عـلـموا أولادكــم حـــب فــاطمه
أنهـــوا منقـــذكم حــب فــاطمه
----------------------------------------------------
1= زرعوا هاي البذره بيهم
عالطم عالمــوها أديهم
بيعـوا ألها وتشتريهم -- هالتربيه
طيبه تربيت المجالس
فخر لو صارو عوابس
شاطر الـبل ضلع دارس -- هـالتربيه
----------------------------------------------
سيدة أسيادكــــم بأمر السمه
علموا أولادكـــم حـب فاطمه
2= الطفل من ينشء مولاي
عـــــند أبوه وأمه غـالي
شيعي يصــبح لا يـــبالي -- بي تفتخر
حجيله عــن الضلع قصه
وغـتـنمها وهـاي فرصه
من يصيد دمـــــوع شصه -- بي تفتخر
------------------------------------------------
جائزه الدمــــــعات بل وأوسمه
علموا أولادكـــــــم حب فاطمه
3= يبني كله الزهره يبني
أتحـــبك وأنه تحـبني
عالضلع يوليدي حزني -- ماينتهي
زود بالمـــجلس عليه
بويه عصروها الزجيه
ياجرح هــــــاي الرزيه -- ماينتهي
-----------------------------------------------
من هو أبليس الحقيقي فهمه
علموا أولادكم حــب فـاطمه
4= لو تضل وحدك أريدك
ماتعــــوف ألطم أيدك
فاطمها زرعها بوريدك -- صير أزلمه
عوفـــها الدنيا الأهلهه
فاطمه ماكـــــو مثلها
خادم وممـــنون كلها -- صير أزلمه
-----------------------------------------------
في هواها كل قــيدا حطمه
علموا أولادكم حب فاطمه
5= بالمجالـس وكــفه يمك
كله عـبد الزهره أسمك
أكرب وخـليني أحزمك -- بل ياعلي
يابعــــد شيبي الضلعها
أنحب وخفــف وجعها
وألعن الطاغي الصفعها -- بل ياعلي
--------------------------------------------
وغدا تنجو بحسن الخاتمه
علموا أولادكــم حب فاطمه
********
الخادم عبد الجليل المالكي
أول مره تصير بعـمري
الـمـدللته يــبجيه كسري
ما همــتــني الأم العـــين ** والتوجعـني دموع حسين
------------------------------------------------------------
1= الولــد روح - وأذا ينوح - يكلب أمه أنـــوجع
البجي أنواع - بجي وداع - وبجي الكلبه نفجع
مـن بعـــد خطوات جنــت حسيـــن أشمه
ومن يجي يركض أروح أركض وأضمه
خنكته العبره وأكعـــــد ما صاح يمه
----------------------------------------------------
شيوصل أيدي وتمسح دمــعه
مابي يــحجي الهشموا ضلعه
ساند راسه ع الرجلين ** والتوجعني دموع حسين
2= أليهم بيك - يجي عليك - أعله جفك ينـحني
يحاجـــيك - ويبجــــيك - وضهره يـــنــثـني
يكعــــــد بكـترك وكلـــبه يصير ناعي
تــــــنام عـــينك وهوه طول الليل واعي
يصيح عـــــــــمري بلايه أم مابي داعي
---------------------------------------------------
من تتنفس أيحس بنفاسك
يكعد يبجي ولازم راسك
عيني تجيب النوم منين ** والتوجعني دموع حسين
3= الحجي يموت - بلا صوت - شـــني نـــفع الحجي
والعــــــيون - بل شلــون - يكفــــــــــنها البجي
حسين أباوعله الحزن عـطش عيونه
والهضم فـــــوك الملامح كسر لونه
أيطيح كـــــل شويه أخوته أيسندونه
---------------------------------------------------
أيدك بجفـوفه فوك ضلوعه
وزينب تبجي تنشف دموعه
كلهم عـد راسي مدنكين ** والتوجعني دموع حسين
4= تـكومــين - تــصلـــين - حجاها من الكلب
ع ممشاي - ع ملــكاي - أحس أبني رغـب
ولـــدي رادوني بصلاتي أرجـــع ألهم
لأن يــدرون من أروح أيطش شملهم
ضعفي ماخلاني أنـــــهض شرد أكلهم
----------------------------------------------
أكـــثر منهم مــشتاكه ألهم
بين جفوفي شلون أحضنهم
ضلت ساعه وموتي يحين ** والتوجعــني دموع حسين
5= الأجل فات - لفه يبات - وياخـــــــذ فــاطمه
لـزم الأيد - تره يريد - أهـــــاجر للــسمه
أنه أول ميته أغمض عيوني حمره
وعلي يدفـني وهضم متروس صدره
وتنسبي أبنيتي وعزيزي نكطع نحره
-------------------------------------------------
جني بصدره الخيل تسحكه
بالطف تــــبدي أكبر فركه
منا للطف تكضي ونين ** والتوجعني دموع حسين
************
الخادم عبد الجليل المالكي
لن تنالوا البر حتى تخدمون فاطمه
----------------------------------
1= أيـــة الله الكبرى فاطم لا جدال
جفها مــــن ترفعه تندك الجبال
عاشت الحــيدر علي مثل الخيال
للفناء الفاطــمي شدوا الرحال
-----------------------------------
هـــالأرض مخلوقــــه ألها والسمه
لن تنالوا البر حتى تخـدمون فاطمه
**********
2= أمـــنه حجه عالحجج صادقها كال
فـــكمال أم الحسن فوق الكمال
قـــيمه عالديـــن فاطم لا تزال
باجر الخدمــــــوها ترويهم زلال
-----------------------------------
ماتمس جسم الخــــــدمها الحاطمه
لن تنالوا البر حتى تخدمون فاطمه
3= ثورة الأضلاع ثـــوره بلا خضوع
تعلك بدرب الطلب حـــقه الشموع
والله تستاهل لطمــــنه والدموع
فاطمه الوالاها مايعــــرى ويجوع
--------------------------------------
أم أبيها باجــــــــــر أهيه الحاكمه
لن تنالوا البر حتى تخدمون فاطمه
*******
4= سجلت ع دفعوا الباب أنتصار
والحجاب بيومها أتحـــــول فقار
برد كون تريد جا ســوت النار
عافت الدنيا ورضت بالــجنه دار
------------------------------------
دافعت عــــــــــن الولايه محزمه
لن تنالوا البر حتى تخدمون فاطمه
5= هذا يابــــاب الحـــــــماها لو تريد
بكوكب يحجبها ربها مــــــن حديد
الله شاء تشوف محسنها شهـيد
ومن يجي مهديها يضهر من جديد
-------------------------------------
الزهره تحمي شلون تحــتاج الحمه
لن تنالوا البر حتى تخدمون فاطمه
********
6= غــيبت مدفــنها فاطم عدها راي
صاحـــــت الأذاني لا يطلــع وراي
لو سمع بالمهدي كبر الـزهره جاي
يفتح الباب وهلا يـــــنادي بضناي
-----------------------------------------
دولة المـــــــــهدي المؤيد قادمه
لن تنالوا البر حتى تخدمون فاطمه
***********
الخادم عبد الجليل المالكي
ياكسرتك ياعلي ** ياغـربتك ياعلي
وأنت ماخــذ فاطمه للمكـبره
-------------------------------------------------------
1= جني بيك وأنت رايـح هوه الصدرك ما يفوت
أتكل لروحك هاي هـيه الفارك الزهره يموت
شويه بعـد شويه تـزغـر تزغـر لحد ماتموت
يونس بفد حوت وحده وهجر فاطم ألف حوت
------------------------------------------------------
يامحنتك ياعلي ** يادمعــتك ياعلي
شنهي تفكيرك وكتها ياتره
وأنت ماخذ فــاطمه للمكبره
2= بين خطوه وخطوه تعثر مامش أسم الله تصيح
ياحرام تصير وركه وتـــندفع والدنيا ريح
تلتفت محد يعــــينك ماكو وادم من تطيح
ياعلي وتكـــــوم كوه ومحد يصيح أستريح
----------------------------------------------------------
ياوكعتك ياعلي ** يامحنتك ياعلي
تغورك عيونك بعبره مكسره
وأنت ماخذ فاطمه للمكبره
***********
3= تحجي والتابوت ساكت ياخضاري شيبسك
شكد نزل من وزن جسمك وكع منك محبسك
أتغــــيرت والشيب أجالك ثـــوب أبيض لبسك
يارئيس الحك عجـــــيبه الحزن صاير ريسك
---------------------------------------------------
ياجمرتك ياعلي ** يادمعتك ياعلي
دموع عينك بالطريق مطشره
وأنت ماخذ فــاطمه للمكبره
4= سكته بس أذان واحـــد يصيح حي على الوداع
والهضم طشر عــــيونك وين ماعــد الله كاع
الدارك الصعبه شيرجعك ومنك العنوان ضاع
ياعلي غـــير أنت ديره شلون يلفيك الضياع
------------------------------------------------------
ياصدمتك ياعلي ** يادهشــــتك ياعلي
تطلع من الصدر عبره مجمره
وأنت مـاخذ فاطمه للمكبره
**************
5= عيونك تخوف عشيره وتالي ذبلها النعاس
حقـك ومن بعد فاطم ياعلي ماتــلكه ناس
وادم بشجرة محمد كل حلمها تصـير فاس
أدفـــن وللبيت أرجع وأشرب من الغربه كاس
--------------------------------------------------
يارجعتك ياعلي ** ياوكعـــتك ياعلي
الله يعلم ياعلي عليك شجره
وأنت ماخذ فاطمه للمكبره
*** الخادم عبد الجليل المالكي ****
1444عذراً امي
أداء الرادود الحسيني
سامر العدنان
كلمات الشاعر عبد الجليل المالكي
للمشاهد الكامله والمتابعه اضغط على الرابط
https://youtu.be/2h8Y8ey2u1c
التسجيل الصوتي
علي السعيدي
مكس و ماسترينغ
ميلاد الموسوي
اخراج murtada alabdullah
من العصره ماكامت -- ومــــن الضرب ماتت
وأستــشهـــدت أمي -- عــــشرتــــنه مادامت
--------------------------------------------------------------------
1= ماكبرتــــــني فاطمه - ذبتـــني من سابع سمه - ساعة هجرها
ما لحكت أشبع حجي - منها وعله جفها أنتجي - شويه عمرها
جـن دافــنين بيوتـنه بــساعة دفنها
بطبكت جفنها الدنـيه هــم طبكت جفنها
ليش أنحرم من الدفو وكعدت حضنها
---------------------------------------------------------
جـــــدران مهجوره -- بيها أطلعت صوره
أمي بضلــــع دامي -- عـشرتــنه مادامت
2= شسوالهم ضلع الورد - عــــالدافـــيه ذبو برد - يكتل بردهم
للضلع أقـره الفاتحه - لو عله روحي النايحه - لو عالأودهم
وياي لو ماسولفت أمي الحجي يموت
والبيت لمن هاجرت مو بيت تابوت
فت الصخر والله علـيها كلبي مفتوت
----------------------------------------------------------
يامغــــرب الفــركه -- كل أخضر يحــركه
مــا أصدك بسرعه -- عـشرتــنه مادامت
************
3= والله كرهــــــتك ياصبح - بطراف سجينه نذبح - كــــل ماتجيني
جا دمعي عندك مو مهم - خليني زينب عاد أسم - مو عمـت عيني
بياع بسنيني صرت بس ماكو شراي
ألف أنعم الله عــالجروح الوكفت وياي
راحت الترستــــني بعطفها والسبي جاي
-------------------------------------------------------
عالباب أصد عيني -- ودمها يبجـــــــيني
باقي الأثر بعــــده -- عـــشرتـــنه مادامت
4= الوداع بعــــيوني كصه -- والصوت مايطلع نصه -- مبحوح صوتي
صاعد عالمتوني التعب -- والذكرى دخان وحطب -- تانـــيته موتي
أتمنيت أبدل كلبي وكت العصره بالباب
والكلب من يدفـــع ضلع مايقصد غياب
لكــــن شسوي الصار صار الـباب غلاب
------------------------------------------------------
مـــالحكــــت بيها -- بضلوعي أفـــديها
لمحت بصر راحت -- عــشرتــــنه مادامت
***********
5= بدخان مايلتم نفس - وشفاف المصوب خرس - وكــــت المنيه
دخن الباب وماطفه - والمــوت أجانه عاصفه - راد الزجـــــيه
شايف عزيزك من تصيحه وما يسمعك
ينزل عله خدودك مـــواكد جمر دمعك
ماتدري شتسوي أختلف بالفركه وضعك
------------------------------------------------
من راحت عيوني -- جن أنه دفــــنوني
أعـــصر بصابيعي -- عـــشرتــنه مادامت
**** الخادم عبد الجليل المالكي ******
ميثم وصالبـــني عشك الزهره ** الما يحبها يضل فراغ بعمره
والمجالـــس نخلـــتي ** أرسكي بيها بدمعتي
--------------------------------------------
1= كالـــو عالعــشك ينــباع ** كلت أنــه العــشك غالي
كالـو عالعــــــشك جتال ** صحت بس حبها جتالي
اليموت عاشك عشكه يرفع صيته
ماريد أمــــوت وجاهلــــيه الميته
واجب أعـــــــزي أواجبي أديته
--------------------------------
فاطمه الزهره أسمها دخيله ** أقــل ما يمكن ضلعها أبجيله
بحبها أموتن منيتي ** أسكي بيها بدمعتي
**************
2= الزهره وخبزة أمي ثـنين ** طــعـمهن واحد بحلـكي
وأفضل فاطــمه عله أمي ** لأن أم الحسن عـــشكي
باجر قـــيامه وبس ولائي مــتاعي
زحمه من أبوها ما أهشم ضلاعي
لو عيني تنشف ألها مـــاكو داعي
**********
ما أسولف هيه تعرف وضعي ** حلم عمري كون أموت بدمعي
بريح أنفــخ جمرتي ** أسكي بيها بدمعتي
3= أدور بيت يـــم مجلس ** أريدن كـــــون أحط جاره
مثل ما ميثم المصلوب ** الضلع ريت أنصلي بناره
عالمنبر أخـــــذو ركبتي وصلبوني
فاطمه وحـــــــيدر باجر ينقذوني
مو ماي باجر بس عسل يرووني
**********
أنه بعد الله أعتمادي عليها ** فاطمه الشــيعه تـلكط بيها
هلا تصيح بزلمتي ** أسكي بيها بدمعتي
*************
4= بدون الزهره أحس مخنوك ** مثل خنكت ضوه بمغرب
صح أنه أعله كــد الحال ** بس الفاطمه أمعـــــــزب
أغـنه أغــنياء العالم أنه أبحبها
تسهلي كلشي فاطـمه مـن أطلبها
مو مره وحده هـواي أنه أمجربها
-------------------------------------------
تكلي أخذ يوليدي لمن ترضه ** هوه هيج الشوك كلمن حضه
الزهره ديني ودنيتي ** أسكي بيها بدمعتي
5= أخذت أطباعي من سلمان ** ردت بس أنحسب مــنهم
عن أهلي أبتعــــد مـرات ** بس ما أبتعـــــــــــد عنهم
دلالي طـير وهــل خدامه جــناحه
بس بالبـواجي عيوني أحس مرتاحه
عالزهره حالف أكـضي عمري نياحه
-----------------------------------------
تالي لـيل جروحهم خــطاري ** أشتعــل وأنطفي وحدي بناري
تواسي فاطــــم ونتي ** أسكي بيها بدمعتي
*************
الخادم عبد الجليل المالكي
أعــتــذار الدخان ** من الـزهـره كان
السـماح السـماح ** ألامـــان ألامـان
-----------------------------------------------------
1= أعـرف زيــن ذنـبي أجبـير بـس عـطـفـج أجل منه
أنه من الحـطب مخلـوق وأنتي أنزلتي من جنه
لوني أدري طبع عالباب خرب شوفــــــت الحنه
غـلـــــطان ودخلــــت الدار وألـــها أملاك تـتعـنه
--------------------------------------------------
أجــيــتـــج أتــوب ** بحــنانـــج أذوب
العــذر عـد كرام ** نجـــــــاة الكلوب
************
2= شما أحاول أعـوف البـــيت يالزهره الحطب ردني
صوتج وأنتي خلف الباب لازم جـــــفي ماهدني
ناديــــتيني يالدخان أطلع لا يـــــــمــــوت أبني
والطاغي بصلافة عـــــين فـــوك المحسن يذبني
---------------------------------------------------
أديـــنج تـــريد ** تـلــزمه الـوليد
وينادي الضلام ** ألا مـــن مزيد
3= شما زادو حطب عالـــنار ضلعج يرتـــفع صوته
ضلعــــج أول الميتيـــن نـــار بــــــــنار تابوته
تركــض ناس ترجــع ناس تسحك فـــوك ياقوته
المحسن جان عــان حسين لـوما شارك بمـــوته
-----------------------------------------------------
يـــباوع علـــيج ** يحاول يجــــيج
يمنعه الحريـــق ** يــــــــنام بأديج
***********
4= صارت كــربله عالــباب بس شجم شـمر بيها
حرت بعيوني من ضربوج ويـــن عـيـوني أوديها
أسمع صوت صاح تمــوت ساعـــه مـا نخليها
حــــيدرها نطلبه بــــــثار عـتبه الــيوم نكضيها
-----------------------------------------------------
بـــدو بالهجوم ** بمخطط شؤوم
علـــيج أللعين ** بســـياطه يحوم
5= صرخه أسمعها من أبعـيد صاحت فــــاطــمه يمه
طفله وتركض بنص موت والبيت أنكـلب ضلمه
أخـــوها رادت أتسميه وماكدرت تكول أسمه
رغم ما يوجع المــسمار عالــــدم ركض تشمه
-------------------------------------------------
زغـيره وتصيح ** تــكـــوم وتطــيح
أعرفت أن هاي ** أخــيت الذبــــيح
*************
الخادم عبد الجليل المالكي
خلي كلبك وياهه هوازي التراث الاصيل
قصيدة استشهاد فاطمه الزهراء (ع)
اليالي الفاطمية الليمه 💔
أداء والحان
الرادود ::: علي سالم الحلي
لخادم الزهراء عليها السلام
الشاعر الموفق ::: عبد الجليل المالكي
ادعمنا بأشتراك بالقناة جزاكم الله خيراً
اضغط الرابط ⬇️⬇️
https://youtu.be/zESdmgifKCo
كسرو ضلعي بس علي خلوه اليه عله مـــــــوده أتحمل أنواع الأذيه
متهمني الأجراح بشوفت علي أرتاح
حامي الحميه
----------------------------------------
1= عـشكنه أنه وعلي جــــتال ولا ضنكم تفهمونه
وعلي راحت علي الزهره وراحت فاطم عيونه
أحنه عشرتنه صدك عشرت حلال
علي لو طوله وكف فاطم خيال
*****
قبل لا أحجي علي يفهم نضرتي فدوه العيون الحبيب أنه وكسرتي
كلبي عليه ناح بشوفت علي أرتاح
*********
2= علي بطرك النفس واكف وأصابع أيده يعــصرها
عبرته بصدره تاكل حيف النذل فاطمته يسطرها
حامـــي جاره وبيته ينداس شيكول
جا كلبها لون ما وصه الرسول
-----------------------------------
ضهره صار هلال متقوس أشوفه حاني راسه ومنقهر يفرك جفوفه
هـــم روحه ذباح بشوفت علي أرتاح
3= تهون العازه والله تهون بس عازة علي عازه
يعالم فاطمه من تموت ياهـو أيشيل الجنازه
ماكو ناس أتساوي حيدر ماكو ناس
غيره منهو يزتني ويطش كبري ياس
-------------------------------------
علي مواعدني يغسلني بجفوفه مو حلو الموت وحبيبي ما أشوفه
الأسراري مفتاح بشوفت علي أرتاح
***********
4= علي من يدفن ويقره بالــــقران أحب صوته
أسمعه ينادي يم البيت وعبرته تفـزز الموته
يابس الداره يرد ميت الخضار
ينادي بعـــدج يم حسن ماليه دار
----------------------------------
يرجع وزينب تكله وينها أمي علي يشبكها ودمعته تكوم تهمي
مـــــن وكفته طاح بشوفت علي أرتاح
5= تره اليدفن أعز ناسه يرد من الدفن شايب
اليكله شلونك يجرحه جرح دلاله ما طايب
الله كــون يعـــينه اليفارك خليل
تسـولف أهله وياه ودموعه تسيل
---------------------------------
روحه تطلع تره المضيع حبيبه جرح الموادع ولا يحصل طبيبه
بس يــفرك الراح بشوفت علي أرتاح
حــــــامي الحميه
**********
الخادم عبد الجليل المالكي
https://youtube.com/watch?v=tPMZX36ndXI&feature=share
Читать полностью…
لـو أدري ياخـذ بالحباب ** ما أسمي نفــسي أبو تراب
زهرة حياتي ** وعليها حزني
بي لقـبوني ** وياخــذها مني
-------------------------------------------------------
1= من تضيع أنت شسمك ** تنشده وين أسمي يحزني
يكلك أنت تعـيش غربه ** تـــــكله مـــاتخذني مني
أمشي ودموعي أتجاره ** شايل الزهره ع متــني
جـني واحد زات روحه ** ميت وشـــيعـــــني وني
--------------------------------------------------
أعليه أشــثــكــلجن يالهــدوم ** هــمي كسر عـــين الهـــموم
نــــوم المكابر ** فـــززها وني
بي لقـــبوني ** وياخـذها مني
2= ميته بـــــس أبالي عدله ** أمــشي وأسم الله أكلها
الزهره مشدوده بوريدي ** من الوريد شلون أحلها
شما أحس بجـتـفي يخدر ** تلتفت عـيني الكحلها
لو أدور الدنـــــــيا كلها ** الزهره مـــا ألكه مثلها
------------------------------------------------------
مهدومه روحي صاير رماد ** لا دمعي لا لطم الصدر فاد
صوبــني وكتي ** عل يوجعـــني
بي لقــــــبوني ** وياخـــذها مني
**************
3= مـؤلمه بعــيني المـشاهد ** والحــــقائــــق كلها مـره
أبجي والتابـــوت ساكت ** وصدري بجفــوفي أعصره
بكلبي شوغت أخ تكـــتل ** هالغــــــياب شلون أكدره
كل ملامح وجهي ضاعت ** منين أجـيب الروحي زهره
---------------------------------------------------------
بشفافي مـــــاتت سوالف ** تتراجف أيدي وكلبي خايف
تسعين أحسه ** أتقــدم يسني
بي لقـــبوني ** وياخذها مني
4= أطشرت سبحت عـشرتي ** أنــترست حجاياتــي شـيب
أنه بس الزهره عـــندي ** أول وأخــــــــــــر حبـيب
للحسن وحسيــــن باجر ** أم مثلها منـــــــين أجيب
ومن بعد فــاطم شعاري ** أنه بالدنـــــــــــيه غريب
------------------------------------------------------
راح أبقه للطبره مكسور ** وأفتر عليها مثل الطيور
بس المــناحه ** والحسره لحني
بي لقـــبوني ** ويخـــذها مني
************
5= للدفــــن ماجني ماشي ** جني متعـني أعله ذبحي
راح أحط كلبي بحفيره ** ومايمر بعـيوني صبحي
من بعد هاي الخساره ** أدري أنـه المــوت ربحي
باقي ماتــسوه حياتي ** كل فجر يخنكني جرحي
---------------------------------------------------------
بخدودي الدموعي نيشان ** لا أنه طالع لا ني غركان
صوت الحبيبه ** همساته بذني
بي لقـــبوني ** وياخذها مـني
*** الخادم عبد الجليل المالكي *****
لا تـــدك بابــي يــعــــمار -- مالي واهس أترك الدار
صاحبي بـفـــركاها وني
نسوني لتسألــــون عني
----------------------------------------------------
1= لـتكــلي عاشر يـوم تــبجي بدارك
ويسمع نحيبك مـن تــناشغ جارك
وأصحابك يسألـــون عـــن أخبارك
عايف الـــناس وساكن أبنص نارك
---------------------------------------------------------
لا يح أبرمشينك الشيب -- شكد بعـد عالعالـــم تغيب
لا تكول أتركني محني
نسوني لتسألون عني
2= عـــذروني هوه الفاكد يرك حيله
مانمت بعــد فـــــراكها ولا ليله
ثـوب العلي يادوب متــني يشيله
مكابل أثــــــر دم فاطمه وشكيله
------------------------------------------------
عــــالأثر خليت العـــيون -- ومن أشمه أصرخ شلون
جـن حنين النوك حني
نسوني لتسألون عني
***********
3= صــح أنه ذاك الــمايهـــم لجـــروحه
بس هسه محني ودمعتي مفضوحه
عـــمار أنه البيده دافــن روحه
يعــقـــوب كطـــره يمي بين نوحه
-----------------------------------------------------
كاعـد وأعــصر بالجفوف -- اليــفــوت كبالي ماشوف
غيابهه بخنجر ذبحني
نسوني لتسألون عني
4= غـــير مكانــــك هــــل مكان مشيبك
وألتـفـــت عوف الباب كافي يعذبك
أفــراك العزيزه أدري عـنه مغيبك
ياصاحبي ومــا أدري شنهي يطيبك
-----------------------------------------------------
يالدموعــك ترست البــير -- أدري جرحك ياعلي أجبير
ياجروح أخذيني مني
نسوني لتسألون عني
*************
5= ناحل صرت مابــين مـــــن أهمومي
وصارت عليه أكــــبار كــــل أهدومي
بالـــبجي ياعـــــمار يخلص يومي
وجرحي وسيع أمبــين من أرسومي
-----------------------------------------------
أنه لــمبجي المـــــــيادين -- هسه ما حركها الأيدين
بورق ما ينكتب حزني
نسوني لتسألون عني
6= ضلت بكلــــبي هـــاي أكبر لجمه
عمار داسو بيــــتي هاي الهضمه
حركـــولي داري لماكو بيهم زلمه
وبالباب طايــــح أبني فايض دمه
-----------------------------------------------
الزهره فايض دمها بالكاع -- وأنه موت روحي الوداع
أنه دهري الما رحمني
نسوني لتسألون عني
**********
الخادم عبد الجليل المالكي
متـلــثم وطــالــع - وحدك وكت الغروب
مو موعـد الفـقره - جـن تــزور محبوب
رايـح الأمي -- رايـــح الأمي
-------------------------------------------------------------
1= تمشي ياعلي بهداي جــنك مستـــحي مني
خافــي بكلبك الونات أعليه تـخاف من وني
بوجهك دايــر لثامين وثوبك باعـــده عني
ماتلتفت صوبي تخاف أروح وياك مـن حزني
-----------------------------------------------------------
أيدك أباوعــها -- ماكـو متاع الأيتام
لا خبزه يابويه -- حدر أعبايتك ضام
رايح الأمي -- رايح الأمي
2= أعرف مشيك من تروح طالــع تــفــكد الفـــقره
ويسألني الحسين شخال والـــــدنه عله ضهره
أجــــــاوب راح للأيتام ينطــــــيهم خبز فطره
بــــيدك من شفت قران عرفـــتك كاصد الزهره
-------------------------------------------------------
للمكبره رايح - وحـــــدك تقره قرأن
وبدربك تشوفه - طايح بيت الأحـزان
**************
3= بهدوءك من فتحت الباب عـــن لا أسمع وأدري
لمحتك من بعــــيد وجان دمعك فــــاضحك يجري
سمعتــك تــــمتمت جلمات يـمكن صحت ياضهري
بعـــدج فـــــاطمه مكسور بس الــــــناس ماتدري
------------------------------------------------------
تـتعـــثر أجدامك بيــــــن بــــويه تعـــبان
بعـــيونك شصاير ماتــــنضرلي خــــــجلان
رايح الأمي
4 = بيدك شفت جربت ماي ماخــــذ منهو اليشربه
أمي الماتت مــــن أيام شيرجـــــــعها وتشربه
وماخذهــن يبويه ليش الـــــــــمصلايه والتربه
ناوي ماتــــــرد للبيت وتكعــــــــد يم التحبه
------------------------------------------------------
ناويها هالليله - وسط المكـــــبره تــبات
ويهلن دموعك - بلكي أتــــــرجع المات
رايح الأمي
************
5= يالموتــــك حرك الباب وبــيدك شيعــــت عــمرك
من يوم الدفــن لليوم ماواكف عـــــدل ضهرك
الخاطر زينبك لـتموت طلع العــبره من صدرك
خل نـتكابل أنه وياك نبجي وفــــــــاطمه تعذرك
-------------------------------------------------------
مامستقر وضعك - وجهــــك يكلـــــب أللوان
بحسابــك أدريها - أمي تــــــــــموت ماجان
رايح الأمي
****** الخادم عبد الجليل المالكي
كـل فخرنا بخدمتج - يافاطمه
أمـنه وأحـنه بذمتج - يافاطمه
----------------------------------
1= هـنـياله الـيخـــدمـج - قـبل أهله يقدمج - ويحــبج صدك
يالــــــكاج بحـــياته - يالزهره ومماته - تروينه عـــشك
يرضى الله الرضاتج - جا عنده شغـلاتج - مبخوت الــيدك
صدره ويدمي عـينه - بمصاب الحزيـنه – أســمج ينشهك
---------------------------------------------------------
عــونه اليشم نسمتج - يافاطمه
أمـنه وأحنه بذمــتج - يافـاطمه
**********
2= بــين أقــــرانه يكبر - الضلعج جرحه الأكــبر - ويضل يفتخر
حزنج شدله حـيله - غــــير أنتي الكفيله - ياباب الصبر
يضل صاحب جلاله - مــــن الباري تعالى - بالحك ينتصر
تـنطينه الشــــهاده - ما خاب أعــــــتقاده - بضلع المنكسر
-----------------------------------------------------------
يعــله صيـــــته بهمتج - يافاطمه
أمنه وأحـــــنه بذمتج - يافاطمه
3= البي غـيره وحميه - يشيل أسمج قـضيه - يتلقب شهم
يتعــــنون كــــتابه - من أهـل النجابه - دمعاته سهم
بعـيون اليكرهــج - ناذر عمره الجـلج - يتحـــمل ألم
أتسجلينه بكـــتابج - يطفي بدمــعه بابج - يتــشيخ زلم
-------------------------------------------------------
تشمله باجر رحمتج - يافاطمه
أمــنه واحنه بذمتج - يافاطمه
***********
4= الما يلعن خصومج - الما هز روحه يومج - باجر ياترى
من يشـــــفع ذنوبه - ما يـــــــندل دروبه - يوم الاخــره
بهوال القـــــــيامه - الناكــــرها الامامه - ماله معذره
هناك أنتي الشفيعه - بنهجج صرنه شيعه - أنتي الطاهره
----------------------------------------------------------
ماخلفــــنه كلمتج - يافاطمه
أمنه وأحنه بذمتج - يافاطمه
5= أكعـدنه بسد فـيـيايج - يل ساكــينه مـايج - يانبع الـوفه
نرفــض منه نصحه - ضلعج والله جرحه - ينثر عاطفه
يالزهره المـــوالي - ضل طـــول الليالي - واضح موقفه
حــــبج سر وجوده - بين سر خــــلوده - ضي وماطفه
---------------------------------------------------------
عاشت أيد الرسمتج - يافطمه
أمنه وأحنه بخدمتج - يافاطمه
*************
الخادم عبد الجليل المالكي
غـسلها - ثم هـــمس - بأذنها - فــــاطمه أنا علي
-----------------------------------------------
1= صبح ناكوط حب حيدر كطـــره تـشيع بكطره
صار أشويه من الضيم مـــاضل حيـــدر بكبره
بحيث العــمره بس سنتين بي مايعــثر يعــبره
وابسط نسمه مـــن تهب كامت تدفع بصدره
-------------------------------------------
كـــفــــنها -- ثم همس - بأذنها -- فاطمه أنا علي
***********
2= أسمحيلي يحب روحي دمعتي حدرج أفرشها
حمامه عيوني يالزهره وأتجيب الدفـو العشها
وأخر شمه أشمج زيــــن خاطر ريتي أنعشها
وأذ ردتيني أموت وياج كلمـتج ما أناقشها
---------------------------------------------
خاطبها - ثم همس - بأذنها - فاطمه أنا علي
3= أذا أدفـنج وأدير العـــين عـنج كلبي شيديـره
علي كل العلي بس موت راح الما ألك غــيره
يديرة روحي وبفركاج ضايع مـــا أللي ديره
أرد بيا وجه للبيت وزينب فــاطمه زغيره
-----------------------------------------
كلمها -- ثم همس - بأذنها -- فاطمه أنا علي
************
4= يفاطم راح أوصي الكاع ضلوعج خاف توجعها
وحـــياتج لـــمن تـونين أبيتي اللونه أسمعها
غراض الزفه صح أشـواي لكن راجع أجمعها
وبخرهن بخور دموع بدمعتي الـــشيله أنكعها
-----------------------------------------------
ودعها - ثم همس - بأذنها - فاطمه أنا علي
********
5= أنه وعـــيالج بفـــركاج جــنه وجـــوه دفانه
أستعجل من خذاج الموت وأحنه نريدج ويانه
أبوداعج مـــــن يجـينه ضيف مو بالبيت يلكانه
كبرج بيتـنه ونريد أنـــــام بشبكة أحضانه
----------------------------------------------
أمــــــنها -- ثم همس - بأذنها -- فاطمه أنا علي
*** الخادم عبد الجليل المالكي ******
نقطة ضعفي يافاطمتي بيج أطلع دفان
ياقرأني وصعبه جفوفي تدفــن بالقران
أحسب روحي بعد عيونج ميت مـــن الأن
------------------------------------------
1= الــموت للـفــــاكــد دوه - شعـنده ضال يشم هـوه
وعــيونج -- مــن دونج -- صــــدري بلا أنفاس
خـلص دورك يافـــرح - لا تـــجي كلبي أنجرح
ماريـــدك -- ما فـــــيدك -- صار أبــيض الراس
لو يقــتـــنع كلبي مشت شـيقــنع العـــيون
طـــول التحــبه أتـشوفه بالناس اليمرون
تركض وراهم مـــنكسر بس ما يســمعون
---------------------------------------------------------
مـن ذاكرتي يطلع صوتج يافاطم مكسور
مره يـعاتب مره يكلي ياحيدر معـذور
ياشجرتنه أبفي أغصانج جنه نحط طيور
2= كــون يــنعــاد الـزمـن -- وترجع ألنه أم الحسن
نــشـــكـــبها -- ونـــحـــــــبها -- بثـنـــين الأيدين
أنحــني بــيــبان السلف -- وعالسطوح أنحط سعـف
وأنـــصلي -- وأنــــــــهلي -- أنــــه والحسيــــن
ياهــــو اليـــمر بينه نكله عــدنه معـزوم
عيد الله عـــــدنه فاطمه من رجعت اليوم
ماترجع أدري الموت ما رجعـله مضـلوم
---------------------------------------------------------
أحلم بيها وفوك جتافــي شايلها بتابوت
هلبت تكعد من الزهره أسمع ذاك الصوت
شكد عاتبته وماينطيها هـم يحبها الموت
3= أنه مـو أنه صرت -- ضايــع بحـــزني حرت
نهد حيلــي -- يـــتجـــــيلي -- من أمشي عطاب
أيعيش خسران اليروح -- بالكبر يـــدفــنله روح
من يرجع -- بس يسمع -- دم يحــــجي عالباب
ياهـــو الدفـــن واحد يحــــبه وراسه ما شاب
يرجع مدنك أخـــــذ عمره وكلشي ما جاب
كـــل جمــــعه يرجع يم عزيزه يشم التراب
------------------------------------------------------
شيعوضني وأنه الخاسر ياهالناس هواي
كد الدنيا وكد الوادم وأكـــثر من الماي
من عافتــني من خلتني محد ضل وياي
4= كـل ضهر مــن ينكسر -- أيطيب بس كسر القهر
ما يــــشــــفه -- لا يطـــــفه -- ماتــخـــمد النار
أثــنيـــنهن يـــردن دمع -- زينب وكسر الضلع
ضل بالي -- بعــــــيالي -- عافــــــــتهم زغار
سبحـــتها لا زمــها الحسن ويــــسبح دموع
وحسين من كــثر أللـطم كاسرها الضلوع
ياحـــــــال زينب عله الــدم تشب بالشموع
-----------------------------------------------------------
أبجي الحالي أبجي عـليهم ما أعرف محتار
حته التـــــــربه والـسجاده ماخلتها النار
يصرخ جرحي كل ما أباوع فاطم مو بالدار
5= بعـيني يادمعي أستراح ** مو قــلــيل ألمني راح
عــش كلبي -- كـــل تعـــبي -- ضل كلبي متعوب
البيت أصبح مو حلو -- لا حــــنان ولا دفـــو
مـــاريــــده -- مافــــــــيده -- يذبحـــني الغروب
خــــيطه رفـــــيع ويــــنـــكطع كلــــبي ولا فاد
أكــضي اللـــــيالي للكبر بس رايح وراد
غـــير العـــــزيزه أم الحسن حيدره ماراد
-------------------------------------------------------
عندي عــيوني وبفركها بس بيهن ماشوف
أنه الحاير دافــن ولـــفه ياناس وملهوف
رديت أنه وضلت روحي بكبر الزهره أطوف
***********
الخادم عبد الجليل المالكي
•[ بشوفة علي ارتاح ]•
▪️اداء | #قحطان_البديري
▫️كلمات | عبد الجليل المالكي
🔗رابط المشاهدة | https://youtu.be/IuSTR8jpeME
▪️الليالي الفاطمية ١٤٤٤ هـ
▫️هيئة الامام الصادق (ع) - ميسان
https://youtube.com/watch?v=oaTZsCwDq3E&feature=share
Читать полностью…
قصيدة الضامن الامام الرضا | يالساكن بروحي |
للمشاهدة والتحميل اضغط على الرابط 👇
https://youtu.be/OKD2wFx5rQY
▫️آداء وآلحان | حسن المالكي
▫️كلمات | الشاعر عبد الجليل المالكي
▫️المكان | هيئة الامام الصادق ع
▫️العراق - ميسان - ناحية السلام
