يخيل الأعوجيه حسين أرحميه
مـــابين الجثـــث ينشاف خليه
كافي من السحك كافي
مات حسين مـو غافي
************
1= عاشر مره أحسب هاي رحتن جيتن بصدره
عوفنه شبع طبرات كـل طبره عله الطبره
أبعــدن عالنحر ياخيل مطبور 12 طبره
مات وجبده يلهب نار مـــاشارب ولا كطره
--------------------------------------------------
شابع طعن وواويلاه وحجار
ولابيهن زغير جروحه أكبار
راح أركض جـدم حافي
مات حسيــن مو غـافي
2= حافر فوك حافر داس مـاكــو مجان للسحكه
شوفن طيحته عالكاع شـابك عالرمح شبكه
يجيله الرمح وين يصير مجان بصدره مايلكه
ماضل جندي بالسبعين جسمه بسهم ما طكه
--------------------------------------------------
جسمه مو كفن بسهام ملفـوف
منه عيون زينب بعد شتشوف
ضلوعه أنطحنت الدافي
مات حسين مو غـافي
**********
3= من صدره أويلي أعلـــيه طلعــن كلهن ضلوعه
عاري ومــاعليه أثياب كسرة ضلعه مسموعه
سحكه فوك سحكه تصير بصدره مبينه مطبوعه
والدم الجمد عالعــــين لزمها توكع دموعه
------------------------------------------------------
ما أدري أخـــوي منين ألاكيه
لا عنده وجه لا ضهر ضل ليه
يبست روحي وشفافي
مات حسين مو غافي
4= حلاته مــن السحك ياخـــيل حدر الكاع مدفونه
ماصارت كــبل ياناس ميت جثــته مطحونه
ليش حسين بين أرماح بس جسمه يوزعونه
ويضل بالشمس مطــــروح وأهله ما يدفنونه
-----------------------------------------------
طــــاح بلايه ماي وخشبه اللسان
عله راس العلاوي أحترك صيوان
والطــــبعه ذهب صافي
مات حسين مو غـافي
***********
5= ماتنصعد نوك أهزال لن مشيتها مو عدله
شلون أعليها أصعد طفال وأنه صاعده التله
عوفلها ولو تــــذكار خاطر زينب تكله
خويه حسين خويه حسين وين الشام أندله
--------------------------------------------------
راسك عاد خليه يطلع وياي
عالناكه يصيح أتمـشي بهداي
شمعي وبالكلب طافي
مات حسين مو غافي
**********
الخادم عبد الجليل المالكي
وكــف مكسور ويعاتب صحبته ** وفـــوك جروحهم نزلت دمعته
رحتوا يصيحهم يهل الشهامه
وضل حسينكم هـــوه وخيامه
-------------------------------
1= أفــتحوا عــيونكم شوفــوني موجوع
ساكت مــــا حجيت التحجي الدموع
صدر ضليت بس خالي من الضلوع
ونكشفــت أخـــيامي ومــالها دروع
--------------------------------------
كعــــد وتـــربع الشيـــب بالحيتي ** حبيب أكعــدلي هالكربت منيتي
الطف بـدونكم مابي سلامه
وضل حسينكم هوه وخيامه
**************
2= أنه البـين الجـثـث كاضيها مشاي
صعـد غيمه الحزن بيه ونزل ماي
يشيخ أنصاري كــــوم أتمشه وياي
وعليك أتعـــودت تمشي عله يمناي
-------------------------------------------
عليكم هــم شلت ماشالته أجبال ** جرحكم ياصحبـــتي جرح جتال
تحير شـيخكم وأنحل حزامه
وضل حسينكم هوه وخيامه
3= مثـلـكم وين أكـــــو بالـــدم معازيب
المواقف عاجر ومن رحتو شتجيب
يالمرتـــــبكم الحب خـوش ترتيب
عليكم لو أهــــبط راسي مو عيب
----------------------------------------
مواقف عدكم أتخلف مواقف ** بساميكم صدك حلوه السوالف
النضام بغيركم غير نضامه
وضل حسينكم هوه وخيامه
************
4= أسمعوا حسينكم لـــو صاح أحاه
ويطلــــع كلبه لــــمن تــطلع الأه
العطش وغيابكم جن عود سواه
غريب وماكو وادم توكف وياه
----------------------------------------------
الصحيب المات شنحط أبداله ** زهير شلون شو كلمن مشاله
بتجاعيدي الدمع تارك علامه
وضل حسينكم هـــوه وخيامه
5= أسم لله أعله الصدك نايم عــالتراب
زهير الخيميتي أرجع وحرس الباب
أنه أدري الموت بالطف ماهو جذاب
وعاتــــــــبكم يمن تسوون العتاب
-------------------------------------------
بعثلي غيابكم صوغة حوافر ** الصدري وتنسحك الضلوع باجر
أثيابي تنسلب وي العمامه
وضل حسينكم هوه وخيامه
***********
6= الحجي بالطف بعــــدكم صار مكلوب
والأيده تكض صفحته ويبجي منهوب
أبهلي من العطش تـنشاف الكلوب
وصار الضهر عـــدهم مثل الغروب
----------------------------------------------
تره بطرت الفجر يحترك كلشي ** وبنات الزهره عالناكات تمشي
نار وتحرك أجـدام اليتامه
وضل حسينكم هوه وخيامه
***********
الخادم عبد الجليل المالكي
من رخصت خنصرك العنك واكع بعيد
ماكـــفاني الدمع راح أبجي مـن جديد
بس هالمره العيون -- يختــلـــفــن يالحنون - أبجي من جديد
-------------------------------------------------------------------
1= أنه الفاكـــــــد أمام ومات عطشان
وأدور عالــــــبواجي ويــن ماجان
أريد أجــــــمع مدامع أهل الأحزان
وأسويـــــها بحر وبنصها غركان
أريد بخــــدي دمــــعي يخلي نيشان
البجي الحسين مـوش شلون ماجان
-----------------------------------------------------
مــن أدخل مجلسه كــون كــضيها ثغــيب
عندي حباب وأهل وحسيــــــني غريب
كل نوبات الجنون -- يختــلفــــن يالحنون -- أبجي من جديد
2= أفـتح باب عـيني أنجان مسدود
وأكـل الدمـعي أكــعـد فـوك الخدود
أريدك كل وكـــت الحسيـن موجود
أعـتبر نفسك أذا ماتـجري مطرود
حلات العشك من يتعــده الحدود
وأكــيف تــترس الخدين وتـزود
---------------------------------------------------------
لا تـدخل جن ملك طب للمجلس ذلــيل
عـــندك أيـــــد ونضر زحمه من الكفيل
طيحه وماتـــهون -- يختــلفــن يالحنون -- أبجي من جديد
3= طالب والعـطش ردت أمـتحـن بـيه
وعله شفافي ألزمه وبـيدي أخليه
شعــــدنك حيل فـــطرهن أوصيه
وأنزل فـــــوك كلبي وحيل أذيه
مثل مابجت زيــنب رايد أبجيه
وشوف عـيوني كون اليوم أطفيه
-------------------------------------------------------
كون أللطم عالصدر حد ما بالمجلس أطيح
ومن يوجعني الضلع أخ ضلـــوعه أصيح
ذبحت روحي الضنون -- يختلفــــن يالحنون -- أبجي من جديد
4= من جرت التــراجي كلبي مشلوع
ولـــو بـــيدي أجرنه من الضلوع
هـــواي حسيـــن بس شويه الدموع
مامـــــرتاح طـــاح وجبده موجوع
يكون أحرك عـــيوني مثل الشموع
وحرام أعليه أسولف غيره موضوع
ومن أمــــــشي أبـــين أنه موجوع
-----------------------------------------------
من داسوا عالصدر ألمن واكف بــقـــيت
والمفروض أندفـــن يحــسيني من مشيت
ياشيب البل جفون -- يختلفن يالحنون -- أبجي من جديد
5= أبسجل حزني بعــد تـــوجد فـراغات
وعجيبه من طحت ضل كلــبي مامات
أنه المفروض أخلي بــــراسي خيمات
بس مو مـــن شعـــــر أبنيها أهات
مثـــل جــويات زينب كون جويات
أخلي بجدمي وأكــــضي الدرب طيحات
---------------------------------------------------
ليش أنشال بكفن يل شالوك بحصير
كون وياك أندفن بس ماعــندي ضمير
دمعاتي عالمتون -- يختلفن يالحنون -- أبجي من جديد
*************
الخادم عبد الجليل المالكي
ماكو عذر بس الموت -- منها بطبتــــــك ياشام
-----------------------------------------------------
ذنب الصاحب أيـبـيـن ** تـشوفه كلها العيون
من بشده ما يــوكف ** تاريخه أسود يــكون
بيهم -- نخـــوه -- نخـــــوة حامي الجار
هيبه -- وغيره -- وين البالحـــرب حار
*
الخادم عبد الجليل المالكي
ما أدري - هــنا حــدج يسالفــتي
ما أدري - من راحو أحس ضعتي
ماتسوه الدنيا حسين وراح
والفارك طـــوله ما يرتاح
---------------------------------------------------------
1= أنـه أم البنــين والله وفـقـني الخــدمته
أحزن لو حزن أضحك أذا طلعت ضحكته
أوكع لو وكع أوكف لــون شفته بوكفته
ومن أعـــطش يرويني أبو اليمه بجلمته
---------------------------------------------
حاسبته - أغلى من أربع ولادي
عاشكته - تاج الراسي ومرادي
طير أنه بغصنه وشوكه جناح
والـــفارك طوله ما يرتاح
2= بساعة مارحل ضعـنه أحس هجره عماني
لو ماخــــذني أخـــدم بالخيم بس ماخذاني
عاد أفرشلي خيمه لو أهز مهد الأماني
لــــو أسهر وأخلي فاطمه تنام بمكاني
----------------------------------------------------
أخدمهم - رحمه مـن الله يقبلني
أخدمهم - وأبني الغالي يكفلني
يالذابح روحي بغير سلاح
والفارك طوله مــا يرتاح
*************
3= يا ثكل الهجر جنه جبل نام أعله كلبي
بالدار وأحس روحي ومشـت تعبني دربي
لو حاجيها بس هالكلمه يم عباس أركبي
جان أكضيها ممشه وما أهم لو تالي أحبي
----------------------------------------------------
ما أهتم - بالحر والضمه سهله
ما أهتم - وياهم موتـتي تحله
يا كلبي خذوني وياكم صاح
والفارك طوله مــــا يرتاح
4= لا صوره البقت عـــندي وأكابلها وأشمها
جيش جروحي بالفـركه علي شدت حزمها
حتى الديــره مارف بالهوى صافـن علمها
يطشرها الهجر روحي وأرد بجفوفي ألمها
----------------------------------------------------
تعبني - هجرانه وكسر ضهري
تعبني - ماريده صحت عمري
مليانه عيوني وكلبي جراح
والفارك طــوله ما يرتاح
***********
5= أغفه من البجي وأكعد عله صوت الحوافر
ويغيب النهر والغالي وألكه العــطش حاضر
عاشر ينتهي بعـــــيوني لكن يبدي عاشر
ونار أسمعها تحجــــيلي الخيم أحركها باجر
---------------------------------------------------
والناكه - تـكلي زينب أسبيها
واويلي - قصه وباجر أنهيها
وراس التردينه ترفعه رماح
والفارك طـــوله ما يرتاح
************
الخادم عبد الجليل المالكي
قـره المكتوب عمي ورجفت أيده
كلت هاي الرساله تـخــص حميده
عالخيمه سند ضهره
وخلاهــا على صدره -- الرساله - الرساله
--------------------------------------------------------------------
1= غـوركت بدموعه عـينه -- واكـف وما بيه يجينه -- عـمي حاير
صحت عمي وما سمعني -- كلبي دك حيــل أوجعني -- شنهو صاير
أسم الله عليك يحسين صاحــــن كـــل بناته
لــيش أمدنك الراس الماطــــــخ بحـــــياته
شما تـلنه من العزاز خــــــبرنه بــــــوفاته
----------------------------------------------------------------
شويه شويه كمت أقــتــرب منه
أسالنه ردت بس كضــــني ونه
تــدنــــالي وتــشابكنه
كلام البــيها ضاهدنه -- الرساله - الرساله
2= كضها خاصرته وأجاني -- يبجي وبــصدره خذاني -- صاح عمي
أنه أبوج وأنــتي بنتي -- موت أبوج شسوه شفتي -- حــرك دمي
ذره سواها الجفوف خـلاها عله راسي
وكلي والـــدج مــــات ونكطعت نفاسي
من عالقصر شمروه مسلم أعـــز ناسي
-----------------------------------------------------------
أنكسر ضهري يعمي بهل رساله
مثل حالج حميــــــده حسين حاله
مسلم مـــوته يتمني
خذت حيلي تره مني -- الرساله - الرساله
**************
3= عمتي ضمتـني بحضنها -- والدمع غــرك جفــنها -- لزمت أيدي
دنك العــــــباس يبجي -- ويه أخوه حسين يحجي -- ياعــضيدي
شبك حيل أعله الحسين ويكـــله نهضمنه
أبن عمنه أنغـدر حيف واليحـــمل أسمنه
يستاهل يالحسين أوكـــعـه عليه علمنه
----------------------------------------------------------------
عمامي تشابكو بالخيمه يبجون
أيد بأيد أنضــــــرهم يصفكون
صرخــــتهم يــبو طاهـر
تــــنص ماتحضر العاشر -- الرساله -- الرساله
4= أتــنكب العــباس أشـوفه -- صاح ثارك ما أعـــوفه -- يابو طاهر
بكتره بس ما شاهداني -- صحت وبصدره خذاني -- عــمي حاير
دنك والدمع حار من عينه مسحته
أول مره عباس حنب ضهـره شفته
ضهره اليسند حسين بجفــــوفي سندته
---------------------------------------------------------------
هـز الرايه حيــل وصاح مغلوب
أبن عمي نذبح جا بيش مطلوب
يبجي وما رفع راسه
أضنها كطعــت أنفاسه -- الرساله -- الرساله
5= دنكــوا شموني كلهم -- وأستحيت شراح أكلهم -- والله صعـبه
وأكعـــدن يمي العلاوي -- وبالخيم صارت نــعاوي -- وأحنه غربه
صاحوا والـــدج مات وأنه ما أمصدكه
من كلــبي صحت وين مثل عيونه نــلكه
عله مسلم صحت حيل أريد الثـوب أشكه
----------------------------------------------------------
أبوي الماكو من طـــبعه وحلاته
حياتي شتسوه من راحت حياته
ليش الغالي يـــتـمني
وبعد عيونه شتهــمني -- الرساله -- الرساله
************
الخادم عبد الجليل المالكي
طيحن يالخــيام الطاح حارسها
المهر تصهل ذليله خلاف فارسها
------------------------------------------
1= نصبجــن بيده وشتميتن أنفاسه
مو عالـكاع دكجن داخل أحساسه
عليه جانـت تره ليليه الحراسه
وباب أخــــيام زينب دنك وباسه
** وقـوانين الكفاله بزغره دارسها
------------------------------------
2= يرش بالـماي جان أبابجن بيده
وبيت أمن الشعر كالساع ويعيده
ماريده العـمر من دونه ماريده
قصده عالحسين اليمــشي بوريده
** وحلوك العساكر سيفه خارسها
----------------------------------
3= بحر عـــباس ماواحد وصل كيشه
الشمس حرها يلوذ بطارف الريشه
ضل حسين وحـــــده ونذبح جيشه
بلا العباس صارت تكــــتل العيشه
** وضلت غيرته بنص كلبي غارسها
4= تجيجن مــــاتجي النيران ماهمني
أخــــــوي ومن رحل يخيام يتمني
أصيح أسمه يجيني ركاض ويشمني
فوك جـروح كلبي بفكده هيمني
** المواقف عالشريعه بدمه أسسها
---------------------------------------
5= خيم وعـيون بعده تشوفجن هيمه
بدون الــكاع حيره تشوفها الغيمه
بلا العــــباس روحي بكربله يتيمه
وكلبي أمـجرح وسيطر عليه ضيمه
** فدا روحي الحياته العيني كرسها
---------------------------------------
6= شبكته ومات بيدي وماتت أيديه
بجيت ودمه يـبجي وينشد أعليه
تره موتت عضـيدي موتتي هيه
أرجعت بس كامـتي بغيابه محنيه
** عـباة الضيم كلبي رجع لا بسها
*********
الخادم عبد الجليل المالكي
ضلت وراك مفاركه النوم ** المابيها حيل تشيل الهدوم
مشــــتاكه العليله ** والفــــركه طويله
-------------------- خلصت حياتي
1= مايـــرجف بكــــدي السعـــف بالمغـــربـيه
غـــركانه جــني وبالــبحر عافــتـني أديه
طشروا عـــمري مــن مشوا شيلمه أليه
مطحون كلبي والهجر بضلوعي ماخـذ دوره
يخبز بروحي من الفجر حد العـــــصر تـنوره
----------------------------------------------------------
مفطور كلبي فــطرت الكاع ** والضيم بـيه أيــبيــن بساع
يادمعــي الأسيـله ** والفـــــركه طويله
***********
2= لـمـن يأذيني المـرض أتـشافيني أديها
هسه أمي راحت بالضعـن شنشد عليها
بضلوعي ضيعت العـدد جـم كسره بيها
لخيالي أباوع بالــمشي أمحدب خــيالي وطوله
ماشافت عـــيوني الدرب بس بالدمع مشغوله
----------------------------------------------------
بطلعـت ضعنكم طلعت الروح ** حته النفس حسيته مبحوح
راح الأشـتكـــيله ** والفركه طــــويله
3= بنص الملامح والجفن طلعـت عـبرتي
كوه أنام من التعب وصحه أعله ونتي
أتشاهد أنه بكل وكت مو زينه صحـتي
المفارك أعـــزازه تره أبسط حجايه تــلجمه
جانون جرحه ويشتعل يحرك عــصابه ودمه
------------------------------------------------
بغـيابكم ضل كلــبي موجوع ** جندوب ردني تمسح دموع
والله مو قـليله ** والفركه طـــويله
************
4= يعرضلي وجهك ياحبيب عيوني بالماي
تحجيلي كلشي وماسمعت بجلمة الجاي
صارت جروحي بغيبتــك يمـسافر هواي
وعيونك عيوني الدمع مثـــل الهـــدم سواها
لا رايحه ولامن متت روحي الحزن غطاها
------------------------------------------------------
بالطيف أباوع ضعن ذبلان ** برماح روس ويمها نسوان
ياضيمي شيزيله ** والفركه طـــويله
5= يابويه ماصارت ثــلــج ويصاحب النار
صدكني صرت بروحتك هيج أنه والدار
ماأعرف شحال الحرم وشحــال الأزغار
ركضني هجرك عالجمر وحط الهزيله كبالي
وبراسي جم خيمه طفت هيج أنه بعــدك حالي
--------------------------------------------------------
دمعاتي سوط يدك عالمتون ** والفارك أهله يعيش مدفون
ينحب يكضي ليله ** والفركه طويـــــله
***********
الخادم عبد الجليل المالكي
شيخ المشرعه جاي ** فتحو الماي للماي
فارس - من أبعــيد يــنهاب
فارس - يستاهل هل عجاب
---------------------------------------------------------------
1= شحلات الـريشه البـراسه رهيبه
طوله أمسوي للـــفــــقار هيبه
الهـــزيمه من أبو فاضل مو معيبه
أذا يخزرنه ما تــــوكف كتيبه
-----------------------------------------------------
ملك ومسيطر بزود ** تـــلوح الغيم الزنود
نرجف -- أذا طاريه يــنجاب
فارس -- يستاهل هل عجاب
**************
2= النهر معجب بــبو فاضل وطوله
عليه أمفصله فـــــصال الرجوله
بهجومه جــيشـــنه أدفنه خيوله
أبن من قـــلع خيبرها بسهوله
----------------------------------------------------------
يرهــب زود عباس ** يطك الراس بالراس
نشمي -- ويحبه الهوه الهاب
فارس -- يستاهل هل عجاب
3= الخيم عالكاع لا كنها أعله صدره
على أستعداد يفدي الأخـته عمره
الحرب وهل الحرب تمـشي ع أمره
المدينة طيـــــــــبه اليلزمه يشمره
----------------------------------------------
بيده الموت والراي ** ما ينهزم وفـــــاي
يرهب -- عباس وأهو شاب
فارس -- يستاهل هل عجاب
*************
4= الخطط تفشل أوتخرب من يجينه
السيوف من الله توكع مــن أدينه
يزيده وشــمره ما يلحك علينه
أذا يزعـــــل يطم النهر بينه
---------------------------------------------------
زلمه وربته زلام ** صدره تهابه الأسهام
حالف -- مانكربها الأطـناب
فارس -- يستاهل هل عجاب
5= جــدنه كبال أبــوه بالحرب شارد
وجده يصير أبو طالب مجاهد
كباله الوكــــفه صعبه الله شاهد
هواي بلا عقـــل اليشوفه واحد
--------------------------------------------------
يعني بكدنه جيشيين ** بكثرنه يصير مرتين
مرعب -- سيفه مطلك الأكراب
فارس -- يستاهل هل عجاب
***********
6= بديـــــنه الماي من يقبل نوصله
تــــــــره ينهينه بس نعطش أهله
الحرب عـد أبو فاضل حيل سهله
علي الثاني تـره بس علي مثله
-------------------------------------------------
عازم -- يقــلــعنه قـلع باب
فارس -- يستاهل هل عجاب
**********
الخادم عبد الجليل المالكي
سابع مره تـــعـــثر ** أسم لله شعنده الأكبر
حسين عيونك ألاوين تربي
فـــكرك راح للسميته كلبي
-------------------------------------------------------
1= أشغـير مشيتك ياالأبو مو مثل أمس متبدله
بدرب الخيم ياما رحت وجنك ولا تـــندله
كالساع أباوعلك تــشد أحزام الضهر وتحله
تسولف الكلبك مبتـلي بس ما عرف شتكله
--------------------------------------------------
مدنك تحجي وحدك ** وأيدك فوك خدك
خاف أسهام باكت مني تعبي
فـــــكرك راح للسميته كلبي
2= خايف عالأكبر مايرد جم مره كتلي أدعيله
ودعيت من كلبي أله وشديت طرف الشيله
أيدك عله أجتافك تدك خـايف عليها تشيله
وتجيبه محزوز الـــــنحر وتمدده يم ليله
-----------------------------------------------
أتمده أبين أخوته ** كسرة ضهر موته
مات تصيح لي لطمي ونحبي
فــــــكرك راح للسميته كلبي
**********
3= مو قصدي أجرحك بالنشد وماعاتبك مو قصدي
بس أنه أم كلبي نشلع وغير الدمع ماعندي
ناعور سواني الحزن أتـــــرس وهوه يبدي
تعتبره قطعه من الجبد وأعتبره الأكبر جبدي
------------------------------------------------------
بلا خيمة حلاته ** ليلي وين أباته
بمكانه أتوسلت ياخذني ربي
فــكرك راح للسميته كلبي
4= هسه علي شابــــع عطش وأحنه شبعنه أمتانه
وسهم اليصوبه وياه رمح يدفعه ويحط بمجانه
أمشي العلي ولمن تـــرد ميتين أضن تلكانه
بالخيمه كـــــوه أنجر نفس زينب وسكنه وأنه
--------------------------------------------------
من تجيبه ع ضهرك ** حيره نحير بأمرك
وحده أتكل لوحده حيل أندبي
فـــكرك راح للسميته كلبي
************
5= من تجيبه ميت مطلبي خليه يبات بحضني
هلبت يفك عينه علي لو حـشمت أه يبني
جم حــافر بصدره رفس أحسبها وتحاسبني
وأصرخ دللول الولد أكعـــــد يل مشيبني
----------------------------------------------------------
يابس أدري كلبه ** من دمعي أشربه
أسلم لله أمري والله حسبي
فـكرك راح للسميته كلبي
************
الخادم عبد الجليل المالكي
رساله - للســيـــده الــفـاظلــه أم البــنـــين
رساله - علميني مثلج أخلص بحب الحسين
ياسيدة الأحساس -- حلفـتج بعــــباس
**********
1= جبت ورقه وقــلم وحدي وأكـتبـت هذا الكلام
وجنج كــبالي وكفــتي متربه علـيج السلام
من رخصتج كـتـلج أكتب كلـــتي أكـتب للامام
جالعبد خاطب أمـــامك وخل خـطابك بحترام
---------------------------------------------------
تأكد - ما ينسه اليحبونه مولاي العضيم
تأكد - والدنه ويحبـــــنه والوالد رحيم
تضحيتج المقياس -- حلفـــــتج بعباس
2= حجيلي أسرار نتضارج شلون ب لله الأنتضار
أعــتـــذر مولاتي وأسف عـــالسؤال الطبعه نار
وكفتج بالباب قصه زغــــار تحفضها وكبار
هم تعــبتي من المتانه هـــــم كعـتيلج نهار
----------------------------------------------------
جوابي - جان نتضاري السيدي حلو المذاق
جوابي - بوداعه حسيت بحـــــياتي لا تطاق
ها يابخت ينباس -- حلفـــــتج بعباس
************
3= عــمرج شكد جان لمن سار بضعونه الحسين
وشكثر صار بغـــيابه وزادت هواي السنين
بأيد وحده توادعــيتوا لـو بالجفوف الثــنين
ضلت ع حسين عــينج لو ندارت عالبنين
-------------------------------------------------------
سؤالك - عالغالي ما غليها لو عشره الولد
سؤالك - نعـتبره ماسامعـته وأنه ما أرد
يالتشبهين الياس -- حلفـــــتج بعباس
4= ناشدتـــني وراح أجاوب وختصرلك بالجواب
أتعـذبت حيل بوداعه وحلو ويحسين العذاب
ذهب جان حسين يلمع وأنه خـــدامه وتراب
أنه وولادي وغـــرامي مــانجي الخيط النكاب
-----------------------------------------------------
أمامي - ماقدمت له شقدمت بس القليل
أمامي - لو بالحوافر أنسحك هـــم ما أميل
معناها رفعت راس -- حلفـــــتج بعباس
**********
5= شكرا لهذه التواضع وهالطلب عندي أخير
يالجبيره وفضل منج هيج جاوبتي الزغير
قطره رايد من غـــرامج هلبت ومثلج أصير
شدي جفيني بودادج ولا تــفتحيـــن الأسير
----------------------------------------------
سلاما - العيونج الغركانه بمواج الدموع
سلاما - للسيد العــباس والذيج الضلوع
يم خلفه راعي الباس -- حلفــتج بعباس
*** الخادم عبد الجليل المالكي *
تخجلني جاسم هــيبتك ** والله أستحي من طيبتـك
ماجنك أبني الانه كــبرته
كبالك يطيب راسي دنكته
------------------------------------------------
1= تــعال ألـبس درع وأكعــد مقابـيلي
وراح أسكـت وأريـدك أنت تحجيلي
وأريــد أتكـــلم وما أخجل أدعيلي
وتعــــذرني أذا أرتــبكت تفاصيلي
---------------------------------------------
يوليدي كل ماتبتسم ** بخدك كواكب تنرسم
بيدك يجاسم كلبي سلمته
كـبالك يطيب راسي دنكته
**************
2= يـزلمت بيـــتي وأمه التاخذ برايه
أخــــذني وياك شدها الروح بالرايه
وحده أخـتار هايه تصير لو هايه
أروح وياك لـــــو تبقه أنت ويايه
------------------------------------------------
ماتسوه أبقه للهزل ** ويجتف جفوفي الحبل
جاوبني يبني لا تضل سكته
كبالك يطـــيب راسي دنكته
3= نـصب عـباس خيمه وكتلها عليها
وطلبته من رخصتك وسعه خليها
شقــصدك نار باجـر ماتصل ليها
تره من تغــيب روحي النار تجويها
-------------------------------------------
سهله المخيم يحترك ** صعبه يجاسم نفترك
أصعب قرار اليوم قررته
كبالك يطيب راسي دنكته
***********
4= ضامي كليبي بس وياك مو ضامي
ألف سياف يـنطر نــحرك ورامي
تعالـــــي تصيح شدي بأيدج حزامي
ششد وأنه أرتجف من راسي لجدامي
-------------------------------------------------------
أيحرسك محمد وعلي ** غيرك يمدللولي شلي
مات الدليل وسكته شيعته
كبالك يطيب راسي دنكته
5= غضيت النضر عـن عرسك وحلمي
بس شلون باجر لــــو ثكل همي
أذا ذبحوك يبني يـروح حته أسمي
شمس والنوك هزله ويختفي رسمي
---------------------------------------------
ماترجع أعرف تنذبح ** وحلامي ياخذها الرمح
أحسبني ميته من تموت أنته
كبالك يطـــيب راسي دنكته
************
الخادم عبد الجليل المالكي
بوجودك أضل - على قـــيد الحــياه
وغيابك قطع - سبل كـل النجاه
ياسيد عـــــــــيون أم البنين
-----------------------------------------------------------------
1= أنت مو بس مالك عيوني - وحساسي - تملك كلـشي بيه
ولدي وأنه بمحبسك شذره - بالخـــدمه - أقــــــبلنه هـديه
فــدوه ألك دخلنه للجنه - للطفــوفك - خل ترضا الزجيه
من جبينك رشنه جم كطره - وشرفــنه - وجفوفـــك سخيه
-----------------------------------------------------------
لعيونك نذر - عمرها أم البنين
مخلوقه ألك - حبيبي ياحسين
ياسيد عـــــــيون أم البنين
2= ولدي ألك فــصلهــم بكيفـك - وبرايك - درعين أعله صدرك
خلي أبــو فـــاضل درع أول - والثاني - من عمره ع عمرك
عـون خل يجــيب ألك شربه - لو يلزم - مـن تصول ضهرك
يضل ألك عبد الله لو تسمح - من تكعد - في يصــــير بأمرك
--------------------------------------------------------------
حراس الــولد - على باب الخيام
تسهر للصبح - مــــاواحد ينام
ياسيد عـــــــيون أم البنين
***********
3= أنه كون بكيفي أشد روحـي - بالـــرايه - ومن تـــرف أكلها
هفي فوك وليدي لا يتعـب - بالمـمشه - لو عـــكدت أفلها
يلي ماخذ روحي من روحي - خـــدامه - بعدك روحي شلها
ولدي بس أربعه لـو عشره - ماعـندي - هاي شلون أحلها
------------------------------------------------------------
منك أستحي - بـــس هالأربـــــــعه
أمنيتي بعـد - خلـــــــــــفه أمطلعه
ياسيد عــــــــيون أم البنين
4= يـبـني كل خوفي ع نحرك - لا رامي - يرمي شفاف جـدك
علي كلي مدري جم بوسه - طابعـها - طه فــــوك خـدك
وكالي مثل الهوى يوصفك - ويحــبك - شلون أتطيح وحدك
وكربلاء تريد بس موتك - تابــوتك - من جروح جــبدك
-----------------------------------------------------------
يرمونك سهم - وبيه أثلث شعاب
ياشوك النـبي - وتــنام ع التراب
ياسيد عــــــيون أم البنين
**************
5= من المهر بالطـف يطيحونك - يكومونك - أيحضرون الذبحتــك
وخيلهم تسحك عله ضلوعك - وبـــدمك - تــــتغـــــطه جبهتك
طايح وعينك لعــد زينب - شــــبالك - تسلم خـــيمت أختك
بنحـــــرك أحساب 12 طـبره - والزهره - تـــصرخ يبني شفتك
-----------------------------------------------------------------
تكضيها لـطم - وأديها عالضلوع
بجروحك تشم - وتسيل الدمـــوع
ياسيد عـــــــيون أم البنين
**************
الخادم عبد الجليل المالكي
بالخـــيام - سويناها فاتحته
بالدموع - سولفناها سالفته
كعـدنه أنوح ونصـبر حميده
مات نصيح وتـنادينه أريده
---------------------------------------------------------------
1= أنجمعنه - أبخــيمــنه - وذكرنه المواقـــف
بجـــينه - وذكــــرنه - حـــــلات السوالف
تــذكــرنه للكــوفه بجـواده يوم ماراح
وتــشابكوا هـوه وحمـيده والدمع طاح
بالزهره ودعتـك صحت وبخدمتك صاح
--------------------------------------------
حمــــيده - راح وشبكت أعليه
يالوداع - صاحت مابعـــد جيه
خـــيط حجابها عافــــــــــته بأيده
مات نصيح وتـــــــنادينه أريده
2= حميــــده - أجتـــــني - وقميصه بأديها
تــشمني - وتـــشمه - هضمني بجيها
ليش أنجمعـتوا بالخــيم ياعمي تــبجون
وياهو الأشوفه من أهلـنه يدير العيون
شعدكم خبر عن والدي بس ماتـكولون
-------------------------------------------
يالحسين - ليش جــفوفك براسي
شنو صار - ياعـــم أرحم حساسي
بس لا عافــــــني الوالد وحيده
مات تصيح وتـــــــــنادينه أريده
3= أحضرنها - حرمـنه - وتصيح العــــقــيله
تــــــعالي - تـــكلها - ودمعـــها تــــــسيله
ألـــبكه براسج يا حميده والـــــدج مات
ومثــل السهم هذا الكلام بمهجـــتي فات
دنكت راسي وما حجيت بـــصدري أهات
-----------------------------------------------------------
أويلاه - محد غمض عيونه
أويلاه - عطشان ويذبحونه
علينه كوفــته صارت بعيده
مات نصيح وتــنادينه أريده
4= الـــيموت - بغـــربـــته - يـكسرة عــــمامه
أيـــتـــناثر - دمعـــــهم - رمـــتهم سهامه
باوعـــت بعـــيون الكمر يفرك بالأيدين
ويصيح يحــــسين أنوله وأهله بعيدين
ويلي أعله مسلم مالــكه بالكوفه المعين
-------------------------------------------------------
بغربته - طاح وبالكلب ناره
بحسرته - محـد طالب بثاره
طاح بعـــــــازة الناصر أكيده
مات نصيح وتــــنادينه أريده
5= وصلــني - يــــمسلم - وسمعـــــته سلامك
وحمــيده - بركبـــتي - و عرفــــــته كلامك
يالــشيــبت كلبي عليك هــواي متعـــــوب
جادر غـــــــــيابك بالكلب للدوم منصوب
والروحك أقره الفاتحه شما مر الغروب
-------------------------------------------------------
مصابك - شيبني يبن عمي
غـيابك - أذاني وحرك دمي
أسمك بالخـيم كالساع أعيده
مات نصيح وتــــنادينه أريده
**********
الخادم عبد الجليل المالكي
أشكرك يالكــرمت الخوه جـفــين
أشكرك يالفديت عـــيوني بالعين
أشكرك يابو فـاضل أنه الحسين
أشكرك - أشكرك
-----------------------------------------------
1= أحبك وأنت واكف تـطرد الخوف
وأحبك من تـــنام عيونك تشوف
وأحبك بيرغ وعالخـــــيمه ملفوف
وأحبك عله زينب تسعي وتـطوف
أشكرك -- أشكرك
***********
2= عـرفـتــك مـن تبخ كلوب الــزغار
الخيم دينك وصارت روحـــك الغار
كوابيس أزرعـــــت بحلام الأشرار
يمـن من جدمك الراسك أللي أنصار
أشكرك -- أشكرك
3= يكلمه ومن سـمعها أتــبريد الماي
يالمخلص الـعــمر كـــدامي مشاي
شحلاتك من تـــــكلي سيدي جاي
شأوصف وأنــت والله بكلشي وفاي
أشكرك -- أشكرك
********
4= أريـــدك وأنت مجبل جنك العـيد
وتعرف روحي منك خــــويه شتريد
أحب صدق ألتـــزامك بالمواعيد
وأحبك للفــــــــرات أتحط مواليد
أشكرك -- أشكرك
*******
5= عشكتك وأنت تركض شابك الجود
وماتـنطيه تحبه وتـنطي الزنود
أحبك وأنت تفــتح درب مسدود
وأحب سيفك المنه تخاف الجنود
أشكرك -- أشكرك
6= أحب من أيــدك يــشــربــن بناتي
وأسمعك من تصيح الأختي أغاتي
شحلاتك بالعــــــطش شفتك فراتي
وأحبك وأنـــت تــتعـــــــلم صفاتي
أشكرك -- أشكرك
*********
7= أحـــبك وأنــــت تحلـــف بالصمـيده
وأسمعك عالنهر تقــــره بقصـيده
وأحبك من طحت صاحب عـــقيده
كمر الخـــــــــوه سجلها برصيده
أشكرك -- أشكرك
**********
الخادم عبد الجليل المالكي
يالـراحتي بيك ** خليهـــن أيـديك
أشبكني حيل ولا تهد ضهري
شمني وأشمك يا علي عمري
---------------------------------------------
1= علي الأرتاح بس يمك أذا تـتركني وين أرتاح
يالتراس عـــيوني حلام لا تـترس عــيوني أجراح
بصباك أشوف أصباي يوليدي
من أعــطش أنت الماي يـوليدي
لا تمــــشي ضل وياي يوليدي
----------------------------------------------------
يهلال الخــيام ** لـتموت الاحلام
باوع بوجهي دمعـتي تجري
شمني وأشمك يا علي عمري
2= يبني الشوف يعـطش شوك عــله المتعـــود يشوفه
وأنته تعــوف أبوك تريد وراك أشتـشبك جفوفه
حاجيني أريـــــد أرتاح محبوبي
لا تـرمي كلــبي أرماح محبوبي
والـــــــد علـيك وصاح محبوبي
-----------------------------------------------------
يابعد العيون ** أرحمها العـيون
صارت فرات ومايهن يجري
شمني وأشمك ياعلي عمري
*************
3= أنتـوادع أكـعــد أمن أجديد منك ما شبعـت وداع
تــكــدر لــــــــو أجيك أنه وياك أتـمدد ع الكاع
مـــحلا الــــوداع وياك يالغالي
خل شفــــتي أعله شفاك يالغالي
وبضهري حـــط يمناك يالغالي
--------------------------------------------------------
ياتارس العين ** أرحم بالحسين
ياعلي الأكبر حيرت أمري
شمني وأشمك ياعلي عمري
4 = الغالي شكد ثـكيل يصير مـن أيحمله أبـوه يبني
وطريق الخيمه رايد حيل وأنه جــفاك ذابحني
يــمــــكطع أوبسيــــوف حاجيني
أفـــــــــتح العـين وشوف حاجيني
ضهري علـــم ملفـوف حاجيني
----------------------------------------------------------
يالسحكتك خيل ** ماضل بعد حيل
شيبت كلبي ومانفع صبري
شمني وأشمك ياعلي عمري
***********
5= أباوع جسمك المسحوك وأشـوف الخيل تسحكني
أشيلك رايح وكــــالساع أنـــزلك ياعلي بحضني
ياليله أبــــــنج مـــات صرخاتي
أمشي وأهــــل دمعات صرخاتي
كـوه أوصل الخيمات صرخاتي
--------------------------------------------------------
دمك ع الثوب ** يا أغلى محبوب
من بعد نحرك ينكطع نحري
شمني وأشمــك يا علي عمري
***********
الخادم عبد الجليل المالكي
هارب مـن النار جاي الجنتـك
راجيا عفوك وأريد مروتـك
كلـبي قـبل لساني تاب
ياحسين أفـــتحــلي باب
-------------------------------------------------------
1= أجـيـتـك عايـــز أمــــروه -- حسيــن أمـروتي كملها
حواسي الخمسه متعطلات -- وغرامك بس يشغــلها
لمحتك من بعـــــيد الشم -- ونفس والشـوف والكلها
جبتـلك روحي قطعة شوك -- بـــــــيدك وأنت فصلها
-------------------------------------------------
كلبي يابس ماي شربه وخضره
من المعاصي بـنضره منك حرره
أرجوك ياسيد الشباب
ياحسين أفــــتحلي باب
2= شغل بالي الفياي البيك ** بنص حر الضـهر بارد
شفتك من بعيد هواي ** ماشفتــك شخص واحد
سحرني وهالأجيت وياه ** ضوه البوجنتك كاعــد
عقالي بركبتي ملفوف ** وكدامك عـــبد ساجد
------------------------------------------------------
مالي أسم بالـــيعـــجــــبك سميني
أهم شي عــــــندك عبد خليني
ياعـــشك والشافه ذاب
ياحسين أفـــــتحلي باب
***********
3= نادم مذنـــب وخجلان ** وأنت الرحـمه تحـلالك
سامحني بخجل مذبوح ** أجــعــجع جنت بعيالك
طهرني الكلب بي رين ** أريد أتــنومس بجالك
شممني هوى مخنوك ** جــود بنسمة شمالك
-----------------------------------------------------
فدوه الأيدك مدلي أيدك سيدي
من جديد وياك عمري يبتدي
يانسيم عـــــذيبي هاب
ياحسين أفـــــتحلي باب
4= أمـــي الحر تــسمــيني ** وما أشعــــر بهميــتي
أذا تسميــني أنت الحر ** تـجيــني مدنكه حريتي
أكسرت عصاتي وتعنيت ** ألك يالتسوه أهل بيتي
بنهرك كاعـد ع الراك ** أخــــتم صك عبوديتي
---------------------------------------------------
نورك الــكالساع يـــتحول شـكـل
أخذ عـقـلي وهسه ماعندي عقـل
حاضر أنت وكلشي غاب
ياحسين أفـــــــتحلي باب
*************
5= معـسكرهم يغـص بالماي ** ومعسكركم نشف نبعه
شسر هــالجاذبــيه البيك ** البعيد أتجيبه وبسرعه
حتى اليحجي بيك هـناك ** ويريـــدك كلبك يسمعه
تدخله العالمــك مهيوب ** ومــــــن أجهنم أطلعه
----------------------------------------------------
شيخ يالمحد كبل شايخ عليك
بفضلك أقبلني عبد مابين أديك
كل هجر منك عــــذاب
ياحسين أفـــتحلي باب
***********
الخادم عبد الجليل المالكي
ماتـــــــنلاح شيلوحك ** صعدت للعرش روحك
يامـــولاي أموت عليك ** مجنون أنه بجروحك
---------------------------------------------------------
1= وكـفـــت كبالك أمبلل ** نشفـني جمر صدرك
يماي الماشربت الماي ** وبطول الزمن عمرك
بطولك خبلتها الكاع ** مايوصل جبل خصرك
يامحلا الشمال البيك ** نسيمه يغـازل بنحرك
---------------------------------------------------
شكد حلوات يعـــيونك ** مــو أنت اليذبحونك
حقها الشمس يامولاي ** تطلب لون من لونك
*************
2= زرعولك درب برماح ** يالمشيك ضوى وسباح
همه أنفاسهم بس موت ** وأنفاسك عطر قــــداح
يالمعزب الموت ضلوع ** يالعــــطشان بس مرتاح
بالري كلهم يفـــكرون ** وتــــــفكيرك بدينك طاح
--------------------------------------------------
فاتح للسهم بيبان ** ضيفته بصدر تعبان
شكبرك ياحبيب الله ** ضامي وتقره بالقـرأن
3= مافكرت بيك شــصار ** أتـــفكر باليطب بالنار
يأشرف صدك بالــكون ** مالزمته جفوف كصار
يكطعون النحر وتصيح ** سهله ولا ركوب العار
شكبرك ياجبــير الكوم ** شيخ وما حجيـت زغار
----------------------------------------------------
شاورت السمه بهداي ** صاحتلك هلا بالجاي
أقبل يا أعـز مسلوب ** ياسيدي ويامــــــولاي
************
4= بمعركة العقل والروح ** تــدخل يابخت حاجوز
يرضن بالحجي الأثنين ** وي حسين كلشي يجوز
مكتوبه بجبـينك هاي ** من يسمــع كلامي يفوز
من توصل العازه وياك ** يكضي العوز ماكو العوز
---------------------------------------------------
جفوفك للطلب ماعون ** وبخيرك توزع أم عون
ينبضة كلبي يامضلوم ** من تنسانــي بي شلون
5= يالميت وبيك الروح ** يالمذبوح ما مذبوح
تطلع روحي وتعناك ** وشـباجك يرد الروح
لو ميت صدك يحسين ** جا ما طيبت مجروح
حي يحسين عـند الله ** عطرك من سمائه يفوح
************
تسمع كلمن يحاجيك ** وتحضره التوسل بيك
والكلفك تــمشي وياه ** وتــــنادي الذي يناديك
*************
الخادم عبد الجليل المالكي
خادم العتره الطاهره عبد الجليل المالكي:
ما أهتم أذا أعـطش -- مــادام أنتو وياي
من أللهج أساميكم -- جني شارب الـماي
نصاري - أدري - بيكم نعم الأنصار
هـــيـبه - غــيره - وين البالحرب حار
----------------------------------------------------------------
1= ضهر يالصرتو الضهري - ودرع ومفصل الصدري
ومـــــــن أرتاح تجايه - ومـــن أتــــمشه عوجيه
هلا يعـــــيون المخيم - هلا يالويـــــــن المشيم
تـــقـــدير المواقـــــفكم - أحســـــنها الهلا شويه
يمر الهـــوى توكفونه - أذا بارد تــفــوتـــــونه
وأذا محـــتـــر تمنعونه - أرجع تـــــــوجع الريه
شكـثر تـردون راحتـنه - الله أيـــديم صحبتــــنه
ياشده تــــمر بيــــــنه - بعزمكم يعــــني مكضيه
------------------------------------------------------
طبع الصاحب الصاحب -- بضهرك ينشد حزام
تــنام وتــكعـد تشوفه -- حارس بعـــده مانام
عـــدكم - نــــيـــه - بيـضه جنها جمار
هــــيبه - غــــيره - وين البالحرب حار
2= سيوف أنصاري مسلوله -- والمعـــتـــبر حلو طوله
شحلات وجوهكم تـلمع -- ويــــــن الجنه ياقوته
حبيب أيــنومس بربعه -- والأسمر مـــالح بطبعه
يكلهم هالحرب فرصه -- يــــندم كلمن تـــفـــوته
زهـير كباله دك صدره -- كـــلامك صاير أعـــتبره
يشيخ وداعتـــــك سهله -- ضربت ســــيفي مبخوته
أحسبــــني رقم واحد -- أذا ماتــــنكـــــضي مارد
محد بيهم أســـتغــفر -- شلون أطلـــــــعه الحوته
------------------------------------------------------
صار بذمتي خدر الله -- شلون أتراجع شلــون
لـــو مامـــوت للغالي -- شلي بهاي العـــيون
أسمع -- كــلبه -- ينبض مشتعــل نار
هــيبه -- غــيره -- وين البالحرب حار
3= عــابسنه رفـــع راسه -- نضرته والحجي جاسه
تحسر ورتــــفع صدره -- أباوع غــوركت عينه
شـد عـــــمامته بقــوه -- صاح الـروح ماتسوه
غـــير حسين وخيامه -- بالطف ما بقــت زينه
وعلينه وفاطمه الزهره -- يهنياله البذل عــــمره
لــــبو السجاد وعياله -- وعلاويــــهم علا وينه
لوني من العطش أصفر -- أريد بـــدم أصبغه أحمر
أمزق ثـوبي بالحومه -- ونادي العــــطشه وينه
---------------------------------------------------
خــل كـلهم يعادوني -- أنه مصاحب حسين
هــمه ترسو الحومه -- هـوه تارس العـين
أمــــــره - صايــــر -- بيده هــالعمر صار
هـــــيبه - غــــيره -- وين البالحرب حار
4= زينب بعـــد أهالـــيها -- زلم غــربه تماشيها
علويه وصعب ياناس -- صعدتـها عله الناكه
شنكول الحيدره باجر -- زينب لـــــيلة العاشر
أعليها وجت الخيمه -- مــــو الوجوه تتلاكه
شريف اليحمي علويه -- وبذنــــها يخلي ترجيه
يوكف للرمح صدره -- حلو يامــــوت الملاكه
زينب تصعـــد التـله -- فــشله مـن علي فشله
أويلي وألـف ياويلي -- ضعــنها لو شمر ساكه
-----------------------------------------------------
ماصارت قبل حرمه ** تصـعد كوه عالنوك
ياناس الشرف غالي ** شلون بطبت السوك
صعبه -- وصعبه -- جمره تحرك زغار
هـيبه -- وغيره -- ويــن البالحرب حار
5= لمن مـاتــضل خــيمه -- كلمن يلتهي بضيمه
ويموت المهد مـحروك -- جا عـبد الله وين ينام
بالـبر تـــــركض الحره -- وبـــذيال الهدم جمره
خــيمتها وكــع ونـداس -- مادورت بعــده خيام
تركض جفها محروكه -- الـشام يريدها وسوكه
ماغــمض جفن زينب -- هـيه الفاكده شتــنام
عـــين بعــين تـتلاكه -- من تـلـتـفـــت بالناكه
كسرة عـظم بيناتـنه وبين عـداك
يالمختبرنه أنصارك وعـد عـيناك
بعيونك تحزمنه ** ومن حيدر تعلمنه -- حيدر
----------------------------------------------------------------
1= نطلب رخصه من عباس -- قــبله الحــومه ندخلها
ناخـذ حصه من الروس -- والله وحصته نـعزلها
ناس مخلبصه جن صوف -- ردنه بسرعه نغـزلها
منـأخره كله هـــنه حسبت ساعات - خـل يحـــــسب ألنه
جم فارس بكيفه من الأنصار يروح - لـــــو نمــشي كلنه
---------------------------------------------------
شد العمايم ما يفـــتحونه الكوم
ممنوع عالعادوك يحسيـن النوم
بيدك ولك سلمنه ** ومن حيدر تعلمنه -- حيدر
2= أتــقـــدم نافــع وزعلان ** دخن بالزعـــل سيفه
وعابس يمه باس السيف ** عابس والحرب كيفه
حار وطبعه جن تـموز ** يحرك بالـزلم صيفه
هـــز رايته وكلهم أريـــد أول كـــون - أهــجــــم عليهم
صدري أختنك عذروني يهل الصعبات - أسمع حجــــيهم
-------------------------------------------------------
لمحت بصر والله أكضيها بساع
ذولي حرام يشيلهم ضهر الكاع
طعن الرمح ماهمنه ** من حيدر تعلمنه -- حيدر
************
3= شــيـباته حبــيب أعـــزاز ** لفهن حدر العمامه
شكد حلوه الجبير يصول ** لمن ينزع لــثامه
من التربه بجبينه فــطور ** جــنه مطبر بقامه
قطعة بياض الشيب أبيض والثوب - يــتمشه غــــيمه
وبياعلي من يــنكل جدامه يصيح - بعـــــيونه شيمه
------------------------------------------------------
شيخ ومــــــايعرف دلاله الموت
يخطف عليهم جالبرق من يفوت
بخيامك أتكلمنه ** ومن حيدر تعلمنه -- حيدر
4= لفهم مثـل لــــف أهـدوم ** لــفــت شاطر بزوده
عنده الحرب شربت ماي ** نافـع لازم حدوده
يضحك للعطش مرتاح ** عنده المعركه بروده
أشرب دمه يارمـــــــح ناده ولتخاف - دمــــي فـــديته
بالجنه ماخذ قـــــصر أهلا بالموت - بــــــيدي بنيته
-----------------------------------------------------
لازم أحصل حصتي من الروس
عود الحوافر بالصدر خل أدوس
حسين العشك هيمنه ** ومن حيدر تعلمنه -- حيدر
**************
5= طاحوا مثـل هــيل بماي ** ويفوح العـطر منهم
دمهم غــطه وجه الكاع ** ماراح العـشك عنهم
ونـــهم مو عليهم صار ** صار ع الخــيم ونهم
زفهم الموت شلون زفه بلا صوت - دمـــهم هلاهل
أعلـــــــــــيهم سلام الله أنصار - صاح أبو فاضل
----------------------------------------------------
كون أكو منكم يا هالنصار اليوم
هالناس جا ماطار فوكاها الحوم
بجفاكم أتألمنه ومن حيدر تعلمنه حيدر
***** الخادم عبد الجليل المالكي
عالشريعه ماكو توبه ** ما أشدها من عقوبه
متفق فقاري وي متوني
كل زلمكم تنحني لقانوني
-----------------------------------------------------------
1= لا عـــــددكم -- لا مددكـــم -- يكــدر يحرك لـــواي
سيفي سيطر -- عالشوارب -- تعمه العـيون بضواي
أنه الما يتعـــب ويتعب أسمي العباس
جندي الما يسمع جلماتــي برجليه نداس
أنه المتسلط وأتحــــكم بركاب الناس
أنه الشموني بكل ورده ومعـــطر الياس
--------------------------------------------------------------
أنه حاكم من مشيتي ** يا أميه منين أجيتي
اذبح من أدخل حرب بعيوني
كل زلمكم تســـــــجد بقانوني
2= حكمي عادل - ما أجامل - أيكسمه نصين اليعيل
براسي ريشه - من أتحرك - يعــني زعلان الكفيل
مـــــاي عيال حسين بجوده عدكم مو ماي
مـــن أخزر شطكم بعيوني يصرخ أي جاي
تطويكم طويات الخــــــيمه تكدر يمناي
أشجاباكم مابيكم زلــــــمه ويوكف وياي
----------------------------------------------
أنه شيخي حسين أخويه ** وشيخ أخويه يصير أبويه
ما أجامل عالخيم تدروني
كل زلمكم تسجد بقانوني
*************
3= أنه موسى - وكل سحركم - بكربله تبلعه عصاي
لا شــمركم - لا يـــــــزيده - يكدر يطـــفي ضواي
أنه أبراهيم وهــل ليله أتطيح الأصنام
الله مخليكم بــــس خلفي وأنه الكدام
هاي التردون تــحركوها مو بس اخيام
هيه الدين وهــيه الكعبه وهيه الاسلام
----------------------------------------------
منهو منكم يكرب ألها ** أنه حارس كل أهلها
والله أعطشكم وله تعطشوني
كل زلـــــمكم تسجد بقانوني
5= أنه قاهر - وسيفي قادر - هـــسه أكلب كربلاء
بقوة الله - وأبخت أمامي - وأبعزم أهل الكساء
أتحول جبريل وربي يــــــنطيني جناح
وأمطر سجيل وأنهيكم وأســــمع الصياح
خل أتعب لكن عبد الله غافي ومرتاح
ما أهتم مادام الـــــغالي أي تسلم صاح
-------------------------------------------
فدوه أخوتي وفدوه أنه ** هالمخيم عدنه أمانه
أدري تحتار الحرم من دوني
كل زلــمكم تسجد بقانوني
*************
الخادم عبد الجليل المالكي
طلعت النوك محمله ** للشام عافــــت كربله
فـوكاها نسوان وغريبات
والـمشكلـه كلهن عزيزات
-----------------------------------------------------------
1= سارت النوك وعلـيها السيدات
شيب جنهن عالتراب مطشرات
مشــــن منحــــنيات جـــن جادر عـــزاء
للقصر بحبال أديهـــن ما شيات
-------------------------------------------------
ماكو محاسن للصدف ** والجرح ماواكف نزف
مارفت ع الروس رايات
والمشكله كلهن عـزيزات
2= طيور طه وفوكهن يتمشى حوم
هنه والقـران صارن فـرد يوم
طلع من ديـــن الله حــــــبل البل أديــن
جنه مايدري الحرم والماي توم
----------------------------------------------------
حلم الشرب من نذبح ** أتـحرمل الماي برمح
هب الهوى متروس أهات
والمشكله كلهـن عزيزات
************
3= يمشي بيش الداست ع جدامه خيل
والدرب البعـــيد رايد منه حيل
خذت حيل عــيال الحسين السياط
ع ضهر الــــنوك ضل دمهم يسيل
------------------------------------------
كحلهم الدم بالمشي ** الحادي يضحك منتـشي
يحجون بس بغير جلمات
والمشكله كلهن عـزيزات
4= يضعف الشوف اليسد بابه التراب
والشراب بهيمه يعــطش للشراب
جم سكينه تــريد من عــــباس ماي
تعاتب ونوك السبي ضد العـتاب
-------------------------------------------
ياراس يالحزنك رطب ** عالرمح واكف منصلب
تبجي ع ضعنه السموات
والمشكله كلهــن عزيزات
************
5= وكت ضهريه وهوى الضهريه حار
والعطش نشفهــــن كلوب الزغار
كبال عــــين الضامي من يتبده ماي
يسكت وكلبه مثــــــل جانون نار
---------------------------------------------------
والجدمه محروك بجمر ** مايكدر المشي الضهر
ورماد متروسه العبايات
والمشكله كلهن عزيزات
6= ضعن سار ومالكه وكفت عــمام
شعده غير العطش ورماد الخـيام
بلا دلـيل اليمشي بالصحره يضيع
والدليل ع الــنهر مرمي بسهام
----------------------------------------------
والضاوي جن لون الشمع ** غطاهــــن ألوانه الدمع
يارحله وبعيده المسافات
والمشكله كلهن عـــزيزات
*************
الخادم عبد الجليل المالكي
شيرجعكم تجون الليله خطار
بحلات وجوهكم تـتــبخر الدار
ولا أكــيكم بالأحــضان ** وهــلا بيكم يالحنان
--------------------------------------------------------
1= هلي مو مستحيل وكلشي بيد الله
أبوي يعود وأمي وعــدها عبد الله
هــلي أمحضره هـــلا بكد حزني من رحتــو
ولا تـــتــعجــــبون بـــوجهي لـــو شفـــتو
ضلام الـــــنور راح بــــساع من رحتو
------------------------------------------------------
مــو كم يوم غــيــبتـكم تره سنين
المغرب تعـــب عـــيوني يغالين
يموت الماله خلان ** وهلا بيكم يالحنان
2= وكت خله الغرب تـنشدني وين أهلج
الحزن من دونه بس أنتي يـندلج
تره الشاف العلـــــيله تون يكلها عيونج شيجرن
ضعيفه عيوني صارت حيل بعد ساعة بجي يعمن
المشوا ناسه ويضل أوحيد بالدنيا يعيش ألمن
----------------------------------------------------------
الحياة بلا حبايــب تشبه الموت
ودار الماكو أهله تصير تابوت
تراني أتنفس أحزان ** وهلا بيكم يالحنان
***************
3= شكثر مشتاكه أشوف عيون بس عمي
يجي ويضحك بوجهي الـشارك بدمي
زعلت هواي عمي عليك بعــد ماأرضه تــتركني
يل يطفي الجمر ملكاك بهجرك ليش تحركني
أعشكك مثل أبوي حسين وأدري هواي تعشكني
-------------------------------------------------------
بدونك بارده ضلــوعي والجفوف
طبيعي الراحو أهله ياخذه الخوف
كلبي هواي تعبان ** وهلا بيكم يالحنان
4= علي لو كال خويه شلونج أحجيلي
أصيح وداعت عيونك خلص حيلي
يــبن أمــــي الهجر جــــتال يكطع بالكلب كوه
بحيث من أشرب أنه الماي أحس بمرورة الكهوه
شدور ماكو بين الناس مثلكم يهل المروه
---------------------------------------------------
حر تموز ضل يمشي بوريدي
مثل شهر الصيام ومات عــيدي
غصن بالصحره عطشان ** وهلا بيكم يالحنان
*************
5= أغسلها العمايم بيدي وأشتمها
مثل شمة الطفله من تشم أمها
أشرهـــــن فــــوك متـــــني وأوكــــف بوحدي
وأعــــــوف أطرافـهـــن تـــــــنزل على خدي
وأحــــشم مــــــــــن مشوا والله نمرد جبدي
-------------------------------------------------------
زرع وخـــــلافكم ذراني مرواح
وعلي بشوفت هلي يتعوض الراح
العجيبه حيه للأن ** وهلا بيكم يالحنان
***********
الخادم عبد الجليل المالكي
شكد عمرك - عـمري خيام موجره
زين أسمك - أسمي ضلوع مكسره
أنه مــواليد العــطش -- والميت بالـــيل أيـــدعــش
-----------------------------------------------
1= هــواياتي قــراءة مقــتـــل ومجلس ولطميه
وسفراتي أسافر مــــن حسينيه الحسينيه
قـراءاتي كتب عن زينب المشوها مسبيه
ودمعاتي جسر والكربله تعــــبرني يوميه
--------------------------------------------------------------
تفكيري -- بـركـــبه كـطعها حرمله
أيوديني -- للطف وشاهــــــد كربله
بفكاري يتعــده الرمح -- وأشتم عــــذابات وذبح
عمري خيام موجره
2= ونين أسمع مـن طفله رجلها بنار محتركه
بجي أشـبع ونشهك أنه وعيوني فرد شهكه
ولا أهـجع أدور عالضعن بس أثر ما ألكه
جرح أفزع أشم دم يابس وأهات عـالفركه
-----------------------------------------------------------
وأتمنى -- العــبد الله ألكالي أثر
وأشتمه -- وبجيلي العيونه نهر
بعيوني أفتح علكمي -- للكمر رايد أنــــتمي
عمري خيام موجره
***********
3= رحت فدوه مو هوه أنسحك ريت أنه بمجانه
ولا تســوه حياتي بلا خدمــــته سفن غركانه
صدك قسوه شمر يشرب الماي وسكنه عطشانه
أريــد أروه بواجي عالذبــــيح الراسه عالزانه
--------------------------------------------------------
ياويــلي -- والعطش ذبل مهجته
مذبوحي -- للزهره وصلت ونته
الله وأكبر مقــتــله ** كـــــدام عيني أتخيله
عمري خيام موجره
4= هضيمتنه جبيره وخيلهم تصهل على صدره
يدمعـــتنه أصعدي غـــيوم وتبدي على نحره
يالطمتــنه تره مذبوحـــــنه بنحره 12 طبره
مصيبتــنه من مات أبو الـــــيمه ماتت الكمره
-----------------------------------------------------------
عانينه -- ماهو كلام ويـنحجي
ونــينه -- يستاهل حسين البجي
نتذكر مصاب الطفل ** واحدنه جمره يشتعل
عمري خيام موجره
************
5= الدمع حصته أذا مانــــــبجي ألك يالمنذبح نعمه
يــماي أنته كل عطشان يروه من يكول أسمه
يستر أخته بقت بكلوبنه يابـــــو علي ندمه
ذبح شفته شكثر حاولنه بس مانـكدر نفهمه
-----------------------------------------------------------
دلينه -- يابو المواقف موقفك
خلينه -- كالساع كون نسولفك
يا أعز من كل الهوه ** يالصاير جروح ودوه
***********
الخادم عبد الجليل المالكي
زعل الهاشمي - صار بقاسمي - زعـلان شحلاته
حلوه مشـــيته - فارض هــيبته - عالكوم شعلاته
أبـني قــدم عمره ** بــيده لبن الزهره
----------------------------------------------------
1= حلاته درعه حلاها -- عـــبالك جنه سواها
يتلامع بياض الثوب -- لزم شـيلتي وباساها
بعلي الكرار حزمته -- بحرز الزهره عوذته
جني مودعه عيوني -- القاســـم يوم ودعته
عله درعه شكثر شديتله عـلوك
ششد بصدره يطـــلع حلو ويلوك
------------------------------------------------------
توديعه صعب -- الينضم بالكلب -- بوداعه ذبحني
أكـبر مشكله -- تعـطشه كـربله -- وبهجره تذبني
دمعه نزلت حمره ** بيده لبن الزهره
2= صدلي بعـــــينه وتلثم -- وباس حبال المخيم
سلميلي عله شموعي -- غيرت العرس بالـدم
يازفه وشفــت عمي -- محتار وصرخ دمي
ناديته أريـــــد وياك -- أموت ويــنذكر أسمي
من أشرلي بيده القاسم وراح
ردتها الكاع بس تدفني ورتاح
------------------------------------------------
دورت الهوه -- ماكــو بنينوه -- مخنوك بغــيابه
دعواتي دمع -- تلسع بالضلع -- عالغالي وشبابه
جنه ليلة كمره ** بيده لبن الزهره
**********
3= يابعــد العــــمر كله -- كلبي بهجرك أتـسله
ماتــقبلها من تروح -- أمك تصعد الــهزله
مو مالت حبل هالأيد -- ولا مالت طريق بعيد
بغيابك يماي العـين -- ماأدري الزمن شيريد
يكسرة ضهري من يكربلك الموت
تره الخيمه بعـــداك تصير تابوت
-----------------------------------------------
ياشبل الحسن -- وعيونك وطن -- يولـــيدي أليه
غيرك مـا ألي -- أحتار وعـلي -- بنار الغاضريه
منك أخر نضره ** بيده لبن الزهره
4= البواجي طيحن رمشي -- بالفركه أحترك كلشي
الخيمه وكلبي وعصابي -- ياجسام ويـــــن أمشي
الحبل كابلني والناكه -- وياي أتلاكـــت ملاكه
شتاني وأنت ما ترجع -- وأنه هواي مشـتاكه
حدر الخيل صارت أغله الضلوع
بجيت ومــــــاترده المات الدموع
------------------------------------------------
حلمي منذبح -- راس ع الرمح -- رفعوه يادلالي
يايمه العــمر -- محروك بجمر -- بعدك ماحلالي
كلبي يسعر جمره ** بيده لبن الزهره
5= يشيلك عمك وضهره -- محني وبالضلع جمره
يارمله البكه براسج -- جسام أنكـــــطع نحره
عماتك يجــن يمي -- أيعـــنــــني عله همي
وحده تصيح واويلاه -- وحده تصــــيح ياهضمي
أكعــد بيك وأحسب بيدي الجروح
أمك وين جاسم بعـــــدك تروح
-----------------------------------------------
أنه وعمتك -- نعدل نومتك -- يالنومك حلالك
أكعد يالولد -- يربات الورد -- فدوات الجمالك
كلبي سلم أمره ** بيده لبن الزهره
*************
الخادم عبد الجليل المالكي
ربي جنبني أن أتـرك الحسين
ربي وجعل لي بالتـعـزيه يقين
أنك تهدي من تشاء
أهــــدني ربي للبكاء
----------------------------------------------------------
1= عبدك المسكين كلبي أفطمه من الذنب عـيشه بغـرامه
يالتحب حسين سافــــر بروحي ردت سفره الخيامه
رافـــع الجفين مو نبي ومن العـطش رايد علامه
هسه مو بعدين خاطر أشعر ربي مقـبوله الخدامه
--------------------------------------------------------
ربـــنا أسكـــني فــي وادي الطفـــوف
رافــــعا قـــلبي يدعـــــــوك والكفوف
أنــــــــك أهلا للرجاء
أهدني ربـــــي للبكاء
2= سفرة الــدخان من تـسافــر للهوى يكضي عـمرها
لهفة العطشان حدها يم ماي الشرب يبرد جمرها
لاكن الصيوان مسافره بضلعي جـمرته ومـن سفرها
حاير وتعـبان بين روحي وزينب وضيعــة خدرها
-----------------------------------------------------
ربي أدخلــــني كضيــــف أبـــراهــيم
لا تــــــنم روحي كــــنومت الرقيم
قــد ذاب قـــلبي بالعزاء
أهـــــدني ربي للبكاء
***********
3= ياذنـوب الماي للــــنحر لو صلى ما يقــــبل صلاته
عطش السقاي طاح ضامي وللســــبي راحت خواته
ماأريد بــهاي أدخيله عــــبد الله وأنـشفها لهاته
أرد اضل وفاي وألطــــــم ألاخــــــر نـــــفس للمدللاته
-------------------------------------------------------
أعــطني قـلبا يـــــذوب بالخـــيام
يعشـــق الضامي علييه اللسلام
بحق أصحاب الكساء
أهـــــدني ربي للبكاء
4= قـــمة أيماني كافـــــر بدين الرمح دين الحوافـــر
حسين قرأني سوره سوره أترتــل جروحه المشاعر
بيده وجداني لازمه وذبــــني طلبـته بعــطش عاشر
حزني عدناني وين ماصار العــــزه لحسين حاضر
--------------------------------------------------------
صنع أيــديـــهم أنا لـــهم مطـــيع
وأنا منهــــــــم هيهات لا أضيع
بالعسر ذخرا والرخاء
أهدنـــي ربي للبكاء
**************
5= الدنيا دواره شدني شدت يوسف بيعــقوب أبيه
زود بــناره كلبي خل يصير جـــــــمره بالعزيه
أطلب بثاره مع المهدي الينتــقم من أل أميه
جندي بكتاره ربي وفقــني علي ترضه الزجيه
-------------------------------------------------------
أســــمع الأمر لن أبدي أعتراض
عندها الشر يكــــــــون بنقراض
والناس تنعم بالهناء
أهـــدني ربي للبكاء
****** الخادم عبد الجليل المالكي
تايـــب وتــــرجاك -- ودري ذنوبي كبار
خليني أبجي عليك -- غــير أنت الستار
من خدامك لا تـشطبني
وتعوف الدنيه تعــذبني
------------------------------------------------------------
1= وداعـتك يحسين أحبك - ولو ماماشي ع دربــك
لله سويها وأخـــذني - بشر سويـــني أعجبك
كلبك جبير ومــــايرد الـــداك بابــك
بجيني بس بجيت صدك كون المصابك
لدير وجهك مني ما أحمل غــــيابك
---------------------------------------------------------
ذب نار الخــيمات - بنص كلبي أترجاك
ماأريد أنه الناس - رايد أمــشي وياك
أعليك بزينب لا تطردني
وتعوف الدنــــــيه تعذبني
2= سيدي وماعـندي غيرك -- شدني بحـبالك أسـيرك
لا تعـــوف أيدي أضيعن -- ياجبير أنه زغـــيرك
مثـــل الكواغـد جايــــك شارد من النار
شغـلني خادم مجلسك مو شرط خطار
ياسيدي وطبع الجبير يـباري الأزغار
----------------------------------------------------------
أتــراجــف بردان -- غــــطيني بطرواك
حسين وأنه زغير -- نذروني العــــيناك
بوراقــك من ماتكتبني
وتعـوف الدنــيه تعذبني
3= بمجلسك فارش جروحي -- أمدنـــك ومستحيه روحي
بس أفـــكر لو رفضني -- يافــشلتي ونــــــار نوحي
ترجيـــتـك بزينب وزينب طبت الســـوك
سويني جن جدر الثواب عليك محروك
علمني أحـــن المجلسك جن حنت النوك
------------------------------------------------------------
أدبــني وما ريد -- لا دنيه ولا مــال
يالجبدك عطشان -- غـــير بيه الحال
غيرك مارايد يطربني
وتعوف الدنيه تعذبني
4= أيدي من تلزمها أيدك -- يعـني أصبح من عبيدك
أنه عبدك وأبن عبدك -- غايــتي أبجي الوريدك
هيه الحياة شبيها غيرك ياهوه وماي
ما أخاف من كلشي أذا حسيتـك وياي
خليني أكـنس مجلسك بعـيوني مولاي
-----------------------------------------------------------
ياخير المعـــبود -- وبابـــك مسكـــــين
ياروحي ودنـياي -- ما أعوفــك يحسين
وتـــوسلتــك لا ترفضني
وتعــــوف الدنيه تعذبني
5= لا حشاك تردني خايب -- وأنشمر بيد المصايب
حسيــن يالكلك محنه -- وأنه متعــــــنيك تايب
مـولاي أحلفك بالخدر وجفوف عباس
مـاترضه تــتشمت بحالي سيدي الناس
خليني أخدمك من صدك ياتاج عالراس
------------------------------------------------------
يالجرحك ماطاب -- يالغــــيرك ماريد
يحسين بلــــياك -- كلشي يضل ميفيد
ضايع بجفوفك رتبني
وتعوف الدنيه تعذبني
**************
عبد الجليل المالكي
بحجيك ملوحه ومسيطر وحدك عالنهر
العالي شيلوحه يالـــــعالي العباس الكمر
-------------------------------------------------
1= كلشي نعجب بالرايه ** الناس الفرات ومايه
والدنيا بـيده صارت ** يمشـــــيها صار برايه
يضاوي ويحبك الله يرب الشهامات
يراهي يــبو الشهامه وأديهم كصيرات
يكدها وعله زنودك تهفي السمـوات
---------------------------------------------
جابتك لبوه والنخوه طبعك حيدري
مابعت دينك وحسينك دومك تـشتري
*********
2= شايل نهر بمتونك ** أتعطش وله يعطشونك
عباس وأنت عباس ** مــــاكدروا يــــــصدونك
عليك عتماده حيدر يساقي ويمملوح
يهاشم تحبك أنت وبالـعيله ممدوح
يقادر تردها روحه للضل بلا روح
---------------------------------------------
يسلم حساسك وأنفاسك سبع الكنطره
مثلك بعزمك وبطولك ماجابـت مره
3= وجهك حلو شحلاته ** وعــد زينب شغلاته
جنك كطن يالعـباس ** أبـــيض ستر خواته
بمشيتــك يــبو الكلافه تـــتملح الكاع
يضاحك أذا تــغـــــيم يمبجي الأسباع
ينشمي وشكو كلافه تكـــــضيها أبساع
----------------------------------------------
تتنومس بسيفك وبكيفك صاكرها الزلم
أتطشرهم برايك وبرايك يالكافل تـــلم
***********
4= الضامي من تشربه ** تصفيها دكت كلبه
يموته العطش ولكن ** يرجع عدل من ربه
يكاشخ عله الشريعه وتتمشه مرتاح
يغاضب أذا تخزره حيد الــزلم طاح
يصدرك فتح مضيفه وخطاره أرماح
--------------------------------------------
يالكاشخ بطولك لو طولك من توكف كشخ
من تلمح الزلمه يتراجف مشراده وصرخ
5= بالطف أديك شسوت ** من السطر ما ملت
وكت الهجوم الكاسح ** فارس عدل ما خلت
يتارس بطن جهنم من روس الأنذال
تكلك هل أكتفينه وتــكلها لا زال
يعاشت يمينك أنته وتعيش الأشمال
---------------------------------------------
ياسيدي القائد يالـواحد ما مثلك علم
بس غيرته ساريته ويرفرف فوكاها القمم
************
الخادم عبد الجليل المالكي
أنه مجنون العباس ** لنه مابي كل لوله
كلبي هوس للسـقاي ** يالله وياه هوسوله
عباس عباس - يابعد أهلنه
عباس عباس - كلك محنه
*************
1= أوصفــك بيش وصفك يفحط
أنت أبو الراي وأنت التخطط
كلبي جالطير بــــزرعك يلكط
فـــلاحك وأنت الـــملاج
رتبت جلماتي وأدري أنت ذواق
وللكلام المالح يالساقــــي تشتاق
شوكي ألك يالكافل من كـد العراق
--------------------------------------------
الله سبـــحانه الخلاق -- خله بسمك كل حلوه
فدوه أروحن للوكفات -- يابو وكفات التسوه
عباس عباس يابعد أهلنه
عباس عباس كلك محنه
2= أسمك حروف بكلبي محفوره
حدر الضلوع وكلهن حروره
الكهوه تمتاز بطـعم المروره
يـمحلي بوكــفاته الماي
طعـــم من حروفـــك يتـــدايــن الهيل
ياكمـــــرنه الضاوي ومحلي كل ليل
والله من تصعدها تــتــــنومس الخيل
--------------------------------------------------
روحي بيدك ياعباس ** والله ماخــاف أعليها
غيره لو طلبت أدريك ** ياخو زينب تـنطيها
عباس عباس يابعد أهلنه
عباس عباس كلك محــنه
3= كوكـــب الماي أنت ياكـــوكب
أسمك أنهار والعــطش يشرب
كالوا أعليك سيف المـجرب
ياسيف أيكربك ياسيف
أشهد أنــك عالي وبقــــــــــــــدره الله
شما درتها عــيوني شو وجهك ألكاه
من عــــــشك ومروه ألنه الله سواه
---------------------------------------------------
الله لحسيــــنك سواك ** أنت تـــكدر تـكلبها
أنت واحد بس بجيش ** الدنيه جودك شربها
عباس عباس يابعد أهلنه
عباس عباس كلك محنه
4= منـــك الماي ياكمر يــخــجل
يابس الــــــريج ومنك أتبلل
جبته مكيود كلشي ما يـندل
للخيمه وكتله أحنه هناه
كـــل نهر بالدنــــــيا يشهدلك أبــــهاي
جفـــك المديــــته حط قـيمه للماي
العــــلكمي من حـــــــقه يكلك يمولاي
---------------------------------------------------
هلا باليضحكله الماي * هلا بالفارض رايه
تسلم أيدك يالعـباس * أنت شيال الرايه
عباس عباس يابعد أهلنه
عباس عباس كلك محنه
5= وكع يمناك بس وكع يـضحك
ودنك الماي يم نهر جــرحك
كلشي ننساه بس يضل صبحك
أمن نصلي نذكرك عباس
أبنص نعمتـــــك نــفــــرش مولانه وانام
بكل ضمير نشوفــــــــــك ناصبلك أخيام
أنت لـــــــــو ما بيها مو حلوه الأيام
--------------------------------------------------
علي ثاني وحبيناك ** علي ياعباس أنته
منك أتعلمنه هواي ** هلا ياكـــفال أخته
عباس عباس يابعد أهلنه
عباس عباس كلك محنه
*************
عبد الجليل
أشكــبراك وراح لونك
أشرجعاك بلا عـيونك
رحـــت شاب وشيـــــبوك ** خويه بس لا مات أخوك
----------------------------------------------------
1= حجيلي ياباجي الحبايب - شصارلك يحسين ذايب -- منين هذا الشيب أجاك
شنهي المذبـل خضارك - بالصدر محــبوسه نارك -- يبس شفاهــك ضماك
غير الماي شنهي الكاسرك كلي
حيلك ويـــن أشو مابيك توصلي
كلشي ولا خبر عـــباس ميتـلي
----------------------------------------------
شضل وراك وتحجي كوه
صعبه حــيل الفــركه بلوه
وداعت الزهـــــره وأبوك ** خويه بس لا مات أخوك
2= أدري خويه النهر يروي -- ليش راجع مـنه مجوي -- منك شــباك الفرات
الكاصــده ضامي يشربه -- مو يهضمه ويجوي كلبه -- ويدفن بجرفه الحياة
أشو كالساع أشوفك أيدك تشمها
شعندك مـــن خبر زينبك علمها
أخاف جروح أخونه بيمنتـك دمها
-----------------------------------------------
قـلـقـه حيل وطار كلبي
وبالعـروك الحزن يدبي
حيــــره خافــــن حيروك ** خويه بس لا مات أخوك
*************
3= أيبين الميت عضيده -- من مشيته وحطت أيده -- فــوك خاصرته ويصيح
أخ يابـــويه أنهبنه -- يشبك أخته ويـشبك أبنه -- أيدك ع راسه ويــطيح
يبجي وياليـــــشوفه يجابله من أهله
ودمعــــاته تــــجاوب كلمن يسأله
راح حزام ضهري وتجـــوتي يكله
---------------------------------------------
أنفاسه نار ويمشي حاير
شمع ذاب كلــيبه صاير
فــــــــوك جرحك جملوك ** خويه بس لا مات أخوك
4= أنه جم عباس عندي -- من يروح الضيم يبدي -- وأنت عندك جم عضيد
جم شمر ناطر ذبحتك -- ياغـــربتي ويا غربتك -- بيـــــــش يطلبنه يزيد
أيتفرهد خدري خويه المحد يلوحه
وجم شامت كبالي أيعــدل بروحه
يريت الضل غريب ندفن بجروحه
-----------------------------------------
ما يشوف الراحو أهله
بس حبال ونوك هـزله
عـــمت عــــيني عــذبوك ** خويه بس لا مات أخوك
************
5= شيبت أدري ع موده -- شلون كطعوهن زنوده -- والسهم طفاله عين
ماي ماضـــل بجربته -- مو تشربه تشمه أخته -- وأنه أعرفــنه حنين
بوحده لو بديك أثــنين ضميته
جروحه هواي أخونه خاف أذيته
شلون أنطاك كلبك وحده خليته
-----------------------------------------
بالعــمود أنجسم راسه
من وراه تضــيع ناسه
ماي خوه عـــــطشوك ** خويه بس لا مات أخوك
***** الخادم عبد الجليل المالكي
