-
أشهدُ أن عليا" ولي الله
نرجو الاشتراك في قناتنا على اليوتيوب من خلال هذا الرابط مع الشكر والتقدير والمحبة
https://youtube.com/channel/UCqZwwDIJRE1NL7RYUHk_8UA
https://youtube.com/channel/UCqZwwDIJRE1NL7RYUHk_8UA
Читать полностью…
https://m.facebook.com/story.php?story_fbid=2885816305052778&id=100008733095586&sfnsn=mo
Читать полностью…
علي الأكبر ميتكرر علي الأكبر
------١
علي جده النبي وحيدر وابوه حسين
علي مثل الشمس ساطع ضوا بالعين
علي بالدنيه لا ما ينّسخ مرتين
علي منّه الأعادي ترتجف صوبين
علي الأوحد ولا ينعد علي الأكبر
------٢
علي يملك حميه وطيبه والأخلاق
علي خلف المناصب شخصه ما ينساق
علي للمصطفه ورب العرش مشتاق
علي ضحه بدمائه انطاها للخلاّق
علي الأيه علي الرايه علي الأكبر
------٣
علي شاب وترك هالدنيه لجل الدين
علي وارث شمائل من أبو الحسنين
علي صابر علي ناصر علي كل زين
علي صيته ترسها وفاضت الكونين
علي الأكمل علي الأجمل علي الأكبر
------٤
علي جبد الحُسين وروحه والأنفاس
علي رمز الوفاء وقِدوِته العباس
علي تاج وفخر للمؤمن وعالراس
علي عنده مشاعر ترفه كله احساس
علي الرقه علي الدقه علي الأكبر
------٥
علي بالصغرى معصوم بمدى اسنينه
علي بر أمه خلاها ابوسط عينه
علي حامى خِيامه وهذا تكوينه
علي محد نكر صولت ميادينه
علي الفارس علي الحارس علي الأكبر
------٦
علي لمّن وكَع ما تنحصي اجروحه
علي بحضن الحُسين ورفرفت روحه
علي لجله المحب ما ينتهي نوحه
علي راح وجبيره وعاليه اصروحه
علي استشهد علي اتمجد علي الأكبر
------
أبو زهراء صالح الحلي ١٤٤٤هجري
https://m.facebook.com/story.php?story_fbid=564746048080873&id=100036364472094&sfnsn=mo
Читать полностью…
https://www.facebook.com/100036364472094/posts/569462247609253/
Читать полностью…
https://m.youtube.com/watch?v=-L7A45b0Rdw&feature=youtu.be
Читать полностью…
عَلِي بمِحِرَابَه طَايحْ لو مُحَمَدْ
تِصَوّبْ هَاَمَه والمَأتَمْ تِجَدّدْ
بشَهَر رُمضَانْ - فُكَدِنَه الحِيدْ
صُفَينَه ايتَامْ - بَعَدْ يَا عِيدْ
_١
وَاَلي اَلأَراَمِل. كَهَفْ الحَياَرى. حَساَفَه بغَدُرْ.
اِنصَابْ بصَلَاته.بسيِفْ الخِياَنَه.سَاعَاتْ الفجرْ.
أَرضِ وسِمَه ضَجَتْ إلَه واتغيّر الكوُنْ
للعَايلَه وحتَه الحَجَرْ مَا ظلّت اعيوُنْ
دَمْ الدَمِع مِنهَا نِزَلْ مَفجُوعَه أُمْ عَوُنْ
ريِحَة فاطِمَه بحيِدَر تِشِمها
تِصيِر امْ الحِزِن بَعدَه إسِمها
مِشَه الكَراَر - الصبُر شيفيدْ
صُفَينَه اِيتَامْ - بَعَد يا عِيدْ
_٢
رَاعِي المَراَجِل. بِدموُمه سَابِح.أذّاَه النَزِفْ
حَيله تِهدّمْ . جِسَمه تِألمْ . جَرْحَه مْايِجِفْ
سَمْ العَدو كِلِش قَوي وبحَاَله أثّرْ
مو جٍن عَلي ذاكَ الأسَدْ بالحُومَه يِزأرْ
لاَ جٍَن عَلي بْجَفّه قِلَع بيبْانَه خَيبْرْ
مَا يِكَدَر يِكَف إلا ايتسَنّدْ
هيجي اصبْح عَلي اٌللهُ لَحّدْ
جَرِحْ ماطاَبْ - نَزِيفَه ايزِيّدْ
صُفَينَه اِيتَامْ - بَعَد يا عِيدْ
_٣
سوح الحرايب سوّت مناحه فِجَعها الخبر
سيد فخرها ميعاود الها بالراس انطبر
وقعة بدر تنعه أو أحد والخندق اينوح
سيف الفقار بنايبه وظل دمعه مسفوح
كَلب الشرع رمح انطعن للتالي مجروح
لبس ثوب الحزن كلشي اعله موده
يِرد لو ما يِرد مِخطِر وجوده
خسر هالكون - بطل صنديد
صُفَينَه اِيتَامْ - بَعَد يا عِيدْ
_٤
سوده الليالي عكَب الصميده بدرها اختفه
بالدنيه ماكو واحد شبيها بس المصطفه
لا فاطمه ولاحيدره والهادي راحل
محد بقه منهم صفت وحشه المنازل
حسين وحسن متألمين أو أبو فاضل
لو راح الأبو كلشي مينفع
نايم بالكَبر لا لا ميرجع
نِظل ننعاه - صفكَنه الإيد
صُفَينَه اِيتَامْ - بَعَد يا عِيدْ
https://youtube.com/channel/UCqZwwDIJRE1NL7RYUHk_8UA
Читать полностью…
خل اليلوم ايلوم - أخدم أظل للدوم - ياحسين ياحسين
------١
إنت الإمام الثائر الحبيتك
بوسط الكَلب يابو علي خليتك
عفت الخلكَ كل الخلكَ وشريتك
من زغري لليوم شكثر ناديتك
ساعدني يالمظلوم- أخدم أظل للدوم
------٢
بالزهره أمك أرجو تتقبلني
وجهك كريم ولا تِشِحه عني
بمصيبتك رايد تِزِيّد وني
كون السهام الصابتك صابني
كون آنه هم ملجوم -أخدم أظل للدوم
------٣
زينب أريدن منها تحركَ كَلبي
لمّن يِمر طاري خِدرها المسبي
تسيل الدموع وخله يكثر نحبي
شمحلاته لو يمها يتقرر نحبي
أتمنه هالمحتوم-أخدم أظل للدوم
ياحسين ياحسين
------٤
من الرضيع ومن رقيه انطيني
شوغة ألم تبقه بمدار اسنيني
عيب آنه شيعي وما بجتلك عيني
وعيب آنه بالمجلس ولا تلكَيني
أرزقني دمعه اهموم-أخدم أظل للدوم
------٥
مو بس محرم أبجي وتشاهدني
خلّيك كل طول السنه امواعدني
ما ريدن الدنيه الذي اتباعدني
امن اهل البجي واهل الشعائر عدني
ما أبتعد فد يوم- أخدم أظل للدوم
-----٦
خل تستمر أوقاتي كلها خدمه
خليني عايش سيدي بهالنعمه
رحمه انت وين الكَاها هاي الرحمه
هنيالي من صك النجاة استلمه
بِمحَبِتَك مختوم - أخدم أظل للدوم
------
أبو زهراء صالح الحلي
محرم ١٤٤٤هج- آب ٢٠٢٢م
https://www.facebook.com/100036364472094/posts/569462247609253/
Читать полностью…
https://www.facebook.com/eng.Haideralameedy/videos/598835854950369/
Читать полностью…
https://m.facebook.com/story.php?story_fbid=1320725861430119&id=286559951513387
Читать полностью…
"الإمام السجاد ع"
فكَد الأبو - وفكَد الأخو
طول الزمن - ونّه وشجن
ما ينفع الظهره انكسر عالغالي
غير الدمع غير الألم للتالي
طول الزمن - ونّه وشجن
-----١
راح الأبو الجان السند والخيمه
الينضح حنان ورقّه هيبه وشيمه
الجنت ادعي رب الكون إلنه ايديمه
يا ناس بعده عايش آنه ابهيمه
الظهره انكسر - لجل الكَمر
اِلشوفه أحن - فاكَد وطن
نحره انكَطع كل لحظه يتراوالي
غير الدمع غير الألم للتالي
طول الزمن - ونّه وشجن
-----٢
عمي الهوى وعندي بمثابة والد
حتماً عطشت الشوفته من باعد
جان الكفيل العمتي والساعد
عالعلكَمي من عدنه غاب القائد
يم النهر - اوفه البشر
هامه انزفت - عينه انطفت
جرحه جبير ونايم ابدلالي
غير الدمع غير الألم للتالي
طول الزمن - ونّه وشجن
-----٣
حال الأخو بفكَد الأخو تتكدر
يتذكّر الماضي ويِظل يتحسر
حزام الظهر جان وفلا يتعذر
مظلم نهاري امن افكَدت للأكبر
وجه النبي - اِلطالبي
جوّ التُرب - أدمه الكَلب
اسوّه بحياتي ودنيتي واحوالي
غير الدمع غير الألم للتالي
طول الزمن - ونّه وشجن
-----٤
عبد الله من زغره انفطم واويلاه
حتى الدمع بعيوني من دم ينعاه
نحره زغير وللسهم يتلكَاه
ما يرجع بدمعه ولا آهٍ آه
لا ما شرب - من العذب
ضاكَ الذبح - نور الصبح
فوكَ الرمح راسه اشوفه اكَبالي
غير الدمع غير الألم للتالي
طول الزمن - ونّه وشجن
-----٥
فكَد الهِواشم أخذ للحيل وراح
ظلمه الليالي ابدون نور المصباح
صارت حياتي ابلا سعاده أو افراح
بغير الشهاده وموتتي ما أرتاح
من أندفن - يلا اطمئن
براحه أحس - تِهده النفس
من ألتقي بيهم يِهوّد بالي
غير الدمع غير الألم للتالي
طول الزمن - ونّه وشجن
-----
يمُهر حسين - أخيي وين
عفته بيا كتر طايح
صدك بدمومه ظل سابح
أخيي وين
------١
حاجيني يمُهر حسين ابو اليمه
أنشدك عنه طاح ابيا كتر جسمه
ودمك عالسرج لو هذا من دمه
خبّرني عليه منهو البقه يمه
صفه بياحال - كَُرب جٍتال
وكَع من عندك المالح
صدك بدمومه ظل سابح
أخيي وين
------٢
سولفلي الجره وليش اختلف أمرك
ليش اتركته وانت اتحمله كل عمرك
لازم بي مصيبه الكسرت الظهرك
لو مرسول اِليه وخاطر ايعذرك
السهم صابه - ومضه اصوابه
وشمر بيده النحر ذابح
صدك بدمومه ظل سابح
أخيي وين
------٣
عليمن تصهل وتعول وكَع كَلبي
إخذني اليمه والله تيهت دربي
لون ويه الزجيه منكَضي نحبي
شيّبني بغيابه اي وحكَ ربي
أخَذ عمري - وهوى اليسري
مُصابه يكتل وجارح
صدك بدمومه ظل سابح
أخيي وين
------٤
لا عباس يمي ولا إجاني حسين
إلمن يامهر كَلي أدير العين
حاطتني العده اتشاهدها من صوبين
بلايا اخيام صرنه وكَلبي بي نارين
بعد عباس - ولتنه الناس
ولا بيهم شخص صالح
صدك بدمومه ظل سابح
أخيي وين
------٥
يحاجيني المهر يابت علي الكرار
عفته اعله الوطيه اليمه كلها اشرار
هذا ايطعنه ذاكه يضربه هذا احجار
خليت الشمر حز نحره بالبتار
صحت ويلاه - على ابن امي اه
علينه اعيونه ظل شابح
صدك بدمومه ظل سابح
أخيي وين
------
ليش ياسهم الغدر صوبته
فوكَ ما ضامي كَُمت واذبحته
شنهو ذنبه هالطفل
حتى بالطف ينقتل
فوكَ ما ضامي كَُمت واذبحته
-----١
شنهو عذرك بالقيامه وموقفك يوم الحساب
تدري أذيت الإمامه واحركَت كَلب الرباب
هز مُصابه الكون كله وياعُظم هذا المصاب
مثله ماصار ويِصير دموع وحزان وعذاب
إنته أطول منه مو تدريها
وركَبته الترفه رحت تدميها
إنته راضي بهالفعل
حتى بالطف ينقتل
فوكَ ما ضامي كَُمت واذبحته
-----٢
جابه ابو اليمه أو إجاكم رادله الماي القليل
بدل ما تنطونه شربه عطيشيتوله الدليل
حرمله شافك تِطاوع هلرماك بحقده حيل
وكَبل مايرميك جان مصوب العين الكفيل
حرمله أو إنته هدفكم واحد
هم تِقتلون الطفل والوالد
للنبي ميظل شمل
حتى بالطف ينقتل
فوكَ ما ضامي كَُمت واذبحته
-----٣
ياسهمهم بعد اكَلك والله بجيت الحُسين
نايم إنته بركَبة ابنه والطفل شال الإدين
يطلب الماي امن ابيه بجبده تلهب جمرتين
احتار ابو اليمه يِطَلعَك خاف تِكَطعله الوتين
وجهك اسود للأبد والتالي
تذبح اطفال وتِبجي الغالي
بيش تطلب هالنفل
حتى بالطف ينقتل
فوكَ ما ضامي كَُمت واذبحته
-----٤
كلها منك تبقه مُذنب رافكَت أهل المكر
وحالك إنته مثل اخوتك دينكم بس الغدر
بالطفوف شكَد قتلتو من سُلالات الطُهُر
ماسِلَم من عدكم احد عفتو لجمات شكثر
مو جرح واحد فقط لا عشره
منكم حسين انترس كل صدره
ياهو منهن ينحمل
حتى بالطف ينقتل
فوكَ ما ضامي كَُمت واذبحته
-----٥
المهدي باجر من يِعَاود من يصلها الكربلاء
راح يستخرج رضيع حسين وينادي بنداء
شنهو سوو الطفل هذا وتنسفك منه الدماء
يصيح صيحه الكل تِسمعه يالثاراث السماء
عمره ست اشهور ويفطمونه
حتى كَطرة ماي ما يسكَونه
شعنده وياه النذل
حتى بالطف ينقتل
فوكَ ما ضامي كَُمت واذبحته
-----
زفة عرس بالحومه
شاب وكشخ بهدومه
والحنه سيل ادمومه
-----١
زفته بنص الحرايب بين ألآم ومحن
هذا عمه حسين هذا القاسم أو أبن الحسن
شاب و ١٣ عمره وشال ضربات وطعن
ساعد الله أمه رمله الشافته بثوب الجفن
حكم الدهر ما خلاه
وامه شكثر صاحت آه
عمه انفجع واويلاه
والحنه سيل ادمومه
-----٢
المنه جان الورد غاير اتسبّح بفيض الدمه
وكَع فوكَ الغبره جسمه اوّنت الجتله السمه
فوكَ ما مطبور راسه جبده يسعر بالضمه
شلون حال حسين لمّن راح له للملحمه
يرفس لكَآه برجليه
شاله اعله صدره ابأيديه
بالخيمه قصده ايخليه
والحنه سيل ادمومه
-----٣
بالخيام الهاشميه جره نهران الدمع
زينب وسكنه ورقيه طفّن بحركَه الشمع
عرس ماكو وماكو زفه لن وريده منكَطع
باجر اعله الرمح راسه اكَبالهن هم يرتفع
روحه اطلعت خلاهن
درب اليسر يتناهن
بس راسه يمشي اويّاهن
والحنه سيل ادمومه
-----٤
طلكَ الدنيه أو أهلها ضحه من أجل الحبيب
شافه باقي ابلا منُاصر وحدّه بالطف غريب
والوصيه تكَله يبني منحرك لازم خضيب
من بعد عينه بحياتك تستمر مالك نصيب
بالجنه باجر عرسك
وتحقق اللي بنفسك
طول الزمن ظل درسك
والحنه سيل ادمومه
-----٥
قدوه للشُبان إسمه وتستمد منه العزم
صار معنى للبطوله وبسما العزه نجم
غيره ويثار وحميه لليندبه شكَد شهم
حامى عن الدين شخصه عن يقين وعن علم
مثله فلا يتكرر
هذا الشبل من حيدر
راح التحق بالأكبر
والحنه سيل ادمومه
-----
علي الأكبر برز كبّر بعزم سيطر على الميدان
-----١
هذا البلحرب لأعداءه صاكَرهم
طب بنصهم أو ارعب عساكرهم
مره ايلمهم ومره يِطشرهم
من كثر الضرب تيهوا معابرهم
أسد يزأر ملك بالبر العدا دمر شبل عدنان
-----٢
فرسان وضياغم كلها جندلهه
عن راس ابن غانم جثته فاصلهه
الحومه ابإيده من تاليها لوّلهه
العالي بيها أصبح يمه أسفلهه
ولامنحر سِلَم يُذكر بسم حيدر طوه الجيمان
-----٣
اثلث حملات بيها اتقدم الهيبه
الاكبر مثله ماكو أي مره اتجيبه
ابوه حسين وامه الطاهره النيبه
ملى اكَلوب الاعادي الخوف والريبه
بدر يزهر ضوا جهجر هزم للشر خزه العدوان
-----٤
من رغم العطش والحر فلا اتراجع
ولو هالدنيه كلها ضده ميبايع
عن دين الإله وعيلته ايدافع
لذلك جسمه طبرات وطعن شابع
علي امطبر علي توذر دمه المنحر على التربان
-----٥
يِعين الله أبو اليمه وصل يمه
شلون ايشيله لخيمه وتِشوفه امه
زينب والعيال بكَربه ملتمه
هاي اتندبه ذيجه اتقبله وتشِمه
جرح يكبر دمع يكثر تِون خدّر على الشُبان
-----
عطّشت الفرات وبقه حاير
إجاني امدنكَ وعالكَبر داير
منهو الموقفه أعظم
الينطي الماي لو للدم
إجاني امدنكَ وعالكَبر داير
-----١
موقف للفرات امعطش ايتامي
واني الساقي هم جبدي انفطر ضامي
من جودي تِبده وطاح كَدامي
ما حوّل مساره وراح لخيامي
من مهري طحت بيه ولا حس
ما يدري متت لو جاي أتنفس
عالصاير ولا مهتم
الينطي الماي لو للدم
إجاني امدنكَ وعالكَبر داير
-----٢
لا زينب رواها ولا أبو السجاد
وعبد الله الطفل ما مرتوي من عاد
مُباح الماي جان الزمرة ابن زياد
ومحرم عالأمامه وصفوة الأمجاد
علكَم ليش ما صار ابطنهم
ما فد يوم وامنعناه عنهم
وبهذا الخلكَ تعلم
الينطي الماي لو للدم
إجاني امدنكَ وعالكَبر داير
-----٣
محروكَه الخيم بيها تِشب نيران
والرضعان كلهم ماتوا الرضعان
ما والي بقه ايحاميها للنسوان
عطشانه ابمتنها اسياط للعدوان
رقيه اتسلبت لا ما رعوها
وسكنه اتصيح بالسوط اضربوها
عليهن جيش اميه التم
الينطي الماي لو للدم
إجاني امدنك وعالكَبر داير
-----٤
بالتاريخ محد منمنع عنّه
لجن ويّانه خالف كثّر الونّه
عالأسياد شح وما رووا منّه
بالعاشر نهر موجود ما جٍنّه
ما يجري بعذب جن يجري بتراب
ما يروي الضمايا يروي سلاّب
ما ينفع إذه اتندّم
الينطي الماي لو للدم
إجاني امدنك وعالكَبر داير
-----٥
من صوب الشريعه رحت اجيب الماي
لا جن للخيم لا ما وصل ويّاي
من بعد الشهاده ولنّه يمي جاي
سمعت ايكَلول عذراً سيدي السقّاي
بدون ارضاك لا ما ردته عمري
إسمحلي أزور وجانبك أجري
عرف منهو الذي أكرم
الينطي الماي لو للدم
إجاني امدنك وعالكَبر داير
-----
(شوط كربلائي)
إحنه انصار ابو اليمه
دِماَنه ترخص الدمه
-----١
انخلقنه من أجل حبه
ودوم اعله العهد باقين
نمشي بنهج ابو الأحرار
على بارينه متوكلين
اِجيناه بعزم للطف
كل احنه فدائيين
نِدوس اعله الخطر ونفوت
شنهو الموت محله الموت
إلي حِضنه السبط مبخوت
دنيه أو آخره يمه
دمانه ترخص الدمه
-----٢
زينب عدنه مهيوبه
ومنهو اليدنه لخيمها
من كَبل الهواشم كون
نِضحي إلها والأمها
شباب وشيب وي نسوان
شرف يبقه النه نخدمها
البت حيدر علي الكرار
نِصير بهالحرب أسوار
نرضي للنبي المختار
ونرضي الفاطمه أمه
دمانه ترخص الدمه
-----٣
ختنام الحرم ترتاح
ما دام النفس بينه
حاضرنه شهد النه
غيره وهمه ماضينه
ما نرضه أبد ذله
على النخوه تربّينه
اربات المرتضه كلنه
وعلى العزه تِعلّمنه
لا طاغي ودعي ايهمنه
إحنه صفوة الأمه
دمانه ترخص الدمه
-----٤
لو نتكَطع بكل يوم
ألف مره ولا نرجع
عشكَنه العترة الهادي
شحلاته اوياهم المصرع
العمر شنهو العمر لو طال
ما يسوه ولا ينفع
إذا تتسيد العدوان
إذا ماكو وفه او قرآن
وانظلموا بني عدنان
ما نتخلّه عن كلمه
دمانه ترخص الدمه
-----٥
خلها الدنيه تغريهم
ونكروا بيعة المولى
كل واحد بلف ننعد
واحنه بنصرته أولى
ما نتعب ولا نعجز
إلا وعالثره قتلى
تنهض بالحمل ناسه
كلمن ما يطخ راسه
وطاري اليمه بنفاسه
حسين الهوى النشتمه
دمانه ترخص الدمه
-----٦
مخلد كل شخص منّه
وتتناقل خبرنه الناس
شلون بليلة العاشر
تجادلنه مع العباس
منهو اليدخل الحومه
ويقاتل بني الأرجاس
كَال حسين ابو السجاد
إهجموا انتم على الأوغاد
وبعدكم عترة الأمجاد
فدوه الصوته والأسمه
دمانه ترخص الدمه
-----
مو أهلاً للظهور
ما حققنه الحضور
عكسك يبن الهادي
سرنه ابأظلم وادي
ما حققنه الحضور
-----١
على كلمن يريدك كون
ميصافح أبد ظالم
لا ينكر مصايبكم
لا محسنكم وفاطم
حياته بكل معانيها
وقف دوم الأبو القاسم
ذايب في علي الكرار
يضحي بروحه للكاظم
ما يظلم للفقير
لا للباطل نصير
سيد كان أو عادي
سرنه ابأظلم وادي
ما حققنه الحضور
-----٢
بمحبتكم فقط يطمع
مو يركض وره الأحزاب
دينه من أجل دنياه
باعه بحفنه من اتراب
تيار العشكَ عنده
ضعيف وعقله يمكن غاب
تيار النَعَم حاضر
خلاه خادم اعله الباب
لمّن عاف الأصيل
تابع صار وذليل
تعلم شنهو السادي
سرنه ابأظلم وادي
ما حققنه الحضور
-----٣
وصاياكم تركناها
وتبعنه الما اِله أول
كلمن يقترح ويكَول
بكلامه بالعجل نقبل
ناس اجر عرض بينه
وناس اجر بعد أطول
تاهت والدليل احتار
تفرّقنه ورفضنه الحل
لهل الحكَ كارهون
للفاسد راضخون
موت وشر ببلادي
سرنه ابأظلم وادي
ما حققنه الحضور
-----٤
تسقيط وحسد موجود
واحد يكره الثاني
الشريف ابلا مناصر صار
والحاكم نذل جاني
نِحب الدنيه والشهره
نِقلد كل شقي وزاني
بلا رحمه ولا رأفه
اشكثر من عدنه سفياني
مو ناسك يالغريب
جرحولك كم حبيب
صادي المعدن صادي
سرنه ابأظلم وادي
ما حققنه الحضور
-----٥
قتل بالجمله مقتولين
ولا حرّكنه أي ساكن
الحياة ابلا طعم صارت
وعدونه بخير اشو آمِن
وغيرك يا أبو صالح
بعد الله فلا ضامن
نِمشّي اعليك أبو فاضل
نِخلص من شكو خائن
ضاقت بينه الصدور
والعالم كله جور
صوت ايظل اينادي
سرنه ابأظلم وادي
ما حققنه الحضور
-----
٢٦-٤-٢٠٢١