| حللت اهلا محرم |
#اداء الرادود حسن المالكي
#كلمات عبد الجليل المالكي
هيئة رياحين المنتظر
تنفيذ واهب الكفين
مكساج ليث حازم
https://youtu.be/3u82x5gdDBY
•[ خلي كلبك وياها ]•
اداء | #قحطان_البديري
كلمات | عبد الجليل المالكي
رابط المشاهدة | https://youtu.be/zAhMJ58O8Ww
الليالي الفاطمية ١٤٤٤ هـ
ساحة الشهداء المركزية - البصرة
#qahtan_budeiri
السلام عليكم ورحمة الله وبركاته تقبل الله طاعتكم وصالح الأعمال وكل عام وانتم بخير وصحه وسلامه وجعلنا واياكم من اشياع الحجة ابن الحسن عج ومن خدام محمد وآل محمد الطيبين الطاهرين
Читать полностью…
تكول الليله أمــوت -- لا يومك بعــيد -- أســم الله عليك
بس سمعني صوت -- غيرك ما أريد -- بعيوني أشتريك
-------------------------------------------------------
1= عافـيـتي بنضره من عيونك - فـوك متونـك زينب طير
لا تسكت لا يخــرب لونك - سولف ليه أحسبــني البير
أمنين أشد راسك علي دليني
من سكوت أرجوك لـتحاجيني
فــدوه يمضحكــــني لتبجيني
---------------------------------------------------------
بروح أمي البتول -- راسك هسه زين -- ريحني بكلام
شرايد مـني كول -- ماتحجي حـــزين -- لو رايد تـنام
**************
2= ماكاسر جــــنحان الطيره - تـكسر كلب أبنيتك ليش
وين تروح أيـــتام الديره - ياجـنح الطار بلا ريش
ياكطن مـــايوم كاسر خاطر
وجه ما مكروه ليش مسافر
بيي فــكر وين أروحن باجر
----------------------------------------------------------
يالطبعك حنـين -- لتعوف اليتيم -- وتهاجـر بعيد
وحده من الثنين -- ترجع لو نهيم -- وما يلفينه عيد
3= فدوه أندار الطولك فدوه - هاك جفوفي لزمها وكوم
يالعايش كل عمرك قدوه - مــــا يحلالك والله النوم
علي يعـينك ياعلي شد حيلك
راح أصــيح حسين ويتجيلك
أسمعني من كلبي أصيح دخيلك
-------------------------------------------------------
من دونك أضيع -- ويموت الخضار -- ما ألكالي ماي
ورده بـــلا ربيع -- أشعر بــــــنكسار -- ماتقــبلها هاي
***************
4= والله أنه أدري تنوح عليهم - بس أسكت مابيك تنوح
تدري من تموت تـبجيهم - وبسيف أفـكارك مذبوح
تحضن أولادك تـــريد وصعبه
تدري كل واحد جمـرته بكلبه
لا تموت الدمع كافـــي تصبه
------------------------------------------------------------
ماتكدر تصيح -- صفاك النزيف -- تحمل ياعــذاب
مهموم وجريح -- وياك الخريف -- أستعجل بالغياب
5= غـير الدمعه أشضل العيوني - راح أبجيلك لـيل نهار
باجر سوط أيطـــيح متوني - من الطف بس الله الستار
كـون أشبكــنـك وأمــوت الليله
أدخيل بختك بويه اخذني دخيله
الشام أكــرهه ومــاأريد أمشيله
--------------------------------------------------
بحجار ودفوف -- تستـــقبلني ناس -- بضعوني تعيل
لا عباس أشوف -- يمشي ويانه راس -- شيجيب الكفيل
************
الخادم عبد الجليل المالكي
بعــيونك علي * أهات الســـبي
وتل الزينـبي * ودخان العـبي
يابويه وبنات ** عالــناكــه تبات
***********
1= كل ما تغمض ياعلي * شو تنرسم ناكه وحبل * كدامي
وخيام ينهبها الـعدو * وعــيوني دم أحــمر تهل * ليتامي
كاروك ما يحمل ولد * جان البدر بس ماكــمل * وحلامي
تسحكها رجلين العده* وانه أنتضر يلفي الاجل * لـــيامي
-----------------------------------------------------
ما غيرك ألي ** عالج طـبرتك
بويه بـــعازتك ** كوم أمـروتك
شفت الغاليات ** عالناكـه تبات
***********
2= جــــن المخيم محترك * ركضة طفــل بس ينجوي * بجمراته
والشوك بـــجدامه نبت * جدمه ترف مــاهو قــوي * بركضاته
باوعلي وعيـــونه عتب * صاح العطش ظل يرتوي * بدمــعاته
رايد يشوف المشرعه * بس ماوصل خيل ودوي * وعـــماته
------------------------------------------------------
بالهــــم مبتلي ** دلالي أنجــــوه
مخنوك الضوه ** خل نرحل سوه
ترضه الطيبات ** عالـــناكه تبات
3= مدري شجاها كربله ماتبـــتعــــد تـكـرب علي بفراكك
تاخذ الأحبهم قررت تمشي تضل وي عاذلي بغــيابك
غايتها تكسر خاطري ماتستحي وتاخــــذ هلي وحـبابك
تتركلي نيران الهضم حركة كلب تـــــترك ألي ومصابك
-------------------------------------------------------
ترميني بسهم ** غـاية دنيـــــتي
وتروح أخوتي ** وتكبر بلــوتي
حسره ونايبات ** عـــالناكه تبات
**************
4= خليني وياك بالحد واحـــد سوه يابو الوفه مــابـــيه
أتحمل أغيابك تره ضهري أنحـنه شمعي طفه حن ليه
مو أنه زينب ياعلي وأنته الكلت كلبي أكتفه أبحنـــيه
يابويه شلك بالكـبر بعدك عله الدنيه العـفه يومــــيه
------------------------------------------------------------
ياشـــمة هوه ** يخنكني الهجر
ماريـــد العمر ** حسرات وقـهر
ليش أمحجبات ** عالناكه تــبات
5= فدوات لدموعك رحت لا ياجـــبل لا تـــنحــني يا عالي
أقنعني بويه أبسمـتك كلي طبت لا تـــنــثــني ياغــالي
هيه الحــياة أبلا أبوه ماتنهوي ولا تــــنجني وبــحالي
ماترحم ولا تسـتمع مني عتب وتبــــــيعني لعــــذالي
-----------------------------------------------------
أمشي مكيده ** ماتقــبلها ألي
صعبه ياعلي ** يا أشرف ولي
ودموع الخوات ** عالناكه تبات
**************
خادم العتره الطاهره عبد الجليل المالكي
لا مو غــريب توافــدت حبابك * ياكاظم الغــيض وتبوس عـتابك
--------------------------------------------------------------
1= ياأســد بغــــدادك - تجمهرت وفادك - ماكي شي مارادك - ولينه
ناس أجت مشايه - ناس رفعت رايه - شيعتــــك وفـــايه - حنينه
ياهــوه يشمونك - ملك ويطيعـونك - الطيب يسمـــونك - أجـينه
------------------------------------------------------------------
نهتف يسيدنه هضمنه مصابك -- ياكاظم الغـــيض وتبوس عتابك
*************
2= كاضميتـــــك جنه - ليها من ندنه - بكبتـك تـــتحنه - الضمائر
أذا زايـــــر عانه - وحالته تعبانه - تكله أبــشر أنه - يــصابر
حل قضيتك عندي - والبشاير تبدي - يلي طبعك تهدي - عــــبائر
-----------------------------------------------------------------
توزع هدوء بكل وقت قبابك -- ياكاضم الغيض وتبوس عتابك
3= يامنـيــر دروبي - أشكرك محــبوبي - خيـــر مالي جيوبي - بعطائك
لو كعــدت أبفيك - أحس يدخل ضيك - بروحي وأشرب ميك - وفــنائك
أشكرك ياالكاظم - والله أريـدك سالم - عوف كلــبي الـهايم - بودادك
---------------------------------------------------------------------
شنهي الذهب أحنه ذهبنا ترابك - ياكاظم الغيض وتبوس عتابك
*************
4= حبك أسرع ساعي - وبغـــــــرامك واعي - كلبي عندك ناعي - أريدك
بخدمتك تقـــبلني - عـــــــبدك أتسجلني - فـــــدوه لتخجلني - عبيدك
ملوك يمك صارت - بحضرتك من زارت - عــــاليضدك ثارت - مزيدك
-----------------------------------------------------------------------
ياسيد العالم أجت شبابك -- ياكاظم الغيض وتبوس عتابك
5= لزمني بيدك سبحه - أنت ليلي وصبحه - مغرم وما أصحه - بغرامك
الدنيا هــاي شبيها - نورك محلـــيها - للكبر تالـــــيها - وسلامك
من أغمض عـيني - باجر ينجــــيني - ومنكر يناديـــني - أمـــامك
---------------------------------------------------------------------
نلـزم يبو الغيره بطرف ثيابك -- ياكاظم الغيض وتــبوس عتابك
*************
6= فــضلك السويــته - وللــخلك خليـــته - شــــيخ فاتح بيته - ونزوره
والله عشره طويله - والكـــصد تو ميله - بيـــن يــوم وليله - تـــدوره
دوه يشافي الفقره - صحن صاحب قدره - بكلشي عـدنه نسره – ونشوره
----------------------------------------------------------------------
هنياله ياموسى القره كتابك ** ياكاظم الغيض وتبوس عتابك
*************
الخادم عبد الجليل المالكي
يــمهدي باليـلة الجمعه -- ألك طلعه وأللي طلعه
ورد يطلع ورد يذبل
وسألت الباري يتقبل
-------------------------------------------------------------
1= يوليدي يالمهدي أبـتـدت تـنفـتح بوب سجوني
والجمعه صارت تقـترب وتخــــيم أعله عيوني
التانوني باجر عــالجسر ميت حزن يـلكـوني
وسط السجن مخـنوك
وعـيوني تمـطر شوك
بنار الهضم محروك
-------------------------------------------------
أشوف الموت كدامي -- لحد مارجفت جدامي
ثـبتــنه الـــزلم تــتحمل
وسألت الباري يــتقبل
2= مافــوك قــمصان السجن بـيتيــن جنت أكــتبلك
ما أحسب أيام السجن تــنولـد يمته أحسبلك
أتحلم بوجهك حلـــو وبحلامي رايه أرسملك
شفتـــــك مطر نيسان
وكطره بحلك عطشان
وســــيف بنحر سجان
-------------------------------------------------------
طلعت بل حيتي شيبه -- وعـــطر ياصاحب الغيبه
بغــيابك ناس تـتغـربل
وسألت الــباري يتقبل
3= فــوك الـــمكان البي كلب شدو سلاسل كــثره
جمـــريه وبليلة شـته كـمت أشــتهـيها الكمره
شدوهن عـيون الضوه من سمعو أمي الزهره
شفـتـك ضــوه بشباج
تكـل روحي أنه ويـاج
وبـــثاري وما أنساج
---------------------------------------------------------
شكو سجان أعاقـــبهم ** ع كل ساعه أحاسبهم
بضهورك كل نقص يكمل
وسألت الـــــباري يتقبل
4= بأخر أنفاسي أتشاهدت وطيفك أجه يناغـيني
جفك مثل جف الرضا لمــــن لـــزم جفيني
ثاريــن صحت بركبتي ثارك وثار حسيني
وتــــنوعـــت للعـــين
تـشبها عــين حسين
وطول الفكـــــد جفين
***********
أنخلقـنه ونورنه واحد ** عابــــد سلم العابـــد
بهوانه الناس تـتغـزل
وسألت الـباري يــتقبل
5= بـيناتـــنه ماكـو فـرق الثــنعـش كلنه المهدي
الله خلقـنه بقــــدرته ما ننتهي بس نبدي
من بعـد دور العسكري يالمهدي دورك يبدي
يــل بالـــرعب منصور
باجر علـــــيك الدور
تطلب ســبي ونحور
----------------------------------------------------------
أمان الدنــــيا تــملــيها ** ورايـــتـــنه تعــــلــــيها
تقره بصوتك المقـــتـل
وسألت الباري يـــتــقبل
***********
الخادم عبد الجليل المالكي
بالروايات
#اداء_الرادود_علي_الساعدي
#كلمات__عبد_الجليل_المالكي
#بغداد
#رابطة_عراق_الحسين ع
https://youtu.be/TbFNVLX4di0
https://www.youtube.com/watch?v=JyCB-pJlGd4
Читать полностью…
https://youtube.com/watch?v=dZiLsU8pB60&feature=share
Читать полностью…
جديدنا قصيدة (الطير)
الشاعر عبد الجليل المالكي
الرادود مصطفى الشاوي
لمشاهدة القصيده كامله والتحميل على الرابط 👇
https://youtu.be/dkbx6Lj-W0o
عزاء هيئة شباب المنتظر عج |العراق |ميسان
تنفيذ المبدع
سجاد سلام
سفــرة عـطش سافــر -- يـــدري الـــذبح باجر
مسلم تعـداها المحطات
للكوفه يمليها الفراغات
--------------------------------------------------------------------
1= جــواز السفـره أيمانه -- وطريق شباح مزروعه
كعـد يقــراه برسايلهم -- كلـها دروب ممنوعه
خناجر بالكلام يشوف -- رادت تهـــشم ضلوعه
توكل بـبن عمه وسار -- فاهـم تــــالي موضوعه
-----------------------------------------------------
خطوه وره خطوه ** يمــشيها بــس كـوه
محزم ويطويها المسافات
للكوفه يملــــيها الفراغات
2= رحله أستغــرقــــت أيام -- جانت متــــعــــبه الرحله
واليسافر ودينه مــــتاع -- من يـــــتعب يصير أحله
للكوفه أقــترب والناس -- بحسابه مثـــــــــل أهله
يكولوله تعــبت أرتاح -- تكضي وشغـلـــتك سهله
--------------------------------------------------------
محد فــــــــتح بابه -- مــــــو وادم ذيابه
طلعت جذب كلها الرسالات
للكوفه يملـيها الفراغات
************
3= شاف وجــوه غــدارات -- بيها عـــيون مو حلوه
ناس أكلوبـــــهم لبليس -- أقرب منها للتــقـــوه
طالت حيرته والكـــــوم -- بيهم شحت النــــخوه
مطشرين جـــــنهم ماي -- نازل هسه مـــن علوه
----------------------------------------------------------
ضم الحـــجي بكلــــبه -- وضل يشـــتكي الربه
باعوا ضماير بالمزادات
للكوفه يمليها الفـراغات
4= هــوسه الدنيه ما تصفى - أو وادمـها علــيه دارت
والصلـــــــت أمس وياه - بنحره ســـــيوفهم صارت
باعت ديـــــــــنها بدينار - والمسلم ضــــــــهر دارت
قاتــــــــل مايهاب الموت - وأخــــــيول وزلم غارات
-----------------------------------------------------------
كلها أوكــفــــت ضده -- مسلم وكـــف وحده
ماتت ضمايرهم حرامات
للكوفه يمليها الفراغات
**************
5= وكع وســيــــــوفهم فـــوكه - ودارت عالخيم عــــينه
ناس تريــــــده بس يموت - ويريد يـــــودع حسينه
من قــــــصر الغـــدر ذبوه - ومسلم رافــــــع أيمينه
الحميده ولبن عمه حسين - سلام أتـــــــودي جفينه
--------------------------------------------------------------
للخيمه طب صوته -- أيخـــــــبرهم أبـــموته
فاتحته صارت بين خيمات
للكوفه يملــيها الفراغات
************ الخادم عبد الجليل المالكي
جديدنا قصيدة (اخذوا الاثنين )
الشاعر عبد الجليل المالكي
الرادود مصطفى الشاوي
https://youtu.be/HWB1I-bacCg
عزاء اهالي الجبايش المركزي
ذي قار /الجبايش
مطلبنا بــــناء البقــــيع
مطلبنا والحـق لا يضيع
لا نـرتـضيها سادة الوجود ** بلا قــبابا باكــيه اللحــود
--------------------------------------------------------
1= مايضـــيع الحك أذا بالحـك نطالب
فـــوك كل غالب أله الـكون غالب
مهدمـــــين بياذنب أربع كواكب
سادتي ومذهبهم أستـاذ المذاهب
--------------------------------------------------
قادتـــنا علــيهم سلام
قادتـــنا ولات الأنـــام
أرواحنا بها لهم نجود ** بلا قــــبابا باكـــيه اللحود
2= طاهرين ويطهر تراب اليضمهم
الله يضلم كلمن بجوره ضلمهم
الخير بيد الناس هـذه من نعمهم
قاده ومن الـباري يتـنزل علمهم
----------------------------------------
ساداتنا وفضلهم عميم
ساداتنا سراط مستـقيم
واعجبنا لا ترتوي الورود ** بلا قـــــبابا باكيه اللحود
***********
3= ليش ممنوعــين من أشرف زياره
أبو الدار الصـــادق ومهدومه داره
مو مناره يستــحق 100 مناره
تـنبني مــن الذهب مو من حجاره
-------------------------------------------------
أمامنا أمـــام العلوم
أمامنا لا ضالما يدوم
بعـــزمهم نحطم القــيود ** بلا قـــــبابا باكيه اللحود
4= شي قـلـيل نريد نبنيها المناير
والذهب يـم الأمام تراب صاير
أحنه شعب حسين منهاب البواتر
بالقـياس الغــــيرنه أحنه نوادر
--------------------------------------------
رجالـنا أبــات الأبـــات
رجالنا لا تعبوا بالطغات
نخدمهم أنا لهم جنود ** بلا قبابا باكيه اللحود
*************
5= سيد العالــم ألك نشرح شكايه
أربعه جدادك عليهم ماكو رايه
يبو صالح نعـــرف تأذيك هايه
أبو الماي وما يضوك شلون مايه
-----------------------------------------------
سيدنا نريد الأمـــان
سيدنا لا يرحم الزمان
خصومكم تعـدت الحدود ** بلا قبابا باكيه اللحود
**** الخادم عبد الجليل المالكي ***
الفركة عيونك علي يراد حيل ** وبوداعك ياشمس كل عمري ليل
عالهجر ما علمتني ** ماخذ الفي وعــفتـني
*******
1= سنبله أمدنكه أجيــتك - أسكيــــني يالــــمايك مباح
دعوتي بمحراب ليلك - تكـــــــوم سالم صوتي صاح
لا يطير تــراب حيلك - وأنته حـــــي أعله الفلاح
ياأذان الدين هـــونك - ليلـــــي محــــتاجك صباح
-----------------------------------------------------
يادعاء وعاشكك كلب اليتيم ** من تهاجر ينكطع حبل النسيم
بحضن ودك دللتني ** ماخذ الفي وعفتني
***********
2= يالتدور بصدري نسمه - وأحلى ذكرى أمن البتول
شلون أكلك هــاك عيني - منته عــيني شلون أكول
ياعلي روحـــي مدينه - وأنزلـــــت بيها رسول
لو كصر عمرك يحيدر - عمر زينب ما يـــطول
--------------------------------------------------
يالأمس من أمشي تتمشه وراي ** قبل لا أصيح أسمك تناديني جاي
وبحنانك ولعتــني ** ماخذ الفي وعفتني
3= خله يــــتهنه بصلاته - صحت بس صوتي شيفيد
سدوا دروب الرسايل - وما وصل الأذنـك بريد
حضورا تابوت موتك - وراح أصوم بلايــــه عيد
غرسوا بدلالي خنجر - وضيعوا حلمـــي السعيد
--------------------------------------------------
بالصحاري يندفن عمر الخضار ** من حرارتها هواها يصير نار
أبجي مكسوره شفتني ** ماخذ الفي وعفتني
**************
4= كل سنه برمضان أنته - ويانه تكعد عالفــــــطور
تكسم رغــيفك أشوفك - بينك وبين الطـــــــــيور
صعبه ما أسمع نحيبك - من دعاء أهل الثغــور
صوتك شلون يتــفارك - ياعلي بوكت السحــــور
------------------------------------------------------
يالملامح وجهك توزع أمان ** وين ياخذني برحيلك هالزمان
ضاع حلمي وشيبتني ** ماخذ الفي وعـفتني
5= ياغربتي خلاف وجهك - تعــــــــبر أحدود السنين
يابعد روحي وغـــلاتك - راح يـــــــذبحني الحنين
زينب أحســــبها بغيابك - أتمـــــوت موت التايهين
والمشيـبه بموت أبوها - كــــــــــول شيـبها الأنين
-----------------------------------------------------
تكطع بزينب يبو العطف الوفير ** حيرة الغركان بعـــدك راح أحير
ياحبيبي الضيعتني ** ماخذ الفي وعفتني
**************
الخادم عبد الجليل المالكي
وين اليجينه العصر للسوك ** وبجفوفه زاد أمـــطعم بشوك
يــــركض علينه مــــن نلاكيه
ونشوفه أبونه ونركض أعليه
--------------------------------------------------------------------
1= طوله من يمشي حلو -- والد أنحسه وأخوه -- حنينه
روحه طيــــبه أونيته -- بيضه جـنها رايته -- ولـينه
من يكعــــد أيجمعـــنه يمه نسولف وياه
شمس اليتم تجويـــنه بس بشفافنه أشاه
تمسح على روس الــيتامه رحمه يمناه
نحـبه - ويحبنه
سعادة - كلــبنه
فخرنه - أوطنه
***********
طيب وشوكه يزيح الهموم ** لكن نحسه هواي مضلوم
ينطينه رحــــمه وبوسه ننطيه
ونشوفه أبونه ونركض أعليه
2= أنسأله هم عــندك ولد -- شكد عمرهم مايرد - يحاذر
يخاف يجرحنه الحجي -- وفوك زنده ننــتجي - نسافر
بعالم حنانه نروح بس ماندري لا وين
أجمل علاقه عــد علي ويه المساكين
يصيح أنه أحــبكم ياحبابي مثل الحسين
غمرنه - بحنانه
دخلنه - بجنانه
أبونه - وهوانه
**********
شنحتاج منه يصيح أيي صار ** حسسنه جــــنه أولاده الأكبار
بالسوك نكـــــــبر من نماشيه
ونشوفه أبونه ونركض أعليه
3= شكد عضيمه أمحنته -- أنبوس راسه ويمنته - كريمه
أيغطي كلمن مبتـــلي -- علي ماكو مـن علي - عضيمه
كعدت فقير ويانه يكعــــــد فوك الاتراب
وجهه يصير اصفر أذا طاري الله ينجاب
مايقبل ينزعه علي مـــــن ينطي الأنكاب
ملامح - خجوله
وكلامه - اليكوله
جواهر - رجوله
***********
نكشخ بحيدر من تمر ناس ** كشخت الرايه بيد عباس
كالســــــاع ندعي الله يخليه
ونشوفه أبونه ونركض أعليه
4= شعطله شصار شجره - صحنه وينك حيدره - نريده
صوت طر كلب السمه - وكع حـــــماي الحمه - بعيده
كالوا أبونه بسيف فوك الهامه مصيوب
جبنه اللبن بالطوس أله مـحبوب الكلوب
جرح الولي سدها بوجهنـا كل الدروب
بجـينه -- ودعينه
بسلامة -- وليـــنه
شيفيده -- بجــينه
***********
نسمع بجي ونشغات بالدار -- دكيــــنه بابه أدخيل كرار
لــــــو راد روح أرواح ننطيه
ونشوفه أبونه ونركض أعليه
5= طلع كلمنه الحسن -- صاح ضاعلكم وطن -- طبرته
صعبه مابيها شفه -- من الوجع هسه غفه -- جمرته
تعـــــبان أبونه وهامه يالأيــتام مطبور
يتمكم أنتم وأحنه والـــرحمه والطيور
أيسلم عليكم ماكو حــيل يكوم معذور
يهضمه -- بجيكم
ويسلم -- عليكم
بــــعدما -- يجيكم
-----------------------------------------------------------
راح التحبونه العزيز وفكده جتال ** باجر حنان الله بنعش للدفن ينشال
بالباب كلــــــنه أكعدنه ننعيه
ونشوفه أبونه ونركض أعليه
**************
الخادم عبد الجليل المالكي
صايم وراسك فطر ** ياعلــي بسيف نشطر
ليلة التاسع عــشر ** بالـــــجرح
-------------------------------------------
1= ياعلي بشهر العــباده خضبو شيباتك
والفجر كوه أيتنفس كوضت نسماتك
جم مـلك فاتح أذانه يستمع دعواتك
ماسمع نغـــمة دعائل بس سمع أهاتك
--------------------------------------------
فائــز وربي صحت ** وسط محرابك طحت
العزه لله وضحت ** بالـــــجرح
************
2= تختلف عالكل صلاتك تركـــض ألها الأيه
والسمه بالحضة سجودك تصبح مصلايه
بالدعاء الدمعه منك للـــــــــدعاء أمرايه
وأنته ماضايع يحـــيدر بين هايه وهايه
------------------------------------------
أتسولف وياك السمه ** أبدونك أتحس أبضمه
والكمر شوفه أنعـــمه ** بالجــــــــرح
3= بخر المحــــــراب دمك ياعلي ومن بخره
نزلت دمـعـــــة محمد والعـرش والأخره
أتهدهد الكون بوجوده جنه هامه أمطبره
وأنبياء الله تعزي عالــــجرح لزمو سره
---------------------------------------
يافرض عايف فرض ** تنحب أعليك الأرض
ياعلي طول بعـــرض ** بالــــــجرح
***********
4= زينب أبطرف العمامه عكدت أحلام العمر
كعـــــدت بأخـــر محطه رادتك بيهه تمر
نفــــس ماضل بصدرهه جمر تتنفس جمر
ياحضن دافي يلمهه ياعلـي بالليل الهجر
----------------------------------------
أتسولف الجرحك دمع ** والجرح ضل يستمع
ونهشم منهه الضــلع ** بالجـــــرح
5= ياضماد يداوي جــرحك يادوه يـــــشافي دوه
تصبح النسمه شحيحه لمـــــــن يموت الهوه
المثلك أوكرب رحيله يــــــــندفن كون بضوه
والترب اليغطي جسمك يمسي عالي المستوه
-------------------------------------------
مقـــــبرة ياس أورد ** عله مودك تــنوجد
والعرش راسك يشد ** بالجــــــرح
********
6= لبست ثوب اليتامه بــروحتك الحسينك
وأكتبت بالدم يبويه يعــينك الله يعينك
كربله وسيف وضماهـه بكربله متانينك
والحجر لازم يغالـــي أيصوبك بجبينك
--------------------------------------
كاتب بدمــك جمل ** مشرعه وخيمه وحبل
رحت ياخير العـمل ** بالجـــــــرح
***********
خادم العتره الطاهره عبد الجليل المالكي
لـو صعـــبت عـليك ** مـــد المـوسى أديــك
أطلب الحاجه من أهلها
ماكو قــضيه ما يحلها
-----------------------------------------------------------
1= أدخل الباب أوقـــبله وللكاظـــــــــم أشرح قـصتك
صدك قــبل لا تلتــفــت تــلكاها بــــــيدك حاجتك
بالباب مشدود العلك مــــــــن تبجي يمسح دمعتك
يترس جيوبك سيدك مــــــــن تكله طالب رحمتك
---------------------------------------------
والبيتــك تروح -- طيـــبات الجروح
زور ودمعتك من تهلها
ماكو قـضيه ما يحلها
2= تسهل أمورك تـــنسعــد لـــمن بــموسى تــلتــقي
لو جان صدرك مختنك تشتم هوه الحضره النقي
ينزاح لو هــمك جبل وتشعــــر بنفسك ترتقي
وبلا شعور تخاطــــبه شكـــــــرا ألك يارازقي
----------------------------------------------------
وتــرجع للديار -- حالك ثاني صار
وزيارتك تشعـــر قــبلها
ماكو قــــضيه ما يحلها
***********
3= جــم أعــمه رجعـله البصر ومــــكــرم أبابه مشه
محــــد يطلـــــبه ورجـــعه لا والله ماصارت حشه
ليل ونــــــــهار بحضرته فــراش العطايه فارشه
راهب بــــني هاشم شهم بالكــــــرم محد ناقشه
----------------------------------------------------
عــــطاي الــــمراد -- موسى والجـــواد
ممدوده أيده من فضلها
ماكو قــضيه ما يحلها
4= جتـــفــوا عـــماته بحبل وجتــفــوا أيده بسلسله
ليل السجن ليل هـدعـش معـــــناها عايش كربله
سجانه ملعــون وصلف يــــشبه مــلامح حرمله
وخمسطعش عام بسجن مــــاشاف واحد من هله
---------------------------------------------------
يرسم بالضلام -- عالحايط خـــيام
يامصعب القصه وحملها
ماكو قــضيه ما يحلها
************
5= أمنــيته جانت عالجسر ينشمر عاري بموتــته
ويضل ثلاث بلا دفــن والشــمس تحرك جـثـته
لــن خيل ماكو عالصدر جاب السلاسل سحكـته
خاطر يواسي المــنذبح ويواسي زيــــــنب عمته
----------------------------------------------------
وحداني وغــــريــب -- كاضاها نحيـــــب
وعيونه تجري من خجلها
ماكو قـــــضيه ما يحلها
*** الخادم عبد الجليل المالكي ***
تواعــدنه تواعــدنه -- وأجــينه نزور قائدنه
أبـــــــــو طلبه
------------------------------------------------------------------
1=الحياه والبيها عـفناها – ومنازلــــنه تـــركناها
بدونه يضيع معــناها - أمام كلوبــنه الكاظم
نطــــب داره ويدللنه - ويــــــــنجحنه معلمنه
أذا نـنقـــص يكملنه - نريده سالــــم وغانم
----------------------------------------------------
تســـيدنه تســـــيدنه - وأجينه نزور قائدنه
أبـــــــــــو طلبه
**********
2= ملك وهــــواي خدامه -- نحــبه نموت كــدامه
ندك بمصابه عالهامه -- غريب وغــربته صعبه
نعـــوفه الله ما يقبل -- بدونه أنـــــضيع وننذل
عـــشك وبجاله ندلل -- حنين وحــــاطنه بكلبه
-------------------------------------------------
يساعدنه يساعدنه -- وأجينه نزور قائدنه
أبـــــــو طلبه
3= جميــل نباوع الـقــصره - اليشوفه ينشرح صدره
أغـنياء جامعها والفقره - مناعه من المرض بابه
نحط طــــير بشواطيه - نشــوفه يصيح عالنيه
حـوائج ناسي مكضيه - صدك مـــــاخاب طلابه
------------------------------------------------------
تساندنه تساندنه -- وأجينه نزور قائدنه
أبــــــــــو طلبه
************
4= أحـــبك نار تحـــركني -- أحـــــبك ماي صدكني
يســــيد كلبي أدركني -- ياعـــــــــــباس بغدادك
أذا ماتــــضمن أيامي -- أروح ويــوكع حزامي
أجــيت الحضرتك ضامي -- مــنك رايــــــد مرادك
-------------------------------------------------------
تـــزاودنه تــــــزاودنه -- وأجينه نزور قائدنه
أبــو طلبه
5= بــشــباجك أخــذ روحي -- ينسماتــك دوه جروحي
ع مـــــودك أحب نوحي -- بـــــودادك عـودي كبرته
يا أرحـم وأحـــــن والد -- وأشجـــــع صابر وقائد
أجيت مــن الوكـت شارد -- ألك هــــــــــالعمر طيحته
-------------------------------------------------------
لوالــــدنه لـــــوالدنه -- أجينه نزور قائدنه
أبــــــــو طلبه
************
الخادم عبد الجليل المالكي
حـيـيـــنه اللـيالي الــفاطميه
حـيـيــــنه اللـــــيالي الزنبيه
وسنحـيي الليالي الـكاضميه
---------------------------------------------
1= وين ماكان العزاء أحنه نكون
أل ياسين النضر مال العيون
جـبنه رايتــنه وأجينه للحنون
وصاح بينه ياهلا وتـــدللون
---------------------------------------
سمعــنه هـــلا بالجاي لينه
ودمعـنه روه عــتبت ولينه
وركعنه بفـناء أبن الزجيه
2= صحنه ياسابع وطــــن مبـني بذهب
مانفــرق بيــن عــــاشـور ورجب
للي يسألــنه ويكــلـــــنه شعجب
نصيح أحنه الموسى بن جعفر شعب
----------------------------------------
أميـــري تــناديك الضـــماير
مصيري بديــــنك مــاني حاير
ضميري أعـتنق أشرف قضيه
*******
3= جينه نشتم الصحن خاطر نعيش
طيورك ونتـــوسلك حطلنه ريش
بعنه ليك عــيونه ومـــاكلنه بيش
شيعتك وبحضرتك وكفــنه جيش
--------------------------------------
خدمتك يبو طلــبه شرفنه
نعمتـك بحر منها غــرفنه
نضرتك طلبنه بهل مسيه
4= ياهـــوه الله نختــنــك لوما نجيك
يعــني مو صدفة سفر مرينه بيك
هـاي أدينه ســـيدي تـبايع أديك
من بعد ربنه أعـتمدنه أحنه عليك
-----------------------------------------
عقيده يراعي الكلفه دربك
قصيده ونـــردد بيها حبك
عبيده أمـــــــام الرافضيه
**********
5= كبتــك يبن النـــبي توزع غرام
أعليها مــــن أنـــسلم ترد السلام
يالــضريحـك صاير ولاية حمام
بزودك أحنه نصير عالضدنه أنتقام
-----------------------------------------
جنودك نضحيلك عمرنه
حدودك لزمــنها بفخرنه
أسودك يــبو الروح الأبيه
6= راح وكت البي أبن جعفر غريب
هذه وكت البي أبن جعــفر حبيب
قسم بالعـــباس بحسين السليب
منها كلشي تريد كل شيعي مجيب
------------------------------------
نعاهد ولا نخلف عـهدنه
نجاهد يامــوت ويـردنه
يقائـد ألك تحله المنيه
**********
الخادم عبد الجليل المالكي
https://www.youtube.com/watch?v=24DHqnrgvQ8
Читать полностью…
https://youtube.com/watch?v=Ycb3Hy1f7P4&feature=share
Читать полностью…
