796
¤ Ирфон ¤ Ҳикмат ¤ Панд ¤ Шеър ¤ Байт ¤ Ғазал ¤ Андеша (аз бузургони олами классикӣ ва ҷадид) http/t.me/ADABIYOTI_KLASSIKI
Эй фарзанди ман ба Худо ширк наёр, ба дурусти ки ширк гуноҳи бузургест.
Як қадам гар аз шариъат дур гӯям вои ман,
Оташи афрӯхтаи Ҳақ мешавад маъвои ман.
Ман ба ҷуз мағзи калому в-аз ҳадис бегонаам,
Гирди шамъи гуфтаҳои кирдигор парвонаам.
Ман фидои номи ту эй навҷавон исён макун,
Қиммати дурдонаро дону варо арзон макун.
Пушти по зан нафси шайтониро, ки то ёби мурод,
То насози он ҳама аслу суботи худ ба бод.
Доми шайтон бас амиқ аст дур кун худро зи ӯ,
Месӯзони ин қаду қомат мудом бе гуфтугу.
Шарм бинмову ҷавони бо ҳаё шав ҷони ман,
Эй бародар ҳадяе аз даргаҳи Яздони ман.
Панди Иқбол гуш дору бо Худованд роз кун,
Қасри Худро бо шукуҳу бо шаҳомат соз кун.
#Муҳаммадиқболи_Раштӣ✍️
Хуш он ки висоли ту муяссар шуда бошад,
Чашмам ба ҷамоли ту мунаввар шуда бошад.
Резам зи мижа ашк дамодам, ки бишӯям,
Гар ғайри ҷамоли ту мусаввар шуда бошад.
Бо ҳеҷ баробар накунам, он ки сари ман,
Дар пойи ту бо хок баробар шуда бошад.
З-ин беш макун саркашӣ, эй моҳ, бияндеш,
З-он лаҳза, ки оҳам ба фалак бар шуда бошад.
Шуд қомати ман ҳалқа дар он фикр, ки дастам,
Дар ҳалқаи он зулфи муанбар шуда бошад.
Ҳаргиз ба вафо бо дигаре аҳд набандам,
Гар худ зи ҷафо аҳди ту дигар шуда бошад.
Ҷомӣ, макун андеша, ки тағйир наёяд,
Дар ҳукми азал ҳар чӣ муқаддар шуда бошад.
#Абдураҳмони_Ҷомӣ ✍️
📚#Маҷолиси_саъба
✍#Мавлоно_Ҷалолуддини_Румӣ
Касеро ки дар андарун андаке рӯшанӣ набвад, панди берунаш суд надорад.
Ва ҳар киро дар андарун андаке рӯшноӣ бувад, рӯшноии каломи орифон аз гӯши ӯ дарояд, то андар вай пайвандад.Нур сӯи нур давад.Агар хоҳӣ, ки дар зери хок наравӣ,
Дар нур гурез, ки нур зери хок наравад...
Қуръон аз яксаду чаҳордаҳ сура иборат буда, бо ривояте шаш ҳазору шашсаду шасту шаш оят дорад.
Аз байни он ҳазор ояти амрӣ вуҷуд дорад, яъне фармудаҳои Худованд, ки иҷрои ин ба ҳамаи муъминон ҳатмист.
Ҳазор ояти дигар наҳйкунанда аст, яъне мӯъминонро аз баъзе корҳо манъ мекунад. (Аз ин бармеояд, ки Худованд инсонро ба амалҳои муфид ҳидоят мекунад ва аз корҳои бад боз медорад.)
Ва боз ҳазор ояти дигар ваъда аст. (Яъне Худованд касонеро, ки ба Қуръон амал мекунанд, подоши нек ваъда додааст.)
Ҳазор ояти дигар бошад ваъид аст. (Дар ин оятҳо Худованд барои шахсоне, ки ба Қуръон амал намекунанд, азоби охиратро муайян кардааст.)
Ҳазор ояти баъди таърихи паёмбарони гузаштаро қисса мекунад.
Панҷсад оят баёнкунандаи ҳалолу ҳаром аст. (Бо ин оятҳо амалҳои ҳалолу ҳароми шариати ислом ҷудо карда шудааст.)
Сад ояти дигар дуоҳои субҳу шом ва зикру тасбеҳ ба Худовандро баён мекунад.
Шасту шаш оятҳои боқимондаро оятҳои Мансух (ҳукми ин оятҳо эътибор надорад) мегӯянд. (Яъне оятҳои пасон омада ҳукми пеширо бекор кардааст.
Дар талаб то чанд резӣ обрӯи комро?
Як сабақ шогирди истиғно кун ин ибромро.
Доғ будан дар хумори матлаби ноёб чанд?
Пухта натвон кард аз оташ орзуи хомро.
Магзар аз мавқеъшиносӣ, варна, дар арзи ниёз
Беш аз оруғ аст нафрат оҳи беҳангомро.
Мехиромад пешпеши дил тапишҳои нафас,
Ваҳшат аз нахчир ҳам беш аст ин ҷо домро.
Монеи сайри сабукрав пойи хоболуд нест,
Боли парвоз аст зиндони нигинҳо номро.
Дурии васлат ба қадри дастгоҳи ҷустуҷӯст,
Қатъ кун ваҳму хиёли қосиду пайғомро.
Ҳусни мутлақ доштам, худбиниям оина кард,
Ин қадарҳо ҳам асар мебудааст авҳомро.
Чун ғубори шишаи соат тасаллидушманем,
Аз мизоҷи хоки мо ҳам бурдаанд оромро.
Зиндагӣ то кай ҳалоки Каъбаву дайрат кунад?
Беҳ, ки аз дӯш афканӣ ин ҷомаи эҳромро.
Аз тағофул то нигоҳи чашми хубон фарқ нест,
Нашъа якранг аст ин ҷо дурду софи ҷомро.
Ҳалқаи он зулф равнақ аз ғубори дил гирифт,
Дуди оҳи сайди мо шуд сурма чашми домро.
Кай равад фикри мазаррат аз мизоҷи аҳли кин?
Мор натвонад ҷудо аз заҳр дидан комро.
Арзи маънӣ дигару изҳори сурат дигар аст,
Бедил, аз оина натвон хост вазъи ҷомро.
#БЕДИЛ
Агар андар ғариби аз либоси зар ба тан дорӣ,
Агар сад булбули гуёи хушхон дар чаман дорӣ,
Агар сад нозу неъмат рӯи хон дур аз Ватан дорӣ,
Дилат майли Ватан дорад, ҳавои он чаман дорад.
Агар гирди ҷаҳон гардӣ,
Замину осмон гардӣ.
Агар бо васфи номи хеш,
Ҳамеша дар забон гардӣ.
Агар ғарқи маишатҳову нозу обу дон гардӣ,
Дилат майли Ватан дорад, ҳавои он чаман дорад.
Агар Искандаре бошӣ, ҷаҳонро сарваре бошӣ,
Агар аз мушкили фориғ ба сад болу паре бошӣ,
Агар дар мулки бегона, чу тоҷе бар саре бошӣ,
Дилат майли Ватан дорад, ҳавои он чаман дорад.
Агар чун шоири Раштӣ зи ҳар қисса қалам созӣ,
Агар дар ҷодаӣ ашъор ба лутфи ҳақ қадам созӣ.
Агар баҳри ризои ёр дили бишкаста нам созӣ,
Дилат майли Ватан дорад, ҳавои он чаман дорад.
Муҳаммадиқболи Раштӣ. ✍️
Баъди ту сад ҷомаро садпора кардам, модарам,
Қалби ғамнодидаро ғамхора кардам, модарам.
Дар фироқат чорае ҷустам, ба ин бечорагӣ,
Хештанро сад чунон бечора кардам, Модарам.
Пеши даргоҳи Худо дар ҳасрати як аллаат,
Гиря кардам, нола кардам, зора кардам, модарам!
Тифли ноороми ҷон як лаҳза оромиш наёфт,
Гар ба чӯби устухон гаҳвора кардам, модарам.
Дар ҷавониям мисоли мӯсафеди кӯзпушт,
Кӯдакии хешро пуштора кардам, модарам.
Эй мабодо рӯҳи ту ғамгин шавад аз дасти ман,
Озарахшатро чунин овора кардам, Модарам!
Озарахш ✍️
Гуфтам, ки дилам моили ҳар фанд набошад,
Дар баҳси Бухорову Самарқанд набошад.
Фарёд расид аз сари девонасириштам,
Ку пой дар ин роҳ, ки дар банд набошад!?
Дар хуни Зарафшони ман оҳанги тилоист,
Зарбофи фалакро магар ин панд набошад?!
Девони муҳаббат хати сарҳад нашиносад,
Девори замон садди ҳунарманд набошад!
Дар кӯчаву бозори Самарқанду Бухоро
Гуфтори дарӣ ҳаст, чӣ сон қанд набошад!?
Эй қадди ниҳолат суханомӯзи дили мо,
Ку мева, агар решаву пайванд набошад?!
Маргам расад он лаҳза, ки аз лаъли лабонат
Уммеди насибе ба шакарханд набошад!
Аз озару рахши нигаҳат шукр, ғамам дод,
Ношукр, ки аз қаҳри ту хурсанд набошад!
#ОЗАРАХШ
Бе гули рӯят нахоҳам зинда ҷони хештан,
Ғайри гул булбул нахоҳад ошёни хештан.
Нест боди субҳро дар гулшани ҳусни туро,
Кардаи то зулфи мушкин посбони хештан.
Гар барояд ҷон зи тан, ҳасрат намеояд бурун,
Додаам чун мағз ҷой дар устухони хештан.
Бурдаам гуйи иҷобатро ба умеди дуо,
Сохтаам то номи ту вирди забони хештан,
Ашк чун резад зи чашмам дар канори орзу.
Гар бурун орам зи дил рози ниҳони хештан,
Ҳамчу Махфӣ хеҷ кас дар ошиқӣ нарде набохт,
Бохт андар нарди аввал хонумони хештан.
✍
Асри нав гуфтему худро пок кардем аз гуноҳ,
Ҳоли худро дар гуноҳу маъсият кардем табоҳ.
Асри нав не ҷони ширин, одамон н-одам,
Хулқи худро пок бинмо дар ниёзи субҳгоҳ.
#Муҳаммадиқболи_Раштӣ✍️
Ба ҳангоми сахти машав ноумед,
К- аз абри сияҳ борад оби сапед.
Дар чорасозӣ ба худ дар мабанд,
Ки бисёр талхӣ бувад судманд.
Гираҳ дар маёвар бар абрӯи хеш,
Дар оина фатҳ бини рӯи хеш.
#Низомии_Ганҷавӣ
✍#Мавлоно_Румӣ
📚#Фийҳо_мо_фиҳӣ
Одамӣ ҳамеша ошиқи чизест, ки надида аст, нашнида аст ва фаҳм накарда аст, ва шабу рӯз онро металабад.
Аммо аз ончӣ фаҳм карда ва дида малулу гурезон аст...
Як субҳ ба ҳавои тоза берун шудам,
Мехоҳи бидони аз ғазаб чун шудам.
Бар гуш расид садое аз ҳамсоя,
Мегуфт ба занаш чи менамои соя.
Таҳқири ба ноҳақе равонаш бинмуд,
Як мушту шаппоти дар даҳонаш бинмуд.
Гӯфтам, эй мард магар ту аз ҳайвони?
Ин ҷумла чаро ба суи зан мерони.
Гуфто, ки ба зан чунин мебояд кард,
Ин ҳақи зан аст,тундиву рафтори сард.
Гӯфтам, ки магар надори ту шарму ҳаё,
Аз меҳру муҳаббатат чашон умри варо.
Зан нобиғаи замонаи даргузар аст,
Афсус, ки туро фаҳмише аз гову хар аст.
Таҳқир ба зан,аз раҳи ахлоқ дур аст,
Ин оби ҳаёт бе будани зан шӯр аст.
Зан ҳаст, ки чароғи хонаат рахшон аст,
Гар зан, ки набошад ин ҷаҳон зиндон аст.
✍️
СУБҲИ САИДИ ҶУМЪА МУБОРАК ДУСТОНИ ГИРОМИҚАДР!!
Аз тӯҳмати суханчин,
Аз ғайбати суханчин,
Аз ғурбати суханчин,
Дорад паноҳ Худоҷон,
Ҳар бандаи мусалмон !
Аз теғи дасти номард,
Аз чангу шасти номард,
Аз қасди пасти номард,
Дорад паноҳ Худоҷон,
Ҳар бандаи мусалмон !
Аз ҳар бади замона,
Деву дади замона,
Аз тӯҳмати замона,
Дорад паноҳ Худоҷон,
Ҳар бандаи мусалмон !
Аз рӯбарӯи наҳсе,
Аз ҳар балову баҳсе,
Аз нокаси ҷанаҳсе,
Дорад паноҳ Худоҷон,
Ҳар бандаи мусалмон !
Аз ҳар шикасти паймон,
Аз хурдани пушаймон,
Аз душманони Кайҳон,
Дорад паноҳ Худоҷон,
Ҳар бандаи мусалмон.
ОМИН🤲
Кайҳон Суфӣ✍️
Ораз аст ин, ё қамар, ё лолаи ҳумро-ст ин?
Ё шуои шамс, ё оинаи дилҳост ин?
Қомат аст ин, ё алиф, ё сарв, ё нахли мурод?
Ё магар гулдастаи боғи ҷаҳонорост ин?
Ё Раб, ин хуршеди тобон аст, ё моҳи тамом?!
Ё фаришта, ё парӣ, ё шӯхи бепарвост ин?
Зулфи ту занҷир, ё қуллоб, ё мушки Хутан?
Сунбули тар, ё суман, ё анбари сорост ин?
Чашми ту оҳуст, ё ҷодуст, ё сайёди халқ,
Ё ду бодоми сияҳ, ё наргиси шаҳлост ин?
Кӯйи ту Каъба-ст, ё фирдавс, ё хулди барин,
Ё гулистони Ирам, ё ҷаннатулмаъво-ст ин?
Ҳуққаи лаъли лабат, ё чашмаи оби ҳаёт,
Ё даҳан, ё мим, ё тӯтии шаккархост ин?
Қумрии боғи ҷинон, ё тӯтии шаккарфишон,
Булбули бехонумон, ё Ҷомии шайдост ин?
#Абдураҳмони_Ҷомӣ ✍️
Гуфтам ай дил наравӣ?
Хор шавӣ, зор шавӣ!
Бар сари он дор шавӣ, бебару бебор шавӣ!
Накунад дом ниҳад?
Хом шавӣ, ром шавӣ?
Напари ҷалд шавӣ, бепару бебол шавӣ!
Накунад ҷом диҳад?
Ком диҳад, аз лаби худ вом диҳад?
Дар барат соз занад, рақс кунад, кофару беор шавӣ!
Накунад маст шавӣ,
Фориғ аз ин ҳаст, шавӣ!
Баъди он кӯр шавӣ, шоиру бемор шавӣ.
Накунад дил наканад,
Дил биканад,
Баҳри ту дил дил накунад?
Биравад бари ёри дигар, субҳ ки бедор шавӣ!...
#Мавлоно_Румӣ
Биё, ай ашк, то бар ҳоли зори хештан гирям,
Чу шамъ аз меҳнати шабҳои тори хештан гирям.
Надорам меҳрубоне, то ба ҳоли ман кунад гиря,
Ҳамон беҳтар, ки худ бар ҳоли зори хештан гирям.
Маро ҳам дар ғарибӣ шӯхчашме офати ҷон шуд, Нагӯйӣ, к-аз ғами ёру диёри хештан гирям.
Набошад дар баҳорон дур аз абри чаман гиря,
Ман он абрам, ки дур аз навбаҳори хештан гирям.
Мадад фармо, бихон, ай дил, чу дар чашмам намонд обе,
Ки хоҳам имшаб аз ҳиҷрони ёри хештан гирям.
Зи ҳиҷрон буд гиря бештар аз ваъдаи васлат, Кунун аз дарду доғи интизори хештан гирям.
Магӯ, Ҷомӣ, нашояд гиря аз бедоди маҳрӯён,
Ки ман чандин зи бахти хоксори хештан гирям.
#Абдураҳмони_Ҷомӣ ✍️
📚#Ҳикмати_орифон
Имом Содиқ раҳматуллоҳи
алайҳ фармуданд:
Банда миёни се чиз қарор гирифта аст;
Миёни бало ва қазо ва неъмат.
Дар баробари балои худо вазифа сабр аст;
Дар баробари қазои худо вазифа таслим аст.
Дар баробари неъмати худо вазифа шукр аст.
Байт аз #Роҳим_Табрезӣ.
Ҳар чи бар худ нигарам ҷуз ту касе нест маро,
Ман ниҳон андар туам ,ҳарчи айён аст туӣ....
Ба сина гар ғаматро ҷо набошад,
Ба олам ҳамчу ман танҳо набошад.
Чароғи зиндагонӣ аз ту равшан,
Чунин шамъе ба маҳфилҳо набошад.
Биё, дар чашми ман чун нур ҷо кун,
Ки бе ту мардумакро ҷо набошад.
Ба дарди ишқ, эй шӯхи ҷаҳонсӯз,
Касеро ақлу по барҷо набошад.
Зи бас нолам зи дарди ҳаҷр Махфӣ,
Чу ман мурғе ба гулшанҳо набошад.
#ЗЕБУННИСО
Аҷал парвои молу зар надорад,
Ки ҷуз фармудае бар сар надорад.
Ҳамон соъат, ки фармонаш расонанд,
Нигоҳе бар ду чашми тар надорад.
Аҷал дар ихтиёри кирдигор аст,
Худо ҳаст, ки дами охар надорад.
Ҳар он, ки аз Адам бар ҳасти омад,
Мудом сайлону болу пар надорад.
Агар гӯи малак низ ҳамчунин аст,
Малак низ аз сифоти ҳай надорад.
Нишин як дам биандеш панди Иқбол,
Ки оҳангаш ба ҷуз аз най надорад.
Муҳаммадиқболи Раштӣ✍️
АССАЛОМУ АЛЕЙКУМ ДУСТОНИ ГИРОМИҚАДР РӮЗИ ХУБЕ ДОШТА БОШЕД!!
Бо ин ҳама тағйир, ки дар даври қамар шуд,
Хуршед дигар, моҳ дигар, чарх дигар шуд.
На, на, маҳу хуршед ҳамонанд, ки буданд,
Дар чашми ману чашми ту тағйири назар шуд.
Гуфтӣ, ки ҷавонӣ паси сар шуд, дигар афсӯс,
Бар ман паси сар шуд, ба ту сад шукр, ки сар шуд.
Беҷон шудам аз ваҳм замоне, ки ба гўшам
Аз шарфаи пои Малакулмавт хабар шуд.
Аз ҷониби ту муждаи милоди нав омад,
Пажмурдагули парфиканам ғунчаи тар шуд.
Як бори дигар ҷони қадим оби бақо хӯрд,
Як бори дигар нахли куҳан тозасамар шуд.
Барномаи навро бидеҳ оғози муборак,
Бархез зи хоби абад, эй дил, ки саҳар шуд.
Фарзона✍️
Эй обшор навҳагар аз баҳри чистӣ?
Чин дар ҷабин фиканда зи андӯҳи кистӣ?
Дардат чӣ дард буд, ки ҳар шаб, тамоми рӯз,
Сарро ба санг мезадиву мегиристӣ?
☆☆☆☆☆☆☆☆☆☆☆☆☆☆☆☆☆
Макун рӯ пок бо рӯпок, ин рӯ пок мебинам,
Аз ин рӯ пок бар афлок ман дил чок мебинам.
Чу ҷавҳар рӯи худро пок бо рӯпок месозад,
Гули рашшокро намнок рӯ бар хок мебинам.
#ЗЕБУННИСО
Худовандо, нигаҳ дорӣ маро аз макри шайтонӣ,
Ҳидоят бо сироталмустақим кун сӯи раҳмонӣ.
Умеди том ҳар банда аз он лутфи азал дорад,
Нашуд аммо касе воқиф аз он мактуби пешонӣ.
Ба рӯзи- сахти маҳшар бандаи бечора дар монад, .
Ба ин дармондагон абри карамро зуд афшонй.
Нашуд воқиф касе аз қисмати неку бад ин ҷо,
Ман ин асрори пинҳонро намедонам, ту медонӣ.
Ба ҳар дине, ки бошӣ, бош мӯъмин рав дами охир,
Ҷудо гардад ба вақти марг куфрон аз мусулмонӣ.
Ба ҳоли оҷизон ё раб, кунӣ дар муҳтазар раҳме,
Ки байни ҷону эмон мубтало банда ба ҳайронӣ.
Ба ҳар дарде агар ҳар бандаи бечора дармонад,
Набошад ғайри фазли ту ба ҳар дармонда дармоне.
Диламро сӯи худ каш з-ин ғами гирдоби бепоён,
Мабодо ки дар ғафлат равам бо ин парешонӣ.
Ҷунунро дил аз андӯҳи ҷон кандан тапад дар хун,
Кушо ин уқдаро ё раб,ба фазли худ ба осонӣ.
✍️
Табаҳкорию бадкорӣ, чи лозим мардумозорӣ,
Табобат кун дили худро аз ин анвоъи беморӣ.
Миёни одамӣ ҳаргиз машав бадноми номи хеш,
Қадам сӯи Худо бигзор, ки то ёби накукорӣ.
✍️
Меравам, имшаб, туро бедор хоҳам карду рафт,
Нақди ҷонро сарфи як дидор хоҳам карду рафт.
Баски гирям дар фироқат ҳамчу абри навбаҳор,
Водии ҳиҷрон гулу гулзор хоҳам карду рафт.
Наштаре дорам ниҳон дар синаи ҳар нолае,
Бас дили аҳли ситам афгор хоҳам карду рафт.
Дин агар ин асту имон ину, аҳли қибла ин,
Риштаи тасбеҳро зуннор хоҳам карду рафт.
#Зебуннисо ✍️
📚#Тазкират_ул_авлиё
✍#Фаридуддини_Аттор
Зикри Фузайли Аёз раҳматуллоҳи алайҳ
Гуфтанд :Асли дин чист?
Гуфт : Дар ақл.
Гуфтанд :Асли ақл чист?
Гуфт: Дар ҳилм.
Гуфтанд: Асли ҳилм чист?
Гуфт : Дар сабр.
Даме бошад макун фикре,каме роҳат фароғат кун,
Табассум кун машав ғамгин, фақат шукри саломат кун.
Тасалои дили худ кун, агар бадтинате ранҷонд,
Ба кӯнҷи хилвате бошу Худоро зикру тоат кун.
Тиҳимағзу даҳан бадбӯй дилатро гар сиёҳе кард,
Ҷавобашро мадеҳу як нафас сабреву тоқат кун.
Маранҷ аз ҳар ҷаҳолатдил, матарс аз ҳайбату ваҳмаш,
Ба одоби мусалмони ба роҳи ҳақ шафоат кун.
Агар ё хушкмағзе хушкдимоғе обрӯят рехт,
Гуноҳатро Худо резад машав ғамгин ибодат кун.
Агар номарду беномус ва бенанге ҳақорат кард,
Надоди дар ҷавобаш муштро худро маломат кун.
Ба нохунҳои лавзаш дилхароше гар харошид дил,
Ба гулгаште бирав бо бӯи гул худро табобат кун.
Агар сангиндиле санги мӯсибатро ба суят зад,
Бидон ин кори Аллоҳ аст бирав хайру саховат кун.
Машав ғамгин, басири умри беҳосил равад рӯзе,
Машав дилдодаи дунё, фақат фикри қиёмат кун.
✍️
Биё, эй нури чашму ҷони дида,
Зи ман бишнав яке панди ҳамида.
Зи илму дини обо¹ тўша андӯз,
Дигар фанни маоши аср омӯз.
На он илме, ки мӯътоди замон аст,
Маолаш саллаву зеби чапон аст.
Ҳамон илме, ки динат гардад обод,
Туро созад зи банди фақр озод.
Ҳамон илме, ки бошад ҳосилаш ганҷ,
Бувад бе ганҷ илмат мояи ранҷ.
Ба таҳсили камолу фазл мекӯш,
Дар ин дег аз барои пухтагӣ ҷӯш.
Намегӯям, ки тақлиди қазо кун,
Футури дин ба ришват иқтизо кун.
Ба мӯҳре номи худро соз аълам,
Зи мӯҳрат то физояд меҳри дирҳам.
Қаламдону давоте чун гирифтӣ,
Туро ин бас бувад хонанд муфтӣ.
Зи вазъи саллаи гумбадаломат,
Бирав бо масҷиде мекун имомат.
Ва ё бар ҷамъи маъдуду муҳаввис,
Ба устоди худатро кун мударрис.
Маошат з-ин намат гар ҳосил ояд,
Туро бехи яқин мустаъсил ояд.
Зи ман ин илм омӯзу саноат,
Қаноат кун, қаноат кун, қаноат.
`обо - падар
#шеър #ҳикмат #насиҳат
Намак дар комҳо ширинтар аз шаҳду шакар гардад,
Ҷигарҳо хун шавад, то як писар мисли падар гардад.
Падар аз шавқи дил дар кӯдакӣ дасти писар гирад,
Ба уммеде, ки дар пирӣ писар дасти падар гирад.
Сафедори баланд як навдаю сад барги тар дорад,
Писар дар кӯи ишқ афтад, чӣ парвои падар дорад.
Агар фарзанди қобил рафта аз ҳолаш хабар гирад.
Вале фарзанди ноқобил гиребони падар гирад.
#шеър #ҳикмат #панд