حوار زينب والعباس يوم المصرع
خادمكم عبدالهادي العريفاوي
انته الجبتني وتكفلتني بالطف عفتني
ياااااا عباس يااااااا عباس
-------------------------------
رايتك تخفك شفتها ومن شفتها ردلي حيلي
روحي تتحله بصبرها وبالصبر ياهو مثيلي
الله يحرسنه يخويه اندعيلك واندعيلي
اقنع بروحي واكلها هسه يرجعلي كفيلي
روحي اكلها ألله اليحلها
بالطف عفتني يااااااا عباس
---------------------------------
زينب ايكلهاالكفلها لاتصد عينج عليه
مااحب اجرح شعورج يالعزيزه يااخيا
تكله انهض ياكفيلي للخيم نرجع سويه
من يشوفنك يفرحن بالخيم سكنه ورقيه
ياخويه ردي خليني وحدي
بالطف عفتني يااااعباس
--------------------------------
ماأحب دمعج اشوفه ولا احب اسمع عتابح
يكلها وحدج خويه جيتي لو اخوي بأيده جابح
تكله راح حسين ابونه يكلها زينب يامصابج
عظم الله اجرج يكلها عشتي عمرج في عذابج
خويه اعتنيتك للشاطي اجيتك
بالطف عفتني ياااااا عباس
-----------------------------
اعتذر منج يخويه وتشهد لحالي ظروفي
بالعمد راسي تهشم وانه فاكد خويه شوفي
الرايه طاحت من اديه يختي من كطعوا جفوفي
خويه اول زاير انتي عالجسد ياخويه طوفي
يصعب غيابك واضح جوابك
بالطف عفتني يااااااا عباس
----------------------------------
يكلها زينب يالحبيبه منهو يمج يالوديعه
تكله ماظل حارس النه كربله اعظم فجيعه
راح ابو اليمه يخويه وحتى عبدالله رضيعه
وجلجل الليل بظلامه وضاكت اعلينه الوسيعه
بالغاضريه اختك سبيه
بالطف عفتني يااااعباس
----------------------------
اتكفلت خويه اليتامه وماكو واحد من اخوتي
يامصاب اللي لفاني ليله اطلب بيها موتي
والحذر بين الأجانب ابجي مايطلعلي صوتي
عفيه صبري اعله النوايب ابجي مايطلعلي صوتي
ماعدنه رايه ونمشي سبايا
بالطف عفتني ياااااا عباس
تحيات خادمكم عبدالهادي العريفاوي
----------------------------
قصيدة إلى مسلم بن عقيل ع ألسلام
خادمكم عبدالهادي العريفاوي
راية حرب مرفوعه وكل الطرق ممنوعه
شكرا الج ياطوعه ضيفتي مسلم بالدار
---------------------------------
شكرا الج ياطوعه من وجداني
مسلم يطوعه والحرب عنواني
محد وكفلي من العرب بس هاني
واعجز اوصفه موقفج بلساني
والجنه لج مضمونه وبكل زمن يقرونه
شكرا الج ياطوعه ضيفتي مسلم بالدار
------------------------
خانوا عهدهم والعهد ماينخان
زمرة غدر ومطاوعه للشيطان
باجر اذا طر الفجر بالميدان
والماسلك درب الإمامه خسران
وحسين ابد لا ميريد وميطاوع لأمر ايزيد شكرا الج ياطوعه
------'-‐---------------
ياطوعه عمي المرتضى والكرار
موقف شرف عندج اطب هاي الدار
ياطوعه عندج هالمسيه خطار
ميهمني عده ولا عدد هالاشرار
كررة عيوني اني وسوح الوغى عنواني
شكرا الج ياطوعه ضيفتي مسلم خطار
---------------------------
والكوفه خانت بالعهد غداره
وماادري بو اليمه بعد شخباره
وسفه الجمع لمن يطيع اشراره
ياطوعه باجر من اشن الغاره
والكوفه بيدي اطويها ومن الزلم امحيها
شكرا الج ياطوعه ضيفتي مسلم بالدار
--------------------------
طر الفجر وسيوف اجتك ورماح
قائد العسكر بالكتايب من صاح
مسلم وحيد العسكر كباله انزاح
حفروا حفيره لمسلم وبيها طاح
خطة غدر معروفه ماكدروا اهل الكوفه شكرا الج ياطوعه ضيفتي مسلم خطار
قصيده كعده ل عبدالله الرضيع ع السلام
خادمكم عبدالهادي العريفاوي
---------------------------
ياطفل جابوه صريع هذا عبدالله الرضيع
امه صاحت من بعيد ابني مكطوع الوريد
هذا عبدالله الرضيع
----------------------------
عفيه صبر أمك يغالي من اجيت بفيض دمك
وبو اليمه بحضنه شالك جابك لزينب يسلمك
ومن شفت زينب ييمه وهيه عن عيني تظمك
مشتاكه روحي لشوفتك امك تراني الربتك ليش ال أميه جازتك
سدد النبله ويألمك
بالسهم صار الفطام هذا عد الله حرام
من اسألك يايزيد ابني مكطوع الوريد
هذا عبدالله الرضيع
------------------------------
من خذاك حسين مني وكاصد لذاك الملا
ونته شربت ماي تطلب يامصيبة كربله
بالسهم يكطع وريدك ألله يلعن حرمله
تخسه الجيوش الظالمه من نحرك يفيض الدمه حضرة مصابك فاطمه بالطف سلت جم معضله
عالجثث كامت تطوف جم صريع اللي تشوف وتسأل بيوم الوعيد
ابني مكطوع الوريد هذا عبدالله الرضيع
--------------------------------
عيني تتنطر تردلي مااجت هاي اعله بالي
شنهو عذره المرد كلبي هذا ياربي سؤالي
غفله راح وليدي مني والمهد ياوسفه خالي
يوليدي مو عقلي انذهل ياوسفه جن خاب الأمل شوف الدهر بيه شعمل
والصخر يبجي اعله حالي
شلون يوليدي عفتني وبغيابك دوهنتني
والدهر مني شيريد ابني مكطوع الوريد
هذا عبدالله الرضيع
---------------------------------
شنهو عذره الكطع نحرك يبني يم سيد البريه
بالحشر يبني تشوفك فاطمه الزهره الزجيه
جم مصيبه اللي لفتها من أراضي الغاضريه
دلالي يوليدي انمرد تاه الفكر مني وشرد
راح اصبر ليوم الوعد
اشتكي لرب البريه
باجر يكول القلم منهو سدد بالسهم
ربنا عالدنيه شهيد ابني مكطوع الوريد
هذا عبدالله الرضيع
قصيدة نزززززله بحق مسلم بن عقيل ع ألسلام خادمكم عبدالهادي العريفاوي
واتساب ٠٧٨١٠٥٥٢٥٥٧ خاص للرواديد
-------------------------------
مسلم المغوار شنهي اسراره
مسلم المغوار شنهي اسراره
ثورة الأحرار عنوان اليقين
في طريق الحق دوما صابرين
ولهذا اليوم منهاج الحسين
كل زمن اقره نهج ثواره
--------------------------
ها هو المغوار شبل المرتضى
عاد بالحملات شيئ قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما في الحرب عنوان الطفوف
أنه وآلله ذو القلب الرؤوف
وناس واقعها الغدر غداره
---------------------------
مسلم الصنديد عنوان ألسلام
لاأجيد النطق في وصف الكلام
واقع الأشرار للحق لئام
ليش صارة عالارض جباره
-------------------'-------
ثورة الأحرار في كل العصور
ينتمي للحق ذو القلب الغيور
داعيأ للبغيي ويلا والثبور
منهج الحق شو قليله انصاره
---------------------------
لانحب اليوم نهج الناصبي
فاقد الإيمان ذو العقل الغبي
بالحسين السبط يبقى مطلبي
الإمام المهدي ياخذ ثاره
---------------------------
قالها الرحمن بالخلق رحيم
لن يعادي الحق ذو القلب السليم
من يعادي الحق شيطانن رجيم
ربنا يعلم بالخلك واسراره
----------------------------
ال أميه اليوم في الوجه الجديد
تطلب الحكم الى دولة يزيد
شيعة الكرار طوقن من حديد
بيهم العالم بكت محتاره
---------------'--------------
قصيدة رثاء للأمام الصادق ع ألسلام
خادمكم عبدالهادي العريفاوي
-----------------------
صادق القول بأسرار السماء وارث العلم
لأصحاب الكساء
----------------------------
دمعة المظلوم في القلب الحزين
لن تفارق جفنه طول السنين
انت والله لنا الحبل المتين
والدوانيقي له الفعل اللعين
وتعرضتا لأنواع البلاء وارث العلم لاصحاب الكساء
-----------------------------
ياابا الكاظم عنوان ألسلام
جعفر الصادق ياسادس أمام
وبنو العباس كفارن لئام
وعلى ال النبي صبوا إنتقام
ناصبوا للهادي في الحكم عداء وارث العلم لاصحاب الكساء
--------------------------
والدوانيقي وظلم اللا رشيد
لعنة الله على الطاغي العنيد
قول ال المصطفى القول السديد
والموالي عاش في النهج سعيد
أنه والله درب النبلاء وارث العلم لاصحاب الكساء
-----------------------------
ياامام الحق ذو القلب الرؤوف
بغياب النور قد بان الخسوف
تعلم الاهوال في يوم الطفوف
بحسين المرتهن تعلوا السيوف
وقعة الطفي بها تسبى النساء وارث العلم لأصحاب الكساء
----------------------------
منهج الأعلام نور المؤمنين
لأمام العدل نحن الطائعين
هو وآلله دليل الحائرين
والشعار يا لثارات الحسين
عهدنا للمهدي رايات العزاء وارث العلم لأصحاب الكساء
-------------'-----------------
قصيدة نززله لأستشهاد أمير المؤمنين ع السلام
خادمكم عبدالهادي العريفاوي
------------------------------------
طبرتك يابالحسن مسومه
وهامتك من الجرح مالومه
وسفه ياليث الحرب من تنغدر
وغدرتك رسموها في فرض الفجر
شهل الجريمه اللي أبد ماتنغفر
زمرة أفعال الغدر مشؤومه
--------------------------------
انته ياسورة نبأ والقل هو
ونته وي آدم عبادتكم سوه
يابطل خيبر يشيال اللوه
بالمعارك كلها عدها اعلومه
----------‐--------------------
طاعتك يابالحسن جن وأنس
ياعلي الكرار ياروح القدس
بأمر ربك انت تقبض كل نفس
وكلها كالت عن علي حد يومه
----------------------------------------
انت كرار الحرب لا ماتفر
بالمعارك انته أول بالصدر
يالغيابك صار في ليلة قدر
والقضيه من العرش مختومه
---------'-----------------------
ماكو غير ك عالارض اسمه الولي
بالسفينه ونوح يندب ياعلي
الطاعه لك ياحيدره بأمر العلي
وانت انشأت الفلك وانجومه
------------------------------
عرش بلقيس بأمر منك يشيل
والنبي سليمان بكتارك دخيل
يامعز لكل بشر يمك ذليل
وكلها عدوانك صفت مهزومه
---------------------------------
نعشك اولادك يحولونه بفخر
تدري بحسين شعمل بيه الدهر
جثه ظلت منها مكطوع النحر
وثلث تيام الجسد بالحومه
------------------------------
قصيدة نززله لأستشهاد أمير المؤمنين ع السلام
خادمكم عبدالهادي العريفاوي
------------------------------------
طبرتك يابالحسن مسومه
وهامتك من الجرح مالومه
وسفه ياليث الحرب من تنغدر
وغدرتك رسموها في فرض الفجر
شهل الجريمه اللي أبد ماتنغفر
زمرة أفعال الغدر مشؤومه
--------------------------------
انته ياسورة نبأ والقل هو
ونته وي آدم عبادتكم سوه
يابطل خيبر يشيال اللوه
بالمعارك كلها عدها اعلومه
----------‐--------------------
طاعتك يابالحسن جن وأنس
ياعلي الكرار ياروح القدس
بأمر ربك انت تقبض كل نفس
وكلها كالت عن علي حد يومه
----------------------------------------
انت كرار الحرب لا ماتفر
بالمعارك انته أول بالصدر
يالغيابك صار في ليلة قدر
والقضيه من العرش مختومه
---------'-----------------------
ماكو غير ك عالارض اسمه الولي
بالسفينه ونوح يندب ياعلي
الطاعه لك ياحيدره بأمر العلي
وانت انشأت الفلك وانجومه
------------------------------
عرش بلقيس بأمر منك يشيل
والنبي سليمان بكتارك دخيل
يامعز لكل بشر يمك ذليل
وكلها عدوانك صفت مهزومه
---------------------------------
نعشك اولادك يحولونه بفخر
تدري بحسين شعمل بيه الدهر
جثه ظلت منها مكطوع النحر
وثلث تيام الجسد بالحومه
------------------------------
مولد الإمام الحجه المنتظر
خادمكم عبدالهادي العريفاوي
------------------------
موووال
لو نزحف زحف مولاي مانوفيك
خلها عضانه كلها تصير دممايه
مانملك طمع وياك ثق بالله
بس عدنه بمشينه اعليك فد غايه
يحبل الله المتين وبيك ملتزمين
وكلها الدنيه عندك هاي كشايه
من نكصد عليك نشوف وجه الله
لان انته انعكاس وكللك مرايه
وياهو الكال طاحن منه جفينه
والعباس طاح وطاحت الرايه
مشتبهين جدا والخبر مغلوط
لن عباس عنده بهل الأمر غايه
دك ثايات للأجيال تتعناه
والجفين ظلن عالنهر ايه
من نكصد زياره وممشه نوصل ليه
راح انشوف جوده ورايته ومايه
يعني بهاي واضح مكصد العباس
حتى الناس تندل دكة الثايه
صلووووات
---------------------------------
يمثبت الدين ياثار الحسين
نبعث تهاني بمولده لأمه الزجيه
شعبان ياشهر الاغر مولد امامي المنتظر في ليلة الخامس عشر
وبمولده التمينه
تتباشر أملاك السمه تهني الزجيه فاطمه لجل الإمام الخاتمه
وعلكنه لجله الزينه
هوسه
نطخ الروس واجب من يمر طرواك
يانور النبوه الباري من خلاك
عججل بالفرج مولاي نترجاك
والشيعه لجيتك ملهوفه ٢
من تعلن إنذار يعني الفلك دار
وتطلع سريه لنصرتك تتبع سريه
----‐---------------------------
انته الأمل يبن الحسن شمحلاها لو دار الزمن وتحارب اصحاب الفتن
نور النبوه نشوفه
كلمن نكر حقك فشل مايمتلك ذرة خجل اظهر يبن خير العمل
عنوانك ارض الكوفه
هوسه
لرض الكوفه تمشي وبيدك الفقار
وكل اهل الضلاله تدخل الإنذار
يانور الإمامه المن علي الكرار
وعدوانك كلها اتصفيها
ولكربله اتروح وتهيج الاجروح
من تذكر شصار وجره بالغاضريه
-
-----------------------
٣٠٠ لك و١٣ وكل حاقد كليبه ارتعش
بساط العدل يعني انفرش
وتنطي الوزاره لعيسى
مايوصل لعلمك احد ياقل هو الله أحد انته الفرد ونته الصمد
بأمر العلي وتقديسه
هوسه
ياسلطان امرك عالانس والجان
ياقران اصلك محتوى القران
بالفقار تكسر ظهر كل شيطان
ولزينب تمشي اتعزيها
وللكافل تشوف مكطوع الاجفوف
وعكب الكفيل اعله الظعن عمتك سبيه
------------------------------------
حبك عله الدنيه فرض ياقاضي كل هاي الأرض وضد الحكم من يعترض
ونهج العداله بدينك
لمن تروح لكربله تشاهد مكان العايله وتذكر قساوه حرمله
يذبح رضيع حسينك
هوسه
من يشوف نورك يفرح المظلوم
لابد من ظهورك والأمر محتوم
كل يوم اليمرنه نكول هذا اليوم
يالمهدي غيابك ياذينه
لا والله حاشا تنسه العطاشا
بطف كربله شنهو الجره لسكنه ورقيه
----------------------------
قصيدة مولد الإمام الحسين ع السلام
خادمكم عبدالهادي العريفاوي
موووال قبل القصيده
اليكول حسين ميت من زمان
وحاله حال الناس تاريخه انجله
هذا شت كلله بضميرك من جواب
واليطيع ابليس طبعا مشكله
الحسين بيوم طب لكربلاء
بأمر ربه يقود ذيج القافله
بيده جبرائيل حدد له المكان
عالخريطه الظعن جابه ونزله
وهذا اصلا مو ظعن جابه الحسين
جاب بيت ألله حطه بكربله
-------------------------------
القصيده
انواره قدسيه واسراره مخفيه نور ويشع ظيه ميلاد الحسين ميلاد الحسين
---------------------------
مجتمعه هالليله بفرح كل الموالين
وطشت ورد في مولدك ياكررة العين
وتتباشر املاك السما بميلاد الحسين
انته الورد ونته العطر واحلى الرياحين
الدنيه مبتشره من ثالث العتره يافرحة الزهره بميلاد الحسين
-----------------------------
والماعرف حقك ثبت عاش بمتاهه
سر الجليل وقدرته بكل محتواها
نقدم تهاني بمولدك للهادي طه
ومن فاطمه بيوم الحشر نطلب رضاها
سبط النبي الثاني بي تنجلي احزاني اجمل خبر جاني ميلاد الحسين
---------------------------
كل واحد بهاي الأرض يعرف مقامه
نهج الرسول وعترته درب السلامه
يبقه لعين الماعرف حق الإمامه
شنهو العذر من ينسأل يوم القيامه
مايفتهم دينه الينكر حسينه شوكه بوسط عينه ميلاد الحسين
--------------------------
ميلاد ابو اليمه فخر كل البريه
جبريل والهادي نعم كعدوا سويه
يشرحله ايام الحزن بالغاضريه
ودين ألله باجر يكتمل ببن الزجيه
وبديرة الكوفه ومن يوصل اطفوفه بالواقع نشوفه ميلاد الحسين
---------------------------
ماعدنه غيرك ياعلي وبجاه الحسين
واللي يضدكم بالحشر جا يعبر منين
واليذكر حسين بحزن ودموعه بالعين
والجنه باجر تنفتح بس للموالين
من نجتمع كلنه وطير السعد غنه والشيعه تتهنه ميلاد الحسين
----------------
قصيده رثاء زينب
خادمكم عبدالهادي العريفاوي
خابت ليش ظنوني اعله الأخوه الماجوني اتمنه يشيعوني برض الشاااااااام برض الشاااااام
----------------------
اخوتي وكررت عيوني عليهم روحي ملهوفه
وكفيلي اللي اجيت وياه وحرسني بديرة الكوفه
على نهر الفرات شلونه اودعه مكطعه جفوفه
أميره بجال ابو فاظل ومشيت خلافه مجتوفه
يالكافل رد ليه هاي انه المسبيه شوف الليله شبيه برض الشام
--------------------
ابو السجاد اريده اليوم تشيل جنازتي متونه
يكلبي من الألم والاه حسافه وخابت ظنونه
يريت الليله يوصلني وعله زينب يدلونه
النعش بيده واخوتي وياه سروري من يشيعونه
والكافل واظروفه صح مكطوعه جفوفه زينب ريت تشوفه برض الشام
-------------------------
ردت عبدالله وي جعفر اودعهم واودع عون
يويلي حالتي الليله اظنهم بيها مايدرون
يربي عيوني تتربه اكولن بالدرب يمشون
يملك الموت اخذ روحي واخوتي كلهم يحضرون
ياريت يحضروني ويشوفون امتوني من اسياط الضربوني برض الشام
----------------------------
يجون ونلتم الليله اخوتي وي ابو اليمه
واكله ياأبو السجاد اعله زينب تنبري الذمه
عكب عينك يبن حيدر عليه همومي ملتمه
اسيره بين اهل كوفان يكلبي الينزف بدمه
زينبكم مجتوفه من طبت للكوفه وراس حسين تشوفه برض الشاااااااام
-------------------------
تصد اعله الدرب عيني يخوتي وكلبي يتناكم
كلت لو حضروا الليله اكلهم امشي ويياكم
اصبر ابروحي واقنعها واكول الليله ملكاكم
ولاعدكم خبر عني اصيح وصوتي ماجاكم
دمعاتي المهظومه كلكم برض الحومه وايامي المشؤومه برض الشاااام
---------------------------
اخوي حسين اريدنه ويعاين حالتي بعينه
وبعد ماظل أمل عندي اشوفك ياأبو اسكينه
وابو فاظل يمر بيه ويجي بلايه جفينه
واسولفله اشجره بالشام عتاب البيني مابينه
صح مكطوعه زنوده واتفاخر بوجوده من الأيام السوده برض الشااام
-------------------
هوسات رثاء زينب عليها السلام
زينب بديرة غرب مهظومه
ديرة الشام الصفت مشؤومه
وين اخوتي الليله ويحضروني
اعله الجنازه وكلهم يشيعوني
دمعة احزان الكلب تاذيني
وين ابو فاظل يجي يحاجيني
انه بت حيدر علي ومخدره
ذاك ابوي الجفه قالع خيبره
خل يجي العباس واشرحله الجره
عكب عينك زينب انه ميسره
عظم ألله الأجر مهدينه
مو دمع دم الجره من عينه
قصيدة الكعده للأمام الكاظم ع السلام
خادمكم عبدالهادي العريفاوي
------------------------------
الله يساعد كلب الزهره تتعناهم كلمن كبره
للكاظم هالليله تروح وتمشي النوب لسامره
كلهم أولاد الزجيه وامهم الزهره عطوفه
موسى بن جعفر مصابه تحضر ولازم تشوفه
الليله للطاموره أمشي وافتهم شنهو ظروفه
يوليدي وحدك بالسجن جوه الارض شو مندفن يابو الرضا تعيش بحزن صعبه يبني من اعوفك
يالكاظم سولفلي شلونك واليحجن دمعات عيونك
تتوادع وياك الروح وتمشي النوب لسامره
-------------------------------------
يم جسر بغداد اشوفك ويلي من هاي الرزيه
الموعد الجمعه تكلهم وفرحت الها الرافضيه
مادروا جبدك تمرد عالجسر تلفه المنيه
مكيد ييمه بسلسله اكعد يبن عقد الوله
لوتدري شنهي بكربله يامصاب الغاضريه
ياوسفه وليدي مكيدينه كلبي اعله الصار ألله يعينه
بين المذبوح ومسموم وتمشي النوب لسامره
--------------------'------------------
اجتمعت الشيعه لمصابك يبني بالنظره الاخيره
لااخوتك لا عمامك حتى اكعد واستشيره
يالغريب انته بمصابك همه ديره وانته ديره
مكيد ييمه ومنجرح فوك الجسر يالمنطرح يالراس ابوك اعله الرمح وعمتك زينب اسيره
اعله مصابك تسجب دمعاتي الله اليعلم شنهو الآتي
شكد تتحمل روحي جروح وتمشي النوب لسامره
--------------------------------------
لياكبر امشي وازوره من البقيع وللمدينه
والرضا امشي واشوفه بغربه هم حقه علينه
واكصد الشام بمصابي لزينب الظلت رهينه
وبالطف ييمه الفاجعه بيها النحور مكطعه لو تدري يم المشرعه هناكه حماي الظعينه
اصعب موقف عيني تشوفه مكطوعات ثنين جفوفه
يم عباس الروح تنوح وتمشي النوب لسامره
--------------------'-----------------'
شنهو ذنبك والجنيته مكيد وسموها جبدك
بجسر بغداد الفجيعه بلا اهل يايمه وحدك
سابع انوار الهدايه وكل علوم الدنيه عندك
اكعد يبن حيدر علي بهاي المصايب مبتلي
هاي الشدد ماتنجلي اشتكي للهادي جدك
اربع حمالين تشيله احضر ياحماي ادخيله
يالمكتوب اسمك باللوح وتمشي النوب لسامره
قصيدة رثاء زينب عليها السلام
خادمكم عبدالهادي العريفاوي
انتي الأميره العالمه وثوره اعله الإعلام
شنهو السبب يابت علي رديتي للشام
وتدنه المنيه عد ال اميه رديتي للشام
---------------------------------#-
صبر عد العقيله اجبال بعزيمه وقوه شالتها
تعاين بالطفوف شصار بدايتها ونهايتها
جميل اللي اشوفه تكول لعدوها تخفي دمعتها
ولا خمشت وجه لاجيب وضحايا كلها شافتها
زينب جبل من الصبر هاي اخت الحسين
واتكفلت كل الحرم عكب الميامين
يالهاشميه عد ال أميه رديتي للشام
--------------------------------
صفت ليل هدعش تنظر ضحايا وكلها منوذره
وتصد عينج لبو السجاد يدوس الحافربصدره
صبر عندج فلا ينقاس عدوج يكطع بنحره
اعله تل الزينبي رحتي يزينب شابجه العشره
مارد بعد راعي العلم صوب الشريعه
ناديتي وينك يالكمر انه الوديعه
افزع اليه عد ال أميه رديتي للشام
-------------------------------------
ركبتي اعله الهزل وسفه مشيتي لديرة الكوفه
وراية كافل اضعونج اعله صوب الشاطي ملفوفه
أميره اعله الانس والجان يزينب هسه مجتوفه
والأعظم مصيبه اعليج مصابج شامت يشوفه
زينب مشت فوك الهزل ماعدها رايه
بت حيدر اليوم اصبحت ويه السبايا
ودارج خليه عد ال أميه رديتي للشام
--------------------------'---------
سبيه وبالسبي حسرات حسافه تخونج الأيام
ألف وسفه الدهر خوان مشه الحادي لراضي الشام
رغم كل النوايب ذيج تكفلتي بجمع ايتام
اهل بيت النبوه شلون يويلي بالخرابه تنام
وسط الطشت راس الابو للعايله يروح
موقف أبد ماينحمل للكلبه مجروح
ماتت رقيه عد ال اميه رديتي للشام
----------------------------------
رجعتي للوطن لاجن مسافات السبي ابعيده
ومشيتي النوبه لرض الشام الحزن درب السبي ايعيده
وتذكرتي جموع الشام يعلن بللفرح عيده
اخوتج بالطفوف هناك يزينب كلبج شبيده
لمن كرب ليج الأجل ياوسفه يم عون
عينج عله درب الأهل بلكت يحضرون
ماتت سبيه عد ال اميه رديتي للشام
-----'--------------
اجتنه خيول لخيمنه ورايات
وكع عباس يازينب وراي آت
السبي وآيات تتلاوذ وره آيات
سبايا اتكفلت بيهن سبيه
---------------------------------
نزززله رثاء زينب عليها السلام
خادمكم عبدالهادي العريفاوي
حلت بهاي المسيه المصيبه الزينبيه
‐-------‐-------------------
عشتي انواع المصايب والبلاء
والمصيبه بيوم عاشر كربلاء
حزنت لطف كربله حتى السماء
من مصاب الغاضريه حلت بهاي المنيه
-----------------------------
جم مصيبه بكربله تركت اثر
شفتي بو السجاد مكطوع النحر
والكفيل هناك يم صوب النهر
جم رزيه بصف رزيه حلت بهاي المسيه
----------------------------------
زينب بليل هدعش عشتي بألم
لا اخوتج لا بعد عندج خيم
ونتي يازينب كفيله اعله الحرم
امست اديارج خليه حلت بهاي المسيه
----------------------------------
والنوايب والله بد ماتنحمل
عفيه صبرج من صعدتي اعله الهزل
ماكو واحد من اخوتج ظل عدل
كلها برض الطف رميه
--------------------------------
تكصد اعله حسين ولراعي العلم
من النوايب مابعد تنكل جدم
حيلج اعله حسين بالطف انهدم
ويلي والاخوه البقيه
-------------------------------
شنهو حالج من كرب ليج الأجل
ماكو فزاع الاجاج من الأهل
يالغريبه الدهر وياج شعمل
من لفت ليج المنيه
---------------------------------
روحج المشتاكه يم ارض الطفوف
تربي عالسجه ولا واحد تشوف
خل يجي العباس مكطوع الجفوف
يحضر يشوف السبيه
------------------------------
انه بت حيدر علي خير العمل
وسفه وبديرة غرب يلفي الأجل
يفرح الشامت اذا واحد سأل
مافزع واحد إليه
--------------------------------------
قصيدة نززله الى ام البنين ع السلام
خادمكم عبدالهادي العريفاوي
------------------------‐
خدامج احنه وللابد يم البنين الأربعه
نلبس سواد بكل حزن وترفرف الرايات
لم البنين الفاضله والقاضيه الحاجات
مانتعب احنه من اللطم لا والله لا هيهات
رادود يقره المستهل هالليله وافاها الأجل للشارع الموكب نزل
ليلة وفاة أم الكمر للشيعه اعظم فاجعه
--------------------------------
اعله السجه تتنطر بكت محد وصل ليها
ماجاها الحسين وحضر للفاجعه البيها
ولايمها عباس الكمر ويمدد ايديها
ظلت تصد اعله الدرب تسأل عله اوضاع الحرب عالجثه ملتمه الغرب
وتدريبه بو فاظل وكع ياويلي صوب المشرعه
------------------------------
محد وصل ليها وأجه ويشيل الاجنازه
ياعازة اولادي صفت بالنايبه عازه
كلمن وكف ضد النبي بفعاله يتجازه
يوم الحشر خل يستعد وعن رحمة الله مبتعد ياويلي من اهل الحقد
من ارفع جفوف الدعه لصوب السماء السابعه
--------------------------------------
اذكر مصايب كربله وتتهيج احزاني
اللعنه عالاول بعد واللعنه عالثاني
واللعنه حد يوم الحشر مايوكف لساني
من يوكف بيوم الحشر ياويلي من أهل الكفر وشينطي للباري العذر
والزمره هاي الخائنه يأتيها يوم الواقعه
---------------------------------
مارحتي ليش لكربله يم الميامين
يامحله كعدتكم سوه وكبال الحسين
برض المدينه بحجرتج وحدج تظلين
للديره شو محد نزل ماظل بعد عندج أمل لمن كرب منها الأجل
دمعاتي لفراك الأهل وين البدور الساطعه
-------------------------------------
ياشيعه خل ننصب عزه ونلطم عله الاصدور
اعله ام البنين الفاظله الطيبه ام الابدور
لاوصلت لطف كربله ولا راحت اتزور
اعله المشرعه ننصب عزه والشيعه هيه الفائزه والوعد ربك انجزه
ينهج الرسول المصطفى الشيعه الكم طائعه
قصيدة رثاء أم البنين عليها السلام
عبدالهادي العريفاوي
لحضات ويكرب موتي ومنهو اليحمل تابوتي
أمن الطف مارد حسيني ولاردوا ليه ابنيني منهو اليحمل تابوتي
----------------------------
برض المدينه اوحيدي
شو مااجوا ويلادي
يحضرني ريت العباس
ياربي هذا امرادي
وياريته يحضرني حسين
سبط الرسول الهادي
وإني باثرههم ظليت
وكلهم بقوا بالوادي
لأرض الطف انه اتنطر
عبدالله وعون وجعفر
فراك أولادي ياذيني
ياخوفي وتغمض عيني منهو اليحمل تابوتي
‐-----------------‐---------------
وصلتني يمه اخبارك
بصولاتك المعروفه
زينب اجت كالتلي
فعلك اهيه تشوفه
كالتلي اخوي العباس
زلزل أراضي الكوفه
بس للاسف يااماه
مكطوعه منه جفوفه
يم النهر دك ثايه
بس حاطته الرمايه
جن جن عباس يناديني
يااماه تعذريني منهو اليحمل تابوتي
-------------------------------
خوفي النعش من ينشال
وروحي ييمه اتريدك
لاانته ليه الرديت
ولارد إليه اعضيدك
شيل النعش بمتونك
انه أدري كطعوا ايدك
وكبالي اشوفك كاعد
لمن اشوف وليدك
اعليكم مشبوحه عيوني
أولادي الليله يجوني
يالشوفتكم تحييني
حسين الماظن ناسيني منهو اليحمل تابوتي
---------‐-------------------
يمه شكلت يوليدي
صوب النهر من اتنام
ومحتاره بالطف زينب
من وجروا الها اخيام
ومن جلجل اعليها الليل
محتاره زينب بيتام
انه ادري لوبيك أنفاس
جا مامشت درب الشام
اختك كالت جتفوني
بهل جلمه اتغير لوني
بس أفعالك ترضيني
وفيت الزهره بديني منهو اليحمل تابوتي
--------------------------------------
ذاك الظعن لمن سار
وللطف حده حاديها
كلكم نذر ويلادي
وللزهره روحي افديها
بذاك العهد وفيتوا
ولفاطمه اوفيها
لو عندي عشرة أولاد
ماابخل اني اعليها
نور الله هيه الزهره
وكليبي تقبل عذره
تشفعلي وتواسيني
يافاطمه تناديني منهو اليحمل تابوتي
حضور الزهراء وأم البنين للمصرع يوم العاشر
خادمكم عبدالهادي العريفاوي
--------------------------------------
يمه يمه انه وأم عباس لرض الطف اجينه
يمه يمه دمعة عيوني عله فراكك حزينه
والكفيل اعله النهر ونته مكطوع النحر
يمه يمه يمه يمه
--------------------‐---------------
كلبي مايحمل صبر لا والصميده
وعيني شافت ابني من حزوا وريده
ماكفاهم نحره كطعوا خنصر ايده
وزينب اعله التل شفتها مو بعيده
عفيه صبري عيني شافت مصرع وليدي ومصابه
عفيه صبري من اشوفن جثه غطتها الترابه
عيالك الليله بخطر ونته مكطوع النحر
يمه يمه يمه يمه
---------'--------------------
يمه جينه من الوطن ليك اعتنينه
يبني وحشه بغيبتك ارض المدينه
انه وأم عباس للشاطي مشينه
شفنه جوده ورايته ويمهن بجينه
هذا جوده أمه كعدت يبني يم نحره وتشمه
هذا جوده ماتهمه زنوده بس الجود همه
وسفه من غاب الكمر ونته مكطوع النحر
يمه يمه يمه يمه
-----------------------------------
الزهره وي ام البنين تسولفلها
تكلها زينب ضاعت خلاف الكفلها
تدري بالعباس بالدنيه املها
وادري تتمنه بغيابه يحل اجلها
جاوبتها يختي ادريبه الكمر يوفي بعهوده
جاوبتها عالشريعه وليدي من كطعوا زنوده
ابني بجفوفه اعتذر ونته مكطوع النحر
يمه يمه يمه يمه
-------------------------------------
كلها نومه اعله الثرى وكلمن مجانه
لو اكو واحد عدل منهم اجانه
تكلها فاطم عالنهر ننصب عزانه
لكن ام عباس كالت ارفض انه
نمشي لحسين هذا جده المصطفى سيد البريه
نمشي لحسين حته ننصبله عزه بالغاضريه
ويلي من غدر الدهر ونته مكطوع النحر
يمه يمه يمه يمه
-------------------------------------
تكلها خل ننصب عزانه بهل مسيه
وخل يحضرن زينب وسكنه ورقيه
تكلها ماظنهن يجن لا يالزجيه
وعيني شافت بالظعن زينب سبيه
اي شفتهن بالظعينه كبالي من راحن سبايا
وبمتنهن سوط أميه وعالرمح روس الضحايا
وزينب تروح بسفر ونته مكطوع النحر
يمه يمه يمه يمه
قصيدة لفاطمة العليله ع السلام
خادمكم عبدالهادي العريفاوي
بويه عكبك وين اروح والظعن عني يروح مااظن تشفه الجروح للعليله
عني لو رحتوا منو اليسأل عليه
عن سفركم بويه سولفلي القضيه
يكلها يابويه نوينه الغاضريه
هذا أمر الله يفاطم مو بديه
تكله ياذيني البعد والظعن يمته ويرد
ماكو صبر ويستعد للعليله
---------------------------
من يمر بيه بعد وشكيله حالي
بويه معناها رحت افكد دلالي
من يباريني بعد جاوب سؤالي
شعندي بالدنيه بعد غيرك يغالي
لو مشوا عني الأهل مايظل عندي أمل
ريته يلفاها الأجل للعليله
---------------------------
دنيه وحشه بغيبتك بويه عليه
ديره وحشه لو لفت ليها المسيه
بويه اطلب خل تظل يمي رقيه
طفله هاي وبالسفر صعبه خطيه
من تطب سوح الحرب خوفي باجر تنضرب صعبه لجمات الكلب للعليه
----------------------------------
شعندي غيرك بويه ياسلوة حياتي
وبغيابك ادري تكثر نايباتي
بويه ريدن تبقه وحده من خواتي
وكلي كومي وياي حت البس عباتي
ادري بي كلبك سمح ترضه كلبي ينجرح
من يعايدها الصبح للعليله
-------------------------------
بعالم الرؤيا شفت اعظم فجيعه
جن اشوف بكربله جساد الصريعه
وبالطفوف كبالي محتاره الوديعه
وشفت ابو فاظل وكع صوب الشريعه
كلها نومه اعله الثرى والاجساد مطشره
شهل حلم ياهل ترى للعليله
--------------------------------
كبالي دخان الخيم بالطف عماني
كمت اصيحن يارقيه اختج اني
ليش ابوي الغالي نايم مااجاني
هاذ رؤياي الشفتها بالثواني
شفت نيران الخيم وشفت عالشاطي علم
جن حقيقه مو وهم للعليله
واتساب ٠٧٨١٠٥٥٢٥٥٧
------------------'-------------------------------#
قصيده منبريه لفاطمة العليله ع السلام
خادمكم عبدالهادي كريم العريفاوي
ويياي اجن يتوادعن راحن خواتي ويه الظعن
وانه العليله ومابيدي حيله راحن خواتي ويه الظعن
---------------------------
حكي من اسأل يبويه وانتم اصحاب الحميه
لو حده الحادي بظعنكم والصبح دارك خليه
من يوسدني بغيابك لو لفت ليه المنيه
بجدي حيدر ارد احلفك وبضلع أمنه الزجيه
يابويه حلها المسأله وياكم اروح لكربله
السفره طويله ومابيدي حيله راحن خواتي ويه الظعن
-------------------------------
بويه لو باجر مشيتوا يمته ترجع بالسلامه
كلبي يسألني بسؤاله وتدري مايحمل ملامه
شفت ابوي دموعه سالت والدمع اصبح كلامه
ودمعة الوالد جوابه للحزن صارت علامه
بالسفره جدامك خطر ياويلي من هذا السفر
شنهي الوسيله ومابيدي حيله راحن خواتي ويه الظعن
----------------------------------
حلوه لمتكم يبويه لو اجيتوا كبالي كلكم
تشفا الالامي من شوفن عمي بو فاظل كمركم
تصعب الفركه عليه لو رحل عني ظعنكم
ومنهو يرجعلي ويجيني يوصل ويشرح خبركم
منهو الذي يرجع الي اقسم عليك بحق علي
ياهو اشتكيله ومابيدي حيله راحن خواتي ويه الظعن
----------------------------------
من يسليني يبويه والنظر المن اديره
بويه ياذيني سفركم وحشه من عكب العشيره
ويامن اكعد واشكي حالي وياهو منكم استشيره
التمت اعليه النوايب عالكلب صارت جبيره
ياحيرتي بهذا الجره والمادره بحالي دره
ماكو مثيله ومابيدي حيله راحن خواتي ويه الظعن
------------------------------
لو حده الحادي بظعنكم ضاكت الوسعه عليه
لا اخوتي ولاعمامي ولاسكينه ولارقيه
الفركه شلعت باب كلبي بالهظم ناري سريه
ولا اشوفن عمتي زينب هسه هيه بيا ثنيه
الموت اريده بغيبتك لا تطوول سفرتك
خل وخليله مابيدي حيله راحن خواتي ويه الظعن
-----------------------------------
رؤيه صعبه البيه مررت ضاكت بعيني الوسيعه
وين ابو فاظل أدور كالوا بصوب الشريعه
بعالم الرؤيا واصيحن واركض بركضه سريعه عالنهر عمي اشوفه لاجن جفوفه كطيعه
والجود اشوفه اعله النهر زينب يبو الغيره بخطر
من كل قبيله وماعندي حيله راحن خواتي ويه الظعن
نزززله للأمام الصادق ع السلام
خادمكم عبدالهادي العريفاوي
----------------------
شيعه مذهبنه العلوم الجعفريه ٢
نبقه معدن صافي رغما عالدهور
أولياء العتره وليوم النشور
لاخيانه ولا حديث العدنه زور
واحنه مانعبد عجل للسامريه
------------------------،،-
مايهمنه افعال ذوله اهل الجهل
ولاعبدنه اللات والعزى وهبل
احنه منهجنه علي خير العمل
واحنه يكفينه فخر بالرافضيه
-----------------------
جعفرالصادق سليل الانبياء
وكل بني العباس زمرة اشقياء
ضد اهل بيت النبي زرعوا عداء
زادوا اضعاف الحقد عن ال أميه
------------------------------
ابنك الكاظم تكييد بالحديد
والظلم ضد موسى بن جعفر شديد
لعنه ضد هارون ذاك اللا رشيد
حكمه وينه واصبحت داره خليه
----------------------
زمرة ال سعود زمرةجائره
هيه من نفس السلاله الفاجره
هدمت ليش القبور الطاهره
ذوله اسلاف الكسرضلع الزجيه
-------------------------
مايهمنه الزمره عباد الوثن
والفتن موجوده عدهم كل زمن
الباقر السجاد نبنيه والحسن
وجعفر الصادق ابو الطلعه البهيه
-------------------------
سيدي الصادق نسولف عالاهم
بالطفوف هناك نيران الخيم
وعالشريعه يطيح شيال العلم
وعالرمح راس الحسين بن الزجيه
------------------
انتظرونا على بركة ألله في الأيام القليله لنشر القصائد لشهر محرم عام ٢٠٢٤ ومن الله التوفيق
Читать полностью…
قصيدة رثاء أمير المؤمنين علي ع ألسلام
خادمكم عبدالهادى العريفاوي
حيدر سيف الله وقرانه يتوادع هالليله ويانه
ايتامه تعنينه نشوفه لا ماتسوه خلافه الكوفه
يتوادع هالليله ويانه
---------------------------‐-------
تودعنه وتريد اتروح يتامه واحنه وين انروح ابونه بهامته مجروح
شديده كالوا الطبره
يهل تسأل منو حيدر علينه اللي قلع خيبر بيمينه شما ذبح كببر
الكتايب كلها متطشره
منو اليكعد يواسينه وبعد منهو اليبارينه اذا تمشي وتخلينه
كلبنه كسرته كسره
ابونه كربت ايامه يلوج بضربة الهامه
بعد ماكمل صيامه عله صيامه بقن عشره
ايتامك وكفت يم بابك تدعي الباري يشافي صوابك
والمحراب شلون يعوفه ماتسوه خلافه الكوفه يتوادع هالليله ويانه
---------------------------------
يظيغم والحرب عيدك منو اليكدر يمس ايدك اعله غفله النايبه تريدك
وتودعنه وتخلينه
اجيناك بكلب مكسور يتامه الدنيه بينه ادور حسافه وينهدم هالسور
وتفاركنه يوالينه
اذا طر الفجر عدنه وجودك يمنه يسعدنه اذا تمشي اشبكه عدنه
وبعد منهو اليبارينه
ركضنه بدمعه مهظومه ابونه نعرف اعلومه اظنها الفركه مختومه
غيابك يصعب اعلينه
والينه اصوابه اعله الهامه كالوا معدودات ايامه
ياكعبه وجينه احنه انطوفه لا ماتسوه خلافه الكوفه يتوادع هالليله ويانه
---------------------------
الحسن وحسين ابو اليمه ابوهم فايض بدمه وجميع اولاده ملتمه
واختهم زينب الكبرى
يويلي اعياله مجتمعه اعله ابوهم تسجب الدمعه العلامه الوالد انودعه
اموره اعلينه متعسره
الطبيب يعالج بجرحه مصاب السم بده يشرحه عله فراشه بده يطرحه
يكلهم مابقه بعمره
ابن ملجم يشوفونه اسير ومايضربونه
اعله حيدر دارت عيونه
اعله فعله يطلب يعذره
حيدر يتكلف بي امره من يتشافه بهاي الطبره
ضربه بضربه ومدري يعوفه لا ماتسوه خلافه الكوفه
------------------------'---------
علي وبأخر انفاسه يصد عينه اعله عباسه الطفوف التجرح احساسه
وصيتي ارد اوصيها
اذا سار الظعن بيكم لراضي الطف يوديكم العده تتجمع اعليكم
الظعينه انته تحميها
العطاشا من تريد الماي غيور وسهله عندك هاي براضي الطف تشيل الواي
العطاشا انته ترويها
امانه زينب بأيدك يفارس والحرب عيدك
وحيد بكربله اعضيدك
العقيله عينك اعليها
ترف الرايه بيمينك يكافل ربك يعينك
وتطيح هناكه جفينك
الخيم ماظن تصل ليها
واختك برض الطف محتاره والصيوان التلهب ناره
تصيح الكافل وين جفوفه لا ماتسوه خلافه الكوفه يتوادع هالليله ويانه
------------------------------
يسورة قل هو انته الجرح يابويه ظمدته
صيامك وسفه فاركته
الحسن منك يربد اجواب
نعايدمن يبو الأيتام يظيغم بالحرب ضرغام الجمل ادبته وأهل الشام
يبويه ومن قلعها الباب
يبويه الفتنه ضدنه تعيش شياطين التقود الجيش عفتنه بهل نوايب ليش
الفتن صارت علينه احزاب
عليك بداعة الزهره شفاءك احنه ننتظره
يبويه غيبتك كسره اذا باجر ابونه غاب
كل الشيعه لفكدك صاحت لمحرابك ياحيدر راحت
راح الحق ووين نشوفه لا ماتسوه خلافه الكوفه يتوادع هالليله ويانه
----------------------------------------
قصيدة لأستشهاد أمير المؤمنين ع السلام
خادمكم عبدالهادي العريفاوي
----------------------
مالوم والطبره براسه
مالوم باخر انفاسه
تصيح ايتامك ياحيدر اكعد يالقالع خيبر
مالوم باخر انفاسه
---------------------------
ابونه نته واجينه ننشد شلونك
بطل خيبر كفو والكل يعرفونك
وكت لحضة سجودك بي يغدرونك
لأن عدهم حذر واجب يهابونك
كعدنه كبالك احنه ومنخطف لونك
كرب عدنه الوداع بنظرة عيونك
هيهات مايرجع لينه
هيهات ينهض والينه
تنهض روحك ماتكدر اكعد يالقالع خيبر
مالوم باخر انفاسه
--------------------------------------
ينازع بالألم من طبرته نشوفه
ونشوفه اعله الوساده الوانه مخطوفه
بغدر اهل السقيفه الخطه معروفه
فلا تسوه بغيابك ديرة الكوفه
يكعبتنه وجوبا شخصك انطوفه
ابن ملجم أسير وعينك تشوفه
واتكول خطار بداري
واتكول هاكم اخباري
أخذ بثاري من اكدر اكعد يالقالع خيبر
مالوم باخر انفاسه
----------------------------------
يويلي اتسعطعش رمضان شل حالي
طحت بين الوداع وفركة اعيالي
بسبب هاي الفجيعه خابت آمالي
اصد بعيني اشوفن هذا جتالي
يتاماك اعله بابك تبجي يالوالي
مجانك ياعلي باجر يظل خالي
وانصيح ألله أكبر
ونصيح وينك ياحيدر
ياذينه الموقف اكثر اكعد يالقالع خيبر
مالوم باخر انفاسه
-------------------------------------
الحسن وحسين أخيه طبوا المحراب
يويلي من الدمه فايض يداحي الباب
بسجودك تنطبر مانعرف الأسباب
صحيح لكل اجل بالنايبات اكتأب
يحيدر للمصيبه ماحسبنه احساب
الف لعنه عليهم زمرة الأعراب
إرهاب تخطيط الماضين
إرهاب ضدك يابوحسين
والموعد يوم المحشر اكعد يالقالع خيبر
مالوم باخر انفاسه
----------------------------------
الخبر كالوا ولينه طبرته بالراس
حزن بيت الرساله لفكده ماينقاس
سره السم بعروقه بغدرة الارجاس
حسن وحسين اخيه وحضرة العباس
يصدون لابوهم آخر الانفاس
وعله صوت الفجيعه اتجمعت هالناس
والناس وكفت يم بابه
والناس كصدت محرابه
صاحوا ياساقي الكوثر اكعد يالقالع خيبر
مالوم بأخر انفاسه
-----------------------------------
يوصيهم وصايا بحسره يخفيها
يبو اليمه طفوفك لو رحت ليها
ووصيتي يم ابو فاظل اوصيها
العقيله بعهدتك بالطف يواليهأ
اخذ زينب بديك وعينك اعليها
الوديعه اختك يبو فاظل تباريها
ويلاه وبأرض الكوفه
ويلاه مكطوعه جفوفه
وجسمه اعله الشاطي موذر اكعد يالقالع خيبر مالوم باخر انفاسه
----------------
قصيدة مولد ابي الفظل العباس ع السلام
خادمكم عبدالهادي العريفاوي
--------------------------------------
موووال للقصيده
ملك الموت بالطف حربته بيمناه
يتعنه العساكر يلكط العينه
تعب من القتال يريد بس يرتاح
نخه العباس بلكت يطلع يعينه
ربك صاح عزرائيل بالميدان
للعباس تمشي وبينك وبينه
اوجر بالعساكر والجثث طشار
تترجاه وتكطع منه جفينه
ويصفيها العساكر لو يظل عباس
ويكل لحسين خلصوا كل اعادينه
ويشيل ظعون زينب بت علي الكرار
ويكل لحسين نرجع للمدينه
من تبقه الجفوف اليوم عد عباس
لاعاشور عدنه ولاتعازينه
---------------------------------------
مستهل القصيده
ظي الكمر شع وانتشر أجمل خبر
ميلادك يعباس ميلادك يعباس
يمنور المعموره يامحلا هاي الصوره
بغظا لأهل الشورى نتعايد بميلاده
فارس شجاع نشوفه يرفض نكمط جفوفه واجب علينه نطوفه ياكمر كل الساده
حيدر يشوفه بعينه ويبوسه من جفينه
عباسي الله يعينه طف كربله ميعاده
بكماطه يرهب شوفه فارس عظيم نشوفه والموعد أرض الكوفه يستكفي منها مراده
والمجزره اعله الكنطره ونتنطره
ميلادك يعباس
---------------------'---------
بالمولد متانينك ونته السند لحسينك جتاله خزرة عينك لعدوانك التخزرها
انته الفخر بفعالك منهو الذي يدنالك يابلفظل هنيالك يبن القلع خيبرها
أمك فخوره بزودك منهو اليصل لحدودك
فدوه رحت لزنودك اركاب الزلم تبترها
بيدك ترف الرايه ومنهو اليصل للثايه
وتدري الجيوش هوايه خشوم الزلم تكسرها
راعي العلم حامي الحرم سورالخيم
ميلادك يعباس
-------------------------------------
للحرب شاد حزامك منهو اليكف جدامك
لو جردت صمصامك يم الفرات ومايه
مأمنه الحرم بوجودك ونته الوفي بعهودك بالحومه تمشي بزودك وبيدك ترف الرايه
عالمشرعه حط سيفه ويتخطه يمها بكيفه
ويدري الأمر تكليفه وتتراجف الرمايه
ذيج الزلم مهظومه كلمن يموت بيومه محد يطب للحومه ويتخطه هو برايه
حقها الزلم من تنهزم عدهم علم
ميلادك يعباس
-----------------------'----------
نطش الورد والزينه وبمولده التمينه
يحفظنه ويخلينه يبالفظل صد عينك
والشيعه الك ملهوفه وذاك الضريح انطوفه يالصولتك معروفه ونته العضد لحسينك
يالزلزلت كوفتهم ماهمتك كثرتهم
وبسيفك تشتتهم شيعه فدا لجفينك
وارث شجاعة حيدره يالشطرته خط مسطره وكل الجيوش محيره وبكيفك مخلينك
بصوب النهر الدم انتصر كل الفخر
ميلادك يعباس
قصيدة رثاء الإمام موسى بن جعفر
ع السلام
خادمكم عبدالهادى العريفاوي
‐--------------------
دمع الأحزان الليله عنوان الكاظميه
وعدنه مذبوح نكصد انروح الغاضريه
وموسى ابنا جعفر نور الحسين
---‐----------------------
العمر كضيته بالسجن بطاموره يبني مندفن والزهره سلواها الحزن
مسجون وليدي بطاموره
ياخوفي ماشوفك بعد جيتك ييمه اعله الوعد بس الله يوليدي السند
الله يلعن اهل الشورى
أمك فاطمه تناديك وينك يبني حاجيني
هالليله اشوفك كون وارجع يبني لحسيني
ازور اولادي يايمه كل واحد يناديني
بس المهدي اشوفنه كل ساعه يحاجيني
امشي لاوين سامره يبني مازرتها
واكصد الشام زينب هناكه عفتها
موسى ابنا جعفر نور الحسين
-------------------------------
منرض البقيع امك اجت لهاي المصيبه اتألمت اعله مصابك عيوني جرت
يالصبرك صاير عنوانك
انه البتول الطاهره مايخفه عن عيني اشجره والجبده ادري موذره
ماوصلوا يوليدي اخوانك
وشفتك عالجسر يبني ونته بسلسله مكيد
الكاظم بالسجن مسموم ويلي وجبدك اتمرد
واللعنه عله هارون وبظلمه تعده الحد
حالك حال ابو اليمه فوك الترب تتمدد
وتدري بحسين ياويلي عالطف ومصابه
ابني مذبوح وظل الجسد فوك الترابه
موسى ابنا جعفر نور الحسين
--------------'--------------'
مكيد ييمه اعله الجسر وكليبي يبني منكسر ضدنه الحقد شو مستمر زمرة هارون الملعونه
اكعد يبن خير العمل يبني كرب ليك الأجل لااخوه عندك لااهل
والكاظم كون يشوفونه
يالكاظم دريت شصار بالطف ومحاريه
ذبحوا كل بني هاشم فوك الترب مرميه
وعمتك عالهزل زينب لراضي الشام مسبيه
وتصيح بصوت ياعباس وينك تفزع اعليه
فك الاحبال خويه بحبل مجتوفه ادينه
وهاي الأيتام بطف كربله صارت رهينه
موسى ابنا جعفر نور الحسين
------------------------
ياويلي موسى وغربته محد حضرها اجنازته شو غربه وادم شالته والشيعه لفكدك مهظومه
يوليدي سولفلي اشجره يالجبدتك متوذره من الزمره هاي الكافره
زمرة احقاد ومشؤومه
شيعه ونلهج بطرواك ياويلي عله المسموم
امر الله صدر بسمك وتدري بهل الأمر محتوم
كل عام اليمر ذكراك ننصب عزه للمظلوم
يابو الرضا مكيدينك وجبدك سيدي مالوم
ننصب عزاء في كل مكان الليله ننعاه
نور الجليل سابع أمام الباري خلاه
موسى ابنا جعفر نور الحسين
--------------'-------------
ياسيدي يابو الرضا يبن الإمام المرتضى وتنادي كل الرافظه
سجلنه بدفتر خدامك
انته الشفيع لامتك والأمه حقا شيعتك ملهوفه جت لزيارتك يالعايش عمرك بالامك
سورة قل هو مولاي وباءالبسمله انته
يانور وسطع من نور نورك والله ماعفته
معناها بظلام انعيش بنورك كلشي نورته
وبالمحشر شفيع الناس وبيدك امري سلمته
ياالاوصياء عنوان الشفاعه بالحشر
والمبغضين في جهنم زمرة الكفر
موسى ابنا جعفر نور الحسين
------------'------------
نززله للأمام الكاظم ع السلام
خادمكم عبدالهادي العريفاوي
---------------------------------
الشيعه تنصبلك عزاء سابع أنوار السماء
يابا الجوادين يابا الجوادين
--------------------------------
شيعتك عالحق ابد لاماتميل
والنقدمه لحضرتك جدا قليل
مايخوفنه ابرهه الجايبله فيل
شيعه لبينه النداء سابع انوار السماء
يابا الجوادين يابا الجوادين
------------------------------
ياسليل المصطفى وعين اليقين
ونته بن حيدر علي ليث العرين
يبقه حقده اعليك هارون اللعين
في سجل الاشقياء سابع انوار السماء
يابا الجوادين يابا الجوادين
--------------------------------
ساكن بطاموره ظلمه ياشهيد
بجبدك المسموم وبكيد الحديد
شنهو عذره المجرم بيوم الوعيد
ونته ياباب الرجاء سابع انوار السماء
يابا الجوادين يابا الجوادين
----------------------------
شنهو ذنبك سيدي يابو الرضا
حزنت لهذا المصاب الرافضه
ياسجين وبالسجن ضاك الفضا
ياسليل الاولياء سابع انوار السماء
يابا الجوادين يابا الجوادين
----------------------------------
ميت مكيد أمامي بجامعه
ياغريب وبس حماميل اربعه
ونته سورة قل هو والواقعه
من فعلهم اغبياء سابع أنوار السماء
يابا الجوادين يابا الجوادين
--------------------------
ننصب اليوم العزه ويبدي اللطم
الله يلعن كل فعل لهل الظلم
واحنه حد الموت وياهم خصم
ذوله اهل الكبرياء سابع انوار السماء
يابا الجوادين يابا الجوادين
--------------------------------
ولمصابك نعتني ابابك نطوف
هم دريت شصاير بيوم الطفوف
هجموا اعله حسين برماح وسيوف
يامصيبة كربلاء سابع انوار السماء
يابااااااا الجوادين
-----------------------------
اسألكم الدعاء والرحمه لوالديي والمؤمنين خادمكم عبدالهادي العريفاوي
------------------------------------------
رثاء زينب عليها السلام
٣ دكات نجفي
خادمكم عبدالهادي العريفاوي
---------------------------------
بدرب السبي عكب الاهل تتكفل ايتام
وتلفه المنيه لحضرتج وبديرة الشام
ذاك المسه بليل هدعش اعظم رزيه
عينج تدير اعله الأهل كلهم رميه
ومرعوبه بسياط العده سكنه ورقيه
يازينب وياج الدهر متحزم احزام
--------------------------------
يازينب وياج الدهر جزاها الاحدود
عفتي الكفيل اعله النهر مكطوع الازنود
حامي الظعينه بكربله ياويلي مفكود
واتمرجلوا ضد الحرم حركوها الاخيام
------------'-----------'-----
واتمرجلوا ضد الحرم اضعاف الانفوس
عكب الكمر حامي الظعن بالغيره متروس
وبصدر الحسين العده بالحافر ادوس
وينك يحماي الحمه احضر يضرغام
----------------'---------------
زينب يحماي الحمه مجتوفه بحبال
كل هذا ماهمها الجره وتتكفل اعيال
وسفه الأميره ام الخدر مابين الانذال
ماترحم احوال الدهر ولزينب شظام
-------------------------------
ماترحم احوال الدهر وشجم فجيعه
صاحت يخوتي بكربله انه الوديعه
وتركض لعد صوب النهر يم الشريعه
يرضاها شيال العلم عالمشرعه ينام
----------------------------
يرضاها شيال العلم دمع الحزن صاح
وعين التصد روس اخوتي مرفوعه برماح
ودرب السبي ماينحمل وشجم طفل طاح
وكت المسير اعله الظعن مرفوعه الإعلام
------------------------------
وكت المسير اعله الظعن يعلن حرب ليش
واصعب مصيبه اعله الخيم من يهجم الجيش
لزينب فلا دارت سنه عكب الاخو تعيش
ماترضه تشتم الهوه من عكب الاكرام
----------------------------------
ماترضه تشتم الهوه بت الزجيه
تندب يخوتي بكل وكت يهل الحميه
ياخوتي للشام ارجعت مروا عليه
الشام اصبحت ديرة كفر ماعدهم إسلام
---------------------------------
الشام اصبحت ديرة كفر ماعدها كل دين
لاذمه عدهم لاشرف حزب الشياطين
واليدعي الدين بحقد يذبح بالحسين
كل الصحف ذيج انطوت واتجف الأقلام
----------------------------
بس الدمع يابت علي صاير وسيله
ماواحد من الطف اجه لنعشج يشيله
وكل ميت اعله جنازته تحضره القبيله
بس انتي كلبج بالغرب متصوب اسهام
---------------------
عينج تصد اعله الأهل بلكت يحضرون
وحسين اشوفه والكمر ها بلكت ايجون
عبدالله جعفر مااجه شو ماوصل عون
بديرة غرب ام الخدر خانتها الأيام
-------'-----------------------------
رثاء الإمام الكاظم ع السلام
خادمكم عبدالهادي العريفاوي
ياذينه فركاك يابو الجوادين
بلدمعه تنعاك كل الموالين
بس الجره وياك مو مثل الحسين
-------‐-------------------------
صحيح انته بسجن اظلم وعليك الشيعه منتظره
وكضيت سنينك بزنزان وتزورك فاطمه الزهره
بظلام يشوفك السجان ويزهر نورك بقدره
ياكوكب يشع أنوار يسابع نوره بللعتره
ننصب عزه آليوم من هالمصيبه
لكن يمظلوم صبرك عجيبه
بس الجره وياك مو مثل الحسين
----------------‐------------
لعين بفعلته هارون أمامي احشاءه مسمومه
وتكول الموعد الجمعة وعليك الشيعه مالومه
بسلاسل عالجسر مكيود مصابك واضحه اعلومه
ويظل بهل فعل ملعون عليك احقاده مختومه
بكيد السلاسل ظل يجري دمك
وتعاين الحال الزهره أمك
بس الجره وياك مو مثل الحسين
----------------------------------
سجين بديرة البصره وحيد ومحد يشوفك
ملائكة السمه مولاي تجيك وتنزل اطوفك
وتكلك فاطمه الزهره ييمه اني ماعوفك
شجاها الوادم اتضدك نكوره وتدري معروفك
نور النبي شلون نكروا وجودك
صح مايفهمون أشتقره بسجودك
بس الجره وياك مو مثل الحسين
----------------------------------
اقارن بينك ومابين بوصافك ياابن جعفر
بمصاب الطف دريت شلون اليمه صورة المنظر
ابو اليمه عله التربان يويلي وكطعوا المنحر
ودريت بزينب الحره عكب واليها تتيسر
وذيج الضحايا بالغاضريه
عياله سبايا بيد ال أميه
بس الجره وياك مو مثل الحسين
-----------------------------
غريب انته بأرض بغداد لا خوتك ولا اعمام
لعينه كل بني العباس بحقدهم والضغينه شظام
ماعدهم شرف لادين خسروا ملة الاسلام
لان جدك علي الكرار وجفه أمهدم الاصنام
يابا الجوادين ياوسفه مكيود
بس الجره وياك مو مثل الحسين
---------------------------------
طريح نته بجسربغداد وعليك الشيعه مهظومه
ومصاب الطف تعرفه شلون وعندك واضحه اعلومه
دريت بحال ابو السجاد يويلي مسلبه اهدومه
انته اتغسلت مولاي وجدك باقي بالحومه
روس اعله الارماح مرفوعه أيام
حادي السبي راح يم ديرة الشام
بس الجره وياك مو مثل الحسين
-----------------------------
قصيدة رثاء زينب عليها السلام
خادمكم عبدالهادي العريفاوي
شاءت المنيه لزينب السبيه بديرة الشام
دمعتج دمعتج وي دمعة السبايا
دمعتج دمعتج فاركتي راعي الرايه
وراس اخوج كبالج عالرمح يبرالج وكل الايتام
------------------------------------
منهو مثلج بالصبر انتي ياأم الخدر مابعد يسوه العمر عكب الحسين
من عكب راعي العلم توجرت نار الخيم تشاردت كل الحرم مدري لاوين
رحتي يم صوب النهر صحتي اكعد يلكمر حسيني مكطوع النحر انته جا وين
ظلت اطفال ونسه واحنه بس هذا المسه ميته هالليله عسه ويه الميامين
بالظعن كفيله ورحتلج طويله صعبه يم عون
زينب الأميره مكيده واسيره وتجري العيون
وراس اخوج كبالج عالرمح يبرالج ويه الأيتام
--------------------------------------
عشتي برض الطف حزن لااخوتج لاابن والسياط اعله المتن يالعقيله
والجيوش اتجمعت عالخيام اتوزعت وبحقدها اتحزمت كل قبيله
والضحايا بنينوى عالارض كلهم سوه وينه شيال اللوه اشتكيله
اشتكيله شماجره والخيام موجره خويه سبع الكنطره هيه ليله
تودعك السبايا موادع المنايا اعله الشريعه
وعالنهر اشوفك تأشر بجفوفك يالوديعه
راس اخوج كبالج عالرمح يبرالج ويه الأيتام
---------------------------------------
ذاكه تل الزينبي وانه في درب السبي احضر احضر ياابي للاسيره
حسيني مكطوع النحر والكفيل اعله النهر وانه يابويه بسفر والله حيره
واني اركب عالهزل والأهل خلصوا جتل ماكو بيهم ظل عدل واستشيره
وروس اخوتي اعله الرمح كل جرح يلجم جرح ماكو ليل ولاصبح بالمسيره
عيني عاليتامه توصل بسلامه للخرابه
من يحل تعبهم والتعب يذبهم عالترابه راس اخوج كبالج عالرمح يبرالج ويه الأيتام
---------------------------------------
بالسبي نعيش بخطر وكل كلب عدنه انكسر من بعد عين الكمر ياشماته
انه بت خير العمل مابعد عندي أمل كلبي يتمنه الأجل من حياته
مابعد عدنه خيم ولايرف يمنه العلم والدمع يشرح الم نايباته
والظعن ظل يبتعد ريته بو اليمه يرد لجيته لازم تستعد كل خواته
دمعتي الحزينه زينب الرهينه بأمرة الناس
اختك الوديعه تندب الشريعه وينه عباس
راس اخوج كبالج عالرمح يبرالج ويه الأيتام
-------------------------------------------
لديرة الشام اعتنيت دورتكم مالكيت واني للباري شتكيت حلها ليه
مابعد بالجلمه صوت بالغرب اني اموت ويلي من هذا السكوت بالمنيه
كل اخوتي بكربله وادري موطنهم حلا وانه جنت مدلله شهل الرزيه
منهو يوصل للطفوف هناكه مكطوع الجفوف ريت ابو فاظل يعوف الغاضريه
حيرتي يحلها يحضر الكفلها للجنازه
اني ناشدتهم مااجوا لختهم الاخوه عازه
راس خوج كبالج عالرمح يبرالج ويه الايتام
-----------------------'--------
أسألكم الدعاء لوالديي خادمكم عبدالهادي العريفاوي
قصيدة رثاء أم البنين ع السلام لحن
دهري ذبني
خادمكم عبدالهادي العريفاوي
--------------------------------------------
ليلة وفاتي وليش ماجاني الحسين
وبرض الطفوف هناك عندي اربع ابنين
صاحت وناحت
ويلادي ماالهم بعد جيه
-------------------------------
وكت المنيه الروح فايض صبرها
شو مااجاها حسين لا رد كمرها
روحي بحزن وبنوح يخلص عمرها
امكم تريد اخبار شابح نظرها
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
------------------------------------
حل الوداع اليوم موتي لفاني
واتنطر الغياب محد اجاني
للغاضريه شلون محد خذاني
معقوله ابو السجاد راح ونساني
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
----------------------------
منهو اليودي اخبار للغاضريه
امكم يكلهم هاي بس هالمسيه
هاي الابيوت شلون ظلت خليه
اتمنه بس حسين يرجع اليه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
---------------------------------
ننصب عزانه اليوم كوموا يشيعه
ونخبرها عن عباس يم الشريعه
برض الطفوف هناك اعظم فجيعه
ومسبيه لرض الشام حتى الوديعه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-------------------------------
الكم يبعد الروح تتربه العيون
كل يوم اكول اليوم ليه يرجعون
من اذكر العباس يتغير اللون
عبدالله مارد ليش لا جعفر وعون
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-------------------------------
بالغاضريه تصيربيها المنايا
وكالوا وكع عباس وبصفه رايه
حتى الأهل للشام راحوا سبايا
وحدي بكيت هنا وهاي النهايه
ليلة وفاتي وليش ماجاني الحسين
برض الطفوف هناك عندي اربع ابنين
صاحت ناحت
ويلادي ماالهم بعد جيه
-----------------------
قصيدة رثاء لأم البنين ع السلام
خادمكم عبدالهادي العريفاوي
----------------------------
مارجع من الطفوف حسينها
ولا أجوا لرض المدينه ابنينها
انه هاي ام البنين الفاظله
ويه الكواكب ليل الموادع حله
منهو يخبرهم يروح لكربله
امكم الغربه تره مشيعينها
------------------------------
انه من زينب وصل ليه الخبر
عن ابو السجاد مكطوع النحر
وكالت العباس يم صوب النهر
جفوفه ظلت علثرى مكطعيها
‐-------------------------------
تكلي عبدالله وكع وبصفه عون
حتى من جعفر بعد مامش ظنون
بكربله ظلوا بعد لا مايجون
للضياغم ماتجي تصد عينها
----------------------------
من دنت ليه المنيه بحجرتي
كبالي ملك الموت نشف دمعتي
كتله وين حسين هو سلوتي
انه أمهم مااظن ناسينها
-------------------------'--------
من اصد لكربله كليبي يشوف
والجثث متوذره بحد السيوف
خل يجي العباس وبلايه جفوف
تفتخر أمك تشوفك عينها
--------------------------------
سولفت زينب عله الصار وجره
من وكع عباس سبع الكنطره
انه للكوفه مشيت اميسره
والعده بسوط المتن ماذينها
----------------------------
يمه ياعباس يافخر الرجال
من يشيلون النعش يمهم تعال
بلكت الله وترجع منرض القتال
وتسأل اعله امك تكلهم وينها
