1076
قناة لنشر قصائد احزان وافراح اهل البيت ع 🖊️عباس فاضل الشمري ونسألكم الدعاء الأداره👇 @AbbasAE القناة👇👈
مسلم المطيري
ودعتهم. ...عندي وياهم عتب
ودعتهم. ..همه عافوني بغرب
كلمات الشاعر/ عباس فاضل الشمري
محرم 🔻باچر 💔
الوداع- العاشر
ـــــــــــــــــ ❁ ❁ ❁ ــــــــــــــــــ
باچر .. مــن عسنـه لا يـجـي .. باچر
حاير .. بين زينب بين سكنه .. حاير
سكنه اليسلبوها .. وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
سكنه نادت ياگمرنـه المـاي روح وجيبه
وزينــب تنـادي يخويـه لا تطـول الغيبه
لورحت ياخويه تدري تروح مني الهيبه
تنسبي بعـدك خواتك والله هاي مصبيه
عاشر ..اصعب ايامي الشفتها.. عاشر
خيامك يحركوها .. وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
هـا يكافل وينـه وعـدك مـوگلت بحمايه
وتالـي تتركني وحيـده ومـاتظـل ويايه
انطـر اليــل واروحــن امشي الك عنايه
ظهر اخوك الي تكسره من تطيح الرايه
كاسر ..ظهر اخوك وگلبي هم ..كاسر
جثتك يسحكوها .. وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
من طحت بيمن تفكر منهو چان ابالك
انه وسكينه وعظيدك هو يدري بحالك
خويه و تريد اتعذر مـن اجــه چتالك
كتله امهلني يجيني ابـن ابـوي وجالك
شاهر.. سيفه وبگلبه غظب ..شاهر
عينك يطفوها .. وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
گتله خويـه اعتذاري وصله للمظلومه
المـاي ماجبته شبديه لاتظـل مهمومه
چانت امنيتي بچفوفي رايتي ملزومه
چا شلت بيها الفرات وغرگتها الحومه
عابر .. گنطره بزغري ونهر .. عابر
همه ماعبروها .. وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
القهر ماليني خويه بروحي ظلت حسره
مـاكدرت ارجع يخيتي طلب منچ عــذره
مـايقصـر بيــه تــدري يفـدي اخـر گـطره
من مشت زينب سبيه هاي كسرت ظهره
ساير ..شاهد بعينه الظعن ..ساير
گبالك يشتموها ..وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
وانـه يازينب اعرفج انتي تربات الولي
مـاتهابيـن الطغات والـدچ حيدر عــلي
رايتي بيدچ يزينب خـل تـرف وتعتلي
انتي لبوة بني هاشم بزود اخوچ ادللي
جائر ..ادري بالحاكم يزينب ..جائر
موزلم تدروها ... وزينب اليسبوها
بــاچــر
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
محرم 🔻ترافة نحر 💔
عبدالله الرضيع ع
لحن يخيمات 🖤
ـــــــــــــــــ ❁ ❁ ❁ ــــــــــــــــــ
يالسهام عوفن رگبة وليدي يالسهام
ولا نام فز من العطش يبچي ولانام
ريـت بـحضـني ضـمـيتـه بـالخـيـام
ـــــــــــــــــ ❁ ❁ ❁ ــــــــــــــــــ
عبد الله يالنحرك ترف اشلون السهم يصيبك
ترفس مثل طير انذبح وانت بحضن حبيبك
ضيعتك امـن ايدي وبعد يا يـمه مـن يجيبك
كلمـن نصـيبه بدنيـتـه وانـت الذبـح نصبيك
يمذبوح..
ردتك مـاي تـتروه يمذبـوح
تالــيهـا تـرد لأمـك بـلا روح
بعدك ينترس گلبي بالجروح
ـــــــــــــــــ ❁ ❁ ❁ ــــــــــــــــــ
كلشي بحـياتي توقعـت بـس تنـذبح ماضنيت
لمن خبر موتك وصل من دم دمع يمه ابچيت
لمـن تصد عينـي المـهد نايـم اشـوفك ياريـت
من طلعتك مـن الخيم ما تدري بـيه شسويت
ولا اشوف ..
بعدك يعمن عيونـي ولااشوف
مذبوح بسهم نحرك بالطفوف
مـا يحتـاج ذباحـك للسـيوف
ـــــــــــــــــ ❁ ❁ ❁ ــــــــــــــــــ
لمن صرت يمه افرحت والفرحه بس ست شهور
كل ظني من تكبر ردت بس عينك اتشوف النور
تصبـح سنـد وكـت الكبـر والأمـك اتصير السور
مستعجل الـمن عالهجر گلب امك يظل مكسور
الگـلوب ..
مـايجـبر كـسر بيها الگـلوب
لـمـن تبتـعد منـها يمـحبوب
تنطر جيتك وتگعد بالدروب
ـــــــــــــــــ ❁ ❁ ❁ ــــــــــــــــــ
الورده تـوگع والغصن من تنگطع هـم يطيح
يا ورده يالدمك عطر مـن تنگطع منها يسيح
هـو الورد مـن ينذبح مـو بالسهم كون بريـح
ومن الترافه يشع ضوه من رگبتك من تصيح
يشفاف ..
وجهك بالشمس يضوي يشفاف
من گـد الضوه بوجهك متنشاف
من عـمك گمر هاشم الاوصفاف
ـــــــــــــــــ ❁ ❁ ❁ ــــــــــــــــــ
من السهم جـاس النحـر معقوله ما تندم
الله اليساعد والدك من رگبتك شال الدم
من شافك بحضنـه متت گلبه شكثر تألم
حيرنـي هالموقف تـره منـه الصـبر تعلم
يمولاي ..
صبـرك حــير العـالـم يمـولاي
ظيم المر عله گلبك تره هواي
عبد الله انذبح بيـدك بلا ماي
ـــــــــــــــــ ❁ ❁ ❁ ــــــــــــــــــ
لمـن مشينـه لليـسر رحـله شكثـر بعيـده
مايرهـم الراس برمـح مـن ينگطع وريده
كلش جبيره اعله النحر ماترهم الحديده
خافن يگـع حتى الهـوه لا مـا يهب اريده
تره يطيح..
من راس الرمح راسك تـره يطيح
الـزم گـلـبـي كــل مـره تـهـب ريـح
روحي عليك كل خطوه تره تصيح
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
محرم 🔻عيني مشتاگه 💔
عبدالله الرضيع ع
ـــــــــــــــــ ❁ ❁ ❁ ــــــــــــــــــ
ويــلــي .. عينـي مـشتـاگـه وتريده
ويــلــي .. روحي عن روحه بـعـيده
عينـي محـرومه .. روحي مهظـومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
يالرحت من ايدي بالچي تــرد الـيه
ماتشوفك عيني تبجي شكد خطيه
بالحلم لو طيفه اجاني ومـر عـلــيه
مـا اريد عيوني وانتـه التـدري بـيه
نـظــره .. بــس اريـدن انـه مـنــه
نـظــره .. بالكن يمرنــي واحظنـه
وانظر ارسومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
بس اريده يرد عليه وعطره اشـمه
خاطر يرد ليه گلبي الـعفـتـه يــمه
بس اريد اگبال عينه احچـي كلمه
ارد اگــلـله بغـيابـك عــينـي تعـمه
عطــره .. بس اريدن منـه شمـــه
عطــره .. بكـل مكان يعذب امــه
وابقه مهمومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
مــا اريـد الدنيـه دونـك تـعـرف انــته
راح اظلـن عمــري كــله ابچـي سـكته
هـذا گلبي عليـك يبچي يجــر حسرته
ياهوه عذيبي اعله ريتي وتحله شمته
شهگـه .. من هواك تردلي روحي
شهگـه .. منـك اتـطَيب جروحي
ريتي ملچومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
لــو تـردلـي انطـي عمـري ومـا ابالي
انـته مـاتـدري بـغيابــك شنهو حالي
مــن اصدن مهدك ييمه گبالي خالي
شلـون اخلصهن بدونـك هــاالــيالي
صعبه .. يــمه كـل ليلـه بدونك
صعبه .. عيني متشاهد عيونك
انه محرومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
عمـره ست اشهر الدنـيه بيــه تـحــله
والعطـش اعـرف چبــدته مــاتـحمــله
مـن عيوني مـاي اشربــه ومنهن اغـله
مـافــطـمتـه ومـادريــت تفطمـه نـبـله
شفتــه .. مفرفح وجنه حمــامه
شفتــه .. شلون اطلعهن سهامه
تنزف دمومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
يـمـه يـاعبـداللـه اريـدك حـالـي تنظـر
انـته ورده بنص حياتـي ويمي تـزهـر
لحظه لحظه مـن اشوفك يـمـه تـكبـر
تـنگـطـع گـدامـي بـعـدك بـيمن اصبـر
ورده .. چنت ارويـك ابعيـوني
ورده .. وبـگطعتـك گــطعـوني
بعده مالومه .. روحي مهظومه
ويــلــي ... ويــلــي
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
محرم 🔻اموت وياك 💔
علي الأكبر عليه عليه السلام
ـــــــــــــــــ ❁ ❁ ❁ ــــــــــــــــــ
برحيلك گلبي يتفطر
بدونك تدري ما اگدر
شتظن انساك .. اموت وياك
بدونك تدري مااگدر
ـــــــــــــــــ ❁ ❁ ❁ ــــــــــــــــــ
يزهرة عمري ويامي يروحي ويانظر عيني
يحلمي واجمل احلامي وحـدي لا تخليني
بعد عينك ينورالعين اموت وانـت تدريني
يشمة كل هوه بريتي يفرحة عمري وسنيني
صعب فرگاك .. اموت وياك
بدونك تدري مااگدر
ـــــــــــــــــ ❁ ❁ ❁ ــــــــــــــــــ
احس بنـار البصدرك و دليلك يلتهب ضامي
دعيت الله ترد ليــه واشوفك انــه بحلامي
يتعبي ويا ابن روحي اجيت اشكيلك الامي
ياالاكبـر عمري ما اريـده اريدك انتـه گدامي
ردت ملگاك .. اموت وياك
بدونك تدري مااگدر
ـــــــــــــــــ ❁ ❁ ❁ ــــــــــــــــــ
فگدتك يابعد امك خذاك الموت من ايدي
تمنيت شكثر ياناس اريدن شوفت وليدي
غيابك هيج احزاني ييمه وشوفتك عيدي
اصبر روحي بالگوه اكل للروح بس هيدي
اظل انعاك .. اموت وياك
بدونك تدري مااگدر
ـــــــــــــــــ ❁ ❁ ❁ ــــــــــــــــــ
يشيخ الروح يـاهيبه يچلمات الهـلا التنكال
اسولفلك عله احزان وادموعي تسولف حال
يغالي ولاتظـن انساك يساكن بالگلب والبال
بعــدك مـا ردت كلشي لادنيـه ردت لا مــال
بعد عيناك .. اموت وياك
بدونك تدري مااگدر
ـــــــــــــــــ ❁ ❁ ❁ ــــــــــــــــــ
تريد المـاي يوليدي تريــد شفـاك ترويها
تــرد وتگلـه تــدريني اذا تروينـي افنيها
تروح شلون يايمــه وحيده امـك تخليها
يخيمه بروحي محتركه نارك من يطفيها
كمت انخاك..اموت وياك
بدونك تدري ما اگدر
ـــــــــــــــــ ❁ ❁ ❁ ــــــــــــــــــ
حزينه الروح بغيابك يتارك بالكلب حسره
يهنيال البشر لو مات عزيزة ينزله بالحفره
اريدك يمــه بچفوفك تهيـل ترابي وتنثره
خاطر بالگبــر ويــاي چفـك يندفن عطـره
واشم ذكراك .. اموت وياك
بدونك تدري ما اگدر
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
يماخذ كَلبي وياك
ملا حسن المجبلي
كلمات عباس فاضل
محرم 🔻گلب الوالده 💔
القاسم عليه السلام
ـــــــــــــــــ ❁ ❁ ❁ ــــــــــــــــــ
الرحل لا ما يـــرد .. وعيني لامتشاهده
واني گلبي ينمرد .. يـمـه گـلب الوالـده
ـــــــــــــــــ ❁ ❁ ❁ ــــــــــــــــــ
ابني من يرحل اصدن وجهي ليه
مــن بعيد وشاهدت دارو عليــــه
ارد اروح واكصد الحـومه اعتنيه
واشعــل اشموعـه واحنيها اديـه
رايح بعمـر الــــورد
حزني يايمه ابتــده
واني گلبي ينمـــرد
يمـه گلب الوالـــده
ـــــــــــــــــ ❁ ❁ ❁ ــــــــــــــــــ
يمه ياجاسم تروح وفدوه اكـــول
العمـر نفدي لجــل ابــن البتـــول
تخلص دموعي بغيابك من يطول
تنطفي عيوني ونظرها هـم يزول
عيني يعميها البعد
بعدك انه الفاكــده
وانه گلبي يـــنمرد
يمه گلب الـــوالده
ـــــــــــــــــ ❁ ❁ ❁ ــــــــــــــــــ
كبال عين الوالده يموت الولـــد
ومن يروح الغـالي ادري مايــرد
وشاهدت كدامي من مات الورد
بــلاذخر ابــقه وحيده ولا سنـد
وادري ماترجع بعد
ترحل بعمر النـــده
وانه گلبي ينمــــرد
يمه گلب الــــوالده
ـــــــــــــــــ ❁ ❁ ❁ ــــــــــــــــــ
مـن اشوفك رايح بعمــر الشباب
أحظنك حيل واشم ريح الثياب
يجوي دلالي يظل هــذا العذاب
تشتعل نــاري ييمــه بهالمصــاب
والسأل عنـه ونشد
گتله جثه هامــــده
وانه گلبي ينمــــرد
يمه گلب الوالــــده
ـــــــــــــــــ ❁ ❁ ❁ ــــــــــــــــــ
دموعي تنزل بعدك ويعله البچـي
اعتاب عندي وبين بعيني الحجي
اعليك ردت بكبري يايمه ارتجــي
منيدي ترحل تالي يمه وماتجــي
ادري يمه ماتــــرد
تذبحك اهل الرده
وانه گلبي ينمـــرد
يمـه گلب الوالــده
ـــــــــــــــــ ❁ ❁ ❁ ــــــــــــــــــ
زفتك يمه السيوف اعلـه التراب
وحنتك بالحومه مـن دم الركاب
اعله المنيه الزفه تتحول مصاب
تنطفي شموعك ييمــه بالشباب
غرفتك تصبح لحد
من التراب توسـده
وانه گلبي ينمــــرد
يمه گلب الوالــــده
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
"السَّلامُ عَلَىٰ مُهجَة قلب الرِّضَا ، وَبابه
الَّذِي مِنْهُ يُؤتىٰ ، السَّلامُ عَلَىٰ الجَواد"
#الامام_الجواد
لك العزاء ياصاحب الزمان 🖤
علــه صوت البچي الليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح
يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار
السلام عليك ياجواد الأئمه 🖤💔
وَفِي ذَٰلِكَ #فَلْيَتَنَافَسِ_الْمُتَنَافِسُونَ
الى اهالي #قضاء_العزيزيه الكرام وجميع خدام الحسين عليه السلام ندعوكم للتصويت للبرعم الخلوق منتظر محمد
هذا ابن مدينتكم لاتقصرون بالتصويت
ووصوله الى نهائيات #مرحلة_التصويت
من برنامج #منشد_العراق الموسم #الثامن
تكدر انته وعائلتك تصوتون بكل الأجهزه الي بالبيت خدمتاً للقضيه الحسينه
مراح تخسر شي وهيه #خدمة_للحسين
وراح ترفع أسم #مدينتك وهذا
#البطل _يستاهل
التصويت للبرعم #منتظر محمد
التسلسل ( ١٢ )✍️
ارسل رقم ( ١٢ ) برسالة نصية الى الرقم 07877740012
قصيده للامام علي عليه السلام
زينب ع في مصاب اميرالمؤمنين
صحت وينك 💔
ـــــــــــــــــ ❁ ❁ ❁ ـــــــــــــــ
صـحـت ويـنـك ... وگـام صـوتـي يـنـسـمـع
صـحـت ويـنـك ... عـالـوجـن ســال الـدمــع
تـنـشـطـر هـامـت عـلـي
هـمـوم گـلـبـي يـنـمـلـي
صـحـت ويـنـك ..... صـحـت ويـنـك
ـــــــــــــــــ ❁ ❁ ❁ ـــــــــــــــ
بـويـه اذتـنـي الـلـيـالـي مـن عـفــتـنـي
بـأول ســنـيـنـي يـبـويــه فـارگــتـنـي
دنـيـتـي تـمـطـر مـصـايـب غـرگـتـنـي
ورده ويـامــي مـنـاجـل گــطــعــتـنـي
مــاتـجـيـنـي .. بـعــدك يـمــوت الــورد
مــاتـجـيـنـي .. گـمـت اصـيـح ومـاتـرد
يـنـشـطـر راسـك حـرام
بـعــدك الـدنـيـه ظــلام
صـحـت ويـنـك ... صـحـت ويـنـك
ـــــــــــــــــ ❁ ❁ ❁ ـــــــــــــــ
اربــع ســنـيـن وبــدت قــصــتـي الالـيـمــه
مـن افـگـدت جـدي ويـه امـي يـاهـضـيـمـه
طــابــعــه ابـالــي صــور ذيـج الـجــريــمـه
وگـمـت اتـخـيـل شـمـر يحـرگـلــي خـيـمـه
بـعـد امـي مــن اجــت ام الـبـنـيـن
بـعـد امـي عـوضـتـنـي بـالـحـنـيـن
وانـجــبـت اربــع شــبـاب
لـخـدري فـدوهـا الـرگـاب
صـحـت ويـنـك ... صحـت ويـنـك
ـــــــــــــــــ ❁ ❁ ❁ ـــــــــــــــ
ضـربـتـك بـالـراس كـسـرت ظـهـر الاسـلام
طـيـحـتـك اعـظــم جـريـمـه هــاجـت آلام
يـذبـح الـســيـف الـبـراءه بـعــيـن الايـتـام
مـخـضــبـه بـدمـه لـحــيـتـه عـالارض نـام
دمـك يـسـيـل ... شـيـبـتـك صـارت خـضـاب
دمـك يـسـيـل ... يـاعـظــم هــذا الـمــصــاب
تـرحـل الـلـيـلـه وتـروح
يـنـمـلـي گـلـبـي جـروح
صـحـت ويـنـك ... صـحـت ويـنـك
ـــــــــــــــــ ❁ ❁ ❁ ـــــــــــــــ
يـلـي بـگـلـوب الـيـتـامـه انـشـال اسـمـك
لأن طــلـگــت الـحــيـاة وهـــمــه هــمــك
صـعـبـه ايـتـامـك تـشـوف يـسـيـل دمـك
ريـحـه امـي بـيـك بـويـه خــل اشـــمــك
اسـمـعـنـي بـويـه هـواي بگـلـيـبـي حـجـي
اسـمـعـنـي بـويـه سـالـفـه عـنـدي وبـجــي
الـمــالـــه اب ولالـــه ام
تـذبـحـه اسهـام الـيـتـم
صـحـت ويـنـك ... صـحـت ويـنـك
ـــــــــــــــــ ❁ ❁ ❁ ـــــــــــــــ
والدمـع يجـري ويسـولـف قـصـةاحـباب
مـااصــدك راح حـيـدر والـضــوه غــاب
عـاتـبـت واسـمـع عـتـابـي آه يـمـحـراب
رايـده تـقـدم اعـتـذار وتـشـرح اسـباب
لـيـش سـاكـت .. مـاتـسـولـف قـصـتـك
لـيـش سـاكـت .. شـلـون تـقـبـل غـيرتك
حـيـدر بـمـحـرابـه طـاح
ونـسـمـع الـلـيـلـه النياح
صـحـت ويـنـك ... صـحـت ويـنـك
ـــــــــــــــــ ❁ ❁ ❁ ـــــــــــــــ
وسـفـه يالمـحـراب انتـه تـشـوف زيـنـب
مـگـابـلـه بـهـمـهـا ابـوهـا ويـمـه تـنـحـب
وانته شـاهـد عالمصـيبه مـن النـذل طـب
مــاگـــدرت انـتـه تـرده وشــفــتـه گــرب
ابـن مـلـجـم مــن طــبـر خــيـر الـعــمـل
ابـن مـلـجـم وانـتـه شــاهــد عـالـحصل
شـلـون خـلـيـت الاجـيـر
يـذبـح احـلام الـفـقــيـر
صـحـت ويـنـك ... صـحـت ويـنـك
ـــــــــــــــــ ❁ ❁ ❁ ـــــــــــــــ
(القصيده مشتركه)
من كلمات خدام اهل البيت
عـبـاس فـاضــل الـشــمـــري ✒5/3/1
عـقـيـل حـسـيـن الـگـرعـاوي ✒ 6/4/2
قصيده لأستشهاد امير المؤمنين
الأمـــام عـــلي ابــن ابي طالب
عــليـــــه الـــصـــلاة والســـلام
تخاف العقيله 💔
ـــــــــــــــــــــــ••❃••ـــــــــــــــــــــــ
تخاف العقيلـــه .. ودمعها تسيلـــــه
اذا يمشـي عنهــا .. رحلته طويلــــــه
اعله فگد الغوالي .. تنـــوح اليالـــــي
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
يغالين الجرح بيــه ويعذبنـــي
عزيز يروح من ايدي ويودعني
يليلي الراح مايرجع تسَمعنــي
ابوي الچان خيمه بظله ايلمني
غدرهم يصيبه .. وتظل الحبيبه
تون بحزنهــــا .. ودمعها تسيله
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
يروحون وتظل دمعاتي سجابــه
شيصبر كلبي لمــن فارك احبابــه
جرح بعد الغوالي وينزف صوابه
يظل ليله ينوح بيمــه يـــا يابـــه
يهدولي حيلي .. ويعذبني ليلي
تكسر غصنهــا .. ودمعها تسيله
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
يچلمات المحنه الرحتي من عندي
فگدتك يـــاحنان وعمري متبــــدي
بس چلمات الشماته تجيب وتودي
صعب وصفك يحالي منين ما ابدي
بعد جدي امي .. كثر بيه همــي
تفارگ حظنهـا .. ودمعها تسيله
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
يهناس الگلب مايحمل اي فـــراگ
تعرفون البعد قاسي الهجر حراگ
المفارگ محب يبقه عــمر مشتاگ
صعب حلم اليتامه منهم ويــنباگ
يبويه اليتامه .. دعت بالسلامه
تضيع بوطنها .. ودمها تسيلـــه
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
تخليني ودمعتي اعله الوجن تجري
وگـمت اتمنــه بعـدك لاطــول عمري
اريدنه گبل گبرك يبويه ينحفر گبري
الزمن قاسي برحيلك ينكسر ضهري
اريدنه موتي .. وتسمعونه صوتي
تمنت دفنهــا .. ودمعــها تسيلــــه
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
اشوفه گبالي والطبره بوسط راسه
واجت يمـــه تنوح اليله كــل ناسـه
وانــه بأذني اسمعــه يوصي عباسه
يگلــه اختك امانـــه بأخـــر انفاسه
يوصي بكفيلي .. ويرد يشتكيلي
يون اعله ونهـا .. ودمعها تسيلــه
ودمــــعـهـــــا تـــسيــلـــه
ـــــــــــــــــــــــ••❃••ـــــــــــــــــــــــ
🖊️عباس فاضل الشمري
محرم 🔻ودعتهم 💔
الوداع -العاشر 🖤
ـــــــــــــــــ ❁ ❁ ❁ ــــــــــــــــــ
ودعتهم... وعندي وياهم عتب
ماعفتهم...همه عافوني بغرب
ـــــــــــــــــ ❁ ❁ ❁ ــــــــــــــــــ
انه حوراء الهواشم گمت اصيحن
اركض واعثر واگوم وهم اطيحن
گتله بس اليله خويـه راح اروحن
گلـي تندليها جثتي عطـر افوحن
عاتبتهم ... حرمه مكسوره گلب
ماعفتهم ... همه عافوني بغرب
ـــــــــــــــــ ❁ ❁ ❁ ــــــــــــــــــ
خلصت ليلـي اناجـي ولا غفيت
والفجر طرني وتعجل مـا دريت
الصبح اصبح سبيه شگد بچيت
وظلت عيوني عليهم من مشيت
طَمنتهم ... خافن يطول الدرب
ماعفتهم ... همه عافوني بغرب
ـــــــــــــــــ ❁ ❁ ❁ ــــــــــــــــــ
يـاعلي ارجـع يعمــه واحفـر الگاع
جمّع وذرهم ونتحب وادفن بساع
گلـي رايـح للمعــاره ادفــن اسباع
اصلحو دين بدماهم لاتظم ضــاع
وادفنتهم ... وبيهم اثار الضرب
ماعفتهم ... همه عافوني بغرب
ـــــــــــــــــ ❁ ❁ ❁ ــــــــــــــــــ
من اطب للدار ظلمه بلاضواهم
ريتك تعجل يموتي هـم وياهم
اگعد وارسم صورهـم ما اراهم
بالكن مخلين نسمه من هواهم
اتنَفستهم ... وگمت اشمن بالترب
ماعفتهم ... همــه عافـوني بغرب
ـــــــــــــــــ ❁ ❁ ❁ ــــــــــــــــــ
اسال الحيطان وانشد عن اخوتي
انشـد بـروحي واعاتبهـا بسكوتي
ليش ظليتي بعدهــم هسه موتي
بـصلاه ادعـي يعجـل وبـقنــوتي
واسألتهم ... والاجل يمكن گرب
ماعفتهم ... همه عافوني بغرب
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
صعبه تلكه دموع ما حفرت وجن
وصعبه تلكه سياط ماورمت متن
محرم 🔻صعبه تلگه 💔
العاشر
ـــــــــــــــــ ❁ ❁ ❁ ـــــــــــــــــ
صـعبه تلگه دموع ماحفرت وجن
وصعبه تلگه سياط ماورمت متن
بيوم عاشر ... هجـمت الخياله
بيوم عاشر .. بقـت بـس عياله
بيوم عاشر ..هيچ صارت حاله
ـــــــــــــــــ ❁ ❁ ❁ ــــــــــــــــــ
ادري خويه بيوم عاشر دمعة عيوني تصب
واليـتـامـه تــنـوح يمـي والـمخيـم يلتهب
تركض اطفال الامامه بنص ميادين الحرب
وانـه بچفوفـي اشاگف لليتامه مـن الضرب
يا مسافر .. بعيد دربك غيابك
يا مسافر .. خــل اشــم ترابك
يا مسـافــر .. گطـع بينه وصاله
بيوم عاشر .. هيچ صارت حاله
ـــــــــــــــــ ❁ ❁ ❁ ــــــــــــــــــ
من اجونه عداك حاطو بالحرم وايتامك
شلــون ترضاهـا يخويـه ننسبي گـدامك
وطيحت الكافــل يخويه زيـدت الامــك
ادري بيه اتگوي حيلك هـو جان حزامك
لا تهاجر .. گتله يا ابو الغيره
لا تهاجر .. بعدك انــه بحيره
لا تــهاجــر .. دمـعتـي الهـمـاله
بيوم عاشر .. هيچ صارت حاله
ـــــــــــــــــ ❁ ❁ ❁ ــــــــــــــــــ
ظلت اطفالك تنـوح وتنتحـب مـرعــوبه
وانتـه عالغبره يخويـه جثتـك مـسلــوبه
گبالك الكافل عظيدك جــربته مـصيــوبه
ماي متبدي اعله طوله وگطره مامشروبه
ظال حاير .. مبلله ثيابه بعطش
ظال حاير .. يفكر بيوم هدعش
ظال حـاير .. بأختـه شاغل باله
بيوم عاشر .. هيچ صارت حاله
ـــــــــــــــــ ❁ ❁ ❁ ــــــــــــــــــ
ضربت السوط اعله متني المتني هوايه
ماوصل واحد خيامي لـو اخوتي ويـايه
چان يبرالي كفيلي وبيـده شــال الـرايه
هسه خلوني وحيـده بيـن هــاي اعدايه
صاح كافر .. هاي زينب اختك
صاح كافر .. انـه مـن حشمتك
صاح كـافر .. وبيده سوطه شاله
بيوم عاشر .. هيــچ صارت حاله
ـــــــــــــــــ ❁ ❁ ❁ ــــــــــــــــــ
من صحت عباسي ساكت وسمعتها وَنته
ادري مو طبعه كفيلي مـايرد اعــله اخته
گتــله للبـاري اشتكيـله امــري امســلمته
خويه احزاني ثگيـله والظهــر كــاسـرته
ظهري كاسر .. الحمل كلش ثگيل
ظهري كاسر .. نوح ايتـام وعويل
ظهري كاسر .. ودمع عيني تلاله
بيــوم عاشر .. هيج صارت حاله
ـــــــــــــــــ ❁ ❁ ❁ ــــــــــــــــــ
حالتـك لمـن شفتهـا هــدمتـلي حيـلي
گمت مـا اميز نهــاري ولاعرفته ليــلي
والطفـل لمــن يجيني والألــم يشكلي
يگلي ضربوني يعمه وصرخت ياويلي
ظعني ساير .. نسوه ويتـام وعليل
ظعني ساير .. والدرب ادري طويل
ظعني ساير .. والراس بس يبراله
بيـوم عاشر .. هيـج صــارت حاله
ـــــــــــــــــ ❁ ❁ ❁ ــــــــــــــــــ
🖊️ عباس فاضل الشمري
يالسهام
المتألق خادم اهل البيت ع الأستاذ عباس فاضل
الملا حسن الشمري
يـمـاخذ گلبـي ويــاك
🎤عصام المحمداوي
🖊️عباس فاضل الشمري
محرم 🔻يماخذ گلبي 💔
علي الأكبر عليه السلام
ـــــــــــــــــ ❁ ❁ ❁ ــــــــــــــــــ
يـمـاخذ گلبـي ويــاك
ييمــه شلــون أنساك
اظل كل عمري انعاك
يـاعـلـي .. يـاعـلــي
ـــــــــــــــــ ❁ ❁ ❁ ــــــــــــــــــ
عمر كون اگضي يمه.. اريـد بگلبـي اظـمـه
اشبـگنـك ردت مـره وردت عطـرك اشـمــه
صعب اشرح محبتك.. يغالي شگـد نطرتك
تظل عيني على دربك وانه منتظره جيتك
شفت بعده المنيه .. صحت انه خطيه
يريـت تـرد عـليه .. ياعـلـي .. ياعـلـي
ـــــــــــــــــ ❁ ❁ ❁ ــــــــــــــــــ
يالاكبـر ويـن تريـد .. اخذنـي ويــاك بعيد
انـه عيني بعـد عينك ابـد ماشاهدت عيد
احس چبدك مفتوت.. ورد يعطش ويموت
اظل بعدك انه وحيده يريت الروح تمـوت
شكثر بعدك بچينه .. يمن چنك نبينه
بقـت امـك حزينه .. ياعـلي .. ياعـلي
ـــــــــــــــــ ❁ ❁ ❁ ــــــــــــــــــ
طلب شربه ايتروه .. بگلبهم خوفه سوه
مــايروي العطش رايد فقط حيله يتگوه
يـرد حايـر لحسين .. اجيبـن مـاي منين
يرد يم الولي ودمعه يصب وتهل العين
يظـل يلهـب دليـلك .. حديد يهده حيلك
وشلت ايدي اندعيلك .. ياعـلي . ياعـلـي
ـــــــــــــــــ ❁ ❁ ❁ ــــــــــــــــــ
انـه المحـد بقالي .. تعـال وشوفـه حالي
يعذبني البعـد يمـه بغيابـك وانتــه غالي
يروح امك لتروح .. يظل گلبي المجروح
الگلب بعدك يعذبني بحزنها تظل الـروح
اريدك تبقـه يمـي .. رحيلك عيني يعمي
الك بس اشكي همي..ياعـلـي .. ياعـلـي
ـــــــــــــــــ ❁ ❁ ❁ ــــــــــــــــــ
تموت بروحي زهره .. گلب امــك تكسره
يظل ينحب عليك يون وانـه بيمن اصبره
صعب لمـن اودعــه .. يطفي بعيني شمعه
ظلام يحل ضوه ويرحل الي منهو اليرجعه
يظل يندب كل يوم..بحزن گلبي المهموم
شكثر منــك محروم..يـاعـلـي .. يـاعـلــي
ـــــــــــــــــ ❁ ❁ ❁ ــــــــــــــــــ
🖊️عباس فاضل الشمري
ورده وتفارگ مای
✍🏻عباس فاضل الشمری
🎙الرادود یعقوب البوغبیـش
@yaqubmahdi
•ضلعٌ ﺂخـَر مـِن ضلَوع ﺎلزَهراء
• ڪُسـر فـِي بغـَداد ، 💔
عظم الله لنا ولكم الاجر
استشهاد الامام محمد الجواد عليه السلام
استشهاد الجواد 🔻
يا مهدينه 💔
تعزيه لصاحب العصر والزمان
عجل الله فرجه الشريف
ـــــــــــــــــ ❁ ❁ ❁ ــــــــــــــــــ
جدك مسموم .. گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
يمهدينه الدمــع عالخـد يصب اليـوم
يهل دمعك على مصابه بكلب ملجوم
تنوح اعله الجواد الي رحــل مظلـوم
يمـولاي بحــزن گلبــك مـليته همـوم
حزنك مرسوم .. گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
بغــدر چبـده يتگطع والدمـع يسجب
يــون المهــدي هاليله بــقهـر ينـحــب
فگــد جـده الجــواد وگــلـبه متـعـذب
يشيل ايده بحزن واعله الصدر يضرب
مولاي اليوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
عليك بفگـد ابـو الهــادي الحزن خيم
طفه بعينك ضــوه الدنيه ونهار اظلم
يمـولاي الـدمــع يجـري عليه مــن دم
صحت ياحيف الف وسفه بغدر ينسم
غدروه الگوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار
تعرف مظلوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
علــه صوت البچي اليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح
وتزيد هموم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
نعـزي المهـدي هاليلــه علــه مصابه
فگــد جــده وسط كلبه جرح صابه
نهدم حيله وكسر ظهره عله احبابه
يجي الكبره ويهل دمعه عله اعتابه
جرحك ملچوم ... گلبك مالوم
يامهدينه ... يامهدينه
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
🔻قصائد استشهاد الأمام علي عليه السلام
/channel/aeabasae/15530
علي مات 💔
/channel/aeabasae/15537
تخاف العقيله 💔
/channel/aeabasae/15543
صحت وينك 💔
/channel/aeabasae/15553
يغالي 💔
🖊️الشاعر عباس فاضل الشمري
قصيده لأستشهاد امير المؤمنين
عــليـــــه الـــصـــلاة والســـلام
يغالي 💔
ـــــــــــــــــــــــ••❃••ـــــــــــــــــــــــ
يــغالـي .. الليالــي .. بَعدك متحله
عفتنـي .. وردتنـي .. بُعدك احمله
مــا احمل انـه فراگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
بعدك إيمـر. ليلي وحشه يالمكانك خالــي
لو رحت شلي بحياتي موتي بس يحلالي
رايح انتــه ويــه الزجيه وانه مــن يبقالي
شلــه بسنينـــه وحياتـــه اليفــارگ غالي
مـــر البعــد ينضاگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
مااشوف بعيني غيرك بيها مــاواحــد حله
انتـــــه يــامـاي بحياتي ورده دونك ذابله
لو رحت عني وعفتني روحي بعدك راحله
بويـه اريد وياك اروحن مـــا اروح الكربله
منـــي الحلم ينباگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
شوفة عيونك يغالي اغله مـن روحي الي
من اصد الوجهك انه حزني كـــله ينجلي
شلون اعيشن عمري انه بدنيه مابيها علي
وغيرك الامـة نبينــه مــايصح مثلك ولي
حقك ظلــــم ينباگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
الفارك احباب بحياته يفتهم حجي الجرح
و نظرة الشامت تحركـه چنها ذرات الملح
ما ينــام وتغفه عينه يسهـر لحــد الصبح
يختنك كـــل مغربيه والهـوه بريتـه يشح
حتــه النفس خناگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
بلـه ياموت ارد انشدك ليش ابوي تريده
انتظر بس فتره عوفه خـــل يعيد عيده
ادري بيد الله واعرفه هل الامر تحديده
خل اودعنه اعلـــه كيفي بالوداع بهيده
تدري البعـــد حراگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــــ
عشت كل سنيني ورده بدمعته رواني
خيمــه وبظله يلمنه انـــه وي اخواني
عوض اغياب الحنينه عالصبر ربانـــي
من اوصف هالمحنه عجز حته الساني
شبگني وكتي شباگ
كلبــي الـك يشتـاگ
يــغالـي .. يــغالــي
ـــــــــــــــــــــــ••❃••ـــــــــــــــــــــ
🖊️عباس فاضل الشمري
تخاف العقيله ودمعها تسيله
عباس فاضل الشمري
علي مات بالسيف انطبر راسة علي مات زينب صاحت اليلة يتيمات بعدك ياعلي عشنة باالاهات
Читать полностью…