زينب والعباس ع السلام يوم المصرع
حامي الظعينه. مارد علينه زينب رهينه
ياعباس ياعباس
رايتك تخفك شفتها ومن شفتها ردلي حيلي
روحي تتربه بصبرها. وبالصبر ياهو مثيلي
الله يحرسنه يخويه. اندعيلك وندعيلي
اقنع بروحي وأكلها هسه يرجعلي كفيلي
كل لحضه اكلها. الله اليحلها يمته وتجينه. ياعباس
+++++++++++++++++++++++++
زينب يكلها الكفلها. لاتصد عينج عليه
مااحب اجرح شعورج. يالعزيزه ياأخيااا
تكلله انهض ياكفيلي. للخيم نرجع سويه
من يشوفنك يفرحن. سكنه ياخويه ورقيه
خليني وحدي. يا خويه ردي. اتكلله انسبينه. ياعبااااس
+++++++++++++++++++++++++
مااحب دمعج اشوفه. ولااحب اسمع عتابج
يكلها وحدج خويه جيتي. لو اخوي بأيده جابج
تكلله راح حسين ابونه. يكلها زينب يامصابج
عظم الله اجرك يخويه. وعيشي عمرج في عذابج
منهو اليردنه. يمك كعدنه. خويه شبدينه ياعبااااس
+++++++++++++++++++++++++
اعتذر منج يخويه. وتشهد كبالج ظروفي
بالعمد راسي تهشم. واني فأكد يختي شووفي
الرايه طاحت من اديه. ساعة الكطعوا جفوفي
وانتي اول زائر انتي. عالجسد ياخويه طوفي
الكافل اشوفه. صعبه ظروفه. شماله ويمينه. ياعبااااس
+++++++++++++++++++++++
يكلها زينب يالحبيبه. منهو يمج يالوديعه
تكللله ماظل حارس النه. ليله هاي أعظم فجيعه
راح ابو اليمه يخويه. حتى عبدالله رضيعه
وجلجل الليل بظلامه. وضاكت اعلينه الوسيعه
ها يالجبتني. من ركبتني من ارض المدينه. ياعباس
+++++++++++++++++++++++++
يامصاب اللي لفاني. الليله اطلب بيها موتي
عفيه صبري اعله النوايب. تجري دمعاتي بسكوتي
والحذر يم الأجانب زحمه يطلع مني صوتي
اتكلفت خويه بيتامه وماكو فزااع منخوتي
رحنه سبايااا. وماعدنه رايه ومجتفينه ياعبااااس
نززززله للامام علي الهادي ع السلام
عبدالهادي العريفاوي
سامررره سامررره. تبقه عنوان الفخر
سامررره سامررره. هيه ام المنتظر
شعندي غيرك ياامامي بالكلب محبوبي
يالشفتني ومااشوفك كل سببها ذنوبي
انته ثوبي البي وقاري وماابدل ثوبي
بالفرج عجل علينه منيتي ومطلوبي
بحلامي بحلامي. انتظر طول الدهر
سامررره سامررره. هيه ام المنتظر
+++++++++++++++++++++++++
للامام الهادي كصدت شيعتك مهظومه
من بني العباس وضحت جبدتك مسمومه
والحقد عدهم وراثه ونعرف المعلومه
معتضدها ومعتمدها بالحقد مشؤومه
امالي امالي. المهدي باجر لوظهر
سامررره هيه ام المنتظر
+++++++++++++++++++++++++
دمعة الشيعه حزينه من مصاب الهادي
انه شيعي وفتخاري انتو انتو أسيادي
منكم اطلبها الشفاعه هو هذا امرادي
للطفوف دموعي تجري لو ذكرت الوادي
ثاراتي. ثاراتي. منقذي الثاني عشر
سامررره سامررره هيه ام المنتظر
++++++++++++++++++++++++
الله يلعنها السقيفه فررقت اسلامي
بالفتن عاشت عمرها خييبت احلامي
كربله وطفها مصابي لوذكرت الظامي
ويلي من حزو وريده ونحره ذاك الدامي
ملعونه ملعونه هالسقيفه شكد خطر
سامررره سامررره. هيه ام المنتظر
++++++++++++++++++++++++
ويلي يالهادي بمصابك هيجت أحزاني
ياامامي العاشر انته وبالشرف عنواني
الفاتحه الإخلاص نورك. انته كل قرأني
ماامد ايدي واصافح ناصبي وسفياني
اتباعه. اتباعه ذوله عالامه خطر
سامررره سامرررره. هيه ام المنتظر
++++++++++++++++++++++++
يالحشر حيدر امامي الناس توكفله سره
اليقتدي بمنهج رسوله. فاز دنيه وآخره
علي أول بالخلافه وهاي من ربك تره
والخذوا منه الخلافه كول هاي امزوره
من حيدر. من حيدر. تخمد الويل وسقر
سامررره. سامررره. هيه ام المنتظر
احترامي وتقديري لاصدقائي لأنظمامهم في قناتي مع الشكر والتقدير
Читать полностью…
شوط كربلائي لزينب ع السلام
عبدالهادي العريفاوي
عقيلة هاشم وتدرون شنهو اللي جره اعليه
شفت برض الطفوف هموم ورحت للشام مسبيه
عشت عمري بحزن وهموم كلبي العايش بالالام
اخوتي مذبحه كلها وإني تكفلت بيتام
لراضي الكوفه يسبوني ومشيت النوب لرض الشام
اخوي حسين واويلاه راسه اعله الرمح شفناه طول الدرب نبره وياه
مايبره الحزن والهم بكيت اوحيدي محنيه
غريبه وبالحزن ظليت وحيده خلاف خواني
دنت ليه المنيه اليوم وكفيلي ليش ماجاني
توادعنه الجفوف شهود اخوي شلون ينساني
يم صوب النهر عفته ورحت لهناك عاتبته همي كباله سولفته
كلتله تغيب عني شلون يخويه لو الك جيه
اعتابي ويه الكفيل الصار ظلت بيني مابينه
اخوي المايصد ليه مطفيه بسهم عينه
أمد أيدي لوداعه شلون وهذني كباله جفينه
أودعك يابعد روحي بغيابك مابطل نوحي اذكرك تنزف جروحي
كفيلي شلون خويه انساك اسولف بيك يوميه
غريبه ولااهل يمي دموعي العاشرت عيني
أبو اليمه أريده اليوم اخوي شلون ناسيني
عليله من المرض اني منهو اللي يباريني
دولاب الفلك يفتر خويه اجدامي تتعثر وين اللي قلع خيبر
تحضرني يبو الكلفات نوايب كلبي مخفيه
لراضي الشام ارد اردود وهمومي بدت تلتم
نوايب كربله هوايه ودخان الخيم اشتم
بعد هيهات اكولن يوم كل ذاك الشمل يلتم
اخوتي بهمي عافوني ولاوصلوا يشوفوني بعد ماظن يذكروني
اعيشن بالحزن والأه وعيني اعليهم اربيه
نزله العباس ع السلام
عبدالهادي العريفاوي
وسفه نايم ياشهم نومك حله
ونته للشدات زود ومرجله
ليش نايم ياشهم صوب النهر
هاي منك لو نكول من القدر
بنومتك عباس مو ظهري انكسر
ونته حماي الظعينه بكربله
زينب انه وتدري بيه مخدره
مااظن تقبل يسبع الكنطره
يااله الكون شنهي المجزره
وبالمصايب دنيه ليش مهلهله
اتحيرت مابين حالي وحيرتي
يامصيبه اللي تشابه بلوتي
اندب بكل صوت ماكو امنخوتي
اه ياويلي بمصيبة كربله
عفت اخوك حسين ياراعي الشدد
وسفه راسك يالاخوا صابه العمد
بطيحتك عباس كل حيلي انظهد
انه جنت بجال اخوي امدلله
يالعفت زينب غريبه بلا اهل
من شفت عباس عالشاطي انجتل
شرد اجاوب لليجي وعنك سال
منهو عكبك يعدل النه المايله
كلبي محتار بونينه ولوعته
عيني صدت صوب اخوي وشافته
عالنهر مطروح صارت نومته
من وكع عباس جن ضاك الفله
ظل وحيد حسين والحيل انهدم
من وكع عباس من ايده العلم
عينه للعدوان لو صوب الخيم
وتدري كلب حسين يم العاايله
وداع زينب مع اخوتها ليلة العاشر
نعييييييي نعي نعي
عبدالهادي العريفاوي
لاتودعوني يخوتي وكلكم ابعاد
اريد انشد زماني شراد ماراد
منو المنكم يخوتي بهاي نشاد
ويرد اردود للحومه ويلم اعيال مهظومه عله اللي سلبوا هدومه
ويفل اعيال مجتوفه بحبل تنكاد
يخوتي بهل وداع فراك ناوين
اجيبن هالصبر ياكربله منين
لو شال الكلب يحسين بابين
باب اعله الشريعه يروح وباب يكابل المذبوح بكليبي جثيره اجروح
عكب ولياني يادنيه شبعد تردين
يكلها حسين يازينب وصية موت
يخويه عيالي لرض الشام من اتفوت
عليج انتي الصبر ماريد يطلع صوت
تجيج ارماح بيها انحور صبرج والصبر مكدور
انه اعله الظعن ناطور
اذا مال الحمل بيكم اديرن راسي حاجيكم
يزينب الله حاميكم
نوايب هاي يازينب والكفل معذور
قصيده للعباس على وزن يمته نشتم التراب
عبدالهادي العريفاوي
يانهر دربك منيييييين
رايه وبصفها جفيييييييين
كسررررررن ظهر الحسين
خويه تدري بنومتك موش بمحلها
منهو غيرك هالشدد بلطف يحلها
خويه زينب بت علي منهو لكفلها
من اجت لكربله وانت املها
كلبي ماحاسب حساااااااب
والكمر عالنهر غاااااااب
اذكر هوايه اسباااااااب
كسررررن ظهر الحسين
ظل ابو اليمه تره بالحومه وحده
منهو خويه بكربله غيرك يسنده
خويه لو جانه الفزع منهو اليرده
والشدايد اردفن شده اعله شده
خويه سولفلي بالرااااااي
للخيم تمشي ويياااااااي
جفوفك الشالن المااااااي
كسرررررن ظهر الحسين
من اردن للخيم صعبه القضيه
ريته عمري اعله النهر تلفه المنيه
يلله كوم اعله الخيم نرجع سويه
شرد اسولف لو اجن سكنه ورقيه
ارجع وكلبي مفجوووو ووع
راح اسولف بالادموووووع
جم كلب خويه مصدوووووع
كسررن ظهر الحسين
خويه نيران الخيم فرينه منها
شنهو غاية نومتك سولفلي عنها
بيدي طفيت الخيم وايدي احركنها
عيوني دخان الخيم خويه عمنها
حالي تدريبه ياحااااااال
واني اجمع بالاطفاااااال
وشكثر مرت اهواااااال
كسررن ظهر الحسين
خويه ارجع حته لو حركوا خيمنه
انه بيدي لو رحت ارفع علمنه
بلكي ترجع يالاخوا والله انهظمنه
خل يشوفونك عدل بس هذا همنه
بعيني ارسم ظرووووفك
عيوني ذني تشوووووفك
ادري كطعة جفوووووفك
كسررن ظهر الحسين
خويه لو امسه المسه منهو الاليه
جنها صعبه النايبه بالغاظريه
كوم اشيلن رايتك خويه بديه
خويه عينوني ردت بس هالمسيه
انه من عمري ملييييييت
صعبه لو وحدي ردييييييت
ونته لخيامي ماجييييييت
كسررن ظهر الحسين
رثاء زينب عليها السلام
عبدالهادي العريفاوي. قناة عبدالهادي العريفاوي
الليله وافاها الأجل. من عكب عين الأهل
خللي نقره المستهل. يا زينب. يا زينب
+++++++++++++++++
يالغريبه. جم مصيبه. شفتي يالحره بحياتج
عفيه صبرج. يكضي عمرج. ماكو راحه لحد وفاتج
وين اخوتج. الليله موتج. والله كثرن نايباتج
وبطفوفج. جن اشوفج. كعده اديتي صلاتج
هايبت خير العمل. مابعد عندج أمل
خللي نقره المستهل. يا زينب يا زينب
++++++++++++++++++
زينب اني. يا زماني عن اخوتي شكد بعيده
ياحنيني. هم يجيني. حسين أخوي اليوم اريده
والكفلني. اتخلله عني باقي بالطف يم عضيده
واليزوره. بكل شعوره. خل يجيني ورائه بيده
الرايه لو واحد سأل. منها اشم ريح الكفل. خلي نقره المستهل. يا زينب
++++++++++++++++++++
ها يشيعه. للوديعه. اليوم اجيتوا بكل الم
يالموالي. هذا حالي. لا كفيل ولاعلم
زرتوا الحسين. ويمي جايين. هم وصلتوا للخيم
ومن تطوفون. هم تشوفون. بالأثر طايح سهم
جم بطل مني انجتل. صبري اقوى من الجبل. خللي نقره المستهل يا زينب
++++++++++++++++++++++
وين اخوتي. الليله موتي. من سبب يوم الطفوف
والكفلني. وينه عني. خل يجي بلايه جفوف
ريت اشوفه. بكل ظروفه. وخل يجي بعينه يشوف
والوديعه. أعله الشريعه للكمر شافت خسوف
شمعنى عني ماسأل. كافلي مني خجل
خللي نقره المستهل. يا زينب يا زينب
++++++++++++++++++++++
الهظمني. والهدمني. روس اخوتي اعله الرمح
بهل مسيره. انه اسيره. كلبي شايل جم جرح
ممشه للشام. بذيج الأيتام. لا لي ليل ولاصبح
واليتامه. بلا كرامه. الموت اريده ومايصح
كلبي بحزانه شحمل. عقلي بالطف انذهل
خللي نقره المستهل. يازينب يا زينب+
+++++++++++++++++++++++
حسره عندي. انه وحدي. ريت أموت بكريه
حته موتي. يم اخوتي. شمحله يم العايله
ظعني للشام وذيج الأيتام من يعدل محمله
ودعتكم. ماشفتكم. والصبر هم حد إله
وين اخوتي بهل مسه. والكفلني شو نسه
خللي نقره المستهل. يازينب
للزهراء عليها السلام
عبدالهادي العريفاوي
يجري دمعج شو تغير لونج
شلونه ضلعج ونتي يمه شلونج
يمه زينب اني استعد لحزاني
شوتغير لونج
يمه يم راسج اجيتج زينب اني
يمه بالريه الهوه ضاك اشجاني
من إصد لحالتج كلبي لواني
ونتي سورة قل هو وسبع المثاني
يالحنينه خوفي لوعني مشيتي
هم تجينه لو أظن تلفه منيتي
منهو يتلكاني استعد لحزاني
زينب بنيتي الحنينه كعدي يمي
يمه من كسر الضلع ظل يجري دمي
شو تأخر ماجه حيدر ابن عمي
ومن يسألج عني كولي زينه امي
يكفي همه واشكي دفعة بابي
اني يمه ماشكيت صوابي
من عدونه الثاني استعد لحزاني
تكلها زينب يمه عكبج منهو ليه
هم بعد جيه الج لو هاي اهيه
يمه معناها الوداع بهل مسيه
تكلها يازينب الج عندي وصيه
لو مشيتي وسفرتج محتومه
هم دريتي بالاهل بالحومه
والأمر رباني استعد لحزاني
صعبه لو عنكم مشيت واني امكم
ارد اسولف لج ييمه عن سفركم
يامصيبة كربله البيها خبركم
جن اشوف بكربله كبالي صوركم
شهل مصيبة رويحتي مالومه
يالغريبه زينب المهظومه
موقفج اذاني استعد لحزاني
يمه ماادري الكلب شنهو مصيره
ها يزينب يمه يبنيتي الاميره
والعقيله بكربله حيرتها حيره
ويلي من عكب الاهل تمشي اسيره
كل أهلها بكربله مذبوحه
قل أملها زينب المجروحه
ينهدم بنياني راح أعيش احزاني
ضلعي بالامه ظهدني وماكو حيله
وين ابوي الهادي يكعد وشتكيله
هجموا اعلينه بحقد منكل قبيله
يمه غير أهله الحمل منهو اليشيله
ودعتكم يمه ها يولادي
فاركتكم ونظره هيه مرادي
والاجل يلفاني استعد لحزاني
ابوذياااااات حسينيه
حساب الناس واضح. من عملها
بأبو السجاد ربك. منعم إلها
تره العين التضدك. من عمه إلها
ومصابك ذاك برض الغاضريه
نخيت الله ورسوله. وانخه يمنه
يبت حيدر انشدج. وين خيمنه
ردتها اليسره تفزع. وانخه يمنه
هذني كبالي مكطوعات اديه
بغياب حسين مانهجع. ونامن
ولا جفن البعد يغمض. ونامن
حسافه شلون اتيسر. ونا من
وابوي المصطفى سيد البريه
سر العباس غامض. والسر. أيه
هزم كل الكتايب. والسرايا
بحرب صفين رايه. وسه رايه
اظن حيدر نزل بالغاضريه
عبدالهادي العريفاوي
كما ابدعتم في مناسبة استشهاد الزهراء ع
وزدتم ابداعٍ في مناسبة وفاة ام البنين ع
الان ننتظر ابداعكم من جديد في مولد سيدة نساء العالمين فاطمة الزهراء عليه السلام
ليلة الحادي عشر قصيدة السبي عن لسان حال زينب عليها السلام
عفتكم ضحايااااا. وعرفت النهايه
الى الشااااام. الايتاااااام. سبايا
بين المخيم والنهر. أول بدايات السبي
ممشانه عاشور وصفر. يشهدلى تل الزينبي
ياليلة الحادي عشر من الفاكهه احلي حبي
يا ويلي من هذا السفر. زينب دخيلك ياأبي
قريت البدايه. وعرفت النهايه
الى الشااااام. الايتاااااام سبايا
يابلفظل يم النهر أختك اجيتك وحدي
أسمع ونينك يالاخوا. أشعر تكلي ردي
متعنيه ليك بهل مسه. سالوفه يمك عندي
اقسملك بطه النبي. سيد الخلائق جدي
عشتها الرزايا. وعرفت النهايه
الى الشااااام الايتاااااام. سبايا
تنشدني سكنه بغيبتك. شو عمنه مارد لينه
ياعمه روحي للنهر. للكافل اتحاجينه
كليله ياخويه تره. عطشانه حيل سكينه
وكليله ماظلت خيم. ولاظل حمه يحمينه
لبسنه العبايه. وعرفت النهايه
الى الشااااام. الايتاااااام. سبايا
يا خويه حيره حيرتي محتاره بين ايتامي
مهظومه والشامت يصد. من احركوها خيامي
وبعيني اصد للعلكمي. والنوب اصد للظامي
يدهري كفايه. عرفت النهايه
الى الشااااام الايتاااااام سبايا
باجر إذا رحنه بسبي. ودرب المسير هوايه
معناها اودعك يالاخوا. يم الفرات ومايه
وراسك اشوفه اعله الرمح. وجسمك عالمسنايه
رايتنه يا خويه العبي. نحسبها هيه الرايه
فلا عدنه رايه. وعرفنه النهايه
الى الشااااام. الايتاااااام سبايا
عبدالهادي العريفاوي
قصيده ثلاثيه للأنصار عليهم السّلام
انصار اجينه اليوم للغاضريه
دم النحر مرخوص لبن الزجيه
للطف اجينه نريد نرفع لوانه
لسبط النبي المختار يرخص دمانه
مصرعنه بالطف صار كلمن مكانه
ماعدنه غير حسين سيد البريه
نرفض عمرنه اليوم من عكب الحسين
بدم النحر هاليوم يتثبت الدين
شنهو العذر لو كال وين العهد وين
كالوا دمانه تفيض بالغاضريه
يعلن حبيب اليوم يفدي بحياته
شيخ العشيره وهاي اجمل صفاته
يطلب رضا من حسين لحضة مماته
حتى الدماء تصير بالطف سويه
انصار اجينه اليوم نملك اراده
ربنا الجليل بهاي يرحم عباده
ماعدنه ويه حسين غير الشهاده
بس لايرد الدين للجاهليه
بسمك يبو السجاد ونته الوسيله
راية نصرنه اليوم يم العقيله
نقسم ببو الحسنين حامي دخيله
مانقبل يكولون زينب سبيه
ثابت عهدنه اليوم للباري معهود
حتى الملائك هاي بالمحشر اشهود
نفزع ابو السجاد ونحامي الاحدود
ونبذلها هالارواح الهم هديه
عبدالهادي العريفاوي
عبد الهادي العريفاوي
للقصائد الحسينية
/channel/abd_hadi_kreem
لطفا منكم متابعة قناتي عالتلكرام حسب الرابط مع تقديري واحترامي
ابوذيات حسينيه
لفتنه خيول لخيمنه ورايات
وكع عباس يازينب وراي ات
السبي وايات تتلاوذ وره ايات
سبايا اتكلفت بيهن سبيه
يسكنه حسين مارد مهره جاني
عدونه بحقه جاني مهره جاني
اريد اليوم انصب مهرجاني
واكل للمصطفى زينب سبيه
قصيده للامام علي الهادي ع السلام
عبدالهادي العريفاوي
اللعنه لبني العباس. حد كطعة الأنفاس
لبن الجواد انروح. نبجيي بكلب مجروح. حد كطعة الأنفاس
مصايب ياعلي الهادي. تترك بالكلب جمره
كصدنه العسكري نعزيه وامك فاطمه الزهره
لعين المعتز بفعله جبود الهادي متوذره
وبيوم الحشر شيكول. وللباري شنو عذره
عمر الظلم ميدوم. من ربنا عدنه اعلوم
اي والقلم واللوح. نبجي بكلب مجروح
++++++++++++++++++++++
ضد ال النبي عدوان. بني العباس ملعونه
حقيقه وماتحب نكران. حقدهم شنهو مضمونه
نبيكم وصه بالاطهار عجيبه الوادم اتخونه
حكمهم بالظلم أعوام وكل سيد يذبحونه
معلومه لو تدرون. تبدي بظلم هارون
عنده الظلم مسموح. نبجي بكلب مجروح حد كطعة الأنفاس
++++++++++++++++++++++
ها يبن الجواد شلون. عمرك عايش بالالام
مصايب مررت اعليكم من زمره تعيش اوهام
أنتم للبشر ايات. بل تكبيرة الإحرام
لأجلنه كلشي ضحيتوا. ودمكم ثبت الاسلام
يالهادي يالمظلوم. تعاني بجبد مسموم
والشيعه ليك تنوح. نبجي بكلب مجروح حد كطعة الأنفاس
++++++++++++++++++++++
كبلك والدك سمووه ومنهم ماسلم جدك
ابن الكاظم المظلوم. واعلوم الرضا عندك
البدايه موسى بن جعفر. واخيرا وصلوا ال حدك
حدود هوايه عبروهه. سم العسكري بعدك
من زمرة الشيطان. تتوارث الاحزان
خل نذكر المذبوح. نبجي بكلب مجروح حد كطعة الأنفاس
+++++++++++++++++++++
مصيبة كريله أعظم تخف أحزانك شويه
من ذبحوا ابوك حسين. الحكم جان لبني مييه
ثلث تيام عالغبره. تظل أجساد مرميه
ولراضي الشام يالهادي. عمتك تمشي مسبيه
بالطف دريت شصار. بالخيم تلهب نار
جم بطل ظل مطروح. نبجي بكلب مجروح حد كطعة الأنفاس
++++++++++++++++++++++
يراعي الثار اخذ الثار. وصبرك ربك يعينه
عججل بالفرج مولاي شيعه هوايه تانينه
ثار حسين ابو اليمه من تظهر يمهدينه
وثار لعمك العباس. تشوف بصفه جفينه
يالمهدي يالموعود. يمته
الزمان يعود
ولرض البقيع تروح تبجي بكلب مجروح حد كطعة الأنفاس
قصيده للامام علي الهادي ع السلام
عبدالهادي العريفاوي
اللعنه لبني العباس. حد كطعة الأنفاس
لبن الجواد انروح. نبجيي بكلب مجروح. حد كطعة الأنفاس
مصايب ياعلي الهادي. تترك بالكلب جمره
كصدنه العسكري نعزيه وامك فاطمه الزهره
لعين المعتز بفعله جبود الهادي متوذره
وبيوم الحشر شيكول. وللباري شنو عذره
عمر الظلم ميدوم. من ربنا عدنه اعلوم
اي والقلم واللوح. نبجي بكلب مجروح
++++++++++++++++++++++
ضد ال النبي عدوان. بني العباس ملعونه
حقيقه وماتحب نكران. حقدهم شنهو مضمونه
نبيكم وصه بالاطهار عجيبه الوادم اتخونه
حكمهم بالظلم أعوام وكل سيد يذبحونه
معلومه لو تدرون. تبدي بظلم هارون
عنده الظلم مسموح. نبجي بكلب مجروح حد كطعة الأنفاس
++++++++++++++++++++++
ها يبن الجواد شلون. عمرك عايش بالالام
مصايب مررت اعليكم من زمره تعيش اوهام
أنتم للبشر ايات. بل تكبيرة الإحرام
لأجلنه كلشي ضحيتوا. ودمكم ثبت الاسلام
يالهادي يالمظلوم. تعاني بجبد مسموم
والشيعه ليك تنوح. نبجي بكلب مجروح حد كطعة الأنفاس
++++++++++++++++++++++
كبلك والدك سمووه ومنهم ماسلم جدك
ابن الكاظم المظلوم. واعلوم الرضا عندك
البدايه موسى بن جعفر. واخيرا وصلوا ال حدك
حدود هوايه عبروهه. سم العسكري بعدك
من زمرة الشيطان. تتوارث الاحزان
خل نذكر المذبوح. نبجي بكلب مجروح حد كطعة الأنفاس
+++++++++++++++++++++
مصيبة كريله أعظم تخف أحزانك شويه
من ذبحوا ابوك حسين. الحكم جان لبني مييه
ثلث تيام عالغبره. تظل أجساد مرميه
ولراضي الشام يالهادي. عمتك تمشي مسبيه
بالطف دريت شصار. بالخيم تلهب نار
جم بطل ظل مطروح. نبجي بكلب مجروح حد كطعة الأنفاس
++++++++++++++++++++++
يراعي الثار اخذ الثار. وصبرك ربك يعينه
عججل بالفرج مولاي شيعه هوايه تانينه
ثار حسين ابو اليمه من تظهر يمهدينه
وثار لعمك العباس. تشوف بصفه جفينه
يالمهدي يالموعود. يمنه الزمان يعود
ولرض البقيع تروح تبجي بكلب مجروح حد كطعة الأنفاس
قصيدة نزله الى زينب عليها السلام
عبدالهادي العريفاوي. قناة عبدالهادي العريفاوي للقصائد الحسينيه
يازينب يازينب. يازينب يازينب
عفيه صبرج من اجيتي لكربله
من ركبتي النوك ويه العايله
والظعن عباس بيده اتكفلله
يازينب. يازينب
للطفوف ايام كضيتي السفر
واهل بيتج من أجوا سبعة عشر
وراية الكرار شايلها الكمر
يازينب. يازينب
يوم عاشر من يشح بيه النصيب
من يظل حسين برض الطف غريب
شلون حالج شفتي ابو اليمه خضيب
يازينب. يازينب
دمعي يجري اعليج يالحرره بألم
جن اشوف كبالي نيران الخيم
وعيني شافت عالنهر طاح العلم
يازينب. يازينب
انتي بت حيدر علي حامي الحمى
وفخرج المشهود امج فاطمه
إبلا علوم وانتي انتي العالمه
يازينب يازينب
من اسولف شرد اسولف ياخبر
عفيه صبرج من نوايب هالدهر
فاطمه كبالج ضلعها مننكسر
يازينب. يازينب
شكال كلبج من وكفتي اعله النهر
دنيه ظلمه اعليج من غاب الكمر
وشفتي اخوج حسين مكطوع النحر
يازينب. يازينب
ومن دنت ليج المنيه بغربتج
ماكو واحد يالعقيله امن اخوتج
خمسه غابوا منهو شال اجنازتج
يازينب. يازينب
نزله للامام الكاظم ع السلام
عبدالهادي العريفاوي
الكاظميييييييه الغاضرييييييييه
هيه بالأحزان نفس الرايه
الرسول يكول واسمع هالخبر
ويعلن بها صوت حته المنتظر
صارت الأيام عاشور وصفر
واليعارض خل يظل برايه
كل ارض مولاي صارت كربله
قافله اعله الموت تتبع قافله
بيها نحر حسين يقره البسمله
بكل طريق الشام يقره الايه
بالطفوف حسين مكطوع ا لنحر
الكاظم ابغداد وجبوده وذر
ظلت الاحقاد تمشي اعله الاثر
بمنهج الأحقاد شنهو الغايه
من ظلم هارون في ذاك الزمن
الله يلعن بالظلم اهل الفتن
يمته تظهرسيدي يبن الحسن
انتظرتك عالظهور هوايه
تدحر الباطل يبو ا لبأس الشديد
يانسل داوود من يطوي الحديد
ا الله يلعن بالظلم زمرة يزيد
لعنه ضدهم ايه تتبع ايه
دمعة الاحزان نفس المستوى
الكاظميه وكربله عدنه سوه
اي وحك عباس شيال اللوه
اعله المنايرتزحف المشايه
نزله الى مسلم بن عقيل عليه السلام
عبدالهادي العريفا وي
الكوفه شنهو البيها مسلم بواديها
مسلم الكوفه نزلها بكل فخر
سيفه بالحملات يطيك الخبر
هذا عمه المرتضى فارس مضر
من كدر يخفيها
الكوفه صاحت غوث من سيل الدمه
هذا مسلم لو اظنها الحاطمه
حطم اجيوش الظلاله اامجرمه
سيفه مايخطيها
والمشه بنهج الظلاله ومنحرف
وضد محمد دوم نهجه مختلف
باجر بيوم القيامه يعترف
الجنه ميطب ليها
الكوفه يقضه تعيش لو عاشت حلم
هذا مسلم بالحرب عدهم علم
بسيفه شايل بالحرب غيره وعزم
سيفه من يحويها
الكوفه صاحت بالحرب شنهو البديل
هذا مسلم جاي لو حامي الدخيل
الله يستر ماحضر بيها الكفيل
كووفه جا يطويها
سيفه مسلم بالحرايب زلزله
بمسلم الكوفه لفتها المعضله
سيفه بالحملات يرسم كربله
لو حده حاديها
طلعة الموعود معناها النصر
شيعة الكرار شيمتها الفخر
لكن الاعداء ضد ال الطهر
من عمه اليعميها
بيعة الغدير. بيعة الغدير
عبدالهادي العريفاوي
علي الكلفات غيرك. لافتى الها
الولاية اليوم أرفع. لافته الها
شجاها الناس ضدك. لافت إلها
ينصبون الخليفه ابلا وصيه
مستهل المولد
ردد بوجدانك. بكلبك وبلسانك
علي علي مولانه. علي علي مولانه
ثمنطعش ذي الحجه تقرير المصير
والدليل الواضح بيوم الغدير
يامحمد بللغ بحيدر أمير
غيره ثان اعله الخلايق مايصير
تعلن بأيمانك. بكلبك وبلسانك
علي علي مولانه. علي علي مولانه
++++++++++++++++++++++++
اليحبك ياعلي كلبه اهتده
واليبغضك يعني عالحق اعتده
شما يصلي بعمره بس شلفائده
ونته بالجمله يحيدر مبتده
واضح بقرانك. بكلبك وبلسانك
علي علي مولانه. علي علي مولانه
+++++++++++++++++++++++
هنو هنو اعله الولاية حيدره
واجب الحجاج توكفله سرره
والله تستاهل يقالع خيبره
والبقيه اعله الخلافه مزوره
والعدل ميزانك بكلبك وبلسانك
علي علي مولانه
+++++++++++++++++++++++++
انته ياسورة نبأ والقارعه
والكواكب والنجوم الساطعه
ياقيامة ربنا يوم الواقعة
يعني انت الخافظه والرافعه
تقره في اذانك بكلبك وبلسانك
علي علي مولانه
+++++++++++++++++++++++
هالامر مفروض من رب العباد
حتى ضد الدين ميصير انتقاد
بعض أنفس نعم هم عدهم مراد
والحثالا يصير واقعها ابتعاد
وتنجلي أحزانك. بكلبك وبلسانك
علي علي. علي علي مولااااانه
مقدمة مجلس للزهراء ع السلام
ويلي عالزهره المظلومه
يابضعة محمد سيد الساده
يازوجة قيادي وقائد القاده
ياام الحسن وحسين اولاده
عمرج بلونين احزانه مختومه
ماتكعد يبويه وتسمع اخباري
من هجموا عليه وطبوا لداري
ماتدري بمصابي لو أظن داري
وكل موقف يبويه عندك اعلومه
من ضلعي يبويه اشكيلك امصابي
من ذيج العصابه اتستر ابابي
ذوله اللي كلتلي عنهم أصحابي
زمره أهل الخيانه وجوه مشؤومه
تعال وشوف حالي بضربة البسمار
داري من عكب عيناك شبت نار
ذوله أهل السقيفة وبلفعل اشرار
هاي الخطه عدهم ضدنه مرسومه
من أرثي يبويه ذوله منعوني
وكالوا لا وراثه بزجره دفعوني
وبوجهي أخبرك بويه صفعوني
ويشتمني الضربني وانه مهظومه
تسنديني اريدج كومي يافضه
بسمار الضربني وللضلع رضه
أدعي ياالاهي لذوله لاترضه
اشكيلك مصابي وروحي مالومه
ياليلة حزن والعايله بالام
ياوسفه وعلينه دارت الظلام
والاصعب مصاب لكوفه ورض الشام
وزينب من تصد لحسين بالحومه
من جابوا حطبهم زمرة الظلام
زمره من السقيفة تحارب الاسلام
برض الطف يزينب ماتظل اخيام
وكل اهلج يزينب عالارض نومه
ويلي عالزهره المظلومه
الشاعر عبدالهادي العريفاوي
ابوذيات حسينيه
للشاعر عبدالهادي العريفاوي
اجتنه خيول لخيمنه ورايات
وكع عباس يازينب وراي أت
السبي وايات تتلاوذ وره ايات
سبايا اتكلفت بيهن سبيه
مصاب العاشر ويومه وحى النه
ظهدنه بيوم مصباحه وحلنه
زفاف القاسم الليله وحنه
ييمه بمنحرك حنيت اديه
يسكنه حسين مارد مهره جاني
عدونه بحقه جاني مهره جاني
أريد اليوم انصب مهرجاني
وأكل للمصطفى زينب سبيه
كفيلي وكلب اخيتك هام اتنها
بمتنها اعداك تضرب ها متنها
ردت تنهى الضربني ها متنهى
لونك حي نهيت الكون اليه
سر العباس غامض والسر ايه
هزم كل الكتايب والسرايا
بحرب صفين رايه وسه رايه
أظن حيدر نزل بالغاضريه
الليله وافاها الأجل. من بعد عين الأهل
خلي نقره المستهل. يا زينب يا زينب
هذا مستهل القصيده عن قريب إكمالها ونشرها. عبدالهادي العريفاوي
قصيده ثلاثيه على وزن االفائزي
الشاعر عبدالهادي العريفاوي
ايتامك احنه ياعلي ونته ولينه
يالعودتنه بكل فجر تسال علبنه
نتطرك يابالحسن يم عتبة الباب
مولانه شنهو الاخرك ماندري الاسباب
تنسانه مو ثوبك ابد ياداحي الباب
من بزغت اعلينه الشمس لجلك بجينه
وكت المسه نفطر سوه يالعودتنه
مالحضه مرت ياعلي بيها وعفتنه
نتفاخر احنه بكعدتك لوجمعتنه
نشهد يبو حسين شكثر روحك حنينه
ياطبرة المحراب اظن تركت اثرها
ياليلة التاسع عشر شنهو خبرها
وبروحك الطيبه اظن تعلن قدرها
وللدار اظن جانه الخبر شالوا ولينه
بجبد السما ونسمع خبر نادى المنادي
ركن الهدايه هدمه سيف المرادي
ومن السقيفه هالفعل يبقه معادي
من الزمره ذيج الكافره القذره اللعينه
لمن كعد يمه الحسن وحسين اخيه
واخبرهم بطف كربله و ذيج الرزيه
بانت ملامح للابوا بوكت المنيه
كلما يلوج من الالم يعرك جبينه
والعايله كبال الابوا تعيش الفجيعه
وضاكت على زينب اظن دنيه الوسيعه
كالتله بويه ياعلي انه الوديعه
شنهو الجنيته ياعلي واحنه شجنينه
اخبرهم بجبد الحسن وحسين اخيه
واخبرهم بطف كربله والغاضريه
وينادي زينب وبحزن اا يالسبيه
ياليلة الحادي عشر ونتي رهينه
خل يكعد كبالي ردت حامي الشريعه
اختك امانه بعهدتك هاي الوديعه
عالشاطي والكافل تره جفوفه كطيعه
كافلها لو سار الظعن من المدينه
عبدالهادي العريفاوي
قصيده. ككعددده. الى مسلم بن عقيل عليه السلام
مسلم وصل كوفان. يقره الرساله
ضد زمرة الشيطان. اهل الظلاله
ماعنده غايه. قصده الهدايه. يقره الرساله
هاي صوره وألها سابق من أثرها
ناس خرجت ضده مرتده بأمرها
ولسه احنه نعيش ياناس بخطرها
اهل السقيفه والفتن. متوارثه بطول الزمن. من عدها عانينه المحن
وهاك عاين شوف أثرها
من سالف الأزمان. أقره الوثيقة
للعبدوا الأوثان. هاي الحقيقه
صعبه البدايه. قصده الهدايه. يقره الرساله+
+++++++++++++++++++++++++
شكد مكايد مررت واشرح وضعها
والبتول شلوون من رضوا ضلعها
وعدنه واضح بالفدك منهو المنعها
يسطرها جفه بكل حقد. وعن الحقيقيه يبتعد. واضح إذن من هالبعد
للسقيفه من صنعها
عشنه بحزن والآلام. يشهد عصرنه
واجب مدى الأيام. ناخذ حذرنه
ونهج الولاية. قصده الهدايه. يقره الرساله
++++++++++++++++++++++
الكوفه مسلم من وصلها بكل أهلها
ناس رفضت ناس صاحت ياأملها
هذا عمه البل عدل ضارب مثلها
ناس صللت عن درايه. وناس صلت عدها غايه. وناس رفضت بالبدايه
وهاي مسللللم ماقبلها
موقف بمسلم صار. ماكوا مثيله
بالكوفه ظل محتار. ماعنده حيله
شنو الجنايه. وقصده الهدايه. يقره الرساله
++++++++++++++++++++++++
ناس رادت مسلم اليعلن خضوعه
ليل أسفر والفجر بيين طلوعه
ساجد وراكع يصلي بدار طوعه
مسلم سكن ديرة غرب. والكوفه غايتها الحرب. وبسيفه يكلبهم كللب
عالحرب يعلن شروعه
من لاحت الأخطار. مسلم عرفها
بالفتنه شعلوا نار. سيفه كشفها
وبجفه رايه. قصده الهدايه. يقره الرساله
+++++++++++++++++++++++++
يا حسافه بموقف الناس الحقيره
وأبو اليمه بلهفه يتنطر سفيره
بالمكايد صنعوا لمسلم حفيره
مسلم اليبني السفاره. من وصل قصر الأماره. والدجل ماخذ قراره عاين لروحه أسيره
نعيييييي الفاجعه
شلون حالك يبو اليمه بمسلم وحالة مصابه
وصاح صوت اعله المدينه وهاشم النسمه جوابه. شلون حالج ياحميده وعمرج العاش بعذابه
حال مسلم لو تشوفه من فعل جيش ال امييييييييه. بالشوارع جثتها سحلوووووها
عبدالهادي العريفاوي
قصيده للعباس ع السلام على لحن ياليلة وفاتي. ملا باسم
وي زينب عهودي. اوفيها بوعودي
واجب املي جودي. لوكطعوا زنودي
املي الجود والمعبود. لوكطعوا زنودي
عهد زينب وجوبن مااخلفه
أنا العباس ماظن عندي كلفه
عرفني الموت واني المااعرفه
يكلي البوم شفتك شوفه صدفه
عيني الماتعوفك. حارب وانه اطوفك
هاليوم ارد اشوفك. يا فارس طفوفك
بيه الزود. والمعبود. لوكطعوا زنودي
أشوف ادموع من سكنه ورقيه
لجلهن كون امحي الغاضريه
اجيب الماي لخيمهن هديه
واظمه بصدري لوكطعوا اديه
بيدي الموت افصله. حتى الجود اوصله
جاري الماي احصله. واكطع منه أصله
الدنيه شهود. والمعبود. لوكطعوا زنودي
العساكر صوت صاحت من يجينه
يخلي الروس عالشاطي رهينه
يترسه الجود من غصبن علينه
الندامه تصير تاليها مندينه
صاح بصوته فنكم. الأ اكطع اثركم
لو جيتوا بكثركم. عد الله خبركم
بالمجهود والمعبود لو كطعوازنودي
وصلت الماي ولجودي مليته
انا العباس اتخطه بثنيته
اليصل للماي معناها منيته
اليجيني اليوم يتحمل خطيته
راح اترك فجيعه. يم صوب الشريعه
جم جثه صريعه بهل الأرض الوسيعه
املي اردود والمعبود. لوكطعوا زنودي
حملت الجود بيدي وراح اجيبه
واشوف كبالي وكفت جم كتيبه
اوصله الماي لو ادفع ضريبه
واوزعه أعله الأهل كلمن نصيبه
كل همي ومرامي. اوصل يم خيامي
وبجفي حسامي. أحمر لونه دامي
اطوي احدود والمعبود لوكطعوا زنودي
كسر ظهري مصاب الغاضريه
حظنت الجود مكطوعات اديه
يزينب لولفت ليه المنيه
اكول اتهون ماشوفج سبيه
ياربي شأكلها. ماحمل زعلها
تندب يالكفلها. اكعد خويه حلها
لأ ماعود. والمعبود لو كطعوا زنودي
عبدالهادي العريفاوي قناة عبدالهادي العريفاوي القصائد الحسينيه
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
عبدالهادي العريفاوي
،
السلام عليكم احبتي اعتذر عن انقطاعي للأيام السابقه لكم مني اجمل تحيه وصباح مفعم بالرحمه والغفران بكل المؤمنين. خادمكم عبدالهادي العريفاوي
Читать полностью…
قصيده للامام موسى الكاظم عليه السلام
عبدالهادي كريم العريفاوي
روووووحي عالكاظم مالومه ٢ لحن ويلي يالاكبر حاچيني ملا باسم
انه امك ييمه الطاااااهره الزهره
متعنيه لمصابك ناري متوجره
وضلعي اللي ظهدني وماجبر كسره
من يوم السقيفه وروحي مهظومه
رووووووحي عالكاظم مالومه
_____________
نيران المصايب شلعت افادي
كل هاي السنين ابجي اعله ويلادي
من ارض البقيع لطوس للوادي
لسجن بغداد يبني الشاعت اعلومه
روحي عالكاظم مالومه
_________________
عليك انشد ييمه واسجب الدمعه
بجسر بغداد اشوف الشيعه مجتمعه
ابن جعفر يكول الموعد الجمعه
لكيته من المصيبه امبددله ارسومه
روحي عالكاظم مالومه
_______________
متعنيه اعله شوفك يانظر عيني
وشنهو اللي يلجمك يبني حاجيني
اواسيك بمصابك ونته واسيني
شو جنها النوايب بينه مختومه
روحي عالكاظم مالومه
________________
يم جسر الرصافه الشيعه ملتمه
وموسى من السلاسل ينزف بدمه
لاخوته القريبه ولا ولد عمه
واخبار الطبيب احشاءه مسمومه
روحي عالكاظم مالومه
___________________
عفيه بهل المصايب كلبي شايلها
بس اصعب مصيبه لروحي تكتلها
زينب بالطفوف وطاح كافلها
ومحتاره بحرمها بخطة الحومه
روحي عالكاظم مالومه
____________________
لرض الطف مشيت واجذب الحسره
حسين كبالي متوسد على الغبره
وزينب من عكب عباس متيسره
من ذيج المصايب روحي ملجومه
روحي عالكاظم مالومه
____________________
روحي من النوايب عاشت الالام
جم شده الشفتها وصوبتني اسهام
لعد زينب يموسى كاصده للشام
واتعنه المكابر كلمن ويومه
روحي عالكاظم مالومه
خادمكم عبدالهادي كريم العريفاوي
