قصيدة رثاء القاسم عليه السلام
خادمكم عبدالهادي العريفاوي
حبيبي انت في القلب وديعا
فيا حزني ارى البدرو صريعا
جساماه يبن الحسن ياعماه تكفي المحن
فيا حزني ارى النور صريعا
---------------------------
حوار يدور بين القاسم وأمه
الا من ناصرن صرخه وبقت ذمه
فدائي يبني اريدك دون ابو اليمه
انكسر كلبه الغلام بنظرته لعمه
سلاما ايها البدرو المنيرو
واني اشكو لله المصيرو
غير الله اشكوا لمن ياعماه تكفي المحن
-------------------------
يوليدي يجاسم ياضوه البل عين
يالكاصد تريد موادعك لحسين
وديعة عمك وعمك تشوفه ارهين
يانسل الإمامه ومنبع الطيبين
فبالاحزان رغما ضاق صدري
دعوت الله أن يرعاني في صبري
قد خالفوا كل السنن ياعماه تكفي المحن
------------------------------
مااكدر اشوفك عيني لك تربي
ارجع لمك وخفف حزن كلبي
يرب الكون انته خالقي وربي
لعين اللي سمعني ومامشه بدربي
طريق الحق مفروضن علينا
ويبقى نهجهه طول السنينا
صوتن على طول الزمن
ياعماه تكفي المحن
-------------------------------
لعد أمك تروح وكلها ياأمي
مايقبل اروحن للحرب عمي
ياعمي اجيت ارويك من دمي
فدائي اليوم اصير وهذا كل همي
يااماه في هذا الأمر قولي
لعماه عسى يقبل مثولي
في مقلتي زاد الشجن ياعماه تكفي المحن
----------------------------------------
انه امك ييمه وروحي تتفداك
اريدك تنصر المظلوم من انخاك
تدافع دون امامك يبني يامحلاك
تسر كلبي ييمه لو وفيت ارباك
مصاب الطفي مفروضن علينا
وللاجيال عنوانا مبينا
لابد من هذا ولن ياعماه تكفي المحن -----------------------
لجل الدين اضحي ونهجه يتعله
واعظم ماتشوفه بصولته واحلى
ميبالي الجموع ويصنع بنعله
ياوسفه الايادي المجرمه النذله
قلوبن مابها درب اليقيني
فبالاحزان قد صابوا الحسيني
ابكي على نفسي وعن ياعماه تكفي المحن
----------------------------
اجاه حسين مثل الليث للمصرع
انحنه ظهره اعله جاسم شافه يتكطع
امه بحسره تربي لحاله تتصدع
تودعني يجاسم لو امل ترجع
وداعا يافتى حان الفراقوا
فبالاحزان قد حل العناقوا
نسل الرسول المؤتمن ياعماه تكفي المحن
-----------------------
قصيدة لفاطمه العليله ع السلام
خادمكم عبدالهادي العريفاوي
الظعن يعلن مسيره
وتكتل النظره الاخيره
اعله العليله اعله العليله
------------------------------
بويه مشتاكه ارد اشوفك تروه بيك عيوني
لاتودعني برحيلك لاتخيب ظنوني
عمري ماريده بغيابك بويه لوعفتوني
روحي مالومه بعللها وانتم اتودعوني
الظعن يعلن مسيره وتكتل النظره الاخيره
اعله العليله اعله العليله
------------------------------
بويه يايوم وتجوني حتى اتلكاكم
لعمي بو فاظل اكله بلكي امشي وياكم
لو علي الأكبر اكلفه بحالي يترجاكم
ادري مو هذا طبعكم ماعرف معناكم
الظعن يعلن مسيره وتكتل النظره الاخيره
اعله العليله اعله العليله
-----------------------------
لو مشيتوا الليله عني يامصاب امصابي
والأهل عني بعيده ومنهو يوصل بابي
ديره وحشه بغير اهلها ربي وين احبابي
غفله عن عيني مشيتوا وهذا مو بحسابي
الظعن يعلن مسيره وتكتل النظره الاخيره
اعله العليله اعله العليله
-----------------------------------
عيوني تتبع وين اثركم بالدمع تتجاره
والدي يمته ويجيني ومن يجيب اخباره
تدري مالومه يبويه بعلتي ومحتاره
من حده الحادي بظعنكم كلبي زادت ناره
الظعن يعلن مسيره وتكتل النظره الاخيره
اعله العليله اعله العليله
--------------------------------
خل اروحن وي خواتي ياامير الساده
بالطفوف هناك اشوفن والدي واولاده
وافرش هناك خيمكم وافرش السجاده
هذا كلبي اللي يريده وصعبه هاي الراده
الظعن يعلن مسيره وتكتل النظره الأخيره
اعله العليله اعله العليله
--------------------------------
مارجع ليه ظعنكم للدرب منتظره
بعالم الرؤيا شفتكم والمشاهد خطره
والدي كبالي اشوفه ويلي حزوا نحره
وعمي بو فاظل يويلي جفوفه شو متطشره
الظعن يعلن مسيره وتكتل النظره الأخيره
اعله العليله اعله العليله
-----------------------
قصيدة بحق الحسين وأبي الفظل العباس لحضة الوداع
خادمكم عبدالهادي العريفاوي
--------------------------------
يااخي عباس هل منك رجائي
لعيال المصطفى شربة مائي
نور عيني ويقيني ياعضيدا للحسيني
لعيال المصطفى شربة مائي
ياأبا الفظل لقد حان فراقي
وبقى السبط اسيرا في العراقي
ويقينا بدمائي قد تراقي
انها الفتنة من أهل النفاق
قالها جدي بأرض كربلائي
يااخي عباس هل منك رجائي
لك شوقي وحنيني ياعضيدا للحسيني
-------------------------------
ان عزمت يابلفظل للقتالي
فقليل الماء أرجوا للعيالي
ياابا الفظل رعاك ذو الجلالي
انت في الميدان عنوان الرجالي
تروي طفلا وعليلا ونسائي
يااخي عباس هل منك رجائي
انت ياليث العريني ياعضيدا للحسيني
------------------
يااخي يبن رسول العالمينا
هؤلاء القوم جمع الفاسقينا
كيف ارضى بينهم تبقى رهينا
ربي صبرا يااله العالمينا
وعلى الكفار قد حل بلائي
يااخي عباس هل منك رجائي
انك الحبل المتيني ياعضيدا للحسيني
--------------------------
هذه الحوراء بنت المرتضى
وبها في الطف قد ضاق الفضا
انقذ الأطفال من حر اللضى
ها هو الأمر وللباري الرضا
انها زينب رمز الكبريائي
يااخي عباس هل منك رجائي
بنت أمير المؤمنيني ياعضيدا للحسيني
------------------
حينما اشتد القتال في الجموعي
لحسينا تذرف العين الدموعي
هاهو العباس مابين الضلوعي
هاهو العباس عنوان السطوعي
شاهدا في القول يارب السمائي
يااخي عباس هل منك رجائي
انك الدر الثميني ياعضيدا للحسيني
--------------------
وقف العباس في صوب الفراتي
وجموع الجيش في وضع الشتاتي
لعنة الله على جمع الطغاتي
كثرت في الطفي ربي نائباتي
من وراء النخل في وضع الخبائي
يااخي عباس هل منك رجائي
انت مقطوع اليديني ياعضيدا للحسيني
-------------------------------
غرف الماء ودمعن في العيوني
قال من بعد الحسين نفسي هوني
وبعده لاكنتي او تكوني
هذا حسين وارد المنوني
ملأ الماء شموخا في الوعائي
يااخي عباس هل منك رجائي
ترفض الماء المعيني ياعضيدا للحسيني
----------------------------
يرعد الصوت له بعد السقا
ها أنا العباس اغدوا بالثقى
لااهاب الموت يوم الملتقى
قالها في الجيش قولا صادقا
لحسينا يشهد الله ولائي
يااخي عباس هل منك رجائي
قودست ام البنيني ياعضيدا للحسيني
--------------------------------
اسفا عباس مقطوع الأيادي
واريق الماء من سهم الاعادي
أدرك العباس والصوت ينادي
طالبا عذري الى رب العبادي
من عمود الرأس قد فاضت دمائي
يااخي عباس هل منك رجائي
قطعوا حبل الوتيني ياعضيدا للحسيني
------------------------------
الكلمات كتبتها بكسرة الياء حتى تسهل اللفظ على الرادود وشكرا اسألكم الدعاء
قصيده للقاسم عليه السلام
عبدالهادي العريفاوي لطم ثكيل
الحنه اعله ايدك كطعوا وريدك
ليلة زفافك جسام يوليدي عالغبره تنام كطعوا وريدك
غصن الورد ذابل اشوفه بعيني
جان الامل من اكبر تباريني
شنهو الجره مابينك ومابيني
بسمك صحت ماتقبل تحاجيني
شنهو الجرالي عكبك يغالي
دارت ييمه الايام يوليدي عالغبره تنام كطعو وريدك
ردتك ييمه لشيبتي تبرالي
هالنايبه هالنايبه ماحسبتها ابالي
موتي ردت وي طيحتك اشوالي
بطف كربله خابت ييمه امالي
ترجع اليه لو هاي اهيه
خابت ييمه الاحلام يوليدي عالغبره تنام كطعوا وريدك
من شوفة وليدي اصبحت محرومه
راح الامل لمن رحت للحومه
وروحي بوداعك يالولد مالومه
ياليلة الزفه اصبحت مشؤومه
للحومه جيتك ميت لكيتك
راح امن اديه الشمام يوليدي عالغبره تنام كطعوا وريدك
من طيحتك روحي بكت محنيه
ماظن بعد روحتك كل جيه
اتنطرك للخيمه ترجع ليه
يالماشفت امك مشت مسبيه
مجتوفه اديها وميسريها
امك مشت وي ظلام يوليدي عالغبره تنام كطعوا وريدك
ياوردتي اليوم اصبحت ذبلانه
وادري الذبول من الضمه عطشانه
امك تظل طول العمر حزنانه
جاسم نزل للمعركه وماجانه
من تبعد اشلون ماتغفه العيون
بعده الحزن ليجدام يوليدي عالغبره تنام كطعوا وريدك
امك ييمه بكربله محتاره
جاسم مشه وحل الظلام بداره
يادنيتي الماترحم وغداره
حزنك ترك وسط الكلب اثاره
عنك مشينه هم تدري بينه
امك مشت لرض الشام يوليدي عالغبره تنام كطعوا وريدك
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
،خادمكم عبدالهادي العريفاوي
نزله العباس ع السلام
عبدالهادي العريفاوي
وسفه نايم ياشهم نومك حله
ونته للشدات زود ومرجله
ليش نايم ياشهم صوب النهر
هاي منك لو نكول من القدر
بنومتك عباس مو ظهري انكسر
ونته حماي الظعينه بكربله
زينب انه وتدري بيه مخدره
مااظن تقبل يسبع الكنطره
يااله الكون شنهي المجزره
وبالمصايب دنيه ليش مهلهله
اتحيرت مابين حالي وحيرتي
يامصيبه اللي تشابه بلوتي
اندب بكل صوت ماكو امنخوتي
اه ياويلي بمصيبة كربله
عفت اخوك حسين ياراعي الشدد
وسفه راسك يالاخوا صابه العمد
بطيحتك عباس كل حيلي انظهد
انه جنت بجال اخوي امدلله
يالعفت زينب غريبه بلا اهل
من شفت عباس عالشاطي انجتل
شرد اجاوب لليجي وعنك سال
منهو عكبك يعدل النه المايله
كلبي محتار بونينه ولوعته
عيني صدت صوب اخوي وشافته
عالنهر مطروح صارت نومته
من وكع عباس جن ضاك الفله
ظل وحيد حسين والحيل انهدم
من وكع عباس من ايده العلم
عينه للعدوان لو صوب الخيم
وتدري كلب حسين يم العاايله
نهر الفرات ماء الحياة
تبخل علة اولاد الزجية
سولفلي شنهو الاخرك واطني السبب والغاية
ما فكرت يصدر حجي عن الفرات وماية
الزوار اذا للطف اجت تزعل ترة المشاية
واتظل ملامة بموقفك ونحسبهة منك ساية
زوار اجوك لو عاتبوك
ترضاهة يمك هالرزية تبخل علة اولاد الزجية
تدري بسليمان النبي الهدهد عرف تقديسة
من ياخذ من ايدة الكتب يكتب لعد بلقيسة
وعيسى اشكثر احية البشر ولسى عدل ضل عيسي
روح الله هذا بهيئتة وبحسين ابد ماقيسة
والانبياء في كربلاء
ياذيهة اسم الغاضرية تبخل علة اولاد الزجية
وي موسى والنيل امتثل من طاوعة وشق ماية
بضربة عصا الماي انفلق بفرعونة يترك اية
العباس اجاك وقدرك واگف عالمسناية
راية محمد بيدة اجت عاد احترمهة الراية
لا مو قبول وضلع البتول
من طاوعت جيش ال امية تبخل علة اولاد الزجية
لا يافرات بموقفك منك فلا مريودة
زاح الجيوش بصولتة العباس اجاك بزودة
وعيالة ماذيهة العطش متعني يترس جودة
وضدة الجيوش اتحاوطت وكل الطرق مسدودة
طير وتعال صوب العيال
خل تفرح بجيتك رقية تبخل علة اولاد الزجية
تدري الحديد شگد صلب الداوودة خجلت عينة
من شالة داوود النبي وبيدة الحديد يلينة
بس انتة گلبك من صخر لا تعتقد من طينة
العباس اجة يمك وگف ويمك فگد جفينة
لا يا فرات ذولة الاباة
مرفوضة منك هالقضية تبخل علة اولاد الزجية
بالاية من تقرة النهر يقراهة كون احساسك
تشرح مصيبة كربلة والذكرة تبقة براسك
اسم النهر من ينذكر يشرحلي عن عباسك
لو ينذكر اسم القمر يطلع نفس مقياسك
قرآننا اياتنا
والشكوى من شر البرية تبخل علة اولاد الزجية
لتعجيل الفرج تراث وزن الميمر
عبدالهادي العريفاوي
يمته الفرج يالموعود نقره الدعه يوميه
فاض الصبر يمته الفرج للشيعه
عهد النبي لا والنبي منبيعه
حيدر علي هو الولي بتشريعه
صار الحكم لهل الظلم احنه االخصم
نقسملك براعي الجود وبعمتك المسبيه
كسر الضلع من فاطمه اثاره
ونته الذي لابد تكوم بثاره
منهو السبب ياهو الدفع بسماره
خل تستعد لهل الحقد لله الحمد
والحادثه اعليها شهود لاتعتقد مخفيه
شاهدها باذر وعلي والمقداد
سلمان اخبرك واحد من الاشهاد
في كل زمن ماتنتهي هالاحقاد
زيد وعمر تركوا اثر طول الدهر
والحادثه اعلينه تعود بكل الكتب مرويه
يالطاير بقبة ذهب معروفه
اهل الارض وهل السماء تشوفه
يالكاصد بجيتك اراضي الكوفه
اهل العقل حق تنذهل لا مو سهل
يالطلعتك بيها الزود بنوارك القدسيه
يمته الفرج نورك يشع اعلينه
واللي بغض حقك حقود لدينه
منهو الذي ياخذ بثار حسينه
ثار النحر وسبعة عشر واعلى النهر
متوذره ثنين زنود يم جثته المرميه
قصيده نعي للزهراء عليها السلام
الشاعر عبدالهادي العريفاوي
يازهرة محمد حالج شلون
غفله بهل مصيبه تغير اللون
بمصاب الزجيه اتصب العيون
اجوا عالباب عدوانج بمصيبه البيها احزانج الضلع يازهره عنوانج
عمرج بالحزن والنوح ضلعج من يكسرونه
وشعدهم طلب من دفعوا الباب
زمره من السقيفه الهجمت ارهاب
والبسمار شاهد والضلع ينصاب
بويه وتسمع اعتابي زمره الوكفت اببابي كلتلي ذوله أصحابي
عن عيني يبويه تروح حالي خلافك شلونه
اصيح بصوت وين المصطفى المختار
ارد اردود اندب ياعلي الكرار
ريت تشوف عينك من لهيب النار
وينك ياعلي وينك ريت تشاهد بعينك ربك ياعلي يعينك
أقسم بالقلم واللوح هاي الزمره ملعونه
من ضلعي يبويه العله مخفيه
اشيلن روحي وسط الدار مابيه
عكب المصطفى الزهراء مسبيه
زينب والحسن وحسين بويه كبالي ملتمين صاحوا يمه لاتمشين
عكبج يمه وين انروح وادم مايرحمونه
قصيده للزهراء ع السلام على لحن اذن ياجرح مرتضى حرب
خادمكم عبدالهادي العريفاوي
حنين انين حزين
وين المصطفى والمرتضى وين
خصوم هجوم ظلوم
مكسورة ضلع هاي ام الحسين
وين الهادي وينه خل يفزع علينه
من وادم لئاااااااااااام
ظل يسجب دمعها من كسرو ضلعها اولاد الحرااااااااام
من هجمو عليه يعرفوني الزجيه للمحشر خصااااااااام
ذوله اهل السقيفه زمره المو نظيفه ماتسوه الكلاااااااام
نداء سماء بلاء لم صاب الضلع ماتنشف العين
ياضلعي ومصابه من حقد الصحابه
من عدنه اشترييييييييد
حيدر وين اريده نادولي الصميده
عن عيني يعييييييييد
خل ضلعي يشوفه اشرحله ظروفه
مصابي الما يهيييييييييد
دمعاتي الحزينه من وادم لعينه
للباطل عبيييييييييد
بجيت مشيت حجيت
ماعدهم ذمم كلهم شياطين
اليجرحله يتيمه هذا الله خصيمه
في يوم الحساااااااب
للباب اعتناني الثاني االي اجاني
الرافض للكتااااااااب
من يشعل شراره للفتنه بقراره
ياربي العذاااااااب
عن حقي منعني وبجفه صفعني
يعلن اتقلاااااااااب
حدود عهود شهود
كل عدها علم وبحقها دارين
جاوين الوصيه للزهره الزجيه
بضعه من الرسووووووول
ماهابوا كلامه نكروا احترامه
عني شما يكوووول
دين الله بوجوده عبروا كل حدوده
مابيهم خجوووووول
مرميه اعله بابي الكل تبجي لمصابي وديان وسهوووووول
خصيم رجيم ذميم
يلفضها وان ماخجلت العين
زينب يالحبيبه هم مثلي غريبه
صبرج بالثباااا ااات
لو عشتي طفوفج والباري يشوفج
ودعتي الاباااااات
يتغير نظامج لو حركوا خيامج
وعيالج شتاااااات
وعيونج تشوفه الكافل ياجفوفه
يم نهر الفراااااات
صهيل عويل عليل
وين انطي الوجه كل اهلي ميتين
وعيالج حيارى للكوفه اسارى
والينه تصييييييح
لو رحتي سبيه ياروح الزجيه
وحسينج ذبيييييييح
محتاره بخواتج ولا قوه لصلاتج
يالكلبح جرييييييح
ماعدكم كرابه تكعدون بخرابه
كل حيلج يطييييييح
عيال حبال محال
للكافل اصد ماعنده جفين
نزله العباس ع السلام
عبدالهادي العريفاوي
وسفه نايم ياشهم نومك حله
ونته للشدات زود ومرجله
ليش نايم ياشهم صوب النهر
هاي منك لو نكول من القدر
بنومتك عباس مو ظهري انكسر
ونته حماي الظعينه بكربله
زينب انه وتدري بيه مخدره
مااظن تقبل يسبع الكنطره
يااله الكون شنهي المجزره
وبالمصايب دنيه ليش مهلهله
اتحيرت مابين حالي وحيرتي
يامصيبه اللي تشابه بلوتي
اندب بكل صوت ماكو امنخوتي
اه ياويلي بمصيبة كربله
عفت اخوك حسين ياراعي الشدد
وسفه راسك يالاخوا صابه العمد
بطيحتك عباس كل حيلي انظهد
انه جنت بجال اخوي امدلله
يالعفت زينب غريبه بلا اهل
من شفت عباس عالشاطي انجتل
شرد اجاوب لليجي وعنك سال
منهو عكبك يعدل النه المايله
كلبي محتار بونينه ولوعته
عيني صدت صوب اخوي وشافته
عالنهر مطروح صارت نومته
من وكع عباس جن ضاك الفله
ظل وحيد حسين والحيل انهدم
من وكع عباس من ايده العلم
عينه للعدوان لو صوب الخيم
وتدري كلب حسين يم العاايله
رثاء ام البنين ع السلام
عبدالهادي كريم العريفاوي
________________________
شو بنيني مااجوني وودعوني
هالمسيه
اخر اللحضه بحياتي اشعر الليله وفاتي هالمسيه
________________________
حلوه كعدتهم كبل كل مغربيه
هذا بو فاظل مكانه والبقيه
من اصيحن ماكو واحد ردعليه
خمسه اولادي صفت داري خليه
حسين وينه ماحضر ولاشفت نور الكمر ويلي من غدر الدهر غابوا سويه
كلهم ابعاد حيروني شو نسوني هالمسيه
راح اعيش بذكرياتي اشعر الليله وفاتي هالمسيه
________________________
وجه ابو اسجاد بي يهجع ونيني
ريت ابو فاظل يجي ويجبر حنيني
روحي تفرح من اشوفه كبال عيني
يكفي ابو اليمه وفدى كلهم بنيني
منيتي هاي بدنيتي حسين اشوفه بحجرتي من يشيل اجنازتي بسكتة ونيني
ريته لو جاي من طفوفه كون اشوفه هالمسيه
والصبر اجمل صفاتي اشعر الليله وفاتي هالمسيه
________________________
ريت ابو اليمه يجي الليله اشوفه
انه اعذره وليدي لو صعبه ظروفه
خل يسولفلي اشجره بليلة طفوفه
بسمه تلهج روحي تتسلله بحروفه
حيلي للفركه انهدم كالوا ابنج ماسلم صدره بلخيل انهشم وزينب تشوفه
حسيني مذبوح من وريده وخنصر ايده هالمسيه
بطيحته واضح شتاتي اشعر الليله وفاتي هالمسييه
________________________
هوايه زينب سولفتلي يمه عنكم
روحي ذابت من مشيتوا وودعتكم
حيلي راح بيوم رحتوا عني كلكم
ديره وحشه البيها يتشتت شملكم
ويلي من رحتوا سوه بريتي شو ضاك الهوه كيالي شيال اللوه كافل حرمكم
ومن مشيتوا دمعي يجري الله يدري هالمسيه
روحي تشرح نايباتي اشعر الليله وفاتي هالمسيه
________________________
وينه ابو اليمه ردت يفزع عليه
خاف اموت وداره ياوسفه خليه
ريته يحضر يمي لحضات المنيه
سكرة الموت بوجوده اتخف عليه
لجيته ماعندي امل كلبي نيران اشتعل ها يبن خير العمل تحضر اليه
هو يحضر شدتي من ينشف دمعتي حيره والله حيرتي هالمسيه
دمعتي بصبري وصلاتي اشعر الليله وفاتي هالمسيه
قصيده للامام موسى الكاظم عليه السلام
عبدالهادي كريم العريفاوي
روووووحي عالكاظم مالومه ٢
انه امك ييمه الطاااااهره الزهره
متعنيه لمصابك ناري متوجره
وضلعي اللي ظهدني وماجبر كسره
من يوم السقيفه وروحي مهظومه
رووووووحي عالكاظم مالومه
_____________
نيران المصايب شلعت افادي
كل هاي السنين ابجي اعله ويلادي
من ارض البقيع لطوس للوادي
لسجن بغداد يبني الشاعت اعلومه
روحي عالكاظم مالومه
_________________
عليك انشد ييمه واسجب الدمعه
بجسر بغداد اشوف الشيعه مجتمعه
ابن جعفر يكول الموعد الجمعه
لكيته من المصيبه امبددله ارسومه
روحي عالكاظم مالومه
_______________
متعنيه اعله شوفك يانظر عيني
وشنهو اللي يلجمك يبني حاجيني
اواسيك بمصابك ونته واسيني
شو جنها النوايب بينه مختومه
روحي عالكاظم مالومه
________________
يم جسر الرصافه الشيعه ملتمه
وموسى من السلاسل ينزف بدمه
لاخوته القريبه ولا ولد عمه
واخبار الطبيب احشاءه مسمومه
روحي عالكاظم مالومه
___________________
عفيه بهل المصايب كلبي شايلها
بس اصعب مصيبه لروحي تكتلها
زينب بالطفوف وطاح كافلها
ومحتاره بحرمها بخطة الحومه
روحي عالكاظم مالومه
____________________
لرض الطف مشيت واجذب الحسره
حسين كبالي متوسد على الغبره
وزينب من عكب عباس متيسره
من ذيج المصايب روحي ملجومه
روحي عالكاظم مالومه
____________________
روحي من النوايب عاشت الالام
جم شده الشفتها وصوبتني اسهام
لعد زينب يموسى كاصده للشام
واتعنه المكابر كلمن ويومه
روحي عالكاظم مالومه
خادمكم عبدالهادي كريم العريفاوي
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
،
قصيده لتعجيل فرج مولانا صاحب العصر والزمان
يمته الفرج يالموعود. نقره الدعه يوميه
فاض الصبر يمته الفرج للشيعه
عهد النبي لا والنبي منبيعه
حيدر علي هو الولي بتشريعه
صار الحكم. لهل الظلم. واحنه الخصم
نقسملك براعي الجود. وبعمتك المسبيه
كسر الضلع من فاطمه آثاره
ونته الأمل لمن تكوم بثاره
ومنهو السبب ياهو الدفع بسماره
لهل الحقد. خل نستعد. لله الحمد
هالحادثه اعليها شهود. وعد البعض مخفيه
شاهدها باذرر وعلي والمقداد
وسلمان اخبرك واحد من الأشهاد
في كل عصر ماتنتهي هالاحقاد
زيد وعمر. تركوا أثر. طول الدهر
والنايبه اعلينه تعود. بكل الكتب مرويه
يالطاير بقبة ذهب معروفه
أهل الأرض واهل السماء تشوفه
يالكاصد بجيتك أراضي الكوفه
اهل العقل حق تنذهل. لا مو سهل
يالطلعتك بيها الزود. بنوارك القدسيه
يمته الفرج نورك يشع اعلينه
واللي بغض حقك حقود لدينه
منهو الذي ياخذ بثار حسينه
ثار النحر. وسبعة عشر. وأعلى النهر
متوذره زنود ثنين. بصف الكمر مرميه
قصيدة رثاء أولاد مسلم عليهم السلام
خادمكم عبدالهادي العريفاوي
مسلم اله طفلين ضاعوا حيارى
ماندري مذبوحين يو لا اسارى
عكب الكفيل الراح صوت العقيله شصاح
مسلم اله طفلين ضاعوا حيارى
-----------------------------
زينب وكفت اعله التل وتتفكد عله الصوبين
من شبت عليها النار ومن ذبحوا اخوها حسين
مذعوره الحرم كلها ماتدري الوجه لاوين
تجمع بالنسا واطفال صاحت شو بعد طفلين
بهاي الصحاري شلون اندل اثرهم
ماعندي والي يجيب عنهم خبرهم
تدري الاخو من طاح صوت العقيله شصاح مسلم اله طفلين ضاعوا حيارى
-------------------------
من جلجل عليها الليل ونيران الخيم تسعر
زينب تحمي بالايتام وجيوش العده تفتر
صعب موقفها برض الطف تكوم ونوبه تتعثر
زينب فكدت الوالي وتردها الخيل ماتكدر
بين العساكر هاي حيرتها حيره
من تمشي لرض الشام زينب اسيره
وتناشد الأرواح صوت العقيله شصاح
مسلم اله طفلين ضاعوا حيارى
------------------------
اطفال ولفاها الخوف شردوا سكنوا الوديان
بيهم زينب حتارت مصايب عاشت واحزان
تحشم وين ابو الحسنين ابوي القالع البيبان
ياليل ١١ مشؤوم متيسره بارض كوفان
ياحاضر الشدات شوف العقيله
لحامي الدخيل اليوم انه اشتكيله
كافل ظعنها راح صوت العقيله شصاح
مسلللللم
-----------------------------
ياروحي وهظمها اليوم من ليل اليمر بينه
سبايا بساحة الميدان ونريد اليوم والينه
اجت لينه الزلم والخيل كفيل العيله جاوينه
يبو اليمه اريد انخاك بعد منهو اليحامينه
طبع الدهر خوان ماعنده رحمه
اكضي العمر لجمات لجمه اعله لجمه
حك الكلب لوناح صوت العقيله شصاح
مسلم اله طفلين ضاعوا حيارى
---------------------------
من خوف ورعب واهوال ومن رعب الحرب والنار
ساروا والطريق ابعيد ومنهو اليتبع الآثار
لكن من بعد ايام حيارى وطبوا اعله الدار
عجوز الرحبت بيهم كالوا هالمسه خطار
اطفال اجيتوا منين شنهو خبركم
والدنيه بيها اخطار يصعب امركم
شو كلبي مامرتاح صوت العقيله شصاح
مسلم اله طفلين ضاعوا حيارى
---------------------
نزززله الى فاطمة العليله عليها السلام
خادمكم عبدالهادي العريفاوي
عليله اعله الوساده والظعن حددررر
مايكدر ظميري يفارك الغالي
يالتدري بمصابي وتعلم بحالي
اريد الموت اخبرك بويه اشوالي
ولا ابقه وحيده وعيني تتنطر
--------------------------
اتنطر خبركم يالتودعوني
هاي انه العليله وتدمع عيوني
يبويه اليوم اريدنكم تركبوني
وحيده بغير ابوي شلون مااكدر
-----------------‐--------
يحاجيها الحسين ودمعته بعينه
جرح كلبي بمصابج لاتلجمينه
الصبر يابويه بالسفره تودعينه
يخبرج عن مسيرتنه علي الاكبر
-----------------------------
شكثر صعبه المصايب ويلي ماتنقاس يويلي شلون اجيب الراس يم الراس
يبويه ارجوك اريدن عميي العباس
اشوف كبالي جدي المرتضى حيدر
----------------------
تخبروني الأمر شنهو الزلم والخيل
تودعني يبو اليمه ونويت ارحيل
اودعكم يبويه والدموع تسيل
يويلي دموعي وسط كليبي تتكسر
-----------------
يكللها يبويه لكربله ناوين
ماندري بمسيرتنه شهر شهرين
لابد للمسير وبالسفر ماشين
لو يمكن مسيرتنه بعد اكثر
-----------------------------
نتأخر عليج ولا تلوميني
أوامر ربي واجب من تقدريني
اذا طال السفر يابويه اعذريني
الخبر بالطف يبويه كطعة المنحر
-------------------------
قصيده للعباس ع السلام على لحن
ياليلة وفاتي
عبدالهادي العريفاوي
وي زينب عهودي اوفيها بوعودي
واجب املي جودي لو كطعو زنودي
املي الجود والمعبود لو كطعو زنودي
______
عهد زينب وجوبا ماأخلفففففه
انا العباس ماظن عندي كلفه
عرفني الموت واني الماأعرففففففه
يكلي اليوم شفتك شوفه صدفه
هاليوم ارد شوفك يافارس طفوفك
عيني الماتعوفك حارب واني طوفك
بييه الزود والمعبود لو كطعوا زنودي
______________________
اشوف ادموع من سكنه ورقيييييه
لجلهن كون امحي الغاضريه
اجيب الجود لخيمهن هديه
واظمه بصدري لو كطعوا اديه
بيدي الموت افصله حته الجود اوصله
جاري الماي احصله واكطع حته اصله
الدنيه شهود والمعبود لو كطعوا زنودي
_______________________
العساكر صوت صاحت من يجينننه
يخلي الروس عالشاطي رهينه
يترسه الجود من غصبن علينه
الندامه تصير ياناس امندينه
صاح بصوته فنكم الأ اكطع اثركم
لو جيتوا بكثركم عد سيفي خبركم
بالمجهود والمعبود لو كطعوا زنودي
____________________
وصلت الماي ولجودي مليتتتتته
انا العباس واتخطه بثنيته
اليصل للماي معناها منيته
لعد ربعه يوصيها وصيته
راح اترك فجيعه يم صوب الشريعه
جم جثه صريعه بهل ارض الوسيعه
املي اردود والمعبود لو كطعوا زنودي
________________________
يزينب ماي املي وراح اجيبببببه
واشوف جيوش وكفت جم كتيبه
اوصله الماي لو ادفع ضريبه
وانطي للاهل كلمن نصيبه
كل همي ومرامي اوصلهن خيامي
وبحفي حسامي احمر لونه دامي
والمكصود والمعبود لو كطعوا زنودي
_______________________
كسر ظهري مصاب الغاضريييييه
حظنت الجود مكطوعات اديه
يزينب جن لفت ليه المنيه
اعتذاري وياج عد سكنه ورقيه
واسكينه شأكلها مااحمل زعلها
العباس الكفلها ياربي نته حلها
زنودي شهود والمعبود لو كطعوا زنودي
______
قصيده ثلاثيه للأنصار عليهم السّلام
انصار اجينه اليوم للغاضريه
دم النحر مرخوص لبن الزجيه
للطف اجينه نريد نرفع لوانه
لسبط النبي المختار يرخص دمانه
مصرعنه بالطف صار كلمن مكانه
ماعدنه غير حسين سيد البريه
نرفض عمرنه اليوم من عكب الحسين
بدم النحر هاليوم يتثبت الدين
شنهو العذر لو كال وين العهد وين
كالوا دمانه تفيض بالغاضريه
يعلن حبيب اليوم يفدي بحياته
شيخ العشيره وهاي اجمل صفاته
يطلب رضا من حسين لحضة مماته
حتى الدماء تصير بالطف سويه
انصار اجينه اليوم نملك اراده
ربنا الجليل بهاي يرحم عباده
ماعدنه ويه حسين غير الشهاده
بس لايرد الدين للجاهليه
بسمك يبو السجاد ونته الوسيله
راية نصرنه اليوم يم العقيله
نقسم ببو الحسنين حامي دخيله
مانقبل يكولون زينب سبيه
ثابت عهدنه اليوم للباري معهود
حتى الملائك هاي بالمحشر اشهود
نفزع ابو السجاد ونحامي الاحدود
ونبذلها هالارواح الهم هديه
خادمكم عبدالهادي العريفاوي
يمته يعلن بالفرج مهديه
والله يامولاي مرينه بمحن
من السقيفه واحسب لهذا الزمن
الله يلعن من زرع هاي الفتن
عدنه واضح بالكتب قارينه
البخاري ومسلم العدهم صحيح
ذكروا الاسماء بالخط الصريح
كل فعلهم وي محمد مو مريح
والنفاق العدهم مغطينه
نقره بالتاريخ حقا ماذكر
مانجيب اسماء زيد ولا عمر
جم كتاب العدهم موثقينه
اقره بالتاريخ واعرف محتواه
بالجرائم ياهو يوصل مستواه
خللف الكلب كليبا مثل اباه
حارب الهادي وذبحله حسينه
الله يلعن كل دول اهل النفاق
دخلو ارض الشام وبارض العراق
همه ضد الشيعه شو عدهم سباق
واحنه غير حسين مايرضينه
الطفوف اليوم ردت من جديد
ورد علينه اليوم عتبه والولبد
مستحيل وللحكم يرجع يزيد
واحنه حماي الحمه حامينه
العروبه اليوم عالمذهب خطر
الحجاز وياهم ودولة قطر
يمته مولاي الفرج يالمنتظر
الشيعه كلها تصيح يامهدينه
قصيده للعباس ع السلام على لحن
عزمي عباسي جفي فقار علاء الغريباوي
رايتي وجودي كاصد الماي
اوفي بعهودي عيالي بحماي
عنواني بميداني اخطفهم خطف
مجهودي وبزودي اوصل للجرف
اتعنه واتمنه ما اسمع حرف
اتعده واتحده لو اصعب ظرف
اعهودي لزنودي اني وفاي
اوفي بعهودي عيالي بحماي
شافوني وعرفوني ماظل كل حرس
اخزرهم واصكرهم مااسمع نفس
ياعسكر من يكدر والجيش انخلس
من يغضب كل تهرب لوجهه عبس
معروف مكصودي هذا هو الراي
اوفي بعهودي عيالي بحماي
اعله سكينه تهل عينه من جاه الخبر
تعبانه عطشانه والجبد انفطر
ناداهم حاجاهم انطاهم حذر
زلزلهم بكملهم بس الله الستر
تحرم احدودي لاي شمر جاي
اوفي بعهودي عيالي بحماي
سل سيفه وبكيفه راعي المرجله
يتبختر من يكدر يتقدم اله
بجفينه وضي عينه ولجوده مله
خل فنه يدننه للشط حرمله
هذا مجهودي رايتي وياي
اوفي بعهودي عيالي بحماي
و الحومه ملغومه من فارس شهم
كل واحد ظل شارد مرعوبه الزلم
من عيونه يعرفونه العسكر ينهزم
بالحومه المعلومه انطاهم علم
املي وبزودي هذا مسراي
اوفي بعهودي عيالي بحماي
الشاعر عبدالهادي العريفاوي
ليلة الحادي عشر خادمكم عبدالهادي العريفاوي
عفتكم ضحايا وعرفت النهايه
الى الشام االايتام سبايا
بين المخيم والنهر اول بدايات السبي
ممشانه عاشور وصفر يشهدلي تل الزينبي
ياليلة االحادي عشر فوك المتن طبعوا عبي
ياويلي من هذا السفر زينب دخيلك ياابي
قريت البدايه وعرفت النهايه
الى الشام االايتام سبايا
يابالفظل يم النهر اختك وجيتك وحدي
اسمع ونينك يالاخو اشعر تكلي ردي
متعنيه ليك بهل مسه سالوفه يمك عندي
اقسملك ب طه النبي سيد الخلايق جدي
عشتها الرزايا عرفت النهايه
الى الشام الايتام سبايا
ياخويه حيره حيرتي محتا ره بين ايتامي
مهظومه والشامت يصد صارت رماد اخيامي
لحسين اروح وليك ارد تعبت يخويه اجدامي
ويعيني اصد للعلكمي والنوب ارد للظامي
يدهري كفايه وعرفت النهايه
الى الشام الايتام سبايا
باجر اذا ننوي السفر ودرب المسيرهوايه
معناها اودعك يالاخوا يم الفرات ومايه
وراسك يروح اعله الرمح وجسمك عالمسنايه
ممشانه سكته وبالعبي نحسبها هيه الرايه
فلا عدنه رايه عرفت النهايه
الى الشام الايتام سبايا
تنشدني سكنه بغيبتك شو عمنه مارد لينه
ياعمه روحي للنهر للكافل تحاجينه
كليله ياخويه تره عطشانه حيل سكينه
وكليله ماظلت خيم ولا ظل حمه يحمينه
لبسنه العبايه وعرفت النهايه
الى الشام الايتام سبايا
قصيدة رثاء أم البنين عليها السلام
عبدالهادي العريفاوي
لحضات ويكرب موتي ومنهو اليحمل تابوتي
أمن الطف مارد حسيني ولاردوا ليه ابنيني
برض المدينه اوحيدي
شو مااجوا ويلادي
يحضرني ريت العباس
ياربي هذا امرادي
وياريته يحضرني حسين
سبط الرسول الهادي
وإني باثرههم ظليت
وكلهم بقوا بالوادي
لأرض الطف انه اتنطر
عبدالله وعون وجعفر
فراك أولادي ياذيني
ياخوفي وتغمض عيني
وصلتني يمه اخبارك
بصولاتك المعروفه
زينب اجت كالتلي
فعلك اهيه تشوفه
كالتلي اخوي العباس
زلزل أراضي الكوفه
بس للاسف يااماه
مكطوعه منه جفوفه
يم النهر دك ثايه
بس حاطته الرمايه
جن كافلي يناديني
يازينب اتعذريني
خوفي النعش من ينشال
وروحي ييمه اتريدك
لاانته ليه الرديت
ولارد إليه اعضيدك
شيل النعش بمتونك
انه أدري كطعوا ايدك
وكبالي اشوفك كاعد
لمن اشوف وليدك
اعليكم مشبوحه عيوني
أولادي الليله يجوني
يالشوفتكم تحييني
حسين الماظن ناسيني
يمه شكلت يوليدي
صوب النهر من اتنام
ومحتاره بالطف زينب
من وجروا الها اخيام
ومن جلجل اعليها الليل
محتاره زينب بيتام
انه ادري لوبيك أنفاس
جا مامشت درب الشام
اختك كالت جتفوني
بهل جلمه اتغير لوني
بس أفعالك ترضيني
وفيت الزهره بديني
ذاك الظعن لمن سار
وللطف حده حاديها
كلكم نذر ويلادي
وللزهره روحي افديها
بذاك العهد وفيتوا
ولفاطمه اوفيها
لو عندي عشرة أولاد
ماابخل اني اعليها
نور الله هيه الزهره
وكليبي تقبل عذره
تشفعلي وتواسيني
يافاطمه تناديني
قصيده للزهراء ع السلام
عبدالهادي العريفاوي
ضلعي المكسور ودموعي تسيل
احنه القران واحنه الانجيل
انفخ بالصور يااسرافيل
انا الزهره ويهل دمعي بكسر ضلعي
يبويه وشاهد اصوابي
اخبرك هجموا اعله الدار زمر اشرار
الكلتلتي ذوله اصحابي
حطب عالباب جابوها ويشعلوها
وتشب نيران يم بابي
ألوذن بويه خلف الباب لان ارهاب
اجوني وحاسبه احسابي
من خلف الباب شنهو اللي صار
بضلوعي شلون ينبت بسمار
انفخ بالصور ياسرافيل
عله بابي تشب نيران بحقد شيطان
قريت احقاده بعيونه
بحقدهم كشفوا الاسرار وعلي الكرار
بحبل راحوا يچتفونه
وريثه اعله الفدك اني واجه الثاني
يكلهم خل يمنعونه
يبويه بچفه يصفعني ويرجعني
الفعل كلهم يشوفونه
احنه التنزيل واحنه التأويل
خدي المصطور من جف قابيل
انفخ بالصور يااسرافيل
يفضه كومي سنديني وتوصليني
اكوم لحجرتي مكدر
الضلع ياذيني يافضه العدو رضه
اشيلن جدمي واتعثر
انشدج عن علي وينه يرد لينه
اخافن لو غضب حيدر
اعرفه الدنيه يفنيها ويساويها
اذا يلبس قبا الاصفر
وتسأل سلمان حيدر جاوين
عكب المختار ضدنه الصوبين
انفخ بالصور يااسرافيل
الحسن وحسين شافوها وينشدوها
تكلهم بالضلوع الالام
واجت زينب لعد امها ويألمها
فعل وادم فلا اسلام
تكلها يمه يازينب بكلب يلهب
وتسولف كربله والشام
ييمه بكربله تشوفين ذبيح حسين
ويزينب ماتظل اخيام
عشرة عاشور اصعب مصباح
تشوفين الروس ترفعها ارماح
انفخ بالصور ياسرافيل
عصابه من الحقد ضدنه وتهددنه
وحكم حيدر يرفضونه
بعمرنه ماكو كل راحه الحزن لاحه
ييمه وهذا يردونه
اسولفلج عله المحراب أشد امصاب
اعله حيدر من يغدرونه
ييمه والحسن بعده بكطع چبده
بني امييه يسمونه
لچبده المسموم انتي تشوفين
يمه تشوفين يمج طشتين
انفخ بالصور ياسرافيل
عبدالهادي العريفاوي
قصيده للزهراء ع السلام
عبدالهادي العريفاوي
عاشور بضلعج مرسوم نقره الطف من ذاك اليوم
شفنه نحور وحرك اخيام وشفنه الكوفه ودرب الشام نقره الطف من ذاك اليوم
اسولفلك يبويه شدة امصابي
اجت ذيج العصابه الوكفت ببابي
هذوله اللي كلتلي بويه اصحابي
اندفع بابي عليه وشاهد اصوابي
من عكبك عشت الاحزان من زمرة حزب الشيطان
ياوسفه ادور الايام وشفنه الكوفه ودرب الشام نقره الطف
عكب عينك ولتنه زمرة الاشرار
اسولفلك يبويه اعله الجره والصار
اندفع بابي عليه وشاهد البسمار
اصيح بصوتي احضر ياعلي الكرار
شوف شصاير خلف الباب ياحيدر مو مو ضلعي نصاب
للشر متحزمين حزام وشفنه الكوفه ودرب الشام نقره الطف
شكولن لو اجو يمي لحسن وحسين
وينشدوني ييمه شيوجعج تبجين
وذا زينب تجيني اتهل دموع العين
اكلها اعله الدهر يازينب تصبرين
يوم الطف عندج مشهود لارايه العندج لاجود
والامر المؤلم والهام شفنه الكوفه ودرب الشام نقره الطف
الاهي ياالاهي الزهره مظلومه تشوف انت ضلعها وتدري مالومه
صحيح الموت اكولن كلمن ويومه
لان هاي المصيبه اعلينه مختومه
ياربي وتعلم بالحال روحي تفارك هالاطفال
خابت بعيوني الاحلام شفنه الكوفه ودرب الشام نقره الطف
ردت ويلادي يمي خل يحضروني
اخاف الليله اموت ومايشوفوني
اريد ارسم صورهم هسه بعيوني
يجون لحجرتي الليله ويودعوني
بفراك الام وحشه الدار ونتم ياويلادي ازغار
ماظن عيني الليله تنام وشفنه الكوفه ودرب الشام
اكعدي يمه زينب يابعد روحي
اريد اشرح مصايب تلجم جروحي
لراضي الطف ييمه ويه الظعن روحي
اسمعج يمه لو صحتي يمذبوحي
والروس الترفعها ارماح وحسينج من ايدج راح
وتكفلتي بهل الايتام وشفنه الكوفه ودرب الشام نقره الطف من ذاك اليوم
قصيده رثاء زينب ع السلام
عبدالهادي العريفاوي
ريت أبو اليمه يجيني آخر الساعه بحياتي
بديره غربه شونسوني لو دنت لحضة وفاتي
ودعتهم ماشفتهم آخر الساعه بحياتي
منهو يحضرها الجنازه لو دنت ليه المنيه
والبيوت الهيبه جانت هسه شو ظلت خليه
ابعدوا عني بسفرهم سكنوا أرض الغاضريه
هم دروا بيه اخوتي اني برض الطف سبيه
حشمتهم ماشفتهم آخر الساعه بحياتي
روحي مالومه اعله خوتي مااجوني الله يستر
سكنوا أرض الغاضريه وسفه بيه الدنيه تفتر
وينه كافلها العقيله يبو فاظل يالمشكر
انه ياخويه غريبه بغربتي كلبي تحيير
وين أبو فاظل كفيلي خويه هاي انه الوديعه
مو غيابك هدلي حيلي ونته يم صوب الشريعه
اتصورتهم ماشفتهم
دمعة عيوني حزينه فاركوها احبابي كلهم
انتظر يمته يجوني وانكطع مني أملهم
ماكوا بالدنيه اكولن واحد اليوصل مثلهم
ودعوني وعني راحوا مااظن يرجع وصلهم
وين أبو اليمه أريده كبالي يوكف حته اشوفه
وين أبو فاظل عضيده حته لوماهن جفوفه
اتنطرتهم ماشفتهم
ابعدوا عني اخوتي لااجوني ولاخذوني
بكربله ناموا اخوتي بس عجيبه شو نسوني
آخر أنفاسي واكولن ياالاهي هم يجوني
اني اتعنه عليهم همه ليش اتعذروني
وحدي افتر عالمنازل وحشه من غابوا اخوتي
شو ظعنهم عني شايل وأنه ادري الليله موتي
حشمتهم ماشفتهم آخر الساعه بحياتي
قصيده للعباس ع السلام على لحن
ياليلة وفاتي
عبدالهادي العريفاوي
وي زينب عهودي اوفيها بوعودي
واجب املي جودي لو كطعو زنودي
املي الجود والمعبود لو كطعو زنودي
______
عهد زينب وجوبا ماأخلفففففه
انا العباس ماظن عندي كلفه
عرفني الموت واني الماأعرففففففه
يكلي اليوم شفتك شوفه صدفه
هاليوم ارد شوفك يافارس طفوفك
عيني الماتعوفك حارب واني طوفك
بييه الزود والمعبود لو كطعوا زنودي
______________________
اشوف ادموع من سكنه ورقيييييه
لجلهن كون امحي الغاضريه
اجيب الجود لخيمهن هديه
واظمه بصدري لو كطعوا اديه
بيدي الموت افصله حته الجود اوصله
جاري الماي احصله واكطع حته اصله
الدنيه شهود والمعبود لو كطعوا زنودي
_______________________
العساكر صوت صاحت من يجينننه
يخلي الروس عالشاطي رهينه
يترسه الجود من غصبن علينه
الندامه تصير ياناس امندينه
صاح بصوته فنكم الأ اكطع اثركم
لو جيتوا بكثركم عد سيفي خبركم
بالمجهود والمعبود لو كطعوا زنودي
____________________
وصلت الماي ولجودي مليتتتتته
انا العباس واتخطه بثنيته
اليصل للماي معناها منيته
لعد ربعه يوصيها وصيته
راح اترك فجيعه يم صوب الشريعه
جم جثه صريعه بهل ارض الوسيعه
املي اردود والمعبود لو كطعوا زنودي
________________________
يزينب ماي املي وراح اجيبببببه
واشوف جيوش وكفت جم كتيبه
اوصله الماي لو ادفع ضريبه
وانطي للاهل كلمن نصيبه
كل همي ومرامي اوصلهن خيامي
وبحفي حسامي احمر لونه دامي
والمكصود والمعبود لو كطعوا زنودي
_______________________
كسر ظهري مصاب الغاضريييييه
حظنت الجود مكطوعات اديه
يزينب جن لفت ليه المنيه
اعتذاري وياج عد سكنه ورقيه
واسكينه شأكلها مااحمل زعلها
العباس الكفلها ياربي نته حلها
زنودي شهود والمعبود لو كطعوا زنودي
______
ابوذيات حسينيه
لفتنه خيول لخيمنه ورايات
وكع عباس يازينب وراي ات
السبي وايات تتلاوذ وره ايات
سبايا اتكلفت بيهن سبيه
يسكنه حسين مارد مهره جاني
عدونه بحقه جاني مهره جاني
اريد اليوم انصب مهرجاني
واكل للمصطفى زينب سبيه
قصيده ثلاثيه للأنصار عليهم السّلام
انصار اجينه اليوم للغاضريه
دم النحر مرخوص لبن الزجيه
للطف اجينه نريد نرفع لوانه
لسبط النبي المختار يرخص دمانه
مصرعنه بالطف صار كلمن مكانه
ماعدنه غير حسين سيد البريه
نرفض عمرنه اليوم من عكب الحسين
بدم النحر هاليوم يتثبت الدين
شنهو العذر لو كال وين العهد وين
كالوا دمانه تفيض بالغاضريه
يعلن حبيب اليوم يفدي بحياته
شيخ العشيره وهاي اجمل صفاته
يطلب رضا من حسين لحضة مماته
حتى الدماء تصير بالطف سويه
انصار اجينه اليوم نملك اراده
ربنا الجليل بهاي يرحم عباده
ماعدنه ويه حسين غير الشهاده
بس لايرد الدين للجاهليه
بسمك يبو السجاد ونته الوسيله
راية نصرنه اليوم يم العقيله
نقسم ببو الحسنين حامي دخيله
مانقبل يكولون زينب سبيه
ثابت عهدنه اليوم للباري معهود
حتى الملائك هاي بالمحشر اشهود
نفزع ابو السجاد ونحامي الاحدود
ونبذلها هالارواح الهم هديه
قصيدة للأمام الحسين مع زينب يوم المصرع
خادمكم عبدالهادى العريفاوي
----------------------
حركوها خيامي مرعوبه ايتامي يازينب
ارد انهض روحي وتردني جروحي يازينب
شمر كطعلي نحري مشت خيل اعله صدري يازينب
-------------------------
تشوفين بعينج مطروح حسينج
ودمعات عيونج زينب يختي تاذيني
هاي اخر ليله لميها العيله
والسهم بجبدي يابت حيدر ودعيني
حيرتي حيره بينك وبين الكفيل اعله الشريعه
كلكم بالحومه المن تروح وتسولف هالوديعه
انظر بعيوني والأهل كلها براضي الطف صريعه
اعله الشاطي ومايه مطروحه الرايه واويلاه
وفاي اعهوده مكطوعه ازنوده واويلاه
شمر كطعلي نحري مشت خيل اعله صدري يازينب
------------------------------
يشوف الخياله تسلب بعياله
حسراته بروحه حسين وروحه المالومه
اعله التل تنادي ياسبط الهادي
ياوسفه شصاير سلبوها من حسين هدومه
اختك محتاره اكعد وشوف اشجره بالغاضريه
من عكب عيونك خويه زينبكم صفت بالطف سبيه
بالوادي ايتامك خويه ماتنهض تجي تفزع عليه
ياروح الزهره ضلوعك متكسره يالمذبوح
ربنا اليحمينه غايب والينه يالمذبوح
شمر كطعلي نحري مشت خيل اعله صدري يازينب
---------------------------
ماظلت خيمه عيالك بالهيمه
تركض بالوادي اختك تجمع بالعيله
هلبت بي ظنه يرجع كافلنه
يشوف المسبيه وين الكافل واشكيله
ياكافل زينب خويه ماترجع يبن حيدر علينه
نعاين عالشاطي كلها تتنطر ابو فاظل يجينه
من بعد عيونك خويه لرض الكوفه يالكافل مشينه
راسك يبرالي بس عاين حالي ياعباس
ترضه تخليني عداك مجتفيني ياعباس
شمر كطعلي نحري مشت خيل اعله صدري يازينب
----------------------------
يادرب الكوفه شماتي تشوفه
محتاره بأمري ارجع خويه اعله يتامك
منهو اليفزعلي ومنكم يرجعلي
اكعد يالوالي طفي النار البخيامك
وحدي بهل حومه زينب العدكم كبل جانت اميره
عاين لحوالي هسه برض الطف صفت زينب اسيره
كلكم عفتوني ماكو فزاع الاجاني من العشيره
اختك مجتوفه راحت للكوفه مسبيه
الكافل خلاني عشت بأحزاني مسبيه
شمر كطعلي نحري مشت خيل اعله صدري يازينب
------------------------------
انته وعباسك عالرمح راسك
وانه مسبيه وتكفلت بهل الأيتام
صبرك ياصبرك من كطعوا نحرك
راسك يبرالي يالكاصد ويانه الشام
عاين لسكينه من تصد ليك وتسولف ياقضيه
وتكلك بابا انه سكنه وهاي البصفي رقيه
عفتك يالوالد جثه مسلوبه براضي الغاضريه
دمعات عيوني من سوط متوني يابويه
اكعد واحجيلك بدمعاتي اشكيلك
شمر كطعلي نحري مشت خيل اعله صدري يازينب
