أعظم الله اجورنا و اجوركم بذكرى شهادة سيدتنا ومولاتنا فاطمة الزهراء صلوات الله وسلامه عليها
Читать полностью…
نشد فوگ الجرح ونكوم
رغم ما تالم الكسره
ويخف عُظم الفگد لدين
بينا امن الگمر شَمره
أحنا أهل العزم والزود
نعيد إعليهم الكَرَّه
كبّرنا الامين وراح
وعلى سِر الأبو البزره
عهد نخلص چتل عالحد
ومَتذِل رايته الصفره
أحنا أهل العزم والزود
نعيد إعليهم الكَرَّه
ابوذيه / لموضع إفتخارنا وشهيد المقاومة الأول السيد حسن نصر الله رضوان الله عليه
يمن چان المهابة تسير يا سر
ربك شنهي أسكن بيك يا سر ؟
دمك يذبح وبِعداك ياسر
إلك وَصله بذبيح الغاضريه
- أبو زينب علي الظالمي
.
إمچانك بالطف وي حسين
إنت امن أنصاره الخُلَّص
.
قوة الرضوان…
اسمها الموت بس مخفي بإسم رضوان
ولو طبت الحومه أم الفگد تنسر
و لليجهل فعلها مني اخذ تلميح
بيها أولاد فاتح خيبره حيدر
أجتمعت الدنيا الشرق وي الغرب
ضد إبن لَصنام ما خَر ، صلّه
ورد بغِيها بعصبه نهضت للإله
والله حاشه إيعوف أبدْ حز ب الله
- أبو زينب علي الظالمي
#يازينب
النوح والكسرة الج يابت علي
يلي غصة طلعتج ماتنجلي
لو يصح بيدي لفديج بهلي
يمن ثارج منحجب طلاّبه
- أبو زينب علي الظالمي
.
عد غيرك لهذي يحكم الصارم
عندك تغضي عنها وجدك الكاظم
.
بهذه اللحظات العقيلة زينب ع تصلي الليل من جلوس
ماذيها جرح حسين ماخله من حيل
من گعده إخت عباس صلت يويلي الليل
-
ابوذيه / للامام الحسين عليه السلام
درب الحسين
شدر إبعرجي من دم در بي لحسين
يربي وخلني لازم درب الحسين
إشما دورن وأَلها دور بي لحسين
وخله أوياي كل صبح ومسيه
- أبو زينب علي الظالمي
هوسات للعباس عليه السلام
بيرغ عِزه رف لهاشم
لو طب حومه يرجع غانم
تدري علومه كل الوادم
بساعة مَلگه … ما رد خاسر
——-
زينب بت حيدر محسوده
عدها الكافل تمشي بزوده
ياخو لإخته ينطي إزنوده
وحَسْ إمقصّر … أردَف عينه
———
الكافل محد غاص إبحره
ربنا العالي إمجلل قَدره
إحسين إيعده إحزام لظهره
ويكفي بهذي … عَليَه ومفخر
—-
خل تتنومس أم الكافل
صيته لكل العالم واصل
يوم البالطف راد إينازل
الشرده بيومه … صارت شيمه
-أبو زينب علي الظالمي
ماخذ صفاتك يابو فاضل عن جداره
بكلهن مميز مستحق مركز صداره
بالخوه بالكفاله بإيثارك للحسين
بس إنت واحد مَنوِجَد أشباهك إثنين
حي تذبح إنت بصارمك ميت بشاره
ماخذ صفاتك يابو فاضل عن جداره
محرم ١٤٤٦ هـ
قصيدة/ ميمر لليلة العاشر
حل العصر ليل اوداع .. مجبل على المهيوبه
…
حل العصر يعني الليل ساعة ويخيم اعليها
وهالليله غير الاهات وغير الدمع مابيها
بت الوصي هذا الليل بس هذا وي واليها
وباچر يصبح غبّاش … الهم على المسلوبه
——
غبشه المصايب ولباب أم المصايب تلفي
وأشكد شموس لعدنان سيوف ال أمية تخفي
باچر چثيرات إنجوم من سمه الحره تطفي
ويعم ظلام الآهات … وأم الخدر منهوبه
——-
أم الخدر هذا القول لصبح الرزا ويتبدد
وأم المصايب يعلاه ليوم الحشر يتسيد
باچر غيوم النبكات إعله الفاضله تتردد
والدهر ويه الحوراء … إهوايه يِغير إسلوبه
——-
هوايه بحياة الحوراء أنماط وكثر تُستَحدَث
الما سامعه غير الصار بسب وشتايم تنغث
باچر صدگ أخت حسين هموم أم حسن تتورَث
والحزن باچر غبّاش … يچسي العقيله ثوبه
——-
ثوب الحزن يُنشَر راح ومكَدَرَه هالچِسوه
وبس الدمع للحوراء ماعدها أبد كل سلوه
حد الكفاله لم عون وبس باچر إويه الإخوه
ومن العصر ويه السوط … هذا الدهر وخطوبه
——-
متعِوده المغرب چان لو حل عليها وخيم
نور السبط يجلي الليل وعتمة ظلامه الأعظم
وهذا الوكت بيه عباس ذاك الشهم يتحزم
يحرس خِيام الحوراء … وبشيمته منصوبه
——-
باچر يحل وكت الليل وبنت الوصي أبلا حامي
لا يمها كافلها ولا الاكبر علي و الضامي
باچر دوايرها إتدور كوفي زنيم وشامي
وباچر فلا بالنسوان … كأم الخدر مصيبوبه
_أبو زينب علي الظالمي
محرم ١٤٤٦ هـ
قصيدة رئيسية لليلة السادس من محرم ليلة الأنصار
مره وحده اوگفت وحدك … وميتكرر هالامر
ربك إخلقلك موالي … إتهد إلك من الگبر
غربتك ، شح المناصر
خلصت إويه أنهار عاشر /٢
والأمير إنت حسين
——-
انت يحسين بگلبنا أعتذر إنت الگلب
وانت نور وعالنواظر نهتدي لمن يطب
أنه أهل تقصير وأنت مساوي أهلك بالغرب
أحنه بالطف ما حضرنا لكن أنصار وصُحُب
إِلوِسَف كل الوِاسفه يالولي هاي الألوف
بيوم عاشر ماهي عنك وأنت وحدك بالطفوف
چان كل ذيچ المخاطر
خلصت إويه أنهار عاشر
والأمير إنت حسين
_
إنت خابر حيل صَحبَك الي بالطف إگفوا
خلي إخبرك وأنت عالم ذوله كلهم خلّفوا
الحمد لله إهواي صاروا بنهج أبوك إتشرفوا
وتتبع لسيد الحوزة وإله إمتثلوا وإقتفوا
طوع لبن الزهره كلهم وبأمر سيد علي
إرگاب للسيستاني ترخص نسلك وجار الولي
جيش للثارات حاضر
خلصت إويه أنهار عاشر
والأمير إنت حسين
_
أمِّن وخلي سكينه تأمِن وإنت الأمان
بعد ما ينداس حدكم وإنگضه ذاك الزمان
بإسمك إبكل كتر رايه ، يصيح بسمك كل مچان
وإعله وجه السمه إنخطت لا لا للذل للهوان
صرت ملهم يبو اليمه وأندحر جيشه يزيد
نصرتك بالطف أَقِلَّه وهسه أنصارك تزيد
وصوت إلك صدّاح قاهر
خلصت إويه أنهار عاشر
والأمير إنت حسين
———
من فرط حبك عُبرنا هواي مرحلة الجنون
ولو بمر خصك نفاوض لو نكن لو ما نكون
يهون كل شي إلا إنت يبو اليمه ما تهون
للگلب هالشوف گالوا وأصدگوا مو للعيون
الجنون الي وصلناه أقصى مرحلة العقل
وأنت صرت إلنه عقيدة بيها للباري نصِل
وحزبك الربحان باچر
خلصت إويه أنهار عاشر
والأمير إنت حسين
————
للحيا سر إنت عدنا ماينه اليروي الچبد
وبالمحن گهف الحيارى مايرد من ينگصد
من حُسين إحسين إلنا ، يِهِد بينه وليه ونِهد
سيد إلنه وخدم عنده بعالم الذر هالعقد
لَوَن ضدنا الدنيا توگف وتنحشد كل البشر
ما يهمونه احنه وِلدَك وعمنا عباس الگمر
القائده عباس قادر
خلصت إويه أنهار عاشر
والأمير إنت حسين
____
قوه يابو اليمه نملك وأعظم أسباب النصر
أمهات العدنه يِهْون زينبك أم الخدر
الله يجزاهن شفاعت فاطمه بيوم الحشر
عليك ما عزّن ولِدهن ولك ضحن بالضُخُر
عندنه يابو اليمه عدنه بت حزام بكل سَكَن
ولو يضحن كل ولِدهن لجلك انت ما شكن
فدوه الك عن طيب خاطر
خلصت إويه أنهار عاشر
والأمير إنت حسين
- أبو زينب علي الظالمي
محرم ١٤٤٦ هـ
قصيدة رئيسية/ لهلال شهر محرم
موسم أحزان المهدي
وي أهلالك من يبدي
عاشور وبيك الزهره … سلوتها أدموع وحسره
موسم أحزان المهدي
___
أنت ياشهر عاشور أساس لكل ألم وأنت
منك لوعت الكرار وطه المصطفى وبنته
تَگِلي إشكد نحس يل بيه صفه المهدي الدمع سنته
تدري كل حزن ومصاب ياشهر أنت هونته
تدري كل هم وحيره
وي الطف محنه إزغيره
ويتلاشي ويضعف أمره. سلوتها أدموع وحسره
موسم أحزان المهدي
——-
بيك الزهره عالمذبوح ياشهر الحزن تشهَگ
وقميصه إترفعه تنشد ليش بسياف العده إمخرَگ
وتصيح إبيا ذنب زينب يارب بت علي تنطَگ
بشهرك لوعة الزهره طريه وحاشه ابد تعتَگ
ولهذا حزنه إنديمه
لن بيك الكسره عظيمه
نتأسى بأُم العِتره. سلوتها أدموع وحسره
موسم أحزان المهدي
____
بيك أم الحسن للنوح مأتم للعزه تنصِب
ويتزايد وِلَها النوب ياشر لو يجي المِغرِب
هذي ساعة المفجوع يذكر ضيعته ويندِب
وأبد ما قَصَرِت آهات تشيل وعالزچيه إتذِب
من گد ما باذل جَهدَك
ما تشكي ضِلِع من بعدك
ولاتشكي أوجاع العصره سلوتها أدموع وحسره
موسم أحزان المهدي
——-
وحجة خالق الأكوان أخبرنك شنو حاله
بعدك كل حياتك إمصاب لجده إدموعه هماله
كل صبح ومسه ياشوم يشوفه إمگطعه أوصاله
ويتردد لسمعه هواي صراخ النسوه وإعياله
وگال بمرساله وكتبه
بكل ساعه الضامي أندبه
ما يگطع لجله العبره. سلوتها أدموع وحسره
موسم أحزان المهدي
__
وأبد ما صِبْت أَنه الواقع وللمهدي گلت موسم
بيه لمصيبة العطشان ينوح ولو خلص يختم
مهو من ساعة إصياره ماتم للعزه أمولم
أعله كل شي حاكم وسلطان ولدمعة ناظره إمْسَلِم
كل ما تمتد أيامه
اعله حسين تزيد آلامه
لن يعرف شانه وقدره سلوتها أدموع وحسره
موسم أحزان المهدي
———
تهل والغايب و فاطم إعله حسين وهله ينوحون
قطعًا يم ضريحه هناك لطف النايبه يروحون
بكثر صب الدمع ويلاه عن عُظم الرِزا يبوحون
بلكي الغايه تهده الروح ، ويصح عكس الإله يطمحون
وياهو لأُمه إيهديها
بس الغايب مهديها
ويضم الزهره لصدره سلوتها أدموع وحسره
موسم أحزان المهدي
- أبو زينب علي الظالمي
استقبال سماحته (دام ظله) للمبعوث الخاص للأمين العام للأمم المتحدة في العراق
٤-١١-٢٠٢٤
بسم الله الرحمن الرحيم
استقبل سماحة السيد السيستاني (دام ظله) قبل ظهر اليوم سعادة الدكتور محمد الحسان ممثل الأمين العام للأمم المتحدة ورئيس بعثتها في العراق (يونامي) والوفد المرافق معه.
وقد قدّم لسماحته شرحاً موجزاً حول مهام البعثة الدولية والدور الذي تروم القيام به في الفترة القادمة. وفي المقابل رحّب سماحته بحضور الأمم المتحدة في العراق وتمنى لبعثتها التوفيق في القيام بمهامها. وأشار إلى التحديات الكبيرة التي يواجهها العراق في الوقت الحاضر وما يعانيه شعبه على أكثر من صعيد، وقال إنه ينبغي للعراقيين - ولا سيما النخب الواعية - أن يأخذوا العِبر من التجارب التي مرّوا بها ويبذلوا قصارى جهدهم في تجاوز اخفاقاتها ويعملوا بجدّ في سبيل تحقيق مستقبل أفضل لبلدهم ينعم فيه الجميع بالأمن والاستقرار والرقي والازدهار، مؤكداً على أن ذلك لا يتسنى من دون إعداد خطط علمية وعملية لإدارة البلد اعتماداً على مبدأ الكفاءة والنزاهة في تسنّم مواقع المسؤولية، ومنع التدخلات الخارجية بمختلف وجوهها، وتحكيم سلطة القانون، وحصر السلاح بيد الدولة، ومكافحة الفساد على جميع المستويات. ولكن يبدو أن أمام العراقيين مساراً طويلاً الى أن يصلوا الى تحقيق ذلك، أعانهم الله عليه. وفيما يخص الأوضاع الملتهبة في منطقتنا عبّر سماحته عن عميق تألّمه للمأساة المستمرة في لبنان وغزّة وبالغ أسفه على عجز المجتمع الدولي ومؤسساته عن فرض حلول ناجعة لإيقافها او في الحدّ الأدنى تحييد المدنيين من مآسي العدوانية الشرسة التي يمارسها الكيان الإسرائيلي.
مكتب السيد السيستاني (دام ظله) - النجف الأشرف
1 / جمادى الأولى / 1446هـ الموافق 4/11/2024
ولا حول ولا قوة الا بالله العلي العظيم
Читать полностью…
أزلام وموثقه عهد ويه الحسين
وچنها بالطف كل كتيبه البيها
وچن خيم زينب ينظرون الجنوب
وعيب غاشم معتدي أيصل ليها
نصر رضوان أويه عباس وبدر
الباري يحرسها العلي إيباريها
وأعلى من الغيم هدهدهم يلف
بكل هدف مخفي غده إيوافيها
وروح أبو هادي عزم منها وسداد
وعين مَهديّ الامم تربيها
عصبه كل ما نوت تضغط ع الزناد
يا علي ، يافاطمه إتعليها
المثلها تبقى كابوس اليهود
مثل فاتح خيبره واليها
- أبو زينب علي الظالمي
لو افتش قواميس اللغة عليك
ما جد مفردة اتبين حسرتي
هيج انا وضعي من رحت صار
انشفها وترد تهمل دمعتي
أنوحك چي أحسك من طف حسين
ونذخرت لهالوكت هذي نظرتي
.
.
لا بچي ايسچنه لا نوح ولطم
كسرت امصابك يسيد بالعظم
ولا يفَوخ اگلوبنا ذبح اليهود
الدنيا من بعدك فلا بيها طعُم
ياهو وي راسك نحطه ونرضه بي
شَح جِبيلك كافي بس هذي هظم
من بعده أمته حيف .. صنعت شر صنيعة
يومين النبي مات .. وهظموها الوديعة
عالمغتسل تركوه … وحيدر علي ظلموه
وهظموها الوديعة
ابوذيه // للامام الحسين عليه السلام
بصحره الحزن روحي تهيم بتيه
على الراحن لطاغي الشام بتيه
جفني أوقف لبو السجاد بته
وبس إمصابه موجر حيل بيه
- بنت العين : الدمعة
- أبو زينب علي الظالمي
ابوذيه / للمشاية
الگِصد لحسين عرش الله وصلّه
وللجنه أم حسن تضخر وصل له
ربع حسين مَن صام وصله
والما صله ماشي بدرب أُميه
———
عن صالح بن عقبة، عن زيد الشحام، قال:
قلت لأبي عبد الله (عليه السلام): ما لمن زار قبر الحسين (عليه السلام)، قال: كان كمن زار الله في عرشه، قال: قلت: ما لمن زار أحدا منكم، قال: كمن زار رسول الله (صلى الله عليه وآله)
- كامل الزيارات
ما حاجة لجيوش ونبل ورماح وسيوف
يكفي يضامي لچتلتك حر ظُهر الطفوف
المِحتر يخفف عن لهيبه بشربه للماي
وبمعسكرك شَح الفُرات وشَح الفياي
يمسلوب .. يمسلوب
أعظم الله أجورنا و أجوركم بمصابنا بسيدنا الحسين عليه السلام .
أبوذيه / للامام الحسين عليه السلام
اساس الفضل هوه كل هالاحسان
وخير المِله الدنيا كلها لحسين
هَلي تسلم هظيمه وكل هَل حسين
سِبايه راحوا لطاغوت أُميه
- الشاعر أبو زينب علي الظالمي
يحضر مصابك لو ذچر مي مرنا
بالگلب داوي لمحنتك ميمرنا
بس إلك يحسين إنكتب ميمرنا
لغيرك أبد لا والله ميصير عهد عليه
قصيدة ميمر لسيد الشهداء عليه السلام | بإسم موكبنا الذي إحتسينا وتعلمنا فيه خدمة سيد الشهداء عليه السلام ( من ألفها إلى ياءها )
#موكب_شباب_الكوثر
يبدي العزه بسم حسين… موكب شباب الكوثر
——-
بإسم الزچيه ام الحسن موكبنا
الغايه رضاها من الخدم تحسبنا
لحسين إبنها ومحنته تجذبنا
وكل المُنى أم حسين… بساعة عزانه تحضر
——-
تحضرنا ندعي فاطمه المفجوعه
حتى عزانه إعليه تشيخ اللوعه
نذكر إبنها الرضرضوها إضلوعه
وذكر الذبيح العطشان … يطفى جمرها اليسعر
——-
لحسين حرگتنا وإله لطمتنا
سيدنا وإندبه صفت كلمتنا
كل شي نعوفه لمجلسه همتنا
لجله صِفِر كل إمصاب … وبس كربله تتصدر
____
لو كل أهلنا تنفگد بالعاشر
ميهمنا هذا نحسبه حادث عابر
بعاشر محرم بس عزائك حاضر
شنهي الأهل والأولاد … يفدوك يابو الأكبر
——-
ناعي الحزن لو يندبك ناعينا
إيفزز دمعنا ويحيى نهجك بينا
حاضرنا إنت وإنت كل ماضينا
أشرف نسب كون إنصير … خدام يابن حيدر
——-
اتورثنا نعمة خدمتك أب عن جد
يطشنه الوكت وبمسومك نتوحد
كل القيم بمحرمك تتجسد
تلگه الكرم والإيثار … وكل مكرمه بيه تظهر
——
چل الكنز واحدنه إيضخر زنجيله
ننطر لشهرك نِعِد ليله وليله
شنسوي يبن الزهره ماكو حيله
اليشفي الگلب كون إوياك … بالطف ولا تتعفر
- أبو زينب علي الظالمي
محرم ١٤٤٦ هـ
قصيدة/ فتحة عزاء لليلة السابع من محرم ليلة قمر العشيرة العباس عليه السلام
راح الگمر عباس صوب الميادين
وإبسيفه البتار ثبّت عُرى الدين
—-
حصل گمر عدنان رخصة عضيده
إتعنه البطل للماي والجربه بيده
اعله أهله أعله خصمه هاي ساعه شِديده
منه وعليه الخوف مالِيها صوبين
——
اول تنخه وگال بسمك يحيدر
للعيله أطلب ماي يادافع الشر
يا بالحسن ياعون يم يمدَرِس الكَر
وفقني ارد بالماي بويه يبو حسين
____
غاص وبدت بالريح تتطاير الروس
عاصفه وطبت باث جيش العده يدوس
يا بيرغ إيلاگيه رد گومه منكوس
منه ثلث تنعام بيه گَرت العين
_
الحومه عاف النوب وتعنه للماي
بهالساعه تعب إرباه بان وجِله بهاي
مو نيته ملگه الجيش عالمشرعه الراي
كل فكره يرجع بيه صوب الصواوين
——-
ما طوّل وللماي وصلت مُهرته
بگد الضوه للگاع مُدَة سَفرته
بهاللحظه راعي الجود مبداها قصته
وفه الگمر مشكور صان العهد زين
———
رغم الضِمه الوج نار داخل دليله
ما خَذله غَرفة ماي إيبرد غليله
إلعفيه لُم عباس ذيچ الأصيله
إتدرسه حُب حسين كل ذيچ السنين
____
گام و مِلاه الجود وبهذي سَعدَه
همه يرد بالماي هالغايه عِنده
ميهمه جيش إيزيد ماهمه جنده
فرحته تشرب ماي صبيه ونساوين
————
وهوه بطريق العوُد أهل الضغينه
گطعوا يساره وحيف گطعوا يمينه
وسهم العده اويه الجود طفّاله عينه
وأصبح بعد ميشوف درب المرَد وين
——-
بهالحاله لَن ميشوم طر راسه بِعْمود
وأصبح أخو الحوراء لا رايه لا جود
صاح إبگايه الحيل تِلگاني ممدود
لحگ عليّ يحسين حل وكته البين
———
مسرع لعد عباس راح الأخو ليه
لن الگمر ع الكاع والدِمه واليه
كسرة ظهر عباس تمشي وتخليه
وحده بگه المظلوم ولچتله ناوين
_ أبو زينب علي الظالمي
محرم ١٤٤٦ هـ
قصيدة رئيسية لليلة الحادي عشر من محرم
اهنا يلي تفزع للخلگ بالشِدات
إلحك بناتك بالفله ومضيعات
شجم طفل طفله ماتت بسحگ الخيل
بلا خيمه زينب ياعلي وچل الليل
إلحك بناتك بالفله ومضيعات
———
يلي بالشده نِعرفك حاضر تِعين المحتار
يلي تعرفك أمته عون ويمين المختار
ماظن يفوتك يالِذي بدرب السمه تحيط أخبار
بيا حاله تدري بعيلتك وبيا وضع يالكرار
عيالك أخبرك يالفحل ولوها
وأخت الگمر عالشاطي طاح أخوها
أو والي الحرم عالگومه مايگوه إعليل
بلا خيمه زينب ياعلي وچل الليل
إلحك بناتك بالفله و مضيعات
———-
يا ابو اليتامي يا علي إتفرح اليتامى إمرادك
ثمانين وأكثر بالهظم بطف كربلاء أحفادك
شتصير زينب ضيعت تگعد تنوح أولادك
لو تجمع إضياع الحرم وينك تعيد أمجادك
لو مشت يم جسم الذبيح العطشان
منهو اليلمها وبالبراري النسوان
اتورثت هم الياذي والحمله إثجيل
بلا خيمه زينب ياعلي وچل الليل
إلحك بناتك بالفله و مضيعات
———
عن زينب انقلك خبر من عُظمه معذور المات
بيا وكت حيدر يالولي حرمه الكم بچوله إتبات
فزعاتك وكشف الكُرَب لقاصي ودني متعنيات
الابدى زينب ياعلي دون المَلا لهالفزعات
كُبر الهظم لو يُنطه أسبقيه
للحشر أَولَه تبقى الغاضريه
محنتها مو مالت بُعُد لا تأجيل
بلا خيمه زينب ياعلي وچل الليل
إلحك بناتك بالفله و مضيعات
_
ساعات ويطر الفجر ياذيك صبحه لو طر
گبل الشمس ياحيدره إِلهزله بالطف تظهر
متعوده عالعِز بزرتك موش لمثل هالمنظر
باچر نحس من أَوِلَه ومكتض يحيدر بالشر
الحطيت چف الكافل بإديها
بالحبل باجر تمشي إمگيدها
وما بيها خله حسين أبداً من حيل
بلا خيمه زينب ياعلي وچل الليل
إلحك بناتك بالفله و مضيعات
————-
والعظمى كلش ياعلي باجر نزيله بكوفان
ديره الذي چانت لها إومِتسَيده بيها النسوان
يوم الشماته إيحل غداً وأكثر خصومك عربان
بس بالصور هيئة بشر وداخل ضميره ثعبان
باچر يحيدر يظهر إلي مكنون
وعمدا لزينب عن إِحسين إيسألون
وما أدري باجي دمع بالعين إيسيل
بلا خيمه زينب ياعلي وچل الليل
إلحك بناتك بالفله و مضيعات
————-
اكرم مجانات البلد إتطلبه الغُرُب عالمعهود
وباچر مضيفك ياعلي بفاكرة زينب موجود
والضيف لو عيّه يِصَل لدار العميد المنشود
يِصبَح على السيد فرض يتلگى ضيفه المهدود
ولو صار والضيف الأمر مو بيده
اعله الشيخ واجب يكفل الشديده
وكل صعبه عن ضيفه بعزم كون ايشيل
بلا خيمه زينب ياعلي وچل الليل
إلحك بناتك بالفله و مضيعات
____
بالكوفة لا ثالث لهم واحد فقط من إثنين
إضيوفك اذا ما ليك إجوا لعداك باچر ماشين
ومو هينه ياحيدر علي بنتك تطب إدواوين
ريت السمه فوگ الأرض أنطبگت گبل هذا الحِين
إشضل يسوه بالعيشه لون هذا صار
چا منهي تِسعد لَون زينب تحتار
ومنهي الي تسوه الغانمه والتبجيل
بلا خيمه زينب ياعلي وچل الليل
إلحك بناتك بالفله و مضيعات
—————-
ادري جساره مني أنه هذا التقدم كله
لزينب أحشمك ؟ يالوصي بس هذي تكفي عِلّه
لاچن وحگ المصطفى لعليه ربك صله
كل هذا من نار الذي إبوسط الگلب مشتعله
نكعد نسولف ياعلي بهظمها
نار بگلبنا وهم نواسي أُمها
ومو بس دموع الراس هم دمه يسيل
بلا خيمه زينب ياعلي وچل الليل
إلحك بناتك بالفله و مضيعات
- أبو زينب علي الظالمي
ياحسين | 😢
ترتج الأرض لو ضَيِّعَت طولك
يروح أهل العبا أشلون الضمه اينولك
عُجبه الماي ، ما ذاك النهر حولك
لبني آدم مباح لزرعه ولسُفنه
—-
مثل إمصيبتك يحسين ما شفنه
بنهار امن الزلم ديرانكم تفنه
