https://www.facebook.com/share/v/1GXt4beBQz/
Читать полностью…
ياحـنيـن الجنـك أنه ** راح أعـوفـلك أمــانه
ذكـــرياتـــي وزينب أولدي
ياعلي وأسكن وسط لـحدي
---------------------------------------------------------
1= قـبل كلــشي - أقـــدمــــــلك - يبو الحمله أعـــتذراتي
وأسولفـــلك - وأضم منهن - ولا أسمعـــــك سؤالاتي
أدري تـــشوف موتـــك لـــو عــفــتـــني
بـــيـــنـــك بيــــن روحـــك سولفــــتني
الله يساعـــــــــدك لــــو ما شفــتـــني
-----------------------------------------------------------
راسك يشيب بدوني ** أصبر الخاطر عيوني
أعذرني راح يجرحك ودي
ياعلي وأسكن وسط لحدي
2= المهم خلصت - ولا تهـــــتم - البكه بـراسك يعافيتي
ولا ألــــــكه - ولا تــــــلكه - ملكه يسعــدك أبيتي
دمعـــتــــك علـــي عـــــد الله شكــــبرها
مـــــــن تـــــــوسد الـــــزهره بكبرها
وبيدك زينب مــــــــن أمها تجرها
----------------------------------------------------------
أتشبعك ضيم الليالي ** من مكاني تشوفه خالي
وتشتكي ليش الزمن ضدي
ياعلي وأسكــن وسط لحدي
3= شما تـكــدر - تــصبـــرهم - يــبعــد عـــيوني صبرهم
تسامـــرهم - وتـزغــــرهم - أذا فــــكــــــدي يكبرهم
بجلمتــــــك ياعلـــــي المجــــــروح يشـــــفه
بحجرتــــــي الشـــــــمعه لـــتخلـــيها تطفه
وأنه أعــــــــــــرف علــــــي كلبك وعطفه
--------------------------------------------------------
للعـطف مخلوق جفك ** صب ع المحروم عطفك
خـــــل تسبح زينب بوردي
ياعلي وأسكن وسط لحدي
4= لا تــطلع - عله وجهـك - من تسولف تجاعـــيده
عن ولدك - تضم حزنك - وأبعــــدهــــن مواعيده
التخـــلي الحسيـــــن يــــشوف دمعــــــك
كــــــــدامه تصـــــير بخير وضعـــــك
وأنت الصابر ومعـــــــــــــروف طبعك
-------------------------------------------------------
أبمشيتك ماريد خله ** الله اليعوض تــكله
تكله ماغيرك حلم عــندي
ياعلي وأسكن وسط لحدي
5= أذا جيتوا - تـــزوروني - أريد زياراتي أطويله
أريد أشبع - حجي مـنكم - وأبني بكـبري أللوليه
أكعـــــــدوا دائره وكــــــــبري بوسطكم
وأنه أتـــــــصور بحضـــــــــني أحطكم
بكبري أرتـــــــاح لــو طيب وضعكم
------------------------------------------------------------
خلهم يقصون المهم ** قصة الفركه وألمهم
والعـطش لا يكرب الوردي
ياعلي وأسكن وســــط لحدي
*******
الخادم عبد الجليل المالكي
وتعاونوا عالنعــمه الربانيه
وتعاونوا بالخدمه الزهرائيه
مجلس فاطمه يعني القداسه ** دنيه وأخره ترتــفع ناسه
*************
1= كـل كمالات الـــتطور والرقي وسر الجمال
بمجلس الزهــره تجدها بالحقيقه مو خيال
لن عطاء الزهـره رحمه ينضرب بيها المثال
والحسن ماخـــذ كرمها وشاهده نار الدلال
وراث الــــهلا من أمه ويشبع ضيفه
أتخصصت أله مايــنسد باب مضيفه
مايوكع البيت الدين أساسه ** دنيه وأخره ترتفع ناسه
2= المجلس الزهره المشاعر سيرت ويه الغروب
والكلوب بسرعه تمشي الصاحبـت كل الكلوب
والعــيون تروح تـبجي والدمع لا بسته ثـوب
ميزه بالمجلس عجيبه الـيدخل المجلس يتوب
يـــنزل الدمع بالعبره الأنسانيه
نذكر الضلع بالدمعات الشـيعيه
روح المعـتـقـد هاي الدراسه ** دنيه وأخره تــرتـــفع ناسه
*************
3= أوكــف بمجلس الزهــره وحولك الدنيا تـــدور
وبضريـح الدمــعه يـــنزل جم ملك رايد يزور
عالجدار تــثــبته بــيدك وينتشر عــطر البخور
الزهره شجرتنه الجبيره ونــــنزل أعليها طيور
فاطمه الهوه مانـتـنـفس مــن دونه
فاطمه الضوه الماشاهد عميه عيونه
عطر التعزيه جن عطر ياسه ** دنيه وأخره ترتفع ناسه
4= هواي عــد الله وجبيره الفاطمه تجري الدموع
ضلوعها بوكت الخيانه للصدك وكـــفت دروع
يعني صدر الدين لوما فـــاطمه مابي ضلوع
أجزع وأشمر وقـارك أمك أتحـــب الجزوع
خلي صرختـك توصل للزهره وصوتك
هايه فـرصتك أضــويلك شمـعه الموتك
مايـنــقاس مانعرف قياسه ** دنيه وأخره ترتفع ناسه
*************
5= أتـصوره الحاله أمامك وأسرح بعالم ونــيـن
والده ومكــتول أبنها ماشبع منها حنـــين
باب طابك عـــالزجيه والهوه ماتـدري وين
والحسن شابـك بزينب وأجو شبكو عالحسين
سمعوا الصدى يتهشم ضلع الزهره
ضحكت العدى تتلاهب مثـل الجمره
ساعتها الوفه خمدت أنفاسه ** دنيه وأخره ترتــــــفع ناسه
الخادم عبد الجليل المالكي
ماخذتي حيدر فاطمه وياج - مكـــطوع مــن شجره بلياج
ذبــلـــتي ورد أيـامه
فكدج علي من أيتامه
----------------------------------
1= بروحي ضل يمشي الحزن مشية جنايز
وضهري من أمشي بغــيابج لزمه عايز
شكد فــزت من غــــبتي أشعر ماني فايز
الما يجوز الكلبي لمـــــن رحتي جايز
---------
أبجي ألج حد طلعت الروح -- يم عشره تستاهل بجي ونوح
ضهري فــتحتي حزامه
فــكــدج علي من أيتامه
2= من دفنتج كلبي ضل يــرجف قراره
خاف أدفنه وياج وأدري أتـجوي ناره
وأنه أدري الفركه مابــــيه أستخاره
بس خساره ومحد يعـوض الخـساره
---------
بين الأضل وياج ما بين - أرجع وشوف الحسن وحسين
يــنكلها كوه جدامه
فكدج علي من أيتامه
*************
3= أعترف من غبتي ضل يهزمني حزني
صعبه وين ألكه مثل فــــــاطم تعزني
بساعه وحــــده ضيعـــــتكم أنتي وأبني
جروحي ودموعي بعــــدكم ركضه أجني
--------
يالكاطعين من الورد ماي -- تكملونه عمري رايد وياي
عـــــمري دفنها حلامه
فــكدج علي من أيتامه
4= من أسمع ألوين أمي تخنكني عـبرتي
بعــــين زينب ما أصدها أخجل نضرتي
ألطم أعله عــــيوني من أدخل حجرتي
وأبجي حد ما تـــــــنكع ثيابي بدمعتي
-------
هــنياله يم حسين التراب -- حدره غفيتي وضل أبو تراب
ناكع بدمــــعه ألثامه
فكــدج علي من أيتامه
*************
5= شكــد لـــزمت الــــباب وأنه بكلبي حسره
وذكريات العــــشره تـــــرجع ذكره ذكره
مثـــل سطــــرة خـــدج أنه خدي أسطره
وكلبي ألزمه من أبجي حـــيل بجفي أعصره
-------
أنه البعـدكم كلبه موجوع -- ومـــرافك هــمومي والدموع
يرفـعها كوه الهامه
فكدج علي من أيتامه
*******
عبد الجليل المالكي
[الك دينك وإلي ديني]
سيد #هادي_حبس
الشاعر عبدالجليل المالكي
-
رابط القصيدة 🔗
https://youtu.be/TgW9W7Dpy_A
-
الليالي الفاطمية - الرواية الأولى 1447 هـ
مجمع الخضرا الديني - صور - جنوب لبنان
غــسلتج بيدي - وكلبي المذبوح
بيا أيد ألزمها - يالزهـره الروح
تريد تـفاركني - وياج تـــروح
************
1= فـسريلي أبيش بعـدج - راح أكــــمل ســفـرتي
يلي بيد الغربه عـفتي - روحي وتصب دمعـتي
بدفـــــتر أيام الموده - وياج عاشت عـشرتي
يالحنينه من شـجرتج - ليــــش طاحت وركتي
----------------------
بعدج يعيوني -- أتمنيت الـموت
منج معـقوله -- ما أسمع صوت
دنياي بفكدج -- صارت تــابوت
2= أبرودة أبراهيم جـــنـتي - وكلمتــج بـرد وسلام
وأبشرع عشرتنه عـندي – فركت عــــيونـج حرام
ياضوه البيت برحـيلـج - حل ع البيت الضلام
من تموت الشجر يدري - أيصبح أيتيم الــحمام
-----------------------------
يتمتي عيوني - بفكدج مرتين
مره بتغسيلج - مره ع حـسين
كون أنه الميت - وأنتي تعـيشين
**************
3= مثل صوت النار بعدج - من تهب علــــيها ريح
راح من ادخل حجرتج - هيج يالزهـــره أصيح
أنه مـــا طيحني خيبر - أنه بغـــــــيابج اطيح
طيحة المتعوب كلبه - يركض بصحره ويطيح
----------------------------------
ما اعرف أنتي - أنه المـدفون
ياذكره انــساها - ياعشره تهون
اعصر بجـفوفي - بشلـون شلون
4= عله متون المــــــغربيه - أنشالت أحلامي وبجيت
لا اني حي ولا اني ميت - حايـــــــر بهجرج بقيت
فاطمه ومـــــن ذكرياتج - ذكره وحــــده ما نسيت
من وره غـــــيابج يعمري - العالم هــمومي انتميت
-----------------------------
رافكت السكته - رافــكت الاه
اذكرها ايامج - اصرخ ويلاه
مدفون كليبي - والهــم غطاه
***********
5= بينت خله بمشــــــيتي - وبين بضهري نكسار
بنادم اليفكد عــــــزيزه - تطلع مــن انفاسه نار
الذكريات بعـمره تحدي - ليل يالــــزهره ونهار
عليج تبجي عيون حيدر - مدري تـبجي عالزغار
-------------------
الناس تباوعلي - أمبيـن خسران
من نكلة جدمي - عايش تعـبان
انه البعــــيونه - رايــــــح دفان
************
عبد الجليل المالكي
يافـــاطمه - تارس هواج عيوني
أسمج حلم - من عنده ماندهوني
----------------------------------
1= يــــمــولاتي - عــــشك ذاتي
يأخــــــرتي - ويدنـــــــياتي
أذكر أسمج أنكال مـــن يوم الولاده
بحساس يزهراء صار أسمج عباده
حبج زرعــته الروح بالشده حصاده
-----------------------------------
مالي غرض - خلي البعض يهجوني
أسمج حلم - من عــنده ماندهوني
*******
2= أحب أسمج - هوه أشتمج
حلم عمري - بعــــد يــمج
أرواقي والسنين بـــيدج قــــدمــــتها
مثل حروف الأملاء فاطم رتــــــبتها
شفــــتج جنه والـنار أصلا ما شفتها
---------------------------------------
بأم الحسن -- لا ماتخيب ضنوني
أسمج حلم -- من عنده ماندهوني
3= أشب كاغــــد - أرد بـــارد
أذا أمــشي - بعزه كاعـد
أدخل جني محروك مولاتي لعزائج
ينزل عالكلب ماي يالـزهره ولا ئج
يأتي عــبر الدموع لسماعي ندائج
-----------------------------
والخدمتج - وأنه طــفل نذروني
أسمج حلم - من عنده ماندهوني
**********
4= أمــد أيدي -- بتــقــالـــيدي
وتـــناديني -- هلا ولـــيدي
تفضل مني شتريد ما رجعها أيدك
بالدنيه ألك عون بالمحشر أفـيدك
مادامك أللي تريد ماعـوفك وأريدك
---------------------
خــيمه ألك -- تدلل وبعــــــيوني
أسمج حلم -- من عنده ماندهوني
5= أجي أمهدل -- أريد الــحل
ولا أنــــدل -- أرد أنــدل
أدخل للعـــزاءات بوصلة المحنه
والمنـــبر أحس بيه واحد من أهلنه
مشكوره يزهراء حـــــبج لم شملنه
-------------
ما أقــــتنع - لـــمن أورم متوني
أسمج حلم - من عنده ماندهوني
*******
عبد الجليل المالكي
يافـــاطمه - تارس هواج عيوني
أسمج حلم - من عنده ماندهوني
----------------------------------
1= يــــمــولاتي - عــــشك ذاتي
يأخــــــرتي - ويدنـــــــياتي
أذكر أسمج أنكال مـــن يوم الولاده
بحساس يزهراء صار أسمج عباده
حبج زرعــته الروح بالشده حصاده
-----------------------------------
مالي غرض - خلي البعض يهجوني
أسمج حلم - من عــنده ماندهوني
*******
2= أحب أسمج - هوه أشتمج
حلم عمري - بعــــد يــمج
أرواقي والسنين بـــيدج قــــدمــــتها
مثل حروف الأملاء فاطم رتــــــبتها
شفــــتج جنه والـنار أصلا ما شفتها
---------------------------------------
بأم الحسن -- لا ماتخيب ضنوني
أسمج حلم -- من عنده ماندهوني
3= أشب كاغــــد - أرد بـــارد
أذا أمــشي - بعزه كاعـد
أدخل جني محروك مولاتي لعزائج
ينزل عالكلب ماي يالـزهره ولا ئج
يأتي عــبر الدموع لسماعي ندائج
-----------------------------
والخدمتج - وأنه طــفل نذروني
أسمج حلم - من عنده ماندهوني
**********
4= أمــد أيدي -- بتــقــالـــيدي
وتـــناديني -- هلا ولـــيدي
تفضل مني شتريد ما رجعها أيدك
بالدنيه ألك عون بالمحشر أفـيدك
مادامك أللي تريد ماعـوفك وأريدك
---------------------
خــيمه ألك -- تدلل وبعــــــيوني
أسمج حلم -- من عنده ماندهوني
5= أجي أمهدل -- أريد الــحل
ولا أنــــدل -- أرد أنــدل
أدخل للعـــزاءات بوصلة المحنه
والمنـــبر أحس بيه واحد من أهلنه
مشكوره يزهراء حـــــبج لم شملنه
-------------
ما أقــــتنع - لـــمن أورم متوني
أسمج حلم - من عنده ماندهوني
*******
عبد الجليل المالكي
https://youtu.be/rC8FAH2rzKc?si=MpI0FIu0z8RLjYLd
Читать полностью…
للعيون عيون جنتي -- وين عـفتيني ورحلتي
يمه يمه حســين مات
وباقي بس قيد الحياة
**********
1= من مشيتي - كبال عيني - شكد مسافـــات أنطوت
بنار كلــبي - وبدمعـــتي - حلامي وعيوني أنجوت
أجــه الماتـــت أمه أســمع - ويـن ماروح
تنزل أعله الخد دمـــوعي - شايله جروح
بعــــــــده ماواصل طفوفي - وعشت مذبوح
-------------------------------------------------------------
أمشي ومهبط الهامه -- وجهي مابيه أبتسامه
كوه كوه العمر فات
وباقي بس قيد الحياة
2= بصدري شيب - أحس نفـسي - مالـكيت الروحي حل
لا هي ماتــت - لا هي عاشت - الشـيب برموشي نزل
عـدل ضهري أدخــل حجرتــج - أمشي مكسور
تــبقــه بس الهنا كعـدتـي - بخاطري أدور
دمعي أمسحه أوريد يــــهمل - حقـــــه مجبور
---------------------------------------------------------
كلبي قبل العين يبجي -- والمصيبه ويامن أحجي
بالكبر حب روحي بات
وباقي بس قـيد الحياة
*************
3= أعليج أموت - وأنتي ميته - أهلال مأساتي أكـتمل
والــــــيفارك - أمه يــتعب - وكلبي بالفركه أشتعل
من الـفجر للـفجر أكعـــد - عيني عالباب
ألف مـــــــره الطير أجانه - كلشي ماجاب
بيني ما بينج يعـــــــمري - واكــف تراب
-----------------------------------------------------------
تحسب النجمات عيني -- وأنتضر بس ماتجيني
عيوني ضلن صافنات
وباقي بس قيد الحياة
4= بيدي ثـوبج - مـــره أشمه - مره أخلـيه عالكلب
الذكره توجع - لو عــزيزك - غـطت عيونه الترب
تـــبجي عالميتـــين روحي - عله العــدلين
وعلي بنفس الدمعه أشوفه - صار يومين
والحسن مــــــــاشال راسه - مـــن ألونين
--------------------------------------------------
زينب بلا موت ماتت -- لمن أعلى الحجره فاتت
بعــد حضنج وين أبات
وباقي بس قيد الحياة
5= يمه ضكــته - الموت بعـدج - وكلبي بالفركه أندفــن
مشـت ناري - فوك ضلـعي - أوكـــف دخان وصفن
صحت لا تــــــطـــــفه يكلبي - عيش محروك
وأنـــــــــتضر باجر خواتي - يطـبن السوك
هذه موت ومــــــوت باجر - طلـــعة النوك
------------------------------------------------------------
فركة الزهره منيه -- وبعد ضيم الغاضريه
بالشــمس لمن أبات
وباقي بس قيد الحياة
**********
عبد الجليل المالكي
أنـــني عــبد الـــزكـــيه ** فـــائــــــز ورب البريه
-------------------------------------------------
1= المحترم يفــرض عـله الناس حترامه
ينحرج اليسمعه بخلاقــــــــه وكلامه
الزهره مـــــن تحجي تدنكلها الأمامه
يعـــني أبسط حق علينه ألها الخدامه
------------------------------------
بالرفض رايي شعليه ** فائـــز ورب البريه
************
2= دموعي شاعـر مبدع ويكتب قصيده
مستهلهه الدفــــع باب أنشلت أيده
عالـولايه أم الحسن أول شهــيده
قاب قـــوس أمن الله لا ماهي بعيده
-----------------------------------
عالضلم رفعت قضيه ** فائـــز ورب البريه
************
3= سامع العاشــك يـهــــيم العـشكه طاعه
أعــترض خير النسه مجلسها ساعه
الصدري لو بالمختـــــــبر أخذو أشاعه
ضلعي يالكـونه أنكسر من الرضاعه
-------------------------------------
كـــسرته لطمة أديه ** فائز ورب البريه
************
4= نـبضة الطــمه ونبضتي نبضه وحده
يضعـــف الحـــيل وأرد أردود أشده
عمري ماي بطاسه عالعـــــصره تبده
ولـــو يــــــردونه ألي ماريد أرده
-----------------------------------
عمري ألها أبسط هديه ** فائــــــز ورب البريه
5= لـبو صالـــح مجلسي أهــدي ثــوابه
جرحه مــا يشفه الأن محروكه بابه
الله يعـــلم هـــــــسه نكــعانه ثيابه
من دموعه أعله الضلع أه يامصابه
----------------------------------
المهدي رتبها العزيه ** فائـــــز ورب البريه
*********
خادم العتره عبد الجليل المالكي
ياكلبي شتريد تصير
دامك صرت زهرائي
ــــــــــــــــــــــــــــــــ
حضك عظيم ويا الف هنيالك بحبل الموده من عكدت احبالك افضل عمل ياگلبي من أعمالك
هالحسره لتشوّغ بيك
هيه التشافي الدائي
ـــــــــــــــــــــــــــــ
ياكلبي هيه الدنيا كلمن حضه حضك عشكها احمد الله وارضه بغير الحمد محد يكمّل فرضه
لا تلتفت عاليحجون
لو وصّفوك ترائي
ـــــــــــــــــــــــــ
هالنعمه مو ياهو اليجي يحصلها بعيده السمه محد كدر يوصلها ثوب الخدامه الحب الك فصلها
عينك عليه هذا الثوب
من أجمل الاشياءِ
ـــــــــــــــــــــــــــ
غيرك طفح ياكلبي بالك تطفح خليك عايش بالمجالس تربح الزهره امتحان وابن ابوه الينجح
جيب امتياز ولتخاف
من الألف للياءِ
ـــــــــــــــــــــ
فاطمه باجر من لضه تفطمنه أيطشرنه خوف الآخره وتلمنه ضمّة الهادي بالكساء اتضمنه
وتنادي يارب الكون
هالخدم حدر أردائي
ـــــــــــــــــــــــــــــ
يناديها ربها اخذي لمن ترضي يا أعظم ايه في سمائي وارضي يامن رضيتي بقسمتي وبفرضي
شفعي لحد ماترضين
ياكوكبي الوضاءِ
ــــــــــــــــــــــــــ
غضّو بصركم خل تفوت الزهره يأتي النداء الاخروي التنتضره اوجوه اللي بغضتهم تصبّح صفره
والخدم لنهار التين
تشرب لحد لرواءٍ
ــــــــــــــــــــــــــ
الشاعر عبدالجليل المالڪي
https://youtu.be/MZzpSIFuy5U?si=pdqgff67DjNRzcNo
Читать полностью…
بأيدينا خذي -- رجاء فاطمه
أليك حالــــنا -- وأنــت عالمه
لـنا أمال كـبرى -- بك والعـين عبرى
*********
1= جـيـنه أعلى موعـدنه - يــــم بابج أكـعــدنه - بالــدمع
ما نـلكه أحـــــــن منج - وأنــــون على ونج - عالضلع
أذا حـــرت أروح ألج فـتـنــتـــهي الــقــضيه
بلا حـزن ولا تعــب أرد مــــــن الزجـــــيه
أرد طفــل بـلا ذنــب منج أخــــذ هــــــــديه
*
جديدا أبتــدي -- طريقا فاطمي
وتبقى غـايتي -- ألــــيك أنتمي
أليك السير نصرى -- بـك والعـــين عبرى
2= من تـلفضت أسمج - عـــاش الكلب هــمج - وبــتـله
شيسوي مايـــدري - ضلعج كسر ضهري - مقـتــله
صبح مسه ولا نــسه ولا ترك مصابج
وكف جرح دمه نزف لمن قره بكـــتابج
مــع الأسف كوه أندفن حدر ترب شـــبابج
*
ألا تب الحطب - وتـــــــب حامله
وعــاش ضلعـك - ومات قـــاتـــــله
ورب الكون أدرى - بك والعــــين عبرى
************
3= بدربج زرعت أسمي - ياأغــــلى مــــن أمي - ياهلي
هــذه أنه عطشانج - أسكـــــيني بحسانج - كـــملي
أنه البجه أنه اللطم أنه ألبس سواده
جبل ثبت ولا رجـف نحر بقه بعـناده
بــفاطمه صرت قوي ماذلني من تماده
--------
ندائي يعتلي - ضميرا علوي
وكيف يختفي - النداء المهدوي
أنا للصبر صبرى - بك والعين عبرى
4= وعيونج الحمره - عبدج وجع صدره - بطيحتج
مانشفت عــيونه - أمحــزم تشوفونه - أمـروتج
مع الخــدم فـــقط أسم كتبيه أللي أبسجلج
وحق علي تره المشه جذب لكاله مثــلــج
ربي خلـق كون وسمه يا فاطمتنه لجـــلج
**
خذيني أنني - مطيعا أنحني
أنادي قـلـبك - أسيرأ ضـمني
سقاني الضلع جمرى - بك والعين عبرى
5= شلون الكلب يرضه - من صحتي يافضه - ما متـت
جا بالعـــمر شلي - بعــدج يبعد أهلي - ماعـشت
أذا عــــلي بــجه دمه يافـــــاطمه برحيلج
بعـد شـــلي غير الدمع يأم الحـــسن دخيلج
أنـه صرت من غيبتج مـــن الحزن عليلج
***
أليك أدمــعي - خجولانا قـلتها
أتــيت نادما - أعيش وقــتها
طلبت اليوم عذرى -- بك والعين عبرى
***********
عبد الجليل المالكي
لازم عـلي مـن أيده - يصــير بمكانه يـريده - أهله النــبي وصاهم
للزهره راحت عينه - والثانيه أعلــى حسينه - بعيونه يحجي وياهم
**************
1= حنيــن ولــم الحنان - أنجمعـوا والحجي جان - يـــوجع حيل الكلوب
يمسح روس العـزاز – يدري البــيت معــــــتاز - شمعه بوكت الغروب
لازم جفوف الحسين وصاح يبني
أنه منك ياحبــــــــيبي وأنته مني
جدي لا تـــــبجي دمع عينك ذبحني
------
أتقرب أشوف عيونك - بس لا تـــكول شلونك - وبكلمته بــــــجاهم
للزهره راحت عـينه - والثانيه أعلى حسينه - بعيونه يحجي وياهم
*************
2= الحيدر دار الأنضار - كـله أصــبر يــكرار - باجر حــقــك يضيع
تجهل قـدرك الناس - وشيبك يصبغ الراس - أشــــبع مني توديع
تـضل جليس بدارك ومحد يمرك
ومحد يكلك شلونك تالي عمرك
ياغـربتــك نارها تاكل بصدرك
-----
أبشدتـــهم ينادونك - ومن تخلص يهجرونك - ناس الضلم أغواهم
للزهره راحت عيـنه - والــثانيه أعلى حسينه - بعيونه يحجي وياهم
3= دار عيونه عالـباب - كال يصير عـــطاب - باجر تاكــله النار
ضلع أمـكم يكسروه - وبيت الحق يحركوه - علـيكم وأنتم زغار
أول مــوادع يـــتانــــيكم يـــجدي
الزهره تاخـــذها المنيه بساع بعدي
شكد حنينه الزهره ماتتركني وحدي
------
من تمشي وتيتمكم - الدنيه تره تـضيعكم - بحــركة كلب ناداهم
للزهره راحت عينه - والثانيه أعلى حسينه - بعيونه يحجي وياهم
*************
4= يبني يالحسن صاح - باجر تشبع جراح - من ضيم اليمرك
بنعــــشك لمن تنام - يرمــونك بالسهام - ويضيعــونه كبرك
يبني ويرفضون كبرك قرب كبري
وأنته شـــتكون لمحمد كلها تدري
لا جزاهم خير خلوه دمعي يجري
-------
يالمجتبى بتشـييعــك -- كـلوب الخبيثه تبيعك - كــــون الله لا خلاهم
للـزهره راحت عينه -- والثانيه أعلى حسينه - بعيونه يحجي وياهم
5= وراكــم ذبح الطفوف - وسوك وعيد ودفوف - بويه وحرك الخيام
يمشي عيالي عالنوك - وبناتي يطـبن السوك - أه الـــــشام يالشام
جني بيكم روسكم فوك العوالي
وتاخذ النســـوه عله النوك الليالي
وتمشي زينب حايره ماعدها والي
-------
هــاذي مشيئة ربي - وباجـــــر يكمل دربي - مــهدينه ما ينساهم
للزهره راحت عينه - والثانيه أعلى حسينه - بعيونه يحجي وياهم
************
عبد الجليل المالكي
زكــات عــيـــوني ** طهـــور اللساني
بعــــزاء الزهره ** كـــمال أيــــماني
--------------------------------------------------------------
1= لا مــناير لا ضريـــح ألها وأزوره لكــن الزهـره وطن
لـو ادوره الـــــعالم بكـبره وأدوره ماكو مثـل أم الحسن
ع سرار الضلـــع جــــن طرزتــــني
ردت مــــــنها رضــــاها وحــتوتـــني
أنعـــــم الله علـــــــــيها والله دللتني
-------------------------------------------------------
أنـكـساري تــــقــــدره ** كـــــريمه الزهـــــره
الخلــــــــــص وياها ** يصــــــــــير شكبره
2= خـــيروني بعيشه متروسه ترافه وملك بس عوف البجي
وأرفضتهم الدنيا التجردني منها حــــته ماتسوه الحجي
الحـــزن ماعـــفـــته من يوم الــتقــيـــته
وصيت الـــــهادي مــــــا أخلف وصيته
هــــويتي الــــــــزهره من يترك هويته
---------------------------------------------------------------
نـــقــــائي بحزني ** جــــــــمالي بوني
تــــــنادي أسمعها ** أشكــــــــرك يبني
**************
3= خـــادم ألها أمنية عمري رضاها اليعمه كل حلمه يشوف
وين أروحن مـــاأكول وياها باقي ومايمر بسنيني خوف
بحــضن حــبها غــــفه كلـــبي وتــوسد
بضمــــيري شــــيدت للـــزهره مرقد
بلا الــــــــزهره أشوف العالم أسود
*************
أفـــــتحت ذرعاني ** هــــوى أتــــلكاني
نســــــيم الزهــره ** تـــــرس وجــــداني
4= أجزع أجزع أفــــتح عـــيونك يكلبي أنجوي وعوف الوقار
من عــصرها سارت الأفـــلاك عرجه ورفعــــت الدمعه شعار
ونـــس بالـــمجلس أتصـــير الــنواعي
ضلــــع أمي أنكسر وبحـــــــقها أداعي
يــــضل وي السطر خـــــــدها صراعي
*************
عـــــزائي ثــــوره ** تخافه الــــــــزمره
جـــــــــــمر بركاني ** تـــــفجره العصره
**************
5= أي يزينب شلون ذيج الساعه عشتي ودفــــنوا أمــــج بالكـــبر
يعـــينج الله ضل مجان الزهره خالي شكد كــــبر بــــيج العمر
ع الباب العــــصر فـــــاطم شبكـــتي
أندفـــنـــــتي بلا كبر ويلي أندفنتي
من زغــــــــــــــرج بالهموم أمتحنتي
------------------------------------------------------------
فـكــــدتـــي الراحه ** وبـــدت النـــــياحه
يـــــــــــفركة أمج ** صـــــدك ذبـــــاحه
***** الخادم عبد الجليل المالكي
أتعـدي يالليله ع خير ** لا تـــــروح أمي وصير
ماتـنحمل هاي المصيبه
من العــــزيزه للغـريبه
-------------------------------------------------------------
1= طـعم اليــتم ما ينشرح -- عالجرح يتوزع ملح
يغمض ويطعن بالرمح -- نحر الأماني
كاس الهـجر ماينشرب -- حنضل أيكطع بالكلب
ومفارك الزهره صعب -- جمره جواني
شلــون أبتسم وأمكسره أمراية ضحكتي
أتصفن غروب المكبره أتصبح صفـنتي
* بعـــد كعــــدات السلام شلون أكعـــــد بالضلام
تتحول الدنيا عجيبه
من العزيزه للغـريبه
2= ياغـيم لتغـطي الشمس -- سمعــني لا تحجي هــمس
لا يختفي طيف الأمـس -- ونجرح باجر
فـوك المكان البي كلب -- لا تسحك وتعـــــلن حرب
أعـصابنه بحالة رعب -- كافي أتجاسر
بكعــدة أخواني لا تجي وأمي بوسطهم
حلو المسامر لو رحل يصعب وضعـهم
** لا تبدي ع الحصير خيرنه بموت الجبير
ياحلم لو راح شيجيبه
من العـزيزه للغريبه
3= من تـندفـن وأنت عـدل -- عمرك تحس كلش ممل
تشتعل بس ما تشتعل -- وتعيش طافي
بالناس ماعــندك عرف -- شتسولف ومالك ولف
مذبوح وجـناحك يرف -- محد يـــوافي
شيسوي بعـــيونه البجي الــــمحد يذكره
ميت وجــن عـــصرة كبر حزنه يعصره
* حــزنه ياكـــل بالكلب ويفـــــتح ضلوعه ويطب
ماعاش اليفارك حبيبه
من العـــــزيزه للغريبه
4= من يمشي شيرجعه الزمن ** ويتــغــرب اليدفــن وطن
صارتلي كلشي أم الحسن ** أم وأخــــيه
حلوات من نكعـــــــد سوه ** مثل الضـــوه شابك ضوه
شيدفــــــنه ياناس الهوه ** حدر الوطــيه
شيفـــتح عــيوني مــــن الفجر لـو ما شفــــتها
دنياي لو بــــيدي بعــــــدها ما عـــــــشتها
* صعب ياعمري الجديد مايرد دمعي البعـــــيد
ياسنينه شكــد كئيبه
من العزيزه للغريبه
5= للترست ضلوعي دفـــــو -- غـــيمت مـــاريدن صحو
محتركه جن كهوة بـــدو -- روحي بعدها
شيمسحه تـــذكار العشك -- وبقــــــبر ضمينه الصدك
شيقـــنعها روحي نفترك -- وتضل وحدها
مو طــــبع زينب جم ســـنه من تــفــــوت تـنسه
للشيب أوصل بس أحس بالــــــــفركه هسه
* لو سواد عيوني ذاب فــــــدوه للحدر التراب
أدفع الأمي ضريبه
من العزيزه للغريبه
***********
الخادم عبد الجليل المالكي
لو توافـق ننتـقـل من دارنه -- بعــد مانهواها شوفة جارنه
ياعلي والحرك دارك -- هـاذه مايتسمه جــارك
-----------------------------------------------
1= ياعلي شوفلنه ديـــره كون مـاتــحرك البوب
وناسها بوجه الـــحمامه مايســدون الدروب
وعالضلوع العـدنه ضلت ما يشنـون الحروب
كون ويحـــبون ربهم وما يحــــــبون الذنوب
--------------------------------------------------
نريد وادم ماتخون بجارها ** موش تحرك باب بيته بنارها
الماحضر بالشده زارك ** هاذه ما يتسمه جارك
************
2= بعـد أذنك ردنه عالم مــــا يكــــرهـون الدموع
كون بوب بيوت عــــدهم ما يعصرنها الضلوع
وتـنكسر عــينه اليــــباوع أبن جيرانه يجوع
مو يجيب الحطب يركض ويحرك بعمر الشموع
----------------------------------------------------
وره مافاركنه أغلى حبابنه ** حطب مانكدر نشوف أبابنه
الما أجاك يطفي نارك ** هذه ما يتسمه جارك
3= الناس هاي الدفعت أمنه العصر من يتجمعون
أندنك مـــن نفوت يمهم ونستحي ومايستحون
خاف من تمشي الصلاتك بضهرك ويتهامسون
علي بعــده لهسه يبجي وبالدمــــع يتشمتون
---------------------------------------------------
شلون نطلع بويه ونلاكيهم -- عصروا أمنه بياحجي نحاجيهم
ياعلي أليتم أزغارك -- هــذه ما يتسمه جارك
************
4= كول ضمينه السوالف الفـــركه شيطفـــيها نار
صعــبه من نشوف عـــــينه جارنه الـنطلبه ثار
الماتت أمنه من ضربته عـدو مـامحسوب جار
حته لو يعـــــتــذر باجر مـــنه منريد أعــتذار
-------------------------------------------------------
سالفت جار المنافـــــق كاضيه ** شلون نرضه وفاطمه ماراضيه
كله مرفوض عتذارك ** هذه ما يتسمه جارك
5= خاف مـن نمشي الكـــبرها ليلة الجــمعه نــزور
عـــــالأثر يمشي ورانه ويعــرف أمجان الكبور
عالــوقار وهاي صعبه جدمه يمشي المو وقور
وندري ماتصبر عليها ياعلــــــي وأنته الغيور
--------------------------------------------------------
ياكل براسك نباوع شيبك ** تروح خفنه ياعلي وشيجيبك
بويه والحارك خضارك ** هذه ما يتسمه جارك
**********
الخادم عبد الجليل المالكي
أخر رساله -- ياعلي قراها
بين السطور -- تعرفه معناها
ذكرت شصار بفاطمه -- أعـذرني جدا مؤلمه
------------------------------------------------
1= أفـجع رســاله ياعلي المو عالورق مكتوبه
جلـماتها حـصرا ألك وأعلى الخلك محجوبه
من ضلع فاطمتك أجت من عــينها المضروبه
وأحساسي متأكده علي حساسك يعرف أسلوبه
---------------------------
أدري حجيها -- يوجع عـيونك
ودعــتك الله -- وماكو شلونك
جانت العصره حاسمه -- أعـــذرني جدا مؤلمه
2= أنته أبو البيت وما أضم عنك يحيدر جلمه
هذا السواد البالجفــن جـندوب جفي يضمه
سامحني من أحسب ألك البيتك دخل جم زلمه
فوك ال 300 أوكسر كلـــمن وشايل سمه
-------------------
وين البكصته -- نشفت الغيره
جابو حطبهم -- يحرك الـديره
بابك أبرمحه حطمه -- أعــذرني جدا مؤلمه
************
3= جفين عـندي ودافعـت عالــباب من دفـعهوها
ومن حشمت كافي أستحي أنطاهم أمر عصروها
كلوله فــــاطم بت نــبي كلهم وأن ضربوها
وأبسرعه جمعولي الحطب بيه دراهـم حركوها
----------------------
الدخان الأسود -- بده يخنكني
أرجـع أنادي -- ضل يعاندني
وتغيرت لون السمه -- أعـذرني جدا مؤلمه
4= أول ضلع طك ياعلي وضل الوجع ياخذني
ثاني ضلع من أنسكر كسره صدك عـذبني
ثالث ضلع دمه نزف شكد ردتك تساعدني
رابع ضلع مـــني وكع أبنك المحسن وأبني
----------------------
ياعلي مــات -- أبساعة وليدك
لا شفت عينه -- لا لــــزم أيدك
من الضلع مهده دمه -- أعــذرني جدا مؤلمه
*************
5= من النار بالكــوه أزحفـت والـــــــنار تـــدناني
أحتاريت شمسح ياعلـــي دم لو دمع برداني
بكلبي صحت وينك علي فـضه صحت بالساني
حاولت أوصل حجرتـــي للســـــتر ما خلاني
---------------------------
ياحــيدر أيده -- أنطبعت أبخدي
نار وهضيمه -- دافعـــت وحدي
أصعب رساله وخاتمه -- أعــذرني جدا مؤلمه
*************
عبد الجليل المالكي
أيدك فوك متني -- بخوفك حسستــني
يالصاير مثــل رايه
ويهزها الهوه برايه -- يبني موتـتني
----------------------------------------------------------
1= يالــمخــتــنك - دور هوى - راح الهوه التـتـنفسه
حسين أقترب - ألـزم أدي - بس ضلعي لا تـتلمسه
قـرب عـيونك يالحسين لعـيوني
من أشم أنفاسك يطيــــبن متوني
هنه كم ساعه بقـت وتشيعوني
-----------------------------------------------------------
دمعـك يبني يجري -- حالك كسر ضهري
روحك عاشت ويايه
ويهزها الـهوى برايه -- يبني موتتني
2= جرح اليتم - ماله دوه - وساعه وتعوفك شبكتي
والحك ألك - من تنكسر - وتـــنادي شلي بضلتي
يبني فوك ضلوعي مشيهن أدينك
والضلوع أتــطيب من أشتم حنينك
راح أموت وحالتي تـشاهدهه عينك
---------------------------------------------
أدري بفكدي أضيعك -- بس مجبوره أودعك
جانت وين ألك هايه
ويهزها الهوى برايه -- يبني موتتني
************
3= يومين ألك - ميت حزن - وخانكها دمعـك جلمتـك
نايم تون - كاعد تون - مات الخضار بشجرتك
شلون تاخذ نوم عـينك وأنه عيني
أعليها أخلي حجابي يمه من تجيني
ومن وجعها عليك ما شبكت أديني
-------------------------------------------------------
شكد أتمنه أشبكك -- بس ماريد أعذبك
بيـني وبينك حجايه
ويهزها الهوى برايه -- يبني موتتني
4= من شوكت - وجه بوجه - فركت حسين وفاطمه
أنه مـــتت - وأنته متت - وماتت الفركتنه السمه
يبني كلبـي الوجعته يحسين وحده
جفوفي ما وصلت الدمعك من تبده
وعينك بعين الحسن ماتت تــنشده
---------------------------------------------------
تـتـلمس أطرافي -- تحس بالضوه طافي
دمعة عيني شكايه
ويهـزها الهوى برايه -- يبني موتتني
5= جــــنك دمع - دافــــي طحت - من وكفتك من غمضت
من تشاهدت - جلمه أسمعت - يالزهـــره يايمه متت
بعيني وجهك من دخل غمضت شوفي
خفت مني تروح لا زمـته بجفوفي
وطفك الــــيوم أبتده بختمة طفوفي
-------------------------------------------------------
ضلعي وكربلائك -- من عدهن بلائك
أختك تنسبي أسبايه
ويـهزها الهوى برايه -- يبني موتتني
**************
عبد الجليل المالكي
للعيون عيون جنتي -- وين عـفتيني ورحلتي
يمه يمه حســين مات
وباقي بس قيد الحياة
**********
1= من مشيتي - كبال عيني - شكد مسافـــات أنطوت
بنار كلــبي - وبدمعـــتي - حلامي وعيوني أنجوت
أجــه الماتـــت أمه أســمع - ويـن ماروح
تنزل أعله الخد دمـــوعي - شايله جروح
بعــــــــده ماواصل طفوفي - وعشت مذبوح
-------------------------------------------------------------
أمشي ومهبط الهامه -- وجهي مابيه أبتسامه
كوه كوه العمر فات
وباقي بس قيد الحياة
2= بصدري شيب - أحس نفـسي - مالـكيت الروحي حل
لا هي ماتــت - لا هي عاشت - الشـيب برموشي نزل
عـدل ضهري أدخــل حجرتــج - أمشي مكسور
تــبقــه بس الهنا كعـدتـي - بخاطري أدور
دمعي أمسحه أوريد يــــهمل - حقـــــه مجبور
---------------------------------------------------------
كلبي قبل العين يبجي -- والمصيبه ويامن أحجي
بالكبر حب روحي بات
وباقي بس قـيد الحياة
*************
3= أعليج أموت - وأنتي ميته - أهلال مأساتي أكـتمل
والــــــيفارك - أمه يــتعب - وكلبي بالفركه أشتعل
من الـفجر للـفجر أكعـــد - عيني عالباب
ألف مـــــــره الطير أجانه - كلشي ماجاب
بيني ما بينج يعـــــــمري - واكــف تراب
-----------------------------------------------------------
تحسب النجمات عيني -- وأنتضر بس ماتجيني
عيوني ضلن صافنات
وباقي بس قيد الحياة
4= بيدي ثـوبج - مـــره أشمه - مره أخلـيه عالكلب
الذكره توجع - لو عــزيزك - غـطت عيونه الترب
تـــبجي عالميتـــين روحي - عله العــدلين
وعلي بنفس الدمعه أشوفه - صار يومين
والحسن مــــــــاشال راسه - مـــن ألونين
--------------------------------------------------
زينب بلا موت ماتت -- لمن أعلى الحجره فاتت
بعــد حضنج وين أبات
وباقي بس قيد الحياة
5= يمه ضكــته - الموت بعـدج - وكلبي بالفركه أندفــن
مشـت ناري - فوك ضلـعي - أوكـــف دخان وصفن
صحت لا تــــــطـــــفه يكلبي - عيش محروك
وأنـــــــــتضر باجر خواتي - يطـبن السوك
هذه موت ومــــــوت باجر - طلـــعة النوك
------------------------------------------------------------
فركة الزهره منيه -- وبعد ضيم الغاضريه
بالشــمس لمن أبات
وباقي بس قيد الحياة
**********
عبد الجليل المالكي
يالأقـــــرب أليه -- من حبل الوريد
بالدنـيه محبــتج -- وبالمحشر تــفيد
يالزهره الحبيبه -- يا أمي القــريبه
--------------------------------------
1= من أتـنفـــس - مـــــــن أتكلم - كلما أحزن - كلما أبجي
أسمج يحضر - رحمه أيخضر - ويناغــيني - كلما أحجي
أنه ما ضليت أمــيز بين أســــمــج الــــهوه
كـل نفــس صدري يسحبه صرت أحسنكم سوه
أكـــثر من الكمر شوكج يترس عيوني ضوه
-------------------------------
يالزهره وغلاتج -- ما تنكص تزيد
خليني بخــيامج -- غـيرج ما أريد
ياعمري ونصيبه -- يا أمي القــريبه -- من حبل الوريد
2= كل ما أكعــد - فــيج فوكي - بكل صبيحه - بكل عصريه
يسأل عـني - يتــــفكدني - كلبج يــمطر - بس حـــنيه
لو صحت معــتاز يمتـد فاطمه خيرج نهر
جفوفج أيصيرن وساده للـرجع من السفر
ضلمه وعليج من أسير أرجع وجــني كمر
--------------------------------
تسكين أبـيـباسي -- ويطك الخضار
يالــزهره ولكيتج -- للرحــمه شعار
أوصافــج عجيبه -- يا أمي القريبه
***********
3= لـذة عـيـــني - من تــبجــــيلج - ومن تـلطملج - زود جفـوفي
خنكة صدري - أبنص المجلس - أتفض بسرعه - وأطرد خوفي
بالخريف أرواقي توكع وأنتي الأغصاني غطه
مره ما أذكــــر نخيـتج أوفـضلج أعليه بطه
جـفج اليــنطيني نعــمه مو مثل كلمن نطه
---------------------------
كــدام الشـــــجيه -- مولاتي تجـين
عيني الهم يسدها -- وتصيريلي عين
ياجرحي ولهــيبه -- ياأمـــي القريبه
4= كسرة معضد - كسروه ضلعج - أبلون الشيله - سووه جفنج
جا ما طاحت - ليـــش الدنيه - من أتـــــيتم - الحسين أبنج
شوغة أبنادم الفركه وشوغة حسين الضلع
ومن كلب الحسين وجهج فاطمه شلعـوه شلع
عليج من ماتت دمعــته ليش مامات الدمع
---------------------------------
خليتي حبيــــبج -- مكسور ويتيم
والفاكــــدها أمه -- يالزهره يهـــيم
أيامـــــــي كأيبه -- يا أمي القريبه
5= الليل أيموت - من يتعـــــده - كبال الفاكد - شـــبكة أمه
أيوكف كلبه - أيشيب عيونه - يدفن حلمه - بكاع الضلمه
دموع زينب من مشيتي نزلت لحد ما كضن
سنينها غيابج لزمها صاغـها جروح وحزن
وماي طولج مــــن تبده صار جتال السفن
----------------------------
خليتي العـقيله -- بغــــيابج تــنوح
من جف الملامه -- لجفوف الجروح
زينب ياغــريبه -- يا أمي القـــريبه -- من حبل الوريد
*************
عبد الجليل المالكي
عالعدلين عالميتين - أبجي لو عليه
تالي الليل أم حسين - أدفـــنها بديه
نصين أكسرت ضهري
جا مو هــيج يادهري
*********
1= بين أصدك مـــا أصدك - رايح أدفــنها الحنينه
هاي أول مـــره صارت - حيدر يـــجذبها عينه
حيلي قـــالع باب خيبر - راد بس واحد يعــينه
تكول مو جثمان شايل - جــني شايلها المدينه
------------------
يا سلـــمان أمشي وياي - ساعدني بدفنها
أجدامي أثكال ما تمشيش - مثل الميته جنها
نهران الدمع تجـــري
جا مو هيج يادهـــري
2= ماخــذ التابوت أشيعه - مدري هوه الشيعاني
عالمــتون أفــياي بيــتي - مـــاشي أدفننه شأجاني
وياي كلب الزهره يحجي - للكلب قــــــربت أذاني
والحنان الــــــما لكيته - ضيعيته أو ضــــيعاني
-------------
براسي وكلبي يركض شيب - مهضوم وغزاني
كلبي أيـودي ضل ويجيب - أيام الـــفاركني
شأكل الروحي ماأدري
جا مو هيج يادهري
**********
3= جانــت الزهره شريعه - وعالنهر مجاراها زايد
والنـبع مات بهجرها - ومن بعـدها الماي راجد
راحت أم بيتي وحجيها - بعــده بين عيوني كاعد
أنه مافاكــــــــد الزهره - أنه جني عـــــــيون فاكد
---------------
أول تالي أبو الحملات - ما يندل طريجه
يابس كلبه مــن الشوك - ما ينبلع ريجه
شصبر ما نفع صبري
جا مو هيج يادهـري
4= فـكـد فــاطم لاح كلبي - وكامت أسراري أتـطشر
ومن وراها أيام عمري - شجره وبـــــــريح أتكسر
عله شوفــتها العزيزه - ضلت عــــــيوني أتحسر
للسكوت أيــميل طبعي - الجان مو هـــــــيج وتغيير
----------
ماضل للعــصاري أفــــياي - حركتني شمسها
روحي ماتريد الـــــــيوم - تشتاك الأمــسها
حيره تحــيرت بأمري
جا مو هيج ياعمري
5= الجنت أموت عليها ماتت - جرحي ضل مفتوح بابه
ياحجيها الـــغاب عني - ياكل بروحي بغـــيابه
عندي ما تسوه حياتي - الزهره نامت بالترابه
وباجر أبنيــــتها زينب - أتبات أويلي بالخرابه
------------------
نحرك خل يستعد يحسين - باجر للـــبواتر
أدري بصــــدرك أتانيه - بالطف الحوافر
أمرك مصعبه وأمري
جا مو هيج يادهري
*********
عبد الجليل المالكي
عــمر مايسـوه أعـيشه ** نوخذ من جنحي ريشه
صباح الخــير راحت للمقابر
أجتـني بدالها كسر الخواطر
--------------------------
1= أنه حسين - عـشت طـير - أعله أيد أمي أحط
صبع مـاي - صبع شوك - صـــبع ثالث مشط
أجي عــدها وتـمشط فــاطمه شعري
وتبوس عيوني الأثـنين وتشم ثغـري
بهلا يابعد طولي ويابعــــد عمري
----------------------------------
شحلات البيت صاير ** عــــشك يترس دفاتر
شريد أم الحنان تكـول حاضر
أجتني بدالها كسر الخواطر
2= دفــو البيت - أذا أجــوع - تــمد سفـــرة رطب
أتخــبز خير - تــشب نار - أوحي يــنكل حطب
يتـنور أمي من وحده تـشب ناره
أبوها المصطفى أمن الجنه مختاره
ماخذ شمرة أمـــــي يطعـم بجاره
----------------------------------
يبوس أيدي بصباحي ** أنام ويـــــبقه صاحي
عشت عالي بسماها طير نادر
أجتـني بدالها كسر الخواطر
************
3= أجه الـباب - بديه نار - وحرك كلــشي حلو
صحت ليش - تذب هيل - أبـــــير بــــــلا دلو
شفتها عيون أمي هواي تعـــــبانه
وتغــير ضي وجهه وذبلت ألـــوانه
عليها الكومه صعبه تـنام عـطشانه
---------------------------------
رحمها الله المحنه ** شالت مــــــن نزلنه
شفت دخان يخـــنك بالعبائر
أجتني بدالها كسر الخواطر
4= لــفه الضيم - نـكل شيب - ترس راس الولي
علي يصيح - يزهــــراء - علي يــحضرج علي
يكض جفوفها أمــــن تكوم مابــــيها
ويجيب التربه يـــــم أمي ويدنــــيها
أساله شخيرها أمـي الدمعــــه يجريها
--------------------------------
سبحته وطش خرزها ** مشت منه اليعــزها
حاني الراس يصفك بيده حاير
أجتني بدالها كـسر الخواطر
************
5= أعـتنه الموت - مثــل ضيف - وكف ضل يرتعــش
خــذه الروح - والأحـــــلام - شمرهن عــالنعـش
خدي بخدها خليته وصحت كعـــدي
أنه حسين خلي أيــدج عله خـــدي
ميته أمـــي وأحسها تــلزم بزندي
-------------------------------
أسمعت صوت وعلامه ** علي نحـــــي اليتامه
أبوي يشيع أمي وراسه حاسر
أجتني بدالـــــها كسر الخواطر
**********
الخادم عبد الجليل المالكي
ياناكرين المعــــروف - تــبـت أيـاديــــــكم
عالضلع باجر والعين - للــــــباري أشكيكم
عالسطره والباب - نتحاسب حساب
--------------------------------------------
1= كـل كبـيـره وكــل سغــيره أحصاها ربنه
ويعـــرف اليـبغـضـنه مـــــن أللي يحبنه
وأحــنه أســـماء وعله عـــرشه نكتبنه
مــــن أراد الله يـــوصل مــــن دربنه
-------
أما سمعـــــــتم ماقال - ماتت ضمايركم
عن الرجس مبعودين - عــميه بصايركم
شيفيد العـــتاب - نتحاسب حساب
2= قـــــبل ما يخلــــقـــني ربـــي أنه أمــتحني
صابره أنه وعالــــــوعـــــــد ربي وجدني
سيدة كـــــــــل النــــسه بــعــــــلمه جعلني
وربي ما يخلــــــــــف وعــــد لمن وعدني
---------
قدسيه سر ومكنون - أنسيه جوهرتي
أنفطمت عقول الناس - عن كنة معرفتي
الخاصمني مرتاب - نتحاسب حساب
*********
3= هـــل لــكم أبنت نـــــبي بالدنــــيه غـيري
ليش خلف الــــــــباب صار أنه مصيري
ليش زينب تـــــــنحرم شـــــمة عبيري
ليش حـيدر شيب الضلــــــــعي الكسيري
-------
ياأيها الملعونــــين -- ماعــدكم مروه
بالدنيه أنتم راضين -- والدنيه ماتسوه
يا أجلف أعراب-- نتحاسب حساب
4= شــكــد نطرت المحــــسن يصير وأشمه
وجانت أمنيتي الولد من يــمشي ألزمه
راح مــــــني ومــــــا نطق كلمة ييمه
بعده ما فاتحها عـــــــينه ويجري دمه
---------
لا ذنب عنده ولا صوج - ونكطعت أنفاسه
لا أنه شــــابكة وراح - لا والـــــده باسه
سفرة هوى هاب - نتحاسب حساب
**********
5= بالحرك هـــــددنـــي وأنه الـــــدمع أسيله
وأنه مــــــــن بعـــــد النبي روحي عليله
دفع بيده الباب أبو جــــــــذوع الثكيله
هشم ضلـــــوعي وصحـــت ربي أشتكيله
--------
شب الحطب والنيران - محد يطــــفيها
وبوكعتي خلف الباب - يادمعه أجريها
أنفاسي عطاب - نتحاسب حساب
*************
عبد الجليل المالكي
ياعلي ياعلي - عالغياب شبيدنه
ياعلي ياعلي - لا يـموت وليدنه
ضم الحسين برحمتك - ومن عينه ضمها دمعتك - لا يموت وليدنه
-------------------------------------------------------------------
1= شاهد عــيونه - ياعــلي ولونه - أتغــير الغــالي
ترجف أطرافه - غابت أوصافه - والدمع هـــالي
بأسمي من يصيح ما يطلع صوته
يـوكف ويطــــــيح يتـــنطر موته
جــــــن تانه الريح تدفــــع تابوته
-----------------------------------------
نضرته نضرته - عالدموع السايله
نضرته نضرته - تدري بيها شكايله
أخفيها عنه حسرتك - ومن عينه ضمها دمعتك -- لا يموت وليدنه
2= تسولف دموعه - وجمرة ضلوعه - حركت ضلوعه
يريد يلــزمني - أبني ويــشمني - ولزمته دموعه
أيريد أفــــــتح الأيد ويــوســد راسه
أعـــــــــرف شيريد أشعــر بحساسه
عــــــن حضني بعيد مضطربه أنفاسه
-----------
دمعته دمعته - تجري وتـناديني
دمعته دمعته - بيها يمه أخـذيني
أقسم عليك أبغيرتك - ومن عينه ضمها دمعتك -- لا يموت وليدنه
***************
3= يالحنين أنته - ياعلي شفـته - شصاير بحاله
والولــد وأمه - أبينهم رحمه - تعـرف الحاله
أرد أنــهــــض لــيه توجعني ضلوعي
جيبه أوخلـــــــــــيه أرحم بدمــــوعي
مــن روحي أسكيه وأختم موضـوعي
--------
بالحضن بالحضن - خل أضم وليدي
بالحضن بالحضن - هــذه دم وريدي
أدريها صعـبه محنتك - ومن عينه ضمها دمعتك - لا يموت وليدنه
4= ينادي أريد أمي - ويحترك دمي - عــلي طفيني
والحلم ضــايع - شبكة مــوادع - رايده أنطيني
جـــــــــم ساعـــه وياه باجر مدفـونه
شلــــــــــــــون أبفركاه ماشوف عيونه
أتـــــــــــضل بس الأه وأبني أيـتمونه
------------
أندفن أندفن - وأنحب بملحودي
أندفن أندفن - والضلوع شهودي
أسمع ونينه أونتك - ومن عينه ضمها دمعتك - لا يموت وليدنه
5= وداعت العشره - أسمع الزهـــره - أخر حجايه
من تشيعـــــني - وياك جيب أبني - طلبـتي هايه
أبطرف التابـــــــــوت خلــــيها أيدينه
حــــــته أسمع صوت من دمعة عينه
شبيدي أعــله الموت حسيـن تيتمينه
--------
أنتضر أنتضر - لمن تزوروني
أنتضر أنــتضر - والدمع بعيوني
وداعت عشرتي وعشرتك - ومن عينه ضمها دمعتك - لا يموت وليدنه
************
عبد الجليل المالكي
حرك البيت يهون -- بس فركاج شلون
لو ماشفـــتج يوم -- ما تـنفع العيون
----------------------------------------
1= يــمه يالـــمالج وجه مكــــروه كــافي
لا تـكطعــينه الحجي يم حجي الدافي
ماي عــمري بغــيبـــتج ما يبقه صافي
أنـــــــتي للــــملكه حرز مـو للتجافي
--------
من تموتين يموت -- حلـــمي بلا تابوت
شتفـــيد الجلمات -- من تكطعين الصوت
*********
2= أدري مو من طبعج أتكسريلي خاطر
بس تــعاي نـــسولف بفــركاج باجر
أولا يخــــرب البـــيت البــيج عامر
ثانيا مو حلوه للزهــــــــره المقابر
-------
يذبح كلبي الشوك -- وحزني أيحمل نـوك
يمشي مدنك هاي -- الحســــــينج متـلوك
3= أفـرك جــفـــوفي صرت وتطيح حسره
صرت مثل الصاح الأهله أبـوسط كبره
لا يسمعــــونه ولا واحـــــــد يحضره
هيجي حيرة روحي بفــــــيابج يزهره
--------
روحي عليج تخاف - دمعي بعيني نشاف
يالزهره وتــــدرين - وجهج مـــا ينعاف
************
4= عله عــيوني يصير حته النوم غالي
مستحيل أرتاح والــــــباب أعله بالي
غالـــيه وجــرحج بكلـبي يـصير غالي
أتغــــيرت من هسه شوفي شلون حالي
-------
كوه أتـنــفس هاي -- راحت تـبـقه وياي
ماكو ورده تعيش -- من يكطــعون الماي
5= أدري باجـــر بالحـــــلم لا بـــد تجـــيني
يــمه بس الحلم ما يــــرويها عــــيني
راح أضل للموت ألـــــج فايض حنيني
وأنــــتـــضرها بكـــــــربله كطعت وتيني
---------
من أوكع عــطشان -- وعـــــيونج الحنان
بسمج كلبي يصيح -- وأنه عله الـــــتربان
**********
عبد الجليل المالكي
https://youtu.be/PkDNNoR9uYk?si=llSnpYOetUw3azmq
✅
جديدنا
قصيدة ياموت
أداء الـــــرادود حسن الصالحي
كلمات الشاعر عبدالجليل المالكي
عزاء الحسين.. كربلاء المقدسة
باب الخان..
حسينية آل ماجد
أيام الفاطميه 1446
تستحق التحميل والنشر حباً لمولاتي فاطمة الزهراء عليها السلام
https://youtu.be/3Ecs_eR4_lY?si=wiABpJSnjcvrVdyf
Читать полностью…
يبني لــــو موجوده أمك أمنه
جان ضلت ع صـدرك حاضنه
يارســـول الله سوه -- ننحرم من الهـــوه
--------------------------------------------
1= كون يوكف موتي وأرجع يانبي الله من جديد
ونرجع العمر المحنه بصوت يوليدي شتريد
الله قـــادر مو بعـــيده قـادر أيقرب البعيد
باب كـــبري ينفــتحلي ويـرجع الدم بالوريد
-----
ألزم جفوفك وشوف عيونك
شلونج أتـكلي وأكول شلونك
ياضوه عيوني الضوه -- نــــنحرم منه سوه
*************
2= أنـــزلك ســــبحانه ربنه رحمتا للعالمـــــــين
أنته مــــــن تــــــناجي ربك كلشي كدامك يلين
يبو الزهره الزهره تبجي لا تموت من الحنين
لا تسد العـــــــين شيب دير وجهك عالحـسين
------
حيدر يناديلك أرجع خويه
وفاطمتنه تنادي وينك بويه
يالنضر عينك دوه -- ننحرم منه سوه
3= لا تــضيع الزهره يبني الزهره ماتحمل ضياع
سفــــــرة غــيابك طويله والسفر رايد متاع
ماتصدك طول أبوها تضمه يابو الزهره كاع
بهجرك يخلص عمرها هـــيه والدمعه صراع
-----
بعدك يـعصروها يبني أبابنه
ويذبح الزهره الحزن وغـيابنه
كلبك أعليها نجوه -- ننحرم منه سوه
*************
4= حال حيدر ياخـو حيدر بالكبر وعليه بجيت
يبني وصلتني صرخته من عله جتافه نتجيت
شيبت مــن هسه روحه شلون باجر لو مشيت
أنته مـــاترضه بكسرته شلون هالمره رضيت
------
عـيون حيدر بالمدامع غاركه
تنازع وراسك يـنوح وشابكه
بالدمع خده ارتوه -- ننحرم منه سوه
5= من تغيب سنين عمرك تلفي السنين العجاف
من الحرك والباب باجر ضلع فاطمتك يخاف
جنازه من تصير يبني وتنحمل فوك الجتاف
كاع الأيرويها مـــايك باجر يطكها الجفاف
------
ضلع فـــاطم باجر يعصرونه
وعلي من حقه تره يحرمونه
والبقيه بنينوه -- ننحرم منه سوه
***********
عبد الجليل المالكي
