2256
خادمكم ملا علي الشاوي للتواصل ali_20115
وحگ سورة نبأ و الگال(عمّه)
بالسجاد گلبي الفرح (عمّه)
خواله ملوك والعباس (عمّه)
هيبه ولو مشه ايرجف الوطيه
(سيد خضر الزاملي )
{ابوذيات بمناسبة الولادات الشعبانيه}
جبالن فرحة بجيتك/ وسهلن
وحوائجنه انكظن يمك/ وسهلن
يبوالسجاد الف اهلا/ وسهلا
نقدملك تهاني بهالمسيه
...
عله اجتاف النبي الليله/ عله احسين
ويالاسمائكم كلهه/ علي حسين
الف مبروك يالزهره/ عله حسين
والف مبروك ياحامي الحميه
...
عطر يالگاصد الحيّنه/ شملنه
احسين الليله بالرحمه/ شملنه
يضل بخيمته ملتم/ شملنه
نحب ذكره ويحبنه ابن الزچيه
...
الخوه بس ابوفاضل/ كفلهه
زغير وزينب بزوده/ كفلهه
العقيله صاحت ورفعت/ كفلهه
الحمد لله انولد عباس إليه
...
اذا صار الزمن ضدي/ كالآفه
اروحن للگمر راعي ال/ كلافه
عله الفطره اگله بلا /كلافه
واحلفه ابزينب ويگضيهه اليه
...
انولد عباس واحسينه/ هلاله
ودمع الفرح بعيونه/ هلاله
گمر واستوه ماكامل/ هلاله
وعله إبيوت الهواشم شاع ضيه
...
اليوم أنسج رموش العين/ سجاد
عله الگظاهه طول الليل/ سجاد
مبارك ياحسين بعلي/ السجاد
علي ويشبه علي ونفس الهويه
...
أحب جدمه ابوصالح/ من يصلي
جرح ياكل بروحي/ من يصلي
على المختار وآله/ من يصلي
يفرح گلب مهدينه البقيه
....
محمد_الجماسي
لليسأل شكو ابهاليوم...ليش الخَدَم مِهتَمَّه
واتصيح ابعلاة الصوت...وابهل حَفَل مِلتَمَّه
نِگلّه الفرحه هالليله....تخص خِدَّام ابو اليمَّه
(حسين اهلال ... وكل خِدَّامه اتعَيِّد بي )
................................
گالولي يهل خادم...طلب منك تريد الناس
لبو فاضل تهوسلنه...وصحت خادم لبو النوماس
بس آنه شرط عندي....حين انهوس العباس
( تنطوهه الحگ هاي الهوسه )
...................................
من عباس ابو فاضل ....التوفيقات مَلمُوسه
إتوشِّل عيني واگصدله...وارد واعيوني متروسه
أدخل حظرته واحتار ..... شكتب للگمر هوسه
( شِبَّاچه ايشع هو اشلونه ؟؟ )
سيد علي الموسوي
ابيات ابوذيه لمولدابوالفضل العباس
عليه السلام
دوه اسمك احسه يصير. . للماي
وشوكي طشراني كوم. للماي
ابوكت العطش ماهميت. للماي
كل همك تحافض عل خويه
هله بل طشر الحومه وخلهه
ابوالغيره وصدك اسكت وخلهه
الناس الاكته انسحكت وخلهه
بلا خياله تترادم سويه
اذادنيتك بهتت يمه حلهه
احس الروح يمه. يمه حلهه
كل شده تلاكي يمه حلهه
اخوزينب دوه اسمه وهويه
جبيره الفرحه مانوصف. وصفها
وعوف احزانك ابكترك. وصفها
اذادنياي مخبوطه. وصفها
انخه الكافل يصفيهه اليه
سلام البهادلي
ياشهر شعبان يا احلى الشهور
انته باقة ورد تتفاوح عطور
ازهرت دنيانه دنيانه
نورت دنيانه دنيانه
===================
هالشهر بالفخر نحتفل بافراحه
نفتخر نبتشر لو طلع مصباحه
كل محب كل كلب تشفه بيه جراحه
بفرحته وردته بالعطـر فواحه
كل شهر يتمنى هوه امجانه
والفرح بي فتحت بيبانه
والبشر فرحانه فرحانه
نورت دنيانه دنيانه
====================
يبتدي ويزدهي بنور سيد الساده
والشرف بي هتف حسين حل ميلاده
مزهره منوره هالارض باعياده
من علي معتلي واخذ هاي امجاده
اصطفاه الله فخر لاسلامه
الله شرفنه بلقب خدامه
ابخدمته خلانه خلانه
نورت دنيانه دنيانه
=====================
والكمر عالدهر وجهه ظل ايلالي
شمرته وهيبته من ابوه الوالي
من المهد واستعد يفدي عمره الغالي
بمولده نشاهده يمه بيرغ عالي
من المهد ناذر حياته السيده
انولدت الغيره ويه ساعة مولده
واخته بي فرحانه فرحانه
نورت دنيانه دنيانه
====================
بمولده والده صار بيه ايفاخر
استقبله وناده له هلا يابو الباقر
بالحلم والعلم هذا نهجه الطاهر
بسيرته وحكمته بيها ظل يفاخر
كلشي فرحان وعلنها اعياده
من علي السجاد حل ميلاده؟
هالبدر من جانه من جانه
نورت دنيانه دنيانه
=====================
جن بدر من يطر وجه الاكبر لاله
بمولده والده اتحققت آماله
نظرته وهيبته من الرسول واله
بكربلا دور اله اتخلـد بأفعاله
يشبه الهادي بجميع اوصافه
والكمر منه خجل من شافه
حيدري عنوانه عنوانه
نورت دنيانه دنيانه
====================
بالنصف ينوصف هذا عيد احبابه
المنتظر لو ضهر وسيفه يرمي كَرابه
كل أمل لو وصل تنتفتح ابوابه
والورد مستعد لشوفه عكب غيابه
اخمسطعش شعبان احلى ايامنه
مولد المهدي وربيع احلامنه
شيعته لهفانه لهفانه
نورت دنيانه دنيانه
======================
حسن بشير السوداني
ميلاد قمر العشيره
.
.
.
قــل يا أيها الـنـاس .. قــل هنــه كلمتين
الدنيه ابلايه عباس .. لاماتسوه فلــسين
***
حــنانه غامــر الدنيـــه حنــانه
مـكانــه بالگــلب ثابــت مـكانه
ابو چفوف السخيه الحـير الماي
ردت وفــاي مـثله ومـاكو وفـاي
كلــشي شويه والعبــاس الهـواي
گمر غير ابوفاضل ماكــو بسماي
صيح ابلهفه واحساس .. چن صيحات الحسين
الدنيه ابلايـــه عــباس .. لاماتـــسوه فلـــــسين
***
تخــليه عالجــرح لمــن تـخليه
يداويه ذكــر ابو فاضل يداويه
حيره شگد ببو فاضـل كرامات
ينطـي ومايمــل من العـطاءات
اليگول اهواي گله ابـلا مبـالات
تره العباس قادر يحي الاموات
البيه وسواس خناس .. حسبه احساب مَيتين
الدنيه ابلايـــه عــباس .. لامـاتــسوه فلـــسين
***
يوصفه خيره من يگدر يوصفه
يعرفه بــس ابـــو الاكبـر يعرفه
نـــبع يتـــفايض امـروه ومـحنه
چنــه العـــافيه العـــباس چـــنه
مابـــالـــغ تــــره لـــوگلت جـــنه
كفلـــنه والــنعم بـــيه مـن كفلنه
تاج انحط علـى الراس .. واسمه نخط على العين
الدنيــه ابلايه عبـــاس .. لاماتســـوه فلـــســـــين
***
گلتــها وگـــولها انــي الگــلــتها
شلــتها امحبة الكـــافل شلـتـها
بحـبك خــل جميع الناس يدرون
وعـنك لاتبـــالي اشمـــايگـــولون
گلهـــم انـــي بالعــبــاس مجـنون
فخر يكفيني شلت اسمه بالعيون
العتبه ابابه تنــباس .. لامو مـره وثنين
الدنيه ابلايه عباس .. لاماتسوه فلسين
***
تعـــلم انتـــه مــن عــابس تعلم
ومتــيم صـيح بالكــافل متـــيم
اليحب عباس من داخل ضميره
تصبــح مـــنزلة قـــدره چـــبيره
الهــام ابكافـــل الــحره الامــيره
اكيد بلايه شك صـاحب بصـيره
وكلها تعـرفه حــساس .. ومعروفه المضامين
الدنيه ابلايه عبـــاس .. لامـــاتسوه فلســـين
***
بخدمــتك گــــله يالغــالي بخــدمتك
بنعمــتك يـــلي غامـــرني بنعــمـــتك
يماي الله الحـشـــه تنســـه اليعطشون
انعمالله امن احسبتني اويه اليخدمون
يكون وعـــد حســن ضــنك انـــه كون
الرضيت اعليهــم ابلا شـــك يـفـوزون
يمن للخدمه مقياس .. عگبك نتجه وين
الدنيه ابلايه عـباس .. لاماتسـوه فلسين
***
حيدر تركي الكربلائي
انفــاس الحـسين .. عباس ابو فاضل
احساس الحسين .. عباس ابو فاضل
صـــل الله علـــى .. عباس ابو فاضل
-----
كفيــل العيله .. اليــرد العـيله
اليغث الكافل .. الــف يـاويله
كلف ومـعتب .. شجاع مرتب
بحربهم فنـه .. العلـيه يتغلب
امير الكلـمه .. سراج الخدمه
نحـبه وفدوه .. نروح الاسمه
احچايات الحسين .. عباس ابو فاضل
بسـمـات الحــسين .. عباس ابو فاضل
صــــل الله عـلــى .. عباس ابو فاضل
--------
جميل افــضاله .. العقل ماشاله
صفاته الجــمه .. سبـــت عذاله
امــام الغــيره .. صـعب تفسيره
اليريد ايفسره .. يضــل ابحيره
خفيَ الطافه .. عظيمه اوصافه
حسين والله .. فقـــط بشـفافه
اسرار الحسين .. عباس ابو فاضل
اسوار الحسين .. عباس ابو فاضل
صـل الله على .. عباس ابو فاضل
--------
دروس وعــبـره .. كفيل الحره
وكفالة زيــنـب .. خزانة صدره
شـهم ومعتـبر .. عليه من يگدر
النظر خـزراته .. احسبه اتبسمر
حربهم عيـده .. اليريده ايريده
شوكت ميعجبه .. يفرها ابايده
غضبات الحسين .. عباس ابو فاضل
صولات الحسين .. عباس ابو فاضل
صـــل الله عــلى .. عباس ابو فاضل
---------
ولـي النعمه .. الحسين بدمه
تره متوهم .. اليريد ايحجمه
چبير ابزوده .. وفـه بعــهوده
اليدور شاهد .. الدليل ازنوده
نبـــع حنيــه .. يفيــض ابميه
الفرات اكباله .. يـصير اشويه
اسباب الحسين .. عباس ابو فاضل
ابواب الحـسين .. عباس ابو فاضل
صل الله عــلى .. عباس ابو فاضل
--------
كريم بنــــفسه .. يحَـــــيـــر درسه
الحسين بكبره .. وعظمته ايقدسه
نعـــم بس هوه .. يفــــوح امــروه
لــــذلك اصــــبح .. عطــــر للخـوه
الطــفوف الشاهد .. بدمـائه معاهد
لـــذا من عنده .. انخلق بس واحد
نـظرات الحسين .. عباس ابو فاضل
همسات الحسين .. عباس ابو فاضل
صــل الله عــلى .. عباس ابو فاضل
------
النهر وجـروفه .. حچه بمعروفه
الفرات ومايه .. ســجد لچفـوفه
ابد منـــجامل .. نــعم يــستاهل
الحسين يقبــله .. جـبين الكافل
عطـــف يتبده .. عــذب وموده
المحيط بكبره .. يتيـــه ابخـده
رواي الحسـين .. عباس ابو فاضل
ياماي الحسين .. عباس ابو فاضل
صل الله علـى .. عباس ابو فاضل
--------
حيدر تركي الكربلائي
[[ يا محلاه ]]
لمولاي ابي الفظل العباس ع
يا محلاه ابا الفظل يا محلاه
في جماله وخلقته جـل الالــه
🌹🌹🌹🌹🌹🌹🌹🌹🌹
اخـو اخيته وما تهزهز بالحرب
ابو فاظل يرعـــد وميــت گلب
وبرئاتـه بس هـوه زينب يــطب
وهو عد زينب شــعزه وشــغلاه
🌹🌹🌹🌹🌹🌹🌹🌹🌹
اربعه شعبان مـــن نــوره ضــوه
والزلم كلها انگــــطع منهـا الهــوه
حسين صاحاله هلا براعي اللـوه
النشمي والما ينطي للعركه گفـاه
🌹🌹🌹🌹🌹🌹🌹🌹🌹
هلا بأزماط العقــــيله الما يچـــــل
اليسحل بقــــاداتهم بيده سحــــل
ينفخ ويرهب ويخزر چــــنه صـل
ويخفگ اعله متونه ويرفرف لواه
🌹🌹🌹🌹🌹🌹🌹🌹🌹
احله واجمل واضوه من نور الشمس
عشگ ابو فاظـــل تـــره عـزة نــفس
بيه احس بغير شخصـــه ما احـــس
اختنگ واتنفــــــس بنســـمة هـــــواه
🌹🌹🌹🌹🌹🌹🌹🌹🌹
عهد من خدامك لطــول الدهـر
الكم شما عدنـه مـــولاي الگمـر
نحبكم احنـه من النبي للمنتظر
نتّــبع خطكم وما نمشي بسواه
🌹🌹🌹🌹🌹🌹🌹🌹🌹
عبد العليلـه
✍حيدر ابو كيان الفاطمي
هَالِّليلَه مِيلاد الغِيرَه
هَالِّليلَه مِيلاد الغِيرَه
****
( ١ )
لاح او بِزَغ مِنِّ السِّمَا او شَعْشَع عَلَه الدِّنْيَه
وِ الكُون فِي بَهْجَه او فَرَح مَاخِذْ قَبَس ضَيَّه
عَبَّاس او مِيلادَه
نَوَّر عَلَه السَّادَه
وِ اسْتَّر عَلَه العَادَه
حِيدَرْهَا او أَولادَه
وِ انْهَنِّي حَمَّاي الجِيرَه
وِ انْهَنِّي حَمَّاي الجِيرَه
****
( ٢ )
گَضَّاي كِل حَاجَه او عُسُر وِ مْفَرِّج الشِّدَّه
رَاعِي المَوَازِم وِ المُحِب مَا يِتْرِكَه الوَحْدَه
كَشَّاف كِل كُرْبَه
حَلاَّل كِل صَعْبَه
وِ المِعْتِّنِي ايطِلْبَه
هَيهَات وِ ايخَيبَه
كِل سَائِل عَارِف تَدْبِيرَه
كِل سَائِل عَارِف تَدْبِيرَه
****
( ٣ )
عِنْدَه شَجَاعَه مِنْ عَلِي او مِنْ صُلْبَه وَارِثْهَا
عَنْ غِيرِتَه هَاي البَّشَر حِيدَر يِحَدِّثْهَا
يِحِچِي عَنِ اولِيدَه
عَنْ سَطْوِتَه او إِيدَه
كِلْمَن إِجَا ايرِيدَه
ذَبَّه ابْوَسَط بِيْدَه
وِ يعُوفَه صَافِن فِي حِيرَه
وِ يعُوفَه صَافِن فِي حِيرَه
****
( ٤ )
سَيْدِ المَرَاجِل وِ الحَرُب لِبْنِ الوِصِي تِشْهَد
مِنْ يِضْرِب ابْسِيفَه فَلا عَنْ ضَرْبَه يِتْرَدَّد
مِنْ يِگْبِل اعْلِيهَا
بِلْخَزْرَه ايصَفِّيهَا
مُوت او نِزَل بِيهَا
نَظْرَه او مَيثَنِّيهَا
وِ بْعِينَه المِيدَان ايدِيرَه
وِ بْعِينَه المِيدَان ايدِيرَه
****
( ٥ )
زِلْزَال وِ يهِزِّ العِدَى او يِگْلُب عَوَالِمْهَا
او نِسْوَانْهَا اعْلَه ارْجَالْهَا تِنْصُب مَآتِمْهَا
فَارِس عَلَه الفَارِس
يَاهُو إِلَه اينَافِس
وِ الصَّابَه الوَاهِس
حَتْمًا يِظَل حَايِس
او بِلْكَرَّه ايعَاوِد تَفْكِيرَه
او بِلْكَرَّه ايعَاوِد تَفْكِيرَه
****
( ٦ )
هَذَا الشَّهَم وِ الِّلي گِطَع مِن غَضْبِتَه اگمَاطَه
وَگْتِ الزَّعَل عِرْگِ الزَّعَل مَا تِنْگُص اَشْوَاطَه
يِسْعِي ابْمَنَاحِرْهُم
او بِيدَه يِطَشِّرْهُم
عِزْرِيل وِ يمُرْهُم
لا مَا يِأَخِّرْهُم
مَأْسَاة اعْلِيهُم وِ چْبِيرَه
مَأْسَاة اعْلِيهُم وِ چْبِيرَه
****
أبو شُبَّر العاشور
٤ شعبان ١٤٤٥هـ
طِلْگَت اُمِّ البِّنِين او جَابَتِ العَبَّاس
****
( ١ )
بِتْ مُزَاحِم طِلْگَت او جَابَت شَهَم غِيرَه
وِ الگُمَر مِن گَد جَمَالَه صَافِن ابْحِيرَه
چَفَّه مِن چَف وَالِدَه حَامِي حِمَى الجِيرَه
عِينَه تِجْدَح غَضَب لُو وَاجَهِ الأَرْجَاس
****
( ٢ )
هَذَا شِرْيَان الأُخُوَّه او مَنْحَر الخِدَّر
وَارِثِ اعْلُوم الشَّجَاعَه مِن عَلِي حِيدَر
الشَّمِس بُوجُود اُبُو فَاضِلْهَا تِتْكَوَّر
وِ الگُمَر حَدْر اُخُو زِينَب يهَبْطِ الرَّاس
****
( ٣ )
فِتَح اعْيُونَه او سِمَع مِنِّ اُخْتَه تَهْلِيلَه
اتْگِلَّه شَعْبَان الوِفَه لَك زَاهِي قِنْدِيِلَه
او عَن لِوَه او شَاطِي نَهَر عَن جُودَه تِحْچِيلَه
عَنْ شَجَاعة أُخُو مَا إِلْهَا أَي مِقْيَاس
****
( ٤ )
هَذَا يُوسُف هَمْ نَبِينَه ابْحِسْنَه يِتْوَصَّف
او هَذَا بُو فَاضِل گُمَر سَابِي ضَحَايَه الطَّف
مُو مِن الخُوف اَعْتِقِد أَعْدَاءَه تِتْرَاجَف
مِنْ جَمَالَه او شِهَگ حَتَّى الدِّرِع وِ الطَّاس
****
( ٥ )
هَذَا صَگَّار الحَرِيبَه او شَاغِل الحُومَه
ابْخَزْرَه وَحْدَه لِليِنِظْرَه يِكْسِر اعْزُومَه
وِ الِّذِي ايفَكِّر قِتَالَه اسْنِينَه مَحْسُومَه
هَذِي أَيَّامَه تَحْت اَجْدَامَه هَمْ تِنْدَاس
****
( ٦ )
لُو إِنِسْهَا وِ الاَّ جِنْهَا تُوگَف ابْحَرْبَه
لا رِمَاح اتْهِزَّه لا أَسْهُم وَ لا حَرْبَه
هَذَا كَاشِف عَن إِمَامَه احْسِين اَلِف كُرْبَه
رُوحَه غِيرَه او وِفَه وِ عْيُونَه هِمَّه او بَاس
****
( ٧ )
هَذَا بِنْ ضِيغَمْهَا هَذَا المَا يِفُر عَنْهَا
هَذَا تَحْت اَجْدَامَه رُوس اخْصُومَه أَذْعَنْهَا
هَذَا خَلَّه الثَّكُولَه امْصَاحِبَه الوَنْهَا
هَذَا سِيفَه الخُمَد مِنْ آل اُمَيَّه اَنْفَاس
****
أبُو شُبَّر العاشور
٢٨ رجب ١٤٤٢هـ
لمناسبة ولادة العبد الصالح العباس
ابن علي ابن ابي طالب عليهما الصلاة والسلام
-------------------------------------------
عطوه من الدمع خل نفرح الليله
انولد عباس يا محلى تفاصيله
وجه مثل الگمر والدنيا توميله
عباس عيوني و عافيتي
---------------------------------------
هلا بساقي العطاشى وهلا بأنواره
بشهر شعبان اجت يا ناس البشاره
فرح حيدر علي مولود فقاره
صار الهيبه حماي الحد
---------------------------------------
اجت يمه العقيله وشمت اچفوفه
گالت هذا اخوي الابد ما عوفه
اخت عباس بالعباس موصوفه
تلوليله ما يرضى ينام
-------------------------------------
سلام الله عليه سبحانه من صور
ولد لام البنين من الگمر أزهر
بعده بحظن امه وعلخيم آشر
هاي اخيامي خلوني اگعد
-------------------------------------
ما يرهم تگمطه گماط ما يرهم
اذا العباس بعده زغير وتحزم
يكاشف عن اخوك الكرب ويه الهم
ناشف ريجه خليت الطف
كلمات الخادم / رعد الفريجي
هوسات
ما هزيته بالكاروك ما يتقبل بهايه
مو بگماط شديته انه بالرايه
يا عباس اريدك گد الحچايه
اريدن وگفتك فوگ المسنايه
بگماطه وظل يحاچيها
&&&
يا ام البنين هواي ممنونه
ابو فاضل تخوف خزرة عيونه
كافل زينب وظل يسمونه
لو صار الفصل يا ناس مليارات
ميظل الفصل لبنچ يطيحونه
يطيحونه لجلك عباس
&&&&
علي جبار الكعبي
الفاتحه لوالدي
لا ليله المثل حبي ولا قيس
ولا راهب عشگ مثلي ولا قيس
ابحب حسين ما احسب ولا قيس
شغف گلبي وعمل دولاب بيه
☆☆☆☆
حيدر بشار الدراجي
مولد الامام الحسين ع
انكشف لو منكشف نورك عليه
ماْ ازددتُ يقيناً يبو ارقيه
مو توّه العشگ يحسين وياك
سالفتي گبل خلق البريه
امتحان ارواح صار بعالم النور
گبل آدم لگيتك انته بيه
الزهره ام الحسن وزعت الأوراق
واحس الجنه صارت كلها ليه
چان اول سؤال اتحب الحسين؟
اكتبت هوه النفس صبح ومسيه
بديت اقره واجاوب كلشي مكتوب
نعم اشطب صرت بثنين اديه
اگلبتها الصفحه والگيت الختام
نحسبك خادم اعله ابن الزچيه ؟
بچيت امن الفرح يحسين مولاي
خلقني الباري انه الهل قضيه
سلمت الصحيفه وانطر اجواب
واجت من امك الزهره الهديه
النتائج طلعت وگلتلي مبروك
نجحت بهل عشگ ميه بالميه
****
الشاعر اياد الديراوي
هالجناره المن هنا مطروحة
حيف بين الغربه طلعت روحة
_______
مبينه لشرف ناس ولأشرف نسل
وجه نوراني وشبه سيد الرسل
عليها صاحوا هذا ابن مير النحل
وسفه محد شاله مطروح الحمل
جنازة وعليها کيود
ومن هله ولا موجود
جاب چفنه ومسح دم جروحة
_______
وين عنه الرضا يطويها الارض
السلاسل بيد ابوه رضته رض
كون هاشم فازعة طول بعرض
ثارها تطلبه بعد حل الفرض
الكاظم هنا مسموم
طروش ودو وعلوم
للمدينه وخل تقيم النوحة
_______
بالمطامير وعليه حسره الهوا
وخيط من الشمس مالاحة ضوه
البجي ع المظلوم جان افضل دوه
ولمصايب كربلا شكد انجوه
مانسه الطف هيهات
ولاالصعدن هزلات
يزيد هن طبت السوک جروحة
_______
يسوي مجلس رغم كل حبسة الشديد
يذكر السجاد من يحزه گيد
ويبجي من يذكر اسم مجلس يزيد
صعبة عماته انسبن سبي العبيد
كلشي بالدنيا يهون
ولايشوفون ام عون
ودوم عينه لكربله مشبوحة
_______
عمية عيني اعليه ضل جبدة يفور
حار سم السندي بأحشاءه يدور
صوفر ووسفه طفه وجهه الينور
راح شيخ الطايفه الينهى ويشور
راح ابن جعفر راح
بيها بغداد صياح
مات وعيونه لهله مفتوحة
_______
طالب الصالحي
شعبان هوسات مولد
هلا بشعبان ياشهر الفرح كله
بجيتك هايه كل الكون يتحله
بيك نولد طه وسبطه والعباس
هاذ الفرح هاذ الأبد منمله
( يامحله الهوسه بهل لليله )
،،،،،،،،،،،،،،،،،،،،،،،،،،،،،،،،،،،،
هلا بشعبان يالنورك يزيح الهم
ياخير وهلالك للجرح بالسم
بيك الأكبر يهل نوره للأكوان
وبطلعت جماله جم شمل يلتم
( عباس الثاني ايسمونه )
،،،،،،،،،،،،،،،،،،،،،،،،،،،،،،،،،،،،،
نسيت همومي كلها وعفت حسباتي
الفرح واجب ابطلعت نور ساداتي
ممنوع الزعل بس الفرح مريود
الهلاهل صارت من اليوم عاداتي
( بدلت الدمعه ابهلهوله )
،،،،،،،،،،،،،،،،،،،،،،،،،،،،،،،،،،،،،
ياشهر الفرح يا مسكن البسمه
طاريك صدگ للمختنگ نسمه
نعمه ومنها ابد لا ما تمل الناس
ياهو الشاف عاقل يكره النعمه
( خل نفرح كون شما بينه )
ابوفايز الرافضي
انولد راعي المرجله … العباس يا مية هلا
عباس …… عباس …. بدر العشيره
……..
انولد رب الرايه .. الما يثني احجايه .. العنده زينب غايه
ابو فاضل
كمر هاشم نوره .. نور المعموره .. بعيني ثبتت صوره
ابو فاضل
ابن حماي الحمه اشمحلاته.. الكون كله حاير ابنضراته
الإنس والجن ما ترد صولاته .. فرض حب حسين ابد ما فاته
منه نبع نهر الوفه .. كله حنان وعاطفه
عباس .. عباس .. بدر العشيره
………..
إلياس خضر عوده .. لرايته ولجوده .. فدوه لأسم ازنوده
ابو فاضل
فارس المسروجه .. بحر يلطم روجه .. اشكالت الاهزوجه
ابو فاضل
نبع من العاطفه يلغالي .. عالي والحباك اصبح عالي
غير حبك ما سكن دلالي .. انته يلمالك كياني وبالي
غيرك ولا يهوه الگلب .. يا اصدق ويا أغلى حب
عباس .. عباس .. بدر العشيره
………
عايش بإحساسي .. بريتي وبأنفاسي .. بيك رفعت راسي
ابو فاضل
نده لكلبي الضامي.. بيك تحلى أيامي .. ابيقضتي وأحلامي
ابو فاضل
حبك اويه الدم صبح جريانه .. من الزغر للكبر عاش اويانه
العاش حبك الله يرفع شأنه .. اعيوني دوم لشوفتك ولهانه
ناذرلك اسنين العمر .. عباس الك فدوه ونذر
عباس .. عباس .. بدر العشيره
……….
رأيتك بيمينك .. موت تجدح عينك .. بلشدد ناخينك
ابو فاضل
مولدك اعيادي .. جيت اريد امرادي .. بلمحن شنادي
ابو فاضل
اليوم منك جيت اريد ابشاره .. الك بلحب كلبي دك انذاره
عشك عنتر ما وصل معشاره .. يا ملك كلبي وجميع اسراره
نبض الكلب من رايتك …يحله الغرام ابكبتك
عباس .. عباس .. بدر العشيره
………..
علگت حاجاتي .. لهفتي و غاياتي .. ابابك و دمعاتي
ابو فاضل
الكرم اخبارك .. ما ترد زوراك .. تكرم ابخطارك
ابو فاضل
يلي اسمك دوه لكل الامي .. ماي ترويني واشوفك ضامي
عايش ابخيرك جميع ايامي .. الك باصم بلكلب و ابهامي
بيك الامل وانته الامل .. گلبي يجاوب للسأل
عباس .. عباس .. بدر العشيره
………….
احمد العقابي الحياوي
اجيت وكلبي سابكني حفه الكم
رسول الله وملاكته حفلكم
شحلاته بالفرح يزهي حفلكم
يسر گلب النبي وحامي الحميه
الخدر والعفه والتقوه تره سماي
وتنور بنور ابوفاظل تره سماي
ياهو مثل اخو زينب تره سماي
كوه عله الزلم بالغاضريه
٠٠٠٠ ٠٠ ٠٠٠٠
العگل مجنون أصبح من هوه حسين
وريد بموتي اشتم من هوه حسين
يسألوني الشماته من هوه حسين
النفس والروح ابو السجاد اليه
خادم اهل البيت ع
فلاح طالب الماجدي
صلاوات صلاوات ... هليله تفرح فاطمه
ــــــــــــــــــــــــــــــــــــــــــــــــــــــــــــــــ
كل عام اذا شعبان هل اهلاله
كل شيعي اناشيد الفرح مواله
مولد ابو اليمه الگلب غنّــاله
ياربي صلي اعله الحُسين وآله
هتافات هتافات نزلت ملائكة السمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يافطرس اطلب حاجتك واتمنه
واتبـــــرّك ابڪاروك سيد الجنه
بسمي وبسمكم وبأسم محفلنه
نرفع تهاني لـــــفاطمه وحيدرنه
مسرات مسرات هذا الحُسين ومَقدمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بدر العشيره ويا هلا ابـميلاده
سورة فلق حيدر قره لحُساده
ما يرضه يتگمط يَمحله اعناده
لو هيچي عم لو ما تريد الساده
ڪرامات ڪرامات بچفوفه يتروه الضمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
كافل خدر زينب منو ابگد صيته
بالغيره ام الاربعه امغذيته
گبل الولاده ڪربله امتانيته
ساگي الحرم راعي اللوه امسميته
بطولات بطولات بالطف يسولف صارمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
يا سائلاً عن الڪرم عن الجود
يم زين العباد الفضل ماله احدود
اليوم الحُسين استبشر ابهلـ مولود
بصياره ساجد منشغل بالمعبود
ولادات ولادات كلهن عطاء وغانمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
بهجة ابو اليمه ابــفرح تتڪرر
حين اليڪحّل عينه نور الاڪبر
وارث صفات اهل الڪساء امن الذر
وجه الگمر يم وجهه يصبح اسمر
بشارات بشارات ما أعذبه وما أڪرمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
أعظم فرح يوم النصف من شعبان
نور الأمام المُنتظر شع وُ بان
يانرجس امبارك الچ راعي الشان
ابميلاده نفرح يم ضريح العطشان
مجرات مجرات تنطر طلعته القادمه
صلاوات صلاوات هليله تفرح فاطمه
ــــــــــــــــــــــــــــــــــــــــــــــــــــــــــــــــ
سيد علي عبدالزهره الناجي
لمولد الامام الحسين ع
.
.
.
حسـين ابن عــلي .. يحــبــي الازلــي
***
يأول ما الــك نــد .. اتيه بيك اذا عــد
نعم يابعد عافيتي وعنك لحظه ماصد
ماعوفك وحروفـك ملهـوفك بطـيوفك .. گايـــلك نــعم
بحساسي وبنفاسي ونوماسي ماناسي .. قاسملك قسم
الگلب غيرك خلي .. يـحبـــي الازلـــــي
***
نسـيم احروفك ايمر .. واشعر بيه اكو سر
هواك استنشقه والشوگ بيـه الكربله ايجر
رضوانك عنوانك واحضانك بيبـانك .. يا اطهر عــشگ
يالغـــالي وامالــي يالـوالـي دلالـــي .. بس بسمك يدگ
يمن تسوه هلي .. يحـــبي الازلي
***
يكلشي الأنته وانته .. بس بعيوني شفته
نسيت اشيـاء واشــياء اسمـك من عرفته
احچاياتي وصفناتي وبسماتي ودمعاتي .. صارتلك وقـف
مفتونك من دونـــك مجــنونك وعيونك .. مولاي اعترف
گلت بالذر بلي .. يحــبي الازلـي
***
يسـألونـــي ولا رد .. مـو شغلة اعاند
بس الشغله يدرون بدليلي انته گاعد
يالبالدم مو مهتـم لا مغـــرم واتـألم .. في حبك عمر
بتكويني تدريني مسميني يحسيني ..عبدك وافتخر
منو الغيرك الي .. يحبــي الازلــي
***
يصاحب احله ملگه .. مــثلك ويـــن الـگه
اشهگ من يمر اسمك واحسها احله شهگه
تفز روحي وجروحي وصروحي مذبوحي .. ذكرك من يمر
واتجـــمهر واتحـــظر ما اگــــدر اتأخــــر .. والطفـــك افــر
ضريحك منزلي .. يحبـــي الازلــي
***
اشگد ما انـــي اكـبر .. يمــك كلـش ازغر
طفل چن اني كدامك من المستحه اعثر
مسويني ومنطيني وغانيني امعليني .. اعله امن النجم
اتأمل واتوسل ارد اسـئل من يقبـــل .. ينطي بهـالحجم
فقط انته الولي .. يحــبي الازلي
***
حيدر تركي الكربلائي
ابميلاد عباس الحنين
مـبروك يــا ام البنــين
______
اعتله الصوت اعتله .. هله ومية هله
هله بـراعـي اللواء .. ومــراجل كربله
ابو اليمــه ابتـــشر .. لمن شاف الگمر
يقبل ايده ويگول .. اجه احزام الظهر
يالجايبه حصن الحصين
مبـــروك يـــا ام البنـــين
-------------
الضوه وهوه الضوه .. من اخدوده ارتوه
شكــثر شايل ضـياء .. لعــد راعــي اللوه
نــده زينـــب عـلي .. ويـگلـــها اتـــــدللي
الحلمتي بيه اجاچ .. الكفيـــلج هلــــهلي
وتطش عليچ الياسمي
مــبروك يا ام البنــــين
--------------
السمه واهل السمه .. تــبارك فاطمه
نعم وام الحـسين .. ابگــمرها هايمه
تحــب هـذا الولد .. ابــو فاضل بعد
ابحظن ام البنين .. وللملاگه استعد
وبكــربله عنــده يقين
مـبروك يــا ام البنــين
__
تبــــيـن قـــــصــــته .. الشـجاعه بگصته
العفيفه اويه الحليب .. اعله زينب وصته
تگـــلــه ام الخـــــدر .. تــره اتامرك امـــر
واذا اتـــريد النجـوم .. احـــذرك تعــــتذر
وعن الخدر تدرينه امين
مـــبروك يا ام البــــنيــن
_____
ابحظن امه وقسم .. وفي امبين نعم
بطل يطــلع اكــيد .. الِـگمــاطه ابعلم
اشحلاته لو غــفه .. ينگـــط عاطــفه
ولمن يبچي تكول .. كأنـــه العاصفه
عباس عنده الغيره دين
مـبروك يا ام البـنــــــين
___
علي وجها انشرح .. وبــبو الغيره فرح
يوصيه بالحسين .. وعلى صدره مسح
علي عـــقد الــوله .. يگـــول اتــأمـــله
الولد هـــذا يصــير .. عظــيم المـــنزله
ويصير خادم للحسين
مبــروك يا ام البنـــين
--------------
حيدر تركي الكربلائي
هوسات
شعبانيات شهر الولادات الطاهره ع
اضحك خل يضوجون اليكــرهـونك
يشيعي وهاي فرحه لخاطر عيـونك
شهر بيه صار الحسين واخوه عباس
ترهدن بالمشي وخـــلهم يشـــوفونك
مبتشره الشيعه وفرحانه
هلا بشهر النتاني ونحسب لجيته
السعاده اليوم عگلي كله ماخـذته
حزين بدمعتي وگالولي هل شعبان
مسحت دموعي گتلهم اجه بوكته
وبخير حسين مغطينه
ضلمه الدنيا چانت والضــــوه شحـه
وصار حسين والكون انكشف صبحه
فرحانين هــــــسه واحــنه ما شفـناه
چا بصياره يمه شـــــــچانت الـفرحه
والطير تصفّگ جنحانه
هلا باليشفع لخدامه مــــن الــــــنار
هلا بالصورته تــــنـــوّر اركـان الدار
هلا بالشبع من خيره اليحط والطار
هلا باليترس الچف كله حار بحـــار
والجود يفيض امن اچفوفه
احن منك فلا موجـــــــود بالمــــرّه
واحس تگلي اهلا واشبگ الحضره
اني شعندي شو مولاي بس تقصير
وانته تباري بـينـه وداعـــــة الزهره
نذنب ونگلك بس هايه
خدمتك نقش صخره تضل عمر مولاي
يا ماي الكرامـه الــــما يشبــهك مـــــاي
عليت الخدم وانطيت قيــــــمه وصيت
متفضل علــــينه يبو سكيــنه هــــــواي
مشكور وفضلك جازينه
زينب حگها تفخر ام عفاف الزيــن
ما يختلف بيها الجمله هاي اثنــين
كل حرمه بأخوها تنخه شي معلوم
وزينب لو تنخت انه اخت حسيــن
حسين تذكرك زينب
بالصبخه يخضر نعناع
عبد العليلـه
✍حيدر ابو كيان الفاطمي
حبينه الحسين امن المهد للموت
بحيث احتار بينه الزين والمو زين
إحنه اهل العشگ مو عشگ هذا وذاك
إلنِّحبَّه بالگلوب انشوفه مو بالعين
حَبِّينه الحُسين وإحنه ماشفناه
لو شفناه من ازمان چا مَيتِين
شاء الله نصير ابهالوكت خِدَّام
والهاي المشيئه اهواااااي مَمنُونين
شفنه الدنيا عالم واحنه عالم خاص
مشغولين ملهوفين محترگين
تلگانه اربعه وعشرين ساعه انزور
وبعدنه ابكربلاء وانصيح مشتاگين
الحُب عدنه اختصاره ابلزمة الشباچ
ونفرح لو بچينه او نحس مرزوقين
موش المادَّه أصل الرزق يا ناس
أصل الرزق عدنه هو حُب حسين..
هوسات للامام الحسين ع
عله اعناد اليضدنه حسين قبلتنه
وعله روس النواصب ترف رايتنه
اشما زادو اعناد انعلي صيحتنه
(بحسين الصيحه اشمحلاهه)
ياهو الگال بالاشعار نتعده
يجي ايناقشنه واحنه انوگفه عد حده
اشما راد الحسين امن الله ميرده
(محبوب وميرد محبوبه)
يلومونه الجهاله ابحب ابوالسجاد
واحنه ابحب ابواليمه نزيد اعناد
عشاگ ويضل بينه العشگ يزداد
(عشاگ حسين ايسمونه)
..
الحُب لحسين واضح وابد ماخاف
وشوگي الخِدمِتَه يِزداد ماخاف
صحت مادام آنه اوياه ماخاف
حتى امن ابعد ايمِد ايده اليه
عطاياكم فلا ينفَد مَد إلهه
والمتَيهِين يم بابك مِدِلهه
يبو السجاد خِدَّامك مِد إلهه
اچفوفك وانت ابو چفوف السِّخِيَّه
من عباس ابو فاضل التوفيقات مَلمُوسه
إتوشِّل عيني واگصدله وارد واعيوني متروسه
أدخل حظرته واحتار شكتب للگمر هوسه
(شِبَّاچه ايشع هو اشلونه ؟؟ )
..
شيعه وعالعوالم نفتخر شيعه
ابولادات الأئمه انجدد البيعه
وحبهم عالمنابر واجب انذيعه
( وانسمع الدنيا ومابيهه )
ابشهر شعبان ياهالناس غايتنه
مو بس نفرح ونعلن مَسرَّتنه
لهل بيت النبي انجددهه بيعتنه
( والبيعه ابحبهم محلاهه )
ابولادات الاقمار اگلوب مبتشره
وندعي الله ورسوله وعلي والزهره
يوفقونه او نضل خدام للعتره
( وابهاي الخدمه نتباهه )
سيد علي الموسوي
أبو ذيات ميلاد العباس عليه السلام
سُهُول الوَادِي مَسْرُورَه او
تِلالَه
او گَلُبْنَا مُصْحَف البَّهْجَه
تِلالَه
عَبَّاس الگُمَر بِينَه
تِلالَه
وِ تْهَلْهِل إِجَتَّه الغَاضِرِيَّه
****
انْتِبَارَك بِيك كِلْنَا
وِ انْتِيَامَن
انْتِيَاسَر مِنْ فَرَحْنَا
وِ انْتِيَامَن
يَعَبَّاس الشَّهَامَه
وِ انْتِيَامَن ( وِ انْتَه يَا مَن )
دِمَاءَك زَلْزِلَت گَلْبِ الوِطِيَّه
****
أُخُو او هَذَا لِلشَّرَف لِلخُوَّه
كَفَّاه
إِلَهَه او طَهَ هَالنُّومَاس
كَفَّاه ( كَافَاه )
مِنِ المِثْلَه بِذَل لِحْسِين
كَفَّاه
او صُبَح بَاب الحَوَائِج لِلبَرِيَّه
****
أبُو شُبَّر العاشور
١٤٣٥هـ
زِهَر بَدْرَك يَبُو فَاضِل
وَ شَعْبَان
او إِلَى شَطْرِين طَر گَلْبِي
وَ شَعْبَان ( وَ شِعْبِين )
أَهَنِّي الكُون بَنْوَارَك
وَ شَعْبَان
أَگِلَّه ايحِگْلَك اتْبَاهِي البَرِيَّه
****
أبُو شُبَّر العاشور
شعبان ١٤٤٢هـ
زينب صاحت عباس هل هلاله
**
يا شعبان بيك ارواحنه تهيد
ميلاد الشموس وچنك العيد
ذوله اهل الشرف ذوله الاجاويد
صارو رحمه الناس
هم حسين عباس
المهدي ونور السجاد هذا گباله
زينب صاحت عباس هل هلاله
****
صار اليوم كافل چنه الحسين
هذا ابن الهلا وابن الدواوين
هذا الشوف للدلال والعين
هذا اليعدل المال
لمن صار خيال
هذا وهو زغيرون شال دلاله
زينب صاحت عباس هل هلاله
****
يفرحة فاطمه بهالنور من صار
الزهره تهني اختهه بشمعة الدار
يكرار وصبح لحسين فقار
ذني چفوفه الاثنين
ذبهن قربه لحسين
هذا الساقي النهران تمشي بجاله
زينب صاحت عباس هل هلاله
**
من ارض المدينه لارض الطفوف
قصة خوه حلوه وعشرة چفوف
عشرة اخت حره وشهم موصوف
قصة ماي للماي
كفيل امبچي الهواي
هذا اليرعب عدوان بس خياله
زينب صاحت عباس هل هلاله
**
هذا حزام ظهر العتره عباس
اخوي من الچفوف الليله ينباس
هاي الليله طلعو شعدكم احساس
حيدر صارله انسان
يگله الماي عطشان
واخته الحره الحوراء تمشي بجاله
زينب صاحت عباس هل هلاله
***
كلمات الخادم / رعد الفريجي
(لمولد أبي الفضل العباس)
جبتلكم أخو للضيج والشدّه
اذا عايل يعيل ايوگفه عد حدّه
مَهُو عباسكم لو صال شيردّه
((بعيونه ايهد موش ابسيفه))
جـبتلكم ولد مـن الـگمر اجـمل
الشمس وكت الضحى بعيونه تتغزل
مايندار عنه الوجه ماينمل
((والصد الوجه اترد روحه))
~~
عم السادة
جمــــال الله ببو فاضل تجله
عـــم الســـــاده والوادم تجله
مثل الكعبه من كل فج تجله
وتنحل بيده كل شده وقضيه
حيدر بشار الدراجي
مولد الامام الحسين ع
يا ربيع ايامي
يا رسم بأحلامي
عشگي انت سيدي اليوم المنيه
****
حسيني . انت محبوبي . امنور ادروبي . عشگك هويه
گلبي . بالگلب شوفك . ينبض حروفك . صبح ومسيه
تدري . خيري من خيرك . ما احب غيرك . تشهد عليه
عنك . ما يبعدوني . انت بعيوني . يبن الزچيه
اغلى من كل غالي
اول انت وتالي
عشگي انت سيدي اليوم المنيه
****
هايم . والله مجنونك . ظمني بعيونك . دخيلك إمامي
آنه . فطرس الليله . حزني هفيله . ردلي سلامي
روحي . بيها ضميتك . كعبه سويتك . قبلة غرامي
انت . مصحف الباري . ودمعة اشعاري . مالك كلامي
يا شعِر بشفافي
حيرتها اوصافي
عشگي انت سيدي اليوم المنيه
****
صوره . اگبالي راسمها . دوم اكلمها . هايم خيالي
شامه . تضوي بخدودك . نسخه من عودك . وجهك يلالي
هيبه . اشمحلى هالنظره . اعمامتك خضره . وصفك حلالي
نسمه . ابرمشك اتغازل . ناظرك شايل . منظر خيالي
وجه الله ونوره
انجمعن ابهالصوره
عشگي انت سيدي اليوم المنيه
****
لوحه . عالعرش اسمك . وانطبع رسمك . نقشة خصالك
الجنه . الله خالقها . حتى يرزقها . شوفة جمالك
الدنيا . شعشعِت بيها . انت ضاويها . رادت وصالك
نورك . من علي وفاطم . والنبي الخاتم . واضح دلالك
والشمس والگمره
مولدك تنتظره
عشگي انت سيدي اليوم المنيه
****
عمري . اوهبته تدريني . انطيتك اسنيني . اقبل هديتي
عايش . انت بانفاسي . بروحي وحساسي .ساكنها ريتي
طلبه . منك ارجيها . سيدي اگضيها . تعرف قضيتي
خادم . ابقى لعيونك . والله من دونك . وحشه منيتي
يا مليك اسنيني
بالگبر لاگيني
عشگي انت سيدي اليوم المنيه
****
الشاعر اياد الديراوي
شهادة مولانا موسى بن جعفر الكاظم عليه السلام
عايش حياتك بالسجن .. واظلم يمر نهارك
انت ودمعتك والحزن .. صار الدمع قرارك
وحشه السجن
و ابــلا وطـن .. وامبين انكسارك
....................
ظلمه السجن مابي ضوه
وبـالگــوه تـشـتـم الـهوه
يالمنجـرح مـن الـغــرب
غير اهـلك اشيرهم دوه؟
ظهرك يـمولاي انحنه
بعمرك ولا شفت الهنه
ماينحمل ليل السجن
يمر يومك يعادل سنه
حياتك
سجـن خنگـه وحـياطـينه تـسولفلـك الم
حياتك
دمع ليل وجرح غربه وسجن جنه الخيم
لياليك
تمر بيك
مثل نار
تجويك
ذريـة الزهره اشـعجـب .. تغفه بسجن خرابه
ابن اشرف و اطهر نسب ..و تـتوسـد الترابه
فوگ الترب
دمعك يصب .. وامبين انكسارك
...................
بجفوفك اقيودك غفن
الطاموره صارتلك وطن
وسفه يبن سيد البشر
نورك وسط ظلمه نسجن
ليش الوكت يفتر عكس
خلاك ما شفت الشمس
النت التحرر بالبشر
اشلون بسجنهم تنحبس
شنو الصار
عليك ابسجنك وگلبك تحمل ياظلم
شنو الصار
امام و ابن ائـمه ومن عدوك تنهظم
يسجنوك
يعذبوك
تون حيل
يسمعوك
عالي ونينك بالسجن .. من تذكر المصيبه
مايهده بـالك من تون .. ام الـخدر غـريبـه
عندك خدر
فات بقصر .. وامبين انكسارك
...................
ابجيلك شعندي دمع
وانعه الغربتك وانفجع
يالوحدك ابليل السجن
وگلبك مثل خيط الشمع
تسمع حجي الماينحجي
اعله ادموعك اتضل تنتجي
سجانك الما له رحم
يفرح اذا يسمع بجي
يسمعك
تون بسـجنك ودمـك يفـور من القهر
يسمعك
ايتشفه بدمعك ويفرح ولا گلبه نكسر
يفرحون
يشمتون
هلك وين
ينشدون
بيدك ثگـيله السـلسله .. وانت بثگلها قابل
بس گلت عمتي امدلله .. اشمشاها بالسلاسل
عافت اخو
وماشت عدو .. وامبين انكسارك
...................
للكاظميه فاطمه
جتك تنوح امحزمه
فوگ الجنازه حايره
صبت دمعهه من دمه
مشيتهه مشية فاگده
واتنادي ماني الوالده
اليوميه افگدلي ابن
ويبقه وحيد بنص عده
تنادي
انه امك جيتك الليله يمن وحدك متت
تنادي
يمن بالسم خلص عمرك عليك انه نحت
انه امك
واشمك
وبالاحضان
اضمك
نادوا على جثتك هظم .. هذا الي ماله وادم
وجتك تنوح الليله ام .. تنعى ودمعهه ساجم
هذا الهظم
يسوه اللطم .. وامبين انكسارك
ابو حميدة الشويلي
اللهم عجل لوليك المنتقم الفرج
عالجسر ناعي المصايب ناده
وينكم يهل الشيم يالساده
واويلاه واويلاه عالكاظم واويلاه
...
مانحشمكم لجن مولايحه
عايفين اعيونه الكم شابحه
كومو للمسموم سوو الفاتحه
هذا ميتكم يريد أولاده
واويلاه واويلاه عالكاظم واويلاه
...
بالجفافي الخظره شدوله الحزم
والاصفاح امن اللطم خل تنهدم
تثغب النسوان واتنوح الزلم
لازم وتعله النواعي ازياده
واويلاه واويلاه عالكاظم واويلاه
...
مات شيخ الرافضه ابسم الغدر
أمن السجون افراج طالع للكبر
اربع احماميل جابو عالجسر
كومو للظالم واكسرو اعناده
واويلاه واويلاه عالكاظم واويلاه
....
ينشتم جان بسجونه وينظرب
مثل زينب عاش مكسور الكلب
الخرابه والسجن نفس الغرب
والشمر والسندي نفس العاده
واويلاه واويلاه عالكاظم واويلاه
...
بضلمة الزنزانه وبجفه الحديد
وبركبته السلسله اتحز بالوريد
من سجون البصره جابه اللارشيد
جابه مجتوف السجن بغداده
واويلاه واويلاه عالكاظم واويلاه
...
جانو ينزلوله من فوك الطعام
والشمس محرومه من وجه الامام
القبله مايعرفهه من كد الضلام
وبالدموع اينكع السجاده
واويلاه واويلاه عالكاظم واويلاه
..
خل تشب بارواحكم نار الغظه
وشيعو اجنازة أمام الرافضه
وصيحو آه الغربتك يابو الرضه
وبالمدامع حنو باب امراده
والله واويلاه عالكاظم واويلاه
محمد_الجماسي
#اللهم_عجل_لوليك_الفرج