2256
خادمكم ملا علي الشاوي للتواصل ali_20115
نعي للامام موسى ابن جعفر ع
عـالـدرب خـلـوه فـرجه لليروح ولليـرد
والمنادي اعليه ينادي والندى يذوب الچبد
مـر طبيب وگام ينشد اه وشعظم النشد
ميـت بسم ويـن اهـل تطلب بثاره وتهد
للـجسر فزعة الشيعه وشيعوها اجنازته
وعالنعش بغداد صفنت من وقاره وهيبته
وتلطم اعلى الراس ضلت لبن جعفر شيعته
اه عالبالشمس عاري وخيل تسحگ جثته
الجرح ابو اليمه ومصابه خاطر الكون نكسر
مات ضامي حسين وسفه وتصد عينه عالنهر
ابـجـبـهـته لليـوم يـنـزف اه يـاذاك الـحـجـر
صـدره اليـشمه مـحمد للسحگ صاير مـمـر
للـخـيـم رد مـهـر خـالي والعـقـيله تلگته
وين طـاح حسـين اخـيي بالمـدامـع سألته
ومـهر ابو السـجـاد چـنـه جـاوباها ابدمعته
مااشوف حسين يسلم الخيل اخيچ سحگته
يلـم بالـصـبر كلبي والحـوافر
حوه نار المـخيم والحـوافر
شنو ذنب الجنـيته والحـوافر
ذبـيـح وطـشرنك بالـوطـيه
بشمس ياهو اليسوي ضلع الحسين
رسـم كـل الحـوافـر ضلع الحسين
الخيل التـجي تگـرب ضلع الحسين
الـخـيـل الــراده تــبـعــده عـلـيـه
هاني ناصر السعيدي
شيعوهه .. هالجنازه … شيعوهه
ودعوهه .. بالمدامع ... ودعوهه
مات بسجون الكفر
وجثته ظلت عالجسر
شيعوهه
/////1📃
يله يا شيعت علي التبجون لام عون
انشيع الكاظم المات ابسجن هارون
نعشه مرمي اعله الجسر يامن تسمعون
بالدمع نحضر نشيله فوكَـ الامتون
الزهره انه // ابدمعي اجيته // الزهره انه
يا ضوانه // ابصوت اصيحن // يا ضوانه
امتانيه احبابه اتحضر
جثته ظلت عالجسر
/////2📃📃
مات واهله ابعاد عنه ويلي يا ويل
ويمه بس ابنه الرضا الما ضله كل حيل
خل نجي للكاظميه اجنازته انشيل
ونذكر احسينه البقه من غير تغسيل
يا مصيبه // الما مثلهه // يا مصيبه
امنين اجيبه // الي كفلهه // امنين اجيبه
ايشيع اوياي البدر
جثته ظلت عالجسر
/////3📃📃📃
موسى ابن جعفر خلص عمره معانات
راحه ما شاف ابحياته ولحد ما مات
امكَـيد ابطوكَـ الحديد ويجري دمعات
وجفه واجدامه تصب دم الجراحات
امعذبينه // هوايه ابني // امعذبينه
صفره عينه // امسممينه // صفره عينه
مات مسموم بغدر
جثته ظلت عالجسر
////4 📃📃📃📃
ابراية العباس خل نتنعنه هاليوم
للجسر ونصيح ويلي على المسموم
مو غريب الكاظم احنه انصاره للدوم
هل غريب امنين ما تنحجي المعصوم
انه امه // وجيته أنعي // انه امه
الليله يمه // جاري دمعي // الليله يمه
ولاطمه اعليه الصدر
جثته ظلت عالجسر
شيعوهه
/////5 📃📃📃📃📃
يمه حاضر شي أكيد المهدي ياناس
يلطم اعله الصدره مره ومره عالراس
وينه اليواسي الغريب الباجي عباس
يحضر الساعه ويعينه ابدمع الاحساس
المهدي حاضر // ينعى فكَـده // المهدي حاضر
ظهره كاسر // عالجنازه // ظهره كاسر
يمه من ذاك الظهر
جثته ظلت عالجسر
شيعوهه
//////////====/////////======///////
✍️🏻 كلمات #موسى_الخادم ٢٠٢٦
#٢٥رجب
فراق السيدة معصومة صلوات الله عليها لوالدها الامام موسى بن جعفر عليه السلام
👇
نوحي يامعصومه راح الوالي
بعد مايرجع أبوچ الغالي
وِبغِيابه عَذِّبوچ...بعد لتَّانين ابوچ
نوحي يامعصومه
ـــــــــــــــــــــــــــ
الوالدچ مِن يِحِن گلبچ يَعني حَن گلبه
وروحچ اتعاني مَدام الغالي بالغُربه
حين تتأذِّين يَعني الظالم ايضربه
وتشتكين وُهُوَّ مِثلچ يشتكي الربَّه
امن الهجر واحدكم امن ايعاني
يعني واحد گلبه يم الثاني
ريت بَخباره يجوچ...بعد لتَّانين ابوچ
نوحي يامعصومه
ـــــــــــــــــــــــــــ
بَعدِچ ازغيره وعَذابِچ فَتَّح ابوابه
بِدَه ابأوَّل جرح ماتت چلمة اليابه
اشما يِحِن گلبچ لَبُوچ وناره لهَّابه
إبچي يامعصومه إبچي وشِمِّي بثيابه
گلبچ امن ايحن بعد شيفيده
مات مَحبوبچ سَلاسِل بيده
من أعز ناس احرموچ...بعد لتّانين ابوچ
نوحي يامعصومه
ـــــــــــــــــــــــــــ
لا تنشدين اعله وضعه او وِّين عنوانه
بالطوامير المُظلِمَه صاير امچانه
تَعَب من ثگل الحديد وعانه ماعانه
واشد من كل المآسي ايشتمه سَجَّانه
سجن (ابن شَاهِك ) أخذ كل حيله
ضلمه مايعرف نهاره وليله
ابوضعه صعبه ايخبّروچ...بعد لتَّانين ابوچ
نوحي يامعصومه
ـــــــــــــــــــــــــــ
رغم كل ذاك العَذاب ابسجنه وايّامه
مانسه يوم الطفوف وجرحه وآلآمه
ينحب الجَدَّه الحُسين ويبچي ليتامه
ولو ذكر سَبي العقيله ايذب العمامه
اشما يذكرچ يجري دمعة عينه
يذكر اشصار ابَّنات احسينه
بالحَبَل ماگيِّدوچ...بعد لتَّانين ابوچ
نوحي يامعصومه
ـــــــــــــــــــــــــــ
بينچ وبين العليله اشگد شَبَه نلگه
اثنينچن نفس الجروح ولوعة الفرگه
واعظم امصيبه التِخلِّي ابكل گلب حِرگه
جَدِّچ حسين الخيول الغايره اتسحگه
اتشَيَّع الكاظم وتنحب ناسه
وجَدِّچ اعله الرمح شالو راسه
وبالسَّبي ماعذِّبوچ....بعد لتَّانين ابوچ
نوحي يامعصومه
ـــــــــــــــــــــــــــ
بالنهايه انگول موسى شَيَّعو نعشه
وحاظر ابنه الرضا يبچي وينعه بالمَمشه
گلبچ ابهاي الفجيعه گطّعو هِرشه
چا اشصار ابگلب زينب ليلة الوحشه
امتَرُّبه ومن الرَّكُض تعبانه
اتنام كلهه وعَمِّتِچ سهرانه
يالمِثلهُم ماوُلُوچ....بعد لتّانين ابوچ
نوحي يامعصومه
ـــــــــــــــــــــــــــ
✍️ سيد علي الموسوي
اليوم معصومه الحزن دگ بابها
وچـبدة الكاظم تـحـس بصوابها
~
تنتظر چـانت ابـوها وملّت من افراگه
الشوفة اعيونه تراها يـاخلگ مشتاگه
ابعيد عنها وغدت تنشد هم بعد نتلاگه
والـحـزن نار ابگلبها لاهبـه وحـراگـه
تـون وويـاها يون مـحـرابـهـــا
وچبدة الكاظم تحس بصوابها
~
طارش اتـمـنـت يجـيــها من ابـوها فـاطمه
ابـكل صلاه ترفع اديها وتدعي يارب السمه
صبر انـطيـنـي يـربـي امن الهجـــر مـتألمه
اشگد حـنيـنه ويـا گلبها عالابو يـنـزف دمه
الغيبه طالت ماتعرف اسبابـهـا
وچبدة الكاظم تحس بصوابها
~
تنشد اعله اخبار ابوها اعليها طالت غيبته
تـسأل الريـح اليمرها اتمرمرت من فـرگـته
مايرد لرض المدينه ويـنـشد اعله ابـنـيّـتـه
ورده ذبلت من ضماها يمته يسگي وردِتّـه
مايصح واحد يوصل اكتابـهـا
وچبدة الكاظم تحس بصوابها
~
تِحن والهجران سيف ويذبح ابگلب اليحن
غابت البَسمه ابوجهه وبانت ارسوم الحزن
عسن لاسمعت اشسوه ابكاظم الغيظ السجن
أصبَح ابــــطاموره راهب بني هــاشم مِرتهن
ما يجيها خل تحسب احسابها
وچبدة الكاظم تحس بصوابها
~
زاد حقده اللا رشيد وآمر اعله ازلامه
للإمام ايـعـذّبـونـه وتَـعَـب من آلآمـــه
سَنَه بالزّنزانه چَـنَّه اليوم من ايّامـــــه
ابيا ذنب دَمّه يسيل امن ايده ومن اجدامه
بـنـتـه لو تـدري يخـف اعتابها
وچبدة الكاظم تحس بصوابها
~
حيدر بشار الدراجي
قصيدة ( نار الخليل ) الى سيدي ومولاي الامام موسى أبن جعفــــر عليه السلام
شيوصفه شــوگ البسجن لهله
نــار الخليل اگبــاله أظن سهله
والله الدموع اتلوگ اله وتحله
نــار الگلب تسعـــر
يا شوگ ابن جعفر ..... لهله
☼♠️♠️♠️♠️♠️☼♠️♠️♠️♠️♠️☼
نــــار الخليــل التستـعر
بـــردت ولا چنــها جمــر
اگبــال الي عمـره ينتظر أمــل
شيوصفه شوگ البسجن
وي كــل نفس لهله يحن
الفارگ هلــه حگــه يوّن يظـل
حگه لو دمعه يصب
نـاره تسعر بالگلب
السجن ديرة غرب
السجن موتت محب
شيوصفه شوگ السجنه طاموره
كــل لحظه لهلـه يكــرر الصـوره
أحــلامه كلــها اگبــاله منحـــوره
كــل ساعــه تتوذر
يا شوگ ابن جعفر ..... لهــله
☼♠️♠️♠️♠️♠️☼♠️♠️♠️♠️♠️☼
يبچي ودمعتــه هامله
يذكر صــور مـن كربله
طفلــه عليـله ومعــوله تــــون
لا ابــو يمــهه ولا أهــــل
وعالــدرب مذبـوح الامل
بذاك السجن گلبه اشتعل يحــن
طفله يذكــر حايــره
بالدمــوع امناطـــره
اتاني بالهم صابــره
هيــچ بالكاظـم جره
آ يــا مصـــايب كــربله وهمـها
لا ابوها اجــاها ولا رجع عمها
روحه الصبره من عدها علمها
ابطامــوره يتنــطر
يا شوگ ابن جعفر ..... لهــله
☼♠️♠️♠️♠️♠️☼♠️♠️♠️♠️♠️☼
بالسجن تكبــر حيــرته
بكل فرض تهمل دمعته
يــذكــر مصــايب عمته وحبل
مچتوفه بت طاها النبي
وماخوذه غصبا للسبي
وسفه لضعنها الأجنبي كفــل
كل شي بالكــاظم سده
مـن متــن زينب بده
الضربه وي گيد العــده
بالسجن رد شاهـــده
نفس الضربها أعلى المتن بيده
رد الحقـد عالكــاظــم يعيــده
بچفه السلاسل ردهــا وبجيده
هالمنظــــر أتكـــرر
يا شوگ ابن جعفر ..... لهِـله
☼♠️♠️♠️♠️♠️☼♠️♠️♠️♠️♠️☼
نــار أبدليله مـن الخيم
مستعــره وتّــذكر الــم
بالشام مچتوفـه الحرم صفن
بطاموره والمدمــع جـره
يــوم الخــرابــه أتذكــره
اهناكه بالحـــره شجــره محن
نـــار تسعر جمــرتي
الــچ زينــب عمتــي
من تـــون طامـورتي
لمحنتچ مو محنتي
يا محنتــچ ما تنوصـف صعبه
متن العرش يا سوط اليضربه
خــدر السمــه مگيوده للغـــربه
ناده الوحـــي وكُبر
يا شوگ ابن جعفر ..... لهـله
☼♠️♠️♠️♠️♠️☼♠️♠️♠️♠️♠️☼
لمن ســره السـم وانفطر
دلالــه بالمــوت شـذكـــر
حسين وگطع ذاك النحر نــــزف
وسمهم لمــن چبــده نهش
اتذكر جسم وسفه انفرش
من السحگ مـــا لمه نعش اســف
حسين ظــلت جثتـــه
نــــاس غربه الدفنته
وموسى فوگ أجنازته
ويـــن نــــادو شيعته
يا محنـــه مــرت بالنبي واله
بسم وبذبح شيلمها اوصــاله
مو أهله لا چــف الغرب شاله
ليا محنه نبچي اكثر
يا شـوگ ابن جعـفر ..... لهله
☼♠️♠️♠️♠️♠️☼♠️♠️♠️♠️♠️☼
الشاعر
موسى البديري
ابوذيات للكاظم ع
ابن شاهك بـبن جـعـفر وجربيه
سگاه سم وحشه چبده وجربيه
وگــع يـتـلــوه يـاويـلـي وجربيه
ويسحلـه گـام عـمداً عالوطيه
بسجن ويطگني ابن شاهك ولاكـف
ومـن گـيدي الـدمـه يجـري ولاكـف
اشـاگــف بـيـش مــاعـنـدي ولاكـف
بحديد امربطـات اچفـوف اديـه..
الشاعر عقيل الحسناوي..
فتحت عزاء
سيدي بحزنك تگضيها السنين
بالسجن وتسوي مأتم عالحسين
ـــــــــــــــــ
تنصب المأتم بسجنك للحسين اقراية
تسوي بالطامورة مجلس تفرش مصلاية
تنزل الاملاك تلطم مستهلك اية
هل حسبتم ابو الاكبر تنتكسله الراية
تقرة وادموعك يترجمها الحنين
بالسجن وتسوي مأتم عالحسين
ــــــــــــــــــ
سيدي تشوف القصيدة من ملامح نورك
من جلوس بلايا منبر تقرة عن عاشورك
اه يحسين ومصابة لمن تقرة بطورك
للحسين العزه عندك نقطة من دستورك
بالوجع قائم عزائك والونين
بالسجن وتسوي مأتم عالحسين
ــــــــــــــــــ
بالسجن هذا السواد من الظلام الصاير
جنها مو زنزانة موكب وبجروح العاشر
سيدي تنصب حنينك على الرضه الحافر
على الظل فوگ الوطية والدمه متناثر
على انصاره واهل بيته موذرين
بالسجن وتسوي مأتم عالحسين
ـــــــــــــــــ
يا سجين العاش مثلك محترگ دلالة
وين مايلتفت خيمة والجمر بخيالة
وياسجين العاش مثلك دمعة ما تصفاله
وين ما فكر يلاگي هجمت الخيالة
سيدي حزنك ولا مر بسجين
بالسجن وتسوي مأتم عالحسين
ــــــــــــــــــ
حاظرة الزهرة بعزائك سيدي وموضوعك
بجف حزن تلزم ضلعها وجف تنشف ادموعك
تگلك مكسرة اضلوعي وانتة نار اضلوعك
يمك الگة عزه اوليدي خل اوج اشموعك
يمك انحب ياحبيبي بحمرة عين
بالسجن وتسوي مأتم عالحسين
ــــــــــــــــــ
بيت من تقرة وتشاهد زينب الحزنانة
ودمعك لها ينزل احمر كثر ما حيرانة
شگد غريبة عن وطنها الماتت وعطشانة
وعلى اخوها تحن بعدها عيونها الولهانة
ماتت بغربة ولا يمها معين
بالسجن وتسوي مأتم عالحسين
ــــــــــــــــــ
لكربلة تحن للزيارة للحسين الغاية
حمرة فوگ الگبة تنظر من ترف الراية
سيدي لو حر تشاهد من تجي المشاية
تشوف كل خدام جدك عالعهد وفاية
ذولة خدام العقيدة المخلصين
بالسجن وتسوي مأتم عالحسين
ـــــــــــــــــ
اربعينية بأواخر كل رجب في دارك
كربلة تصير بضريحك من جمع زوارك
سيدي بهالبقعة تحظر للعزة انصارك
وحاظر وياهم الحجة بقلبة تهلب نارك
حاظر المهدي وجموع المؤمنين
بالسجن وتسوي مأتم عالحسين
▪️▪️▪️▪️▪️
الشاعر زين العابدين الشمري
موشح زينب ع
أهَل زينَب بعد مَيْعرفُونْها
التعب مدرِي احسِيَن غيَّر لَونْها
_ ١ _
طَلْعَة التَّل كبُّرَتْها اشچَم عمُر
ولمَن شافَت خيل تِسحَگ عالصدُر
اتغيِّرَت زينَب قبِل شمْسِ الظهُر
على شمْسِ احسِيَن اليْطفُّونْها
_ ٢ _
چانَت اوّل طَلعَه والموقِف صعُب
من عِيُون احسِيَن لعيُون الغرُب
وهاي أوّل مرّه زينَب تنضرُب
ومن قبَل ما سامْعَه ايشَتْمُونْها
_ ٣ _
كِل عمُرها ابخِدُر ما شافَتْها عين
وهيَّه هم ما شايِفَه غيرِ الحُسين
بقَو حتّه اَعدائْها مِستَغرُبِين
انْشافَتِ الما چانَو ايْشُوفونْهَا
_ ٤ _
زينب بعين الله مو عين الرِجال
وعايشه ابيت المْرُوّه والدَلال
إيد زينَب وينْها اوْ وين الاحبَال
ووينْها اوْ وين السِياط امتُونْها
_ ٥ _
لْيا سَبَب أوصَافْها متغيِّرَه
امْنِ الثرَه لو علىٰ النايِم عالثَرَه
عالضِلُوع الشاهِدَتْها امكَسَّرَه
امنِ الشَّمِس لُو مَن دُمُوع اِعيُونْها
_ ٦ _
امْنِ الركُض منِّ التعَب منِّ الضِمَه
امنِ الحرِگ منِّ السحِگ منِّ الدِمَه
اتغيِّرَت أشبهِ النَّاسِ ابفاطِمَه
زينَب اوْ عن زينَب ايسألُونْها
_ ٧ _
التعَب يا مرحَلَه وي زينَب وصل
الماعرفْها عجَب مِن عنْها سأل
والأشَد من ما يعِرفُوها الأهل
لمَن ياهَي هَالمَرَه اينِشدُونْهَا
_ ٨ _
تعيِش موقِف صعُب ما مَرِّ ابْسِنين
لَوَن ما عُرفَتْها حتّه امِّ البَنين
وسألَت اِخْتِ احسين عنِّ اختِ الحْسِين
وين زينَب ؟ والعقيلة اشلُونْهَا
مصطفى الشافعي
١٤٤٧ هـ محرم
مولاتنا الحوراء ام المصائب ع
أون وماشفت مثلي بَشَر وَن
ومثل خُوَّاني وين الگه بَشَر وين
اگولن بالله ابن حَذلَم بِشِر وين
ينعه موتتي بالغاضريه
وسيعه وأبد ماتشفه يروحاي
متت والناس جثماني يَرَوْ حي
بعد شمتانيه بالله يروحاي
هلي وماظن هلي يلفون اليه
ماضل عندي لا خاطر ولا كف
وجور الوكت من عندي ولا كف
لا رفَّت علي رايه ولا كف
امن اخوتي ايهيل ترباني عليه
حرت مابين ابو اليمه وَضَعنه
وعگب عينه تطشَّرنه وَضِعنه
السبي ودرب السبي غَيَّر وَضِعنه
ورزيتنه فلا منهه رزيه
الوكت جار او ولانه اشلون ولياي
وضل ايصد علينه الراح والياي
گرب موتي وانه اتمنيت ولياي
تشيل اجنازتي وتنحب عليه
صحت عالحادي تاني مايتاني
ومن جربة الكافل ماي اتاني
تره موش المسيه مَيِّتَه آني
متت من راحو اخواني امن اديه
صوت الونَّه من گلبي يريتاه
ودمع العين كل عمري يريتاه
ابمنيتي حسين يحظرني يريتاه
اخوي ويقره عد راسي عزيه
يازينب ابنبرة حزن صِحناچ
يم خير ويضل متروس صَحناچ
وسف يختلف هاي السنه صَحناچ
فرق عن كل سنه يالهاشميه
وسف حزنچ مُرد روحچ وَفَتها
يمن للخُوَّه بالدمعه وِفتها
مثلچ يامَره حانت وفتها
ابغربه ولا نواعي ولا عزيه
أضل أنحب على الحُرَّه ورثهه
الوكت ناره ابگلب زينب ورثهه
خذت من فاطمه أمهه ورثهه
الحزن والنوح والدمعه الجريه
زينب كل عمرهه شامل احزان
تنوح ومن زغرهه شامَّه الاحزان
اشما ينجاب طاري شام الاحزان
نجر حسرات عالراحت سبيه
سيد علي الموسوي..
ماعدها دفان خوان ما اجوها
بس ابن الحسين والناس شيعوها
هاي المصيبه الابد ماكو منها
لامن اخوها ولامن ابنها شيعوها شيعوها
____
منين ابديها صعبه احجيها هاي الجروح
ياهو يدفنها وبس علي عدها وساعه وتروح
غير كون الكرب موته اهله كدامه
غير كون اخوان يمها وترفع الهامه
ابن اخوها الحال عمته طيح اعمامه
ياوسفه ياحيف لاطيف من زلمها
يتعنه للشام ويشوف كل المها
وبيا لغه لو نترجم حزنها
لامن اخوها ولامن ابنها شيعوها شيعوها
____
قصه وتبجي بالدمع نحجي كل هالهموم
تموت مجويه تموت مسبيه بكلب ملجوم
والمثل زينب يوادم عينها شتغفه
عدها اخو يم الشريعه مات عالضفه
فدوه كال العين زينب عيني لو تطفه
معتاز عباس والناس يسمعوها
وكت الدفن حان الآن تريد اخوها
زينب غريبه وأخوها وطنها
لامن اخوها ولامن ابنها شيعوها شيعوها
____
مدلله جانت بالغرب ماتت شلون ياناس
عافت الدنيا والاجل قادم وينه عباس
وين هاي الجانت الها مدللة حيدر
العدها سبع اخوان وسفه محد اليحضر
تموت مجويه اديها والمتن احمر
سوط ب اثر سوط مربوط جف اديها
من عكب الحسين والبين يعتنيها
راحت سبيه وزراك بمتنها
لامن اخوها ولامن ابنها شيعوها شيعوها
_____
الشافت ارماحه عافت الراحه عكب الحسين
والوكت ردها غربه شيسدها نسبت مرتين
زينب بهاي المصيبة ميته جم مره
مره مسبيه اعله هزله ومره بالحضره
مدري شيريدون منها العايشه بكسره
يسبوها وردود موجود حكم اميه
رجعولج اليوم مشئوم عالسبيه
قطره ابحر لو نسولف حزنها
لامن اخوها ولامن ابنها شيعوها شيعوها
_____
احجي بالصاير منعو الزاير لا يزورج
خادم بخادم يدعي للقائم نشوفه نورج
طك كلبنه نشوف زينب والكلب ينعه
اتجيبنه الدمعه عليها ونرد بالدمعه
صحنه وينك يابو صالح عجل الطلعه
يالمهدي صحناك ردناك تضهرلنه
زينب تتانيك يالبيك كل املنه
الحك عليها و تعال بزمنها
لامن اخوها ولامن ابنها شيعوها شيعوها
_____
الشاعر مؤمل هاني القريشي
هاليله رقيـــــه بــــرض الغاضريه
تنادي اعله الشريعه بصوت الاحساس
حبيبة عمــــرك اتوفـــت يـــــعبـــــاس
بعْيون الخيـــــــال انـظـُر رقيه وحيـــــــرّت فكري
تتخطه اعله شاطي الماي واتصيـــــح بدمع يجري
سامحني يبو الغــــــــيره شكولن تدري ؟ ما تدري
غريبه اتوفت الليلــــه حبيبــــة عمرك وعمري
بحزني اشتكيــلك يا عمي دخيلك
خبر عندي إلك وايـشيّب الراس
حبيبة عمرك اتوفـــــت يعباس
لا تســــأل عليه اشلـــون اجيتك يانظر عيناي
بطريق الشام وارض الطف إليه ذكريات هواي
نسيت العطش يـــــــا عمي بعد ما ريد منك ماي
اريدك ترفع الــــرايــــه و لزينب تجي وياي
منتظــــره لقدومك وينك ياهذا يومك
عفتها اتنــــادي بسمك آخر انفاس
حبيــــــبة عمرك اتوفـــــت يعباس
اجيت وجايبه بجــــفي دمعها وبيــــك اتوسل
تظل بكســــرة الخاطـر اعرفـــــك انت ما تقبل
صرختها دوت بالشام مثل صرختها فوك التل
يا كافل محامـــلها نعش اخذلها مو محمل
بجيتك ياكمرها ايرد ليها عمرها
يبو جفوف السخيه الكلها نوماس
حبيبة عمرك اتـــــوفـــــت يعباس
جنت يمها كبل متموت تحن ما حنّت الناكه
من شافتني صاحـــــت صوت للعباس مشتاكه
تكلي صاحـــب الغيره مــــا اتـــــحمل افراكه
الزمن ما ظن يسويها ويـــّه الغــــالي اتلاكه
مو قصدي اجرحك شماته يمها تضحك
اذا ماتنتهض تتشــــمت الناس
حبيبة عمرك اتوفـــــت يعباس
زينب يالكفل زيـــنب تدري اعداك ضربوها
متنها اسود من السوط وفــوك الهزل جتفوها
اخاف الماي اذا لامـس بــــــدنها بي يلجموها
وآثار الحبل تـــــــنزف خــــوفي من يغسلوها
نادي بالمصيبه زينب ياغريبه
علي انت علي بالشده تنقاس
حبيبة عمرك اتوفـــــت يعباس
الكمر من كبره حاجاها ونيــــنج هيّج ونيني
اشلون انظـُرها ياعمي وبــسهم انطفت عيني
اشلون احمل جنازتهــا وأنه مكطوعه جفيني
سلميلي على زيـــنب وكلها يكول اعذريني
صاحت يكفي عذرك والخالق يصبرك
يليث البالحرب حده مينــــداس
حبيبة عمرك اتوفـــــت يعباس
خادم الحسين (عليه السلام)
كرار حسين الكربلائي
اليوم ماتت زينب العاشت حزن
ماتت امن افراك الحسين و تون
...........................
سدت اعيوناتهه وعم الحداد
وال هاشم حكهه لو تلبس سواد
اليوم رايات الحزن في كل بلاد
ماتت ولحسينهه زينب تحن
...........................
هاشم اشما ناحت الزينب قليل
زينب ام العفه والصبر الثجيل
لحدما ماتت هظم وسط الدليل
تذكر حسين ومدامعهه الجرن
............................
تذكر حسين ويهل منهه الدمع
وتظل دمعتهه مثل نار وشمع
اه ياحسرتهه تاكل بالضلع
وماطبك لم عون عالصاير جفن
............................
حتى من اتنام مرعوبه وتفز
وسهم الحسين ابكلب زينب يحز
ويلي ياطلسم حزنهه ابلا لغز
من مشت عن التوده ابلا أذن
............................
لااذن لارخصه زينب من مشت
وبسم عباس اشكثر من حشمت
تروي دمعتهه نحر لمن بجت
وغاب عنهه الكافل امخرس اللسن
............................
الاخت ياناس حگهه اعله الاخو
هوه الايعوضهه عن دور الابو
دورت مثل الاهل بس وين اكو
والجنازه ياهلي بعازة متن
خادم اهل البيت علي الزرگاني
گبري خالي ..من الاحبهم واليحبوني
هذه حالي ..بين الغرب وين اليزوروني
.........1......
انا الحزني مثل الشيب كلما ينشلع يكثر
كبري خيمه محتركه وعليها الشمر يفتر
رد الشام نفس الشام شايل ضدي نيت شر
ميته وياغربته المات لهله يشيل مايكدر
ردت جوتني النار
من بعدو الزوار :واستاحشتهم
ذيج المواكب وين
المتروسه عطر حسين الابجي الطمهم
خبروهم اشتاكيت
والوحدي ضليت غربه بعدهم
ياغربتي بوسط الشماته ضلت اعيوني
گبري خالي من الاحبهم واليحبوني
.......2.......
ياوسفه والف ياحيف گبري الشامت ايحرسه
عگب امدافع الزوار رد بيدي الحبل نفسه
سلمولي على جف عباس كولوله الوضع اقسى
لايترسلي جوده بماي بزواري الصحن ترسه
لازم يرد يمناه
ذوله ال اميه هناه همه وشمرهم
خيودي اليه اجنود
تتنفس البارود يصعب كسرهم
يم الصحن شمات
عدهم خبث غايات اعرف غدرهم
والله حيره فرغت الشام من اليعزوني
گبري خالي من الاحبهم واليحبوني
......3........
موسجن الگبر جاليش محد گبري يوصله
گيد السبي انحل وراح وكيد الغربه شيحله
ياهو يجيب جف عباس كون بصحني يتخله
وحدهه بقت بشام بلازوارهه ايگله
ماخلصت بلواي
يذبحونه ياهو الجاي زاير اليه
نفس الوجوه اعداي
مابيها گطرة ماي بس الاذيه
يم گبري ويصيحون
هاي الغريبه ام عون ردت سبيه
انا زينب الماتدنك واليهابوني
گبري خالي من الاحبهم واليحبوني
......4......
حلفوا الگبه والشباج وعلى الشوگ اسئلوهه
نشفت جنهه گاع البور من ادموع اليشبگوهه
زيبنبكم وحيده هنا غيبه ولاتطولوهه
كافي عليه نار الطف نار الغربه طفوهه
بنص المجالس كون
تدعولي من تبجون كل مغربيه
زواري الي ترجعون
وبصحني تلتمون بلا ناصبيه
ومجلس يرد الروح
على ضامي والمذبوح نبجي سويه
ياهظمكم بيد المدامع صرتوا من دوني
گبري خالي من الاحبهم واليحبوني
.......5.......
غربه ويا اثر انساه اصبر والدمع جاري
بين اثار عطر حسين وبين اثار زواري
انا السطرت الديوان وصلت للسمه اخباري
انا الثوره واسم الخوف مامر حتى بافكاري
ذكره وتشل الحيل
نار وشماته وليل وبلا اخوتي
العاشر سگاني الويل
حسين وتسحكه الخيل تمنيته موتي
سفكوا دماء الخير
وفر مني مثل الطير ساعته صوتي
والعجيبه بلحد ميته وتهمل اجفوني
گبري خالي من الاحبهم واليحبوني
.........
بشار السامي
موثقه /القرائة للأجر والثواب فقط
كلامي سلامي.. الحضرتك ياامامي
اجيتك ازورك.. يهادي وگلبي ضامي
عليك امن اسلم.. ترد ادري سلامي
........................
اليجيك وگلبه مشتاك الضريحك.. وعالخد دمعه سايل
شيسوي وحزن متروسه روحه.. وطبع الدنيه مايل
هذا اني يمولاي بجروحي.. اوديلك رسايل
ياعاشر إمام اتمنه والله.. گلبك عني قابل
قبولك عليه.. يعيشني المصيبه
واضل ابخدمتك..يبو سنين الغريبه
غريب ابحياتك.. وكلبك لهله ضامي
.........................
علي الهادي ابو النفس الابيه.. معاناتك جبيره
نازح من مدينة طه جدك.. يبن شيخ العشيره
بغربه وسجن عمرك هذا خلص..وانفاسك اسيره
بسامراء بيتك صار گبرك.. وگلبك كله حيره
دموعك تهلها.. بزمن مابي سلامه
عيالك عفتهم.. بعد عينك يتامه
الزمان ابسهامه.. يصوبك بالمرامي
.............................
يملجوم الگلب ماشفت راحه.. حياتك كلها اذيه
كل يوم اليمر مخنوك صدرك.. خنكت غاضريه
البناتك من تصد بدموع عينك.. تتذكر رقيه
بعمر ورده اعله راس حسين ماتت..من عظم الرزيه
عزيزت ابوهه.. زغيره ولوعوهه
بعد عين اهلهه .. يهادي سلبوهه
بالسياط سبوهه.. ولا يمهه محامي
...........................
اتمنه بحضرتك اكضي عمري .. بجرح گلبي وعذابه
وانعيلك نواعي المات ابنهه.. عله حسين ومصابه
واكلك صعدت الخيل اعله صدره.. ودمه اصبح خضابه
وتون مجروح اسمعك من اصيحن.. سلبوهن ثيابه
جبينه بحجرهم.. يهادي مهشميه
للخيام يعاين.. وجمد دمه اعله عينه
وشمرهم ينادي.. انگطع راسه بحسامي
...........................
بحزن أقرالك اعله المات ضامي.. وجسمه اعله الترايب
وعله راس الرمح راسه تعله.. وعماتك غرايب
گلبك بي جرح ماطاب بعده.. من هاي المصايب
وزادو جرحك وسممو جبدك.. وامن الألم ذايب
وداعك هضمني.. تسد هليله عينك
علي الهادي حزنك.. جرح يمشي بسنينك
اضل ابدمعتي.. المصابك وبهيامي
محمد هادي العقابي
***
على قبرك جيت أنحب هالمسيه • • • آنا أمك فاطمه الزهره الزكيه
يالهادي يالهادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
على قبرك في ظلام الليل أنعي
يرتفع مني ونيـني ومحني ضلعي
وعلى مصابك يـا حـبـيـبــي سـال دمعي
الكون يبكي من سمعني وشاف وضعي
في السما أسمع الونات الخفيه • • • آنا أمك فاطمه الزهره الزكيه
يالهادي يالهادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ليش يا رمز التقى الأرجـاس عـادوك
وإنت ريـحــانــة مـحـمـد مـا يـرحـمـوك
ليش يا زهرة زمـانـي الـقـوم سـمــوك
وبين صوت الآه والونات خلـوك
في الغرب يسقوك كاسات المنيه • • • آنا أمك فاطمه الزهره الزكيه
يالهادي يالهادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شوف سامراء هـالـلـيـلـه حزينه
وصاير هموم وكدر في هـالـمـديـنـه
تصيح من ظلم وقهر رايح ولينا
حقنا لمصـابـك بـهـالـحـســرة بـكـيـنـا
والجرح دلالي الدمعه جريه • • • آنا أمك فاطمه الزهره الزكيه
يالهادي يالهادي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من زمان الجور يوليدي شجاني
قوة يلطمني على عيوني وعماني
شتت الأولاد وبجوره رمــــانــي
صحت يكفيني قهر بس يا زماني
وإنت يالهادي جرح يصعب عليه • • • آنا أمك فاطمه الزهره الزكيه
يالهادي يالهادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من تقول الآه بيه تزيد ناري
ومأمـتـك أحــيـيـه في ليلي ونهاري
وهالظلم ناره ابتدت من يوم داري
بعين عدله ينظر ويعلم الباري
من بعد عين النبي خير البريه • • • آنا أمك فاطمه الزهرة الزكيه
يالهادي يالهادي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لكن بسيف العدل نترجي ثارات
سيف يشبه سيف جدك أبو الحملات
بايد مهدينا وتضج الدنيه صيحات
اليوم يومك يا بوصالح شيل رايات
وما أظن ينسى مصابي والرزيه • • • آنا أمك فاطمه الزهره الزكيه
يالهادي يالهادي
ــــــــــــــــــــــ نسألكم االدعاءــــــــــــــــــــــــــــــــــــــ َ بوحيدر الحمد
يطارش بهل يثرب صيح واطلب منهم النخوه
اجنازه الكم ابلا جناز حيكم يهل المروه
...
ارگه الصافنه التنهاب التسابگ هبوب الريح
اريدك توصل لهاشم وبصوت المناحه تصيح
يهاشم شيلو بيرغكم اللو طاحت شمس ميطيح
هزوّ البيرغ الاخضر
الكل نريدها تحضر
عراضه لموسى ابن جعفر
من چفوفهم يكرام اخذو النعش بالگوّه
...
يهاشم شمس من عدكم بليل السجن محبوسه
موسه گطعو چبده احضروله يهل موسه
حماميل اربعه يشيلون نعش الوفه وناموسه
ضاگ الما بشر ضاگه
اتحز برگبته اطواگه
اترض السلسله بساگه
ينطگ عالوجه لو راد من شباچ يتهوه
...
هدّو وخل يميل الكون ردّو الما لهم ردّاد
واكتبو اعله السمه والگاع شيخ الگاع ما ينگاد
يهل يثرب هناديكم خل تلمع برض بغداد
شدو لثامكم والحيل
خل تنردم خيل بخيل
يشموس بظلام الليل
هاي الساعه ساعتكم الراحلكم شهم يسوه
...
صوارمكم بحر للموت روج بروج متلاطُم
عجبه بيوتكم لليوم بيها الضيم متراكُم
اشلون عيونكم تغفه وغريبة جنازة الكاظم
يهل الغيره شيلوها
وفوگ الروس خلوها
عيون الدنيه افگسوها
نظرات الشماته نار بيها گلوب تتچوه
...
نار گلوبكم والغيض ما يطفيها غير الثار
نار الباب لسه تصيح وين اليطفي باب الدار
نار خيامكم هالنار اصعب واشد من كل نار
ونار المشن بالغربه
ونار چبود ملتهبه
ونار حگوگ منسلبه
ونار الغايب الموعود ليل نهار يتلوه
...
يهاشم يا اسياد الگوم غديتو اعله الوسيعه ضياع
يهاشم دمكم الطاهر ترس كل شبر من الگاع
يهاشم ليمته الموعود يرد كل صاع مية صاع
چم بيت لعلي حرگوه
چم منحر شمس گطعوه
حته البالمهد ذبحوه
لا بد رايته تنشال من چف وفّه للخوه
...
خادم الحسين ( عليه السلام)
كرار حسين الكربلائي
( ابو كميل )
فتحت عزاء / هذا الغريب
هذا الغريب اوليدي اني امه الزجية
مثل الحسين احضر اله بالكاظمية
ــــــــــــــــــ
اني الزجية الوالدة والقلب لهفان
والطم بحسرة فاگدة بدموع الاحزان
وحضر عزاء اولادي يمتى وين ماجان
احضر مثل ما احضر ابني المات عطشان
احضر الة مثل الوكع بالغاضرية
مثل الحسين احضر اله بالكاظمية
ــــــــــــــــــ
اربعطعش عام بالم بالسجن مظلوم
صايم وساجد بالسجن واتحمل هموم
لا ضوه ولا حتى هوه ولا ماي لا نوم
واتفطر بفردة تمر والتمر مسموم
صايم ومات من الالم سم المنية
مثل الحسين احضر اله بالكاظمية
ــــــــــــــــــ
من الحديد من الثكل مترضرض الحيل
بگيودة عظمه المنكسر جن داسته الخيل
يحسب ليالي اعله الفرج ب نوعه التسيل
يدري الفرج موت ونعش اربع حماميل
غربة النعش ما عندة اهل والله رزية
مثل الحسين احضر اله بالكاظمية
ــــــــــــــــــ
من ضلعي ما اشتم هوى لكن تعنيت
لوليدي موسى ومحنتة من قلبي حنيت
دمعه وره دمعه الة من حزني ونيت
بي عطر من عطر النبي ولحزنة هميت
عطر النبي وحيدر علي حامي الحمية
مثل الحسين احضر اله بالكاظمية
ــــــــــــــــــ
هذا الجسر يشبه ألم تل الغريبات
غربتهن تشيب القلب من الوطن مات
لو تمطر ادموم السمة من گد الاهات
جنة النعش راس برمح ويرتل آيات
جن كربلة وعاشر رجع من هالقضية
مثل الحسين احضر اله بالكاظمية
ــــــــــــــــــ
هاي السلاسل على النعش جن حبل الاشراع
درب السجن درب السبي بس يفرق اوداع
مو بس رجب هذا الألم بجروحي كلساع
مطروح ظل فوگ الجسر راهب على الكاع
نفس ابو الاكبر من بقى فوگ الوطية
مثل الحسين احضر اله بالكاظمية
ــــــــــــــــــ
الشاعر زين العابدين الشمري
نزال الامام الكاظم عليه السلام
المهدي بمصابك تجري دمعاته
هوايه هنه اجروحه. وجاي يكبر نوحه
والمصايب كلفه. وحيل توجع روحه
ابجرحك الله يعينه. خلصاهه اسنينه
محني ظهره ويمشي. وشاب حاجب عينه
واليسئل عن حاله حاله منكسر
يوميه عله الكاظم وهله ينعصر
وكل جمعه يكظ سيفه الثاره ينتظر
-------------------------------------
وبلفرج ندعي وشلنه راياته
المهدي بمصابك تجري دمعاته
نواسي گلبه الذايب. من الجرح ماطايب
عجل اللهمه اباب گلبك كاتب
خل نفرج اهمومه. مونسود يومه
المهدي عينه اعلينه. هاي الك معلومه
خل نبعد عن كلشي يسببله التعب
وبساعت تأخيره انصير احنه السبب
ولو عاتب شنگله يجرحنه العتب
كون ويه صبحه انصير نسماته
المهدي بمصابك تجري دمعاته
---------------------------------
خل نحس بالامه. وبجروح ايامه
بعينه شاف الغربه. تذبح اب احلامه
ابرجب يتعب حيله. اباب زينب ليله
الشام كسرت ضهره. بلسلامه ادعيله
مايگظن لچماتك الله يساعدك
وينه الي بدموعه يگوم يعاهدك
وبكلشي الي تامر كون يساندك
اليوصل الگلبك تمحي زلاته
المهدي بمصابك تجري دمعاته
------------------------------
مصاب جده الكاظم خل نسمع الوادم
ابو صالح ثاره. للنواصب قادم
بعيد اليشوفونه. ذوله ميعرفونه
عله ثار اجداده. ماطبگهه اجفونه
يمليهه ويبديهه منكسر الظلع
والرايه بچفينه بلحق ترتفع
وبعيون ام الزهره وميخلي دمع
ياخذ ابثاره وثار عماته
المهدي بمصابك تجري دمعاته
--------------------------------------
ماتظل كلحيره. تنتعش كل ديره
المنتضر باب الله. يصعب ابتصويره
احنه شيعت حيدر. وهل عهد يتكرر
مانعوف المهدي. لو وذر نتوذر
مشايه ونعاهد من باب المراد
خدامك وجنودك ونجاهد جهاد
نخلصلك مانتعب وعليك السداد
الكاظم بسجنه النصر كلماته
المهدي بمصابك تجري دمعاته
سلام البهادلي
سيدي موسى ابن جعفر
****
كل سنه نجدد عهدنه
ألك يلبيك احنه املنه
انته خيمتنه التلمنه
نصيح يا موسى بدمعنه
انته حلال العقد
انته قلهو الله احد
نريد يا موسى مدد
اليوم يوم الحزن الأكبر
سيدي موسى ابن جعفر
*
نلبس اسود ما نذبه
حزن خطوات اعله دربه
بلگلب مكتوب حبه
دونه باقين احنه غربه
ننشر بيومك سواد
نقسم برب العباد
وحگ موسى والجواد
هسه كل شيعي تكدر
سيدي. موسى ابن جعفر
*
عل جسر يله نشيعه
ابن جعفر خل نودعه
اليوم جبرائيل ينعه
هسه كل الكاع دمعه
هل جرح لا ما يطيب
عل جسر ذاك الحبيب
هذا للعله طبيب
كلب كل شيعي تفطر
سيدي. موسى ابن جعفر
*
اليوم كلنه أنصار بيده
بداعت حسين وعضيده
يله شيعو ابن الصميده
فرحت الكاع وتريده
بغداد متحزمه دمع
كلب كل شيعي نفجع
ضلوع مو كسرت ضلع
الدمع يم بابك تحير
سيدي. موسى ابن جعفر
*
هذا امام الرافضيه
خل نودعه بهل مسيه
نواسي حيدر وزجيه
والرضى نقدم عزيه
بلكلب نعشه صبح
صار تشيعه جرح
مات يا وجه الصبح
اليوم حيدر علي يحضر
سيدي. موسى ابن جعفر
*
كلمات خادم موسى ابن جعفر
حيدر ناجي الدراجي
نعي للامام موسى ابن جعفر ع
عـالـدرب خـلـوه فـرجه لليروح ولليـرد
والمنادي اعليه ينادي والندى يذوب الچبد
مـر طبيب وگام ينشد اه وشعظم النشد
ميـت بسم ويـن اهـل تطلب بثاره وتهد
للـجسر فزعة الشيعه وشيعوها اجنازته
وعالنعش بغداد صفنت من وقاره وهيبته
وتلطم اعلى الراس ضلت لبن جعفر شيعته
اه عالبالشمس عاري وخيل تسحگ جثته
الجرح ابو اليمه ومصابه خاطر الكون نكسر
مات ضامي حسين وسفه وتصد عينه عالنهر
ابـجـبـهـته لليـوم يـنـزف اه يـاذاك الـحـجـر
صـدره اليـشمه مـحمد للسحگ صاير مـمـر
للـخـيـم رد مـهـر خـالي والعـقـيله تلگته
وين طـاح حسـين اخـيي بالمـدامـع سألته
ومـهر ابو السـجـاد چـنـه جـاوباها ابدمعته
مااشوف حسين يسلم الخيل اخيچ سحگته
يلـم بالـصـبر كلبي والحـوافر
حوه نار المـخيم والحـوافر
شنو ذنب الجنـيته والحـوافر
ذبـيـح وطـشرنك بالـوطـيه
بشمس ياهو اليسوي ضلع الحسين
رسـم كـل الحـوافـر ضلع الحسين
الخيل التـجي تگـرب ضلع الحسين
الـخـيـل الــراده تــبـعــده عـلـيـه
هاني ناصر السعيدي
غـربـة سجـن ،،
يالعـايش بـغـربـة سجـن .. ليانـايـبـه ليـلك تــون
عالمـات فـت گـلبـه العـطـش ..
عـالگـوطـرن صبح اهـدعـش
……………………………
يالغـربـتك غـربة وطـن لا ديـره عـنـدك لا اهـل
جوه الارض عشت بسجن ولطلعـتك مات الامل
گـيدك على اچفوفك كبر گـد ماشرب بيك واكل
وطـامـورتـك شربـت ضـوه لونـك لمـا نورك افـل
مصلايـتك بادت لأن .. اركـبك عليها اتكسرن
وطولك يبـو الطول انكـمـش ..
عـالگـوطـرن صبح اهـدعـش
……………………………
بـيــن العبــاده والـذكــر تـقـره مصـايـب كـربـلـه
مجلس تسوي بس دمع تبچي السجن من تقره اله
تـقـره عـلـه ذاك المنـذبــح وبحـافـر الخـيل انـوله
وابحـظـنـه طـفلـه ينـفـطم اتـذبحـه نبلـة حرمـله
المذبوح بحضينه طفل .. نشـدت بنـاتـه بالحبل
وجـسمه علـه الغـبره انفرش
عـالگـوطـرن صبح اهـدعـش
……………………………
تنصب عزه بروحك گمت وتبچي وتون وتنهضم
عـالمـات عـطشـان ابفـلــه مابـطلـت نــوح ولـطم
بخــدك حـفر سچــه الدمـع عالماسلـم منه عـظم
بحـوافـر الخـيل انسحگ جـسمه يويلي ومنـثـرم
الخـيل لمـن داسـته .. عالـغـبره جسمه طشته
ابنـينـوى كـل جـسمـه طــش
عـالگـوطـرن صبح اهـدعـش
……………………………
يابو الرضا ياهو الاشد وگلبك على مصابه نفـطر
الخـلاك تبـچـي بالسجـن وتـنـوح كل هذا الدهر
لـ عبدالله للأكـبر نحــت لجــسام لمـصـاب النـهر
للخـيـمه للنـوگ الـهزل لخـد العفـاف الي انسطر
ادري المصيبه الهـدتـك .. چـف السطر خد عمتك
تمـنـت يشــيلــوهـا بـنـعــش
عـالگـوطـرن صبح اهـدعـش
……………………………
عمـتـك عـقـيلـة مُـطَـلـب امـخــدرت آل النبي
من حرگوا الخـيمه الظهر طلعت تطفي بالعبي
المالها طـول انعـرف ركـضت اگـبال الأجـنـبي
الشمات اجوها بالحبل يصيحون يازينب سبي
الماسامعه احچايت زعل .. يسبون امها والفحل
واحـسـاسـها حـيـل انخـدش
عـالگـوطـرن صبح اهـدعـش
……………………………
المنشـاف ظـل الـها گـبل المـامـر عـبايتـها الـهوى
عالهـزلـه يالكاظم مشـت طرت صحـاري بنـيـنوى
اليرجـف گبل من ظل علي تالي وعلى زينب گوه
يشتمها ويجرها بحبل وفوگ المتن سوطه التوه
الچانت عزيزه اخت الحسن .. ذلـت لمن دار الزمن
وغـيض وزعل چفـها ارتعـش
عـالگـوطـرن صبح اهـدعـش
الشاعر عقيل الحسناوي..
بدمهم اجوها .. بحيره لگوها
مصدومه وهم صدمتهم
لا عرفوها ولا عرفتهم
ــــــــــــــــــــــــــــــــــــــــــــــ
سمعو بموتتها من بعد العذاب
الموت ماكضهم ولا كضهم تراب
ابلا ادين ويمها اجوي ولا رگاب
التگو والصدمه حچت قبل العتاب
گعدت تباوع .. حلمانه واقع ؟
راح الهمّ من حاچتهم
لا عرفوها ولا عرفتهم
ــــــــــــــــــــــــــــــــــــــــــــــ
بريحة الزهره وعطر ام البنين
هنانه عرفتهم لان متگطعين
وهمه عرفوها بأثر حبل الادين
اتگابلو ونحور تبچي وعميه عين
شلونچ حچوها .. من اسألوها
بلون المتن اتوصفلهم
لا عرفوها ولا عرفتهم
ـــــــــــــــــــــــــــــــــــــــــــــــ
بدت تشكي الحال من حرگ الخيام
بدونكم عالترب بالگعده ننام
العين ماتنشگف تدخل بالعظام
استقبلونه بحجر والسب مو سلام
الديرها النصلها .. يرمونه اهلها
والله وتوجع ضربتهم
لا عرفوها ولا عرفتهم
ــــــــــــــــــــــــــــــــــــــــــــــــ
تعبت أمن اتذكرت كل العذاب
راسها بحجر الحسين ام الحجاب
اهنا اجه الضيف وطرق بالخجل باب
لنه عزرائيل اجه وينهي العتاب
لمن اجاها .. ميته لگاها
نفس ونبض العاشتهم
لا عرفوها ولا عرفتهم
ـــــــــــــــــــــــــــــــــــــــــــــ
هيه شمعه وباقيه بطفية شموع
أمن الالم والفرگه تحيه من تموع
ماتت وهاشم اجت يمها وتلوع
وامها اجت مكسوره تلطم عالضلوع
شافت متنها .. سياط اضربنها
بطبع السوط اتقبلهم
لا عرفوها ولا عرفتهم
الشاعر غضنفر الزيداوي
بَسَّك يادهر شتريد يخوان
خَلِّيت الگلب والعين يخوان
عالجِبله واصيح ابصوت يخوان
ردتكم وآنه اخير انفاس بيه
اليلوم ايلوم وايكَثِّر بلا ماي (الملامه)
مايدري ابجرح گلبي بلا ماي (بالألم)
أنه اخت المِنذِبح بالطف بلا ماي
وسبونه امن انذبح بالغاضريه
سيد علي الموسوي..
الحوراء زينب عليها السلام
مَدري العين تجري دمع يوماي
وچَفّي الليله عالخُوّان يوماي
مِنيتي هَالِّلفتني وحان يوماي
ولا واحد إجه امن اهلي عليه
بَحَر دمعي وابد مانِشَف يَمِّي
ابهَظُم ناديت يم الحسن يَمّي
الحظر سلمان يحظر كون يَمِّي
ويشوف اشسوت اهل الشام بيه
سيد علي الموسوي
وداعاً وداعاً يا عقيلة بني هاشم
ـــــــــــــــــــــــــ
عن زينب شما نبدي كل موضوعنه
نلكه السبي مرسوم بين ادموعنه
زينب عليها ما نطفي اشموعنه
واجب علينه نلطم اعله ضلوعنه
وداعاً وداعاً نحي هالليله الماتم
وداعاً وداعاً يا عقيلة بني هاشم
ـــــــــــــــــــــــــ
بس الله يدري شكد عظيم مصابج
والـتمت بـهــاي المـسيــه احـبـابـج
الــدنيــا ما ســاويــها ويـه ترابــج
غير انتي زينب ستر ربنه احجابـج
وداعاً وداعاً صرخه مابين العوالم
وداعاً وداعاً يا عقيلة بني هاشم
ـــــــــــــــــــــــــ
بـهـاي الليـالي لاتكـول شـلــونهـا
زينب سبيـها مبـيـن من عـيونـهـا
جـــا وين اهـلـها لازم يشـعـونـهـا
وزيـنـب إذا شـافوها ميعـرفـونهـا
وداعاً وداعاً يبقه اصوات الفواطم
وداعاً وداعاً يا عقيلة بني هاشم
ـــــــــــــــــــــــــ
مـحـد سئـلهـا شـبيـها لو مابـيـها
سـوط الـشمـر وكت الدفن ياذيها
ويـن الكفـلـها خل يجي يواريـها
من يـعتـذر يـتشــمت السابيـهــا
وداعاً وداعاً والدمع بخدودي راسم
وداعاً وداعاً يا عقيلة بني هاشم
ـــــــــــــــــــــــــ
صـح ميته زينب بـس بقت الامـها
تشوف الكفيل وهاذي كل أحلامـها
ياوسـفـه وانـعاد الزمن ب أيـامهـا
تالي الوكت مـحرومـه من خدامهـا
وداعاً وداعاً وبوسط أحزاني هايم
وداعاً وداعاً يا عقيلة بني هاشم
ـــــــــــــــــــــــــ
مهضومه زينب والخدم مهضومـه
مـن اليخدمج هالـسـنه مـحرومـه
حـكـم آل اميه لو رجـع وبـكومـه
ما تنسـبي اخـت الـكمر مـعلومـه
وداعاً وداعاً وأنه كلبي ابهمه دايم
وداعاً وداعاً يا عقيلة بني هاشم
ـــــــــــــــــــــــــ
لابد يجي المهدي ويرد ثاراتها
ويطفي نار اشتعلت بخيماتها
بوكت الظهور ايردد حجاياتها
والله لا تمحو الذكر صرخاتها
وداعاً وداعاً عجل الطلعه يقائم
وداعا وداعا يا عقيلة بني هاشم
ـــــــــــــــــــــــــــــ
الشاعر مؤمل هاني القريشي
عاذرتك لا تجيني /// يا صاحب عمري
عاذرتك لا تجيني /// يا كافل خدري
خويه عباس __ خويه عباس
1📜/////
يمي بالك لا يضل يا رفعت الراس
آنه اتكفل بامر موتي يعباس
زين اعرفك ما تقصر كونك بخير
ابدون ما حشمك تجي لو عندك انفاس
ما تخلي /// الموت ياخذني أون
ما تخلي /// غربه تحضر للدفن
ما تخلي /// تارسه ادموعي الجفن
عاذرتك لا تجيني /// أنه اهتم بامري
عاذرتك لا تجيني /// يا كافل خدري
خويه عباس __ خويه عباس
2📜////
صح غريبه ومالي أحد يبن الاجواد
وهسه آنه ابعازة للخوه والاولاد
بس الي رب ما يخلي نعشي مطروح
لازم ايهأله عون العلي السجاد
خويه أمن /// ربك الينطي العزم
خويه أمن /// بامر دفني لا تهم
خويه أمن /// غيره اعرفك والنعم
عاذرتك لا تجيني /// راح انزل كَـبري
عاذرتك لا تجيني /// يا كافل خدري
خويه عباس __ خويه عباس
3📜📜📜////
خويه ما اخفيلك اخباري يبو الجود
جانت امنيتي اسمع العباس موجود
وجفك ايشيل الجنازه فوكَـ الامتون
العدهه مثلك اخو جيته اتناطر يعود
العدهه مثلك /// اتضل تناطر جيته
العدهه مثلك /// ما تصدكَـ موتته
العدهه مثلك /// اتضل تحن الشوفته
عاذرتك لا تجيني /// يا ليلي وسهري
عاذرتك لا تجيني /// يا كافل خدري
خويه عباس ___ خويه عباس
4📜📜📜📜///
جانت امنيتي الوحيده ابموتي يا ماي
آخر المتشوفه عيني شوفتك هاي
يمي تكَـعد كَـعدت الفاكَـدله محبوب
اشلونج ادكَـلي واكَـلك أحسن اهواي
يا كفيلي /// شوفتك روحي ترد
يا كفيلي /// كًـلبي ما يحمل بُعد
يا كفيلي /// وحشتك ياهو اليسد
عاذرتك لا تجيني /// يا كسرت ظهري
عاذرتك لا تجيني /// يا كافل خدري
خويه عباس ___ خويه عباس
5📜📜📜📜📜////
عازت الخوان عازه يا ضوه العين
بس شسوي الكربله الما رحمت حسين
بلّه لو بعدك عدل وحسين ما مات
هم اظل محتاره بامري واندفن وين
يا بو فاضل /// لومه طايح عالنهر
يابو فاضل /// جا عشت عمري دهر
يابو فاضل /// مثلي واحد ما صبر
عاذرتك لا تجيني /// يا نبعت صبري
عاذرتك لا تجيني /// يا كافل خدري
خويه عباس ___ خويه عباس
==========_____=========
✍️🏻 كلمات #موسى_الخادم ٢٠٢٦
حسرة الحره الدمع عنوانهه
وعينهه ادير اعله درب اخوانهه
..................
بيه حسره امن الزغر حد الممات
وكضه عمر ام الخدر بس نيابات
ماتت وماعده يتباجن خوات
الجلمت الخويه يحن السانهه
...........................
عمن ذيج اعيونه بسيل الدمع
تبجي لخوته وتون اعله الضلع
خلصت زينب مثل حال الشمع
مو حزن واحد جثيره احزانهه
............................
عاشت انواع المواجع والاالم
بعينه شافت هضم حرك الخيم
المره هيبتهه اذا عده زلم
بكربله حتارت ابلم نسوانهه
.......................
احتارت وماعدهه والي ولا اخو
ابيوم طاح ابكربله وين الكفو
دارت العين وتحشم بالابو
يحضر الحره القلع بيبانهه
..........................
آ يهضمة كربله وذاك الضهر
طاح اخيهه حسين من فوك المهر
من بعد طف كربله ودار العمر
وشنهي ردت زينب اعله اوطانهه
.........................
اتخلص اليل وابد ماتغفه عين
واليمر يمهه سمع بس الونين
امضيعه اخوتي وين ابو الگلب الحنين
اشحالهه الضلت ابلا وليانهه
........................
من گرب ليهه الاجل زينب بجت
رادت اخوتهه اتحضر واتحسرت
دارت العين اعله طفهه وسولفت
وين الامحير الزلم ميدانهه
............................
يبجي كلمن يمهه زينب من تحن
الجنازه ياهلي ابعازة متن
عنكم ابعيد العقيله تندفن
بالغرب هال الترب دفانهه
خدام اهل البيت
ازهر الاعضيمي
علي الزرگاني
من الحديد الساگ مرضوض
ويشتم هوه بالسجن مرفوض
ذل القيود بصبره جرح الامام شكبره
**
خلص حياته بالسجن. متغرب ولهله يحن
واهل الإمام الكاظم ابعاد
محروم حته امن الضوه. ما يكدر يشم الهوه
وشاف العذاب بسجن بغداد
من ضاگ صدره واختنگ. من ذيج السجون
خلصني ياربي صرخ. من سجن هارون
التذبح ركبته الجامعه. امن ايدنگ اشلون
الطاموره ظلمه وتاخذ الحيل
وظلمتها جانت تشبه الليل
امن الصوط ورم ضهره. جرح الامام شكبره
***
هذا الغريب اشحالته. والدم يصب من ركبته
وكل ساع يلجم كلبه سجان
حته السجن صاح اسلمت انه بحياتي ما شفت
قران لازم بيده قرآن
دمعه يشگ سابع سمه. وانفاسه تسبيح
وامن العذاب الشافه ضل. بس يوكف يطيح
والموعد الجمعه غذا. يا شيعتي يصيح
ولن المنادي اينادي مهظوم
موسى ابن جعفر مات مسموم
خل العشيره تحضره. جرح الامام شكبره
****
شوف البياض ابشيبته. خاف السجن من هيبته
اشكد رجف الطاغوت صوته
بعلمه وصفاته تحيرت. انسان مثله ما شفت
راية نصر يحملها موته
خاضاها ملحمة الصبر. والطاغي ذله
والكيد من مات اشكثر. ضل يعتذرله
بحقك يبو الغيره اغلطت. سامحني گله
ليش البخت مهدور دمه
وزرگ امن التعذيب جسمه
بالسجن خلص عمره. جرح الامام شكبره
*
وجه الصبح توه كشف. واجنازة الكاظم وسف
بس اربعه اتولو حملها
والناس كلها تنتظر. ونادي المنادي اعله الجسر
هاي الجنازه وين اهلها
وابنه سويد اينادي ضل. هاي المسيه
يا ناس وين اهل البخت. واهل الحميه
خل النصاره اتشيعه. والرافضيه
وكل شيعته طلعو يشيعون
ويلاه يبن جعفر يصيحون
كلها تنوح بعبره. جرح الامام شكبره
**
بالسم جبدته تكطعت. وطامورة السندي نعت
وفگدك هظمني تگله مولاي
بغداد سيدها رحل. والنعش عالروس انحمل
اعظم مصيبه اعله الرضا هاي
الليله بدمعته غسله. ويدير العيون
جا ليش هاشم ما اجو. وياه يشيعون
مسموم مات بغربته. وغربه الينوحون
ما ينحمل صبره وعذابه
املاك السمه تبجي المصابه
واظلم الكون بأسره. جرح الامام شكبره
*
تمت
تحسين الخفاجي
كربلائي
نتعنه العلي الهادي ...زوار بدموع العين
ما تمنعنه كل اسباب ... نوصل مرقده امعزين
.....
قرينه الفاتحه تسهيل ... واتعنينه مشاية
ثوب اسود لبسنه اليوم ... واتحزمنه بالراية
يا ويلي على المسموم ... سويناهه القراية
للهادي نضحي الروح
نحي امصيبته بالنوح
جرحه البينه اشد الجروح
اه يا لوعت امصابه ... نصيح ونندبه ابكل حين
......
مثل ما نحي عاشوراء .... نحي امصيبت الهادي
مواكبنه تظل تنعاه ... بصوت المرتضى اتنادي
يبقى ابكل زمان حسين ... شوكه ابوجه اليعادي
مايرجع زمان يزيد
شما جارو علينه نزيد
وحك الحمد والتوحيد
شعائرنه تظل للدوم ... متخلدة اويه اسم حسين
.....
نواسي العسكري ابهاليوم ... واجب يالخدم كلنه
خل نلطمله حيل اصدور .... من اخرنه لاولنه
مأتم بالضريح انقيم .... يحضره معشر الجنه
يهنياله الوصل يمه
تسجل فاطمه اسمه
جن زاير لبو اليمه
يشم كبة ضريح حسين ...زاير ينحسب الاثنين
....
ندعي الله يوفقنه ... كل عام ونجي نزورة
غالي الهادي عدنه هواي.. نبجي الفكدة بحرورة
ما تمنعنه كل اظروف ... نتعنه لعاشورة
نشيع نعشه بالحسرة
ونطوف بكتر كبرة
ونندب فاطمه الزهرة
على الهادي نظل باجين.. .شما عشنه ونعيش سنين
....
عظيمه امصيبت الهادي ... بجاها المصطفى واله
سموات وارض حزنت ... على الصار وجره بحاله
مثل ما تعتيني الاملاك ... بمصابه انتعنالة
لا داعش ولا غيرة
يرهبنه ابتدابيرة
شيمتنه امن ابو الغيرة
عباس النطه الهل الدين ... روحه وعينه والجفين
......
تحت راية ابو صالح ... باجر كلنه نجمع
نحارب كل ظلم كل جور ... للذله فلا نركع
ثار الزهرة اول ثار ... خلي الما سمع يسمع
قسم بالحمد والكوثر
ما نترك اثر منكر ٠
نعيد الطف بسم حيدر
ما يبقى ظلم لا جور ... ابدولة حجة الطيبن
.....
الحمد الله رب العالمين
اللهم صل على محمد وال محمد
موسى الخادم
الامام الهادي عليه السلام
يلــ دموعك حمره
للــــگضه ابسامره
اجرك اعله الزهره
ياموالي
ـــــــــــــ
يلـگاصد ابـ هَم / متعني مأتم /للهادي مفجوع
ابصرخت يمسموم/واسي امه هليوم/وابلطم الضلوع
يلـــــــــتقيم التعزيه ابنوح وعويل
امن الزچيه الليله الك شكراً جزيل
باچر ابهلـــــــ خدمه ميزانك ثجيل
وعلـــصراط ايعبرك حامي الدخيل
والنبي ابقدسيته
بيتك ابصف بيته
چي تحب ذريته
يا موالي
ــــــــــــــ
شيعي وافاخر /درب الشعاير/عندي احلى الدروب
دمع العزيات/اتگول الروايات/ يمحيها الذنوب
يلتدگ علـــــهادي صدرك بالچفوف
حضّر الحاجات اجت فاطم تطوف
علّي صوتك خل مواساتك تشوف
خلها بالــــدفتر تخط لسمك حروف
والتسجله البضعه
الله فوگ ايرفعه
بالـــخساره اتنفعه
ياموالي
ــــــــــــ
صح دمعي غالي/بس هلـ ليالي/يرخص للاطهار
تنزف جروحي /للهادي نوحي/اشما مرله تذكار
الهادي عاشر نور يتحده الظُلَم
فاز الــــــ بحبه تمسك واعتصم
وياه نظل خلونه نقسمله قسم
بالقلم والنون وبـــــراعي العلم
حُبه نعمه اچـبيره
شيعه عشنه بخيره
لا تبـــــــــايع غيره
ياموالي
ـــــــــــــ
كون الله مثلوم /فارگنه معصوم/وفراگه چتال
بالعسكري آهات /تحمل معانات/تحني اعظم اجبال
العسكري ابتشييعه تهمل دمعته
شگ عليه ثوبه وشمرها اعمامته
حافي چان ويمشي خلف اجنازته
گوه يسحب بالنفس من ريته
حگه منهد حيله
ابلا بدر جن ليله
حزنه ظل يوميله
ياموالي
ـــــــــــــ
وشما رجب آت /للمهدي دمعات/من دم يهلها
خامس عشر يوم/من عنده معلوم/زينب أجلها
الليله يتنفس ابو صالح ألم
ويذكر الهادي التجرع چبده سَم
يذكر اشلون الضريح امن انهدم
يشتعل گلبه وتجي اباله الخيم
يذكر .الـــمسبيه
وسالب الترچيه
ونّته احسينيه
ياموالي
ـــــــــــــ
سيد علي عبدالزهره الناجي