قصيدة ظعن السبايا لحن رحنه بظعيينه
خادمكم عبدالهادي العريفاوي
زينب سبيه يهل الحميه
عكب الحسين وعباس تتفرج اعلينه الناس من الغاضريه يهل الحميه
-----------------------
انه الجنت عدكم أميرة نسوان
زينب أميره اعله الانس واعله الجان
هسه بحبل مجتوفه بين البلدان
راح الخدر من افكدت خمس اخوان
راحوا اهلنه من يفزع النه
روس المشت فوك ارماح جم ظيغم بظيغم طاح واصفك بديه يها الحميه
--------------------------
بطف كربله صار الذي ربنا راد
ماواحد بهاي العشيره نشاد
محتاره مابين السبي والسجاد
وهاي الحرم بحبال كامت تنكاد
للكوفه رحنه محنتنه محنه
حامي الظعن ريته وياي كال انتي يختي بحماي وين الوصيه يهل الحميه
-----------------------
لمن صعدنه اعله الهزل شتمونه
للكوفه خويه وباليسر ودونه
حتى الطفل سوط العده اعله متونه
تالي بخرابه العايله ايخلونه
يصعب امرنه عدكم خبرنه
للطف يروح السجاد كاصد دفنها الأجساد
داره خليه يهل الحميه
------------------------
زينب تصد لبن الاخوا متشوفه
والعسكر بقدرة قدير يشوفه
سر الجليل وقدرته المعروفه
للطف مشه بلحضه ورجع للكوفه
غايب ولينه يدفن حسينه
من هالخرابه اتعنيت ومن كربله هسا جيت
قصه خفيه يهل الحميه
-----------------------------
كاللها لرض الطف رحت ياعمه
يم الجسد وادم شفت ملتمه
وشفت الجسد متوذر وشيلمه
وبلا غسل ادفن ابوي بدمه
ودفن البقيه كلها اعله اديه
وعمي الكمر صوب الماي من شفته صوبلي جلاي اصعب رزيه يهل الحميه
-------------------------
من الكوفه والحادي مشه لأرض الشام
عكب الكفيل اعله الظعن وي ظلام
اتعبنه ياخوتي السفر ممشه ايام
واتفكد أحوال الحرم والايتام
سجه بعيده وطاحت حميده
بت مسلم ابن العم ذاك بنيتك تظن تتلكاك ونته رميه يهل الحميه
-------------------------
لمن دخلنه اعله الشام شام الكفار
عدهم فرح والزينه تملي الأشجار
كام البعض يكطف ظعنه بحجار
ومن كل سطح جوونه بالماي الحار
شام المصايب بيها العجايب
بلطشت راسك يحسين واعله الطشت ملتمين وماتت رقيه يهل الحميه
----------------------
قصيدة ليلة ونهار العاشر
خادمكم عبدالهادي العريفاوي
من يوم العاشر ابديها احزاني
لو اصبح باجر وراحوا خواني
وزينب محتاره بالطف واسراره من ليل العاشر ابديها احزاني
-----‐-------------------
بكليبي حسرات الحزن ماتغفه لو لحضه العين
ليلة وداع العايله واعله الحزن مجتمعين
يشرحلي بو اليمه الخبر وادموعه تجري من العين
وصاني وأيكلي الصبر لو داسوا اضلوع حسين
لو حزو نحري وسلبوها ثيابي
وراسي ايرفعونه اني واصحابي
لو شنو غاره بالطف واسراره من ليل العاشر ابديها احزاني
----------------------------
يازينب وهاي الحرم انتي الكفيله اعليها
وباجر اذا امسه المسه بالعايله ايوصيها
بحرك الخيم يابت علي لعيالج اتحاميها
وكبالج الروس برمح وعيونج اتصد ليها
يازينب يختي باجر مجتوفه
وظعن اليسبونج يكصد للكوفه
هيج الله اختاره بالطف واسراره
---------------------------
يازينب وليل اهدعش كل الأهل صريعه
عفيه الصبر يابت علي يازينب الوديعه
واعظم مصيبه اعله الكمر من يبقه عالشريعه
لو رحتي يم صوب النهر وكبالج الفجيعه
مكطوعه جفوفه والسهم بعينه
مطروحه الرايه بطيحة جفينه
تعرفين اخباره بالطف واسراره
من يوم العاشر ابديها احزاني
-----------------------------
يم خيمة الكافل مشت واتحشم الكفلها
ام البنين اشوصتك ياهيبتي واملها
عاشر محرم من يطر شنهو البصيره بحلها
اختك يبو فاظل اظن تتطشر بشملها
ادري المنيه بالغاضريه
وزينب يالكافل عكبك سبيه
ياراعي الشاره بالطف واسراره
---------------‐----------'
عاشر محرم بالحزن ياعاشر المنايا
بالطف يذبحون اخوتي يامصعب الرزايا
ومجتوفه زينب بالحبل وتعاين السبايا
ماظلت اخوه بكربله ولاعدنه ظلت رايه
والروس اعله ارماح وزينب مجتوفه
برض الطف يحسين متعنيه الكوفه
وحسين بداره بالطف واسراره
من يوم العاشر ابديها احزاني
قصيدة للعباس ع السلام
خادمكم عبدالهادي العريفاوي
زلزل الطف بنزوله عباس واسمه الكمر
صولاته صوله اعله صوله والجيش منه انكسر
بصفين تشهدله المعارك وتشهدله حرب الجمل
نظراته لحضة هجومه من يطي نظرة زعل
خردل الجيش بقتاله ومادروا وين الخلل
هذا عباس الاجانه لو نزل خير العمل
يطشر الجيش ويلمه ناده اين المفر
صولاته صوله اعله صوله والجيش منه انكسر
----------------------------------
بزوده حماي الظعينه والأمر بيده انحسم
مم وصل صوب الشريعه العسكر كباله انهزم
دخلت انذار الكتايب من يرف بيده العلم
حتارت الناس بأمرها بالحقيقه لو وهم
حتى عزريل اعتناله عباس انته الفخر
صولاته صوله اعله صوله والجيش منه انكسر
------------------------------
انته الاحزام لعضيدك وبالشدد انته السند
ياكفيل الحره انته والعدو بحقك شهد
ونته خيمه اعله الفواطم كعدن بسد العمد
وتسحك بروس الاعادي مايهم عده وعدد
زينب تعاين لخوها تصيح تسلم يالكمر
صولاته صوله اعله صوله والجيش منه انكسر
----------------------------------
من رحت صوب الشريعه وبيدك ايرف اللوه
تختنك كل العساكر وينكطع عنها الهوه
سيفه يحصد باليريده لمن السيف ارتوه
كل كتيبه كباله توصل بسيفه يطبكهم سوه
تهتز الكاع بوجوده صاحوا الطف خطر
صولاته صوله اعله صوله والجيش منه انكسر
----------------------------------
بللغدره كطعوا يمينه لاتظن واحد وصل
والنبال اعله الشريعه والجسد اصبح وصل
ابو اليمه يصد لخييه عالنهر شنهو الحصل
من رجع لخته يكلها مايرد لخيامه ظل
راح ابو فاظل عضيدي ويلي غدر الدهر
صولاته صوله اعله صوله والجيش منه انكسر
-----------
قصيده ثلاثيه للأنصار عليهم السّلام
انصار اجينه اليوم للغاضريه
دم النحر مرخوص لبن الزجيه
للطف اجينه نريد نرفع لوانه
لسبط النبي المختار يرخص دمانه
مصرعنه بالطف صار كلمن مكانه
ماعدنه غير حسين سيد البريه
نرفض عمرنه اليوم من عكب الحسين
بدم النحر هاليوم يتثبت الدين
شنهو العذر لو كال وين العهد وين
كالوا دمانه تفيض بالغاضريه
يعلن حبيب اليوم يفدي بحياته
شيخ العشيره وهاي اجمل صفاته
يطلب رضا من حسين لحضة مماته
حتى الدماء تصير بالطف سويه
انصار اجينه اليوم نملك اراده
ربنا الجليل بهاي يرحم عباده
ماعدنه ويه حسين غير الشهاده
بس لايرد الدين للجاهليه
بسمك يبو السجاد ونته الوسيله
راية نصرنه اليوم يم العقيله
نقسم ببو الحسنين حامي دخيله
مانقبل يكولون زينب سبيه
ثابت عهدنه اليوم للباري معهود
حتى الملائك هاي بالمحشر اشهود
نفزع ابو السجاد ونحامي الاحدود
ونبذلها هالارواح الهم هديه
خادمكم عبدالهادي العريفاوي
وداع ليلة العاشر زينب واخوتها
خادمكم عبدالهادى العريفاوي
ليلة العاشر صعب مضمونها
وابو اليمه واخوته ايودعونها
تكله خويه حسين جن حل الوداع
خويه باجر عكبك ايحل الضياع
ويلي بالطف تنذبح هاي السباع
وزينب بطف كربله يعوفونها
---------------------------
ايوصي اخته يكلها ياخويه الصبر
من تدوس الخيل يختي اعله الصدر
موقف العاشر يبت حيدر خطر
والخيم يابت علي ايحركونها
----------------------------
وبوداعي لكافلج ظهري انكسر
من يطيح حزام ظهري اعله النهر
من اودعه وانه اجيبن هالخبر
صعبه لو زينب تهل عيونها
--------------------------------
زينب اتوصي الكفلها اعله العهود
تكله خوفي بروحتك ماظن تعود
رايتك عالكاع مكطوع الزنود
وعينك بذاك السهم يطفونها
-------------------------
ياكفيلي اللي جبتني من الوطن
زينب اختك باجر تعيش المحن
والليالي بشوفتك جنهن كضن
وزينب بهذا المسه تواسونها
--------------------------
من الوداع كليبي نصين انجسم
شنهو حالي لو وكع راعي العلم
والجيوش اتوجهت صوب الخيم
خيامي نيران العده يوحرونها
------------------------
جعفر وعبدالله وين ووينه عون
شمحله وكفتكم عله خيامي تجون
من اشوفن اخوتي كلشي يهون
ويلي باجر بالغرب تنسونها
---------------------------
وين الاكبر وينه جسام الشباب
الليله اودعكم يعمه اعله الغياب
عاشر بعاشور مامنه مصاب
منهو يسأل عالعقيله شلونها
-----------
كعدة سياسيه بداية شهر محرم الحرام
خادمكم عبدالهادي العريفاوي
احنه في عصرالفتن والطائفيه
وكل موالي يلتزم بالمرجعيه
خطها من خط الحسين وصاحب الطلعه البهيه
----------------------------
خطة اسرائيل تلعب بالعقول اللي ضعيفه
هيه ضد بيت النبوه بالحقد صنعت سقيفه
واليضدنهج الإمامه هذا نطفه مو نظيفه
منهج علي رايد صبر مثل اليحط بيده جمر واليفهم بأول سطر يتبع العتره الشريفه
هوايه وادم بالفتن تشعل حطبها
شيعه ضد المذهب اتخطط حربها
ضد أمير المؤمنين وصاحب الطلعه البهيه
-------------------------'----------
السياسه دمرتنه وترسم بكل يوم خطه
والحرامي منها بيها اكعيده هذا وهذا سططه
يبيعك شعير ويخدعك واتفاقه وياك حنطه
بهذا الشعب لعبوا لعب صار البلد سلب ونهب ظلوا حزب ياكل حزب
والشعب طايح بورطه
شنهو حلها والشعب عاش بمتاهه
عالنوايب وادم التنصب عزاها
والشعب وضعه حزين وصاحب الطلعه البهيه
---------------------------------------
هالشعب ضحه بحياته من اجل يحفظ بلاده
والفقير البلتجاوز هذا مايملك سياده
تنهدم غرفة عياله هذا كل معنى الاباده
بيت التجاوز ينهدم من أجل راتب يستلم
خليها عندك للعلم تنتهي هاي القياده
كل فقير الينهدم بيته اعله اهله
دعوة المظلوم هاي اطيها مهله
بدعوته لله المعين وصاحب الطلعه البهيه
----‐------------------------------
والمريض بحاله صعبه عدمن يعالج مصيره
والفقر هادمله حيله حيرته ياناس حيره
بالطبابه هوايه عدنه للاسف انفس حقيره
الماعنده مبلغ مستعد من الردهه طبعا ينطرد وهوايه مرضه بالحشد
وحالته جدا خطيره
دمعة احزان الفقير بكل ظروفه
ربه بالمرصاد بدموعه يشوفه
للمرض يسمع انين وصاحب الطلعه البهيه
------------------------------------
هوايه طلاب وفقيره تريد توصل مستواها
بالخصوصي لو حكومي خطه ياهو اللي وراها
والغني يدفع جبايه الفقره عاشت في متاهه
ماعنده يدفع هالثمن ومن الفقر يشكو لمن عايش غريب بهل الوطن
بركبة الظالم عساها
هوايه ناس انتحرت بهاي الماسي
الف مبروك وشكر لهل الكراسي
شكوى للباري بيقين وصاحب الطلعه البهيه
-----------------
قصيدة لمسلم بن عقيل ع السلام
خادمكم عبدالهادي العريفاوي
ياسفير حسينك ياسفير حسينك
لاذت الفرسان من سوح الوغى مسلم المغوار في سوح القتال
سيفهو البتار يحصد في الرقاب لن يهاب الموت في اوج النزال
حرمة المؤمن في القتل حرام هؤلاء القوم في القتل حلال
مسلم اليوم سيفه طشرها جثث فرسانها
عمه كرار معركة خيبر قلع بيبانها
طبعه مغوار والزلم تتشارد لنسوانها
الكوفه اليوم كلها تصيح مسلم صال لوحيدر
بالحملات كص اركاب عنه الجيش يتكتر
ياسفير حسينك ياسفير حسينك
--------------------------------------
مسلم المغوار في سوح النزال والى الفرسان قد جاء الأجل
ارعب الفرسان والقلب حديد وبذاك الجيش قد بان الخلل
بنزول الحرب كالصوت الرعيد ياعلين صاح ياخير العمل
هاني وياك بالمعارك ونته روح بزودك
طوعه تنخاك ها يمسلم يلله ذب مجهودك
يابطل حيد منهو يدنه ومن يصل لحدودك
طوعه تصيح يالمغوار بيدك سالمه الرايه
انته اوحيد وهذا الجيش ضدك يحيد هوايه
ياسفير حسينك ياسفير حسينك
------------------------‐----------
ياسفير الحق يافخر الرجال لحسين السبط عنوان السفير
انها كوفانو في الحقد الدفين كم منافق واناني وحقير
عمك الكرار غدرا قتلوه انت في الحفرة يامسلم اسير
وبو فاظل ريته يامسلم حضر واديها
عن يمينك ألله شاهد والزلم يمحيها
كوفه ماكو ويعني بس رمله وتهيل اعليها
مسلم صاح بالميدان ياعباس يبن العم
حاضر كون بالميدان حتى تزيل عني الهم
ياسفير حسينك ياسفير حسينك
---------------------------'------
انته ياظيف الشرف طوعه تصيح وغدا في الحرب تبدو المجزره
عمك الكرار حماي الدخيل ربنا يشهد هو قالع خيبره
كوفه مشحونه حقد اهل النفاق في حقدها الكوفه جدا غادره
هذا مسلم بالشدايد والحرب عنوانها
من يخورسها الزلم سيفه ويكص لسانها
يندب بحيدر علي ذاك القلع بيبانها
ناس اطيح ناس اتصيح هالمغوار يكضينه
سيفه يلوح وين انروح منهو اليوم يحمينه
ياسفير حسينك ياسفير حسينك
شوط كربلائي للأمام المهدي عسى أن يصلحنا ألله ويثبت اقدامنا على الحق
خادمكم عبدالهادي العريفاوي
----------------------------------
يمته الفرج يالموعود ونورك يسطع نشوفه
شيعه وكلها تنتظرك ولطلعتك ملهوفه
-----------------------
شسولفلك يبو صالح بمصايب تاكل احشانه
ناس اتسترت بالدين انخلطت حانه وي مانه
التواصل مفسده للدين تشوف فلان وفلانه
افعاله شكل تلكاه ويعجبك منطق لسانه
تعرفهم يبو صالح منو الفالح منو الطالح والكاذب من الناصح
من تقره السجل مولاي كبالك كلها مكشوفه
-------------------------------
يالمهدي فلا يخفاك زخم البشر واهواله
منهو الناصح لدينك تقره صفحة اعماله
اهل العدل والايمان واهل الخدع دجاله
منهو اليبغض الشيطان ومنهو الشمر وامثاله
بيهم لاصلاه لاصوم كفره بجبهته مختوم ماتخفه عليك اعلوم
حتى البحر بالروجات تعلم مستوى اجروفه
----------------------------------
من عقل البشر مرات كل سيئه يخفيها
بأمرك هالفلك يندار بنظام القدره تحييها
جم قاتل وجم سارق ملايين الخلك بيها
وجم زاني بسواد الليل وكل خائنه تدريها
بالمحشر يصير احساب ومن عدهم تريد اجواب بكل عمره شأخذ وشجاب
يعض اصبع ندم ويكول سرر وعلن معروفه
-----------------------------
نفسنا اعلينه نصلحها وننطيك العهد مولاي
وعهدنه ياأبو صالح غلطنه بالفعل والراي
بفعلنه نعرف نأذيك نشطب ذيجه تطلع هاي
شيطان اليفر بينه بحزبك مايخلينه ارحمنه يمهدينه
نقسم بالحسين اعليك والمسبيه بالكوفه
--------------------------------
عجل بالفرج مولاي بس باللسن نلفظها
يم كل الجوارح كون هاي الدعوه نعرضها
بعضنا بيها يتوسم وبعضنا الثاني يرفضها
بمتاهه لاتخلينه عزم وايمان تنطينه عدونه يشتمت بينه
لمقامك نمشي للسهله نروح هناك ونطوفه
----------------------------
تصلي الوادم وتركع واكثرهم حراميه
يصلي ويمتلك وجهين وفعايل عنده مخفيه
قله سيدي الويياك بضماير صادقه النيه
كل مؤمن دعائه يصير يقره الندبه يوميه
صادق بالعهد وياك اي والكطعوا جفوفه
قصيده للعباس ع السلام على لحن
ياليلة وفاتي
عبدالهادي العريفاوي
وي زينب عهودي اوفيها بوعودي
واجب املي جودي لو كطعو زنودي
املي الجود والمعبود لو كطعو زنودي
______
عهد زينب وجوبا ماأخلفففففه
انا العباس ماظن عندي كلفه
عرفني الموت واني الماأعرففففففه
يكلي اليوم شفتك شوفه صدفه
هاليوم ارد شوفك يافارس طفوفك
عيني الماتعوفك حارب واني طوفك
بييه الزود والمعبود لو كطعوا زنودي
______________________
اشوف ادموع من سكنه ورقيييييه
لجلهن كون امحي الغاضريه
اجيب الجود لخيمهن هديه
واظمه بصدري لو كطعوا اديه
بيدي الموت افصله حته الجود اوصله
جاري الماي احصله واكطع حته اصله
الدنيه شهود والمعبود لو كطعوا زنودي
_______________________
العساكر صوت صاحت من يجينننه
يخلي الروس عالشاطي رهينه
يترسه الجود من غصبن علينه
الندامه تصير ياناس امندينه
صاح بصوته فنكم الأ اكطع اثركم
لو جيتوا بكثركم عد سيفي خبركم
بالمجهود والمعبود لو كطعوا زنودي
____________________
وصلت الماي ولجودي مليتتتتته
انا العباس واتخطه بثنيته
اليصل للماي معناها منيته
لعد ربعه يوصيها وصيته
راح اترك فجيعه يم صوب الشريعه
جم جثه صريعه بهل ارض الوسيعه
املي اردود والمعبود لو كطعوا زنودي
________________________
يزينب ماي املي وراح اجيبببببه
واشوف جيوش وكفت جم كتيبه
اوصله الماي لو ادفع ضريبه
وانطي للاهل كلمن نصيبه
كل همي ومرامي اوصلهن خيامي
وبحفي حسامي احمر لونه دامي
والمكصود والمعبود لو كطعوا زنودي
_______________________
كسر ظهري مصاب الغاضريييييه
حظنت الجود مكطوعات اديه
يزينب جن لفت ليه المنيه
اعتذاري وياج عد سكنه ورقيه
واسكينه شأكلها مااحمل زعلها
العباس الكفلها ياربي نته حلها
زنودي شهود والمعبود لو كطعوا زنودي
______
قصيده ثلاثيه للأنصار عليهم السّلام
انصار اجينه اليوم للغاضريه
دم النحر مرخوص لبن الزجيه
للطف اجينه نريد نرفع لوانه
لسبط النبي المختار يرخص دمانه
مصرعنه بالطف صار كلمن مكانه
ماعدنه غير حسين سيد البريه
نرفض عمرنه اليوم من عكب الحسين
بدم النحر هاليوم يتثبت الدين
شنهو العذر لو كال وين العهد وين
كالوا دمانه تفيض بالغاضريه
يعلن حبيب اليوم يفدي بحياته
شيخ العشيره وهاي اجمل صفاته
يطلب رضا من حسين لحضة مماته
حتى الدماء تصير بالطف سويه
انصار اجينه اليوم نملك اراده
ربنا الجليل بهاي يرحم عباده
ماعدنه ويه حسين غير الشهاده
بس لايرد الدين للجاهليه
بسمك يبو السجاد ونته الوسيله
راية نصرنه اليوم يم العقيله
نقسم ببو الحسنين حامي دخيله
مانقبل يكولون زينب سبيه
ثابت عهدنه اليوم للباري معهود
حتى الملائك هاي بالمحشر اشهود
نفزع ابو السجاد ونحامي الاحدود
ونبذلها هالارواح الهم هديه
خادمكم عبدالهادي العريفاوي
بيعة الغدير خادمكم عبدالهادي العريفاوي
ابوذيه
علي الكلفات غيرك لافتى الها
الولايه اليوم ارفع لافته الها
شجاها الناس ضدك لافت الها
وينصبون الخليفه بلا وصيه
مووااال
والله فقارك زحم وكت النزال
والعجيبه البي شيملك محتوى
من يكص اركاب تلعب بالهواء
كصه وحده تكول نفس المستوى
ازدحام يصير في قطع الرؤوس
وسيفك الفقار يطبكهم سوه
ونته عندك عيد في سوح القتال
يعني ذو الفقار ديلاب الهوى
----------------------------
في يوم الغدير عيد الله الجبير
يتنصب امير علي علي مولانه
١٨ ذي الحجه تقرير المصير
والدليل الواضح بيوم الغدير
شكد منافق ياعمر وشكد حقير
ونته عالامه صرت عنصر خطير
تقرير المصير عيد الله الجبير
يتنصب امير علي علي مولانه
--‐-----------------------'------
اليحبك ياعلي كلبه اهتده
واليبغضك يعني عالحق اعتده
شما يصلي بعمره بس شلفائده
ونته كل جمله يحيدر مبتده
للهادي نصير عيد ألله الجبير
يتنصب أمير علي علي مولانه
-----------------------------------
هنوا هنوا اعله الولايه حيدره
واجب الحجاج توكفله سره
والبقيه اعله الخلافه مزوره
والله تستاهل يقالع خيبره
بأمر الله القدير عيد الله الجبير
يتنصب أمير علي علي مولانه
----------------------------------
اليحبك ياعلي بيك افتخر
ماشفت مثل الحقاره العد عمر
يدري هو وزمرته يروح لسقر
حسابه يم حيدر اذن اين المفر
عالدنيه خبير عيدالله الجبير
يتنصب أمير علي علي مولانه
----------------------------------
انته ياسورة نبأ والقارعه
والكواكب والنجوم الساطعه
ياقيامة ربنا يوم الواقعه
يعني انته الخافظه والرافعه
بسرارك نحير عيد الله الجبير
يتنصب أمير علي علي مولانه
-------------------------------------
شعندي غير ياعلي بيوم الورود
مايهمني شما تسولف هالقرود
من اكولن ياعلي املك وجود
بعالم الذر وانه انطيتك عهود
غيرك مايصير عيد الله الجبير
يتنصب امير علي علي مولانه
-------------------------------
اني اسألكم ردت هذا السؤال
شنهو رايك بالشرب ماء الرجال
وهو اصلا هذا مو نطفة حلال
الماحفظ دبره ينصبونه محال
والموقف خطير عيد الله الجبير
يتنصب أمير علي علي مولانه
قصيدة شوور نهار العاشر
خادمكم عبدالهادي العريفاوي
حسين يااااحسين حسين يااااحسين
وحيده بكربله محتاره يحسين
اخوتي مذبحه وكلهم مطاعين
عقيلتكم بعد تنطي الوجه وين
ظلام الليله اكبل هالمسيه
حسين يااااحسين حسين ياااااحسين
----------------
ولا واحد فزع يحميها الأيتام
يخويه بطيحتك حركوها الاخيام
اذا صار السبي وممشانه للشام
تروح ويه الظعن زينب سبيه
حسين يااااااحسين
-----------------------------------
شفت نحرك يخويه كبالي مرفوع
اصد ليك بهظيمه وكلبي مفجوع
اعاين عالجسد مرضوض الاضلوع
اسولف هظمتي لأمي الزجيه
حسين ياااااحسين
--------------------------------
رحت للعلكمي لراعي الكفاله
لكيت امكطعه ايمينه وشماله
كفيلي بطيحتك حالتنه حاله
وينطرن جيتك سكنه ورقيه
حسين ياااااحسين
-----------------------------
ظلام الليل اجانه وماكو خيمه
تلاوذ كل يتيمه بصف يتيمه
هظيمتنه يبو فاظل هظيمه
ردت كبلك تصل ليه المنيه
حسين يااااااحسين
-------------------------------
تردلي اتنطرت طال انتظاري
دريت بعيلتك وسط البراري
اسولفلك بعد وبحالي داري
صفت دار الأهل منكم خليه
حسين ياااااحسين
قصيدة للأمام الجواد ع السلام لحن كرار ابو غنيم ماظلت امتون
خادمكم عبدالهادى العريفاوي
--------------------------------
ننصب عزه اليوم عالجبده مسموم
وكل عمره مظلوم عالجبده مسموم
مصاب الجواد وحيرته بهاي الفجيعه
ننصب عزانه باللطم واجب يشيعه
ابن الرضاعاش بحقد اهل الخديعه
زمرة بني العباس اذن ضد الشريعه
زمره من الانذال في كل الأحوال
وصلتنه الإعلوم للجبده مسموم
--------------------------
ملعونه هاي ام الفظل واضح فعلها
ضد الجواد بكل حقد ضربت مثلها
ياربي انته المنتقم ونته التحلها
نفس النهج من عائشه الركبت جملها
قارينه الاكتاب عن اصل الارهاب
بي كلشي مختوم عالجبده مسموم
------------------------------
نفس السلاله بهل عصر طلعت شياطين
تعلن سخافات الدجل ضد نهج الحسين
عل يلطم ويمشي مشي كالوا مرائين
عدكم وسائط للنقل ليش نتو ماشين
اصل القضيه من العفلقيه
بفعاله مشؤوم عالجبده مسموم
----------------------------
موضوع اطرحه بكل أدب والكل يسمعون
ادري البعض من هالبشر يمكن يزعلون
اللي يسب حزب البعث لا مايقبلون
وبالموكب ويانه البعض ايظا يلطمون
واضح نفاقك انته ورفاقك
بفعاله مذموم عالجبده مسموم
-------------------------------
ننصب عزانه بكل وكت ماتنشف العين
واعظم مصيبه بكربله صارت بالحسين
ميهمنه ذوله اهل الدجل زمرة شياطين
واليحجي عن اهل العزه ماعنده كل دين
منهجنه للموت مايخمد الصوت
لكل عمره مهظوم عالجبده مسموم
نعي للأمام الجواد ع السلام
خادمكم عبدالهادي العريفاوي
نعييي
عله امصاب الجواد اتهل العيون
عليك الشيعه يامولاي يبجون
شنو الصار بأمامي اليوم تدرون
لعين المعتصم من هالرزيه
-----------------------
لعين المعتصم وأم الفظل وياه
اجت الزهره هذا اليوم تنعاه
تصيح وليدي يامظلوم ويلاه
ييمه بغيبتك دارك خليه
---------------------------
مصاب ابن الرضا والشيعه تنعاك
يبو الهادي المصيبه الصارت وياك
ابوك بطوس يعلم بالجره وياك
برض بغداد مكتوبه المنيه
------------------------------
ارض بغداد بيها وليدي مسموم
اصيح بصوت ماتكعد يمظلوم
انا الزهره الزجيه وجيتك اليوم
اعزي بهل مصاب الرافضيه
----------------------
قصيدة إلى مسلم بن عقيل ع ألسلام
خادمكم عبدالهادي العريفاوي
راية حرب مرفوعه وكل الطرق ممنوعه
شكرا الج ياطوعه ضيفتي مسلم بالدار
---------------------------------
شكرا الج ياطوعه من وجداني
مسلم يطوعه والحرب عنواني
محد وكفلي من العرب بس هاني
واعجز اوصفه موقفج بلساني
والجنه لج مضمونه وبكل زمن يقرونه
شكرا الج ياطوعه ضيفتي مسلم بالدار
------------------------
خانوا عهدهم والعهد ماينخان
زمرة غدر ومطاوعه للشيطان
باجر اذا طر الفجر بالميدان
والماسلك درب الإمامه خسران
وحسين ابد لا ميريد وميطاوع لأمر ايزيد شكرا الج ياطوعه
------'-‐---------------
ياطوعه عمي المرتضى والكرار
موقف شرف عندج اطب هاي الدار
ياطوعه عندج هالمسيه خطار
ميهمني عده ولا عدد هالاشرار
كررة عيوني اني وسوح الوغى عنواني
شكرا الج ياطوعه ضيفتي مسلم خطار
---------------------------
والكوفه خانت بالعهد غداره
وماادري بو اليمه بعد شخباره
وسفه الجمع لمن يطيع اشراره
ياطوعه باجر من اشن الغاره
والكوفه بيدي اطويها ومن الزلم امحيها
شكرا الج ياطوعه ضيفتي مسلم بالدار
--------------------------
طر الفجر وسيوف اجتك ورماح
قائد العسكر بالكتايب من صاح
مسلم وحيد العسكر كباله انزاح
حفروا حفيره لمسلم وبيها طاح
خطة غدر معروفه ماكدروا اهل الكوفه شكرا الج ياطوعه ضيفتي مسلم خطار
قصيدة ليلة الحادي عشر لحن كرار ابوغنيم ماظلت متون
خادمكم عبدالهادي العريفاوي
------------------------
حاجيني يحسين انطي الوجه وين
وكلكم مطاعين حاجيني يحسين
اختك عفتها امحيره وعيونك تنام
ياليلة الحادي عشر ماظلت اخيام
عكب العشيره بكربله محتاره بيتام
وباجر يخويه ننسبي وممشانه للشام
وروس اعله الارماح وحادي الظعن صاح
للكوفه ماشين حاجيني يحسين
----‐------------------
سكنه ورقيه اعله الجسد صاحن يعمه
والدنه متكطع وذر نكعد نلمه
مانمشي عمه للسبي خل نبقه يمه
ياعمه شو جسمه ثلم ثلمه اعله ثلمه
من داست الخيل بالحافر وحيل
وتركت نياشين حاجيني يحسين
-----------------------
هالليل اجانه ولا اخو يرجع اليه
ليلة امس وسط الخيم كلنه سويه
والليله وحشه بلا أهل بالغاضريه
تنشدني عنك من غبت سكنه ورقيه
جاوين ابونه من سلبونه
وراعي العلم وين حاجيني يحسين
------------------------------‐--
لا اخوه عندي ولا بكت عندي عشيره
لحسين اجيت بهل مسه حتى استشيره
مذبوح اخوي من الكفه بحر الظهيره
ومرعوبه خويه العايله وحيرتها حيره
امسه المسه شلون شو ماتكعدون
عالفركه ناوين حاجيني يحسين
----------------------------
اكعد يشيال العلم رحت وعفتني
ونته الجبتني من الوطن وتكفلتني
لو تدري جم سوط الطبع خويه اعله متني
شو ماترد يابلفظل جن فاركتني
ترضاها عباس تتشمت الناس
ياكررة العين حاجيني يحسين
--------------------------
لحسين اروح وليك ارد يالكافل شلون
تزعل اذا يمك تصب دمعات العيون
جيت اشتكيلك يالكمر بس جاوب ام عون معقوله يمكم اشتكي ونتم تسكتون
ترجع اليه لو هاي أهيه
ياخويه ماشين حاجيني يحسين
للتطبير
خادمكم عبدالهادي العريفاوي
دم حسين يظل عنوان والباري يريده
وكل عام الطف بالاحزان عالشيعه تعيده
ننصب مجلس لجل حسين ماتنشف دمعات العين وليوم المحشر
حيدر ياحيدر
-------------‐---------
داست صدرك ذيج الخيل الخيل العشره
واشلاءك يابو السجاد بالطف متوذره
حزوا نحرك يامولاي عطشان وماشارب ماي مكطوع المنحر
حيدر ياحيدر
----------------------------
ماتكفينه الدمعه اعليك حتى اللطميه
ومن نذكر زينب للشام راحت مسبيه
ونشيل سيوف وقامات والدم يجري من الهامات لجلك نططبر
حيدر ياحيدر
-------‐----------------
اصعب موقف شافه حسين حالة ايتامه
مطروح وعينه اعله النار محروكه خيامه
زينب صاحت شوف شصار وحسين يعاين عالنار لكن مايكدر
---------------------
لجلك نلبسها الاكفان وتفيض ادمانه
بالموكب انته الموجود والمهدي ويانه
مانبخل بالدم مولاي يالماشارب قطرة ماي ألله اكبر
حيدر ياحيدر
قصيدة كعدة للقاسم بن الحسن ع السلام
خادمكم عبدالهادي العريفاوي
حنة إيدك ودم وريدك عالرمل سالن سوه
ياشبابك من مصابك ينكطع عني الهوه
يبني للحومه اعتنيتك سابح بدمك لكيتك
------------'--------------------
ودعتني بهل المسيه وتعلن لباجر رحيلك كلبي مايحمل مصايب يبني هالليله اشتكيلك يمه باجر لو عفتني انه للحومه اعتنيلك
ياجاسم الحيل انهدم وادري الحزن بسمي انختم شو صعبه نكلات الجدم
لاتفاركني دخيلك
ودعتني وعذبتني ومابكه عندي أمل
من اشوفك بكل ظروفك انخه ياخير العمل
كلبي ملهوف واجيتك سابح بدمك لكيتك
--------------------------
اصبح العاشر ييمه وأدري ساعاته قليله
اجتمعت اعليك العساكر يالولد من كل قبيله
عيني للباري بمصابي ربي ماظل عندي حيله
تودعني يايمه ورحت يوليدي ياجاسم صحت من فاركت عيني طحت
وانه ماعندي وسيله
ياشبابه ومن غيابه للحزن كلبي استعد
من تحزم كلبي يعلم مايرد ليه الولد
يمه جن كربت منيتك سابح بدمك لكيتك
--------------------------
انتظر يبني تجيني ورجعتك جنها بعيده اجتمعت العدوان ضده خوفي لو حزوا وريده
وكلبي دم ولحم يمه لاتظن كلبي حديده
ياخوفي جاسم ماسلم يوليدي مو حيلي انهدم ماظن يرد صوب الخيم
وليدي ياربي اريده
الهم لفاني مااجاني ماعرف شنهو ظروفه
بهل مسافه ياحسافه عيوني ماتكدر تشوفه
لاتظن يبني نسيتك سابح بدمك لكيتك
------------------------------'
عمك حسين بمصابه من رجع مكسور ظهره
جاسم وليدي اشوفه نايم ومكطوع نحره
ابو اليمه بحضنه شاله بجانب الاكبر يسطره
يوليدي ياروح القدس شمحلاها كعتنه امس يالفاركت حتى العرس
ولزفافه بكلبي حسره
نحره دامي كليبه ظامي ويلي منهاالغاضريه
عني غايب والمصايب لومشت امك سبيه
بدمي وبروحي فديتك سابح بدمك لكيتك
------------------------------
ابني مذبوح واشوفه جثته بالطف رميه
يبني ماظل أمل عندي من مصاب الغاضريه
شو عفتني وهذا حالي وانه مجتوفه وسبيه
نعي الخاتمه
كل الأهل خلصوا جتل والعيله مجتوفه بحبل فوك الحمل زاد الحمل
بالسبي مجتوفه اديه
قصيدة نزززززله بحق مسلم بن عقيل ع ألسلام خادمكم عبدالهادي العريفاوي
واتساب ٠٧٨١٠٥٥٢٥٥٧ خاص للرواديد
-------------------------------
مسلم المغوار شنهي اسراره
مسلم المغوار شنهي اسراره
ثورة الأحرار عنوان اليقين
في طريق الحق دوما صابرين
ولهذا اليوم منهاج الحسين
كل زمن اقره نهج ثواره
--------------------------
ها هو المغوار شبل المرتضى
عاد بالحملات شيئ قد مضى
وبجيش الكفر قد ضاق الفضا
وين تشرد من يشن الغاره
---------------------------
لايهاب الموت في برق السيوف
راسما في الحرب عنوان الطفوف
أنه وآلله ذو القلب الرؤوف
وناس واقعها الغدر غداره
---------------------------
مسلم الصنديد عنوان ألسلام
لاأجيد النطق في وصف الكلام
واقع الأشرار للحق لئام
ليش صارة عالارض جباره
-------------------'-------
ثورة الأحرار في كل العصور
ينتمي للحق ذو القلب الغيور
داعيأ للبغيي ويلا والثبور
منهج الحق شو قليله انصاره
---------------------------
لانحب اليوم نهج الناصبي
فاقد الإيمان ذو العقل الغبي
بالحسين السبط يبقى مطلبي
الإمام المهدي ياخذ ثاره
---------------------------
قالها الرحمن بالخلق رحيم
لن يعادي الحق ذو القلب السليم
من يعادي الحق شيطانن رجيم
ربنا يعلم بالخلك واسراره
----------------------------
ال أميه اليوم في الوجه الجديد
تطلب الحكم الى دولة يزيد
شيعة الكرار طوقن من حديد
بيهم العالم بكت محتاره
---------------'--------------
وصول ظعن الإمام الحسين ع السلام
الى كربلاء
خادمكم عبدالهادي العريفاوي
-----------------------------
ابو اليمه من نزل برض الطفوف
ال أميه اتحاشمت ضده الألوف
زينب تعاين عساكر بالصفوف
شلون زينب والدهر لو خانها
----------------------------
شلون زينب والوضع جدا خطير
وابو اليمه بكربله يطلب نصير
زينب عيونج عله عيالج تدير
شكد صبوره والصبر من شانها
---------------------------
شكد صبوره لو وكع راعي العلم
لو عله الصيوان هالعسكر هجم
من تشوف شلون نيران الخيم
يعني بالطف احترك صيوانها
-----------------------------
يعني بالطف من تصد يافاجعه
مو طفوف تكول يوم الواقعه
من يظل عباس صوب المشرعه
عالشريعه تجتمع جيمانها
----------------------------------
اعله الشريعه تحاشموا هالمجرمين
وابو فاظل لاشمال ولا يمين
من يصيح ادركني احضر ياحسين
والعساكر تلعب بميدانها
-----------------------------
والعساكر ترفع الروس برمح
ماكو ليل العدها لاتعرف صبح
خمسه اخوتها كضوا بالطف ذبح
ماكو فزاع الاجه من اخوانها
------------------
قصيدة علي الأكبر ع السلام
خادمكم عبدالهادي العريفاوي
أمك تصيح يالاكير ودعتني اعله الرحيل
تدري الامصاب عله فراكك يبعد امك ثكيل
خاف لو ابني وكع صوت مني ماسمع
ا يالاكبر ا يالاكبر
-------------------------------
يمه مامرتاحه روحي بهل مسيه
ادعي ربي وليدي خل يرجع إليه
ويلي ياويلي مصاب الغاضريه
خاف الأكبر ابني تلفاه المنيه
ليش الأكبر يودعني يربي ومايرد
ابني لو راح يهد حيلي عله فراكه البعد
اه لو كلبي انفجع صوت مني ماسمع
ا يالاكبر ا يالاكبر
-------------------------------------
شعندي غيرك يبني ياشمعة حياتي
ادعي ربي بكل فرض يمه بصلاتي
ماكو حيل الليي يردهن نايباتي
انه ردتك تحضر جنازة وفاتي
دمع العيون عله فراكه علامات الحزن
ها يالاكبر ردت كلبك على امك يحن
شوف منه ماشبع صوت مني ماسمع
ا يالاكبر ا يالاكبر
----------------------------------
دمعة عيوني حزينه وماكو راحه
حيلي هديته ييمه بكل جراحه
كلبي مجروح ومنو يداوي جراحه
ويلي ياليل هدعش ليل المناحه
ليش الأكبر يودعني يربي ومااجه
اصبر شلون اذا جاني خبر مابي رجه
ليش ابني مافزع صوت مني ماسمع
ا يالاكبر ا يالاكبر
----------------------------------
يبو الاكبر وجهك مرايه واشوفه
علي الأكبر شنهو حاله بكل ظروفه
كباله شو جيش العده اجتمعت صفوفه
عيوني تتربه اعله جيته وماتعوفه
كلبي ملجوم اكولن خوفي الاكبر ينذبح
حاوطه الجيش اخافن ابني بلطف ينجرح
بهاي كلبي ماقنع صوت مني ماسمع
ا يالاكبر ا يالاكبر
------------------------------------
ليلة اوداعك ييمه اكبر علامه
ادعي ربي وليدي يرجع بالسلامه
الطفوف البيها جن يوم القيامه
وليدي ياغصن النبوه والامامه
امك تموت اذا عني رحت راح الأمل
ادعي ربي واصيحن ياعلي خير العمل
جيش ضد ابني اجتمع صوت مني ماسمع
ا يالاكبر ا يالاكبر
قصيدة لأم البنين واولادها ع السلام
خادمكم عبدالهادي العريفاوي
اربعتكم فخر يهل الحميه
فدوه لحسين براضي الغاضريه
امكم وهذا رجائي لاتقصرون بندائي
اربعتكم اربعتكم
---------------------‐---------
وين بو فاظل اريده لايفاركلي عضيده
بالمنايا
اخته زينب حارس الها بلوطن هو الكفلها
وبيده رايه
والظعن هواليقوده ابني وفاي بعهوده
من البدايه
وينه عون ووينه جعفر وينه عبدالله الغظنفر بالرزايا
ودعتهم بنيني بهل المسيه
وبوفاظل صفت داره خليه
كلبي نبضه كربلائي لاتقصرون بندائي
اربعتكم اربعتكم
-------------------------------
اربعه اولادي هديه فدوه للزهره الزجيه
وعندي تقصير
لاتقصرون بفعلكم بالوصيه اليوم اكلكم
هذا ميصير
زينب الكبرى العقيله لبو فاظل تشتكيله
بالطف تحير
ابو اليمه تشوفه وحده والعدو ياهو اليرده لمن ايغير
لو وصلتوا يويلادي بسلامه
هذا الحسين تنفذوله كلامه
راح اشد بيكم ردائي لاتقصرون بندائي
اربعتكم اربعتكم
----------------------------------
العايله بالطف عطاشا ابني مايتركها حاشا
بكل جهوده
يقتحم درب المنيه ومايهمه جيوش اميه
وبيده جوده
منهو يتحده قتاله يسحك الروس الحثالا
هذا زوده
زلزل الكاع بأهلها ابو فاظل من نزلها
الدنيه سوده
هذا عباس ابو فاظل اعرفه
يفدي بالروح بحليب امه احلفه
يامقاتل يافدائي لاتقصرون بندائي
اربعتكم اربعتكم
-----------------------------------
ويلي منها الغاضريه كلها تلفاها المنيه
عالثرى تنام
بكربله اعظم فجيعه ابو فاظل عالشريعه
عالنهر نام
زينب خلافه سبيه كلها برض الطف رميه
ونار الاخيام
ماكو بلطف الها رايه عايله كلها سبايا
لديرة الشام
زينب شلون منو اللي يفزع الها
بالسبي تروح بعد غيبة اهلها
زينب وكل النسائي لاتقصرون بندائي
اربعتكم اربعتكم
--------------------------------
والظعن كاصد مسيره وزينب الحره اسيره والكمر راح
تمشي مجتوفه اديها من بعد غيبة وليها
والكلب صاح
انه زينبكم يخوتي منهويسمع هسه صوتي فوك الارماح
نحر ابو اليمه اشوفه والجسد ساكن طفوفه وجم طفل طاح
بالخرابه يودون السبيه
عالطشت ليش فكدناها رقيه
واجب انه انصب عزائي لاتقصرون بندائي
اربعتكم اربعتكم
ليلة الحادي عشر خادمكم عبدالهادي العريفاوي
عفتكم ضحايا وعرفت النهايه
الى الشام االايتام سبايا
بين المخيم والنهر اول بدايات السبي
ممشانه عاشور وصفر يشهدلي تل الزينبي
ياليلة االحادي عشر فوك المتن طبعوا عبي
ياويلي من هذا السفر زينب دخيلك ياابي
قريت البدايه وعرفت النهايه
الى الشام االايتام سبايا
يابالفظل يم النهر اختك وجيتك وحدي
اسمع ونينك يالاخو اشعر تكلي ردي
متعنيه ليك بهل مسه سالوفه يمك عندي
اقسملك ب طه النبي سيد الخلايق جدي
عشتها الرزايا عرفت النهايه
الى الشام الايتام سبايا
ياخويه حيره حيرتي محتا ره بين ايتامي
مهظومه والشامت يصد صارت رماد اخيامي
لحسين اروح وليك ارد تعبت يخويه اجدامي
ويعيني اصد للعلكمي والنوب ارد للظامي
يدهري كفايه وعرفت النهايه
الى الشام الايتام سبايا
باجر اذا ننوي السفر ودرب المسيرهوايه
معناها اودعك يالاخوا يم الفرات ومايه
وراسك يروح اعله الرمح وجسمك عالمسنايه
ممشانه سكته وبالعبي نحسبها هيه الرايه
فلا عدنه رايه عرفت النهايه
الى الشام الايتام سبايا
تنشدني سكنه بغيبتك شو عمنه مارد لينه
ياعمه روحي للنهر للكافل تحاجينه
كليله ياخويه تره عطشانه حيل سكينه
وكليله ماظلت خيم ولا ظل حمه يحمينه
لبسنه العبايه وعرفت النهايه
الى الشام الايتام سبايا
قصيدة عتاب السيده رقيه ع السلام مع أبيها عند المصارع
منهو لييييييه. بهل مسييييييه
بويه للمصرع اجت يمك رقيه
إنه شفتك من طحت بويه ضربوني وصحت. جنها بويه الدنيه عكبك دولبتني
ماكو خيمه البيها اطب. ولامتن يحمل ضرب. كلبي مايحمل مصايب يالعفتني
حركوا اعلينه الخيم بويه والسور انهدم
ليك اجيت وانته ياما دللتني
ماي اجيبن لك واجي. بلكي تشرب ارتجي. ونته ياما بويه بيدك شرربتني
والمنيييييييه. بهل مسيييييه
بويه للمصرع اجت يمك رقيه
بويه مرعوبه وخفت غربه وادم شو شفت. إني ماشفتك ولا شفت الكفلنه
عاينت صوب الخيم. مايرف يمهن علم
كمت اصيح الليله راحوا وين اهلنه
مني سالت دمعتي. من اصد لعممتي
شبجت العشره وتنادي منهوا النه
تنتظر منك خبر. ونته مكطوع النحر
مابعد بويه اعله جيتك إلها ظنه
من آل اميه. بهل مسيييييه
بويه للمصرع اجت يمك رقيه
بويه اسولف لو دريت. تدري اني شلون اجيت. اجدامي ترجف بويه والخيل شكثرها
الليله يمك ارد أنام. عدنه ماظلت خيام
ليله وحشه والله يستر من خطرها
عقلي بالطف منذهل. اهلي شو خلصوا جتل. انه طفله وتدري يابويه بعمرها
نوبه اركضلك ركض. نوبه ازحف عالارض
اني يابويه العزيزه قص خبرها
يالزجيييييه. بهل مسييييه
بويه للمصرع اجت يمك رقيه
بيك اشم عطر الورد. شو اسولف ماترد
كللي معقوله رقيه شو عفتها
طفله وبأول عمر. عاشت اسياط وزجر
ونته بويه شكد تحبها ودللتها
تكلله اطلب يالحبيب. أمشي للشط ماي اجيب. شفافك الذبلن اكولن بللتها
شماله جسمك منطوي. بويه راسك ملتوي والله لو اكدر اشيلك عدلتها
وشبدييييه. بهل مسييييه
بويه للمصرع اجت يمك رقيه
والاشد منهن تره. الشمر حز منحره
عيني صدت بس لكت جثه سليبه
راح أبوي ومايرد. للنوايب أستعد
انه من زغري الك ادفع ضريبه
بويه جتفوني بحبل. رايحه أركب عالهزل
شرد اسولف قصتي والله عجيبه
شوف اديه مكيده. شنهو من عندي البده
وعمتي زينب بويه برض الطف غريبه
شكد خطيييييه. بهل مسييييه
بويه للمصرع اجت يمك رقيه
بويه ماظل عندي روح. راح اودعنك وروح. هيه هاي الليله يابويه الهظيمه
اعتابي يمك ياأبي. انه شنهو والسبي
هم سبيه وهم اظل عكبك يتيمه
صحره بس أرض وسمه. ودنيه هندس مظلمه. شنهو ذنبي وشنهو من عندي الجريمه
انته روحي ودنيتي. منهو غيرك سلوتي
وين اروحن بويه ظلمه الدنيه هيمه
رد عليييييه بهل مسييييه
بويه للمصرع اجت يمك رقيه
،
قصيدة رثاء أولاد مسلم عليهم السلام
خادمكم عبدالهادي العريفاوي
مسلم اله طفلين ضاعوا حيارى
ماندري مذبوحين يو لا اسارى
عكب الكفيل الراح صوت العقيله شصاح
مسلم اله طفلين ضاعوا حيارى
-----------------------------
زينب وكفت اعله التل وتتفكد عله الصوبين
من شبت عليها النار ومن ذبحوا اخوها حسين
مذعوره الحرم كلها ماتدري الوجه لاوين
تجمع بالنسا واطفال صاحت شو بعد طفلين
بهاي الصحاري شلون اندل اثرهم
ماعندي والي يجيب عنهم خبرهم
تدري الاخو من طاح صوت العقيله شصاح مسلم اله طفلين ضاعوا حيارى
-------------------------
من جلجل عليها الليل ونيران الخيم تسعر
زينب تحمي بالايتام وجيوش العده تفتر
صعب موقفها برض الطف تكوم ونوبه تتعثر
زينب فكدت الوالي وتردها الخيل ماتكدر
بين العساكر هاي حيرتها حيره
من تمشي لرض الشام زينب اسيره
وتناشد الأرواح صوت العقيله شصاح
مسلم اله طفلين ضاعوا حيارى
------------------------
اطفال ولفاها الخوف شردوا سكنوا الوديان
بيهم زينب حتارت مصايب عاشت واحزان
تحشم وين ابو الحسنين ابوي القالع البيبان
ياليل ١١ مشؤوم متيسره بارض كوفان
ياحاضر الشدات شوف العقيله
لحامي الدخيل اليوم انه اشتكيله
كافل ظعنها راح صوت العقيله شصاح
مسلللللم
-----------------------------
ياروحي وهظمها اليوم من ليل اليمر بينه
سبايا بساحة الميدان ونريد اليوم والينه
اجت لينه الزلم والخيل كفيل العيله جاوينه
يبو اليمه اريد انخاك بعد منهو اليحامينه
طبع الدهر خوان ماعنده رحمه
اكضي العمر لجمات لجمه اعله لجمه
حك الكلب لوناح صوت العقيله شصاح
مسلم اله طفلين ضاعوا حيارى
---------------------------
من خوف ورعب واهوال ومن رعب الحرب والنار
ساروا والطريق ابعيد ومنهو اليتبع الآثار
لكن من بعد ايام حيارى وطبوا اعله الدار
عجوز الرحبت بيهم كالوا هالمسه خطار
اطفال اجيتوا منين شنهو خبركم
والدنيه بيها اخطار يصعب امركم
شو كلبي مامرتاح صوت العقيله شصاح
مسلم اله طفلين ضاعوا حيارى
---------------------
قصيدة إلى مسلم بن عقيل ع ألسلام
خادمكم عبدالهادي العريفاوي
راية حرب مرفوعه وكل الطرق ممنوعه
شكرا الج ياطوعه ضيفتي مسلم بالدار
---------------------------------
شكرا الج ياطوعه من وجداني
مسلم يطوعه والحرب عنواني
محد وكفلي من العرب بس هاني
واعجز اوصفه موقفج بلساني
والجنه لج مضمونه وبكل زمن يقرونه
شكرا الج ياطوعه ضيفتي مسلم بالدار
------------------------
خانوا عهدهم والعهد ماينخان
زمرة غدر ومطاوعه للشيطان
باجر اذا طر الفجر بالميدان
والماسلك درب الإمامه خسران
وحسين ابد لا ميريد وميطاوع لأمر ايزيد شكرا الج ياطوعه
------'-‐---------------
ياطوعه عمي المرتضى والكرار
موقف شرف عندج اطب هاي الدار
ياطوعه عندج هالمسيه خطار
ميهمني عده ولا عدد هالاشرار
كررة عيوني اني وسوح الوغى عنواني
شكرا الج ياطوعه ضيفتي مسلم خطار
---------------------------
والكوفه خانت بالعهد غداره
وماادري بو اليمه بعد شخباره
وسفه الجمع لمن يطيع اشراره
ياطوعه باجر من اشن الغاره
والكوفه بيدي اطويها ومن الزلم امحيها
شكرا الج ياطوعه ضيفتي مسلم بالدار
--------------------------
طر الفجر وسيوف اجتك ورماح
قائد العسكر بالكتايب من صاح
مسلم وحيد العسكر كباله انزاح
حفروا حفيره لمسلم وبيها طاح
خطة غدر معروفه ماكدروا اهل الكوفه شكرا الج ياطوعه ضيفتي مسلم خطار
قصيدة للعباس ع السلام لحن ناري بدليلي تسعر
خادمكم عبدالهادي العريفاوي
--------------------------
برض الوطن ياعباس يالركبتني بايدك
واتكفلتها العيله
ليلة وداعك صعبه أدري الحرايب عيدك
لا كلبي ينهد حيله
حيدر ابونه الوصاك لرض الطفوف يريدك
ياشبل حامي ادخيله
انته الكفيل لزينب يبقه العهد تخليدك
والدمع كام يسيله
انته الوفي بعهودك يابلفظل وبزودك
يالصولتك مشهوده ومصرفن الها زنوده
وتتشارد الخياله
--------------------------------
انته الفخر ياعباس يم صوب المسنايه
متعني الها بزودك
منهو اليصل يم حدك وبيدك ترف الرايه
وبالشاطي تملي بجودك
مايوكف بوجهك جيش وتدري الجيوش هوايه محد يصل لحدودك
وللعايله تتعنه ونته الأمل والغايه
شكرا على مجهودك
جيش شكثر جدامك يمته وترد لخيامك
والحومه مامحدوده ومصرفن الها زنوده
وتتشارد الخياله
------------------------------
اختك يبو فاظل هاي بطف كربله منهو الها يالشوفتك تحييها
من صولتك ارض الطف بجدامك اتزلزلها
اطشرها وتلم بيها
سبعين الف ماردود لو حملتك تحملها
عاليها عن واطيها
يالبشدد رفعة راس والشدد انته تحلها
من تخبط اتصفيها
يالبفظل رد لينه ولجودك متانينه
سيفك بذل مجهوده ومصرفن الها زنوده
وتتشارد الخياله
----------------------------
صوب الخيم يالوالي سكنه ورقيه تريدك
مارجع عمنه اعلينه
شنهو العذر لو نشدن والأمر ظل بايدك
من غيرك يحامينه
وحسين اخيك وحده ياخويه رد لعضيدك
لاتمشي وتخلينه
صعبه الدهر من يغدر ياخويه ونته شبيدك يالفركتك تاذينه
يمته ويرد ونشوفه والجربه بين جفوفه
يالجيتك مريوده ومصرفن الها زنوده
وتتشارد الخياله
------------------------------
للمشرعه اتعنيتك يابلفظل ونته ادره
بالكوه اشيل اجدامي
هذا الحسين كبالي ياخويه حزوا نحره
وحركوا عليه خيامي
للعلكمي نوبه اركض كبالي الجثث متطشره وارجع وارد للظامي
يابلفظل جاوبني لا كلبي خاف اتكسره
للموت اشد حزامي
زينب اجت حاجيها لاتمشي وتخليها
منك فلا معهوده ومصرفن الها زنوده
وتتشارد الخياله
قصيده للعباس ع السلام على لحن
ياليلة وفاتي
عبدالهادي العريفاوي
وي زينب عهودي اوفيها بوعودي
واجب املي جودي لو كطعو زنودي
املي الجود والمعبود لو كطعو زنودي
__
عهد زينب وجوبا ماأخلفففففه
انا العباس ماظن عندي كلفه
عرفني الموت واني الماأعرففففففه
يكلي اليوم شفتك شوفه صدفه
هاليوم ارد شوفك يافارس طفوفك
عيني الماتعوفك حارب واني طوفك
بييه الزود والمعبود لو كطعوا زنودي
______
اشوف ادموع من سكنه ورقيييييه
لجلهن كون امحي الغاضريه
اجيب الجود لخيمهن هديه
واظمه بصدري لو كطعوا اديه
بيدي الموت افصله حته الجود اوصله
جاري الماي احصله واكطع حته اصله
الدنيه شهود والمعبود لو كطعوا زنودي
_______
العساكر صوت صاحت من يجينننه
يخلي الروس عالشاطي رهينه
يترسه الجود من غصبن علينه
الندامه تصير ياناس امندينه
صاح بصوته فنكم الأ اكطع اثركم
لو جيتوا بكثركم عد سيفي خبركم
بالمجهود والمعبود لو كطعوا زنودي
____
وصلت الماي ولجودي مليتتتتته
انا العباس واتخطه بثنيته
اليصل للماي معناها منيته
لعد ربعه يوصيها وصيته
راح اترك فجيعه يم صوب الشريعه
جم جثه صريعه بهل ارض الوسيعه
املي اردود والمعبود لو كطعوا زنودي
________
يزينب ماي املي وراح اجيبببببه
واشوف جيوش وكفت جم كتيبه
اوصله الماي لو ادفع ضريبه
وانطي للاهل كلمن نصيبه
كل همي ومرامي اوصلهن خيامي
وبحفي حسامي احمر لونه دامي
والمكصود والمعبود لو كطعوا زنودي
_______
كسر ظهري مصاب الغاضريييييه
حظنت الجود مكطوعات اديه
يزينب جن لفت ليه المنيه
اعتذاري وياج عد سكنه ورقيه
واسكينه شأكلها مااحمل زعلها
العباس الكفلها ياربي نته حلها
زنودي شهود والمعبود لو كطعوا زنودي
__
قصيدة موشح ثكيل للأمام الجواد ع السلام
خادمكم عبدالهادي العريفاوي
----‐-------------------
شيعه تعلن للجواد احزانها والسواد اعله الحزن عنوانها
من بني العباس كل هذا العداء
ضد أهل بيت النبوه الاوصياء
زمره ضدهم طاغيه من الاشقياء
ضد علي الجفه قلع بيبانها
------------------------
ذوله اسباط الإمامه والعلم
والإمام المهدي بيهم ينختم
لعنة الله اعله الخليفه المعتصم
زمرة طاعت بالظلم شيطانها
-----------------------------
ليلة اغيابك مصاب الرافضه
بالمصيبة الحلت اعله بن الرضا
تدري يابو الهادي مو ضاك الفضا
من عكب دين الهدى واركانها
----------------------------
شكد لعينه ام الفظل من خانتك
والخبر لمن وصل يم شيعتك
بالحقد ليش اللعينه سمتك
بالحشر صارت حطب نيرانها
------------------------------
انته ياتاسع أمام اعله الأرض
وطاعتك عالدنيه مفروضه فرض
ندري هذا الكون بيدك ينقبض
ياامام الدنيه ياسلطانها
-----------------------------
انته يانور الهدايه اعله الملا
جبدتك بالسم صفت متعلعله
هم دريت شصار بيها كربله
وجدك حسين السكن ميدانها
--------------------------------
وعمك العباس شيال العلم
مارجع يبن الرضا لصوب الخيم
حيل ابو السجاد من فكده انهدم
تراكضت صوب الخيم جيمانها
-------------------------------
انته مسموم الجبد بس الجره
بالطفوف حسين كطعوا منحره
وعالشريعه هناك سبع الكنطره
وزينب تنادي وتصيح اخوانها
----------------'---------
قصيده نززززله لمسلم بن عقيل ع ألسلام
خادمكم عبدالهادي العريفاوي
---------------------------
عفيه مسلم هدمت قصر الاماره ٢
هذا صنديد المعارك للحرب عنوانها
خردل اجيوش ال أميه من نزل ميدانها
عمه قتال اليهود اللي قلع بيبانها
عفيه مسلم للحرب صار ختياره
------------------------------
مسلم الكوفه نزلها وشنهي هيه اعلومه
دخلت انذار العساكر من نزل للحومه
لكن الكوفه عجيبه بالغدر مشؤومه
عفيه مسلم للحرب طب بقتداره
----------------------------
منهو يوصل يم حدودك ياسفير حسينك
يافدائي يامقاتل يامضحي لدينك
كوفه معروفه بغدرها مسلم الله يعينك
عفيه مسلم تبني بالكوفه السفاره
-------------------------------
الكوفه معروفه بغدرها بالحرب غداره
مسلم الكوفه نزلها وشنهي هيه خباره
بالحرب يملك شجاعه ماتهمه اخطاره
عفيه مسلم بالحرب ماخذ صداره
------------------------------
وحده مسلم بالأزقه والطرق ممنوعه
حاصروا مسلم يويلي والسجج مكطوعه
من العرب هاني ينصره والنسا بس طوعه
عفيه مسلم للفجر طال انتظاره
-----‐-----------------------
هذا مسلم بالحرايب وحده يمشي بزوده
من يطب سوح المعارك منهو يدنه حدوده
يافدائي لبو اليمه والله وفه اعهوده
عفيه مسلم ظلت الوادم حياره
