https://youtu.be/KuKKB3p1mMs?si=nJ-Q4f5ELOytXD0u
Читать полностью…
https://youtu.be/phvlq3wQeC4?si=bscf3NaspDL-HPp4
Читать полностью…
عالناكه من كلبي تـوازه -- شدوني جــن شدة جنازه
بجفوفـهم خلتـني دنياي
العـزو عليك بـرودة الماي
------------------------------------------------------
1= من حضنك لحضن الخرابه -- ضلت الأسكتي ومشت بابه
غاب الدلال وحضرت النوك -- والحادي مايـــــرحم عذابه
شينوم الماعـــــدهه خيمه -- ينام الجفن ويكعــــده ضيمه
ماشايفه عــيوني هالدروب -- ولا راكضه أبنيتــك بهيمه
قـبلي الشام ما داخلـته علـــويه
بديها أحبال فـــوك الناكه مسبيه
**
حقي أشوفك راس وأبجي -- وياك محد يــقـبل أحجي
أنته داواي ومنعـو أدواي
العــزو عليك بـرودة الماي
2= تـنزل دمعــتك ما تــردهه - حبال السبي بـيدك تـشدهه
الماعدها والد أحسن تموت - ولا تمشي للغـربه وحدهه
العيونك الطيبه عـــطشنه - أطشرنه بعـــــدك من يلمنه
ماطالعــــــين بلايه وليان - من كطعـــو أوداجك طلعنه
الدمعه التجري مني تحرك بنحرك
يالمحتار بأمري أتحـــيرت بأمرك
**
كدامي راسك رمح شاله -- كلبي يـــــبويه دم بجاله
جروح بغيابك صارت هواي
العـــزو عليك برودة الماي
3= وين ألتفت كدامي حيره - والسبي سالفــــــته جبـيـره
يتـناحبن عماتي عالنوك - وين العــــــزيزه والأميره
بعدك حياتي بس بـواجي - لا ضــــــل دلال ولا تراجي
ياكل بكلبي ضل الغــياب - نار وكلت طـــرف الخواجي
نطب للشام وأيــغــير معـانـيـنه
شبدينه وعدنه ضلت بس بواجينه
**
بسوك الشماته أيكعدونه -- وحنه بنات ومات أبونه
ماخلو أهلي تعـــيش وياي
العزو عليك برودة الماي
4= تـــرفات يابـويه أديه -- والحبل مايعــرف خطيه
زلمه يشدها وأنه طفـله -- ومايــــنكسر كلبه عليه
صعـــدني كدام السبايه -- وفاطمه صعــــدها ورايه
شدها أدينه الأيد بـا لأيد -- وعلينه شد طرف العـبايه
أريد أبجي الــدمع من ينزل يشوفه
وأخاف يجرني ووكع وانه مجتوفه
***
من جلمة البويه منعــني -- يضرب متوني لو سمعني
منعوني بويه يطلع بجاي
العـزو عليك برودة الماي
5= أنطـــوني ماي وماشربته -- عطشان أدري وألك جبته
كـــام السـباني مني بـداه -- عوفيه يضل كال بعـطشته
عطشانه بس الماي عفته -- راسك تــحرك بويه شفته
هوه الخسر مثلك يالحسين -- يامـــــاي اليطفي جمرته
الدم البراسي طاحت فوكه خيمتكم
بعــدكم كون مــــا عاشت رقيتكم
*
عالطـشت موعـدها منيتي -- ونحرك يضل يسمع بجيتي
يفرضون ضلوع الحرم راي
العــزو عليك بـرودة الماي
*************
عبد الجليل المالكي
https://youtu.be/Eooq9rCROPA?si=VRqZbBEP3aV2LuS1
Читать полностью…
ما ينشم هوه الشام - الشام الشام
جــنه رماح وسهام - أسهام أسهام
أول مادخلـــنه - بهالديره أختـــنكنه
----------------------------------------------------------
1= ديره ولا عـرف بـيها - بس شمات أهالـــيها - وتـلكونه بحجار
كلمن كض حجر بـيده - يضربله طفـــل عيده - للــشيطان أنصار --
غـــير المحترك جـــدمه يضمدونه
شويه من الوجع خاطر يريحونه
مو من السطوح حــجار يرمونه
**
نسمع دكة طــــبول - طـبول طــبول
والمجتوف شيكول - شيكول شيكول
ردناكم يـــــــهلنه - بهالديره أخــتكنه
2= دخلنه بسوكهم نبجي - ويضربونه من نحجي - عدهم ضيمنه عـيد
حرمه لا ذت بحـرمه - من عـــــيونهم زحمه - غــير الستر شنريد
كـلمن فات بــيده لازم حـــــجاره
يشمرها عليــــنه ودمـنه يتجاره
ضعن وبكل محله شاعت أخــباره
*
منين نجيب عباس - عباس عباس
عــــنه يمنع الناس - الناس الناس
لمن طاح ضعنه - بهالـــديره أختـنكنه
3= كلمن فايت يباوع - صرنه جالطفل ضايع - عـــنه أهله بعيدين
المايــدري يكلوله - عن قصتـــنه يحجوله - هاي أعيال الحسين
هذا الـضعـــن ورجاله ذبحانهم
والقـصر الخليفه بنوك جــبناهم
مثل سبي العبيد أحنه سبيانهم
****
جبنه راس الحسين - الحسين الحسين
باوع عالرمح زين - أي زين أي زين
جاوين الكفلنه - بهالديره أختــــنكنه
4= مكسوره خواطـــرنه - كدام الـــــخلك صرنه - علايم مـــن الهموم
حادي الضعن وكفــنه - بسوك الناس تكشفنه - وحيل الحرم مهدوم
كــبال عـــيونه خلاهـــن رماحه
بيهن روس أهلنه الماهي مرتاحه
راس حسين كالساعه حجر لا حه
*
صحنه خويه يحسين - يحسين يحسين
أندارت صوبنه العين - العين العين
بالنار أحــتركنه - بهالديره أختنكنه
5= دخلنه القصر والوادم - وين الطاغي والضالم - ماعـــدهم حميه
من الخــــــجل دنكنه - وأحنه الحبل شــبكنه - روانه المـــــنيه
صاحو وين أخوتج صحت عباس
لو موجــود ما أخله ألك راس
ولا خلاني أطيح بـــولية الناس
*
جابو راس الحسين - ويلاه ويلاه
شفته وصبت العــين - ويلاه ويلاه
نادينه أنهضمنه - بهالديره أختـــنكنه
الشام - الشام
************
عبد الجليل المالكي
https://youtu.be/Tp1I7NwMICQ?si=eJ9n40DMy6R5IAEJ
Читать полностью…
https://youtu.be/hH98BruQCLU?si=gn6nrTdYcK3Zf7Gc
Читать полностью…
https://youtu.be/hwMjVQMU5aI?si=ijXiPAFHHjCPfAL6
Читать полностью…
سفـره بلا أهــل -- محســـوبه مـــوته
عليك السلـــبك -- يرتــــــــفع صوته
للغــربه بضعنه -- رحـــــنه بلا أهلنه
***********
1= تعـبر ديره - بس الحيره - تـشــيب راسك وكلبك
تسد بعينك - بس ألوينك - تصيح بروحك تشيبك
عالناكه رحنه -- ينزف جرحنه -- وليل الـمصايب - جلجل ضلامه
مشدوده أدينه -- وفتحو بجينه -- نسوه وغـرايب - هــاي العلامه
ذباح أبــونه -- والسلــــبونه -- والعـــــــــذبونه - نمشي بكلامه
**
خـذانه بالحـبل -- مشدوده أديــنه
يـــــتبسم أذا -- يـــسمع بجينه
والخطـــوات ونه -- رحنه بلا أهلنه
2= حادي الناكه -- من يتلاكه -- ناس بدربه يخــبرهم
هاي أخوتها -- ذبحـــــناها -- ويشوفــونه يجبرهم
ذول الخوارج - وبلا هـوادج - فوك الهــــزيال - جـــبنه حرمهم
مشدوده أديهم - أتفرجو عليهم - عـــندي سبايه - وبكـيفي أمرهم
اليكعـد أضربه - للـناكه أسحبه - عاشـو عطاشه - ويلهب جمرهم
**
هـــاي الحرمه -- قيمتها جبــيره
جانــــت زينب -- وصارت أسيره
ويلي ياوضعنه -- رحـنه بلا أهلنه
3= روس أخوتنه - مــن ماشتـنه - ينزف عالــرمح دمها
من يـضربوها - تبجي أطفالي - وسكينه تعاتب بعمها
تـكـله يـــعــمي - محروكه جدمي - ويوجعـني متـني - والناكه هـزله
لا أكـــدر أبجي - لا أكــدر أحجي - وكـــــبالي راسك - ب لله شكله
أحتركت عباتي - ومن نايـــباتي - والغــربه وجهي - غـــير صفاته
****
من كد الهضم -- راسك بجالي
يالغالي وبــعد -- ماضلي غالي
ماينشف دمعنه -- رحنه بلا أهلنه
4= تعـبت عـمتي - أتجمع بينه - ومن كد التعب طاحت
تـــوكع طفله - وتــصعدها - ويــنك ياكمر صاحت
تصرخ يخويه - مو عــــذبوني - لمن عـفــتـني - وأنه جبــــيره
تنزف جروحي - بعـــدك يروحي - جنت الأمـــيره - صرت الأسيره
أفـتحلي عينك - طحت بوسـطهم - والحادي خويه - ماعنده غـــيره
*
أتسمم جلمة الشامت - ثـكـــيله
وسفرتنه يبو فاضل - طـــويله
شيردنه الوطنه -- رحنه بلا أهلنه
5= باجر نوصل - شام الدمعه - وشــــــمات أيتــلكـونه
وأحنه بحيره - وأهـل الديره - كلمن فــــــاتح عيونه
بسوك الشماته - ندخــــل سبايه - وتمطر عـلـينه -- هموم الشام
هذا يــــتشمت - ذاك يـــتـــبسم - وحجي الشماته -- جنه أسـهام
ندخل قصرهم - نسمع ضحكهم - شنسوي خويه -- وأحنه أيــتام
***
مـــن يسألوني -- ماهــمه أخـــوتج
بالج يـــنسمع -- بالقــصر صوتج
ضل طايح حملنه -- رحــــنه بلا أهلنه
محسوبه موته
***********
عبد الجليل المالكي
https://youtu.be/PQv0FV-Wmtc?si=yzq6rmnrsyFiQzbH&sfnsn=mo
Читать полностью…
https://youtube.com/watch?v=Ev7WGCfONAw&si=JnxqzCw6LkevNikv
Читать полностью…
أيعـينج الله - الليله يازيــنب طويله
أيعـينج الله - يم الهـموم الثـــــكيله
حزنــج شكــبره -- ويلي يالــــحره -- أيعــينج الله
*********
1= يــزيــنب كــون هالليله أطـــم روحي
وأذب ملح الصحاري كله بجــروحي
يم النوح وين أنه ودمعــــــــتج وين
ربع من نوح كلــبج ما وصل نوحي
*
عمت عيني - شلون شفــتيها ذبحــته
عمت عيني - شلـــــــون كلبتها جثته
شخلــو بصدره -- ويلي يالــــــــحره -- أيعينج الله
2= يــزينب كـــون روحي الليله أدفـــنها
شلي بدنياي بعد حسين أعــــيشنها
حسين الجانت أمه تبوسه من عينه
ضلوعه الخيل مثــــــل الكاع سونها
****
هالمصيبه - هاي عـد الله شكـبرها
هالمصيبه - الدنيه ماخلص عمرها
سحكو بعـطره -- ويلـــــي يالحره -- أيعينج الله
***********
3= ب لله شصاح كـلـبج من وصلـتيله
حجالج نحره لــــو ضليتي تحجيله
صدر ماعنده زينب جا شــــبكتي الدم
شبجيتي وداعت أمج مــــن بجيتيله
****
صحتي خويه - غــير أنه أختك أريدك
صحتي خويه - شمالهم كطعوه وريدك
أمحـــــيره بأمره -- ويلي يالحره -- أيعينج الله
4= مـشيتي بالليل والطـف منتـرس موته
رفعـتي الصوت بس محد رفع صوته
صحتي حسين عـــــــــباس أنه زينبكم
شلـــون أيرد علـــــــيج الدمه تابوته
*
كلها أخوتج - ذبحـــوهم يالعـــقيله
كلها أخوتج - أخ نومـــتهم طويله
كلها متــــــوذره -- ويلي يالحره -- أيعينج الله
************
5= الجمره الحركت أيــدج كـــون تحركني
وشمرهم مو يـــضــربج أنه يضربني
يريت أنه أنـــذبح والميــــنسبون أهلي
بمجانج والـــشمر ناكــــــــه يصعدني
*
يالجبيره - أخ والأخ شـتـكـفي
يالجبيره - من جمر كلبج شطـفي
بالصدر عبره -- ويلي يالحره -- أيعينج الله
* عبد الجليل المالكي
https://youtu.be/tW7cKl42cuw?feature=shared
Читать полностью…
https://youtu.be/iI_fPEEpGYE?si=rd_iFqjdOHp0Dg4j
Читать полностью…
عباس -- عباس
-----------------------------------------------
1= ما طالبها أنـــته وشيخ أبن شيخ
وللــــــــتاريـــخ زودك كـتب تاريخ
يالعــــــــــباس أنته أبوحدك جيش
عــطارد يمنتـــك والـــيسره مريخ
عباس -- عباس
*********
2= يــبـن أم البنين الحجـــيه مملوح
ماتــــنلاح بس من تــــزعل تلوح
عله أجساد الزلم ماتـكعـد الروس
من سيفــك كــــــبل للمذبح تروح
عباس -- عباس
********
3= هلا بسمك هلا بذنــــيج الجفوف
يالمخلي العساكر تـزحف زحوف
ماخذ شمره من حــــيدر بالحروب
صدرك من تطب للحومه مكشوف
4= عـــوجها حلوكهم طــكاته خشنات
عله خشوم الزلم متــرهي من فات
العليهم عود معـتمدين من صاح
خيرهـــــــــم شبع بالشرده طيحات
عباس -- عباس
******
5= معــزله سيوفهم بس سيفه شغال
مو ياهــو الــيجي يــسمونه كفال
يبو فاضل وكفتك تـــــترس العين
رجال وشهــــم ومخلــفه رجـــال
عباس -- عباس
******
6= اليخزره يــنوخ ما شالـنه رجليه
تروح عـــيونه يمشي أعـمه يخليه
هواي أبطال بس نزعـوها الهدوم
اليسطره بأخر الشاطـــي يوديه
عباس -- عباس
7= هـلا بالماتعــب بس تعــب الجيش
أبنص كلـــــوبنه ماميت أيعـــيش
طكاتــه عــــــــدل كلهن بالضلوع
وعلي ماعــنده طكه أطيح بالريش
عباس -- عباس
*******
عبد الجليل المالكي
https://youtu.be/Xnw8NxPK4Tc?si=wKjL7JEg2t-W8LnA
Читать полностью…
https://youtu.be/gaPwikiVUNQ?si=jcxxsnw5vYdV6Ywu
Читать полностью…
https://youtu.be/Grn8kF9dH4g?si=oIFJNUnVakZzLXd_
Читать полностью…
https://youtu.be/Sumyl4hoMzQ?si=Yqhrn_JOK_Bwgc1P
Читать полностью…
https://youtu.be/veT66Mnryio?si=xxOTWKuuufGjgS6O&sfnsn=mo
Читать полностью…
يحسيــن أتسودن حكي
ماطاح أسمك من حلكي
حبيتـك راي -- تارس دنـياي
--------------------------------------------------
1= أول ما أفتح عـيوني -- الصبحيه أنته توافيني
لطفك يسألني شلونك -- ولو بردان يغــــطيني
وكت المغرب تفكدني -- شلون أحوالك تـنشدني
ياصاحب ماكو مـنك -- صاحب زين وماهـــدني
---------
أهلي أيملوني وأنته
لازم كلبي وماعـفته
ياعشكك ماي -- تارس دنــياي
2= من أوكع بالعوز تكلي - بجـيوبك مـال أمخلي
تارس أيدي بـوكفاتك - محد غـيرك واكـفـلي
ياصاحب كلبي وكلـبي - بس أنـــته بنصه وربي
تستاهـــل والله وأكثر - دمعات عيوني وتـعـبي
-------
سبحه وفرتـني جفوفك
بيك أمجلب ما عـوفك
أسمك مـولاي -- تارس دنياي
************
3= من غـيرك ياجامعنه -- نصير حجايه بلا معنه
والحلوه بكلــبك طـيب -- من نسولف يسمـعنه
من نلـتم أنه وربــعي -- نتوسل ب لله وندعي
يارب وفقــنه نـخدمه -- ونلطم الحسين ونـنعي
------
بينه الخدمتكم واهس
نوكفلك وكفت عـابس
ياهاي وهاي -- تارس دنياي
4= لو حسيت الحب بارد -- تـلكاني الحضنك شارد
أترس روحي بشباجك -- عـوذه من عيون الحاسد
أحضن شباجـــك فاير -- أرجع من عـــندك صاير
توني وكاروكي ترابك -- لا حــــــزنان ولا حاير
------
بصحنك أنساهم أهلي
ومنك أرجع متعـــلي
شكرا مولاي -- تارس دنياي
**************
5= الله يابـــــــو الحنـيه -- عـمرك مــاكاطع بيه
أنخاك أبوين الصعـبه -- أرجـع منــك مكضيه
يحسين وحات عيونك -- ميت محسـوب بدونك
الحلوه بحبك سواني -- يابو الاكبر مجنونك
-------
مولاي من أيدك الأيدك
كل ذره بجسمي تـريدك -- دايم يفياي -- تارس دنياي
6= مالاكي جروحك لكوه - ولا حاضي بحبك حضوه
من فضلك كثر خـيرك - خليت الخــــــادم يسوه
أسمك خضر باللسـاني - والله مرتــــــــب سواني
فدواتك يبن الــــزهره - الوالد وأمــــــي وخـواني
-------
يادين وحب وسجده
ياماي وعطر الورده
يالرايح جاي -- تارس دنياي
***********
عبد الجليل المالكي
https://youtu.be/fhIPzQ_5M1w?si=zmCxPY8NplTrsncS
Читать полностью…
أحنه قال الراوي نسمعها ونصيح
وأنته يالمهدي شفــــت جدك ذبيح
كلبك أشــعـــاش أنكسار -- صار خيمه بنصها نار
-------------------------------------------------------
1= يقول الراوي نسمعها - وشفـتها أنته بلا راوي
وبـين الشاف والسامع - حزن ماعـمره متساوي
سمعنه أمخيم ومنهوب - وعــينك شافـــــته داوي
يالموجود قـــــبل أدم - وجـــرحه وكلبه متخاوي
------
أحنه نسمع وأنته شاهدت الزغار
ركضت بهــــيمه وبديها مجلبه نار
غــطه الوجوه الغـــــبار -- صار خيمه بنصها نار
2= ماحاضر طفوف حسين - بس موجــود يالـمهدي
كل ما ينطعن الحسين - أويلي تصــــــيح ياجدي
بشـــــفاف التريد الماي - عـــــــمرك ماي متبدي
من تطلع رقـيه تصيح - رقــيه للخـــــــــيم ردي
****
قـبل لا يمشــن للحسين الرماح
يطيحن بكلبك يــــبو صالح جراح
كلبك جروحه شعار -- صار خيمه بنصها نار
**********
3= اليجــروها بحــبل للــنوك - وأديــــها بــنار مجويه
حقها لو تـرسها الشيب - ومن تـــــــموت يوميه
يهاشم مـــــا نقـل راوي - عــــــدكم حرمه مسبيه
بس زينب مشـــت للشام - فوك الـــــــــناكه محنيه
*
عاده عـدكم يـنجتـل يــوكع شهـيد
لجن مو عاده ســـبو زينب عبيد
ورده ذبلت بالـقــــفار - صار خيمه بنصها نار
4= أحنه من البجي مدنكين - ودمعك تجري نهرانه
من رد الــــمهر مكسور - ودم حســــين بعنانه
وكتها عــيونك الحلوات - أبدم لــو ماي غركانه
الحزنك دورت عـــنوان - بس ويـن ألكه عنوانه
*
ب لله شيفيد البجي وي اليموت
لا يرجعه وصورته كــبالك تفوت
اليصبح الحزنه مزار -- صار خيمه بنصها نار
*********
5= تـشابـــيه أحـنه شفـناها - الكمر كطعــوها جفينه
ركضنه عالكطع الجفوف - ومن حركـتـــنه هدينه
يالشفت السهم من طاح - يالمهدي أبــوسط عينه
شحالك من شفت عباس - كاسر خاطــــــر سكينه
*
شلون من عـبد الله مات بلايه ماي
شلون من شفت الحسين بدمه جاي
الينتحب ليل ونهار -- صار خيمه بنصها نار
*** عبد الجليل المالكي
يحسين البشر - بالعـين شفناهم
بعــد النايحه - يدفنون موتاهم
وأحنه يا نهـيـــبتـنه -- ما مدفــون ميـتــــنه
-------------------------------------------------------------
1= ضلوعك جن ورك سدره - أشمال أيمـــين مطــشره
يبن أمي التسحكه الخيل - أتــضيع صدره من ضهره
جا حته الشجر يحسين يستر روحه بالوركه
من الدم بــــيمن نغطيك حته تراب ما نلكه
نايم مستحي وعــــريان شابك عـالرمح شبكه
*** نايــم عالوجه - وسهام يرمونك
فوك التوجعك - كامو يسحكونك
يامصعب مصيبتنه - مــــــــا مدفون ميـــتنه
2= الــمـــشوا كلهم زواتـــيـــته -- ويطـــيح ومحــــترك بيته
الرمح هم يوجـــعه لو طاح -- يبن أمي أبـــوسط ريته
بحمولي جنت أنخاك هسه حمولي وحمولك
ودولي حـــبل ونياك وأنته أخــيول ودولك
كبل لا تحترك الخيام وكعـت من وكع طولك
*** بأول طيحتك -- الأنياك حضروها
وحبال الخيم -- بالنار كطـــعوها
ماتنحجي قصتـــنه -- ما مدفون ميتــــنه
************
3= أبكثر ما راحن ورجعــن - الخــيول بصدرك أنــزرعـــن
زرعهم خـــــــضر بلا ماي - الحوافــــر كــــوه ينــشلعـن
صدرك صاير من الدوس جن مرايه مكسوره
بالطف ياسهم مضموم بجسـمك هم أخذ دوره
مكدوره الحبل بالأيـد الفركه الماهي مكدوره
*** يبن أمي الضعـن - الـــــيروح وياهـم
كسرة بــــــــيرغ - يكسرونه ممشاهم
شينشفها دمعتـنه - مامدفون ميـــتــــنه
4= جــسد زغـــران أرد مـــنه - ألك من كــــــل جرح ونه
المصيبه أشتاكلك بس خاف - من أكض صدرك ألجمـنه
برغم ما خبصة الدخان أستورح ألم جرحك
قبل لا ألك يتقـدم ذبحني الكاصد يذبحك
يالموزع الهوه عالـناس تاليها الهـوه يلفحك
** بضلوعــك كـعـــد -- وضلوع مسحوكه
وعــــيونك تصد -- خــــيمات محروكه
بعدك شني ضلتنه -- مـــــا مدفون ميتنه
***********
5= رمــح يعـزم رمـــح صوبك - وره ما سلـــــبوا ثـــــوبك
نار أعله الكــطن طاحت - شحجـــيت وي الله محبوبك
عـبرت المستحه والخوف وعاتـبتـك لجن سكته
كـتـلك وجعـت أختك هاي لو كـبرت وراها أنته
بس أربع أصابع راح الخــامس وين ما شفته
*** ذبحو خنصرك -- يحسين شمسوي
خويه فــركتك -- نيران وأتـجـوي
من بعده يضيعتـنه -- ما مدفون ميـــــتنه
** الخادم عبد الجليل المالكي
https://youtu.be/YFyDxKwwk9g?si=QeeyDvbmC6K-uFUY
Читать полностью…
ثالث مره أحسب بالهزايل -- قـليله ماتكفي ودمعي سايل
أحسبـيهن قـليلات -- وهـواي اليتيمات
----------------------------------------------------------
1= من قبل ساعه أتحضرو - للكــوفه نطــــلع قــررو - طلعــت سبايه
غير أنتهت هيه الحرب - وعالرمح الحسين أنصلب - ماكـــو نهايه
شبيها الناس من نبجي يضحكون
أهلــنه أتـــــذبحوا منه شيريدون
بهذني النوك بينه ويــــن يردون
-----------------------------------
أحـنه شنمتـلك غـير البواجي -- أهل ماعدنه وأخذوها التراجي
شيصعـد الغريبات -- وهــواي اليتيمات
2= هالـنوك ماتـكـفي سوه -- نصعـد عليهن والهوه -- يوكعـنه منهن
شنصير عالناكه شكــثر -- شتشيل خمسه عالضهر-- ويســيل دمهن
أذا نــصعـــد أسـيره بصف أسيره
زيـــن شلــون بـــيج أنــته جبيره
أمن أتــطيحين محد عـنده غيره
-----
هــاي الــنوك حــيرني أمرها -- أختارو وين الأزغير ضهرها
نشبع منها طيحات ** وهــــواي اليتيمات
**************
3= سبعين أسيره أحنه تره -- ومن الشمس ماكو ذره -- كلنه عطاشه
والماي ضل فـوك النهر -- صرنه سمه وبـــلا كمر – كلـشي تلاشه
سفره بلا أهـــل مو سفـره موته
الجان أخرس علينه رفع صوته
السوك بلا أهل ب لله شيفـوته
------
ماتـنحمل لـــو كالو جبيره -- أخـــت عباس جبناها أسيره
علينه يباوع الفات -- وهواي اليتيمات
4= يا مـثـكل وجــوه الغــرب - تلاكـينه باجر بالدرب - وأحنه علاوي
أحنه أبطبعــــنه نستحي - من الطفل والملـتحي - والحادي ناوي
أيــفــرج بالسبي الــوادم علـينه
ويــسحب بينه بالسوك مـــن أدينه
وكــل ساعه يدخلــــــــنه بمدينه
*
أذا سألــــوه يــكللهم خــــوارج -- جبانهم أبنوك بلا هـــوادج
أبوهم بالحرب مات -- وهــــواي اليتيمات
*************
5= بالشام نسمع بس سمع - ندخلها ويصب الدمع - وروس الغوالي
تـدخل نحر لا زم نحر - وأحنه تعبنه من السهر - وتعـــــب الليالي
نطــب للقـــصر بتـــراب الخرابه
ويــزيد يشوفــــنه وينفـــض ثيابه
برقــيه يصيح لـتكــولـــــين بابه
------
حسينح عالرمح علـكـنه راسه -- وصدره بكربله حافرنه داسه
ماخلينه خـيمات -- وهواي اليتيمات
****** عبد الجليل المالكي
https://youtu.be/8FEl5p92iK0?si=YvpffuFbVcYoEPTx
Читать полностью…
يمه – وداعت عيوني ** أرجع - يابعـد لوني
يمه ---- يمه
-------------------------------------------------------------------
1= ياعلي تـــدري بروحتك شنهي الذي معـذبني
مدري أنته ميت ياعلي مدري أنته الـموتـني
أطرد بالضــنون وترد أتكض جفي وتشيبني
من تكلي راح ومايرد توكع دموعي بحضني
****
وينك - فـركتك تكتـل --- أعتب -- مني لا تـزعل
يمه --- يمه
**************
2= شــيبـت أبــــوك وحالته من رحت صارت صعبه
جن ضايع بهيمه وعطش مالـــكه الماي يشربه
من كـــثر ماساكت خفت الحسين يـــــوكف كلبه
كالـساع ويشوف الدرب والدمع سكــــته يصبه
****
يبجي - راحت عيونه --- سكته - ما يشوفونه
يمه --- يمه
3= رحت وشبكت أم الخدر كتـلها طحت بـــشده
سويلي جاره أبني مشه أدعــــــيلي الله يرده
من ينفــتح باب الهجر يابت عـــــلي شيسده
هواي العساكر بالـحرب وأبني كــــصدهم وحده
****
زينب - مو مرد جبدي --- زينب - دمعـــتي بخدي
يمه --- يمه
***************
4= ويلي شكبرها المشكله الـميت عليه ويعــــوفك
لا تــكدر تــــشوفه بعـد لا يـــرد هـــوه يشـوفك
تــــتوسل تضل بالحزن أذبحـــــني وين سيوفك
لا من أيخلصك والهـضم كالــــسـاع يلفي يطوفك
****
هيجي -- حالتي بهجرك --- هيجي -- أتحيرت بأمرك
يمه ---- يمه
5= كابرت والجاسه الهضم يبني علي شــــــيكابر
صرت الغشيمه بغـــيبتك والحزن صار الشاطر
أمنيــــتي كبلك أنسحك لـمن يسحكك حــــــافر
ولا أبقه طير أمحــيره لا حاط لا مـن طاير
****
والله - يابعد روحي --- والله - ماسكت نوحي
يمه يمه
************
6= عالخــــــير كالو لو كثر يـــبني علي يتطشر
ماكالـــــو أبنج بالحرب لــــــــو فاركج يتوذر
يالغالي موش من العطش كلـــبي عليك أتـــفــطر
ما أكدر غــــــيابك علي والـــباقي شيـصير أكدر
****
نبضي - يوكف بدونك -- نبضي - دكته بعيونك
يمه -- يمه
*********
عبد الجليل المالكي
بدت تخلص - أول مـــــاكلـت رايــــــح
يـــبو فاضل - بضلوعي أسمعت صايح
رحيلك من بداياته -- أخـذ طــفي النهاياته -- بدت تخلص
--------------------------------------------------------------------
1= مـــن ودعـــتـــــني ياكمر - وتوجهت صوب النهر - صديت شفت الخيمه ضلمه
يادوه جروحي من أنوجع - بغيابك شلون أقـتــنع - صدمة غــــيابك والله صدمه
أمدنك والصفاح جـــفوفي وجعـــنها
وما تـنضم دمعـــتي شلون أضمنها
أودع روحي مدري الخوه أودعـنها
----
خـذت حيلي - وعالسيف أسندت طولي
صحت يهلي - كسرني فـــراكه تجولي
مسيرك صعبه خطواته -- أخذ طــفي النهاياته -- بدت تخلص
2= عودت ضهري ينحمي - شوفي برحيلك يـنعـمي – ماضل أشوف الراد جـتـلي
محضرين خيل الماترد – اليمردن ضلـوعي مرد - وضلوعي بس هـنه البكـتلي
هاي ضلـــوع أخــوك الحيل تشبكها
حوافر خيلــــهم مـن تمشي تسحكها
أصــــيح ألحك عليها شلـون تلحكها
----
بعد حيلي - رمحهم لو عبر ضهري
ولا يطـلع - يخويه وأينبت بصـدري
رحيلك كلفه طعناته -- أخذ طفي النهاياته -- بدت تخلص
3= نــترست سوالفهن بجي - وحده أعلى وحده تنتجي - حيرت خواتك والله حيره
حط فوك الفراك العطش - والدرب بالشــوك أنفرش – أوهـنه العزيزه والأميره
من هسه الحرك عالخيمه شد حيله
حدها أويه الخدر نســوانه ألليله
وأخوك يــموت محد يفزع يشيله
-----
غـــرايبنه -- باجر تنسبي أسبايه
علاويـــنه -- يمـشن بس بلا رايه
كمر عايف حبيباته -- أخذ طفي النهاياته -- بدت تخلص
4= ياضهر البــــعازة أخو - يسمع الشمات شحجو – يكضي الغريب أيامه سكته
عينك اليترسها السهم - بعازتها عباس الحرم - بعـــيونك أنته الوضع شفته
يساند طـــولي بعــــدك ينكسر طولي
يالمبجي الـــزلم خـــــويه الزلم تولي
أيتمرجل من تروح أعلى الحرم خولي
----
يبجـيهــن -- وتوجع جلمة الشامت
ويخلـيهن -- علامه أيشوفــها الفايت
جرح ماتشفه لجماته -- أخذ طفي النهاياته -- بدت تخلص
5= عباس ألك والله أعطشت – بعــدك عـــساني ماعشت – بعدك تره حجاياتي خرسه
وداعت وقارك من رحت - واكف ومن ضيمي طحت - جودك بعـــد محد يترسه
أحط عالـــكاع أديه الـخاطر الكومه
وجع كلبي اليروح بـــيوم مو يومه
حسينك بالحــــياة وذبحـــته همومه
----
رجف صوتي - خواتــك من تـلكــني
صحت زيـنب - ردتها الحره تـلحكني
صدري متاني سحكاته -- أخذ طفي النهاياته -- بدت تخلص
-----------------------------------------------------------------
عبد الجليل المالكي
هاهـنا هاهـنا يعـلو لـوائكم ** هاهـنا هاهـنا تـتـلو دمــائكــم
أية الحـــــسام ** صحبـــتي الكرام
هاهــنا هاهــنا يعــلو لوائكم
-----------------------------------
1= ماتشوف عـيوني * وجوه غـير وجهكم * أنــتم تحــــبوني * وأهواكم هواي
ياورد بســــتاني * رسمي بين عـيونكم * يا ثـمر بغصاني * يـالــــذة الماي
يابخور خـــيامي * لجلي عفــتو بيوتكم * يارفـيف أعلامي * ياهــيـبة ألواي
محزمين بشـوكي * يالنضـــيفه كلـوبكم * مانسيتو حكوكي * وكفــــتكم وياي
------------------------------------
كربلاء كربلاء تحـــــكي هوائكم ** كربلاء كربلاء تــــهوى نــــــــدائكم
رســــل السلام ** صحبتي الكــــرام
هاهــنا هاهــــنا يعلو لوائكم
************
2= ماشفــت بالدنيه * صحاب غــير صحابي * للــذبح متمــنيه * مبتسمه للموت
منحنين الطولي * صف وكفــــــتو أبابي * عــونك تكلولي * جربــنه مبخوت
كلمن وبـــــتاره * عـــــيون بس ترابي * تستعـــد للغاره * للملحــمه تفوت
الله اليجازيــكم * أنـــــــتو أغله حبابي * بالكلب طاريكم * يـــتردد بصوت
------------------------------------------------
هكذا هكذا الصحــــــبو والا ** هكذا هكذا الحــــــــــب والا
أنصرو الأمـام ** صحبتي الكـــــرام
3= بالـــسمه يــتلالـه * نـور مـن وجناتــكم * والكــمر حــياله * يتــسامر وياه
والشمس مبهوره* من ضوه نضراتكم * ياجمال الصوره* وتـــنادي الله
ياحبيب ونافـــع * جن عـــطر نسماتكم* مــنه زمزم نابع * ياعطره محلاه
ياصلاة شفافـــي * من أستمع همساتكم * يالهواكــــم دافي * جاذبني طرواه
-------------------------------------------------
أدخلو أدخلــــو باب السماء ** أنكــــــــــم أنكم أهل الوفاء
عجـــــز الكلام ** صحبتي الكـــــرام
هاهنا هاهنا يعلــــو لوائكم
**********
4= تنتضركــم جنه * هـلــه بـــيكم صاحت * بابــــها يــــتمنه * أنتم تـــدخلوه
بالورد مزروعه * والنسايــــــم فاحت * والشجر بفروعه * رايد تــلمسوه
والجرح يتشافه * كطـرة الدم طاحت * بالحشر يـــتكافه * دم البذلــتوه
أشهــــدلكم أنه * جروحكم مـن ناحت * مبتسم عــنوانه * تعب التعـبتوه
-----------------------------------------------------
صحبتي صحبــتي موت البقاء ** صحبتي صحبتي فـــــــي كربلاء
لكـــم أحــــترام ** صحبتي الكــــرام
هاهـنا هاهـــنا يعلو لوائكم
5= عالــــترايب نومه * دمكـم أنضر سـيله * شككاها هدومه * عابس بغرامي
أحجي وتكلــولي * ما بديــــنه حيله * جنكم تنضرولي* ونتخي بحسامي
غـــربتي رهيبه * والكلب كـل حيله * يـــنده الحبيبه * بــــــس أسامي
تكرب المنـــــيه * موتــي أنه أجيله * أختم القــضيه * وكلــــبي ضامي
----------------------------------------------------
عـندما عـندما تاتي الرماح ** عـندما عــندما تحكي الجراح
لكـــم السلام ** صحبتي الكــــرام
هاهـنا هاهــنا يعلو لوائكم
***********
خادم العتره عبد الجليل المالكي
