Telegram-канал abdalgalel - خادم العتره الطاهره عبد الجليل المالكي: Unsorted

خادم العتره الطاهره عبد الجليل المالكي

25 Dec 2023 13:01

أخــر صــلاه صلــيــــتها ** بـس تـخـتـلــف حسيتها
بيها الدعاء يبني حسين ** روحـي ألك ضحيـــتها
---------------------------------------------------------------
1= يبني يحسين شكبرها دمعــت التــنـــزل عليك
جانت أمنيتي بصلاتي كون أموت أبــين أديك
كملت السجده الأخيره وصار تــفكيري ألتـقـيك
الماكدرت أنـــته تجيله لازم يــــموت ويجـــيك
--
مــن سلمت تسبـــيحي ** يادمـعه نـــزلي وطيحي
للي أنــحرم من الماي ** فـدوه الأسى وتجريحي
***********
2= أنـكطعـــت أخبارك عليه بـــس أنطـرنك بقـيت
وبكــــثر ماعــــنك أسأل مــــــن الدروب أستحيت
مانـسيـــتــك يشهد الله وغـــيرك أهوايه نسيت
ماتــــــجي هم ما أعاتب براحه أموتـــن لو أجيت
--
مشـــتاكه أشوف عــــيونك ** وأشــهك وصــيح شلــــونك
تحضرهم أنته الميــــــتين ** وسط القــــــــبر يردونك

3= صيحت الضاع بصحاري يـــبني بسمك من أصيح
بابي من يـــــندك عبالي جايـــني وأركض وطيح
عايش أبالي وأشوفــــك رغـــــــــم ما أنته ذبيح
هجـــــــرك الخلاني وركه بــعاصفه شلون أستريح
--
صـــرت أحسب بشــيــباتي ** وأمسحهـــــــــن بدمعــاتي
والــفاركــــــك يشبع موت ** وتــــعـــددت مـــــــــوتاتي
*************
4= فـــاطمه حنـــت وأنــــــت وماكـعــدت أنه بفـــــــــياي
فدوه ألك يحسين تعــــــبي وأنـــــــه وولادي وصباي
يالضميت بهـــــــيمه وحدك صار هجرانـــــــــــك ضماي
والخيول الرضرضـــــــــنك كلهـــــــــن أيركضن وراي
--
مــــــارحـــت للطـــــف أنه ** لكـــن عـــشت عــطشانه
أحتركت حـــــــياتي خيمات ** ومـــــــــــن الهجر ذبلانه

5= بــوجـــهي ماضلت ملامح والــعــــــــمر خلص نحيب
ليش أموت وعالجــــنازه دمعه ماكــــــــــــو للحبيب
أنــــدفــــن أقـــبل غريبه يبني غير أنت الغـــــريب
وبالقـــــبر مـــاريد جرحك يوم يومــــــــــــين ويطيب
--
مدفـــونه وأبجي الــيومك ** يالسلـــــــــبوها أهـــــدومــك
بعـــــيوني لو طاح أتراب ** ما يـــــــــمحي منها رسومك
**************
الخادم عبد الجليل المالكي