنيني
هذا الرضيع شذنبه... والعطش فطّر گلبه
وبيا بخت يگصي البين
هالليله بس باچر وين ... باچر اشيحمل فرگاك
................................................................................................
عادت الأم اعله الولد هيه التنشف دموعه
رمله لعد جاسم إجت تعلگ لعرسه شموعه
ما تدري باچر حنته دمه وتظل مفجوعه
ونتهه باچر عالابن مخفيه ما مسموعه
گعدت الليله يمه ... اتقبّله واتشمّه
ليل وجمع هالگلبين
هالليله بس باچر وين ... باچر اشيحمل فرگاك
................................................................................................
يا خويه هالليله بقت يمي وأشوفك حاضر
خل تشبع عيوني بعد ويصبر دليلي الشاجر
باچر مثل هذا الوكت المن الروح تباصر
أحاه يفراگ الأخو أحاه يفجعة باچر
وياك گلبي الليله ... باچر منو يشد حيله
يمي وأشوفك يحسين
هالليله بس باچر وين ... باچر اشيحمل فرگاك
................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
/channel/aabas78
قصائد لكل ايام محرم اشترك بالقناة
(اخر مسيه ) السيدة تتحدث مع اخوتها في اخر ليلة
___
هاي وي الاهل اخر مسيه
باجر عالهزل يحدون بيه
كعدتي ابين الاخوان
تصبح كان ما كان
باجر عالهزل يحدون بيه
_
اريد ابنصكم اكعد يالميامين
بلكت شوف منكم تشبع العين
باچر يمي بس انتم بعيدين
وعني امتار اشوف اليذبح حسين
باچر عالرمل تتبده ضويات
واحنه بلا ضوه وي ادموعنه انبات
ودلالي ابين الاحنان
يصبح كان ماكان
باچر عالهزل يحدون بيه
____
اريدن هالمسيه ادلل اهواي
ومن هسه العتب ابديه ويالماي
باجر بس دمعتي التبقى وياي
وحدر ظل الرماح اندور افياي
باجر كلمن ادور اعله ابوها
وتلوذ الخايفه بسد رمح اخوها
الخيمه اتصير دخان
وتصبح كان ما كان
باجر عالهزل يحدون بيه
_
باچر قصتي ترويها الاخيام
ومن كثر التعب عالهزّل انام
اريد العذر منكم غاد بالشام
تصعب وگفتي محترگه الاجدام
باجر قصتي ويل الحزن تكمل
واضل انشاف من ابعيد عالتل
وقصتي ابين الاوطان
تصبح كان ما كان
باجر عالهزل يحدون بيه
_
باچر كلنه موته بطبت السوگ
انتم عالرماح واحنه عالنوگ
علينه اعيون تنفك وي الحلوگ
وتشوف الناس طگته الجاي مطگوگ
باجر روحي ميته وي الاعزاز
ويزتني من الرمح سبعين جناز
الميته بدون دفان
تصبح كان ما كان
__
باجر عالهزل يحدون بيه
حلوه اوجوهكم خلوني يمها
باچر عالرمل ياهو اليلمها
اختكم بالشمس يشتد عزمها
وتفيي لروسكم تبقى بهدمها
باجر بالشمس يزداد نوحي
افيي اعله الغوالي وانسه روحي
ودمعتي بخدي عنوان
تصبح كان ماكان
باجر عالهزل يحدون بيه
__
ايوب يوسف الطوگي
/channel/aabas78
قصائد لكل ايام محرم اشترك بالقناة
قصيده نزله للرضيع
مجلس ليلة ١٠ محرم
بسهم المثلث يعبدالله الرضيع
صوبو كَلب الرباب
صوبو كَلب الرباب
.....................................
ابد مو بس نحرك الصابه السهم
من اديهم واصل اطراف الخيم
صوبو كَلب امك وحيله انهدم
والجبد نصين يالغالي انجسم
مثل ما نحرك صبح ضامي وكَطيع
صوبو كَلب الرباب
.....................................
اي يعبدالله الحقد نفس الحقد
نحرك انصاب ومرد لُمك جبد
سهم واحد والهدف لا مِن نِعِد
ينتهي عمر امك وعمر الورد
ابسهمك ايريدون عمر امك صريع
صوبو كَلب الرباب
.....................................
غصنك ازغير وحمل ثكَل النبل
وبخضارك طاحت اسهام النذل
رفرفت واوراقك ايهزهه القتل
ياطفل وامصابك ايشيب الطفل
مارعوك ولارعو عمر الربيع
صوبو كَلب الرباب
.....................................
ضامي وشفافك وضوء الانبياء
مو وكت نبله وتسيل اطهر دماء
كون ماي ويكشف حسين الرداء
وهذا حقك سيدي لا مو عطاء
من رجعت ودمك الطاهر نجيع
صوبو كَلب الرباب
.....................................
ماهوه الدم بس قبل روحك عرج
للسمه خاطر يتممهه الحجج
تارك ابكَلب اليودونك وهج
وجمر فكَدك بالعطش راح اندمج
ياشهيد بهالامر ربنه سميع
صوبو كَلب الرباب
الشاعر ياسر العارضي
/channel/aabas78
قصائد لكل ايام محرم اشترك بالقناة
نزلة
للطفل الرضيع ع
أستعدي للمصاب~~~~هلله هلله يالرباب
مات عبدالله الرضيع/مات عبدالله الرضيع
__
شاله أبوه حسين بيده
وناده ماي الأبني أريده
وحرمله صابه بوريده
وللحياه بعد أشيعيده
رمش عين حسين شاب/هلله هلله يالرباب
مات عبدالله الرضيع/مات عبدالله الرضيع
_
بكربله أول مصيبه
سهم عبد الله يصيبه
زاد أبو اليمه نحيبه
وصارت الدنيه كئيبه
شلون يحمل هالغياب/هلله هلله يالرباب
مات عبدالله الرضيع/مات عبدالله الرضيع
_
شافته سكنه ورقيه
ودمعه من عدهن جريه
وأصرخن سوده عليه
ريت سهم البين أليه
وتسلم أنته من الصواب/هلله هلله يالرباب
مات عبدالله الرضيع/مات عبدالله الرضيع
_
يعينها الله شلون أمه
شاهدت من نحره دمه
منذبح بيد أبو اليمه
صاحت بلهفه ييمه
يمُه ماأحمل عذاب/هلله هلله يالرباب
مات عبدالله الرضيع/مات عبدالله الرضيع
_
چم مصيبه آلي سبنها
للرباب أو عذبنها
شحالها من غاب أبنها
ظل يدُر إعليه لبنها
بهذا ماحاسبه حساب/هلله هلله يالرباب
مات عبدالله الرضيع/مات عبدالله الرضيع
_
طفل ست أشهور عمره
وگلبه من العطش جمره
هل ضمّه للسانه فطره
وأنگطع عبد الله نحره
گلبه من العطش ذاب/هلله هلله يالرباب
مات عبدالله الرضيع/مات عبدالله الرضيع
_
بيا ذنب عبد الله ذبحوا
وأعله راسه الرمح رفعوا
گبال أمه وأهله شالوا
جسمه هم ياناس سحگوا
وأندفن تحت التراب/هلله هلله يالرباب
مات عبدالله الرضيع/مات عبدالله الرضيع
_
الشاعر (أسعد قاسم الكريعاوي)
/channel/aabas78
قصائد لكل ايام محرم اشترك بالقناة
نزله. علي الأكبر
اليوم يومك ياحيد وأنه ادري گدها
ليلى صاحت. هاالصوت نادت ولدها
**
انه أمك وأعرف امكانيتك
لها المواقف ياعلي مربيتك
وعله اسم جدك علي مسميتك
عابر الدنيا انت أصلن صيتك
انت جدك كرار شمس الله ردها
اليوم يومك يا حيد وانه ادري گدها
**
راوي خصمك انت من ياعيله
خلي بيك اتنومس بهليله
انه بسمك ها العگدت الشيله
البرز ميت والشرد ياوليه
گبالك ادري الآلاف يزغر عددها
اليوم يومك يا حيد وأنه ادري گدها
**
باالمواقف رايتك عليها
وعاالكتايب روح هوس بيها
ومهرتك تسحگ زلم خليها
القاده سويهم نعل رجليها
غابه صارت هاالناس وتريد اسدها
اليوم يومك يا حيد وانه ادري گدها
**
ارتجز ادري الملاحم عيدك
كربله يبن الحسين تريدك
دوم اگلك يبني عاشت ايدك
المعركه ادري ثبات تزيدك
چن سنابل مو روس چفك حصدها
اليوم يومك ياحيد وأنه ادري گدها
**
لو طحت بيك انه حيل أتباهه
والشهاده ياعلي شمحلاهه
سيرتك محد بعد ينساهه
باچر أجيال التجي تقراهه
بكربله لهذا اليوم روحك بعدها
اليوم يومك يا حيد وأنه ادري گدها
**
الشاعر سعد العبودي
/channel/aabas78
قصائد لكل ايام محرم اشترك بالقناة
اصعب خبر ** يحني الظهر
ابني علي ** صاير وذر
هذا البدي ربيته
جروح ورمل لميته
///////////////////////////
خبر مفجع عصر گلبي _ سمعته وتيهت دربي
ذبحنه ابنك يصيحولي _ وصلته وماتن اركبي
رجعت وكلشي ماظن..... راد مني
وردم خويه النوايب ..... راد مني
علي تدرين شنهو .... راد مني
ماي وضاع ماي الطف عليه
اميه ردت ** ماحصلت
من القهر ** بصفه متت
الهاضمني ما رويته
جروح ورمل لميته
///////////////////////////
ثگيل امن السهام ابني _ ورمح خاصرته شيبني
كل ما شلته يتطشر _ اجيبه اشلون تعبني
شوفي على الولد كل ساع... يرباي
احس فرگاه هرش الگلب..... يرباي
اگعدت يمه گلتله شبيك..... يرباي
سكته وبس يدير العين اليه
بصدره السهم ** وبيه الالم
شيوصله الي ** الحد الخيم
بذيچ الشمس خليته
جروح ورمل لميته
///////////////////////////
نفس يلحگ نفس يمه _ علي مااگدر اشتمه
بكثر ما صار جوه الخيل _ الحوافر شبعت ابدمه
بنيت احلام بس الطف...... رك بناي
وگوه على المهر جدمي..... رك بناي
الحافر شفته يازينب ........ رك بني
لحد ما ساوه صدره والوطيه
الحافر خشن ** ساحگلي أبن
بين الرمل ** دفنو دفن
المثل النفس حبيته
جروح ورمل لميته
///////////////////////////
وليدي نسخه من جده _ عفته اعله الرمل خده
يزينب ابني ظل هناك _ بس حسين شيرده
انگطع هرش الدليل وذبل..... عوده
مشى اوليدي وبعد مااشوف... عوده
هوى من فوگ مهره ونده.... عوده
وعكس ما صاح مهري اندار بيه
موقف صعب ** يرجف الگلب
لبني رحت ** عكس الدرب
ماصدگت لا گيته
جروح ورمل لميته
///////////////////////////
مو گتلج اذا يطلع _ علي لينه حلم يرجع
عرفته من صهيل الخيل _ كسر اظلوعه جاي اسمع
مشه وعينه عليه وعين.... لما
وعله ابني اشوف الخيل.... لما
تگطع جسمه بالطعنات .... لما
طبگ صدره وخرز ظهره سويه
فوگاه طحت ** يبني صحت
توك رحت ** واطشرت
للخيمه من وديته
جروح ورمل لميته
///////////////////////////
تمت ____ علاء الزيدي
والابوذيه ___شيخ رعد الزيدي
/channel/aabas78
قصائد لكل ايام محرم اشترك بالقناة
نزال الاكبر
نزال الاكبر
الحومه طلبت ونتخت راعيهه
وعلي الاكبر سيفه شاخ اعليهه
-------------------------------------
طلع من صوب الخيم مثل النجم
يشبه المختار بفعاله الشهم
مايهم للجيش لحدوده يهم
وللشاهده گاصد وشاريهه
-------------------------------------
برز ليهم قسوره ابن الفحول
كوور الجيشين وندهشت عقول
ميسره ولميمنه بيهم يجول
وخله عاليهه صبح ناصيهه
-------------------------------------
صاح بيهم جفل الخيل وزلم
طشر الفرسان وبسيفه يلم
إلخلص من ضربته شبهه الحلم
اشجع الشجعان ضل يرميهه
------------------------------------
قال قوله المشتهر يوم الطفوف
انه ابن شجعان وربات السيوف
صاح بيهم ماتگابلني الالوف
اليوم ناوي اعليهه الا افنيهه
------------------------------------
برق سيفه اعليهم وصار الرعد
وزلزلاهه الگاع جن يوم الوعد
فتك بيهم ولشرد منهم شرد
ويردم الاول غده ابتاليهه
------------------------------------
صال بيهم هذه بن عقد الوله
حير القاده بقت متذل له
جائزه صاحو لمن يوصل اله
وهذه الاكبر موت ضل يرويهه
------------------------------------
علي سليم الحسناوي
/channel/aabas78
قصائد لكل ايام محرم اشترك بالقناة
نزله ليلة علي الأكبر ع
شمحله الأخبار . لمن غار . شبيهك طاهه
...........................................
بالحومه انذار . مانعرف شصار
أحتار العدو وكال رد ألنه كرار
هالفارس أمنين . طشرهه صوبين
والأكبر يكول آنه أبن الحسين
وبسيفه . وبكيفه . من يقره الحمد
كل غاره . أبتاره . يحصدهم حصد
بطل مغوار . والأشرار . وذر سواهه
شمحله الأخبار . لمن غار . شبيهك طاهه
...........................................
صار الظهر ليل . راواهم الويل
شط أحمر اللون دم العده يسيل
مكطوعه الأنفاس . تتسائل الناس
هذا أبن الحسين لو هذا عباس
غاراته . وحملاته . جن عمه الكمر
ما يتعب . من زينب . ما مره أعتذر
يرخص الروح . والجروح . فلا غطاهه
شمحله الأخبار . لمن غار . شبيهك طاهه
...........................................
الما يشرد يموت . يرعبهم الصوت
والراسه ما طار حضّرله تابوت
بصولاته معروف . تشهدله الطفوف
تتراجف أعداه عيشهم بخوف
كل هامه . بصمصامه . تصعد للسمه
من كبّر . جن حيدر . حماي الحمه
هاي الأفعال . والأبطال . منو الينساهه
شمحله الأخبار. لمن غار . شبيهك طاهه
...........................................
ظل عزمه بركان . قائد عالأركان
من يضرب أعداه مايخطه نيشان
الكابله يطيح . ويسابك الريح
تترادم الروس من ياعلي يصيح
واعلومه . بالحومه . كدام الأبوو
ما قصّر . والاكبر . نعمين وكفوو
بأغلى الأحباب . والأطياب . أبوه يتباهه
شمحله الأخبار . لمن غار . شبيهك طاهه
.........................................
يا ثاني عباس . تشهدلك الناس
بن غانم أشصار لا ركبه لاراس
بالحومه زلزال .مثل الأسد صال
كده الحرب هاي جن ثوبه تفصال
بجّاهه . وخلاهه . محتاره الزلم
وحسينه . تصد عينه . كفيت ونعم
يبني ياحيد . يصنديد . نجم بسماهه
شمحله الأخبار . لمن غار . شبيهك طاهه
.........................................
مثل البدر لاح . جن وجهه مصباح
من شافه الحسين كل التعب راح
ما مثله موجود . والعالم أشهود
بلامت حرب شاب أحلى من الورود
عالحاسد . عالحاقد . نقره القل هوه
بطعناته . وضرباته . كل عشره سوه
بعلو الجبال . لمن صال . جثث خلاهه
شمحله الأخبار . لمن غار . شبيهك طاهه
..........................................
حيدر مطر العبادي
/channel/aabas78
قصائد لكل ايام محرم اشترك بالقناة
