قصيدة رثاء الزهراء عليها السلام
خادمكم عبدالهادي كريم العريفاوي
بضلعج تلوجين شو ماتكعدين يمه انه الحسين
لونج تغير من امس من دفعة الباب
والثاني مجرم مم اجه قائد للارهاب
عكب الرسول المصطفى غدرونه الاحباب
صبوا غضب عالطاهره بيوم النبي غاب
شنهو اللي ياذيج اني الاحاجيج يمه انه الحسين
---------------------------------
هذا الحسن يمج كعد هاي العقيله
بهاي المصيبه لفاطمه ماعدنه حيله
عفيه شكبر صبره علي حامي دخيله
نكصد لعد جدنه النبي خل نشتكيله
اخر مسيه ويه الزجيه يمه انه الحسين
----------------------------------
من لعنة الله اعله الأجه لبابج يزهره
ومن يدفع الباب بحقد ضلعج يكسره
منهو اليصل للمرتضى بحالج يخبره
والثاني ملعون ونذل وجهج يسطره
اطفالج شلون يمج يطوفون يمه انه الحسين
-------------------------------
من شدة الالام الضلع كلبي ايتلوه
اتخطه كمت لحجرتي بس امشي كوه
من الثاني والضلع انكسر اي هوه هوه
غايب علي وهذا النذل كام ايتقوه
ويلي وويلاه من ذوله الاشباه يمه انه الحسين
--------------------------------
يايمه يبني يالحسن الله اكبر
سم الحقد يبني شفت جبدك تفطر
وزينبكم كبال الطشت ياويلي تحضر
وحسين اخيك بالحزن كلبك تكسر
راح الحسن راح شاف الجبد طاح يمه انه الحسين
---------------------------------
واعظم مصيبه بكربله بس الله ادره
زينب تشوفين العده كطعوله نحره
والاعوجيه من تجي ادوس اعله صدره
وجسمه وذر فوك الرمل وذره اعله وذره
ونتي اسيره خلاف العشيره يمه انه الحسين
-------------------
قصيدة رثاء الزهراء ع السلام أماااه
خادمكم عبدالهادي العريفاوي
---------------------------
أماه متغير لونج أماه خبرينه شلونج
اماه ليش يظلمونج ضلعج مكسووووور
------------------------
ويلاه من غاب الهادي هجموا عالدار
وشلون ماخافوا ربهم شعلوها النار
ملعون من يدفع بابج ينبت بسمار
مرسوم هالموقف عدنه صح احنه زغار
والناس تتفرج كلها وشلون مؤمن يقبلها
أماه ليش يظلمونج ضلعج مكسووووور
----------------------------
مكسور ضلعج يايمه وشنهو الأسباب
لادين عدهم لاذمه بعض الأصحاب
جا ليش غدروا هادينه من يوم الغاب
والناس من بعد اغيابه صاروا أحزاب
ارهاب وكفوا يم بابه احقاد عدهم اصحابه
اماه ليش يظلمونج ضلعج مكسووووور
----------------------------
والصار من فعل الثاني المايملك دين
ويقود زمره الملعونه لدارك ماشين
اجرام يايمه بحقج من مرتدين
اماه اطفالج يمج يمته تكعدين
تبجين وعيونج تجري بسمار بضلوعج ندري
اماه ليش يظلمونج ضلعج مكسووووور
------------------------
ويلاه نبجي اعله مصابج يمته تكعدين
شمحلات هالكعده الحلوه وهالمنتظرين
وحسرات زينب مالومه خاف تغيبين
ارهاب ذوله اللي هجموا هالمجتمعين
اطفال كعدوا يم راسج يشمون ريحة انفاسج
اماه ليش يظلمونج ضلعج مكسووووور
---------------------------
الزهراء وصتها لزينب مرر الأيام
وهناك برض الطف يمه تصير الالام
وحسين مذبوح كبالج محروكه خيام
وشلون حالج يايمه من درب الشام
تمشين انتي وايتامج والروس كلهن جدامج
اماه ليش يظلمونج ضلعج مكسوووووور
---------------------
نززله للزهراء ع السلام
خادمكم عبدالهادي العريفاوي
-----------------------------------
ياشيعه خل ننصب عزه اعله الطاهره المظلومه
نلبس سواد بكل حزن والمجلس متانينه
خلينه خدامج نظل يافاطمه خلينه
يالطاهره حيدر علي بأوداعج الله يعينه
يابلحسن عفيه الصبرمن وادم المشؤومه
--------------------------------
حال الحسن وحسين اجو يم راسج يودعونج
ونظراتج لزينب بكت يالزهره تجري عيونج
ليل الوداع شكد صعب ياأمنه هسه شلونج
بكسر الضلع يالطاهره انتي شكثر مالومه
---------------------------------
وتشابكو كلهم سوه ياأمنه لتعوفينه
نبقه يتامه يغيبتج يالغيبتج تاذينه
ياويلي من ذاك الاجه عالباب يرعب بينه
اعله الثاني مقصود اللعن ياشيعه مامضمومه
----------------------------------------
منهو الوكف ضد النبي وبحقده يحرك داره
ومنهو الرفسها الطاهره وبلضلع طب بسماره
وبأيده من يشعل حطب وتلاهبت بي ناره
واللعنه هاي بجبهته طول الدهر مختومه
--------------------------------
ليلة وداع الطاهره توصي العقيله الحره
يازينب وعمرج حزن هذا الحزن مايبره
واعظم مصيبه بكربله وهذا المصاب شكبره
وحسين مكطوع النحر ومسلبات هدومه
----------------------------
والحركو الدار بحقد باجر تره اعله خيامج
ونتي سبيه بكربله محتاره وي ايتامج
بطف كربله اعله النايبه يايمه شدي حزامج
كل الأهل باجرتظل مطروحه وسط الحومه
-----------------------------------
عندي وصيه بكربله وحسينج تودعينه
بالطف ييمه بمنحره يازينب تشمينه
فوك الرمح راس الاخو بدرب السبي تشوفينه
عفيه الصبر يابت علي طول الدرب مهظومه
-----------------------
قصيدة رثاء فاطمة الزهراء ع السلام
خادمكم عبدالهادي العريفاوي
-----------------------------
قلب الرسووووول ماذا يقوووووول
من رفظوا الدستور وشاف الضلع مكسور
ماذا يقووول
------------------------------
انته للامه بوجودك من ردت تكتب كتاب
الثاني يرفضها الكتابه ويعلن اعليك انقلاب
الهادي يهجر في كلامه ومانحب نسمع جواب
نعقد الشورى برحيله الليله لو صار الغياب
موقف خطيييير أين الغديييييير
وسفه الزمان يدور شاف الضلع مكسور
ماذا يقوووووول
-------------------------------'------
يارسول الله برحيلك غيروا كل الوضع
فاطمه الزهره وفدكها عنها غصبن ينمع
راحوا لبيت الزجيه الطاهره وكسرو ضلع
وبالحبل حيدر تجتف البيده خيبر تنقلع
لو لا نداء رب السماء
ينفخ علي بالصور شاف الضلع مكسور
ماذا يقوووووول
--------------‐--'---------------
الله يلعنها السقيفه البل مكايد كافره
اعله الخلافه المو صحيحه الها شو لزموا سره
ثلاثه لزموها بحقدهم والحقد ضد حيدره
هو أول بالحقيقه والبقيه مزوره
فيه الثبات والمعجزات
نور ويشع من نور شاف الضلع مكسور
ماذا يقوووووووول
-------------------------------------
اضرموا نار الخيانه بالحقد صبوا غضب
وارعبوا بيت الرساله مدري واعدهم طلب
يايهود الأمه انتم انتم اصلا مو عرب
الثاني قائدها العصابه بيده من جاب الحطب
يبذل جهود والكل شهود
من يعتدي اعله السور وشاف الضلع مكسور
ماذا يقوووووول
--------------------------------------
والحسن وحسين اخيه وزينب الكبرى تشوف
والدمع منهم تسايل كلمن اعليها يطوف
من رحل جدهم محمد تختلف ليش الظروف
وزينب تعاين ضلعها صوره يرسم للطفوف
هذا البلاء في كربلاء
عد النبي مذكور شاف الضلع مكسور
ماذا يقوووووووول
----------------------------------
فاطمه الزهره الزجيه أتوصي زينب ع الأثر
تكلها يايمه زينب وسفه يولاج الدهر
بطبرة المحراب اخبرج هذا يمه اول خبر
حيدر بلحضة سجوده وراسه بالسيف انطبر
اول مصاب دم الخضاب
لأهل الظلم والجور شاف الضلع مكسور
ماذا يقوووووووووول
----------------------------------------
والحسن ابني ومصابه بالطشت ينزف جبد
والسبب من ال أميه اعله الحسن صبوا حقد
خلي كلبج يالعقيله للنوايب يستعد
لو نويتي الغاضريه ينكطع غصن الورد
نارالخيام بحقد اللئام
يشوف الرسول انحور وشاف الضلع مكسور
ماذا يقوووووووووول
----------'-------------------------------
قصيدة كعده لفاطمه الزهراء ع السلام
خادمكم عبدالهادي العريفاوي
-----------------------
فاطمه الزهراء يانور الامامه ياشفيعة امتج يوم القيامه
ويبقه مولانه علي خير العمل وماعبدنه اللاتي والعزى وهبل
ياشفيعة امتج يوم القيامه
----------------------------------------
نشكر الله اللي هدانه نسلك بدرب الهدايه
من الطفوله وكلبي ينبض لو سمع اسم الولايه
احنه اشراف الخليقه من البدايه وللنهايه
اليبغض علي عايش وهم باجر يعض اصبع ندم الواله علي ثابت قدم
بالحشر رافعله رايه
انتم انوار الهدايه اعله الخليقه يبقه أعمى الماعرف درب الحقيقه
والله غصبن عالقبل والماقبل ماعبدنه اللاتي والعزى وهبل
ياشفيعة امتج يوم القيامه
----------------------------------------
فاطمه ياام ابوها وبذرة العتره الشريفه
من بعد غيبة نبينا بالحقد صنعوا سقيفه
نكروا الدين واصوله ورشحوا الهم خليفه
زمرة شراذم تتحد ضد حيدره كل الحقد
والشورى عدهم تنعقد زمره قذره ومو نظيفه
وسفه يانور الهدايه ينحرف خطة من بعض الحثالا يختلف
والاجابه لو فرض واحد سأل ماعبدنه اللات والعزى وهبل ياشفيعة امتج يوم القيامه
-------------------------------------------
دمعة عيونج حزينه من بعد غيبة نبينه
ضدكم اجتمعت شراذم ذوله اصحاب الظغينه
من بعد سيد رسلها وحشه أحياء المدينه
ليش اختلف كل الوضع من هجموا بذاك الجمع من فاطمه كسروا ضلع
وفاطمه ظلت رهينه
رضوا اضلوعج سكط وسفه الجنين ريته حاضر كربله يعين الحسين
بدفعة الباب ويوافيه الأجل ماعبدنه اللاتي والعزى وهبل ياشفيعة امتج يوم القيامه
------------------------------------------------
هجموا اعله الدار وسفه وحاصروا بيت الزجيه
زرعوا احقاد الخلافه وسلموها لآل اميه
بضلعج المكسور ويلي رسموا ارض الغاضريه
كطعوا لبو اليمه النحر والعايله تعيش بخطر اصل الفتن زمرة عمر
همه ذوله السامريه
زمرة ارهاب الأجت ضد الزجيه زرعوا بنهج الرساله الطائفيه
وبحقدها الزمره مضروب المثل ماعبدنه اللاتي والعزى وهبل ياشفيعة امتج يوم القيامه
--------------------------------------
شعلوا النار اعله بابج يالزجيه الله اكبر
وحيدر يعيش الرزيه جفه ذاك القلع خيبر
انفطر كلبه من الوصيه ساعد الله كلب حيدر
لو ما الوصيه لحيدره يكلبها يمنه وميسره
لأجل البتول الطاهره والوضع بيده تغير
من دموعه التجري واضح كل كلام
تحجي نار الزهره لو نار الخيام
احنه والينه علي بعصر الازل ماعبدنه اللاتي والعزى وهبل ياشيفعة امتج يوم القيامه
---------'----------'---'---------
قصيدة رثاء سيد المرسلين صلوات الله عليه وعلى اله الطاهرين
خادمكم عبدالهادي العريفاوي
‐------------------------------------
الهادي يغيب عن عيني امصابه هواي ياذيني
اتغيب شلون عن حيدر وحدي لا اتخليني
-----------------------------------
عله امصابك يخويه الروح مالومه
اظل مابين امة غدر مشؤومه
بحقد الامه هاي احشاءه مسمومه
شو جنها النوايب بينه مختومه
غاب اليوم هادينه صعبه اغياب والينه
من فركاك اتحير وحدي لا اتخليني
-------------------------------------
ذوله اللي كلتلي عنهم اصحابك
ماحزنوا عليك بلحضة اغيابك
صنعوها السقيفه ورفظوا اكتابك
هجموا عالزجيه واحركوا بابك
الزهره اعليك مالومه بفكدك حيل مهظومه
خلف الباب تتستر وحدي لا اتخليني
----------------------------
سلمان واباذر يمي والمقداد
نحملها الجنازه والمدينه اشهاد
ملعونه السقيفه التحمل الاحقاد
واصحابك يخويه اعله الجنازه ابعاد
زمره هواي ملعونه حيدر ما يريدونه
بللدمعات اتصبر وحدي لاتخليني
------------------------------------
حيدر بالدفن بس روحه خلصانه
شاف الأمه ضد الهادي خوانه
ماكو من الصحابه الحاضر ويانه
صانع هالسقيفه احقاده عنوانه
وسفه تغيب يالهادي الأمه اليوم في وادي
ضد الدين تتحضر وحدي لاتخليني
---------------------------
انت البلمدينه التنهي والتأمر
جا ليش الصحابه بغيبتك تكفر
كال الثاني عنك بالمرض يهجر
لغدر الامه عينك للوضع تنظر
ليش الأمه بلا دين بالمنهج منحرفين
هذا الوضع الاخطر وحدي لا اتخليني
---------------------
---------------------------
نززله لاستشهاد الرسول الأكرم
خادمكم عبدالهادي العريفاوي
-----------------------------
الليله انودعك يابو الزهره الليله انودعك يابو الزهره
الله اليستر من هالأمه لادين العدها ولاذمه
جبد الهادي شلون اتسمه والثاني المعروف بغدره
---------------'----------
بالسم جبدك من يتفطر تنهض روحك لا ماتكدر
الأمه بنعشك شو ماتحضر ولاحضروا في آخر نظره
---------------------
والتاريخ اليحجي القصه الحمى بجسمك كالوا فرصه وكفت عيشه ووكفت حفصه
ضدك هالاسماء القذره
----------------------
حيدر بعدك الله يعينه يغسلك والدمعات بعينه
جم طاغوت الناكر دينه واجتمعت ضدك هالزمره
--------------------------‐-
ماعدهم دين ولارحمه زرعوا فتنه بهاي الأمه
بعض الناس شكد متوهمه متشوف التاريخ وتقره
------------------------------
ملعون الثاني بأفعاله شوق شسوه بهاي الحاله
يأمر هالزمره الدجاله باب الهادي بنار يوجره
--------------------------------
والزهره خلافك مظلومه من فعل الأمه المشؤومه هذا الباب وهاي اعلومه ظلوعج يافاطم متكسره
---------------------------
قصيدة رجوع السبايا ع السلام
خادمكم عبدالهادي العريفاوي
----------------------------------
شو محد اتلكه الظعن زينب والايتام
تعبانه من درب السبي من الكوفه والشام
اليوم اربعينه لحسين اجينه من الكوفه والشام
----------------------------------------
اشرحلك الصار وجره خويه انهظمنه
ياليلة الحادي عشر ياهو اليلمنه
اعله المشرعه الكافل وكع مارد علمنه
وتتشارد أطفال ونسه حركوا خيمنه
انكل جدم يعثر جدم وكليبي مفجوع
خوف ورعب من طيحتك والعايله تلوع
واحنه نسبينه لحسين اجينه من الكوفه والشام
--------------------------
يوم هدعش حادي الظعن للكوفه ممشاه
جتال اخوتي بأمرته والعايله وياه
اتمنه وبدرب السبي والكافل الكاه
ماظل امل عندي بعد اندب وويلاه
لا اخوه عندي ولا اهل والوادم اجناب
ماادري من غدر الدهر وشوده وشجاب
مجتوفه ادينه لحسين اجينه من الكوفه والشام
-------------------------------------
حيلي انهدم يابوعلي ومني الامل راح
ياخويه ولدرب السبي حادي الظعن صاح
عيني تصد اعله الأهل روس اعله الارماح
واشجم طفل يابوعلي من الظعن طاح
درب السبي درب الهظم ماعدنه رايه
عندي الاشاره ويه الحرم بس بالعبايه
احمي الظعينه لحسين اجينه من الكوفه والشام
-------------------------------------
بذيج الخرابه والطشت جابوه اليه
نحرك يهيجلي الحزن بالغاضريه
نامت يخويه اعله الطشت بنتك رقيه
من شبكت الراس بهظم تلفه المنيه
والطفله خويه اعله النحر يخلص عمرها
بصبره علي السجاد اجه ويحفر كبرها
الله اليعينه لحسين اجينه من الكوفه والشام
--------------------------------
اتعبنه ياخويه السبي بس الله الأمعين
دليني خويه اعله الكمر وين النهر وين
انه ادري مصيوب بعمد والنبله بالعين
لارايه لاجود البكن لاعنده جفين
ودعته خويه من رحت صوب الشريعه
طيحة ابو فاظل صفت اكبر فجيعه
ساكن ونينه لحسين اجينه من الكوفه الشام
-------------------------------
قصيدة تراث استشهاد الإمام الحسن المجتبى عليه السلام
خادمكم عبدالهادي العريفاوي
---------------------------------
الجبد مسموم الحسن مظلوم يريت بكربله حاضر
تعالج والجسد مالوم وتعاين بالطشت دمك
مصابك يجرح الخاطر ابو اليمه كعد يمك
اخوتك وكفوا كبالك وتعنوا كل ولد عمك
بفعلها جعده ملعونه بحقدها راحت اتسمك
الفعل مشؤوم بحقدها الكوم على ابن المصطفى الطاهر
----------------------------------
تغيير لونك من السم بوداعك وضحت اعلومك
وكلامك يم ابو اليمه فلا يوم المثل يومك
عله امصاب الطفوف شلون مصايب زادت همومك
وديعه القاسم بايدك اعله حالك خويه مالومك
تريد امعين يخويه حسين فدائي القاسم وحاضر
----------------------------------
يكله خويه بو اليمه عضيدي وقررة عيوني
يخويه اعله النعش توكف وبني هاشم يشيعوني
وحيد بكربله انته بمصابك خابت ظنوني
عسن بالطف يخويه وياك بحقدهم وسفه سموني
وتظل اوحيد لجيوش ايزيد يخويه وماالك ناصر
---------------'----------------------
يجيك العسكر الصوبين يويلي وشكبر صبرك
يخويه القاسم يعينك وجوبا بالطف اينصرك
ذبيح وظامي بالحومه الحوافر تسحك بصدرك
وطحت مذبوح وتظل مطروح اعله صدرك يسحك الحافر
------------------------'-----------
يحركون الخيم يحسين الحرم تشرد عله الوديان
حرم ياخويه مرعوبه تشب وسط الخيم نيران
العقيله اميسره تمشي الحرم وياها والرضعان
على الكوفه المسير ايصير وظعنها يدخل البلدان
عله المذبوح تون وتنوح نوايا تجرح الخاطر
قصيدة رثاء للأمام زين العابدين ع السلام
خادمكم عبدالهادي العريفاوي
-‐--------------------------
زين العباد الليله سم الجبد هد حيله
شاف الجره بطف كربله ومتكيد ويه العايله سم الجبد هد حيله
----------------------------------
بكربله عاش المآسي يانبي اليتعده صبره
والده كباله يشوفه ويلي من حزوله نحره
والحوافر من تدوسه يسحك وياخذله وذره
الاعوجيه اللي تسحكه اعله الجسد جابوها عشره
واكف يشوف بعينه وبصبره الله يعينه
صبرك منو اليتحمله متكيد ويه العايله
سم الجبد هد حيله
------------------------------------،
دمعة عيونك حزينه من تعاين عالضحايا
وزينب الحره اسيره مجتفه ويه السبايا
وماكو رايه بهل ظعينه وهيه رأيتها العبايه
واشكبر صبرج يزينب ونتي عشتي بهل رزايا
وسفه بحبل مجتوفه من كربله للكوفه
وزين العباد وكل هله متكيد ويه العايله
سم الجبد هد حيله
----------------------------------------
ليا نحر المن تعاين روحك اتعيش بالمها
اتودع أجساد العشيره وترجع بأيدك تلمها
اعله النهر راعي الكفاله زينب وطيحة علمها
عفيه صبرج يالعقيله تركض ويعثر جدمها
صاحت يبو الباقر وين سولفلي عن حال حسين
اليوم الحزن نستقله متكيد ويه العايله
سم الجبد هد حيله
-------------------------------------------
السلسله متنك تجرحه ياعليل الغاضريه
العايله جتفوها كلها وعمتك زينب سبيه
ارد اكلفك ياحمانه عينك لسكنه ورقيه
ماكو فزاع اليلمه اعلينه وحشه الغاضريه
ومن المرض عشت الام من الكوفه ولدرب الشام
غربه التقود القافله متكيد ويه العايله
سم الجبد هد حيله
--------------------------------------
يالعشت عمرك مآسي بالعراق وبالمدينه
من اللقيطه ال اميه وآل مروان اللعينه
ونبقه للباطل روافض بمنهج الهادي اهتدينه
ذوله مروان واميه زرعوا احقاد الدفينه
من هالحقد يامظلوم ياويلي جبدك مسموم
بحقد العقول الجاهله متكيد ويه العايله
سم الجبد هد حيله
-------------------------------------
نقره أيوب ومصابه واجب بصبرك نقيسه
وقرينه بعلمك المعصوم تحده كل علم عيسى
وجوبا بالكتب مولاي اعله صبرك نقره تدريسه
منو البيهم ابوه مذبوح وحديد الجامعه يجيسه
والانبياء اطوفك من صبرك ومعروفك
ونته التحل كل معضله متكيد ويه العايله
سم الجبد هد حيله
-------------------------------------
قصيدة كعده للأمام السجاد ع السلام
خادمكم عبدالهادي العريفاوي
بالطف يامولاي شلون مذبوح حسينك
جم حافر صدره يدوسون وتشوفه بعينك
وسط الحومه تروح جم فارس مذبوح
وتشوفه بعينك
-----------------‐---------
ساعد ألله اعله النوايب كلبك وكلب العقيله
ماكو فزاع الاجاكم حتى تمشي وتشتكيله
ها يبو الروح الحزينه مابكت عندك وسيله
تشوف البدور الساطعه بطف كربله متكطعه والكمر يم المشرعه
بالوفه ماكو مثيله
لاظلت عدكم وليان لاظلت خيمه
مذبوح حسين وعطشان وعياله ابهيمه
وكليبك مجروح جم فارس مذبوح
وتشوفه بعينك
---------------------------
يبو الباقر والنوايب تركت بكلبك اثرها
ليا مصيبه دموع تنزل هاذ عد الله خبرها
والاطفال كبال عينك والخيم يجوي جمرها
وتشاردت هالعايله ومكيد نته بسلسله
ياويلي من طف كربله روحك انته شكد صبرها
ومكيد كاصد للشام من ارض الكوفه
وبكلبك عشت الآلام عمتك مجتوفه
ماظلت لك روح جم فارس مذبوح
وتشوفه بعينك
--------------------------------
جلجل الليل بظلامه وماكو واحد بالعشيره
وياهو منهم تمشي يمه وحتى تكعد تستشيره
عكب ابو اليمه يويلي هالحرم صارت اسيره
ماعدها ليل ولاصبح والدنيه مابيها صلح والروس تمشي اعله الرمح
كلها شيمه وكلها غيره
والكيد بظهرك مشدود يجرح بمتونك
منها متونك صارن سود شو ميرحمونك
يالسلواك النوح جم فارس مذبوح وتشوفه بعينك
------------------------------
كلها برض الطف ضحايا ومنهو باقي اليوم يمك
تواسي بو اليمه بمصابه ونوبه تمشي لصوب عمك
تصيح ابو فاظل يعمي عالنهر مهدور دمك
ياعمي تصعب قصتك بالعمد صابو هامتك لايسرتك لايمنتك
بس وذر ياهو اليلمك
ماتكعد يعضيد حسين اكعد حامينه
وغيابك يانور العين بالطف ياذينه
يالمتروس جروح جم فارس مذبوح
وتشوفه بعينك
---------------------------------
عشت عمرك بالماسي من ظلم زمرة اميه
حزوا انحور الغيارى ويلي منها الغاضريه
وعن بني مروان تشرح بالظلم نفس القضيه
بحقد الوليد لعصمتك بالسم يكططع جبدتك
ياويلي نزلت دمعتك منها تلفاك المنيه
الله اليلعن كل سفيان ومروان وياهم
خطه من الثاني الشيطان هو الخلاهم
باطنهم مفضوح جم فارس مذبوح وتشوفه بعينك
----------------------
نززله لأبي الفظل العباس عليه السلام
خادمكم عبدالهادي العريفاوي
--------------------------------
يوم الكصد للمشرعه راعيها لو وكفت الالاف الزلم يمحيها
عنده العزم فاض وتعده بزوده
خيل وزلم من صولته مهدوده
صولات اله وعد الزلم مشهوده
جم معركه الناس بفخر ترويها
---------------------------
جوده انمله وصد اعله جمع العسكر
وتحاشمت ضده وابد ماتكدر
وبصولته يشبه تمام لحيدر
كل الكتاب عالنهر يطويها
-------‐--'---'--------------------
شردت زلم يوم الوكف يتحده
وين اليجي وفنه بجدم يتعده
من صولته واكع الجيش بشده
بعين الغضب لمن يصد اعليها
--------‐----------------------
شنهو الدرب هذا اليخلصنه شلون
بطف كربله راواهم افنون افنون
من يأخذ الماي وعبر هم تدرون
جبد العضيد ولهبته ايطفيها
---‐----------------------------
الجيش انذهل مابعد عدهم حيله
ويله التكرب للحرب ياويله
محد كدر يم النهر يمشيله
وروس العده متناثره اشيحصيها
---------------------------
قصيدة ليلة الحادي عشر من محرم الحرام
خادمكم عبدالهادي العريفاوي
----------------------------
وويلاه عالترب نامت العشيره
وويلاه تنضرب زينب الأميره
بكليبي ينزف جم جرح لمن اصد اعله الرمح
وكبالي راس المنذبح وويلاه وويلاه
-------------------------------
والله محتاره شأسوي بهل المسيه
ماكو واحد من اخوتي يرد اليه
شمحله كعدتنه امس جانت سويه
شنهو حلها الليله برض الغاضريه
وليان ماترد للشام نستعد ماتريد اي شرح
وويلاه وويلاه
---------------------------
الليله صعبات النوايب من لفنني
يبسن ريجي يخوتي ومرمرني
عيلتك يحسين كلهن كابلني
مدري اسككت اطفال لو سكت هذني
دمعات من تهل بعيون كل طفل آهات تنسفح
وويلاه وويلاه
-------------------------------
بخيمة العباس امس لمن كعدنه
ليلة العاشر خطيره وبيها هدنه
انه واسكينه ورقيه من نشدنه
وسفه تبجن واحنه بالدنيه بعدنه
مرفوض اي دمع وكلوب تنفجع واجفون تنجرح
وويلاه وويلاه
-----------------------‐'-----------
اعله الشريعه ترابه صارت واحنه صحنه
الله يستر من خبرها وجنها محنه
تدري من طاح العلم ياخويه طحنه
عالنهر مذبوح حتى احنه انذبحنه
مطروح ياعلم والنار بالخيم ونروف ياجرح
وويلاه وويلاه
----------------------------------
من اصد اعله الرمح غصبن عليه
كبالي راس الوالي والاخوه البقيه
ماكو واحد يالاهل يفزع اليه
انه جنت مخدره وهسا سبيه
ترضون عالجره معقول ياترى هيهات تنمسح
وويلاه وويلاه
--------------------------'--------
انته يم صوب النهر ياخويه باقي
شلون اشوفك كلي لو زاد اشتياقي
يكلها يازينب نعم يصعب فراقي
هنانه ينصبلي عزه الشيعي العراقي
واحزان بالدول يقرون مستهل والدين يتضح
وويلاه ويلاه
قصيده ولائيه لآل محمد عليم السلام
خادمكم عبدالهادي العريفاوي
-----‐‐------------------‐------
اكشف معدنك من طف كربله
لو مؤمن صدك لو وي حرمله
واجب تحدد هاي الك وحده من الإثنين
لو انته من ربع الشمر لو ويه الحسين
اكتشف معدنك
----------------‐----------------------‐-
انصحك والنصيحه بدافع الأيمان
اذا نهجك سقيفه بمنهجك خسران
علي التورات علي الإنجيل والقران
علي نور الجلاله اليضوي بالاكوان
ارجع للكتب واقره المحتوى
تفهم من علي سورة قل هو
مو تدري باجر بالحشر كلمن كتابه
ياهو اليجي ويوكف الك من الصحابه
اكتشف معدنك
--------------‐-------------‐-----------------
عليك اني وظميري وخاطري مكسور
لان تمشي بظلام وماشفت كل نور
مشيت انته بمتاهه وتتبع اهل الزور
وعفت عتره محمد للخلك دستور
اسمع جلمتي وتفلح بالنصر
واليتبع علي فايز بالحشر
هاك استمع مني النصيحه من البدايه
باجر تعض اصبع ندم يوم النهايه
اكتشف معدنك
------------------------------،،،،،،،
البخاري الترمذي ومسلمكم اقراها
كتب كل الصحاح واقره فحواها
مصيبة فاطمه من تقره تلكاها
ومنو الغاصب فدكها وبيده اذاها
موجود الخبر في كل الكتب
ميراث النبي باطل ينغصب
روح افتهم نهج الغدر لهل السقيفه
من حاربوا بيت النبي العتره الشريفه
اكتشف معدنك
------------------------------------------
ردت تسمع كلامي وتاخذ العبره
اذا تبغض محمد دينك تخسره
لان وصه بحياته نتبع العتره
وخليفتكم رفض والمنهج ينكره
كال اعله النبي يهجر ياترى
ومن رض الضلع ضلع الطاهره
ونار الغضب يوم الحشر ناس وحجاره
من الآيه يتوجه نعم سهم الإشاره
اكتشف معدنك
---------‐------------------------------
علي الفرد الصمد بالايه من تقره
علي عصاة موسى وموسى بي ادره
علي الناقل عرش بلقيس وبامره
وخليفتكم اخبرك ماحفظ دبره
مولانه علي في عصر الازل
نندب بالشدد ياخير العمل
بيوم الغدير وحيدره بيده الاماره
وبعض الصحابه للأسف شالوا حقاره
اكششف معدنك
----------------------------‐----------
تره حسين النبي والهادي هو حسين
اذا تنكر كلامه ماالك كل دين
سورة ياحسين تحولت يس
لان شالوا حرفها وهمه معتمدين
الداجن مااكل اي ورقه حشه
الفاظ الدجل هاي لعائشه
روح افتهم نهج الحقد لأهل الخلافه
وتحاشموا ضد النبي وبكل صلافه
اكتشف معدنك
-------‐---‐-------‐------------------------------
نزلله لفاطمة العليله ع السلام
خادمكم عبدالهادى العريفاوي
واويلاه فاركتوني واويلاه ودعتوني
--------------------
يادمعة وداع التاكل بروحي
من ابعد ظعنهم هاجت جروحي
يروحي اعله النوايب والحزن نوحي
عليله من المرض ياهو اليباريني
-----------------------------
عليله من النوايب ضاكت الوسعه
لو سافر ابوي ومابعد رجعه
معناها انطفت عن ناظري الشمعه
بظلام الفركه بويه لاتخليني
--------'-----------------------
من حممل ظعنهم حيرتي حيره
سافرتوا يبويه السفره ياديره
ماادري بوداعك شنهو تفسيره
اصيح ياهلي ومحد يحاجيني
----------------------------
دموع العين اخبرك عالوداع شهود
ياخوفي تروح وماترد اردود
اشوفك عالسفر شو بإذل المجهود
بكت حيطان هيه اللي تواسيني
-------------------------------
هد حيلي الوداع وروحي مالومه
اتمنه بسرفكم اعرف اعلومه
ايام الحزن وي روحي مختومه
سولفلي سفركم بينك وبيني
-----------------'----'--------
ردت ويه خواتي اصعد اتمنيت
ولا ظلن وحيده بوحشتي بلبيت
ردت تنزل رقيه من الظعن ياريت
اواسيها عله الفركه وتواسيني
---------------------
رثاء استشهاد الزهراء ع السلام
خادمكم عبدالهادي العريفاوي
يجري دمعج يالبتول الطاهره
وسفه وضلوعج يزهره مكسره
---------‐----------------‐--
يجري دمعج والدمع يترك اثر
ونتي بت المصطفى خير البشر
بضلعج البسمار يطينه الخبر
خلي يدري بهل مصيبه المادره
-‐--‐---------------‐-----
انتي نور الله وكتابه اعله الأرض
طاعته مولاتي عالدنيه فرض
ويلي والبسمار بضلوعي يرض
ونتي مهظومة كلب ومحيره
-----------------------------
ليلة اوداع الزجيه ويه الأهل
يعينك الله ياعلي خير العمل
والزجيه الليله يدناها الأجل
ليلة اوداع الزجيه الصابره
--------------‐---‐-----------
ليله صعبه العايله اتهل الدمع
ونتي يازهراء مكسورة ضلع
لعنة الله اعله الأجه بذاك الجمع
مو صحابه الزمره طلعت كافره
--‐---------------------------------
ويلي اطفالج اجوا كعدوا سوه
يالزجيه وانتي سورة قل هو
والحسن وحسين دلاله التوه
عفيه صبره البيده قالع خيبره
‐----------------------------
ياحسافه وضدكم يدور الزمن
رضوا ضلوعج حقد يم الحسن
من سبب هالزمره عباد الوثن
زمره طلعت بالمواقف كافره
--------------------------
سولفت وي زينب بحسره والم
بالطفوف بنيتي ماعندج خيم
والكفيل اعله النهر راعي العلم
والجثث بالطف يويلي مطشره
---------------------------
والمصيبه بليلة الحادي عشر
كبالج حسينج يكطعون النحر
يمه لرض الشام لو رحتي بسفر
ومن عكب اهلج مشيتي اميسره
-----‐-------
رثاء استشهاد الزهراء ع السلام
خادمكم عبدالهادي العريفاوي
يجري دمعج يالبتول الطاهره
وسفه وضلوعج يزهره مكسره
---------‐----------------‐--
يجري دمعج والدمع يترك اثر
ونتي بت المصطفى خير البشر
بضلعج البسمار يطينه الخبر
خلي يدري بهل مصيبه المادره
-‐--‐---------------‐-----
انتي نور الله وكتابه اعله الأرض
طاعته مولاتي عالدنيه فرض
ويلي والبسمار بضلوعي يرض
ونتي مهظومة كلب ومحيره
-----------------------------
ليلة اوداع الزجيه ويه الأهل
يعينك الله ياعلي خير العمل
والزجيه الليله يدناها الأجل
ليلة اوداع الزجيه الصابره
--------------‐---‐-----------
ليله صعبه العايله اتهل الدمع
ونتي يازهراء مكسورة ضلع
لعنة الله اعله الأجه بذاك الجمع
مو صحابه الزمره طلعت كافره
--‐---------------------------------
ويلي اطفالج اجوا كعبول سوه
يالزجيه وانتي سورة قل هو
والحسن وحسين دلاله التوه
عفيه صبره البيده قالع خيبره
‐----------------------------
ياحسافه وضدكم يدور الزمن
رضوا ضلوعج حقد يم الحسن
من سبب هالزمره عباد الوثن
زمره طلعت بالمواقف كافره
--------------------------
سولفت وي زينب بحسره والم
بالطفوف بنيتي ماعندج خيم
والكفيل اعله النهر راعي العلم
والجثث بالطف يويلي مطشره
---------------------------
والمصيبه بليلة الحادي عشر
كبالج حسينج يكطعون النحر
يمه لرض الشام لو رحتي بسفر
ومن عكب اهلج مشيتي اميسره
-----‐-------
قصيده رثاء للزهراء ع السلام
خادمكم عبدالهادي العريفاوي
راحت امنه ومابعد لينه ترد
راحت امنه وللنوايب نستعد
والحسن وحسين اخيه وزينب بذيج المسيه يصب دمعهم
-------------------------------------
بيوم الشالوا التابوت من يمنه
نصيح وداعة الله وياج ياأمنه
يمه ازغار احنه وياهو اليلمنه
من عفتينه يالزهره تيتمنه
ليله وحشه وخيم اعلينه الحزن
ليله وحشه وماطبك عدنه جفن
فاطمه دارج خليه وزينب بذيج المسيه يصب دمعهم
---------------------------------------------
من جاب النعش والدنه بي شالج
املنه خاب يمه وخابت امالج
وعيون الحسن وحسين تبرالج
وزينب انه يمه الكعدت كبالج
وبوصيتج دمعة عيونج حزينه
وبوصيتج انتي برض الطف رهينه
يامصاب اهل الحميه وزينب بذيج المسيه يصب دمعهم
-------------------------------------------
من كعدوا يويلي بحجرة الزهره
واجتمعوا عليها بأخر النظره
تكلهم يمه ذني ضلوعي متكسره
وانه ادري برحيلي اطوول السفره
امشي عنكم ودعتكم بالسلامه
امشي عنكم وادري ظليتوا يتامه
الليله تلفاني المنيه وزينب بذيج
المسيه يصب دمعهم
------------#-------------------------
ابونه البلشدد ياهو مثيله
مايكدر ييمه نعشج يشيله
أعينوني يكلهم عالثجيله
الخليل شلون لو فارك خليله
يعينك الله بويه حيدر عالنوايب
يعينك الله والنبي بهل امه غايب
ماحضر نعش الزجيه وزينب بذيج المسيه يصب دمعهم
------------------------------------
من شالوا نعشها وطلعوا من الدار
وعيون اليتامه اعله النعش تندار
وكليب العقيله تلتهب بي نار
من أمها الزجيه سمعت الاخبار
تكلها زينب كربله بيها النوايب
تكلها زينب انتي ياأم المصايب
والأهل فوك الوطيه وزينب بذيج المسيه يصب دمعهم
---------------------------‐---------
رثاء الزهراء ع السلام
الشاعر عبدالهادي العريفاوي
شعلوا النار شعلوا النار
حركوا الدار حركوا الدار
فاطمه الزهره بخطر ضلعي يابويه انكسر شعلوا النار شعلوا النار
بويه من ساعة رحيلك حاربوني
دفعوا الباب بحقدهم وارعبوني
عرفوا اني الطاهره وماقدروني
الثاني كاللهم وان واتقصدوني
كلبي مالوم كلبي مالوم
عاش الهموم عاش الهموم
وجهي لو تدري انسطر ضلعي يابويه انكسر حركوا الدار
هذا حال الطاهره الزهره الزجيه
بويه من عكبك صرت عدهم سبيه
بويه من ضلعي قريت الغاضريه
بويه ضربوني وكمت اشكف بديه
دفعوا الباب دفعوا الباب
زمرة ارهاب زمرة ارهاب
والدفع بابي عمر ضلعي يابويه انكسر حركوا الدار
كومي يافضه إليه وسنديني
قوة الضربه طفت من عدها عيني
اصكطوا يافضه من عندي جنيني
ياحسافه من الضلع عشت بونيني
ضلعي مكسور ضلعي مكسور
يقره عاشور يقره عاشور
بعيني عاشور وصفر ضلعي يابويه انكسر حركوا الدار
بويه هجمت بالحقد ضدي العصابه
همه ذوله اللي كلت عنهم صحابه
ياهضيمة ضلعي يابويه ومصابه
اني مظلومه ودعيت الله بعقابه
يبقه ملعون يبقه ملعون
خل يسمعون خل يسمعون
كلمن لبابي حضر ضلعي يابويه انكسر حركوا الدار
بويه أعرفه اللي اجه لبابي وتعنه
أدعي ربي بكل فرض لايرضه عنه
هدلي حيلي وارد اكومن ماكو ظنه
هو نفسه الكال يهجر احجي عنه
بضلعي بسمار بضلعي بسمار
يترك آثار يترك آثار
للحشر يبقه الأثر ضلعي يابويه انكسر حركوا الدار
خل يجي كبالي الحسن وحسين اخيه
وخل تجي كبالي العقيله بهل مسيه
يمه جنها الليله تلفاني المنيه
الله يعلم عن صبركم للزجيه
ويوم الطفوف يوم الاطفوف
زينب تشوف زينب تشوف
اعله الرمح رفعوا نحر ضلعي يابويه انكسر حركوا الدار
قصيدة استشهاد الرسول الأكرم عليه افظل الصلاة والتسليم
خادمكم عبدالهادي العريفاوي القصيده لحن سامحيني
----------------------------------------
من بعد غيبة نبينا وبعزانه
اجتمعت اصحاب الظغينه بالخيانه
كالوا القران يأمر سووا شورى
علي ماموجود منسوي بحضوره يامحمد يامحمد
---------------------------------------
انته دين الله وكتابه يانبينه
واليضدك يامحمد شنهو دينه
زمره باطنها الحقد بيها ابتلينه
اتحزمت كلها بغيابك ضد علينه
تجتمع بعض الصحابه بالسقيفه
الثاني يعلن انتخابه لياخليفه
يبدي بالدستور من يكتب سطوره
علي ماموجود منسووي بحضوره
يامحمد
------------------------------------
من طلب منهم دواة اعله الكتابه
الثاني يرفض يعلن اعليه انقلابه
من بعد عين النبي طلعت عصابه
تعقد الشورى برحيله وبغيابه
فاطمه تشكي لابوها من ضلعها
وبغيابه الثاني جفه من صفعها
رادو ايطفونه نورك من جذوره
علي ماموجود منسوي بحضوره
يامحمد
----------------------------------------
دنيه متغيره اصبحت وحشه المدينه
الهادي غاب ومابعد يرجع علينه
بهل العصابه المارقه قط مارضينه
خططوا كل المكايد ضد نبينه
اتضح معدن فعلهم بالبدايه
لغوا حيدر لو سالهم عالولايه
يمته تفزع لجلك الناس الغيوره
علي ماموجود منسوي بحضوره
يامحمد
-----------------،-----------------------
علي رابع في خططها السامريه
نكروا الهادي ولغوا بسمه الوصيه
علي من بعدي خليفه وهاي هيه
زمرة طلعت ضد محمد ناصبيه
نكروا الدين وأصوله اعله الخليقه
مارضه بليس وذيوله بالحقيقه
عرفوا بحيدر علي اعليهم خطوره
علي ماموجود منسوي بحضوره يامحمد
-------------------------------------
علي صارت حيرته كللش جبيره
من وداع المصطفى النظره الاخيره
الأسف بعض البشر ماعدها غيره
بالحقد ضد النبي حفروا حفيره
الأمه نكرتها الوصيه ومن كلامه
ظهرت احقاد الخفيه عالامامه
للاسف تاس اصبحت بالحق نكوره
علي ماموجود منسوي بحضوره يامحمد
---------------------------'-----
فاطمه اازهره الزجيه يهل دمعها
الله يعلم بالمصيبه وبوضعها
فاطمه اخلافك اجوا كسروا ضلعها
الثاني للباب اعتنه وبيده دفعها
والدفع بابج يزهره يالزجيه
بالحشر معروض امره اعله البريه
والصراط ابلا علي يصعب عبوره
علي ماموجود منسوي بحضوره يامحمد
---------------'----------------
يمته يعلن بالفرج مهديه
والله يامولاي مرينه بمحن
من السقيفه واحسب لهذا الزمن
الله يلعن من زرع هاي الفتن
عدنه واضح بالكتب قارينه
البخاري ومسلم العدهم صحيح
ذكروا الاسماء بالخط الصريح
كل فعلهم وي محمد مو مريح
والنفاق العدهم مغطينه
نقره بالتاريخ حقا ماذكر
مانجيب اسماء زيد ولا عمر
جم كتاب العدهم موثقينه
اقره بالتاريخ واعرف محتواه
بالجرائم ياهو يوصل مستواه
خللف الكلب كليبا مثل اباه
حارب الهادي وذبحله حسينه
الله يلعن كل دول اهل النفاق
دخلو ارض الشام وبارض العراق
همه ضد الشيعه شو عدهم سباق
واحنه غير حسين مايرضينه
الطفوف اليوم ردت من جديد
ورد علينه اليوم عتبه والولبد
مستحيل وللحكم يرجع يزيد
واحنه حماي الحمه حامينه
العروبه اليوم عالمذهب خطر
الحجاز وياهم ودولة قطر
يمته مولاي الفرج يالمنتظر
الشيعه كلها تصيح يامهدينه
نززله لرجوع سبايا ال محمد ع السلام
خادمكم عبدالهادى العريفاوي
----------------------------
بأربعينه لكبر ابو اليمه اعتنينه
خويه وينك وينه سبع الكنطره
انه زينب عدكم انه امخدره
تفتر البلدان تمشي اميسره
خويه لرض الطف اجينه
-------------------------------------
يامصيبة ليلة الحادي عشر
امشي يم حسين لو صوب النهر
دنيه ظلمه ومارجع لينه الكمر
هجمت العسكر علينه
-------------------------------
خويه تدري بطيحتك حيلي انهدم
ومارجع لخيامه شيال العلم
والمصيبه اعلينه حركوها الخيم
ماكو فزاع اليجينه
------------------------------------
خويه للكوفه مشينه اعله الهزل
وانه مجتوفه يبو اليمه بحبل
من الظعن طاحوا يخويه اشجم طفل
وينه حماي الظعينه
------------------------------------
خويه لرض الشام ساروا بالظعن
عيالك تعيش المصايب والمحن
يامصيبة كربله وغدر الزمن
من بعد غيبة ولينه
-------------------------'----------
ادعي ربي الموت عكبك لاعشت
ماعشت راحة يخويه ولاشفت
من رقيه فاركتنه اعله الطشت
ويلي ياروحي الحزينه
---------------------------------
محد اتلكه الظعن والعايله
خويه يم كبرك وصلنه لكربله
والحديث وياك يالوالي حله
ندري من تسمع حجينه
----'-----------------------------
ارد اروح لكافلي بصوب النهر
ارد انشده اعله الظعن عندك خبر
تدري بي ممشانه عاشور وصفر
وينه حماي الظعينه
---------------------------------
نزززله لرجوع السبايا إلى كربلاء
خادمكم عبدالهادي العريفاوي
--------------------'---------------
كبرك وين ياوالينه كبرك وين ياوالينه
----------------------
من طب الظعن يحسين شو محد تلكاني
اصيح بصوت واتعثر زينبكم يخواني
جاوين الكمر عباس اتنطره وماجاني
شوف الصار شنهو البينه
-------------------------------
جيت بأربعين حسين جيت وروحي مفجوعه
لوعات شكثر شفنه كل لوعه باثر لوعه
يم كبرك يبو اليمه عيالك كلها مجموعه
خويه حسين بس حاجينه
----------------'-------------
اشكيلك يبو اليمه ياخويه اشكبر صبرك
يوم اللي طحت يحسين وكبالي انكطع نحرك
الخيل اللي اجت ويلاه تتخطه على صدرك
صبر حسين الله يعينه
-----------------------------------
من طف كربله يحسين نمشي لديرة الكوفه
وممشانه لاراضي الشام واني بحبل مجتوفه
لوبيدي يبو اليمه طف كربله ماعوفه
ولا فزاع يفزع لينه
--------------------------------
خويه اربعينك هاليوم محسوبه بلياليها
لرض الطف اجيت اليوم ماتكعد يواليها
اختك تشكي لك همها ونته خويه حاجيها
ساكت ليش ماظنينه
----------------------------------‐
ابريني الذمه ياخويه خاف امقصره ياروحي
خوله بالدرب يحسين من ماتت كثر نوحي
رقيه اعله الطشت ماتت ويلي وزادت جروحي
هذا الصار خويه اعلينه
-----------------------------------
يوم الحركوا خيامك والعسكر هجم صوبين
شردت بالبراري أطفال ماتدري الوجه لاوين
ومن مسلم انه اتعذر مني انفكدوا الطفلين
موقف ذاك ماناسينه
----------------------------------
خويه للنهر امشي اكعد يم كمر هاشم
اكله شلون خويه تنام ومنك ترجف الوادم
اعذرك يبن ابوي بهاي يم صوب النهر نايم
سهم العين لو جفينه
----------------------،،،،،،،،،،،،،،-------------------
نززله للأمام الحسن المجتبى ع السلام
خادمكم عبدالهادي العريفاوي
‐------------------------------------
للبقيع انروح ننصبلك عزاء 2
ماتهمنه الزمره عباد الوثن
ذوله اصحاب المكايد والفتن
من نريد انروح يم كبر الحسن
البقيع يصير عدنه كربلاء
--------------------------------------
يبقه عدنه الصوت ياخير العمل
والله غصبن عالقبل والماقبل
واحنه ضد اللات والعزى وهبل
وبدمانه وياك نبصم بالولاء
----------------------------------
نقسم بطف كربله ونحر الصريع
شيعه بالارواح تقصد للبيقيع
والحسن وحسين بالمحشر شفيع
همه منهج واحد بأمر السماء
-----------------------------------
زمرة ال سعود من عدنه اشتريد
يبقه حب حسين يسري ويه الوريد
لاتفكر يوم بي يرجع يزيد
شيعه تعلن للخلك هذا النداء
----------------------------------
ضد بني سفيان نرفع لافته
وسفه جبد المصطفى من صابته
للحسن جعده اللعينه سمته
لاظمير العدهاا لاتملك حياء
------------------------------------
هذا ريحانة محمد ياترى
ويلي من زمرة اميه الكافره
هذا بن سيدة نساء الطاهره
هذا بن سيد الرسل والاولياء
--------------------------------،،
شلون جبدك يالحسن لمن يطيح
والطشت عنك يشيلونه تصيح
ويلي يالمسموم يالكلبك جريح
ال أميه شلون نصبولك عداء
----------------------------------
جم ظمير اليوم لمصابك فجيع
منهو غيرك بالحشر يوكف شفيع
من نزور حسين جن زرنه البقيع
هاك اخذ مولاي من عدنه الولاء
-----------------------------------
قصيدة للأمام السجاد ع السلام
خادمكم عبدالهادي العريفاوي
أرض المنيه بالغاضريه
عفيه الصبر يالسجاد بيدك دفنت الأجساد أهل الحميه بالغاضريه
ليش الدهر متحزم اعليك حزام
ونته العشت كل الشدد والآلام
صبرك صعب ترسم حدوده الأقلام
من كربله وللكوفه ولارض الشام
عشت الرزايا وذيج المنايا
وسفه بحبل من تنكاد بيدك دفنت الاجساد اهل الحميه بالغاضريه
--------------------'-------
صبرك عبر ايوب ذاك بصبره
لو قارنت هول المصاب شكبره
من عاينت موقف ابوك ونحره
بطف كربله تشوف الجثث متوذره
صبرك عجيبه من يامصيبه
عالارض انتم اسياد بيدك دفنت الاجساد أهل الحميه بالغاضريه
-------------------'------------
برض الطفوف اتعاين اعله ايتامك
وذاك المسه من وجروها اخيامك
وكل الجثث متوذره جدامك
انته الإمام ومعتني لايمامك
الكوم التريده كطعوا وريده
بالطف جرح كلبك زاد بيدك دفنت الاجساد أهل الحميه بالغاضريه
------------------------
لمن شفت جثة ابوك ابعينك
ياسيدي السجاد ألله يعينك
زاد المصاب وزاد يمه اونينك
ياوالدي ليش العده مسلبينك
هم يدري عباس وشسوت الناس
امر الله وبامره اشراد بيدك دفنت الاجساد اهل الحميه بالغاضريه
----------------------------
يبقه العزه ويبقه اللطم للازمان
رابع امام اعله الأنس واعله الجان
من ال اميه والحكم صار لمروان
نفس السلاله التابعه للشيطان
لزموا حكمهم واضح ظلمهم
وظلم ال اميه ينعاد بيدك دفنت الاجساد أهل الحميه بالغاضريه
--------------------------
ظلم الوليد وخطته المشؤومه
نهج الحقد ضدك وضح بعلومه
سم الغدر بي جبدتك مسمومه
زمرة بني مروانهم مدعومه
بيوم السقيفه وثان خليفه
من عدها زرعوا احقاد بيدك دفنت الاجساد أهل الحميه بالغاضريه
----------'----------
قصيده ولائيه لآل محمد عليم السلام
خادمكم عبدالهادي العريفاوي
-----‐‐------------------‐------
اكشف معدنك من طف كربله
لو مؤمن صدك لو وي حرمله
واجب تحدد هاي الك وحده من الإثنين
لو انته من ربع الشمر لو ويه الحسين
اكشف معدنك
----------------‐----------------------‐-
انصحك والنصيحه بدافع الأيمان
اذا نهجك سقيفه بمنهجك خسران
علي التورات علي الإنجيل والقران
علي نور الجلاله اليضوي بالاكوان
ارجع للكتب واقره المحتوى
تفهم من علي سورة قل هو
مو تدري باجر بالحشر كلمن كتابه
ياهو اليجي ويوكف الك من الصحابه
اكشف معدنك
--------------‐-------------‐-----------------
عليك اني وظميري وخاطري مكسور
لان تمشي بظلام وماشفت كل نور
مشيت انته بمتاهه وتتبع اهل الزور
وعفت عتره محمد للخلك دستور
اسمع جلمتي وتفلح بالنصر
واليتبع علي فايز بالحشر
هاك استمع مني النصيحه من البدايه
باجر تعض اصبع ندم يوم النهايه
اكشف معدنك
------------------------------،،،،،،،
البخاري الترمذي ومسلمكم اقراها
كتب كل الصحاح واقره فحواها
مصيبة فاطمه من تقره تلكاها
ومنو الغاصب فدكها وبيده اذاها
موجود الخبر في كل الكتب
ميراث النبي باطل ينغصب
روح افتهم نهج الغدر لهل السقيفه
من حاربوا بيت النبي العتره الشريفه
اكشف معدنك
------------------------------------------
ردت تسمع كلامي وتاخذ العبره
اذا تبغض محمد دينك تخسره
لان وصه بحياته نتبع العتره
وخليفتكم رفض والمنهج ينكره
كال اعله النبي يهجر ياترى
ومن رض الضلع ضلع الطاهره
ونار الغضب يوم الحشر ناس وحجاره
من الآيه يتوجه نعم سهم الإشاره
اكشف معدنك
---------‐------------------------------
علي الفرد الصمد بالايه من تقره
علي عصاة موسى وموسى بي ادره
علي الناقل عرش بلقيس وبامره
وخليفتكم اخبرك ماحفظ دبره
مولانه علي في عصر الازل
نندب بالشدد ياخير العمل
بيوم الغدير وحيدره بيده الاماره
وبعض الصحابه للأسف شالوا حقاره
اكشف معدنك
----------------------------‐----------
تره حسين النبي والهادي هو حسين
اذا تنكر كلامه ماالك كل دين
سورة ياحسين تحولت يس
لان شالوا حرفها وهمه معتمدين
الداجن مااكل اي ورقه حشه
الفاظ الدجل هاي لعائشه
روح افتهم نهج الحقد لأهل الخلافه
وتحاشموا ضد النبي وبكل صلافه
اكشف معدنك
-------‐---‐-------‐------------------------------
سؤال سكنه لوالدها عن عمها العباس عليهم السلام
خادمكم عبدالهادي العريفاوي
--------------------------------
يسكنه لاتلجميني المصيبه البيه تكفيني
عمج عالنهر عفته يبويه واني ودعته
المصيبه البيه تكفيني
-------------------------------------
رحت يمه بكلب ملهوف اشوفنه
لكيته بأخر انفاسه ويجر وننه
بكيت بحيرتي ومنه اكطعت ظنه
ورجيته يكوم ياسكنه ويرد النه
ويشوف الشده والحيره اخوي وصاحب الغيره
يسكنه بيدي جبلته يبويه اني ودعته
المصيبه البيه تكفيني
---------------------------------
شسولفلج يسكنه من لفاه البين
ورايه بصفه مطروحه وكطع جفين
عمود الصوبه براسه وسهم بالعين
واسمعه يكول امهلني اعله جيت حسين
سمعته ابحركه و ابلوعه لمصابه روحي مفجوعه
صعب هالحال واجهته يبويه واني ودعته
المصيبه البيه تكفيني
---------------------------------
اجيت انه بجسد عنه وعفتها الروح
عضيدي شفته يم العلكمي مذبوح
تمنيتك لعد صوب الخيام اتروح
يكلي بداري خليني جثيره اجروح
لعتاب اسكينه مااكدر يخويه ومنها اتعذر
جثيره جروحه شاهدته يبويه واني ودعته
المصيبه البيه تكفيني
---------------------------------
ارجعت منه يسكنه وخابت آمالي
ورحت عنه يبويه وربي يبرالي
اذا اني طحت من يبقه لعيالي
ويظل البيت بويه من الزلم خالي
اصد للكوم واتنطر علينه اتقدم العسكر
خلافك عمري فاركته يبويه واني ودعته
يسكنه لاتلجميني
---------------------------------
بكيت اوحيدي ياسكنه ولفتني اهموم
اصد لعيالي نوبه ونوبه اصد للكوم
وحيد بغربتي وادري الأجل محتوم
واخوتي امذبحه كلها وكلب ملجوم
وحيد ومااليه امعين لعين الباري أدير العين
يسكنه الماي ماردته يبويه وعالنهر عفته
المصيبه البيه تكفيني
----------'--------
رقيه مع والدها الحسين يوم المصرع
خادمكم عبدالهادي العريفاوي
عمه عمه ماكوا وصله الباقيه بحرك الخيام
عمه عمه ارد اوسد والدي اعليها وينام
لو سالني منهو يمي بهل ثنيه
راح اكله بابه هاي انه رقيه شوعفتني
----------------------
من الخيم جيتك يبابه وعندي يم راسك بصيره
مو كلتلي بابه انتي انتي بكليبي الاميره
انه مرعوبه واجيتك كعدتي يمك كصييره
مدري موتن مدري ابقه مدري اتجتف اسيره
هذا حالي انه طفله وعايشت يوم الطفوف
هذا حالي عيني عميه ولابعد بيها اشوف
بلكي يكعد يمي بس هاي المسيه
راح اكله بابه هاي انه رقيه شوعقتني
------------------------------
والخيم حركوها بابه وارعبوا بالطف بناتك
لامهد عبد الله شفته وحته سجادة صلاتك
العسكر كبالك تدنه بابه غطيني بعباتك
يالغيور وادري انته مايمس واحد بناتك
اكعد اكعد غربه وادم زحفت لصوب الخيام
اكعد اكعد بويه سولفلي ردت منك كلام
يامصابي الليله لو دارك خليه
راح اكله بابه هاي انه رقيه شوعفتني
------------------------------
عمتي زينب ياهظمها شردت العيله من اديها
لاتشوفك انت يمها ولاابو فاظل يجيها
عمتي محتاره بامرها شبجت العشره بديها
ليله وحشه ومنهو يمها وتنتظر باجر سبيها
ماكو رايه عفيه صبرج عمه زينب عالفجيعه
ماكو رايه نوبه يمك نوبه يم صوب الشريعه
شنهو ردك بابه لو راحت سبيه
راح اكله بابه هاي انه رقيه شوعفتني
---------------------------
بداعة الزهره الزجيه بابه لو تكعد ثواني
اشتكيلك ليك اجيتك من كثر هظمة زماني
بابه بابه الشمر ذاكه هو هو اللي اجاني
جاني بالسوط وضربني وسللب القرط منذاني
ياهظيمه انه عدمن بابه هاليله انام
ياهظيمه ليله وحشه ومابكت عدنه خيام
انه طفله اعله النوايب هم خطيه
راح اكله بابه هاي انه رقيه شوعفتني
------------------------------
ارد انشدك ياحبيبي اعله الكفلنه عمي وينه
من اخذ جوده وتعنه لسه شو مارد علينه
عيني يابابه اعله دربه شو تأخر مايجينه
ارد اخبره اعله الشريعه احنه ياعمي انسبينه
وينه عمنه خل يشوف شلون حالتها الوديعه
وينه عمنه شعنده باقي هناك يم صوب الشريعه
راح أأشر عالنهر بثنين اديه
راح اكله بابه هاي انه رقيه شوعفتني
----------------------------
هذا مو طبعك اشوفه وانته نايم عالترابه
والمثلث هذا شنهو بالكلب نابت يبابه
بجسمك اسهام اشكثرهن الله يلعن هالعصابه
عمنه ابو فاظل يربي الله يعلم عن مصابه
وبعباتي كمت أأشر مااظن عمي يشوف
وبعباتي لو عرفني جا رفع ليه الجفوف
لو جفوفه عمي جا أأشر اليه
راح اكله بابه هاي انه رقيه شوعفتني
تمت والحمد لله في ليلة ١٠ محرم
اسالكم الدعاء لوالديي والمؤمنين
خادمكم عبدالهادي العريفاوي
---------------
نزله بحق حميده عليها السلام
خادمكم عبدالهادي العريفاوي
--------------------
ياحميده والدج بالكوفه
ياحميده نمشي ليه ونشوفه
-------------------------
عمها بو اليمه يكلها ياحميده شلونج
من اجه الأعرابي يمي شو تغير لونج
اني يمج مو يتيمه ودمعتج بعيونج
ياحميده والشدد معروفه
ياحميده نمشي ليه ونشوفه
---------------------------
عمي اشوفج ياحميده روحتي مفجوعه
مدلله تكله يعمي يظمني بين ظلوعه
يكلها ياعمي نروح ونفتهم من طوعه
ياحميده والكلب بي خوفه
ياحميده نمشي ليه ونشوفه
---------------------------
تكله بالرؤيا يعمي والدي حاجيته
انه بحضينه ويشمني واني هم شميته
والله ماادري يعمي هالحلم تاليته
ياحميده يعلم الله اظرفه
ياحميده نمشي ليه ونشوفه
-------------------------
والدي اتأخر عليه وشنهي هيه اسراره
والطريق اللي يسلكه الله هو ختاره
وانه اسمع من كلامك كوفته غداره
ياحميده لوالدج ملهوفه
ياحميده نمشي ليه ونشوفه
-----------'-----------------
والدي مسلم يعمي والله ماينساني
شو تأخر عن حميده والدي شمتاني
خوفي ياخوفي يتيمه بغيبته خلاني
ياحميده رويحتج مخطوفه
ياحميده نمشي ليه ونشوفه
قصيدة وداع فاطمه العليله لوالدها عليهم السلام
خادمكم عبدالهادي كريم العريفاوي
---------------------------
ودعتني وفاركتني
بويه تدري بحالتي وانه عليله
-----------------------------------------------
يجري دمعي ومايجف ودمعي لجلك يختلف
تدري بويه بغيبتك شللي بحياتي
كبالي من سار الظعن بعيني يندار الزمن
بلكي روح ويه الظعن هاي امنياتي
ابريتي مو ضاك الهوه بويه خل نطلع سوه
كبالي صعدن بالظعن كلهن خواتي
اوداعك اعليه انفرض وانه ماذيني المرض
تدري زادت من وداعك نايباتي
هذا حالي ويه الليالي
ياهو منكم يمي حتى انه اشتكيله
--------------------------------------
بويه ياذيني البعد ياهو من عدكم يرد
حتى اسأل والدي شنهو ظروفه
بروحي ماظل كل امل من مشوا عني الأهل
شعنده ابو اليمه كصد وادي طفوفه
انه ماعندي علم بلكي يوصلني بحلم
حتى يوصل والدي واكعد اشوفه
راح ابن خير العمل والظعن عني رحل
والكمر غاب واظن بيين خسوفه
ودعوني وماخذوني
كلبي لفراك الأهل مابيده حيله
---------------------------------------
علي الأكبر عني راح زادت بكلبي الجراح
خوفي من راحوا بعد لا مايسألون
وجاسم وعمي الكمر هم يرد منهم خبر
وعمي جعفر هم يجي وعبدالله وي عون
ديره وحشه بلا أهل مابكه بكلبي امل
ودعوني ومااظن ليه يرجعون
حيره والله حيرتي وانه زادت علتي
والنوايب اردفن ياربي وشلون
لاخبرهم ولا اثرهم
بالسلامه هالظعن انه اندعيله
----------------------------------------
انه دلالي انمرد والظعن عني ابتعد
وحشه ابقه بحجرتي ومنهو الاليه
عندي للوالد عتب يترك ابنيته شعجب
يفرح كليبي اذا رحنه سويه
منهو يملي وحشتي من اطب لحجرتي
بويه خل اختي تظل يمي رقيه
وينه شيال العلم والأمر ادري انحسم
والأهل راحوا بقت ديره خليه
يازماني بحيره اني
الليله يحضرني علي حامي دخيله
-----------------------------------------
ويلي ياكلبي الجريح والظعن يمشي واصيح
الله يبعد هالظعن من كل فجيعه
اني لرض الطف رحت بعالم الرؤيا وشفت
صدت عيوني عالاجساد الصريعه
كبالي نيران الخيم ولاشفت راعي العلم
والحرم تتلاوذ بكتر الوديعه
وعالنهر عيني تشوف عمي مكطوع الجفوف
ورايته وجوده على جرف الشريعه
ه
هذا حلمي مدري علمي
جيوش اميه اللي اجت من كل قبيله
خادمكم عبدالهادي كريم العريفاوي
-------------------------------------
