2983
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار
اوشاق ادبیاتی
اوشاق ادبیاتی هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین .
/channel/Adabiyyatsevanlar
سون رئکلام
ادبیات سئونلر گوزگوسوندن اوچونجو کیتاب نشر اولدو.
عنوان:«ائتیمولوژی درس لری»
یازان:« دکتور ارشد نظری»
ناشر:«حکیم-نظامی-گنجه ای»
حاضیرلایان:«ادبیات سئونلر»
امک داشلار:«کریم قربانزاده، ویدا حشمتی، زکیه ذوالفقاری»
صفحه: 220صفحه رقعی
قیمت: 130/000مین تومن
قیمت ادبیات سئونلر عائیله سینه 85/000مین تومن.
/channel/Adabiyyatsevanlar
ان سئودییی «ناظیم حکمت»، «رسول رضا» و «حبیب ساهر»، حسن ایلدیریمین ادبیات مفکوره‌سینده دریندن ایز قویان تورک و آذربایجانین پارلاق سیمالی شخصیت‌لری ایدی. ده‌یرلی امه‌یی سایه‌سینده عرصه‌یه گلن اوچ جیلدلیک «ناظیمین تانیتیمی» کیتابی امید ائدیرم کی بو ایل ایشیق اوزو گؤرسون.
حسن ایلدیریم انقلابین ایلک ایللریندن اوستاد حبیب ساهرین یارادیجیلیغی ایله ده ماراقلانیر، اونلاری اوخویوب، اؤیره‌نیر و حاقیندا ادبی تدقیق آپاریر. بو تدقیقین نتیجه‌سی اوستاد حبیب ساهرین بوتون اثرلری‌نین تدقیقی و نشره حاضیرلانماسی اولور. گون او گون اولسون کی دوستلارین یاردیمی ایله بو سامباللی اثر ده ایشیق اوزو گؤرسون.
۳. حسن ایلدیریم ایناملی بیر یارادیجی شاعر ایدی. من حسن ایلدیریم شعری‌نین ایلک اوخوجولاریندان و بعضاده اونون یاراتدیغی شعرین مختلف واریانتلاردان کئچه‌رک عرصه‌یه گلمه‌سینه و سون واریانتی‌نین اوخوجو محکمه‌سینه باشی اوجالیقلا چیخماسینا دا شاهد اولموشام.
منیم نظریمجه، حسن ایلدیریمین یارادیجیلیغی، شعری انسانا محبت و یوردا صداقتدن یوغرولان پوئزیادیر. او بعضا بو انسانی محبتی شعر دیلی له، بعضا ایسه انسانلارا ائتدییی خدمت و یاردیمی‌لا و بعضاده اؤز اینامی و عقیده‌سی اوجباتیندان اذیت‌لره قاتلاشماق‌لا، آنجاق دؤنمه‌مزلیک‌له چاتدیرماق ایسته‌میشدیر. نییه کی اونون نظرینده شعر یالنیز سرگینلمک، شؤهرتلنمک و جمعیتده آد قازانماق و تانینمیش بیر شخصیته چئوریلمک وسیله‌سی دئییل، اینامدان یوغرولان و بشری ایدئاللاری و انسان آزادلیغینی تمثیل ائدن و جمعیته چاتدیران فریاددیر. بلکه بونون اوچوندور کی حسن ایلدیریمین بیر چوخ شعر و یازیلاری تاخما آدلا و یاخوددا آدسیز یاییلمیشدیر و من اونون یاخین بیر دوستو کیمی بونلارین شاهیدی اولموشام.
من امینم حسن ایلدیریمین شعرلری هر زامان تزه قالان، گوندن گونه جاوانلاشان، اؤز اوخوجوسونو تاپان و معاصر روحلو و معاصر آب و هاوالی اثرلر سیراسیندا اولاجاقدیر. نییه کی حسن ایلدیریم شعری‌نین اساس غایه‌سی و موضوع آماجی، یوغرولدوغو اجتماعی سیاسی یاتاق اعتباریله، هله ده انسان آزادلیغی محورینده دولانیر، و هله ده ایشیق‌لا قارانلیق، و گوزللیک‌له چیرکینلیگ مناقشه‌سی زمینینده گؤیه‌ریب، دیرچه‌لیر.
شعرلرینده نجیبلییی، انسان سئورلییی، دوزو، چؤره‌یی، آلین ترینی، آنا سودونو، تورپاق عطرینی، ایشیق گؤزللییینی، ظولمت چیرکینلییینی و انسان معنویاتینا یاراشان بئله بئله موضوعلاری تمثیل ائدن شاعرین شبهه‌سیز کی اوخوجوسو بول، اثرلری همیشه یاشار، و خاطیره‌سی ابدیلشن یارادیجی انسانلار سیراسیندا یاشایاجاقدیر.
حسن ایلدیریم شعری دب‌ده اولان سؤز اویونبازلیغیندان اوزاقدیر. تام امینلیک‌له دئیه بیلرم کی اونون شعرلری‌نین هامیسی اؤز بدیعیلییینی و پوئتیک ده‌یرلرینی ساخلایاراق، آذربایجان روحونا ساریلان، آذربایجان تورپاغیندان عطیرله‌نن و آذربایجان خالقی‌نین ملی ائسته‌تیک ذؤقونا اویان و یاراشان سؤز اینجی‌لری‌دیر. منجه حسن ایلدیریم شعری اصیل معنادا آذربایجان شعری‌دیر؛ اصیل معنادا آذربایجان خالقی‌نین آرزو – ایستک‌لرینی، بشری ایدئاللاری، انسان آزادلیغینی و چؤره‌ک عطرینی سسله‌ین فریاد دیر.
حسن ایلدیریمین ادبی ارثیندن هله دؤرد شعر توپلوسو یاییلیبدیر. یاخین گله‌جکده بو سایی‌یا ایکی عنوان دا آرتیریلاجاق. بو کیتابلارداکی شعرلری اوخودوقجا دوشونورسن کی حسن ایلدیریم انسان نجیبلییی‌نین، سئوگی حلیملییی‌نین، آنا مقدسلییی‌نین و تورپاغ عطیرلییی‌نین صمیمی، صداقتلی و ایناملی ترننومچوسودور. منجه او بو اثرلرینده اوره‌یینی باسدیریب، بیر گون اؤزو دئمیشکن: شانلی بیر باهاردا دیرچه‌لیب، بوی آتماق اوچون.
سؤزو اوزاتماییم دئیه ۱۳۶۴نجی ایل ایلک دفعه کرج شهرینده اؤز آغزیندان ائشیتدیییم بیر شعرینی اوخوماق‌لا، شرفلی خاطیره‌سینی عزیزله‌ییر، عشق اولسون دئییرم.
آچیل سحر!
آچیل سحر!
یئر اوزونه ساچیل سحر!
یئر اوزونون
گئجه‌لری بوغونتولو، دومانلی‌دیر،
ظولمتلیکده حؤکوم سوره‌ن شوپرلرین جایناق‌لاری آل قانلی‌دیر،
سولغون آی دا
قارا گئجه باتلاغیندا دونوق باخار،
پیس تویوق‌‌لار اؤز فالاسین ایچن کیمی
گئجه اودور اولدوز‌لارین قاتار- قاتار.
آچیل سحر!
آفریقادا، آمریکادا، فلسطین‌ده، بو یئرلرده
آلای -آلای ایییدلرین دؤشلرینده اولدوز یانیر،
شفق دئییل، دان یئرینده قارانلیق‌لا پنجه‌لشن
قیزیل قاندی.
آچیل سحر!
امید دولو باخیش‌لارا ساچیل سحر!
بیز گونشدن قوپولساق دا
قارانلیقدا قوورولوروق،
قارا گونون پنجه‌سینده
آچیلیریق، قیوریلیریق؛
گؤزله‌ییریک
آل شفق‌ین قوماشینی گئیینه‌سن
بیر خولیایدی می؟!
✍یازان:«گی_دو_موپاسان»
تورکجه چئویرن:«سحرخیاوی»
اونو دلیجه سئویردیم. دونَن پاریسدن قاییتدیم، اورتاق اوتاقیمیز، تختیمیز، اثاثیمیز منه اونو خاطیرلادیردی. ائله کدرلی ایدیم پنجره‌نی آچیب اؤزومو خیاوانا آتماق ایسته‌ییردیم، بیر زامان اونو احاطه‌له‌ین دیوارلار آراسیندا قالماغا گوجوم یوخ ایدی.
او دیوارلاردا اونون مین‌لر ذرّه دَریسی، نفسی وار ایدی.
بؤرکومو گؤتوروب ائشیگه چیخماق ایسته‌دیم، هالین بؤیوک آیناسینین کناریندان کئچدیم، او، آینادا هر گون اؤزونو یُوخلاییردی، باش آیاغینی، چکمه‌لرینی، بؤرکونو...
بیرآز اونون شکیلی او قَدَر دوشدوگو آینانین قاباغیندا دایاندیم، آیاق اوسته تیتره‌ییردیم. او صاف، درین و بُوش شوشه‌یه دونوخموشدوم. آینایا وورولدوغومو دوشونوردوم. آینایا اَل چکدیم، سویوق ایدی. غملی و قورخولو آینا منه عذاب چکدیریردی. دوغرودان اونوتقانلیق بویوک نعمت دیر، کئشکه اونودا بیلسه‌یدیم.
ایسته‌مزدن قبریستانا گئتدیم. ساده قبرینی تاپدیم. آغ مرمر داشین اوستونده بو نئچه کلمه یازیلمیشدی:" او سئویردی، سئویلدی و اؤلدو".
او تورپاغین آلتیندا ایدی. آلنیمی تورپاغا قویوب هؤنکورتو ایله آغلادیم. اوزون موددت اوردا قالدیم. هاوا قارالارکن غریب، دلیجه بیر هوس جانیما دوشدو. صوبحه کیمی قبری اوستونده آغلاماق ایسته‌ییردیم. آمما منی گؤرسه‌لر اورادان ائشیگه سالاجاقلار. نه ائتمه‌لی ایدیم؟ آیاغا قالخیب، اؤلولر شَهَرینده گزمه‌یه باشلادیم.بو شهر بیز یاشادیغیمیز شهر قارشیسیندا، نه قدر کیچیک‌دیر. بیزیم اوجا مرتبه‌لی، بؤیوک ائولره، ائنلی خیاوانلارا، احتیاجیمیز وار، آمما اؤلولرین هئچ بیر شئیه احتیاجی یوخدو. یئر اونلاری قوجاقلاییب و تامام!
قبریستانلیغین سونوندا، لاپ قدیم بؤلومونده ایدیم، بورادا داشلار و خاچلار دا ویران اولموشدولار. یئر وحشی رُز گوللری، شام آغاجلاری، غملی و گوزل باغی ایله گؤرونوردو.
یالقیز ایدیم. اؤزومو سیخ شاخالارین آراسیندا گیزلتدیم.
هاوا آرتیق قارانلیقلاشارکن، سیغیناجاغیمدان چیخدیم، یاواشجا یولا دوشدوم، اوزون موددت گزدیم، آمما اونون قبرینی تاپمادیم. اللریم، آیاقلاریم، دیزلریم، کؤکسوم، حتا باشیم بئله داشلارا دَییردی. کور بیری کیمی، داشلارا، خاچلارا، دمیر بارماقلیقلارا و سولموش گول حالقالارینا اَل سورتوردوم. بارماقلاریملا آدلاری اوخویوردوم آمما اونو تاپمیردیم!
او آخشام آی گؤیده یوخ ایدی. قبیرلرین آراسیندا چوخ قورخموشدوم. قبیرلرین بیرینین اوستونده اوتوردوم. داها اؤنه گئده بیلمیردیم. دیزلریم یاردیم ائتمیردی. اوره‌ییمین گوپبولتوسونو ائشیدیردیم. بیر باشقا سسده گلیردی. بو سس منیم باشیمدان گلیردی یوخسا او سئحیرلی تورپاغین آلتیندان؟!
اطرافیما باخدیم، چیغیرماق ایسته‌ییردیم. لاپبادان اوستونده اوتوردوغوم قبیرداشینین تَرپندیینی دوشوندوم. قالخیب کناردا کی قبیرین اوستونه آتیلدیم، اوستوندن دوردوغوم داش یئردن قالخدی، بیر بئلی اَییلمیش اؤلو داشی کنارا ووردو. قارانلیق اولسا دا، آشکار گؤروردوم. قبیر داشی‌نین اوستونو اوخودوم: " بورا "ژاک الیوان"ین قبری دیر. اللی‌بیر یاشیندا رحمته گئدیب. او عائیله‌سئور، مهربان و حؤرمتلی بیر کیشی ایدی".
اؤلو ده منیم کیمی قبیرداشینین اوستونو اوخودو. سونرا یئردن بالاجا و اوجو ایتی بیر داش گؤتوروب، یازیلان سؤزجوکلری قاشیدی. اونلاری پوزوب و بوش گؤزلرینین کاساسیندان حکّ اولان سوزجوکلره دونوخدو. سونرا سوموک بارماغینین اوجو ایله بئله یازدی:" بورادا "ژاک الیوان" باسدیریلیب. او اللی‌بیر یاشیندا اؤلوب. او رحمسیزلیک‌له آتاسی‌نین اؤلومونو قاباغا سالدی، چون کی اونون مالینی ارث آپارماغی آرزولاییردی. او خانیمینی اینجیتدی، اوشاقلارینی سینسیتدی، قونشولارینی آلداتدی، الیندن گلندن اوغرولادی و موطلق بدبختلیکده اؤلدو".
یازماغی قورتاراندان سونرا، یازیسینا باخدی. من دؤندوکده بوتون قبیرلری آچیق گؤردوم، بوتون اؤلولر قبیرلردن چیخمیشدیلار، هامیسی قبیرداشیلارینین یازیسینی سیلیب، یئرینه حقیقتی یازمیشدیلار. اونلاری بوتون پیس نیت، فیریلداقچی، جیغال، ریاکار، یالانچی و آلچاق گؤردوم. هامیسی اوغرو، آلدادیجی، قونشو اینجیدن و هر بیر اوتاندیریجی و زهله آپاران ایشلر گؤرموشدولر. او یالاندان یاخشی آتا، وفالی قادین، مهربان بالا، دوزگون تاجیر آدلانانلار، هامیسی حقیقتی یازیردیلار، اونلار اینسانلارین خبری اولمایان قورخولو و قوتسال حقیقتی یازیردیلار.
اؤز- اؤزومه، بلکه او دا قبیرداشینا بیر شئی یازیب دئدیم، بو دفعه قورخوسوز اونا طرف قاچدیم. اوزونو گؤرمه‌دن اونو تانیدیم. "او سئویردی، سئویلدی و اؤلدو" یئرینه بو جمله‌لری اوخودوم: " او بیر یاغیشلی گونده، سئوگیلیسینه خیانت قصد ایله ائودن چیخدی، ستلجم اولدو و اؤلدو".
صوبح آداملار منی اونون قبرینین کناریندا باییلمیش(بیهوش) تاپدیلار.
/channel/Adabiyyatsevanlar
آشاغیدا، ائیوانین آلتیندا سئرئنادا چالینیر، قارا راهیب قولاغینا اونون داهی اولدوغونو و یالنیز ضعیف انسان جیسمی‌نین اؤز تارازلیغینی ایتیردییی، آرتیق دوهانین قابیغی خدمتینی یئرینه یئتیره بیلمه‌دییی سببدن اؤلدویونو پیچیلداییردی...
واروارا نیکولایئونا یوخودان اویانیب آراکسمه‌نین آرخاسیندان چیخاندا کوورین آرتیق جانینی تاپشیرمیشدی... اوزونده سعادت دولو خوشبخت بیر تبسّم دونوب قالمیشدی.
1884
ترجمه: آفاق مسعود
[8] پراووسلاولاردا روحانی روتبسی اولمایان کیلسه خادیمی
[9] پراووسلاو و کاتولیک آیین‌لرینده بوخور یاندیریلان قاب
/channel/Adabiyyatsevanlar
اونلار سئواستوپولا آخشام اوستو چاتدیلار و سحر تئزدن یالتایا یولا دوشمزدن اوّل بیر قدر دینجلمکدن اؤترو مئهمان‌خانایا یئرلشدیلر. یول هر ایکی‌سینی یورموشدو. واروارا نیکولایئونا بیر نئچه فینجان چای ایچیب یاتاغینا گیردی و تئزلیکله یوخویا گئتدی.
کوورین اوزانمادی. هله ائوده ایکن واغزالا گئتمزدن بیر ساعت اوّل او، تانیادان مکتوب آلمیشدی. آمّا ظرفی آچماغا اورک ائله‌مه‌میشدی و ایندی او مکتوب یان جیبینده ایدی. اونو یادینا سالدیقجا ایچیندن خوشاگلمز گیزیلتی‌لر کئچیردی. ایندی او، تانیایلا ائولی‌لییینی قلبینین بوتون درینلییی ایله سحو حساب ائدیر، اونونلا بیر یوللوق اوزولوشدویوندن راحتلیق دویوردو. واختین آخاری‌یلا جانلی مئییته چئوریلمیش، عاغیللی ساییق گؤزلریندن ساوایی سانکی بوتون ووجودو اؤلموش بو قادینلا باغلی ان کیچیک خاطره بئله، کوورینده اؤزونه قارشی آجیماق حسّیندن باشقا هئچ نه اویاتمیردی. ظرفین اوزه‌رینده‌کی یازی اونا ایکی ایل اوّل نئجه عدالتسیز و قدّار اولدوغونو، روحی تارازسیزلیق‌لاری‌نین سیخینتی‌لاری‌نین، تنهالیغی‌نین، حیاتدان ناراضیلیغی‌نین حئیفینی بو گوناهسیز اینسانلاردان نئجه آلدیغینی خاطرلاتدی. بو یازی اونا هم ده –نئجه بیر دفعه اؤز دیسسئرتاسییاسینی، خستلیک دؤورونده یازدیغی بوتون مقاله‌لرینی تیکه-پارا ائدیب پنجره دن چؤله آتدیغینی، کوله‌یین هاوایا سوووردوغو کاغیذ پارچالاری‌نین نئجه آغاجلارین بوداقلارینا، چیچکلره ایلیشیب قالدیغینی، اونلاری سئیر ائتدیکجه نئجه یازدیغی هر سطرده هئچ نه‌یه اساسلانمایان قریبه، جفنگ ادعالارینی، یونگول و یئرسیز ؤوقونو، اؤزوندن راضی بدگمان‌لیغینی گؤردویونو و بوتون بونلارین اؤز قوصورلاری‌نین تصویری‌نین مطالعه‌سی تأثّراتینی یاراتدیغینی، سونونجو دفتر جیریلیب پنجره‌دن آتیلاندان سونرا نهدنسه، بیردن-بیره آجی بیر کدر دویدوغونو و آروادی‌نین یانینا گئدیب، اونا بیر خیلی آغیر سؤزلر دئدییینی خاطیرلاتدی... اونا نه ظولملر ائدیردی ایلاهی! بیر دفعه اونو اینجیتمک، اوره‌یینی قیرماق مقصدیله –واختیله آتاسی‌نین اونلارین ائولی‌لییینده اوغورسوز بیر رول اوینادیغینی، یعنی اوندان قیزی ایله ائولنمه‌یی خواهش ائتدییینی دئیرکن صحبته تصادفاً قولاق موسافری اولموش یئقور سئمیون‌ایچ هولناک حالدا اوتاغا داخل اولموشدو، عصبی‌لیکدن دانیشا بیلمه‌دن یئرینده وورنوخماغا و قریبه بؤیورتو سسلری چیخارماغت باشلامیشدی... آتاسینی بو حالدا گؤرن تانیا دهشت ایچینده چیغیراراق هوشونو ایتیرمیشدی. بیر سؤزله فاجعه...
بوتون بونلاری او، مکتوبون اوزه‌رینده‌کی تانیش خطته باخدیقجا خاطرلاییر اوره‌یی پیس-پیس سیخیلیردی.
کوورین ائیوانا چیخدی. هاوا خوش و ملایم ایدی. دنیز عطری گلیردی. اسرارانگیز لیمان آیین و ساحل ایشیقلاری‌نین رنگینه بویانمیشدی... بو ائله بیر رنگ چالاری ایدی کی، اونا آد بئله وئرمک ممکن دییلدی–گؤی رنگله یاشیلین ظریف، حلیم قاریشیغیندان یارانمیش اسرارانگیز بیر چالار... سو بعضی یئرلرده گؤی کوپوروس رنگینه چالیر بعضی حیصّه‌‌لرده ایسه لیمانین سانکی سو عوضینه آی ایشیغییلا دولدوغو تأثّراتینی یارادیردی... بوتؤولوکده ایسه اعجازکار رنگلر آهنگی، دینج ساکت‌لیک عالی حضور...
ائیوانین آلتیندا آشاغی مرتبه‌ده دئیه‌سن پنجره‌لر آچیق ایدی. قادینلارین دانیشیغی و گولوش سسلری آیدین ائشیدیلیردی. گؤرونور، مجلس واردی.
کوورین توپارلانیب مکتوبو آچدی و اوتاغینا کئچیب اوخوماغا باشلادی:
"ایندیجه منیم آتام اؤلدو. بونا گؤره من سنه بورجلویام." چونکی اونو سن اؤلدوردون. باغیمیز دا محو اولور. اورادا تامامی‌له یاد آداملار آغالیق ائدیر. آیری سؤزله دئسک، آتامین ان چوخ قورخدوغو باش وئریر. من بونا گؤره ده سنه بورجلویام."" سنه بوتون قلبیمله نفرت ائدیرم و تئزلیکله اؤلمه‌یینی آرزولاییرام. اوه، من نه قدر عذاب چکیرم! اوره‌ییمی دؤزولمز آغریلار یاندیریب-یاخیر... سنی گؤروم لعنته گله‌سن. من سنی غیری عادی اینسان، داهی سانمیشدیم. سنه عاشق اولموشدوم، سن ایسه دئمه، دلی.ایمیشسن.."
کوورین مکتوبون آردینی اوخویا بیلمه‌دی. اونو جیریب آتدی. ایچینی قورخویا بنزر قریبه بیر ناراحاتلیق ساردی واروارا نیکولایئونا آرا کسمه‌نین او بیری اوزونده یاتمیشدی. آراملا آلدیغی نفسی آیدین ائشیدیلیردی. آشاغی مرتبه‌دن ده سسلر گلیر، قادین گولوشلری ائشیدیلیردی... آمّا اونا نهدنسه ائله گلیردی کی، مهمان‌خانادا اؤزوندن ساوایی بیر کس یوخدو. درددن اوزولن زاواللی، بدبخت تانیانین مکتوبا کؤچوردویو لعنتدن، اونا اؤلوم آرزولاماسیندان اوره‌یی،سیخیلدی. گؤز اوجو ایکی ایل اوّل اونون و یاخینلاری‌نین حیاتینی آلت-اوست ائتمیش همین سیرلی قوّه‌نین ایندیجه ایچه‌ری گیریب اونو یئنیدن جنگینه آلاجاغیندان قورخموش حالدا قاپییا بویلاندی.
آسما کؤرپو ایله چایین او بیری ساحلینه کئچدی. اؤتن ایل چوودار زمیسی‌نین ییرغالاندیغی بو یئرده ایندی بیچیلمیش یولاف تایلاری سیرالانیردی. گونش آرتیق باتمیشدی. اوفوق صاباح هاوانین کولکلی اولاجاغیندان خبر وئرن آل قیرمیزی شفقلرله شعله‌لنمکده ایدی.
ساکیتلیک ایدی. کوورین اؤتن ایل قارا راهیبین ایلک دفعه گؤروندویو سمته باخا-باخا، آخشام شفقلری سؤنمه‌یه باشلایاناجان تخمیناً ایییرمی دقیقه دایانیب دوردو...
ائوه یورغون و پریشان دؤندو. آیین آرتیق باشا چاتمیشدی. یئقور سئمیون‌ایچ‌لا تانیا آرتیرمانین پیلله‌لری اوستده ایله شیب چای ایچیردیلر. اونلار نه حاقداسا دانیشیردیلار، آمّا کوورینی گؤره‌نده سوسدولار و او، هر ایکیسی‌نین باخیشلاریندان صؤحبتین اوندان گئتدییینی آنلادی.
–دئیه‌سن، سنین سود ایچمک واختیندیر. –تانیا ارینه دئدی.
–خئیر، واختی دئییل... –او، آرتیرمانین ان آشاغی پیلله‌سینه ایلشه-ایلشه دئدی. –اؤزون ایچ. من ایسته‌میرم.
تانیا تشویش ایچینده آتاسینا باخدی و گوناهکار سسله:
–آخی سن اؤزون ده حسّ ائدیرسن، سودون سنه نه قدر خئیری وار.
–هه، یامان چوخ خئیری وار! –کوورین عصبی بیر ریشخندله گولدو. –سیزی تبریک ائدیرم. جعمه گونوندن بو یانا چکیم بیر فونت دا آرتیب. –قفیلدن باشینی اللری آراسینا آلیب آجی قهرله دئدی: –آخی نییه، نییه سیز منی معالیجه ائتدینیز؟ بروملو پرئپاراتلار، ایستی وان‌لار، استراحت‌لر، نظارت، هر قورتوما هر آددیمینا گؤره مسکین قورخو... بوتون بونلار منیم آخیریما چیخاجاق. من دلی اولوردوم، داهی‌لیک ادعالاریم واردی، آمّا کئفیم کؤک ایدی، گومراه حتی خوشبخت ایدیم... من ماراقلی، فرقلی، حتی مخصوص ایدیم. ایندی درراکه‌لی و تمکینلی‌یم... هامی کیمی، یعنی هامیدان بیری‌یم من... سیراوی، اورتاباب بیر آداما چئوریلمیشم... و یاشاماق آرتیق منه داریخدیریجی گلیر... آه، سیز منی نه گونه قویدونوز؟ من حاللوسیناسییالار گؤروردوم، آمّا بو کیمه مانع اولوردو؟ سیزدن سوروشورام، کیمه مانع اولوردو؟
–نه دئدییینی هئچ اؤزون ده بیلمیرسن! –یئقور سئمیون‌ایچ دئییب، ایچینی چکدی. –آدام ائشیتمک بئله ایسته‌میر.
–ائشیتمه‌یین ده!
اطرافداکی اینسانلار، خصوصاً یئقور سئمیون‌ایچ آرتیق کوورینی قیجیقلاندیریردی... او قاییناتاسی‌نین سواللارینی سویوق، قورو، بعضا حتی کوبود ایفاده‌لرله جاوابلاندیریر، اونو کنایه و نفرت دولو باخیشلارلا سوزوردو. یئقور سئمیونی‌اچ کوره‌که‌نی‌نین بو مناسبتیندن پرت اولوب اؤزونو ایتیریر. اؤزونده هر هانسی بیر گوناه گؤرمه‌سه ده، گوناهکار حالدا اؤسکورمه‌یه باشلاییردی. اونلارین مهربان، صمیمی مناسبتلری‌نین بیردن-بیره نه‌دن بئله کورلانماسی‌نین سببینی آنلامایان تانیا آتاسینا قیسیلیب تشویشله گؤزلرینه باخیر، نه باش وئردییینی آنلاماغا چالیشسا دا، هئچ نه باشا دوشه بیلمیردی. اونا آیدین اولان بیر بو ایدی کی، آتاسی‌یلا اری آراسیندا مناسبتلر گوندن-گونه داها دا کورلانیر؛ آتاسی سون واختلار خئیلی قوجالیب، اری ایسه اتی آجی، عصبی، دئیین‌گن و ماراقسیز بیر آداما چئوریلیب.
تانیا آرتیق نه گوله بیلیردی نه ماهنی اوخویا بیلیردی؛ ناهار واختی الینی یئمه‌یه اوزاتمیر، گئجه‌لر یاتمیر، آن‌با آن دهشتلی نَیینسه باش وئره‌جه‌یی‌نین نیگارانلیغیندان او قدر اوزولوب الدن دوشوردو کی، بیر دفعه هوشونو ایتیریب یاتاق اوتاغیندا قالمیش و آخشاماجان اؤزونه گله بیلمه‌میشدی. ائوده کئچیریلن آیین زامانی تانیایا ائله گلمیشدی کی، آتاسی آغلاییر و ایندی، اوچلوکده آرتیرمادا اوتورارکن هارادانسا یادینا دوشن بو منظره‌نی بئینیندن قووماغا، بو بارده دوشونمه‌مه‌یه چالیشیردی.
– بودا و محمّد یا شئکسپیر نه قدر خوشبختدیرلر کی، خئییرخواه قوهوملاری و حکیملر اونلاری ایلهامدان اِکستازی‌دان معالجه ائتمه‌ییبلر –کوورین دئدی. –اگر محمّد ده عصب ساکیتله‌شدیریجی بروملو کالیوم قبول ائدیب، سوتکادا جمعی ایکی ساعت ایشله‌سه‌یدی و بول-بول سود ایچسه‌یدی، او گؤزل اینساندان نه قالاردی بیلمیرم. خئییرخواه قوهوملار و حکیملر ایشی او یئره گتیریب چیخاراجاق کی، بشریّت کوت قویون سوروسونه چئوریله‌جک، سیراوی‌لیک داهی‌لیک حساب ائدیله‌جک سیویلیزاسییا دا بئلجه محو اولوب گئده‌جک. بیلسه‌یدینیز سیزه نئجه مینّت‌دارام! –کوورین آجی ریشخندله دئدی، سینیرلری‌نین آشیری گرگینلییینی دویوب، آرتیق-اسکیک دانیشماسین دئیه آیاغا قالخدی و ایچه‌ری کئچدی.
ائوده ساکیتلیک ایدی... آچیق پنجره‌دن ایچه‌ری توتون و یالاپا قوخوسو دولوردو. آیین ایشیغی یاشیمتیل رنگلرله نهنگ قارانلیق زالین دؤشه‌مه‌سینه رویالین اوستونه یاییلمیشدی. کوورین یالاپانین عینی‌له بو جور قوخودوغو و پنجره‌لردن آی ایشیغی‌نین عینی‌له بو جور سوزولدویو همین او حئیرت و ایلهام دولو اؤتن ایلی خاطیرلادی.
«آنتوان چخوف»
#قارا راهیب
«سیرّلی تشریف»
کوچورن:« ویدا حشمتی»
حاضیرلایان:«ادبیات سئونلر»
اوچونجو بولوم
–آخی نییه؟ –راهیب تعجبله‌ندی –مگر سئوینج فوق‌الطبیعی حیسّدیر؟ مگر سئوینج اینسانین طبیعی حالی اولا بیلمز؟ اینسان عقلی و معنوی اینکیشاف سويّه‌سی ایله نه قدر یوکسک و آزاددیرسا، حیات بیر او قدر اونا بؤیوک ذوق وئریر. سقراط، دیوگئن، مارک آورئلی دایم سئوینج دویوبلار، کدر یوخ. بونو حوارییونلار دا دئییر: "هر زامان سئوینین". سن ده سئوین و خوشبخت اول.
–بیردن تانریلار غضبله‌نرسه؟ –کوورین زارافاتلا دئدی و گولدو. –اگر اونلار بوتون راحتلیغیمی الیمدن آلارلارسا و منی سویوقدان دونماغا، آجلیق چکمه‌یه وادار ائدرلرسه، اوندا نئجه اولسون؟... بو آرادا تانیا یوخودان اویانمیشدی، حئیرت و دهشت دولو باخیشلارلا ارینه باخیردی…
اری اوزونو کرئسلویا توتوب ال-قول آتا-آتا دانیشیر گولور، گؤزلری پاریلداییردی... اونون گولوشونده ده قریبه نه ایسه واردی.
–آندریوشا، سن کیمینله دانیشیرسان؟ –تانیا اری‌نین راهیبه ساری اوزانان الیندن توتدو. آندریوشا! --
بویازینین آردینی ادبیات سئونلر کانالیندا اوخویون.
/channel/Adabiyyatsevanlar
من و آنا ديليم
«هاشم ترلان»
گئجه لريم گوندوزه جالانديقجا تالانديم،
سكسن ايلليك بير عومرون اوجاغيندا قالانديم .
ساحيلده يم يول اوسته، لپه لريم هوجومدا،
دايانميشام داغ كيمي حئيران قاليب هوجوم دا
تكلنميشم سئيرليب همياشلاريم اجلدن،
كؤورلميشم باخ بودور افكاريمي گيجلدن.
ياشيم اوسته ياش گليب قالانسادا غميم كم،
هله وارام داليمجا سوروندوكجه بو كؤلگم.
بو گليملي – گئديملي دونياميزدا نه واركي،
نسيللر گليب گئدير ، نه آخيري، نه ايلكي.
سن عومرونو ياشينلا اؤلچوب – بيچمه آماندير،
گنج ياشيمدا قوجالديم، سؤيلميين گوماندير.
سارماشيقلار داياقسيز بوي آتسادا، اوجالماز،
گنجلييي قوجاليقدا آختارانلار قوجالماز.
اؤز بختيني دونيادا آختاران كيم، تاپان كيم،
اوجاغينين ساجيندا چؤره ييني ياپان كيم.
ديوارا سؤيكنمه يي اونوت، اولما اركويون!
يوخسا آچيلماز اينان يوماغيندا كور دويون.
دالغالاري سارسيدان قايالارا اول امين،
اياملا آدديملاسان جاوانلاشار گؤركمين.
من ترلانام بير عؤمرون زيروه سينده قوجالديم،
قاناديما گوونديم، زمانه دن باج آلديم.
قارقالارين قوندوغو بوداقلارا خار دئديم،
دورنالارين تئلينده آرزولاريم وار دئديم.
باشيندا تاج گزديرن فيرعونلارا آق اولدوم،
ياغيشيندان چيخماميش، ياغموروندا بوغولدوم.
قابار چالان ديليمه وطن دئديم، يول دئديم،
هر دؤورانين اوولي، آخيري وار- بيل دئديم.
فلكدنمي گؤروم من طالئعيمين رنگيني،
ندير حوكمو دانماغين بير ديلين آهنگيني؟
يوخ! فلكدن دئييل بو، فيرلانسادا ترسينه،
دامغالانديق توش اولدوق دار گوزلرين ايرثينه.
منيم ديليم شوخ ديليم، شعيري دوزلو، سوزو تر،
فوضولي نين حيكمتي شاهنامه ني تيتره در.
اوز ديليمدير عرشده اولدوزلاري دينديرن،
دار گوزلري حسادت يهريندن ائنديرن.
ديليميزين طالئعين اويونجاقمي سانيرسان؟
اؤزونون ناحاقلايغين منه حاقمي سانيرسان؟
اي منه منليييمدن ياخين اولان حال ديليم،
بير گون گلر آخارسان دوداقلاردان بال ديليم
/channel/Adabiyyatsevanlar
اوستاد «بهزاد بهزادی» ادبیات سئونلر گوزگو سونده
زمان: دوشنبه1401/12/8
ساعات: 21
دانیشانلار
«رحیم رئیس نیا»
«محمدرضا کریمی باغبان»
«علیرضا صرافی»
دوکتور:«ارشد نظری»
«ائلدارموغانلی»
آپاریجی:«کریم قربانزاده»
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(2)
1401/11/30
علی آغ گونئیلی‌نین دانیشیغی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(2)
1401/11/30
حسین ریاضی‌نین دانیشیغی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(20)
1401/11/30
اوستاد چنگیز مهدی‌پورون ایفاسی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
گل گوروشک سئوگیلیم
حسن ریاضی ادبیات سئونلر گوزگوسونده(18)
1401/11/30
اوستاد مجدفرین دانیشیغی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
سایین کانالداشلار
لوطفن دیرلی نظرلرینیزله، خصوصیله تنقید لرینیزله بیزه یاردیم اولون.
اوره‌یینی انگین سما عمانینا وئلله‌یه‌سن،
بیر ابدی سحر‌کیمی
گوندوزلره قوشولاسان،
آغ گونلرده
انسانلیغین آرزو‌لاری ایشیق ساچا،
انسان اوغلو گونش دئیه سما‌لارا قاناد آچا.
آچیل سحر! آچیل سحر!
بو تورپاغا ساچیل سحر!
۱۳۶۴ – کرج
*: بهمن آیی‌نین ۳۰نجی آخشامی حسن ریاضی ایلدیریمین آد گونو موناسیبتله «ادبیات سئونلر گروهو»، «آذری مجله‌سی»، «ساهر ادبی مدنی درنه‌یی» و «ایشیق سایتی» اورتاقلیغی ایله تشکیل ائدیلن اینترنتی عزیزلمه تدبیرینده دانیشیلیب.
قایناق: ایشیق سایتی
/channel/Adabiyyatsevanlar
«ائلدار موغانلی»
«حسن ایلدیریم»؛ زحمتکش ادبیاتچی، یورولماز تدقیقاتچی و ایناملی بیر یارادیجی شاعر
(اونودولماز اجتماعی مدنی شخصیت «حسن ایلدیریم»ین عزیزلمه تدبیرینده‌کی دانیشیغین متنی*)
هر سؤزدن اول «ساغ اولون!» دئییرم بو تدبیری تشکیل ائده‌ن حؤرمتلی و عزیز دوستلاریما. یورولمایین کی بو تدبیر واسطه‌سیله بیر داهادا سئویملی شاعریمیز و اونودولماز اجتماعی مدنی شخصیتیمیز دوکتور ریاضی حسن ایلدیریمین خاطیره‌سینی عزیزله‌ییرسیز.
من امینم باشقا دوستلار و اوستادلاریمیز حسن ایلدیریم حاقیندا اطرافلی دانیشاجاق و حسن ایلدیریم ادبی اجتماعی شخصیتی‌نین، ژورنالیسم فعالیتی‌نین و یارادیجی بیر ادبی شخصیت اولدوغونون مختلف قاتلارینی آچیب، اونلارا دایر اؤز باخیشلارینی و اوره‌ک سؤزلرینی سؤیله‌یه‌جک‌لر. من تکرارچیلیغا یول وئرمه‌ییم دئیه، بو قیسا دانیشیغیمدا حسن ایلدیریم‌لا کئچیرتدیییم اوزون ایللر یولداشلیغیمدا اونون شخصیتینده گؤزومه چارپان بیر ایکی خاصیتیندن دانیشاجاغام:
حسن ایلدیریم زحمتکش بیر ادبیاتچی ایدی؛
یورولماز بیر تدقیقاتچی ایدی
و ایناملی بیر یارادیجی شاعر ایدی.
۱. قیرخ ایلدن آرتیق بیر یولداشلیق اعتباریله دئیه بیلرم کی من حسن ایلدیریمی هئچ واخت ایشسیز گؤرمه‌دیم. ایشسیز دئدیکده ادبیات ایشچیلییی نظریمده‌دی. حسن ایلدیریم سانکی آذربایجان و اؤلکه مقیاسیندا اوزهرینه دوشن مسئولیتی بوتون وارلیغی‌لا حیاتی‌نین سونونا قده‌ر داشیماغا سؤز وئرمیشدی. انقلابین طوفانلی ایللرینده یاخینلاری‌نین و او ایللر دوستلاری‌نین دئدیکلرینه گؤره، گئجه – گوندوز تانیمادان دینجلییی اولماییب، بوتون گوجونو اجتماعی ادبی فعالیته حصر ائدیبدیر. دوستلاری آراسیندا اجتماعی سیاسی باخیمیندان فیکیر صاحیبی، معین دوشونجه تمثیلچیسی کیمی تانینماغینا رغما، بیر آن دا اولسون ادبیاتدان ال چکمه‌ییب. او ادبیاتی سئویب و اونو انسان معنویاتی‌نین گؤزللشمه‌سینه انکار ائدیلمز تاثیر قویان عامیل کیمی دیرلندیریبدیر.
انقلابین ایلکین ایل‌لری تهرانین ادبی اجتماعی محیطی حسن ایلدیریمین جولانگاهی‌دیر دئسک، اغراق ائتمه‌میشیک. ایکی اوچ ایل اول همن درنک‌لر و مطبوعات اورگانلاری سوسغونلوغا اوغراییر. آنجاق، حسن ایلدیریم یئنه ده آراییب، آختاریر و ائله بو ایل‌لردیر کی تبریز ادبی محیطینده اؤز ادبی نسلینه منسوب بیر گروپ گنج شاعرلرله تانیش اولور. بو تانیشلیق اوزون ایللر بویو گئنیش بیر ادبی امکداشلیغا گتیریب چیخاریر اونو. طبیعی کی بو ایللر اونون یورولمازجاسینا چالیشماسی همن تبریز ادبی محیطی واسطه‌سیله اوستاد یحیی شیدانین نشر ائتدیگی «فروغ آزادی» روزنامه‌سی‌نین «آذری صحیفه‌سی»نده اولوردو. او تهراندا سوسغونلوغا اوغرایان آذربایجان ادبی درنک‌لرین عضولری‌نین اثرلرینی آردیجیل صورتده توپلاییر، تبریزه گؤندریر و همن روزنامه ده نشر ائتدیریر. او تکجه بو ایش‌له کیفایتلنمیر, یازیر، یارادیر، اوخویور، اؤیره‌نیر و بیلییینی و قوروجولوق قابلیتینی ادبی مدنی درنک‌لرین حیاتا کئچمه‌سینه صرف ائدیر. تهران و تبریز ادبی محیط‌لری آراسیندا کؤرپو یاراتماغا جان آتیر؛ دوستلاری‌لا برابر اورتاق ادبی اجتماعی برنامه‌لرین حیاتا کئچمه‌سینده الیندن گلنی اسیرگه‌میر. بوتون بو ایش‌لری ائله بیر شراییطده گؤرور کی، اؤلکه‌یه حاکیم محاربه آتموسفری حیاتین بوتون قاتلارینی اؤز تاثیری آلتینا آلیب و گؤروله‌جک هر بیر اجتماعی ادبی فعالیت بو آتموسفرین آغیر کؤلگه‌سی آلتیندا نفس آلماغا مجبوردور. بوندان علاوه اونون شخصی حیاتیندا و معیشت طرزینده ده معین شراییط حاکیمدیر. اؤزو هم طب اینستیتوتونون طلبه‌سی و هم گئنیش بیر عائله باشچیسی‌دی.
بیز همن ایللر اونونلا یاخین امکداشلیقدا، حسن ایلدیریمین ادبیاتیمیزین انکشافی و چیچکلنمه‌سی اوغروندا یورولمادان چکدییی امه‌یین و زحمت‌لرین جانلی شاهیدی اولموشوق.
۲. حسن ایلدیریم یورولماز بیر ادبیات تدقیقچی اولوب. هله عالی تحصیللی اولدوغو بیر یانا قالسین، من جراتله دئیه بیلرم کی او اؤز همیاشید و منسوب اولدوغو ادبی نسل ایچینده ان ساوادلی انسانلاردان ایدی. چوخ گئنیش ادبی اجتماعی معلوماتی اولان حسن ایلدیریم، دونیا ادبیاتینی، ادبی تنقیدی، ادبیات نظریه‌لرین، فارس ادبیاتینی، آذربایجان و تورک ادبیات تاریخینی چوخ یاخشی و دریندن بیلن و اونلاری ادبیات تدقیقاتلاریندا مسئولیت‌له منیمسه‌ین شخصیت‌لریمیزدن ایدی. اونون بیر گونونو مطالعه‌سیز، تدقیقسیز گؤرمه‌دیم من. اوزون ایللر ناظیم حکمت‌ین حیات و یارادیجیلیغی ایله مشغول ایدی. من دئیه بیلرم، بلکه تورک ادبی جمعیتینده ده آز آداملار واردیر کی ناظیمی حسن ایلدیریم کیمی اطرافلی و درین تانیسین. بو گئنیش معلوماتی تکجه ناظیم حاقیندا یوخ، دونیانین بوتون نهنگ ادبیاتچیلاری باره‌سینده ده الده ائدیب منیمسه‌میشدی.
بیر خولیایدی می؟!
✍یازان:«گی_دو_موپاسان»
تورکجه چئویرن:«سحرخیاوی»
اونو دلیجه سئویردیم. دونَن پاریسدن قاییتدیم، اورتاق اوتاقیمیز، تختیمیز، اثاثیمیز منه اونو خاطیرلادیردی. ائله کدرلی ایدیم پنجره‌نی آچیب اؤزومو خیاوانا آتماق ایسته‌ییردیم، بیر زامان اونو احاطه‌له‌ین دیوارلار آراسیندا قالماغا گوجوم یوخ ایدی.
او دیوارلاردا اونون مین‌لر ذرّه دَریسی، نفسی وار ایدی.
بؤرکومو گؤتوروب ائشیگه چیخماق ایسته‌دیم، هالین بؤیوک آیناسینین کناریندان کئچدیم، او، آینادا هر گون اؤزونو یُوخلاییردی، باش آیاغینی، چکمه‌لرینی، بؤرکونو...
بیرآز اونون شکیلی او قَدَر دوشدوگو آینانین قاباغیندا دایاندیم، آیاق اوسته تیتره‌ییردیم. او صاف، درین و بُوش شوشه‌یه دونوخموشدوم. آینایا وورولدوغومو دوشونوردوم. آینایا اَل چکدیم، سویوق ایدی. غملی و قورخولو آینا منه عذاب چکدیریردی. دوغرودان اونوتقانلیق بویوک نعمت دیر، کئشکه اونودا بیلسه‌یدیم.
ایسته‌مزدن قبریستانا گئتدیم. ساده قبرینی تاپدیم. آغ مرمر داشین اوستونده بو نئچه کلمه یازیلمیشدی:"
بویازینین آردینی ادبیات سئونلر کانالیندا اوخویون.
/channel/Adabiyyatsevanlar
اوزون ایللرین تجربه‌سیندن یاخشی بیلیردی کی، سینیرلر یئریندن اوینادیسا، ان یاخشی ساکیت‌لشدیریجی واسطه –ایشله‌مکدیر. اودور کی، تجیلی یازی ماساسی‌نین آرخاسینا کئچمه‌لی و بوتون قوّسی‌له دقتینی هر هانسی بیر فکرین اوزه‌رینده جمعله‌مه‌یه چالیشمالی‌دیر.
قیرمیزی پورتفئلیندن کریمادا قالارکن بِکارلیقدان داریخماسین دئیه، هر احتمالا قارشی، گؤتوردویو چوخ دا بؤیوک اولمایان کومپیلیاتیو بیر ایشین کونسپئکتی توتولموش دفتری چیخاردی. ماسانین آرخاسینا ایله‌شیب کونسپئکت‌له مشغول اولماغا باشلادی و ایشله‌دیکجه اونا ائله گلدی کی، تدریجاً یئنه اوّلکی دینج، راحت و قایغی‌سیز حالینا قاییدیر. لاکین چوخ کئچمه‌دی کی، کونسپئکت توتولموش دفتر اونو دونیانین فانی‌لییی ایله باغلی فیکیرلره آپاریب چیخاردی. حیاتین اینسانا وئردییی ان،خیردا کیفایت قدر عادی نعمتلره گؤره اوندان نه بویدا عوض چیخدیغینی دوشوندو... ،مثلا قیرخ یاشیندا محاضره اوخوماق، سیراوی پروفسور اولماق، آغیر نظری دیلده عادی اوسته‌لیک باشقالاری‌نین ماراقسیز و داریخدیریجی فکرلرینی سؤیله‌مک بیر سؤزله، اورتا باب عالیم موقعی قازانماقدان اؤترو اونا –کوورینه اون بئش ایل اوخوماق، گئجه-گوندوز چالیشماق آغیر پسیخی خسته‌لیک کئچیرمک، اوغورسوز نیکاحین آجیلارینی یاشاماق و ایندی یادینا سالماق بئله ایستمه‌دییی نه قدر آخماقلیقلار و حاقسیزلیقلار ائتمک لازیم گلمیشدی... کوورین ایندی آیدین درک ائدیردی کی، او، سیرادان بیر آدام، یعنی عادی اورتا باب‌لیقدیر... و بو فیکیرله او سببدن آسانلیقلا راضیلاشیردی کی، قناعتینجه هر بیر اینسان اونا وئریلن‌له قانع اولمالیدیر.
کونسپئکت گئتدیکجه اونو ساکیتلشدیریرسه ده، دؤشه‌مه‌ده آغاران مکتوب پارچالاری فیکرینی بیر یئره توپلاماغا امکان وئرمیردی.
ماسانین آرخاسیندان قالخدی. مکتوبون پارچالارینی یئردن ییغیب پنجره‌دن چؤله آتدی. آمّا دنیز طرفدن یونگول مئح اسدی و کاغیذ پارچالاری پنجره‌نین محجرینه سپیلدی.
اونو یئنه قورخویا بنزر، آنلاشیلماز ناراحاتلیق حسّی ساردی و یئنه اونا ائله گلدی کی، مهمان‌خانادا اؤزوندن ساوایی بیر کس یوخدو…
ائیوانا چیخدی.
لیمان سایسیز-حسابسیز ماوی، گؤی، فیروزه‌یی و آلوو رنگلی گؤزلری ایله جانلی کیمی اونا باخیردی. سانکی اونو قوینونا چاغیریردی. هاوا دا، اصلینده ایستی و بورکولو ایدی. سویا باش وورماق پیس اولمازدی.
بو مقام قفیلدن آلت مرتبه‌ده چالینان سکریپکانین و رومانس اوخوماغا باشلایان ایکی ملاحتلی قادین سسی ائشیدیلدی. نه ایسه تانیش موتیو ایدی... آشاغی مرتبه‌ده اوخونان رومانس گئجه‌لر باغدا سیرلی سسلر ائشیدن و بونون عادی، اؤلوملو اینسانلارین درک ائتمک اقتداریندا اولمادیغی مقدّس هارمونی اولدوغونو اعتراف ائدن خسته تخيّوللو بیر قیزدان بحث ائدیردی…
کوورینین نفسی توتولدو... اوره‌یی ازیلدی و سینه‌سینده نه واختسا چوخدان اونوتدوغو غیر عادی شیرین بیر شوقون تیتره‌ییشینی حسّ ائتدی. لیمانین قارشی ساحلینده چووغونا، قاسیرغایا بنزر قارا، هوندور سوتون گؤروندو. او، لیمانین ایچی ایله دهشتلی بیر سرعتله مهمان‌خانایا ساری ایره‌لیله‌دیکجه گئت-گئده کیچیلیردی...
کوورین اونا یول وئرمکدن اؤترو اؤزونو کنارا آتماغا گوجله ماجال تاپدی…
آغ‌ساچلی قاراقاشلی، باشی‌آچیق، آیاغی‌یالین راهیب قوللاری سینه‌سینده چارپازلانمیش وضعيّتده اونون یانیندان اؤتوب اوتاغین اورتاسیندا دایاندی.
–آخی نییه سن منه اینانمادین؟ –قطعیّتلی سسله دئدی و نوازیش دولو گؤزلرله کوورینه باخدی. –اگر او واخت "سن داهی‌سن" دئینده منه اینانسایدین بو سون ایکی ایلینی بو قدر کدرله، بئله مسکین کئچیرمزدین.
کوورین آرتیق الله طرفیندن سئچیلمیش و داهی اولدوغونا اینانیردی... او درحال قارا راهیبله صحبتلرینی خاطرلاییب دانیشماق ایسته‌دی، لاکین بوغازیندان آچیلان قان آخیب سینه‌سینه یاییلدی... نئیله‌یه‌جه‌یینی بیلمه‌دن، اللری ایله سینه‌سینی تومارلادی و قولچاقلاری قاندان ایسلاندی... آرا کسمه‌نین او بیری اوزونده یاتان واروارا نیکولایئونانی چاغیرماق ایسته‌دی، وار گوجونو توپلادی و:
–تانیا... –دئدی.
یئره ییخیلدی، اللری اوسته دیکلیب یئنه:
–تانیا! –چاغیردی.
او، تانیانی چاغیریردی... –لچکلری تر شئحلی گول-چیچک دولو گئنیش باغ-باغچانی، کؤکو توکلو شام آغاجلاری‌نین سیرالاندیغی پارکی، چوودار زمیسی‌نی، اؤز معجزه‌وی علمینی، گنجلییینی، جسارتینی، سئوینجینی... – گؤزل حیاتی چاغیریردی... دؤشه‌مه‌ده اوزونون یانیندا ییغیلان قان گؤلمه‌چه‌سینه باخیر، آرتیق طاقتسیزلیکدن بیرجه سؤز بئله دئیه بیلمیر... لاکین ایضاح اولونماز حدودسوز بیر سعادت بوتون ووجودونو ساریردی...
اؤتن ایلکی آب-هاوانی گئرییه قایتارماقدان اؤترو اؤزونو جلد کابینئتینه سالیب، توند بیر سیقار یاندیردی و لاکئیه چاخیر گتیرمه‌سینی بویوردو. آمّا سیقاردان آغزیندا خوشاگلمز آجیلیق حسّ ائتدی، چاخیر دا اؤتن ایلکی دادی وئرمه‌دی. یادیرغاماق دئییلن بودور دئمه‌لی! سیقاردان و ایکی قورتوم چاخیردان باشی هرلندی. اورک دؤیونمه‌سی باشلادی، اودور کی، بروملو کالیوم قبول ائتمه‌لی اولدو.
آخشام یاتمازدان اوّل تانیا:
–آتام سنی حدسیز چوخ ایسته‌ییر. آمّا سن، نه‌یه گؤرسه اونا عصبیله‌شیرسن. بو ایسه اونو محو ائدیر. گؤرورسن نئجه قوجالیب؟ او، گون‌به‌گون یوخ، ساعت با ساعت قوجالیر. یالواریرام سنه ، آندریوشا الله خاطرینا مرحوم آتانین خاطرینا منیم دینجلیییم-راحتلیغیم خاطرینا اونونلا نوازیشله داوران!
–آلینمیر و ایسته میرم.
–نییه آخی؟ –تانیا بوتون ووجودو ایله تیترمه‌یه باشلادی. –ایضاح ائت منه نه‌یه؟
–چونکی اوندان خوشوم گلمیر والسالام. –کوورین سایمازیانا دئدی و چییینلرینی چکدی. –آمّا گل اونون حاقیندا دانیشمایاق، آخی او سنین آتاندیر.
–باشا دوشه بیلمیرم. آنلایا بیلمیرم. –تانیا گیجگاهلارینی سیخا-سیخا گؤزلرینی مجهول بیر نقطه‌‌یه زیلله‌دی –بیزیم ائوده نه ایسه ایضاح اولونماز دهشتلی بیر شئی باش وئریر. سن ديَیشمیسن، اؤزونه اوخشامیرسان… سن عاغیللی غیری عادی بیر اینسانسان. آمّا معناسیز، بوش شئیلردن قیجیقلانیب اؤزوندن چیخیرسان. هر ایشه قاریشیرسان…ائله اهميّتسیز خیردالیقلارا باش قوشورسان کی، آدام ساده‌جه معطل قالیر، اینانا بیلمیر کی بو سن‌سن یاخشی، یاخشی عصبی‌لشمه –تانیا دئدیکلریندن قورخوب، اری‌نین اللرینی اؤپه-اؤپه داوام ائله‌دی –سن عاغیللی، مهربان، نجیب اینسانسان و آتاما قارشی عدالتلی اولاجاقسان. آخی او، او قدر خیرخواه‌دیر.
–خیرخواه دییل سادجه اوره‌یی یومشاقدیر. سنین آتان کیمی توخ صیفتلی، حدسیز سخاوتلی دوز-چؤره‌کلی و بیر قدر قریبلیکلری اولان عمی‌لر، یعنی بدیعی اثرلرده، اوخودوغوم ائله حیاتدا دا راست گلدیییم گولمه‌لی وود ائویل قهرمانلاری بیر واختلار خوشوما گلیردی. منی ایله‌ندیریردی. آمّا ایندی اونلار منده یالنیز اکراه دوغورور. بو، تپه‌دن دیرناغاجان اؤزونو وورغونلوقدان یوغرولموش مسکین، خودبین‌لردیر. اونلارا قارشی ان قاتی اکراه حسّینی منده دوغوران ایسه بو آداملارین هارین توخلوغو و صیرف قابانا یاخود دونوزا مخصوص، سارسیلماز معده اوپتیمیزمی‌دیر.
تانیا یاتاغین اوستونه اوتوروب، باشینی بالیشین اوزهرینه قویدو.
–بو ایشگنجه‌دیر. –دئدی. اونون سسیندن حدسیز یورولدوغو دانیشماغا بئله چتینلیک چکدییی حسّ اولونوردو. –قیش گیره‌ندن بورا بیرجه دقیقه بئله راحتلیغیمیز اولمادی… بو، دهشتدی ایلاهی! من عذاب چکیرم…
–هه، البته! آخی من ایرودام، سن و سنین سئویملی آتان ایسه مظلوم مصر چاغالاری‌سینیز البته!
قفیلدن اونون اوزو تانیایا عئیبه‌جر گؤروندو. نیفرت و ریشخند دولو کینایه‌لی ایفاده اونا اصلا یاراشمیردی. او هله بیر مدت اوّل ده اری‌نین اوزونده نه‌یینسه چاتیشمادیغینی، باشی قیرخیلاندان سونرا ایفاده‌سی‌نین ديیشدییینی حسّ ائتمیشدی. اوره‌ییندن اونا آجی سؤزلر دئمک کئچدیسه ده، ایچینه چؤکموش اکراه حسّیندن چکینیب سوسدو و یاتاق اوتاغینی ترک ائتدی.
کوورینه مستقل کافئدرا وئرمیشدیلر. ایلک محاضره دئکابرین 2-نه تعیین اولونموشدو و بو بارده اونیوئرسیتئتین دهلیزینده اعلان دا آسیلمیشدی. لاکین همین گون او، طلبه‌‌لر اوزره موکّلینه تئلئقرام ووروب بیلدیردی کی، محاضره‌نی اوخویا بیلمیه‌جک. چونکی خسته‌له‌نیب.
اونون بوغازیندان قان گلیردی. نئچه واختدان بری ایدی کی، قان.توپوروردو. اولوردو کی، آیدا ایکی دفعه قان داها چوخ آخیردی و اوندا او، حدسیز ضعیفله‌ییر، سست دوشوردو. خسته‌لیک اونو او سببدن بیر او قدر قورخوتموردو کی، مرحوم آناسی‌نین بو خستلیکله دوز اون ایل بلکه، اوندان دا بیر آز آرتیق یاشادیغیندان خبری واردی. حکیملر ده تهلوکه‌‌لی بیر شئی اولمادیغینی دئییردیلر، اونا ساده‌جه هیجانلانماماغی ساغلام حیات طرزی کئچیرمه‌یی و ممکن قدر آز دانیشماغی مصلحت گؤروردولر.
یانواردا دا محاضره همین سببدن باش توتمادی. فئورالدا ایسه آرتیق کورسا باشلاماق گئج ایدی. اودور کی محاضره‌لری نؤوبتی ایله کئچیرمه‌لی اولدولار.
او داها تانیا ایله یوخ، باشقا بیریسی‌له –اونون قئیدینه قالان، اوشاق کیمی قوللوغوندا دوران، اؤزوندن ایکی یاش بؤیوک بیر قادینلا یاشاییردی. احوالی پیس دئییلدی. دئییلنلره عمل ائدیردی. واروارا نیکولایئونانین –قادینین آدی بئله ایدی– اونو کریما آپارماق تکلیفینه ده، هرچند کی، اوره‌یینه بو سفردن یاخشی بیر شئی چیخمایاجاغی دامسا دا، هوسله راضیلاشمیشدی.
«آنتوان چخوف»
#قارا راهیب
«سیرّلی تشریف»
کوچورن:« ویدا حشمتی»
حاضیرلایان:«ادبیات سئونلر»
اوچونجو. بولوم
–آخی نییه؟ –راهیب تعجبله‌ندی –مگر سئوینج فوق‌الطبیعی حیسّدیر؟ مگر سئوینج اینسانین طبیعی حالی اولا بیلمز؟ اینسان عقلی و معنوی اینکیشاف سويّه‌سی ایله نه قدر یوکسک و آزاددیرسا، حیات بیر او قدر اونا بؤیوک ذوق وئریر. سقراط، دیوگئن، مارک آورئلی دایم سئوینج دویوبلار، کدر یوخ. بونو حوارییونلار دا دئییر: "هر زامان سئوینین". سن ده سئوین و خوشبخت اول.
–بیردن تانریلار غضبله‌نرسه؟ –کوورین زارافاتلا دئدی و گولدو. –اگر اونلار بوتون راحتلیغیمی الیمدن آلارلارسا و منی سویوقدان دونماغا، آجلیق چکمه‌یه وادار ائدرلرسه، اوندا نئجه اولسون؟... بو آرادا تانیا یوخودان اویانمیشدی، حئیرت و دهشت دولو باخیشلارلا ارینه باخیردی…
اری اوزونو کرئسلویا توتوب ال-قول آتا-آتا دانیشیر گولور، گؤزلری پاریلداییردی... اونون گولوشونده ده قریبه نه ایسه واردی.
–آندریوشا، سن کیمینله دانیشیرسان؟ –تانیا اری‌نین راهیبه ساری اوزانان الیندن توتدو. آندریوشا! --کیمینله؟ نه کیمینله؟... –کوورین پرت حالدا دئدی و الی ایله قارا راهیبی گؤستردی. –اونونلا... بودو باخ! اوتوروب.
--بورادا هئچ کیم یوخدو... هئچ کیم! آندریوشا سن خسته‌له‌نیبسن.
تانیا ارینی قوجاقلاییب بؤیرونه قیسیلدی. اونو نهدنسه قورویورموش کیمی، الی ایله گؤزلرینی قاپادی:
–سن خسته‌سن... –دئییب بدنی تیتریه-تیتریه هؤنکوردو. –باغیشلا منی عزیزیم، آمّا من آرتیق چوخدان... حیسّ ائدیرم سنین روحون نهدنسه ناراحاتدی... سن.. پسیخی،چ خسته‌سن آندریوشا...
تانیانین هیجان دولو تلاشی اونا دا سرایت ائتدی. او بیر ده –بو دفعه آرتیق بوش کرئسلویا باخدی و بیردن-بیره قوللارینین آیاقلاری‌نین ضعیفله‌‌دییینی حسّ ائتدی... قورخدو و آیاغا قالخیب گئیینمه‌یه باشلادی.
–بوش شئیدی تانیا...ائله بیر شئی دئییل... –او تیتریه-تیتریه دوداغی‌نین آلتیندا میزیلداندی. –من اصلینده بیر آز ناسازام... بونو اعتراف ائتمه‌یین واختی چاتیب.
–من چوخداندی حسّ ائدیرم... بونو آتام دا دویوب... –تانیا هؤنکورتوسونو زورلا ساخلایاراق دانیشیردی. –سن اؤزون-اؤزونله دانیشیرسان، بیر جور قریبه تبسّومله گولومسه‌ییرسن... یاتمیرسان... –قفیلدن: –ایلاهی، آی الله، بیزه رحمین گلسین! –دئییب دهشت دولو گؤزلرله ارینه باخدی. –آمّا سن قورخما آندریوشا، قورخما... الله خاطیرینه قورخما...
تانیا دا گئیینمه‌یه باشلادی. کوورین یالنیز ایندی، تانیایا باخدیقجا وضعيّتین جدّی‌لییینی آنلادی... قارا راهیبله صحبتلرین نه دئمک اولدوغونو باشا دوشدو. ایندی اؤزونه ده آیدین اولدو کی، او دلی‌دیر.
بئله‌جه، هر ایکیسی گئیینیب اوتاقدان چیخدیلار. تانیا ایره‌لی‌ده او، قادینین آرخاسینجا زالا کئچدیلر. اونلارین ائوینده گئجله‌ین و تانیانین هؤنکورتوسونه یوخودان اویانان یئقور سئمیون‌ایچ اینینده خالات، الینده شام، زالین اورتاسیندا دایانمیشدی.
– سن قورخما آندریوشا! قورخما... –تانیا اوشودن تک اسه-اسه دانیشیردی. –آتا هر شئی کئچیب، گئده‌جک... کئچیب، گئده‌جک...
کوورین هیجاندان دانیشا بیلمیردی، قاییناتاسینا زارافاتیانا: –"تبریک ائدین دئیه‌سن من دلی اولموشام" – دئمک ایسته‌دیسه ده، یالنیز دوداقلارینی ترپه‌دیب آجی بیر تبسّومله گولومسونه بیلدی.
سحر ساعت دوققوزدا اونون اینینه پالتو و کورک گئیدیریب، اوستوندن شالا بورویوب فایتوندا حکیمه آپاردیلار. او معالجه اولونماغا باشلادی.
یئنه یای گلدی و حکیم اونا کنده گئتمه‌یی مصلحت گؤردو. کوورین آرتیق ساغالمیشدی. داها قارا راهیبی گؤرموردو و ایندی اونا یالنیز فیزیکی گوج توپلاماق لازیم ایدی.
کندده قاییناتاسی گیلده قالارکن او، بول سود ایچیر، گون عرضینده یالنیز ایکی ساعت ایشله‌ییر، دیلینه چاخیر وورمور توتون چکمیردی.
مقدّس ایلیا گونو عرفه‌سی آخشام ائوده گئجه آیینی کئچیریلیردی. دیاچوک[8] بوخوردانی[9] کئشیشه وئره‌نده نهنگ، قدیم زال مزارلیق قوخوسونا بوروندو و کوورینین اوره‌یی سیخیلدی. او، باغا چیخدی. گوللرین گؤزل‌لییینه محل قویمادان بیر قدر گزیشدی. سکامیادا اوتوردو، سونرا پارکا یوللاندی. چایین کنارینا چاتیب آشاغی ائندی، بیر مدت اورادا سویا باخا-باخا فیکیرلی حالدا دایانیب، دوردو. اؤتن ایل اونو بورادا، همین بو ساحلده گنج، شن و گومراه گؤرن قاراقاباق شام آغاجلاری داها پیچیلداشمیردیلار... ائله حرکتسیز لال-دینمز دایانمیشدیلار، ائله بیل اونو تانیمیردیلار. ایندی اونو، دوغرودان دا تانیماق چتین ایدی. باشی قیرخیق اوزون گؤزل ساچلاریندان اثر-علامت قالمامیش، یئریشی آغیرلاشمیش، اوزو اؤتن یایلا مقایسه‌ده کؤکه‌لمیش و سارالمیشدی.
دستان مهربان جدول مدرسه ابتدایی«تبریز» روستای قیرخ یاشار خوی را تامین کردند.
مهریبان اللر مدرسه نین جدولینی تامین ائله دیلر.
/channel/Adabiyyatsevanlar
خبر
دوستان عزیز
اسناد قانونی احداث یک باب مدرسه با نام مدرسه ابتدایی «تبریز» در روستای زلزله‌زده «قیرخ یاشار» خوی مبادله شد.
دست یاری به سویتان دراز می کنیم.
نام مدرسه: مدرسه ابتدایی «تبریز»
احداث کننده: «ادبیات سئونلر»
محل مدرسه: «روستای قیرخ یاشار»
فاصله از خوی: ده کیلومتر
تلفن های تماس:
کریم قربانزاده 09123487053
فاطمه منافزاده 09141061646
رسول اسمعیلیان 09352473587
/channel/Adabiyyatsevanlar
طنز صبگاهی
دلار هر تکانی میخورد مسئولین محترم برای مهارش سامانه جدیدی راه اندازی میکنند پس از راه اندازی سامانه های ناخدا و کد خدا سامانه نیما و ریما فقط یک سامانه مانده که تا کنون را اندازی نشد برادران جهت جلوکیری از شصت هزارتومان شدن قیمت دلار باید سریعا نصبت به راه اندازی سامانه« ریدیم ها» اقدام کنند وگرنه با دلار شصت هزارتومانی گوشت یک میلیونی... فرصت «ریدیم ها» هم ازدست خواهد رفت.
/channel/Adabiyyatsevanlar
کریم احمدیان « شاهید»
بوراخین بو شهَر دیری دئیلمیش
اؤلومون قوْخوسو توتوب هر یئری
دئپرملر کوچه‌ده قمار اوْیناییْر
شهَری بورویوب قارا بو سئری
یاغیْش دا سئومه‌ییر داها بیزلری
کؤچوبدور بولودون چیله‌مه سسی
کوچه‌لر سکوتا بوْیانیْب قالیْب
اینجیدیر آغ یئلین سرین اسمه‌سی
نه سس وار نه هارای بازاردا بۏم بۏش
یوْخسوللوق ویترینده بزه‌نیب گولور
آلیْشلار وئریشلر اۏلوب باشقا شئی
شهَرده گولوشلر دوْداقدا اؤلور
اللر ده اوتانیْر تیتره‌ییر اَسیر
چانتالار بۏشالیْب ،اورکلر دۏلوب
قارادیر ،سوْیوقدو،خیاوان ،کوچه
نهدنسه انسانلیْق بیر به بیر سوْلوب
سئوگینی ساتمیْشیْق ، پارا آلمیْشیْق
ایْشیْغیْن لذتین نه‌دن آتمیْشیْق
مدرنیزم یاشاماق سیْندیْریْب بیزی
کلاسیک یاشامی اوجوز ساتمیْشیْق
بوراخین بو شهَر قالمالی دئییل
من گئدیم ایْسلانیْم یاغیْشدا، چنده
قورتاریم اؤزومو پاسلی باخیْشدان
گولوشو پایلاشاق ، آنام دا، من ده
/channel/Adabiyyatsevanlar
گل گوروشک سئوگیلیم
حسن ریاضی ادبیات سئونلر گوزگوسونده(سون سوز)
آپاریجی:«کریم قربانزاده»1401/11/30
ادبیات سئونلر، آذری مجله سی، ساهر انجومنی، ایشیق سایتی.
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(21)
1401/11/30
اوستاد ائلدار موغانلی‌نین دانیشیغی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(19)
1401/11/30
اوستاد چنگیز مهدی‌پورون ایفاسی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar
گل گؤروشک سئوگیلیم
حسن ریاضی ادبیات سئونلر گوزگوسونده(17)
1401/11/30
اوستاد ابراهیم تفضلی‌نین دانیشیغی و ایفاسی
ادبیات سئونلر، آذری مجله‌سی، ساهر انجومنی، ایشیق سایتی.
/channel/Adabiyyatsevanlar