نززله للزهراء عليها السلام
خادمكم عبدالهادى العريفاوي
ضلعج المكسور ماناسينه
وحيدر الكرار ألله يعينه
فاطمه الزهراء بت سيد البشر
وسفه خلف الباب والضلع انكسر
والمسبب للفتن فعلا عمر
هذا كافر في نظامه ودينه
----‐-----'-----'-------------
هجموا اعله الدار ضد بت الرسول
ويدري خلف الباب زهرتنه البتول
شنهو باجر بالعذر لله اشتكول
الله عالحق بينج ومابينه
----‐------'‐---------------
ضربة البسمار تجرح كل ظمير
وموقف الدين اتضح جدا خطير
يخلي حيدر بالحكم هو الأخير
ويبقه حيدر للحشر والينه
--------------------'-----------
عالضلع بالدم بجت حتى السماء
والملائك والرسل والأنبياء
هذا تخطيط لمصيبة كربلاء
اعله الرسول ويامصاب حسينه
---------------'-------------------
ياشفيعتنه بفخر ام الحسن
الله يلعن بالحقد اهل الفتن
والفتن موجوده عدنه بكل زمن
واحنه منهجنه عدل ماشينه
------------------'-------------
اليبغظك ياعلي بزرة حرام
والملائك كلها توكفلك قيام
بعد عين المصطفى انته الإمام
والينكرك هذا خاسر دينه
--‐----------------------------
انتي مولاتي الوتر ونتي الشفع
وسفه يازهراء مكسورة ضلع
ويلي بت المصطفى اتهل الدمع
والرسول بفاطمه موصينه
--‐------------------------
قصيدة للأمام الجواد ع السلام لحن كرار ابو غنيم ماظلت امتون
خادمكم عبدالهادى العريفاوي
--------------------------------
ننصب عزه اليوم عالجبده مسموم
وكل عمره مظلوم عالجبده مسموم
مصاب الجواد وحيرته بهاي الفجيعه
ننصب عزانه باللطم واجب يشيعه
ابن الرضاعاش بحقد اهل الخديعه
زمرة بني العباس اذن ضد الشريعه
زمره من الانذال في كل الأحوال
وصلتنه الإعلوم للجبده مسموم
--------------------------
ملعونه هاي ام الفظل واضح فعلها
ضد الجواد بكل حقد ضربت مثلها
ياربي انته المنتقم ونته التحلها
نفس النهج من عائشه الركبت جملها
قارينه الاكتاب عن اصل الارهاب
بي كلشي مختوم عالجبده مسموم
------------------------------
نفس السلاله بهل عصر طلعت شياطين
تعلن سخافات الدجل ضد نهج الحسين
عل يلطم ويمشي مشي كالوا مرائين
عدكم وسائط للنقل ليش نتو ماشين
اصل القضيه من العفلقيه
بفعاله مشؤوم عالجبده مسموم
----------------------------
موضوع اطرحه بكل أدب والكل يسمعون
ادري البعض من هالبشر يمكن يزعلون
اللي يسب حزب البعث لا مايقبلون
وبالموكب ويانه البعض ايظا يلطمون
واضح نفاقك انته ورفاقك
بفعاله مذموم عالجبده مسموم
-------------------------------
ننصب عزانه بكل وكت ماتنشف العين
واعظم مصيبه بكربله صارت بالحسين
ميهمنه ذوله اهل الدجل زمرة شياطين
واليحجي عن اهل العزه ماعنده كل دين
منهجنه للموت مايخمد الصوت
لكل عمره مهظوم عالجبده مسموم
قصيدة كعدة للقاسم بن الحسن ع السلام
خادمكم عبدالهادي العريفاوي
حنة إيدك ودم وريدك عالرمل سالن سوه
ياشبابك من مصابك ينكطع عني الهوه
يبني للحومه اعتنيتك سابح بدمك لكيتك
------------'--------------------
ودعتني بهل المسيه وتعلن لباجر رحيلك كلبي مايحمل مصايب يبني هالليله اشتكيلك يمه باجر لو عفتني انه للحومه اعتنيلك
ياجاسم الحيل انهدم وادري الحزن بسمي انختم شو صعبه نكلات الجدم
لاتفاركني دخيلك
ودعتني وعذبتني ومابكه عندي أمل
من اشوفك بكل ظروفك انخه ياخير العمل
كلبي ملهوف واجيتك سابح بدمك لكيتك
--------------------------
اصبح العاشر ييمه وأدري ساعاته قليله
اجتمعت اعليك العساكر يالولد من كل قبيله
عيني للباري بمصابي ربي ماظل عندي حيله
تودعني يايمه ورحت يوليدي ياجاسم صحت من فاركت عيني طحت
وانه ماعندي وسيله
ياشبابه ومن غيابه للحزن كلبي استعد
من تحزم كلبي يعلم مايرد ليه الولد
يمه جن كربت منيتك سابح بدمك لكيتك
--------------------------
انتظر يبني تجيني ورجعتك جنها بعيده اجتمعت العدوان ضده خوفي لو حزوا وريده
وكلبي دم ولحم يمه لاتظن كلبي حديده
ياخوفي جاسم ماسلم يوليدي مو حيلي انهدم ماظن يرد صوب الخيم
وليدي ياربي اريده
الهم لفاني مااجاني ماعرف شنهو ظروفه
بهل مسافه ياحسافه عيوني ماتكدر تشوفه
لاتظن يبني نسيتك سابح بدمك لكيتك
------------------------------'
عمك حسين بمصابه من رجع مكسور ظهره
جاسم وليدي اشوفه نايم ومكطوع نحره
ابو اليمه بحضنه شاله بجانب الاكبر يسطره
يوليدي ياروح القدس شمحلاها كعتنه امس يالفاركت حتى العرس
ولزفافه بكلبي حسره
نحره دامي كليبه ظامي ويلي منهاالغاضريه
عني غايب والمصايب لومشت امك سبيه
بدمي وبروحي فديتك سابح بدمك لكيتك
------------------------------
ابني مذبوح واشوفه جثته بالطف رميه
يبني ماظل أمل عندي من مصاب الغاضريه
شو عفتني وهذا حالي وانه مجتوفه وسبيه
نعي الخاتمه
كل الأهل خلصوا جتل والعيله مجتوفه بحبل فوك الحمل زاد الحمل
بالسبي مجتوفه اديه
قصيدة ليلة الحادي عشر لحن كرار ابوغنيم ماظلت متون
خادمكم عبدالهادي العريفاوي
------------------------
حاجيني يحسين انطي الوجه وين
وكلكم مطاعين حاجيني يحسين
اختك عفتها امحيره وعيونك تنام
ياليلة الحادي عشر ماظلت اخيام
عكب العشيره بكربله محتاره بيتام
وباجر يخويه ننسبي وممشانه للشام
وروس اعله الارماح وحادي الظعن صاح
للكوفه ماشين حاجيني يحسين
----‐------------------
سكنه ورقيه اعله الجسد صاحن يعمه
والدنه متكطع وذر نكعد نلمه
مانمشي عمه للسبي خل نبقه يمه
ياعمه شو جسمه ثلم ثلمه اعله ثلمه
من داست الخيل بالحافر وحيل
وتركت نياشين حاجيني يحسين
-----------------------
هالليل اجانه ولا اخو يرجع اليه
ليلة امس وسط الخيم كلنه سويه
والليله وحشه بلا أهل بالغاضريه
تنشدني عنك من غبت سكنه ورقيه
جاوين ابونه من سلبونه
وراعي العلم وين حاجيني يحسين
------------------------------‐--
لا اخوه عندي ولا بكت عندي عشيره
لحسين اجيت بهل مسه حتى استشيره
مذبوح اخوي من الكفه بحر الظهيره
ومرعوبه خويه العايله وحيرتها حيره
امسه المسه شلون شو ماتكعدون
عالفركه ناوين حاجيني يحسين
----------------------------
اكعد يشيال العلم رحت وعفتني
ونته الجبتني من الوطن وتكفلتني
لو تدري جم سوط الطبع خويه اعله متني
شو ماترد يابلفظل جن فاركتني
ترضاها عباس تتشمت الناس
ياكررة العين حاجيني يحسين
--------------------------
لحسين اروح وليك ارد يالكافل شلون
تزعل اذا يمك تصب دمعات العيون
جيت اشتكيلك يالكمر بس جاوب ام عون معقوله يمكم اشتكي ونتم تسكتون
ترجع اليه لو هاي أهيه
ياخويه ماشين حاجيني يحسين
قصيدة للأمام السجاد ع السلام
خادمكم عبدالهادي العريفاوي
أرض المنيه بالغاضريه
عفيه الصبر يالسجاد بيدك دفنت الأجساد أهل الحميه بالغاضريه
ليش الدهر متحزم اعليك حزام
ونته العشت كل الشدد والآلام
صبرك صعب ترسم حدوده الأقلام
من كربله وللكوفه ولارض الشام
عشت الرزايا وذيج المنايا
وسفه بحبل من تنكاد بيدك دفنت الاجساد اهل الحميه بالغاضريه
--------------------'-------
صبرك عبر ايوب ذاك بصبره
لو قارنت هول المصاب شكبره
من عاينت موقف ابوك ونحره
بطف كربله تشوف الجثث متوذره
صبرك عجيبه من يامصيبه
عالارض انتم اسياد بيدك دفنت الاجساد أهل الحميه بالغاضريه
-------------------'------------
برض الطفوف اتعاين اعله ايتامك
وذاك المسه من وجروها اخيامك
وكل الجثث متوذره جدامك
انته الإمام ومعتني لايمامك
الكوم التريده كطعوا وريده
بالطف جرح كلبك زاد بيدك دفنت الاجساد أهل الحميه بالغاضريه
------------------------
لمن شفت جثة ابوك ابعينك
ياسيدي السجاد ألله يعينك
زاد المصاب وزاد يمه اونينك
ياوالدي ليش العده مسلبينك
هم يدري عباس وشسوت الناس
امر الله وبامره اشراد بيدك دفنت الاجساد اهل الحميه بالغاضريه
----------------------------
يبقه العزه ويبقه اللطم للازمان
رابع امام اعله الأنس واعله الجان
من ال اميه والحكم صار لمروان
نفس السلاله التابعه للشيطان
لزموا حكمهم واضح ظلمهم
وظلم ال اميه ينعاد بيدك دفنت الاجساد أهل الحميه بالغاضريه
--------------------------
ظلم الوليد وخطته المشؤومه
نهج الحقد ضدك وضح بعلومه
سم الغدر بي جبدتك مسمومه
زمرة بني مروانهم مدعومه
بيوم السقيفه وثان خليفه
من عدها زرعوا احقاد بيدك دفنت الاجساد أهل الحميه بالغاضريه
----------'----------
قصيده الى فاطمة الزهراء ع السلام
وزن الميمر
خادمكم عبدالهادي العريفاوي
دمع الحزن بسمج صاح يافاطمه المظلومه
لمن رحل سيد البشر شنهو الصار
غفله وفزع ذاك الجمع صوب الدار
متحيره بين الضلع والبسمار
يافاطمه ذوله منين بهذاالحقد متعنين يم الحسن والحسين
شنهو الجره خلف الباب يالدمعتج مهظومه
ياوالدي تسمع اريد اعتابي
ذوله الكلت عنهم يبويه اصحابي
شعدهم طلب لمن اجوا يم بابي
غفله الوضع ضدنه يصير وعيوني عالثاني ادير حقده ردت بي تفسير
قدري جبير ويدرون ماتنخفي المتلومه
دمع الحزن من غيبتك يتجاره
ضد فاطمه هجمت عليهاالغاره
شوف الضلع هذا واثر بسماره
ياويلي من شر الناس من هالمرض والوسواس بضعة محمد لاباس
يكفينه اسياد الناس متوقعه ومختومه
يازينب اعله النايبه تسمعيني
والمصطفى بطف كربله يحاحيني
باجر اذا شفتيه ذبيح حسيني
بلطف وحيده تظلين وللكوفه لمن تمشين يبره الج راس حسين
حسين واهل بيته هناك متوذره بالحومه
باجر اذا رحتي بهظم مسبيه
بدرب اليسر يازينب ومحنيه
عفتي الجثث متوذره ومرميه
روس الاهل فوك ارماح صبح ومسه كبالج لاح راح الخدر منج راح
يمخدرة حيدر وين هاي الشدد مضمومه
باجر اذا حركوا ييمه خيامج
ومن الرعب يتشاردون ايتامج
وروس الاهل ويه الظعن جدامج
لمن تفكدين اسباع يالماالج كل فزاع ضاع الامل منح ضاع
والشكوى للباري بهاي من وادم المشؤومه
ليلة الحادي عشر خادمكم عبدالهادي العريفاوي
عفتكم ضحايا وعرفت النهايه
الى الشام االايتام سبايا
بين المخيم والنهر اول بدايات السبي
ممشانه عاشور وصفر يشهدلي تل الزينبي
ياليلة االحادي عشر فوك المتن طبعوا عبي
ياويلي من هذا السفر زينب دخيلك ياابي
قريت البدايه وعرفت النهايه
الى الشام االايتام سبايا
يابالفظل يم النهر اختك وجيتك وحدي
اسمع ونينك يالاخو اشعر تكلي ردي
متعنيه ليك بهل مسه سالوفه يمك عندي
اقسملك ب طه النبي سيد الخلايق جدي
عشتها الرزايا عرفت النهايه
الى الشام الايتام سبايا
ياخويه حيره حيرتي محتا ره بين ايتامي
مهظومه والشامت يصد صارت رماد اخيامي
لحسين اروح وليك ارد تعبت يخويه اجدامي
ويعيني اصد للعلكمي والنوب ارد للظامي
يدهري كفايه وعرفت النهايه
الى الشام الايتام سبايا
باجر اذا ننوي السفر ودرب المسيرهوايه
معناها اودعك يالاخوا يم الفرات ومايه
وراسك يروح اعله الرمح وجسمك عالمسنايه
ممشانه سكته وبالعبي نحسبها هيه الرايه
فلا عدنه رايه عرفت النهايه
الى الشام الايتام سبايا
تنشدني سكنه بغيبتك شو عمنه مارد لينه
ياعمه روحي للنهر للكافل تحاجينه
كليله ياخويه تره عطشانه حيل سكينه
وكليله ماظلت خيم ولا ظل حمه يحمينه
لبسنه العبايه وعرفت النهايه
الى الشام الايتام سبايا
قصيده للزهراء ع السلام على لحن اذن ياجرح مرتضى حرب
خادمكم عبدالهادي العريفاوي
حنين انين حزين
وين المصطفى والمرتضى وين
خصوم هجوم ظلوم
مكسورة ضلع هاي ام الحسين
وين الهادي وينه خل يفزع علينه
من وادم لئاااااااااااام
ظل يسجب دمعها من كسرو ضلعها اولاد الحرااااااااام
من هجمو عليه يعرفوني الزجيه للمحشر خصااااااااام
ذوله اهل السقيفه زمره المو نظيفه ماتسوه الكلاااااااام
نداء سماء بلاء لم صاب الضلع ماتنشف العين
ياضلعي ومصابه من حقد الصحابه
من عدنه اشترييييييييد
حيدر وين اريده نادولي الصميده
عن عيني يعييييييييد
خل ضلعي يشوفه اشرحله ظروفه
مصابي الما يهيييييييييد
دمعاتي الحزينه من وادم لعينه
للباطل عبيييييييييد
بجيت مشيت حجيت
ماعدهم ذمم كلهم شياطين
اليجرحله يتيمه هذا الله خصيمه
في يوم الحساااااااب
للباب اعتناني الثاني االي اجاني
الرافض للكتااااااااب
من يشعل شراره للفتنه بقراره
ياربي العذاااااااب
عن حقي منعني وبجفه صفعني
يعلن اتقلاااااااااب
حدود عهود شهود
كل عدها علم وبحقها دارين
جاوين الوصيه للزهره الزجيه
بضعه من الرسووووووول
ماهابوا كلامه نكروا احترامه
عني شما يكوووول
دين الله بوجوده عبروا كل حدوده
مابيهم خجوووووول
مرميه اعله بابي الكل تبجي لمصابي وديان وسهوووووول
خصيم رجيم ذميم
يلفضها وان ماخجلت العين
زينب يالحبيبه هم مثلي غريبه
صبرج بالثباااا ااات
لو عشتي طفوفج والباري يشوفج
ودعتي الاباااااات
يتغير نظامج لو حركوا خيامج
وعيالج شتاااااات
وعيونج تشوفه الكافل ياجفوفه
يم نهر الفراااااات
صهيل عويل عليل
وين انطي الوجه كل اهلي ميتين
وعيالج حيارى للكوفه اسارى
والينه تصييييييح
لو رحتي سبيه ياروح الزجيه
وحسينج ذبيييييييح
محتاره بخواتج ولا قوه لصلاتج
يالكلبح جرييييييح
ماعدكم كرابه تكعدون بخرابه
كل حيلج يطييييييح
عيال حبال محال
للكافل اصد ماعنده جفين
نزله الى فاطمة الزهراء ع السلام
عبدالهادي العريفاوي
سلام الله على الزهره الزجيه ٢
بضربة البسمار شنهو اللي جره
شلونه ضلعج يالبتول الطاهره
يارسول الله الزجيه اميسره
من غيابك غابت الطلعه البهيه
الله يلعن كلمن اببابج حضر
والدفعها الباب والضلع انكسر
مانجيب اسماء زيد ولاعمر
يعني اعداء الرساله الاحمديه
ويلي من هاي العصابه الجاهله
بضلعج المكسور رسموا كربله
شمر ابن جوشم هجم لو حرمله
انتي برض لطف صفيتي اول ضحيه
فاطمه الزهراء مكسورة ضلع
شنهو حالج من هجم ذاك الجمع
غفله بابج يالزجيه يندفع
بضربة البسمار تلفاج المنيه
يامصيبة فاطمه شكد مؤلمه
من دعائج تنطبك ارض وسمه
ونتي مكسورة ضلع يافاطمه
الله يستر لو دعيتي اعله البريه
انتي والقران نفس المحتوى
يعني انتي الفاتحه لو قل هو
انتي لبوة حيدر البيده اللوه
حطم اصنام العقول الجاهليه
لاتناصر زمره بالواقع لئام
ولاتجادل ماكو داعي لاي كلام
هيه نفس النار وجت بالخيام
فاطمه الزهراء لو زينب سبيه
انتي وسط الدار يابت النبي
وزينب هناك اعله تل الزينبي
يعني انتي وزينب بدرب السبي
الله يلعن قاطبه كل ال اميه
نزله العباس ع السلام
عبدالهادي العريفاوي
وسفه نايم ياشهم نومك حله
ونته للشدات زود ومرجله
ليش نايم ياشهم صوب النهر
هاي منك لو نكول من القدر
بنومتك عباس مو ظهري انكسر
ونته حماي الظعينه بكربله
زينب انه وتدري بيه مخدره
مااظن تقبل يسبع الكنطره
يااله الكون شنهي المجزره
وبالمصايب دنيه ليش مهلهله
اتحيرت مابين حالي وحيرتي
يامصيبه اللي تشابه بلوتي
اندب بكل صوت ماكو امنخوتي
اه ياويلي بمصيبة كربله
عفت اخوك حسين ياراعي الشدد
وسفه راسك يالاخوا صابه العمد
بطيحتك عباس كل حيلي انظهد
انه جنت بجال اخوي امدلله
يالعفت زينب غريبه بلا اهل
من شفت عباس عالشاطي انجتل
شرد اجاوب لليجي وعنك سال
منهو عكبك يعدل النه المايله
كلبي محتار بونينه ولوعته
عيني صدت صوب اخوي وشافته
عالنهر مطروح صارت نومته
من وكع عباس جن ضاك الفله
ظل وحيد حسين والحيل انهدم
من وكع عباس من ايده العلم
عينه للعدوان لو صوب الخيم
وتدري كلب حسين يم العاايله
رثاء ام البنين ع السلام
عبدالهادي كريم العريفاوي
________________________
شو بنيني مااجوني وودعوني
هالمسيه
اخر اللحضه بحياتي اشعر الليله وفاتي هالمسيه
________________________
حلوه كعدتهم كبل كل مغربيه
هذا بو فاظل مكانه والبقيه
من اصيحن ماكو واحد ردعليه
خمسه اولادي صفت داري خليه
حسين وينه ماحضر ولاشفت نور الكمر ويلي من غدر الدهر غابوا سويه
كلهم ابعاد حيروني شو نسوني هالمسيه
راح اعيش بذكرياتي اشعر الليله وفاتي هالمسيه
________________________
وجه ابو اسجاد بي يهجع ونيني
ريت ابو فاظل يجي ويجبر حنيني
روحي تفرح من اشوفه كبال عيني
يكفي ابو اليمه وفدى كلهم بنيني
منيتي هاي بدنيتي حسين اشوفه بحجرتي من يشيل اجنازتي بسكتة ونيني
ريته لو جاي من طفوفه كون اشوفه هالمسيه
والصبر اجمل صفاتي اشعر الليله وفاتي هالمسيه
________________________
ريت ابو اليمه يجي الليله اشوفه
انه اعذره وليدي لو صعبه ظروفه
خل يسولفلي اشجره بليلة طفوفه
بسمه تلهج روحي تتسلله بحروفه
حيلي للفركه انهدم كالوا ابنج ماسلم صدره بلخيل انهشم وزينب تشوفه
حسيني مذبوح من وريده وخنصر ايده هالمسيه
بطيحته واضح شتاتي اشعر الليله وفاتي هالمسييه
________________________
هوايه زينب سولفتلي يمه عنكم
روحي ذابت من مشيتوا وودعتكم
حيلي راح بيوم رحتوا عني كلكم
ديره وحشه البيها يتشتت شملكم
ويلي من رحتوا سوه بريتي شو ضاك الهوه كيالي شيال اللوه كافل حرمكم
ومن مشيتوا دمعي يجري الله يدري هالمسيه
روحي تشرح نايباتي اشعر الليله وفاتي هالمسيه
________________________
وينه ابو اليمه ردت يفزع عليه
خاف اموت وداره ياوسفه خليه
ريته يحضر يمي لحضات المنيه
سكرة الموت بوجوده اتخف عليه
لجيته ماعندي امل كلبي نيران اشتعل ها يبن خير العمل تحضر اليه
هو يحضر شدتي من ينشف دمعتي حيره والله حيرتي هالمسيه
دمعتي بصبري وصلاتي اشعر الليله وفاتي هالمسيه
قصيده للامام موسى الكاظم عليه السلام
عبدالهادي كريم العريفاوي
روووووحي عالكاظم مالومه ٢
انه امك ييمه الطاااااهره الزهره
متعنيه لمصابك ناري متوجره
وضلعي اللي ظهدني وماجبر كسره
من يوم السقيفه وروحي مهظومه
رووووووحي عالكاظم مالومه
_____________
نيران المصايب شلعت افادي
كل هاي السنين ابجي اعله ويلادي
من ارض البقيع لطوس للوادي
لسجن بغداد يبني الشاعت اعلومه
روحي عالكاظم مالومه
_________________
عليك انشد ييمه واسجب الدمعه
بجسر بغداد اشوف الشيعه مجتمعه
ابن جعفر يكول الموعد الجمعه
لكيته من المصيبه امبددله ارسومه
روحي عالكاظم مالومه
_______________
متعنيه اعله شوفك يانظر عيني
وشنهو اللي يلجمك يبني حاجيني
اواسيك بمصابك ونته واسيني
شو جنها النوايب بينه مختومه
روحي عالكاظم مالومه
________________
يم جسر الرصافه الشيعه ملتمه
وموسى من السلاسل ينزف بدمه
لاخوته القريبه ولا ولد عمه
واخبار الطبيب احشاءه مسمومه
روحي عالكاظم مالومه
___________________
عفيه بهل المصايب كلبي شايلها
بس اصعب مصيبه لروحي تكتلها
زينب بالطفوف وطاح كافلها
ومحتاره بحرمها بخطة الحومه
روحي عالكاظم مالومه
____________________
لرض الطف مشيت واجذب الحسره
حسين كبالي متوسد على الغبره
وزينب من عكب عباس متيسره
من ذيج المصايب روحي ملجومه
روحي عالكاظم مالومه
____________________
روحي من النوايب عاشت الالام
جم شده الشفتها وصوبتني اسهام
لعد زينب يموسى كاصده للشام
واتعنه المكابر كلمن ويومه
روحي عالكاظم مالومه
خادمكم عبدالهادي كريم العريفاوي
قصيده لتعجيل فرج مولانا صاحب العصر والزمان
يمته الفرج يالموعود. نقره الدعه يوميه
فاض الصبر يمته الفرج للشيعه
عهد النبي لا والنبي منبيعه
حيدر علي هو الولي بتشريعه
صار الحكم. لهل الظلم. واحنه الخصم
نقسملك براعي الجود. وبعمتك المسبيه
كسر الضلع من فاطمه آثاره
ونته الأمل لمن تكوم بثاره
ومنهو السبب ياهو الدفع بسماره
لهل الحقد. خل نستعد. لله الحمد
هالحادثه اعليها شهود. وعد البعض مخفيه
شاهدها باذرر وعلي والمقداد
وسلمان اخبرك واحد من الأشهاد
في كل عصر ماتنتهي هالاحقاد
زيد وعمر. تركوا أثر. طول الدهر
والنايبه اعلينه تعود. بكل الكتب مرويه
يالطاير بقبة ذهب معروفه
أهل الأرض واهل السماء تشوفه
يالكاصد بجيتك أراضي الكوفه
اهل العقل حق تنذهل. لا مو سهل
يالطلعتك بيها الزود. بنوارك القدسيه
يمته الفرج نورك يشع اعلينه
واللي بغض حقك حقود لدينه
منهو الذي ياخذ بثار حسينه
ثار النحر. وسبعة عشر. وأعلى النهر
متوذره زنود ثنين. بصف الكمر مرميه
رثاء الإمام الكاظم ع السلام
خادمكم عبدالهادي العريفاوي
ياذينه فركاك يابو الجوادين
بلدمعه تنعاك كل الموالين
بس الجره وياك مو مثل الحسين
-------‐-------------------------
صحيح انته بسجن اظلم وعليك الشيعه منتظره
وكضيت سنينك بزنزان وتزورك فاطمه الزهره
بظلام يشوفك السجان ويزهر نورك بقدره
ياكوكب يشع أنوار يسابع نوره بللعتره
ننصب عزه آليوم من هالمصيبه
لكن يمظلوم صبرك عجيبه
بس الجره وياك مو مثل الحسين
----------------‐------------
لعين بفعلته هارون أمامي احشاءه مسمومه
وتكول الموعد الجمعة وعليك الشيعه مالومه
بسلاسل عالجسر مكيود مصابك واضحه اعلومه
ويظل بهل فعل ملعون عليك احقاده مختومه
بكيد السلاسل ظل يجري دمك
وتعاين الحال الزهره أمك
بس الجره وياك مو مثل الحسين
----------------------------------
سجين بديرة البصره وحيد ومحد يشوفك
ملائكة السمه مولاي تجيك وتنزل اطوفك
وتكلك فاطمه الزهره ييمه اني ماعوفك
شجاها الوادم اتضدك نكوره وتدري معروفك
نور النبي شلون نكروا وجودك
صح مايفهمون أشتقره بسجودك
بس الجره وياك مو مثل الحسين
----------------------------------
اقارن بينك ومابين بوصافك ياابن جعفر
بمصاب الطف دريت شلون اليمه صورة المنظر
ابو اليمه عله التربان يويلي وكطعوا المنحر
ودريت بزينب الحره عكب واليها تتيسر
وذيج الضحايا بالغاضريه
عياله سبايا بيد ال أميه
بس الجره وياك مو مثل الحسين
-----------------------------
غريب انته بأرض بغداد لا خوتك ولا اعمام
لعينه كل بني العباس بحقدهم والضغينه شظام
ماعدهم شرف لادين خسروا ملة الاسلام
لان جدك علي الكرار وجفه أمهدم الاصنام
يابا الجوادين ياوسفه مكيود
بس الجره وياك مو مثل الحسين
---------------------------------
طريح نته بجسربغداد وعليك الشيعه مهظومه
ومصاب الطف تعرفه شلون وعندك واضحه اعلومه
دريت بحال ابو السجاد يويلي مسلبه اهدومه
انته اتغسلت مولاي وجدك باقي بالحومه
روس اعله الارماح مرفوعه أيام
حادي السبي راح يم ديرة الشام
بس الجره وياك مو مثل الحسين
-----------------------------
قصيدة ظعن السبايا لحن رحنه بظعيينه
خادمكم عبدالهادي العريفاوي
زينب سبيه يهل الحميه
عكب الحسين وعباس تتفرج اعلينه الناس من الغاضريه يهل الحميه
-----------------------
انه الجنت عدكم أميرة نسوان
زينب أميره اعله الانس واعله الجان
هسه بحبل مجتوفه بين البلدان
راح الخدر من افكدت خمس اخوان
راحوا اهلنه من يفزع النه
روس المشت فوك ارماح جم ظيغم بظيغم طاح واصفك بديه يها الحميه
--------------------------
بطف كربله صار الذي ربنا راد
ماواحد بهاي العشيره نشاد
محتاره مابين السبي والسجاد
وهاي الحرم بحبال كامت تنكاد
للكوفه رحنه محنتنه محنه
حامي الظعن ريته وياي كال انتي يختي بحماي وين الوصيه يهل الحميه
-----------------------
لمن صعدنه اعله الهزل شتمونه
للكوفه خويه وباليسر ودونه
حتى الطفل سوط العده اعله متونه
تالي بخرابه العايله ايخلونه
يصعب امرنه عدكم خبرنه
للطف يروح السجاد كاصد دفنها الأجساد
داره خليه يهل الحميه
------------------------
زينب تصد لبن الاخوا متشوفه
والعسكر بقدرة قدير يشوفه
سر الجليل وقدرته المعروفه
للطف مشه بلحضه ورجع للكوفه
غايب ولينه يدفن حسينه
من هالخرابه اتعنيت ومن كربله هسا جيت
قصه خفيه يهل الحميه
-----------------------------
كاللها لرض الطف رحت ياعمه
يم الجسد وادم شفت ملتمه
وشفت الجسد متوذر وشيلمه
وبلا غسل ادفن ابوي بدمه
ودفن البقيه كلها اعله اديه
وعمي الكمر صوب الماي من شفته صوبلي جلاي اصعب رزيه يهل الحميه
-------------------------
من الكوفه والحادي مشه لأرض الشام
عكب الكفيل اعله الظعن وي ظلام
اتعبنه ياخوتي السفر ممشه ايام
واتفكد أحوال الحرم والايتام
سجه بعيده وطاحت حميده
بت مسلم ابن العم ذاك بنيتك تظن تتلكاك ونته رميه يهل الحميه
-------------------------
لمن دخلنه اعله الشام شام الكفار
عدهم فرح والزينه تملي الأشجار
كام البعض يكطف ظعنه بحجار
ومن كل سطح جوونه بالماي الحار
شام المصايب بيها العجايب
بلطشت راسك يحسين واعله الطشت ملتمين وماتت رقيه يهل الحميه
----------------------
قصيدة موشح ثكيل للأمام الجواد ع السلام
خادمكم عبدالهادي العريفاوي
----‐-------------------
شيعه تعلن للجواد احزانها والسواد اعله الحزن عنوانها
من بني العباس كل هذا العداء
ضد أهل بيت النبوه الاوصياء
زمره ضدهم طاغيه من الاشقياء
ضد علي الجفه قلع بيبانها
------------------------
ذوله اسباط الإمامه والعلم
والإمام المهدي بيهم ينختم
لعنة الله اعله الخليفه المعتصم
زمرة طاعت بالظلم شيطانها
-----------------------------
ليلة اغيابك مصاب الرافضه
بالمصيبة الحلت اعله بن الرضا
تدري يابو الهادي مو ضاك الفضا
من عكب دين الهدى واركانها
----------------------------
شكد لعينه ام الفظل من خانتك
والخبر لمن وصل يم شيعتك
بالحقد ليش اللعينه سمتك
بالحشر صارت حطب نيرانها
------------------------------
انته ياتاسع أمام اعله الأرض
وطاعتك عالدنيه مفروضه فرض
ندري هذا الكون بيدك ينقبض
ياامام الدنيه ياسلطانها
-----------------------------
انته يانور الهدايه اعله الملا
جبدتك بالسم صفت متعلعله
هم دريت شصار بيها كربله
وجدك حسين السكن ميدانها
--------------------------------
وعمك العباس شيال العلم
مارجع يبن الرضا لصوب الخيم
حيل ابو السجاد من فكده انهدم
تراكضت صوب الخيم جيمانها
-------------------------------
انته مسموم الجبد بس الجره
بالطفوف حسين كطعوا منحره
وعالشريعه هناك سبع الكنطره
وزينب تنادي وتصيح اخوانها
----------------'---------
شوط كربلائي للأمام المهدي عسى أن يصلحنا ألله ويثبت اقدامنا على الحق
خادمكم عبدالهادي العريفاوي
----------------------------------
يمته الفرج يالموعود ونورك يسطع نشوفه
شيعه وكلها تنتظرك ولطلعتك ملهوفه
-----------------------
شسولفلك يبو صالح بمصايب تاكل احشانه
ناس اتسترت بالدين انخلطت حانه وي مانه
التواصل مفسده للدين تشوف فلان وفلانه
افعاله شكل تلكاه ويعجبك منطق لسانه
تعرفهم يبو صالح منو الفالح منو الطالح والكاذب من الناصح
من تقره السجل مولاي كبالك كلها مكشوفه
-------------------------------
يالمهدي فلا يخفاك زخم البشر واهواله
منهو الناصح لدينك تقره صفحة اعماله
اهل العدل والايمان واهل الخدع دجاله
منهو اليبغض الشيطان ومنهو الشمر وامثاله
بيهم لاصلاه لاصوم كفره بجبهته مختوم ماتخفه عليك اعلوم
حتى البحر بالروجات تعلم مستوى اجروفه
----------------------------------
من عقل البشر مرات كل سيئه يخفيها
بأمرك هالفلك يندار بنظام القدره تحييها
جم قاتل وجم سارق ملايين الخلك بيها
وجم زاني بسواد الليل وكل خائنه تدريها
بالمحشر يصير احساب ومن عدهم تريد اجواب بكل عمره شأخذ وشجاب
يعض اصبع ندم ويكول سرر وعلن معروفه
-----------------------------
نفسنا اعلينه نصلحها وننطيك العهد مولاي
وعهدنه ياأبو صالح غلطنه بالفعل والراي
بفعلنه نعرف نأذيك نشطب ذيجه تطلع هاي
شيطان اليفر بينه بحزبك مايخلينه ارحمنه يمهدينه
نقسم بالحسين اعليك والمسبيه بالكوفه
--------------------------------
عجل بالفرج مولاي بس باللسن نلفظها
يم كل الجوارح كون هاي الدعوه نعرضها
بعضنا بيها يتوسم وبعضنا الثاني يرفضها
بمتاهه لاتخلينه عزم وايمان تنطينه عدونه يشتمت بينه
لمقامك نمشي للسهله نروح هناك ونطوفه
----------------------------
تصلي الوادم وتركع واكثرهم حراميه
يصلي ويمتلك وجهين وفعايل عنده مخفيه
قله سيدي الويياك بضماير صادقه النيه
كل مؤمن دعائه يصير يقره الندبه يوميه
صادق بالعهد وياك اي والكطعوا جفوفه
قصيدة وداع زينب واخوتها ليلة ونهار العاشر
خادمكم عبدالهادي العريفاوي
-‐--------------------
ها يحسين خويه حسين مايطبك جفنها العين لا ناصر الك وامعين
يامظلوم ياخويه
ياليل والحيل راح من أديه
وشلون تمشون وانه سبيه
انخاك والكاك بالطف رميه
وشلون تمشون وأنه سبيه
ياليل الموادع حزن وتفارك الوديعه
محتاره يمك انه اظل لو امشي للشريعه
مكدر انكل اجدامي عيوني تشاهد الظامي حزوا نحره جدامي
ها يحسين خويه حسين
------------------------------
مالوم مهظوم كلبي بطفوفك
ياريت ماجيت واعرف ظروفك
ايتام للشام غصبن تعوفك
ياريت ماجيت واعرف ظروفك
وينك يا أبو فاظل ردت راعي الكفاله
الخبر صوب الشريعه مكطعه يمينه وشماله
وحسين انكطع نحره كبالي اشلاءه متوذره وبالطف انه متيسره
ها يحسين خويه حسين
--------------------------------
عطشان ظمأان والصدر انهشم
يحسين جاوين شيال العلم
واطفال بهل حال ماواحد سلم
يحسين جاوين شيال العلم
ياحال العقيله بهل مسه بين ال اميه
تشلع من لحم صدرك حوافر اعوجيه
حسين بحومة الميدان
داست صدرك العدوان
متوذر عله التربان
ها يحسين خويه حسين
------------------------------
ايتام وخيام عندك خبرها
والنار يالنار يجوي جمرها
رضعان ونسوان غايب كمرها
والنار يالنار يجوي جمرها
شردت يبو اليمه تره بهاي البراري ايتامك
وخيل الأجت صوب الخيم من وجوروها خيامك
اجيتك باخر انفاسك
اشوف اعله الرمح راسك
يخويه وينه عباسك
ها يحسين خويه حسين
-------------------------
بلا راي يالماي كافلنه وينه
مطروح مذبوح مصيوبه عينه
صديت والكيت شماله ويمينه
مطروح مذبوح مصيوبه عينه
برض الطفوف بلا اهل محتاره هالمسيه
ماكو بعد ام الخدر نادوني يالسبيه
خويه وذبحوا الظامي
خويه وحركوا خيامي
اشدن للسبي احزامي
ها يحسين خويه حسين
---------------------------
مسلوب ويلوب ويصدلي عينه
جاوين يحسين خنصرك وينه
بألالام للشام عنك مشينه
غصب عنك رحت ياخويه شنهو اللي بديه
يخويه اعله الجسد يمك اجن سكنه ورقيه
نحرك عالرمح مرفوع
بصدرك جم ضلع مشلوع
مسبيه بكلب مفجوع
ها يحسين خويه حسين
قصيدة ظعن السبايا
خادمكم عبدالهادي العريفاوي
زينب سبيه يهل الحميه
عكب الحسين وعباس تتفرج اعلينه الناس من الغاضريه يهل الحميه
-----------------------
انه الجنت عدكم أميرة نسوان
زينب أميره اعله الانس واعله الجان
هسه بحبل مجتوفه بين البلدان
راح الخدر من افكدت خمس اخوان
راحوا اهلنه من يفزع النه
روس المشت فوك ارماح جم ظيغم بظيغم طاح واصفك بديه يها الحميه
--------------------------
بطف كربله صار الذي ربنا راد
ماواحد بهاي العشيره نشاد
محتاره مابين السبي والسجاد
وهاي الحرم بحبال كامت تنكاد
للكوفه رحنه محنتنه محنه
حامي الظعن ريته وياي كال انتي يختي بحماي وين الوصيه يهل الحميه
-----------------------
لمن صعدنه اعله الهزل شتمونه
للكوفه خويه وباليسر ودونه
حتى الطفل سوط العده اعله متونه
تالي بخرابه العايله ايخلونه
يصعب امرنه عدكم خبرنه
للطف يروح السجاد كاصد دفنها الأجساد
داره خليه يهل الحميه
------------------------
زينب تصد لبن الاخوا متشوفه
والعسكر بقدرة قدير يشوفه
سر الجليل وقدرته المعروفه
للطف مشه بلحضه ورجع للكوفه
غايب ولينه يدفن حسينه
من هالخرابه اتعنيت ومن كربله هسا جيت
قصه خفيه يهل الحميه
-----------------------------
كاللها لرض الطف رحت ياعمه
يم الجسد وادم شفت ملتمه
وشفت الجسد متوذر وشيلمه
وبلا غسل ادفن ابوي بدمه
ودفن البقيه كلها اعله اديه
وعمي الكمر صوب الماي من شفته صوبلي جلاي اصعب رزيه يهل الحميه
-------------------------
من الكوفه والحادي مشه لأرض الشام
عكب الكفيل اعله الظعن وي ظلام
اتعبنه ياخوتي السفر ممشه ايام
واتفكد أحوال الحرم والايتام
سجه بعيده وطاحت حميده
بت مسلم ابن العم ذاك بنيتك تظن تتلكاك ونته رميه يهل الحميه
-------------------------
لمن دخلنه اعله الشام شام الكفار
عدهم فرح والزينه تملي الأشجار
كام البعض يكطف ظعنه بحجار
ومن كل سطح جوونه بالماي الحار
شام المصايب بيها العجايب
بلطشت راسك يحسين واعله الطشت ملتمين وماتت رقيه يهل الحميه
----------------------
قصيدة كعده للأمام السجاد ع السلام
خادمكم عبدالهادي العريفاوي
بالطف يامولاي شلون مذبوح حسينك
جم حافر صدره يدوسون وتشوفه بعينك
وسط الحومه تروح جم فارس مذبوح
وتشوفه بعينك
-----------------‐---------
ساعد ألله اعله النوايب كلبك وكلب العقيله
ماكو فزاع الاجاكم حتى تمشي وتشتكيله
ها يبو الروح الحزينه مابكت عندك وسيله
تشوف البدور الساطعه بطف كربله متكطعه والكمر يم المشرعه
بالوفه ماكو مثيله
لاظلت عدكم وليان لاظلت خيمه
مذبوح حسين وعطشان وعياله ابهيمه
وكليبك مجروح جم فارس مذبوح
وتشوفه بعينك
---------------------------
يبو الباقر والنوايب تركت بكلبك اثرها
ليا مصيبه دموع تنزل هاذ عد الله خبرها
والاطفال كبال عينك والخيم يجوي جمرها
وتشاردت هالعايله ومكيد نته بسلسله
ياويلي من طف كربله روحك انته شكد صبرها
ومكيد كاصد للشام من ارض الكوفه
وبكلبك عشت الآلام عمتك مجتوفه
ماظلت لك روح جم فارس مذبوح
وتشوفه بعينك
--------------------------------
جلجل الليل بظلامه وماكو واحد بالعشيره
وياهو منهم تمشي يمه وحتى تكعد تستشيره
عكب ابو اليمه يويلي هالحرم صارت اسيره
ماعدها ليل ولاصبح والدنيه مابيها صلح والروس تمشي اعله الرمح
كلها شيمه وكلها غيره
والكيد بظهرك مشدود يجرح بمتونك
منها متونك صارن سود شو ميرحمونك
يالسلواك النوح جم فارس مذبوح وتشوفه بعينك
------------------------------
كلها برض الطف ضحايا ومنهو باقي اليوم يمك
تواسي بو اليمه بمصابه ونوبه تمشي لصوب عمك
تصيح ابو فاظل يعمي عالنهر مهدور دمك
ياعمي تصعب قصتك بالعمد صابو هامتك لايسرتك لايمنتك
بس وذر ياهو اليلمك
ماتكعد يعضيد حسين اكعد حامينه
وغيابك يانور العين بالطف ياذينه
يالمتروس جروح جم فارس مذبوح
وتشوفه بعينك
---------------------------------
عشت عمرك بالماسي من ظلم زمرة اميه
حزوا انحور الغيارى ويلي منها الغاضريه
وعن بني مروان تشرح بالظلم نفس القضيه
بحقد الوليد لعصمتك بالسم يكططع جبدتك
ياويلي نزلت دمعتك منها تلفاك المنيه
الله اليلعن كل سفيان ومروان وياهم
خطه من الثاني الشيطان هو الخلاهم
باطنهم مفضوح جم فارس مذبوح وتشوفه بعينك
----------------------
نهر الفرات ماء الحياة
تبخل علة اولاد الزجية
سولفلي شنهو الاخرك واطني السبب والغاية
ما فكرت يصدر حجي عن الفرات وماية
الزوار اذا للطف اجت تزعل ترة المشاية
واتظل ملامة بموقفك ونحسبهة منك ساية
زوار اجوك لو عاتبوك
ترضاهة يمك هالرزية تبخل علة اولاد الزجية
تدري بسليمان النبي الهدهد عرف تقديسة
من ياخذ من ايدة الكتب يكتب لعد بلقيسة
وعيسى اشكثر احية البشر ولسى عدل ضل عيسي
روح الله هذا بهيئتة وبحسين ابد ماقيسة
والانبياء في كربلاء
ياذيهة اسم الغاضرية تبخل علة اولاد الزجية
وي موسى والنيل امتثل من طاوعة وشق ماية
بضربة عصا الماي انفلق بفرعونة يترك اية
العباس اجاك وقدرك واگف عالمسناية
راية محمد بيدة اجت عاد احترمهة الراية
لا مو قبول وضلع البتول
من طاوعت جيش ال امية تبخل علة اولاد الزجية
لا يافرات بموقفك منك فلا مريودة
زاح الجيوش بصولتة العباس اجاك بزودة
وعيالة ماذيهة العطش متعني يترس جودة
وضدة الجيوش اتحاوطت وكل الطرق مسدودة
طير وتعال صوب العيال
خل تفرح بجيتك رقية تبخل علة اولاد الزجية
تدري الحديد شگد صلب الداوودة خجلت عينة
من شالة داوود النبي وبيدة الحديد يلينة
بس انتة گلبك من صخر لا تعتقد من طينة
العباس اجة يمك وگف ويمك فگد جفينة
لا يا فرات ذولة الاباة
مرفوضة منك هالقضية تبخل علة اولاد الزجية
بالاية من تقرة النهر يقراهة كون احساسك
تشرح مصيبة كربلة والذكرة تبقة براسك
اسم النهر من ينذكر يشرحلي عن عباسك
لو ينذكر اسم القمر يطلع نفس مقياسك
قرآننا اياتنا
والشكوى من شر البرية تبخل علة اولاد الزجية
قصيده للزهراء ع السلام
عبدالهادي العريفاوي
ضلعي المكسور ودموعي تسيل
احنه القران واحنه الانجيل
انفخ بالصور يااسرافيل
انا الزهره ويهل دمعي بكسر ضلعي
يبويه وشاهد اصوابي
اخبرك هجموا اعله الدار زمر اشرار
الكلتلتي ذوله اصحابي
حطب عالباب جابوها ويشعلوها
وتشب نيران يم بابي
ألوذن بويه خلف الباب لان ارهاب
اجوني وحاسبه احسابي
من خلف الباب شنهو اللي صار
بضلوعي شلون ينبت بسمار
انفخ بالصور ياسرافيل
عله بابي تشب نيران بحقد شيطان
قريت احقاده بعيونه
بحقدهم كشفوا الاسرار وعلي الكرار
بحبل راحوا يچتفونه
وريثه اعله الفدك اني واجه الثاني
يكلهم خل يمنعونه
يبويه بچفه يصفعني ويرجعني
الفعل كلهم يشوفونه
احنه التنزيل واحنه التأويل
خدي المصطور من جف قابيل
انفخ بالصور يااسرافيل
يفضه كومي سنديني وتوصليني
اكوم لحجرتي مكدر
الضلع ياذيني يافضه العدو رضه
اشيلن جدمي واتعثر
انشدج عن علي وينه يرد لينه
اخافن لو غضب حيدر
اعرفه الدنيه يفنيها ويساويها
اذا يلبس قبا الاصفر
وتسأل سلمان حيدر جاوين
عكب المختار ضدنه الصوبين
انفخ بالصور يااسرافيل
الحسن وحسين شافوها وينشدوها
تكلهم بالضلوع الالام
واجت زينب لعد امها ويألمها
فعل وادم فلا اسلام
تكلها يمه يازينب بكلب يلهب
وتسولف كربله والشام
ييمه بكربله تشوفين ذبيح حسين
ويزينب ماتظل اخيام
عشرة عاشور اصعب مصباح
تشوفين الروس ترفعها ارماح
انفخ بالصور ياسرافيل
عصابه من الحقد ضدنه وتهددنه
وحكم حيدر يرفضونه
بعمرنه ماكو كل راحه الحزن لاحه
ييمه وهذا يردونه
اسولفلج عله المحراب أشد امصاب
اعله حيدر من يغدرونه
ييمه والحسن بعده بكطع چبده
بني امييه يسمونه
لچبده المسموم انتي تشوفين
يمه تشوفين يمج طشتين
انفخ بالصور ياسرافيل
عبدالهادي العريفاوي
قصيده للزهراء ع السلام
عبدالهادي العريفاوي
شنهو اللي صار هالدمع يالزهره شنهو اللي صار
شسووه البسمار بالضلع يالزهره شسووه البسمار
من غاب النبي وادم اجت تتعنه بابه
يم بابك اجو يابويه كل ذوله الصحابه
طوقنه الفزع يمشي بأمر ريس العصابه
نفسه اللي رفض امرك ردت تكتب كتابه
من جاب الحطب بيده بحقد حاسب حسابه
لشكيلك ردت كسر الضلع بويه ومصابه
هجموا عالسور من طحت هحموا عالسور
ضلعي المكسور من صحت بالالم ضلعي المكسور
اني الطاهره بت النبي البيده الرساله
اشكي اللي جره بهل نايبه لرب الجلاله
دينك في خطر يابويه من زمره حثالا
وشعدهم طلب واحد اذا يسأل سؤاله
حيدر مو خليفه ونصبوا واحد بداله
وين القران ياترى بهل حكم وين القران
فعل الشيطان اجبره اعله الحقد فعل الشيطان
اتغير كل وضعنه بغيبتك ذيج المسيه
ورسموا بالضلع يابويه ارض الغاضريه
ماقدروا الله ورسوله بهاي الرزيه
لاغيره عدهم لاشرف لاظل حميه
خيل اللي اجت بويه وكمت اشكف بديه
زمرة ارهاب تستعد للحرب زمرة ارهاب
دفعوا الباب بللحقد لاخجل دفعوا الباب
اندب ياعلي ومن الالم صوتي اخفضه
لحد يوم القيامه شما جره ربج يحفظه
حقي من الفدك شو ينمنع عني ويرفضه
يافضه ياذيني الضلع مابيه كل نهضه
ياويلي من طف كربله وامصاب الحسين
وصوب النهر ياحسرتي مكطوعه جفين
ياليلة الحادي عشر حركوا صواوين
ابجي عله ضلعي انكسر لو ضلع الحسين
دمعات العين بالحزن للضلع دمعات العين
زيتب وحسين والحسن شافوها زينب وحسين
اسولفلج يزينب لوطلعتي من المدينه
ييمه لو مشيتي لكربله ويه الظعينه
براضي الطف يبت حيدر اذا انتي رهينه
اخوتج عالثرى كلها وبعد ياهو التفزعينه
روس اعله ارماح يازينب لو شفتي روس اعله ارماح
وكليبج صاح يالاخوا جاوبني وكليبج صاح
رثاء الإمام الكاظم ع السلام
خادمكم عبدالهادي العريفاوي
ياذينه فركاك يابو الجوادين
بلدمعه تنعاك كل الموالين
بس الجره وياك مو مثل الحسين
-------‐-------------------------
صحيح انته بسجن اظلم وعليك الشيعه منتظره
وكضيت سنينك بزنزان وتزورك فاطمه الزهره
بظلام يشوفك السجان ويزهر نورك بقدره
ياكوكب يشع أنوار يسابع نوره بللعتره
ننصب عزه آليوم من هالمصيبه
لكن يمظلوم صبرك عجيبه
بس الجره وياك مو مثل الحسين
----------------‐------------
لعين بفعلته هارون أمامي احشاءه مسمومه
وتكول الموعد الجمعة وعليك الشيعه مالومه
بسلاسل عالجسر مكيود مصابك واضحه اعلومه
ويظل بهل فعل ملعون عليك احقاده مختومه
بكيد السلاسل ظل يجري دمك
وتعاين الحال الزهره أمك
بس الجره وياك مو مثل الحسين
----------------------------------
سجين بديرة البصره وحيد ومحد يشوفك
ملائكة السمه مولاي تجيك وتنزل اطوفك
وتكلك فاطمه الزهره ييمه اني ماعوفك
شجاها الوادم اتضدك نكوره وتدري معروفك
نور النبي شلون نكروا وجودك
صح مايفهمون أشتقره بسجودك
بس الجره وياك مو مثل الحسين
----------------------------------
اقارن بينك ومابين بوصافك ياابن جعفر
بمصاب الطف دريت شلون اليمه صورة المنظر
ابو اليمه عله التربان يويلي وكطعوا المنحر
ودريت بزينب الحره عكب واليها تتيسر
وذيج الضحايا بالغاضريه
عياله سبايا بيد ال أميه
بس الجره وياك مو مثل الحسين
-----------------------------
غريب انته بأرض بغداد لا خوتك ولا اعمام
لعينه كل بني العباس بحقدهم والضغينه شظام
ماعدهم شرف لادين خسروا ملة الاسلام
لان جدك علي الكرار وجفه أمهدم الاصنام
يابا الجوادين ياوسفه مكيود
بس الجره وياك مو مثل الحسين
---------------------------------
طريح نته بجسربغداد وعليك الشيعه مهظومه
ومصاب الطف تعرفه شلون وعندك واضحه اعلومه
دريت بحال ابو السجاد يويلي مسلبه اهدومه
انته اتغسلت مولاي وجدك باقي بالحومه
روس اعله الارماح مرفوعه أيام
حادي السبي راح يم ديرة الشام
بس الجره وياك مو مثل الحسين
-----------------------------
قصيده رثاء زينب ع السلام
عبدالهادي العريفاوي
ريت أبو اليمه يجيني آخر الساعه بحياتي
بديره غربه شونسوني لو دنت لحضة وفاتي
ودعتهم ماشفتهم آخر الساعه بحياتي
منهو يحضرها الجنازه لو دنت ليه المنيه
والبيوت الهيبه جانت هسه شو ظلت خليه
ابعدوا عني بسفرهم سكنوا أرض الغاضريه
هم دروا بيه اخوتي اني برض الطف سبيه
حشمتهم ماشفتهم آخر الساعه بحياتي
روحي مالومه اعله خوتي مااجوني الله يستر
سكنوا أرض الغاضريه وسفه بيه الدنيه تفتر
وينه كافلها العقيله يبو فاظل يالمشكر
انه ياخويه غريبه بغربتي كلبي تحيير
وين أبو فاظل كفيلي خويه هاي انه الوديعه
مو غيابك هدلي حيلي ونته يم صوب الشريعه
اتصورتهم ماشفتهم
دمعة عيوني حزينه فاركوها احبابي كلهم
انتظر يمته يجوني وانكطع مني أملهم
ماكوا بالدنيه اكولن واحد اليوصل مثلهم
ودعوني وعني راحوا مااظن يرجع وصلهم
وين أبو اليمه أريده كبالي يوكف حته اشوفه
وين أبو فاظل عضيده حته لوماهن جفوفه
اتنطرتهم ماشفتهم
ابعدوا عني اخوتي لااجوني ولاخذوني
بكربله ناموا اخوتي بس عجيبه شو نسوني
آخر أنفاسي واكولن ياالاهي هم يجوني
اني اتعنه عليهم همه ليش اتعذروني
وحدي افتر عالمنازل وحشه من غابوا اخوتي
شو ظعنهم عني شايل وأنه ادري الليله موتي
حشمتهم ماشفتهم آخر الساعه بحياتي
قصيده للعباس ع السلام على لحن
ياليلة وفاتي
عبدالهادي العريفاوي
وي زينب عهودي اوفيها بوعودي
واجب املي جودي لو كطعو زنودي
املي الجود والمعبود لو كطعو زنودي
______
عهد زينب وجوبا ماأخلفففففه
انا العباس ماظن عندي كلفه
عرفني الموت واني الماأعرففففففه
يكلي اليوم شفتك شوفه صدفه
هاليوم ارد شوفك يافارس طفوفك
عيني الماتعوفك حارب واني طوفك
بييه الزود والمعبود لو كطعوا زنودي
______________________
اشوف ادموع من سكنه ورقيييييه
لجلهن كون امحي الغاضريه
اجيب الجود لخيمهن هديه
واظمه بصدري لو كطعوا اديه
بيدي الموت افصله حته الجود اوصله
جاري الماي احصله واكطع حته اصله
الدنيه شهود والمعبود لو كطعوا زنودي
_______________________
العساكر صوت صاحت من يجينننه
يخلي الروس عالشاطي رهينه
يترسه الجود من غصبن علينه
الندامه تصير ياناس امندينه
صاح بصوته فنكم الأ اكطع اثركم
لو جيتوا بكثركم عد سيفي خبركم
بالمجهود والمعبود لو كطعوا زنودي
____________________
وصلت الماي ولجودي مليتتتتته
انا العباس واتخطه بثنيته
اليصل للماي معناها منيته
لعد ربعه يوصيها وصيته
راح اترك فجيعه يم صوب الشريعه
جم جثه صريعه بهل ارض الوسيعه
املي اردود والمعبود لو كطعوا زنودي
________________________
يزينب ماي املي وراح اجيبببببه
واشوف جيوش وكفت جم كتيبه
اوصله الماي لو ادفع ضريبه
وانطي للاهل كلمن نصيبه
كل همي ومرامي اوصلهن خيامي
وبحفي حسامي احمر لونه دامي
والمكصود والمعبود لو كطعوا زنودي
_______________________
كسر ظهري مصاب الغاضريييييه
حظنت الجود مكطوعات اديه
يزينب جن لفت ليه المنيه
اعتذاري وياج عد سكنه ورقيه
واسكينه شأكلها مااحمل زعلها
العباس الكفلها ياربي نته حلها
زنودي شهود والمعبود لو كطعوا زنودي
______
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
،
قصيدة رثاء أولاد مسلم عليهم السلام
خادمكم عبدالهادي العريفاوي
مسلم اله طفلين ضاعوا حيارى
ماندري مذبوحين يو لا اسارى
عكب الكفيل الراح صوت العقيله شصاح
مسلم اله طفلين ضاعوا حيارى
-----------------------------
زينب وكفت اعله التل وتتفكد عله الصوبين
من شبت عليها النار ومن ذبحوا اخوها حسين
مذعوره الحرم كلها ماتدري الوجه لاوين
تجمع بالنسا واطفال صاحت شو بعد طفلين
بهاي الصحاري شلون اندل اثرهم
ماعندي والي يجيب عنهم خبرهم
تدري الاخو من طاح صوت العقيله شصاح مسلم اله طفلين ضاعوا حيارى
-------------------------
من جلجل عليها الليل ونيران الخيم تسعر
زينب تحمي بالايتام وجيوش العده تفتر
صعب موقفها برض الطف تكوم ونوبه تتعثر
زينب فكدت الوالي وتردها الخيل ماتكدر
بين العساكر هاي حيرتها حيره
من تمشي لرض الشام زينب اسيره
وتناشد الأرواح صوت العقيله شصاح
مسلم اله طفلين ضاعوا حيارى
------------------------
اطفال ولفاها الخوف شردوا سكنوا الوديان
بيهم زينب حتارت مصايب عاشت واحزان
تحشم وين ابو الحسنين ابوي القالع البيبان
ياليل ١١ مشؤوم متيسره بارض كوفان
ياحاضر الشدات شوف العقيله
لحامي الدخيل اليوم انه اشتكيله
كافل ظعنها راح صوت العقيله شصاح
مسلللللم
-----------------------------
ياروحي وهظمها اليوم من ليل اليمر بينه
سبايا بساحة الميدان ونريد اليوم والينه
اجت لينه الزلم والخيل كفيل العيله جاوينه
يبو اليمه اريد انخاك بعد منهو اليحامينه
طبع الدهر خوان ماعنده رحمه
اكضي العمر لجمات لجمه اعله لجمه
حك الكلب لوناح صوت العقيله شصاح
مسلم اله طفلين ضاعوا حيارى
---------------------------
من خوف ورعب واهوال ومن رعب الحرب والنار
ساروا والطريق ابعيد ومنهو اليتبع الآثار
لكن من بعد ايام حيارى وطبوا اعله الدار
عجوز الرحبت بيهم كالوا هالمسه خطار
اطفال اجيتوا منين شنهو خبركم
والدنيه بيها اخطار يصعب امركم
شو كلبي مامرتاح صوت العقيله شصاح
مسلم اله طفلين ضاعوا حيارى
---------------------
قصيدة ليلة الحادي عشر لحن كرار ابوغنيم ماظلت متون
خادمكم عبدالهادي العريفاوي
------------------------
حاجيني يحسين انطي الوجه وين
وكلكم مطاعين حاجيني يحسين
اختك عفتها امحيره وعيونك تنام
ياليلة الحادي عشر ماظلت اخيام
عكب العشيره بكربله محتاره بيتام
وباجر يخويه ننسبي وممشانه للشام
وروس اعله الارماح وحادي الظعن صاح
للكوفه ماشين حاجيني يحسين
----‐------------------
سكنه ورقيه اعله الجسد صاحن يعمه
والدنه متكطع وذر نكعد نلمه
مانمشي عمه للسبي خل نبقه يمه
ياعمه شو جسمه ثلم ثلمه اعله ثلمه
من داست الخيل بالحافر وحيل
وتركت نياشين حاجيني يحسين
-----------------------
هالليل اجانه ولا اخو يرجع اليه
ليلة امس وسط الخيم كلنه سويه
والليله وحشه بلا أهل بالغاضريه
تنشدني عنك من غبت سكنه ورقيه
جاوين ابونه من سلبونه
وراعي العلم وين حاجيني يحسين
------------------------------‐--
لا اخوه عندي ولا بكت عندي عشيره
لحسين اجيت بهل مسه حتى استشيره
مذبوح اخوي من الكفه بحر الظهيره
ومرعوبه خويه العايله وحيرتها حيره
امسه المسه شلون شو ماتكعدون
عالفركه ناوين حاجيني يحسين
----------------------------
اكعد يشيال العلم رحت وعفتني
ونته الجبتني من الوطن وتكفلتني
لو تدري جم سوط الطبع خويه اعله متني
شو ماترد يابلفظل جن فاركتني
ترضاها عباس تتشمت الناس
ياكررة العين حاجيني يحسين
--------------------------
لحسين اروح وليك ارد يالكافل شلون
تزعل اذا يمك تصب دمعات العيون
جيت اشتكيلك يالكمر بس جاوب ام عون معقوله يمكم اشتكي ونتم تسكتون
ترجع اليه لو هاي أهيه
ياخويه ماشين حاجيني يحسين
