2256
خادمكم ملا علي الشاوي للتواصل ali_20115
احبك يالغلاتك عابره الناس
يصاحب والمحنه اگدار والد
يالمبچيني بس الله يالاحساس
مال انسان يم الحضره گاعد
يالتهب من تضيگ اعليه الانفاس
خيرك عالنفس بالخنگه زايد
أحبك من خيمكم لحد عباس
من خيط الخيم لاكبر مجاهد
أنه بشعبان اصيرن واهس اعراس
ومحرم من يجي تلگاني فاگد
#حيدر العماري
هوسات
جـمــال الـلـه انـولــد والـكـون يـتـبـاهـه
هــلــه بـعـبــاس كــل الـدنـيـا ضـوّاهــه
علـي شاله وچـفّـوفـه بـشـوگ بـاسـاهـه
بـس هـوّه الـبـاسـه ابـچـفـيـنـه
🌷،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،، 🌷
مـن يوم انولد عـباس بـيـه انولدت الغيره
بمهده وگـطّـع اگماطه ماسامع گـبـل غَيره
لـغـز ويـحـيـّر ابـعـنـاه محـد عرف تفسيره
ومــخـلــي الــوادم مــحـتــاره
🌷،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،،،،، 🌷
افــرح يـل مـوالـي وذب ثـيّـاب الـسـود
وطلـب حـاجـتـك يگضيهه راعـي الجود
الـعـبـاس الـگـمــر الـكـون كـلـه اشـهـود
گـضـاي الـجـاحـه ايـسـمـونـه
🌷،،،،،،،،،،،،،،،،،،،،،،،،،،،،،،،، 🌷،،،،،،،،،،،،،،،،،،،،،،،،،، 🌷
✍خادم العباس ع
الشاعر رعد الجريخي
💐هوسه
اجـو لام الـبنـيـن الـيـوم اخـوآنـه يـشـوفـونـه
صاحت يالحسن يحسين تعالوا شوفو عـيـونه
گـاللها عـلـي الـكـرار بــيــه الـغـيـره مـكـنـونـه
گـالـتـلــه ابـنـكــم هــاذ هـذا الـلـي تـتـانـونــه
(جـبـتـلـكــم شـيّــال الــرايـــه)
✍خادم العباس ع🌷
الشاعر رعد الجريخي
🌷مبارك لكم
مـيـلادك اجـانـه وحيـل .. سرنـه
وعلى دربك يبو السجاد .. سرنـه
نحچي ودوم مامظموم .. سرنـه
محبتك والخِدَامه اشرف هويه
*--------------------------*--------------------*
✍خادم الحسين ع
الشاعر رعد الجريخي
عيد ميلادك إمامي ... زمزم ودلالي ضامي
يابو صالح يابو صالح
..........................
طير الفرح هليوم صاح وغرّد .... يا مُحَمَّد
آخر غصن يا طه منك ورّد .... يا مُحَمَّد
نعم الحفيد ابنك يَمن نعم الجد .... يا مُحَمَّد
ومبارك الميلاد گلبي الردد .... يا مُحَمَّد
ومن عدنا الك يلهادي بوسه اعله الخد ... يا مُحَمَّد
عيد ميلادك إمامي ... زمزم ودلالي ضامي
يابو صالح يابو صالح
..........................
بخمسطش شعبان يا گلبي انسر .... يا حيدر
رابع عشر معصوم علكون ازهر .... يا حيدر
كوثر وبن ساگينا حوض الكوثر .... يا حيدر
عطر الولاده ايغار منه العنبر .... يا حيدر
علخير ومبارك يقالع خيبر .... يا حيدر
عيد ميلادك إمامي ... زمزم ودلالي ضامي
يابو صالح يابو صالح
..........................
وابجنة الفردوس شاعت انباء ... يا زهراء
مبروك اجاچ اوليد يم الحوراء ... يا زهراء
جابت ورد واتنادي اجتها العذراء ... يا زهراء
علخير الف مبروك تهتف حواء ... يا زهراء
من النبي ماخذ صفات واسماء ... يا زهراء
عيد ميلادك إمامي ... زمزم ودلالي ضامي
يابو صالح يابو صالح
..........................
يبن الحسن يايوم ثارك يبدي ... يا مهدي
يلشوفتك صارت حلمنا الوردي ... يا مهدي
تاخذنا كل جمعه ابأمل وتودي ... يا مهدي
وانه اعله عهدي اوياك ثابت عهدي ... يا مهدي
خادم ترابك ما اگلك جندي ... يا مهدي
عيد ميلادك إمامي ... زمزم ودلالي ضامي
يابو صالح يابو صالح
سيد علي عبدالزهره الناجي
صلاوات صلاوات ... هليله تفرح فاطمه
ــــــــــــــــــــــــــــــــــــــــــــــــــــــــــــــــ
كل عام اذا شعبان هل اهلاله
كل شيعي اناشيد الفرح مواله
مولد ابو اليمه الگلب غنّــاله
ياربي صلي اعله الحُسين وآله
هتافات هتافات نزلت ملائكة السمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يافطرس اطلب حاجتك واتمنه
واتبـــــرّك ابڪاروك سيد الجنه
بسمي وبسمكم وبأسم محفلنه
نرفع تهاني لـــــفاطمه وحيدرنه
مسرات مسرات هذا الحُسين ومَقدمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بدر العشيره ويا هلا ابـميلاده
سورة فلق حيدر قره لحُساده
ما يرضه يتگمط يَمحله اعناده
لو هيچي عم لو ما تريد الساده
ڪرامات ڪرامات بچفوفه يتروه الضمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
كافل خدر زينب منو ابگد صيته
بالغيره ام الاربعه امغذيته
گبل الولاده ڪربله امتانيته
ساگي الحرم راعي اللوه امسميته
بطولات بطولات بالطف يسولف صارمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يا سائلاً عن الڪرم عن الجود
يم زين العباد الفضل ماله احدود
اليوم الحُسين استبشر ابهلـ مولود
بصياره ساجد منشغل بالمعبود
ولادات ولادات كلهن عطاء وغانمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بهجة ابو اليمه ابــفرح تتڪرر
حين اليڪحّل عينه نور الاڪبر
وارث صفات اهل الڪساء امن الذر
وجه الگمر يم وجهه يصبح اسمر
بشارات بشارات ما أعذبه وما أڪرمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
أعظم فرح يوم النصف من شعبان
نور الأمام المُنتظر شع وُ بان
يانرجس امبارك الچ راعي الشان
ابميلاده نفرح يم ضريح العطشان
مجرات مجرات تنطر طلعته القادمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
سيد علي عبدالزهره الناجي
ملك ملك ملك ملك حبيبي الاولي
عشك عشك عشك عشك يناسي وكل هلي
.....
حبيتك انسان اروع نبي كان
يالذكرك ادمان منعوفه للموت
مثلك بشر وين بي منه الحسين
يا بؤبؤ العين نهتفلك ابصوت
الك الك الك الك هالمدمع ايهلي
عشك عشك عشك عشك يناسي وكل هلي
...
شفتك هوى وماي والراية والراي
مشتاك انه اهواي والمدمع ايصيح
يا اجمل احساس تستنشقه الناس
مابين الانفاس عطرك يهب ريح
عطر عطر عطر عطر انفاسي تنملي
عشك عشك عشك عشك يناسي وكل هلي
....
شايلك اسرار وبكلبي الك غار
ما اخافن النار وابسدك ارتاح
نسماتك اتفوح وبذكرك الروح
عنها الهم ايروح والشده تنزاح
كفو كفو كفو كفو كل همنه ينجلي
عشك عشك عشك عشك يناسي وكل هلي
....
اقبل تمر طيف نسمه بلهب صيف
يالغيبتك سيف وبناره لهاب
رحمه انت مرسول لكل شده مأمول
كلمن نخه ايكول الينخه ما خاب
سمح سمح سمح سمح شفتك نبي و ولي
عشك عشك عشك عشك يناسي وكل هلي
.....
انعشكك يبو الال وبحبك ابطال
غصبا على الكال يهجر تضل تاج
يانفس ابو اتراب عندك تره احباب
اتسد الهوى الهاب بين ايدك افواج
زلم زلم زلم زلم مانرضه ننولي
عشك عشك عشك عشك يناسي وكل هلي
....
كنز المساكين ملك السلاطين
عليك الصلاه دِين وبقربك انصير
والصلو اعليك لزمتهم ايديك
واتقربو ليك والصلى ميحير
ابد ابد ابد ابد ولا حار وعلي
عشك عشك عشك عشك يناسي وكل هلي
..... زهير الابراهيمي
@HxzEU1
#قناه_نشر_القصائد_المنبريه
((ذولاك أهلنه))
ذولاك أهلنه حملو ضعن المداليل
يـــمّ البنين شننتضر يايمه خنشيل
آنـــــه العليله والــــدمع بيه تراتيل
صعبه الطفله من تصفن
والاصعب راســها مشيب
ومن تمشي تـــريد أطيح
كلشي بروحها محــــدب
تــتـــفكر عـلى اخــــوتها
أحبيـب گــــايد أحبــيب
فتحت للحــــزن ديـوان
گلبـــها صـــار المعـــزب
راحـــــو أهلنه .. حمــل ضعنه
يايمه خنمـوت .. أعليهم محنه
راح الضعن راح ...
"""""""""""""""""""""""""""''''''''''''"""""""
ذولاك أهلنه گوطرو وبسكته يحدون
ودعني عمي و والـدي ماضـن يردون
گتله اروحن والدي گـــــــلالي أمتون
يمه شبـــيهن متوني
ابوي شيقــصد بهايه
گلي السـوط مايرحم
تطـــفه دروب الولايه
تـــــميّ بديـرتچ بويه
وأخذي مني الحچايه
دمــايه العشــگ بويه
باچــــر كــــلها دمايه
ضلي بعـــذابچ .. ونوحي المصابچ
بس لاتركضين .. نبچــــي بغيــابچ
راح الضعن راح ...
"""""""""""""""""""""""""""''''''''''''"""""""
ذولاك أهـــلنه حَــدرو بــالهـــودج الهـيل
والليل يــــاكل دمـعـتـي مــاكافي يالليل
بس گتله اخذني شو بچه وگلالي الخيل
شبيها الخيل مـا ادري
يــــمّ عـــباس گــــليلي
محــد ســـولف ويـــايه
فدوه بداعتي احچـيلي
هلي يبچون وآنه ابچـي
وگـــــلبي وحزنه ياويلي
شــنهي القــصه ماادري
أنه المــهدوم ياحيــــلي
عمتي العقيله .. گالت هزيله
وانتي زغيـــره .. عمه وعليله
راح الضعن راح ...
"""""""""""""""""""""""""""''''''''''''"""""""
گلتلي عمه والــــدمع من ينزل بصوت
عالجمره باچر فاطمه عالجمره ونفوت
وداعةّ عيونچ فـاطمه هـذا السفر موت
موت ونــار شحچيــلچ
وشيحمله الركض عمه
خــــوله تنچوي وتنشغ
وصــفيه تركــض بهمه
وأجرن ياطفل بيـــدي
وطاح حسين ابو اليمه
وهيه المشــكله الكافل
يـــــاعمه نشـــــف دمه
ضـــــلي بديارچ .. وطفيها نارچ
من نرجع أعليچ .. موتي بقرارچ
راح الضعن راح ...
عبد زينب
محمد الابراهيمي
@HxzEU1
#قناه_نشر_القصائد_المنبريه
ابوذيتين بحق الامام الكاظم (ع)
١
الماحضرو اگلهم فات حلكم
تعالو وگلبي الكم فاتحلكم
يهل موسى ابن جعفر فاتحلكم
الليله والعزه بالكاظميه
٢
تعالو وكلبه موسى فاتحلنه
واذا مانحضر احنه فاتحلنه
باب الحضره دومه فاتحلنه
ومد ايدك لبو جفوف السخيه
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
مقاطع نعي لمولاي موسى بن جعفر ( عليه السلام)
يوم اجنازته امن السجن طلعوها
من گد السلاسل گوه شالوها
خلوها ومشوا عالجسر خلوها
ومحد بيها من الناس يعلم
ظلت عالجسر محد دنه لها
وكلمن شافها ايصيح بمحلها
المن هالجنازة؟ اوين اهلها ؟
فاح الطيب منها ورايد اشتم
دنه منه الطبيب وشاف حاله
وتحسّر والدمع ظل ايتلاله
گال الي حضرته أهل ماله ؟
ترى هذا الغريب انجتل بالسَم
انه حسبته ميّت من الگيود
شفت اثارهن كل حيل مشدود
ترى من السَم لگيت الجبد ممرود
ذبلان الوجه ما بي شفت دم
إذا عنده اهل خلهم يجونه
يغسلونه بدمع ويشيعونه
على يا ذنب هيج ايعذبونه
من محياه طيّب ,حلو المرسم
الشاعر قاسم المالكي
أنتَ نورٌ مِن عليِّ المُرتضى
فيكَ أهلُ الأرضِ هامت والفَضا ..
كيفَ لا أهواكَ يا مولى الرضا
مَن هَواكَ اللهُ عَنهُ قد رَضى ..
أبا الرضا... أبا الرضا
==========
حاضِرًا ألقاكَ عندَ الشِّدة ِ
اسمُكَ النّورُ المُجلِّي ظُلْمَتي
يابنَ خيرِ النّـاسِ أمًا وأبًا
يا ملاذي ، يَا إمامَ الرحمةِ
أبا الرضا ... أبا الرضا
=========
يا سجينًا أدخلَ الرَّعبَ العِدى
ابنُ مَن ذلَ العِدى في كربلا
كُنتَ مَسجونًا وحرّرتَ العُقولْ
وبوجهِ اللارشيد قُلت لا
أبا الرّضا ... أبا الرضا
==========
شقَّ موسى البحر نصفينِ ولم
يدرِ مَن نجّـٕاهُ مُذ أُلقِي بِيَــمْ
كُنتَ عونًا لجميعِ الأنبياء
قبلَ خَلقِ الخلقِ نورًا في القِدَم
أبا الرّضا ... أبا الرضا
==========
قالَ ربُّ المجدِ في قُرآنِه ِ
بعدَ آياتٍ مضت في شأنِه ِ
قولُهُ "والكاظِمينَ الغيظَ " مَن
غيرُ مُوسَى ، ذا ولي إحسانِهِ
أبا الرّضا ... أبا الرضا
===========
جاءَكَ العِشاقُ مِن كُلِّ النَّوى....
أصبحَت بَغدادُ فيكَ نينوى ...
كلُّ حُبٍ ليسَ فيكُم ضائِعٌ ..
يا بنِي الزّهرا لَكم كلُّ الهَوى ..
أبا الرّضا ... أبا الرضا
============
أنتَ كهفي ، أنتَ خيرُ المأمن ِ
كُن شفيعًا لي بذاكَ الموطنِ
عمُّكَ العباسُ ساقِي كربلاء
إنّني ظمآنُ مَولاي اسقِني
أبا الرّضا ... أبا الرضا
للموفق الشاعر قاسم المالكي
وين أهل النعش چا وين خوانه
هاي اجنازة المشدوده ذرعانه
***
وين اهله ويحضرونه
والناس اليشيعونه
امام ولا تخلونه
ترضون التشيله چفوف عدوانه
وين اهل النعش چا وين خوانه
****
مات وگيدهم بيده
سمهم بعده بوريده
ياهو ايخبر اوليده
يگله اعله الجسر خل يحضر ويانه
وين اهل النعش چا وين خوانه
****
ياهو السبل چفوفه
وحده وهاي معروفه
عيون الشامت تشوفه
ما عندك رحم جاوب يسجانه
وين اهل النعش چا وين خوانه
**
مات ومحد گباله
غمض عينه چتاله
بگيده وبالنعش شاله
شگال آخر كلام ومات مولانه
وين اهل النعش چا وين خوانه
**
شيلو جنازته بدمعه
بلطم صدورنه انودعه
وين الناعي خل ينعه
على المات بسجن والروح خلصانه
وين اهل النعش چا وين خوانه
*
خلو الونه عل الونه
مات اليوم والدنه
ردنه يا جسر ردنه
نموت بسجن ابونه هناك تلگانه
وين اهل النعش چا وين خوانه
*
هاي اجنازة الغالي
حال الموت يا حالي
بعد يا دنيا تحلالي
اذا موسى ابن جعفر عاف ديوانه
وين اهل النعش چا وين خوانه
***
سجن امخلص سنينه
حيل الگوم ماذينه
وسفه وغمضت عينه
أمام الناس هاي الناس تعبانه
وين اهل النعش چا وين خوانه
كلمات الخادم
رعد الفريجي
تعبنه هواي بالدنيا وصبرنه
امانة موسى ابن جعفر عمرنه
------------------------------------------
على الشباچ نحچي وياك مولاي
ضاگت يابو طلبه وما يصح راي
ندري بچفك الدمعتنه شراي
يمك وانته بيدك هاي وي هاي
كلهن يا ضريح ايلم كسرنه
آمانة موسى ابن جعفر عمرنه
-----------------------------------------
جبنه هموم دنيانه ولفيناك
مالت يابو طلبه وهلگصدناك
بحماك وبعد مولانه بحماك
خلصنه العمر لوعه وندبناك
الدهر چيمنه بالموگد شمرنه
امانة موسى ابن جعفر عمرنه
------------------------------------------
يم باب الضريح ارواحنه تهيد
مولانه ونعم يا مدت الايد
چلمة هاك تنطي بدون تحديد
فوگ الحاجه تكرم والله ويزيد
ربينه بخدمتك والله وكبرنه
امانة موسى ابن جعفر عمرنه
------------------------------------------
دنيا تغيرت مدري السبب ناس
مو نفس المحنه اشبيه الاحساس ؟
اخو ما هَمّ بخوه يموت ينداس
بمحرم كلهه تبچي تصيح عباس !!!
كلام بلا فعل يا وسفه صرنه
امانة موسى ابن جعفر عمرنه
-----------------------------------------
باچر ما درينه وخفنه شيصير ؟
نفگد ناس نرحل ننتهي انحير
بگلبنه اسرار وانته النخوه والبير
الراحه ابابنه وعلوادم اتطير
يظل ضيم الدهر خانگ صدرنه
امانة موسى ابن جعفر عمرنه
كلمات الخادم / رعد الفريجي
ثوابها الى روح والدتي
اليوم موسى الكاظم اندگ بابه
انريد مهدينه يجي امن اغيابه
ــــــــــــــــــــــــــــــــــــــ
عدنه يم باب الحوائج غايه
انريد يظهر قائد المشايه
ايجهز الجيش ويشيل الرايه
الدنيه غابه وهوه سبع الغابه
ــــــــــــــــــــــــــــــــــــــ
گالو الدگ باب موسى الكاظم
مايرد فشلان يفرح لازم
رايدين احنه ظهور القائم
انصير خدامه ونبوس اترابه
ــــــــــــــــــــــــــــــــــــــ
چم علي بن سويد بينه ايتاني
ايصيح ياربي الصبر چواني
وين البوجهه ضوه رباني
المهدي مامعقوله ينسه احبابه
ــــــــــــــــــــــــــــــــــــــ
اليوم يم باب الامام الرافضه
اتصيح سهلنه الامر يابوالرضه
يللي ساگك بالحديد امرضرضه
ويومك ايفت الفؤاد امصابه
ــــــــــــــــــــــــــــــــــــــ
انريد الابشاره تعبنه امن السؤال
سيدي ولا تنطي للشامت مجال
ندعي من الله العظيم الـمتعال
ايعجلنه بالفرج واسبابه
ــــــــــــــــــــــــــــــــــــــ
الدنيه ظلمه وبس ابوصالح ضوه
خل يمر عالمختنگ نسمة هوه
واستقرت وين بالمهدي النوه
المثله ماجابت ابد جيابه
ــــــــــــــــــــــــــــــــــــــ
ناس گالو بدعويه قصته
وناسه سموهه خرافه غيبته
وين ابوصـالح يبين حوبته
ابسطرة ايده ويخرس الجذابه
محمد الجماسي
#اللهم_عجل_لوليك_الفرج
بريء وبجه سجانه
ضوه وخانگته زنزانه
هذاك انت الوكع حيله ويصلي بظلمته خياله
عرف ماعنده تابوتك ولاواحد تدناله
....
. عشك بلدم تعيش وياي احسك وي شراييني
كبل جدمي الدمع يمشي انتسابگ انه وونيني
يمخلص بظلمه العمر ياصبح اليحبسونه
كالولي انت الفاتحه جم ايه جا مسجونه
ياعشك يوميه حزنك بيه ينعاد
انثرني للزاير هلا يم باب المراد
كون اموت بحظرتك بمدافع الناس
وتوكع بجرح السلاسل دمعتي ظماد
....................
احب جدم اليزورونك
وفي وماخون ماعونك
انه العايشلك ايامي لطم واتلذذ بخيرك
بغلات حسين احبنك ولااخدم شخص غيرك
...
من اشيل ايدي على كبرك اصابع ايدي تبجيلك
وسف يلكلك امروه حماميل اربعه اتشيلك.
مشراگة الله انت صرت واظلم هواي السندي
كلما يمر طاري السجن الزم الجبدك جبدي
يلحنين الوحدك وعيونك ادير
والسلاسل سبحتك والشافك يحير
بس عليك بكل مسيه عيوني تبجي
دكته عليك الگلب دكت بسامير
...........
بشار السامي
(مبارك لكم)
بالفراح بالفراح نـزلـت أمـلاك الـسـمـه
بالفراح بالفراح ألـلـيلـه هـنـت فـاطـمـه
❤️ ❤️ ❤️
نـزلـت أمـلاك الـعـرش فـرحانـه فـرحانـه
الـليلـه هـنـت فـاطـمـه ويــانــه ويــانــه
الكمـر دنـگ والشمس خـجـلانـه خـجـلانـه
حسين بـنّواره السمـه حيـرانـه حيـرانـه
صلاواة صلاواة بـالـمـهـد ويـشـع ضـوه
صلاواة صلاواة نـفـرح بـجـيـتـه سـوه
❤️ ❤️ ❤️
أحله فرحـه بـمـولـده محلاهه محلاهه
سطع نوره والـسـمـه ضواهـه ضواهـه
بجيته فرحة فـاطمـه خـلاهـه خـلاهـه
بخدمته بطول الزمن نـتبـاهه نـتـباهـه
موالين موالين أسـمـه دوم أنـردده
موالين موالين والـفــرح تـوه بـده
❤️ ❤️ ❤️
هايه فرحه للمحب مـيـلاده مـيـلاده
تفتخر بسمه الخدم والساده والساده
بمولده شعبان تبدي أعـيـاده أعـيـاده
فـرح گلبي والحـزن مــاراده مــاراده
يخدام يخدام أحلـه خـدمـه خدمتـه
يخدام يخدام الـليـلـه هـايــه لـيـلـتـه
❤️ ❤️ ❤️
والـلـه محتار الـوصف بعيونـه بعيونـه
ومنه خجـلان الـكـمـر تدرونـه تدرونـه
هـايـم بحبه وصـرت مجنونـه مجنونـه
الدنيا ماتسوه أحسهه أبـدونـه أبـدونـه
يلومون يلومون بـيه خلـهه العـاذله
يلومون يلومون عمـري أنـطيـته اله
❤️ ❤️ ❤️
ثوب الأسود والحزن ذبـيـنـه ذبـيـنـه
الـيـوم كـلنـه نـهـتـف الوالينـه الوالينـه
أنبـارك الحيدر عـلـي ألتمينه ألتـمـينـه
وأمـه فـاطـم والنبي هـادينـه هـادينـه
نعلّيه نعلّيه هـذا صـوت الرافضه
نعلّيه نعلّيه رغـم أنـف الـمـارضـه
❤️ ❤️ ❤️
خـادم الـحـسـيـن ع
الشاعر رعد الجريخي
نسألكم الدعاء
ابوذيات ولائيه
عطشنه وثلـج يـگـطـر .. ماعلينه
وعِـلينـه ولـولـه حبهـم .. ما علينه
بــغــيــر ألِ مـــحـمـــد .. ماعلينه
فـقـط حبـهـم نـريـده وهـاي هـيـه
*-----------------------*------------------*
بــيـكــم مــن بــدايـاتـــه .. تمل كون
وأطمها الروح اذا عنكـم .. تمل كون
يهل الـبـيـت بـس انـتـم .. تمل كون
عـمـري وكـل نـَفـس مـوجـود بـيـه
*---------------------*-----------------*
اشـتلـوم اعـلـيـه تـتـعـب مال اغيّره
حــبــي أولــَو نــسـيــتــه ما ألي غِيرَه
وأنــه بـگبـري واصـيـحـن مالي غيره
أحسيـن أحسيـن هـوّه الـذخـر لـيـه
*-----------------------*------------------*
✍خـادم الحسيـن ع
الشاعر رعد الجريخي
🌷مبارك لكم🌹
بـهـاي الـولاده اجـمـل سـعـاده
مـولـد الـعـابـد مـولـد الـزاهـد
علي زين العابدين
علي زين العابدين
*-----------------------*---------------------*
لـيـلـت افـراح وســرور الــيـلـه
بيهه مذموم الحـزن ونـشـيـلـه
نكتب ابيات وشعـر نـحـچـيـلـه
تحله القصيده نرفع نشيده
علي زين العابدين
*------------------------*--------------------*
بأسـمـه املاك العرش مـسـروره
زيـنــت الـعـبــاد شــع ابــنــوره
يـشـبـه الـجـده علي بالصـوره
احله ابتسامه السر الأمامه
علي زين العابدين
*-----------------------*------------------*
فرحه بعيونه المحب يحچيهـه
عـلـي ضـوّه لـلـدنيـه ومحليهه
بالأمـامـه الـنـور حـل اعـلـيـهـه
فدوه لعيونه أيـة مكنونه
علي زين العابدين
*----------------------*-------------------*
بخامس بشعبان حل اعـلـبـنـه
وبضائه الـكـون كـحـل عـيـنـه
نـفـرح بـمـولـد عـلـي خـلـيـنــه
عمّت الفرحه ياهلا بصبحه
علي زين العابدين
*----------------------*------------------*
انتشرت بأعلى السماء اعلومـه
الأمـامـه صـك الـه ومختومـه
حـقـه يـفـرح والـمحـب لتلومه
نفخر بحبنه شرّفه ربنه
علي زين العابدين
*----------------------*---------------------*
✍خادم زين العابدين ع
الشاعر رعد الجريخي
نسألكم الدعاء
🌹مبارك لكم
مـوش ابـعـيـد عـن روحي .. يمنته
وتـحـيّـر شعري بـوصـافـه .. يَم انته
مـنـو غـيـرك عـلــي قـبّــل .. يمنته
يـَمـن بـيـك الـشـجـاعـه الهاشميـه
*-----------------------*------------------*
✍خادم العباس ع
الشاعر رعد الجريخي
ابعيد ميلادك يبو الأكبر شگول
عيدك امبارك يعشگي الاولي
كل سنه وتبقالي يحسين الأمير
كل سنه وأنته الحبيب الأزلي
ابعيد ميلادك اجددلك عهود
خادمك مخلص اظل آنه وهلي
ابگلبي ابنيلك يبو الأكبر خيام
وكل سنه ابعشرة محرم تصطلي
ابعيد ميلادك عسه اجروحك تطيب
وريتني ابحبك أموتن مبتلي
انته يا كلشي ابحياتي ، ابلا هواك
أخسر الدارين ميظل شي إلي
ابعيد ميلادك يبو الاكبر اجيت
طلبه منك رايد اسمع يلـ ولي
كون اموت بخدمتك يابو الرضيع
ومنزلك باچر يجاور منزلي
كون اموت وُ دمعي ما ناشف عليك
ريت وي آخر نفس دمعي ايهلي
صوتي آ يحسين ومصابه يصيح
لگطعت الأنفاس يا رب يعتلي
وبالممات وبالگبر واعله الصراط
اگبالي اشوفك يا ضماني وكافلي
يا حسين ابداعت الكافل عليك
لا ترد حاجاتي وتسر عاذلي
آنه سائل وانت يحسين الكريم
وضلت بكيفك بعد يابو علي
ـــــــــــــــــــــ
سيد علي عبدالزهره الناجي
#أبوذية
الليله بالولاده الفرح يراد
وعله الضدك يكون ايهجم يراد
نخيتك يابوعبدالله يراد
جنح فطرس ترد النه البقيه
#محمد-الجماسي
#اللهم_عجّل_لوليك_الفرج
((ابو ذيه بحق الرسول ص))
يـمـن اطـهـر رحـم بـالـكـون.. رحمه
ويمن إلـهـم عـظـيـم الـجـاه.. رحمه
ويمن ربـنـه أرسلك لـلـنـاس.. رحمه
وزلــت بـسـمـك ظـلام الـجـاهـلـيـه
*---------------*---------------*
الشاعر رعد الجريخي
@HxzEU1
#قناه_نشر_القصائد_المنبريه
نزله
شهادة مولاي الكاظم عليه السلام
......
عظم الله ....أجر مولاي الرضا
الليله بدموع الرضا والدمعه بالخد
عله جنازة والده بعيونه من صد
النعش مطروح بغربته وماله أحد
عظم الله.... أجر مولاي الرضا
×××××××××××
اتحزم أبهاي المصيبه وجبر صبره
الرضا شايل نعش ابوه انحنه ضهره
مات مسموم الغريب وخلص عمره
عظم الله ... أجر مولاي الرضا
×××××××××××
عله دجت مغتسل مدد جروحه
شاف أثر هاي السلاسل نفض روحه
الرضا وبهاي المصيبه ارتفع نوحه
عظم الله .... أجر مولاي الرضا
×××××××××××
چفن أسنين المحنه وشدها بالموت
الليله عمره وكل حياته حطها تابوت
الشيعه وي صوته تنادي بعالي الصوت
عظم الله ..... أجر مولاي الرضا
×××××××××××
طلع من سجن الطوامر للگبر راح
من عذاب السندي روحه الليله ترتاح
بجسمه ماخذ چم علامه وشايل أجراح
عظم الله ...أجر مولاي الرضا
×××××××××××
عمار التميمي
نزال للامام الكاظم ع
.
.
.
مظلوم .. مــوسـى ابــن جــعفر
مسموم .. مــوسى ابــن جــعفر
___________________
صارله اچـم سـنه غايـب والظـهـوره ننـتظر
گـالـو المـوعـد الجمـعـه بالرصـافه عـالجسر
اصدورنه ضاگت تراها ودخنـت مـن الـصبر
حـقنه لو مـوتنه هجره وهـذا حـال الينـهجر
المهجور .. گلــبـه ايتــفـطر
مظلوم .. موسى ابن جعفر
___________________
عمره خلص بالسجون وگضه من سجن السجن
الحاله حـتى السـجن يبـچي منكسر گلـبه ويون
اگلوب اليوالون موسى انترست وفاضـت حزن
صعـبه مـن شجرة محمد ينگـطـع هــذا الـغصن
والكون .. گـــلــبه تــكـــسر
مظلوم .. موسى ابن جعفر
___________________
تجري دمعات انتظاره وخضرت عالخد جرح
وهـالجـرح كـلما انخـيـطه هــم يــرد ويـنفتحة
مـن كـثر ليـل البواچي صرنـه مانـعرف صبح
صـار واحـدنه يحـس ابـروحه چــنه مــنذبح
والحال .. لا مــــاتـــغـــــــير
مظلوم .. موسى ابن جعفر
___________________
آ يضــحـويـة الجــمــعه اتــأخـرت چــنها سـنه
ويـم جـسر بغــداد الــنه بــيت الاحــزان انبــنه
شوگنه الموسى ابن جعفر يركض اويانه اعتنه
هــوه مــن گــد مايـتاني شـيب وظـهره انحــنه
ويصيح .. اللـــــهُ أكــــبــر
مظلوم .. موسى ابن جعفر
___________________
الجـمعه مـن گـالـو يجـينــه اعـيونه لامـاغـفن
النوب مدري اشبي اويانه گام مايمشي الزمن
اخـدودنه مــن المدامع غصـن ومـو بـس رون
كلـمـن ايفـارگ عـزيـزه لازم ايــشوف المــحن
صرخات .. كلــمـن تـنـــطر
مظلوم .. موسى ابن جعفر
___________________
الدنيه مدري اشصار بيها شو نحس بيها تميل
وبالسمه چـن مـره تبچي وعتله صوت العويل
اهناك لـن اربعـه شرطه اجنـازة الكاظم تشيل
احـنه مـن ذاك الزمـان ولـَـسه دمـعـتنه تـسيل
بالروح .. جمــراتــه تســعر
مظلوم .. موسى ابن جعفر
___________________
حيدر تركي الكربلائي
#نعي ...
الكاظم عالجسر مطروح بگيوده
محد شاله ظلت جثته ممدودة
ابسلاسل ظل عجيب
يوادم مو غريب....
علي جده ... حرام ينزفن ازنوده
...........
#٢
مثل حسين محد شاله ظل طايح
الثالث يوم ، ويلي وما عليه نايح
مسموم ايموت
بس سمعوا صوت
ييمه اللهُ اكبر ناظرك شابح
........
.....
انكسر گلب الزجية اوّنت ابحسرة
شجاكم يُمه ، وتنامون عالغبرة
ظل دمعي يسيل
وانا ابلا حيل
من كسر الضلع صار النَفَس جمرة
اجيت وگوة خطواتي ... ولا حيل
بگالي وليك ما ظلّي .... ولا حل ..
ليش الما رحم گيدك ... ولا حل
يريد ايزيّد اللوعات بيه
.............
#١
يم الجنازة العل جسر رمية
يا يُمه تنحب فاطمة الزجية
الكاظم ممدود
نايم بگيود
يومية واحد مرمي عالوطية
#٢
صاحت ييمه وظل يون دليله
المن انوح ومدمعي اسيله
ليك ابدي النوح
لو للمذبوح
ذاكَ الحرت يمه وصرت عليلة
......
صوتُ امن الجنازة لا تونين ...
على امصابي ييمه اونّي لحسين
حافر ما سحك صدري ...
ولا مني انگطع نحري
ولا يمي اخت تمشي سبية ....
وتعاين عليه ..
لحدما طبت بذيج الدواوين ...
ونت فاطمة يَمه عله الحرة ...
ومو دمعة جرت فوك الوجن جمرة ..
شرف حامي الحمة
وعزيزة فاطمة
خلوها تبات ابهيمة جم مرة .....
............
انه الما قدرولي الناس ...ياهاي
يفت دلالي جمر الهظم ... يا هاي
مثل زينب غريبة اتصير يا هاي ؟
وجانت بالخدر أمها الزجية ...
الشاعر قاسم المالكي
نعي السيدة معصومة لأستشهاد الامام موسى ابن جعفر عليه السلام
-------------------------------------------
ما صار وكت املاگه الحنان ؟
يا بويه گلبي اشتعل نيران
من السجن والگيد تعبان
ما كسر گلبك ها يسجان
معصومه بويه تريدك انته
جاوبني لا ما اريد سكته
بالطيف واحچي وياك واحتار
يا ضيم كل هاذ الحملته
جسمك نحيل وحيل متعوب
والبوب ماكو بسجنك البوب
من تسجد يتيهون بالراي
موسى ابن جعفر هذا لو ثوب
متانيتك انه وعيني علباب
ها يلحنين وطال الغياب
تمنيت بويه يلفني التراب
بس طال حيل العمر بيه
شنهي البنيه ابدون ابوهه
لو كل اهلهه يدللوهه
تبقه تدوره بكل الوجوه
وتسأل عليه شيجاوبوهه ؟
راح الابو شيرده كلفه
فوگ الجسر مطروح وسفه
بويه البنيه شلون تغفى
يا ضيمي ياهوه الاكلفه
يا نعش روحي شويه تاني
جناز اني بنيته آني
شنهي الخبر هذا الاجاني
خلاني عدله اوموتاني
خلوني امد طولي اعله طوله
وكل العتب يمه أگوله
خلوني افك الگيد منه
چنهه انتهت بويه المحنه
من عمت عيني شلون ممدود
من روحي خل اگطع الضنه
من كون بنتك گاطعه الصوت
يا ريت انه الجايني الموت
انحب واون ومودره العيون
واركض وره الناس اليشيعون
تانوني چنكم ما تتانون
يم الحزن ولي يروحي
راح الابو وراحت ايامه
وخلاني ليلي ما انامه
هذا الدهر خلص كلامه
بويه انتهت من عمت عيني
كلمات / رعد الفريجي
زياره عالميه
عراق الكاظميه
عراق بأسم الحسين
عراق الكاظميه
*******
ملايين ،، مجانيين ،، مواليين ،، أجو
مسافات ،، سماوات ،، محيطات ،، مشو
الانس والجان سكان الكواكب
بسماء السابعه أنصبت مواكب
وصل هذا الخبر مسموم راهب
اجت تمشي القدر وي الرغائب
المشي بأجواء قدسيه زياره
بأمر ذات الالهيه زياره
الزياره تصير كونيه زياره
الى الارض العراقيه زياره
بجباه أحمديه
عراق الكاظميه
عراق بأسم الحسين
عراق الكاظميه
******
مشي اليوم ،، يمسموم ،، والنجوم ، هون
على الطاح ،، الگمر صاح ،، والالواح ،، بچن
سيول الناس من كل الطوائف
سوالف شوگ يا محلى السوالف
بشعائرنا انتوحد ما نخالف
وصل مد البشر والسيل جارف
عجيب المنظر وأعجب مشينه
نحس بالراحه ما نتعب مشينه
الارض شيعية والكوكب مشينه
عباده والشكر للرب مشينه
عبرنه الابجديه
عراق الكاظميه
عراق بأسم الحسين
عراق الكاظميه
********
مشيناااه ،، لگيناااااه ،، عرفناه ، صدگ
نبض صار ،، وطن دار ،، يزواااار ، عشگ
رساله وتنكتب بيهه مشاعر
الورد فد يوم يحكم علخناجر
لنهج موسى ابن جعفر هل مناصر ؟
نرد لله ونعوف الكبائر
مشي استغفار للحضره وصلنه
بعلي ويا فاطمه الزهره وصلنه
دخيل عمامته الخضره وصلنه
يباب الحاجه للفقره وصلنه
يعشگ الجعفريه
عراق الكاظميه
عراق بأسم الحسين
عراق الكاظميه
*****
المرض طاب ،، بالأعتاب ،، ولا خاب ، بشر
يمد أيد ،، للبعيد ،، شنو تريد ،، حضر
وصلنه الحضرتك يا راهب الدين
ما نتعب لون نمشيلك سنين
نشم بيك الكفيل وعطر الحسين
بس انته الاسم ماكو عناوين
صدگ مسجون بس انته مناره
السجن بعدين حولته مناره
يدين بصبر أسسته مناره
مثل ما رادك وردته مناره
للشيعه هويه
عراق الكاظميه
عراق بأسم الحسين
عراق الكاظميه
*****
مشه الساق ،، والاحداق ،، بالعراق ،، سوى
نصل ليه ،، نحاچيه ،، نحس بيه ،، دوى
بعلي ويحسين مرفوعه الايادي
اللهي بفاطمه أتسلم بلادي
تعبنه من الفساد من الاعادي
نريد المهدي والامر السيادي
نعيش بلا ظلم كلنه دعينه
يصير المهدي قائدنه دعينه
الدموع ولا تمر خدنه دعينه
يجينه وچنه والدنه دعينه
قياده مهدويه
عراق الكاظميه
عراق بأسم الحسين
عراق الكاظميه
كلمات الخادم / رعد الفريجي
#نعي
مصاب الجسر كاسر ضهر ابو محمد
لا كسر ويجبره ولا جرح ينشد
الابو من ايروح كله البيت ينهد
وتضل حسرة فراگه بالگلب جمرة
البچي بثگل الفگد لو حل بهل مفگود
ياثگل المصاب الصاب اهل الجود
الكاظم گوض بسم الچبد ممرود
فگد معصوم بس الله يعرف كسره
بعد طول الفراگ ونطر الملاگه
عمت عيني يرد ميت لعشاگه
وناحل من عذابه وگيد گص ساگه
ومحلوله ومتربه اعمامته الخضره 😭
حزن رايد يسد امصيبته وخلته
وگاع وسمه كون تصير فاتحته
ابن حيدر الرايح ياكبر بخته
عليه كون لصدور من الطم حمره
عله ولد ام حسن ون ياگلب ونطر
وصيح بلچمه آه ياموسى بن جعفر
ولا تنسى الذي عريان ضل بالبر
خلي مصيبته سالفتك وذكره
#اللهم_عجل_لوليك_الفرج
بالسجن بس ماكطع راسي الشمر
فرق بين العالرمح والعالجسر
يحسين يحسين
...
كاعد بطاموره.. اضلوعي هم مكسوره
وابجي بحنين
هذا بيه الصاير..ومارفسني الحافر
مثل الحسين
اختي مامسبيه.. ابجو عالعلويه
يامؤمنين
صاح آخر صوتي..كتبو بتابوتي
مات السجين
كاطع السندي عليّ حتى الهوه
بالسجن بس اني والميت سوه
يحسين يحسين
...
اوي اهلي مااتواجه..وقصتي تتشابه
وي العليل
اخيال صاير جسمي..القيد حافر عظمي
ومثله نحيل
والزمن وداني..من سجن للثاني
ودمعي يسيل
العمتي تعمه اعيوني.. بزينب ايذكروني
الفوك الهزيل
ياسجن ادخله موحش بي ضلام
جن خرابة زينب وحرك الخيام
يحسين يحسين
...
السجن قفلو بابه.. احسين ليش اثيابه
سلبوهه اله
الخنصر ايكطعونه..ونعشي ايربطونه
بالسلسله
بالزنازن اني.. وكل سجين ايتاني
جية هله
وانه مو بالهيمه.. ولا جوتني الخيمه
ياكربله
عالاقل تابوت شالو جسمي بي
احسين مذبوح وخواته بالسبي
يحسين يحسين
...
امن الشمس حرموني..بالسجن خلوني
جوه الارض
والسلاسل حاسس..جنهه خيل اترافس
بيه وترض
وحدي وامكيديني..وعالحبايب عيني
ماتنغمض
والفرج بالجمعه..صاح صوت الدمعه
حان الفرض
ياعلي ابن سويد بلغ شيعتي
كلهم ايصيحون يم اجنازتي
يحسين يحسين
....
احسين ماخذ بالي.. هذا جدي الغالي
بروحي انكتب
مو سهل عاشوره.. اجفوف اخوه مبتوره
وضعنه انسلب
كل غراض الخيمه..اتطشرن بالهيمه
وكلشي انهب
هو جسمه اتثلم..وانجتل بمحرم
وانه برجب
خامس وعشرين من هذا الشهر
صيحو وايلي عله الكلبه انكسر
يحسين يحسين
....
محمد الجماسي
اللهم عجل لوليك الفرج
ياملك مجتوف وتگوده الخدم
من ألألم موسى ابن جعفر للألم
واويلي واويلي
........١.......
والله يتجتف حرام والگيود ابرگبته (.واويلي واويلي )
يمشي ويطيح ويگوم هاي ابد موعادته (.واويلي واويلي)
شما يحز گيده بديه بچه الزينب عمته .(واويلي واوويلي)
وعلجسر باجر تحير بلايه اهلها اجنازته .( واويلي واويلي )
بلحبس سموه ومنهم ماسلم
ياملك مجتوف وتگدوده الخدم
ياويلي.. ياويلي
........2........
يميل من ثكل الحديد ولو تحرك ينلجم .(.واويلي واوويلي)
الحديد هواي صار اقوه من حيل الجسم .(واويلي واويلي)
يرسم اموته النجاة والفرج ماينرسم (واويلي واويلي )
الشيعه تنتظره وتنوح شوفته صارت حلم .(واويلي واويلي )
على الكاظم طاح والحيل انهدم
ياملك مجتوف وتگوده الخدم
.........3........
عمره بلطاموره راح بسم ابن شائك كضه( واويلي واويلي)
بلا عشيره ولاحبيب هذه امام الرافضه (واويلي واويلي)
عمره خلص باسجون بالصبر والموعضه (واويلي واويلي )
علجسر نعشه غريب وسفه ابن المرتضى (واويلي واويلي )
لون التاريخ صبره ابلاقلم
ياملك مجتوف وتگوده الخدم
واويلي واويلي
....... 4......
مايطخ للذله راس كاظم الغيض انعرف (واويلي واويلي)
بلعزيمه وبلثبات مثل ابو فاضل وكف (واويلي واويلي )
الظالم شما سوه بيه مايهز منه طرف (واويلي واويلي )
الجبل يم صبره ذاب والصبر بيه انوصف (واويلي واويلي )
مايساوم موسى علمذهب قسم
ياملك مجتوف وتگوده الخدم
واويلي واويلي
.........5.......
خجل الظلمه بضواه وبجه سجان السجن (واويلي واويلي )
شمس باطاموره صار عجب اليل اليجن (واويلي واويلي )
للرضا اوجه الجواد دمعه كل مغرب يحن (واويلي واوويلي)
مات ابن جعفر شجاع خورس بصبره اللسن (واويلي واويلي )
هز عرش هارون وبجفه انهدم
ياملك مجتوف وتگوده الخدم
واويلي واويلي
.......
بشار السامي