929
اعترفلك هيه وحده من الثنين لو احبك لو احبك ياحسين
اليوم مو يوم اربعيني .. ولا گبل چم يوم موتي
انتهت بالطف سنيني .. وروحي ماتت ويه اخوتي
بكربله صارت وفاتي
بس جسد ظلت حياتي
وروحي ماتت ويه اخوتي
&&&&&&&&&&&&&
ارض الطفوف .. بيها ودّعت الحبايب والعمر
بعد الچفوف .. الطاحن من ايد ابو فاضل شنتظر
ناظري يشوف .. راس الحسين انذبح بيد الشمر
اصعب اظروف .. العشتهه وبيها ماينفع صبر
الف موته ولا يمرني .. موقفي بالغاضريه
الاثّر بحالي وقهرني .. وگفتي بديوان اميه
هناك كبرت نايباتي
بس جسد ظلت حياتي
وروحي ماتت ويه اخوتي
&&&&&&&&&&&&&
ليلي مو ليل .. للامل ماعنده كل لمحة ضوه
دمعتي تسيل .. من كثر نار الدمع خدي انچوه
تاخذ الحيل .. من اصد لكربله يضيع الهوه
ونّي ترتيل .. رتّل ايات الحزن والهم سوه
ليلي ساعاته عجيبه .. ايطول كلما طال ونيّ
والدمع ماخذ نصيبه .. ويانصيبي شگد خذلني
دهري ضيّع امنياتي
بس جسد ظلت حياتي
وررحي ماتت ويه اخوتي
&&&&&&&&&&&&&
هاي الايام .. حاربتني وعذبتني من الصبه
كلهه الام .. منين مادرت الوجه متعذبه
موقف الشام .. خله خدري المايشوفونه انسبه
ناس ظلام .. منهو يسوه اعتابنه ونعاتبه
ناس تتشفه بجرحنه .. والظلم يجري بدماهه
حللت بالطف ذبحنه .. وللغدر رفعت لواهه
اكتب بدم ذكرياتي
بس جسد ظلت حياتي
وروحي ماتت ويه اخوتي
&&&&&&&&&&&&&
اصبر شلون .. وانه اشوف اگبالي اخوتي تنذبح
مايرجعون .. راحو وعافولي چم جرح بجرح
دمع العيون .. ما اريده اگبال شامت ينفضح
حالي شيكون .. والشماته اتذر على جروحي ملح
يادوه اليرهم عليهن .. لو اداويهن جروحي
وانه شفت الموت بيهن .. صعدت لباريهه روحي
غيِّرن لوني وصفاتي
بس جسد ظلت حياتي
وروحي راحت ويه اخوتي
احمد العكيلي
ويلي عالزهره المظلومه
عاشت وماتت محرومه
ـــــــــــــــــــــــــــــــــــــــــــــــ
كل واحد يجي وجايبهن ادموعه
واثار البجي عالوجنه مطبوعه
نحضر للعزا مجموعه مجموعه
المايكسرها لج شيسوّي بضلوعه
ويلي عالزهره المظلومه
عاشت وماتت محرومه
ــــــــــــــــــــــــــــــــــــــــــــــ
المايحضر عزائج شلّه بيّامه
واحنه بكل عزا يالزهره لطامه
كون اليلطم ايكسّرهن اعظامه
تدگ مره اعله صدره ومره عالهامه
ويلي عالزهره المظلومه
عاشت وماتت محرومه
ــــــــــــــــــــــــــــــــــــــــــــــ
لمّن يذكر الناعي كسر ضلعج
المايهمل دمع مايشعر ابوضعج
يازهره وارق من الورد طبعج
ابربيع العمر يالكوثر طفو شمعج
ويلي عالزهره المظلومه
عاشت وماتت محرومه
ــــــــــــــــــــــــــــــــــــــــــــ
يالبضعه وحك مشكاتج ونورج
تظل عدنه امنيه يم كبرج انزورج
نعرف بالمجالس دايم احضورج
عرف ناعينه طور الونّه من طورج
ويلي عالزهره المظلومه
عاشت وماتت محرومه
ـــــــــــــــــــــــــــــــــــــــــــــ
شعار الرافضيه بكل وكت دائم
تظل هاي المجالس والعزاا قائم
عهد هذا لحد ما يطلع القائم
يظل عدنه امل مابينه متشائم
ويلي عالزهره المظلومه
عاشت وماتت محرومه
ــــــــــــــــــــــــــــــــــــــــــــــــــ
احمد العكيلي
شور للرسول احمد العكيلي
هذي زهرة اسنيني .. والياذيها ياذيني
اليظلمها احذره .. باچر ما اعذره
ــــــــــــــــــــــــــــــــ
زهره بدموعي سگيت اغصانها
كبرت اگبالي وزهت الوانها
ناده حي اعله الورد اذانها
تحچي بس طيب ومسك بلسانها
زهره وعاشت بروحي .. صارت بلسم جروحي
اليگطع اغله زهره .. باچر ما اعذره
ــــــــــــــــــــــــــــــــ
فاطمه بيا ذنب تحني ضلوعها
وتنطفي بعمر الزهور اشموعها
والله ما عذره الينزْل ادموعها
وربي بيده اتكفل بموضوعها
إليغضبها يغضبني .. والحاربها حاربني
والزعّلها مره .. باچر ما اعذره
ــــــــــــــــــــــــــــــــ
چني اتخيّل يصير امصابها
وچنها اليه توجهت بعتابها
زمرة الشر من تجي يم بابها
إتلوذ بالباب واديها احجابها
گالت واحد إيجرني .. واحد بيده يسطرني
الخلّه عيوني حمره .. باچر ما اعذره
ــــــــــــــــــــــــــــــــ
بعد موتي ما تسرني اخبارها
شتحچي عن الباب لو بسمارها
لو النار الوجّروها بدارها
لو المحسن من وگع بكتارها
لو من چتّفو حيدر .. يحمل سيفه ما يگدر
كلمن خالف امره .. باچر ما اعذره
ــــــــــــــــــــــــــــــــ
فدك نحله مني وايغصبوها
كل حقوقي لفاطمه ايسلبوها
بلا خجل بنت النبي يضربوها
وبعد كل هذا الجره ايسبّوها
هاي الزمره معروفه .. كل خطّتها مكشوفه
قائد هيچي زمره .. باچر ما اعذره
ــــــــــــــــــــــــــــــــ
ما عدها اخو شلون ياهو التلگه بي عون
عالدنيه وعلى الناس الله يعينها ام عون
ــــــــــــــــــــــــــــــــــــــــــ
الاخ سند لخته يظل والاهل لو ماكو اهل
بس زينب وياها شحصل بالعاشر شصار
ظلت غريبه بلا اخو شما تلتفت تلگه عدو واليفزع لزينب منو ووسط الخيم نار
الخيم صارت ارماد
عليها الحرگ زاد
يتامه ونساوين
اشيلمها هالاعداد
منها جم طفل تاه ظلمه ووين تلگاه
عاشت جرح الاحساس الله يعينها ام ون
ــــــــــــــــــــــــــــــــــــــــــ
العاشت بجاله مدلله
وتحتاجله بكل مشكله
جسمه بالسهام انمله وچفوفه عالگاع
كافل خدرها وياه مشت
وبلا خدر هسه بقت
الجانت امير اتسلبت واخر امل ضاع
تركها السند چان
غريبه بلا اخوان
منو التنتخي بي
لسبيها الوكت حان
بالطف صعبه الايام بس الاصعب الشام
توگف بين الارجاس الله ايعينها ام عون
ــــــــــــــــــــــــــــــــــــــــــ
ذبحو حلمها بكربله وترست الهيمه العايله اليستوحدونه بلا هله شيسوي شيگول
حرگو خيمها وبالعبي تتستر من الناصبي وتتمنى باجر بالسبي درب السبي يطول
لان تدري بالشام
تعذبها الايام
وبنات النبوة
بخرابه ترا تنام
والشمات بالسوگ كلها تصد على النوگ
صاحو وين عباس الله يعينها ام عون
ــــــــــــــــــــــــــــــــــــــــــ
ياهو اليدللها بعد ياهو اليصير الها سند
من تلتم اعليها الشدد وين الاخو تصيح
لو ظرف مر بيها صعب ومفارگه اطيب گلب ومن تمشي ما بين الغرب وتگوم وتطيح
ولا مر على البال
يجتفوها بحبال
حمل هالرزيه
حمل يهدم جبال
صاحت عمري لا طال وادخل مجلس انذال
من اتهبط الراس الله يعينها ام عون
ــــــــــــــــــــــــــــــــــــــــــ
تحچي اويه راسه بالطشت يحسين بعدك لا عشت ياماي وشگد عطّشت نسوان وايتام
رحت وعليمن تنتچي
وعيونها امحضره بچي
من تحچي شيفيد الحچي وي ناس ظلام
تعاين على ايزيد
لزم عصه بالايد
يهيج جرحها
درت هو شيريد
من شافتها بالعين تلامس ثغر الحسين
الگبل من النبي انباس الله يعينها ام عون
ــــــــــــــــــــــــــــــــــــــــــ
احمد العگيلي
تراث دهري ذبني احمد العكيلي
عمه .. زينب
بيدي دفنت احسينج الغالي
ــــــــــــــــــــــــــــــــــــــــ
بـ عله وجرح ملجوم ياخذني ليلي
ادفن حبيب الروح واصرخ يويلي
بنار الابو المذبوح يسعر دليلي
يا خنصره المكطوع موتلي حيلي
عمه .. زينب
بيدي دفنت احسينج الغالي
ـــــــــــــــــــــــــــــــــــــــ
شفت الرضيع هناك ينزف وريده
ليهسه ينطر ماي يوميلي بيده
جنه يكلي الماي ياخويه اريده
شخلاهه امي اليوم عني بعيده
عمه .. زينب
بيدي دفنت احسينج الغالي
ــــــــــــــــــــــــــــــــــــــــــــــ
ظهري انكسر ويلاه من وضع الاكبر
صعبه واجمعه شلون جسمه التوذر
والقاسم العريس انظرله مكدر
وجفوفه متحنيات من دمه الاحمر
عمه .. زينب
بيدي دفنت احسينج الغالي
ــــــــــــــــــــــــــــــــــــــــــــــــ
للمشرعه اتعنيت عباس اشوفه
زيّد ونيني اونين منظر جفوفه
كاتب عذر عالماي يشرح ظروفه
معذور اذا بالموت خدرج اعوفه
عمه .. زينب
بيدي دفنت احسينج الغالي
ــــــــــــــــــــــــــــــــــــــــــــــــــ
ياعمه من اليوم محد يكفلج
جوه الترب ياحيف مدفونه اهلج
ادري الشمر ملعون رايد يذلج
احسينج وعباس ماتو يكلج
عمه .. زينب
بيدي دفنت احسينج الغالي
ـــــــــــــــــــــــــــــــــــــــــــــــــ
نزلة للعباس احمد العگيلي
عباس طب للمعركه وفرْض الحرب صلّه
واحد يگِلْ للثاني ظلْ خل نِنسحب يللّه
…………………………..
الما سامع بعباس خل يسمع .. و يجرّب الحيرة
تجدح شرار عيونه من تلمع .. إيسمونه أبو الغيره
من يرفع ايده چم گلب يفزع .. ترهب تعابيره
لو نزّل ايده ارگاب تتگطع .. وايرجف الديره
لليعثر اگباله ابد ما تلحگ اسملّله
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
يشبه ابوه مِن يدخل الحومه .. حيدر رجع لينه
والگابلاه معناه گرب يومه .. بكل خزره من عينه
لو خاف واحد لحّد إيلومه .. وين المفر وينه
متخلصه حتى نزعة هدومه .. لو ندري ما جينه
لو يوصل لسابع ارض عباس يوصللّه
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
يسمونه عباس الگمر هُمّه .. من يوصل احدوده
بس لو غِضَب سوّه الظهر ظلمه .. لو سرفن ازنوده
وتلقبه چانت كل وكت امه .. و تتنومس بزوده
مرجع وفه اية نصر عظمى .. والغيره موجوده
شيْفكنه من عنده بعد هذا الاسد بلّله
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
لا صلح يقبل لا رضا بهدنه .. لا يقبل بعطوة
و اصلا مثل عباس ما عدنه .. ويضحّي للخوّة
عالمشرعه وي سيفه موعدنه .. و بنارة نتچوّه
گدامه يرجف خوف واحدنه .. ويرجع الف خطوه
فوگ الشريعه من يطِل شتسوّي هالطلّه
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
من خزرة عيونه الزلم ترجف .. وشحال بتّاره
إنّي انا العباس ظل يهتف .. و مبيّن اصراره
وانعرفه احنه شرايد ايعرّف .. وصلتنه اخباره
چن عنده ثار وبينه متحلف .. إمربع اخذ ثاره
لولا الخجل گلناله بينه هلّلتن هللّه
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
لو الف واحد يوگف بدربه .. و رادو يخوفونه
ما يهتم الهم لا رجف گلبه .. صامد يشوفونه
ما جابته امه اليگدر ايگربه .. والغضب بعيونه
الخطه الوحيده اسهامنه اتصوبه .. والخطه مضمونه
لو ما نصوبه چم سهم ما نگدر انحصله
واحد يگِلْ للثاني ظلْ خل نِنسحب يللّه
ـــــــــــــــــــــــــــــــــــ
للشاعر
احمد العگيلي
نزلة الخدمه. احمد العكيلي
إصدق بتعزيتك .. صفّي اول نيتك
…………………
اترك اخبار السياسه ودوخة الراس
تحجي عن الغاضريه تريدك الناس
خل رواياتك مصيبه ودمعه واحساس
إنعه وابجي لكربله حد گطع الانفاس
منبرك جنسيتك .. صفّي اول نيتك
…………………
تريد تخدم لو تريد تصير مشهور ؟
شلّك بسمعه التجيلك وانت مغرور
بالرياء إو بالتباهي تگظي عاشور
لاشَيْ انت يم شخص كاظم المنظور
تريد يكبر صيتك .. صفّي اول نيتك
…………………
ميّز احروفك لون تختار الاشعار
بالك إتموّت قصيده بسيف الاطوار
اخذ من حمزه الزغيّر عِشر معشار
هذا رادود وحسيني وعالي مقدار
تصير مثله امنيتك .. صفّي اول نيتك
…………………
مو مهم بالسطر الاول تلطم تريد
حتى لو بالباب توگف قدرك ايزيد
عالصدر محلاها لمّن تلطم الايد
البس اسود بالعزا مو كشخة العيد
تنعكس تربيتك .. صفّي اول نيتك
…………………
لو الك صاحب زعل لتعوفه زعلان
وانت دوّرله عذر لو جان غلطان
من تگله مسامحك من گلب والسان
هي دنيه وفانيه والعمر خلصان
للگبر تاليتك .. صفي اول نيتك
………………………
خدمة حسين الصحيحه بيها توفيق
والخدامه مو حجي ويحتاج تطبيق
من تحس بيها تعب لتگول ماطيق
بدفتر الزهره خدمتك الها توثيق
كل عزا متانيتك .. صفي اول نيتك
للخدمه احمد العكيلي
خلينه من هذا وذاك .. لو نبقه بس انه اوياك
نلطم على ابن الزهره
هم تگعدلنه بالباب .. تسمع نواعي المصاب
باللطم عِبره وعَبره
…………………………
عوف الملامه والحچي .. وفكّر اشگد عندك بچي
تبچيه على حسين ومصابه
كل سنه تشوف الما فهَم .. من عنده ما واحد سلم
وكت العزا ايزيد اضطرابه
ايريدك تثور اعله الظلم .. وينصحك اتعوف اللطم
طبعه الدجل ليش الغرابه
وتشوفه عنده وجهين .. لو طاح يحتاج حسين
لو نهض فضله اينكره
والمثله ما يسوه اعتاب .. ظنك وظني ما خاب
باللطم عِبره وعَبره
……………………
خل بالك اويه الفاجعه .. والعاتبك لا تسْمعه
يستاهل احسينك تخدمه
هيهات يترك خادمه .. ترعاك امه فاطمه
خادم حسين اشمحله اسمه
احنه انخلقنا الهالعزه .. لا ما طمعنه بجائزه
واحدنه بس هالخدمه حلمه
لا جاه ردنه ولا مال .. باللطم مشغول البال
نبجي وندگ ونقره
لمتنه لمة احباب .. تجمعنه سود الثياب
باللطم عِبره وعَبره
……………………
يا لايم اسمع ما يلي .. حسين اعز من روحي الي
والخاطره انقيم الشعائر
لجلك امضحي ابمنحره .. من رحت فدوه الخنصره
تمنع عزاه شتگله باجر
مذبوح ضامي وما روه .. وخيولهم هجمت سوه
وداست على صدره الحوافر
من تبقه بفكارك هاي .. تاليها تبقه بلا راي
حافر تصير بصدره
وشْوده فكرك وشجاب .. لا تگعد اتدور اسباب
باللطم عِبره وعَبره
……………………
تتخيل انت بكربله .. گبالك تشوف العايله
حرگوا اخيام الطف عليها
تفكيرك بزينب يظل .. بالعاشر اوياهه اشحصل
من الضرب تشگف بديها
لايذ بسدها جم طفل .. ونار المخيم تشتعل
والشمر ظل يتشفه بيها
طاري الخدر يدمي العين .. والكافل بلا جفين
مسبيه بعده الحره
عنك ذكرها ما غاب .. وابالك اشجم اصواب
باللطم عِبره وعبره
……………………
صب لسُكينه دمعتك .. ولجاسم اشعل شمعتك
جسمك على الاكبر تورمه
مشّو رقيه اعله الجمر .. وگبالك الموقف يمر
صعبه الطفل واحد يهضمه
سهم العطش يذبح طفل .. والرگبه مو مالت نبل
من الماي عدوانه تحرمه
زينب امانة عباس .. ظلت تدگ اعله الراس
راعي الخيم تنتظره
وتصيحله وماكو اجواب .. مدفون جوه التراب
باللطم عِبره وعَبره
ام البنين احمد العگيلي
خبَر مو زين إجه إمْن حسين
بِشِر يشرحلي وضعه خبر ما ريد اسمعه
إجه إمْن حسين
ــــــــــــــــــــــــــــــــــــــــــــــ
چنْت متانيه ايردلي وبعد الغيبه يگصدلي و ترِد الروح
مو اسمع خبر عنّه عشْر اخيول داسنه وتجي وتروح
ضامي وما شرب گطره ونحره الفايح بعطره صفى مذبوح
بعينه يشاهد اخيامه تشب نيران گدّامه وتزيده اجروح
يشوف ام عون مره بلا عون
تصيح وماكو فزعه خبر ما ريد اسمعه
إجه إمْن حسين
ـــــــــــــــــــــــــــــــــــــــــــــــــ
مصيبه السفره تاليهه خفت منهه وطحت بيهه اجتني منين
بشِر يحچيلي عن ولدي خبرهم مو مهم عندي اليهمني حسين
ردت ما يحچي عالكافل لان متأكده أبو فاضل يوافي الدين
يگلي امگطّعه اچفوفه بعمود الهامه مخسوفه وسهم بالعين
فِدَه الأولاد لبو السجاد
السهم لحّد يشلعه خبر ماريد اسمعه
إجه إمْن حسين
ـــــــــــــــــــــــــــــــــــــــــــــــــ
ثلث تيام مِت عيني على الغبره بقه احسيني الشمس تچويه
ينام اعله الرمل عاري ويصير اوسادته الذاري ودِمَه اتغطيه
بلا ناصر بقه بوحده اليظل واخوان ماعنده الغرب توليه
يمن فدوه رحت لسمه حوافر تسحگ بجسمه اشيخلن بي
اعله صدره الخيل يسحگن حيل
طحن مطحون ضلعه خبر ماريد اسمعه
إجه إمْن حسين
ــــــــــــــــــــــــــــــــــــــــــــــــــــ
سألته شصار وي زينب لچن من شفته ظل ينحب عرفت شصار
الأخت من تفگد اخْوتها ويطيح الجان تچوتها صدگ تحتار
يگلّي الخيم حرگوها واخت عباس طگّوها ومشت عالنار
حرم وأطفال ما سِلمت شمر ظل بيها يتشمت عليهم جار
اليطلْع الروح سبيه تروح
و اخيْها ما تودعه خبر ماريد اسمعه
إجه إمْن حسين
ــــــــــــــــــــــــــــــــــــــــــــــــــــــــ
اعله زينب منشغل بالي تشوف حسينها الغالي انذبح عطشان
تشوف الشمر حز نحره وطبر راسه 12 طبره اعز انسان
اليتامه ترسو الهيمه بقت لا خدر لا خيمه ولا صيوان
الما متعلمه عالغربه تروح اويه الغرب صعبه بلايه اخوان
بعد بالشام وراها آلام
بخرابه تگوم تنعه خبر ماريد اسمعه
إجه إمْن حسين
ــــــــــــــــــــــــــــــــــــــــــــــــــــــــــــ
للخدمة احمد العگيلي
خادم لروحي آنه مو الك خادم
وامشي متباهي دوم و ما گلت نادم
صافي نيّه ما تعنّيتك .. وبخدمْتي شكثر اذّيتك
ـــــــــــــــــــــــــــــــــــ
عادة اليخدم يقوم بواجبه مثل الخدم
لا يچل ولا يمل ولا يحس مرّه بندم
لكن آنه من خِدَمْتك زيّدت گلبك الم
بدل ما اشلع اسهامك بيدي صوّبتك سهم
امفكّر بروحي وسفه وعايف اجروحك
يالـعلى مودي انت قدّمت روحك
هواي تنطي وانه شنطيتك .. وبخدمْتي اشكثر اذّيتك
ـــــــــــــــــــــــــــــــــــ
انه ماخذني غروري والتكبّر عالخلگ
انه واحد خدم نفسه وبخدمْتك ما صِدَگ
مِن ادگ صدري بعزائك خاف يوجع صدري دگ
وانت صدرك ويّه ظهرك مِن الخيول انطبگ
مشتري الدنيه لكن بايع ايماني
والمهم عندي يعله و يرتفع شاني
يالوفي ما يوم وافّيتك .. وبخدمتي شكثر اذّيتك
ـــــــــــــــــــــــــــــــــــ
انه لو صح چنت خادم عالغلط ما جاملت
ما بقيت اتبع ذنوبي وين ما مالت ملت
حتى تصلح حالي انت جروح منّي اتحملت
والمهم مصلحتي عندي اوياك هيچ تعاملت
ناكر النعمه هايه و جارح احساسك
ما اطخ مرة راسي وعالرمح راسك
الخاطري اميتّم اهل بيتك .. وبخدمتي اشكثر اذّيتك
ـــــــــــــــــــــــــــــــــــ
شكد سهل اوصل ضريحك تندل اجدامي الدرب
انت لو ما راضي عني هذا يحسين الصعب
عشت عمري اتبع سراب وما تبعْت اطيب گلب
حبك الماكو اغله منه شلون اضيّع هيچي حُب
والله استاهل شكد ما تحاسبني
بلكت شويه اخجل من تأدبني
سيدي تسامحني ياريتك .. وبخدمتي شكثر اذّيتك
ـــــــــــــــــــــــــــــــــــ
كون اصيح بگلبي مو بسّ إبلساني يا حُسين
واخدم الخدمة الصحيحة وواجباتِ اعرفها زين
شفايدة لطمي اعله صدري ولو بچن ذنّي الثنين
لَوَن ضلعي ما كسرته وبالعزه ما اعمي عين
گبل جيتي لعزائك انصلح لازم
حتى تحسبني عندك من صدگ خادم
اطلب انه المعذرة جيتك .. وبخدمتي اشكثر اذّيتك
للقاسم احمد العكيلي
هذا ابني العريس كاسر ظهر ابليس
بخلاقه المعروفه واطباعه الموصوفه
كاسر ظهر ابليس
ـــــــــــــــــــــــــــــــــــــــــــــــــــــــ
امعلّمته انه من الزغر يبقه الوفه عنوانه
ما يغدر بصاحب ابد قدوه صفه لصحبانه
صايم مصلّي بكل فرض وتوفيقه من ايمانه
غض البصر عن النسا وكاسب گلب جيرانه
ما يتكبر دوم ما زعّلني بيوم
شايل گلبه الطيبه تربيتي و ادريبه
كاسر ظهر ابليس
ـــــــــــــــــــــــــــــــــــــــــــــــــــــــ
شگد چنت ادعيله الولد يكبر ويشتد عوده
هيچ واشوف ابن الحسن ويَّاي يوفي اوعوده
كون الله ينطيني عمر وبكربله موجوده
وحسين اشوفه من يعدِّ القاسم من جنوده
بي اتباهه هناك لو گتله الله اوياك
كبَّرته وربَّيته بهالموقف حسَّيته
كاسر ظهر ابليس
ـــــــــــــــــــــــــــــــــــــــــــــــــــــــ
كل ام تعاين للولد من زغره زلمه اتحسّه
اتريده يجازيها الربه وتدعيله الله ايحرسه
وانه ابني لمّن خيَّرت بين الشهاده وعرسه
ساعتها ودّعني ومشه لحسين ضحّه بنفسه
شگد مفتخره بهاي هيچ يجازي ارباي
دم بچّاها عيوني وما خيَّبها ظنوني
كاسر ظهر ابليس
ـــــــــــــــــــــــــــــــــــــــــــــــــــــ
الله استجاب لدعوتي ولحسين ابني انطيته
بهالامر وصّاني الحسن هسه الوعد وافيته
العريس جابوه منذبح وبخيمتي اتلگيته
والقاسم بيوم العرس چفّه بدمَه حنّيته
الردت اشعله اشموع تارس خدّي دموع
ابني ورفعة راسي بي ما خاب احساسي
كاسر ظهر ابليس
ــــــــــــــــــــــــــــــــــــــــــــــــــــــ
باچر عليمن انتچي لو مال حملي بدونه
بس اليصبَرني عشت من الولد ممنونه
جسَّام عمره ثلثطعش ياناس ويذبحونه
ايغطيهن عيوني الدمع وتراب غطَه عيونه
وينك يا جسَّام يا تعب الـْ أيام
الچان يداوي جروحي كاسر گلبي وروحي
كاسر ظهر ابليس
شوفولي حل لمصيبتي هاي
صعبه حياتي واصعب الجاي
………………………
يرتاح بحياته العاش بين اهله
لا يشكي التعب لا يشكي من عله
بس لو فارگاهم دنيته اتذله
شيفيده العمر والموت احسنله
لا فكر عندي ولا يظل راي
صعبه حياتي واصعب الجاي
………………………
اليعيش مدلل ابين اهله واحبابه
لو راحو بعد ياهو اليدگ بابه
من دون الاهل چن عايش بغابه
كل هذا الجره ما حاسب احسابه
كلهم مشو محد بقه اوياي
صعبه حياتي واصعب الجاي
………………………
لو بيدي ولا يمشون اعوفنهم
واخواني وخواتي ما اشوفنهم
مو يدرون اموت من ابتعد عنهم
اغله من الهوه والماي احسنهم
خنگه الهوه ومر صاير الماي
صعبه حياتي واصعب الجاي
………………………
ليش انه الوحيدة بغربه عفتوني
بفراشي بقيت ودمعي بعيوني
صحت يهل الرحم وياكم اخذوني
هناك بكربله لو موت ادفنوني
للموت روحي اشتاگت هواي
صعبه حياتي واصعب الجاي
………………………
شنهي الفايده من باقي ايامي
وماشوفن رقيه وسكنه گدامي
وزينب عمتي احس الامها الامي
ومثل اعظامها تتكسر اعظامي
وللشام نمشي بلايه حمّاي
صعبه حياتي واصعب الجاي
احمد العگيلي شور او سريع
الحسن احمد العكيلي
كل مره ادفع ثمن لهل الغدر يازمن
هالمره من شاهدت مسموم جبد الحسن
ــــــــــــــــــــــــــــــــــــــــــــــ
دنيانه هم واذيه .. واوضاعها شكد عجيبه
بأول مصيبه بعدني .. تدخل عليه بمصيبه
انه ادري تاليته عمري .. ابقه وحيده وغريبه
جم غالي راح من اديه .. واشجم حبيب وحبيبه
ضلع امي من انكسر لو والدي من انطبر
لو هسه لمن شفت مسموم جبد الحسن
ـــــــــــــــــــــــــــــــــــــــــــــــ
مظلوم اخوي بحياته .. من غطرسة ال اميه
للصلح مد الهم ايده .. ورادوله هُمّه الاذيه
مو ضعف لمّن يصالح . بس عنده جانت قضيه
يمشي بنهج جده طه .. ويحفظ دماء الرعيه
للحكمه رافع علم جازوه جروح والم
من حالته اتألمت مسموم جبد الحسن
ــــــــــــــــــــــــــــــــــــــــــــــــ
عادة اليرحل يوصّي .. عن اهله واولاده ادري
والحسن قبل المنيه .. جانت وصيته اعله خدري
ايگلي جاسم يزينب .. بالطف اريدنه ذخري
للحرب لمن تجهزه .. ايگلهه يا يمه ابشري
ابني ويسد خلّتي من يعرف بحالتي
ايگول اعوضه ردت مسموم جبد الحسن
ـــــــــــــــــــــــــــــــــــــــــــ
بعيون الحسين اشوفه .. منظر يهيّج جروحي
كتله دليلي لجمني .. مقبوضه شو جنهه روحي
الحسن شنهي الجراله .. لتكلي ياخويه روحي
راويني حالة جبدته .. عالحسن خل يعله نوحي
ودّع اخونه العمر والجبده صارت جمر
مر فركته اتجرعت مسموم جبد الحسن
ـــــــــــــــــــــــــــــــــــــــــــــــــ
نعش الحسن هالنواصب بسهامهم يضْربونه
عباس راعي الشهامه .. يجدح شرار اِبعيونه
صاح الا اهجم عليهم .. كل اخْوته ايصبرونه
ضم صولتك يابو فاضل .. بالغاضريه يجونه
يا الكافل بكربله علمّهم المرجله
ويلاه اصيحن كمت مسموم جبد الحسن
ــــــــــــــــــــــــــــــــــــــــــــــ
كطعت وصال الاخوّه .. ريت الله لا ينطي جعده
جازت كرمنه بخيانه .. والحسن سمتله جبده
تستمر احقاد أميه .. وعن كبر جده تبعده
مظلوم حتى بوفاته .. لا كبر لا حضره عنده
كون الكبر ينبني ويازاير التعتني
نادي ابألم لو زرت مسموم جبد الحسن
ــــــــــــــــــــــــــــــــــــــــــــــــ
رقيه احمد العكيلي
اخذ باقي اسنيني .. بويه بس حاجيني
كون ويّاك انذبح فدوه اروح لكل جرح
بويه بس جاجيني
ــــــــــــــــــــــــــــــــــــ
آنه عزيزة گلبك .. لذة حياتي بگربك
تدري بغلاتك عندي
مشتاگه اگول شلونك .. مشتاگه ابوس عيونك
وخدك يلامس خدي
بعدك سبتني الحيره من ديره امشي لديره
وصارت دمعتي بگدي
اذكرني لو بطيوفك اتعب اذا ماشوفك
وجرح انتظارك يبدي
نوّموها العيله …. بالخرابه الليله
منتظرتك للصبح .. فدوه اروح لكل جرح
بويه بس حاجيني
ــــــــــــــــــــــــــــــــــــ
عوف الدمه ومتوني .. مو مهم انه شلوني
انت المهم يالغالي
خلي الغرب تسبيني .. واسياطهم تاذيني
لا تنشغل بحوالي
سولفلي عن جروحك .. من فدوه اروح لروحك
يالما تفارگ بالي
متغيره ليش ارسومك .. غطّت الشيب ادمومك
مو ذاكه انت الوالي
ياهو ذابح نحرك .. ياهو بايگ عمرك
بيك شمسوي الرمح .. فدوه اروح لكل جرح
بويه بس حاجيني
ــــــــــــــــــــــــــــــــــــ
من سلْبو الترچيه .. كل حيل ما ظل بيه
من شوفتك خجلانه
جانت هديه منك .. وشلون اضمها عنك
هذا الهضمني آنه
بالثوب اغطّي اجدامي .. عن لا تشوف آلامي
وحرگ الجمر ولْوانه
خل الجمر يحرگني .. والشمر حيل ايطگني
يا بويه ما زعلانه
بس المْزعلني .. خوفي لا تسألني
ليش دم اذنج يسح .. فدوه اروح لكل جرح
بويه بس حاجيني
ــــــــــــــــــــــــــــــــــــ
بنتك رقيه وتدري .. ماريده بعدك عمري
ماعيشه بعدك لحظه
گلبي اختنگ باهاته .. بسمك تدگ نبضاته
لو رحت يوگف نبضه
عمري اعله مودك عشته .. روحي بغرامك ميته
عشگ الابو شيعوضه
عايش اعيشن لجلك .. ميّت اموتن مثلك
اي حل وسط ما ارضه
خلي احضن راسك .. وحيل اشم انفاسك
وكل نفس بيه يشح .. فدوه اروح لكل جرح
بويه بس حاجيني
ــــــــــــــــــــــــــــــــــــ
بالطشت راسك شفته .. لاخر نفس ما عفته
واعله الصدر ضميته
گد ما الك مشتاگه .. ووجهك ذبحني افراگه
شمة عطر شميته
شمحله الاجل لو جاني .. وراسك يظل بحضاني
هالموقف اتمنيته
شنهي العمر وسنيني .. لو ما وجود احسيني
يدنه الاجل يا ريته
كون اغمْض عيوني .. ويمك ايدفنوني
وانت مثلك ما يصح .. فدوه اروح لكل جرح
بويه بس حاجيني
ــــــــــــــــــــــــــــــــــــ
رقية احمد العكيلي
ياحلم غافي بالعين عن رقيه رحت وين
اسأل ومحد يكول يمته ترجعلي يحسين
ــــــــــــــــــــــــــــــــــــــــــــــــــــــــــــــــ
بويه من طول الدرب يتلاشه حيلي
بنتظاري لشوفتك كظيته ليلي
كلبي بعدك اشتكيله ويشتكيلي
بطيفك اجروح شكثر من يعتنيلي
يالعفت حسره بالروح يمته ترتاح الجروح
هنه لا وحده واثنين يمته ترجعلي يحسين
ـــــــــــــــــــــــــــــــــــــــــــــــــــــــــــ
ويه نسمات الهوا ابعث تحيه
من حبيبة كلبك ابنيتك رقيه
كون ماتلمحني برض الغاضريه
كول معناهه مشت بنتك سبيه
هدم اركاني الفراك لشوفتك كلبي يشتاك
يسأل دروبك منين يمته ترجعلي يحسين
ـــــــــــــــــــــــــــــــــــــــــــــــــــــــــــــــــــ
ليش اسأل عمتي عنك ماتجاوب
وينك انت اوّينهم باقي الحبايب
طفله انه اوّيني ووين المصايب
امدللتكم نامت بنص الخرايب
يادلالي المشه اوياك الدنيه ذلتني بجفاك
اتذكرت ذيج السنين يمته ترجعلي يحسين
ــــــــــــــــــــــــــــــــــــــــــــــــــــــــــــــــــــ
ضامي كلبي لشوفتك كل ماي ماريد
وزاد ماضوكن ابد مادامك ابعيد
والله يحرك كلبي من ايسبك ايزيد
كلهه فرحانه الشماته وجنهم بـــ عيد
شمر من شاف الدموع سوطه بمتوني مطبوع
خله بيهن نياشين يمته ترجعلي يحسين
ـــــــــــــــــــــــــــــــــــــــــــــــــــــ
بويه من عندي خذو حتى التراجي
ما اشوف بعيني من كثر البواجي
المن اشرح شكوتي والمن احاجي
وراح عني والدي حلو المحاجي
اتعودت يمك ارتاح صوتي راح من الاصياح
والوضع بويه مو زين يمته ترجعلي يحسين
ـــــــــــــــــــــــــــــــــــــــــــــــــــــــــــــــــ
بويه اخبرك عمتّي عدهم اسيره
وهسه حيرتنه ابد مامنهه حيره
كلت اريدك بلكي واحد عنده غيره
كون اشوفك وانه بنفاسي الاخيره
ويلي من جابو الراس حالتي فجعت الناس
ما رحم بنتك البين يمته ترجعلي يحسين
ـــــــــــــــــــــــــــــــــــــــــــــــــــــــ
للزهراء. احمد العكيلي
ادري جيتك هالوكت مو خاليه
خل اودْع امي الحبيبه الغاليه
خل اشم عطر الامل
انطيني فرصه يا اجل
خل اودْع امي الحبيبه الغاليه
……………………………
ادري محكوم بوقت والعذر وياك
بس اريدك لحظه وحده تعاين هناك
بلكي يكسر خاطرك حال الحسن ذاك
وترحم حسين بدمعته لو ترجاك
وزينب انه مگابله امي وكاعده
منها اريد اشبع سوالف رايده
تقبل بلا ام اظل
انطيني فرصه يا اجل
خل اودع امي الحبيبه الغاليه
……………………………
خل تشوف عيوني نظرتها الاخيره
بس تغمْض اعيونها حيرتنا حيره
واليفارگ امه ما يعرف مصيره
وانه بعد امي على احزاني زغيره
ما اصدگ خالي يبقه امچانها
لو مشت تتركلي بس احزانها
حلمي ويّه امي انكتل
انطيني فرصه يا اجل
خل اودع امي الحبيبه الغاليه
…………………………
ويلي من عصروها بين الحايط وباب
والكسر گلبي اديها الصارت إحجاب
غيره ماعدهم ولا يسوون الإعتاب
ذوله اعداء الرسول وماهم اصحاب
قائد الزمره وسبب كل هالحزن
فاطمه بالدار ويگلهم وإن
ضربو امي بلا خجل
انطيني فرصه يا اجل
خل اودع امي الحبيبه الغاليه
……………………………
زحف تزحف ظلت وتجري دماها
والضلع مدري الجنين الألّماها
والسطرها بعينها يمكن عماها
ماهو بسمار بسهم چنه رماها
ياعلي ٱدركني تنادي بصوتها
جنها گربت تدري ساعة موتها
وكلشي ويّاها رحل
انطيني فرصه يا اجل
خل اودع امي الحبيبه الغاليه
……………………………
مو وكت نومتها يمكن ماتت امي
يالمنيه اتأخري وبحالي ارحمي
من تهاجر عني تبدي سنين هضمي
وي ضلعها باجر يكسرون عظمي
جاي اقنّع روحي اگولن غافيه
يُمّه ما بيج الا صحه و عافيه
احجي والمدمع همل
انطيني فرصه يا اجل
خل اودع امي الحبيبه الغاليه
……………………………
امي محتاجتها يوم الغاضريه
من اظل بلا اخو ايدافع عليه
مثل ما هسه إنجتَف حامي الحميه
انه باجر أنجتِف وامشي سبيه
لو دعت تطبگ الكون اعليهم
وبقميص حسين تطلع ليهم
وتدعي بجفوف الكِفَل
انطيني فرصه يا اجل
خل اودع امي الحبيبه العاليه
……………………………
عشت عد فاطمه بخير .. اريد اخدمها لا غير
خدمْتي للمنيه .. وقف لجل الزجيه
اريد اخدمها لا غير
…………………………
انا امسودن لطم وابجي على الفطره
شما اكبر تظل ارويحتي خضره
اموت بلا مجالس فاطمه الزهره
الما يلطم عليها اشفايدة صدره
حرام تصير الانفاس .. اذا ما تجرح احساس
انا اتنفس عزيه .. وقف لجل الزجيه
اريد اخدمها لا غير
…………………………
دمعْتي اعله الزجيه دمعه مشروعه
وآثار اللطم بضلوعي مطبوعه
روحي تستلذ بالونه واللوعه
وحياتي بلا شعائر ورده مگطوعه
طعم ماحس بالايام .. اذا مابيها آلام
الحزن يرهم عليه .. وقف لجل الزجيه
اريد اخدمها لا غير
…………………………
ضلعها وكسره ما فارگ مخيّلتي
سؤال ابالي عايش وبكبر علْتي
شكثر يا فاطمه جروحج ولا گلتي
عن لا ينجرح حيدر تحملتي
تداري بسطرة العين .. ولا يزعل ابو حسين
حياته تدري هيه .. وقف لجل الزجيه
اريد اخدمها لا غير
…………………………
عيني الما بجت للزهره اعميها
وشلّي بدنيه لو ماكو لطم بيها
من احضر عزاها وصوتي يرثيها
ولو عشْر العشُر ياريت اوافيها
عطفها جازي الحدود .. بفضلها اسمي موجود
بليالي الفاطميه .. وقف لجل الزجيه
اريد اخدمها لا غير
……………………………
نهاية كل عزيه ادعي يا فاطم
كون اكظي الحياة بمجلسج خادم
ننطي ارواحنه ويبقه اللطم دايم
يظل هذا العزا حد مايجي القائم
واذا حان الوعد ذاك .. گبر نبنيلج هناك
تشيْده الرافضيه .. وقف لجل الزجيه
اريد اخدمها لا غير
…………………………
احمد العكيلي
شور احمد العكيلي
يحسين اعتذر جاي اخر مره مولاي
زعلك هذا يكتلني ما زعلك بعد مني
اخر مره مولاي
ـــــــــــــــــــــــــــــــــــ
ادري معذبك هوايه يا روح الزجيه
كل يوم اغلط واذنب واتعديها اليه
كلشي ولا ترجعني لو مديت اديه
يزعل كلشي من عندي من تزعل عليه
اعرف مني زعلان .. واعرف روحي غلطان
واستاهل تأدبني .. ما زعلك بعد مني
اخر مره مولاي
ـــــــــــــــــــــــــــــــــــ
انت تحب اليْخدمك متواضع تريده
ما يتعله عالخدمه ويچفي النعمه بيده
المكتوبه بحسن نيه تقبلها القصيده
والبيت اليهز گلبك بس ودّك تعيده
ادري احروفي مرّات .. تترس صدرك آهات
اوياك الهامي فشلني .. ما زعلك بعد مني
اخر مره مولاي
ـــــــــــــــــــــــــــــــــــ
شايف نفسي عالعالم ماخذني غروري
بين الناس متفاخر واتباهه بظهوري
مو ذاك الجنت بيدك تارك كل اموري
خادم بالاسم صاير وايفشل حضوري
لو فد مره زليت .. وعالخدمه تعلّيت
لدرب الخدمه رجعني .. ما زعلك بعد مني
اخر مره مولاي
ـــــــــــــــــــــــــــــــــــ
من ازيارتك عيني ما يشبع نظرها
بوجهي من تسد بابك يا روحي وقهرها
اجدام الراحت تزورك بس اشتم اثرها
واحسد كلمن ايطوفك والطافك شكرها
مو طبعك تسد باب .. مره بوجه الاحباب
وانه ادريبك تحبني .. ما زعلك بعد مني
اخر مره مولاي
ـــــــــــــــــــــــــــــــــــ
كلبك من يسامحني ويقبل اعتذاري
ينطيني عمر ثاني وايعدل مساري
ابقه امدنك ابابك لو طال انتظاري
غلطة ومعترف بيها جانت بختياري
بغير التوبه ما جيك .. وتسامحني اتانيك
امروتك لا تخجلني .. مازعلك بعد مني
اخر مره مولاي
السجاد احمد العكيلي
كربله خبريني .. اشبينج ومابيني
من يمر ابالي .. ذكرج ايأذيني
خذتي كل احبابي .. وفاركتهم عيني
ــــــــــــــــــــــــــــــــــــــــــــــــ
انه من اذكر مصايب اهلي برض الغاضريه وجهي الطمه
غالي بعد الغالي اودعه نورهم يضوي الليالي وهسه ظلمه
والمرض هد حيلي بيهه لكن الهد حيلي اكثر والله همه
ما تطيب جروحي .. والطبيب امهاجر
بعد ابوي ايامي .. كلهه صارت عاشر
والدفنته ابأيدي .. ادري ما يلفيني
ـــــــــــــــــــــــــــــــــــــــــــــــ
نجمه نجمه من سماهم طاحو وعيني تشاهد فاجعتهم
عالشريعه عمي طايح واخوتي اوداع المنيه ودعتهم
والدي وباقي الغوالي كلهم بدرب الشهاده شيعتهم
لا اخو ولا والد .. حملي هد اركاني
باني بيهم زودي .. وانهدم بنياني
من الم فركاهم .. دمعتي تواسيني ــــــــــــــــــــــــــــــــــــــــــــــــــ
من زمن اجدادي واحنه قدّمينه شكد مناحر للقضيه
طبرة الكرار جدي وكبله من كسرو ضلعهه يالزجيه
والحسن مسموم جبده لكن اعظمهن جريمة آل اميه
صرعه كلهه احبابي .. والخيم حركوهه
وعمّتي والعيله .. بلا رحم سلبوهه
وبالسناسل انه .. امشي وامكيديني
ــــــــــــــــــــــــــــــــــــــــــــــــ
كربله شكبره هضمنه وطفّج السبّب المنه وكل جرحنه
للسبي حمّل ضعنّه وعفنه اصحاب الحميه عندج احنه
عذبت حالي رقيه من تكلي عن اهلنه ليش رحنه
تختنك عبراتي .. وناري توجر بيه
من ينادي الشامت .. زينب المسبيه
عظّم الله اجرك .. ياعلي تناديني
ـــــــــــــــــــــــــــــــــــــــــــــــ
يستمر طبع ال اميه ومن غدرهم دوم اعاني ومن ظلمهم
الدنيه حالي ما ترحمه وكفت اوياهم عليه موتي همهم
للحكم الله خلقنه وباطل ومو شرعي اصلا كل حكمهم
دنيتك غداره .. لا تأمن بيهه
هو مو اي واحد .. يكدر يجاريهه
وانه اتحداهه .. تكدر اتجاريني
ــــــــــــــــــــــــــــــــــــــــــــــ
دمعي لحظه ماتركته وحزني عاشر كل حياتي وذكرياتي
يعلم الله اشكبره جرحي والصخر يبجي عليهن نايباتي
اعمي عيني من البواجي وتبقه اثار المصيبه لحد مماتي
لو كظت ايامي .. يمكن الكه الراحه
والفرج ادريبه .. بالكبر مفتاحه
من اودع روحي .. والتقي بحسيني
ـــــــــــــــــــــــــــــــــــــــــــــــ
ميمر للقاسم احمد العگيلي
هذا الحسن لو جسّام سيف الحرب بـيْمينه
ـــــــــــــــــــــــــــــــــــــــــ
يشبه ابوه لمّن برز للحومه
الغيره بتعابير الوجه مرسومه
ايذكرهم بطاري الحسن واعلومه
شبْل الحسن لجْل حسين فدوه يضحّي اسنينه
ـــــــــــــــــــــــــــــــــــــــــ
صاح آنه شبْل المجتبى إتذكرونه
واليوم عمّي ما اخيْب اظنونه
يجدح شرار ونار من اعيونه
عالفزعة من هو ازغير اهله ترى امعلمينه
ـــــــــــــــــــــــــــــــــــــــــ
إن تنكروني اصلا انتم مُنكر
جدّي علي وكل العرب تتذكّر
ما بيها فر عنده الحرب (كر و كر )
واليوم اذكّركم بي گلهم اذا ناسينه
ـــــــــــــــــــــــــــــــــــــــــ
گلهم فدا لسبط النبي ايامي
شمحلاها بلسانه هلا بجسّامي
يالشوفة عيونه تروّي الضامي
لو گتله مولاي حسين إيجاوب هلا بـ نشمينه
ــــــــــــــــــــــــــــــــــــــــ
قدوه لشباب الأمّة صار القاسم
أمره لجل دينه ارتجالي وحاسم
إيلاگي المنية بثغر ضامي وباسم
رغْم العطش عزمه ايزيد ويحامي ظل عن دينه
ـــــــــــــــــــــــــــــــــــــــــ
مو بالعمر هاي المراجل تنقاس
عمره زغير وتلگه بي رفعة راس
تلميذه شيصير اليدرسه العباس
جندي وفدائي ومغوار رتبة بطل منطينه
ـــــــــــــــــــــــــــــــــــــــــ
بين الشهادة والعرس أمّه تگول
خيّرته والرد يبني ماريده يطول
گلها اعله بختچ كل عذر ما مقبول
طاري العرس يُمه انسيه وضمّي الشمع والزينه
نزال للقاسم احمد العكيلي
بيمن توصيني يا اعز من عيني
إحْجيلي يمه وانه اسمعج
……………………………
يمه رايح عنچ و گاصد منيتي
إيعز عليه اموادعچ يابعد بيتي
حسين عمي للحرب خاتم هويتي
مرجعي وامشي بأوامر مرجعيتي
ردتج إترخصيلي .. وبالشهاده ادعيلي
مو بيدي هسه راح اودعچ
……………………………
گلتي ما تحتاج اذكرك بالوصيه
وشنهو سولف والدك گبل المنيه
الك درعه وسيفه خلاهن هديه
رادك تشيل اسمه برض الغاضريه
انه اسعد واحد راح اعوْض الوالد
ماريده ينزل يمي دمعچ
……………………………
مو مهم عرسي المهم لحسين اضحّي
شمحله ايده من يمرّرها اعله جرحي
من تشوفيني طحت يا يمه افرحي
گولي غزّر يالعزيز اوياك ملحي
گولي هاي امنيته .. ابني وامربيته
تتمنه كل ام هذا وضعچ
……………………………
إثياب عرسي إنطيها للفقره بثوابي
كون كل شاب بعرس يذكر شبابي
للاجْيال القادمه يوصل خطابي
لليِزَوّج شاب بالمحشر جوابي
كل حفاوه إنْشكْره انه وامي الزهره
مولاتي هذا الجبر ضلعچ
……………………………
الصاحب اكثر من اخو انه اعتبرته
واغله من روحي ولا اذكر غدرته
ما اريد الصاحب الينكر عشرته
وعالمحارم دوم ما يمنع نظرته
الصان عرْض الديره هذا راضع غيره
چي امه تشبه حيل طبعچ
……………………………
يا شباب العمر غالي وكل غلاته
ما تعادل تضحية شاب بحياته
لجل گاعه والشرف ناكرها ذاته
وبسلام تعيش عمّاته وخواته
فدوه عمري لعمي .. لجله يرخص دمي
ماريده عرسي طفّي شمعچ
……………………………
جيت اغسل ذنوبي بعزائك
تشملني يحسين بدعائك
تعدل مساري .. كربلائك
………………………...
ما طامع بجنة عدن .. لا طامع بجاه ومال
ماريد شي من دنيتي .. مقتنع انه بهالحال
ماريد سمعه ولا مدح .. لا عني مبدع ينگال
بس الاريده سيدي .. منك قبول الاعمال
كل كلمه اقراها بمصابك
توگف عوض عني اعله بابك
صارت شعاري .. كربلائك
………………………...
من احضر انه بمجلسك .. اترك الدنيه بظهري
وعيوني اسخرها الك .. ودموعي لجلك تجري
لو ما يصير من اللطم .. احمر شسوّي بصدري
لو ما گظيته بالعزه .. ما يسوه اعيشن عمري
يالغالي تستاهل اخدمك
واشعاري كلها تبدي بسمك
ملهمتي ثاري .. كربلائك
………………………...
يا سيدِ وانه العبد .. يا ملك وانه الخادم
يا قائد بجيشك صرت .. جندي وابد ما نادم
يا ولي النعمه وما ردت .. كل اجر ردتك سالم
ما سلم من عندك اثر .. جيش اعله جسمك هاجم
يالداست الخيل اعله صدرك
سالت زكيه ادموم نحرك
روّت صحاري .. كربلائك
………………………...
بذنوبي اصوبك جم سهم .. واحد بصدرك نازل
واحد يحز نحر الطفل .. واحد بعين الكافل
واحد اذا ما ناصرت .. كل حگ واعوف الباطل
واحد اذا اتبع شخص .. عالغلط شفته ايجامل
مذنب صدگ بس والله احبك
وانت الابو الما يقسي گلبك
وبروحي شاري .. كربلائك
………………………...
اتمنه هسه بهالوضع .. وانه اعله خدّي مدمعي
انزل من المنبر ركض .. للباب اروح بلا وعي
والطم وادگ يم فاطمه .. وغيري اليجي يقره النعي
مو ضيف هيه ام العزه .. وام العزه ما تندعي
كعدتها بالباب ادري بيها
فوگ الضلع تلطم بديها
يلچمها طاري .. كربلائك
………………………….
احمد العكيلي
العليله احمد العگيلي
اقرا بدعاء الجوشن الصغير
چن اعرف اهلي اوياهم اشيصير
كلمن حاير بهمه
وانه براحه وبنعمه
………………………………
عالباب شابحه العين .. منتظره والدي حسين
ادعيله مره واثنين .. بلكت يرد خبر زين
تعبان ابوي من السفر واعرفه
ظل باله يمي وحالتي تخوفه
اعرف صعب بالغاضريه ظرفه
لو رجع سالم نار علْتي تطفه
بس چني اشوفه بكربله غريب
مگطوع نحره والجسم سليب
سابح والدي بدمه
وانه براحه وبنعمه
………………………………
عبد الله اصعب موضوع .. من العطش گلبه يلوع
رد لُمه نحره مگطوع .. دمه اختلط بالدموع
چبدي ارتوه وممرود هو چبده
بفراشي انام وهو خالي مهده
گلب امه ذايب ما تهنه بعده
راح العزيز ويا دمع يردّه
ياذنب عنده اوياهم الرضيع
مگطوع نحره ومنظره فضيع
صاباه حرمله بسهمه
وانه براحه وبنعمه
………………………………
عمي الگمر ماموجود .. تنتظره الاطفال ايعود
فوگ النهر رايه وجود .. ومگطّعات الازنود
مهشوم راسه وسهم بيها عينه
فوگ الشريعه امشمرات ادينه
صوت اليتامه تصيح عمي وينه
وجاسم والاكبر هم بطو علينه
يانار گلبي من اذكر الشباب
گبل العرس غطاهم التراب
واحدهم وذر جسمه
وانه براحه وبنعمه
………………………………
لا بالجمر تچويت .. لا بالسياط انطگيت
لا بالدرب تأذيت .. واتسلبت وانسبّيت
كلهن هذنّي صارن برقيه
وآنه بكثرها ما شفت اذيه
والعله سهله گبال هالرزيه
مخدومه آنه وما رحت سبيه
محد ضربني ولا گمت واطيح
ولاسطرو اذني ودمي ظل يسيح
هيه من البچي تعمه
وانه براحه و بنعمه
………………………………
بالي اويه سكنه مشغول .. من سلّبوها شتگول
يتركنه عمي معقول .. عذر المنيه مقبول
مجتوفه هيه وانه مو مثلها
ياريت اديه اتجتفت قبلها
ياريت حبلي اقسه من حبلها
لمن تردلي من السفر شگلها
لا ظهري ازرگ لا متن يميل
لا عيني حمره ولا دمع يسيل
وجهج مختلف رسمه
وانه براحه وبنعمه
………………………………
ياموقف بعمْتي الصار .. تجمع بقت بالزْغار
والخيم مشتعله بنار .. ومْن الگمر ماكو اخبار
بين الخيم تمشي وشمر اجاهه
بالسوط يضربها وشتم خذاهه
إتمنيت روحي اوياها من سباهه
والزم عبايتها واظل وراها
محد لمح الها گبل خيال
مسبيه هسه العاشت بدلال
تمشي اويه الغرب زحمه
وانه براحه وبنعمه
……………………………….
للانصار احمد العگيلي
انت وين وهمه وين .. كلها ضدك يا حسين
بالحچي اخذ التريده بالفعل عنك بعيده
كلها ضدّك يا حسين
ـــــــــــــــــــــــــــــــــــ
كل رسايلهم خديعه بيها والهم غايه
گبل تمحيص المواقف هبّطوها الرايه
ناس ما عدها ضمير شلون عدها احچايه
ورغم الاف التبيعك .. ربعك الوفّايه
قِلّه سبعينك اكيد .. لچن ظلّو ايد بيد
واليمد للباطل ايده بالفعل عنك بعيده
كلها ضدّك يا حسين
ـــــــــــــــــــــــــــــــــــ
خدم گالو احنه لكن هُمّه مو خِدّامك
رگصو اعله جروح گلبك للاسف گِدّامك
تشابهو ويه الحوافر مِن تدوس اعظامك
وسط جسمك ما دروهه شگد عددهه اسهامك
اوعودهم بس باللسان .. ابد ما الهم امان
كل خططــهم مو جديده بالفعل عنك بعيده
كلها ضدّك يا حسين
ـــــــــــــــــــــــــــــــــــــــــــــــــــــ
باعو الدين بدراهم منهم شتترجه
شما ردت تلقي عليهم الف حجّه و حجّه
اليدرس بجامعة حبك گلبه صافي اتخرجه
واليخونك واليعوفك ما اله كل منْجه
ابذله گظوها السنين .. عالخيانه امعلّمين
زمره ما عدهه عقيده بالفعل عنك بعيده
كلها ضدّك يا حسين
ـــــــــــــــــــــــــــــــــــــــــــــــــــ
حسين خسران اليعوفك واليتبعك فايز
واجب ايطيعك ومو شَيْ إختياري وجايز
گبل لا انت تصيحه للمواقف جاهز
بالميادين بعزيمه بين اديك ايبارز
مو تودّيله كتاب .. ويوصلك منّه الجواب
ينقل الـبيعه بريده بالفعل عنك بعيده
كلها ضدّك يا حسين
ــــــــــــــــــــــــــــــــــــــــــــــــــــــ
اهل دنيه تدري بيهم مو اهل للخدمه
هو يخسر بالنهاية اليچفي بيده النعمه
مو ثقة ولا عنده دين الما يصون الكلمه
انت رحمه وهمه جانو كلهم بلا رحمه
كلمن اختار السكوت .. يعيش بالذلة ويموت
وهاي الاطباع العنيده بالفعل عنك بعيده
كلها ضدّك يا حسين
ــــــــــــــــــــــــــــــــــــــــــــــــــــــ
عافوني هلي وما حنّو اعليه
ومن كل گلبي ادعي راشده النيه
………………………
چنْت متانيه اوياهم يصعدوني
ضعنهم راح وانه الدمعه بعيوني
عليله شلون وبوحدي يعوفوني
المرض تعبني شيسوي الهجر بيه
………………………
شگد توسلت بيهم ولا نفعت
طلعت روحي من اضعونهم طلعت
وراهم راحت وليهسه ما رجعت
جسد ظليت بس وروحي ماهيه
………………………
ابوي الما مفارگني ولو ساعه
يناس شلون انه اتحمل اوداعه
راح وما دريت شصار بوضاعه
كل خوفي يروح وما اله جيه
………………………
اليطيح بمرض كون اهله يدارونه
مو يمشون وبغربه يخلونه
ماريد المْداره وروحي ممنونه
اريد اضعونهم هسه ترد ليه
………………………
لو امشي مشي هم ارضه واتحمل
والحگ عمّتي من تصعد اعله التل
وباچر وي خواتي اركب الهزّل
يمر بيه اليمر بسكينه وارقيه
احمد العگيلي شور او نعي
للهلال الشاعر احمد العگيلي
بلوني المخطوف .. وشلون اظروف
شفت الهلال بعيني .. جم ذكره بينه وبيني
ــــــــــــــــــــــــــــــــــــــــــــــــ
يا محرم من هلالك بيه حسره
من اشوفه روحي تطلع الف مره
ذكرياتي العشت بيهن اقسه فتره
من يردلي ارد ليهن ذكره ذكره
ما چنه اهلال سهم وچتال
صوّب بقايا سنيني
جم ذكره بينه وبيني
ــــــــــــــــــــــــــــــــــــــــــــــــ
العنده واهس للبچي يظل كلشي يسمع
الراح اگوله ايأذي گلبه وحيل يفجع
حسين شفته امددينه على المصرع
وفوگ صدره الشمر شفته من تربّع
و يحد بالسيف وبحر الصيف
يحز نحره و يبچيني چم ذكره بينه وبيني
ــــــــــــــــــــــــــــــــــــــــــــــــ
گوّي گلبك والمصيبه اتفطْر الگلوب
حسين وحده بلا مناصر دمه مطلوب
والتكتلك من يذبحه وجهه مگلوب
نحره دامي وجسمه عاري وثوبه مسلوب
السوّنه الخيل يهدم كل حيل
ايطحنن بصدر حسيني چم ذكره بينه وبيني
ــــــــــــــــــــــــــــــــــــــــــــــــ
بهالمصيبه شكثر عشته جرح الاحساس
زينب آنه وبيه شمتت ناس مو ناس
عمت عيني السهم حافر عين عباس
كافل اخته عالشريعه امهشم الراس
يسره ويمناه مگطوعه هنا
فدوه إله چفيني جم ذكره بينه وبيني
ــــــــــــــــــــــــــــــــــــــــــــــــ
بدون اخوُتي هذا شهرك رد عليه
ثوب حزنك ما ابدله للمنيه
عذِبتني وشيبتني الغاضريه
گلْبت اسمي من الاميره للسبيه
وعاشورك دوم مو ساعة ويوم
من جرحه لا يشفيني جم ذكره بينه وبيني
ــــــــــــــــــــــــــــــــــــــــــــــــ
القصيده مكتوبه على لحن خجلانه هواي للحاج باسم
والتغيير متروك الكم
نزله للامام الحسن احمد العكيلي
ما يحتاج اخبرك وبزينب اذكرك
انه ادري يكافل .. ما تنسه الامانه
………….….……… ..
………..…………… ..
انه الحسن واحجيها الك گبل المنيه
ماريد اذكرك وانت گد هاي القضيه
انه الجنت شاهد عيان اعله الوصيه
زينب امانه ابذمّتك بالغاضريه
حيدر وصّه بيهه وحط ايدك بديهه
وگلّك يابو فاضل .. ما تنسه الامانه
……………………… ..
……………………… ..
يا كربله اتألمني من احجي عليهه
ظلت تحز بنفسي ما موجود بيهه
والمشرعه انه اعتني مو انت ليهه
من تحمي زينب ابد ما يحصل سبيهه
وتتگطع اديه ولا تمشي سبيه
لو ويّاك اقاتل .. ما تنسه الامانه
……………..……… ..
…………..………… ..
ياريت اخوي حسين ما ينگطع نحره
والخيل تسحگ صدري ما تسحگ بصدره
هذا العزيز وكون من عمري اعله عمره
لو ربي ينطيني عمر واگدر انصره
واعرف ما تقصر لحسين انت تنصر
يا اشجع مقاتل .. ما تنسه الامانه
……………………… ..
……………………… ..
يا خويه تدري بالولد عند امه غالي
والقاسم ابني باجر ايحارب بدالي
باجر تشوفه بكربله لا ما يبالي
وينادي انه ابن الحسن وبصوت عالي
من هسه ذخرته .. و لعمه نذرته
لو ظل دمه سايل .. ما تنسه الامانه
……………………… ..
……………………… ..
ماكو اعتراض اعله الاجل والقدر محتوم
والموت حق اعله البشر ما واحد يدوم
لا يوم مثله البي يطيح حسين مظلوم
اتمنيت هم مثله انذبح ماموت مسموم
بس اكبر مصيبه زينب يا غريبه
وگبال الاراذل .. ما تنسه الامانه
……………………… ..
احمد العكيلي
رقية مقدمة احمد العكيلي
يتمتنـي من الزغر بعدك المن انتظر
لله سلمت الامر بويه يحسين
ـــــــــــــــــــــــــــــــــــــــــــــــــــ
من تمـر ابالي ذيج الذكريات
مدللّــه بجالك جنت وبراحه ابات
شنهو ذنبـي بلا ابو اكظي الحياة
بزغري اعيش اليتم من دون البـنات
وياك جنت مدللّــه عمري بعـدك لاحله بدونك شيسوه العمر بويه يحسين
ـــــــــــــــــــــــــــــــــــــــــــــــــــ
ليش تتركني يبويه بلا وداع
بين لوعه وضيم واهات وضياع
انه من دونك حلم ايامي ضاع
وبسفينة عمري مكسور الشراع
لو رحت ياهو الي بالمصايب ابتـلـي
مالي حيل اعله الصبر بويه يحسين
ــــــــــــــــــــــــــــــــــــــــــ
صحت بويه ومحد يرد الجواب
وياك من ترجع تره يطول العتاب
شرعت كدامي بيبان العـذاب
تنفتح عشره اذا سديت باب
ما أجه ابالي ابد ما اشوفنك بعد
حالي بعدك ما يسر بويه يحسين
ــــــــــــــــــــــــــــــــــــــــــــــــ
لسان حالي يكلي المن تشتكين
يا رقيه ويكتل فراك الحسين
امشي خل انودعه ونزيد الونين
فوك صدره انّام ويشدنه الحنين
جيتك انه بلـهفتي اشكي حزني ولوعتي
بلهفه ضمني اعله الصدر بويه يحسين
ــــــــــــــــــــــــــــــــــــــــــــــــــــ
نزال احمد العكيلي
علي اوياج .. منو الكلهم وحيده
اجي الشام .. اكلبنّه ابيزيده
ـــــــــــــــــــــــــــــــــــــــــــــــــــــ انا الحاضر بكل شده واحل كل المشاكل
وانا الـــبلحرب اولهم على الصوبين اقاتل
ابوج ولوذي بكتاري من عيون العواذل
اجيج بنفسي يازينب بعد موت ابو فاضل
منو الكال .. غريبه بعد اخوتج
اجي هنا .. گبل لا سمعه صوتج
الخدر دوم .. يظل سالم اريده
ــــــــــــــــــــــــــــــــــــــــــــــــــــ
اوصّيج انه يازينب يـــستر الفاطميه
عليج شما تمر شده اريدنج ابيه
ولا عاش اليناديلج غريبه لو سبيه
يبنت الما عرف ذلّه رغم كبْر الرزيه
هالارجاس .. اشتّت كل جمعهم
يغدرون .. يمكرون ابطبعهم
خططهم .. عليه مو جديده
ــــــــــــــــــــــــــــــــــــــــــــــــــــــ
انا امربّيج عالعفّه واليـــْــهمني عفافج
نهر يروي الستر انتي اجيت احمي ضفافج
ابو فاضل عذر عنده يزينب يوم عافج
يحز بنفسي يابويه غريب بعينه شافج
اليأذّيج .. اخلّي بروحه غَصّه
اوصّيج .. ولا تنطينه فرصه
اكصها .. العليج يمدها ايده
ـــــــــــــــــــــــــــــــــــــــــــــــــــــــ
لا ينسون خيبرهم حديث الباب ارجعه
اذا مسّوج بحجايه مجلسهم اقلعه
الكطع جفين للكافل كل نسله اكطعه
آخذ حيف دمعاتج وردهن دمعه دمعه
بالمْتون .. اذا واحد يضربج
ويخليه .. جمر يشتعل كلبج
اعيــْـشه .. برعب وانه الصميده
ـــــــــــــــــــــــــــــــــــــــــــــــــــــ
وحق حسين و ضلوعه الداستها الحوافر
وحق الاكبر وجاسم وحق دم المناحر
جثثهم عالنهر لجلج اسوّيها كناطر
وليــكابلني تدرينه خاسر يعني خاسر
اخلّيج .. على الدنيه اميره
والعلوج .. تظل عندج اسيره
حجابج .. هتف بسمج نشيده
ــــــــــــــــــــــــــــــــــــــــــــــــــ