https://youtu.be/3Ecs_eR4_lY?si=wiABpJSnjcvrVdyf
Читать полностью…
يبني لــــو موجوده أمك أمنه
جان ضلت ع صـدرك حاضنه
يارســـول الله سوه -- ننحرم من الهـــوه
--------------------------------------------
1= كون يوكف موتي وأرجع يانبي الله من جديد
ونرجع العمر المحنه بصوت يوليدي شتريد
الله قـــادر مو بعـــيده قـادر أيقرب البعيد
باب كـــبري ينفــتحلي ويـرجع الدم بالوريد
-----
ألزم جفوفك وشوف عيونك
شلونج أتـكلي وأكول شلونك
ياضوه عيوني الضوه -- نــــنحرم منه سوه
*************
2= أنـــزلك ســــبحانه ربنه رحمتا للعالمـــــــين
أنته مــــــن تــــــناجي ربك كلشي كدامك يلين
يبو الزهره الزهره تبجي لا تموت من الحنين
لا تسد العـــــــين شيب دير وجهك عالحـسين
------
حيدر يناديلك أرجع خويه
وفاطمتنه تنادي وينك بويه
يالنضر عينك دوه -- ننحرم منه سوه
3= لا تــضيع الزهره يبني الزهره ماتحمل ضياع
سفــــــرة غــيابك طويله والسفر رايد متاع
ماتصدك طول أبوها تضمه يابو الزهره كاع
بهجرك يخلص عمرها هـــيه والدمعه صراع
-----
بعدك يـعصروها يبني أبابنه
ويذبح الزهره الحزن وغـيابنه
كلبك أعليها نجوه -- ننحرم منه سوه
*************
4= حال حيدر ياخـو حيدر بالكبر وعليه بجيت
يبني وصلتني صرخته من عله جتافه نتجيت
شيبت مــن هسه روحه شلون باجر لو مشيت
أنته مـــاترضه بكسرته شلون هالمره رضيت
------
عـيون حيدر بالمدامع غاركه
تنازع وراسك يـنوح وشابكه
بالدمع خده ارتوه -- ننحرم منه سوه
5= من تغيب سنين عمرك تلفي السنين العجاف
من الحرك والباب باجر ضلع فاطمتك يخاف
جنازه من تصير يبني وتنحمل فوك الجتاف
كاع الأيرويها مـــايك باجر يطكها الجفاف
------
ضلع فـــاطم باجر يعصرونه
وعلي من حقه تره يحرمونه
والبقيه بنينوه -- ننحرم منه سوه
***********
عبد الجليل المالكي
https://youtu.be/NwP83xP10eY?si=_7-1UaTH26gCzzwP
Читать полностью…
https://youtu.be/A7p6ZTtoU7U?si=4qGdT3QGyi27-pEx
Читать полностью…
https://youtu.be/USf5GQO3S3s?si=wzzGcSwwgk5s_lzr
Читать полностью…
هلا بالـعاودن من خربت الشام
خواتي أتـكربن يم كبري محـتام
----------------------------------
1= هلا بالشايلات الروس والــــدم بأديـــــهـن
هلا بالباجـــيات هــــواي ماهـــود بجيـهن
الماشافن لذيذ النوم سهرهــــن سبـيهن
مـن شمس الضهاري هواي مكلـوبه عـبيهن
تعـبهن مشي الـناكه - وذبح الغالي وفراكه - وين التبجي مشتاكه
*** يتعب كل ضعـن يسبونه ضلام
خواتي تكربن يم كبري محــتام
*************
2 = مـن شهر وعــشر تيام فاركـنه بعضنه
من شجرة الملكه أغصان بالـكوه نشلعنه
أحنه أهل الهلا الفراك ماهـو من طبعنه
ومن البجي خدود الكاع شبعـت من دمعنه
بين الفاركت عمها - وبين الجلبت بأمها - يجري عالحبل دمها
عطشتن والنهر بالــغالي ينسام
خواتي تــكربن يم كبري محتام
3= يالجيــتـني مـــن الشام بـــس بلا ملامح
عوفــنه العتب شيفيد خويه العـتب طايح
متــنج خويه زينب هيج من السوط رايح
من أسمعتج تصيحين صار بكبري صايح
السوط شسوه بمتونج - لا صوتج ولا لونك - دمعج غــرك عيونج
*** ماعندج ضلع ماضربته سهام
خواتي تكربن يم كبـري محتام
************
4= أجيتـن من عذاب الشام بس شلون جيه
أشبكجـن يزينب بــيش مكطوعات أديه
رجعـتــن نقص من الشام مارجعت رقيه
أول وحده كون هناه جا شبكت عليه
ماتت بالغرب طفله - والله هاي مو سهله - حطــــت بالكلب عله
**** جا ويــــن العزيزه الجنها شمام
خواتي تكربن يم كبري محتام
5= من بعد الذبح والشام هاليله ألــتقــينه
والد بالكبر مدفـون وطــــفاله الحنينه
أعليجن كلبي ضل يـنوح ماهــود ونينه
حكم القـدر راد أفــراك يابويه شبدينه
رافعتن راسي بالغربه - يالـذليتـــن الصعبه - كلمن حسرته بكلبه
**** كسرتن خاطري بدمـــــوع الألام
خواتي تــكربن يم كبري محتام
********
عبد الجليل المالكي
https://youtu.be/YNoUKcQqda0?si=0ch-0WmEG7hzjOAa
Читать полностью…
رحلة حياتك يالحسن ماي ** بس رايح ومابيها شي جاي
فوك الحزن يبن الزجيه
تقــصيرنه أمحملك أذيه -- رحلة حياتك
-----------------------------------------------------------
1= لـــو أحــــبك أنه مـــــا أئذيــــك
ولــو بيه خيـــــر بكلبي أخليك
مو مره لا مـــرتـــين أراضــيك
حقـــك علــــي يالحســـــن ناسيك
*** جاي أبــــجي وأدري تـــقــدر دموعي
وأفــــتح كــــبالك دفــــــــــتر ضلوعي
* مقــفول كلبي وأنت مفـــتاح سامحني خلي أفكاري ترتاح
كبالك تون روحي خطيه
تقصيرنه أمـــحملك أذيه -- قصة حياتك
2= أنــته الأمــــان بدنــــية الخــوف
ومــــاشوف وأنته يالحسن شوف
تاكــــل بـــــروحي جلمة لأوف
صاير نهر ما لزمـــته جروف
*** جدمي عله حس الطبل ضل يركض
عفتك وغــــيرك ضل علي يفرض
** محد نصحني ذاك من ذاك ** أغــــرك أذا عافـتـني يمناك
غيرك تره محد أليه
تقصيرنه أمحملك أذيه -- رحلة حياتك
3= عـنك خلص عـمري وأنه بعــيد
وماأدري كلــــبي مني شيريد
طلعت بــــــوجهي شكد تجاعيد
مثـــل الحنيــــــنه وفاكده أوليد
**** نــسمة صدك فــــــوت أعله شــــباجي
وأترك اللساني شحاجـــــــي ما حاجي
* تـلكاني مثل الجرح متعوب وكلبي ع أيدك رايد يتوب
دمع الصبح يلزم مسيه
تقـــصيرنه أمحملك أذيه
4= يالمحترك جن حركة خـــيام
وغربة حياتك تــــشبه الشام
ميت ونعــــشك شابع أسهام
الله وأكــــــبر ناس ضلام
*** مارضوا يم جـــــدك يدفــــــــــنونــــك
يكرهــــــــونك الشبعـــــــــوا أبماعونك
** رادو مثــلهم لازم تصــير وماوافـقــت طلبوا التهجير
يامن طعـت الله ونبيه
تقصيرنه أمحملك أذيه
5= من يموت غـير التعب يرتاح
وأنته أخوك بنص غرب طاح
راسه مشه للــــشام برماح
وزينبكم أنبح صوتها صــياح
*** دخلــــت السوك الشام مجـــــتوفه
وعالرمح راس الكافــــــــل تشوفه
** ركضت عليها الناس بحجار وجفوفها محتركه بالـــــنار
يالمجتبى زينب سبيه
تقصيرنه أمحــملك أذيه
رحلة حياتك
**********
الخادم عبد الجليل المالكي
أرسمت صوره ألك مفتوحه أدينك
ردت أغـفه يبابه بــفي يمينك
بعد ماكمـلتها أجت هويه خذتها
@@@@@@@@@@@@
1= رسمي مايشبه تره رسم الزغار ماكـو بـــي اللوان بس لون الحمار
بيها باب الصوره بس مابيها دار والأطـــــار الخــــــارجي أركـــانه نار
أكــو غـــيمه لجن ماترضه تمطر
من عـيوني دمع عالصوره يطفر
أخيرا وضحتها أجت هويه خذتها
@@@@@@@@@@@@
2= أرسم بوضع الوقوف وعندي راي حته عالصوره وقـــــوفي يضل فياي
فكرت بجفـــوفي أجيب شويه ماي كلت أشرب صورتك وأبـــقه وابقى بضماي
@@@@@@@@@@@@
تـكــع دمعه -- وأقـربها أعـله شفتـك
من عـيونك -- يبس ريجـــك عرفتك
بعدني ماشفتها -- أجت هويه خذتها
@@@@@@@@@@@
3= بلا شريط أسود كلت خلــــيها هــيج هلبت الله يرد يكلي تعــــيش أديج
أن شالله تعجـبينه صارت روحي بيج يـبوسني براسي ويكلي هسه أجيج
يتــــبسملي -- ويكـلي أجـمل هـــديه
وأنه مدنكه -- ويـــــــــــنادي يارقيه
بعد ما لونتها -- أجت هـويه خذتها
@@@@@@@@@@@@
4= طلعن أبنص الرسم يـــبجن بنات من وضعـهن صحــت ذني مضيعات
دورن بالكــــــــاع ساعه مدنكات وشفت أديـهن عمت عيني محركات
عرف جنهن -- خصوصا هل الأخيره
أضن عمتي -- لجـــن صارت جبيره
أي عمتي عرفتها -- أجت هويه خذتها
@@@@@@@@@@@@
5= كـمـــلـت بس مانـــمت جـاوين أنــام حته بالصوره أنــترس صدره سهام
صوت بذني يصيح أسمعه من الضلام مايفـــــيد الـــــــــرسم باجر شام شام
ولا ساعـــه أكــو راحه بحـــياتج
سبي حاضر علــــــه راسه وفاتج
أماني ماعشتها -- أجت هويه خذتها
الخادم عبد الجليل المالكي
https://youtu.be/Z9vmFP3nzho?si=w2Hpwvor2lsEL2aj
Читать полностью…
https://youtu.be/VKnj9B7bCvw?si=O3mSJwNlRuLZ1zL2
Читать полностью…
https://youtu.be/Eooq9rCROPA?si=ACP3WdtoCQeGLg2_
Читать полностью…
https://youtu.be/zKA1eVXanG8?si=CDZPzpJU5DxZTYm-
Читать полностью…
https://youtu.be/HOecuIznWaA?si=0atNphFHx-E9vwVh&sfnsn=mo
Читать полностью…
https://youtu.be/9Nxkxg5HrXg?si=vZqePmPZzTx_xAna&sfnsn=mo
Читать полностью…
لازم عـلي مـن أيده - يصــير بمكانه يـريده - أهله النــبي وصاهم
للزهره راحت عينه - والثانيه أعلــى حسينه - بعيونه يحجي وياهم
**************
1= حنيــن ولــم الحنان - أنجمعـوا والحجي جان - يـــوجع حيل الكلوب
يمسح روس العـزاز – يدري البــيت معــــــتاز - شمعه بوكت الغروب
لازم جفوف الحسين وصاح يبني
أنه منك ياحبــــــــيبي وأنته مني
جدي لا تـــــبجي دمع عينك ذبحني
------
أتقرب أشوف عيونك - بس لا تـــكول شلونك - وبكلمته بــــــجاهم
للزهره راحت عـينه - والثانيه أعلى حسينه - بعيونه يحجي وياهم
*************
2= الحيدر دار الأنضار - كـله أصــبر يــكرار - باجر حــقــك يضيع
تجهل قـدرك الناس - وشيبك يصبغ الراس - أشــــبع مني توديع
تـضل جليس بدارك ومحد يمرك
ومحد يكلك شلونك تالي عمرك
ياغـربتــك نارها تاكل بصدرك
-----
أبشدتـــهم ينادونك - ومن تخلص يهجرونك - ناس الضلم أغواهم
للزهره راحت عيـنه - والــثانيه أعلى حسينه - بعيونه يحجي وياهم
3= دار عيونه عالـباب - كال يصير عـــطاب - باجر تاكــله النار
ضلع أمـكم يكسروه - وبيت الحق يحركوه - علـيكم وأنتم زغار
أول مــوادع يـــتانــــيكم يـــجدي
الزهره تاخـــذها المنيه بساع بعدي
شكد حنينه الزهره ماتتركني وحدي
------
من تمشي وتيتمكم - الدنيه تره تـضيعكم - بحــركة كلب ناداهم
للزهره راحت عينه - والثانيه أعلى حسينه - بعيونه يحجي وياهم
*************
4= يبني يالحسن صاح - باجر تشبع جراح - من ضيم اليمرك
بنعــــشك لمن تنام - يرمــونك بالسهام - ويضيعــونه كبرك
يبني ويرفضون كبرك قرب كبري
وأنته شـــتكون لمحمد كلها تدري
لا جزاهم خير خلوه دمعي يجري
-------
يالمجتبى بتشـييعــك -- كـلوب الخبيثه تبيعك - كــــون الله لا خلاهم
للـزهره راحت عينه -- والثانيه أعلى حسينه - بعيونه يحجي وياهم
5= وراكــم ذبح الطفوف - وسوك وعيد ودفوف - بويه وحرك الخيام
يمشي عيالي عالنوك - وبناتي يطـبن السوك - أه الـــــشام يالشام
جني بيكم روسكم فوك العوالي
وتاخذ النســـوه عله النوك الليالي
وتمشي زينب حايره ماعدها والي
-------
هــاذي مشيئة ربي - وباجـــــر يكمل دربي - مــهدينه ما ينساهم
للزهره راحت عينه - والثانيه أعلى حسينه - بعيونه يحجي وياهم
************
عبد الجليل المالكي
فيديو من عبد الجليل المالكي
Читать полностью…
https://youtu.be/YnIadImqkIw?si=jcMfqKtJphovjopy
Читать полностью…
https://youtu.be/YjSHus9fdAo?si=6OEPo-hT5pvSWlfj
Читать полностью…
https://youtu.be/Lb1Lg-UK1tw?si=frbWdAiZl-D3MAKt
Читать полностью…
https://youtu.be/FM9-YqVm3UE?si=lur94GU_K-PsW-DK&sfnsn=mo
Читать полностью…
يالحسن ريتك معاي ** بكربله وتـلــزم كفاي
من يـذبحوني يخوي ** عــيلتي تـشربها ماي
------------------------------------------------
1= بوكــعــتي أتمنــــيت أشمك ** شـــمـــة الأم الأبــــــنها
وأشمر جفوفي أعله ضهرك ** وأذكر الزهره وحضــنها
وأترس عــــيوني بالحيتك ** الجنها لحــية جدي جنها
وألــــــزم جفوفــــك وأكلك** زينب تــــردها الوطنها
--------------------------------------------
كل أخوه يحتاج أخوه ** بشدته أيريد أبن أبوه
ردتك بحـرك الخــيام ** عيلـــتي تشربها ماي
***************
2= ردتك بشمس الضـهـــيره ** توكف أتفيي أعله أخوك
والصعد صدري تـدفـــعه ** بوكـفه من وكفات أبوك
والنهب خاتــــم أصبعي ** تكـــطع أيــده ومـن يجوك
توكف أدافــــــــع عليه ** وأدري مثــــلي يسلبوك
----------------------------------------------
شيبك تصبـــغه بدماي ** يالحــــسن متمــني هاي
ميت وتفكـــيري بيك ** عيلــــــتي تشربها ماي
3= يلي عطرك ريحــــة أمي ** وهـــيبتك هـــــيبة رسول
بالطشت وكعـــت جبدتك ** ياجـــــــــرح أمي البتول
كون حاضرني بغربــتي ** يالحسن خـــــويه شتكول
والسهام بــصدري نامت ** وعالجسد تســـــحك خيول
--------------------------------------------------
ثــوبي لــمن سلــــبوه ** خاتم بجــــــفي خــــذوه
يبو محــمد كون جاي ** عيلتي تــــشربها ماي
***********
4= بنعشك أشجم نبله طاحت ** بصدري أكثر منها صار
ماخفــــــت من المنيه ** خوفي بس أعله الزغار
ياسهــــــم يجبل وأشوفه ** بصدري يدخل جنه نار
أصبر وأذكـــــــر رقيه ** الضاعت أبعــــز النهار
---------------------------------------------
ماشغل بالي اليــــريـــد ** معـــتــني ويكطع وريد
بالي يـــــمك خويه راح ** عيلتي تـــشربها ماي
5= وداعـــت أيام الطفـــوله ** وبيت أبونه الكله طـــيب
قصة أحــــزاني عجيبه ** والطفـل منها يـــشيب
عالرمح راســـــي تعلك ** خويه كبل أمن المغيب
عالرمل تـركوني عاري ** مثلي هم شايف غريب
-----------------------------------------------------
عالثره طايح ذبــيح ** والنحر بسمك يصيح
كون حاضر بالطفوف ** عيلـــتي تشربها ماي
*************
خادم العتره عبد الجليل المالكي
عـند الكرام العـــذر مقبول ** وأنه أعـتـذر يالحسن شتكول
عــبدك قـليله أعماله ** جرحك أريد أقــراله
--------------------------------------------------------------
1= دك باب روحي برحمتك ضــاع أبحر مفـتاحه
الما يمشي وياكم صدك يحلم يــشوف الراحه
نسيانك أعلـنها ألحرب ذبهن بصدري رماحه
قصرت وهواي أعترف يالفركــــــــتك ذباحه
* سعفه وتهزني بكيفها الريح ** لو ما أعرفك كدها ما صيح
كبالك شـرحت الحاله ** جرحك أريد أقراله
************
2= جبت الذنوب أركض ركض حطيتها ع جتافي
كتلها كافي أرويحتي وتــــصيح لا مو كافي
بيك أنه أدري يالحسن تريد اليخـدمك صافي
كطره أطلب من أمروتك تشمرها فوك شفافي
*** كـفـنه ذنبي والكلب مات -- ها يالكريم تعوفه هيهات
أعليك الكطيعه أوصاله -- جرحك أريد أقـــراله
3= مــن سنه والدايــر سنه مولاي أذكــرك مره
غــيرك الداره من أطب جا كلي أطــلع بره
كلبك جبـــير وخاطري ماترضه والله تكسره
منا وجاي بخدمــــــتك كون أستحي من الزهره
** لازم أذكرك وي الأنفاس وبمأتمك أللـــطم ع الراس
أتحب الحميده أفعاله ** جرحك أريد أقراله
***********
4= ياريت حاضر كربله حسين الغــريـــب تعـــينه
واكف أبنص سبعـين ألف وبــنصهم أمخلينه
محضرينها أرماح الصدر بس يـــــوكع متانينه
يدرون عــــــباس أنجتل والسهم طاح بعينه
* طاح وعليه هجمت الصوبين ومن الحجر مابين حسين
داست عليه خـــياله ** جرحك أريد أقــــراله
5= من سحكوا ضلوعه ركض هجموا عله خياماته
حركوهن وطلعــــن بجي تـــــتصارخ أبنياته
من شامت الصوط اليجي ماتــــــنحمل ضرباته
وسجادكم ماتنحسب بين الغـــــــرب طيحاته
* الله وأكبر ماكو معـــــين * وأختك خذوها للدواويـــــين
حسينك غريبه عياله *** جرحك أريد أقراله
**************
الخادم عبد الجليل المالكي
https://www.youtube.com/watch?v=OTUNsYohN3Q
Читать полностью…
https://youtu.be/NiKMsJ--vBg?si=HKaw8xPldzJa59WQ&sfnsn=mo
Читать полностью…
بـقـصر الذباح - ونــــتم برماح
زيـــنبكم هاي - بــيـرغ ماطاح
ما ذلــوها أخــت حسيـن
كلــمة زيـــــنب سيفين -- بيرغ ماطاح
--------------------------------------------------------------
1= ألــف هــنـــيالـكم بــيه - وبــــيكم أنه هـــنيالي
برماح وأشوف الروس - جــبال أوكـفــت كبالي
هـيه مـــن الله يالعالين - والعــــالي يضل عالي
وداعــتكم بجــيش أيتام - يرجف قــــصر جتالي
برجلين عـباس أوكفــت وتحزمت بحزامه
صح طايحه من التعـب بس ماطحت كدامه
*
كصيت أللسان -- قـصر السلطان
جدرانه أبليس -- وأنه القــــران
ما ينجمعـــن ضديـــــن
كلمة زيـــــــــنب سيفين -- بيرغ ماطاح
2= بقصرهم ناس من طبيت -- بكصصهم ماشفت كطره
بكـد كـــيدك سطرت يزيد – أدري بــروحي منتصره
أجيت مسافـــره بالروس -- وهــــوه مسافـر بقصره
بالطف ثورة العــــطــشان -- مـاكو بالقـــــــصر ثوره
أكبر سنه يزغر عمر هـزيته هزت نخله
أنه أخت عباس الأبي وبالزلم ماكو مثله
*
سديت حلوك -- بجفي المحروك
أمك ياعون -- للهــــيبه تـلوك
صرت النحرك عـينين
كلمة زيــــنب سيفين -- بيرغ ماطاح
3= صبــــري سرفن ردانه - صحت يادمعتي هــوني
بعيوني رسمت جفوف - وأخوي وجوده لا كـوني
كالو زينب تعــطشين - عفه وبالجـــربه رووني
نصبو بالسبي خيمات - بـــــيضه بنصها كعدوني
ياعطش اليجيس الكلب راسك رواني بفيه
مسبيه لكن من أصد وجـــهك ولا مسبيه
*
شيبك خيمات -- دمك نسمات
كاتب يحسين -- للــذل هيهات
لا زم ضهري بجفين
كلمة زينب سيفــين -- بيرغ ماطاح
4= شتموني ودرتها العـين - شفـتــك عالـرمـح نجمه
لـكيتـك للـيريد يكـــوم - رغــــم ما مـنذبح همه
صحت وتخورسة الأنذل - عـــرفـــوني أخت زلمه
ضهري الـزودك مغـطيه - بــــعــــــد ياسوط اليهمه
أنهدمت حياطين القصر من شافت أختك ترعـد
ماطيحه يحسين الفصل بيه أنت لو ماتــكعـد
*
شديت الحيل - بدمك اليسيل
طبع النجمات - تـــطلع بالليل
نضرة عيني بجيشين
كلمة زيــنب سيفين -- بيرغ ماطاح
5= أجه ذباحــــك وشديت - حيلي أوكــفــت كدامه
كال حسيــــنج المذبوح - كتـله أنــــتصر بيتامه
صاح الخــــيم منهوبات - كلـتـله عـــــيونه خيامه
خورسته ورجـع مذلول - وأنه الرافـــــعه الهامه
ياتاج راسي بس ألك يحسين أهـبط راسي
كملت ثورة منحرك رغم الفـراك القاسي
*
أخوه أحتاجيت - بس ماطخيت
مـــــادام وياي - راسك وفـــيت
يم كلماتي مدنكين
كلمة زينب سيفـين -- بيرغ ماطاح
**********
عبد الجليل المالكي
ياباب الــــرزق - مــــديــت أديه
وأنته حســـين - وهـاب العـطيه
وعــلي وأنه زغــير - بــيـــتي أنته تصير
*********
1= أجيتك منحـني - بفنائك ضمني - شارد من زمن ينشاف غابه
لـكيتـك مستقر - للـــكلبه أنكسر - يالبوجه الــيجي مايسد بابه
مثل طيرة صبح يحسين - حطيت أعله بيبانك
الشارد مــن حزن جذاب - يلكه الصدك بحزانك
**
ياعــــــشك الله - يامسلوب الثياب
ألف مره يتوب - وكلـــــبي ماتاب
بعـــيني شفـــتك خير - بيــــــــتي أنته تصير
2= يمن ماتــــنسي - حبيبي ومؤنسي - رتب وضعي أريد أوياك أصحه
أحن وشتاك ألك - يضــــــيع البدلك - ويصير بدون قيمه أتراب رحه
مو صـاحب طويلة الليل بس صاحب طويلة أنته
خالي من العقل يحسين الفات الماي من تحته
**
قيمني أبسعر - بس أشتريني
أذا ما جيـتني - محد يجــيني
عله غصنك طير - بيتي أنته تصير
************
3= يبو عشك العذب - عشك غيرك جذب - يل مراية واشوفن بيها روحي
يــــــدم الأوردة - تكول القاعــــدة - أذا مو ألك مــابي خير نوحي
كـــــدامك أمكوم خام فصلني عله جروحك
مد أيدك علي يحسين أدري بأيدي ما لوحك
**
يالشـــيخ الخـدم - وفـقــني أخدمك
أتركهن أللـقابي - وأخــــدم أسمك
روحي بــيك أتحير - أنته بـــــــيتي تصير
4= يهل شابع سحك - يضامي وتنعشك - يـــبو خــيام الكضتها النار كوه
عليك أبركضتك - لخوك المردتك - أخـــــذني وياك غــــيرك مالي سلوه
بحزني أكعـدت يم الباب مثــل كعـــدتك يم أبــنك
شبكـته وعالولد ونيت والـــزينب وصل ونك
*
يالصدر بصدر -- حاضن أوليدك
والدم فـــــاير -- وحارك وريدك
روحي مـــن أتحير -- أنته بـــــــيتي تصير
**************
5= حزنك يختلف - بعضامي يلف – كلبي لو سكت جرحك يصيحه
منه أيقــربه - دمعه أيشربه - والد للولد يــــنطي النصيحه
أم وأمــــتانيه الخــطار - عـيوني أمتانيه الدمعه
كل مغرب أكـض الباب - وحدي الذبحــــتك أنعه
****
تصـــعد للسمه - دمعاتي غيمه
والعيالك أسوي - ضلوعي خيمه
أنه بيك أجــبير - أنته بيتي تصير
****** عبد الجليل المالكي
https://youtu.be/_qNbE0_Rq0M?si=-e-oUzkMJj8txcfg
Читать полностью…
مايخلص محرم ٠ عند المهدي مأتم
ناصب مجلسه ابحر الضهاري
نازح مثل ابو ذر الغفاري
٠٠٠٠٠٠٠٠
عاشورنه راح ايخلص بس ماخلص عاشوره
يوميه للمهدي يجي نحر الغريب يزوره
ادوارنا من تنتهي يبدي ابو القاسم دوره
ايضل يبجي دم بوحده ورويحته مكسوره
٠٠٠٠٠
فاكدله عشيره ٠ وين العنده غيره
طوله تعرفه من يمشي الصحاري
نازح مثل ابو ذر الغفاري
٠٠٠٠٠٠٠
طبع الصحاري من يمر وجهه الغريب ترسمه
عطشانه وتدور دمع لو نزل دمعه تلزمه
والمهدي من يوكع تعب محد اوياه يلزمه
وحداني يمشي ودمعته بس هيه تسهر يمه
٠٠٠٠٠٠٠
فرهد حيله تعبه ٠ الله يعين كلبه
ليل انهار دمع عيونه جاري
نازح مثل ابو ذر الغفاري
٠٠٠٠٠٠٠
شماله الرمل فوك التعب يحرك جفوف جدامه
والشمس ماعدها خجل غيرت لون الشامه
كل خطوه يمشيها يحس يمشي النحر كدامه
ويشوف دم جده يصب ويدك يضل عالهامه
٠٠٠٠٠٠٠
يلزم بيده صدره ٠ الله يعين صبره
يا سوط الضرب عماته داري
نازح مثل ابو ذر الغفاري
٠٠٠٠٠٠٠
بعده بشبابه المنتضر بس يحلف بشيباته
شيب عيونه اللي اخذ فوك الهزل عماته
لو مات جرحه يرتوي ويخضر بدمعاته
ايطيح السمه فوك الارض من يسمع بوناته
٠٠٠٠٠٠
كلبه بيوم عاشر ٠ مات بلايه حافر
ينادي الحزن ياعالم شعاري
نازح مثل ابو ذر الغفاري
٠٠٠٠٠٠٠٠
مات اعله ايده اشجم حلم وتوادع وي عيونه
حي اليفارك كل هله بس ميت يسمونه
حقه اللي جده بكربله من القفى يذبحونه
من يضل بس عضم وجلد ياناس لتلومونه
٠٠٠٠٠٠٠
الذابحته الهزيله ٠ شلون ينام ليله
لا تطفين صرخاته يناري
نازح مثل ابو ذر الغفاري
٠٠٠٠٠٠
الخادم عبد الجليل المالكي
