مشونه عـد زينب نهوس هوسه
خيمــتج يابت علي محروسه
*********
1= بسرعه حضرو أرواحكم عدنه أجتماع
ويه الحياة الــــــــيوم خنفض النزاع
أباب خيمــــتهه نكف وكـــفة شــــجاع
زينب تأمريــــن كـــــولي أمرج مطاع
** أتراب الدوسينه نهـــــــوه نبوسه
********
2= الــــباب خيمتهه نجي بكـــل أحترام
مثل ما فــوك الغصن يهوه الحمام
أنصف عددنه وبالسره نوكف نضام
قبل زينب كون مــــا نـبدي بكلام
** هــــــاي خطتنه صدك مدروسه
******
3= كون من نوصل خـــــيمهه مدنكين
وياهـــا نتكلـــم فقط بــــس كلمتين
أحـــنا خـــــدامج وخــدام الحسين
شكبره حضنه كــــــون بينه توافقين
** أطمني العسكر نـــبتر روسه
******
4= ياحبـــيب أتقـــــدم أول فـــــارس
وخل وراك أيصـير جون وعابس
بيـــنه محد عالحــرب ما دارس
للحرب مـن نمشي نمشي بـواهس
** الحومه بجدام الزلــــم مديوسه
******
5= مسحي دمعاتج يمـن عـــــندج رجال
يلي محد شايــــــــــف الطولج خيال
من أجينه المــــــــوت صحناله تعال
أهــــــل جلمه وما نغـــــيرهه محال
** علي أمدرسنه وحفضنه دروسه
*******
6= صوت زينب نسمعه خلف الحجاب
هاي أكبر مفخره تـــنول الصحاب
نقسم بدم حــــــــيدره قالع الباب
أنحور عـــــدوانج نسويهه تراب
** كلمن أيحضر فقـــــاره وقوسه
*********
خادم العتره الطاهره عبد الجليل المالكي
https://youtu.be/8FEl5p92iK0?si=C_KiQn1bSqEUhTp7
Читать полностью…
كون أولادي ألف وتسع ميه ** مثـل جـروحك البل غاضريه
-------------------------------------------------------------
1= أعذرني أرجوك يبني حسين نـطيتـك أربعه مقــصره
عــــيوني هـــواي فشلانات زحمه من أمك الــزهره
ريت وكـــــون بس الكون محد شافــــها مخضره
عــــــــندي أولاد كـون ألاف موش أربعه ولا عشره
أحزمهم ألك بـثـنين أديه مثل جروحك البل غاضريه
************
2= يبني حسين أنته هواي وأنه وبــــزرتي شــويه
هجرك نار بالـــــــدلال مايـــــــــــرحم تـره بيه
شكد تانيت يـم الباب وأدري ماتــــــصح جيه
والزهراء كــــل دنياي بعدك عـــــندي مكضيه
* حزني بغيبتك راهم عليه مثل جروحك البل غاضريه
3= شكد خطيت بل جلمات بــس ماتـــت رسالاتي
شجم مكتوب ضل وياي وأتـبــلل بدمــــــــــعاتي
كل مصباح كل غــروب تــحدي بروحي مأساتي
من فـــركاك سابع جار ضــــــل يسمعها وناتي
ما أنساك طبعي أنه أبدويه مثل جروحك البل غاضريه
***********
4= فوك تراب أرسم ماي بـــس الــماي مـتـبدي
والدمعات تـــــنزل نار وتــشـوبـــــش ع خدي
كلبي وياك وأنت بعـيد بالطف ناصرك جـــندي
قسمه وهـــيج ربك راد كاتــــبلي أضل وحدي
* لا ما ينحمل ضيم العليه مثل جروحك البل غاضريه
*************
5= ردت هــناك أشبع شوك وأعـطش مثــل زينبكم
بثوبي النار وأسحك نار ويـــن أهلي وأحشمكم
عالناكات بيدي أحـــبال مجــــتـــوفه وأودعــكم
معــذورين يالطـــــيبـين وأمشي ومــــا أعاتبكم
* وي زينب علي أطلع سبيه مثل جروحك البل غاضريه
** الخادم عبد الجليل المالكي
ياقــابل الحر تايب أقبلني -- وبرحمتــــك ياسيدي شملني
حسين وخدمتك أفضل عمالي
---------------------------
1= حنانك غــــاية الله والفــكد مثلك ** تـلزمه الـــنار من أيده وعلي ويهلك
أريدن كـون وأنه مغــمض أندلك ** وأكضي سنين عمري بنوح من أجلك
---------------------------------------------------------------------
رايد عــيوني تبجي يوميه ** والله البواجي أعليك زينيه
للغالي كالو يــرخص الغالي
حسين وخدمتك أفضل عمالي
************
2= أريد بسيرتي الذاتيه بس أنته ** عــبد وأسمي الربـاعي وياك سجلته
أذا أحلم وغـيرك بالحلم شفته ** الحلم مرفوض تـلكه عيوني طاردته
--------------------------------------------------------------------
ماريد غيرك يدخل عيوني ** شكد حلوه مجنونك يسموني
دلالي لو بي أنته لو خـــــالي
حسين وخدمتك أفضل عـمالي
3= حقيقي أنته أشوفك والعطش جذبه ** كل ضامي يجي ومن مايك تشربه
يا أسرع ســفينه أنته شكبر كلبه ** والترضه عليه يـــرضه عليه ربه
--------------------------------------------------------------------
أدخل يعبدي الجنتي يكله ** قصرك العالي هناك تندله
يالعالي حبك ربــــــك العالي
حسين وخدمتك أفضل عمالي
************
4= عتبرني شنهي اليعجبك حرف نقطه ** بذبحك روحي ماطلعت صدك غلطه
يالمروي الــــبشر كلها بعسل شطه ** أخذني بدفوا عطفك رايد أتـغطه
----------------------------------------------------------------------
يارحمة الله الواسعه دخيلك ** خليني نايم صاحي أبجيلك
ماعندي غـــيرك عاين الحالي
حسين وخدمتك أفـضل عمالي
***********
5= يرزق المعتلي خير البدي خيرك ** بشر مسكين أنه وما ألي غيرك
أشكرك بيش والله هواي تقديرك ** يعــش العافيه الراحم كلب طيرك
----------------------------------------------------------------------
علمني أسلم لله تسليمك ** قيمني حيل أحتاج تقيــيمك
ماريد غــــيرك يدخل أبالي
حسين وخدمتك أفضل عمالي
6= أيابي يصير يمك باجر دخيلك ** وحسابي هــم عليك وأنه أبجيلك
وين أمشي حبيبي غـير أمشيلك ** أخافن من جهنم وأركض أشكيلك
------------------------------------------------------------------
أشفعلي يالشافع ذنب فطرس ** يامن ضواك يرجف الهندس
متعلقه بسمك كــــلها أمالي
حسين وخدمتك أفضل عمالي
***********
الخادم عبد الجليل المالكي
https://youtu.be/rG8fYoIbDzs?si=UG9BILpwfeWRJ2Rv
Читать полностью…
نشكر الغالي على رحمته -- السنه خلانه حدر خيمته
-------------------------------------------------------------
1= لــو تجاره - مو خساره - دمعي الجروح الغريب
هاي رحمه - مـن ألجمه - جرحي بخــيامه يطيب
دمعه التــصب بيها أمتيازي
وبخدمة الضامي أعـــتزازي
من وكفــــته نص ما أجازي
-------
روح هادينه فخر خدمته -- السنه خلانه حدر خيمته
************
2= حسين لمنه - جرحه همنه - وأحنه ماعدنه سواه
حزمتــــــنه - وعلمــــــتنه - فاطمه نـــمشي وراه
للخدمه مــــن يوم أنتمينه
أم الحسن لزمـت أدينه
أتحـب الحـزن أم وحزينه
---- دمعة المشتاك طب المهجته -- السنه خلانه حدر خيمته
3= أحنه بيده - ومــــانريده - الـــمايريد أبن الرسول
ونـــتوسل - يرضه عـنه - أهم شي عـــدنه القبول
بنص الضمه يروينه مايه
يجــروح أبو الأكبر سقايه
عـدنه الخيم محسوبه أيه
-----
بخت عدها هالكلوب الحبته -- السنه خلانه حدر خيمته
************
4= شكد لذيذه - شكد عزيزه - الدمعه بالمجلس تطيح
الـما بجاله - يشوف حاله - باجر أعلـــيمن يصيح
كــله ألك مديــــــــت أديه
دير النـــضر يحسين أليه
ماعندي غـــير أنته تجيه
-----
أيحب اليواسي وتصب دمعته -- السنه خلانه حدر خيمته
5= الدنيه ضلمه - حسين شمعه - أفتح عــيونك تشوف
كلشي يكضي - مـــــن تحلفه - أعليك مولاي الجفوف
لمحت بصر تخلص قضيتك
سافر أله ودمعـــك هويتك
بس كله يامـــــولاي أجيتك
------
تنسمع الحسين باجر جلمته -- السنه خلانه حدر خيمته
***********
عبد الجليل المالكي
أستعـــدوا يالموالــين -- أجانه شهر الحسين
فوك الراس والعين
بمحرم ياهـــلاوين
-----------------------------------------------------------------
1= هلا بخطار الكلوب - هلا بالحيل محبوب - رحبنه بقدومه
هلا بالـياخذ الناس - لحسين ولعـــباس - ويعـيشنه يومه
حرام نجان عــنك نجــفـــي ساعه
أنحبك يامحرم عـــن قـــــــناعه
عليك الأمر وأحـــنه علينه طاعه
-----------
يبو أيام العزيزات -- ألك عـلكــــنه رايات
يعنوان العناوين
بمحرم ياهـلاوين
2= بحزن حضرنه الدموع - وشتاكــتله الضلوع - بالمجلس لطمنه
جاهز دمع العــــــيون - المواساة المتــــون - للحره نهضـــمنه
عــمرنه لبت علي من يـتـفرهــد
قـلـيل بحقها لن تستاهل أزود
عـشكناها عــــــشك ممنوع يبرد
-------
جبيره صعـدت النوك -- لم الخدر متـــلوك
بدربك كلنه ماشين
بمحرم ياهـــــلاوين
***********
3= حب حسين أيات - وباقي الحب خرافات - مانهوه بديله
غالي ومن نعزيه - نــــدري ما نجازيه - وبحــقه قليله
بالمـــــيزان لــــو خلــــينه دمه
دموع الناس شــــيوصلها يمه
فدوه نروحله مشرفـــــنه أسمه
------
مات وماشرب ماي -- شيوصلنه يم هاي
صعبه نوفي هالدين -- بــــمحرم ياهلاوين
4= بغيره سنينه عجاف - تصير كلوبنه نضاف - بدمعتنه لجروحه
راس الخيط ذكـــراه - نضيعه كون ننساه - ونــضل مانلوحه
غـير حسين غالي شنهي عــدنه
مجالس شوكه عدتـنه وعددنه
فقـــره ونطلب أيده وماطردنه
----
من نبجيله نــرتاح -- ولكل كلــب مفتاح
بأسمه نضل مجانين
بمحرم ياهـــــلاويـن
5= كلشي البينه مشغول - عدنه الغالي مجتول - بجروحه شغلنه
الماتـــسلاه الكلوب - عليه كلوبنه تذوب - نفـــــديه بأهلنه
حسين العــين محد يــنسه عــــينه
لمنه بخــــيمته وروحه الحنينه
نموت وياه لـــو يحصل بدينه
------
قاءم حزنه للموت -- ومايـنكطع هالصوت
نداء من المعزين
بمحرم ياهلاوين
*********
عبد الجليل المالكي
ياعـــشرتــنه لتصيرين ذكره -- وتخلين فوك الكسره كسره
من يـروح أبني -- ياخيمه التـــلمــني
------------------------------------------------------------
1= حياتي بغير جسام - بـــعـد ما ألها داعي
أعـلن لمن يروح - وي الــــراحه وداعي
أهاجر مدري لا وين - وجـروحـــي مـــتاعي
وأدري بـــلا نهيات - يارحلة ضــــــــياعي
**
صار سنين تعبانه وأربي -- برمشة عين تالي يروح تعبي
أحب أبني ويحبني -- ياخيمه التـــــلمني
******************************************************
2= مثل كسرت الروجات - يكسرني بغــــــيابه
وأصير الشافني أنــعاه - جن شايـــف خرابه
أمشي العــــرس جسام - وألكاه ســـــــاد بابه
أرد للشــــــمع زعلان - ويجرحــــــني بعتابه
**
للخيمه أفوت بعيني وحشه -- مادك الكلب مكطوع هرشه
بغــــيابه لجمني -- ياخيمه التــــلمني
3= حــــياة الواده تموت - من يموت أبــــــنها
ويترس راسها الشيب - بس يفرغ حضـــنها
حيه ولجــن تنشاف - مثــــــل الميته جنها
كلبها مثل الطـــــــيور - الضاعت مـن وطنها
**
الحاسبته يباريها بكبرها -- يكسره بغيبته بالنص ضهرها
جاسم راح مني – ياخيمه التـــــلمني
****************************************************
4= سوالف أمه جسام - حافضها على كلبه
يدري الفـــركه جتال - يدري الغــربه صعبه
الراحت منه العيون - بيش يشــــوف دربه
وأنه بعــازة وراح - ذبني أبـــــين غربه
**
باجر بالحبل تنشد أديها -- رمله وتنسبي ورايح وليها
بغيابه هـضمني -- ياخيمه التــــلمني
5= عطشانه عطش كاع - ومـــــامرتها كطره
توجع عـــشرة سنين - مــــن أتصير ذكره
بضهري فــراك جسام - كـاسر ألف كسره
مــــن ناداني الحسين - يختي أنــطاج عمره
****
سنين الجايه أكضيها نعاوي -- هيه بغير جسام شتساوي
بيد الحزن ذبني -- ياخيمه التــــلمني
***************************************************
عبد الجليل المالكي
كعــدت بخيمتي - أقـره الـــــرسايل
يامسلــم لكيتك - هـــيجي كـــــايل
رجه منك أريده - بأمانـــتكم حميده
----------------------------------------------------------
1= بنادم ساعة المغــرب - أيـتــذكرهم أعـز ناسه
وتخنك روحه ذكراهم - وكـــــوه تطلع أنفاسه
شـــيضمه مــــا يـــنضم الفــراك
من عـــيوني أبيـــن ألك مشتاك
حــراك شوك الـــــــغالي حراك
****
جلماتك تــمر -- تــلجم عـــيوني
مــو زين أنه -- لو تسأل شلوني
لا تـبجي الوحيده -- بأمانـــتكم حميده
2= تـــذكر من توادعـــنه - وحضنـتــك حيل لـيلتها
زلم ودموعـنه مبينات - وصعبه أعـلينه ضمتها
جانــت جروحك ضيمهن جاي
ودمعة حميده أتلاكت وياي
ماحجت بس تــــنوح بهداي
****
نومــــتها عله - صدرك عودتها
صارت عــود - يـوم الفاركتها
من عيني بعيده -- بأمانـــــتكم حميده
3= قريت وأشعر بروحك - وجنك كاعــد أبصفي
يـبن عمي أحس أيدك - جن نزلــت ع جتفي
جــــنها حلم مـــــادكت الباب
مثل اليرد من بعد الغــــــياب
أكعــــدنه يمسلم كعـدة أحباب
***
بهاي اللحضه - لن الصوت أسمعه
تدعـــي أبنيتك - ياربي رجــــــــعه
أنه بديره بعـيده - بأمانــــتكم حميده
4= الرساله تصير مثل الموت - مـن يغـــيب صاحـــبها
وجلمات التـــــنزل دموع - أبسـاعـة شوك كاتبها
كعدت حميده أبصفي وتريد
هلبت خبر عـــنك يالبعيد
تــــــبجي ولزمنه الأيد بالأيد
****
سألتني سؤال - وحـــــــــيراني
ليـــــش وياه - الوالد ماخذاني
وكعت جنها صيده -- بأمانـــــتكم حميده
5= بالخطوه أعـثرت مرتين - والخيمه ألزمت ثوبي
الحميده ماتـــرد حسيت - ولا شـوفك يمحبوبي
أول خساره مــــن الخسارات
صحت بحميده والـــدج مات
فـــــيضنه كاع الخيمه دمعات
****
شبكتني اليتيمه - ومات صوتي
موتك ياعزيزي - صـــار موتي
كلامك صرت أعيده - بأمنتكم حمــــــــيده
**********************************************
عبد الجليل المالكي
ألى العايش بخيره -- وخلاني أجـــــــــيره
رجاء خلــني وياك -- ألى الحضه الأخــــيره
------------------------------------------------------
1= أنه يحسين عبدك وأبن عبدك
الكيت الصدك بس موجود عندك
زغير أنه أعترف موش ع كدك
بس أرضه عليه بــــروح جدك
****
العـبد يترجه مولاه -- يضل بالخدمه وياه
بحريته يحس دوم -- أذا بجفــوفه غطاه
********************************************
2= أنام وجرحك ينادي أفتح العين
أيسهر للصبح حـــزنك يالحسين
رحلت بخدمـــــتك رحلت مجانين
وصبحـــنه أنه وضميري عابسيين
*
أذا بالساني أشكرك -- قـليل وعالي قدرك
فضل مــنك يمولاي -- يالمخلـــيني أذكرك
3= تركـت الناس عني شما يكولون
أقـتـنعت أوياك أكبر نعمه الجنون
أذا أنته علي والـــزهـره ترضون
أطب للجـنه قـــــــبل أللي يطبون
*
رضاكم مــن رضا الله -- وجودك رحمه خلاه
الدليل أسمك يالحسين -- بساق الــعرش خطاه
********************************************
4= أذا لحضات أعــــوفك دنيـتي أدور
وأحس بروحي صارت كهف مهجور
يبو صدر الحدر خــــــياله مشمور
أذا جن بيك عقلي العقـــــــل مجبور
*
نــــحرك صار قرأن -- حرر روح الأنسان
غيرك ماكو عطشان -- صار يروي عطشان
5= ألف مـــــره ردت أفهم شعوري
الضواك مـــــن أقترب ينتهي دوري
أعترف مولاي عن عجزي وقصوري
نقـــــــــطه أبحر كدامك حضوري
**
فوك البشر أنته -- بيك الوصف عــفته
حبك سر الأسرار -- سر ومـــــا عرفته
***********************************************
عبد الجليل المالكي
زغرت الدنيه بعيني -- يبني علي حاجيني
مفتاح كلبي عيونك -- لا تمشي وتخلــيني
--------------------------------------------------------
1= أيخضر لـــو رحت شيب بالحيتي
السلامه تعــوفــني وتــكرب منيتي
أبو المذبوح أصيرن مو أبو الأكبر
أتغـــــــير حالـتي وطبعي ومشيتي
****
يامايـــي لا تــــتبده -- جرح الهجر شيشده
يوليدي شـــوف الوالد -- صوبين وكــفت ضده
**********************************************
2= جروحك ماخذه عــــــيوني سبايه
أول مره أبوك أيحـــــــير رايه
أضل أوياك أرد الخــــــيام أهلنه
تراني مـــــــن أهلي ماضلت بكايه
*
تطشرت أكعـــد لمني - ماضل نفس اليردني
أنطيني جلمه الزينب - أنطيها مــــن تنشدني
3= الروح الينوخـــــذ مــنها عــــــشكها
من تموت يبــــــــــني أنطيها حكها
غــــــــيابك ياخذ من حسين كلشي
مثل نخله أنحنــــت ونكص عــثكها
****
شيجرع غيابك حنضل - أرحم أبو يتوسل
من مـــاأشوف عيونك - ماأرد مثـــــل الأول
**********************************************
4= العذاب الشافه أبوكم مو شويه
الألي الطف ماخـــذه الموش أليه
أخوتي وخــيمتي ونصاري الاثكال
وباجر خــــــــــيلهم تركض عليه
****
ماضل لبوكم غالي -- ضهري يالأكبر خالي
بس الصور بعيوني -- ضلت تعـــــذب حالي
5= يــــبويه الــــوالده المجتـــول أبنها
تـشمه بحلــــكه بي ريحت لبنها
أباب الخيمه مو بالخـــــيمه كعدت
شكل الأمك كـــــــضه أمك حزنها
*
ياعــذر راح تصدكه -- أم وحــــرك محتركه
أم وكلـــبها يدري -- ينفــــطر باجر حكه
***********************************************
عبد الجليل المالكي
ضميت جفوفي - من كالــو طاح
باجر بغـــــيابه - تــتـكــيـد راح
شفت الخيمات - نزفت جمرات -- من كالو طاح
**************************************************
1= ربينه أخوان واحد عــــــاشك الـثاني
صرت شريان كلبه أوهــوه شرياني
من أريد أرتاح أنومه أبـين ذرعاني
مثل طعم العــسل أسمه على أللساني
****
خـلاني بـكـلــبه - من وحنه زغار
من أطلب روحه - يجاوبني أبصار
تالي الجلــــمات - نزفـــت جـمرات -- من كالوا طاح
2= مشه ويبست مــحاجي التوهــن أيخضرن
وعاف أغــيوم سوده وعالخـــيم مطرن
أشيداوي ضلــوع ضهري الكلهن أنكسرن
أبخ جمــــرات كلبي بفــكـــده وأيسعرن
****
باجر عالناكه - الخدرها تروح
محــد يسمها - وحدها تـنوح
البيد الشمات - نـــزفت جمرات -- من كالو طاح
*************************************************
3= مثـل نجمة سمه من أمـشي يدليني
من أسولف من معـــزتي يباوع بعيني
مشه وجمرة هجر فـــرها بشراييني
سنابل يابسه وكطفــــوهـــــن أسنيني
****
لــو أدور الدنيا -- لو أدور الناس
أتعب ما أحصل -- مثل العــــــباس
بعيني الدمعات -- تــــــنزف جمرات -- من كالو طاح
4= مــشت مـــن راح راحـــت جلـــمة الأختي
وأجتـني أركاض جلمة يالســــــبـيه أنتي
بلا عــــــــباس ياروحي صحت صرتي
بـــعـد شيفــيد صحتي ولـــه ما صحتي
****
حضريها جفوفج - باجر يردون
جفــــــين أرقيه - بــيها يشدون
بصدري الأهات - نزفت جمرات -- من كالو طاح
**************************************************
5= غـــدا تمشــين زيــنب بــس بــلا رايه
وتسمعــــــين ألـــــــف حجايه وحجايه
اللــــيالي الجاياتج ضــــيم وســــــبايه
ومهضــــــــوم المشه والراي مو رايه
****
تاخذ نص حيلج - طبت الديوان
تشوفــين بعينج - روس الخـوان
ذيـــــج الوكفات - تنزف جمرات -- من كالو طاح
************ عبد الجليل المالكي
1= من كبر الماي شويه الهواي اعذرونه انتهت من راح ابونه
مدد مدد - مدي علي يافاطمه
علي علي - علي نزل للـملحمه
---------------------------------------------------
1= كالمسبحه سوه الزلم ويفرهم بصبعه
والشال راسه بكربله بـلا منحر يرجعه
من يخزر الفارس شرد لا بد وره ربعه
بس أيتقدم بالحرب مايعــــرف الرجعه
-----
شهم شهم - ضربات سيفه حاسمه
علي علي - علي نــــزل للملحمه
**********************************
2= نــــصرا من الله نزل وأعلن فــــتوحاته
من العزيز المقــتـدر يقــــــــراها أياته
شاب ويفكر بالعـــــطش المأذي عماته
طيب أبن طيب علي قــــــــــدسيه ترباته
-----
علم علم - رفرف وحيته السمه
علي علي - علي نـزل للملحمه
3= ضل يطحن بروس العده جن يطحن بكهوه
نادته من حدر الخــــــــيم زينب علي تكوه
ناداها بــشري أنـه علي وهاي الحرب لكوه
كلما تعبت من الطعــــــــن أرجع بعد أكوه
-----
هلا هلا -- بزودك يحماي الحمه
علي علي -- علــي نزل للملحمه
******************************************
4= وكف العسكر تك رجل ما رعـبته الكثره
10 يوكفهم سره ويدفـــــعهم بصدره
و 10 اليشلــون الرمح يعميهم بصطره
والشال خشمه بكربله كــــول أنحفر كبره
-----
عدد عدد - طاحو بضربة صارمه
علي علي - علـــي نزل للملحمه
5= الحسين أبو الأكبر وكـــف خايف ع وليده
صاح أمه أدعي بالعجل دعـوه العلي تفيده
يابس أللسانه من الضمه والمعـــركه بعيده
راح وبعد ساعـــــــه رجع مسشهد بأيده
----
دمه دمه - بجفوف الحسين الدمه
علي علي - علـــي نزل للملحمه
***************************************
عبد الجليل المالكي
من توادعنه -- شكد طولنه
راح أحجيلج -- خويه شكلنه
ماتدرين الغالي شكلي -- لو ميت وياه أحسلي
---------------------------------------------------------
1= بفاتحتي رحت أقره ركض - ونعــشي دمعـتي أتشيله
وأكسرت خاطر دمعـــتي - سمعـــتني أخوي أشكيله
بحلوك شـــــماتي طحت - وبالغــــربه صعبه العيله
يالفرهــــــدك مني النهر - هـــــــجرك علي شد حيله
*
أكعــــد لــمني - من جف حزني
مضيعك وأبجي - يمضـــــــــيعني
مايكدر يحجي وأشرلي - لو ميت وياه أحسلي
2= قربت أذاني للــثغــــر - مقــــــصودي أخذ رايه
لا كتـني عينه البل سهم - ما أشوفـــــــها أمغطايه
حاول يحاجــــيني الكمر - والدم خــــــنك الحجايه
ماكال لا كــني أفهمت - زينب بــــــدون أحمايه
**
عيوني يمطرن - جروحي يسعرن
بس أصـــوره - كــــــبالي أيمرن
ضايع ماكو ناس أدلي - لو ميت وياه أحسلي
*****************************************************
3= شميت صدره وأرجفت - راح الصدر اليضمني
ماباقـــــيه ذكرى أللي - من هالضــــــياع تلمني
ياسهم أيـــدي أتحركه - أيلجمه وأحــس يلجمني
شميته وأمنــــــيتي يرد - عــــباس أخوي يشمني
**
دمعة عيني - تصب تجويني
ميت كتــــله - رد أحييــــيني
رايح الحسينك شمخلي - لو ميت وياه أحسلي
4= بيبان صبري أتخلخلن - وجفني عبرتي أتخنكه
مرتــــين أدور كربله - ومثـــل الكمر ما ألكه
يشرد من وداعه الكلب - يرجــــع وداعه يلحكه
حسيت راسي عـالرمح - من شـــهك أخر شهكه
*
أبين أحضاني -- مــــات وأني
جلـــمة خويه -- أتكـض أللساني
تابوت أغيابه أمفصلي -- لو ميت وياه أحسلي
**************************************************
5= رديت ميت عالخيم - حــزني البعــيد أيسمعه
مابيه شي ما منهدم - محـــــترك خيط بشمعه
حماي خيمتــنه مشه - جيبي الفواطم تـــــــنعه
عــباس يازينب وكع - عالشاطي هـــــوه ودرعه
*
ساعه أتطشر -- ساعه أتكسر
الموت بنحري -- ضل يتعــــثر
منتضرين الوادم جتلي -- لو ميت وياه أحسلي
********* عبد الجليل المالكي
عـالشاطي سن قانونه -- وحــــذرهم يرفــــضونه
واكف - ياطوله شحلاته
يرسم - بالطف خارطاته
-----------------------------------------------------
1= فارس من ضهر فارس - واهــس ماخــذه الواهس
هـــزمهم - كــــسرهم - سواهم نهــــــــر يابس
مـــــاضل راس ما دنك - جن ضغـطت كـــبر تخنك
نـــضرته - خـــــزرته - الهوه بصــــــدورهم تـنك
ما زلمه نطــــــق كلمه - جــــن مـــا جابته أمه
تــكـــــبع - تـــــبركع - يـــــــتراجف نسه أسمه
***
ذا مرعب الخياله - بطن أمه كوه شاله
رافع - منسوب أمنياته
يرسم - بالطف خــارطاته
2= وراء الخارطه يشمره - الجندي الماسمع أمره
يلــــمحه - ينصحه - أذا مانفـــــذ أيسطره
نهرهم محبس أبصبعه - السبعه يـــذبها عالسبعه
اليسطره - يــــنضره - بخده الخــــمسه منطبعه
يكـطع راس اليلوحه - والباقي أبتــله بروحه
بـــشردته – برجفـــته - أيتـلفــت عينه مفتوحه
**
ماحاصوره حاصرهم -- ماي برمل طشرهم
فـــنه - اليكرب من مماته
يرسم - بالــطف خارطاته
3= من يوكف أمام حسين - كل هاي الصلابه تــلين
يـــجله - ويكـــــله - أمرني يـــــــنور العين
خـــــادم ألك لطفالك - وأنه تـــــنومس بجالك
عالبختك - بخدمــتك - كلشي تــــــريد يجرالك
سيفي هدهد أسلـيمان - كبل لا تــرمش النسوان
ثــــواني - تــــراني - أجيب الـــنهر للعطشان
**
خلها علي بسيطه -- راسم أنه الخريطه
خيمه - عباس الخواته
يرسم - بالطف خارطاته
4= زينب أخته اليحبها - الهوه مايرضه يكربها
أميره - وجبـــيره - أخــوها هواي عاجبها
زينب يابعـد عيني - أمر يالحره أمريني
يكلــــبي - أطلبي - ألـــج فدوات جفيني
ومعزة أمج الزهره - بخدمتج كافلــج عمره
عطشتي - تعــبتي - راح أفزع ألج مــطره
*
ماريد أشوف زنودي - لوما يشربج جودي
أنتي - العباس وفـراته
يرسم - بالطف خارطاته
5= زعل وهتـــزت الريشه - يضم وين الشمر جيشه
تطـــشر - تبعـــــثر - صاحو هـــاي مو عيشه
أذا قاتــــلنه يكضينه - أذا نــــــــنهزم يعمينه
عجيبه - غـــــريبه - منين أمســوي جفينه
زلمه وبألـــــف زلمه - الهزيمه منه مو زحمه
نشوفه - وجـــــفوفه - علي بايـــسها ومحزمه
***
كامت تطير أكباله - مثل الهوى الخياله
هزهم - بالــرايه وثباته
يرسم - بالطف خارطاته
********************************************
عبد الجليل المالكي
هـذا الحب - مايـقـبل طـرف ثالث
غــيرك ما - شـــفـته للنـبي وارث
سفـيرك وأنته بعـيوني ** شتريتـك خل يـبـيعـوني
هــــــــــــــــــذا الحب
-----------------------------------------------------------------
1= بــغـــربه ومـو غـــريب أنه أحس حالي
شلي بالــــناس دامــك عـــايــش أبالي
أكــبالك غالـــي أجيب يصـير مـو غـالي
خذت عـمري العمر هـم صار مو مالي
** بس أنـته - غـيرك ما يشبهونك
هـــــنياله - الشــايف جنة عيونك
أقبل لو يكطعوني -- شتريتك خل يبيعوني
هذا الحـــــــــــــــــب
2= حميده شكــد عـزيزه ومو أعــز مـنك
أبـتعـد عــنها أبوها وما بعــد عـنك
كلت عـني الـثـقه ما خاب أبد ضنك
تعـــيش بكربله وبــعـــــيوني أضمنك
** شما سولف - وأتــلفــــت تحاجيني
جن غــيمه - من أعطش تلا كيني
جفينك ع متوني ** شتريتك خل يبيعوني
هذا الحــــــــــــــب
*************
3= أحســـن بـيك أشـوفـــك مـن تـــدورني
تــديــر العــين بل خـــيمه أتصورني
تـكــلي بخـــير كل أحـــــنه وتبشرني
ونكعـــد روح يـــم روح وتـــحاورني
*** شخبارك - تسألــــني ع حالي
بالخــيمه - حيره مجانك الخالي
أهلك من يذكروني ** شتريتك خل يبيعوني
هذا الحـــــــــــــــــــــــب
4= أمـــسح راس بـنــتي بجــفـــك الـترفه
من أطيح وكلها مسلمنه الـثــــقه وفه
كلها ومـــانـــزل بــــتاره مـــــن جفه
كـلنه نــــموت لكــــن كلـــمــــن بطفه
*** بالوجنه - بــوس الغاليه أبدالي
والدمــعه - أمسحها سيدي الغالي
من تعطش يعطشوني ** شتريتك خل يبيوني
*************
5= أفــكـــر بـــيك يالـــذكرك يـــشد أزري
أحــبك ونــــــوجع بس جني ما أدري
صحت يحسين رغـــم أسهام البصدري
سلاما يابعـــد روحي وبعــــد عمري
*** بجروحي - وكلبي يـفرفح يريدك
شلت أيدي - وأشعر صافحت أيدك
بخدمتك لو يذبحوني ** شتريتك خل يبيعوني
هذا الحــــــــــــــــــب
************
الخادم عبد الجليل المالكي
https://youtu.be/7UaQhwOOe-Q?si=DlsKcQa_BOPivbGH
Читать полностью…
{ اجعلني تقيا }
الرادود : حسين المكصوصي
الشاعر : عبد الجليل المالكي
ـ موكب الإمام الـحــجــة _ بغداد _ قضاء الحسينية
تنفيذ
#شركة_٣١٣_للانتاج_الحسيني
رابط القصيدة كاملة على منصة اليوتيوب:
https://youtu.be/SxZlkhOWmzI?si=j1vEpD9CiZMObvLe
ماعــندي صاحب غير الحسين ** من أسمع أسمه تهمل العين
---------------------------------------------------------------
1= أخــــدم ع الله تـــوكلت شيهمني عـــني شكالو
ناس الكبلهم سولفـــــوا شي مني أبد مانالــو
هوه الجـبل باقي جـبل منه حجر لـــو شالو
صاحب عـقـيده وماأزل العـــذلوني هــمه نزالو
--------------------------------------------------
جنني شوكه وعـمري سنتــيـن -- كلبي يصير بهجره مو زين
***********
2= الشدت حزامه فاطمه محد يحله حـــــزامه
وأنه بخدمته تــشرفت حسين يعرف خـدامه
بخد المجالس دمعــتي تـلكوها صارت شامه
مثل الحديــد أنه صلب ما أنكــسر مو جامه
--------------------------------------------------------------
الخاطر حبيبي أللطم ع الراس ** وأصرخ دخيلك ها يعـــباس
3= أيام الزياره ومجلسه من عمري ما محسوبه
هاذن زياده عالعــمر مـــــن ربك المحبوبه
ماموت أنسان اللـطم لاكــــن مسـحها ذنوبه
تركوني أنه وسـيدي ضامي وتـــسلـب ثوبه
------------------------------------------------------------
أحتركت عيوني حرك خيمات ** وكـــــطع النحر تارسني أهات
***********
4= باجـر وره بــنادم كبر وكلمن يفـــيده متاعه
ومــتاعي أنه بمجلسه للـضامي أللطم ساعه
باجــر أبو اليمه يطب للجــــنه كبله أشياعه
وين البجه وين اللطم ويــن الكضاها بطاعه
-------------------------------------------------------------
ربنه يرخصه وربنا جبار ** أيخلص اليخدمه من لضى النار
5= لو منــجوي بنار الخيم ماتحـــجي عــني حجايه
لو تــشعر بنار العطش جا ما عــــــذلت قرايه
أنت أعطش بيوم الوعد أنه أرتوي مــــن مايه
باجر كـــــــتابي ينشر هذا الرفـــــــعها الرايه
-----------------------------------------------------------------
باجر كتابي أنه أيــوقــعـــوه ** وحاشاهــــــم الخادم يتركوه
************
6= بـينه يـصيح المرتضى أحـنه حــــزن زدناهـم
أحـيو ذكرنه ومانسوه غـير أحنه ما ننساهم
والزهره تهتـف شيعتي الله وعلــــــــي وياهم
كأسا رويه والـــــــدي من كل عـــطش رواهم
-------------------------------------------------------------
عندي علامه بصدري عاشور ** والجنه مــــن أدخلها مسرور
**************
الخادم عبد الجليل المالكي
بالطف غـريب الصار وياي ** رخصوا دمـــي وغــلـوا الماي
نار نكلب طـــــفي ** والـــــــوادم تهفي
-------------------------------------------------------------
1= حدر الخــيل من تــصير تـشتاك البناتــك
يضمك موت تطلع صوت وتـسمعه الخواتك
عله ضلوعي التـرب من طحت عــز روحه
ردت أسحب سهم مــــن ضهري مالوحه
أشاهد طبره تـنزف طـــبره مفــــــتوحه
--------------------------------------------------------------
شيشيل صدري هواي الأسهام ** 100 وراي و 100 كـــدام
اليطعني متـــشفي ** والوادم تهـــــفي
2= فوك الشوف حـــط دخان خيامي مـــاشفـــتها
بيها زغــار بيها خـدور تــــتلاطم عـــفـتها
شـيفـــتح عـيني راحت جـــم سهم سدها
أريد أحجيلي جلمه وجــــــم رمح ردها
وكطرة ماي أدري عـيالي ما عـــــــدها
-------------------------------------------------------------
عيالي عطاشه وأنه عطشان ** والخيل سوت صدري ميدان
مايــنكطع نزفي ** والوادم تــــهفي
**************
3= أشوف ثـنين شالو نار وســــياط بأديهم
صوت الخيل ماخــلاش يوصلـني حجيهم
شفــتهم من بعــيد الخـــــــيم وصلــــوها
بس مديــت راسي بساعــــــــه حركوها
صحت أخ الرقـــــــــيه بحبل شــــــدوها
------------------------------------------------------------
ركضت عــمت عيني عليها ** وتأشر أعلــــــــيه بأديــــــها
ألها رفعــت جفي ** والوادم تـــــــــهفي
4= أسمع صوت أذبحو حسين وأسبوهن خـــواته
عالـــــناكات مسبــــــــيات أخــــــذوا مدللاته
جبـــيــره أعليه أخــــتي أطــــيح جــــدامي
وجعني أركاضها أكـــثر من عــــــضامي
أيـــتراولــــــــي جـــــدمها من الجمر دامي
------------------------------------------------------------------
جاوين زينب وين الأركاض ** بذيالها ضعـــــن الحرم كاض
أيديها شــتكفي ** والوادم تهـــــــفي
*************
5= شـــي بحجار شي برماح هـــجمتــــهم علــيه
الرجل ريحوه طـبر ذبحوه صاحــــــت أل أميه
فــــوك مجان جــــدي الشمر ضل صاعــد
هــــــوه يحــــــز ركبتي وأنه أتشاهد
بسيفه رفع راسي وعــــــــالصدر كاعد
--------------------------------------------------------------
راح ودعاهم سلبو الأثياب ** والباقي منه حصت الأ تراب
عدهم ولا يكفي ** والوادم تهـــــفي
******** الخادم عبد الجليل المالكي
حسيـن شكـبر كلبك -- مــابي زعــل حبك
الله - الله - يالتسامحني
زعلان – زعلان - وتــصالحني -- مابي زعل حبك
-------------------------------------------------------------------
1= مولاي تـخاف أعليه - وأكثر من أمي تحبني
أهلي يذبـوني وكلبك - طيب مايرضه يذبني
تـصدك لمن أحجـيلك - وأقــرب ناسي يجذبني
من حقي أنجن بحبك - وغــــيرك محد يعجبني
------
أسمك أشم عـطره -- بشفــتي نزل كطره
ياروح - ياروح - لحضه ماتبارحني
زعلان - زعلان - وتصالحـــــــــــني
2= سألوني شحلوه سلوبك - كـلت حســـين مربيني
كلــــــــــما جديت أبابه - تاج مــن الحـب ينطيني
أحتاج أخــلاق الأسمي - ومـن أفضاله يغـــطيني
ما أذكر رجعـــها أيدي - كــلــما أزورن يهديني
------
يغـنيني من فضله -- بكل أهــــلي مابدله
أسرار - أسرار - ويصارحني
زعلان – زعلان - ويصالحـــني
*************
3= ما أحب الكعــده البــيها - الغــيرك يمسلب طاري
أللساني بذكـرك يتملح - ورسومك تـــرست داري
معجـــــب جدا بخيامك - كـلساع تــــــــزود ناري
ماشاغل كلـــش أفكاري - جرحك شاغلــــــها فكاري
------
لو يـــتركك لحضه -- كلبي نـقـــص حضه
نسمات - نسمات - وتصبحني
زعلان - زعلان - وتصالحني
4= بالسوك من أعرض حالي - محد يـــــشريني وأدري
شكــــرا يلي مغلــــيني - وبخيرك صاعد سعـري
غــيرك يفضحها أسراري - وأنته الماتـــفضح سري
لو ماخـــــــــدمك يالغالي - ماشفت الــــنور بعمري
-----
من فدوه العــــيونك -- ضايع تره بدونك
أهواك - أهواك - وتــــناصحني
زعلان - زعلان - وتصالحـــــني
************
5= أمي نـــــترست حـــــنيه - بشباجــــك مسحت شيله
وكالت ما أسمــيك أبني - مـــــــن حسينك ماتبجيله
كل عام وتـــــلزم ثوبي - تمشي وياي مــــن أمشيله
ساعـــــد حيله بدمعاتك - عالغـــــــربه الهدت حيله
-------
وأنه أعلى مـــسراها -- لــيك أمــــشي وياها
ياشوك - ياشوك - أللي ذابحني
زعلان - زعلان - وتصالحـــني
------------ عبد الجليل المالكي
تم نشر قصائد محرم الحرام ١٤٤٧ هـ مع الالحان
هذا ونسألكم الدعاء
خادمكم ملا حسن المالكي
ياكلبي راحت راحتـك -- ونزلت الفركه بساحتـك
عــافوك التحبهم -- متحــير بصدهم
------------------------------------------------
1= هلك ياكلبي راحـــــو مايردون
وصورهم ضلت أتشيب بالعـــيون
يكلبي الفاركوا أحسن يموتـون
جا ضلـــتهم ألمن وشيتانــون
****
لا ندري شنهي أخبارهم -- لا تــــرضه تبرد نارهم
حسرتك مـاتردهم -- متحــــير بصدهم
**************************************************
2= من تصير السوالـــف كان ماكان
يضل المتاني شمعه بدرب عميان
يكلبي كون عدنه تصير جنحان
وراهم جان رحنه نــشوف الحنان
*
بالطيف بس نشوفهم -- وشلون بالله نعــــوفهم
ذابـل ياوردهم -- متحير بصدهم
3= العــليل يـراجع الدكتور ويطيب
بـــــس ياعلة الوالد من يغيب
الزغــيره مايلوك براسها الشيب
وراهم كلبي ضل أيودي ويجيب
****
أثـكال وثــكيل غــيابهم -- بعــــيوني سدو بابهم
يامغــرب فكدهم -- متحير بصـــدهم
**********************************************
4= عليله وليــلي طول مني شيريد
وياه رايــــدنـي أمشي الأيد بالأيد
مشيتي شـلـــون وأنه ولدي بعيد
مــــــــــايفرح يــتيم بجيت العيد
****
مشــــتاكه الحجاياتهم -- وسوالف أبـــــــنياتهم
وحشه يانــزلهم -- مـــتحير بصدهم
5= الصبر رهمته بس مايرهم وياي
عـــمر الورد حده بكطعت الماي
الباب الدار مــــاوصلني ممشاي
يبلوه الما مثـــلها تصير بلواي
*
من كربله شيجيبهم -- صوب الذبح تـغـريبهم
ماتت حزن بتهم -- متحـــير بصدهم
-----------------------------------------------------------
عبد الجليل المالكي
أبــشرج - مثـل ماوصيتي
أبــشرج - بالكمر ضحيتي
أتــنـفــــذ كلامج كلمه كلمه
يم البنــــــــين وهاي ذمه
*******************************************
1= يـمه نفـذت الوصــيه بالـتمام وبالـــكمال
وللحسين أوكفت بالطف مثـــل ماردتي خيال
أفتخر عن صدر أخيي بصدري صديت النبال
والحرام أكطعت راسه مادنـه أخيام الحلال
****
حراسه - وكــافات عـيوني
حراسه - الناسي اليحبوني
ما يقـــــــترب للخــيم زلمه
يم البنـــــــين وهــاي ذمه
2= سيرت بالليل كمره عـــند العيون التشوف
أبنج وتدرين طبعي يوكـف بأصعب ضروف
وقعت بالطف وثيقه بأتـفاق وي الجفوف
لو تخلصن جيش أميه لو تخلصـن بالسيوف
**
وثيقه - وقـــــعـتها بذاتي
وثيقه - تـــشهد بــوكفاتي
ضهري بثبات حسين أحزمه
يم البنين وهـــــــــاي ذمه
********************************************
3= بكربله خيمات زينب صارت بعـــيني ضريح
شنهي الجفوف الخدرها الزينب عيوني تطيح
عالجحافل صال أخوها وعالنهر قرر يصيح
لا حــــياة بدون زينب ولا ضمير اليستريح
*
محامي - أتعـــينب للحره
محامي - ما أخون العشره
عـــــــنها أدافع والله رحمه
4= أستشهد الجود عالصدري لكــن أطلبت المزيد
وكعــت أيميني بغـــدرهم صحت هنيالك شهيد
أستشهد الجف الشمالي صحت مـــن الله شريد
والشهيد الـــتالي راسي بالعـــــمود من الحديد
****
وكعــنه - للــحبيب الغالي
وكعــنه - ماطلـع من بالي
عطر الحسين بدمي أشمه
يم البنــــــين وهاي ذمه
5= من أجاني حسين يركض مالكيت الروحي راي
صاح ياعــــباس كتــــــله فدوه العيونك دماي
جفوفي فدوات الدمعــتك خل أشمك ياهواي
يالغريب الشلع كلبي خيمتــــــك مابيها ماي
*
شبكني - وأنهدم حسيته
شبكني - بالدمع نـــاديته
بالغربه عـــــفته يمه يمه
يم البنين وهـــــــــاي ذمه
*******************************************
عبد الجليل المالكي
أيد بالحيتي - أيد أعلى خاصرتي
أقراها ألك - لو أللي فــــاتحتي
رد ياعـزيز خواني -- أنــــته المتت لو أني
---------------------------------------------------------------
1= النسيم الـــتارس الكــون - كض روحه أعلى أخيك
يبو الغــــــيره الهجر نار - أكــــسر فــــوكي فيك
ضهر البدون خوان عـــباس - يــــنوخذ حكه
بحسين تـطمع بعدك الناس - صدره تسحكه
مخنوك ما خــليـتـلي أنفاس - كــربــله خـنكه
***
كوم الخاطري -- وأشـــبك على صدري
غيرك مــاألي -- أكعـــــــد بعد عمري
غص الحجي باللساني -- أنته المتت لو أني
2= بثواب عــــيوني عباس - صد عــــيـــــنـــك ألــــيه
لأدين الطايــــحه هناك - أديـــــــــــــنك لو أديه
شمعه صرت بدرب عــــميان - داسو علـيه
حاجــــــيني خـل أرتاح تعبان - أنــته التجيه
تقبل الزينب ماكــــو صيوان - شـيصير بيه
*
شـــنهي الموت - يحرم عيني من عينك
ضل أرجـــــوك - أرضه بغـــــير جفينك
هجرك يفصل جفاني -- أنــته المتت لو أني
3= النـشد مو عـيب عباس - أمضــيع وأرد أنشدك
طايـــــــــح كله الحسين - دمــــعات أعلى خدك
ماهي ألك تدري الشمس الغروب - عـباس غـيبه
تمشي وتـــخلي حسين منهوب - وأنـته حبـيبه
يلتــفـــت جن ثارات مطلوب - ورحـه غريبه
****
ليش تـــروح - وأنه المحد بضــــهره
ترضه حسين - ساعه وينسحك صدره
كعـــــدلي وأ تــلكاني -- أنته المتــــت لو أني
4= نــلم أرواحـــنه نـــكــوم - أتعــطلنه على أخــــتـنه
أباب الخيمه عــــباس - زينب ناطــــــــــرتـــنه
من تشوفـــني وحداني رديت - تعمه العقيله
بضهري ثــلث كسرات كسريت - ونــتي ثجيله
ونت غــــــريب الدار ونيت - ياهو أشتكيله
*
والعباس - يالعـباس قــل حيلي
من تروح - بالدنيه شتـــخليلي
بعدك يهدم أركاني -- أنته المتت لو أني
5= بخـبر موتـــك للخيام - بالله شلـــــــون أرجع
من أضمنه من الزغار - زيــــنب راح تسمع
الفاجد أخـــييه أيبين أعليه - تهمل دمعته
من سكنه وجهي ويـــن أوديه - تبين كسرته
عباس دمعي شلون أغـــطيه - غيمه مطرته
*
متغـــــير أرد - فـــــاجد يعــرفــــوني
شنطيهم عـذر - لمن ينشــــــــــدوني
عود الحزن سواني -- أنته المتت لو أني
------------------------------------------------------
عبد الجليل المالكي
شكرا ياحسين -- يالكلبك حنـــين
خليت الصـدور -- توسمها الأديـن
----------------------------------------------------------
1= مابنا من نعــــــمة من خير الحسين
خدمة الغالي تـــــزيد الخير خيرين
أفضل الأعمال عدنه دمعة العــــــين
بيها باجر مـــن جهنم أحـــنه ناجين
*
أي مـــتأكـــدين - بل عدنه يقين
بالخدمه خلاص - من أجهنمــين
*******************************************
2= اليوم أكملت لكم ديـــن المجالس
والصدور أتعـــينت عالطم حارس
أبو فــــاضل صار مسؤل العوابس
وصار عنده اليخدم العطشان فارس
*
دمعات التطيح - بالجنه ضريح
جدرانه عقـيق - ياأهلا يصيح
3= مــن أخـــذنا ما أتانه الله ورسوله
صرنه نعــــــبرها الصوبات بسهوله
أحنه كاع حسين زارعــــنه رجوله
نزل عـــــشكه وصحنه أمنه بنزوله
****
حبينه الغريب -- ماغــيره حبيب
منجانه حسين -- من عدنه قريب
*******************************************
4= أعلينه ماتشهد أدينه تشهد ألنه
أل طه أنحبهم أكثر من أهلنه
على باب حسين والخدمه عملنه
حدر خيمة فاطمه الخدمه تـــلمنه
*
بالخدمة النجاة - وحسين الحياة
بالدنــــيه أمان - شافـع بالممات
5= بغـــير أبو السجاد مايسوه عــمرنه
شنهي عـــود هواي نلطمله صدرنه
أحنه وادم خـــــدمة الضامي فخرنه
وبيده مرتاحــــــــــين سلمناه أمرنه
*
مولانه الشهيد -- غــيره مانريد
صرنه بلا فخر -- للضامي عـــبيد
*********************************************
عبد الجليل المالكي
عطشانه روحي وأنه عالماي
يحسين ألك كـد رفــــت لواي
---------------------------------------
1= يالبيك أفــكر مــو بالجفوف
نساني حبك طعـــن السيوف
غيرك يبو السجـاد ماشوف
** بحالك أفــكر وانته وياي
-----------------------------------
2= للخـــيمه كــــل أشويه وأندار
ضل بالي يــــمك يبن الأطهار
جفـــي بـــرد بس الكلب حار
** من الفرات أنته أبرد هواي
-----------------------------------
3= شط هـاذه لكن حبـك أشطوط
كلبي وي كلبك خـويه مربوط
حبك ع أيدي بزغري محطوط
** يالرايك أنته ماوصل راي
4= مو ساعه جنها فركة سنين
وجهك تـــدوره ضلت العين
كلها الحواس تــنادي يحسين
** كلشي الأملكه ألك مولاي
---------------------------------
5= راح أعترفلك وأنه ممنون
وصلت محبتك فوك الجــنون
نفسي فـــدوتك سيدي تهون
** لكن غـــيابك مارد أجلاي
-------------------------------
6= بكلبي العطش طب مثل الرماح
بس أسمك مــن أللساني ماطاح
عـــطشانه روحي وكلبي مرتاح
** يالتسوه عندي الرايح وجاي
------------------------------------------
عبد الجليل المالكي
ملامح غـيبتك تـنشاف بيه -- ضيعــــت أللي والمو أليه
أول سالـفه الشيب -- يطلع لمن تغـــــيب
---------------------------------------------------------
1= دمع أم البنين السال - بده يبني يغـــــركنـي
لا دم الكلب مكطوع - أوكف نبضه ويموتـني
لا طاريك عـني يغيب - يمر بنفاسي يخــنكني
أغـفالي وكـت وجهك - يجي بطيفي ويفززني
***
لا ماي النضر يحسين وشل -- يغــــالي المالكاك كباله يذبل
جرحي مارضه يطيب -- يطلع لمن تغـــــيب
**************************************************
2= جفوفي من رحت لليوم - خدر بأطراف أصابعهن
رحيلك مو عماها العين - أثنين عيوني ماخذهـن
سنيني ثياب مـغـسولات - هجرك عالجـمر شرهن
عيوني جن بنات أعليك - زغار ومـــات والدهن
****
بدونك يانقص يحسين يكمل -- قريت بروحتك عالروح مقـتـل
ليل الفركه تعـذيب -- يطلع لمن تغـــــيب
3= دارك من برد فـــركاك - كامت ما تدفــــــــــينه
وغلاتك وأنه وعيوني - البجي خـــــرب معانينه
كعدنه أباب يمته تـعود - تعال أرحمــــــنه ونطينه
تره وماتنكطع للموت - من تـــــــوكع بواجينه
*
ألمطشره وداعك صعبه يلتم -- للشريان مايرجع تره الدم
روحي مغربه تغريب -- يطلع لمن تغــــيب
************************************************
4= أحط خـــدي ع خد الباب - مـــن ضي المدينه ينام
بذني يفوت صوت زغار - ماشافت عطش وسهام
أيسولف أســمع الدخان - وأعـــوذها بعلي الخيام
من توكع بــــــدين النار - رقــــــيه بيامجان تنام
***
عزيزة كلب أبوها وغاليتنه - فركاها ثــــــــــكيل وكاسرتنه
وجهه المنترس طيب - يطلع لمن تغـــــــيب
5= أسد عيني وشوف طفال - كــلمن حاير بروحه
هذاك مــن الحرك شارد - هذاك التنزف جروحه
هـذيج أمغطيه دمعـــتها - هذيج التبجي مجروحه
وأشوفـنك طحت مذبوح - وزينب تبجي مذبوحه
****
أباوعلك ضلوع وبالحوافر -- مثل حيرت أطفالك كلبي حاير
ومن توكع التسليب -- يطلع لمن تغــــيب
***************************************************
عبد الجليل المالكي
ومــــــــــن أياته - يشع بالضلمه ضي
أذا طلعت شمس - طلع عالخـــيمه في
عباس - عباس - مسؤل الكرامه
عباس - عباس - للخوه عــلامه
-----------------------------------------------------------
1= فتى لا ينوجد مثله - نهر ويــــــبرد بأهله – يسالفت العطش سهله - يخلصها
أذا قال فعـل زوده - عبر ماعبرو حدوده - حرب وأيامه معدوده - يقــلصها
ماينـــشبع من عـــــدها سالفته
كض ضهر أخيه كض ضهر أخته
فاتح مضيف عـــــزازه ضايفته
****
صلب ماينكسر - بس جدا سهل
مر ما ينشرب - والزينب عسل
عباس - عباس - ياشمعة عمامه
عباس - عباس - للخــــوه علامه
2= أذا يزعـل نزل بلوه - بس من يبتسم سلوه - يجيب حــكوكه بالكوه - وكفـو منه
بعيون الحرم شذره - عـــبرهم محد يعبره - يعمي عيون بالسطره - علي جنه
أيطب للمعاره وتـنكلب هوسه
من عـيونه توكف كربله تبوسه
خط أحمر أيخــط محد يدوسه
*
يشلع بالركب -- بس ما ينشلع
كـدامه الشرد -- معــناها سبع
عباس - عباس - تحلاله الزعامه
عباس - عباس - للخـــوه علامه
3= من يزعل ولا يرضه - زلم كدامه تــتشضه - خـــيرهم أذا كضه - كطع راسه
بعد كلبي بعــد عيني - أمر كول يحسيني – سبع جيوش جفيني – نهر ناسه
غــير العقــيله وغـــيرك شعـــندي
والصعبه لمن أزعل أتعـــــــدي
حادي الكلافه وبالخــــدر يحدي
*
عــميد المرجله - وللزينات أخو
وراث هالــــوفه - مـــن أم وأبو
عباس - عباس - ماينزل كلامه
عباس - عباس - للخــوه علامه
4= أيخطط معركه بجفه - أيصفي المارضت تصفه – أيطفي النار مــايطفه – أبو الغيره
راس الخيط ماعافه - حك حســـــين ماعافه - يضل يتراجف الشافه - بتعابـــيره
لو سمعوا أسمه تطير نومتهم
ويتراجفــــــون أمبينه رجفتهم
صولاته لـــمن صال حرجتهم
*
ضجيج البالحرب - سكت ماينسمع
كلــــــهم زنجرو - بس هـــوه لمع
عباس - عباس - ماكربو خيامه
عباس - عباس - للخوه عــلامه
5= فــقــاره عالنهر غرد - عساكرهم بدت تجمد - نفسهم نزل مايصعد – بقه حاير
كاسر من ضهر كاسر - يصــيح الكابله حاير – ياريت أمي لو عاجر- ولا صاير
شكره مهرته وعينه هم شكره
فـكرة حسين وماشي بالفكره
بجفوفه ضحه ومانطه عــــذره
*
سلاما عالكمر - سلاما عالعـــلم
لا مثـــــله اخو - وأبد مامثـله عم
عباس - عباس - موجود أحترامه
عباس - عباس - للخــــوه علامه
****************************************************
عبد الجليل المالكي
والــــد وعـطشان - وأبـــني بالمـــيدان
منين أجيب الحيل - أيـوصله للصيوان
-----------------------------------------------------------------
1= أكـو بالطــف هــوه بس أنه مخـــنوك
كلـب عـــندي وأحســـن مـــني مبيوك
أركضت كـل حيلي بس مــافاد مسبوك
علي بويه صحت بـــس علي مسحوك
ثـقـلـن الخطوات وأشبعت عـــثرات
سنينه بالـتربان ** أتطــــــشرت أيات
2= وصلت أبني علي البل كوه ينشاف
عليهن دم لكيت الحلـــوه الأوصاف
بس مو كله باقــي صاير أنصاف
غـــريبه الطعن صدره من الله ما خاف
طايح ومتـــــعـــوب عـــالــــوجه مكلوب
جروحه ماتــــنراف ** بالرمح مصـــــيوب
*******************************************
3= جـــن طـــيحــت مطر طايــــح ع الـــكاع
أبــــــو طول الحلو طوله صفه ذراع
مات وعـــينه مفـــــتوحه للـــــــــوداع
مالحكت أودعـــــــــه وفــــــارك أبساع
ما حسبت أحساب عشره تكضي غياب
أخسر المدلــــول ** مايفــــــــيد أعـتاب
4= كــسرة ضهري تــشبه كـــسرة الجام
بالطـــف ما لكــــيت الأبني مضمام
بصدره الكله غــــيره مصفطه أسهام
ولا حلوه أصــــــبحت من راح الخيام
أمـــــــــه الأتانـــيه ميــــــــت تلاكيه
خايف أنه تـــــموت ** لمن أرجـع بيه
*********************************************
5= أرجـــــــــعه شلون لــو شافـــوه أهلــنه
وبعــــد عــــينه صـــــــــبح أضلم نزلنه
مـــشه الغـــــــالي وجفاه طشر شملنه
وراه ماضـــــــل بعــــــــــد في بنخلنه
* حاوطانه الضــــــيم بكـــــــربله جالغـــيم
ضيعت الهــــــــواي ** حكلها روحـــي تهيم
**************************************************
الخادم عبد الجليل المالكي
