61
اۿــــلاُّ_و_ســۿــــلاُّ بـكـم بـ محطه من محطات الأدب ودي اسافر. ودي لَـگِنْ ضيعتي عمري اعلى شباچ التذاكر لـ عبدالله يوسف للتنويه القناة خاليه من زخم الاعلانات الكاذبه المدير abd87_abd@
إعلان
كتاب نصوص مشترك من إعداد وتقديم
الشاعر عبدالله يوسف
الكاتب مصطفى الموسوي
عنوان الكتاب ( رسائل إلى الأموات )
سعر الاشتراك 25 الف
على كل من يرغب بالاشتراك
مراسلة الحسابات ادناه 👇🏻
@abd2023
@sufey_3
بالشوارع ضاع دمنا
وبالعراق يضيع دمنا
ليش مو دمنا عراقي
دمنا للتاريخ يبقى
بجبين الساسة نقطة
ومصدر لكل ثورة باقي
ياهو منه يريد يشرب؟
دمنا جاهز حيل طاهر
يلوگ يم كل ايد ساقي
عبدالله يوسف
بينما يجلس شخص على الكرسي الكبير مُتمسكًا به لا يتركه ولا يقبل النقاش بأمر تركه لكرسيه كأنه عرش كبير قد ورثه من سلالة آباءه وأجداده، يتمسك شخص آخر بكرسي آخر مُرغمًا عليه لا يود تركه كأنه الشيء الوحيد الذي يمتلكه لأنه "مُقعد". فشتان بين كرسي ثابت يقيدنا بمكان واحدٍ وإن كان "كرسي سلطة" وبين كرسي متحرك نحركه أين ما نريد خاضعًا لارادتنا وإن كان "كرسي معاقين".
بعض الاختلافات الايدولوجية تُسيرنا وفق أهواءها وتسير بنا الى عوالم المجهول ونسير معها مُرغمين لا حول لنا ولا قوة ولكنها تُمدنا بصلاحيات كبيرة فبامكاننا ان نحك رأسنا متى ما أردنا ذلك. الافكار بامكانها أن تحدد الطريق الذي نحن عليه لكنها عاجزة عن المشي عليه. أفكارنا وحدها لا تكفي لانجاز ما نصبو اليه فوضع بيضةٍ في العش لا يكفل تحويلها الى طائر. "لا خير في افكار لا تُقرن بعمل دؤوب".
النجاح في مجال واحد قد يكون كافيًا الى فترةٍ ما لكنه حتمًا لا يضمن لنا مُستقبلًا مُشرقًا، الكثير منا مهووس بالمستقبل وكل ما يهمه المستقبل حيث ينسى الواقع الحالي الذي يعيشه ويتخلى عنه لاجل المستقبل فقط. ولكنه يقع في مطبٍ كبير حيث لا يحدد ماهيّة المستقبل الذي ينتظره. وهنا سؤال لكم أحبتي...
هل المُستقبل هو من ينتظر الانسان؟
أم الانسان هو من ينتظر المستقبل؟
ليش اتاني؟
الشجرة من تشتاگ توگع ورگة ورگة
https://youtu.be/FucbOix3ST0
في الطرقاتِ المهجورة أجد خيالكِ. وفي عينيكِ أجدُ خيالي. أراكِ اختلافًا جذريًا عن سائر الذين أراهم. في العادة، لا أنتبه للتفاصيل الصغيرة التي أنتِ عليها أما الان فأيضًا لا انتبه. دمتِ شيئًا، عفوًا، دمتِ روحًا تسكنني لا يشوبها البُعد أينما حلّت. يا عالمي وجهدي وعملي أنتِ منفاي الذي التجأ اليه عندما تلتهمني الوساوس والذكريات. أنتِ فكري وتفكيري وشغلي الشاغل، أنتِ انتمائي وغربتي، أنتِ الحياة الباقية بعد موتي، أنتِ أنتِ.
عبدالله يوسف
الخميس الساعة 10 صباحًا
شارع الزيتون قاعة الارشاد الزراعي
خلونا نشوفكم
أمي متعوبة شكثر چنها العراق
https://youtu.be/tGkjPXu-qPk
بالبرزخ
يصير المُلتقى المنشود
بالبرزخ
تظل گعدة عراقية
واحد محترگ والثاني غرگان
وواحد كاتله الدخان
المشهد الاول جريمة
نخاف من ظلم الشوارع
چانت الايتام تبچي وترست عيون التقاطع
ومفرزة قائدها ظابط برجوازي
وفد مصوّر حلمه يلگة اطفال تضحك
حتى يگدر ياخذ اللقطة العصيّـة
وحاير الاعلام ينشر إقتباس
"السعادة لا تُشترى بالمال"
المشهد الثاني شفت بي مسرحيّــة
چان مُستشفى قديم
بيه دكتورة غبيّــة
عافت الرُقية وتسولف بالعلاج
المشهد الثالث غريب
طبيب نفسي
ظلّو يگولون قد صابَ الجنون
حتى بيّن صاير بعقله اضطراب
المشهد الرابع عظيم
انسان واعي
وعاف كلشي و دوّر اليقراله چفّه
والكتاب يسوي بأوراقه مهفّة
والنهاية
بيها لفتت إنتباه
شايل الفايل بديّــة
يبقى بيدي لاخر ايام الحياة
خاف تحتاجه جهنّــم
عبدالله يوسف
أعلم جيدًا إن وراء ارتداء أي خاتم أو سوار او قلادة حكاية عظيمة
Читать полностью…
شبگتك
سولفتلك كلشي بية وكلشي ما بية
ولگيتك مستمع صاغي لكلامي وحدة اسلوبي
ردتك تحچي لو كلمة
عاتبتك
لحد ما شفتك موادعني كل عقلك
شبگتك
لحد ما حسيتك تصحح عيوبي
تلاگينة
هدم مفتوگ وابرة وخيط
ولگيت افراگك ايشگگ شكو مخيّط
يالمنطيني ظهرك صدلي مرة بحلمي موش هواي
بحلمي وصد عليّة بطارف عيونك
واخزرني
هسة تداركت معنى الامان الخوف اذا منّك
ما أبچي وعد بس مو وعد حُر
لهسة مقيّد بفرگاك
لـ عبدالله يوسف
بين الخنگة والخنگة مسافة شوگ
زمن اشتاگلك تتحرر دموعي
اسمك سالفة وتتغنى بين الناس
كلمة حچايتك بس هي موضوعي
عبدالله يوسف
على السلطة أن تغلق آذانها بأكثر الاشياء غلضة كونها لا تقوى على تحمل الترددات الصوتية للثوار حينما ينادون أبيات الحر زيد السومري عندما يقول
الدينار العراقي يشرف التومان
ترا بغداد تسوة 18 طهران
وتسوة السعودية وكائنًا من كان
وكذلك على السلطة أن تتوقف عن محاولة اجتذاب الناس الى صفها فهناك منهجٌ ثوري اطلقه صفاء الصمت مخاطبًا الشهداء حيل يقول
من عدكم عرفت شلون
الزلمة الما تكرهه السلطة مو زلمة
وعلى العبيد التنصل عن مسؤولياتهم والتوقف عن محاولة تلميع افعال من يعبثون بممتلكات الناس انطلاقًا من قول الشاعر احمد الصالحي عندما قال
لولا الذيول التمسح التيجان
چاا ما سجنوا الكاظم
وعلى من يهمهم الامر أن يدركو أننا روح واحدة وشعب واحد لا يمكن التفرقة بيننا انطلاقًا من قول الحر علي مهدي
انة الفوگ راسي من رمى القناص
عدا راسي تجي بأي راس توجعني
ولا ننسى الصوت الذي أرعب المتملقين للشاعر سجاد صباح حينما قال
تسوة ايرانهم ضحكة عمر سعدون
وعلى السلطة أن تكتب وصيتها الان فهناك زيد الشجاع كتب وصيته ثم احتضن دجلة ونام حينما قال
خل اوصيكم وصية
الرصاص يموت گدام القضية
لـ عبدالله يوسف
جنت احب بنية وحدة
وگلبي حيل بحبها مات
منها شفت الدنيا كلها
وبيها حبيت الصفات
هي راحت مني فجأة
وبيها غثتني الحياة
وگلبي متمرد علية
والله ما يرضى بسبات
وانتقامًا مدري مِن مَن
صرت احب كل البنات
عبدالله يوسف
نظرة تحليلية لقصيدة (عشقٌ متطرف) للشاعرة لبنى ياسين المطروحة في ديوان (تراتيل الناي والشغف).
*نظرة تحليلية وليست نقدية لا تتعدى وجهة نظر كاتبها.
تستهل الشاعرة قصيدتها بقولها
- ستحبكَ امرأةٌ ما
كما لا تفعلِ النساء
فاحذر يا صديقي
هي هنا تُخاطبُ رجلٌ مجهول تحذرّه من حبِّ قادم.
ثم تسترسل فتقول
_ إنَّ امرأةً تعشقُ بهذا التطرف
بإمكانها دومًا
أن تُمزقَ قطعةً من جلدك
لتفترشها حين يعتريها الخوف
هنا تبيّن الشاعرة مدى ثقتها بمعشوقها حيث أنها مستعدة أن تحتمي بمجردِ قطعةِ من جلده فما بالكم إن كان كلّه معها؟
- بوسعها أيضًا أن تقطعَ كفكَ
لكي تحتفظ بها في كفها
عندما تسلكُ الدروب وحيدةً
هنا دلالةٌ واضحة لتمسّكها بهذا الرجل وهو أنيسُ وحدتها وقاضي حاجتها.
- وقد تقيد قدميكَ
بخيطٍ من سواد كحلها
تسرح الشاعرة في خيالٍ خصب تبحث عن مكنوناتٍ جمالية تزيّن بها قصيدتها فمتى كان لسوادِ الكحلِ خيط؟
وهل لهذا الخيط أن يقيد قدمين؟
-امرأةٌ تحبُ بهذا التطرف
ستقلمُ أظافركَ جيدًا
وإن غادرتها يومًا
ستتركُ في جعبتها قلبكَ وأحلامك
أصابعك وبقايا روحك المتعبة
تحذيرٌ شديد اللهجة قاسي الوقع لا أجد لهُ غير تفسيرٍ واحد فكان الله في عونِ عاشقها.
- وعندما تدركُ حجم خسائرك
ستستدير باحثًا عنها
فلا تجد إلا رائحتها
تملأ الهواء نزقًا
تحذيرٌ آخر تختم الشاعرة به قصيدتها مفادهُ إياك والرحيل فلن تسلم من حدة قسوتي فأنا عاشقة تعبّر الشاعرة عن حبّها الشديد وطغوتها في هذا الحبّ وخوفها من خسارةٍ واردة جدًا. فبرغم ثقتها بمعشوقها في بداية قصيدتها إلا أنها هنا توضّح لنا شكوكها فلا تطلق العنان لثقتها الكاملة ولا تترك الخوف يتحكم بعلاقةٍ لا تعرف ماذا تكنُّ لها من أسرار.
عبدالله يوسف
قريبا ان شاء الله
برنامج خيمة رمضان مع اياد الرومي على قناة البغدادية
انتظرونا ♥
بالبرزخ
يصير المُلتقى المنشود
بالبرزخ
تظل گعدة عراقية
واحد محترگ والثاني غرگان
وواحد كاتله الدخان
عبدالله يوسف
أمي من تضحك بوجهي الدنيا عيد
https://youtu.be/I34KGgyxMo0
جنت مرتاح مدري شمالني وحبيت
ساعة سودة من هيستّك ببالي
عبدالله يوسف
من سجنك اجيت لفسحة الدنيا
ضوة الـ لالة
وعلى شمسي صغت ليلك
ووجهي اندار يم غيرك
بساعتها
تبيّن انو كلشي البية مو زين
وانتَ الحافظ ايامي
لأنّـك تحب بعثرتي
چنت ميهمني ابد ترتيب هندامي
اذا عايفني ليش ارهن بنومك قمة احلامي
أطول سفرة للمسجون
من زنزانته لحد غرفة التعذيب
الذكرى التنكتب ع الحايط اليمسحها متعافي
چويات الجگارة تغثه بيش اليمشي فوگ الجمر حافي
شما سوّي ذنب مفضوح
مثل الفقرة من تبوگ
الاحديثة شعرها تگصه بس بعدين تتندم
ومن اتعوفه ابد ميلمه حظن الطوگ
الحيرة البين اعوفك لو اظل ويّاك
تشبه نومة الخوّاف من يگضيها يتگلب
الصاحي ابين مجموعة سكارى اتشوفه وتحسه الوحيد البيهم اليشرب
لــ عبدالله يوسف
إنَّ عبارة "خاتمة الأحزان إن شاءَ الله" التي نقولها دائمًا في العزاء ما هيَّ إلّا دُعاء بالموتِ العاجل دون أن نشعر .
عبدالله يوسف
شعب يحتار بينة الابد ما يحتار
ندعي لنصرة المظلوم والظالم
نمد ارگابنة ومن ننذبح نغتاض
ونعوف الذبحنة ونحچي ع الكاتم
عبدالله يوسف
هذا مات
ذاك مات
عشرة ماتو
مية ماتو
هاي عيشتنة عدد
شيلو منّانة الجنايز
وإدفنو الموتة بگبرهم
ودفعوا اموال الاهلهم
حتى لو غايب ضحكهم
صدفة وموعد
مدري شلون انجمعن
صرنة بجمعتهن حيل اصحاب
كلشي اظلم بس عينك گمرة
واصفن بيك ويوگع رمشي
وفدوة لعينك ما اندار
وفدوة لوجهك يصبح كلشي
كون بچفّـك
كل لمسة امن چفوفي
وكون بوجهك
كل نظرة امن عيونـي
وكون بگربك يخلص عمري
وكون بايدي امن امسح دمعك
بية اشتل روحك
واني اسگيها بدمعاتي
وإختل بية
چنك اثمن حاجاتي
وظمني بروحك
چني اثمن حاجاتك
كل ما اصفن وحدي اتذكر
إنت بروحي وكل يوم اكبر
كل ما اسمع اسمك
اخجل حيل ولوني شگد يتغير
حد ما اصبح ما اتفسر
وسولف بية
ولمني شلون ايلم جاهل لعباته
يعبر كلشي وصافن بيك
واليصفن بيك شلون ايلاگي الفاته
لـ عبدالله يوسف