796
¤ Ирфон ¤ Ҳикмат ¤ Панд ¤ Шеър ¤ Байт ¤ Ғазал ¤ Андеша (аз бузургони олами классикӣ ва ҷадид) http/t.me/ADABIYOTI_KLASSIKI
Эй дил, чу пеш ояд ғаме, онро фараҳ медон, фараҳ,
Бархон пеши собирон: "ас-сабру мифтоҳал - фараҳ.
Гар ошиқӣ, овора шав, гар содиқӣ, бечора шав,
Гар собирӣ, ғамхора шав, "ас-сабру мифтоҳал - фараҳ".
Дар роҳ бошу роҳ рав, дар гоҳу дар бегоҳ рав,
Дар исмати он шоҳ рав, "ас-сабру мифтоҳал - фараҳ".
Бо ғам бисозӣ ҳон-ҳон, то зинда монӣ ҷовидон,
Дар гӯши ҷони худ бихон: "ас-сабру мифтоҳал - фараҳ".
Мо ҷон ба ҷонон додаем, аз ҳарду олам содаем,
Аз баҳри он истодаем, "ас-сабру мифтоҳал - фараҳ".
Гар пешат ояд заҳмате, бар хони худ неҳ миннате,
Аз Ҳақ шинос ин раҳмате, "ас-сабру мифтоҳал - фараҳ".
Қосим, агар ҷон ёфтӣ, он бӯи ҷонон ёфтӣ,
Дар сабри пинҳон ёфтӣ, "ас-сабру мифтоҳал - фараҳ".
#ҚОСИМИ_АНВОР
Ҳар бод, ки аз сӯйи Бухоро ба ман ояд,
Бо бӯйи гулу мушку насими суман ояд.
Бар ҳар зану ҳар мард куҷо барвазад он бод,Гӯйӣ, магар он бод ҳаме аз Хутан ояд.
Не, не, зи Хутан бод чунин хуш навазад ҳеҷ,К-он бод ҳаме аз бари маъшуқи ман ояд.
Эй турки камарбаста, чунонам зи фироқат,Гӯянд, қабои ту маро пераҳан ояд.
Ҳар шаб нигаронам ба Яман, то ту бароӣ,Зеро ки Суҳайлию Суҳайл аз Яман ояд.
Кӯшам, ки бипӯшам, санамо, номи ту аз халқ,То номи ту кам дар даҳани анҷуман ояд.
Бо ҳар кӣ сухан гӯям, агар хоҳаму гар не,Аввалсуханам номи ту андар даҳан ояд.
#РӮДАКӢ
Ҳар кӣ нақси хешро диду шинохт,
Андар истикмоли худ даҳаспа тохт.
З-он намепаррад ба сўйи Зулҷалол,
К-ў гумоне мебарад худро камол.
Иллате баттар зи пиндори камол,
Нест андар ҷони ту, ай зудлол.
《○•○》《●•●》 《○•○》 《●○●》
Нафси туст он модари бехосият,
Ки фасоди ўст дар ҳар ноҳият.
Ҳин, бикуш ўро, ки баҳри он данӣ,
Ҳар даме қасди азизе мекунӣ.
Аз вай ин дунёи хуш бар туст танг,
Аз пайи ў бо Ҳақу бо халқ ҷанг.
#Мавлоно
Бигзор то бигирям чун абр дар баҳорон,
К-аз санг нола хезад рӯзи видои ёрон.
Ҳар к-ӯ шароби фурқат рӯзе чашида бошад,
Донад, ки сахт бошад қатъи умедворон.
Бо сорбон бигӯед аҳволи оби чашмам,
То бар шутур набандад маҳмил ба рӯзи борон.
Бигзоштанд моро дар дида оби ҳасрат,
Гирён чу дар қиёмат чашми гуноҳкорон.
Эй субҳи шабнишинон, ҷонам ба тоқат омад,
Азбаскӣ дер мондӣ, чун шоми рӯзадорон.
Чандин ки баршумурдам аз моҷарои ишқат,
Андӯҳи дил нагуфтам, илло як аз ҳезорон.
Саъдӣ, ба рӯзгорон меҳре нишаста дар дил,
Берун наметавон кард, илло ба рӯзгорон.
Чандат кунам ҳикоят, шарҳ ин қадар кифоят,
Боқӣ наметавон гуфт, илло ба ғамгусорон.
#Саъдӣ
Бедор шав, эй дил, ки ҷаҳон мегузарад,
В-ин мояи умр ройгон мегузарад.
Дар манзили тан махуспу ғофил манишин,
К-аз манзили умр корвон мегузарад.
#МАВЛОНО
Эй гирифта такягоҳи ҳалқаи тадрисро,
Гар ҳамехоҳӣ ту ҷоҳу рутбати Идрисро.
Ҳамчу Одам гӯ "заламно", то қабули Ҳақ шавӣ,
Ҳар ки гӯяд ғайр аз ин, ӯ ҳамсар аст Иблисро.
Гар туро қувват надодӣ Ҳақ зи ту кай хостӣ,Хашяту савму салоту тоати тақдисро.
Дар раҳи Ҳақ ранҷ бояд баҳри Ҳақ дидан басе,
З-он ки куштанд андар ин раҳ борҳо Ҷирҷисро.
Гар улув хоҳӣ шариъат гиру бигзар з-ин ғулув,
В-арна худ монанда бошӣ роҳиби қабйисро.
Роҳи Ҳақ чун шуд аён, эй Пири Ансорӣ, ту рав
Дар амал овар ба ҷон ин санъати таҷнисро.
#Хоҷа_Абдуллоҳи_Ансорӣ
Ҷурме надорам беш аз ин, к-аз ҷон вафодорам туро,
В-ар қасди озорам кунӣ, ҳаргиз наёзорам туро.
З-ин ҷавр бар ҷонам кунун даст аз вафо шустӣ ба хун,
Ҷоно, чӣ хоҳад шуд фузун, охир, зи озорам туро?!
Рух гар ба хун шӯям ҳаме, об аз ҷигар ҷӯям ҳаме,
В-ар ҳоли худ гӯям ҳаме, ёде бувад к-орам туро.
Оби рухони ман мабар, дил рафту ҷонро дарнигар,
Тимори кори ман бих(в)ар, к-аз ҷон харидорам туро.
Ҳон, эй санам, хорӣ макун, моро фаро зоре макун,
Обам, буто, торӣ макун, то дарди сар н-орам туро.
Ҷоно, зи лутфи эзадӣ, Гар бар дилу ҷонам задӣ,
Ҳаргиз нагӯйӣ, Анварӣ, рӯзе вафодорам туро.
#Анварӣ ^Авҳадиддин Алӣ бинни Муҳаммад бинни Исҳоқ
Зи худ беҳтаре ҷӯю фурсат шумор,
Ки бо чун худе гум кунӣ рузгор!
#Саъдӣ
Дар ин гулшан ду рӯзат хандакорист,
Мабодо ғарра гардӣ, гул баҳорист.
Барафшон бар ҳавас домону бигзар,
Ки дар ҷайби нафас нақди нисорист.
#Бедил
Гуфт: “Эй шаҳ, як ҳунар, к-он кеҳтар аст,
Бозгӯям, гуфт, кӯтаҳ беҳтар аст”.
Гуфт: “Баргӯ, то кадом аст он ҳунар?”
Гуфт: “Ман он гаҳ ки бошам авҷ - бар.
Бингарам аз авҷ бо чашми яқин,
Ман бибинам об дар қаъри замин.
То куҷо асту чӣ умқ асташ, чӣ ранг?
Аз чӣ меҷӯшад? Зи хоке ё зи санг?
#Мавлоно
Эй, дил ғами ин ҷаҳони фарсуда махӯр,
Беҳуда наӣ, ғамони беҳуда махӯр.
Чун буда гузашту нест нобуда падид,
Хуш бош, ғами будаву нобуда махӯр...
#Умар_Хайём
Навмед машав, банда, аз раҳмати мо ҳаргиз,
Зеро ки ба ғайр аз мо кас нест туро ҳаргиз.
Хоҳам, ки аз ин олам ту пок шавӣ аз ҷурм,
В-арна ба ту нафристам, эй банда, бало ҳаргиз.Чун сӯхтаи имрӯз аз дарди фироқи мо,
Дар сӯхтанат фардо надҳем ризо ҳаргиз.
Ман бо туам, эй ошиқ, ту низ ба мо мебош,
Ҳаргиз чу нашояд дӯст аз дӯст ҷудо ҳаргиз.Ҳарчанд ки рӯ аз мо бартофтиву рафтӣ,
Рӯ аз ту наметобад худ раҳмати мо ҳаргиз.
Аз дарди фироқи мо як шаб чу ба рӯз орӣ,
Дидор напӯшонам дар рӯзи лиқо ҳаргиз.Гар бар дили худ моро рӯзе гузарони ту,
Дар дӯзахи пуроташ н-орем туро ҳаргиз.
Эй ҷамъи тиҳидастон, ҳаққо, ки нахоҳам баст,
Ман ин дари раҳматро бар рӯйи шумо ҳаргиз.
Аз бими ҷудо будан аз давлати ҷовидон,
Муҳйӣ набувад як дам бе ёди Худо ҳаргиз.
#Муҳйиддин_Абдулқодири_Ҷелонӣ
Яке аз шартҳои амонатдорӣ ин супурдаҳоро дар ҳамон шакле ки қабул карда шуда буд , ба соҳибаш баргардонидан аст . Монанди рафтори паёмбар (саллаллоҳу алайҳи вассаллам), ки ҳатто мушрикон супурдаҳояшонро дар назди ӯ мегузориданд то аз онҳо нигаҳдорӣ намояд. Паёмбар (саллаллоҳу алайҳи вассаллам)-ро ҳамчу фарди ростгӯ ва амину амонатнигаҳдор дар байни аҳли Макка мешинохтанд, Ҳангоме, ки паёмбар (саллаллоҳу алайҳи вассаллам) аз Маккаи мукаррама ба Мадинаи мунаввара ҳиҷрат кард ҳазрати Алӣ (разияллоҳу анҳу)-ро масъул гардонид, то амонатҳои мушриконро, ки назди ӯ буданд боз гардонад.
Читать полностью…
#Аз_ганҷинаи_хирад
Агар бастаи ишқи халосӣ маҷӯ,
Ва гар куштаи ишқи қасос маҷӯ...
Ки ишқ оташи сӯзон асту баҳри бекарон аст,
ҳам ҷон асту ҷонро ҷонон аст,
ва қиссаи бепоён асту дарди бедармон аст,
ақл дар идроки вай ҳайрон ва дил аз дарёфти вай нотавон аст .
Ниҳонкунандаи аён асту аёнкунандаи ниҳон аст..
Агар хомӯш бошад дилро чок кунад ва аз ғайри худаш пок кунад...
Ишқ дард нест ,вале ба дард орад...
Бало нест вале балоҳо ба сар орад....
Чунон ки иллати ҳаёт аст, ҳамчунон сабаби мамот аст...
Муҳаббат муҳибро сӯзад на маҳбубро
Ишқ толибро сӯзад на матлубро....
Шарҳи ишқро ман бигӯям бардавом,
Сад қиёмат бигзарад он нотамом.
📖#Муҳаббатнома_Боби_Ишқ
✍#Хоҷа_Абдуллоҳи_Ансорӣ
Ҷаҳон ба маҷлиси мастони бехирад монад!
Ки дар шиканҷа бувад ҳар кас ки ҳушёраст...
#Соиб_Табрезӣ
Ҳар танеро рангу бӯе дода султони азал,
Ҳар сареро сарнавиште карда девони азал.
Ҳар вуҷуде дар ҳақиқат мазҳари сирре шуда,
То шавад пайдо зи сирраш илми пинҳони азал.
Ихтиёри мо чӣ санҷад пеши тақдири Илоҳ,
Ҷумларо чун гӯй гардон карда чавгони азал.
Ҳар чи корӣ дар баҳорон, тирамоҳ он бидравӣ,
То чи тухм андохт аввал дасти деҳқони азал.
Он чи бо вай хост шуд, пас мо ба ҳайрат мезанем,
Мушти ҷидду ҷаҳдро бар рӯи сандони азал.
То абед серӣ набинад, доимо ҷоеъ бувад,
Он дилу ҷоне, ки ҷомеъ монд дар хони азал.
Ғайри таслиму ризо, Ансориё, таълим нест,
Ақли оҷизро, ки хонад марди майдони азал.
#ХОҶА_АБДУЛЛОҲИ_АНСОРӢ
Дило, назди касе биншин, ки ӯ аз дил хабар дорад,
Ба зери он дарахте рав, ки ӯ гулҳои тар дорад.
Дар ин бозори атторон, марав ҳар сӯ чу бекорон,
Ба дӯкони касе биншин, ки дар дӯкон шакар дорад.
Тарозу гар надорӣ пас, туро з-ӯ раҳ занад ҳар кас,
Яке қалбе биёрояд, ту пиндорӣ, ки зар дорад.
Туро бар дар нишонад ӯ ба таррорӣ, ки меоям,
Ту маншин мунтазир бар дар, ки он хона ду дар дорад.
Ба ҳар деге, ки меҷӯшад, маёвар косаву маншин,
Ки ҳар деге, ки меҷӯшад, дарун чизе дигар дорад.
На ҳар килке шакар дорад, на ҳар зере забар дорад,
На ҳар чашме назар дорад, на ҳар баҳре гуҳар дорад.
Бинол, эй булбули дастон, азеро нолаи мастон,
Миёни сахраву хоро асар дорад, асар дорад.
Бинеҳ сар гар намеғунҷӣ, ки андар чашмаи сӯзон,
Агар ришта намеғунҷад, аз он бошад, ки сар дорад.
Чароғ аст ин дили бедор, ба зери доманаш медор,
Аз ин боду ҳаво бигзар, ҳавояш шӯру шар дорад.
Чу ту аз бод бигзаштӣ, муқими чашмае гаштӣ,
Ҳарифи ҳамдаме гаштӣ, ки обе бар ҷигар дорад.
Чу обат бар ҷигар бошад, дарахти сабзро монӣ,
Ки мева нав диҳад доим, даруни дил сафар дорад.
#МАВЛОНО
Эй акси рӯят аз маҳи тобон зиёдатар,
Нӯши лабат зи чашмаи ҳайвон зиёдатар.Тӯбо бад-он назокату хубӣ, ки гуфтаанд,
Ҳошо, бувад зи қомати ҷонон зиёдатар.
Наргис, ки шӯхчашмии олам насиби ӯст,
Набвад аз он ду наргиси фаттон зиёдатар.Аз ҷон азизтар набувад ҳеҷ чиз, лек
Назди ман аст васли ту аз ҷон зиёдатар.
Гашт аз баҳори муждаи васли ту синаам
Дар хуррамӣ зи соҳати бӯстон зиёдатар.Дар водии фироқи ту бедаступо касе
Раҳме, ки набвад аз мани ҳайрон зиёдатар.Шоҳин, маҷӯ табиб, ки ранҷури ишқро,
Рағбат бувад ба дард зи дармон зиёдатар.
#Шамсиддин_Муҳаммад_Шоҳин
Воқеан чун ба таърихи тамаддуни халқи хеш назар меафканем, возеҳ мебинем, ки ниёгони мо чи заҳматҳоеро дар роҳи расидан ба сулҳу ваҳдати миллӣ ва истиқлолияти давлатӣ кашидаанд.
Дар охири солҳои 80-ум муборизаи ҷунбишу созмонҳои миллӣ-демократии ҷумҳурӣ барои истиқлоли Тоҷикистон сар шуд. 24 августи соли 1990 дар Иҷлосияи дуюми Шӯрои Олии ҶШС Тоҷикистон, бори аввал «Эъломияи истиқлоли Ҷумҳурии Шӯравии сотсиалистии Тоҷикистон дар ҳайати Иттиҳоди Шӯравӣ» (ИҶШС) қабул шуда буд. Вале ин ҳуҷҷат, истиқлоли комили мамлакатро пурра таъмин карда наметавонист.
Эълон гардидани Истиқлолияти давлатии Ҷумҳурии Тоҷикистон аввали моҳи сентябри соли 1991 ба вуқӯъ пайваст ва 9 сентябри ҳамон сол расман Рӯзи Истиқлолияти давлатии Ҷумҳурии Тоҷикистон қабул гардид. Аз ҳамон вақт то имрӯз ин санаи муборак барои миллати тоҷик иди муқаддас маҳсуб мешавад.
Солҳои соҳибистиқлоли барои мо имкони воқеӣ фароҳам овард, ки роҳи имрӯзу ояндаи миллат ва пешрафти минбаъдаи кишвари азизамонро ба сӯи ҷомеаи демократӣ, ҳуқуқбунёд ва дунявӣ интихоб намоем. Истиқлолият барои мо рамзи олии Ватану ватандорӣ, бузургтарин неъмати давлатсозию давлатдории мустақил, кору пайкори пайгиронаи созандагӣ, азму талошҳои фидокоронаи расидан ба истиқлолияти сиёсӣ, иқтисодӣ ва фарҳангиро омӯзонда, меъёрҳои ҷомеаи шаҳрвандиро таҳким бахшид ва дар як вақт ҳаёти озодонаи ҳар фард ва олитарин дараҷаи бахту саодати воқеии миллатро таъмин намуд.
Ба шарофати истиқлолият ба дастовардҳои назарраси сиёсиву иқтисодӣ ва иҷтимоиву фарҳангӣ ноил шуда бошем ҳам, дар марҳилаи мураккабу ҳассоси ҷаҳони имрӯза ба иттиҳоду ҳамраъйӣ, ваҳдати миллӣ, маърифату зиракии сиёсӣ, худошиносиву худогоҳӣ ва эҳсоси баланди ватандӯстиву ватандорӣ бештар ниёз дорем. Ин нуктаро Сарвари давлат, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон пай бурда, борҳо таъкид кардаанд, ки ҳушёрӣ ва зиракии сиёсиро аз даст надиҳем.
Агар дар дигар ҷумҳуриҳои собиқ Иттиҳоди Шӯравӣ истиқлолияти миллӣ дар вазъияти ором ба миён омада бошад, дар Ҷумҳурии Тоҷикистон истиқлолияти миллии кишвар ба осонӣ ба даст наомадааст.
Бешубҳа, самараи неки истиқлол аст, ки имрӯз Тоҷикистон дар дунё чун давлати сулҳхоҳу сулҳпарвар шинохта шудааст. Таҷрибаи сулҳи тоҷикон манбаи омӯзиши сулҳхоҳони ҷаҳон гашт, ки ин мояи ифтихори ҳар як фарди тоҷик аст. Мо бояд аз ин миллати барӯманд биболему барои боз ҳам машҳуртар гардидани он кӯшишу ғайрат намоем.
Ва бошад, ки иди муқаддаси Истиқлолият, барои ҳар фарди соҳибдилу озодаи кишвар саломатӣ, бахту саодат, зиндагии осуда ва комёбию кушоишҳо оварад!
Растагорӣ хоҳӣ, эй дил, мардумозорӣ макун,
Бад нахоҳӣ оқибат, ғайр аз накӯкорӣ макун.
Ғайбати мардум ба маъно хуни одам хӯрдан аст,
Шеваи гургӣ зи каф бигзору хунхорӣ макун.
Сахттар захми забон аз захми тиру ханҷар аст,
Хотири бечорае захми ситамкорӣ макун.
Ҳар куҷо марҳам шудӣ, чашм аз хиёнат боздор,
Он чи мапсандӣ ба худ, бо дигарон оре, макун.
Ҳар чи корӣ, бидравӣ андар гулистони вуҷуд,
З-ин гулистон гул тамаъ, ар хор мекорӣ, макун.
#Хоҷа_Абдуллоҳи_Ансорӣ
Ҳеҷ ранҷе то абад монданӣ нест!
Ноумедӣ аз онҷо шурӯъ мешавад, ки одамизод дар даргири кутоҳмуддат бо ранҷҳо бовар мекунад, ки қарор аст то абад идомадор бошад.
Ва ин боварии абадӣ будани мушкилоту ранҷҳо якҷо ӯро аз пой меуфтонад.
Тафаккури абадӣ будани ранҷҳои зиндагиро канор бигзоред, то зиндагӣ рӯи хуши худро ба шумо нишон диҳад!Аллоҳ мададгоратон!
Гар хок шавад дил ба таманнои ту шояд,
В-ар хун чакад аз дида ба савдои ту бояд.Ку нохуни тадбир, ки сарпанҷаи тақдир,
То уқдаам аз кори фурӯбаста кушояд.
Ҳаргиз шуда бошад, ки чу ман ҳарзахаёле
Бо дилбари худ бе сабабе тунд барояд?!
Нодида гуноҳе паи андешаи ботил,
Беҳуда дили нозукаш озурда намояд.
Боз ой, ки Шоҳин накунад чеҳра пур аз хок,
То ҷабҳа ба хоки кафи пои ту насояд.
#Шамсиддин_Муҳаммад_Шоҳин
Эй писар, гар марди роҳӣ, бар дари дарюза бош,
Дар тавозӯъ хокбӯсу дар қадам чун мӯза бош.
Хешро афканда дору бор каш ҳамчун замин,
Аз дарун базми мунаввар в-аз бурун чун ғӯза бош.
Зоҳири ширину ботини талх чун хурмо машав,
Бар дари Ҳақ паст чун бар гунбади фирӯза бош.
Мутъими бечорагон чун коса шав бемунтаҳо,
Бетамаъ саққои ҳар тафсидадил чун кӯза бош.
Дар ҳаё афканда сар, дар зӯҳд лоғар ҳамчу чанг,
В-аз надам ҳар субҳидам дар нола чун чалғӯза бош.
Гар мусалмонӣ, зи хамру замр мекун иҷтиноб,
Гар вараъ варзидаӣ, ту дур низ аз юза бош.
Гар давоми нури имон боядат, шаб зинда дор,
В-ар амон хоҳӣ зи дӯзах, рӯзҳо дар рӯза бош.
В-ар ғино хоҳӣ зи мардум, Пири Ансорӣ, ту худ,
Қонеъу розӣ зи Ҳақ бар қисмати ҳаррӯза бош.
#Хоҷа_Абдуллоҳи_Ансорӣ
Эй карда зи ҳоли ман фаромӯш,
Чун ҷон, ки кунад зи тан фаромӯш.
Гуфтам, ки бари ту қисса гӯям,
К-он гуна макун зи ман фаромӯш.
Дидам рӯҳи ту зи дуру кардам,
Аз қиссаи хештан фаромӯш.
Бо ҷонканиям замона кардааст,
Аз меҳнати кӯҳкан фаромӯш.
Ҳар ҷо, ки мусофирест карда,
Дар кӯи ту аз ватан фаромӯш.
Бо бӯи ту карда ҷони Яъқуб,
Аз Юсуфу пироҳан фаромӯш.
Карда ба ҳавои тарфи бомат,
Мурғи чаман аз чаман фаромӯш.
Ҷоми суханат шуниду бар вай,
Шуд қоидаи сухан фаромӯш.
#АБДУРАҲМОНИ_ҶОМӢ
Чун теғ ба даст орӣ, мардум натавон кушт,
Наздики Худованд бадӣ нест фаромушт.
Ин теғ на аз баҳри ситамкарон карданд,
Ангур на аз баҳри набиз гашта ба чархушт.Исо ба раҳе дид яке кушта фитода,
Ҳайрон шуду бигрифт ба дандон сарангушт.
Гуфто, ки: 《Киро куштӣ, то кушта шудӣ зор?
То боз кӣ ӯро бикушад он ки туро кушт?》
Ангушт мазан ранҷа ба дар кӯфтани кас,
То кас мазанад ранҷа ба даркӯфтанат мушт!
#РӮДАКӢ
•○•《Забони Тоҷикӣ》•○•
Ҳарчӣ ӯ аз моли дунё дошт, дод,
Хитаи Балху Бухоро дошт, дод,
Суннати волою девон дошт, дод,
Тахти Сомон дошт, дод.
Душмани донишгадояш «Дониш»-и Сино гирифт,
Душмани бесуннаташ девони Мавлоно гирифт.
Душмани санъатфурӯшаш санъати Беҳзод бурд,
Душмани бехонааш дар хонаи ӯ ҷо гирифт.
Дод ӯ аз даст гурзи Рустаму Сӯҳробро,
Барбарони нотавонеро тавоно кард ӯ.
Номи худро ҳамчу гӯри Рӯдакӣ аз ёд бурд,
Қотилони хешро машҳури дунё кард ӯ.
Қомати кӯтоҳи манғит,
Аз манори каллаи аҳли Хуросон шуд баланд,
Пастии саҳрои Қипчоқ
Аз баландии Бадахшон шуд баланд.
Халқи тоҷик,
Халқи армон,
Об дар чашм,
Чун ятимон,
Дар лабаш хашм,
Чун асирон,
Аз ватан то бар кафан ҳар буду нобуде, ки буд,
Бар кафанталбу ватанталбандаҳо бахшиду дод,
Душмани дарвеши худро,
Шоҳу доро карду худ дарвеш шуд.
Дар миёни тангчашмоне, ки дар чашмонашон
Солҳои тангиро медид ӯ,
Гаҳ дар оташ,
Гоҳ дар об,
Таҳ ба таҳ бо сӯхтанҳои манори суғдиёнаш сӯхт, сӯхт,
Бо харабиҳои девору дари Афросиёбаш шуд хароб.
Лек лафзи модарияш,
Ҳамчу номи модараш,
Дар забону дар даҳонаш монд, монд.
Ҳар сухан бо шири модар,
Сахт шуд дар устухонаш монд, монд.
Худ ба худ дар гӯшаи хоки диёр
Аз ҷудоӣ, аз ғарибӣ,
Ӯ гиристу гиряҳо бар обшорон ёд дод,
Лафзи куҳистоние бар боду борон ёд дод.
Рӯдҳоро Рӯдакидон кард ӯ,
Бодҳоро Анварихон кард ӯ.
Рӯзи ноободиаш тоҷик забон обод кард,
Дар забонаш давлати бедавлатӣ бунёд кард:
Давлате аз ҳарфи вазнин,
Давлате аз шеъри рангин,
Аз чунон шеъре, ки ҳар як мисрааш
Ҷӯяе аз хуни сарбозони ӯст,
Тораи нуре аз оташҳои зардуштони ӯст.
Гӯиё чун сайди маҷрӯҳ
Ӯ ҷароҳатҳои худро
Гаштаю баргашта лесид,
Бо забони худ даво кард.
Дар сарояш тоҷик аз бахти нагун
Гарчӣ бо габру мусулмон
Ҳамсаро буд,
Ҳамрасулу ҳамхудо буд,
Дар забон, аммо ҷудо буд.
Аз сари сад минбар афтоданд нозирҳои ӯ,
То наафтанд аз забони хештан.
Дар сари сад дор ҷон доданд шоирҳои ӯ,
То наафтад бар замин қадри сухан...
Дар ҳаду сарҳадшиносии ҷаҳон,
Сарҳади тоҷик забони тоҷик аст.
То забон дорад ватандор аст ӯ,
То забондор аст бисьёр аст ӯ.
#БОЗОР_СОБИР
Ин сурати як дӯкондорест ки ,дар шаҳри Зинҷони Эрон умр ба сар бурдааст.
Як каси ношинос дучархаашро ( велосипед) ба ӯ амонат мегузорад , ва барои бурданаш намеояд.
Дӯкондор ҳар рӯз бо умеди он ки соҳибаш меояду амонаташро мебарад дучархаро бурун мебаровард, аммо соҳибаш наомад.
Ин ҳол 45 сол давом кард.
Дӯкондор фавтид.
Ҳокимияти шаҳр ҳамчун рамзи вафову амонатдори ҳайкали дӯкондорро сохтанд.
Яке аз беҳтарин амали мусалмонон ин амонатдорӣ, хиёнат накардан ба амонат аст
Мағрур машав ба мол чун бехабарон,
Зеро ки бувад мол чу абри гузарон.
Абри гузарон, агарчи гавҳар борад,
Хотир наниҳад марди хирадманд бар он.
#Ҷомӣ
Оинаи дил соф бояд то дар ӯ,
Вошиноси сурати зишт аз накӯ....
✍#Мавлоно_Румӣ
📖#Шарҳ:
Инсон агар дили худро аз нохолисиҳо соф кунад, қудрати ташхиси хубу бадро хоҳад ёфт....
Заҳр аст, атои халқ ҳарчанд даво бошад,
Ҳоҷат зӣ ки мехоҳӣ, ҷое, ки Худо бошад...?!
#Воъиз_Қазвинӣ