ادبیات سئونلر

03 February 2023 06:11

«عاشیق حسین_جوان»

دؤیوشلرده برکیمیشم، بیشمیشم،
قورخو نه‌دیر، اؤلوم نه‌دیر، بیلمه‌رم.
آنامین سودونه من آند ایچمیشم،
وطن آدین اوره‌ییمدن سیلمه‌رم.

آزادلیق اوغروندا قانیم تؤکولسه،
مزاریم اوستوندن یوللار چکیلسه،
ساچلاریم آغارسا، بئلیم بوکولسه،
دوشمنه باش اَییب سجده قیلمارام.

شیرین آرزولاریم یئرین آلماسا،
وطنیم ذلّتدن آزاد اولماسا،
خالقیم سئوینمه‌سه، ائلیم گولمه‌سه،
اورکدن شاد اولوب من ده گولمه‌رم.

شفق اولوب اورکلره تؤکوللم،
چینار اولوب یوللار اوسته اکیللم،
بوداق اولوب یارپاقلارا بوکوللم،
شوهرت جوبّه‌سینه من بوکولمه‌رم.

چیخیب ساوالانا، یوردوما باخسام،
تبریزین کؤکسونه اولدوزلار تاخسام،
ظفر نغمه‌سینی زیلدن اوخوسام،
من «حسین جوانام» ناکام اؤلمه‌رم...


/channel/Adabiyyatsevanlar

ادبیات سئونلر

02 February 2023 03:53

اوشاق ادبیاتی

آذربایجان افسانه لری

سؤیله ین:«صمد بهرنگی - بهروز دهقانی»
چئویرن:« منیژه جم‌نژاد»

نار قیزلاری۱

👩‍🦰 بیر گو٘ن واریدی، بیر گو٘ن یوخودو؛ بیر پادشاه واریدی خانیمیسینین اوشاغی اولموردو. بیر گو٘ن خانیم اوره یینده نذیر دئدی: اوشاغیم اولسا، بیر باتمان بال لا بیر باتمان یاغ آلیب وئررم آپارسین دنیز بالیقلارینا. قضادان ووردو خانیم بویلو قالدی، دوقوز آیدان سونرا بیر اوغلان دوغدو. پادشاه چوخ سئویندی، وئردی هر یئره چیراق چکدیلر. اوغلان بیر یاشا گلدی، سونرا دا ایکی یاش، بئش یاش؛ خانیم نذیر نیازین بوتون اونوتدو. بیر گو٘ن اوغلان کی اییرمی بیر یاشیندا اولموشدو، ائوه گلدی. خانیم اوغلونون بوی بوخونونا باخدی فیکره گئتدی. اؤز یانیندا دئدی: من نه غفلته قالمیشام! اوغلوم اییرمی بیر یاشیندا اولوب، من هله نذریمی وئرمه میشم. اوغلان آناسینی فیکیرده گؤروب دئدی: آنا جان! نه اولوب؟ دئدی: اوغلوم، هئچ؛ نذیر دئمیشدیم اوشاغیم اولسون، بیر باتمان یاغ، بیر باتمان دا بال آلیب وئرم آپارسین دنیز بالیقلارینا. دئدی: بو کی بیر سؤز دئییل. وئر آپاریم. خانیم گئتدی بیر باتمان بال، بیر باتمان یاغ آلیب وئردی اوغلونا. اوغلان بال لا یاغی گؤتوروب دنیز قیراغینا گئتدی. گؤردو بیر قوجا آرواد اوردا اوتوروب. قوجا آرواد دئدی: اوغول، هارا گئدیرسن؟ دئدی: آنامین نذری وار. بیر باتمان یاغ، بیر باتمان بال گتیرمیشم دنیز بالیقلارینا تؤکم. قوجا آرواد دئدی: بالیق دیلسیز حیواندی. یاغ لا بالی نه ائده جک؟ اونلاری وئر من یئییم سنین جانیوا دعا ائلییم. اوغلان گؤردو قوجا آرواد پیس سؤز دئمیر. دئدی: اولسون، آل. یاغ لا بالی قوجا آروادا وئردی، قاییداندا قوجا دئدی: سنی گؤروم نار قیزلاریندان قیسمتین اولسون. اوغلان دئدی: ننه، نار قیزلاری نه دیر؟ قوجا آرواد دئدی: بیر باغ وار دولودو نار آغاجی له. اورا گئت. آیاغیوی باغا قویماقدا، عجیب قریب سسلر ائشیدرسن. بیری دئیر: گلسن اؤلدوررم! بیری دئیر: دالیوا باخسان ووراجاغام! گئت نئچه نار در ، قاییت گل. اوغلان گلدی، نارلیغی تاپدی. قیرخ نار  دریب گلدی. یولدا بیری جیریلدی، گؤزل بیر قیز چیخیب دئدی: چؤرک، سو! اوغلانین چؤره یی سویو یوخودو اونا وئرسین. قیز دو٘شوب اؤلدو. نئچه دیقه سونرا باشقا بیر نار دا جیریلدی، گوزل بیر قیز چیخیب دئدی: چؤرک، سو! بودا دو٘شوب اؤلدو. قیزلارین هامیسی اؤلدو، بیر نار قالدی. اوغلان بیر چشمه باشینا یئتیشدی. سونونجو نار دا جیریلیب گؤزل بیر قیز چیخدی، سو، چورک ایسته دی. اوغلان تئز سو وئردی. قیز باشدان آیاغا لوت ایدی. یالنیز بوینوندا بیر بویون باغی واریدی. اوغلان اؤز - اؤزونه دئدی: بونو بئله شهره آپارا بیلمرم. گرک گئدیب پالتار گتیرم. قیز چوخ دیرندی اونو دا آپارسین دئیه، قبول ائلمه دی. اوردا بیر نارنج آغاجی واریدی. قیز دئدی: منیم نارنج آغاجیم باشیوی اَی! نارنج باشینی ایدی. قیز آیاغینی بوداغا قویوب چیخدی آغاجین باشیندا اوتوردو. بیر آز سونرا بیر چئری قاراواش، کوزه سینی دولدورماغا گلدی. قیزین شکیلینی سودا گؤروب اؤز شکیلی ساندی. دئدی: من بئله گؤزل، گؤیچک اولام، گلم خانیما سو دولدورام؟ کوزه نی چیرپدی داشا سیندیردی. ائوه قاییتدی. خانیم دئدی: کوزه نی نئیله دین؟ دئدی: خانیم الیمدن دو٘شوب سیندی. خانیم دئدی: آپار اوشاغین اسگی لرین یو. قاراواش اسگی لری گؤتورب چشمه باشینا گلدی. گئنه قیزین عکسینی گؤروب دئدی: من بئله گؤزل گؤیچک اولام، گلم خانیما اسگی یویام؟! اسگی لری وئردی سویا، قاییتدی. خانیم دئدی: اسگی لر هانی؟ دئدی: خانیم من بئله گؤزل گؤیچک اولام، گلم سنه اسگی یویام؟ خانم دئدی: میرده شیر او٘زوو یوسون، او یوغون دوداقلارینلا! گئت آینایا باخ گؤر گوزل سن؟ ایندی گل بو اوشاغی آپار یو. قاراواش اوشاغی گوتوروب، چشمه باشینا گلدی. اوشاغی یوماق ایسته ینده گئنه قیزین عکسینی  سودا گؤردو. دئدی: من بئله گؤزل گؤیچک اولام گلم خانیمین اوشاغینی یویام؟! ایسته دی اوشاغی اؤلدوره، نار قیزینین اوره یی یاندی سسله دی، آی قیز محمدین امتی دیر. ایشین اولماسین. قاراواش باشینی قووزادی گؤردو آی پارچاسی  کیمی، لوم لوت بیر قیز اوتوروب آغاجین باشیندا. تئز اوشاغی آپاریب وئردی خانیما گلدی. دئدی: خانیم قوی منده گلیم سنین یانیوا. اوقدر یالواردی، بویونا اوخشادی کی قیز ساچینی آچیب آشاغی سالدی. قاراواش ساچیندان یاپیشیب یوخاری چیخدی. دئدی: خانیم سن بوردا نه ائدیرسن!؟ قیز دئدی: من نار قیزیام. اریم گئدیب پالتار گتیره، منی آپارا. قاراواش دئدی: بو بویون باغی نه دیر بوینوندا؟ دئدی: بیزیم جانیمیز بو بویون باغی دا دیر. بوینومدان آچیلسا اؤلرم. قاراواش دئدی: خانیم گل باشیوی آریدیم. دئدی: بیزیم باشیمیزدا ائله شئی لر تاپیلماز. قاراواش چوخ دیرندی، قیز اونون او٘ره یینی سیندیرماسین دئیه راضی‌لاشدی.
آردی وار...

/channel/Adabiyyatsevanlar

ادبیات سئونلر

02 February 2023 03:44

‏اوشاق آدبیاتی

قار آدامی«آدم برفی»

/channel/Adabiyyatsevanlar

ادبیات سئونلر

02 February 2023 03:33

اوشاق ادبیاتی
نورالدین مقدم «آیدین دومان»

/channel/Adabiyyatsevanlar

ادبیات سئونلر

01 February 2023 03:28

اوشاق ادبیاتی

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

/channel/Adabiyyatsevanlar

ادبیات سئونلر

01 February 2023 03:06

- اوزاغی، یاریم ساعاتا بوردایام. منه اینانا بیلرسینیز. یا بو ساغ تایی گتیریب اللی ماناتیمی گؤتوره‌جه‌یم، یا دا پولون قالانینی اوده‌ییب سول تایینی دا گؤتوره‌جه‌یم.
سفرعلی اللی ماناتی ایستولون اوستونه قویدو:
- آمما بیر خواهیشیم وار.
شعبه مودیری باخدی.
سفرعلی:- بیرآز گوذشت ائدرسینیز. آیاق قابینی قایتارماق صؤحبتی اولمایاجاق. گؤزوم بو آیاق قابینی توتوب.
اؤلچوده دییشیک‌لیک اولا بیلر. 42 اؤلچونو گؤتورموشم، اولا بیلر کوره‌کنه 43 اؤلچو مناسیب اولسون.
- یاخشی دایی، آمما صاباحا قالماسین. بیز ساعاتا هه- یوخ جاوابینی وئرسین. اولدومو؟ ایتالیادا ان یاخشی مارکانین آیاق قابیسی دیر. 595 دلارا ساتیریق. سن550 دلار وئررسن.
سفرعلی:- من راضی. آللاه کؤمه‌یینیز اولسون.
او آیاق قابی‌نین ساغ تایینی گؤتوروب ماغازانی ترک ائتدی. آرادان بیر، ایکی، اوچ ساعات کئچدی. سفرعلی دن خبر چیخمادی. شعبه مودیری ساتیجی قیزی یانینا چاغیردی:
- سکینه، سنین تانیشین گلیب چیخمادی آخی.
- ووقار معللیم، او منیم تانیشیم دئییلدی کی. موشتری ایدی. منه دئدی، من ده سیزین یانینیزا گتیردیم.
ووقار یئریندن دیک آتیلدی:
- نئجه یعنی تانیشین دئییلدی؟! ائله بیر دگرلی آیاق قابی وئردیم. ائله بیلدیم اونو تانیییرسان.
- یوخ ووقار معللیم. آمما هارادا اولسا گلیب چیخار. بیر تای آیاق قابی نه‌یینه لازیم دیر؟
سکینه‌نین سوزلری ووقارین عاغلینا باتدی. سیگارئت چیخاریب یاندیردی:
-ایش دیر ده، بیردن گلیب چیخمادی، 595 دلار زیبیله دوشه‌جه‌ییک. رهبرلیک بو پولو سنین، یا دا ایکیمیزین حقوقوندان چیخاجاق... یاخشی، گؤزونون یاشینی تؤکمه.
گؤزله‌یک. اولا بیلسین بیر ایش چیخیب، صاباح گلمه‌سه، پلیسه مراجعت ائده‌ریک.
سفرعلی ائرته‌سی گون ده، سونراکی گون ده گلمه‌دی، ائله او گئدن اولدو. ووقار معللیم‌له، سکینه برک دیلخور اولموشدولار. ایتالیانین" سالواتوره فرراگامو" آیاق قابی برندی‌نین سول تایی ووقارین اوتاقیندا ایدی، ساغ تایی ایسه اللی- آیاقلی یوخا چیخمیشدی.
بو زامان زنگ چالیندی. واصیف ایدی‌. باشقا بیر مارکا ماغازاسینین شعبه مودیری. هیجانلی گؤرونوردو:
- آی ووقار، باشیما ایش گلیب.
- نه ایش؟
- بیر- ایکی گون اوّل گئییملی- کئچیملی بیریسی ماغازامیزا گلمیشدی. " سالواتوره فرراگامو" ایتالیا مارکالی آیاق قابی‌نین سول تایینی گوتوروب آپاردی کی، کوره‌کنیم آیاغینا گئییب یوخلاسین، گلیب ساغ تایینی دا گؤتوره‌جم. او گئدن گئدیب، گلیب چیخماق بیلمیر. 50 مانات دا بیع قویموشدو.
ووقاری گولمک توتدو. واصیف:
- نییه گولورسن؟ گلیب چیخماسا، جیبیمدن اؤده‌ملی‌یم.
- اؤزومه گولورم، سنه یوخ.
- اؤزونه نییه گولورسن؟!
- بیلیرسن، قارداش، او منیم ده باشیما ائله بیر ایش گتیریب.
همین یاراماز آیاق قابی‌نین ساغ تایینی مندن، سول تایینی دا سندن گؤتوروب. هره‌میزه ده بونون مقابلینده 50 مانات اؤده‌ییب. گؤرورسن می دونیادا نئجه کلک‌باز آداملار وار؟ 595 دلارلیق آیاق قابی اونا 100 ماناتا باشا گلیب.
- اولا بیلمز. پلیسه شکایت ائده‌ریک.
ووقار غیر- اختیاری الینی یئلله‌دی:
- خئیری اولمایاجاق. هارادان تاپاجاقلار اونو؟ هانسی رایونو آختاراجاقلار؟ رایون آدامینا اوخشاییردی. کیم بیلیر هانسی رایوندان دیر؟ چیخیب گئدیب ائوینه- ائشیینه. یقین بیزی آلداتدیغینی یادینا سالیب گولور.
- بس نه ائده‌ک؟
- عاغلیما بیر فیکیر گلیب، آیاق قابی‌نین ساغ تایی سنده دیر، سول تایی منده. یا من سول تایی سنه گؤندریم، یا دا سن ساغ تایی منه وئر. قویاق پیشتاختایا، ساتیلسین. زیانین یاریسیندان قاییتماق دا خئییردیر.
سفرعلی آرتیق ایکی- اوچ گون ایدی کی رایوندا ایدی. ایتالیا مارکالی آیاق قابیلاری بوکوب بیر طرفه قویموشدو. اونلاردان هئچ کیم خبر توتمامیشدی. حتا ائوده‌کیلره ده بیر سؤز دئمه‌میشدی. " گون گلر لازیم اولار" - دییه دوشونموشدو.

ایضاحلار:
*کاستیوم: اوست گئییمی، کُت- شالوار
*قالستوک: کراوات
*پلاش: بارانی، یاغیشلیق
*پیشتاختا: پیشخوان، ماغازادا ساتیجی و موشتری آراسیندا اولان اوزون ایستول

/channel/Adabiyyatsevanlar

ادبیات سئونلر

01 February 2023 03:04

ایتالیا مارکالی آیاق‌قابی(حئکایه)
✍یازان:« عاکیف عباس اُو«
کؤچورن:«سحرخیاوی»
حاضیرلایان:« ادبیات سئونلر»

هاوا ایستی ایدی. آدامین لاپ نفسی کسیلیردی. سفرعلی اؤزونو خاریجی ماللارین ساتیلدیغی ماغازایا سالدی. ایچریده کولر ایشله‌دییندن خوش سرینلیک وار ایدی. اؤز- اؤزونه: " کوینک‌لره، کاستیوملارا، آیاق قابیلارا باخیب بیرآز اؤزومه گلیم، سونرا بیر تاکسی‌یا ائیله‌شیب واغزالا گئده‌رم"،- دییه فیکیرلشدی.
سفرعلی سؤیودلو رایونوندان ایدی. باکی‌یا ایش دالینجا گلمیشدی.چالیشدیغی اداره‌دن گؤندرمیشدیلر. تاپشیریغی یئرینه یئتیرمیشدی.
داها گؤره‌جه‌یی بیر ایش قالمامیشدی. آوتوبوس هاراداسا ایکی- اوچ ساعاتدان سونرا تَرپَنه‌جکدی. ایکی- اوچ ساعاتلیق دا یولو وار ایدی.
کؤینک‌لره، کاستیوملارا، آیاق‌قابیلارا باخدیقجا سفرعلی‌نین حالی قاریشدی:
" اَ... بو نه دیر؟ کؤینه‌یین بیری یوز- ایکی‌یوز مانات، آیاق قابی بئش- آلتی یوز، کاستیوم دوققوز یوز- مین مانات.
بو یازینین آردینی ادبیات سئونلر کانالیندا اوخویون.

/channel/Adabiyyatsevanlar

ادبیات سئونلر

31 January 2023 15:07

نه دئمک اولار؟
سیزنه دئییرسینیز؟
پروکسی لردن فایدالانماق مجبوریتینده هرگون رنگ برنگ کاناللار گورورم «فال» کانالی 50000مین عضو، جوک کالانالی 80000 مین عضو، اونون بونون قول قیچینین آشاغی یوخاریسینا باخانلارکانالی ایکی یوزمین عضو... دوشونجه کانالی ایگیرمی بئش نفر ادبیات سئونلراونلارتانینمیش اوستاد، یوزلر شاعیر یازیچی یله، اون ایل سابقه ایله ایکی مین عضو...
کیتابین تیراژی 50دنه، آیلیق درگی لرین سایی 200دنه،... دانیشاندا هامی پرفسور، عمل ده بودور کی وار، واللاه اوزوموزدن باشلامالیق اونون بونون یاخسیندان یاپیشماق یئرسیزدیر، بیر مملکتده کی بورون عمل ائدنلرین سایی کیتاب اوخویانلاردان نئچه قات چوخدور گئری قالماق چوخ عادی بیرزادی، یئرسیر دئییل طالبان، داعش، حجتیه... دونیانین ان قولاغی توکلو ارتجاعی تشکل لری بیزیم منطقه میزده دیر... سیز نه دئییرسینیر؟

/channel/Adabiyyatsevanlar

ادبیات سئونلر

30 January 2023 03:11

و یاشامین بوتون ساحه‌‌لَرینده، حیاتین اَن ال‌ چاتماز اوزایلار و مکانلارینی تاپماغا و یا یاراتماغا همیشه چالیشیر. بلی شاعیر اوچون فرقیلیلیک، هووییت و شخصییت وئرنده، بئله بویالی باخیشلاردیر. بهروز بئی صدیق بوگونکو شعیرین دیلینی آنلایاراق، بوتون تاریخی و جاری ایمکانلارینا یاخشی بلددیر و سؤزلرین مئخانیکاسینی و دوزولمه‌سینی بیلمکله یاناشی، سؤزلرین طبیعی بیرلشمه‌سینی‌ده باشا دوشور. باشقا عیبارتله یعنی اعلا باخیمدا سؤزلری تانییاراق، و گؤزل جهتده یان، یؤنگ ائده‌رک و تصویرلری و پوئتیک مضمونو یاخشی یئرینه سالیررررر و بیلیرررررر.
منجه، هر بیر شاعیر، اؤز دوشونجه‌لرینی شعیرلرینده تقدیم ائدیر. یعنی اؤز فلسفی، اخلاقی و اجتماعی ایده‌لرینی بوشقابا قویور.
سئوگیلی قارداشیم بهروز بئی‌دن بوگونه کیمی نئچه شعیر توپلوسو و ترجومه ائتدییی کیتابلار، نشر ائدیلمیشدیر. او جومله‌دن: «یالقیز آغاج دوستلوغوندا»، «قانادلی سؤزلر باخچاسی»، «یارامی بوغدا باغلاییر»( شعر)توپلوسو، «گلین گئدک گونش‌گیله»، «قونشو دوواریندان ساللانان آلما» (یاخین زاماندا ایشیق اوزو گؤره‌جک ترجومه) اثری، «اریک دنه‌سی»، لئو-تولستوی‌دان(اوشاقلار اوچون حِکایه‌)توپلوسو، و ایشیغین اورَگیی» تورک،یازاری «احمد ئفه» (اوشاقلار اوچون شعیر توپلوسو)ندان عیبارتدیر. عزیز قارداشیم بهروز افندیم اوچون اوغورلو گونلر دیله‌ییم اولاراق، عشق اولسون دئییرم سئوگیلی و چاغداش تورک دیلیمیزه‌کی چوخلو دوشونجه‌لی و بؤیوک شاعیر و شاعیره‌لر بیتیرمیش‌دیر.
دی آیی ۱۴۰۱
/channel/Adabiyyatsevanlar

ادبیات سئونلر

30 January 2023 03:11

بیرده سنین گولوشوندن
گؤیه قالخان آغ گؤیرچین
یارا یول‌لار یوققوشوندا
یوللانماغا
ائنمز گوجوم.
جییار پارام…
و یوخسا…
… منسه ایندی
گؤزو یاشلی آیریلیغی
قارا-قانچیل بیر یارا تک
اوره ییمده،
آددیمیمدا
یاغیش دؤیموش
کیچیک شعیر دفتریمده
ساغیر-ساغیر
گزدیریرم….
سایین بهروز بئی دئمه‌لی آغریلارینی ترننوم «ترنم» ائتمیر، آنجاق سوموک ایلیکلرینین یوز بیر قاتینا قدر یاندیریب و قیغیلجیملی بیر شعیره چئوریله‌رک شاعیری تسلیم اولماغا و یازیب، یاراتماغا یؤنَلدیر، بو، شاعیرین اؤلوم آغریسیدیر منجه. بو شاعیرین گؤزلریندن قیشقیران اعتراض قانلی های، هارایدیر منجه:
قبریستان گؤرکملی سویوق بیر کوچه
آیاقلار سسینه حسرت قالان من
اوره ییم اووجومدا یارالی بیر قوش
اوچوش رویاسیندان آرالانان من
پرده‌لر کولکده یئلله‌نن جسد
پنجره‌م ایشیغین اوزون گؤرمه‌ییر!
یاخامدان یاپیشیب کولک‌لر منیم
آرزولار الینه نییه وئرمه‌ییر؟
پاییزمیش بو کوچه، یاز اونودولموش
قوش سوزدور آغاجی، چوروک دویغوسو
آچیلمیر گونشه قاپی، پنجره
آغاجلار کوچه‌نین قارا قورخوسو
آداملار قبیردن خورتلامیش اؤلو
سوکوتون نعره‌سی وارقولاغیمدا
بیر قول سوز کؤینک ده نیسگیله بویلو
یاغیش دا قالمیشام غم دوراغیندا.
«یارادیجیلیق اینسانلا، قایناییب، قاریشان، شاعیردن آزادلیق و آزادلیقدان شاعیر یارادیر.»
شوبهه‌سیز کی، پوئتیک موباریزه، هیجان، آغری اینسان دویغولاری ایچینده قالارقی اثرلر یارادا بیلیر. بونا رغمن سایین شاعیر بهروز بئی صدیقین شعیرلرینده «دوشونجه» اؤزونه یاخشی معنادا یئر آچمیشدیر. و متفاوت و فرقیلی یوک داشییان شعیرلر، حقیقتنده بونو دانیشیر. باشقا سؤزله بهروزو، اثَرلرینده «دوشونمک» لازیمدیر. هابئله فیکری، اونون شعیرینین گؤزل کامپوزیسیالارینین، لای‌ با لایندا آسماق لازیمدیر. بو سئویملی شاعیرین شعیرلرینی دویغو، عاطیفه و اینتیحارلا اوخوماق گره‌کیریلیر. اؤرنَک اولاراق:
گولوردون
اوچوردو یوواسیندان
گؤیرچین
یاشامیردیم اؤلومچون.
گؤڲ اوزونو قوش‌لار بزه‌ییردی
اوره‌ڲیمی سن
ایندی؛
یارپاق‌لارېن
آغنادیغی واغامیندا
کالاوامین کانداریندا کهیلدَه‌ییب
سنی پاییزلانیرام
سنی،
اوزاقلاشدیغیم وطنی.
بیر گون
بیر گون
بیر گون
تورپاق اوتاناجاق بولاق‌لیغیمدان
آغاج‌لار آغلاغان پایېزلیغیمدان
و ساچین اۏخشایار «گیلاوار»،یاغیش
گیلانار گیله‌نـده گؤیه‌رَن باغیش
منیم یوخلوغومو قیشقیراجاقلار:
اونون أل‌لری‌نین گوناهی یوخ‌دیر.
اینسانین بیلینجسیز «ناخود آگاه» شعوروندا اؤنملی و اساس معلوماتلار وار. بیلینچسیز شعوردا اولان معلوماتلار، مؤوجود اولمایا بیلر. آنجاق بو هله‌ده مؤوجود داورانیشیمیزا چوخ اِئتگی بوراخیر. بیلینجسیز شعور اوتوماتیک اولاراق باش وئرَن پسیخی پراسئسلردن عیبارتدیر. و بیزیم شعوروموز بو پراسئسلره هئچ بیر تأثیر گؤستَرمیر
بو پسیخی جریان و پراسئسلر، شعوروموز سویّه‌سیندن آشاغیدیر و شعورلو داورانیشلاریمیزا تأثیر ائدیر و داخیلی دوشونجه‌لری، خاطیره و ایستَکلری و موتیواسیالاری احاطه‌‌ دایره‌سینه سالیر.
یعنی چوخ ساده دئسَم؛ شاعیر شعیر آختارمیر یازسین. و اگر هانسیسا بیر شئی حاقیندا شعیر یازسام دئییرسه‌، بو فیکیر شاعیرین بیلینج ضمیرینه «خودآگاه» قاییدیر. آنجاق اورژینال شعیر، و پئشه‌کار شاعیر بئله دوشونمور، بلکه ایستر، ایستَمز، یاراتماغا باشلایاراق بیردن، بیره یئنیلیکلره اَل ووراراق، طوفان کیمی ادبی کشفلره ناییل اولور. بو دئدیکلریمه راغمن، منجه سایین بهروز صدیق، شعیرلرینی بیلینج‌سیز ذهنیندن «ناخودآگاه» یاراتمیشدیرررر:
آی ماوی ائتگی
یاشیل قان باهار!
گونش آددیمینین
گولر سسیله
قالیق قاندالیمین
قانلیسی اول سن
قوی یووا باغلاسین
گؤز ائیوانیمدا
آغ-آپباق قانادلی
گؤزل گویرچین
و چیچک
هر سحر
شِئهی
سسله سین
سوسوز جییاریندا
حیات بسله سین.
دئمک هر بیر شعیرین بیر گؤرونوشو و محتواسی، مضمونو وار. داها ساده دئسَم هر بیر شاعیرین قارشیسیندا اوول نؤوبه‌ده ایکی سوال دورور: ایلک، نه دئمک ایسته‌ییر؟ و ایکینجی‌ایسه؛ دئمک ایسته دییینی نئجه گؤزل و اعلا افاده ائتمه‌یی، لازیم گؤرونور. بو ایکی سورغو شعیرین اساس آماجینیدان سؤز آچیر.
هر بیر حالدا، شعیر صنعتی اینسان خیدمتیندیر و هر بیر مفهومدان داها چوخ اینسان تفککورونون و حیسیاتینین ماهییتیندن قایناقلاندیغی اوچون اینسان دویغولاری مؤوضوسونا آرخا چئویره بیلمز.
و اگر شعیر چوخ بدیعی و نفیس ایفادیه و گؤزللیگه مالیک اولسادا، دیَرسیز مضمون تقدیم اِئتسه، مخاطبلرین دیقتینی جلب اِئتمکده شعیرین ماهییتی میسیاسیندا اوغور قازانا بیلمز. بونا گؤره‌ده فسونکار و پئشه‌کار بیر شعیرین قلبینده اینسانی مضمونلار او جمله‌دن؛ پوئتیک، اِئپیک، هومانیتار و دیگر مضمون نؤوعلاری کیمی کومپونئنتلر وار…

ادبیات سئونلر

29 January 2023 20:31

زلزله
«نادر_الهی»

بایاق آجیقلانیب طیفیل اوشاغا
تاپیم گؤیلون آلیم؛ دئییب تله‌سیر.
آراییر، آختاریر باشی آشاغا
ال‌لری تیتره‌ییر، اوره‌یی اسیر

- هله بیر آز دا گئی بو کهنه‌لری
بایراما چوخ قالیر، نه خبریندی؟
بایاق آجیقلانیب، بایاقدان بری
اومودو دایازدی، غمی دریندی

گؤرونمور دردینین، غمینین سونو
باهار بولودو تک بوشالیر، دولور
آنجاق قینامایین آ دوستلار اونو
بعضاً اورک دولو، جیب بوم- بوش اولور

آراییر، آختاریر یادینا دوشور
نازلانا- نازلانا کوسوب قاچماسی
تورپاغی آریدیر، تورپاغی ائشیر
تورپاقدان تاپیلیر بیر تای باشماغی

بالا تک باشماغی باغرینا باسیر
مله‌ییر بولود تک او یاغا- یاغا
چشمه قولاق آسیر، چای قولاغ آسیر
سس دوشور دره‌یه، سس دوشور داغا:

- کوسولو بنؤوشه‌م، یارالی لالام!
من بایرام هَوسلی نه تَهَر قالیم؟
گل تزه‌سین آللام، گل نازلی بالام!
کهنه باشماغی‌نین قاداسین آلیم.

/channel/Adabiyyatsevanlar

ادبیات سئونلر

28 January 2023 07:19

ایروان چوخورو
اوخویور:«عاشیق حوسین جوان»

/channel/Adabiyyatsevanlar

ادبیات سئونلر

27 January 2023 10:18

‏فایل صوتی از طرف Kamran

ادبیات سئونلر

26 January 2023 19:44

باهار
شعیر:«ارشد نظری»
سس:«نیره اردلانی»

/channel/Adabiyyatsevanlar

ادبیات سئونلر

26 January 2023 05:21

اوشاق ادبیاتی

قیزدیرما

«سحر خیاوی»
/channel/Adabiyyatsevanlar

ادبیات سئونلر

02 February 2023 07:01

اوشاق ادبیاتی

«حسین منزوی»

اویان دره بویان دره
گلین گئدک گئچنلره
گلین گولک،گلین دیاق
گل اوخویاق گل اوینایاق

اویان قارا، بویان قارا
قارانتی‌نین تئلین قارا
تاراق گتیر تاراقلیاق
تاراقچی‌نی سوراغلیاق

هاردا قالیب سوراغچی‌لار
ائل بزه‌ين تاراقچی‌لار
تاراق دگیل پیچاقدی بو
پیچاق دگیل اوراقدی بو

پیچاق سو ایچدی ایچمه دی
اوراق کوت هلدی بیچمه دی
بیچینچی لر قوجالدیلار
اکینچیلر گیجالدیلار

گیجالتما دوتدو باغلاری
ورم قوجالتدی داغلاری
داغین باشی آغ آپباغی
بسدی فلک گل آشاغی

گل آشاغی دولان گؤرک
دولان گؤرک کیمن فلک
آی فلکین فلک لری
قانلا دولو اتک لری!

قان آغلاغی اتک -اتک
قان ایزینی دوتاق گئدک
گئدک گؤرک یولدا نه وار؟
ساغدا نه وار سولدا نه وار؟

سولدا نه واردی؟  تنگه لر!
ساقدا نه واردی؟  دؤنگه لر!
دؤنگه‌لرین دؤنرگه‌سی
اولوم ایتیملی جرگه‌سی

باغچالاری گول آچمایان
اوشاق لاری  دیل آچمایان
اولوم فلک ایتیم فلک !
گؤروم قالان یتیم فلک

یتیم گؤز آچدی آغلادی
دیزلرینی قوجاقلادی
طیفیل بالام گل آغلاشاق
قول بویونا قوجاقلاشاق

قوجاق-قوجاق قوجالمیشق
لاپ قورو یئرده قالمیشیق
کیم ایسته‌ییب بیز قییدک
گلن یولو بیر ده گئدک؟

نفس-نفس هسه‌کلی‌یک
اوشاق کیمی،  ایمکله‌یک
ایمک دئمه، یئمک دئمه
سؤزلریمه دئمک دئمه

دال اگیلیب، بئل بوکولوب
قاش آغاریب، دیش تؤکولوب
اویان قله،  بویان قله
گون ساییریق اؤلوم گله

آی اؤلومون ملکه‌سی
گلیر قانادلارین سسی!
یاواش-یاواش باتیر سسیم
گلیر، گلنمیر نفسیم

قارانتیلار، غلیظله‌نیر
یورولموشام،یوخوم گلیر
آی یوخونو سورن کیشی
سورچیلرین بگنمیشی

اویان قارا،  بویان قارا
آپار منی دومانلارا..

/channel/Adabiyyatsevanlar

ادبیات سئونلر

02 February 2023 03:49

اوشاق ادبیاتی

آذربایجان افسانه لری

سؤیله ین:«صمد بهرنگی - بهروز دهقانی»
چئویرن:«منیژه جم‌نژاد»

نار قیزلاری۱

👩‍🦰 بیر گو٘ن واریدی، بیر گو٘ن یوخودو؛ بیر پادشاه واریدی خانیمیسینین اوشاغی اولموردو. بیر گو٘ن خانیم اوره یینده نذیر دئدی: اوشاغیم اولسا، بیر باتمان بال لا بیر باتمان یاغ آلیب وئررم آپارسین دنیز بالیقلارینا. قضادان ووردو خانیم بویلو قالدی، دوقوز آیدان سونرا بیر اوغلان دوغدو. پادشاه چوخ سئویندی، وئردی هر یئره چیراق چکدیلر. اوغلان بیر یاشا گلدی، سونرا دا ایکی یاش، بئش یاش؛ خانیم نذیر نیازین بوتون اونوتدو. بیر گو٘ن اوغلان کی اییرمی بیر یاشیندا اولموشدو، ائوه گلدی. خانیم اوغلونون بوی بوخونونا باخدی فیکره گئتدی. اؤز یانیندا دئدی: من نه غفلته قالمیشام! اوغلوم اییرمی بیر یاشیندا اولوب، من هله نذریمی وئرمه میشم...

بویازینین آردینی ادبیات سئونلر کانالیندا اوخویون.

/channel/Adabiyyatsevanlar

ادبیات سئونلر

02 February 2023 03:37

اوشاق ادبیاتی

🔴کودک بلوچ: «آرزوم اینه‌که حداقل یبار تو این زندگی که من عمر میکنم حداقل برق داشته باشیم و یه زندگی درست حسابی داشته باشیم اینجارو نگاه کنید ما تو جهنمیم بخدا»

/channel/Adabiyyatsevanlar

ادبیات سئونلر

02 February 2023 03:30

اوشاق ادبیاتی

«م ساحل»
اوشاق اویونلاری
«یئرده قالان قورد»اویونو

«یئرده قالان قورد اویونو» او اوشاق اویونلاریندادیرکی هله ده بعضن مدرسه لرده،  اوردا بوردا اوینانیر کشگه« آموزش پرورش»ایدمان ساعاتلارینین چوخونو هرمنطقه نین میللی اویونلارین اختصاص وئره،بئله لیک له هم اوشاق اویونلاری آرادان گئتمز، هم اوشاقلارین فیزیکی چالیشمالاری آرتار، بوندا ایکی بویوک اوزه للیک وار بیرطرف دن اوشاقلارکئچمیش نسیل لرین اوینلاری عادت عنعنه لریله تانیش اولوب اولاری گلن نسللره تاپیشیرلار دیگرطرف دن اوشاقلار بیر_ ایکی ساعاتدا اولوب هر هفته فیزیکی فعالیت ائدرلر،«یئرده قالان قورد اویونوندا» اوشاق لار بیر دایره قوروپ «پالان پوش» گلرلر هانسی تک گلسه او اوشاق  قورد اولار، اوشاقلارین قالانی قویون.
تک گلماق همان قورد قویونلاری قووالار قویونلارگرک قوردون الیندن قاچییب بیر ارتفاع دا دورالار تا قوردون الی اولارا چاتماسین . 
ارتفاع بیر پله،بیر کرپیج یا بیر داش اوستو ده اولا بیلر.
اویون شیرین اولسون دئیه قویون لار شیطنت ائدییب تئز تئز ارتفادان دوشرلر ویا دوردوغولاری اوجایئرده  اوخویا اوخویا دئییرلر:« قورد منی توتانماز ، قورد منی توتانماز»قویونلاراویان بویانا  قاچماقلا قوردو چکرلر اوز داللاریجا  
قورددا اولاری قووالار قورد هانسی قویونو  توتسا قورد لوق نقشین دن چیخیپ قویون اولاجاق
آنجاق قویونلار  بوردان اورا قاچیپ توتولماسین دئیه قورد یاخینلاشاندا ارتفا یاچیخارلار
قورد هانسی قویونو اول ده توتسا او قویون قورد اولار و قورد قویون، اویون بئله لیک له دوام تاپار. اوشاق لار هاچان یورولسالار اویونو قورتارار.

/channel/Adabiyyatsevanlar

ادبیات سئونلر

01 February 2023 03:10

«آنتوان چخوف»
#قارا راحیب 
«سیرّلی تشریف»
کوچورن:« ویدا حشمتی»
حاضیرلایان:«ادبیات سئونلر»
گلن هفته چهارشنبه گونو ادبیات سئونلر کانالیندا

/channel/Adabiyyatsevanlar

ادبیات سئونلر

01 February 2023 03:06

ایتالیا مارکالی آیاق‌قابی(حئکایه)
✍یازان:« عاکیف عباس اُو«
کؤچورن:«سحرخیاوی»
حاضیرلایان:« ادبیات سئونلر»

هاوا ایستی ایدی. آدامین لاپ نفسی کسیلیردی. سفرعلی اؤزونو خاریجی ماللارین ساتیلدیغی ماغازایا سالدی. ایچریده کولر ایشله‌دییندن خوش سرینلیک وار ایدی. اؤز- اؤزونه: " کوینک‌لره، کاستیوملارا، آیاق قابیلارا باخیب بیرآز اؤزومه گلیم، سونرا بیر تاکسی‌یا ائیله‌شیب واغزالا گئده‌رم"،- دییه فیکیرلشدی.
سفرعلی سؤیودلو رایونوندان ایدی. باکی‌یا ایش دالینجا گلمیشدی.چالیشدیغی اداره‌دن گؤندرمیشدیلر. تاپشیریغی یئرینه یئتیرمیشدی.
داها گؤره‌جه‌یی بیر ایش قالمامیشدی. آوتوبوس هاراداسا ایکی- اوچ ساعاتدان سونرا تَرپَنه‌جکدی. ایکی- اوچ ساعاتلیق دا یولو وار ایدی.
کؤینک‌لره، کاستیوملارا، آیاق‌قابیلارا باخدیقجا سفرعلی‌نین حالی قاریشدی:
" اَ... بو نه دیر؟ کؤینه‌یین بیری یوز- ایکی‌یوز مانات، آیاق قابی بئش- آلتی یوز، کاستیوم دوققوز یوز- مین مانات.
بو شَهَر جاماعاتی عجب کئفده دیر! پوللاری وار کی، بو ماللاری گتیریب بو قیمته ماغازایا قویورلار".
اطرافا گؤز گزدیردی. ایچریده خئیلی آدام وار ایدی. صاندیغین قاباغیندا دا نوبه یارانمیشدی. بیرینین الینده قالستوک، باشقاسیندا کاستیوم، بیرینده پالتو، باشقاسیندا آیاق‌قابی، پلاش...
سفرعلی ده گلیب کیشی آیاق قابیلاری شعبه‌نین قارشیسیندا دایانمیشدی.
ایتالیا مارکالی آیاق‌قابیلار ایدی. گؤتوروب باخدی.
" سالواتور فرراگامو".
مارکاسی. قیمتینی گؤرنده آز قالا باشینا هاوا گله‌جکدی: 595 دلار. آمما آیاق قابی دا، آیاق قابی ایدی ها. آیاق قابینی یئرینه قویوب ماغازادان چیخماق ایسته‌دی:
" بو آیاق قابینی آلماق اوچون گرک ائویمی ساتیم". چیخیش قاپیسینا یاخینلاشمیشدی کی، نه ایسه فیکیرلشیب گئری‌یه دوندو. اطرافا باخدی. خوش سیمالی بیر قیزی هدفه آلیب، اونا یاخینلاشدی:
- خانیم، سیزه ایشیم دوشوب. گرک منه کؤمک ائده‌سینیز.
قیز موشتری‌یه مهربانلیق گؤستردی:
- بویورون دایی، سیزه نه کؤمک لازیم دیر؟
سفرعلی صوحبتینه داوام ائتدی:
- قیزیم سوبایسان، یوخسا اَرده‌سن؟
موشتری‌نین بو سؤالیندان بیر شئی باشا دوشمه‌ین قیز چییین‌لرینی چکدی. اؤز- اؤزونه فیکیرلشدی:" بونون مسئله‌یه نه دخلی وار؟" سؤزونو دئه ده. یوخسا منه ائلچی دوشمک ایسته‌ییر؟".
سفرعلی قیزین تعجوبله باخدیغینی گؤروب علاوه ائتدی:
- خواهیش ائدیرم، منی دوزگون باشا دوشه‌سن. منیم بیر اوغلوم وار...
قیز دیققت کسیلدی: " دئدیم ده..‌. ایندی باشلایاجاق کی، سنی اوغلوما آلماق ایسته‌ییرم. یقین، بو ماغازادا ایشله‌دییمی گؤروب ائله بیلیر بورادا، پول کسیریک. ایندی بئله‌دیر ده. وارلی گلین آختاریرلار".
سفرعلی داوام ائتدی:
- اوغلوم دئیه‌نده کوره‌کنی نظرده توتورام. سن یاشدا بیر قیزیم وار، تویو اولمالی دیر.
ایندی، بالا، بئله‌دیر ده. اوغلان ائوی توی عرفه‌سینده گلین اوچون دوواق، گلین‌لیک پالتاری، زینت شئیلری... آلدیغی کیمی، قیز ائوی ده بَی اوچون کاستیوم، کؤینک، قالستوک، آیاق‌قابی، عوذر ایسته‌ییرم، آلت گئییمی آلیر.ایندی غریبه وضعیت یارانیب. بوتون گئییملر آلینیب، آیاق قابیدان باشقا.
قیز هله ده کئی- کئی باخیر، سفر علی‌نین اوندان نه کؤمک ایسته‌دیینی  بیلمیردی.
- قیزیم، مسئله بئله دیر کی توی گونو یاخینلاشیر، کوره‌کن خسته‌خانادا دیر‌.
ساتیجی قیز مات- معطل قالمیشدی:" عجب ایشه دوشموشم...".
- آوتومبیل قضاسینا دوشوب، شوکور ساغ- سالامات دیر. بیرجه سول آیاغی گچده دیر.توی گونونه کیمی اؤزونه گلر.
ساتیجی قیزی گولمک توتدو:
" بو کیشی یوخسا منی ده تویا دعوت ائتمک ایسته‌ییر؟".
سفرعلی پرت اولدو:
- گولمه قیزیم. باخ بورادا گؤزوم توتان بیر آیاق قابی وار. اونو آلماق ایسته‌ییرم. آمما آیاق قابی ائله شئی‌دیر کی، آیاغینا گئیمه‌ییب آلدین، سنی پئشمان ائده‌جک. یا آیاغینا بؤیوک اولاجاق، یا دا آیاغینی سیخاجاق. کوره‌کنی بورا گتیرمک مومکونسوزدور. اورلارمی بیع قویوم آیاق قابینین ساغ تایینی آپاریم؟ آیاغینا اولار، لاپ یاخشی. پولون قالانینی دا وئریب او بیری تایینی گوتوره‌رم.
سفرعلی آخیر کی، ساتیجی قیزی باشا سالا بیلدی.
قیز:- دایی جان بو منلیک دئییل. گرک مودیریمیزه دئییم.
سفرعلی راضیلاشدی:- نئجه مصلحت دیر.
ساتیجی قیز آیاق قابی شعبه‌سینه یاخین گلدی. سفرعلی ده اونون آردینجا.
- هانسی آیاق قابینی گؤتورمک ایسته‌ییرسینیز؟
سفرعلی گؤستردی. ساتیجی قیز" سالواتور فرراگامو" مارکایا مخصوص اولان آیاق قابینین ساغ تایینی گؤتوروب، سفرعلی ایله بیرگه شعبه مودیری‌نین اوتاغینا گلدی.
مسئله‌نی مودیره آنلاتدی. شعبه مودیری اونو باشدان- آیاغا سوزدو.
سفرعلی شهره گلدیییندن بیرآز آبیرلی گئیینمیشدی. مودورون تردید ائتدییینی گؤره‌ن سفرعلی تئز 50 مانات چیخاریب اونا اوزاتدی.

ادبیات سئونلر

01 February 2023 02:46

«نادر_الهی»

زلزله

کۆسۆلۆ بنؤوشه‌م ،یارالیٛ لالام



/channel/Adabiyyatsevanlar

ادبیات سئونلر

30 January 2023 09:01

ستاد بحران، هلال احمر، فرماندار... کجاهستند چرا اماکن عمومی مساجد و ورزشگاهاو مدارس را باز نمی کنید مردم درخیابان نمانند؟

/channel/Adabiyyatsevanlar

ادبیات سئونلر

30 January 2023 03:11

و سئوگیلی شاعیر بو اینسانی مضمونو چوخ گؤزل، اعلا و جلب‌ ائدیجی تقدیم ائدیر :
منی باشلاییر شعیر
پاپریز کونه سیندن کؤکلمیش
کؤورک بیر شه هرین
قالیت قودورغانلیغیندان.
دووار بویالی دیر
اللریم
گؤزوم؛
دوشورسن یادیما
گول یاغیر آدیما
منی قورتاریر شعیر.
شکیل یوخسا ایمگه یارادیلماسی، شاعیرین مؤوضوسونا و دوشونجه‌سینه هر شئی‌دن آرتیق یاراشیق وئریر. تصویر باخیمیندان بو سئویملی شاعیرین شعیرلرینده ائستئتیکا نوعلارینین چوخوندان ایستیفاده اولونور. آمما سانکی شاعیر بونو حیسس ائتمکده اوبیئکتیو و سوبیئکتیو اؤز ذهنی باخیشلارینی سیخ دویغو سیمبوللاریندا آرارکن، مئتافوریک اِئلِمِنتلرین سیخیلماسی و دولاشیقلیغینی چوخ واختدا خیالی اوبرازلاردا رنگله‌ندیریر و جان باغیشلاییر:
یاپیش منیم اللریمدن
چک گؤزللیک دیارینا
آپار ‌شعیر دونیاسینا
قویما منی یالقیزلاییم
بیر گول کیمی گل در منی
آپار منی
آپار منی
یاپیش منیم اللریمدن
قاریشدیر گل قانین منله
آرزو کیمی چیچک له‌نک
شعیرلریمیزله، شعوروموزلا
کؤوه‌رک کؤنوللرده گرک.
یاپیش منیم اللریمدن
قوی «گؤیرچین الین» سنین
دار آیاقدا
دایاق اولسون.
یاپیش منیم اللریمدن
قوی بوروسون طراوتین
دومان سایاق بو کؤنلومو
قویما منی قاپاندیرسین
خبرچین بیر دالغا تک یاشام
او داشلاردان-بو داشلارا
یالواریرام
یالواریرام
یاپیش منیم اللریمدن.
شاعیر بو قیسا ایمگه‌لی شعیرینده اؤزونو غملی بیر تنهالیقدا گؤرور و خیالی سئوگیلیسینه موراجعت ائده‌رک «گول کیمی دَر منی اؤزونله آپار» دئییر. بو شعیر تپه‌دن، دیرناغا قدر بیر شاعیرین فاجعه‌‌سیدیر و آزادلیق آرزوسودور، و… و…
آمما… من بورادا آذربایجان چاغداش ادبییاتینین سؤزون اصیل معناسیندا یاشادیغی پرابلئملردن دانیشماق ایسته‌ییرم. بعضی شاعیرلر فورما و مضمون باخیمیندان پوئتیک عنعنه‌نی تقلید ائدیرلر و چوخدا یئنی سؤزلره مالیک اولمایاراق، سربست فورماسیندا یازسالاردا، کؤهنه وکفنلَنمیش روحا و تاپدالانمیش دیله و یولا مالیکدیرلر. هابئله، گؤزل و قالارقی شعیرلر یازیب، یارادا بیلمیرلر و اؤتموش زامانلارین عینی سیناقدان کئچمیش آتموسفوروندا قالیرلار. بو نؤقصانلارلا یاناشی، گنج شاعیرلرین و بعضی اورتا یاشلی شاعیرلرین شعیر یازمالارینا نظر سالساق، اساس و گورکملی چاتیشمازلیقلاری بیر نئچه باشلیقدا، او جومله‌‌دن: شعر حیصه‌‌لری آراسیندا علاقه‌‌نین قورولماسینا لاقئیدجه‌سینه یاناشماسی، شعیرده تکرارلانان عمومی حال، هاوا و مونوتون «یکنواخت» یازیلمالار، و اویغونسوز کلمه‌لرین موسیقی اولماماسی، دونیا ادبییاتیندا و اَن آزی تورک شعیرینده اؤنملی ادبی پوئتیک جریانلاری اوخومامازلیقلارینی و… و.. و… قئید ائتمک اولار.
آذربایجان شعیری، جیسارتلی، فرقیلی، مضمونلو و همیشه طراوتله دولو اولموشدور. آمما بو ادبییاتین جیددی باخیمدان دَستَکچیسی اولمایاراق، چوخدا مظلوملوغا دوغرو آرخایا آددیملار آتیرررر.
آنجاق دئمک اولار، هر دؤورده یئنی سؤزلر و تکرارسیز کونسئپسیالار یارادان اطراف عالم‌له موناسیبتینی معین ائدن و سونوجدا آکتوال و قالارقیلیقا اوغورایان شاعیرلرده چوخ اولموشلار.
سئوگیلی قارداشیم بهروز بئی صدیق یارادیجیلیغیندا اونون ایستعدادینی و دِئهاسینی نظره آلاراق، شاعیرین اؤزونه، دونیاسینا و دوشونجه‌سینه اوخشار و حصر اولونموش شعیرلر یارادیر. و دئمک اولارکی عمومیتله، تکراردان و تقلیددن اوزاقدیر. و بوگون میللتینین اعتراض سسی ساییلان بو شاعیرین اهمییتلی خصوصیتلاریندان بیری‌ده بودور. بونلارا رغمن، عزیز بهروزون «آچیلمایان سَحر» عنوانلی شعیرینی اوخویون لوطفن:
گؤزلرینین تیته‌سینی گؤرنده،
اۆزۆ پاییزا دؤنموش بیر باغچانی گؤروردوم سانکی.
دومان‌چؤکموش شهَ‌هرین مئیدانیندان باشقا، گئده‌جک یئری یوخ ایدی
قابار ال ایدی وارلیغی
و چانتا دولو اۆشَنتی
چیلیم-چیلیم اوْلموش آرزولارین سسی ایدی
قارا قایالار کئچمیش کؤنول آدلانان
گؤز کاساسیندا، اؤلوم یئلی اسیردی
دؤنوش دؤنگه‌لرینده دیدَرگین‌لیک دویغوسوندان دالغین-دالغین اؤتمه‌یی دویماق داها ایسته‌مه‌دی
و دوْن ووردو نم بوروموش بیر دووارین کؤلگه‌سینده.چ
سحر ایسه
آچیلمادی…
بونونلا بئله، بو گونکو شعیر اؤزونو یئنیلَشدیرمک اوچون اؤزللیکله‌ده حیاتین ایستی، سویوق‌ایله قارشی، اویغونلاشماقی داها سئوییر. هابئله ایستیر یاشادیغی زامانین خَلَف ائولادی اولاراق، عمومی قایدالاردان اوزاقلاشا بیلسین. چونکو اصیل و پئشه‌کار ادبییاتین و شاعیرین آماجی یالنیزززز دیَیشیکلیک یاراتماقدیر. باشقا سؤزله شاعیر، یارادیجیلیغینین اساس تَمَلی و موتیوی و یازماقینین سببی‌ده، راییج تقلیدلر و تکرارلاردان قاچیب، یاخاسینی قورتارماقدیر.

ادبیات سئونلر

30 January 2023 03:11

بیر نئچه شعیر بهروز بئی صدیق‌دن و‌ بیر قیسا تنقیدلی اوخونوش

«کامیل قهرمان‌اوغلو»

«شعیری دَلیلیک دئییر و عاغیل یازیر.» (آندره ژید)
سئوگیلی شاعیر قارداشیم بهروز صدیق‌له اوزون ایللردیر اولموشام. بیز یئنی‌یئتملیک ایللریندن بیر یئرده اولموشوق، یادیمدادیر نئچه ایللر اؤنجه بو عزیز شاعیرله ایلک دفعه‌ اولاراق موغاندا، پارساباد شه‌هرینده گؤروشموشوک، قوجاقلاشیب، اؤپوشموشوک. بیلمیرم هاردا گؤروشدوک! آمما یاشیل یارپاقلاری اولان او گؤروش یئری هله‌ده بیزی خاطیرلادان بیر تارلایا اوخشاییردی. هههههه‍…او ایللر بیزیم عیصیانلیق ایللری‌ایدی… ادبییات و شعیرین بیزی بیر آرایا گتیردییی سئوگی و هیجان ایللری ایدی. اوووووف… «کئچن گونلریمی قایتارسایدیلار…»
بلی، سئوگیلی قارداشیم بهروز بئی صدیق حاقیندا نسه دئمک حقیقین چتیندیر. اؤزللیکله‌ده بو عزیز و سئویملی شاعیرین ادبی اثرلری منیم ایچین حقیقی معنادا بیراز چتینلیک داشییر. چونکو اونون شعیرینی فیل بوینوزونا چیخاریب آپارا بیلمیرم و اونو یئرسیز تعریفله‌ییب تصویر ائده بیلمک بیراز چتیندیر من ایچین. بونا گؤره‌کی یولداشلیق و قارداشیلیق بلگه‌سی وار الیمیزده. هابئله بهروز معللیم‌ده بو تعریفلردن داها اینجیک اولاراق، سئومه‌ییر منجه.
آمما… دئیه‌ بیلرم عزیز بهروز، شعیر‌ینین ایلک یازدیغی گونلریندن، یارادیجیلیغیندا جیددی ایره‌لیله‌ییشلر الده ائتمیش بیر شاعیردیر.
لوطفن «گوزگو یارا» عنوانلی شعیری اوخویون:
ال‌لریمدن دریلمیش ال
یاراسینا آغلامالی
گوزگولَـشن بیر یارانین
هاراسینا آغلامالی؟!
ایلک کوبلئتی ورم وورموش
هر سطرینده پوسقو قورموش
سؤزجوک‌لری، آه! یورولموش
واراغینا آغلامالی
درد آرخانجا ایزین -ایزین
قوجاقلامیش وارلیق دیزین
هؤوشنه‌لی کؤچن قیزین
داراغینا آغلامالی
یوردو یارغان، یوردو یارا
یوردو بیزی یورغون یارا
بیر شاعیرین تپه قارا
یاراغینا آغلامالی.
شاعیرین دئمک اولارکی بوتون شعیرلرینده، شخصی، اجتماعی، مسئله‌لرینه، پروبلئملرینه یاناشماسی و بیر، بیرینی حیسس ا‌ئتمه‌سی کدرلی بیر اعتراضدیر. بو ایکی، اوچ احوال شعیرلرینده داواملی اولاراق، موباحیثه‌لی آنلاییشلارا باخمایاراق، سطیرلری تئز و درحال باشا دوشمه‌یه ایمکان وئریر. عینی زاماندا سئوگیلی بهروز بئی قارا، قانلی بعضنده اؤلوم و حیات صحنه‌‌لرینین شاعیریدیر. هم‌ده یئنیسل و اوریژینال کومپوزیسیالار و پوئتیک اوبرازلاری وورغولاماقدا، گوجون ذیروه‌سینده دایانیر. مثلن بو «یوخو» آدلی شعیر:
من آخشاملار
ائویم ییخان
کلمه‌لری یوخلاییرام.
گؤزوم
گؤز برلده‌ن
چوخور بیر دره
قانلی منظره…
اللریم
گؤزومون
دره سینده من
گیله‌مده گئیرم
دیدیلمیش کفن
اؤلور اللریم…..
یوخودان دورورام
قارانلیق یویورام
کؤرپه‌مین الینده
گولور اللریم.
بهروز بئی صدیق سئوگی دولو، بعضنده غضبلی و اؤفکه‌لی باخیشی او قدر آییقلیق و بلاغتله هوپموشدورکی، مخاطبی هئچ اؤزوندنده بئزدیرمیر. و صمیمی شکیلده گؤزلریمیزی شعیرینین پنجره‌سینه توتورکی، بیزه اعلا باخیمدا جیسارتینی گؤستره بیلسین:
نمونه اولاراق :
سالاملاماز هئچ گونشی
باغچادا کی یالقیز آغاج
گؤزو یاشلی پنجره‌نین
او آجیقلی،
قارا قاباق
گؤزلرینده آغری ساغ‌سا
دنیز-دنیز
آغری یاغسا.
ومهربان قوشلار اینان
یانمیش بوداق قوجاغینا
گؤروش شعرین
پای گتیرمز.
هله-هله
پنجره‌لر-پنجره‌لر
یئرسیز تیکمیش گؤزلرینی
یاسلی باجیم اللرینه
.
گونش آیا
آی، اولدوزا
پیچیلداشیر
گوندن قالمیش
پنجره‌نین
اؤلکه سینه
کؤلگه آشیر.
هانسی واخت بو شعیرلرین آلوولانمیش پارچالارینی بیر اوخوجو اوخوماق ایسته‌سرسه، حتمن جییارینی اوخویاندان سونرا اود توتوب، اودلایاجاقدیرررر. عزیز بهروزون آغریلی شعیرلریندن داها چوخ یازیلمالی، و داها چوخ یانیقلارینی حیسس ائتمه‌لیدیرررر. منجه، بهروز یارا دئییل، بلکه یارانین اؤزودور، یارانین قیشقیران هاراییدیر، و بو یارادیر شعیری داها زنگینلَشدیریر، و… قارداشیم بهروز بئی او قدر اینجه و اورَیی یوخادیر کی گؤز یاشلارینی اوریینده و آددیمیندا ساغیر، ساغیر گزدیریب و دولاندیریر:
بوتون فصیللرین آدی پاییزدیر
بوتون آنالارین یایلیغی قارا
دویولماز بیر سسم سسله سن منی:
یئنی جه آدیم وار؛ یئنیلمز یارا…
و یا…
… بیر چیراق اولورام قورخولو یولدا
بلکه بیر ایتگینه یولو آندیرام
تالاییب چاپیرام قارانلیق‌لاری
اومودسوز کؤنلونده گونش یاندیرام
حیاتیم اوزو داغ چیخیلماز قالا
بیر یول دا اولمادی مغرور اولام من
حیاتدان پاییمسا بیر قوجاق یارا
گونشه اولدوزا گئدن یولام من…
و یا…
چینیمده‌کی درد شله‌می
منیم حیات فلسفه‌می
تکی سنین باغیشلایان
او مهربان اینجه الین

ادبیات سئونلر

28 January 2023 19:38

🌎 زمین لرزه ۵.۷ریشتری در آذربایجان غربی

مهربان باشیم، دست یاری در این شب های سردفراموش نشود. 

/channel/Adabiyyatsevanlar

ادبیات سئونلر

28 January 2023 05:22

«صمد_وورغون»

باشینا دؤندویوم گول اوزلو سونا!
عؤمرومون ایلک چاغی یادیما دوشدو
شاعیرلر وطنی، بیزیم طرفلر.
طرلانین اویلاغی یادیما دوشدو.

اوخویون قلبیمی داستان ایچینده
اورک دؤیونمزمی آستان ایچینده؟!
پاییزین فصلینده، بوستان ایچینده
شامامانین تاغی یادیما دوشدو.

تؤکولدو کاغیذا سینه‌مین سؤزو
او آنا یوردومون اوجاغی، کؤزو
جئیرانین دوروشو، دورنانین گؤزو
کهلیگین آیاغی یادیما دوشدو.

هانی آت سوردویوم بوراندا، قاردا؟
گزدیم آشیق کیمی مین بیر دیاردا
گولوب_اوینادیغیم تویدا، ماغاردا
قیزلارین قولباغی یادیما دوشدو.

گؤیلره باش چکیر "گؤی ازَن" داغی
آخشام آچیق اولور آیین قاباغی 
بیزیم گلین‌لرین بایرام قاباغی
"فَسَلی" یایماغی یادیما دوشدو.

سن بیزیم ائل‌لرین روحونا بیر باخ!
بیزدن اینجیمه‌میش بیر عزیز قوناق.
نیشانلی قیزلارین گؤروشدن قاباق،
تئلینی سایماغی یادیما دوشدو.

"وورغون"ون خیالی گَزدی آرانی‌‌
گؤزومده اوینادی داغین بورانی
قیشین بوز قاتیغی، یایین آیرانی،
پاییزین قایماغی یادیما دوشدو.

/channel/Adabiyyatsevanlar

ادبیات سئونلر

26 January 2023 20:13

«کریم قربانزاده»

کیمسه نی گیلاس چیچک لری
کیمسه نی اوزوم گیله لری کئف لندیریر
ومن یالنیزسنین گوروشوندن کئف لنیرم
زیر کئف لی لر کیمی کئف لنیرم.

/channel/Adabiyyatsevanlar

ادبیات سئونلر

26 January 2023 05:21

اوشاق ادبیاتی

"قیزدیرما"
✍ یازان:«سحرخیاوی»

سولغون بنیزینده یاناقلاری قیزمادان آلما کیمی قیزاریردی. اؤسکوره‌یی تزه بانلایان بئچه سسینی آنیمسادیردی. بالاجا سینه‌سیندن قیسا، آمما تئز- تئز نفس آلیردی. بوتون اوشاقلار سایاقی جانی‌نین آغری- آجیسینا باخمایاراق کلینیکانین زالیندا،قرارسیزجا اویان- بویانا قاچیردی. بوغازینا شالی دولانمیش، قیرمیزی بؤرکونون قوتازی دا اوشاقلا بیرگه آتیلیب- دوشوردو.
آناسی کؤوره‌ک حالدا اونا باخاراق تئز- تئز چاغیریب بورنونون سویونو سیلیردی.

کلینیکانین آوتومات شیشه قاپیسی آچیلدی. اوشاق نئجه ده بو قاپیدان هیجانلانیردی.
هر زامان کلینیکایا گلنده آتاسینین الیندن بوشلانیب نئچه دفعه بو اؤز- اؤزونه آچیلیب، اؤرتولن قاپیدان گوله- گوله گیریب، چیخیردی.
آمما بو گون دوغرودان حالی یوخ ایدی، هئچ آوتومات قاپی دا، اونو ماراقلاندیرمیردی.
آتاسی الینده داوا نایلونو ایچری گیردی. اوشاق قاباغینا قاچیب تَلَسیک داوا نایلونونو آچیب، باخدی:
- بو.... بو... ایگنه کیمین‌دیر؟ من دوختورا یاخشی اوشاق اولدوغومو، غذامی دا یئدییمی دئمیشدیم آخی!!- دئدی.
- بو ایگنه منیم اوچوندور عزیز بالام،-آتاسی دئدی.
اوشاق آرخایین اولوب، آناسینین بؤیرونده کی چارپاییدا اوتوردو. اوشاقیانا آناسینی دیله توتدو:
- باخ ائله بورداجا، بو چارپاییدا ائیله‌شک، آتام ایگنه‌سینی ووردورسون گئدک، اولدو آناجان؟
آتا، آشیلاما اوتاغینا کئچیب اوشاغین آناسینی ایشاره ایله چاغیردی. اوشاق ماجرا نه اولدوغونو سَزیب چیغیرماغا باشلادی. آنا سوروتله‌یه- سوروتله‌یه اونو اوتاغا آپاردی.
- سن قیچیمی توتاجاقسان خانیم پرستار ایگنه‌نی منه ووراجاق،- آتاسی دئدی.
بیرازدان آشیلاما اوتاغیندان اوشاغین چیغیرماق سسی کلینیکانی اوچوردوردو.
اوتاقدان چیخاندا، اوشاق هیچقیراراق بالاجا اللری ایله آتاسینی یوموروقلاییردی:"سن همیشه منه یالان دئییبسن" - دئییردی.
آتاسی دولوخسونموش گؤزلرینی آداملاردان گیزله‌‌دیب دیوارا ساری باخاراق، کلینیکادان چیخدیلار.
حیاطدا اوغلونون قیزمالی یاناغینی اؤپه‌رک، تیترک سسله: " سن حاقلیسان گؤزل بالام، من چاره‌سیزلیکدن سنه چوخلو یالان دئمیشم، منی باغیشلا. نه بیلیم بلکه بؤیوینده منی آنلایاجاقسان".- دئدی.
کلینیکانین قاپیسیندان چیخارکن اوغلونا ماشین، چارخ، باشقا اویونجاقلار سوزو وئریب، الینین بوشلوغوندان قولونا عمل ائده بیلمه‌دیکلری بیرر_ بیرر یادینا دوشدو. ایندی ایسه بو باهالیق و بوش ال ایله نه دوختورون  تجویز ائتدییی تویوغ سویو ایله سوپ آشینی بالاسینا بیشیره بیله‌جک دیلر، نه دئدییی مئیوه‌لری اوشاغا یئدیرده بیله‌جک‌دیلر، نه ده یاخیندا کی بئش یاشلیغی‌نین آد گونونو قوتلایا بیله‌جک دیلر، نه ده تای- توشلاری کیمی اونو گئییندیره بیله‌جک دیلر.
یالنیز بو آجی درمانلاری زورولا نازیک بوغازینا تؤکه‌جک دیلر.
کیشی بونلاری خاطیرلادیغجا بوغازینی قَهَر کسیب تؤکوردو.
بختی کیمی قارالان گؤی اوزونه باخیب، دریندن کؤکس اؤتوردو،"تانری هئچ بیر آتانی منیم کیمی بالاسیندان شرمنده ائتمه‌سین"- دئدی.
تؤنوک ایین- باشی ایله قیشین شاختاسینی داها حیس ائتدی، تیتره‌دی، آمما اصلینده جیسمی یوخ، روحو اوشویوردو. بو اوشونتونو آناسینین کندده کی لاپ قالین یورغانی دا، آرادان قالدیرانمازدی.
کؤرپه‌سینی سیخ باغرینا باسیب، آیاقلاری قاباغیندا ساخلایان تاکسی‌یه مینیب گؤزدن ایتدیلر...
گؤره‌سن صیدقی سیوریلمیش، اینامی چات گؤتورموش اوشاق، نه واختسا آتاسینین صداقتلی اوره‌یی، آمما بوش اللرینه ایناناجاقدی؟!

ایضاحلار
زال: سالون
آشیلاما اوتاغی: تزریقات اوتاغی

/channel/Adabiyyatsevanlar

ادبیات سئونلر

25 January 2023 22:06

اوشاق ادبیاتی
«کارتون»

اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

/channel/Adabiyyatsevanlar