2983
بوکانال ادبیات سئونلر قوروپونون سئچیلمیش اثرلری دیر کانالدا کی یازیلاری کانالین لینکینی وئرمک شرطی ایله پایلاشماق اولار
اوشاق ادبیاتی
هرهفته پنجشنبه گونو ادبیات سئونلر کانالیندا .
اوشاق ادبیاتینا دایر یازیلارینیزی بیزه گوندرین
/channel/Adabiyyatsevanlar
شَريفين قورولوشو اعتيباري ايله سون دَرجه مورَكَّب اولان «رَنگ موهَنديسي» رُمانيندا، او قاتماقاريشيق ايشارهلَر اوچون شادارا دا ياراديلیب: تَعلّق سَحرهسي.
گَرچَك دونيانين قارماقاريشيق، سَس-كویو باش چاتلادان حادثهلَرين رَنگلري نازيلیب سولمايا اوز قويمور، هر شئي اوست-اوسته قالانسا دا، تَعلّق مذاکیرهسی اونون گَرگينلَشييب پارتلاماسينا مانع اولور.
بو رُمان باشدان-آياغا و عكسينه ژانر دییشمهسی حادثَهسي دير.
مَحَمَّد فضولينين توركجه ديوانِي گَرچَك دونيا ايله او سَحره(بوشلوق) آراسیندا کی اَراضينين باغرِينين باشيندان كئچن جَرَيان سايَهسینده مودِرن رُمانا چئويريلير.
مودِرن رُمان كئچميش أَدَبي دَيَرلَرين بوتا كيمي فورمالاشديغي شَبَكَه ديزاينيدير.
آزربايجان أَدَبيياتينين چوخ سايدا مَتْني بو رُماندا نَثر مَتنينه چئويريلير.
«موسسون كولَكلَري» نَه دئيير؟
«... ايندي دَه حَيهطه كئچَندَه گؤزوم حاصارين ديبیني آلدي. ائوين آرتيرماسينا قَدَر خیردا قوم تَپَهجيكلَرِي توپالانميشدي. آياق ساخلاييب باغا گؤز گَزديرديم. آغاجلارين اهَنگي آخييب، يئرَه توكولَن ميوهلَر قورويوب، بَعضیلَري شيرَه وئريب، اوستونه قاريشقالار داراشيب.
ائوين حاصارا بيتيشيك ديواريندا تالا-تالا كيفلَر امالَه گَلْميشدي. اَن چوخ اوت-آلاق اورَهييمي قيسدي. گرَك، ايمكان ائديب آدام توتوم، حَيهط-باجاني سليقَهیه سالسين، آغاجلارِي، باريني اهَنگلَسين، ائوين سوواغيني تَزَهلَسين. نَه چوخدور قَصبَهده ايشسيز جاوان. بير گونَه آبادلاشار بورالار.
ياخشي، ايمكاني تاپديم دئیهک، بَس مَنده واخت هاردایدی گَلیب باشلارينين اوستونده دايانيم، چاي-چؤرَك وئريم، ايشْلَرينَه گؤز قويوم؟! دَرْسلَرَه دَه ايكي گون قالیب، بايراماجان چَتين يولوم بورا دوشَه…»
اورخان، يوخاريدا دئديك كي، حادثَهلَرين آراسيلا، او دَرين شيريمْلارين آراسيلا كئچَرَك ياخيندان دويدوغونو اوزاقدان گؤرورموش كيمي نَقْل ائدير.
ايلك باخيشدان هئچ نه بير-بيريني توتمور، سولغون ايشارَهلَرين بَطنيندهکی مَضمونا ميكروسكوپلا باخيب نَسَه آنلاماق، بَعضن چوخ چَتين اولور، آما بوتون بو چَتينليكْلَر موسسون كولَكلَري و ياغيشلارينين تاميني بيلديرمَك اوچوندور.
يوخاريداكي فیكريمیزه قايیداق: تَبعي ديلين پارلاقليغي، گؤزَللييي، مانعسیز آخماسي معيّن مَقاملاردا پرابلِملي حاللار يارادير.
دوغْرودان دا، بيزيم نثرْدَه كيفايَت قَدَر نُمونَه وار كي، آخيجي ديل مَتْنين زَنگينليگينَه يوخ، کاسيبلیغینا دَلالَت ائدير. بو، ايكينجي ديلين، مِتاديلين يارانماديغي مَتْنلَردير، نَثرى يارادان داخلي تَأثراتين اولماديغي مَتْنلَردير.
لاپ باشدا يازدیغيميز مَطلَب – ديلين انرژيسينين گئتديكجه داها قاباریق حيس ائديلْمهسينين سايهسینده مئيدانا گَلير؟
أشيا و حادثهلَرَه، ايشارهلَرَه ديقّت ائدين: بو ايشارهلَري بير جَرگَهيه دوزْمهلي اولساق، اونلارين آراسینداکي خیالی مَسافَه زمان و مَكاني ايچينَه ييغييب، حئكایه مَكانينداكي هر شئيين داخيليني سَس كيمي گؤستَرَر، او سَسين اوزرينده هاوانين سويوماسي، حرارت اؤلچهنین اويناماسي، ائوين چؤل ديوارلارينين سوواغينين اوولوب توكولْمَهسي، كولَهيين تاثيري ايله قوم دانهجيكلَرينين بير كونجَه توپلانماسي، بير سوزلَه، هر شئي سِير ائديلَه بيلير.
بو جَرگَهده ايشارَهلَر اوزو بولانیق گوزگو تاثیری يارادير، بِئلَه اولدوغو اوچون دَه آغاجدان قوپان يارپاغين كولَهیين اووجوندا تيتْرَمَهسيندن اوشويَرْسَن.
ايلك پاراگرافدان كئچميشه آرا ایضاح، هَم دَه اونْدان قَطعي و بيردَفَعَهلیک آيريليغي ايشارَهلَهيير، بو مَتْن او كئچميش نُقطَهسِيندن اويانیب گؤزلَنْتیيَه تمرکز ائدیر.
سوزلَه باغلاردان شهَرَه آخيشان ماشين سِئلي تَصوير ائديلير، هَم دَه خَبَر كيمي: گِئتْديْلَر، بورادان آيريلدیلار، هر كَس بوراني سويونوب گِئتْدي، گؤزلَنْتيسي حَسرَت، اضطراب تونلاريندا چالينير، گَلْمَيَجَك…
بو مَتْنين پؤئتيكا اولچوسي نَدير؟
زمانين كولَكلَرينين دُولاشدیغي مَقَامدا نَهیين يازيلمالي اولدوغونو بيلْمَك…
بير مَقاما دا توخوناق.
أدَبي دَيَرلَر، أَدَبي دوشونجَهلَر فَرْقلي اولدوقلاري قَدَر دَه بير-بيرينه ياخين دير.
دونيانين هاراسینداسا بير محتشم نَثر مَتْني يالنيز اؤزو اولاراق اوجالا بيْلمَز، اونون دوغوشو مَحض اونا اوخشادیغي مَتْنلَرْدَن آيريلْماسي اولا بيْلَر، هَم دَه سورعتْلَه دوز يولدان دؤنگهيَه دؤنورموش كيمي.
شَريفين «رَنگ موهَنديسي» رُمانيندا دا بِئلَه بير مَقام موشايعت ائديلير.
حئكايه و حئكايهچيلیک حاققيندا
✍یازان:جوانشير يوسيفلي
کؤچورن: سحرخیاوی
حاضیرلایان: ادبیاتسئونلر
١
أدبي جامعهده كولكلَر اسير، موسسوندومو؟(ایستی و رطوبتلی کولک) خئير، او دئييل، باشقا كولكلَردي و منجه، نَم گَتيرير. هر شئی ياپيشير بير-بيرينه؛ قوپماغي داغيدیجي اولور. سَسلَر قاريشير، باياقدان آيدين اولان، آنلاشيقلي اولان سَسلَر آياق آلتيندا قالميش كيمي داغيليب، أزيليب گئدير. هيچ كيم هيچ نه ائشیتمهسه ده، باشا دوشوبموش كيمي، هامي بير-بيرينه باخيب باشيني يئللهیير، «هَه» دئییر.
أدبييات چؤلدَن ائوه ييغيشمير، اینسان شهَرين كوچهلَرِينده آدديملاياراق يازير، تئلفونون اصلی دويمهسينه باسيب يازيني يادداشا گؤندرير، ان سوندا معلوم اولاجاق كي، يادداش كورلانيب، ساخلانج يئري آرتيق يوخدور، بو آندا نه دئسَن، اودور يازيلان و پوزولان. دؤر- زمانَه بئلهدي، ای أدیبلر، كيمسَهني دَه تَعريفلمهيين، ياددا قالماياجاق،
بو یازینی چرشنبه گونو ادبیات سئونلر کانالیندا اوخویون.
/channel/Adabiyyatsevanlar
یانیق کرمییه بئله اویناما!
❁ سخاوت عزتی - عندلیب
اوینا وئران قالمیش خانالار کیمی،
تویو وایا دؤنموش خینالار کیمی،
اوینا اوغلو ایتمیش آنالار کیمی،
بونو باجارماسان هله اویناما!
یانیق کرمییه بئله اویناما!
خالینا دیز چؤکوب گولونه آغلا،
اودونا آلیشیب کولونه آغلا،
اوناکام بی ایله، گلینه آغلا!
دوشوب کشیش قویان فعله اویناما!
یانیق کرمییه بئله اویناما!
بو سس بیر ملتین عؤمور سسیدیر،
دئمه گولمه جه دیر، یومور سسیدیر،
کیم دئییر بو تاختا، دمیر سسیدیر،
آغالاییر اصلی خان، له له اویناما!
یانیق کرمییه بئله اویناما!
دینله بو هاوانی اؤزونه قاییت،
آخدیغین بولاغین گؤزونه قاییت،
دده اوجاغینین کؤزونه قاییت،
وارلیغین سوووروب یئله اویناما!
یانیق کرمییه بئله اویناما!
قایناق:ادبی کورپو
/channel/Adabiyyatsevanlar
سحر -خیاوی
ایچینده بیر دَلی وار!!
ایچینده کی دَلینین، آل ایپین اَلینده یورو
بوتون کئچیت، خیاوان، دؤنگهلر قارانلیق دیر
ایچیندهکی دَلینین آل ایپین، اؤزونله سورو
یاغیشسیزیق، قورو شاختا، سازاق، بورانلیق دیر
عاغیللیلار شههرین چارهسینده مات قالدی
ایچیندهکی بو دَلی بلکه شَهره چاره قیلا
وَ سون قویا شههرین توز- دومانلی گونلرینه
بو قارغیمیش شههرین اَحوالی بیرآز دورولا
دَرین باخیشلیدی باخما گؤرونجهده کَمی وار
ایشاره بارماغی باخسان گونَش ائوین توشلار
آبادلیغین دَلیسی او، آزادلیغین دَلیسی
بیزیم عاغیللی دَلی، کیم دئییر وئران خوشلار؟!
نئجه دَلی؟! گئجه، گوندوز باشیندا مین وولقان
نئجه دلی؟! داماریندا گَزیر دَلی عوصیان
نئجه دلی؟! جانا گلمیش، بئزیکمیش، اُود پیلهییر
باشیندا فیرتینا قوپموش، ایچینده قُور، هَیَجان
اونو بوراخ باشینا، اولدوزون ایزین توتسون
صاباح بو قارغیمیش ائلده گونش قوناق گلهجک
اینانماسان دا اینانما، بو یورد، بو ائل، بو اوبا
او چارپاشیق دلینین کولگهسینده دینجلهجک!
/channel/Adabiyyatsevanlar
قلوبال مصلحتلی سؤزلر (2)
توپلاییب- چئویرن: م. صفا
فیثاغورث:
- یا سوس، یا دا سوسماقدان داها یاخشی بیر شئی سؤیله.
مارک فیشر:
- اونوتمایین کی، گویون معیّن زیروهسینده بولودلار یوخدور.
- اگر حیاتینیز بولودلودورسا، بیلین کی، روحونوز لازیم اولدوغو قدر یوکسلمهییب.
ژان ژاک روسو:
- گئج سؤز وئرهنلر، دنیانین ان پئرسپئکتیولی وخوش قول اولان اینسانلاری ساییلیر.
اوشو:
- گؤزل عمل لریله یاشایانلار اوچون، اؤلوم ده، گؤزل اولور.
تولستوی:
- خوشبخت عائلهلر عینیدیلر. اما بدبخت عائلهلرده، هر بیر عائلهنین اؤز بدبختلیگی واردیر.
شمسالدین محمد ملک داد تبریزی:
- دنیا داغ کیمیدیر، خیر-شر حقّینده نه دئسن، داغدان ائشیدهجکسن. بیر ده دوشونورسن کی، یاخشی دئمیشهم، داغ عیبهجر جاواب وئردی، چونکو داغدا بولبول اوخورسا، ممکن دئییل کی، اورادا قارغا سسینه دؤنسون، یادا کی، انسان باغیراندا، ائششک فریادی ائشیدیلسین. اگربئله اولورسا، یعقین بیل کی ائششک سسی چیخارمیشسان...
بنجامین دیزرائیلی:
- وعظ ایله سیاستین فرقی اودور کی، وعظ اونلارین دئدیکلری، اما ائتمدیکلریدیر. سیاست ایسه، اونلارین ائتدیکلری، اما دئمدیکلریدیر.
مارک تواین:
- آغزینی آچیب، بوتون شک و شُبههلری آرادان قالدیرماقدانسا، آغزینی باغلاماق و آخماق گؤرونمک داها یاخشیدیر.
ویلسون میزنئر:
- بیلیگی اولان آخماق، معلوماتسیز آخماقدان داها آخماقدیر.
- آخماق، همیشه اونو تعریفلهمک اوچون اؤزوندن داها آخماق بیرینی تاپاجاقدیر.
دکارت:
- ساغلام دوشونجه (عقل سلیم) دنیادا هر شئیدن داها یاخشی پایلانمیشدیر، چونکی هامی، اوندان کیفایت قدر یارارلی اولدوغونو دوشونور.
ساموئل تیلور کالریج:
قو- قوشلاری اؤلمزدن اوّل اوخویورلار. کاش کی، بعضی اینسانلار ماهنی اوخومامیش اؤلسونلر...
ویلسون میزنئر:
- بیر مؤلّفدن اوغورلوق ائتمک، ادبی اوغورلوق دیر. اما بیر نئچه مؤلفدن اوغورلاییرسانسا، بونا آراشدیرما دئییلیر.
منوهین یهودی:
- قزئت گؤرهنده، یادیما آغاجلار دوشور، یعنی آغاج شکلینده اولدوقلاری واختلار، گؤزللیک، کؤلگهلیک، سیغیناجاق وئرهنلری خاطیرلاییرام، قزئت کاغیذینا چئوریلنده ایسه، آنجاق زیبیل چاتدیران اولورلار.
گریسی آلن:
- دوغولاندا او قَدَر قورخدوم کی، ایل یاریم دانیشا بیلمه دیم.
بتهوون:
- اولو تانریم؛ سادهجه یئمک اوچون ایشلهمک ان بؤیوک ایشکنجهدیر.
*** الت یازیلاری:
مارک فیشر؛ آلمانیالی یازار
ژان ژاک روسو؛ فیلسوف، یازار . فرانسه
اوشو؛ عارف. هند
تولستوی؛ فیلسوف و یازار. روس
شمس الدین محمد ملک داد تبریزی؛ شمس تبریز.
بنجامین دیزرائیلی؛ انگلیس سیاستمدار و باش ناظری.
مارک تواین؛ آمریکانلی یازار
دکارت؛ فرانسالی عالیم
ساموئل تیلو کالریج؛ شاعر، انگلیس
ویلسون میزنئر؛ آمریکانلی دراماتورگ (نمایشنامه یازان)
یهودی منوهین؛ ویولونیست و اورکستر باشچیسی. هند
گریسی آلن؛ آمریکانلی آکتیور
بتهوون؛ آلمانیالی بسته کار
/channel/Adabiyyatsevanlar
ویدا حشمتی
تانیتیم
«فئیودور داستایووسکی»دن
«آیدین گئجهلر» حیکایهسی
راوی، داستانین باش قهرمانیدیر؛ یالقیز، توپلومدان اوزاق، خیالدا یاشایان، رئال دونیانی قبول ائتمهین بیر کیشی. او:
آدملاردان قاچیر، اما اؤز ایچینده چوخ دؤنهلر دوست اولماق ایستهیر؛
بیر رؤیا دونیاسی یارادیب، اؤزونو اونون ایچینده ساخلامیشدیر؛
ایدهآل عشقین عاشیقیدیر، اما حقیقی سئوگی ایله اوز-اوزه گلمهیه قورخور.
ناستئنکا، اونون اوچون، ساده بیر قیزدان چوخ، بیر یاشایان رؤیادیر. بلکه ده، یاشاییشیندا ایلک و یئگانە محبت تجربهسی.
ناستئنکا، عشقین ساده اما دوغرو تصویرینی تمثیل ائدیر. او کئچمیشده عاشیق اولدوغو اوغلانی، هئچ وقت اونوتمامیش؛ راوییه قارشی انسانسئور محبت و احترام گؤستریر، اما سئوگیسی سؤنمهمیش؛ ایچیندهکی محبته، قرارلی قالیبدیر.
راوی ایله ناستئنکانین آراسیندا اولان علاقه، چوخ کؤنول آچان، اما بیر طرفلی بیر باغدیر.
راوی هر ناستئنکایا، اورهگینده عاشیق اولور؛ ناستئنکا ایسه، اونا مرحمت ائدیر. عشق دئییل؛
اونلارین آراسیندا گئرچکدن اویغون سئوگی یوخدور.
راوینین عاطفی یاراسی چوخدور، و اؤزونو داها چوخ باغلی و محتاج گؤستریر؛ ناستئنکانین مهربانلیغینی، سئوگی ایله قاریشدیریر؛ عشقدن چوخ، عاشیق اولماق حیسّینه عاشیقدیر.
ناستئنکا ایسه، وفالی و بیر کؤنولون صاحبیدیر؛ راوییه گؤره رحمت حیسی دویور، اما سئوگیسینین حقیقی یئرینی بیلیر.
ناستئنکا، راوی اوچون یاغیشلی و قارانلیق گئجهده بیر آیایشیغیدیر،
اما بو ایشیق، دائمی دییل – آیدین گئجهلر کیمی، گؤزل، آما فانی؛ داستانین سونو، راوی اوچون یالقیزلیقدیر، اما داها چوخ اویانیش و قبول ائتمک معناسینی داشیییر.
راوی ایله ناستئنکانین آراسیندا سئوگیدن چوخ، انسانلیق، همدردلیک و بیر رؤیا-رئاللیق قارشیلاشماغی وار.
راوی داها اوندان سونرا دا یالقیز قالیر؛
اما بیرینجی دفعه عاشیق اولور، و بو تجربه، اونون دونیاسینی دگیشیر.
ناستئنکا کئچمیش سئوگینین قاپیسینی آچیر؛ اما راویه بیر محبت یادگار قویور.
سونوندا بو مناسبت، عاشقانه اولا بیلمهین، اما انسانین روحوندا چوخ شئی اویادان بیر خاطیرە اولور.
فئیودور داستایووسکی، عاشیق اولماق، و یالقیزلار آراسیندا رحمت و بیلینجین، گؤزل بیر تابلوسونو چکیر.
/channel/Adabiyyatsevanlar
شیرکو بیکس
ترجمه : بهروز حسن زاده
برگی در حال افتادن بود
نسیمی که تازه وزیدن گرفته بود،
به برگ رسید و گفت:
" آنگاه که بر زمین افتی ،
به من بگوی که کجا خواهی ، همانجا می برمت."
برگ سر لرزانش را به سختی بالا گرفت و به نسیم گفت:
سپاسگزارم.
می خواهم مرا به لانه ی جوجه ی کوچک پرنده ای ببری
که هم اینک از کولاک سرد پاییزی
برخود می لرزد
شاید مرا چون بالاپوشی برتن کند
و گرمایش بخشم.
/channel/Adabiyyatsevanlar
«ادبی کؤرپو (آیلیق ادبی درگی) ۴۳
▪️ مولف: سخاوت عزتی
▪️ ناشر: الکترون نشر
▪️ نشر تاریخی: آذر 1404
▪️ صحیفه سایی: 40 صحیفه
▪️ دیل: آذربایجان تورکجهسی
▪️ رسمالخط: عرب الفباسی
Qısa Təsvir:
Aylıq ədəbi e-dərgi. 43-ci sayı. Güney Azərbaycanda – İranda hazırlanan aylıq ədəbi elektron dərginin yeni sayında o taylı-bu taylı müxtəlif düşüncəli yaradıcı adamlarımızın ədəbi-bədii nümunələri toplanıb. E-dərgi Güney Azərbaycanda yayıma hazırlanıb: redaktoru və naşiri Səxavət İzzətidir.
قیسا تصویر:
آیلیق ادبی ائ-درگی. ۴۳-جی سایی. گونئی آذربایجاندا – ایراندا حاضرلانان آیلیق ادبی ائلئکترون درگینین یئنی ساییندا او تایلی-بو تایلی مختلیف دوشونجهلی یارادیجی آداملاریمیزین ادبی-بدیعی نمونهلری توپلانیب. ائ-درگی گونئی آذربایجاندا یاییما حاضرلانیب: رئداکتورو و ناشری سخاوت عزتیدیر.
محرم پریزاد"سورگون"
شوشهدن اورهک:
منه دئییر:
اَل وورمایین،
توخونمایین،
شوشهدندیر-
منده اورهک،
دوشسه سینار- پول- پول اولار!
بو ندندیر
مین یول دوشور،
داشا دَییر،
آیاخلانیر،
تاپدالانیر،
کؤکسومدهکی بو چیرپینان اورهک-
سینمیر؟
/channel/Adabiyyatsevanlar
تیراختور:3
چادرملو:1
/channel/Adabiyyatsevanlar
خبر
📖 تورکجه شئعر آخشامی
📌کانون آذربایجان دانشگاه اورمیه برگزار میکند:
📕شب شعر ترکی با موضوع: وطنیم ایران
🗒تاریخ برگزاری:۱۴۰۴/۹/۱۰ (دوشنبه)
⏱ساعت برگزاری:۱۰:۳۰_۱۲ (تایم فرهنگی)
📌محل برگزاری: سالن آمفی تئاتر دانشکده علوم
📚شعرخوانی دانشجویی با مضمون وطن
🎶اجرای موسیقی آذربایجانی
🔖با حضور استاد اسماعیل مددی و استاد محمد صبحدل
@azerbaycan_ocagi
https://instagram.com/AMO.Urmu
مهتاب_میرقاسمی
خون جایی میایستد!
دلمه میشود
چون تو
که در رگهای من
راه بندان میشوی
تا هیچ بزرگراهی نتواند
خیال آسیمه سرم را
چپ کند برای دیدنت
مرگ یک بار
شیون یک بار
بگذار این خون
شتک بزند!
بپاشد بر دیوارههای انتظار
هیاهو کند
میان کوچههایی غریب
که بن بست آن تو باشی
دروازهی قهوهای چشمانت را
نیمه باز بگذار!
گاه دوست داشتن
از آستانهی سایه و روشنها
آغاز میشود...
/channel/Adabiyyatsevanlar
🔰داستانک🔰
⬅️⬅️ مسافر ⬅️➡️
"مرتضی مجدفر"
وقتی روشنایی به داخل تابید،متوجه شد از جای دیگری سر درآورده است. از قرار داخل یک اتاق خیلی شیک و مبله که تختخواب و وسایل خوشگلی داشت و از پنجره اتاق، منظره زیبای بارش برف دیده میشد، داخل چمدانی قرار گرفته بود.وقتی چمدان باز شد، از صحبتهای صاحب چمدان که داشت با تلفن همراهش حرف میزد، فهمید این جا اتاقی در یک واحد بومگردی در یکی از استانهای شمال غربی کشوری است که اجداد او آنجا زندگی میکردند. او آخرین بار قبل از این که در چمدان بسته شود، متوجه شده بود که در طبقه سیوپنجم یک برج در اتاق بسیار مجهز هتلی در سنگاپور است. البته این که او چطور سر از سنگاپور در آورده بود، ماجرای جالبی داشت. در سفری که یکی از همولایتیهاش به ترکیه داشت، با چمدان او سفر کرده بود و بدون آن که زیباییهای استانبول را ببیند، در فرودگاه، در لحظهای که صاحب چمدان، برای برداشتن مدارکش، در آن را گشوده بود، خود را از آن بیرون انداخته بود و وارد چمدان دیگری شده بود که صاحب آن قصد داشت به مجارستان برود. سفر به بوداپست، خیلی برای او خیری نداشت، چرا که صاحب چمدان، حتی دو سه هفتهای چمدان را باز نکرده بود، و وقتی باز کرده بود متوجه شده بود صاحب چمدان قصد دارد به دبی برود. بنابراین همان جا مانده بود تا سفر انجام پذیرد.
بازیگوشیهایش در نعویض چمدان، او را از دبی به سیدنی و از آنجا به شیکاگو، لیما، مونترال، هامبورگ و... کشانده بود و در نهایت حود را در چمدانی یافته بود که صاحبش همولایتیاش بود و به سنگاپور رفته بود. آنجا داخل چمدان آرام گرفته بود و در نهایت خود را در سرزمین اجدادیاش یافته بود.
داخل اتاق گرم و نرم مرکز بومگردی از چمدان بیرون جهید. صاحب چمدان دید و با سرعتی جالب، او را گرفت و از پنجره اتاق روی برفها انداخت.
او پشه کوچک و جهانوطنی بود که میتوانست علاوه بر حرکت، پرواز هم بکند. او سرانجام به سرزمین خود رسید، ولی جان باخت.
/channel/Adabiyyatsevanlar
«پارفيومئر» وَ اونْدان آيريلما، قُوپما نُقطَهسي.
وقتيلَه يوسف صمَداوغْلُونون رُماني حاققيندا نَهلَر دئييلْميْردي؟!
مؤلليف اوزو بونا بِئلَه رِئاكْسيا وِئردي: «اونلار مَنيم داهَا نَهلَردَن تاثيرلَندييمي بيلْميْرلَر».
بيزدَه كيفايَت قَدَر دونيايا چيلپاق گوزلَه باخان متخصص وار.
رَنگ موهَنديسينده قَصدَن وَ بيلْمَيَهرَكْدن (ایستَمَهدَن، قَفيل اَلدَن چِيخيبميش كيمي - !) ايشارَهلَر وار.
بو مَتْندَه رولان بارت دا وار، اونون دَرِين نَظَري مُلاحظهلَري دَه.
اَساس مسئلَه نَهدیر؟ خصوصن، طالع یوکلو مَسئلَهلَردَه مُوقعیتین دوزگون سئچیلْمَهسی، ایدئالار سلسلَهسیندَه هانسی مَقامین قاباردیلماسی وَ سایر. قَلَم اَهلینین دَه هانسی دَرَجَهده وَ سَوَییهده یازیچی اولماسی مَحض بو سئچیمدَن آسیلی دیر.
«چوخاؤلچولُو» ناثیرْلَر وارمی؟ – وار، مَثلَن، آتاقام. اونون «نانَهلی كونفِت» حیکایَهسی ایله «دیشلَک آلما» حیکایَهسی فَرقلی استئتیک(بدیعی گوزللیک) مِعیارلارا اَساسلانیر. بو فَرقلیلییی یازیچینین داخیلینده گِئدَن، داها چوخ اؤزونَه قارشی دوران مُلاحیظهلَر یارادیر.
اورخان جووارلی بو حیکایَهسی ایله هَمین او چوخاُؤلچولولویون فورمالاشماسینا دوغرو بیر آددیم آتیب...
/channel/Adabiyyatsevanlar
حئكايه و حئكايهچيلیک حاققيندا
✍یازان:جوانشير يوسيفلي
کؤچورن: سحرخیاوی
حاضیرلایان: ادبیاتسئونلر
١
أدبي جامعهده كولكلَر اسير، موسسوندومو؟(ایستی و رطوبتلی کولک) خئير، او دئييل، باشقا كولكلَردي و منجه، نَم گَتيرير. هر شئی ياپيشير بير-بيرينه؛ قوپماغي داغيدیجي اولور. سَسلَر قاريشير، باياقدان آيدين اولان، آنلاشيقلي اولان سَسلَر آياق آلتيندا قالميش كيمي داغيليب، أزيليب گئدير. هيچ كيم هيچ نه ائشیتمهسه ده، باشا دوشوبموش كيمي، هامي بير-بيرينه باخيب باشيني يئللهیير، «هَه» دئییر.
أدبييات چؤلدَن ائوه ييغيشمير، اینسان شهَرين كوچهلَرِينده آدديملاياراق يازير، تئلفونون اصلی دويمهسينه باسيب يازيني يادداشا گؤندرير، ان سوندا معلوم اولاجاق كي، يادداش كورلانيب، ساخلانج يئري آرتيق يوخدور، بو آندا نه دئسَن، اودور يازيلان و پوزولان. دؤر- زمانَه بئلهدي، ای أدیبلر، كيمسَهني دَه تَعريفلمهيين، ياددا قالماياجاق، عنوانا چاتماياجاق، سولوب گئدهجك هر شئی، دونيا، زمان فانيليك اوستونده كؤكلَنيب.
يادداشسیزليق نه تؤرَهديب؟ بير دسته أدیب بير يئره ييغيشيب مَتْنلَری دَيَرلَنديريرلَر، هَم دَه نئجه؟ اؤزلَري آنلاماديقلاري مَتْنلَري. اؤلكَهده بَدیعی مَتني، اَصل مَتني كيمْلَر يازير؟ نئچه آدام يازير؟ عومومن وارمي؟ آمما متخصص نه قَدَر دئسَن.
بير بابات مَتْن يارانان، چاپ ائديلَن كيمي هامي جومور اوستونه، والیبالدا هوندوردَن گَلَن توپ كيمي. علي كَريمين شعرينده وار بو موضوع. سئوگليسيندن آيريلميش قيز توپو اَن اوزاق يئرلره وورور، وورور كي، اوغلان قايتارا. توپ بوشلوغا توخونوب ياتير يئره.
منجه، هَم دَه دويوم ايتيب. ياخشییا پيس، پيسه ياخشي دئیيلير.
بونلار آغریلي مَسَئلهلَردير. کئچک مَطلبه: حئكايه و حئكايهچيليک.
٢
اورخان جووارلينين «موسسون كولكلَري» حئكايهسي ديلين انرژيسيني گؤزَل چاتديرير، آرادا هئچ بير قيريقليق يوخدور. ديل دئديكدَه، ايكي شئي نَظَرده توتولور: حئكايه مَتْنينده ديلين سَر راسْتليغي، هامار سسیلَه بَرابَر، اینجه دويوملو داخلي لايلاري، بير دَه مَتْن، نَثر ديلي – مِتاديل.
حئكايهلَردَهكي احوالاتلار، حئكایه و سؤيلَملَر آيديندیر، هامیليغلا بيلينَن نَسنهلَردي، بيز بونو دانیشاراق چاتديريريق، اومبِرتو اِكو نَه دئيير؟ ناغيل، حئكايه دانیشيريق كي، ساغ قالاق… ناغيلين، دولاييسيلَه تَحكييَهنين مَغْزي بودور. مِتاديل او بيلينَنلَري هيچ كسين بيلْمَدِييينه چئويرير. ژانْر دییشیلمهسی ايلك بوردان، بو مَقامدان باشلايير.
باشقا بير مودريكين دئديكلَري: اَگر بَشَريت ناغيلچيلاريني ايتيرسَه او، تئز بير زماندا اوشاقليغيني ايتيرَر.
هر بير تَحكييَهده ايكي ديل وار، ايكيسي دَه گوزگو… بونلارين آراسیندا نيسبَت، هارمونيك نيسبَت نورمال اولاندا، يئني بو ايكي نَسنَه بير-بيريني اؤرتدویو، اؤرتَه بيليدییی ايكينجي ديل، مَتْن ديلي سَني اؤز جاذيبهسينده ساخلايير. دونيادا خئيلي ديلسيز مَتْنلَر وار؛ بيزده دَه. مَتْن اوخوجو ایله دانیشا بيلمير، ياخود دانیشما آنيندا ديلی توتولور.
بعضن بو حئكايهلَري تَعریفلهییرلر، حال بو كي باش توتماييب اونلار…
«مين بير گئجه» ناغيللاري دانیشاراق ساغ قالماغين بارِز نمونهسي دير.
چوخدان حيس ائديلير: بو تيپلي مَتْنلرده اَساس اولان احوالات دئیيل، ديله چاتديريلان، اؤتورولَن شئيلرين حادثهیه چئويريلْمَسي دير.
مثلَن، منيِم فیكريمجَه، چخوفدا چوخ عبرتآميز حادثهلَر قَفيلدَن، ديله آنلاتمانين تعلقوندن دوغور. ديله آنلاتماقسا حددیندن آرتيق چَتين شئی دير.
بو تعلق ايله بير مَقامي گَلير كي، حادثهلَر بير جَرگهدن او بيرينه كئچير، يئر دَييشمَهلَر سِئحیرلي دونيا يارادير. «چؤل» پووِستينده بو قوروپ ايدئولوژي موْقعده دیر.
ايكينجي ديلين بو شكيلده ايشْلَتدييى اَن موختَليف احوالاتلاري ايچينده حلّ و يا اعمال ائدَرهك، موختَليف دويغو تکرارلاري يارادير، بو حكايهده بيزي سِئوينديرَن، روحوُموزو بير آندا قَفيل اوخشايان اِئلَه مَتْن ديلينين، مِتاديلين ايشْلَكليگي دير.
آلْبِر كامو دا بو ايشْلَك رئال تونلا نَقْل ائديلَن حادثهلَر شبكَهسينده بير چاشقينليق يارادير، مثلَن، «ياد» رُمانيندا بيردَن آداما اِئلَه گَله بيلَر كي، تَحْكييَه آرتيق قَتْلَه يئتيريلميش، باشي بَدَنیندن آيريلميش شَخْص – مِرسو طرفيندَن حَياتا كئچيريلير.
بعضی نَثر مَتْنلَرينده حادثَهلَر سانكي بير-بيرينه تَمَاس ائدهرَك، سورونَرَك كئچير، بَعضن تَحْكييَه قوروپوندا هر شئي قاريشيق دوشور، بَعضي مَتْنلَرده تَحْكييَهيله او قَدَر ايشارهلَر گؤندَريلیر كي، اؤزونو بونلارين كَمَندينده حيس ائديرسَن.
اورخانين «موسسون كولكلَري»نده اولايْلار پارالل، يئني آرالي، مَسافَهدن گؤرونورلَر. بو پاراللليق باخيش بوجاغيني بير نُقطهده ثابيتلَشديرير.
اورهان ولی
بو شهرده یاغمور آلتیندا دولاشیلیر
لیمانداکی بورجلارا باخیب،
شرقی لر زمزمه ائدیر گئجه لری
بو شهرین کوچه لری چوخدور
مینلرجه اینسان گلیب _گئدر کوچه لرینده ...
هر آخشام چاییمی گتیرن،
و بیلوروس اولماسینا رغمن
خوشوما گئدن قارسون قادین بو شهرده دیر .
بو شهرده دیر
والس لار ،فوکستروت لار آراسیندا
شومان دان ،برامس دان
پارچالار چالدیغی زامان دؤنوب
منه باخان اختیار پیانیست .
دوغولدوغوم کنده موشتری داشییان
شیرکت گمی لر بو شهرده دیر .
خاطیره لریم بو شهرده دیر .
سئودیک لریم،
اؤلموش لریمین مزاری ،
بو شهرده دیر ایشیم _گوجوم
چؤرک پولوم .
یالنیز بوتون بونلارا قارشی
یئنه بودور باشقا بیر شهرده کی
بیر قادین اوزوندن
بوراخدیغیم شهر ...
استانبول ۱۹۳۷
/channel/Adabiyyatsevanlar
دوکتور "علی اکبر ترابی" نین ائینالی داغی عنوانیندا شعیر توپلو سونو بوردان یئندیره بیلر سینیز.
بو دیرلی کیتابی" مهد آزادی" 1372 ده نشر ائدییب.
/channel/Adabiyyatsevanlar
حئكايه و حئكايهچيلیک حاققيندا
✍یازان:جوانشير يوسيفلي
کؤچورن: سحرخیاوی
حاضیرلایان: ادبیاتسئونلر
١
أدبي جامعهده كولكلَر اسير، موسسوندومو؟(ایستی و رطوبتلی کولک) خئير، او دئييل، باشقا كولكلَردي و منجه، نَم گَتيرير. هر شئی ياپيشير بير-بيرينه؛ قوپماغي داغيدیجي اولور. سَسلَر قاريشير، باياقدان آيدين اولان، آنلاشيقلي اولان سَسلَر آياق آلتيندا قالميش كيمي داغيليب، أزيليب گئدير. هيچ كيم هيچ نه ائشیتمهسه ده، باشا دوشوبموش كيمي، هامي بير-بيرينه باخيب باشيني يئللهیير، «هَه» دئییر.
أدبييات چؤلدَن ائوه ييغيشمير، اینسان شهَرين كوچهلَرِينده آدديملاياراق يازير، تئلفونون اصلی دويمهسينه باسيب يازيني يادداشا گؤندرير، ان سوندا معلوم اولاجاق كي، يادداش كورلانيب، ساخلانج يئري آرتيق يوخدور، بو آندا نه دئسَن، اودور يازيلان و پوزولان. دؤر- زمانَه بئلهدي، ای أدیبلر، كيمسَهني دَه تَعريفلمهيين، ياددا قالماياجاق،
بو یازینی چرشنبه گونو ادبیات سئونلر کانالیندا اوخویون.
/channel/Adabiyyatsevanlar
قلوبال مصلحتلی سؤزلر (2)
توپلاییب- چئویرن: م. صفا
/channel/Adabiyyatsevanlar
ویدا حشمتی
تانیتیم
«فئیودور داستایووسکی»دن
«آیدین گئجهلر» حیکایهسی
/channel/Adabiyyatsevanlar
✍️ :ائلمان_موغانلی
توتالیتئرلیک دوشونجهسیندن واز کئچ
گل گؤزلرینی چئشیتلی اؤلکهلره بؤلک
هر بؤلگهنین اؤز یییهسی اولسون
و هامیسی بیرلیکده
گؤزلرین آدینی داشیسین
دوغرو دوشوندون
آماجیم فئدئرالیسم
گؤزلرین تکجه سنین اولماسین
نهیی نئجه گؤرمهگه کیمه نئجه باخماغا
تکجه سن قرار وئرمه
منیم ده گؤزلرینده پاییم اولسون
اؤز اَلیم اولسون اؤز باشیم
آنجاق
گؤزلرینده باشقا ایالت قورولماسین
گؤزلرین منیم اولسون
/channel/Adabiyyatsevanlar
خبر
آذر آینین بئشینجی گونو، تهراندا
«دوکتور فیروز رفاهینین اثرلرینه باخیش» عنوانیندا سامبالی بیر مراسم کئچیریلدی.
«پرفسور حسین محمد زاده صدیق/ دوزگون درنگی» طرفیندن تهرانین «اومود» فرهنگ ساراسییندا، دکتر «فیروز رفاهینین اثرلرینه باخیش» عنوانیندا، گوجلو و دگرلی مراسم کئچیریلدی.
بو وئرلیش، دکتور «ائلدار محمدزاده صدیق»ین چالیشمالاری هابئله اونون آپاراجیلیغی ایله، دوکتور «فیروز رفاهی»نین دگرلی، قالارقی اثرلری حاقیندا کئچدی.
بو مراسیمده دوکتور فرخ توکلی،
اوستاد علیاصغر جمراسی، بهبود مرادی «ائلچیبی» سعید موغانلی...
دوکتور فیروز رفاهینین دگرلی اثری «اورونیمهای ایران» حاقیندا دانیشدیلار.
بو وئرلیش عاشیق بهبود نظری افشارین گؤزل اجراسی ایله سونا چاتدی.
/channel/Adabiyyatsevanlar
نسرین قلی پریخانی
قادینلیغمی گؤتوروب، قاچیرام بو شهردن
بیر میندار سئویم
بیروحشی اؤپوش
بیر چیمدیک دوداق اویونو اولوب!
گئتمک لازیم!
اوتانیرام ساتام باکیرهلییمی قوجاغینا ...
اونوتموشام سئومهیی سئویشمهیی
بیر نئچه ساعات
اندامیمی قدملهمک
بیرکاما، بیر ویرگول
دانیشمالی سؤزلرینه،
من سنینله آددیملامایاجاغام
قادینلیغیمی گؤتوروب قاچمالیام
باهالی آرابالاردان....
هرزه سیگناللاماقلاردان
هرگون دارخماغیمی هارا آپارمالییام...
هاااااای
ایستییرم قیرمیزی ماتیک یاناقلاریما
قارا گونلریمی گوزومه چئکیب
و آغریلی دیرناقلاریما ماویدن دونموش، ساری دونیامی یاخییب
قادینلیغمی کؤنلومه آخیدام
ایذین وئرین نفس چئکمک ایستهییرم
هئچ کیمسه منه باخماسین
شکلینیز اونا اوخشامیر
عطرینیز اونونلا فرق ائدیر
قویون بو باکیرهلیک بوروسون
من اونون یوز هشتاد یئدینجی حایاتینی ازبر ائدیب
اونو متراژ وورماقلا اوُلمهلییم...
اونون قوجاقیلا فئمینیست اولماق
گؤزلریمه رئال بیر اویون لازیم
من هئچ کیمسهیه یوز آتمیش
سانتلی دونیامی ساتمییاجاغام
/channel/Adabiyyatsevanlar
موسیقی « دومانلی تبریز »
شعر : حبیب فرشباف
تار : عزیز جداری
ساز قوپوز : شاهین هاشم نژاد
ناغارا : دنیز مطمئن
پیانو : تانسو ثمودی
خواننده : لاچین مهدی پور
/channel/Adabiyyatsevanlar
زرین رزندی(طناز)
دئییرم دوسلاریما،کئچدی جوانلیق چاغی دا
گولشنیم سوُلدو،خزان اولدو،گوُزل لیک باغی دا
عوُمرومون شیشه سینه،دوشدوکَدر،اولدو هَدَر
فلک اویناتدی یئریندن،اوجا هوندور داغی دا
قارا آغری گئجه قویمور،یوخو گیرسین گوُزومه
بوزاریب گوُز قاراسی،چیل-چیل اولوب دور آغی دا
قامتیم سروتکین،توفان اینمزدی باشی
یایا دوُندردی سولو،ایدی کمان تک ساغی دا
انگیمین دای نایی یوخ،کلله-پاچا دوُشله مه یه
منع ائدیب دیر طبیبیم،حتی قارین-قورساغی دا
سانکی طبعیم ده دوُنوب،جان ائویمی شاختا چالیب
چوُر باسیب دیر قانادا،شعرو ترانه تاغی دا
جانیمین گیرجی گئدیب،زور دوشور آنجاق دیلیمه
عفو ائدین سیز اوُزونوز،چوخ دانیشان سارساغی دا.
/channel/Adabiyyatsevanlar
اوستاد کریمی مراغه ای
/channel/Adabiyyatsevanlar
بیزیم ده بئله گونلردن واریمیزدی....
/channel/Adabiyyatsevanlar