2983
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار
«علی ابرازی»
سلام حؤرمتلی « ادبیات سئونلر » و حؤرمتلی « ایشیق » عائله سی :
ادبیات سئونلر گوز گوسینده ، پوئزیامیزین آتشین ترنم چی سی ، استاد هاشم ترلانین ۹۹ - نجو آد گونو مناسیبتینه کئچیریلن تدبیر چوخ گؤزه ل ، دیرلی و بیزیم « هاشم عمی » میزین شانینه شایان بیر تدبیر آیدی .
من ده اؤز نؤبمده بو مناسبتی ، بوتون ادبیاتیمیزی ، مدنیتیمیزی و معنوی وارلیغیمیزی قورویوب یاشادانلارا تبریک ائده رک، بو تدبیری حاضیرلاییب کئچیرنلره و تدبیرین بوتون ایشتیراکچیلارینا یورولمایا سیز دئییره م .
تشکور ائدیرم ادبیات سئونلر گوروپونون مودورو حؤرمتلی قربانزاده جنابلاریننا ن کی بئله شرفلی ایشلرله ادبیاتیمیزی مدنیتیمیزی یاییب یاشادیر و اونون کئشیینده دورور وائلجه ده تشکورائدیرم ادبیاتیمیزین « ائلدار » ی بیزیم سئویملیمیز « عمی محرم » نن کی استاد هاشم ترلانین یاشاییش ویارادیجیلیق حیاتینین اساس غایه لرینی و اؤنملی یؤنلرینی چوخ ییغجام و یئترلی تقدیم ائتدیلر .
/channel/Adabiyyatsevanlar
هاشیم ترلان دان کیچیک بیر خاطره
«رضا همراز»
اوستاد ترلانین کیتابلارینین تقریباً هامیسین گوزدن گئچیرمیشدیم . ایستر شعرلرین ، ایسترسه ده خاطیره لرین . نه ایسه بو کیتابلاردا اونون 26/9/1325 ده یاندیریلان کیتابلارا بیر اوقدر دانیشماماسیندان سوال لار سوروشوردوم . نییه کی او رحمتلی او قانلی – قادالی گونلرین شاهیدی و ناظیری ایدی . بیرگون اونونلا دانیشدیقدا اونلاردان خواهش ائتدیم کی محمد رضا شاهین و اونون دار – دسته سینین بو کیمی چیرکین ، کولونج و قباحتلی ایشلرین باشقا شاعیرلر سایاق نظمه چکسین لر . هاشیم عمی منه سوز وئردی کی بو ایشی گورسون . بیر – ایکی دونه ده زنگ آچیب یادینا سالدیم . آنجاق بیرگون گوردوم او اوزو شخصا زنگ ائدیب ، ایندی دئمه سین دئییر : فلانی سیز تکلیف ائدن موضوع یا عاید بیر شعر یازمیشام . سئویندییمدن اینانین قانادیم اولسایدی آز قالاردیم اوچام ! آنجاق بیر نئچه گون سونرا همان شعری هاشیم عمی نین ادبی ایشلرینده یاردیم چی اولان سایین ائلدار موغانلی نین واسطه سی ایله الیمه چاتدی . اوستاد هاشیم ترلانا بویوک تانری دان رحمت دیله ییب ، حاقیندا دانیشدیغیم شعری بورادا سیز سایین اوخوجولاریمیزادا نیسگیل ائدیرم .
کؤزهرن کیتابلار
دئدیلر آی ائللر یوللار سولانسین
قویمایین گور آخان سئللر بولانسین
گونش علویتی آلیب قوینونا
گلیرآذر آیین تاخسین بوینونا
باخدی شوکتیمه قمر خانیمدا
فرحلر اویانیب جوشدو قانیمدا
تهرانین گؤزونه چؤکدو غم- غبار
سؤندو قلبیندهکی جوشان آرزولار
حاکیم لر غضبدن آلیشدی یاندی
قانسیز دامارلاری عرشه دایاندی
- بو دیلین آد- ثانی یوخدور خبرده
داندیلار دیلیمی داندیلار منی
مغولدان تؤرنمیش ساندیلار منی
اؤتدو قرینهلر، دولاندی ایللر
آچدی گوزلرینی اییرمی بیر آذر
اویاندی یام- یاشیل چؤللر بزندی
گؤزللر تئلینه باخیب، دوزندی
سارسیلدی دربارین باشیندا تاجی
باخیردی تبریزه هردم قیقاجی
میللی حوکومتین ایلکین یاشیندا
بایراغی یئللندی ارکین باشیندا
اؤز آنا دیلیمیز حاکیم یاراندی
تئللری داراخدان کئچیب، داراندی
کیتاب لار سؤز آچدی اؤز دیلیمیزده
دئدیک بو ائللرین وقاری بیزده
دانشگاه قاپیسین آچدی تای با تای
علمی کیتابلاری آرتدی آی با آی
مکتبلی اوشاقلار چانتا بئلینده
ماهنیلار قوشوردو آنا دیلینده
فرح لی چاغلاردی او دمده، گونلر
آچیلیب گولوردو پاسلی دوگونلر
تهران بویلاندیقجا آذربایجانا
بیر گون قلم چکدی عهد پیمانا
تانگلار گورلادی یوردومدا ایندی
دهییشدی آل دونون قارا گئییندی
توی بایرام یئنیدن دونوب یاس اولدو
یئنه کهنه حمام، کهنه تاس اولدو
قولومدان آچیلان زنجیرلر او دم
سس لندی ظولمته بویاندی اؤلکه م
شاعیرلرین شعری، سؤزو، صحبتی
یازارلارین عشقی، ایلک محبتی
عاشیقلارین سازی مضرابی سؤندو
آذری یوردونون قلبی دؤیوندو
دیلیمده نشر اولان درس کیتابلاریم
آنامدان یادگار دولتیم، واریم
قالاندی اوست- اوسته میرواری دیلیم
گونشدن نور آلان آرزوم، عملیم
رضاخان اوغلونون امری ایله یاندی
بیر خلقین نالهسی عرشه دایاندی
یاندیقجا حرف لر، سؤزلر، کلمهلر
سانکی دان یئرینده بوغولور سحر
حرف لر یاندیقجا داش قاشلار ایله
سوزوردو آنامین گؤز یاشلار ایله
بو ایلکین کیتابلار آدیم، سانیم لا
بدنیمده آخان قیزیل قانیم لا
یازیلمیش تاریخه آذرییم من
شعریم له دیللرین ازبرییم من
یانمیشام یئنه ده یاناجاغامدا
«ترلانام » قوینونا قوناجاغامدا
فروردین 1392
/channel/Adabiyyatsevanlar
هاشم ترلان ادبیات سئونلر گوزگوسونده
1401/10/30
الینیزه چاتانلار
جناب «رحیم کاویان»ین اوستاد «هاشم ترلان» معلیمه حصر اولونموش شعیری
/channel/Adabiyyatsevanlar
هاشیم ترلان ادبیات سئونلر گوزگوسونده 1401/10/30
دان اولدوزوم
شعیر و سس: اوستاد «هاشیم ترلان»
/channel/Adabiyyatsevanlar
هاشیم ترلان ادبیات سئونلر گوزگوسونده
1401/10/30
«هاشیم ترلان»ین آراز شعیرینه بستهلنمیش ماهنی
«رافیق عمرانی»
/channel/Adabiyyatsevanlar
هاشم ترلان ادبیات سئونلر گوزگوسونده
1401/10/30
شعیر: «اوستاد هاشم ترلان»
سس: «ویدا حشمتی»
/channel/Adabiyyatsevanlar
هاشم ترلان ادبیات سئونلر گوزگوسونده
1401/10/30
دانیشیر:«علیرضا میانالی» جنابلاری (1)
/channel/Adabiyyatsevanlar
هاشیم ترلان ادبیات سئونلر گوزگوسونده
1401/10/30
«هاشیم ترلان»ین چاپ اولونموش کیتابلاری
/channel/Adabiyyatsevanlar
هاشیم ترلان ادبیات سئونلر گوزگوسونده2
آپاریجی:«کریم قربانزاده»1401/10/30
/channel/Adabiyyatsevanlar
هاشیم ترلان ادبیات سئونلر گوزگوسونده
«تدبیرین برنامه سی» 1401/10/30
/channel/Adabiyyatsevanlar
هاشیم ترلان ادبیات سئونلر گوزگوسونده1
آپاریجی: «کریم قربانزاده» 1401/10/30
/channel/Adabiyyatsevanlar
«ثریا خلیق» خیاوی
سلام جناب قربانزاده. قلمیزه ساغلیق. ایستهنیلیبکی بو حیکایه بارهسینده نظریمی یازام. منجه ایلک شئیکی حیکایهنی اوخویاندا نظره گلیر یازارین ائرکک اولدوغو حالدا بیر قادیندان ، چوخ بیر حساس قونودان یازماغیدیر. بو چؤخ ریسکلی بیر باشلانیشدی. عینی حالدا حیکایهنین بیرینجی شخص زاویهسیندن روایت اولونماسیدا بو ریسکی ارتیریر. چون بو باخیش بوجاغیندان( زاویهی دید) روایت اولونان حیکایهلر مخاطبایله همزادپنداریلری ان یوکسک درجهده اولور. اونچون مخاطب گرک روایته اینانا و بو روایت « قابل باور » اولا. چون بوردا بیر ائرکک راوی بیر قادینین ذهنینین ایچیندن کئچهنی بئله یازیر. البته دونیادا یازارلار وار کی قادینلار بارهسینده یازیبلار و چئشیتلی زاویهی دید لردن یارارلانیبلار؛ اونچون بو حیکایهلرده اوغورلو یازارلارین حیکایهلرین اوخوماق، بو قونولاردا شخصیت بارهسینده اطرافلی تحفیق ائتمک یاخچی اولار. بلکه سیزین حیکایهده زاویهی دید دئییشیب و بیر دیالوگ حالینا گلسهده مخاطبی یاخچی ایناندیرماق اولار. منجه بو قونولاردا قادینلار لاپ یاخچی یازا بیلرلر و طرفین روحی حالتلرین لاپ رئال روایت ائده بیلرلر. حیکایهده بیر آبارتما حیس ائتدیم. بلکه بو قادینلار چوخ شئیدن قورخاللار امما مثلن حیواندان بو قدر قورخماق ابارتمادی و رئال نظره گلمیر. قادینلار بو قونودا بلکه فرقلیدیلر. بعضی قادینلار بو اولایلاردان سونرا اینسانلارا گوونمهییب و حیوانلارا دوست اولارلار. چون بیلیرلر حیوانلار اونلارا ضرر وورمازلار. بعضیلری منزوی اولارلار. بعضیلری خودکشی ائدرلر. منجه اگر سیز بو اولایلاری ائرککلرین دیلیندن یازساز لاپ موفق اولا بیلر. چون بو اولایلار ائرککلرده و خصوصیله اوشاق و یئنییتمهلره ده اوز وئریر. امما ندنسه بیزیم توپلومدا گؤرونمور.. بو یازیلار بیر ائرکهیین حیس ائتدیکلرینی بو قونودا مخاطبله پایلاشا بیلر و منجه یئنی بیر یازی اولا بیلر. بو قونودا اولان حیکایهلر توپلومو و عائیلهلری و حتا اوغلان اوشاقلارین آییق سالا بیلر. بیر یئرده یازیبسیز : « بیلمیرسیز نه حالا قالارام » بو اضافهدی. حیکایهنین سون بندی تیکراردی. منجه حذف اولا بیلر. اوغورلارینیز بول اولسون. تشکرلر.
/channel/Adabiyyatsevanlar
«مرجا منافزاده»
جناب قربانزاده « شهر اوستومه یورویور» آدلی قیسا حیکایهنیزی اوخودوم.
توپلوموموزون قادینلارا یاشاتدیغی آغری-آجیلارین چوخو بو قیسا حیکایهده سیرالانیبلار.
بو آجیلاری یاشامیش بیر قادین درد هولو سایاقلاییر یوخسا پیسکولوگ تراپیده بو سایاقلاما اوز وئریر، اؤنملی دییل.
حیکایه آخیمیندا بو قادینین عایله ایچینده تجاووزا معروض قالدیغی و ائولندیکدن سونرا خیانته اوغرادیغی آچیقلانیر.
آنجاق آجیلار ایچینده بوغولسادا، سسینی چیخاردا بیلمیر. عایلهسی حیا- آبریلارینی قوروماق بهانهسیله سوسدورورلار. اعتیراضینا مانع اولورلار و قیزلارینی قوروماقدانسا اونو داها آرتیق آجیلار باتاقلیغیندا باتیریرلار.
ائله گلیر بو قادین گؤزل گون یاشاماییب یادا اوقدر چکدیی آجیلار آغیر اولوب، آزاراق یاشادیغی گؤزللیکلری اونودوب. سایاقلادیغیندا یالنیز دردلی، قورخولو آنلاری خاطیرلاییر و کئچمیشینه اولان گئت-گلده بیرجه خوش گونو گورونمور.
قادینلاریمیزین پروبلئملرینه ال قویدوغونوز اوچون تشککور ائدیرم. سیزه جان ساغلیقی، یارادیجیلیق ساحهسینده بول-بول اوغور دیلهییرم.
/channel/Adabiyyatsevanlar
«سحر خیاوی»
بو حیکایه بیزیم توپلومدا کی قادین دردیندن بیر هذیان دانیشماق دیر. تجاوزا معروض قالمیش بیر قادین تب و هذیان ایچینده قورخولارینی خاطیرلاییر.
قورخدوغو آنیلارینی و اونو بو قورخولارلا اوزو به اوز قویان آداملاری.
حیکایه ایندی و کئچمیش آراسیندا گَل گئتدهدیر و ایندیدن کئچمیشه فلاشبک وورولور.
نه چوخ قادینلار بو توپلومدا چئشیدلی زوراکلیقلارا معروض قالیب، دامغالانماقدان، مارکالانماقدان قورخوب، سسلرینی ایچلرینده بوغوبلار.
چون کی بو توپلومدا زوراکلیق آشکار اولاندا بئله، یئنه ده قادین سوچلانیر، "اوز پالانی اَیری ایمیش دئییرلر، دوزه زاوال یوخدور".
آمما بعضن دوزه ده آنلامازلار وَریندن زاوال اولور بیلمیرلر.
قادین، عائیله محدودلوغو یوخسا هر سببه راضی دئییلسه حتا ال وئرمک بئله اونونلا سهو ایشدیر و حاققینا تجاوز حساب اولور.
کئشکه توپلومدا کی ارککلر بونو آنلاسایدیلار!!
قلمینیز همیشه یاشیل و یازار اولسون جناب قربانزاده. گوزل یازیبسیز، ائتگیلندیرن و دوشوندورن یازی دیر. بلکه بو هذیانلی قورخولاری بوندان داها دهشتلی ده یازا بیلردینیز.
اومورام بیر گون گلسین، توپلوموموزدا هئچ بیر قادین قورخماسین چونکو قورخو فلج ائدن و دویغولاری، دوشونجهلری دوندوران بیر حیس دیر.
/channel/Adabiyyatsevanlar
من بوروق- بوروق کوچهلردن، قارانلیق ائودن، گئجه شیققیلتیلاریندان، تنها یاتماقدان، اوزومه باخان ایتلردن، یئل اسنده آغاج کؤلگهسیندن، آغ پیشیکدن، یئیین گئدن ماشینلاردان، جاناوارا اوخشایان آداملاردان قورخورام. دووارلار اوستومه گلیر؛ شههر بوتون دولانباج کوچهلری ایله اوستومه یورویور...
دی - 1401
/channel/Adabiyyatsevanlar
رئیس نیا
ساغ اول آقای قربآن زاده،گوزگونوز چوخ غنی و دگرلی بیرمجموعه اولوب.اللرینیز آغریماسین.عزیز دوستلاریمیز ائلدار موغانلی و علیرضا معلملرین وباشقا عزیزلرین دانیشیقلاریندان وشعرلریندن وهاشم عمی نین شعرلریندن رسیملر یندن و دانیشیقلاریندان چوخ لذت آپاریب،فایدالاندیم.
منیمده هاشم عمیدن اونودولماز خاطره لریم وارکی بلکه بیرگون یئری گلنده دیله گتیردیم.
منیم عقلیمه گلن بیر نکته وار اودا بودور کی ادبیات سئونلر سایتی باشاریلدیقجا بیزیم بوتای آذربایجانینین دیل شیوه سین بیوک شهریاریمیز سایاغیندا قوروسون وآتا آنالاریمیز و جوانلارینمیز ایچون دوشونولور اولسون.
ساغ اولسون ادبیات سئونلر،ادبیاتیمیزی قورویان عزیزلر،هامینیزا بویولدا باشاریلار دیله ییرم.
/channel/Adabiyyatsevanlar
هاشیم ترلان-رضا همراز
/channel/Adabiyyatsevanlar
هاشیم ترلان ادبیات سئونلر گوزگوسونده
1401/10/30
هاشیم ترلانین یوز ایللیگی حاقیندا
آپاریجی: «کریم قربانزاده»
/channel/Adabiyyatsevanlar
هاشم ترلان ادبیات سئونلر گوزگوسونده 1401/10/30
گلمهدین
شعیر : اوستاد «هاشم ترلان»
سس: «نیره اردلانی»
/channel/Adabiyyatsevanlar
هاشیم ترلان ادبیات سئونلر گوزگوسونده
1401/10/30
هاشیم ترلان دونهنین، بوگونون شاعیری
«صابر نبی اوغلو»
/channel/Adabiyyatsevanlar
هاشم ترلان ادبیات سئونلر گوزگوسونده
1401/10/30
قایتارین منه
شعیر: «اوستاد هاشم ترلان»
سس: «نیره اردلانی»
/channel/Adabiyyatsevanlar
هاشیم ترلان ادبیات سئونلر گوزگوسونده
1401/10/30
سس و سؤز: « هاشیم ترلان»
/channel/Adabiyyatsevanlar
هاشیم ترلان ادبیات سئونلر گوزگوسونده. 1401/10/30
دانیشیر: ائلدار موغانلی جنابلاری
/channel/Adabiyyatsevanlar
هاشیم ترلان ادبیات سئونلر گوزگوسونده
«هاشیم ترلانین گنجلیک حیاتی » 1401/10/30
/channel/Adabiyyatsevanlar
شعر:دهاشیم ترلان»
سس:«بهروز صدیق»
/channel/Adabiyyatsevanlar
هاشیم ترلان ادبیات سئونلر گوزگوسونده
آپاریجی: «کریم قربانزاده»
دانیشانلار: « ائلدار موغانلی»، «علیرضا میانالی»
دیکلمهلر: «بهروز صدیق»، «ویدا حشمتی»، «نیره اردلانی»
خاطیرهلی شکیللر، کلیپلر، دیکلمهلر... ایشیق سایتینین آرشیویندن.
زمان: # بو گئجه جمعه 1401/10/30
ساعات: 21
/channel/Adabiyyatsevanlar
«ذکیه ذولفقاری»
سایین قربانزادهنین توخوندوغو قونو چوخ اونملی و گیزلی یارالاریمیز اولدوغوندان داها آرتیق اهمیت داشیدیغی، بو موضوع بیر کیشی طرفیندن یازیلدیغی دیقت مرکزینده و یازینین اوزللییدی.
بیر کیشی، تجاوز اولونان بیر قادینین چکدییی آغیر عذابلاری درک ائدیب و یازیا گتیرمهسی آلقیشا لاییقدیر.
جینسی تعرض و تجاوز دونیادا بویوک توپلومسال اینسانی سورونلارداندی.
آنجا گلیشمیش و مدنی اولکهلرده ان کیچیک تعرض دا اورت باسیر اولمور، دئولت قانونلاری متجاویزله شیدتله برخورد اولور و آغیر جزالار وئریلیر. بو ایشلر رسانهلرده دئییلیر، یازیلیر، قینانیر و محکوم اولور. تجاوز اولان خسته روانشناسلار طریقیله ساغالماغا یونلیر.
آنجاق تاسوفله بیزیم توپلومدا موختلیف فرهنگی، قانونی، عرفی و دینی ندنلره گوره، تجاوز و تعرضا معروض قالان قادین، درین یارالاریلا، عومرونون سونونا جان تک- تنها مختلیف روحو جیسمی خستهلیکلریله مجادیله ائدیر.
ایللردی فمنیستلر رسانهلرده، مجازی دونیادا، بو حاقدا یازیرلار، دانیشیرلار. بو وحشیلیگی عریان شکلده گوندمه گتیریرلر. آنجاق فرهنگی ایشلر، بیلگیلندیرمک، یئتری قدر اولمور. یئنه متجاویز قودرتینی اثبات ائتمک اوچون، ایچیندن چیرکین عقدهلرینی بوشالتماق اوچون، حتی یاخینلارینا تجاوز ائتمهگه اوزونو حاقلی ساییر. قانون طرفیندن حمایت اولور. آردینجا گئری قالمیش ذهنلر قربانینی سوچلو بیلیر، آشکارا چیخاتماغی آبروریزلیق سانیر، جامعهدن طرد اولونور و اینانیلماز مصیبتلرله اوز-بهاوز قالیر.
هر بیریمیزین آغیر مسئولییتیمیز وار، خصوصا کیشیلر قادینلارلا ایاق اولوب فرهنگی مجادیلهلرله زنجیرلری قادینلارین آیاغیندان آچماغا، جیسمی، جینسی امنییتی یاراتماغا یاردیم اولا بیلهلر.
اورک آغریدان بو یازی، مینلر جه اوز وئرن دهشتلی، حیوانی( البته هئچ بیر حیوان بو ایشلری گورمز) تجاوزلاردان ضربه گورموش، روحی روانی خستهلنمیش قادینلاردان بیر نمونهدیر.
قلمینیز همشه یازار اولسون سایین قربانزاده جنابلاری.
/channel/Adabiyyatsevanlar
شههر اوستومه یورویور…
کریم قربانزاده
بوروق- بوروق کوچهلردن کئچمک منیم اوچون چوخ قورخولودور؛ خصوصیله ده هاوا بیر آز قارانلیق اولاندا، دئییرم بلکه آرخادان منی توتاجاقلار. هر بئش- آلتی آددیمدان بیر، دؤنوب آرخایا باخیرام. یئل اسن واخت، آغاجلارین کولگهسی دهبردیکده دیلیم توتولور. اونلار اؤز حرکتلریله سانکی منه هجوما حاضیرلاشیرلار. بعضن کوچه- باجادا ایتلره راست گلسم، دوروب منه باخاندا اؤز- اوزومه دئییرم:…
https://ishiq.net/?p=32373
☀@ishiqnet
هاشیم طرلان ادبیات سئونلر گوزگوسونده
آپاریجی: «کریم قربانزاده»
دانیشانلار: « ائلدار موغانلی»، «علیرضا میانالی»
دیکلمهلر: «بهروز صدیق»، «ویدا حشمتی»، «نیره اردلانی»
خاطیرهلی شکیللر، کلیپلر، دیکلمهلر... ایشیق سایتینین آرشیویندن.
زمان: جمعه 1401/10/30
ساعات: 21
/channel/Adabiyyatsevanlar
شههر اوستومه یورویور...
«کریم قربانزاده»
بوروق- بوروق کوچهلردن کئچمک منیم اوچون چوخ قورخولودور؛ خصوصیله ده هاوا بیر آز قارانلیق اولاندا، دئییرم بلکه آرخادان منی توتاجاقلار. هر بئش- آلتی آددیمدان بیر، دؤنوب آرخایا باخیرام.
یئل اسن واخت، آغاجلارین کولگهسی دهبردیکده دیلیم توتولور. اونلار اؤز حرکتلریله سانکی منه هجوما حاضیرلاشیرلار.
بعضن کوچه- باجادا ایتلره راست گلسم، دوروب منه باخاندا اؤز- اوزومه دئییرم: «گؤرهسن بو کیمه اوخشاییر؟» آللاه- آللاه ائلهییرم منه یاخینلاشماسینلار. وای- وایدی دالیمجا دوشهلر؛ اؤدوم پارتلایار؛ بیلمیرسینیز نه حالا قالارام!
گئجهلر ائوده بیرکس اولمایاندا باغریم چاتلاییر؛ کیچیک بیر شیققیلتی ایله دئییرم به ایندیجه در- دوواردان بیریسی چیخاجاق. دوروب بیر به بیر اوتاقلارا باش چکیرم؛ حتتا بعضن کمدلارین دا قاپیلارینی آچیب، ایچینی یوخلاییرام.
گئجهلر سحرهجه چیراقلاری سوندورمهرم؛ قورخودان گؤزلریمی یوما بیلمهرم. سحر هاوا ایشیقلاناندان سونرا هوشلانارام.......
***
کؤهنه ائویمیزین آشپازخاناسیندا عمیم خالاما سورتوشور. من قاپیدان ایچهری گیریرم. منی سایان یوخدو.
آنام حیطده پالتار سریر. یئل شریطدهکی پالتارلاری اوینادیر. او منیم آلت پالتاریمدی. آنام نهدن اونون اوستونه بیرزاد چکمهییبدیر!
چانتامی گؤتوروب ائودن چیخیرام. ائله بیل بورا ترمینالدی. گئدیرم ماوالا. اوتورماق همان، ماوالاین قاپیسینین آچیق اولدوغونو دویورام. ماوالین قاپیسی یوخدو؛ مندن سونرا باشقا بیریسی ده ماوالدا اوتوروب. تئز دوروب، اوردان قاچیرام. کیمسهلر منی قووالاییر؛ هوولجک پیللهلری ایکی بیر اوسته قالخیرام. اورهییم آز قالیر آغزیمدان چیخسین. داما چاتیرام. منی قووالایانلار چوخالیبدیلار. او بیری داما آتیلماق ایستهییرم. چوخ هوندوردو. آشاغی باخاندا باشیم فیرلانیر. جانیما قورخو دوشور. قووالایانلار آز قالیر منه چاتسینلار. گؤزلریمی یوموب، او بیری داما آتیلیرام.
تاکسیدایام. شوفئردن قورخورام. آینادان باخیر منه. جاناوار عمیمه اوخشاییر.
هاردا اولدوغومو بیلمیرم. بورا بؤیوک بیر سارایدیر. چوخ گؤزل پردهلری وار. قارداشیمن دوم آغ بیر پیشیگی وار. پیشیگین کمدی و اؤزونه مخصوص اوتاغی دا وار. او هر یئری قاریشدیریر، من سهمانلاییرام، آنجاق یئنیدن اونلاری داغیدیر و قاریشدیریر.
جاناوار عمیم خالامی چکه- چکه کؤهنه ائویمیزده کی آرا کسدینین ساغ طرفیندهکی اوتاغا آپاریر. من هرنه قیشقیریرام کیمسه سسیمی ائشیتمیر. سانکی سسیم یوخدور، جاناوار عمیم شیطان گولوشو ایله منه باخیر. ذهلم گئدیر اونون یئکه اللریندن، یوغون اودون کیمی بارماقلاریندان، ایرنج نفسیندن. قاچا- قاچا گلیرم ائویمیزه، اؤزومو بیر بوجاقدا گیزلهدیرم.
سنین اوچ آروادین وار: بیری منیم قدیمی همکاریمدی، او بیریسی کولهبوی، ایکی اوشاقلی آریق بیر قادین. اوچونجوسو ایسه تئز- تئز سنه یاپیشماق ایستهین بیریسی. ایکینجی آروادین اوشاقلارینین بیریسینی آپاریر ماوالا. اوچونجو آروادین دا آغ دونوندا، گلیب سنه یاپیشماق ایستهییر. اوندان قاباق تئز سنی قوجاقلاییرام؛ اوزوندن اؤپورم. الیندن یاپیشیب چکیرم اوتاغا. من اونلارا غالب گلیرم. سن اصلن دینمیرسن. همکاریم قاپینی آچیر، ایچهری گیریر. سنی اؤپمهییمی گؤرور. تلسیک اؤزوموزو ییغیشدیریریق. آنام حیطده دوروب، بیزه باخیر. سانکی سنی تانیمیر. شمسی مامان منه دیلینی چیخاردیر؛ آغاجان قوجا جاناوارا اوخشاییر؛ او جاوانلیقدا ییرتیجی بیر جاناوار کیمی ایدی. حیطهتین او باشیندان سولهنه- سولهنه گئدیر ائوه.
چوخداندی آنامین قبیری اوستهیم. هاوا قارانلیقلاییب؛ قبریستاندا مندن باشقا کیمسه یوخدور. قبیرلردن قورخورام، قورخورام آیاغیمی قویام قبیر داشینین اوستونه، قبیر شوملویا، دوشم قبیرین ایچینه. تئز قبریستاندان چیخیرام ائشییه. قاپی قاباغیندا بیر ماشین دایانیب. اورهییم گلیر یئرینه. ماشیندا اوتورماق همان، حرکت ائلهییر. چوخ سرعتله شههردن ائشییه چیخیر. یالواریرام، آغلاییرام، سسیم بیر یئره چاتمیر. هاوا کامیل قارانلیقلاییب. شوفئر پوتا بیر اوغلاندی. ماشینی چول یولوندا ساخلاییر. پیچاغینی دایاییر بوغازیما. گؤزومون اؤنونده بالام دایانیب: «اوغلوم، بالام، کؤرپم! سنی کیم ساخلایاجاق؟ سن آناسیز نه ائدهجکسن؟» شوفئر گؤز یاشلاریمی، یالوار- یاخاریمی، ال- ایاغینا دوشمهییمی سایماییر. جانیما بیر جاناوار دوشوب، روحومو سؤکور. گؤز یاشلاریم امان وئرمهییر. وارگوجومله قیشقیریرام.....
***
باشیم فیرلانیر؛ بئینیمده کوشولتو وار؛ اورهییم بوغازیمدا چیرپینیر. قولومدا سئروم وار... دوکتورون نه واخت باشیم اوستونه گلمهسینی بیلمهمیشم...