796
¤ Ирфон ¤ Ҳикмат ¤ Панд ¤ Шеър ¤ Байт ¤ Ғазал ¤ Андеша (аз бузургони олами классикӣ ва ҷадид) http/t.me/ADABIYOTI_KLASSIKI
Ҳар киро дил мубталои чун ту ҷононе бувад,
Ҳам фидо созад гараш ҳар мӯ ба тан ҷоне бувад.
Чун хаёл орам кашидан он тани нозук ба бар,
Ман ки ҳар сӯ карда сар аз сина пайконе бувад.
Эй мусалмонон, чӣ хонедам ба масҷид, чун ба дайр
Рахна дар динам фиканда номусалмоне бувад.
Кай мани маҷнун тавонам дид рӯи он парӣ,
К-аш ба дидан ақли кул мадҳушу ҳайроне бувад.
Ашки хун пайдо ба рӯям ронду в-он к-андар дилаш,
Аз фироқи лоларӯе доғи пинҳоне бувад.
3-ӯ ҷудо гаштам, надонистам, ки аз бетоқатӣ
Оҳу ашкам дар ғамаш ҳар лаҳза тӯфоне бувад.
Манъи Фонӣ кард носеҳ аз ҷунуну ошиқӣ,
Кай бувад бовар, ки ӯ ин навъ нодоне бувад.
#АМИР_АЛИШЕР_НАВОӢ_ФОНӢ
Инсоф дар ҷабиллати олам наёмадаст,
Роҳат насиби гавҳари одам наёмадаст.
Аз модари замона назодаст ҳеҷ кас,
К-ӯ ҳам зи даҳр номзади ғам наёмадаст.
Аз мавҷи ғам наҷот касерост, к-ӯ ҳанӯз
Бар шатти кавну фурзаи олам наёмадаст.
Аз соғари замона кӣ нӯшид шарбате,
К-он нӯш ҷонгизойтар аз сам(м) наёмадаст.
Гетӣ туро зи ҳодисае эмин куҷо кунад?
К-ӯро зи ҳодисот амон ҳам наёмадаст.
Дуздест чарх нақбзан андар сарои умр,
Оре, ба ҳарза қомати ӯ хам наёмадаст.
Осудагӣ маҷӯй, ки касро ба зери чарх
Асбоби ин мурод фароҳам наёмадаст.
Бо хастагӣ бисоз, ки моро зи рӯзгор
Захм омадаст ҳосилу марҳам наёмадаст.
Дар ҷомаи кабуди фалак бингару бидон,
К-ин чарх чуз сарочаи мотам наёмадаст.
Хоқониё, фиреби ҷаҳонро мадор гӯш,
К-ӯро зи даҳ ду қоида маҳкам наёмадаст.
#ХОҚОНИИ_ШЕРВОНӢ
Ман ғуломи қамарам ғайри қамар ҳеҷ магӯ,
Пеши ман ҷуз сухани шаҳду шакар ҳеҷ магӯ.
Сухани ранҷ магӯ, ҷуз сухани ганҷ магӯ,
Вар аз ин бехабари ранҷ мабар ҳеҷ магӯ.
Дӯш девона шудам ишқ маро диду бигуфт,
Омадам наъра мазан, ҷома мадар, ҳеҷ магӯ.
Гуфтам: ай ишқ, ман аз чизи дигар метарсам,
Гуфт: он чизи дигар нест дигар ҳеҷ магӯ.
Ман ба гӯши ту суханҳои ниҳон хоҳам гуфт,
Сар биҷунбон, ки бале, ҷуз ки ба сар ҳеҷ магӯ.
Қамари ҷон сифате дар раҳи дил пайдо шуд,
Дар раҳи дил чи латиф аст сафар ҳеҷ магӯ.
Гуфтам: ай дил, чи маҳ аст, ин дил ишорат мекард,
Ки на андозаи туст ин бигзар ҳеҷ магӯ.
Гуфтам: ин рӯи фариштаст аҷаб ё башар аст,
Гуфт: ин ғайри фариштасту башар ҳеҷ магӯ.
Гуфтам: ин чист бигӯ зеру забар хоҳам шуд,
Гуфт: мебошӣ чунин зеру забар ҳеҷ магӯ.
Ай нишаста ту дар ин хонаи пурнақшу хаёл
Хайр аз ин хона бирав, рахт бибар ҳеҷ магӯ.
#Мавлоно_Ҷалолиддини_Румӣ
Ҳаргиз бахилро сутуда набинӣ, на хашмгинро шодон ва на хирадмандро ҳарис ва на каримро ҳасуд ва на ҳавасбозро тавонгар ва на малулро дӯст.
#ҳикмати_рӯз
ҲУКАМО ГУФТААНД: се чиз бо се чиз зам гардад, давои он номумкин аст.
1) Ба пирӣ - беморӣ.
2) Ба душманӣ - ҳасадгӯӣ.
3) Ба камбағалӣ - танбалӣ.
#ҳикмати_рӯз
Дар ин оят барои муъминон башорати ниҳоят бузург аст. Чунки мувофиқи мазмуни он бартарият ва ғолибият аз сифатҳои муносиби муъминон аст. Чунки майдони ин дунё барои муъминон ҷойи санҷишу имтиҳон аст. Агар мусулмонон мақоми муъмини ростинро ҳифз карда тавонанд, сабаби ҳар корро дар вақташ омода кунанд, дар он ки ғалабаи ниҳоиро ба даст меоваранд, ҷойи ҳеҷ шакку шубҳа нест.
#таърихи_Муҳаммадӣ
Ту шеъри Саъдӣ мехондию ман руи ту медидам,
Ман аз ҳар байти Саъдӣ байти абруи ту медидам.
Чу шеъри дард мехонди, зи ишқу аз шикасти бахт,
Дили худро шикаста дар сари кӯи ту медидам.
Ту они, ки тавони бо дили ман ҳамнаво боши,
Балои ҷони ман бошию худ дур аз бало боши.
Ту битвонӣ диламро рӯи каф гирию бинвози,
Агарчанде ба ҳукми сарнавишт аз ман ҷудо боши.
.
Туро ман бо ҳама сӯзу навоят дӯст медорам,
Туро ман бо бисоти дардҳоят дӯст медорам.
Бимон бо дардҳои ишқ то дар сина дил дори,
Туро ман бо дили дардошноят дӯст медорам.
#Лоиқ_Шералӣ
Ҳар касе, ки бо талаби илм ба роҳ мебарояд, Худованд роҳи расидан ба биҳиштро ба ӯ осон мегардонад. Фариштагон аз амали толибилм хушнуд мешаванд ва болҳои худро зери қадамҳои ӯ паҳн мекунанд.
#дурдонаҳои_ҳақиқат
Мо диле дорему он бар дилбаре хоҳем баст,
Нақши рӯи зард бар хоки даре хоҳем баст.
Ҳар касе банданд баҳри симу зар бар худ камар,
Мо камар дар хидмати симинбаре хоҳем баст.
Гарчи дил бо ёри худ бастему бас чун зулфи ёр,
То надонад дигаре, бар дигаре хоҳем баст.
Бор агар бандем дар кӯи ту боре бар рақиб,
Чун ба азми роҳ боре бар харе хоҳем баст.
Подшоҳон сайдҳо банданд бар фитрокҳо,
Мо бад-он фитрок ҷоневу саре хоҳем баст.
Ранг аз рӯи гулу аз гул варақ хоҳем сохт,
Сурати ӯ гар ба рӯи дафтаре хоҳем баст.
Дар миёни гиря чун бӯсем пои ӯ, Камол,
Аз дур(р)у ёқут бар вай зеваре хоҳем баст.
#КАМОЛИ_ХУҶАНДӢ
Метарошад фикри мо ҳар дам худованде дигар,
Рост аз як банд, то афтод ба банде дигар.
Ба сари бом о, ниқоб аз чеҳра бебокона каш,
Нест дар кӯйи ту чун ман орзуманде дигар!
Баски ғайрат мебарам аз дидаи бинои хеш,
Аз нигаҳ бофам ба рухсори ту рӯбанде дигар.
Як нигаҳ, як хандаи дуздида, як тобанда ашк,
Баҳри паймони муҳаббат нест савганде дигар.
Ишқро нозам, ки аз бетобии рӯзи фироқ,
Ҷони маро баст бо дарди ту пайванде дигар.
То шавӣ бебоктар дар нолаи мурғи баҳор,
Оташе гир дар ҳарими синаам чанде дигар.
Чанги темурӣ шикаст, оҳанги темурӣ баҷост,
Сар бурун меорад аз 《Сози Самарқанде》 дигар,
Раҳ мадеҳ дар Каъба, эй пири Ҳарам, Иқболро,
Ҳар замон дар остин дорад худованде дигар.
#МУҲАММАД_ИҚБОЛ
Ризқ агарчанд бегумон бирасад,
Шарти ақл аст ҷустан аз дарҳо.
Гарчи кас беаҷал нахоҳад мурд,
Ту марав дар даҳони аждарҳо!
#Саъдӣ
Намояд хирмани озодагон чун ранги коҳиро,
Зи чашми барқ ҳамчун доғ андозад сиёҳиро.
Ҷаҳон аз майпарастӣ чун харобам метавон кард,
Чи нуқсон аст, агар ронад касе дар об моҳиро.
Баландӣ пастфитратро ба андак мояи дунёст,
Ки меъроҷест ҳар шохи гиё мурғони чоҳиро.
Илоҳӣ, оташе дар хонаи мурги чаман афтад,
Ки шохи гул зи сар бигзорад ин соҳибкулоҳиро.
Дилам то хуфтагони анҷуманро дид, медонад,
Ки гиря аз барои чист шамъи субҳгоҳиро.
Ба меҳри осмон эмин машав, к-ин шаҳна дар охир
Кунад курсии зери дор тахти подшоҳиро.
Ба тарфи ҷӯйбор аз рақс натвон манъи ӯ кардан,
Ки маъшуқи хушовозе ба даст афтод моҳиро.
Салим, аҳли суханро безабонӣ айб мебошад,
Ки воҷибтар зи ҳарчи ҳаст шамшере сипоҳиро.
#САЛИМИ_ТЕҲРОНӢ
Эй дер ба дастомада, бас зуд бирафтӣ,
Оташ задӣ андар ману чун дуд бирафтӣ.
Чун орзуи тангдилон дер расидӣ,
Чун дӯстии сангдилон зуд бирафтӣ.
З-он пеш, ки дар боғи висоли ту дили манАз доғи фироқи ту баросуд, бирафтӣ.
Ногашта ман аз банди ту озод, биҷастӣ,
Нокарда маро васли ту хушнуд, бирафтӣ.Оҳанг ба ҷони мани дилсӯхта кардӣ,
Чун дар дили ман ишқ бияфзуд, бирафтӣ.
#АНВАРӢ
Баъд аз имрӯз ошкоро дӯст медорам туро,
Аз ту чун пӯшам, нигоро, дӯст медорам туро.
Дар вуҷуди ман зи ҳастӣ ҳар сари мӯе, ки ҳаст,
Дӯст медорад маро, то дӯст медорам туро.
Хоҳ дар дил бош сокин, хоҳ дар ҷон шав муқим,
Гар дар ин ҷоӣ в-ар он ҷо, дӯст медорам туро.
Орам ояд пеши сарву лола рафтан дар чаман,
То бад-он рухсору боло дӯст медорам туро.
Гар набошӣ дӯстдорам, дӯст дорам ҳамчунон,
З-он ки ман бе ҳеҷ таманно дӯст медорам туро.
Дидаву дил ҳар яке танҳо туро доранд дӯст,
Худ мани бедил на танҳо дӯст медорам туро.
Гуфтаӣ: Хун резамат, то душманам дорӣ, Камол,
Ман худ аз баҳри чунинҳо дӯст медорам туро.
#КАМОЛИ_ХУҶАНДӢ
A very strong and instructive social video. Watch and judge!
Don't try to raise your children perfectly because they will be like you anyway. Better educate yourself!
/channel/zaboni_anglisiii
Мағрур машав, хоҷа, ба сомони касофат,
Бар пушти харон мў чӣ қадар ҷул шуда бошад.
Халқе ба адам дуди дилу доғи ҷигар бурд,
Хоки ҳама сарфи гулу сунбул шуда бошад.
Аз қатраи мо даъвии дарё чӣ хаёл аст?
Ин ҷузъ, ки гум гашт, магар кул шуда бошад.
#Бедил
Хуш хиромон меравӣ, эй ҷони ман, бе ман марав,
Эй ҳаёти дўстон, дар бўстон бе ман марав.
Эй фалак бе ман магарду эй камар бе ман матоб,
Эй замин бе ман мабошу эй замон бе ман марав.
Ин ҷаҳон бо ту хуш асту он ҷаҳон бо ту хуш аст,
Ин ҷаҳон бе ман мабошу он ҷаҳон бе ман марав.
Эй инон, бе ман марону эй забон бе ман махон,
Эй назар, бе ман мабину эй равон бе ман марав.
Шаб зи рўят моҳ рўйи хештан бинад сафед,
Ман шабам, ту моҳи ман, бар осмон бе ман марав.
Хорро бин руст зоташ дар паноҳи лутфи гул,
Ту гулӣ, ман хори ту, дар гулситон бе ман марав
Дар хами чавгонт мебозад, чу чашмат бо ман аст,
Ҳамчунин дар ман нигар, бе ман марон, бе ман марав.
Чун ҳарифи шоҳ бошӣ, эй тараб, бе ман мабош,
Чун ба поси шаҳ равӣ, эй посбон, бе ман марав.
Войи он кас, кў дар ин раҳ бе нишони ту равад,
Чун нишони ту манам, эй бенишон, бе ман марав.
Вой онро, кандар ин раҳ меравад бедонише,
Оташи роҳам туӣ, эй роҳдон, бе ман марав.
Дигаронат ишқ мехонанду ман султони худ,
Эй ту волотар зи ваҳми ину он бе ман марав.
#МАВЛОНО_ҶАЛОЛИДДИНИ_РУМӢ
Эй хуш он рӯзе, ки дар дил меҳри ёре доштам,
Синаи пурсӯзу чашми ашкборе доштам.
Ёд бод он гаҳ, ки фориғ будам аз боғу баҳор,
Дар канор аз ашки гулгун лолазоре доштам.
Кӯр бодо дидаи бахтам, хуш он рӯзе, ки ман,
Дида бар роҳи саманди шаҳсаворе доштам.
Боз рӯ гардондӣ аз ман, чунки оям сӯйи ту,
Охир, эй паймоншикан, бо ту қароре доштам.
Шукр гар нола бурун шуд аз дилам якборагӣ,
Гар ҳам аз хавфу хатар хотирузоре доштам.
Ноумеде кардӣ аз худ, эй хуш он рӯзе, ки ман
Орзуи бӯсу уммеди каноре доштам.
Гар касе пурсад: чӣ мекарди ту, Муҳйӣ? Дар ҷавоб
Гӯям: он ҷо бо касе як лаҳза коре доштам.
#АБДУЛҚОДИРИ_ҶЕЛОНӢ
Рӯзе Исо (алайҳиссалом) чанд нафари аҳмақсифатро дида, рӯй гардониданд ва гурехтанд. Шогирдон ин ҳолро дида гуфтанд:
- Ё Расулуллоҳ, аз нафаси мубораки шумо чандин гунгу кар шифо ёфтанд, бо иродаи Худованд якчанд мурдагон дар дасти шумо зинда гаштанд. Пас чунин ба ин аҳмақон як дам занед, ки онҳо низ аз балои аҳмақӣ наҷот ёбанд ва ин барояшон хуб хоҳад буд. Расулуллоҳ дар ҷавоби онҳо гуфтанд:
-Нафаси ман бо хоҳиши Худованд мурдаро ҷон мебахшад, ба ҳар дардманд шифо ато мекунад, аммо ба аҳмақон асар надорад. Чунки аҳмақӣ - қаҳри Худованд аст.
#маснавии_маънавӣ
#МАВЛОНО
Расули Акрам (саллаллоҳу алайҳи вассаллам) гуфт: Он рӯзе, ки қиёмат бувад, ҳеҷ соя ва паноҳгоҳ намонда бувад, ба ҷуз соя ва паноҳгоҳи Худои таъоло ки ҳафт кас дар он соя бошад:
1) Султон, ки ба раияти хеш адл кунад.
2) Ҷавоне, ки ба ибодати Худои таъоло барояд.
3) Марде, ки дар бозор бошаду дилаш бо масҷид бувад.
4) Ду касе, ки дӯстӣ кунанд барои Худой.
5) Марде, ки Худоро дар хилват ёд кунад ва ашк аз чашм фурӯ барад.
6) Марде, ки ӯро зане бо ҷамолу мол ба худ хонад вай гӯяд "ман аз Худо метарсам".
7) Марде, ки ба дасти рост садақа медиҳад, чунон ки дасти чапи вай хабар надорад.
#насиҳат_ул_мулук
#МУҲАММАД_ҒАЗОЛӢ
Сухандони парварда, пири куҳан,
Бияндешад, он гаҳ бигӯяд сухан.
Мазан, то тавонӣ, ба гуфтор дам,
Накӯ гӯӣ, гар дер гӯӣ, чи ғам?!
Бияндешу он гаҳ баровар нафас,
В-аз он пеш бас кун, ки гӯянд бас!
Ба нутқ одамӣ беҳтар аст аз давоб,
Давоб аз ту беҳ, гар нагӯӣ савоб!
《☆《☆《●♡●》☆》☆》
Сухан он гаҳ кунад ҳаким оғоз,
Ё сарангушт сўйи луқма дароз.
Ки зи ногуфтанаш халал зояд,
Ё зи нохўрданаш ба ҷон ояд.
Лоҷарам, ҳикматаш бувад гуфтор,
Хўрданаш тандурустӣ орад бор.
#САЪДӢ
Ассалому алайкум,
Рӯзи дӯстони гиромӣ пур аз сафову самимият бод!
Ғазале аз ашъори безаволи одамушшуаро #Рӯдакӣ тақдими дӯстони азиз.
Дило, то кай ҳамеҷӯйӣ манеро,
Чӣ дорӣ дӯст ҳарза душманеро?!
Чаро ҷӯйӣ вафо аз бевафое.
Чӣ кӯбӣ беҳуда сард оҳанеро?!
Аё савсан, баногӯше, ки дорӣ,
Ба рашки хештан ҳар савсанеро!
Яке з-ин барзане нороҳ баршав,
Ки бар оташ нишонӣ барзанеро.
Дили ман арзане, ишқи ту кӯҳе.
Чӣ сойӣ зери кӯҳе арзанеро?!
Бибахшо, эй писар, бар ман бибахшо,
Макуш дар ишқ хира чун манеро!
Биё, инак нигоҳ кун Рӯдакиро,
Агар беҷон равон хоҳӣ танеро.
Ва саллаллоҳ ало нурӣ, к-аз ӯ шуд нурҳо пайдо,
Замин аз ҳилми ӯ сокит, фалак аз ишқи ӯ шайдо.
Аз ӯ дар ҳар тане шавқе, аз ӯ дар ҳар диле завқе,
Аз ӯ дар ҳар забон зикре, аз ӯ дар ҳар саре савдо.
Мунаввар олам аз рӯяш, муаттар хулд аз бӯяш,
Муамбар ҳар ду гесуяш, ду зулф айнан шаби ялдо.
Муҳаммад, Аҳмаду Маҳмуд, ки вайро Холиқаш бистуд,
Аз ӯ шуд буди ҳар мавҷуд, аз ӯ шуд дидаҳо бино.
Агар номи Муҳаммадро, наёвардӣ Шафеъ он дам,
На Одам ёфти тавба, на Нӯҳ аз ғарқ наҷҷайно.
На Айюб аз бало роҳат, на Юсуф ҳурмату ҳамшат,
На Исоро Масеҳ омад, на Мусоро яди байзо.
Ду чашми наргисинашро, ки мо соғар басар хонӣ,
Ду зулфи анбаринашро, ки вал-лайли изо яғшо.
Зи сирри синааш Ҷомӣ, алам нашраҳ лака бархон,
Зи меъроҷаш хабар хоҳӣ, фасубҳонал - лазӣ асро.
#ҶОМӢ
Баски дар мо қолаб омад нафсаки бедоди мо,
Гашт шайтон ҳамнишинаш, то шавад Шаддоди мо.
Рухсати талбиси худро мезанад бар раққи дил,
Фурсати тақдиси Ҳақро мебарад аз ёди мо.
Нест моро духтарони биқиётус-солиҳот,
То магар лутфу қабули Ҳақ шавад домоди мо.
Пургуноҳему табоҳу нома шуд яксар сиёҳ,
Лек Қуръон раҳбари мо, зикри ӯ иршоди мо.
Мо ба нури 《ло илоҳ》-у зикри 《иллаллоҳ》равем,
Сӯи ҷаннат гар ба тоат мераванд автоди мо.
Гар фурӯ монем аз ин раҳ, Пири Ансорӣ, чӣ ғам?
Ғам махӯр, Эзид ҷинонро кард хулдободи мо.
#ХОҶА_АБДУЛЛОҲИ_АНСОРӢ
Эй ба ҷаҳон ниҳон чу ҷон, равшании ҷаҳон туӣ,
Аз ҳама дидаҳо ниҳон, дар ҳама ҷо аён туӣ.
Он кӣ зи ҷой мебарад ҳар нафас ин дили маро,
Мекашадаш ба ҳар тараф дар паи ину он туӣ.
Он кӣ чу азм мекунам аз паи мақсаде равам,
Мешиканад азиматам нонаҳу бегумон туӣ.
Он кӣ чу дев раҳ занад, то ба ҷаҳим афканад,
Дар дили ман нидо кунад: ҳай марав ончунон туӣ.
Он кӣ сафар чу мекунам ҳофизи аҳли манзил аст,
Боз маро дар он сафар ҳамдами инсу ҷон туӣ.
Он кӣ раҳам ба худ намуд, оинаи дилам зидуд,
То ки бидиҳам он чи буд дар тутуқи ҷаҳон туӣ.
Он кӣ зи меҳри дилбарон дар дилам оташе фиканд,
Хоки маро ба бод дод з-оби бути рухон туӣ.
Он кӣ зи нутфа офарид сарвқадони дилфиреб,
Кард зи чашмаи ҳаёт оби равон равон туӣ.
Дар рухи дилбарон ту об, дар дили бедилон ту тоб,
Ҷони ман ин дар ин туӣ, ҷони ту он дар он туӣ.
Дар дили беқарори ман мояи изтироб ту,
Дар сари бехумори ман мастии ҷовидон туӣ.
Новаки ғамза мезанад дар дили ман ниҳон касе,
Менакунам ғалат, ки он ғамзазани ниҳон туӣ.
Кист, ки ҳар нафас маро тоза ҳаёт медиҳад,
Гар ту нагӯӣ он манам, кист бигӯяд он туӣ.
Кист, ки зарра-зарра дил мебарад аз дилам ниҳон,
Ҳаст аён чу офтоб дилбари ман ниҳон туӣ.
Комилу ноқиси ҷаҳон сӯи ту карда рӯи ҷон,
Қиблаи орифон туӣ, мақсади соликон туӣ.
Мояи шӯриши ҷунун дар сари Файз ҷуз ту нест,
Ҳусну ҷамоли дилбарон бар рухи дилбарон туӣ.
#ФАЙЗИ_КОШОНӢ
Бар мисли нома бар худ чанд печонӣ маро,
Чун қалам то кай ба фарқи сар бигардонӣ маро.
Чанд бифребӣ ба тақриру ба таҳрирам дигар,
Инчунин нодон наям, охир ту медонӣ маро.
Шоҳбози васли мо дар дасти ту қадре надошт,
К-аз ҳаво дар домат овардӣ ба осонӣ маро.
З-оташи дил ҳамчу хокам чанд бар бодам диҳӣ,
В-аз ду дида дар миёни об биншонӣ маро.
Ман ҳам аввал рӯз донистам, ки дар савдои ту
Ҳосиле дигар набошад ҷуз парешонӣ маро.
Хоки раҳ гаштам, ки овезам магар дар доманат,
Та ба кай, ҷоно, чу гард аз доман афшонӣ маро.
Дардам аз ҳад рафт, биншин як дам, эй ҷони Ҷаҳон,
К-андар ин дардам ту дармонӣ, ту дармонӣ маро.
#ҶАҲОНМАЛИКХОТУН
Ғам махӯр, ёро, ки Ҳақ фарёди ғамхорон расад,
Ёри корафтодаро ёрӣ ҳам аз ёрон расад.
Давлати ҷовид хоҳӣ хезу шабро зинда дор,
Хуфта нобино бувад, давлат ба бедорон расад.
Гар ҳумоӣ, авҷи хирманро ба гунҷишкон супор,
В-ар дурустӣ, ғам махӯр шарбат ба беморон расад.
Ошиқон хӯрданд май з-он муфлисон гаштанд маст,
Бош то рӯзи пасин, навбат ба ҳушёрон расад.
Чун магас хӯрд ангубин, парвонаро шамъ аз чӣ сӯхт,
Кисса тарророн баранд, офат ба айёрон расад.
Ҷанги султонист ин ҷо тирборон чашм дор,
Он арӯсиҳо бувад, к-он ҷо шакарборон расад.
Гар даруни боргоҳат ёр набвад, з-он маранҷ,
Чун ба сайд омад малик, навбат ба сагдорон расад.
Эй Низомӣ, пой дарнеҳ, даст аз ин давлат бидор,
То магар з-он мамлакат коре ба бекорон расад.
#НИЗОМИИ_ГАНҶАВӢ
Чу гардид аз вуҷудаш рахна дар мулки адам пайдо,
Сазад з-ин рахна гар гардад миёни он санам пайдо.
Ҷаҳонеро фурӯ бурду ҳанӯзаш иштиҳо боқист,
Заминро гарчи ҳаст аз кӯҳ санге бар шикам пайдо.
Баро аз пардаи фонуси ҳастӣ, то шавад равшан,
Ки нури шамъи як ҳусн аст ҳам пинҳону ҳам пайдо.
Чу сайри олами мастӣ аз ин олам бувад берун,
Куҷо аҳволи майхорон шавад аз ҷоми Ҷам пайдо.
Сухан аз дигарон гуфтан баёни ҳоли худ бошад,
Бадиву некии шоир шавад аз мадҳу зам пайдо.
Сухансанҷони оламро ба худ санҷидаму дидам,
Ки ҳамчун ман сухансанҷе шавад дар даҳр кам пайдо.
Хамӯшонро сухан гуфтан мукаддар мекунад, Фонӣ,
Ки нам дар дидаи оина мегардад зи дам пайдо.
#Мулло_Муҳаммадмӯҳсин_Фонӣ
Инсоф дар ҷибиллати олам наёмадаст,
Роҳат насиби гавҳари одам наёмадаст.Аз модари замона назодаст ҳеҷ кас,
К-ӯ ҳам зи даҳр номзади ғам наёмадаст.
Аз мавҷи ғам наҷот касерост, к-ӯ ҳанӯз
Бар шатти¹ кавну фурзаи² олам наёмадаст.Аз соғари замона кӣ нӯшид шарбате,
К-он нӯш ҷонгизойтар аз сам(м) наёмадаст.
Гетӣ туро зи ҳодисае эмин куҷо кунад?
К-ӯро зи ҳодисот амон ҳам наёмадаст.
Дуздест чарх нақбзан андар сарои умр,Оре, ба ҳарза қомати ӯ хам наёмадаст.
Осудагӣ маҷӯй, ки касро ба зери чарх
Асбоби ин мурод фароҳам наёмадаст.Бо хастагӣ бисоз, ки моро зи рӯзгор
Захм омадаст ҳосилу марҳам наёмадаст.
Дар ҷомаи кабуди фалак бингару бидон,
К-ин чарх ҷуз сарочаи мотам наёмадаст.Хоқониё, фиреби ҷаҳонро мадор гӯш,
К-ӯро зи даҳ ду қоида маҳкам наёмадаст.
#ХОҚОНӢ