وداعت الله يخوتي عنكم مشيت
وعله الصار بحالكم من دم بچيت
--------------------------------------------------------------------------------
راح عنكم يخوتي للشام اروح
بس جسد امشي وتظل يمكم الروح
عله ايتامي وعالجره من دم انوح
وعذرا أعتابي اذا يمكم حچيت
وعله الصار بحالكم من دم بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" ""
من حچيت القصد فزعتكم اريد
ياهوه احشمنه وصبح ضعني بعيد
وعلي يامر من عگبكم ظل يزيد
يل ابد ماغيركم يوم ارتجيت
وعله الصار بحالكم من دم بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" ""
مارجيت لغيركم كل عمري ابد
يا سند زينب ياعون وسند
بعد شتحمل عگب عزكم بعد
جبل وياكم ولا يوم نثنيت
وعله الصار بحالكم من دم بچيت
"" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "
ما ثناني الدهر لا همي الحزن
بس اموت من اسمع ايتامي تون
وللمدينه وللاهل گامت تحن
شرد أجاوب وانه ويدهري شجنيت
وعله الصار بحالكم من دم بچيت
" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "
اشجنيت ودار دولاب الزمان
ابمكان اخواني ويتامي ابمكان
لاطبيب ولاضوه ولا ظل امان
توجهت صوب الغري بحرگه اشتكيت
وعله الصار بحالكم من دم بچيت
" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "" "
اشتكيت لوالدي من الجره
ترضه زينبكم تروح ميسره
وباليتامه وبالضعون محيره
زينب انه مچتفه وللشام اجيت
وعله الصار بحالكم من دم بچيت
=========================================
الشاعر احسان الحميداوي
/channel/aabas78
قصائد لكل ايام محرم اشترك بالقناة
طلعن عله اضهور الهزل مسبيات
وليه انولن يمحمد العلويات
ءءءءءءءءءءء
وينك ياشريدة هلي وخواني
يمحمد تعال وياي بس اني
احچي ويه الغريب ويگصر الساني
بس انته نخيتك ماردت ثاني
مات واليهن مات واليهن يمحمد خواتك
ءءءءءءءءءءءءء
يمحمد خواتك منهو شايفهن
يازلمه الگبل سامع سوالفهن
غير الله وخوتك منهو يعرفهن
ربات الخدر محد يشرفهن
بسوگ مرونه بسوگ مرونه چلبنه بعبينه
ءءءءءءءءءءءءءء
تمشي اطفالنه ومحد يركبهم
اذا تعبو يجيب السوط يضربهم
يمحمد يسب حسين ويسبهم
لو عباس چا زين شواربهم
موبس شورابهم مو بس شواربهم يگطع روسهم
ءءءءءءءءءءءءءء
يمحمد تعال وشوفه اشبيهه
كتلتني رقية تريد واليهه
زرگه امتونه وخلصت بواچيهه
سلبو منه والدهه وتراچيهه
طشره الحافر طشره الحافر ما اكدر اگلهه
ءءءءءءءءءءءءءء
ياخوية تعال اليوم خيال
اني وياك بلكي انلم العيال
محد يحترمنه بغير رجال
ويانه بس عليل وحرم وطفال
لحگ علينه لحگ علينه حيهم يابو جاسم
ءءءءءءءءءءءءءء
مايوصل الصوت من ارد احاچيك
اعرف ماتجينه ولا نتانيك
بس يمحمد بهاي ارد أذيك
طبينه القصر ماچذب عليك
طبت الديوانه طبت لديوانه زينبكم تره
الشاعر حيدر الخفاجي
/channel/aabas78
قصائد لكل ايام محرم اشترك بالقناة
وينك يعباس يشايل الوانه
درب السبي بعيد نريدك ويانه
1
من الكوفة للشام يعباس ودونه
وبلايه حماي على النوك ركبونه
كل ساعة بالصوط يجونه يضربونه
سهرانه العيون والقلوب عطشانه
2
بتراب الطفوف يوفاي ظلينه
كل لحضة شامت بالحجار يرمينه
يكلنه عباس إذا حيّ جاوينه
يفزع بالجفوف يحامي نسوانه
3
بيدينه الحبال والدموع هماله
وعيون الحسين تصد أعله أطفاله
وأنت بفرد عين تعاين هالحالة
وقلب اليتيمات ينادي بأحزانه
4
من يقرب الليل يخويه ايأذونه
نكعد عالتراب يجون ايرفسونه
مانكدر أنام نخاف يسحكونه
هذا الوضع حيل يعباس أذانه
5
حر الشمس نار بلا ستار خلونه
صحنه يظلام وأبد مارحمونه
علينه الشمر كام يخنزر بعيونه
محنيه الظهور والأطفال تعبانه
6
رغم المعانات والجروح والحيرة
ماشفنه واحد وفيّ وصاحب الغيرة
كل المصايب يعباس اجبيرة
دارت علينه وسافه دنيانه
بغداد
امجد صاحب الشطري
/channel/aabas78
قصائد لكل ايام محرم اشترك بالقناة
انه زينب بت علي المدلله ,,, شيبت حالي مصايبكربله
صرت مسبيه وراك
اي وحق موت الخذاك
يابو فاضل ... يابو فاضل
...1...
زينب انه يا كفيلي صاعده الناكه الهزيله
وبركبتي أطفال كثره وحملي مايل من يشيله
ياهو غيرك يا بو فاضل اعتنيله واشتكيله
حيرتي ما منهه حيره بغيبتك ونتي ثجيله
وين اروح اخلاف عينك يا كمر ,,, حتى ما خلونياوصل للنهر
خنكه خوية ابلا هواك
اي وحق موت الخذاك
....2....
خويه شحجيلك شكلك شافت امصايب عيوني
من بعد موتك يكافل بالسلاسل كيدوني
والشماته اعليه حاطت بالحجارة ايشامروني
لايذه ابسدي اليتامه وين عمنه ايناشدوني
شرد اكلهم راسه صابو بالعمد ,,, شرد اكلهم مات مايرجع بعد
اعيونهم تنظر سماك
اي وحق موت الخذاك
....3....
خويه والضيم العليه ما سده مثله اعله حرمه
كلشي صار اعلية يبجي حتى ليلي باجي ظلمه
وراسك كبالي يغالي صرت انه ابدمعي أكلمه
خايفه الرمحك يخوية اوصل وجرحك ألجمه
من بعيد اعليك اعاين لا تفز ,,, وانه شفت السيف نحركمن يحز
وسهم المثلث عماك
اي وحك موت الخذاك
.....4.....
يابو فاضل خويه جفك ما يفارك لحضه بالي
خويه لو ترجعلي ساعه وتنظر اشباقي اعله حالي
كبراني اهواي موتك ياكمر هاشم يغالي
ما أوجد خويه دربي من كثر سهر الليالي
كلشي بيه مو مثل لمن جنت ,,,, خوية يا عباس بفراككمتت
بس نفس زينب وراك
اي وحق موت الخذاك
...5...
حسبت ايام واطبهه ديرة الذبحو زلمنه
وراح اشوف هناك وادم غربه ماهم من اهلنه
بالطبول وبالهلاهل خويه تستقبل ضعنه
والوجه لا وين اديره وانت جفك ما هو يمنه
الشام ما تنحمل طاريهه صعب ,,, اشلون راح ابسوكههزينب تطب
مشيتي اتأذي لــواك
اي وحق موت الخذاك
....6....
كلهه صوب وصوب عندي طبتّي الديوان اميه
وين جانت هاي اليه تالي عمري اصبح سبيه
خوية ياعباس صعبه وانت ما ترضاهه اليه
وكفتي ابمجلس شماته وناسه تتفرج عليه
من جنت عايش تضمني امن الهوه ,,, هسه فرو بيهشام ونينوى
وكلهه شافت طولي ذاك
اي وحق موت الخذاك
.........
✍ كلمات موسى الخادم
/channel/aabas78
قصائد لكل ايام محرم اشترك بالقناة
بدت رحلة معاناة
رحله وكلها اهات
وين الگلبه محروك /٢
ونمشي وي الغرب . . وبعيد الدرب
رحله وكلها اهات
............................
اول عذابات السبي من تمشي وي جتالك
ومن تركب النوك الهزل وراس العزيز اكبالك
رحلة الم رحلة حزن وكلش تتعب حالك
رحلة لوعه وادموع
وبيه مكسره اضلوع
رحلتنه العله النوك /٢
ونمشي وي الغرب .. وبعيد الدرب
رحله وكلها اهات
.......................
تمشي وي ذباح الاهل هاي التحز بروحك
ومن تلفت تلگه الشمر بله شيطيب اجروحك
علنوك والتحدي غرب هاي التزيد نوحك
تعال الحگ يعباس
علينه تعاين الناس
وبختك هذه متلوك /٢
ونمشي وي الغرب .. وبعيد الدرب
رحله وكلها اهات
.........................
اني ادري باليفگد اهل غير بهله يواسونه
الوادم تصبره بمحنته مو عالهزل يسبونه
وانه اخوي المنذبح راسه بحجر يرمونه
الكوفه ازغار واكبار
وكلها تشامر احجار
من طبينه للسوك /٢
ونمشي وي الغرب .. وبعيد الدرب
رحله وكلها اهات
..........................
من كربله الرحله بدت وسوط اعله سوط يذبني
وللكوفه من طب الضعن بس الشتم لاحكني
ما يخلص شطوله الدرب وانه التعب ما خذني
ابد ما شفنه راحه
درب بس للمناحه
ومنه حيلي مبيوك /٢
ونمشي وي الغرب .. وبعيد الدرب
رحله وكلها اهات
..........................
فوك الهزل ياحسرتي وكدامي روس اخواني
والحادي بضعوني الشمر كلش تره اذاني
مسبيه وامشي وي الغرب هيج الوكت خلاني
كلبي وراسي شايب
من ضيم الخرايب
واسمي بين الحلوك /٢
ونمشي وي الغرب .. وبعيد الدرب
رحله وكلها اهات
..........................
ابو حسن الجعاري
/channel/aabas78
قصائد لكل ايام محرم اشترك بالقناة
دفن الاجساد الطاهرة
حيره بوية شلون ادفنك
هـو انـته شباقي منك
راح المك بالحصيره
مصيبتي والله چبيره
……………………………
ريت يا بويه المنـيـه وياكـم اخذتني سويه
ولا اشوفن هالمنـاظر صعبـه يا بويه عليه
عالترب كلكم اضاحي مگـطعين اعله الوطيه
انته واخواني وعمامي والانصار اهل الحميه
بويه متـخالط لحمكم
گـلي شدفن راح منكم
حيرتي يابويه حيره
مصيبتي والله چبيره
……………………………
مو مرض بس الهلكني هدني بويه الي شفته
واني ازحف يم جثثكم شفت اخوي وما عرفته
علي الاكبر ذاك طوله وكل جماله الي وصفته
قطعة قطعة امگطعينه وصل صارة علي جثته
اليشبه الهادي بخصاله
منمـرد بالطف جماله
چـنه لا مو هوه غيره
مصيبتي والله چبيره
……………………………
ويا هضيمتنا عله جاسم يا فجيعتنا بمصابه
بعده شاب وحلو عمره تالي ذبحوه ابشبابه
ابن اخيك بويه صاير وصله وصله اعله الترابه
اه يا عريس هاشـم گـلبي طـراه بعـذابه
توه قاسمنا صبح شاب
شلون ادير اعليه التراب
هذا عريس العشيره
مصيبتي والله چبيره
……………………………
يا كسرنا ويا هضمنا عالنهر عدنـا مصيبه
لعمي ابو فاضل بكائي وگـلبي ميبـطل نحيبه
شفته بويه وريت ما شوف جـثته ذيچ السليبه
بويه مثلك نـاهبينه وعاري والجثه خضيبه
منمرد جسمه وبلا راس
يا هضيمتنا عله عباس
چان ينزف لخته غيره
مصيبتي والله چبيره
……………………………
بويه من جيت ارد ادفنك ما عرفت اشلون ادفنك
بالسيوف امگـطعينك انت موش احسيني چنك
گـمت ادور بالتـرايـب كـل عضو مفصول منك
گـوه لمـيـتـك يبويه الخـيل ليش ايطـشرنك
راح ادفنك وي سهامك
حيل مطحونه عظامك
وحرگتك شمس الظهيره
مصيبتي والله چبيره
……………………………
ردت اهيل اترابك اعليك ولنه صوت يصيح نحرك
يا علي وســد رضيعي وجبته خليته عله صدرك
بس يبويه بصدره حافر ماطلع من گـلبه اخبرك
طفلك ابلا راس مثلك عـظم الله براسه اجرك
منذبح مثلك خطيه
وداسته هم اعوجيه
دمعي دم الكم اديره
مصيبتي والله چبيره
الشاعر عقيل الحسناوي..
.
/channel/aabas78
قصائد لكل ايام محرم اشترك بالقناة
مسبية زينب للشام روس الأهـــــــل ويّاها
**
بعـــــــــــــــــد مقتل بني هاشم شيبها وشبّانها
بقت بت حيـــــــــدر غريبه موته كل اخوانها
وآل أميه تحيــــــــــــط بيها والشمر شيطانها
غصب جــــــــــروها السبيها وزيّدَوْ أحزانها
مهضومه عگب الوليان تذرف دمه عيناها
****
وسفه زينب دون كافــــــــل والزمان يخونها
الچانت بزوده أميره وهـــــوّ حامي ضعونها
آل أميه والتبعهم وسفـــــــــــــــــــه يتولونها
شتموها وجتفوهـــــــــــــــا وللسبي يردونها
ومن بعد عين العباس شمر وزَجِر يرعاها
**
حبال شـــــــــــــدّوها بأديها وايد كل ايتامها
ومشت ويّـــــــاهم أسيره بعد حرگ خيامها
دخلت الكوفـــــــــه حزينه وذكرت الأيامها
بيها مـــــــن چانت أميره وما نشاف خيالها
ذكرت الذيچ الأيام ونّـــــــــــت على بلواها
****
الكوفه تتفـــــــــــــرّج عليها لَمَنْ دخلت بيها
وبقصر ابـــــــــــــن الدعيه وگفت امچتفيها
وهانته بديوان قصره مـــــــــن بده يحاچيها
وراد يخلص منها قــــــــــــرر شمر ليوديها
للشام والطاغي الشام هــــــــــذا النذل ودّاها
**
بالدرب شافت مصايب مـــــا جرت امثالها
نوبــــــه طفله اتطيح نوبه تبچي كل عيالها
من التعب والأرض وعره تعبت من تلالها
تالي وصلت شام أميه الغيّرت كــــل حالها
بعيد وفرح كــــل الشام هالصوره ما تنساها
**
شام اميه كلها طلعت فـــــــرح عدهم بادي
بنار وحجـــــــــاره تلگّت ظعن آل الهادي
تصيح كلها يـــــــا خوارج كلها إلها تعادي
حيره أم الخـــــــدر زينب حارت بهالوادي
بدار الكفــــــــــر والإجرام كلشي الدهر راواها
***
يم يزيــــــــد القصره دخلت تنظر الأتباعه
تنظر بنظرة شماتـــــــــــــــــه للخدر لذّاعه
دين مـــــــــا عنده ومبادئ والضميره باعه
كل فــــــــــرد بيهم الحاضر حقده بيّن ذاعه
يجــــرح كلام الشمّات من وگفت وحاچاها
**
هزّت العرشه وكيانه بـــــــــــداره لبوة حيدر
أسعه سعيك فقط گالت لونـــــــــــه منّه اتغيّر
وكيد كيدك مـــــــــــــــن سمعها هزته وتحيّر
خاف لا ينفضح أمــــــــــــــــره والمؤذّن كبّر
صوت المؤذّن من صاح صــــرّح بأسمه الطه
****
اتورط واصبح بحيره مــن بده صوت الأذان
وبانت نهايـــــة سلطته گربت وموعدها حان
مــــن علي السجاد كلّه هذا جدي الأسمه بان
لذبحــــت اولاده كلها عياله ضلّت دون امان
شتجاوب الجدي هناك وخرابــــــه ضل مأواها
****
آه چم لوعــــــــــه ومصيبه عشنه بعد غيابه
ومن عزانــــــــــــه بهالمسيه تندعيله احبابه
عجّـــــــــــــــــل بجيته يربي وهيئ الأسبابه
العدل غايب مـــــن مغيبه الدنيه امست غابه
لا شرع شفنــــــه ولا دين كلمن ابحكمه تباها
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
/channel/aabas78
قصائد لكل ايام محرم اشترك بالقناة
عگيلي لدفن الاجساد الطاهره
يا دفان احسين اشلونه ؟
يادفان احسين اشلونه ؟
____
يا دفان ابن امي اشحاله
خوما خليت امن اوصاله
السحگتهن عشرة خياله
واعظامه الامست مطحونه
____
ايگللها او تهمل دم عينه
يا عمتي ريت اتشوفينه
بالگاع احسين اموزعينه
يكسر ظهر الي يشوفونه
____
ساعه اضلوعه اجمع واحسبهن
ساعه اوذر من جسمه اجمعهن
والخنصر يا عمه اكلفهن
ياخي عون الي يلگونه
____
عمه اعله التربان اموذر
ما ينشال . الله او اكبر
اشما حاولت ارفع ما اگدر
خله الروح اتون مسحونه
____
شلته اعله احصيره او نزلته
لا غسلته او لا چفنته
ياعمه ابلا خد وسدته
بس منحر متغير لونه
____
وسدته ابلا خد بس نحره
او عبدالله وسدته ابصدره
ياعمه ما ضلت عبره
والمثلي خل تعمه اعيونه
____
وللعباس امشيت ابحسره
كوكب. چيف انًزله ابگبره
ياعمه ابلا يمنه او يسره
وآثار الجربه اعله امتونه
____
دافنهم جيتچ بجروحي
موت حيلي وني او نوحي
اوياهم ريتن دافن روحي
او لا تبقه ابهل هم مسجونه
____
ابو فاطمة الطائي
/channel/aabas78
قصائد لكل ايام محرم اشترك بالقناة
اعگيلي
حيره احتار بدفن حسينه
وظلت تهمل من دم عينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ظل محتار شلون يلمه
ووذر صاير بالطف جسمه
ما مگطوع وينزف دمه
ويون ويسمع لونينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
محتار وتهمل دمعاته
ونار وتتلاهب حسراته
اعله حسين وحاله وناته
ويذكر ماي تريد سكينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ظل ايدور خنصر ايده
وكلسا جرحه اهموم يزيده
ويوميله حسين اعله وليده
اعلصار بحاله الله يعينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الله يعينه اشصار بحاله
مطشر جسمه من الخياله
ايدور ظل ويلم اوصاله
ويصيح الخنصر چاوينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بين الكافل بين اچفوفه
محتار بيا جرح ايروفه
ظل بونه ودمعه يطوفه
عدمن يا عمي مخلينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بحسره وجمره تعنه الاكبر
وبكل خطوه يگوم ويعثر
من شافه اعله الغبره موذر
ابخيل ابلا رحمه موذرينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يم القاسم راح بونه
بدم اصوابه يشوفه محنه
گام اجروحه اسولف عنه
من دم اخضابه محنينه
حيره احتار بدفن حسينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الشاعر احسان الحميداوي
/channel/aabas78
قصائد لكل ايام محرم اشترك بالقناة
لا تسحگنه يا خيلهم بسچن سحگ
لا تسحگنه صدره اعله ضهره المنطبگ
ياخيلهم بهداي بهداي
مذبوح اخوي وماشرب ماي
****
ماذي النحر حيل الذبح
وانرفع راسه على الرمح
الف وتسع مية جرح
صارن بالحسين
ضيعت صدره من الگفه
من السحگ ما نعرفه
طايح شبيه المصطفى
اذنه الاثنين
گطعت الراس وسحگت الخياله
لو عطش گلبه لو افراگ اعياله
كلهه تسحگه الراح والجاي
ياخيلهم بهداي بهداي
لا تسحگنه لا تسحگنه
**
چملو گطعت منحره
طايح وگصو خنصره
يكتل يطعن الخاصره
بسهام وارماح
يا خيلهم بطلن ركض
ضايع الطول ويالعرض
متروسه من جسمه الارض موكامل الطاح
كسرت اعضامه بالخيم مسموعه
ياوسفه بالبر طشروهه اضلوعه
كون الحوافر رضت اعضاي
ياخيلهم بهداي بهداي لاتسحگنه لاتسحگنه لا تسحگنه
**
حافرچن ايكسر الصخر
وابن امي ماعنده ضهر
چم سهم البصدره نكسر وبلايا رحمه
جسمه التوزع عالرمل
لا يتلم ولا ينگل
مايحمل حسين الثگل كطعو جسمه
ياناس هاي الما تصدگهه اعقول
لحسين ماصافي شبر من الطول
نص من عباتي كفت افياي
ياخيلهم بهداي بهداي
لا تسحگنه لا تسحگنه
**
نايم اخوي اعله الثره
لاباقي ثوب اليستره
عاري وسحگجن عوره
خيل اعوجيه
بسچن عساجن بالعمه
تارس حوافرچن دمه
فوك الذبح فوك الضمه همچن عليه
كلما تمرن فوكه واتسحگنه
من نحر الحسين انه اسمع ونه
يمكن يصيح الجده شچاي
ياخيلهم بهداي بهداي
لاتسحگنه لاتسحگنه
*
نصچن سحگ فوگه وهجم
وتوسط ابين الخيم
طيحته ابعيد اعله الحرم وايتامي يبچون
اركض واطيح اتحيرت
وبجثة ابني اتعثرت
حيهم يخوتي حشمت
بس مايگعدون
ايتام تركض والحرم نص البر
واتعنت وتلگه ابوهه امطبر
وآنه الاسكت هاي لوهاي
ياخيلهم بهداي بهداي
لاتسحگنه لاتسحگنه
خادم اهل البيت علي الزرگاني
/channel/aabas78
قصائد لكل ايام محرم اشترك بالقناة
#ليلة_دفن_الاجساد_الطاهرة
آه منج كربلا ... آه منج كربلا
****.
طاح قرآن وبكت تبجي السمه اعليه من دمه
ونزل جبريل بجروحــه يعزي بالهم فاطمـه
وصاح عزريل بحسرته ويلي يا حامي الحمه
والملايك بالدمــع حضرت تقيم الجزع
وصاح فطرس بالملا آه منج كربلا
****.
الــذكر فوك الثره والفاتحه فوك الرمـــــح
حسره من تقره بألم وبخاطرك ذاك الجرح
توسد بحرّ الشمس ياويلي قــــرآن الصبح
والذكر فوك الثره اوراقه مطّشره
وما كو واحد رتلّه آه منج كربلا
****.
لن خيول العشره كصدت صوبه شكت مصحفه
سحكت بذيج الظلامــه وزين كلش تعرفــه
من مكان النحر صارت بالحوافر تحرفـــــه
سالفه وما اظن صدك مصحف الله ينسحك
ويبقى عاري بالفلا آه منج كربلا
############
عمدوا اعليه بالسحك جي من صدك هو الذكر
تكطّــــع بذيج المسيه بخيلهم واصبح وذر
رادوا بهــاي الفجيعه دين طـــــــــه يندثر
حسين يدرونه الذكر كطّعوه بالطف وذر
الدين بحسين اعتله آه منج كربلا
****.
بلا دفن وبلا غسل ابن الفحل فــوك الثره
وجسمه متوذر يويلي اوصاله كلها مطشره
اوراقه تتمزق حــــواسر وبدمــــاه معفره
بلا دفن ظل بالعره محد بحالـــه دره
ياهو يمه وتسأله آه منج كربلا
****.
تغيّر بذيج الشمس روح القدس مــا ينعرف
كل حجر بيه هالدمه من السبط يوم النزف
طاح وتطشر امامي وكل جرح يسواله طف
آه يا ذيج المحن شلون ينلم بالدفن
بيا كلب من تعدله آه منج كربلا
****.
لخادم ال محمد(ع).........
. الشاعر حيدر كاظم الساري
/channel/aabas78
قصائد لكل ايام محرم اشترك بالقناة
شحجي على الشفته
أبدفن الأبو العفته
بل كَـوه انه اعرفته
من كثر الجروح
…...........
١=
وصلته ومن وصلته واكعدت يمه
شفت كلشي بحبيبي سابح بدمه
وعلى كلبه الرمح والحافر الداسه
وحرت حيره اشكبرهه بجمع ابو اليمه
اشكد دافن بعمري
ناس بكثر صبري
بس ما كسر ظهري
مثله ابد مذبوح
/////////////////
٢==
بديت اجمع لحم جسمه المله الحومه
وكسر كلبي أبوي الذابله ارسومه
عليه ما خلو اهدومه انسلب كلشي
الجسد عاري لكيته وفايضه ادمومه
حرت بأمر جمعه
والراح شيرجعه
يمه كعدت انعه
ابصوتي المبحوح
////////////////////
٣===
لكيته اعله الوجه مكلوب ابو الأكبر
وعلى نحره ١٢ طبره شفت واكثر
ومنه امكسرين اظلوعه يا ويلي
شكثر حاولت أشيله امنيدي يطشر
سبحه وألم بيهه
اظلوعه المطشريهه
والروح احاجيهه
عالفارك الروح
////////////////////
٤====
احفرت حفره جبيره الطوله المكطع
وجبت ويلي حصيره بيهه ابوي اجمع
لان من عندي يوكع كل جزء شلته
أبوي امن السحكَـ بي ترسو المصرع
الحافر خسف صدره
واتساوه وي ظهره
ودم هامته ونحره
عالغبره مسفوح
/////////////////////////
٥=====
نزلته الكبر بس راس ما عنده
دفنته بس نحر نازف وسط لحده
وعبدالله اعله صدره بهيده وسدته
بس جسمه بلا راسه ولا خده
هم مثل ابو الأكبر
كطعو اله المنحر
وراسه برمح اصغر
مشيول وينوح
/////////////////
٦======
اه اشما صحت ما تطفه نيراني
اشد موقف كسرني وحيل اذاني
من هِلت التراب وجني صرت اسمع
صوت امن النحر عطشان صاحاني
يا علي يوليدي
ماي ازكَـي اوريدي
وحط أيدك ابايدي
وظل يمي لتروح
////////////////////////////////////
✍️🏻كلمات موسى الخادم ٢٠٢٥
/channel/aabas78
قصائد لكل ايام محرم اشترك بالقناة
الدفن
شأقره بصلاة الدفن/والراس ما مدفون
مدفون قسم وقسم/للمثله شيصلون
محتاره ادعيلك
مييت واصليلك؟
والراس ما مدفون
++++++++
فاتن ثلاث ايام الك بالشمس باقي حسيني
ومرن ثلاث ايام الي وآنه بحبل چفيني
هسه آنه معروفه بسبي بس وضعك امأذيني
جسمك تركته بكربله والراس اشوفه بعيني
بتراب ثوبه رجع/وأنه اسأل السجاد
دافن منو وارجعت/اعرف اهلنه ابعاد
امن ابعيد اناديلك
مييت واصليلك
والراس مامدفون
++++++++
گتله ابدفنته اتأخرت گلي صعب جمعته
كلما ارفعه حاولت ماينرفع من شلته
باقي بعد منه ورحت دورت خنصر جبته
زغران ابـوي الوحدي للگبر مـن نزلته
وهنا بدت قصّتي/وجرحي اويه جسم حسين
لا خد اوسده بترب/لا مددت رجلين
كتله اشأسويلك
مييت واصليلك
والراس مامدفون
**
للقبله اوجّه ياطرف من الحصيره واجري
حكم الدفن للبالسحگ صدر وگفاه متذري
اندليته نحره من نطق وسد رضيعي الصدري
ضليت ادور عالصدر گال الصدر ضل حدري
ناشدني راسي شعجب/ماجبته يبني وياك
گتله اويه زينب بقى/يحرس بناته اهناك
وارقيه تشكيلك
ميبت واصليلك
والراس مامدفون
+++++++++
اختك يبعد اختك صبح كلشي غريب ابدونك
گالولي عنك مندفن وگبالي اشوف اعيونك
تدمع اذا ضربو طفل وبرمحك ايهزونك
هسه انت ميت منأسر يحسين شيسمونك
راسك اشوفه عدل/بس جسمك ابلا روح
بثنينهن ماكو امل/مدفون لو مجروح
چم فاتحه اهديلك
مييت واصليلك
والراس مامدفون
++++++++++
حته بدفنتك تختلف يالمختلف عن كلها
سكنه ورباب يسولفن ياعمل نهدي اتگلها
نقره الحمد دفعة بله عن راس ابوچ اتگلها
وننوي الصلاة الخنصره ونشا الله يقبلها
ياخويه جرح الحبل/يلچمني وتوضيت
الكل وصله منك فرض/لميتك وصليت
دمعاتي توميلك
مييت واصليلك
والراس مامدفون
+++++++++
ياوحشه لبدرب السبي والمندفن هنياله
ياريته طولي مندفن وما شاهدوله خياله
بالكوفه وبمجلس زلم وگفوني خويه گباله
رسك ابطشته ويلتفت من سوطه بيده الشاله
تحميني وانت بطشت/وآنه استعذ بالراس
من شر سياط المتن/ومن نظرة الحراس
تسمعني واحچيلك
مييت واصليلك
والراس مامدفون
الشاعر ثائر الربيعي
/channel/aabas78
قصائد لكل ايام محرم اشترك بالقناة
محرم 1447ه- 2025م
ليلة 13 محرم (ليلة الدفنه)
راجع بگلبي المدمي ادفن ابوي وعمي
آ يا محنتي ★★★★★★★★★★★★★★★★
يبويه حسين اجيتك ها يمذبوحي
فراگك شيباني يا بعد روحي
من درب السبي رديت بجروحي
ادفننك اجيت بحسرتي ونوحي
ذبيت يمك حسره يا بويه فگدك كسره
آ يا محنتي ★★★★★★★★★★★★★★★★
ثلث تيام باقي ومنگطع نحرك
آثار الحوافر طابعه بصدرك
لگيت چفوف اديك مگطعه بكترك
تمنيت انذبح عمري وسلم عمرك
مكسّر مطبر جسمك شلون التراب يضمك
آ يا محنتي ★★★★★★★★★★★★★★★★
اودعنك يبويه وروحي تتلوه
رايح لبو فاضل صاحب النخوه
ونعم من الكفيل الجابته اللبوه
مثل عباس ما تحصل ابد خوّه
گاصد الراعي الغيره ظلينه بعده بحيره
آ يا محنتي
؛★★★★★★★★★★★★★★★★
يعمي الغالي اجيتك مختنگ صدري
مدري شلون ادفنك يالگمر مدري
ادفنت قبلك ابوي ومنكسر ظهري
ذبحتوني وراكم يا بعد عمري
سهم الرديه بعينك ومگطعه چفينك
آ يا محنتي ★★★★★★★★★★★★★★★★
اجيت وبالخرابه عايف النسوه
اجيت وروحي بالحرسات تتچوه
يعمي الحگ الزينب طايحه ابّلوه
يالخلصت عمرك بالشدد تچوه
زينب لمن عفتوها فوگ الهزل صَعدوها
آ يا محنتي ★★★★★★★★★★★★★★★★؛
اودعكم ويذبح روحي فرگاكم
لو بيدي اظلن گاعد احذاكم
احلى ايام عمري چانت وياكم
راح العمر كله ابقى انعاكم
انحب اظل للتالي وتبقون دوم ابّالي
آ يا محنتي ★★★★★★★★★★★★★★★★
جعفر عطيه البزوني
/channel/aabas78
قصائد لكل ايام محرم اشترك بالقناة
في طريق السبي
زينب تتحسر على اهلها :
(( سريعه ))
وين عباس الكفلني وين ابو سكنه الحنين
وين الاكبر وين جاسم وين عني الطيبين
__
وين أهل الغيره راحو انشد او مامش جواب
يا أهل خدر الله نومه لو تِسمعون العتاب
الشمر ترضوها يهلنه يحدي ربات الحجاب
ما يلوگ النوم الكم گومو گومو امن التراب
.
محد اليرحم دمعنه لو نموت امن الونين
وين عباس الكفلني وين ابو سكنه الحنين
__
وين المدللني وينه ما يگوم امن الفرات
خل يشوف اشصار بيه او شنهو مر المدللات
من ظهر عاشور لسه أنّام واحنه امچتفات
امن السياط امتون عدنه امزورگات امورمات
الناگه حنت من ونيني او شمر گلبه ما يلين
وين عباس الكفلني. وين ابو سكنه الحنين
__
موش عادتكم يساده للنخاكم ما تجون
هاي اول تالي خويه زينب اعليكم تهون
تمشي والحسره اكتلتها والدمع عامي العيون
والدرب كله اتمنه بلكت الله تگعدون
يمته تلفوها ابجمعكم غاضبين امفرعين
وين عباس الكفلني وين ابو سكنه الحنين
__
يمته مو هل راس شيب والگلب ياهلها نار
يمته صارخكم ينادي عل بدار او عل بدار
الجيش للكوفه خذونه بالسياط او بل حجار
گلي شتحمل ششاگف وين اضمن هل زغار
امچلّبه كلها ابعباتي ويلي ويلي خايفين
وين عباس الكفلني وين ابو سكنه الحنين
__
يلي جبتونه امن اهلنه نمشي ساده اعله العباد
ليش عفتونه وحدنه اسرى عد اهل العناد
ايدور بينه الحادي عمدا من بلاد الهل بلاد
مو هظيمه تالي عمري ادخل اعله ابنو زياد
آنه علوية او چبيره اشجابني الهاذه اللعين
وين عباس الكفلني وين ابو سكنه الحنين
__
اگبال ابن ازياد اوگف يل هواشم كلفه هاي
اعليه ينظر وايتشمت يضحك الوني او بچاي
ايگلي چا عباس وينه ما ترسها الجربه ماي؟
وآنه سكته اعيوني تهمل وامسح ادموعي برداي
محد اليفزع اليه كل اهلنه امذبحين
وين عباس الكفلني وين ابو سكنه الحنين
__
ابو فاطمة الطائي
/channel/aabas78
قصائد لكل ايام محرم اشترك بالقناة
نزله (( #الأميرة ))
……………………………………………………………
أسيرة .. رفض كلمة اسيره
أميره .. ابعرش راحت أميره
……………………………………………………………
جبل عالناگه صاعد . ابعرش بلقيس گاعد
واذا باوع على الگاع . يشوف الالف واحد
ابطريج السبي كله . شمر من عدها لابد
ابد ما مات عباس . تراها ام عون قائد
عشيره . غدت بيرغ عشيره
أميره . بعرش راحت أميره
……………………………………………………………
اسم طه اعل چفها . حبل شنهو و چتفها
النار و بردن اتصير . اذا وصلت طرفها
تطيح النجمه جائز . وشمخ زينب انفها
تميل الكاع بالناس . اذا مايل چتفها
كسيره .. ايخسه الگايل كسيره
أميره .. ابعرش راحت أميره
……………………………………………………………
لمن بالكوفه خطبت . رياح الخوف هبّت
اصفر اصبح اللون . شوارب زلم گلبت
قيامه اليوم چنهم . عليهم نار شبّت
حچيها اتكول فقار . لبن مرجانه رعبت
زغيره .. زلم صارت زغيره
أميره .. بعرش راحت اميره
……………………………………………………………
خذت دور الزعامه . حجاب و كالعِمامه
غدت وي زين العباد . درع يحمي الامامه
تضم الباقر الها . مثل جنح الحمامه
درب چن لبوه تمشيه . وشمر مثل النعامه
وزيره . لبو الباقر وزيره
أميره . ابعرش راحت أميره
……………………………………………………………
نزل من الله اسمها . وعلم كامل علمها
الله وگص عباتين . الها او وحده لمها
عاشت ورده بيضه . ابشغف حيدر يشمها
اذا ضيّعت الحسين . فقط تلگاه يمها
قريره .. بها عيونه قريره
اميره .. ابعرش عاشت اميره
……………………………………………………………
الملك تيّه لسانه . قزم ضاع ابمچانه
يزيد انغسل وجهين . سمع اكبر اهانه
تگله اعليك غصبن . يظل يرف لوانه
ابن هند ام الاكباد . و بنت الزهره انه
كبيره .. أنه الشيخه الكبيره
اميره .. ابعرش راحت اميره
……………………………………………………………
غدت جنه الخرابه . وابد مو عالترابه
الله امن السمه ابساط . فرش الها السحابه
تنور وماكو ظلمه . الكمر فك الها بابه
يخسه يزيد ويعيش . خدر الله وحجابه
قديره .. تهد قصره قديره
اميره .. ابعرش راحت اميره
……………………………………………………………
✍️ ( سيد خضر الزاملي )
/channel/aabas78
قصائد لكل ايام محرم اشترك بالقناة
والله شيب راسهه .. من بعد عباسهه
اه يزينب .. اه يزينب
🛑🛑🛑
الغربه تكتل واهيه حرمه بلا ولي
تنسبي شلون العقيله بت علي
عالهزل راحت تنادي ياهلي
زينب انه وبالغرب محد الي
والعده حراسهه .. من بعد عباسهه
🛑🛑🛑
خيالهه ينشاف هاي بيا زمن
تمشي بين رجال بت ام الحسن
وطن جانت هسه هيه بلا وطن
والمصايب بس عليها اتحزمن
جارحين احساسهه .. من بعد عباسهه
🛑🛑🛑
روس اهلها على الرماح وتنهدي
لأبن هنده بمجلسه ذاك الردي
شامت ويشتمنه كلما يبتدي
يگلها زينب وين اهلج ناشدي
ذبّحو كل ناسهه .. من بعد عباسهه
🛑🛑🛑
والهظيمه الهالمصيبه تزيدها
خايفه سكنه الزمتها من ايدها
هاي بت احسين كال ايزيدها
تشتغل خدامه عدنه نريدها
تشاهدت بأنفاسهه .. من بعد عباسهه
🛑🛑🛑
لاعشيره الشام بيها ولاعمام
بالخرابه نبات يجرحنه الكلام
من العطش اطفالنه كلهم صيام
وعمه تسئلني رقيه وين انام
بهيمه والحر جاسهه .. من بعد عباسهه
🛑🛑🛑
علي حسين المنصوري
/channel/aabas78
قصائد لكل ايام محرم اشترك بالقناة
محرم 1447ه-2025م
قصائد السبي (نزله)
يحسين فراگك ذابحني
يحسين فراگك ذابحني
؛★★★★★★★★★★★
يبن امي ويا نور عيوني
يا خويه بذبحك ذبحوني
من شوفة طولك حرموني
نورك يا خويه مفارگني
يحسين فراگك ذابحني
؛★★★★★★★★★★★
من چنت وياكم مهيوبه
عن عين الوادم محجوبه
صرت بفرگاكم مسلوبه
صارت عدواني تشاهدني
يحسين فراگك ذابحني ★★★★★★★★★★★؛
شصار بحالي وعيني تلمحك
من شفت الملعون يذبحك
حاولت اوصل واخمد جرحك
اوصلك والطاغي يطگني
يحسين فراگك ذابحني
؛★★★★★★★★★★★
من شفتك خويه اعلى الغبره
بيه اشتعلت نار الحسره
وهناه ناديت آ يالزهره
يا يمه حسينچ عايفني
يحسين فراگك ذابحني
؛★★★★★★★★★★★
من فوگ التله وحشّمتك
يحسين الحگ ضربوها اختك
وسلبو ترچيات بنيتك
ترضاها الكافر يضربني
يحسين فراگك ذابحني
؛★★★★★★★★★★★
لمّن ما رديت جوابي
صوب الكافل درت اعتابي
للهم يا خويه انفك بابي
يا عباس اگعد ناصرني
يحسين فراگك ذابحني
؛★★★★★★★★★★★
صرنه بولية جيش وعسكر
ولمّن شافت عيني المنظر
صحت الحگ بنتك يا حيدر
يا بويه من الگوم احرسني
يحسين فراگك ذابحني
★★★★★★★★★★★؛
جعفر عطيه البزوني
/channel/aabas78
قصائد لكل ايام محرم اشترك بالقناة
وين اخوتها او وين الكافل
إظل وحـدهـا مـا تستاهل
زينب هاي يهل الراي
وين الكافل
*
أسـأل اودمعي ايـجــاوب اشما أسأل
لا تـسـأل اعـلـه الـحــره وانـت امبلل
اشما بيك اعطش واقره جرح المقتل
ليش اخت أبـو فاضل تبات اعله التل
مـا معقوله أم الخدر
إبلا خيمه ظلت بالبر
ماكو افياي يهل الراي
وين الكافل
*
الـهـوه ظــل صـافـن اوحـتـه التراب
مــن رادوا ايـسـلـبـون أم الـحـجـاب
معقوله زينب هاي بت داحي الباب
تتسلب او تـمـشـي ما بين الأجناب
مــن تتعثر تـوگـع سكته
وين اليفزع چف الاخته
لا حماي يهل الراي
وين الكافل
*
الما طالعه امن الباب طلعت ياناس
وعليها. تتمرجل اجيوش الارجاس
او دخــان خيمتـهـا سـهـم بالأنفاس
كــوه تـتـنـفـس زيـنـب إبـــلا عباس
چان الزينب خيمه اونسمه
ظلت بـعـده دمعه اولچمه
صاح الماي يهل الراي
وين الكافل
*
معقولـه زيـنـب ظـلـت إبـــلا خوان
اوبالـشـام زينب ينتظرهـا الـديـوان
دمـع العـتـب مـرات يطلعله إلسان
چـا الـمـن الـعـبـاس راد الــذرعــان
طايح چفه اورضه الحافر
طشر جسمه بيوم العاشر
دم اهواي يهل الراي
وين الكافل
*
يــاهــو الأسئله ايـگـلـي راحــت لشام
مـن بـعـد مــا حــرگـــوا اعليها الخيام
زيـنـب حـزنـهـا اغــيــوم تـمـطــر آلآم
اعله اخوتها تبچي الحالها اعله الأيتام
حزن الحره طـف ابوحده
خـضـر مـأتـم مـن اتـبـده
بين اشفاي يهل الراي
وين الكافل
*
زيـنـب ومــا ادراك مــا غــربــتـهـا
الأنـبـيـا غـربـتـهــا مـــا حـمـلـتـهـا
مــن كـربـلـه لـشـام طــف دمعتها
اوعمداً الشامت ضرب ثغر اخوتها
ثـغـر الـخــوه ينزف غيره
اوصفنة زينب ديرة حيره
صيحو اوياي يهل الراي
وين الكافل
*
الشاعر سليم الغزالي
/channel/aabas78
قصائد لكل ايام محرم اشترك بالقناة
يمگطع اعله الگاع حيره
وجسمك المنه ابحصيره
صاير وذر وابلا نحر يابويه يحسين
»»»»»»»»»»»»«««««««»»»»»
لكيتك طايح وجسمك على الغبره
ولكيت الطبره يابويه بأثر طبره
حسين الوحده شوصاير اشكثره
ابكثرما خيلهم تسحك على صدره
والحيره الاكثر بيش المك
تارس الكاع بفيض دمك
ضهري انكسر لا ماجبر
يابويه يحسين
.........................................
طايح والحوافر عالصدر تسحگ
لذالك حتى درعك گالوا اتشگك
اشما الگه جرح وياه الگه اغمگ
سيف اهل الرده مايرعه اهل الحك
يابويه بين الطبر والخييل
وتدري العليل مفارگ الحيل
وحان القدر گلبي انعصر
يابويه يحسين
...........................................
مصابك مارحمني ولا رحم حيلي
الدفن بيده ابوه يعرف تفاصيلي
وحگك من رحت ماغمضت ليلي
اثر فرگاك بيه الغربه تبچيلي
مكسور ضهري بويه مكسور
والدنيا مره امنهد عاشور
من هل خبر عودي انطبر
يابويه يحسين
........................................
بويه حسين المك وانته ماتنلم
اول مره اشوفن زلمه يتثلم
مثل هالموته بيهه الدنيا ماتحلم
الذبح قران اشوفن چنه مامهتم
ذباحك ويا ثار اله وبيش
يذبح وحشم الك بالجيش
چف الاشر يذبح گمر
يابويه يحسين
..........................................
كفت والدمع ما ينفح الرايح
الصايح عالمشو يرجع اله الصايح
اشيرده البالأرض متوسد وطايح
خسر كلشي دليلي بس حزن رابح
خسران كلشي كلبي خسران
مطروح ابوي وموته الاخوان
امرافگ سهر. يشبع قهر
يابويه يحسين
خادم اهل البيت علي الزرگاني
/channel/aabas78
قصائد لكل ايام محرم اشترك بالقناة
يـمـچ اشـرح ياحـزن
عمه جيت امن الدفن
هذا جرحي المايطيب
التـارك ابگـلـبي لهـيب
بيدي وسدت الحبيـب
وصارت الدنيه سجن
عمه جیت امن الدفن
شـلون نـايـم عالثره
ضـلوعه كلها مكسره
گـمـت ادور خـنصره
لـو حـجـر گـلبه یحن
عمه جيت امن الدفن
عـمـه ياطـفـله الـزغـير
بالـدفن الخـلانـي احير
ويالابواجمعته بحصير
ونهر عيني أعلى الوجن
عمه جيت امن الدفن
وانـي بالـهـم مـبـتـلي
بـيـن خـوانـي واهـلي
شـفـت جـسـام وعلي
وصحت معذور اليجن
عـمـه جيت من الدفن
گـلبـي تلهب جـمـرته
وسـدت كـل صحبته
اهل الوفه الماعافته
واكعدت يمهم واون
عمه اجيت من الدفن
اتـوجـهـت للـمـشـرعـه
وشفت عمي ومصرعه
اچـفوفـه يـمـه مگـطه
وسـهـم نايم عـالجفن
عمه اجيت من الدفن
حرت يارعي الشيم
بـيـنك وبـيـن العـلم
عمي شحچیلك الم
طـالت اعـلينا اللسن
عمه جيت من الدفن
هـاني ناصر السعيدي
/channel/aabas78
قصائد لكل ايام محرم اشترك بالقناة
علي السجاد بحزن طب كربله
وفوگ الخدود المدامع هامله
============================
يدفن الاجساد ابو الباقر حضر
من المصاب الشافه چم عثره عثر
وگيدهم بچفوفه ظل طبع اثر
وباله ظل وفكره يم العايله
وفوگ الخدود المدامع هامله
============================
بدمعه وبعثره وصل يم والده
شاف جسمه مگطع بخيل العده
وجاب عبد الله اعله صدره وسده
يگله كون بنحري نبلة حرمله
وفوگ الخدود المدامع هامله
============================
ظل يلم جسمه بحصيره وشاله
الحجر لسجاد يبچي وحاله
نزله بگبره وجمعهه اوصاله
گام يبچي ويبچي وياه المله
وفوگ الخدود المدامع هامله ===========================
راح يم عمه وألم زاد الألم
ابلا چفوفه شافه وبعينه السهم
ظل يصد لجوده ويصد للخيم
يگله عگبك شمر يحدي القافله
وفوگ الخدود المدامع هامله
============================
ويم علي الاكبر بقه يصب الدمع
افراگك اذني وكسرلي اچم ضلع
ونينه ظل بالعرش صوته ينسمع
روحي وي روحك عساه راحله
فوگ الخدود المدامع هامله
============================
وصل يم جاسم وتهمل دمعته
من خضاب ادماه صارت حنته
والمنيه وسفه طفت شمعته
ابن عمه لگبره يبچي وشايله
وفوگ الخدود المدامع هامله
=======================
الشاعر احسان الحميداوي
/channel/aabas78
قصائد لكل ايام محرم اشترك بالقناة
مجتفه ويمكم قريت الفاتحه
وصحت يالعباس عنكم رايحه
....................
ركبونه اعله الهزل يا ابالفضل
گوم فك ايدي اكل بيهه الحبل
رافگت غربه يخوتي اعله الهزل
والاحبال اجفوف زينب جارحه
..................
ايدي معگوده اشيركب عيلتي
عمده ياعباس تعرج ناگتي
خويه گوم وياي شده شدتي
ياهي تعثر ها يزينب صايحه
.......................
هاي تعثر ذيج گالت وين ابوي
وذيج عمه اتگول وديني لخوي
يابحر من الحزن زينب تفوي
ودمعتي نار اعله خدي وطايحه
......................
ياهمومي الفرگة اخواني اشكثر
فرگة حسين واشد منهه اليسر
رفگتي العباس هسه ويالشمر
رحت واعيوني عليهم شابحه
...................
اشما تميل الناگه وياهه انه اميل
والحمل يابا الفضل كلش ثگيل
هيه شده والاشد منهه العليل
وسري يادمع النواظر فاضحه
...................
العليل المرض گلبه امرده
ما يگوم اشلون يركب وحده
بين شمات اويضدونه اوعده
وما اله وادم تحبه وناصحه
.................
رحت والفرگه طويله ياهلي
كون ينسام ابعمر اشري الولي
نطب للشمات الحك يا علي
وجان كفالي الامتعب الجامحه
....................
غربه واطفال وخرابه اتحملت
والله مدري اشلون عفتك مامتت
يالحسين اوياك موتتنه ردت
الموت يالماخذني ابد مااسامحه
خادم اهل البيت علي الزرگاني
/channel/aabas78
قصائد لكل ايام محرم اشترك بالقناة
الدفن
ماحچت بس اشرتلي ابأيدها
تريد اسألك عمه عن اوليدها
++++++++
صوت ماعدها الحچي من عدها غاب
هاي ثلث ايام ماتحچي الرباب
گاعده اتلولي الحضنها بالتراب
اتشيل اديها انوب تحضن جيدها
++++++++
بالبالخرابه چي سگف بيها اعله هاي
اتكترت ماترضه تگعد بالفياي
اشرتلي اتگول شرب ابني ماي
لو بعد جثته العذب شيفيدها
++++++++++
اتگول وين ادفنته چا عبد الله وين
الهسه ملفوفات بگماطه الادين
وحده دافن ابني لو وي الحسين
الگبر وحشه اعله ابني ايزيدها
++++++++++
نـام ابـنـها بالتراب الغالي نـام
فوگ صدر حسين مابين السهام
شالهن ذرعانه وافهمت الكلام
من بچه عبد الله امه ايريدها
++++++++++
ويه ابوه حسين وبنفس الحصير
حته جسم حسين هم صلير زغير
ما اميز بين الاول والاخير
لا تساليني وبعد ماعيدها
++++++++
عمه من عبد الله مگطوع النصيب
خل تبطل من دللول الحبيب
الراح مايرجع ولا حته النحيب
اير اهلنه هناك سكنت بيدها
الشاعر ثائر الربيعي
/channel/aabas78
قصائد لكل ايام محرم اشترك بالقناة
اجيت ابدمعتي يحسين
عن....جسمك ادور وين
شفت المنگطع نحره
خيل اداست ابصدره
***
گلي بيش اضمدك وحسب اجروحك
ما خله الحجر من صابك ابروحك
يمه شلون اعرفك والدمه اسفوحك
مچفي اعله الوجه ما ينسمع نوحك
حيره اشلون أعرفنك
يوليدي اردا اشمنك
بنحرك لو ارش گطره
خيل اداست ابصدره
***
يمك لو طحت من ظلعي محنيه
يذبحني الحزن من دهري يوميه
يمه اشصاير ابحالك يبو ارقيه
من جرح الجرح ما تشرب اميه
ليش امكسره اسنونك
چم طعنه يطعنونك
خياله ابحقد عشره
خيل اداست ابصدره
***
اجيتك والگلب يبني اشكثر حسره
ادور عالاصابع تسعه مو عشره
شفت حتى السهم يوصل حدر ظهره
اگعد يمه اجيتك فاطمه الزهره
يمه اشلون اشبگنك
ما سالم كتر منك
بروحي ظلت الجمره
خيل اداست ابصدره
***
يا حيره من المك والجسد اثار
يمه انه وعلي بگليبي شبت نار
جابولك حصيره وظل علي محتار
اشلون ابلايه راسك نزل الحفار
يايمه الدفن حيره
ضاعت كل تعابيره
يمه يا علي اتحضره
خيل اداست ابصدره
***
گعدت انه عله گبرك والعطش بلوه
جبتله اميه بلكي اوليدي يتروه
من حر الرمل كل ونه يتچوه
ياويلي الحجر من جبهته اشسوه
احني ابظلعي المكسور
ذبحوني ابظهر عاشور
غيمه بلا مطر صحره
خيل اداست ابصدره
***
حسراتي من اسولف تجرح الاحساس
تاليهه......... الوكت نزلتك بلا راس
يمه وي علي السجاد احشم الناس
جيت وياك انوح وانظر العباس
بالحسره اسمع اونينه
موعد منطي لسكينه
طايح جربته ابكتره
خيل اداست ابصدره
***
تمت بعون الله تعالى
الشاعر____يوسف الفتلاوي
/channel/aabas78
قصائد لكل ايام محرم اشترك بالقناة
لدفن الأجساد الطاهره
حيرني أبوي وحيره بالروح
من مكفاه يويلي إلكيته مذبوح
المصيبه خنصره ماهو بالايد
مذبوح واحسه لزينب يريد
==========
من أرض الغري متعني بهوم لرض الغاضريه
جيت وگلبي نار وحيل ملجوم من عظم الرزيه
وصلت الطف لكيت حسين ياحيف عاري اعل الوطيه
مذبوح وسليب وضامي ياناس خليته اعل اديه
خليته بديه ودمعي بالعين
حاجيني كلتله بويه يحسين
نار البل گلب يابويه مَتهيد
مذبوح واحسه لزينب يريد
==========
شكثر بيه السيوف الظاله هواي آثار البواتر
ولكيت بصدره حفره والله ياناس من سحك الحوافر
الحوافر كَسَرّنها اظلوع الحسين ظل يكسر الخاطر
ألمنه وذر متوذر شلون نار وگلبي فاير
متوذر والمه حاير بهاي
لواشرب ابوي الماشرب ماي
الذباحه الضمه ياماي اله يفيد
مذبوح واحسه لزينب يريد
==========
بكفاه جني طلت نظرات العيون واني بگلبي حسره
الشمر جني اشوفه طابر حسين يويلي اثنعش طبره
كاعد عالصدر والشيب مخضوب لحيته كلها حمره
من دمه يخضب شيبه الحسين گلبي شنهو صبره
والدم بلحيته شيبه مخضوب
مذبوح اعل وجه لكيته مگلوب
من انذبح عمي عنه ابعيد
مذبوح واحسه لزينب يريد
==========
خنصر والدي مگطوع ظليت ادور خنصر ايده
عليل ومن يساعد حالي ياناس والخنصر يعيده
جَمَّعته وذر بالكوه خليت جسمه وي وريده
بيدي رجعتها اظلوع الحسين وحق امه الشهيده
ياماي التبده لمته شلون
شجاوب من ارد لعمتي ام عون
اخوج بكربله مگطوع الاوريد
مذبوح واحسه لزينب يريد
==========
اعل صدري وسد ابني گلي ياناس من إحفرت گبره
بلحد واحد دفنته والدي وصار عبدالله اعل صدره
اوسده شلون ابويه وهو مذبوح شخلي جوه نحره
هالمنظر جرحني وزاد الاونين خنكت صدري عبره
رديت وهضمني دفنه ياناس
مثل مارد ابوي بفگد عباس
الحك ياعلي لإبنك أيا حيد
مذبوح واحسه لزينب يريد
==========
الشاعر علي النائلي
/channel/aabas78
قصائد لكل ايام محرم اشترك بالقناة
نزله... لسان حال الامام السجاد ع لدفن جسد ابيه الحسين عليه السلام
مو بالگبر بالروح ادفن حبيبي
.........
جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري
ما يشفه جرحي يسيل. ميت طبيبي
مو بالگبر بالروح ادفن حبيبي
.........
والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه
كلما قربت عليـــه يكثر نحيبي
مو بالگبر بالروح ادفن حبيبي
.........
ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه
مو عجبه لو عالراس يغزيني شيبي
مو بالگبر بالروح ادفن حبيبي
.........
شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته
مو بس ابو ياناس خِلّ وصحيبي
مو بالگبر بالروح. ادفن حبيبي
.........
نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته
هلت التراب عليـــه عمري ونصيبي
مو بالگبر بالروح ادفن حبيبي
.........
اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات
ياربي من دنياي قرّب مغيبي
مو بالگبر بالروح ادفن حبيبي
#سيد_زيد_الفحام
/channel/aabas78
قصائد لكل ايام محرم اشترك بالقناة
#دفن_الاجساد_الطاهره
من بعد ذيج المصايب. راجع لدفن الحبايب
عالثره ضلوا ضحايا من حزنهم گلبي ذايب
......
آنه ياناس العليل جروحي بيّه
ذبحوا اهلي گبال عيني آل اميّه
بلا دفن ظلّوا ضحايه عله الوطيه
اليوم اجيت ادفن جثث اهلي بديه
من خذوني الغالي عفته. والله لو بيدي دفنته
حسين ابوي شلون اعوفه. غصب اخذوني وتركته
...........
من وصلت الغاضرية بدمعة العين
اعثر بجدمي رحت يم والدي حسين
ويلي شفته مگطّع بسوح الميادين
منين اشيلن جسم ابويه حاير منين
جمّعت جسمه بحصيره شلته بدموعي الغزيره
للگبـر نـزّلتـــه بيــــدي ودفنت شيخ العشيره
.............
من گبل ما هيل بيدي تراب گبره
وسّدت عبدالله دامي فوگ صدره
وسهم المثلّث ذبحها اوداج نحره
بياذنب ضامي الرضيع يموت حسره
منظر يهدّ الرواسي. شيّب بهالنظره راسي
والدي وأبنه شفتهم. مذبّحين وبيش اواسي
..............
رحت للأكبر عضيدي وسلوة الروح
اليشبه المختار جدي شفته مذبوح
احفرت گبره بدمعتي وبنار لجروح
نحت يم جسمه وندبته شينفع النوح
يم علي الأكبر عضيدي. نكسر ظهري وطگ وريدي
شلون بية الروح ظلت وبن ابوي ادفنته بيدي
...............
وعاينت عالغبره عرّيس الهواشم
بدم وريده امحنّي چفّه الغالي جاسم
دفنته وي انصار ابوي ودمعي ساجم
ضحّوا لدين الله ثبتوا بالملاحم
بحفره وحده جمّعتهم. يم ابواليمه ادفنتهم
بس حبيب العم فرزته عنهم وما باعدتهم
...............
وعتنيت بدمعتي لصوب الشريعه
للگمر عباس شاهدت الفجيعه
مگطّع الأعضاء وچفوفه گطيعه
احفرت گبره وضاگت بعيني الوسيعه
للگبر بچفوفي شلته. عالنهر واريت جثّته
گتله ياعمي سبوها. زينب الكافلها انته
سيد زيد الفحام
/channel/aabas78
قصائد لكل ايام محرم اشترك بالقناة
قصيده للدفن
تبقه لحظات الدفن تچويني
عالصبر متحمله شمخليني
شلون اعوف الغاضريه
وكل اخوتي اعله وطيه
والدموع بعيني
١
شلون اگدر امشي عنهم
اتصير اسأل ياتره
واترك العباس وحده والحسين اعله الثره
ابلا دفن والحيره حيره
والاجسام اموذره
للصبح راح ابقه اناطر
الليله ابقه امساهره
بلكي لو صار الصبح ينسوني
ادفن اهلي واخوتي يخلوني
ادعي من رب البريه
وكل اخوتي اعله وطيه
والدموع بعيني
٢
بيا عذر لو عنهم امشي
بيه لوعات وحزن
انظر اعله الجثث وانحب
من گلب دامي و أون
وين اهلي وين اخوتي
الهم اشتاگ واحن
هواي صرعه وليل وحدي
ياحزن ليل الدفن
صرت مجبوره الدفنهم أني
بين جرحي ولوعتي واحزاني
انظر بعيني الرزيه
وكل اخوتي اعله وطيه
والدموع بعيني
٣
قررت ادفنهم اني
سولفت وي الصبح گلت لو طر فجر باچر
ادفن اشبيدي يصح گبل ليجيبون باچر
الروس اهلي جم رمح
صوت لن ينده عليه
وزيد اجروحي جرح
يادفن باچر تلمي العيله
ودعيهم هاي اخر ليله
غصب راح امشي سبيه
وكل اخوتي اعله وطيه
والدموع بعيني
٤
انظر وبعيوني دمعه
على الضامي ومنسحگ
طحنته اخيول الأعادي
وانه فوگ الراس ادگ
ذبلت اسنين الموده
وراحت ايام العشگ
مارضو يحسين ادفنك
وصار لازم نفترگ
ودعت جسمك يماي عيوني
وياك اتمنه آنه يدفنوني
امشي لكن مو بديه
وكل اخوتي اعله وطيه
والدموع بعيني
٥
بنظرة وداع ارد اودع
كافلي ومارد اله
صحت ياعباس خويه
يالجبتني امدلله
راح اعوفك عالوطيه
وامشي وي العايله
ابلا دفن واعتذر منك
خويه تبقه بكربله
امشي للشام ودمعتي بعيني
بعد چفك چف شمر يحديني
وسفه هذا الصار بيه
وكل اخوتي اعله وطيه
والدموع بعيني
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
/channel/aabas78
قصائد لكل ايام محرم اشترك بالقناة
