قصيدة لأستشهاد الإمام الحسن ع السلام
خادمكم عبدالهادي العريفاوي
صوبوا نعش الحسن ويلي من اهل الفتن
والعقول الطائشه
وخططوا هذا العداء بيها رسموا كربلاء
وبقيادة عائشه
------------------------------
يسبط المصطفى المختار شنو اللي صار
زمانك وسفه يتعده
بطفوفك صعبه ماتحضر يالمشكر
وابو اليمه يظل وحده
جريمه المامثلها تصير شنو التغيير
لعينه بهل الفعل جعده
سبب هاي المكايد خوف سبب معروف
عليكم رجعت الرده
موقف الأمه اللعين ماعرك منهم جبين
والحقد طول الزمن
تشهد بهاي السماء بيها رسموا كربلاء
وبقيادة عائشه
----------------------------------
يبن قالع حصن خيبر فخر حيدر
عليك الشيعه مهظومه
عله امصابك دمع يجري نعم تدري
مصايب كلها مختومه
تلوج من الألم مهظوم جبد مسموم
مصابك عندك اعلومه
يريت بكربله تحضر أشد منظر
اخوك امسلبه هدومه
تحضر بيوم الطفوف سيدي وعينك تشوف تنظر عيونك لمن
خطه ضد الاولياء بيها رسموا كربلاء
وبقيادة عائشه
--------------------------------------
عله عيالك تدير العين ولخوك حسين
وتشاهد كل ولد عمك
وتكل لزينبك ردي الجرح يدي
وتعاين للطشت يمك
يريت الحاضر اعله الصار علي الكرار
وتشوفك فاطمه امك
من الحقد عشت العذاب منك نريد الجواب وسفه والحق اندفن
شيعتك نصبوا عزاء وبيها رسموا كربلاء
وبقيادة عائشه
-----------------------------------
يضربون النعش ارجاس وطلع عباس
يجررد صارمه بأيده
وابو اليمه شرح امره وبده يصبره
بكلام ويقنع اعضيده
مواقف يرسم بعينه عله حسينه
بطل والمعركه عيده
يكله كربله يومك تره اعلومك
ردت موقف علي اتعيده
ينتظر يوم الطفوف وعالنهر يرسم جفوف عالشريعه اتوذرن
ماسبب هالاعتداء بيها رسموا كربلاء
وبقيادة عائشه
-----------------------------------
لفت ليك المنيه تشوف وضع مألوف
اخوتك كلها يم راسك
ولا جسمك عله التربان ولا عريان
ولا حر الشمس جاسك
ولا راس برمح مرفوع ويسيل ادموع
مواقف تجرح احساسك
ولعد صوب الشريعه تروح كمر مذبوح
شريعه وبيها عباسك
والأهل خلصوا ذبح وراس اخوك اعله الرمح حسين اخوك المرتهن
هذا حقد الاشقياء بيها رسموا كربلاء
وبقيادة عائشه
قصيدة نزززله للأمام الحسن ع
خادمكم عبدالهادي العريفاوي
--------------------------------
للبقيع نروح ننصبلك عزاء
للبقيع نروح ننصبلك عزاء
ماتهمنه الزمره عباد الوثن
ذوله اصحاب المكايد والفتن
من نريد نروح يم كبر الحسن
البقيع يصير عدنه كربلاء
--------------------------
يبقه عدنه الصوت ياخير العمل
واحنه ضد اللات والعزى وهبل
اي وحق حسين ولزينب كفل
بالدماء اليوم نبصم بالولاء
----------------------------
الشيعه بالارواح تكصد للبقيع
نقسم بطف كربله ونحر الصريع
الحسن وحسين بالمحشر شفيع
همه واحد ثابت بأمر السماء
-----------------------------
الحجاز اليوم من عدنه اشتريد
يبقه حب حسين يسري ويه الوريد
لاتفكر بالحكم يرجع يزيد
احنه ضد الطاغي ماعدنه انحناء
----------------------------
ضد بني سفيان نرفع لافته
شلون نعش المصطفى من صابته
وللحسن جعده اللعينه سمته
لاظمير العدها لاتملك حياء
----------------------------------
هذا ريحانة محمد ياترى
شلون يازمرة اميه الكافره
هذا بن سيدة نساء الطاهره
هذا بن سيد الرسل والأنبياء
----------------------------------
شلون جبدك يالحسن لمن يطيح
والطشت عنك يشيلونه تصيح
ويلي يالمسموم يالكلبك جريح
ال أميه شلون نصبولك عداء
--------------------------------
بحسره وبأهات كضينه العمر
وتدري يالموعود ماظل كل صبر
كون اشوف شلون تقضي اعله الكفر
اني اسولف هاي من باب الرجاء
----------------------------
يذكر التاريخ والفاهم عرف
ال أميه القذره مشبوهه النطف
واليضدهم هذا قمه من الشرف
ذوله مو بذرة شرف كلهم شناء
--------------------------------
جم ظمير اليوم لمصابك فجيع
ومنهو غيرك بالحشر يوكف شفيع
من نزور حسين جن زرنه البقيع
هاك اخذ مولاي من عدنه الوفاء
----------------
قصيدة لرجوع السبايا من الشام الى كربلاء لحن رحنه بظعينه
خادمكم عبدالهادي العريفاوي
-----------------------------
زينب سبيه يهل الحميه
من كربله لرض الشام واتكفلت بالايتام
وماتت رقيه يهل الحميه
جيتك يخويه من اليسر هذا اليوم
يوم اربعينك يالولي يامظلوم
اشكيلك شصار وجره هوايه هموم
مثل الحمام اعله الجسد كمنه انحوم
جثه سليبه بالدم خضيبه
ماظلت اعلينه اخيام واتكفلت بالايتام
وماتت رقيه يهل الحميه
-------‐--------------------------
لمن طحت ونته كطيع المنحر
صوب الخيم هجمت علينه العسكر
حيلي انظهد انكل جدم مااكدر
كل خطوه اخطيها كمت اتعثر
وليه انولينه واحنه انسبينه
جارت علينه الظلام واتكفلت بالايتام
وماتت رقيه يهل الحميه
------------------------------------
كبالي شفت ياخويه كطعوا نحرك
وخيل الاجت كامت تدوس بصدرك
جم نايبه البيها اجينه انخبرك
الله المعين لصبري وخويه وصبرك
صرنه سبايا وماعدنه رايه
اعله العلكمي الكافل نام وتكفلت بالايتام
وماتت رقيه يهل الحميه
-------------------------------------
بت حيدر وتالي الدهر ياذيها
بطف كربله وسفه الشمر يسبيها
بدرب السبي لمن حده حاديها
مامش اخو يفزع يجي و يحميها
عكب العشيره زينب اسيره
عاشت اختكم االام وتكفلت بالايتام
وماتت رقيه يهل الحميه
----------------------------------
للعلكمي رحت وزرت كافلنه
يابلفظل هالعايله ايحاجنه
لرض الوطن منهو الذي ايوصلنه
يوم اربعينك ياخويه يمك كلنه
اختك عفتها ماوصلتها
دارت عليها الأيام وتكفلت بالايتام
وماتت رقيه يهل الحميه
--------------------------------
خويه الدهر دولبني يبن الزهره
بذيج الخرابه العايله متيسره
وتدري برقيه لجيتك منتظره
جابوا طشت وتشابكت وي نحره
شبكت ابوها من عذبوها
واندفنت بارض الشام وتكفلت بالايتام
وماتت رقيه يهل الحميه
----------------------------
قصيده نعي للسيده رقيه ع السلام
خادمكم عبدالهادي العريفاوي
----------------------
رقيه اليوم تمشي بنص الأيتام
العزيزه مدلله وبحضنك تنام
نامت بالبراري اخلاف الاخيام
انا اشعرفني يبويه بديرة الشام
سبيه اعله الهزل مجتوفه اديه
-----------------------
سبيه اعله الهزل وينك يالحسين
لفت ليه نوايب كربله منين
راسك عالرمح بويه الجسد وين
مشت درب اليسر بس النساوين
بسواد الليله شو دارك خليه
-------------------------
تعب كلبي يبويه من البواجي
عكب عينك خذوا مني التراجي
اشوفك وين ياحلوا المحاجي
مدري ليا مصيبه الدهر راجي
اشوفك عالرمح واتصد عليه
------------------------
اشوف اخيال طولك ها يبابه
المصيبه البيه مرت بالخرابه
سمع صوتي اللعين الطشت جابه
يويلي الكلب جن حاسب احسابه
براضي الشام تلفاني المنيه
----------------------
قصيدة للسبايا لحن الحاج باسم الكربلائي يعباس مامتت ماتت الشريعه
خادمكم عبدالهادي العريفاوي
-----------------------------------------‐---
وويلاه عالترب نامت العشيره
وويلاه تنضرب زينب الأميره
بكليبي ينزف جم جرح لمن اصد اعله الرمح وكبالي راس المنذبح
لاليلي ليل ولاصبح وويلاه وويلاه
--------------------------------------
والله محتاره شأسوي بهل المسيه
وماكو واحد من اخوتي يرد اليه
شمحله كعدتنه امس جانت سويه
شنهو حلها الليله برض الغاضريه
وليان ماترد للشام نستعد
متريد اي شرح وويلاه
-----------------------------------
وآلله صعبات النوايب من لفني
يبست رياكي يخويه ومرمرني
والنسا يحسين كلهن كابلني
مدري هدي اطفال لو سككت هذني
دمعات من تهل بعيون كل طفل
انفاس من تشح وويلاه
---------------------------------
بخيمة العباس امس لمن كعدنه
ليلة العاشر خطيره وبيها هدنه
انه واسكينه ورقيه من نشدنه
وسفه تبجن وحنه بالدنيه بعدنه
مرفوض اي دمع وكلوب تنفجع
وجفون تنجرح وويلاه
------------------------------------
من رحت صوب الشريعه خويه صحنه
الله يستر من خبرها وجنها محنه
تدري من طاح العلم كل احنه طحنه
أمن انذبح كافلنه حتى احنه انذبحنه
مطروح ياعلم والنار بالخيم
وانروف ياجرح وويلاه
--------------------------------------'
انته يم صوب النهر ياخويه باقي
شلون اشوفك ويلي لو زاد شتياقي
يكلها يازينب نعم يصعب فراقي
هنانه ينصبلي عزه الشيعي العراقي
واحزان بالدول يقرون مستهل
والدين يتضح وويلاه
-----------------------------------
من اصد اعله الرمح غصبن عليه
كبالي راس حسين والاخوه البقيه
ماكو واحد ياخلك يفزع اليه
انه جنت مخدره وهسا سبيه
ترضون عالجره معقول ياترى
هيهات تنمسح وويلاه
-------------------------------------
قصيدة مسلم عليه السلام
خادمكم عبدالهادي العريفاوي
مسلم نزل للكوفه يرسم خيم والحرم
للحرب يعلن نزاله
ظل ثابت بعزمه الشهم والنعم للعلم
يقره بالكوفه الرساله
لامايظل قصر الاماره وبكل عزم يبني السفاره
مسلم بطلها
--------------------
للكوفه مسلم من وصل
ياللاسف كل الطرق ممنوعه
ياويلي من اهل الغدر
راية حرب ضد البطل مرفوعه
كاللها اهلا بالحرب
ماخذ عزم من حيدره ياطوعه
العساكر من اجت وتفاجأت من هالشجاعه
يمسلم والنعم بيك الزلم تملك قناعه
نفس عمك علي ذاك الولي ماخذ طباعه
يابو حميده وذوله اهل الردى والحاقده
خل يشوفون النهايه
راد ابو اليمه يصل منك خبر عالاثر
يوصل بأول بدايه
باب الحرب صار اختياره
وبكل عزم يبني السفاره
مسلم بطلها
---------------------
والكوفه موقفها الحذر
مغوار اجه وشايل عزم قدومه
ضد النفوس الحاقده
يعلن على اوكار العده هجومه
نار وشرار بموقفه
بعزمه السمه متبلده غيومه
يفكر بالظعن ومن الوطن قادم مسيره
وصول العايله لطف كربله اللحضه الاخيره
عكب عين الاهل ميظل امل زينب اسيره
ياللمصيبه الوادم اهل الحقد تستعد
سلكت بدرب الخيانه
يدفع ضريبه الينكر ال النبي الناصبي
مابعد يملك ديانه
لاهل العدل يعلن قراره
وبكل عزم يبني السفاره
مسلم بطلها
--------------------------
شكد هاني بن عروه بطل
يبذل له بيت المصطفى حياته
ميهمه اوكار الدجل
هاي الشجاعه الفائقه صفاته
ثابت على نهج النبي
نهج العدل والمعرفه بصلاته
مواقف مؤلمه من المجرمه ضد العقيده
الكلاب السائبه هالناصبه جدا عنيده
على دين النبي والطالبي كلش بعيده
ثابت يطوعه واني املك عهد عالوعد
احنه اصحاب السياده
نهج العداله واحنه اهل الوفه والمعرفه
ربك اليرحم عباده
بدرب العدل يملك صداره
وبكل عزم يبني السفاره
مسلم بطلها
--------------------
سيفي شكثر ياكل زلم
والكوفه يرعبها رعب نشيدي
يااهلا بسوح الحرب
اكظيها كضيان وعلي اعله ايدي
ارعد غضب بالمعركه
خل تحذر اشباه الزلم رعيدي
اسوي الخاتمه بالملحمه ومن البدايه
اشوف العايله بطف كربله كلهم سبايا
العقيله اميسره ومحيره تشوف المنايا
شنهو الجره بطف كربله المشكله والعايله بالسبي وماعدهه رايه ياويلي من هالفاجعه بالالم موجعه
عالرمح تمشي المنايا
والعايله تمشي اسارى
وبكل عزم يبني السفاره
مسلم بطلها
-----------------
راح انطي للكوفه درس
هذا انه ضنوة حيدره وفقاره
حوم انه والكطهم لكط
سيفي على الروس انختم قراره
انه السفير بكل فخر
بالكوفه لازم تنبني السفاره
اريد اترك اثر وبكل فخر لحضة قتالي
الوجوه الكالحه بالنايحه
تعرف نزالي
العساكر لو اجت وتمركزت انه المثالي
ياشيخه طوعه والفخر موقفج جنه الج
اخذي من عندي الضمانه
ويه الزجيه موقفج بالشرف وانعرف
والعهد مني امانه
وبموقفج فاز اختباره
وبكل عزم يبني السفاره
مسلم بطلها الكوفه وصلها
قصيده نزززله للأمام السجاد ع السلام
خادمكم عبدالهادي العريفاوي
---------------------------------
سيدي السجاد ياباب الرجاء
ماتهمنه الزمره عباد الوثن
ذوله اصحاب المكايد والفتن
نكصد السجاد وايام المحن
والبقيع يصير عدنه كربلاء
---------------------------
يبقه عدنه الصوت ياخير العمل
واحنه ضد اللات والعزى وهبل
بينه هذا الصوت من عصر الأزل
بالدماء اليوم نبصم بالولاء
------------------------------
شيعه بالارواح نكصد للبقيع
ونحضر بطف كربله ونحر الصريع
والحسن وحسين بالمحشر شفيع
همه واحد ثابت بأمر السماء
--------------------------
يبقه حب حسين يسري ويه الوريد
تبقه عندي حروفه للمحشر نشيد
لاتفكر يوم يرجعلي يزيد
الشيعه تعلن للخلك هذا النداء
------------------------
ال أميه انجاس فسقوا بالارض
اليهود اعلينه فرضتهم فرض
والشعار اليوم من عدنه الرفض
احنه ضد الطاغي ماعدنه انحناء
----------------------
ضد بني سفيان نرفع لافته
شلون جبد المصطفى من صابته
عن علي السجاد اشرح قصته
من بني مروان شاف اعظم بلاء
-------------------------
هذا ريحانة محمد ياترى
ليش يازمرة أميه الكافره
هذا بن سيدة نساء الطاهره
هذا بن سيد الرسل والاولياء
---------------------------
وسفه يالسجاد جبدك من يطيح
ونته يامولاي بجروحك تصيح
ويلي يالمسموم يالكلبك جريح
ال اميه شلون نصبولك عداء
--------------------------،--
ندعي يالموعود ماظل كل صبر
سيدي باهات كضينه العمر
كون اشوف شلون تنزل عالكفر
يالضهورك سيدي بأمر السماء
-----------------------------
سيدي السجاد من مثلك صبور
بالطفوف تشوف مكطوعه النحور
بالمصاب البيك نلطم عالصدور
واحنه في كل عام ننصبلك عزاء
-------------------------------
موشح قصيده للسيده زينب ع السلام بعد عاشر محرم
خادمكم عبدالهادي العريفاوي
عاشر بعاشور وشعندك خبر
بيك ابو السجاد مكطوع النحر
اه يازينب يبت عقد الوله
شكال كلبج من اجيتي لكربله
والظعن عباس بيده اتكفله
وللطفوف ايام كضيتي السفر
----------------------------
بالطفوف ايام عشتيها بألم
حيلج بعاشور يالحره انهدم
من عكب عباس شيال العلم
يامصيبة كربله بصوب النهر
--------------------------
يوم عاشر من يشح بيج النصيب
من يظل حسين برض الطف غريب
من تصد عينج عله النحر الخضيب
من تسحكه الخيل وتكطعه وذر
--------------------------------
ويلي من ليل ١١ عشتي الألم
طاح ابو السجاد حركوها الخيم
ولا ابو فاظل يجي وبيده العلم
يامصاب العايله بليل الخطر
-----------------------------
انتي بت حيدر علي حامي الحمه
وفخرج المشهود امج فاطمه
بكل علوم الدنيه انتي عالمه
وعشتي بالأحزان عاشور وصفر
------------------------------
عفيه صبرج يالعقيله اعله الجره
كبالج العطشان حزوا منحره
وعالشريعه يطيح سبع الكنطره
احضر الها ياعلي فارس مضر
-----------------------------------
يامصيبة كربله الماتنحمل
مخدرة حيدر ركبتي اعله الهزل
كل اهل بيتج كضوا بالطف جتل
وماكو واحد بالسبي يمج حضر
---------------------------
تطبير يوم العاشر
خادمكم عبدالهادي العريفاوي
اريد اثبت ولائي اذا سالت دمائي
دليلي بنتمائي حسيني كربلائي
-----------------------
لا ماتكفي تنزل دمعتي
يوم العاشر اعلن ثورتي
بيدي القامه واطبر هامتي
مو دم يطفح تطفح غيرتي
لجل حسيني فدوه طبرتي
اريد بهل قضيه اعيش الغاضريه
واحارب ال اميه واراويهم بلائي
-------------------------
تدمع عيني واخجل بالدمع
شنهو الدمعه للي منصرع
رضوا صدره وكسروا كل ضلع
وجن اتصور نحره المنكطع
واجب اطبر حتى اني اقتنع
نعم بكليبي غايه فلا هاب المنايا
حقيقه مو روايه لمن يسمع ندائي
-------------------------
كبالي اتصور زينب عالنهر
تحاجي الكافل اكعد يالكمر
زينب ظلت ياخويه بخطر
عباس اكعد رد لختك خبر
هذا الموقف بي ظهري انكسر
تكله يارجانه منو غيرك حمانه
اذا طايح لوانه الك انصب عزائي
--------------------------
زينب ظلت بالطف حايره
هذا الموقف عقلي اتصوره
حسين تشوفه حزوا منحره
وهذا الكافل جفوفه مطشره
ياهو اليفزع منهم ياترى
اعيش بهل مصيبه على اجساد الخضيبه
بكت زينب غريبه اروح الها فدائي
------------------------------
زينب عاشت حسرات والم
لمن تمشي تعثر بالجدم
عكب الكافل شيال العلم
تبجي بحسره ماعدها خيم
لكن ردت تجمع بالحرم
مشت تركض تلمهم عكب طيحة علمهم
ابوهم هيه وامهم بنت خير النسائي
قصيدة نزززززله لمسلم بن عقيل بن عقيل ع السلام
خادمكم عبدالهادي العريفاوي
---------------------------
مسلم المغوار احنه انصاره
مسلم المغوار احنه انصاره
ثورة الاحرار عنوان اليقين
في طريق الحق حقا سالكين
ولهذا اليوم منهاج الحسين
بكل زمن تقره نهج ثواره
---------------------------
هاهو المغوار شبل المرتضى
عاد بالحملات أمرا قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما بالحرب عنوان الطفوف
مسلم المغوار ذو القلب الرؤوف
وناس واقعها الدجل غداره
---------------------------
مسلم الصنديد عنوان السلام
يصعب التعبير اثناء الكلام
انما الاشرار للحق لئام
ناس صارت بالأرض جباره
----------------------------
ثورة الاحرار في كل العصور
يهتدي للحق ذو القلب الغيور
داعيا للبغيي ويلا والثبور
واحنه بالمحشر نشوف اخباره
---------------------------
منهج الاحرار عنوان الحياة
لاتخاف الموت في وجه الطغاة
وحسين السبط اسطول النجاة
الله يعلم سيرته واسراره
-------------------------
لا احب اليوم نهج الناصبي
انه والله ذو العقل الغبي
بالحسين السبط هذا مطلبي
والامام المهدي ياخذ ثاره
----------------------------
انما الرحمن للخلق رحيم
لن يعادي الحق ذو القلب السليم
من يعادي الحق شيطانن رجيم
الله يعلم وشتدور افكاره
-------------------------------
ال اميه اليوم في الوجه الجديد
تطلب العوده الى دولة يزيد
شيعة الكرار طوقن من حديد
بيهم العالم صفت محتاره
-----------------------
قصيده نزله لمسم بن عقيل ع السلام
خادمكم عبدالهادي العريفاوي
الكوفه شنهو البيها
مسلم بواديها
مسلم الكوفه نزلها بكل فخر
سيفه بالحملات ينطيك الخبر
هذا عمه المرتضى فارس مضر
من كدر يخفيها مسلم بواديها
----------------------
الكوفه صاحت غوث من سيل الدمه
هذا مسلم لو أظنها الحاطمه
حطم جيوش الظلاله المجرمه
سيفه مايخطيها
---------------------------
والمشه بنهج الظلاله ومنحرف
ضد محمد نجهه باطل يختلف
باجر بيوم القيامه ينعرف
الجنه ميطب ليها
-------------------------
الكوفه يقظه تعيش لو عاشت حلم
هذا مسلم بالحرب عدهم علم
بسيفه شايل غيره واخلاق وعزم
سيفه من يطويها
------‐-----------------------
الكوفه صاحت بالحرب شنهو البديل
هذا مسلم جاي لو حامي الدخيل
الله يستر ماحضر بيها الكفيل
الكوفه يقضي اعليها
----------------------------
سيفه مسلم بالمعارك زلزله
الكوفه داخت كلها صاحت معضله
سيفه بالحملات يرسم كربله
لو حده حاديها
---------------------------
طلعة الموعود عنوان النصر
شيعة الكرار بالحق تفتخر
لكن الأعداء ضد ال الطهر
من عمه اليعميها
-------------------------------
قصيدة ليلة الوداع
خادمكم عبدالهادي العريفاوي
هالليله حسين مودعينه
يوم العاشر من يحمينه
-------------------------
من يوكع باجر واليها
زينب شنهو اليجري اعليها
اخته وبعياله يوصيها
بالحسرات وتسجب عينه
-----------------------
لو اصبح باجر يالحرره
ساعات اعله كليبج مرره
يوم العاشر واضح شرره
والموقف باجر ياذينه
------------------------
برض الطف وحدي تخلوني
باجر يطفن نور عيوني
واعداك خلافك يسبوني
من ديره لديره تودينه
----------------------------
يازينب عينج ليتامج
باجر لو حركوها خيامج
مسبيه وياطول ايامج
وحتى السجاد مكيدينه
-------------------------
تكله الكافل شنهو اخباره
تسأل والمدمع يتجاره
زينب برض الطف محتاره
صبرج زينب الله يعينه
-----------------------------
والكافل مايرجع جوده
مكطوعات ثنين زنوده
واعداج التوصل لحدوده
وتنادين الكافل وينه
-------‐---------------------
ياويلي العامود براسه
يندب زينب كل احساسه
والحسره بآخر انفاسه
يم صوب الشاطي تودعينه
-----------------------
يختي وخيل ادوس بصدري
يعينج الله بكطعة نحري
باجر من يتطشر خدري
يازينب ونتي تبارينه
يوم العاشر من يحمينه
---------------------'------------------
قصيده ضد اهل الفتن
خادمكم عبدالهادي العريفاوي
اهل الفتن في كل زمن
تشعل حرب تعبد وثن
خاسر يظل دنيه ودين كلمن تبع شيطانه
---------------------------
كلمن يضد نهج النبي وقانونه
اهل العدل والمعرفه يذمونه
مثل الشمس واضح تره يعرفونه
وتدري الكتاب المطروح ينعرف من عنوانه
ربنا الصبور بقدرته وافعاله
فرعون اجه هوايه اجت امثاله
بهذا الزمن ناس شكثر دجاله
واهل الشرف والإيمان من هالوضع حيرانه
------------------------------
طف كربله اعظم مصاب البينه
ربنا الصبور اعله الجره ويه حسينه
بدم النحر لابد يثببت دينه
مو صعبه عد الجبار يفني الحرك قرانه
--------------------------------
الفكر اليهودي اعله العقايد شيريد
نعرف مرامه وغايته بالتحديد
بفكره النجس مايعترف بالتقليد
واهل العقيده يكولون شطنطن الذبانه
----------------------------
بغيبة امامي المنتظر لمن غاب
مافارك الناس وكعد سد الباب
لدين النبي رشحله اربع نواب
وهذا دليل التقليد ماينجلي برهانه
---------------------------
ليش الحقد ضد حيدره واولاده
وكلمن يضدهم بالحشر ميعاده
اهل الخديعه والدجل اسياده
ثابت علي اصل الدين خيبر قلع بيبانه
قصيده لأم البنين واولادها ع السلام
خادمكم عبدالهادي العريفاوي
--------------
ام البنين الأربعه عدها وصيه
كلكم فده بطف كربله لبن الزجيه
كلكم فده بطف كربله يارفعة الراس
ونته الكفيل اعله الظعن اسمع يعباس
خدر العقيله الطاهره ماريده ينداس
وحارس تظل يم الخيم بالغاضريه
------------------
تقصير ابد ماينقبل كلكم تسمعون
كلكم لعد بت حيدره تندار العيون
جعفر يعبدالله اسمعت واسمعني ياعون
ويلادي بيكم افتخر وكت المنيه
-------------------------
عباس اذا سار الظعن والرايه بيدك
بالموزمه يالبفظل تسند عضيدك
يبني لحد ماينكطع منك وريدك
حق البتول الطاهره واجب عليه
-----------------------
هاي الوديعه بكربله تنصب خيمها
كل واحد كبال الخيم يتخطه يمها
تفرح اذا شافت يرف يمها علمها
يم زينب كبال الخيم كلكم سويه
-----------------------------
عندي خبر مسند الك بكليبي موجود
خوفي يبو فاظل اذا تنداس الاحدود
صوب الشريعه لو طحت مكطوع الازنود
منهو الذي يروي بعد سكنه ورقيه
----------------------
تسمع يبو فاظل ردت هذا الخبر زين
تأمر اخوتك للحرب جدام الحسين
بيك الكفايه بكربله ياكرة العين
ونته شبل حيدر علي حامي الحميه
------------------------
خوفي اذا طاح العلم صوب الشريعه
معناها زينب بت علي تعيش الفجيعه
منهو بعد يابلفظل يحمي الوديعه
للكوفه تمشي اميسره خلافك سبيه
قصيدة رثاء القاسم عليه ألسلام
خادمكم عبدالهادي العريفاوي
نهاري وليلي ومصاب جروحي
الوداع الليله يضنوة روحي
يجاسم يبني بديت بنوحي
تمشي وتخليني يبني ياضي عيني فركتك تاذيني ياجساااااااام
امك المهظومه لو رحت للحومه بفركتك مالومه ياجسااااااااام
حنتك بيدك يويلي وزفتك هالليله
يحفظك الباري ييمه وادعي حامي ادخيله
ياجسام ياجسام
-------------------------------
حبيبي الغالي بوداعه الليله
اذا ودعني منو الاشكيله
اطب للخيمه دعاء ادعيله
ربي احفظ ابني فركته تعذبني
وكتي خاف يذبني ياجسااااام
بس سواد الليله مابعد كل حيله اكعد واشكيله ياجسااااااام
الله يعلم شنهو باجر غايته ومضومنه
لو طلع جاسم عليهم خايفه يذبحونه
ياجسااااااام
--------------------------------
يحسرة روحي فكدت الراحه
الفجر لو بيين بزغ مصباحه
يروح وليدي بحقد ذباحه
سهر ليلي وتعبي شكوى لك ياربي
عيني لك من تربي ياجساااااام
روحي يالمالومه من وصل للحومه
ابني شنهو اعلومه ياجساااااام
يبني دمعات الحزن من فركتك تاذيني
خوفي مذبوح واشوفه يامصيبة عيني
ياجساااااااام
-------------------------------
وداع وليدي يعذب حالي
اموت خلافك ييمه اشوالي
اطب للخيمه ومكانك خالي
امك المحتاره دهري شنهو اسراره
من تجيك الغاره ياجساااام
ربي عيني بعينك ظل وحيد حسينك يبني ضحي لدينك
ياجساااااام
ابني جاسم بالحرايب ربي انته تشوفه
ينصر حسين وعياله من غدرها الكوفه
ياجسااااااااام
-------------------------------
انكطع يوليدي هواها الريه
غبت عن عيني ورحت مسبيه
اشيل اجدامي بعد مابيه
من يجون اصحابك عنك ينشدوني
وينه جاسم وينه بس تدير عيوني
عفته وسط الحومه وكلهم يواسوني
عفته جاسم بالطفوف وهذا دم اوريده
وحنته صارت يويلي دمه صابغ ايده
ياجساااااام
-----------------------------
قصيده كعده للأمام الحسن عليه السلام
خادمكم عبدالهادي العريفاوي
----------------------------------
دولة الباطل على الباطل تميل
ياسقيفة ساعده صبرا جميل
شما تمر بينه الدهور لابد ليوم الظهور
ياسقيفة ساعده صبرا جميل
صرنه من آدم خليقه وانبياء شكد قرينه
بيها مذكوره قصصها وبيها ماوردت علينه
كلها حملتها الرساله والرسل بالحق امينه
اقره الكتب منها افتهم ذكروا محمد بالاسم هو وعلي روح بجسم
يعني واحد لو قرينه
الدنيه مخلوقه فقط لهل الكساء
مايفيد شما تناصب للعداء
والوعد يوم النشور لابد ليوم الظهور
يلسقيفة ساعده صبرا جميل
--------------------------------------
جم نبي اظهر معاجز والمعاجز مهدويه
واضح بعترة محمد صارت الها الاولوية
والمعاجز كلها صارت بالاسرار الفاطميه
نوح بسفينه يبتلي صاح بصعوده ياعلي
بجاهك اريد من العلي تحضر الشده العليه
من حضرها الشده حيدر بالبحر
بليس من عنده اخذ حيطه وحذر
ايده كصها من الجذور لابد ليوم النشور
ياسقيفة ساعده صبرا جميل
------------------------------
ارد انصحك يالمخالف والنصيحه شكد رشيده
عدنه قرآن ورساله وعدنه بالهادي عقيده كل كلامه بأمر ربه يكول من بعدي الصميده
ليش بعلي شو تختلف شيطانك انته شكد كلف عن العدل شو تنحرف وتمشي بالسجه البعيده
تتبع اصحاب السقيفه الفاسقين
وتترك انوار الهدايه الصالحين
انته بالمنهج كفور لابد ليوم الظهور
---------------------------،،،،---
ابلا فهم هذا نهجكم ونتوماعدكم كرامه
واليسولف عن محمد يحجي لازم بالامامه
ياخليفه التحجي عنه باجر اطيح بندامه
شو انته تتنفس علي وقرانك البيدك علي والنار والجنه علي منهج الدين ونظامه
شنهو عذرك بالحشر يوم الحساب
وكل صلاتك باجر اتبين سراب
وعلي واكف عالعبور لابد ليوم النشور
ياسقيفة ساعده صبرا جميل
------------------------------------
لعنة الله لكل خليفه بمنهج الباطل مشه
وللاسف كلمن يتبعه هالعقول الطائشه
بالسم محمد ينتهي وسمت محمد عائشه
هاك افتهم هذا الخبر واجب نطرحه بكل دهر وي عائشه حفصه وعمر
ارتكبوا جريمه فاحشه
الله يلعن عائشه وحفصه وعمر
وتحسب اللعنات قطرات المطر
اللعنه توصل للقبور لابد ليوم الظهور
--------------------------------------
جم جريمه اللي ارتكبتوا بالكتب عنهن قرينه
والجريمه الاولى تبدي من حقدكم ضد نبينه
وضد البتول الطاهره اعله الضلع ياما بجينه
وتواترت هاي الفتن بطبرة علي وجبد الحسن وضد الحسين المرتهن
دمعة الشيعه حزينه
قصيدة نزله الى زيد الشهيد ع السلام
خادمكم عبدالهادي العريفاوي
يبقه عنوان الشرف زيد الشهيد
يبقه عنوان الشرف زيد الشهيد
انته ذا عن زيد تسأل ياترى
هذا بن من شنهو اصله ومصدره
هذا بو الحسنين جده حيدره
وحيدر الكرار للمؤمن نشيد
-----------------------------
الشجاعه العنده عنوان اليقين
هذا بن خير العباد الساجدين
صوته يعلن يا لثارات الحسين
نهجه فايز باجر بيوم الوعيد
------------،،،،،،،---------------
ثوره اعلنها بفخر وبكبرياء
يطلب الثارات من طف كربلاء
عالحكومه الطاغيه ينزل بلاء
ومايريد اعله الأرض منهج يزيد
-------------------------------
ياابن اشرف امام اعله البلاد
ونته تهدي العالم لدرب الرشاد
ونته خير الناس ابن زين العباد
اخذ ثار المنذبح من الوريد
---------------------،-----------
عدنه مايحتاج عن زيد الكلام
ضد بني مروان من يعلن خصام
والسلام اعله البطل يبعث سلام
مايعرفك غير ذو العقل الرشيد
----------------------------------
عنده غير الموت مايوجد بديل
والشهاده تصير للمؤمن سبيل
نهجه من جده علي حامي الدخيل
انتم الاحرار والضدكم عبيد
-----------------------------
ضد بني مروان من تعلن حرب
الخلافه شلون غصبوها غصب
مثل عيسى اعله الجذع من تنصلب
ونته كلبك اصله من زبر الحديد
--------------------------
اليبغض الكرار ليش ويختلف
منهج القران لتظن ينحرف
من الاذان تريد حيدر ينحذف
حيدر الكرار قرآن المجيد
-------------------------'-------
يبقه حيدر نوره يضوي بكل دهر
والشعاع ونوره نور المنتظر
هاك اخذ ياصاح من عندي الخبر
السبد السستاني من حيدر حفيد
-------------------------
حيدر الكرار سورة قل هو
هو والقرآن نفس المستوى
انته تتنفس علي بهذا الهوه
المطروالغيم حيدروالرعيد
----------------------------
احنه طحنه اليوم في عصر الظهور
اقره بالتاريخ واحفظها السطور
دنيه صارت عالارض ظلم وفجور
والسقيفه اليوم ردت من جديد
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
،خادمكم عبدالهادي العريفاوي
قصيدة زينب تخاطب الرؤوس بالسبي لحن الحاج ملا باسم الكربلائي
خادمكم عبدالهادى العريفاوي
-------------------------------
عالرمح تبرالي وانه اصد بعيني
منهو غيرك والي مااظن ناسيني
مخدرتكم تالي الشمر يسبيني
خويه من حركو خيمنه دنيه صارت كلها ظلمه شكد بجينه
وانه مرعوبه بمصابك عيلتك خايب املها ياولينه
من طحت صاحوا سبايا ودمعه نزلت من خجلها شكد حنينه
جابوا حبال بيسرهم زينب اتصد للكفلها
وينه وينه
اوكف اعله اعصابي ياليسر مهظومه
يامصاب مصابي من اصد للحومه
يالمجانك خالي والشمر يسبيني
---------------------------------
خويه جيت لأربعينك اكعد اتلكه السبيه
من يسرها
زينب من الشام اجتكم تكصد ارض الغاضريه ياصبرها
يمك عيالك جبتها بيها مرت جم رزيه
من دهرها
بس رقيه ماجبتها عالطشت ماتت رقيه
حل قدرها
تندب بواليها ونته يدري حساسك
طفله وشمدريها بالطشت بس راسك
خيبت امالي والشمر يسبيني
-------------------------------
ارد سولفلك مصايب من حده الحادي ومشينه عذبونه
كاصد الكوفه ظعنهم خويه من صاحوا علينه شتمونه
الوادم تنادي السبايا واحنه ظلينه رهينه
مااجونه
خويه لرض الشام اجينه من مشت بينه الظعينه ويسرونه
من السياط متوني هالسواد تشوفه
خويه مارحموني واحنه برض الكوفه
كمت احاجي اخيالي والشمر يسبيني
---------------------------------
والليالي البيها نزلت دمعة عيالي اعله خدها شوف اثرها
اتحزمت خويه لمصابي واحسب عيالي وعددها وبيسرها
زينب تنادي الكفلها للوطن منهو اليردها
ياكمرها
اختك المسبيه من بعد يحميها
خويه افزع ليه يلله ياواليها
ماخطر يم بالي الشمر يسبيني
--------------------------------
خويه كل حيلي تهدم بالجلوس اكضي صلاتي من اصلي
باليسر عكبك غريبه انتظر يومي بمماتي
ماوصللي
للوطن منهو اليردنه جيت اخبرك ياحياتي خويه كللي
ماردت عكبك حياتي ببها كثرن نايباتي
بيها شللي
والكمر ماجاني ظلمه كل دنياتي
ولا اجه وحاجاني عايشه بحسراتي
اتغيرت احوالي والشمر يسبيني
--------------------------
ارد اودعك خويه وامشي واحنه برض الغاضريه جينه يمك
لاتصيح بأسمي زينب خويه ناديني السبيه بضلع امك
جنت عدكم زينب اني وجنت اني الهاشميه هذا علمك
ومن اردن خويه وحدي ولو شفت دارك خليه بجفي دمك
الطم اعله عيوني من اطب لدارك
خويه لو نشدوني لليريد اخبارك
زينب ابلا والي الشمر يسبيني
-----------------------
قصيده ٣ دكات للأمام السجاد ع السلام
خادمكم عبدالهادي العريفاوي
لزيد الشهيد نروح ننصب عزيه
ياويلي عالسجاد بالغاضريه
نقدم تعازي اليوم يمك يمولاي
جم شده عالسجاد لو نحسب هواي
واعظمهن المذبوح والماشرب ماي
وتالي بحبل تنكاد يبن الزجيه
--------------------------------
موقف صعب واتشوف نيران الاخيام
بذيج البراري تروح مرعوبه الأيتام
بطوك الحديد تروح يم ديرة الشام
وعمتك مشت وياك بالطف سبيه
------------------------------
تعاين ابوك شلون كطعوله نحره
وخيل الاجت وادوس وسفه اعله صدره
كالوا عددها الخيل بظلوعه عشره
وصنف الخيول ادوس هاي اعوجيه
--------------------------------
جسمك عليل وحيل ماعندك اتكوم
من دارت اعله حسين جدامك الكوم
بذيج المصيبه تصيح انهض يمظلوم
منهو اليحامي الدار هاي المسيه
--------------------------------
بظلم ال اميه سنين عايشها الاهموم
وحكموا بني مروان بالباطل اليوم
ننصب عزه وانصيح ويلاه يمسموم
وبكل عصر اذيال للسامريه
----------------------------
زمرة بني مروان زمره لعينه
واحقاد اميه سنين بيها ابتلينه
صبرك علي السجاد الله اليعينه
بعد المصايب ذيج تلفه المنيه
قصيدة رثاء للأمام السجاد ع السلام
خادمكم عبدالهادي العريفاوي
جبدك مسموم ا يالمظلوم
يمكيد لرض الشام وعايش عمرك الالام
أيالمظلوم
----------------------
نسولف عن نبي أيوب الدنيه تسولف بصبره
تمرض والأهل عافوه وزوجته حتارت بأمره
مايوصل عشر معشار صبره لزينب الكبرى
عجيبه شجابه للسجاد وابوه المنكطع نحره
شنهي المقياس عد هاي الناس
ايوب تشافه وكام وعمرك عايش الالام
ايالمظلوم
-----------------------------
ونشرح عن نبي ابراهيم واياته ومعانيها
يكل لربه ياربي اريد الموتى تحييها
يوزع عالجبال أطيور يذبحها ويناديها
ويطيرن كلهن كباله معاجز اقتنع بيها
عشر المعشار ويه الأطهار
واعقول تعيش اوهام عايش عمرك الالام
أيالمظلوم
--------------------------------
وذا نبحث عن التاريخ منهو اليوصل الالامه
ومنوا اليصبر ضحايا يشوف اهله وحركت خيامه
عليل بكربله مالوم ويتأسر مع ايتامه
يويلي وبالحبل مجتوف ويشوف الروس جدامه
لاميكدرون بصبره يصيرون
صوبت الصبر اسهام عايش عمرك الالام
أيالمظلوم
-
------------------------------
تسيل دموعه من ينظر اهل بيته على التربان
وحاله من المرض مالوم عليل بكربله وجعان
ولا يكفي الجره والصار من زمرة بني سفيان
يم صوب الخيم راحوا وبيهن شعلوا النيران
بعشرة عاشور مكطوعه نحور
وعالشاطي الكافل نام عايش عمرك الالام ايالمظلوم
-------------------------------
يبو الباقر عجيبه الصار يوم العاشر بعاشور
وقرينه الواقعه المرره وكل شيعي بكلب مكسور
وتنظر عالرماح الروس وعينك عالرمح مجبور
ونصبناها المأتم هاي شمامرت علينه ادهور
هاي العزيات ظلت ايات
ننصب ماتم كل عام وعمرك عايش الالام ايالمظلوم
----------------------------------
من بعد الطفوف شصار عمرك عايش بأحزان
يقانون العداله شلون ونته اعله الارض عنوان
الحقد ضدك يبو الباقر من زمرة بني مروان
يقران بجبد مسموم رادوا ينتهي القران
يابو الباقر عمرك صابر
يمثبتلي الإسلام وعايش عمرك الآلام
ايالمظلوم
------------------------------
قصيدة رثاء عبدالله الرضيع ع السلام
خادمكم عبدالهادي العريفاوي
عبدالله وليدي شلونه ساكت مايحجي وياي
شو ذبلانات عيونه من فيض الدم يروونه ساكت مايحجي وياي
---------------'------------
وكت الفجر من تكعد تناغيني
كلشي اتعرف مابينك ومابيني
خالي المهد يبني وغبت عن عيني
من فركتك بس دمعتي تسليني
راح ومارد اوليدي زادت نبيران احشاي
ليش الطفل يذبحونه من فيض الدم يروونه ساكت مايحجي وياي
-----------------------------
انته الأمل غيرك بعد ماعندي
بس الحزن وسط الكلب ظل يحدي
لمن يجن ليلي واظلن وحدي
من فركتك حالي بحزن متردي
ليش اتأخر ماجاني زادت بالطف بلواي
بلكت ماي ويسكونه من فيض الدم يروونه ساكت مايحجي وياي
--------------------------
هلبت يرد ابني واظل اتنطر
واتصبرت من فركتك مااكدر
انخه علي وجفه القلعها لخيبر
هالنايبه اعله امك مثلها مامر
خابت منك آمالي عبدالله يارجواي
من هالناس الملعونه من فيض الدم يروونه ساكت مايحجي وياي
-------------'------------
تعيش بحزن أمك اظن تاليها
وسيف الدهر مااعتقد يخطيها
تتنطرك تالي العمر تفديها
انه امك ومااعتقد ناسيها
هاجت يوليدي جروحي ماظل عد امك راي
وسفه وليدي يجيبونه من فيض الدم يروونه ساكت مايحجي وياي
----------------------------
بدمعه وحزن امك تظل منتظره
ماتنتهي وسط الكلب هالحسره
بكليبي عنوان المصيبه شكبره
ليش الطفل سهم المنيه بنحره
تترك امك ياوسفه ماظنت منك هاي
ربهم لا ميخافونه من فيض الدم يروونه ساكت مايحجي وياي
وصايا الإمام الحسين لزينب عليهم ألسلام
خادمكم عبدالهادي العريفاوي
يازينب يازينب يازينب
خويه اوصيج بخبر جدا مهم
ونتي يختي العالمه ونعمه العلم
خويه باجر عمري بالطف ينختم
والجسد فوك الثرى تشوفينه
----------------------‐------
خويه حسين خويه حسين خويه حسين
والله صعبه اعله الابو يوادع هله
كلبي يجفل من نوايب كربله
هذا اسمها لو اظن كرب وبلا
بالنوايب طبعج يجازينه
------------------'-------------
يازينب يازينب يازينب
خويه صبرج من يطر وجه الصبح
كل اهل بيتج عالغبره ذبح
هو غير الموت بالطف مايصح
شوفي خوج حسين وتودعينه
-------------------------------
يازينب يازينب يازينب
يختي باجر تحترك كل الخيم
يالعقيله وانتي عينج عالحرم
اعله الشريعه يطيح شيال العلم
هذا يختي اللي يصير اعلينه
------------------------------'-------
خويه حسين خويه حسين خويه حسين
خويه دلالي يبو اليمه التوه
شبيها من اسرار ديرة نينوى
خويه كون تصير موتتنه سوه
ولا اشوف اعداك من تسبينه
-----------------------------
يازينب يازينب يازينب
يختي يازينب الج بس الصبر
ولأوامر ربنا باجر ننتظر
من تودعيني وتروحين بيسر
عفيه صبرج يختي الله يعينه
-----------------------------
يازينب يازينب يازينب
خويه باجر كلها تنوي اعله الرحيل
ونتي يمي ونوبه يم صوب الكفيل
من اشوف دموعج كبالي تسيل
اعله الكفاله البينج ومابينه
-----'---------'-------------------
يابو فاظل يابو فاظل يابو فاظل
انه خوي حسين سولفلي الخبر
اعله الكفيل يطيح يم صوب النهر
وتدري ظهر حسين ياخويه انكسر
والأشد من تنكطع جفينه
------------------------------
يازينب يازينب يازينب
لاتجين ارجوج يم المشرعه
خويه صعبه اعليج هاي الفاجعه
من تشوفين الجفوف مكطعه
والكفيل اسهام طفت عينه
-------------------------
قصيدة ليلة العاشر
خادمكم عبدالهادي العريفاوي
ياليل الاوداع والعيله حزنانه
ضاع الخدر ضاع والدمعه عنوانه
زينب والايتام بالفاجعه تنام والعيله حزنانه
--------------------------------
النوايب عالعقيله الليله تحملها
والباري بطفوفه بأمره نزلها
صبرج عالنوايب منهو يحملها
وكل هاي الشدايد ربج يحلها
ياليل الاخطار طف كربله يشهد
واليسمع اخبار دلاله يتمررد
يحركون الخيام بالفاجعه تنام
والعيله حزنانه
-----------------------------
اخوج بكربله من ينكطع نحره
وعله صوب الشريعه جفوف متوذره
محتاره العقيله وشابجه العشره
ونيران الخيام بكربله اموجره
بالحومه وتصيح وين الكفل وينه
ويجاوب الريح مكطوعه جفينه
يادهري وشظام بالفاجعه تنام
والعيله حزنانه
------------------------------
زينب بالطفوفه بحسره مالومه
وعيالك عكب عيناك مهظومه
وبعاشر طفوفك واضحه اعلومه
نايم ياولينه ومو محل نومه
نسمع الك صوت من نحرك المذبوح
سولفلك الموت لرب العلى تروح
ويسبونه للشام بالفاجعه تنام
والعيله حزنانه
------------------------------
مااكدر يخوتي انكل اجدامي
واشوف حسين اخوي المنذبح ظامي
ويم صوب الشريعه زادت الالامي
نوبه اكصد عليهم نوبه ليتامي
اكعد يالحسين الحره مسبيه
للكوفه ماشين من يفزع اعليه
وادور الأيام بالفاجعه تنام
والعيله حزنانه
---------------------------------
لراضي الشام امشي وتدري بي حالي
مامرت يخويه وخطرت أبالي
راسك عالرمح ياخويه يبرالي
نوبه انظر عليك ونوبه لعيالي
فوك الرمح صاح نحرك يبو اليمه
ليك الكلب راح واحزاني ملتمه
كل جسمك اسهام بالفاجعه تنام
والعيله حزنانه
ابوذيااااااات عاشورائيه
خادمكم عبدالهادي العريفاوي
الشدد عكب الكفلني لاحمتني
تره السوط بغيابه لاح متني
ولافزعت عشيره لاحمتني
واشاكف عن متن سكنه ورقيه
------------------------
كصد صوب العطاشا وده مايه
جثيره جروح جسمه والدمايه
وابو اليمه اعله حاله وده مايه
ويشوفه شلون مرمي اعله الوطيه
-------------------------
سر العباس غامض والسر أيه
هزم كل الكتايب والسرايا
بحرب صفين رايه وسه رايه
اظن حيدر نزل بالغاضريه
قصيدة رثاء مسلم بن عقيل ع السلام
خادمكم عبدالهادي العريفاوي
------------------------
انت اول قربان شامخا في كوفان
انته الوزير بل والسفير
وانت للسبط النصير
الرسايل كلها وين يوصل بسرعه الحسين وبأمرهم
وابو اليمه بالطفوف بحيرته وباجر يشوف كل غدرهم
مسلم احتار بأمرهم كله زيف
كل تفاهم ماكو عدهم الأ سيف
هذا كل احساسهم وبأمر انجاسهم
في غربتك كيف المصير
وانت للسبط النصير
----------------------------
الشوراع كلها خوف والعساكر بالألوف عفيه صبره
كالوا لمسلم تعال ذوله اشباه الرجال الكوفه خطره
هذا واقعهم فلا عدهم كلام
اعلنوا سيف الحرب ضد الإمام
والعطش بعياله من زمر دجاله
في كربله الامرو عسير
وانت للسبط النصير
----------------------------
١٨ ألف الاجوه بالعقيده عاهدوه اعله الكلافه
وانقطع امر السلام واصبح السيف الكلام بكل صلافه
ويلي من اهل الخديعه والنفاق
والمجازر كلها صارت بالعراق
شيمة اهل الكوفه بالغدر معروفه
والكوفه موقفها الخطير
وانت للسبط النصير
-----------------------------
موقفج طوعه شريف مسلم ابيتج يضيف شهل كرامه
وهاني بن عره الشجاع عالي شانه وبرتفاع من الأمامه
ضحه نفسه من اجل نهج الرسول
يشعر بتقصيره بالموقف خجول
هاني ضحه بدمه حتى يبري الذمه
في موقفك انت الامير
وانت للسبط النصير
--------------------------------
مسلم بسيفه انتقم يمه لو راعي العلم يمحي اثرها
من مكر اهل الخدع بالحفيره من وكع طش خبرها
وحده مسلم يذبح بسيفه الزلم
كل كتيبه كباله واجب تنهزم
هلهلتله طوعه والزلم مفجوعه
ياللاسف صرت الأسير
وانت للسبط النصير
--------------------------------
قصيده منبريه لفاطمه العليله ع السلام
خادمكم عبدالهادي العريفاوي
-----------------------
من المدينه اعله الظعينه ودعوني
دمعي يجري عفيه صبري ودعوني
وين ابوي الغالي ينطيني جواب
كل اهل بيتي صفوا عني غياب
ودعوني ودعوني
--------------------------
بويه ياذيني غيابك وعن عيني تروح
من يرجعلي خبركم واطيب الجروح
ومن يدليني بأثركم اتبعكم واروح
والظعن راح وخلاني والدي لا ماينساني والدمع عكبك واساني
واساني واساني
لو مشيتوا ومااجيتوا صعبه صعبه
ها يكلبي عيني تربي صعبه صعبه
هاذ حالي وي الليالي صعبه صعبه
راحوا اهلي وانه عيشن بالمصاب
كل اهل بيتي صفوا عني غياب
ودعوني ودعوني
--------------------------
دمعة عيوني بغيابك ماتقبل تهيد
بويه سولفلي بسفركم يالدربك ابعيد
انه بفراشي عليله وكلبي مو حديد
رحتوا كلكم هالمسيه من يدك بابي عليه وحشه عندي المغربيه المغربيه
ياعذابي ويامصابي لو مشيتوا
ها يعيني من يجيني لو مشيتوا
منهو ليه شكد خطيه لو مشيتوا
منهو يوصل حتى اكتبلك كتاب
وكل اهل بيتي صفوا عني غياب
ودعوني ودعوني
------------------------------
لو حده الحادي بظعنكم هم يرجع بعد
راح ابوي الغالي عندي لبنيته سند
يمته ترجع للمدينه سولفلي الوعد
والسفر للغاضريه من تظل دارك خليه يمي خل تبقه رقيه
يارقيه يارقيه
يازمان شكد اعاني بكل مسيه
ماكو ظنه خلاف اهلنه بكل مسيه
ها يروحي نوحي نوحي بكل مسيه
من شفرهم خوفي ياذيني المصاب
كل اهل بيتي صفوا عني غياب
ودعوني ودعوني
-------------------------------
من يجي الليل وهمومه ماعندي امل
تحضر الشده اريدك ياخير العمل
بالنوايب اكضي عمري من عكب الأهل
جم جرح كلبي يعاني تالي لرض الطف خذاني وين بوي المااجاني
مااجاني مااجاني
وينه عمي يجلي همي اشتكيله
ارد انشده وينطي عهده اشتكيله
بالحميه الهاشميه اشتكيله
روحي بالرؤيا رأت دم الخضاب
كل اهل بيتي صفوا عني غياب
ودعوني ودعوني
------------------------------------
خلي امشي وياكم اني هاذي طلبتي
يكعدن كبالي خواتي واخدم عمتي
بلكي تقبلها يبويه انته سلوتي
الدهرمني خذاكم للطفوف امشي معاكم خوفي لا انصب عزاكم
ياعزاكم ياعزاكم
حيروني مااجوني من سفرهم
ماكوحيله للعليله من سفرهم
روحي ذابت عيوني شابت من سفرهم
هذا حلمي وتالي يطلعلي سراب
كل اهل بيتي صفوا عني غياب
ودعوني ودعوني
-------------------------------
قصيده موشح لاستقبال شهر عاشور
خادمكم عبدالهادي العريفاوي
ياشهر عاشور وشعندك خبر
بيك ابو السجاد مكطوع النحر
من اجت زينب يويلي لكربله
صعدت اعله النوك ويه العايله
والظعن عباس بيده اتكفله
للطفوف ايام كضيتي السفر
--------------------------------
للطفوف ايام عشتيها بألم
وكل اهل بيتج اجو كلهم شيم
والكمر عباس شيال العلم
ياحسافه شلون لو طاح الكمر
------------------------------
عاشر بعاشور لو شح النصيب
من يظل حسين برض الطف غريب
عفيه صبرج هذا ابو اليمه خضيب
وجسمه من الخيل متكطع وذر
-----------------------------
يجري دمعج ويلي يالحره بألم
من تشب ياويلي نيران الخيم
من وكع عباس شيال العلم
ظهر ابو اليمه عله اعضيده انكسر
-------------------------------
ويلي يابت حيدره حامي الحمه
فخرج المشهود امج فاطمة
بكل علوم الدنيا انتي العالمه
عشتي بالاحزان عاشور وصفر
----------------------------
شنهو حالج يالعقيله اعله الجره
كبالج العطشان حزوا منحره
اعله الشريعه يطيح سبع الكنطره
ويلي من ليل ١١ ليل الخطر
----------------------------
يامصيبة كربله الماتنحمل
مخدرة حيدر ركبتي اعله الهزل
من تودعين الأهل كلهم جتل
ماكو واحد باليسر يمج حضر
-----------------------------
قصيدة يوم العاشر المصرع والسبايا
خادمكم عبدالهادي العريفاوي
وسفه الزمان يدور وبعاشر بعاشور
زينب تصد وتشوف فوك الرماح نحور
وصوب الشريعه تروح تمشي بكلب مجروح
من شافت العباس صوب النهر مطروح
----------‐------------------
ظنيت من جيت تشوف اشجره اعله العقيله
لاجود وزنود ياهو البعد اشتكيله
انخاك بحماك بالطف بقت هيه ليله
عفتني بغربتي يمن بيك الأمان
اختكم ياترى يدولبها الزمان
يوديني الدهر يخويه ليا مكان
حسين يامظلوم حسين يامظلوم
---------------------------------
ماعدنه خويه خيام محتاره بالايتام
تتلاوذ من الخوف ممشاها لرض الشام
مذبوح اخوي حسين ونته بلا جفين
زينب تصيح بصوت وين الوجه لاوين
وفاي عالماي يويلي الرايه ملفوفه
صديت والكيت اخوي مكطعه جفوفه
ايتام للشام سبايا وتمشي مجتوفه
بكيت بحيرتي اخوتي بكربله نومه
ولا واحد فزع غريبه وامشي بللحومه
ابو اليمه وكع ذبيح مسلبه هدومه
حسين يامظلوم حسين يامظلوم
--------------------------------
منهو اليشوف الحال مسبيه بيدي حبال
زينب رهينه اليوم وتكلفيت عيال
صوت النسا مسموع وكتلي البجي ممنوع
اصبر يخويه شلون وراس برمح مرفوع
دمعات وحسرات يويلي مابعد ظنه
عطشان ظمأان رقيه وسكنه شافنه
والخوف مألوف ابوهن سكته حاجنه
ابونه اعله الرمح نشوفك من بعيد
نصد لمنحرك يمكطوع الوريد
بعد ماظل امل كلبنه موحديد
حسين يامظلوم
-------------------------------------
محتاره بالايتام واعله الترابه تنام
وتدري بسفرنه ابعيد ياخويه لرض الشام
ياهظمتي وبلواي يالماحسبت لهاي
من كربله للشام جتال اخوتي وياي
وشصار وشدار مصاب الطف والرزايا
يحسين ماشين لرض كوفان السبايا
معلوم هاليوم اشارتنه بالعبايا
اذا يوكع طفل عليه ظهري انكسر
مشينه بالسبي عكب عين الكمر
وديعة حيدره تسولف ياخبر
حسين يامظلوم
--------------------------------
بالشام اشوفن عيد مني الدهر شي ريد
للقصر من طبيت مجتوفه يم ايزيد
لذاك القصر طبيت ميته عسن ياريت
مسبيه بالبلدان من غابوا اهل البيت
الالام بالشام اختكم ويلي مسبيه
مذبوح ياروح روح ابن سيد اابريه
والليل ايهد حيل بالخرابه احنه سويه
يجيبون الطشت يويلي عالجره
رقيه شافته تشمه بمنحره
وتكله اعله الشدد اسولفهن سره
حسين يامظلوم
قصيده لأم البنين بوداع اولادها للطفوف
خادمكم عبدالهادي العريفاوي
--------------------------
اربع اولادي مشوا للطفوف اتوجهوا
اه واويلاه اه واويلاه
اربعه اولادي مشوا للغاضريه
وين ابو فاظل اخبره بهل مسيه
انتو رفعة راسي جدام الزجيه
ومااريد الطاهره تزعل عليه
مقصره بالواجب لعد سيد البريه
فدوه كلكم يمه من تلفه المنيه
ونته ياليث العرين ظهرك بظهر الحسين
اه واويلاه اه واويلاه
-------------------------
وينه عبدالله ابلغه ووينه جعفر
وينه عون كبالي ريده الساعه يحضر
ويلي من ارض الطفوف والله يستر
انتم اولاد القلع بجفوفه خيبر
واليضحي بدمه والله بعيني يكبر
اعله الخيم عباس اريده هناك يسهر
تبقه حارس عالخيم وبيدك يرف العلم
اه واويلاه اه واويلاه
-----------------------------
يبقه بو فاظل كفيل اعله الظعينه
هو حاميها بوجوده من المدينه
خوفي لا زينب تظل بالطف رهينه
وهذا أمر الله يويلادي شبدينه
ادري صعبه من تظل امكم حزينه
ويلي من ارض الطفوف عالنهر توكع جفوف
اه واويلاه اه وايلاه
-------------------------------
يمه لو رحتوا بسفركم للمنايا
حسين ابو فاظل عضيده وبيده رايه
كلبي يقراها النوايب بالبدايه
لو مشيتوا يمه ولاخر نهايه
ادري زينبكم تروح ويه السبايا
كلبي يحمل جم جرح والمناحر عالرمح
اه واويلاه اه واويلاه
--------------------------
ودعتكم يمه بدموع الفجيعه
يبو فاظل يبني عينك عالوديعه
خوفي ياخوفي اذا يم الشريعه
جفوف ابو فاظل اذا كالوا كطيعه
وبالطفوف هناكه اجساد الصريعه
عظم الله الأجر الكم يشيعه
بكل زمن يبقه العزاء من مصيبة كربلاء
اه واويلاه اه واويلاه
------------------------
