-
أشهدُ أن عليا" ولي الله
لله انطيت كلشي وكلشي منطيني
ما خاب الكَصدني واليناديني
يا أم البنين - يا أم البنين
------١
نطيت اربع زلم بالغاضريه
واحدهم بطل ذل آل اميه
كلهم قدمتهم للمنيه
فدوه صرنه إحنه للزجيه
بذلت ارواح إلها ولأجل ديني
ما خاب الكَصدني واليناديني
يا أم البنين - يا أم البنين
------٢
عباس الكَمر كَطّع زِنُوده
إبني ونشمي ما يخلف وعوده
روحه انطاها بس ما أنطه جوده
عينه بالسهم ياناس ممروده
ترباتي الكَمر وادري يوافيني
ما خاب الكَصدني واليناديني
يا أم البنين - يا أم البنين
------٣
جان اول سؤالي عن إمامي
عن خدر العقيله وعن خيامي
طحت عالكَاع من كَالولي ضامي
الكون بكبره صار اسود أمامي
دمعاتي الجرت جانت على احسيني
ما خاب الكَصدني واليناديني
يا أم البنين - يا أم البنين
------٤
زينب من لفت لرض المدينه
مشيت الدارها ثكلى وحزينه
روتلي اخبار عن حامي الضعينه
طابع بالعلم أثآر جفينه
واسيت العقيله وهم تواسيني
ما خاب الكَصدني واليناديني
يا أم البنين - يا أم البنين
------٥
رغم جور الدهر قاسي وظلمني
وتهديم الكَبر كلش هظمني
رب الكون بالعزه كرمني
أكَضي حاجة الكلمن لزمني
كل صعبات احلها وبيها تلكَيني
ما خاب الكَصدني واليناديني
يا أم البنين - يا أم البنين
------
أبو زهراء صالح الحلي
https://youtu.be/HXfsFg3tQmQ?si=7dFyLQfmKkWuVKS-
Читать полностью…
لا تَغيبي- قولي بأنَّكِ باقيه
لا تَغيبي- هلْ بِالفِرَاقِ راضيه
ويلاهُ واويلاه - رُحماكِ يا أُمّاه
لا تَغيبي
------١
آنه الحسن يايمه لتعوفيني
من شوفتج يحبيبه لتحرميني
أبرد أذا ما حضنج ايدفيني
إلا انتي يمي يلا تغمض عيني
مَن سواكِ - حضناً حنوناً دافيا
مَن سواكِ - لجروحِ قلبي شافيا
ويلاهُ واويلاه - رُحماكِ يا أُمّاه
لا تغيبي
------٢
يمه الحزن عكَبج تره يكتلني
وشوكَي إلج ما ينتهي يعذبني
كلشي بعد ياروحي ما يسعدني
ريت الأجل ويّاج هم ياخذني
كيف أبقى- حيّاً وأنتِ راحله
كيف أبقى- روحي بروحِكِ واصله
ويلاهُ واويلاه- رُحماكِ يا أُمّاه
لا تغيبي
------٣
أدعي إلج صبح ومسه تتعافين
من عصرتج من الضلع تتشافين
بعدج زغيره إحنه بوجودج ترفين
لمتنه حسره ونايبه من ترحين
لو ذهبتي- ماذا بقى في دارِنا
لو ذهبتي- يتمٌ أسى أعمارُنا
ويلاهُ واويلاه - رُحماكِ يا أُمّاه
لا تغيبي
------٤
من الزغر والدنيه مره وتقسي
بعد اشبعد وبسرعه أودع شمسي
راح الحنان اوياج كله أو أمسي
انتي الصبر واشلون اصبر نفسي
في حياتي- ألآهُ تحكي حرقتي
في حياتي- الدمعُ يغزو مُقلتي
ويلاهُ واويلاه - رُحماكِ يا أُمّاه
لا تغيبي
------
أبو زهراء صالح الحلي
يالتناشد منهو آني
منبر حسين اصطفاني
بجوده ابو فاضل سكَاني
خيري منهم - عمري الهم
-----١
غيري بس همّه الحياة وبيها مشغول
رايد ايحصل منافع منها وينول
ما سمعته نبضي عن اليمه شيكَول
والله احبهم ولذلك أبقه ما ازول
همه روحي وكل حياتي
بيهم اضمنها النجاتي
حققولي أمنياتي
خيري منهم - عمري الهم
-----٢
بالرسول وبالصميده آني اباهي
ديني من عدهم أخذته المن إلهي
بالزجيه راسي عالي وعالي جاهي
والحسن يامه كرمني بزوده راهي
قصتي مو بس خدامه
آني ذايب بالإمامه
بدنيه وبيوم القيامه
خيري منهم - عمري الهم
-----٣
من محرم آني ماخذ كل صفاتي
بالسواد اموشحه أربع جهاتي
هم حُسيني وهم غيور افكَد خواتي
والقصايد أني حاسبهن بناتي
بالمجالس دمعي نازل
اشكَد أحبن أبو فاضل
ولهذا عقلي كامل
خيري منهم - عمري الهم
-----٤
الدنيه من غير الأيمه شنهو تسوه
ما أحبها والهم آني كلي فدوه
همه ذخري وبالشدايد هم تجوه
هذا ياهو اللي مثلهم عنده نخوه
لا عمر لا زيد نافع
يمّتي أصل المراجع
غيرهم لا ماكو شافع
خيري منهم - عمري الهم
-----٥
يامه تلكَه اهواي يغدر في حبيبه
واني اعد اسنين اله أواحسب مغيبه
جرحي عالغايب ولا يوجد طبيبه
عندي أشواكَ اشكثر عظمى ورهيبه
شوفي محتام اعله نوره
دومي أترقب ظهوره
تكتحل عيني بحضوره
خيري منهم - عمري الهم
-----
أبو زهراء صالح الحلي
https://youtu.be/PZ52cDUUOIg?si=YtKSLifIhAkyuzhI
Читать полностью…
ياالله اشفجيعه - دافن بيده الوديعه
ضيكَه بعينه الوسيعه - حيدر علي حيدر علي
------
جرحٌ في القلبِ أثّر - دمعُ العينِ تفجّر
ببحارِ الحُزنِ أبحر - حيدر علي حيدر علي
------
وحشه الدار وخليه - ظلمه بغير الثريه
راحت منه الزجيه - حيدر علي حيدر علي
------
أمسى بين المآسي - ألمُ الشوقِ يُقاسي
أبكي حتى الرواسي - حيدر علي حيدر علي
------
شمسه الغابت مترجع - وصبر الفاكَد مينفع
كل لحظه روحه تطلع - حيدر علي حيدر علي
------
حنَّ لتلكَ الليالي- للأيامِ الخوالي
عاشَ بذكرِ الغوالي-حيدر علي حيدر علي
------
جوّه الكَاع الحبيبه - وزينب تبجي الغريبه
هاي اتأذي المصيبه - حيدر علي حيدر علي
------
حتى السبعُ المثاني - أثرَ الفقدِ تُعاني
رحلت كلُّ أماني- حيدر علي حيدر علي
------
لوعة زهرة حياته - ظلت حتى المماته
باكو منه بسماته- حيدر علي حيدر علي
------
أبو زهراء صالح الحلي
https://youtu.be/RUwRr-vvTgU?si=QSKzWDXZV_34SwGs
Читать полностью…
"راحت امنه واحنه ظلينه يتامه"
والحزن ما يخلص اليوم القيامه
ماتت التغمرنه بالحب وعطفها
واللحد مستعجل ومنا خطفها
-----١
فاطمه أمنه الزجيه من عكَبها بحيره صرنه
إلليل من يجبل علينه موحش وبالهم يمرنه
منا اخذتها المنيه واحنه ردناها الزغرنه
انفتحت أبواب النوايب والدمع تارس نظرنه
والحياة ابلايه أمنه كلها صدمات بعمرنه
حتى أيوب بزمانه ما وصل صبره الصبرنه
جنه ما نرتاح إلا انشم عطرها
وهسه أمنه الزهره مخفيه بكَبرها
واحنه ما نِكَدر نِعيش ابلا لطفها
واللحد مستعجل ومنا خطفها
-----٢
مو ضلع من عدها واحد منكسر إحنه انكسرنه
واللي لاطمها اعله خدها جفه هم النه سطرنه
الباب والبسمار يبقن نارهن جوه صدرنه
محسن الما شاهد النه امن الزغر كاسر ظهرنه
ولاكو أم ولا أخونه بيش نتحمل دهرنه
هذه محنه وبعد محنه عالنهر نفكَد كَمرنه
جنها مكتوبه علينه هالمصايب
ما نِشوف الراحه بس نفكَد حبايب
ورده ورده البين من عدنه قِطَفها
واللحد مستعجل ومنا خطفها
-----٣
ذكريات اشكَد أليمه تبقه متغادر فكرنه
ولو سهرنه الدهر كله نبجي لمنه ما فترنه
الزهره هذه البيها عالي راس الاسلام وفخرنه
والضربها بسوطه باجر يرمي رضعان ونحرنه
من دماء البضعه يبدي يجري من الدم نهرنه
من هجوم الدار واحنه بساعه شيبنه وكبرنه
ساعة اوداع الزجيه البيها متنه
ساعه تسوه العمر كله أو ألمتنه
ساعة البيها أبونا ابأيده لفها
واللحد مستعجل ومنا خطفها
-----٤
لعنة الله على كلمن اتماده عالزهره أو قهرنه
وشارته ندري جبيره بلي يجرحنه ويضرنه
بالمآسي والجره النه إله سلمنه أمرنه
هو وحده البينه يرحم هو الي يبرد جمرنه
باخر الأزمان يظهِر واحد يحقق نصرنه
ويالثارات الزجيه يعلن المهدي ويسرنه
يعاقب الثاني والاول عالجريمه
وتنكَطع ذيجه الأيادي اللي أثيمه
الما رعت للزهره لا هابت شرفها
واللحد مستعجل ومنا خطفها
-----
أبو زهراء صالح الحلي
https://youtu.be/aVqgl6VXqf4
شاهد اعيالك
بهيده يالناكَات - معه المسبيات
https://youtu.be/DqAD5E05x7I
https://youtu.be/59I3ApLSKdI?si=jWhfbF8-uRgTiMZ2
Читать полностью…
https://youtu.be/tlXhkUUkZdY?si=3YcanmMPSk8qCuQA
Читать полностью…
https://youtu.be/lwqwn3-3Ezs?si=JSPvB0WmIfjLNIbS
Читать полностью…
( أمنية عاشق )
— ضايع تره من دونك
— مشتاگ اشوف اعيونك
— يبو صالح يبو صالح
......1
لو مره تسمح أنظرك يالغالي
خليني اموت اوأندفن مابالي
حبك أخذ من عندي كل دلالي
وبإسمك آنه اتسلقت للعالي
— تدري صرت مجنونك
— مشتاگ اشوف اعيونك
— يبو صالح يبو صالح
......2
من زغري احسك سيدي ترعاني
ومو والدي إنته الذي رباني
ومن اكبرت حملت ثمر أغصاني
لولا وجودك ما صرت أنساني
— بالمنقذ ايلقبونك
— مشتاگ اشوف اعيونك
— يبو صالح يبو صالح
......3
يالعالم ابگلبي وخفايا اسراري
شخصك شغل عقلي وجميع افكاري
ومرات احسن نورك بنص داري
من ترضه عني يعني راضي الباري
— عمري صبح مرهونك
— مشتاگ اشوف اعيونك
— يبو صالح يبو صالح
......4
خيرك عليه ياحبيبي اتبده
ومن أندب ابإسمك تروح الشده
ابلايه نهر حتمن تموت الورده
بس طلبه منك رادتي بس وحده
— خلني او يلي نصرونك
— مشتاگ اشوف اعيونك
— يبو صالح يبو صالح
…...5
سور وسند إنته او أمل بدروبي
وبدعوتك عني تطيح اذنوبي
كل يوم اسلم وابعث ابمكتوبي
بعد اشكثر ترجع إلي محبوبي
— عشاگك ايتانونك
—مشتاگ اشوف اعيونك
—يبو صالح يبو صالح
……6
ما ينحسب يبن الحسن معروفك
خافن أموت وما حضيت بشوفك
مرني بمنامي خل اقبل اچفوفك
حاچيني چلمه ابداعت البطفوفك
—خبرني إنته شلونك
— مشتاگ اشوف اعيونك
— يبو صالح يبو صالح
……
أبو زهراء صالح الحلي
https://youtu.be/6HA80Rc-naA?si=1hp_15WCC8rEYOKn
Читать полностью…
بأيِّ ذنبٍ عُصِرَت قُتِلَت
بالليلِ سِراً فاطمٌ أُدْفِنَت
خَطبٌ رَهِيبْ - هل مِنْ مُجِيبْ
بأيِّ ذنبٍ عُصِرَتْ قُتِلَتْ
-----١
لسان الدين هاك اسمع حديثه
يكَول الزهره للهادي الوريثه
شعدها اوياها هالزمره الخبيثه
هاذي افعال بس ناس الخنيثه
لهفي على بنتِ الهُدى تُظلَمُ
ودارِها بِنارِهِمْ تُضرَمُ
أمرٌ عَجِيبْ - هل مِنْ مُجِيبْ
بأيِّ ذنبٍ عُصِرَتْ قُتِلَتْ
-----٢
وسفه الظالم بحقده صُفَعها
وفوكَ العين رسم ايده طُبَعها
مكسورة ضلع من دم دمعها
ورده وذبلت اتغيّر وضعها
ما هكذا أوصاهمُ النبيا
بفاطمٍ والمرتضى عليا
فعلٌ مُرِيبْ - هل مِنْ مُجِيبْ
بأيِّ ذنبٍ عُصِرَتْ قُتِلَتْ
-----٣
هيه الزهره ما أكَصر عمرها
وعُكَب المصطفه اتفرعن دهرها
بعمر اثمنطعش حفروا كَبرها
محد هابها ومحد نصرها
قلبُ النبيِّ وروحُهُ الحبيبهْ
ما بينهم كأنَّها غريبه
ما من نجيب - هل مِنْ مُجِيبْ
بأيِّ ذنبٍ عُصِرَتْ قُتِلَتْ
-----٤
يتامه العتره من بعد الزجيه
ويوم الباب خلّف غاضريه
واحد واحد اتخطفه المنيه
وزينب عالهزل راحت سبيه
عنها مضى عباسُها الكفيلا
فوقَ الثرى حُسينُها قتيلا
أمسى سليب - هل مِنْ مُجِيبْ
بأيِّ ذنبٍ عُصِرَتْ قُتِلَتْ
-----٥
الله ايحرمه جناته الحرمها
ما نندل كَبرها ونمشي يمها
انطوف الحضره ونقبل رسمها
كلنه انروح فدوه إحنه لإسمها
أشواقُنا نُرسِلَُها إليها
دمعاتُنا ساكِبةٌ عليها
يعلو النحيب - هل مِنْ مُجِيبْ
بأيِّ ذنبٍ عُصِرَتْ قُتِلَتْ
------
أبو زهراء صالح الحلي
يتراب الكَبر بالك على الزهره
لا تلجم ضلعها ويتسع كسره
شافت هم وذيه
مقتوله الزجيه
لا تلجم ضلعها ويتسع كسره
-----١
عليك الهادي داريها يلي تراب
ماظل حيل بيها بعصرة الباب
هاي ام الترافه وتالي تنصاب
لب الروح هيه او أغلى الاحباب
بالك توكَع بنص عينها الحمره
إيديها اتجوت وبيهن أثر جمره
حملت جم رزيه
مقتوله الزجيه
لا تلجم ضلعها ويتسع كسره
-----٢
عمرها ١٨ ورده أو إجوها
ما همهم كَلبها وكَلب ابوها
بين الباب والحايط ولوها
جِزات احسان ابوها ايعذبوها
المثل الزهره تتحمل ألم سطره
لو صوط العبد بمتونها ايكسَرَه
بحقد الناصبيه
مقتوله الزجيه
لا تلجم ضلعها ويتسع كسره
-----٣
محسن من وكَع عالعتبه مقتول
كلمن راضي عنهم عنه مسؤول
بساحات القيامه اشرايح ايكَول
لا شك بجهنم يبقه مغلول
المحسن شنهو ذنبه ويسكن بكَبره
وامه الزهره ظلت تسجب العبره
هاي اعظم قضيه
مقتوله الزجيه
لا تلجم ضلعها ويتسع كسره
-----٤
زينب والحسن وحسين أيتام
فكَدوا أمهم اشيجرعها الايام
حضنها الدافي راح وماكو أحلام
البقيع وكربله منتظره والشام
راسي بالغدر ينصاب بالطبره
وحسنه جبده باجر سمهم ايفطره
وبرض الغاضريه
مقتوله الزجيه
لا تلجم ضلعها ويتسع كسره
-----٥
أمانه فاطمه يمك أمانه
باجر يرجع المهدي بلوانه
ويطوف الكَبر يِظهر مكانه
ينادي بلهفه ياعزنه ودوانه
يستخرج عدونه ويعدم الزمره
وينشف مدامع زينب الكبره
يشرح للبريه
مقتوله الزجيه
لا تلجم ضلعها ويتسع كسره
-----
أبو زهراء صالح الحلي
ناس ادور عالمالات
وناس ادور إترندات
منك رايد بس دمعات
أبجيهن عالمسبيات
------١
منك رايد تنطيني
دمعات اتغركَ عيني
بداعت أمك يحسيني
عيشني الطف والمأساة
------٢
راويني المنحر والراس
شلون موذرين العباس
بالخيل اضلوعك تنداس
احركَني بنار الخيمات
------٣
شوفني اجساد الشبان
شوفني احوال الرضعان
هم حركَوهم بالصيوان
لو ظلوا فوكَ الهيمات
------٤
من كَاع الطف التلهب
خليني اتراب الزينب
تسحكَ فوكَاي وتنحب
خليني اسمع للآهات
------٥
خل عدوانك تضربني
بالسوط اتورم متني
ابكل ايتيمه اتحسسني
أرزقني اجروح الثكلات
------٦
مجتوف وفوكَ الناكَه
أني او إبنك نتلاكَه
وانظر حسرات افراكَه
عد ياطاغي راح ايبات
------٧
وديني بضعن الأيتام
من الكوفه ولرض الشام
ونعاود عكَب الألام
يمك ونقيم العزيات
------٨
صادق مخلص سجلني
ويمك مولاي انقلني
عن كلمن ناوي ايذلني
ومن هالدنيه ام الزلات
------٩
خل يخلص عمري بشوفك
واتنفس ون اطفوفك
ما يتوصف معروفك
عبدك هسه وبالجنات
------
أبو زهراء صالح الحلي
٩/صفر/ ١٤٤٥هج
قصيدة "شاهد اعيالك"
بويه يكرار تعال وشاهد اعيالك
بالطف بناتك سبايا العاشن ابجالك
ما رد النه عباس طحنه بوليت الناس
شاهد اعيالك شاهد اعيالك
-----١
علي الكرار يا حامي الحميه
كَبرك عوفه والفي الغاضريه
شوف اصار ببنات الزجيه
بيهن حاوطت اجلاف أميه
من الطفوف وننادي يا علي دخيلك
ندري بحميتك جبيره ولازم تشيلك
نعرف كلك احساس طحنه بوليت الناس
شاهد عيالك شاهد اعيالك
-----٢
عكَب عباس وحسينك ولونه
نصيح الغوت عدوانك سبونه
يبويه شلون ترضى يسلبونه
وبضرب السياط ايلوعونه
بيد الاعادي وكَعنه وبينه ما ترحم
وحتى اليتامى بخطر من عدها ما تسلم
الحكَ شيب الراس طحنه بوليت الناس
شاهد عيالك شاهد عيالك
------٣
بوية ايتام فرت بويه منه
غير المات نبلات أقتلنه
جسم حسين لا تنشدنه عنه
صدره اتهشم الخيل اسحكَنه
ذاكه الحُسين التسلب جسمه بالحومه
منحز وريده وتخضب شيبه بدمومه
راح العنده نوماس طحنه بوليت الناس
شاهد عيالك شاهد عيالك
-----٤
نمشي شلون أسره اويه النواصيب
وكَربك احنه ونعاني المتاعب
تقطع بينه ياليث الغوالب
جا ياهو النندبه المن نعاتب
منظن يحيدر يمنعك دم جرح راسك
نشعر تجينه وتحامى احبابك وناسك
تحضر عدنه مقياس طحنه بوليت الناس
شاهد عيالك شاهد عيالك
-----٥
ليل وخوف والام ومصيبه
والنسوان بارض الطف غريبه
وهاي النايبه الميت تجيبه
ينظر حالنا ويشتد نحيبه
سلمان اجيته وحضرته بموتته ولحده
واحنه بجوارك يوالي وشفنه جم شده
ضيم وغربه وارجاس طحنه بوليت الناس
شاهد عيالك شاهد عيالك
ابو زهراء صالح الحلي
المحفل التأبيني المقام بذكرى استشهاد السيدة فاطمة الزهراء ع الرواية الثالثة ٢٩-١٢-٢٠٢٢
Читать полностью…
https://youtube.com/channel/UCqZwwDIJRE1NL7RYUHk_8UA
Читать полностью…