قصيده هلاليه لشهر محرم موشح لخادمكم عبدالهادي العريفاوي
من يهل هلال عاشور وصفر
عفيه صبرج يالعقيله من الدهر
يامصاب العايله الماله مثيل
يا شهر عاشور يالحملك ثجيل
هاي زينب بت علي لا مستحيل
من حده الحادي وتعنه اعله السفر
عفيه صبرج يالعقيله من الدهر
------------------------------------
جم مصيبه البيها كلبج منفجع
نبدي بالاحزان من كسر الضلع
ومن هذا اليوم عاشرتي الدمع
من اجو للدار والضلع انكسر
عفيه صبرج يالعقيله من الدهر
--------------------------------------
والمصيبه المرت اعليح بألم
راس ابو الحسنين نصين انجسم
احفظ الاحداث سجل ياقلم
١٩ رمضان مكتوب القدر
عفيه صبرج يالعقيله من الدهر
----------------------------
والحسن مسموم من عنده الجبد
جم مصيبه البيهأ حيلج منضهد
للطفوف النوب زينب تستعد
والرسول السولف بهذا الخبر
عفيه صبرج يالعقيله من الدهر
--------------------------------
من اجيتي من الوطن لرض الطفوف
والجيوش كبال بت حيدر الوف
من صهيل الخيل وارماح وسيوف
عاشر بعاشور ساعات الخطر
عفيه صبرج يالعقيله من الدهر
--------------------------------------
راية العباس لكليبج امان
بالمدينه وهو انطاج الظمان
ياحسافه شلون من دار الزمان
والكفيل يطيح يم صوب النهر
عفيه صبرج يالعقيله من الدهر
--------------------------------
شلون حالج من بكه حسينج وحيد
ونتي شفتي شلون مكطوع الوريد
الله يلعن بالظلم زمرة يزيد
هذا ابو السجاد مكطوع النحر
عفيه صبرج يالعقيله من الدهر
------------------------------------------
ياعقيلة حيدر وينت النبي
ياحسافه وزينب بدرب السبي
والوداع يصير تل الزينبي
والظعن للشام يعلن بالسفر
عفيه صبرج يالعقيله من الدهر
نسألكم الدعاء خادمكم عبدالهادي العريفاوي
ابوذياااااات عاشورائيه لخادمكم
عبدالهادي العريفاوي
الاكبر صال صوله من جه لمه
بغيابه شلون يحصل منجى لمه
ابوه حسين ياصبره من جه لمه
وذر يجمع وذر بالغاضريه
---------------------------
حساب الناس واضح من عملها
لمصاب الشيعه ربك منعم الها
تره العين التضدك من عمه الها
يبو السجاد يافخر الزجيه
-------------------------------------
يبت حيدر انشدج ون خيمنه
نخيت الله ورسوله وانخه يمنه
ردتها اليسره تفزع ونخه يمنه
هذني كبالي مكطوعات اديه
------------------------------------
شكثراسرار عباسي ولي سار
العلم منشور بالحومه ولي سار
اشوفه يصول بيمينه وليسار
حسافه اعله النهرطاحن سويه
--------------------------------
اجتنه خيول لخيمنه ورايات
وكع عباس يازينب وراي ات
السبي وايات تتلاوذ وره ايات
سبايا اتكلفت بيهن سبيه
----------------------------------
سر العباس غامض والسر ايه
هزم كل الكتايب والسرايا
بحرب صفين رايه وسه رايه
اظن حيدر نزل بالغاضريه
الهواشم من هظمهن دمعه بيهن
كثر سوط بمتنهن دم عبيهن
تعال وشوف يجري دمع ابيهن
تعنه من النجف للغاضريه
قصيده بحق مسلم بن عقيل عليه السلام خادمكم عبدالهادي العريفاوي
كل الطرق ممنوعه وراية حرب مرفوعه
هالليله عندج خطار مسلم بطل ياطوعه
خطارج الليله بشرف عنواني
مسلم يطوعه وعمي حيدر اني
محد وكفلي من العرب بس هاني
وظل يفتخر من موقفج وجداني
والجنه لج مضمونه ويجري الدمع بعيونه
لازم نعيش احنه احرار مسلم بطل ياطوعه
هاي العساكر ماتهمني كلها
وشما اجوا عده وعدد اقبلها
وكت الشدد حملة علي احملها
سوح الوغى سيفي العنيد ايحلها
اكلبها يمنه ويسره كبالي الجثث متطشره
باجر تجيج الاخبار مسلم بطل ياطوعه
ليش انقلب ضدي الوضع بسراره
وضد مسلم الكوفه اصبحت غداره
بالكوفه لابد تنبني السفاره
وهذا القصر ماتبقه بي اثاره
ثابت عهد كلامي بي يفتخر امامي
يدروني انه المغوار مسلم بطل ياطوعه
بالكوفه راح اترك اثر صولاتي
وكت الفجر بعد فرض صلاتي
لحسين ابو اليمه افتدي حياتي
شمرة علي ومنهو اليرد ضرباتي
والكوفه اعيد الها ثنين حرب الجمل لو صفين
ربج عليم الاسرار مسلم بطل ياطوعه
ياطوعه هاذ طلبتي الوحيده
للطف اذا يجي حسين وعضيده
ويه الظعن تجي وياهم حميده
لو تسأل وكالت ابوي اريده
شنهو جوابج الها عزيزه ومدللها وسفه الزمن من يندار مسلم بطل ياطوعه
باجر اذا للطف تجي الظعينه
وذاك الظعن من يترك المدينه
ياحسرتي ويا دمعتي الحزينه
والعايله بالطف تظل رهينه
بالعاشر المنايا كل الاهل ضحايا
رغم الجره واللي صار مسلم بطل ياطوعه
عبدالهادي العريفاوي
قصيدة رثاء عبدالله الرضيع ع السلام
خادمكم عبدالهادي العريفاوي
-------------------------------------------
غافي يوليدي اعله ايدي نبلتك حزت وريدي
خوفي ماتكعد بعد من اردك للمهد
نبلتك حزت وريدي
-------------------------------
جف حليبك شح نصيبك عفيه صبري من مصايب كربله
غافي بعدك لو اكعدك ابني عبدالله اظن نومه حله
صوبتني وألمتني هايروحي البيها نبلة حرمله
اقره نورك من سرورك جن اسمعك يبني تقره البسمله
اكعداكعدياحياتي خوفي منهن نايباتي
ادري بي حيلي انظهد من اردك للمهد
نبلتك حزت وريدي
-------------------------------------------------
روحي اكلها شنهو حلها ها يرمله منيدي لو راح الولد
ها يروحي بهيده نوحي عمره مايلفه الفرح ليه بعد
عيني شافت الورده ماتت شنهو حال الورده لو واحد نشد
كل حلولي راح ألولي شلون الولي وانت ميت بالمهد
من تناغيني تكلي يمه يمه كومي صلي
بروحي مختوم الوعد من اردك للمهد
نبلتك حزت وريدي
--------------------------------------------------
تبتسلملي وجن تكلي انتي امي البيها كل الذكريات
يالعفتني وعذبتني يمه بعدك اني ماريد الحياة
حل عذابي من من مصابي راح اعيشن يبني بعدك نايبات
انه امك وروحي يمك ياحبيبي وانت كل الامنيات
دمعة عيوني حزينه من اجيت من المدينه
انت احلى من الشهد من اردك للمهد
نبلتك حزت وريدي
----------------------------------------------------
ها يشمعه البيها دمعه عذبت حالي لان تكطر وفه
عني رايح والنوايح ها يعبدالله عله الدنيه العفا
شنهو حلها راح املها والحزن يمه عله فراكك لفه
ياحسافه بهل مسافه ابني غمض عينه وبمهده غفه
من رحت عشت بمصابي يبني ساكت رد جوابي
لساني يوليدي انعكد من اردك للمهد
نبلتك حزت وريدي
----------------------------------------------------
دهري ذبني وينه ابني روحي مذهوله عله فراكه صحت
ماكو راحه بالمناحه شلون انام وانت عن عيني رحت
عفيه صبري والله يدري بالمصيبه اللي اجتني توشحت
كلبي يمه وين اظمه ابني راح واني من عكبه طحت
صوره مرسومه بخيالي هذا مهدك يمه خالي
يمه دلالي انمرد شلون اردك للمهد
نيلتك حزت وريدي
خادمكم عبدالهادي العريفاوي يسألكم الدعاء
----------------------------------------------
قصيده زبنب والعباس ع السلام يوم المصرع
خادمكم عبدالهادي العريفاوي
حامي الظعينه مارد علينه زينب رهينه
ياااااااعباس
رايتك تخفك شفتها ومن شفتها ردلي حيلي
روحي تتربه بصبرها وبالصبر ياهو مثيلي
الله يحرسنه يخويه اندعيلك وندعيلي فاضت الروح بصبرها يمته يرجعلي كفيلي
كل لحضه اكلها الله اليحلها
يمته وتجينه ياااااااعباس
--
-----------------------------------------------
زينب يكلها الكفلها لاتصد عينج عليه
مااحب اجرح شعورج يالعزيزه يااخيا
تكله انهض ياكفيلي للخيم نرجع سويه
يفرحن بجيتك عليهن سكنه ياخويه ورقيه
ياخويه ردي خليني وحدي
تكلله انسبينه يااااعباس
--------------------------------------------------
مااحب دمعج اشوفه ولااحب اسمع عتابج
يكلها وحدج خويه جيتي لواخوي بايده جابج
تكلله راح حسين ابونه يكلهازينب يامصابج
عظم الله اجرج يزينب عيشي عمرج في مصابج
يمك كعدنه منهو اليردنه
خويه شبدينه ياعبااااس
-------------------------------------------------
اعتذر منج يخويه وتشهد لحالي ظروفي
بالعمد راسي تصوب واني فاكد يختي شوفي
الرايه طاحت من اديه يختي من كطعوا جفوفي
ونتي اول زاير انتي عالجسد ياخويه طوفي
الكافل اشوفه تصعب ظروفه
يساره ويمينه ياعباس
---------------------------------------------------
يكلهازينب يالحبيبه منهو يمج يالوديعه
تكله ماظل حارس النه وعيني شافت جم فجيعه
راح ابو اليمه ولينه وحتى عبدالله رضيعه
وجلجل الليل بظلامه وضاكت اعلينه الوسيعه
يالركبتني وبيدك جبتني
من رض المدينه يااااعباس
---------------------------------------‐----------
جم مصاب اللي لفاني الليله اطلب بيها موتي
اتكفلت خويه بيتامه وماكوفزاع من اخوتي
عفيه صبري اعله النوايب تجري دمعاتي بسكوتي
والحذر بين الاجانب سكته لايطلعلي صوتي
ماعدنه رايه ونمشي سبايا
حبال بادينه ياعبااااااس
اسالكم الدعاء خادمكم عبدالهادي العريفاوي
-----------------------------#--#----------------
قصيده لفاطمه العليله ع السلام خادمكم عبدالهادي العريفاوي
يالنويتوا اعله السفر هم يرد منكم خبر عيوني تربي اعله الاثر وانه عليله
عن سفركم بويه سولفلي القصيه
عني لورحتوا منو اليسأل عليه
يكلها يابويه نوينه الغاضريه
هذا أمر الله يفاطم مو بديه
تكله ياذيني البعد والظعن يمته ويرد
بويه حيلي ينظهد وانه عليله
-------------------'------‐----------------------
من يمر بيه بعد واشكيله حالي
بويه معناها رحت افكد دلالي
من يباريني بعد جاوب سؤالي
شعندي بالدنيه بعد غيرك يغالي
لو مشوا عني الاهل مابعد عندي امل
ريته يلفاني الأجل وانه عليله
-------------------------------------------------
الدنيه وحشه بغيبتك بويه عليه
حالي شوفه شلون من تلفه المنيه
بويه اطلب يمي خل تبقه رقيه
طفله هاي وبالسفر صعبه خطيه
خوفي اختي تنضرب لا امان بكل حرب
أعليها لاجمني الكلب وانه عليله
-------------------------------------------------
شعندي غيرك بويه ياثمرة حياتي
من غيابك ادري تكثر نايباتي
بويه ريدن تبقه وحده من خواتي
لو تكلي كومي حتى البس عباتي
ادري بي كلبك سمح تدري كلبي ينجرح
من يعايدني الصبح وانه عليله
--------------------------------------------------
بعالم الرؤيا شفت اعظم فجيعه
جن اشوف بكريله اجساد الصريعه
وبالطفوف كبالي محتاره الوديعه
وعيني شافت عمي يم صوب الشريعه
شهل الحلم ياهل ترى والاجساد مطشره
كلها نومه اعله الثرى وانه عليله
-------------------------------------------------
كمت اصيحن يارقيه اختج اني
بويه دخان الخيم بالطف عماني
ليش ابوي كبالي نايم مااجاني
هذآ حلمي بكربله بضعة ثواني
شفت نيران الخيم وشفت عالشاطي علم
ها حقيقه لو وهم وانه عليله
نسألكم الدعاء خادمكم عبدالهادي العريفاوي
قصيده للامام الحجه المنتظر عجل اللهم لوليك الفرج
يالحاضر وييه الانفاس مو غايب مشتبه الناس
سوء الاعمال البيها يحجب شوفة مهديها
موغايب مشتبه الناس
..___________________________
الشعار العندي يالمهدي شعار القبلي والبعدي عجل بالفرج مولاي
كلام الوادم اتلفظه وبعضهم يمكن ايرفضه عدنه بهل خليقه هواي
بعضهم ينكر الحجه بعد من عنده شترجه يعلن بالعقيده وياي
ينادي بكل فرض عجل المواقف لو بدت يجفل وحك الماروه بالماي
اقسملك وبنحر حسين وادم بس تلعق بالدين
قاريها وتدري شبيها تحجب شوفة مهديها
موغايب مشتبه الناس
________________________
اذا ايمانك انفاسك وتريد تسولف احساسك واجب ترسم التخطيط
مسائل بيها من تطرح بعضهن ترسب وتنجح والحق مايحب تفريط
نموذج يعلن بكفره اخيرا لو نفذ صبره هوايه متيها راس الخيط
بعض هاي البشر قذره حياته تكضي بالخمره وجوبا بيهم التسقيط
تدري بهل وادم اصناف وموجودين اهل الانصاف
بس الواقع ياذيها يحجب شوفة مهديها
مو غايب مشتبه الناس
_______________________
يمهدينه الوضع ضدنه ولايوم التوحدنه احجيها بألم مجبور
بيها الامه جم لوله هذوله ضد حزب ذوله تشييع عد بعضهم زور
يسولفلي على الزهره قناعه عنده بالفكره ضلعها يكلي مامكسور
دعايه ولا أثر الها مواقف عنده حللها يكلي بالكتب مذكور
صبرك يامهدينه بهاي ضدك من هالشيعه هواي
ليش الباطل يرضيها يحجب شوفة مهديها
مو غايب مشتبه الناس
________________________
يمهدينه الامر واضح تعرفه الصالح وطالح عينك للبشر ميزان
ناس بكل فرض تدعي دعاء لطلعتك شرعي نورك منهج القرأن
فصايل عدنه مبتعده ضميره مندثر عنده يتبع خطوة الشيطان
وفصيله البيها دجاله بمصالح ينقلب حاله يدعي لقلقه بلسان
ننطر جيتك يالموعود والافعال تصير شهود
من حاضرها وماضيها تحجب شوفة مهديها
________________________
عله الطلعه امر محتوم غيابك ينجلي فد يوم واجب للامر نهتم
تقود العالم بأسره بمعاجز تعلن القدره ويظهر عيسى بن مريم
اذا نورك يشع بينه تصيح الشيعه مهدينه وذا مبغض الك يندم
ظهورك منبع الايمان يروح بخيبته الشيطان كل مؤمن الك يحلم
يمثبت اركان الدين يمته وتاخذ ثار حسين
والحق وادم يعميها يحجب شوفة مهديها
مو غايب مشتبه الناس
الشاعر الاقل عبدالهادي كريم العريفاوي
قصيدة رثاء لأمير المؤمنين لحن مرتضى حرب. يايمه شلون
خادمكم عبدالهادي العريفاوي
+++++++++++++++++++
وسط المحراب. ياعلي. امصيبتك
وسط المحراب
راسك ينصاب يالولي. بسجدتك
راسك ينصاب
ايتامك تصيح بطيحتك صابوا ولينه
بالكوفه منهو اللي بعد يسأل علينه
من كثر الحنان البينه يم بابك اجينه
صحنه ياعلي كبالك يمولانه وبجينه
غدار الدهر يابلحسن رحت أمن ادينه
دمع الاحزان. مايجف. من غبت
دمع الاحزان
ريت الأكوان. تنخسف. للخبر
ريت الأكوان
+++++++++++++++++++++++
ياخير العمل حكم العدل جانت وصيتك
ليش بسجدتك سيف الحقد خضب لحيتك
من أهل الفتن يابلحسن كربت منيتك
منهو اللي كدر وسط الحرب يوصل ثنيتك
يافجر الحزن كل شيعتك متعنيه بيتك
ماريدن بعد دنيانه وبروحي اشتريتك
انت القران. من نزل. عالارض
انت القران
لابل رمضان. بالعمل تنفرض
لابل رمضان
++++++++++++++++++++++
مايبره الحزن نار الكلب ظلت سريه
صبرك ياعلي لأهل الفتن والجاهليه
من دفعت اجفوف الحقد ضد الزجيه
لاماينتهي هذا الحقد حد المنيه
مايبره الحزن لجلك يبو النفس الابيه
انت المظلوم. بالأرض كل زمن
انت المظلوم
امرك محتوم. كل فرض. بالفتن
امرك محتوم
+++++++++++++++++++++
من شافه الحسن وحسين أخيه بهل
مصيبه
صبرا عالجره ياوالدي الشيبه خضيبه
من أهل الفتن هذا الحقد لا مو عجيبه
شوف بكربله لحسين اجت ليه جم كتيبه
دمكم عالارض ياسيدي دافع ضريبه
نيران الكلب يابلحسن لجلك لهيبه
هامك مجروح. بالغدر . ياعلي
هامك مجروح
وابنك مذبوح. والنحر. عالرمح
ابنك مذبوح
+++++++++++++++++++++++
ايتامك اجت يابلحسن فايض صبرها
ليل تسعطعش مؤلم اذا بين فجرها
يازمره غدر متعنيه متحزمه اعله شرها
باجر بالحشر من طبرتك شنهو عذرها
ويلي أهل الفتن بس بالفتن تكضي عمرها
ياراية علي تبقه ترف تعلن نصرها
شنو الأسباب. والحقد. ضد علي
شنو الأسباب
وسط المحراب. يستعد. للحزن
وسط المحراب
قصيدة رثاء امير المؤمنين
لحن اشرب الماء وعجل. ملا باسم الكربلائي
خادمكم عبدالهادي العريفاوي
++++++++++++++++++++++++
بسيف ابن ملجم يحيدر. عمرك الليله انختم
انته أركان الهدايه وكل ركن بيها انهدم
بسيف ابن ملجم يحيدر عمرك الليله كضه
واليتامه الليله صاحت ويلي راح المرتضى
ضاكت الدنيه الوسيعه بطيحته وضاك الفضا
صاحت بصوت اليتامه الدنيه من بعدك عدم
انته أركان الهدايه وكل ركن بيها انهدم
++++++++++++++++++++++
انته ياقبل البدايه. وانت باء البسمله
هذا بن ملجم يحيدر نفسه صورة حرمله
طبرة المحراب اخبرك. بيها رسموا كربله
بالمعارك منهو يوصل يمك بموطئ قدم
انته أركان الهدايه وكل ركن بيها انهدم
+++++++++++++++++++++
من نزف دمك يحيدر. كررب اعليك الأجل
ماكو بالدنيه عداله. من بعد خير العمل
عظم الله اجرج يزينب. من لفه امصاب الجلل
هذا حيدر بطل خيبر رأسه نصين انجسم
انت أركان الهدايه وكل ركن بيها انهدم
++++++++++++++++++++++
الحسن وحسين أخيه عفيه عدهم من صبر
انت رمضان العباده وانته ياليلة قدر
جم مصيبه اللي عشتها عظم الللله الاجر
تعاين اولادك يحيدر وينه شيال العلم
انت أركان الهدايه وكل ركن بيها انهدم
+++++++++++++++++
زينب وتدعي لبوها تكلله سالم ياابي
جن اشوف كبالي بويه ذاك تل الزينبي
يعينك الله من طفوفي. لوشفت درب السبي
حالي برض الطف يبويه. وماكو ليتامك خيم
انت أركان الهدايه وكل ركن بيها انهدم
+++++++++++++++++++
عفيه صبري أعله النوايب وأنه بويه مخدره
من بعد طيحة اخوتي عنهم أمشي ميسره
بويه اتمنه حضورك ونته قالع خيبره
كربله ام المصايب بيها ماواحد سلم
انته أركان الهدايه وكل ركن بيها انهدم
خادمكم عبدالهادي العريفاوي
قصيدة رثاء امير المؤمنين ع السلام
خادمكم الشاعر عبدالهادي العريفاوي
تشرح اصول الدين. سجدة صلاتك
تعلم يبو الحسنين. لحضة مماتك
ياسورة الإنسان. وكل ايه بالقران. سجدة صلاتك
++++++++++++++++++++++++
محمد ياعلي واحد حقيقه وماتحب تظليل
علي الكوثر علي طه. علي التورات والإنجيل
علي السلطان بالمحشر. علي المظلوم من قابيل
علي القرآن وأحكامه علي التأويل والتنزيل
بمصاب اتسعطعش رمضان. سلامي اعليك ياهابيل
ايتامك اعله الباب. يسچب دمعها
من زمرة الإرهاب. موقف صدعها
ياسورة الدخان. وكل ايه بالقران. سجدة صلاتك
+++++++++++++++++
السقيفه الصنعت الإرهاب. بحقد ترسم مكايدها
قوانين الحقد بيها. اليوقعها ويأيدها
صنعها الثاني بفكاره. والاول هو قائدها
سقيفه بمنهج الشورى. لعين اللي يساندها
كلام الحق يظم باطل. مواقف من تشاهدها
كسر الضلع من صار. اول رزيه
من يضرب البسمار. ضلع الزجيه
يالعايش الاحزان. وكل ايه بالقران. سجدة صلاتك
++++++++++++++++++
علي ليلة قدر رمضان. علي ياراية الاسلام
وجودك شررف الكعبه علي يافرحة الأيتام
محيت اللات والعزى وبقايا شما عليها أصنام
قسيم الجنه والنيران. بصحفهن جفت الاقلام
دمعة حزن بالروح. تركت أثرها
من هامك المجروح. بين خطرها
ياخاتم أسليمان وكل ايه بالقران. سجدة صلاتك
+++++++++++++++++++++
شجاها الكوفه غداره. عجيبه لموقف الكوفه
علي الكعبه علي الاسلام. علي القرآن واحروفه
علي منهج رسول الله. علي مولانه منعوفه
عله الكوفه العتب واللوم. بغدرها هوايه مزيوفه
علي الرافع لواء الدين. وجوب الوادم اطوفه
من ايه التطهير. نعرف ولينه
نقراهه بالتفسير. واجب علينه
يافرض كل اذان. وكل ايه بالقران. سجدة صلاتك
+++++++++++++++++++
علي يدري القدر محتوم. بصلاته وليلة اصيامه
يكول الليله هالليله. كصدها وشادد احزامه
ابن ملجم نسل شيطان. بسجوده يضربه بالهامه
ورب الكعبه حيدر صاح. المفازه بشدة الالامه
صوت اليتامه يصيح. الله اكبر
يمشي بمهب الريح. يوصل لحيدر
يامنبع الوجدان. وكل ايه بالقران. سجدة صلاتك
ميلاد العباس عليه السلام
خادمكم عبدالهادي العريفاوي
نور الكمر. شع وانتشر. اجمل خبر
ميلاااادك يعباس
مبروكه امك فاطمه. بهاي الكرامه من السما. ليلة فرح ميلادك
نو ويشع وجه الكمر. بالديره هالنور انتشر. عوذه بوجه حسادك
فرحانه بيك العايله. انته كفيل بكريله والباري للطف رادك
يابلفظل انته الامل. بالطف يبن خير العمل. حيدر قراهه امجادك
قبل الأزل نورك امل. اجمل خبر
ميلادك يعباس
+++++++++++++++++++++
ياقل هو الله احد. لحسين ابو اليمه سند. يوم التغدره الكوفه
انته التشد حبل الخيم. وبصفها لو رف العلم وزينب علمها تشوفه
خل يدري كلمن مادره. بفعاله سبع الكنطره وجوه الزلم مخطوفه
اهل القلوب الحاقده. أسلاف هاي القاعده. بدين النبي مزيوفه
صحنه علي. هو الولي. اجمل خبر
ميلادك يعباس
++++++++++++++++++++++
يابلفظل راعي الوفه. ونبع العلم والمعرفة. منهو اليصل لحدودك
لمن تصل صوب النهر. عدوانك اطيح بخطر فدوه رحت لزنودك
بكل صوله تندب ياعلي. كل الشدائد تنجلي ونته الوفي بوعودك
والواقعه. والقارعه. اجمل خبر
ميلادك يعباس
++++++++++++++++++++++
فارس يبن خير العمل. بصفينك وحرب الجمل. منهو اليصل بتارك
من تدخل بسوح الحرب. والموت اذا رايد يطب. يلبد نعم بكتارك
سر الجليل وقدرته. بس الرسول وعترته. عرفوها كل أسرارك
اهلا يشيال اللوه. بعدوانك يضيك الهوه. لوسمعوا بأخبارك
يابو الوفه. والمعرفة اجمل خبر
ميلادك يعباس
+++++++++++++++++++++
هنياله قالع خيبره. بهاي الولاده الطاهره. نور ويشع بالديره
منهو العرف شنهو الخبر. بالدنيه وههاج الكمر. كلش صعب تفسيره
زينب تكللك كافلي. حاجيني ياضنوة علي كللك محنه وغيره
يوم النروح لكربله. انته كفيل العايله. والظعن انته اتديره
وبيدك علم. وتبني الخيم. اجمل خبر
ميلادك يعباس
++++++++++++++++++
موااااااااااااال قبل القصيده
والله ياعباس سررك سر عجيب
والعجيبه البيه شيملك محتوى
ونته سيفك بالحرب عنوانه موت
من يكص اركاب تلعب بالهوه
مرجحتهم سيدي بنهر الفرات
ونته كل ثنين تطبكهم سوه
انته عندك عيد في سوح النزال
يعني سيفك صار ديلاب الهوه
صلوااااااات
هوسه
شعبان الفرح أخباره رفعة راس
ميلاد الحسين وحضرة العباس
والسجاد بيه ومنتظر هالناس
شعبان اعيادك تحيينه
مواااال لولادات شهر شعبان
خادمكم عبدالهادي العريفاوي
بشعبان يجمعنه الفرح. للامه مبروك الشهر
سبط الرسول بمولده. وعباس وعلومه البحر
وزين العباد المبتلى. بالصبر نال اكبر فخر
واحلى البشائر للمحب. في ليلة الخامس عشر
يولد سليل المصطفى. حجة الله المنتظر
صلوااااااات
قصيده رثاء الامام الكاظم ع السلام
عبدالهادي العريفاوي
يابو الرضا اليوم. موعدنه بالجمعه
بطاموره مظلوم. والشيعه مجتمعه
مانعرف شصار. مكطوعه الاخبار
يابو الرضا اليوم. موعدنه بالجمعه
++++++++++++++++++
يالعمرك كضيته بحسره مالومه
ومانعرف مصيرك غايبه اعلومه
يازمرة بني العباس مشؤومه
ودمعات الضمير اعليك مهظومه
الشيعه اعله فركاك . تتنطر أخبارك
ياساعه نلكاك مانعرف أسرارك
كل شيعي محتار. مكطوعه الاخبار
++++++++++++++++++++++
بطامورة سجن كضييت كل عمرك
صبرك عالنوايب وشعظم صبرك
ياعصاة موسى وربك يقدرك
ملعون الخليفه الماعرف قدرك
ياقل هو الله. من نقره آياته
من كنت مولاه. تشهدلي دمعاته
يانور الانور. مكطوعه الاخبار
++++++++++++++++++++++
سبط الهادي انت ومنهج القران
ياايات موسى البلعت الحيتان
يانجمة سماء وترجم الشيطان
انه أقره بوجودك سورة الإنسان
ظلمه السجن ليش. يادمعة عيونك
يالوححدك جيش. والكل يهابونك
ياسر الاسرار. مكطوعه الاخبار
++++++++++++++++++++++
من ثكل الحديد وسافح بدمك
لاخوتك جريبه ولا ولد عمك
يالفوك الجسر مطروح من يمك
ملعون التعده وبالحقد سمك
عمرك يمظلوم. كضيته بالظلمه
والشيعه هاليوم. للطلعه ملتمه
شنهو الجره وصار. مكطوعه الاخبار
++++++++++++++++++++++
موسى من السلاسل روحه مالومه
وبروحه النوايب كلها مختومه
من كال الطبيب احشاءه مسمومه
من هذا الجواب انعرفت اعلومه
يعلن طبيبه. ساعاته معدوده
كررب نحيبه. والچبده ممروده
ماعنده أنصار. مكطوعه الاخبار
++++++++++++++++++++++
أعظم فاجعه ماظن علينه تهون
يالكضيت عمرك بالقعر مسجون
شيعه تريد توصل للامام شلون
ملعونه السقيفه الخللفت هارون
ضد النبي هاي. معروفه خطتها
من تخلف الراي. وبكل عصابتها
ياحيدر الكرار. مكطوعه الاخبار
قصيدة 3 دكات نجفي
وفاة زينب عليها السلام
زينبكم بديرة غرب. ونتم بعيدين
ماجاني بوفاظل بعد. لاشفت الحسين
ياخوتي اني اتهجرت. ردوني للشام
ياشام اجيتج بالحزن. طبيتج العام
نفس الدرب درب السبي. اني ويه الأيتام
ياربي صبرك عالجره. وين الأهل وين
++++++++++++++++++++++
ليلة وفاتي كرربت بيها المنيه
بالشام اموتن والأهل يالغاضريه
محد اجه وعني نشد يهل الحميه
ياريت ابو فاظل يجي وبلايه جفين
++++++++++++++++++++++
انه الوديعه اتغربت هم بيه تدرون
لا طارش المنكم وصل. يالماتنشدون
هيبه الجنازه والاخوه يحطها اعله المتون
ياريت ابو فاظل يجي وماعنده ايدين
++++++++++++++++++++++
ياشام اجيتج بالظعن. وأنه سبيه
بهاي الخرابه بالسبي اندفنت رقيه
ولسا أثر حبل السبي محزوزه اديه
من الاخوه ماواحد بكه. ولاظل الي معين
++++++++++++++++++++++
ليلة وفاتي هالمسه وبغربتي شلون
مشتاكه روحي لكربله مشبوحه العيون
بلكت يجون من الأهل ويه اليشيعون
احضرني ياحامي الحمه. وينك يبو حسين
++++++++++++++++++++++
بكليبي جمره من الحزن. ظلت لما موت
وين الحضر يونس ردت من بلعته الحوت
احضرني وينك ياعلي يالتسمع الصوت
محد وكف بجنازتي ولابيه دارين
خادمكم عبدالهادي العريفاوي
قصيده للامام الكاظم عليه السلام
لحن يقاروره
عله الكاظم. يهل دمعي
تعنيته. بكسر ظلعي
انا الزهره اعتنيته. لجسر بغداد اجيته
على الكااااااظم
روحي شكثر عاشت حزن. بالدنيه ماظل كل أمل
جم نايبه البينه مضت. من ودعت كل الأهل
سامره طوس وكربله. ولرض النجف خير العمل
اببغداد اشوف بكل الم فوك الجسر منهو الرحل
شفت حاله. الجسد دامي
تذكرته. الوكع ظامي
اظن كربت منيته. لجسر بغداد اجيته
+++++++++++++++++++++++
دمع الحزن ماينجلي يادهري وشعندك بعد
والطاغي هارون شكثر. عن الله والدين ابتعد
والسم يدسه بكل حقد. وأدري الچبد منه انمرد
والشيعه تبجي لحالتك لمن كرب ليك الوعد
الوعد عدهم. جسر بغداد
حسافه اهلك. عليك ابعاد
انا الموقف قريته. لجسر بغداد اجيته
على الكاااااااااظم
+++++++++++++++++++++++++
يم راسك اشرح قصتي. يبني شعمل بيه الدهر
صنعوا سقيفه من الحقد. زرعت عله الشيعه الخطر
يابو الرضا ادري شجره. عندك جبد يبني انفطر
واسيني يبني بحيرتي. بيوم الضلع مني انكسر
اسولفلك مصايبنه. تمرمرنه وتعذبنه
الك كلبي فديته. لجسر بغداد اجيته
+++++++++++++++++++++++
بطاموره كضيته العمر. بيهن عشت جم معضله
طاموره ماشافت ضوه. وكت الفرض والنافله
متمدد ابني اعله الجسر. مكييد ييمه بسلسله
وليدي غريب بدريته. لاخوته يمه ولاهله
الدمه يجري. من اجفوفك
يهل دمعي. اذا شوفك
ردت يحجي. وصيته
لجسر بغداد اجيته
+++++++++++++++++++++++++
لبغداد اجيت لحضرته. والكاظم بجيتي دره
محنيه روحي اعله الجسد. يبني بمصابك صابره
شفت الحماميل الأجوا. لحمل الجنازه مأجره
اتمنه بو فاظل يجي. وينك يسبع الكنطره
عله الكاظم يصد عينه. يشوفه وعنده جفينه
انهدم ركن البنيته لجسر بغداد اجيته
+++++++++++++++++++++++++
ياشده اشرحها الك. يوليدي كلبك ينجرح
والنايبه بطف كربله. ورأس الحسين اعله الرمح
مسبيه زينب عممتك. والأخوه بالطف تنذبح
لاعدها خيمه ولا أهل ولا عدها ليل ولاصبح
سبيه تروح. لراضي الشام
بمسيرتها. بترابه تنام
شكثر همي ونسيته. لجسر بغداد اجيته
على الكااااااظم يهل دمعي
الشاعر عبدالهادي كريم. العريفاوي
قصيده لأم البنين ع السلام
عبدالهادي كريم العريفاوي
للزهره جيت اليوم اوفيها دييني
فدوه الك يحسين اربع بنيني
اولادي رفعة راس قائدهم العباس
فدوه الك يحسين اربع بنيني ____
طبع بيهم شجاعه وحكي من افخر
ومعلوم الضياغم من صلب حيدر
وحيدر من ينكره اللي قلع خيبر
ومابيهم رجيج وحاله يتعذر
وبساعة الكلفات واضح خبرهم
تحذرهم الفرسان تعرف خطرهم
حك افتخر لاباس قائدهم العباس
فدوه الك يحسين اربع بنيني
_____________________
اولادي اعله طوعك ونته سيد الكون
عبدالله فداك وجعفر ولو عون
والعباس قائد والعده يعرفون
اوصيهم وصيتي لمن أيروحون
وكت السفر معلوم اشرح قضيتي
اكعد مع العباس يحفظ وصيتي
حد كطعة الانفاس قائدهم العباس
فدوه الك يحسين اربع بنيني
_______________________
هذا اليوم اريده واني انتظره
اولادي بدماهم فدوه للزهره
كل هذا الأقدمه واشعر مقصره
يامحله الرجال ومحلى هالسفره
تمشي بفخر للموت هذا محلها
دم الشهاده يصير عدهم املها
ضد زمرة الارجاس قائدهم العباس
فدوه الك يحسين اربع بنيني
_______________________
اولادي بعهدهم والعهد مثبوت
من يكدر يزحزحهم يريد يفوت
تجفل كلها لواحد يصيح بصوت
والعباس بالطف هو ملك الموت
سيفه يكص اركاب من يدنه يمه
وأيطشر بهل جيش بيده ويلمه
تحذر تعرفه الناس قائدهم العباس
فدوه الك يحسين اربع بنيني
________________________
وصاهم ابوهم جلمه معروفه
وكلبي من الوصيه عايش بخوفه
كال بكربلاء يطيحن اجفوفه
والهامه بعمد عالشاطي مخسوفه
والرايه يمه اطيح وبصفه جوده
عالشاطي راح هناك يرسم حدوده
ويتحاوط من الناس قائدهم العباس
فدوه الك يحسين اربع بنيني
_______________________
زينب تفتخر من يلزم احدوده
وصولاته العجيبه هناك مشهوده
ياوسفه تطيح الرايه وزنوده
ولخيامه يويلي ماوصل جوده
وزينب تصيح بصوت وين الكفلنه
ظل وحده خوك حسين جا منهو النه
يلجمني هالاحساس قائدهم العباس
فدوه الك يحسين اربع بنيني
عبدالهادي العريفاوي
قصيده للعباس ع السلام على لحن
عزمي عباسي جفي فقار علاء الغريباوي
رايتي وجودي كاصد الماي
اوفي بعهودي عيالي بحماي
عنواني بميداني اخطفهم خطف
مجهودي وبزودي اوصل للجرف
اتعنه واتمنه ما اسمع حرف
اتعده واتحده لو اصعب ظرف
اعهودي لزنودي اني وفاي
اوفي بعهودي عيالي بحماي
شافوني وعرفوني ماظل كل حرس
اخزرهم واصكرهم مااسمع نفس
ياعسكر من يكدر والجيش انخلس
من يغضب كل تهرب لوجهه عبس
معروف مكصودي هذا هو الراي
اوفي بعهودي عيالي بحماي
اعله سكينه تهل عينه من جاه الخبر
تعبانه عطشانه والجبد انفطر
ناداهم حاجاهم انطاهم حذر
زلزلهم بكملهم بس الله الستر
تحرم احدودي لاي شمر جاي
اوفي بعهودي عيالي بحماي
سل سيفه وبكيفه راعي المرجله
يتبختر من يكدر يتقدم اله
بجفينه وضي عينه ولجوده مله
خل فنه يدننه للشط حرمله
هذا مجهودي رايتي وياي
اوفي بعهودي عيالي بحماي
و الحومه ملغومه من فارس شهم
كل واحد ظل شارد مرعوبه الزلم
من عيونه يعرفونه العسكر ينهزم
بالحومه المعلومه انطاهم علم
املي وبزودي هذا مسراي
اوفي بعهودي عيالي بحماي
الشاعر عبدالهادي العريفاوي
قصيده لفاطمه العليله لطم ٣ دكات دارمي
خادمكم عبدالهادي العريفاوي
----------------------------------
انه العليله شلون عفتوني بالدار
منهو اليرد ويجيب من عدكم اخبار
للطف مشيتوا شلون كلكم سويه
منهو اليجيب اخبار منكم اليه
اتمنه كون اليوم تلفه المنيه
بنص الدليل شلون تتوجر النار
------------------------------
يابويه اترجاك خل امشي ويياك
وادري المسيره اليوم يابويه بحماك
عن عيني بويه تروح ياذيني فركاك
وكليبي من فركاك يابويه محتار
------------------------------
سهم السفر جتال صوبني بحشاي
اتمنه كون تكول بويه امشي ويياي
انه ادري من ترحون ماظللي كل راي
يعيوني من فركاك بويه الفلك دار
-----------------------------------
وسفه والف ياحيف دارك خليه
اطلب تظل ويياي سكنه ورقيه
لوكلي بويه وياي نطلع سويه
لكن ابو السجاد انطاها الاعذار
-----------------------------------
نار المرض لونار فركه الاحبهم
وبهل السفرمشدود كلبي بكلبهم
اتمنه من يرحون اندل دربهم
حتى اعرف المضمون بالسفره وشصار
-----------------------------------------
نار الهجر بجفاك تترك اثرها
روحي بسبب فركاك فايض صبرها
عيني اعله دربك دوم شابح نظرها
جار الوكت ويياي دولبني من جار
---------------'------------
خادمكم عبدالهادي العريفاوي
قصيده ولائيه للأمام الحسين ع السلام
خادمكم عبدالهادي العريفاوي
حسين عايش بالظمير حسيننه حسين غيره مايصير حسيننه
حسين سر المعجزات حسين ياعذب الفرات حسين غيره مايصير حسيننه
حسين نور من السماء حسين سر الانبياء حسين للرايد جواب
ايه وبطف كربلاء
حسين اصبح للعدل ميزانه حسين ثبت للنهج اركانه
صاحب الصبر الجميل مالهو حقا مثيل نحرهو الدامي يسيل
يستحق كل الثناء من دماءه اليوم ثابت ديننه
حسين عايش بالظمير حسيننه
----------------'---------------------------------
حسين اصبح مشكله للعقول الجاهله
حسين سر الله العظيم يستحق هالمنزله
حسين عالي وبالارض بنيانه حسين دين الله ونهج قرانه
إنه الحق المبين قبل خلق الاولين
رغم انف الحاقدين والنفوس الباطله
اللقاء يصير بينه وبيننه حسين عايش بالظمير حسيننه
----------------------------------------------
حسين ايات الجليل حسين ادم والخليل
حسين عنوان الوجود دمعي ل مصابك قليل
حسين يانور الرسول وسيفه حسين هنياله اليروح يضيفه
انه الحبل المتين من رسول العالمين
قبل خلق الاولين
ندرس الصبر الجميل بالصبر عالمعضله يوصينه
-----------------------'--------------------------
حسين لليفهم صحيح نور موسى والمسيح حسين نجمه البلسماء
عالرجس لمن تطيح
حسين دين الله وأصل قانونه حسين عالحق كلهم يعرفونه
ياسفينة النجاة لا وبل سر الحياة
وجميع الكائنات
اشتبهوا وكالوا ذبيح بالمحبه العدنه تدمع عيننه
----------------------------------------------------
حسين محور للفلك حسين خدامه الملك
حسين مركب للنجاة ولعنة الله اعله الهلك
حسين يابحر الغميجه اجروفه حسين اسطول ووصل للكوفه
انه صوت الاذان وسعيرا وجنان
في بدايات الزمان
الدنيه من فدوه الك نظره منك سيدي تحيينه
-------------------##------------------------
حسين نور اعله الملل حسين لو واحد سأل بالصلاه واجب تكول
حي على خير العمل
حسين اصبح مدرسه لأجياله حسين حارب منهج الدجاله
حاملا امر السماء قاصدا طف كربلاء
وهتفنا بالنداء شيعه واحنه لهل الامر لبينه حسين عايش بالظمير حسيننه
-------------------------------------------------
نسألك الدعاء خادمكم عبدالهادي العريفاوي
الان جاري رفع قصائد محرم للشاعر المبدع والموفق عبد الهادي العريفاوي
للقصائد الحسينية
/channel/abd_hadi_kreem
زينب ع السلآم في ليلة الحادي عشر لخادمكم عبدالهادي العريفاوي
ذكرياتي وكل حياتي ماتت بصوب النهر
لاخيمنه ولاعلمنه ودنيه ظلمه بلاكمر
والوديعه اعله الشريعه ودنيه ظلمه بلاكمر
------'‐‐-------'-----------------------------
للشريعه اجدامي راحت يبو فاظل روحي صاحت حيلي ياخويه انهدم
من الخيم خويه اعتنيتك ياكفيلي مو نخيتك والعدو اعلينه هجم
شنهو ياخويه اليضهدك أكعد اكعد خل اسندك وسفه بعيونك سهم
اوياي اريدك خويه تمشي وبوجودك تنهي كلشي من يشوفون العلم
والسبيه بهل مسيه مابعدعدها صبر
المن احجي وعد من ابجي والله ماريد العمر
والوديعه اعله الشريعه ودنيه ظلمه بلاكمر
---------------'-------------------------------
شنهو حلها بهل مسيه خويه من تنشد رقيه مابعد عندي امل
طيحتك صارت علامه كلهامرعوبه اليتامه راح ابن خير العمل
انت وينك ياكفيلي بالخيم ظل بس عليلي للشدد سويلي حل
نوبه اركض للشريعه ونوبه الاجساد الصريعه حيرتي صارت مثل
هذاحالي رد سؤالي زينب اختك رد عليها
الخيل اجتنه وارعبتنه حرمه ياخويه شبديها
والوديه اعله الشريعه دنيه ظلمه بلاكمر
------'------------------------------'ؤ----------
ماكو واحد من اخوتي من اصيح يردلي صوتي كلها نومه اعله الثرى
والايتام تنادي كلها عكب عينك خاب املها وينه سبع الكنطره
عيني صدت عالمعاره عيوني تجري وماكو جاره حسيني كطعوا منحره
خويه من هجموا علينه جابوا احبال لأدينه اختك اني ميسرره
هيه ليله وماكو حيله وباجر بدرب السبي
والبدايه للسبايا هذا تل الزينبي
والوديعه اعله الشريعه
-------------------------------------------------
اعله النهر يمك بجنيه واحنه مجتوفات ادينه وروس اهلنه اعله الرمح
منهو برض الطف اليه واختك الحره سبيه ريته لاصار الصبح
من عكب عين العشيره وسفه مهظومه الاميره كلبي شايل جم جرح
باليسرخويه عفتنه يالمشيت ويتمتنه ها يبو الكلب السمح
ها يروحي نوحي نوحي ونتي محتاره بسبايا
ماكوظنه من الكفلنه ولاترف كبالي رايه
والوديعه اعله الشريعه
-------------------------------------------------
دمعة عيوني حزينه من اجيت من المدينه ويلي من غدر الدهر
لكريله لمن اجينه روحي مالومه وحزينه
الله يعلم بالخبر
للكفيل اني اعتنيته عالنهرنايم لكيته
جفوفه عالشاطي وذر
نستعداعله المسيره العايله راحت اسيره الممشه عاشور وصفر
حسيني وينه مايجينه جثه ظل بكربله
ودعوني وفاركوني من يلم العايله
والوديعه اعله الشريعه دنيه ظلمه بلا كمر
نسألكم الدعاء خادمكم عبدالهادي العريفاوي
نززززله الى امير المؤمنين ع السلام
خادمكم عبدالهادي العريفاوي
+++++++++++++++++++++
حيدريه أسرارك من تسل فقارك
من سجودك تسجد الدنيه بخشوع
ومن قنوتك تنزل بخشعه الدموع
ابن ملجم صابك بوكت الركوع
يعلم الله أخبارك. من تسل فقارك
+++++++++++++++++++++
انت باء البسمله بكل محتوى
ونته يامولاي سورة قل هو
نمتلك ايمان لكن مو. سوه
الله هيج اختارك. من تسل فقارك
+++++++++++++++++
بسجدة المحراب شنهو اللي جره
ونته يامولاي قالع خيبره
ابن ملجم يغتنمها ياترى
المهدي يأخذ ثارك. من تسل فقارك
+++++++++++++++++++
انت يامولاي نسخه من الرسول
ونته رجعت الشمس لمن تزول
مايأيد هذا بس اهل العقول
والعدل اصرارك. من تسل فقارك
+++++++++++++++++++++
بطبرة المحراب رسموا كربله
وابن ملجم نفسه شمر وحرمله
قافله اعله الدين تتبع قافله
نبقه احنه احرارك. من تسل فقارك
+++++++++++++++
من هتف جبريل يوصلنه الصدى
اتهدمت والله أركان الهدى
تسعطعش رمضان واضح موعده
واحنه لك زوارك. من تسل فقارك
+++++++++++++++++++
طبرة المحراب في وقت الفجر
خاطر الأيتام منها ينكسر
من عرفنه الدين انت اول سطر
مايقل مقدارك. من تسل فقارك
خادمكم عبدالهادي العريفاوي
قصيده للامام الحجه عجل
خادمكم عبدالهادي العريفاوي
سهرت سنين عمري وعيني متنام
ردت منك تجيني بليل الاحلام
يمته الغائب يعود. ننتظرك يموعود سهرت سنين
+++++++++
قريت شكم نبي ومرسل. وجوبا عدنه تقديسه
النبي سليمان بحروفه. بمكانه وجاب يلقيسه
شكثر احيا البشر اموات. روح الله النبي عيسى
كل هذا واكولن لا. بأمامي المهدي ماقيسه
افكر انت ساكن وين مولاي
لا اندل اجيك ولاتجي وياي
دموعي لجيتك شهود. ننتظرك يموعود
+++++++++++++++++++++
افكر من يمر طرواك. اذوب واحترك سكته
خيالك ساكن بعيني. اغفه وعيني شابكته
تعبنه ولاصبر عدنه. يمولاي الفرج يمته
صبرنه والصبر مفتاح. لأن منك تعلمته
اناطر طلعتك يهلال بالعيد
اموت وماتجي وبهاي شيفيد
خل انطيك الاعهود. ننتظرك يموعود
+++++++++++++++++++++
ردت منك تمرني بطيف. اكول المهدي مر بيه
ونسولف بالطفوف شصار. امور هوايه مخفيه
وأشوف دموعك التنزل. تعاين بيها مسبيه
وعله الرمله تشوف أجساد وتشوف جفوف مرميه
اريد الثار بيهن تأخذ الثار
يالحاضر طفوفك تعرف شصار
يم العلكمي زنود. ننتظرك يموعود
+++++++++++++++++++
يمهدينه الفرج مولاي. نقرالك دعه الندبه
يمولانه العراق أحزاب كلمن يفرح بحزبه
أخذنه الروج وين انروح. محنه اعله الشعب صعبه
لعب بينه الزمان اشكال. بيدك تخلص اللعبه
الخلل موجود واحد من هالاسباب
انته ويانه حاضر واحنه غياب
كلبنه وياك مشدود. ننتظرك يموعود
++++++++++++++++++++++
تجي براية رسول الله. وبيدك ندري ذو الفقار
نبينه وكل اهل بيته. شرحوا عنك الاخبار
يقرأن الخلك مولاي. ونته الجنه ونته النار
صدك ذله العبوديه. ونريد انعيش احنه احرار
غيابك دنيه ظلمه وبيت مهجور
نفكر بيك يمته ويطلع النور
غائب ونته موجود. ننتظرك يموعود
+++++++++++++++++++++
احلفك بالضلع والباب. عجل بالفرج لينه
يسلطان الزمان نريد. تشوف شبينه مابينه
يمهدينه شكثر ضدنه. وغيرك منهو يحمينه
بسبب اعمالنه السيئه. نكول المهدي چا وينه
احلفك بالضعون الكصدت الشام
احلفك باليتامه وحرك الاخيام
يالكلك وفه وزود. ننتظرك يموعود
تحيات خادمكم عبدالهادي العريفاوي
مع الاحترام
مولد الامام المنتظر عجل اللهم فرجه
خادمكم عبدالهادي العريفاوي
مواااااااال
بشعبان يجمعنه الفرح. عالأمه مبروك الشهر
نور الحسين بمولده وعباس وعلومه البحر
وزين العباد المبتلى. بالصبر نال اكبر فخر
واحلى البشائر للمحب. في ليلة الخامس عشر
يولد سليل المصطفى. حجة الله المنتظر
صلواةاااااااااااات
ابوذييييييه
الليالي وياك يامولاي مالن
لأن كلب اليضدك دوم. مالان
ماتكمل اصول الدين مالن
تجينه بطلعتك ذيج البهيه
مستهل المولد
بشعبان الك اجمل خبر. في ليلة الخامس عشر
يولد سليل المصطفى. حجة الله المنتظر
نور ويشع كل الفضا واجب علي تقديسه
مهدينه هذا المنتظر نور الجلاله نقيسه
هو الامام لكل عصر واعله الأمم تدريسه
نرجس ولادتها مثل مريم وجابت عيس
هاي الولاده الطاهره. نور ويشع من حيدره
نفس العلم والمعرفة حجة الله المنتظر
++++++++++++++++++++++
عيسى اذا يحيي البشر والدنيه كلها تشوفه
بالاسم الاعظم يمتلك حرفين من احروفه
سبعين مهدينه امتلك كل المليك يطوفه
يطويها وبرمشة بصر من مكه حد الكوفه
بسبعه القباب من الذهب ماعنده بالموقف عجب
وبليس من نوره اختفه. حجة الله المنتظر
++++++++++++++++++++++
خاتم سليمان النبي بالمعجزات يعينه
من الهدهد وأصف تره بلقيس تبعت دينه
داوود أبوه ذاك النبي بيده الحديد يلينه
سر الجليل وقدرته الخاتم ختم مهدينه
وبلقيسه بالقدره اعتنت. بنور الامامه امنت
ملعون كلمن خالفه. حجة الله المنتظر
++++++++++++++++++++++
موسى الكليم وقدرته بضربة عصا شق البحر
والعصه تبلع جم حبل جم ساحر بفعله انسحر
بأياته فرعون انذهل ومن العصا ملكه انكسر
سبحانه رب المنتقم عصاته نور المنتظر
ومن العصا الكل تنذهل. تاليها هم عبدوا عجل
ايمان اجاهم خاطفه. حجة الله المنتظر
++++++++++++++++++++++
يمنه الفرج ياسيدي تتنطرك. أحبابك
مو غائب انت والنبي احنه اتضح غيابك
والندبه نقرها بدمع نتوجه لمحرابك
ثارات الك ماتنحسب يالحاسبلها حسابك
ضلع البتول الطاهره. ومصرع ابوك ومنحره
عالباطل ايدك منصفه حجة الله المنتظر
+++++++++++++++
هوساااااااات المولد
فرح جدك محمد بيك يالموعود
دين الله بأمان وانته بي موجود
شع نور الامامه اعله الليالي السود
والدنيه بنورك مامونه
+++++++
يانور الهدايه ومنهج القران
ياعوذة امان بوجه كل شيطان
بالقائد الحربي اعله الانس والجان
وفقارك بيدك مهدينه
مولد الامام السجاد عليه السلام
خادمكم عبدالهادي العريفاوي
زين العابدين. خير الساجدين
ليلة مولده. نور من الحسين
زين العباد بمولده ولحضة قدومه
نفس الحسين بمنهجه وكامل رسومه
بشعبان خامس بالشهر يسعدنه يومه
حتى الرسول المصطفى يشرح علومه
بنوره وعصمته. خير لأمته
رغم الحاقده. نور من الحسين
+++++++++++++++++++++
نور الامامه الطاهره يسطع علينه
عم الفرح من مولده بأرض المدينه
نبعث تهاني بمولده لحضرة نبينه
وسط البحر لهل الأرض همه السفينه
بعلمه وقدرته. يعلن ثورته
في طول المدى. نور من الحسين
+++++++++++++++++++++
نور الولاده الطاهره نور الرساله
والنور هذا اللي سطع نور الجلاله
بكل الدروب المظلمه صاروا دلاله
واليبغض اال المصطفى بس الحثالا
همه الواقه. وهمه القارعه
حتى المائده. نور من الحسين
++++++++++++++++++++++
نور الهدايه يبتدي بسيد البريه
وهذا الفخر الطاهره الزهره الزحيه
وزين العباد بموقفه بالغاضريه
ماخذ علوم المصطفى لحد المنيه
الدنيه هابته يعلن خطبته
أول مابده. نور من الحسين
هوسه للامام السجاد
يانور الجلاله وسادس الانوار
يبن المصطفى والمرتضى الكرار
ياسرر الجليل ومنبع الاسرار
أسرارك كلها بمهدينه
مولد الامام الحسين عليه السلام
خادمكم. عبدالهادي العريفاوي
مواااااال مقدمه
دنيت القلم اكتب شعر لحسين
كل عقلي ارد غوص واعبر بحوره
جاوبني بلطف لاتفتح القرطاس
ماتكفي السطور الترسم الصوره
اذا شاعر نعم واتريد وصف حسين
جيب الدنيه كلها وسووها صبوره
صلوااااااات
++++++++++++++++++++++++
ياليل طش النه الورد واحلى الرياحين
تتباشر أملاك السمه بميلاد الحسين
هنيال امك فاطمه. بهاي الكرامه من السما
تتباشر أملاك السما بميلاد الحسين
++++++++++++++++++
سر الجليل وقدرته بكل محتواها
والماعرف حقك ثبت عاش بمتاهه
نقدم تهاني بمولدك الهادي طه
ومن فاطمه بيوم الحشر نطلب رضاهه
والماعرف حقهم ابد ماعنده كل دين
تتباشر أملاك السنه بميلاد الحسين
+++++++++++++++++++++++++
كل واحد بهاي الأرض يعرف مقامه
نهج الرسول وعترته درب السلامه
ملعون كلمن ماعرف حق الامامه
شنهو العذر من ينسئل يوم القيامه
والمصطفى وحيدر علي همه السلاطين
تتباشر أملاك السمه بميلاد الحسين
++++++++++++++++++++++++
ميلاد ابو اليمه شرف كل البريه
جبريل والهادي بفخر كعدوا سويه
يشرحله عن طف كربله والغاضريه
دين الله باجر يكتمل ببن الزجيه
والصوره معروضه تره وتنظرها كل عين
تتباشر أملاك السمه بميلاد الحسين
++++++++++++++++++++++++
ماعدنه غيرك ياعلي وبجاه الحسين
واللي يضدكم بالحشر چا يعبر منين
واليذكر حسين بحزن ودموعه بالعين
الجنه باجر تنفتح بس للموالين
ودموعه تشهد بالحشر أعظم نياشين
تتباشر أملاك السنه بميلاد الحسين
++++++++++++++++++++++
ياقل هو الله احد قبل البدايه
چم ايه نقره بالسوور تتبعها ايه
ياراية الحق للحشر ياأعلى رايه
للدين ضحيت النحر وأهلك سبايا
ونزورك احنه ونفتخر يامنبع الدين
تتباشر أملاك السمه بميلاد الحسين
مامجبور اروحن حتى طوف البيت
نعوف السهله ليش ونمشي للصعبه
هو نكصد علي ونطوف سبع أشواط
وعلى الحيطان نكتب هاهنا الكعبه
هنيئا الموالين بولادة امير المؤمنين
مولد امير المؤمنين علي عليه السلام
علي الكلفات غيرك لافتى إلها
الولاده اليوم أرفع. لافته الها
شجاها الناس ضدك. لافت إلها
وينصبون الخليفه.بلا وصيه
مواااااال
والله فقارك زحم وكت النزال
والعجيبه البيه شيملك محتوى
من يكص اركاب تلعب بالهواء
كصه وحده تكول نفس المستوى
ازدحام يصير في قطع الرؤوس
سيفه كل اثنين يطبكهم سوه
انته عندك عيد في سوح النزال
يعني ذي الفقار ديلاب الهوى
صلوااااااات
++++++++++++++++++++++
افرح بوجدانك. بكلبك وبلسانك
علي علي مولانه. علي علي مولانه
الكعبه صارت ردهه لحضات الامل
وبوجودك ماكو لات ولاهبل
شرفتها الكعبه ياخير العمل
حتى جبرائيل يقره المستهل
والشرف عنوانك. بكلبك وبلسانك
علي علي مولانه
++++++++++++++++++++++
اليحبك ياعلي كلبه اهتده
واليبغضك يعني عالحق اعتده
شما يصلي بعمره بس شل فائده
ونته بالجمله يحيدر مبتده
بالعدل ميزانك. بكلبك وبلسانك
علي علي مولانه
++++++++++++++++++++++
اليحبك ياعلي بيك افتخر
ونته لجلك حايط الكعبه انفطر
واليضدك باجر يروح لسقر
لووكف يوم الحشر اين المفر
تحكم بسلطانك. بكلبك وبلسانك
علي علي مولانه
++++++++++++++++++++++
انت ياسورة نبأ والقارعه
والكواكب والنجوم الساطعه
ياقيامة ربنا يوم الواقعه
يعني انت الخافضه والرافعه
ترحم بأحسانك بكلبك وبلسانك
علي علي مولانه
++++++++++++++++++++++
شعندي غيرك ياعلي بيوم الورود
من اكولن ياعلي املك وجود
مايهمني شما تسولف هالقرود
بعالم الذر واحنه انطينه العهود
وتعرف اللي خانك. بكلبك وبلسانك
علي علي مولانه
خادمكم. عبدالهادي العريفاوي
قصيدة يوم العاشر. لحن يعباس مامتت ماتت الشريعه
وويلاه. عالترب نامت العشيره
وويلاه تنظرب زينب الاميره
بكليبي ينزف جم جرح لمن اصد اعله الرمح. وكبالي راس المنذبح. لاليلي ليل ولاصبح. وويلاااااه
والله محتاره شأسوي بهل مسيه
وماكو واحد من خوتي ايرد إليه
شمحله كعدتنه أمس جانت سويه
شنهو حلها الليله برض الغاضريه
وليااااان ماترد. للشام نستعد. متريد اي شرح. وويلاااااه
++++++++++++++++++++++++
والله صعبات النوايب من لفني
يببسن ريجي يخوتي ومرمرني
عيلتك ياخويه كلهن كابلنني
مدري سكت اطفال لوسككت هذني
دمعات من تهل. بعيون كل طفل. آهات تنسفح. وويلااااه
+++++++++++++++++++++++++
بخيمة العباس أمس لمن كعدنه
ليلة العاشر خطيره وبيها هدنه
انه واسكينه ورقيه من نشدنه
وسفه تبجن وحنه بالدنيه بعدنه
مرفوض اي دمع. وكلوب تنفجع. وأجفون تنجرح. وويلااااه
+++++++++++++++++++++++++
من رحت صوب الشريعه خويه صحنه
الله يستر من خبرها وچنها محنه
تدري من طاح العلم كل احنه طحنه
امن انذبح كافلنه حته احنه انذبحنه
مطروح ياعلم. والنار بالخيم. ونروف ياجرح. وويلااااه
+++++++++++++++++++++++++
انت يم صوب النهر ياخويه باقي
شلون اشوفك خويه لو زاد اشتياقي
يكلها يازينب نعم يصعب فراقي
هنانه ينصبلي عزه الشيعي العراقي
واحزان بالدول. يقرون مستهل. والدين يتضح. وويلاااه
+++++++++++++++++++++++++
من اصد اعله الرمح غصبن عليه
كبالي راس الوالي والاخوه البقيه
ماكو واحد بالاهل يفزع عليه
انه چنت امخدره وهساا سبيه
ترضون بالجرى معقول ياترى هيهات تنمسح. وويلاااه
