1076
قناة لنشر قصائد احزان وافراح اهل البيت ع 🖊️عباس فاضل الشمري ونسألكم الدعاء الأداره👇 @AbbasAE القناة👇👈
استشهاد الامام الحسن العسكري
عليه السلام
ـــــــــــــــــ ❁ ❁ ❁ ــــــــــــــــــ
اليوم البچي بسامراء
الحادي عشر بچـاهم
ـــــــــــــــــ ❁ ❁ ❁ ــــــــــــــــــ
ياسيدي اليوم الدمع بمصابك
فوگ الوجن لمن يهل يم بابك
لمن رحت كاسر گلب احـبابك
تنعه بحزن هاي الناس
والمهدي ينـعه ويـاهم
ـــــــــــــــــ ❁ ❁ ❁ ــــــــــــــــــ
اليوم الامـام العسـكري يسمونه
مـن الظـلم سـال الدمع بـعيـونه
اليوم بحزن كل شيعته يودعونه
عشت بظلـم وتأذيت
بس انت ما تخشاهم
ـــــــــــــــــ ❁ ❁ ❁ ــــــــــــــــــ
بأخر نفس سال الدمع مـن العين
گلت العقيد اقره نعي عن حسين
يالقدمـت عمـرك نـذر لجل الدين
يالكملت درب حسين
بأخـر نفـس تنـعاهـم
ـــــــــــــــــ ❁ ❁ ❁ ــــــــــــــــــ
بزغرك گـلت مخلـوقيـن مـو للعب
واليشـعل النار صـغار مـن الحطب
والسائل تعجب بيك شاف العجب
من زغرك وعندك علم
بحـيره العـده خلاهم
ـــــــــــــــــ ❁ ❁ ❁ ــــــــــــــــــ
سم الغدر بالعنگود وصايم جنت
اليوم بمنيتك حسيت چن گربت
چبدك تگطع واللون احـمر صرت
لمن رحت الهم ضيف
بسـم الغـدر ملگـاهم
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
قصيده لذكرى استشهاد الأمام
الحســـن الـعسكــــــ ع ــــــري
ـــــــــــــــــ ❁ ❁ ❁ ــــــــــــــــــ
يـامهدينــا تواسي حسينك
يـامهدينــا بدمعة عينــــك
مـن الحسن غــاب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
من طاح ابوك اليوم دمعك تصبـــه
تنحب عله المسموم كضاهـا غربـه
تذكر مصاب حسين والفركه صعبه
شاف الجفوف شلون وبصفها جربه
من فكد الاحبــــاب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
شفت الجبد ممرود رحت بخيالك
للمجتبى المظلوم يتعنـــه بـــالك
تذكر مصابه تريد تشكيله حـــالك
وتكله ابوي اليوم مسموم اجــالك
من زغرك وشــــاب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
بعد الحسن ما مات بعيونه حسره
ترحل عن الانظار والغيبه صغـــره
تتبعها وحده انوب تتسمه كبــــره
والشيعه تطلب ثار حكمك تنطره
وشاهدنه ســرداب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
تشكي الفگد ولظيم شفت الاذيــه
بعد الابو مــن يروح تحله المنيـــه
وبعـمر خمس سنين عنـدك وصـيه
عدهم خبر مكتوب منصــب وليــه
خل يقره الكتـــاب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
يالمهدي حيدر طاح والطبره بالهــام
بضلع الزجيه تشوف متكسره لعظام
وعمتك غريبه تـروح مسبيه للشـــام
وچف الكفيل وعين وي ظيم الايتام
كل هاي الاسبـــاب
دلالــــك انـصـــاب
يـامهدينــا•••يـامهدينــا
ـــــــــــــــــ ❁ ❁ ❁ ــــــــــــــــــ
حجة انت للاسلام يالمهدي قائم
تنشر عدل بالگاع مايبقه ظالـــم
رب العرش خـــلاك للأمه حاكــم
تطلب تريد الثار ثــــار الهواشــم
من لطبره والبــاب
دلالــــك انـصــاب
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
رضا التميمي ..
راح ابوية ودمعتي ظلت جرية
وشحال اليفارك ابو وكت المسيه..
الشاعر عباس فاضل الشمري..
راح ابويه ودمعتي ظلت جريه
وشحال اليفارك ابو وكت المسيه
راح ابويه
الشاعر عباس فاضل الشمري
اداء ملا حسن المجبلي
مات النبي وشبگو علي
وهجموا عليه
كلمات الشاعر
عباس فاضل الشمري
بصوت. ( مسلم المطيري)
🔻أستشهاد الرسول الاعظم
محمد صلى الله عليه وآل وسلم
حقد الاصحاب 💔
ـــــــــــــــــ ❁ ❁ ❁ ــــــــــــــــــ
مــات النبي وشبگو علي وهجمو عليه
الدين انفجع كسرو ضلع بنته الزچيه
بويه الاصحاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
من رحل سيــــد البريه البتول تنـــادي
هجمو اصحابه عليــه وارعبـــو اولادي
همه يدروني الزچيه ويعرفون امجادي
ريت اخذتني المنيه بعد ابوي الهــادي
صرخه اعتاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بعد گبرك يانبينه ما نشف تربانــــــه
الوصي حيدر علينه چتفو ذرعانــــه
بعدك بوليه نولينه ريتك انته ويانــه
وشاهد بعينك سبينه والظلم عنوانه
بحقد الاجناب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
انته اكملت الرساله وبلغت امر القدير
اصبح الدين بكماله ونصبت حيدر امير
وربك انطاك الكفاله بكل يتيم وبالفقير
خالفو رب الجلاله ولا يحاسبهم ضمير
والعدل غاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
فگدت الامـه نبيها فوگه ينذب التراب
هـو سيدها وتقيها قائـد بأسمه يهــــاب
مورجل هذاشبيها يهتك الحرمه حجاب
ولسطر خد ام ابيها ربك انطاه العقاب
وضلعي الانصاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بالحشر باچر نشوفه مدنگ الراس وذليل
غـدا والشاهد چـفوفه تذكر الفعل الرذيل
عندي حگ ومااعوفه يحكم الباري الجليل
الجرج باچر يروفه ويظهر الحق والدليل
وتظهر اسباب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
والجزاء يكون قاسي النار محتاجه حطب
اتحملت انـه المأسي شاهـدة سب وضرب
بالحشر باچـر يناسي يگـرب الاسمه محب
والعشگ عـنده قياسي ماتـرك هذا الدرب
يبچي لمصاب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔺محرم🔻قصائد السبي 💔🏴
اضغط على الرابط للوصول للقصيدة 👇
انه زينب 🔻
/channel/aeabasae/16374
درب اليسر 🔻
/channel/aeabasae/16379
مخنوگات 🔻
/channel/aeabasae/16385
شمس السبي 🔻
/channel/aeabasae/16390
يدمعات 🔻
/channel/aeabasae/16406
شوق العقيله 🔻
/channel/aeabasae/16412
الم الذكريات 🔻
/channel/aeabasae/16420
🖊️الشاعر عباس فاضل الشمري
محرم 🔻
السبي
الم الذكريات
ـــــــــــــــــ ❁ ❁ ❁ ــــــــــــــــــ
تمشـي لسنين يگلبـي..تمشـي لسنين
مـدري لا ويـن يگلبـي..مـدري لاويـن
اذكر ايام الزغـر ..تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
يا عمر .. بالصبر .. لمـن اسنينك بدت
عالسفر .. والهجر .. انـه چني تعودت
ياسهر .. ياقهر .. كافي والله تمرمرت
من البشر ..والحجر..اكثر اني تحملت
والطبر .. والكسر.. عيني لمن شاهدت
شيب گليبي وكبر .. اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
والعجب.. ياگلب .. تنبض وبعدك عدل
والصعب..ينكتب.. ماتموت انته وتظل
التعب .. والعتب .. بيه ماتدري شعمل
الضرب.. والحرب.. والضعن لمن وصل
السلب .. والدرب .. والنشد عن الكفل
عفته نايم عالنهر .. اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
السهم .. والخيم ..والكفل جفه انگطع
والالم .. والعلــم .. عالنهــر لمـن وگــع
الزلم .. والشتم .. بالأذن مــن ينســمع
للظلم .. ما نهم .. مــا نذل عندنه طبع
للحرم .. بالهظم .. مـا بقه بــس الدمع
لمن يطيح الگمر ... اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
والشمع .. بالدمع .. يـطفـه ويموت العرس
ينمنع .. ينگطع .. مــايطب ريتــي النـفس
اندفع .. وانصفع .. وسفه بجفوف الرجس
من وگع ..وانسمع .. بالصدر صوت الرفس
بهالوضع .. ينشلع .. لحمـك بحافــر فـرس
اصرخت من القهر .. واذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
ياملح .. بالجـرح .. لمــن تــفـارك مــحـب
ياصبح .. لا تشح .. يظلــم بعيني الــدرب
ينشرح .. ينفتح .. صـدري لـونسمه تهــب
بلا مسح..ينفضح..دمعي بخدودي اليصب
والفرح .. ينذبح .. بالحـزن يبقــه الگلــب
صارت امنيتي الگبر .. واذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ـــــــــــــــــ
🖊️عباس فاضل الشمري
#الشاعر_عباس_فاضل_الشمري
أداء الخادم محمد السماوي
القصيده
اشتاكيتلك اشتاكيتلك
محرم 🔻
السبي
(شوق العقيله) الحوراء زينب
(عليها السلام)تخاطب اخيها
ـــــــــــــــــ ❁ ❁ ❁ ــــــــــــــــــ
اشتاگيتلـك ... وحـنـيت لأيامـك
اشتاگيتلـك ... ارد ابچي گدامك
مـو شيـبَـت حتـه الطفـل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
روحي مشتاگه تشوفك يـاكفيلي
والله من دونك يغالي ظلمه ليلي
ياكل بروحي غيابك هدلي حيلي
وانه بالشـام وغريبـه مـاتـجـيلي
دمـعـه بــعيــوني تــهــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يـاگمـر انتـه كفيـلي وهيبتي انــته
دافيـه عيـون الحنين التصـد لخته
عـلـه بگليبي تعـَرفـها شنهـو عـلـته
من تمر انته اعله بالي يموت سكته
گلبــي مــات بـــلا أمـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يابو فاضل گلبي يرجف من اذكرك
بـلا چفوف ومـاتجيني انـه اعذرك
مـاشفت راحـه بغيابك خـل اخبرك
سنين من عمري اخليها اعله عمرك
لـــو خـبـر مـنــك وصــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
انـتـه يـانـور بـعيـونـي تضـوي دربي
مـايـدگ واگـف يـنطـرك شوفـه گلبي
روحي مشتاگه واجيتك اشكي تعبي
مـايمـرنــي الظـيـم لمـن انـتـه گـربي
الـدهــر بــيـه شــعـمـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
يمته اوصلك يخويه يمتـه اشوفك
انه من عفتك جبرني وكتي اعوفك
وانت نايم ع الشريعه بـــلا جفوفك
قدرتلك يا ابــو فاضل كـل ضروفك
ادري نــايـــم مـــاتــظـل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
ردتـك تـعايـن تـشوفـه هـذا حـالي
يعينه الله الي رحل من عنده غالي
هسـه خـويـه اذكـرّت عـزي ودلالي
مـن چنت يمـي يخويه مـن دنـالي
حـرمـه هـسـه بـلا اهـــل
الـفـرگــه لا مـا تـنـحـمـل
اشتاگيتلـك . اشتاگيتلـك
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
محرم 🔻
يدمعات💔
🔻السبي
ـــــــــــــــــ ❁ ❁ ❁ ــــــــــــــــــ
يـــــدمــــــــعــــــــــــــــات
باچر عالوجن صبن يدمعات
باچر كافلي چفوفه گطيعات
من بعدالخدر نصبح غريبات
ـــــــــــــــــ ❁ ❁ ❁ ــــــــــــــــــ
باچر نظل بين العــده مــاينسمع بجينه
ياخويه من طاح الگمر بعدك تره نولينه
نايم يظل فوگ النهر ومگطعــات ادينه
باجر لون جابو هزل گرب وكــت سبينه
سبايه باچر عالهزل نصعد سبايه
چم طفل بطفل يركض ورايه
ويصبح ساتري بــس العبايه
ـــــــــــــــــ ❁ ❁ ❁ ــــــــــــــــــ
باچرنشم ريحته حرگ لمن تشب خيمنه
لمن تجي خيول العده نعرف وگع علمنه
نشبع ركض بين الزلم مــاواحد احترمنه
نصرخ يعباس الكـمر هــذا الشمر شتمنه
يعباس شتمو والدي وامي يعباس
وانت اعله النهر نايــم بلا راس
انهض وذبح بسيفك هالرجاس
ـــــــــــــــــ ❁ ❁ ❁ ــــــــــــــــــ
باچر بناتك ياعلي تسمع حچي الشماته
شيصبره عباس الگمر بيـن الزلم خواته
معذور ابن حامي الحمه يتعــذر بمماته
ماظل عذر لا يعتذر نعرفها كــل صفاته
يضرغام ندري بحالتك ندري يضرغام
تشهد خويه چفينك ولسهام
رايد زينب اتعذرك والايتام
ـــــــــــــــــ ❁ ❁ ❁ ــــــــــــــــــ
باچـر خــدر حيدر علـي يتعلــگ ابعباتي
باچر لجـل ستر النبي افديها كــل حياتي
خاطر يظل اسم الستـر يتنومس بصفاتي
زينب انه وحته الشرف ظل يحلف بغلاتي
العيون ماشافت ستر زينب العيون
ماهمن تــره بسوط اليضربون
كل همهم تره طولي يشوفون
ـــــــــــــــــ ❁ ❁ ❁ ــــــــــــــــــ
درب اليسر مــاينحمل اسمع بچي اليتامه
گلب الطفل نار اشتعل شاهد حرگ خيامه
سوط الشمريترك غدا مــن الضرب علامه
ازرك لون صار المتن عــدنه المهم كرامه
اميرات غصباً عالزمن نبقه اميرات
ما همنه الظلم احنــه اصيلات
ماعدهم شرف واحنه شريفات
ـــــــــــــــــ ❁ ❁ ❁ ــــــــــــــــــ
باسم الولي من نفتخر نكسر خشم عدونه
بنت النبي امنه الطهــر وحيـدر تره ابونه
اليذكر نسب خــل يستحي وينزل بعيونه
احنــه الفخر وكــل البشر نسبنه يعرفونه
علويات نتسمه بفخر احنه علويات
بس شاء القدر صرنه سبيات
والگلب النبي نبقه عزيـزات
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
محرم 🔻
شمس السبي 💔
🔻السبي
مولاتي زينب عليها السلام
تخاطب الشمس ..
ـــــــــــــــــ ❁ ❁ ❁ ــــــــــــــــــ
ياشمس شمسويه بيه
انــه وسكينـه ورقيـه
انـچـويـنه ..
ـــــــــــــــــ ❁ ❁ ❁ ــــــــــــــــــ
ياشمـس بــس العبـايـه السـاتـرتني
ومن ادوس الگاع جمره چن چوتني
اتگلي غطينـي يعمـه سكنـه اجتني
والسـوالـف عـــن رقـيه العـذبـتـني
امشي مچتوفه وسبيه
انـه وسـكيـنه. ورقـيـه
انـچـويـنه
ـــــــــــــــــ ❁ ❁ ❁ ــــــــــــــــــ
ياشمس دم اعلـه متني عفته يابس
ومن تدوس الگاع رجلي بيها ماحس
شويه خفي حسين مسلوب الملابس
ميـت ويمشـي برمـح لعيـاله حـارس
وعينه بس تنظر اليه
انـه وسكينـه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
يلفـح بوجهي الهـوه تحـركني هبته
وبالعبايـه عـن وجـه سكنـه حجبتـه
وبنتـك ارقيـه التظمهـا بگلبك انتـه
اتگلي ياعمه انچويت وتبچي سكته
والشمس حرگت اديه
انـه وسكيـنه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
وچن شفت غيمه اجتني من سمايه
وركـزت لمـن شـفـتهـا ولنـهـا رايـه
گالـت العباس دزنـي وجـت ورايـه
روحي گلتلهـا الگمر وصليله هايـه
وسولفيله الصار بيه
انـه وسكينه ورقيه
انـچـويـنه
ـــــــــــــــــ ❁ ❁ ❁ ــــــــــــــــــ
شحال راسك عالرمح رحله وبعيده
بالنحر من الشمس تجوي الحديده
ودمه ليصب انگطـع نـاشف وريده
مـن يهزك خويه چـن هـزت رعيده
تمطر بغيضك عليه
انه وسكينه ورقيه
انـچـويـنه
ـــــــــــــــــ ❁ ❁ ❁ ــــــــــــــــــ
هـذا حالـي يـاشمس بعـد الهـواشم
تمشي بالهيمه صـفت كــل الفواطم
والأجـن ويـاه يمـشـن هـسـه نـايـم
ولاكتر مـن جسمه والله باقي سالم
جثه متگطعه ورميه
انـه وسكينه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
ياشمس لـو منـچ انـه اطفـه والله
ماخجلتي مـن ابونه مـن امنه بـله
جـاوبينـي بكـل صـراحه يـله يـله
لا هو تقصير ونسيتي ولاهي غفله
حسين مرمي عالوطيه
انـه وسكيـنـه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
يا شمس نفرض فرض مره اشتكالچ
تخيـلي حـرچ يحـرگ بوجنـة عيالچ
ويشتكي مـن الحراره ويبچي جالچ
بس اريده حچايه تشرح شنهو حالچ
والله چا گلتي خطيه
انـه وسكيـنه ورقيـه
انـچـويـنه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
يامهدينا
الشاعر عباس فاضل الشمري
ملا حسن المجبلي
🔸🔸قصائد استشهاد الرسول الأعظم
عليه الصلاة والسلام
✅اضغط على الرابط للوصول الى القصيده واللحن
🔻🔻🔻🔻🔻🔻🔻🔻🔻
قصيدة مات النبي 🔻
/channel/aeabasae/16436
قصيدة راح ابويه 🔻
/channel/aeabasae/16452
قصيدة ظلم 🔻
/channel/aeabasae/16468
🖊️كلمات
عباس فاضل الشمري
🔻استشهاد الرسول الأعظم
محمد صل الله عليه وآل وسلم
الزهراء عليها السلام
ظلم 💔
ـــــــــــــــــ ❁ ❁ ❁ ــــــــــــــــــ
ظلم .. بعدك يبويه بكل حقد داري يحركون
ظلم .. ما تطفه ناري بغيبتك وتصب العيون
واطفيها ناري بدمعتي
واشكيلك انه بحسرتي
بعـدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يابويه فگدك من رحت شمسوي بيه
مـن غمضت عيـنك تـره دارو عليه
بابي احترگ والنار اجت حرگة اديه
ما رف ابـد الهـم گلب وگالـو خطيه
حچي.. يابويه شحجيلك بعد بعيوني دمعي
حچي.. حرمه ويتيمه بلا ابو وما اكدر ادعي
ريتـك تشـاهـد حالـتي
واشكيلك انه بحسرتي
بعـدك شـفت يا خـمتي
ظلم ..
ـــــــــــــــــ ❁ ❁ ❁ ــــــــــــــــــ
لمـن وگع مـني الطفل وبخـدي سطره
ماعايـش ايامه وخـلص بالعتـبه عمره
كلما يجي ابالي اختنگ تخنگني عبره
ذبلنـي يـابويه الـوكت عايـفـني زهـره
متت.. ذبـلانه ابقـه بروحتك ظل عودي محني
متت..يابويه اجوني بكل حقد كسرولي غصني
بفگدك متـت ياشجرتي
واشكيلك انه بحسرتي
بعدك شفت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
يالكاسر جناح الگلب كسـره شيضمده
ذابحني يـا بويه البعد چـي ماكو رده
مجبـوره ظـميـت الدمـع عـالخـد تبده
مثل الحمامه بچف طفل ما منه شرده
خنگ.. بجفـوفه يكسرلي ضـلع لمن خنگني
خنگ.. خلاني اطيحن عالارض لمن سطرني
انه طحت مـن سطرتي
واشكيلك انه بحسرتي
بعدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
هم شايف بنية نبـي وكسـرو ضلعها
وتنـادي يافـضه بقهـر مـحد سمـعها
معقوله ما كسرة كلب جف الصفعها
مقهوره ويظل عالوجن ينزل دمعها
تهل .. دمعاتي مـن بعـدك نهر مايهده يجري
تهل .. يابويه بس نوح ودمع خلصته عمري
ودموعي حفرت وجنتي
واشكيـلك انـه بحسرتي
بعـدك شفـت يا خيمتي
ظلم ..
ـــــــــــــــــ ❁ ❁ ❁ ــــــــــــــــــ
ابشع جريـمه تسجلت يوكع جنيني
كلـما امـر بالباب احس يكثر ونيني
ما اريد اشوفن عتبته اعميها عيني
يابويه ردتك بالحلم اغـفه وتجيني
حلم .. يالشوفتك صارت حلم اغفه واشوفك
حلم .. يا ريته ما يخلص ابد ما اريد اعوفـك
ما اريد افز مـن نومتي
واشكيلك انه بحسرتي
بعدك شفـت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
خلينـي اشمك ياهـوه واترسها ريتي
يا نسمه مـن صوب الكبر لمن اجيتي
حملتي ريحة والـدي وبيـها اعتنيتي
يا نسمه بنفاسي اختنگ لمن مشيتي
هوه .. ما اريد اشم نسمة هوه ما بيها عطرك
هوه .. لمـن يجي ردته يمـر بويه اعلـه كـبرك
عطرك اريـده بشهگتي
واشكيلك انه بحسرتي
بعدك شـفت يا خيمتي
ظلم..
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔻أستشهاد الرسول الاعظم
محمد صل الله عليه واله وسلم💔
راح ابويه 💔
ـــــــــــــــــ ❁ ❁ ❁ ــــــــــــــــــ
راح ابويـه ودمعـتي ظـلت جـريه
وشحال اليفارگ ابو وكت المسيه
مـن دم دمع بچاني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بالدنيه اليفارگ تـره يكـثر ونينه
يوميـه يگعد بالدرب ماتهده عينه
ويذّكر ايامه الگضت ذيچ الحنينه
محلاها چلماته الابو لـمن حچينه
گلي بـويه بروحـتي تكـثر جروحچ
والدنيه تخنگ بالهوه لتشمه روحچ
مختنگه من احزاني
بُـعده شكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
خـل اغسـله بدمـعتي وبگـلبي گبـره
وارد اسولفـله شكـثر بعـيونـي ذكره
مايحله ابد چان العب الا اعله ظهره
شيردها الايام المضت متردها عبره
لو نبچي كل هذا العمر منرجع الراح
والعنده غالي ومندفن لتـظنه يرتاح
شلون ادفن الرباني
بُـعده شكـثـر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
دورته بعيوني الضوه مـن شفته ظلمه
شيعتـه بشفافي الحچي والميته چلمه
مـاي وتطـشر بـالشـمس گـلـي شيـلـمه
يـابويـه بعـدك والـهوه مـا اريـد اشـمـه
ماكو نسمه بريتي تصعد بالانفاس
بعـدك تره ببــنيتك تتشمت الناس
جمر الهجر چواني
بُـعده شكثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
يـابويـه ظلمـوني تـره والـشاهـد الـباب
وبَيـّن طمعـهم ولحـقد الچـانـو اصحاب
بس الدمع ظل سلوتي من بعد الاحباب
ويـاك اريد انـه انـدفن ويطمنـي التراب
جيت اسولف غربتي واشكي الرزيه
واحچيله بفراگه الدمع شمسوي بيه
مات الحچي بالساني
بُـعـده شـكثـر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
متعوده بويه الجيتك وتمرني كل يوم
لمـن تـروح وتبتعـد ظـل گـلبي مهموم
ماعندي بس عطرك تره واشتم الهدوم
مايهـده گلبي بفرگـتك خليتـه محروم
ينشـدني يوميه الگلب ويگـلي ويـنه
ومشتاگه هاي رويحتي وشگد بچينه
بظيم وقهر خلاني
بُـعده شكـثر اذاني
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
بويه الامر كلش صعب وشلون اشرحه
ظل الگلب ينزف حزن شيظمده جرحه
ماظلي كلشي بروحتـك مـاعندي فرحه
بس فرحة الموت وبعد ما مرني صبحه
الفرحه بس بموتتي بعدك عشتها
والدنيه من دونك ابد لا ما ردتها
موتي شوكت يلفاني
بُـعـده شكـثر اذانـي
راح ابويه .. راح ابويه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔻٢٥محرم
حزن المحراب 🖤
استشهاد الامام زين العابدين_ع💔
ـــــــــــــــــ ❁ ❁ ❁ ــــــــــــــــــ
مظلوم مظلوم .. زيــن العابدين
مظلوم مظلوم .. ياابن الحسين
ـــــــــــــــــ ❁ ❁ ❁ ـــــــــــــــــ
ابتدت من كربـله
ويه ضعن العايله
قصه عذابك
ضلوع ابوك مرضرضه
بالـمرض عمـرك گضه
يخلص شبابك
ويـه اخـوتـك تـفتـرگ
من لخيم ريحه حرگ
تبقه بثيابك
عالولي من تنتحب
ترحل ويبقه الگلب
يبچي المصابك
هاليوم هاليوم..ترحل ياحنين
مظلوم مظلوم.. زين العابدين
ـــــــــــــــــ ❁ ❁ ❁ ــــــــــــــــــ
ترحل الليله بحزن
بعدك دموعك بقن
بمسجد صلاتك
سجدتك صارت مثل
بيـهـا دمـعـاتـك تـهل
اجمل صفاتك
ياعلي وجدك علي
هيبتك مـن الوالي
عايش حياتك
دنيتك خلصت الم
ينحب اليوم العلم
ساعه وفاتك
مالـوم مـالـوم ..محرابك حزين
مظلوم مظلوم ..زيـن العابدين
ـــــــــــــــــ ❁ ❁ ❁ ــــــــــــــــــ
والله صعبه مصيبتك
شـلـون تـذكـر عمـتك
لاوالي عدها
وانـت ويـاهـا عليل
واليسر دربه طويل
تصبح سندها
تنتحب كـل العمر
اه ياجـرح اليـسر
روحك مردها
المنـيه اليـوم اجـت
روحك الها استقبلت
لا ماتردها
مهظوم مهظوم.. من جور السنين
مظلوم مظلـوم ..زيـن الـعابـديـن
ـــــــــــــــــ ❁ ❁ ❁ ــــــــــــــــــ
شيعتك ظلـت تـون
شافت بفگدك محن
تصعب عليها
فرگتك صعبه شكثر
ترحـل الليـلـه بقـهر
من بين اديها
يترك امصابك جرح
يشبه احـزان الرمح
تذكر وليها
تشوف من بعدك هظم
منـظـر أيـتـام وخـيـم
يرجع عليها
ملچوم ملچوم ..گلب العاشگين
مظلوم مظلوم ..زيـن العابـديـن
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
مسلم المطيري
تمشي لسنين يكلبي ...تمشي لسنين
مدري لا وين يكلبي ...مدري لا وين
كلمات الشاعر/ عباس فاضل الشمري
اشتاگيتلك
الشاعر عباس الشمري
صوت خادمكم أبو منتظر الإمارة
مسلم المطيري
يدمعات
باجر عالوجن صبن يدمعات
باجر كافلي جفوفه كطيعات
كلمات الشاعر/ عباس فاضل الشمري
ياشمس شمسويه بيه
انــه وسكينـه ورقيـه
انـچـويـنه ..
ـــــــــــــــــ ❁ ❁ ❁ ــــــــــــــــــ
كلمات ✍️
عباس فاضل الشمري
༺༺༺༺༻༻༻
༺༺༻༻
༺༻
#الخادم_غازي_الساعدي
محرم 🔻
مخنوگات 💔
السبي
لحن تعبانات
ـــــــــــــــــ ❁ ❁ ❁ ــــــــــــــــــ
مخنوگات شامات شگد حرگ
واللچمـات بالمتـن صارن زرگ
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
علويـات يحتـرگـن عبـيهن
هـاي الـنار من شبت عليهن
والدخان يخنگ من يجيهن
مـن لرماد مسـودات اديهن
العـيـون .. بيها ينشاف التـعب
يضربون .. بالمتن طول الدرب
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
بدرب الشام ودوهـن سبـايه
راح الچـان شايـل بيده رايه
وظل الجود يسفح منه مايه
بـلا چـفين كلش صعبه هايه
شلون يگوم .. يفزع ويحمي الخدر
ظـل مهموم .. طـايـح بصـف النـهر
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
سكنه تگول ياعمي انولينه
مـا معقول ماتـسمع بچينه
شنهو الصار ماتنشد علينه
محـروگات يـاكافـل عبينه
الـدمـوع .. طاحت اليـوم وجرت
والشموع .. شبگت الحنه وطفت
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
الشـمـات خـلو بينـه حسره
ويصدون النه وشنهي نظره
چن يگول كسرچ من يجبره
بـلا عباس دمعچ يبقه عبره
الـجــروح .. منهو يشد نزفهن
يعله النوح .. بعـدك ياگـمرهن
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
مـن اشـتـاگ اشـرح انـه تعبـي
وهـاي الـروح الكـم والله تربي
يظل مجروح ينـدب هـذا گلبي
طول الليل امشي وظلمه دربي
وجهك چان .. هو اليضوي ليلي
مـن تـروح .. والله تهدلي حيلي
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
مـن تـروح تعمـي بعيني ناظر
جابو خيل تسحگ عدها حافر
وانه بقيت ابچـي وبيك اناطر
من رديت گـلبي العفتـه حاير
مـاينساك .. يبچي الك طول الدهر
والملگالك .. افدي الك عنين ونحر
يـا كـافـل .. يـا كـافـل
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري