على بركة الله تم نشر برنامج شهر محرم الحرام
👆👆👆👆👆👆👆👆👆👆👆👆
قـالها القاسم ** كــلا للضالم
---------------------------------------------
1= أنه القـــــائد - وأبن القائد - أنه العالـــي - وأنتم حدري
جاسم أسمي - يلمع نجمي - لبن الزهره - ناذر عـمري
العاف الزفه - وحنت جفه - بنص الحومه - يهوس يدري
أكسر جفها - أنه أعرفـها - بالسيف أكتب - ياحومه أقري
----------------------------------------------------------
أزرع زنودي ** وتطلع أورودي
**********
2= أنه الـــــــهيبه - وأبن الهيبه - فاتح بابـــي - مارد ضيفي
أمعزب دمومي - طيبه علومي - صاحب نخوه - يشهد ســيفي
أنطي عـــيوني - للضافــــوني - هاي الغـــيره - من تكلــــيفي
الخاطر عــمي - أرخص دمي - ماجــــبروني - والله بكــــيفي
--------------------------------------------------------------
عايف شموعي ** عمي مو ضوعي
************
3= الشسع أمداسي - دنـــك راسي - من عدواني - لا ما دنـكه
أنه الــــــخارق - عالي وشاهق - والكابلــــني - ناري تحركه
صاحب كلـــمه - هوه الزلـــمه - مايــــتراجع - لا عــن حكه
مثـــل حسيني - حب يسبيـني - ياهالعـــــالم - جاويـــن ألكه
--------- ساكن عيوني ** لا تلومــــوني
4= أنه الـــغالب - وأكبر شارب - زودي يدوسه - حدر أجدامي
حــذرو مني - بالطف فــني - خزرت عــيني - ترمي سهامي
حامي بطبعي - فاهم وضعي - لازم يــشرب - دمي أســـلامي
ملك الحومه - وبل ملزومه - أيبين الزلمه - يـــــقاتل ضامي
-----------------------------------------------------------------
شايخ أعليهم ** ألا أبجــــيهم
************
5= ورب الكعبه - اليرجف كلبه - من الزلـــمه - لا مـــو زلمه
جاسم أسمي - وعــيون أمي - أصعد عالــي - مثل النجمه
أدري بموتي - يضهـر صوتي - يصيح القاسم - خـــــادم عمه
عاف شموعه - ونــار ضلوعه - تسعر ضلــت - بفـــراك أمه
----------------------------------------------------------------
ماأرد خالي ** وكعتي أمالي
قالها القاسم ** كـــلا للضالم
************
الخادم عبد الجليل المالكي
واحسيناه -- مـبدئــي للتالي للتالي
واحسيناه -- تســـتمر للتالي للتالي
-----------------------------------
1= من أكون أنه بدونك يا أمامي ** ماأشربه الماي لو ما أنته ضامي
مع تقديري الجنابك وحترامي ** عبدك أوفقـــــني أضلن بالتزامي
----------------------------------------------------------------
واحسيناه -- يالتعيش أبالي أبالي
واحسيناه -- تستمر للتالي للتالي
*********
2= أنه ماغـيرك أحب بس أنته بيه ** نحرك موضيني رحمه وهــاي هيه
كودني يابو علي بـــداعة رقيه ** أعمه والعين أتهمي أمن ثـنين أديه
-------------------------------------------------------------------
واحسيناه -- بخدمتك أمالي أمـالي
واحسيناه -- تستمر للتالي للتالي
3= أنه أحبك والدمع فرض المحبه ** عشكك أمصلايـتي وجنوني تربه
دربك مجرب بعــد ماريد أجربه ** كلبي حب غــيرك نهائي مايطبه
--------------------------------------------------------------------
واحسيناه -- يأسم يحلالي يحلالي
واحسيناه -- تستمر للتالي للتالي
*********
4= أمداها أسوالفي لو ما تــــــذكرك ** فائز السالفــــــته يابو سكينه نحرك
سير الموت ونضر فارشله صدرك ** شلون ماخلي بعد عمري أعله عمرك
-----------------------------------------------------------------------
واحسيناه -- يلي بيك أمالي أمالي
واحسيناه -- تستمر للتالي للتالي
******
5= أنته نهر المرحمه اليامحله طعمه ** الله خله الدنيا ألك سبحانه خدمه
أعز من طاري الهوه حبك نشمه ** أسمك بنص الكلب صار أحله نغمه
---------------------------------------------------------------------
واحسيناه -- شافعي بأجالي بأجالي
واحسيناه -- تستمر للتالي للـتالي
** خادم العتره عبد الجليل المالكي ****
بلا مجالس ضلــمه يا دنيانه ** بلا مجالس شنهي جا معـنانه
هالمجالس رحمة الله
*********
1= نــتــنفس لطم مــا حاجـــه للــنسمه ** نعـــمه ومانــــريد أنضيع النعمه
أذا نبجي أعله زيـنب تنزل الرحمه ** تره المفروض نترك بالعـزه بصمه
---------------------------------------------------
قافلـتنه ساعه ماتــتوقف ** لو لطمنه هالصدر يتـثقـف
هالمجالس رحمة الله
************
2= يروحيت المجالس والله روحـيه ** السمه تشاركنه لـو سوينه لطميه
تمشي أجدامنه راضيه ومرضـيه ** لأن أصل الدمــوع التجري شيعيه
-------------------------------------------------------
والمشاعـــر بالأصل لطامه ** والمنابر هيه تضرب قامه
هالمجالس رحمة الله
***************
3= يزينـــب يا غريبه أويمه ذكريـــني ** تاخـــذ عــــيني للطـــف أوتبجيني
شراره أمن المخيم حيل تجويـــني ** أحسن بالمجالـــــــس دنيتي وديني
------------------------------------------------------
روحي يمهم ما أمل طرواهم ** وبذكرهم عـــايش وذكراهم
هالمجالس رحمة الله
4= أحس أبدون مجلس يختنك عمري ** شسوي بعيني ودموعي وقفص صدري
يعاذل لا تلوم شــــــتدري ما تدري ** أنه شايــــل سبي زيــنب على ضهري
----------------------------------------------------
أحس بيهن جم جرح مجروحه ** أه يزينب كلبي طلعت روحه
هالمجالس رحمة الله
*************
5= نموت وبالعزيه الزهره تحيـــينه ** يقــــينا فــــاطمه باجــــر تــــنجينه
تسمع لــــــو بجينه كل بو جينه ** واحـــــد واحـــــد بأســـمه تسمينه
-----------------------------------------------------
أشكد حنينه تمسح بشيلتهه ** كل دمعنه ونفرح بشوفتهه
هالمجالس رحمة الله
*************
خادم العتره الطاهره عبد الجليل المالكي
وأذا ذبحــوك -- وأذا سحكــوك
باقي حسـين ذاك أنته
حبيـبي العمري ماعـفته
------------------------------------------------------------
1= قـارنـتــك مــع الماي بهـاوي أهــم منه
الماي يروي عطشان وأنته تــودي جنه
أحسك ياحبيـــــبي حسين - أهـم من الــعـذب بهواي
لذلك ياعـــــــزيز الروح - أعــطشك أكثر من الماي
يجي بساعة عطش ويرح - وأنته الـــماتروح ويـاي
---------------------------------------------------
يديـــرة هاك ** أخذني وياك
أحسك خافقي ودكته
حبيبي العمري ماعفته
2= طايح دامي عـريان وكل عاري تستره
الكلبه عليك مفطور تـذب بكلبه كطره
ينايم عالترب عالصاح - تــفــز بسرعه من نومك
تـلبسه ياحنيــن أهدوم - وأنت مسلـــــبه أهدومك
حقــنه يالغريــب نكول - لا يوم المثــــــل يومك
----------------------------------------------------
أموت عليك ** بدماي أفديك
يشيخ الحلوه سالفـته
حبيبي العمري ماعفته
***********
3= نصرهم خــاسر عداك صار الذبح ربحك
كل مغرب تجي أملاك كلها تزور جرحك
عوض لخيامك البل نار - ألك صار السمه خيمه
وربك عــــوضك خدام - تسد عيون كل هيمه
محد يعترض يحسـين - ربك هـــــذا تكريمه
***********
يستر الناس ** عشك وحساس
أبابك كلــــــبي علكته
حبيبي العمري ماعفته
4= يحسين برمح ليش ربك شرح صدرك
حته الناس تقراك وأكـتاب الله نحرك
يمسحوك القره ضلوعك - ولا كـال أنه مـــا قـاري
نطاك الدمعه عــالدمعه - سواهــــــــن ألك ذاري
نايم صاحي صاح عليك - ألك ماتـــــــــنطفي ناري
************
علاج الروح ** ولو مذبوح
يدمك للعــرش زفته
حبيبي العمري ماعفته
************
5= كـل كعــده يمذبوح نجيبك بيها طاري
بعنه أعليك العيون يالنـــدريك شاري
يالمثل الشـــمس بالماي - ومن بعـيد ألك لـمعه
صاحبنه شكـــثر بالناس - ما غيرك نــفـــع ربعه
كريم وتهدي جنه السال - ألك يابــــو علي دمعه
------------------------------------------------
يواهس شوك ** ولو مسحوك
عمرك ألنه وزعـــته
حبيبي العمري ماشفته
******* الخادم عبد الجليل المالكي
يـقـرونك الوادم عـطش - محد قــراك الماي
يانبع كـــل كطر أنزلت - من أدم ولــيجاي
خيمتــــنه أنته - الساترنه بخــته
------------------------------------------------------------
1= حجـيــناك - حدر خيل - ونسيناك الخضار التارس الكاع
رسمــناك - بالطفــوف - مشيت الكربلاءك بس للـوداع
بالأقـــلام - والأشــعار - غــــطيناها عينك والرمش ضاع
ألقـيم نار - والأيــــثار - رفعـــناها برمح ذكر الرمح شاع
------------------------------------------------------------
حجـمنا دورك عــالدمه -- راح البياض البيك
تــشتري ماي بكربله -- ماكو نهر يـشريك
فاتــتــنه لفته -- الساترنه بخته
2= صــبغـــناك - بالـــــرماد - بسنابل عمرك أتـكص المناجل
طرحــــناك - عــالـتراب - مهمتنا أصبحت حرك المشاعل
سقي الماي - كطع روس - نذكرها وتــعج بيها المحافل
أبو الجــود - حرس جان - خليناه واكــــف أبو فاضل
---------------------------------------------------------
رغـبتـنا تشبع مو مهم -- أنشد زينب بحبال
سوينه أبنك بالخــــيم -- من المرض خـيال
سهله وكعـــته -- الساترنه بخته
**************
3= أذا تريد - تـــره الماي - يعوف العلكمي ويركض يحاجيك
وأذا تريد - ألك عــــون - ألف جيش السمه مولاي تــنطيك
شني النار - شني السيف - غـــــير الله تره محد يمر بيك
ضلمــناك - دفعــــــــناك - ع سيف الشمر تـــرفس برجليك
------------------------------------------------------------
تـكــدر تـــحرك محبسك -- يــنبع ألــف فـــرات
حي أنت وبصدر العرش -- بس أحنه صحنه مات
بعيوني شفـته -- اليحرسنه بخته
4= بلا ثياب -- رمــــيناك -- وأنته أتـلبس الماعـــدهم هدوم
يكـــشاخ -- بالأصعاب -- وبطولك عـــرش بارينه مرسوم
جرحـناك -- ضلمــناك -- وضلينه بمواقــــف نحرك نسوم
ذبحــناك -- بالجروح -- مو من الذبح من عــــدنه مهموم
--------------------------------------------------------------
كلــشي ع طولك حلــو -- يالـــتكــشخ بأي لون
يوميه نكـسر خاطرك -- نسبي بخدر أم عون
نجهل وكــفته -- الساترنه بخـــته
***********
5= الخيم غار - والأزغار - رسل بمخيمك كلهم مواقــــف
والأيـــــات - تره تبات - يم مهد أبنك وتـسمع سوالف
والنجــوم - عالخــيام - تسير عالطفل تـشبع عواطف
حــرامات - جهلــناك - وأنته المارحت للــموت خايف
-------------------------------------------------------------
لو ماتـــثـــــور بكربله -- مايـبـقه عـــدنه دين
لو ماتــــضحي بعيلتك -- ماتنفـــتح كل عين
دين وحفضته -- الساترنه بخته
**********
الخادم عبد الجليل المالكي
يخيل الأعوجيه حسين أرحميه
مـــابين الجثـــث ينشاف خليه
كافي من السحك كافي
مات حسين مـو غافي
************
1= عاشر مره أحسب هاي رحتن جيتن بصدره
عوفنه شبع طبرات كـل طبره عله الطبره
أبعــدن عالنحر ياخيل مطبور 12 طبره
مات وجبده يلهب نار مـــاشارب ولا كطره
--------------------------------------------------
شابع طعن وواويلاه وحجار
ولابيهن زغير جروحه أكبار
راح أركض جـدم حافي
مات حسيــن مو غـافي
2= حافر فوك حافر داس مـاكــو مجان للسحكه
شوفن طيحته عالكاع شـابك عالرمح شبكه
يجيله الرمح وين يصير مجان بصدره مايلكه
ماضل جندي بالسبعين جسمه بسهم ما طكه
--------------------------------------------------
جسمه مو كفن بسهام ملفـوف
منه عيون زينب بعد شتشوف
ضلوعه أنطحنت الدافي
مات حسين مو غـافي
**********
3= من صدره أويلي أعلـــيه طلعــن كلهن ضلوعه
عاري ومــاعليه أثياب كسرة ضلعه مسموعه
سحكه فوك سحكه تصير بصدره مبينه مطبوعه
والدم الجمد عالعــــين لزمها توكع دموعه
------------------------------------------------------
ما أدري أخـــوي منين ألاكيه
لا عنده وجه لا ضهر ضل ليه
يبست روحي وشفافي
مات حسين مو غافي
4= حلاته مــن السحك ياخـــيل حدر الكاع مدفونه
ماصارت كــبل ياناس ميت جثــته مطحونه
ليش حسين بين أرماح بس جسمه يوزعونه
ويضل بالشمس مطــــروح وأهله ما يدفنونه
-----------------------------------------------
طــــاح بلايه ماي وخشبه اللسان
عله راس العلاوي أحترك صيوان
والطــــبعه ذهب صافي
مات حسين مو غـافي
***********
5= ماتنصعد نوك أهزال لن مشيتها مو عدله
شلون أعليها أصعد طفال وأنه صاعده التله
عوفلها ولو تــــذكار خاطر زينب تكله
خويه حسين خويه حسين وين الشام أندله
--------------------------------------------------
راسك عاد خليه يطلع وياي
عالناكه يصيح أتمـشي بهداي
شمعي وبالكلب طافي
مات حسين مو غافي
**********
الخادم عبد الجليل المالكي
وكــف مكسور ويعاتب صحبته ** وفـــوك جروحهم نزلت دمعته
رحتوا يصيحهم يهل الشهامه
وضل حسينكم هـــوه وخيامه
-------------------------------
1= أفــتحوا عــيونكم شوفــوني موجوع
ساكت مــــا حجيت التحجي الدموع
صدر ضليت بس خالي من الضلوع
ونكشفــت أخـــيامي ومــالها دروع
--------------------------------------
كعــــد وتـــربع الشيـــب بالحيتي ** حبيب أكعــدلي هالكربت منيتي
الطف بـدونكم مابي سلامه
وضل حسينكم هوه وخيامه
**************
2= أنه البـين الجـثـث كاضيها مشاي
صعـد غيمه الحزن بيه ونزل ماي
يشيخ أنصاري كــــوم أتمشه وياي
وعليك أتعـــودت تمشي عله يمناي
-------------------------------------------
عليكم هــم شلت ماشالته أجبال ** جرحكم ياصحبـــتي جرح جتال
تحير شـيخكم وأنحل حزامه
وضل حسينكم هوه وخيامه
3= مثـلـكم وين أكـــــو بالـــدم معازيب
المواقف عاجر ومن رحتو شتجيب
يالمرتـــــبكم الحب خـوش ترتيب
عليكم لو أهــــبط راسي مو عيب
----------------------------------------
مواقف عدكم أتخلف مواقف ** بساميكم صدك حلوه السوالف
النضام بغيركم غير نضامه
وضل حسينكم هوه وخيامه
************
4= أسمعوا حسينكم لـــو صاح أحاه
ويطلــــع كلبه لــــمن تــطلع الأه
العطش وغيابكم جن عود سواه
غريب وماكو وادم توكف وياه
----------------------------------------------
الصحيب المات شنحط أبداله ** زهير شلون شو كلمن مشاله
بتجاعيدي الدمع تارك علامه
وضل حسينكم هـــوه وخيامه
5= أسم لله أعله الصدك نايم عــالتراب
زهير الخيميتي أرجع وحرس الباب
أنه أدري الموت بالطف ماهو جذاب
وعاتــــــــبكم يمن تسوون العتاب
-------------------------------------------
بعثلي غيابكم صوغة حوافر ** الصدري وتنسحك الضلوع باجر
أثيابي تنسلب وي العمامه
وضل حسينكم هوه وخيامه
***********
6= الحجي بالطف بعــــدكم صار مكلوب
والأيده تكض صفحته ويبجي منهوب
أبهلي من العطش تـنشاف الكلوب
وصار الضهر عـــدهم مثل الغروب
----------------------------------------------
تره بطرت الفجر يحترك كلشي ** وبنات الزهره عالناكات تمشي
نار وتحرك أجـدام اليتامه
وضل حسينكم هوه وخيامه
***********
الخادم عبد الجليل المالكي
جهزوهــــــن الصواني -- وقت العرس ثواني
حاضر عرسي - غــيره هاشميه
غايــب عـرسي - دمعـــه زينبيه
-----------------------------
1= بالعــــمايم ودعـوني ولـــــوحولي بالشمع
أمي شدتهن ثـيابي وكتبت أسمي عـــالدرع
ياعمامي تــباركولي أنه جسام الـــــورع
رايح بعـون الله وحدي للجيوش أكسر ضلع
---------------------------------------------------------------
هوسولي بالجـــفافي -- وبتشرو بزفــــــــافي
ناذر نفــــسي -- للسبط هديه
غايب عرسي -- دمعه زينبيه
********
2= سيفي كلفته وخطبهه المعركه وكاطع مهر
جاسم وزافــــــوفي غيره وحنتي دم ونحر
من رخصتك كمر هاشم ساعه خليـني كمر
وهوه ألك ياعمي أدري أول وتالي الـــنهر
-----------------------------------------
أسمحلي خل أجيبه ** يم زينب الحبيبه
أشرح درسـي -- نخوه طالبيه
غايب عرسي -- دمعه زينبيه
3=
جالبدر ملبوسه أبيض يضحك بوجهه الهوه
وين مادرت عـــــيونه بنضرته أيبين ضوه
غصن من شجرة محمد من نهر هاشـم روه
غيره ومروه وبساله جاسم وكلشي حـوه
-----------------------------------------
أتمشه جن قياده ** وفرضـــــهه للسياده
تحرك شمسي ** كل جنود أميه
غايب عرسي ** دمعه زينــبيه
************
4= هلهلي يمه بزفــافي وحني بالحنه الخــيم
يمه راح أكرم بدمي غــــير أنه أبن الكرم
والحسن يايمه كلبي وداعت عـــيونج قسم
أمن أدخل الحومه بفقـــاري ألا أبجيلج زلم
-----------------------------------------
مكتوبه هالوصيه ** من الحسن أليه
تسمع حـــــــسي ** يايمه هالوصيه
غايب عــــرسي ** دمعه زينــــبيه
5= هالنحر هــــــوه وجمالـه لازم يطوله الذبح
وأدري تبقــين باليالي بـيهه مايطلع صـبح
راسي يم جاسم ييمه من تـــشوفينه برمح
كولـي يحسين أنه وأبني بيك مانسوه جرح
----------------------------------------
يستاهل أمن أضحي ** وبموتي يمه أفرحي
بزينب حسي -- لو بجت عليه
غايب عرسي -- دمعه زينبـيه
**********
خادم العتره عبد الجليل المالكي
https://youtube.com/watch?v=Mbh_tTd8-wE&feature=share
Читать полностью…
بالكـوه الوكت فات - شبعني نتضارات - يابدر العـشيره
غيابك يشبه الموت - بس بدون تابــوت - ياعــباس حيره
----------------------------------------------------------
1= عـرفت الفـركه ماتكضي سلامات
مــــن ضلت خيمنه بــلايه رايات
بضهر أختك غـيابك عاف كسرات
غـــيابك ريح وأنه حلامي شمعات
---------------------------------------------------------
يا كـفــال الضعــون -- ماضل بالحرم لون -- ذبلها عطشها
غيبت طولك جروح -- أرجع ونـذر الروح -- كدامك أطشها
***********
2= بجــفاك العــمر عــباس عـمريش
تريد تموت زينب بيمن تعـــيش
صوابك بالضلع ماهــــوه بالريش
يرب الماي بعــــدك أرتوي أبيش
------------------------------------------------------------
يالجنك عطر هيل -- الدنيا بروحتك ليل -- ماتطلع شمسها
أختك من الغـياب -- ماتشتم هوه الهاب -- كوه تجر نفسها
3= يـهل عـطرك ضباب وحاط عالجام
بــــرحيلك صايره مو حلوه الخيام
ضروره وللضوره تعــــرف أحكام
تره غــــياب العزيز أيموت الأحلام
----------------------------------------------------------
مو مشكلتي بالماي - أريدك ترجع وياي - وتــــحامي خيامي
الـوادم حضرت نار - وأحنه عيالنه زغار - وين الجبده ضامي
************
4= من تـــنعي الزغــيره تسكت الناي
عـــزيــــزة كلبك ومحبوتك هاي
رقــــيه تصـيح خل نمشيله حفاي
ولا سويها لـــو رد وطلب الماي
---------------------------------------------------------
غـير عـيونه ماريد -- عمري بغيره شيفيد -- عباس الأحبه
طيب وبـــن أجاويد -- عمي ورايح بعــيد -- يافركاه صعبه
5= ماترضه الخيام تضل بلا حجاب
وشمرهم موش أنت يلــزم الباب
عوف الـماي ثاري الماي جذاب
مــاجه وياك يروي كلوب الحباب
-------------------------------------------------------
مــاذب روحه بالجود -- ومن تطيح الزنود - مايـبجي عليها
قصده يغـثـني بجفاك -- وتوكف رفت لواك - وأختك ماتجيها
***********
الخادم عبد الجليل المالكي
شـد حــزامه - لـف ألـــثامه -- مسلم وطب ليها
--------------------------------------------------
1= شردت الـناس من زعــل كــدامه
قاضي الأعدام خافت من عدامه
واحــد الواحــد يأشر هالرجـــل يكضـيـنه
مـثـــل رفــــت رايه بيده نرجف يخلينه
أمبين من عـــيونه مسلم حــالف يبجينه
----------------------------------------------------
خـزرة عينه -- أتــخوف بينه -- علي نازل بيها
شد حـزامه -- لف ألــــــثامه -- مسلم وطب ليها
**********
2= مسلم وصاح كلـمــته مسموعه
بت الأجـــواد هلهلي ياطــــوعه
خاف تـتصوب يعــيني كلها لا مكـضيه
أنه الهواي بهجومي هــــمه ذول شويه
راح أسويهم أتراب وتسحــــكه رجليه
-----------------------------------------------------
أنه بكيفي -- الحاكم سيفي -- ورايــــتي أمعلــــيها
شد حزامه -- لــــف ألثامه -- مسلم وطـــــب ليها
3= قــــصر الأنـــذال مايفــــيده أعــناده
ماكو قــــواد أنه وأهـــلي الــــــقاده
اليوم أسوي الكـــوفه كلها مكبره وأدفــنهم
فـنهم يـثبوت ساعه من أضهضب فـــنهم
راح أخلص أبــــن عــــــمي هالشراذم منهم
-------------------------------------------------
بيدي أذبحهم -- بيدي أدفنهم -- الكوفه كلها أكضيها
شد حـــزامه -- لف ألــــثامه -- مسلــــم وطب ليها
**************
4= والله مشـــتاك ياحمـــيده الطـــولج
مايرد راح صبري لـــــــــو كلولج
ياحمـــيده وأنه أقــاتـــل صورتـج بعــيوني
مثـل ماشلــتج أشيله الجـيش فوك متوني
بيدي راس الحيه أكطعه وفــــــنهم يكربوني
--------------------------------------------------
يامي عيني -- بس عذريني -- عــــيونج أمبجــيها
شد حزامه -- لف ألـــثامه -- مسلم وطـــب ليها
5= رجفــت الخــــيل أوذبـــت الخـــياله
والقصر صاح مــــــا لكاها رجاله
والله لوما هالمكيده طوله ما وصلوله
وكع طوله ياحسافـــــه فدوه أروح الطوله
ماتــصب عـيني المصابه دمعه ما معقوله
------------------------------------------------
عاشت أيده ** روحي تريده -- أعليه أنوح شبيها
شد حــزامه ** لــف ألـثامه -- مسلم وطــب ليها
**************
الخادم عبد الجليل المالكي
عطشوه - والله ســبل للحسيــــــن دموعي
عطشوه - وحافـــر مصابه سحك بضلوعي
عطشوه - وصار نحره وغربته مو ضوعي
-------------------------------------------
1= هيه هاي الدنيه أصلا هــــــيه والبيها أله
والخلك كلهم عبــيده ربـــنه عالكل فضله
والسمه وكلشي يتـنفس بسمه كلها مسجله
والجنان وكل حسنها أستنسخت من كربله
----------------------------------------
شي أكيد - عن يمين العرش صار مجانه
شي أكيد - شافع بأمر العلـــي سبحانه
شي أكيد - بالقــيامه يصير يمه رجوعي
************
2= أعرف عمالي قليله وبيمن أعبر عالسراط
خدمته بيها نجاتي ولازم أخــدم بنضباط
كفة الميزان تنزل لو تركــني بلا نقاط
مرتبط بحسين عمري شلون أفــك الأرتباط
-------------------------------------------
بيا حسين -- تنقبل عــد ربي كل أعمالي
بيا حسين -- النار باجــر ماتــــمس ذيالي
بياحسين -- خضرت طيب وزهيه ربوعي
3= ماشفت عطشان ساقي بس أبو اليمه السليب
بلايه مأوى وصار مأوى صار موطن للغريب
ماشفت مجروح غيره صار للــــوادم طبيب
والله من حقي أحبه غــــــيره لا يوجد حبيب
--------------------------------------------
ياسلام -- جامع الضدين ضامي وساقي
ياسلام -- كلشي رايح والحسين الــباقي
ياسلام -- حبه يرويني ويسكت جوعي
**********
4= كتله ب الله وبيك أنه تناوش جفوفي برضاك
أمنت بيك وتــبعتـــــك ذابها مغمض وراك
أكطع الرايد تكطـــــعه فقط لا تكطع شذاك
لا ملك لا راحه رايد رايد الدمـــــعه بعزاك
--------------------------------------------
والله أموت -- ما أبالغ لو عفــتني بدونك
والله أموت -- ياحبيبي الهــيمني عــــيونك
والله أموت -- تنطفي بغيرك جميع شموعي
5= من أكول أسمك حبيبي أنشـــتل يمك شتال
والله ما ينشبع منك يالعشــك وجهك حلال
الحلوه البحبك جماله مانطه الغيرك مجال
حسين لا تعتقني خلني عـبد عايش بالدلال
-----------------------------------------
روحي بيك -- جمــرتك صبح وعصر تجويني
روحي بيك -- ملكــك وعــــبدك اضل خليني
روحي بيك -- ياعشك من غيره يخرب نوعي
**********
الخادم عبد الجليل المالكي
جـنســيتي مابـــيها أسم ** أســـمي الحقــــيقي لــطم
بصفحة سجـــــلي نكتب ** مجنون الحسين
---------------------------------------------
1= نعــم من كربله ماخذ موالـيدي ** كلايـــد مجلسه والـــتفـــت بجيدي
أنه أمقـلد نحـر ماناسي تقليدي ** رجل متواعـد وحافـض مواعيدي
------------------------------------------------------------------
بلبس السواد أكــتــفي ** أيضويــــــني من نطـــفي
مــــا أعــيشن بلا كسر ** مجنون الحسين
********
2= تهد دمعاتي بـمصابه فرد هده ** من يـــــنحل حزامــي زينب تشده
شكلي بالمجالس ينكلب ورده ** أرد ودري أخو زينب يسمع الرده
-----------------------------------------------------------------
من أجزع أنسه العقل ** كالساع أصيرن شكل
طبعــي وأحب هالطبع ** مجنون الحسين
**********
3= أسلطن عالبواجي والحزن يبدي ** بمحرم أنسه كل العندي ماعندي
أحسن عالعــزيه أيسير المهدي ** أصيح بروحي وينج عالطم شدي
------------------------------------------------------------------
بالمجلس أوكف عدل ** دمعاتي دم أتـــــهمـــل
بعـــيوني دمعه حلت ** مجنون الحسين
4= كــمر هاشم ولا يـتــلــثم بحربه ** شحلاته والفــرات أتوسل يشربه
تره العاشك يعالم يحجي البكلبه ** عمر وبلا مجالس والله مارغبه
------------------------------------------------------------------
خادم بخيره عشت ** توني أحسن صرت
عـنواني طف وخيم ** مجنون الحسين
**********
5= أذا أنسأل عنهم دمـعــتي تجاوب ** كأني بصف مخـــــيم فاطـــمه طالب
طالب بس رضاهم غيـره ماطالب ** أضل بالخدمه باجر لو صرت شايب
--------------------------------------------------------------------
بــدون العزيه أختـــنك ** وين الله مانفــــــــــترك
كتبولي فـــوك الكفن ** مجنون الحسين
*******
الخادم عبد الجليل المالكي
تسلم يروح أمك
يالناصرت عـمك
مايــــنسي أسمك -- ياقاسمي
-----------------------------------------------------------
1= يبن أبـــوك المجتبى ماقصرت
تاج راس المرجله يبني صرت
من شفـــت عمك بغربه قررت
تفوت بيــها وبالزلم ما فكرت
** نشمي وأبن نشمي
أدلل صحـــت عمي
حزمتــــني أيد أمي -- ياقاسمي
2= عفت يوليدي العرس وأهل العرس
أمبين مقـــرر تــذلهم من أمس
يابو صوت العالـي ماتحجي همس
ياجمال عــيونك أحله من الشمس
** وجهك يهيمني
رمشك يعجبني
طولك يجـــنني -- ياقاسمي
*************
3= طال يوليدي طريقك لـــو كصر
كالو العاشك يكمل لـــــــو عـثر
تباركولي من صرت جابـت كمر
بعيني تبقالك يجسامي صور
** ضحكاتك الحلوه
وعيونك التسوه
لقبتـــك السلوه -- ياقاسمي
4= باجر تـــــنومس تــراني بوكفتك
من تصــــيح الزهره عفيه الربتك
ندخـــــل أنه وياك ممشه الجنتك
هناك ونــــــسويها جـــاسم زفتك
** عــباس الينادي
ويزفـك الــهادي
يالعرسك مرادي -- ياقاسمي
************
5= أشكرك عالعشره والوقت الجميل
يالضحكتـك حلوه والهمي تشيل
والله مـا أنساك هالشي مستحيل
حتى لو جابوك ودمومك تسيل
** يانـســمة أيامي
تتـفرهد أحلامي
وبذبحتك ضامي -- ياقاسمي
************
الخادم عبد الجليل المالكي
يرضا الله عليك ** من أتــقــدسه
مفــتاح القـــبول ** دمعه بمجلسه
----------------------------------------------------
1= أتخيل صدرك الحـــافــر سحك فوكه
وأشلع كلـبك وكطــعهن عــروكه
أديك بجمر كون أتحسها محـروكه
حلو العاشك يذوب بشوك معشوكه
-----------------------------------------------------
يرتاح الضمير ** من يتــنفسه
مفتاح القـــبول ** دمعه بمجلسه
************
2= أتـنفس عـــشكه لا تـتـنفس بغـــيره
مــــن تبجيله دمعه يــــترسك بخيره
تره القبلك خـــدم ضل عالي تقديره
واضح عـــــــاليخدمه حسين تأثيره
-------------------------------------------------------
كل صبح ومساء ** حزنك مارسه
مفتاح القــــبول ** دمعه بمجلسه
3= غمض ومــــشي كـــون الجرح تندله
مــــن تــــــــذبها وراه حسين تتعله
أذا كلـــبك يحـــــــب مسامره خله
أبو النيه الــنضيفه حسين يوصله
-----------------------------------------------
خليلك مـــثال ** عندك عابسه
مفتاح القبول ** دمعه بمجلسه
************
4= شبابك ويــــــن من تنسال كضيته
يخلصك هالجـواب حسين واسيته
هـــــناك حسابنه كلـــمن ولطميته
ميزانك الخدمه تصـــــــيح عليته
-------------------------------------------------------
بيت الخدمه كون ** كلبك حارسه
مفتاح القـــــبول ** دمعه بمجلسه
5= صدك حضه جبير الحصل النضره
تصير الجنه من يموت أله حضره
يلبس ثوب خدمه عمامته خضره
السراط يصير شبخه بسرعته يعـبره
------------------------------------------------------
ثوب الخدمه تاج ** أبــقـــه لا بسه
مفتاح القـــــبول ** دمعه بمـجلسه
**********
6= الـمشه منه عــزيزه الحزن طر كلبه
وأحنه حســـينه المذبـــــوح بالغربه
الماي الـــــمارواهم كـــون ما شربه
اليحب حسين يكــــدر يوصل الربه
------------------------------------------------------
عنوانه يصير ** هذا المانسه
مفتاح القبول ** دمعه بمجلسه
**********
الخادم عبد الجليل المالكي
يالـراحتي بيك ** خليهـــن أيـديك
أشبكني حيل ولا تهد ضهري
شمني وأشمك يا علي عمري
---------------------------------------------
1= علي الأرتاح بس يمك أذا تـتركني وين أرتاح
يالتراس عـــيوني حلام لا تـترس عــيوني أجراح
بصباك أشوف أصباي يوليدي
من أعــطش أنت الماي يـوليدي
لا تمــــشي ضل وياي يوليدي
----------------------------------------------------
يهلال الخــيام ** لـتموت الاحلام
باوع بوجهي دمعـتي تجري
شمني وأشمك يا علي عمري
2= يبني الشوف يعـطش شوك عــله المتعـــود يشوفه
وأنته تعــوف أبوك تريد وراك أشتـشبك جفوفه
حاجيني أريـــــد أرتاح محبوبي
لا تـرمي كلــبي أرماح محبوبي
والـــــــد علـيك وصاح محبوبي
-----------------------------------------------------
يابعد العيون ** أرحمها العـيون
صارت فرات ومايهن يجري
شمني وأشمك ياعلي عمري
*************
3= أنتـوادع أكـعــد أمن أجديد منك ما شبعـت وداع
تــكــدر لــــــــو أجيك أنه وياك أتـمدد ع الكاع
مـــحلا الــــوداع وياك يالغالي
خل شفــــتي أعله شفاك يالغالي
وبضهري حـــط يمناك يالغالي
--------------------------------------------------------
ياتارس العين ** أرحم بالحسين
ياعلي الأكبر حيرت أمري
شمني وأشمك ياعلي عمري
4 = الغالي شكد ثـكيل يصير مـن أيحمله أبـوه يبني
وطريق الخيمه رايد حيل وأنه جــفاك ذابحني
يــمــــكطع أوبسيــــوف حاجيني
أفـــــــــتح العـين وشوف حاجيني
ضهري علـــم ملفـوف حاجيني
----------------------------------------------------------
يالسحكتك خيل ** ماضل بعد حيل
شيبت كلبي ومانفع صبري
شمني وأشمك ياعلي عمري
***********
5= أباوع جسمك المسحوك وأشـوف الخيل تسحكني
أشيلك رايح وكــــالساع أنـــزلك ياعلي بحضني
ياليله أبــــــنج مـــات صرخاتي
أمشي وأهــــل دمعات صرخاتي
كـوه أوصل الخيمات صرخاتي
--------------------------------------------------------
دمك ع الثوب ** يا أغلى محبوب
من بعد نحرك ينكطع نحري
شمني وأشمــك يا علي عمري
***********
الخادم عبد الجليل المالكي
هارب مـن النار جاي الجنتـك
راجيا عفوك وأريد مروتـك
كلـبي قـبل لساني تاب
ياحسين أفـــتحــلي باب
-------------------------------------------------------
1= أجـيـتـك عايـــز أمــــروه -- حسيــن أمـروتي كملها
حواسي الخمسه متعطلات -- وغرامك بس يشغــلها
لمحتك من بعـــــيد الشم -- ونفس والشـوف والكلها
جبتـلك روحي قطعة شوك -- بـــــــيدك وأنت فصلها
-------------------------------------------------
كلبي يابس ماي شربه وخضره
من المعاصي بـنضره منك حرره
أرجوك ياسيد الشباب
ياحسين أفــــتحلي باب
2= شغل بالي الفياي البيك ** بنص حر الضـهر بارد
شفتك من بعيد هواي ** ماشفتــك شخص واحد
سحرني وهالأجيت وياه ** ضوه البوجنتك كاعــد
عقالي بركبتي ملفوف ** وكدامك عـــبد ساجد
------------------------------------------------------
مالي أسم بالـــيعـــجــــبك سميني
أهم شي عــــــندك عبد خليني
ياعـــشك والشافه ذاب
ياحسين أفـــــتحلي باب
***********
3= نادم مذنـــب وخجلان ** وأنت الرحـمه تحـلالك
سامحني بخجل مذبوح ** أجــعــجع جنت بعيالك
طهرني الكلب بي رين ** أريد أتــنومس بجالك
شممني هوى مخنوك ** جــود بنسمة شمالك
-----------------------------------------------------
فدوه الأيدك مدلي أيدك سيدي
من جديد وياك عمري يبتدي
يانسيم عـــــذيبي هاب
ياحسين أفـــــتحلي باب
4= أمـــي الحر تــسمــيني ** وما أشعــــر بهميــتي
أذا تسميــني أنت الحر ** تـجيــني مدنكه حريتي
أكسرت عصاتي وتعنيت ** ألك يالتسوه أهل بيتي
بنهرك كاعـد ع الراك ** أخــــتم صك عبوديتي
---------------------------------------------------
نورك الــكالساع يـــتحول شـكـل
أخذ عـقـلي وهسه ماعندي عقـل
حاضر أنت وكلشي غاب
ياحسين أفـــــــتحلي باب
*************
5= معـسكرهم يغـص بالماي ** ومعسكركم نشف نبعه
شسر هــالجاذبــيه البيك ** البعيد أتجيبه وبسرعه
حتى اليحجي بيك هـناك ** ويريـــدك كلبك يسمعه
تدخله العالمــك مهيوب ** ومــــــن أجهنم أطلعه
----------------------------------------------------
شيخ يالمحد كبل شايخ عليك
بفضلك أقبلني عبد مابين أديك
كل هجر منك عــــذاب
ياحسين أفـــتحلي باب
***********
الخادم عبد الجليل المالكي
