أنا زينب وأحشمنك يراحل
غريبه وياهو العگبك يراحل
باجر والشمر حبله يراحل
يهز متني ويجر بثنين أديه
٠٠٠٠٠٠٠٠٠٠٠٠٠٠٠٠٠٠٠٠
طف حسين أسسلي وجعلي
جمر خيماته الوجت وجعلي
جواني والشمر حشم وجعلي
يصيح بصوت يازينب سبيه
٠٠٠٠٠٠٠٠٠٠٠٠٠٠٠٠٠٠
الشاعر الحسيني
ابو مسلم الخزاعي
ألى مولاتي زينب عليها السلام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بأثر صوط أعلَّ متني
٠٠٠٠٠٠٠٠٠٠٠٠٠٠٠٠٠٠٠٠٠٠٠
بأثر صوط أعلَّ متني- ألمنيه فرهدتني
أثر وياي أخذته - الحزن ثوب ولبسته
ألمنيه فرهدتني
٠٠٠٠٠٠٠٠٠٠٠٠٠٠٠٠٠٠٠٠
أنا ألعمري٠ گظيته بحزني وآهاتي
وألم روحي٠ تسيل بنار دمعاتي
وجمر خيمه٠ أحِسن بيها جوياتي
ومشي هزله٠ أذْكر منها طيحاتي
جمر خيمه جواني- نسيته ومانساني
ومشي ألهزله حملته - الحزن ثوب ولبسته
٠٠٠٠٠٠٠٠٠٠٠٠٠٠٠٠٠٠٠٠٠
لبست أحزان٠ عمري أبأول أسنيني
بدمع شهگه٠ يم باب ألعمه عيني
مو أول ٠ جمر بالطف يجَويني
الجمر بالباب٠ وآنه أزغيره جاويني
ألف لوعه عشتها- تطيح أمي شفتها
دمع من دم بجته- الحزن ثوب ولبسته
٠٠٠٠٠٠٠٠٠٠٠٠٠٠٠٠٠٠٠٠٠٠
حِملت آلام٠ من ألباب لطفوفي
أشكثر حِملت ٠ جوي ومدافع أجفوفي
وجنت أحْسب٠ علىٰ أخواني جنت خوفي
وخلَص عمري٠ بعد ماودعت شوفي
ألنظر فدوه وألعيون - أذا ليَّ يردون
ألعمر كله فگدته - الحزن ثوب ولبسته
٠٠٠٠٠٠٠٠٠٠٠٠٠٠٠٠٠٠٠٠٠٠
وأنا أل بالطف٠ ودَعت ألأهل كلهم
أريد أليوم٠ واحد يعتني أيگلهم
أخت بالشام٠ ظلت بالغرب ألهم
تريد أتموت٠ تتمنه تودعهم
يجون أبهمه ليَّ- يفگدون ألسبيه
وأگلهم عمري عشته- ألحزن ثوب ولبسته
٠٠٠٠٠٠٠٠٠٠٠٠٠٠٠٠٠٠٠٠٠٠
أصيح بصوت٠ أريدنهم يشيعوني
أخوتي كون٠ بالتابوت أيشيلوني
أبد ماريد٠ غربه أللي يدفنوني
أحس صعبه٠ بدفنهم من يذكروني
صعب أذكر دفنهم- لأن ماجيت يمهم
ألدفنهم من سألته- ألحزن ثوب ولبسته
٠٠٠٠٠٠٠٠٠٠٠٠٠٠٠٠٠٠٠٠٠٠
تمت بالشكر لله
الشاعر الحسيني
ابو مسلم الخزاعي
الى مولاتي السيده زينب عليها السلام
٠٠٠٠٠٠٠٠٠٠٠٠٠٠٠٠٠٠٠٠
ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠
أبمنيتي وعيني تنطر - ردت عباس يحضر
أصد بدموع عيني- وأناطر لليجيني
ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠٠
على أفراش ألألم وتصد أله أعيوني
كل لحظه أفز وأنطر تحضروني
بجيت أشگد ردت منكم تذكروني
غريبه آنه رحت بالناگه تدروني
تجون بزود نخوه - وأحسن عندي أخوه
جريب الصبح ينطر- ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠
عزيزتكم يخويه وماأظن منكم
تعوفوني بغرب وآنه أخيتكم
أتانيكم وأريدن كون جيتكم
أختكم بالغرب وتريد وكفتكم
تراني بغربة ألناس - وأريد أليوم عباس
يجيني وعينه تسهر - ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠
بأرض غربه غريبه وزادت أحزاني
أدير ألعين حرمه وماكو خواني
ماترضون غريب أيصير دفاني
حزن بالطف وحزن موتي ألي ثاني
يذكرني أعلى خيمه - وسبي طفله ويتيمه
على دربه أتفكر - ردت عباس يحضر
٠٠٠٠٠٠٠٠٠٠٠٠٠٠٠٠٠٠
لعد أمي صحت لاجنها ماجتني
تغسلني ردتها وبلكت أتزتني
لأن تدرون أخافن يلجم متني
أهي جلمة غريبه حيل ذبحتني
أريدنكم تجوني - تصد ألكم عيوني
ألجمر للحين يسعر - ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠٠
عگب ذيجه المحامل ماألي والي
وتصد عيني يخوتي أعل ألغرب تالي
أنا الماشاف واحد خطفة أخيالي
ألنعش لو مر حسافه أمن ألأهل خالي
يظل دمعي أعلى خدي - غريبه وياهو عندي
دليلي بحزنه ينطر - ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠
ردت منكم توصون أليصب ألماي
بالتغسيل أريده من يصب بهداي
لا يلجم جرح متني وصيتي هاي
وتوصونه أليروح أعل ألدفن وياي
توصونه أعلى دفني - أبد ليجيس متني
يلجمه وبيه أشعر - ردت عباس يحضر
٠٠٠٠٠٠٠٠٠٠٠٠٠٠٠٠٠٠٠٠٠
تمت بالشكر لله
الشاعر الحسيني
ابو مسلم الخزاعي
سيتم نشر قصائد مولد الامام علي ع قريبا مع الالحان ووفاة الحوراء زينب ع
@ahmed_alziwar
الى مولاتي أم ألبنين رضوان الله عليها
٠٠٠٠٠٠٠٠٠٠٠٠٠٠٠٠٠٠٠٠٠
جرح أل سنين
٠٠٠٠٠٠٠٠٠٠٠٠٠٠٠٠٠
جرح أل سنين - يم أل بنين - هذا حده الموت غمضي أعيونج
من تودعين - لاتنشدين - أنتي أتروحين ليهم مايجونج
ودعوج برجبة ألبل - من زمان الفرگه تكتل
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
مايجونج حيل بعدو - دمع عينج مايردهم
كربله عنج بعيده - أبعيد تدرين بدربهم
خبر منج ماوصلهم - وأنتي تدرين بخبرهم
بالگبر نامو تراهم - هذا ياأمهم عذرهم
أتعذرولج من زمان - نامي ياأم ألحنان
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠٠
أنتي ليهم من حضرتي - بساعة أوداع ألمنيه
صحتي يمه أبساع ردو - هاي من عندي وصيه
راحو بظعن المنايا - وصارت الفرگه قضيه
ألها عنوان بحياتج - سَجلته ألغاضريه
راحو ألأولاد كلهم - باجر أتروحين ألهم
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠
غمضي عينج للمنيه - مايرد الراح منج
مايرد ألغاب شخصه - مايفيد أعليه ونج
ودعي كل أحزان مرت - طبگي عن الدنيه جفنج
وَدعي آهات الليالي - البيها عشتي أسنين حزنج
عمر خَلَص أنتظار - ظلمه عشتيه ألنهار
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنتي شتانين منهم - ألهم أتروحين باجر
لو لگيتي حسين نايم - ذكري خيمه ويوم عاشر
مدي أيدج فوگ صدره - وشوفي طبع الحافر
بصدره ماكو ضلع سالم - كل كسر بيه عابر
مايرد الراح منج - فرگة أسنينج عمنج
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠
وأبنج العباس لسه - دمعه يجري بوسط عينه
جان يم ألنهر ينطر - راد من عندج تجينه
يعتذر عباس منج - صاح يايمه الحنينه
باجر أتشوفين حاله - بالگبر تلگينه
أجفوفه منه أمگطعات - وعينه تربي أعل الفرات
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠٠٠
والوصيه لسه يمه - يعتذرلج بيها
أيگول أمي حگها تعتب - وآنه ماأگدر أجيها
نايم بموتي ومحنتي - شلون أروحن آنه ليها
ميت وجفين ماكو - أعتذر ماأعتنيها
يلي صحتي ماتجيني - شلون أجيج بليَ يميني
مايجونج - مايجونج
٠٠٠٠٠٠٠٠٠٠٠٠٠٠٠٠٠٠٠٠٠
تمت بالشكر لله
الشاعر الحسيني
ابو مسلم الخزاعي
بصوت المبدع والمخلص المله علي الحلفي
Читать полностью…
بصوت المله قارىء القرآن المخلص ابو مسلم المحمداوي
Читать полностью…
الى مولاتي أم البنين رضوان الله عليها
٠٠٠٠٠٠٠٠٠٠٠٠٠٠٠٠٠٠٠٠
گلولهم
٠٠٠٠٠٠٠٠٠٠٠٠٠
گلولهم - أمكم تريد أتشوفكم
گلولهم - باجر تودع أطيوفكم
روحولهم مايدرون - صعبه عليَ أيغيبون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠٠
آنه أم وحگي أعتب ولدي ماهم
عيني من ذاك الوكت ظلت وراهم
ولدي عندي الدنيه كلها وشغلاهم
همه وي دگات گلبي المانساهم
كون ليَ أيحضرون - لجنازتي ويشيعون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠٠
عيني ظلت بس تصد تنشد عليهم
آنه أريد أجنازتي مابين أديهم
ياهو يمشي الكربله ويتعنه ليهم
آنه أريدن بالدفن أسمع بجيهم
ألهم تصد ألعيون - بلكت أليه أيردون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠٠٠٠
ماتغمض أعيوني مفتوحات ألهم
ياهو ألهم يعتني أيروح ويگلهم
للمدينه خل يجون أليوم كلهم
خل يخبرهم يگلهم ماتت أمهم
وين الذي يتعنون - الكربله ويخبرون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠
آنه صار أسنين مرت وآنه أتاني
ليش ماهم ولدي يمي يازماني
دمع عيني أمن البواجي هل عماني
من صحت عباس ليش اتعذراني
وين ناس اليرحون - يم الگبر ويصيحون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠٠٠
وين اليعجل بالسفر ويگلهم أمكم
عل الوساده ورادت أتحضرون كلكم
دارت العين الغريبه وبأملكم
هاي أمكم يوم واحد مانستكم
تتنطر ألها أدفنون - وتحس عليها تبجون
گلولهم - گلولهم
٠٠٠٠٠٠٠٠٠٠٠٠٠٠٠٠٠٠٠٠٠٠
تمت بالشكر لله
الشاعر الحسيني
ابو مسلم الخزاعي
اللهم صلي وسلم وبارك على سيدنا محمد وعلى آل محمد احسنت وفقكم الله لعمل الخير وجعلك من خدام الزهراء
Читать полностью…
بصوت المخلص المله هاشم البزوني
Читать полностью…
اللحن الثاني ( نزلة )
ما نبطل هالعزاء
كلمات الموفق/ ابو مسلم الخزاعي
بصوت خادمكم الأقل/ شهاب الموسوي
و لكم الحسنى استاذنا الفاضل ان شاء الله تعالى ببركة المولى صاحب الزمان عج
Читать полностью…
اللحن الثاني
ها ييمه شلون اودعج. و انتي روحي
كلمات الموفق/ ابو مسلم الخزاعي
بصوت خادمكم الأقل / شهاب الموسوي
بين الظلع و الحافر.
عتبة و مسية عاشر
بقلم الأستاذ / ابو مسلم الخزاعي
بصوت خادمكم الأقل/ شهاب الموسوي
الى مولاتي زينب عليها السلام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
دمعة حزن
٠٠٠٠٠٠٠٠٠٠٠٠٠
دمعة حزن والنار- عشناها وأحنه أزغار
شفنه الحزن أشكال- تنشد بدينه أحبال
عشناها وأحنه أزغار
٠٠٠٠٠٠٠٠٠٠٠٠٠٠٠٠٠٠٠٠٠٠٠
أبجي أبحزن٠ گلبي يحن٠ للفارگوني
أبقه أنتظر٠ ياهو أليمر٠ للماأجوني
ماينسمع٠ دمع الشمع٠ للذوبوني
مابينو٠ ليَّ وأعتنو٠ بس لانسوني
وآنه بحزن كل يوم- يوميه أعيش أهموم
حكمتني ألأقدار
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عشت الألم٠ ضربة سهم٠ للماشفتهم
وأصعب عليَّ٠ جتفو أدي٠ ماودعتهم
ماظل أمل٠ شفت ألحبل٠ بس ناشدتهم
جلمة عتب٠ دمعي يصب٠ مو آنه أختهم
أصرخ وأصيح أثنين- عباس ألي وحسين
منهم أريد أخبار
٠٠٠٠٠٠٠٠٠٠٠٠٠٠٠٠٠٠٠٠٠
ظعني هزل٠ دمعي يهل٠ عگب ألغوالي
وأهل الحقد٠ ليَّ تصد٠ ويبَجي حالي
ماجنت أظن٠ آنه أمتحن٠ ماهي أعلَّ بالي
بيد ألغرب٠ أمشي بدرب٠ محد أجالي
عگب ألظعن وخيام- هسه ألشمر جدام
عذبني دهري وجار
٠٠٠٠٠٠٠٠٠٠٠٠٠٠٠٠٠٠٠٠٠٠
للشام أطب٠ وي ألغرب٠ وأتحمل أحزان
ألها أشجره٠ هاي ألمره٠ ماعدها خوان
ومصيبتي٠ أبموتتي٠ ماألگه دفان٠
يحضر ألي٠ ماهم هلي٠ وألموت ألي حان
عيني تصد ألهم- محد حضر منهم
وأتلفت أعلَّ ألدار
٠٠٠٠٠٠٠٠٠٠٠٠٠٠٠٠٠٠٠٠٠
غصبن نمت٠ وتوسدت٠ لأجل ألمنيه
أغطاي ألترب٠ دمعي يصب٠ للصار أليه
باقي ألأثر٠ حافر نهر٠ حد ألمنيه
ضاع ألأمل٠ ظل الحبل٠ بجفوف أديه
أبموتي وأصد حزني- أغفه ويفززني
لجماتي كلها أكبار
٠٠٠٠٠٠٠٠٠٠٠٠٠٠٠٠٠٠٠٠٠
تمت بالشكر لله
الشاعر الحسيني
ابو مسلم الخزاعي
الى سيدتي ومولاتي جبل الصبر زينب عليها السلام
٠٠٠٠٠٠٠٠٠٠٠٠٠٠٠٠٠٠٠٠٠٠
آنَ لها ألأوان
٠٠٠٠٠٠٠٠٠٠٠٠٠٠٠
آنَ لها ألأوان- وقد قضىٰ الزمان
وتنظرُ ٠ نحوَ ألذي٠ كانَ الأملْ
غريبةٌ٠ عاشت وقد٠ جاءَ الأجلْ
وقد قضىٰ ألزمانْ - وقد قضىٰ ألزمانْ
٠٠٠٠٠٠٠٠٠٠٠٠٠٠٠٠٠٠٠٠٠٠
عجل يبو فاضل تره - زينب تريد أتنشدك
وعدك نسيته من گلت - ياأباألفضل لو بعدك
هالمَره مو ماي ألطلب - أسمع طلبها ألعندك
من كربله ألها أعتني - وشيل ألجنازه بزندك
ياأبا الفضل٠ لا يسمحُ ٠ أن تعتذرْ
أنتَ ألذي٠ تُقبل بها ٠ نحوَ ألقبرْ
وتنظرُ ألحنانْ - وقد قضىٰ الزمانْ
آنَ لها الأوانْ
٠٠٠٠٠٠٠٠٠٠٠٠٠٠٠٠٠٠٠٠٠
ماغمضَت عين وغفت - زينب تريدك يمها
زينب غريبه وتحتضر- لا أنت لامن أمها
رادت نعشها بيمنتك- وأنت ألذي أتولمها
لَن ألغرب تلجم جرح- جَرح المتن يالمها
متنٍ لها٠ في ألمغتسلْ٠ يخشىٰ ألأذىٰ
في غربةٍ٠ لِوحدَها٠ أنْ حلَ ذا
وجَرحها أبانْ- وقد قضىٰ ألزمانْ
آنَ لها ألأوانْ
٠٠٠٠٠٠٠٠٠٠٠٠٠٠٠٠٠٠٠٠٠
تدري يبو فاضل تصد- تحضر تريدك ليها
لن ألبعد جرحه صعب- ياأبا ألفضل ياذيها
رادت حضورك بالعجل- وتصد حرگ رجليها
وتفك حبل ذاك ألسبي- زينب بَعد مابيها
عمرٍ قضىٰ٠ ومارأتْ٠ إلا ألمْ
طفلاً لها٠ قد أنتهىٰ٠ قيدَ ألسهمْ
وتبحثُ أمانْ- وقدْ قضىٰ الزمانْ
آن لها الأوانْ
٠٠٠٠٠٠٠٠٠٠٠٠٠٠٠٠٠٠٠٠٠
ياهو أليشيل أجنازتي- أتگلك وأهيه أتاني
عباس واحد بس ألي- ماعندي غيرك ثاني
عباس أريد أوصيتي- أتوصي عليَ دفاني
ماعندي واحد من هلي- متني أذا أذاني
جاءتْ تُميل٠ فوقَ ألنحيلْ٠ دمعٌ سكبْ
قالتْ أذاً ٠ سِيري ألىٰ٠ موتي أقتربْ
آشرةَ ألبَنانْ - وقدْ قضىٰ ألزمانْ
آنَ لها ألأوانْ
٠٠٠٠٠٠٠٠٠٠٠٠٠٠٠٠٠٠٠٠٠
آخر محطات ألعمر- زينب بعيده عنكم
رادت تحضرون ألدفن- والمقصد أتودعكم
بالشام أهيَ وتنتظر- ياأبا الفضل جيتكم
لحگو عليها أبهل وكت- عباس أهيَ أختكم
لا يَسكبُ٠ الماءَ عليَّ ٠ أنْ أبتدا
في غربتي٠ عَيني ترىٰ٠ جَرحَ ألمدىٰ
لًعَظْمِها ألانْ - وقدْ قضىٰ ألزمانْ
آنَ لها ألأوانْ
٠٠٠٠٠٠٠٠٠٠٠٠٠٠٠٠٠٠٠٠٠٠٠
تمت والحمد لله
الشاعر الحسيني
ابو مسلم الخزاعي
https://www.facebook.com/groups/356346872279120/permalink/356414945605646/?sfnsn=mo&d=n&vh=i
Читать полностью…
أحسنت مله عافاك الله موفقين
Читать полностью…
يالله اخواني الشعراء ان شاء الله انوب نشر قصائد لام البنين ع
Читать полностью…
لمولاتي الزهراء عليها السلام - نزله
٠٠٠٠٠٠٠٠٠٠٠٠٠٠٠٠٠٠٠٠
مانبطل هالعزاء
٠٠٠٠٠٠٠٠٠٠٠٠٠٠٠٠٠
مانبطل هالعزاء - للضلع والكربلاء
كل لطمنه دائم - لظهور القائم
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠٠
ماأمل أمن المجالس - وآنه عاقد نيتي
كل وكت مجلس أسوي - وتعزيات أبيتي
آنه أحس اللطمه أليه - صحتي وعافيتي
دوم مفتوحه التعازي - أبراسي أحسينيتي
من صرت بحساسي - بس أهيه براسي
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠٠٠٠٠
وأعتذر من المجالس - خاف أقصر بيها
وعهد مني لو أموتن - بالگبر وأحييها
أنجدد أهناك المجالس - نلتم أنسويها
تحضر أويانه الزجيه - من تجي أنعزيها
نلتم ومانعتذر - جادر أنسوي الگبر
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠
المجالس هيه هيه - أبكل وكت وياها
الزهره وحسين وعضيده - قصه ماننساها
مانقصر بالعزيه - والله لو قمناها
العذر شنهي للزجيه - وبالحشر شفناها
أتغيب كل أعذاره - الماتعزى بداره
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠
الأمام الگال أحيو - أمرنا أوصانه
ولعنو أصحاب السقيفه - ولعنو أبن مرجانه
عذره شنهي الماحياها - وبالحشر يلگانه
هذا مجلس للقضيه - أمفتحه بيبانه
سجل أسمك حاضر - من يسألك باجر
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠٠٠
الگال ليش الشيعه تلطم - خل يجي أيشوف الوضع
منحر ومذبوح يگطر - لو يصد كسر الضلع
وأرد أسأله كون بابه - يحترگ لو يندفع
خله يدرسها القضيه - يقتنع مايقتنع
ألف لعنه أعليهم - كل شرف مابيهم
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠٠
ذوله ولد الآكلاتي - لكبود أهل الطهر
وألله بالقرآن حَرم - ينوكل لحم البشر
هاي أسسها الخليفه - ألف لعنه أعليه عمر
نجس بالتغسيل يبقه - لو يغسلونه أبحر
بالغسل ماينتفع - كاسر أبأيده الضلع
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠
وأرد أسأله الماي ألمن - بالنهر لمن جره
ليش منعوه أعل زينب - والحسين ومنحره
وعن طفل عطشان يطلب - ماي منهم مادره
حرمله امحضر نبلته - ايذبحه بيها أمحضره
بياذنب من ينجتل - حللو ذبح الطفل
للضلع والكربلاء
٠٠٠٠٠٠٠٠٠٠٠٠٠٠٠٠٠٠٠٠٠
تمت والحمد لله
الشاعر الحسيني
ابو مسلم الخزاعي
اه يا سيل الدمع
اه يا كسر الظلع
كلمات الموفق/ ابو مسلم الخزاعي
بصوت خادمكم الأقل/ شهاب الموسوي
اللحن الاول
ها ييمه شلون اودعج. و انتي روحي
بقلم الأستاذ / ابو مسلم الخزاعي
بصوت خادمكم الأقل/ شهاب الموسوي
لنا ولكم التوفيق بحق مولاتي فاطمه عليها السلام
Читать полностью…
