-
قناة خاصة بنشر القصائد الحسينية والولائية للشاعر احمد هادي الشمري للتواصل مع القناة عبر المعرّف @hakaia
شافت أبوهه بحلم
. منظر يبچّي السـمـه .. بوجه الظعن منرسم
فـزّت رقـيـه بـرعـب .. شـافـت أبوهه بحلم
مشتاگه لـحـضـنـاتـه .. يـا عــمــه وكـلـمـاتـه
*---------------*---------------*
مــن نــوم الـخــرابــه فــزّت بـلا حـيـل
شلون يگوم ذاك الـداسـه جدم الـخـيـل
تون بهداي بـس مـسـمـوع صـوت الليل
عطشانه ودمعهه الجاري مـثـل الـسـيـل
يـا عـمـه هسـا إجـه .. بنظـراتـه يـمـطـر دفو
والدم رجع بالـوجـه .. من شفت طوله الحلو
حـاچـانـي بضحكاته .. يـا عــمــه وكـلـمـاتـه
*---------------*---------------*
شـفـتـه وگـمـنـه نـتـبـادل حـديــث آلام
گتلـه الـلـحـظـه بـفـراگـك عـلـيـه بـعـام
نــام بـحـضـنـي عـالـرمـلـه بـعـد لـتـنـام
گتـلـه شيوجعك ويـگـلـي جـرح الـشـام
يا بويـه گتله الـهـزل .. مركبهـه كلش صعب
لا هيـه عـدلـة ظـهـر .. ولا عـدل ذاك الـدرب
والحـادي وضـربـاتـه .. يـا عــمــه وكـلـمـاتـه
*---------------*---------------*
سألته إعله الرضيع الگلـبـي طـاح ويـاه
سكت لحظه وشفت من عينه طلعت آه
گلي الـمـحـسـن إعـلـه الـكـوثـر اتـلـگـاه
طــيــر الــزهــره بـجـنـاح الـخـلــد رواه
والنـوب صدلي بألم .. بس ما فهمت شحچه
شو گلي يـا زهـرتـي .. واختنگ صدره وبچه
مـــا أفــهــم ونــاتــه .. يـا عــمــه وكـلـمـاتـه
*---------------*---------------*
راح من ايدي أبـوي الغالـي مـن فـزّيـت
وآنـــه بــلا أبـــو وبـــلا صــبــر ظـلـيـت
فهمت اشيقـصـد بـيـا زهـرتـي ويـاريـت
أمــوت الـيــوم ولـبـاچــر فــلا مـسّـيـت
مثل النبي وفـاطـمـه .. يـنـفـتـح بـاب الأجـل
أول شهيـده الـتـحـق .. بحسـيـنـي من الأهل
يشـمـلـنـي بـنـظـراتـه .. يـا عــمــه وكـلـمـاتـه
*---------------*---------------*
نـار الـبـالـگـلـب مــا تـطـفـه لـو نـهـريـن
شنهو الماي وآنـه الماي عـنـدي حـسـيـن
يعمه الشام طف ثـانـي وشـفـت طـفـيـن
ثـلـث سـنـيـن عـمـري وانـذبـح مــرتـيــن
لـو غبت عـن الـظـعـن .. من تـرجـع الـعـايـلـه
سويلي مـجـلـس عزه .. يـم والــدي بـكـربـلـه
ونـزلـيـلـي دمــعــاتــه .. يـا عــمــه وكـلـمـاتـه
*---------------*---------------*
✍️خادم الحسين ع
الشاعر أحمد هادي الشمري
معَ حسين .. معَ حسين
للموت أبد منعوفه
........
عِلا صوت الشيعه ، فالكُل تستمع
الگاع هزهه والسماوات السبع
والله لو هاي المناحر تنگطع
ما نعوف احسين إحنه بأي وضع
العيون .. العيون
تعمه إذا متشوفه
........
شلون تعرف هذا خوش وآدمي
من تشوفه للمجالس ينتمي
اتحسّه يعطش لو سمع باسم الضمي
وتنظر من عيونه يجري العلگمي
تشمون .. تشمون
ريحة وفه بچفوفه
......
الله لا ايبارك بعمري ودنيتي
لو مشت بدروب غيره، خطوتي
غصباً إعله الدنيا تمشي كلمتي
الگاع اهزهه لو اهزّن رايتي
علي وياي .. علي وياي
ليث النجف والكوفه
.......
احسين هوّ السوّه للدنيا طعم
والعرض خاص .. التذوّق للزلم
إلتحق بالقافله ولا تنحرم
بقائمة خدامه احجزلك رقم
هالأسماء .. هالأسماء
بأهل الوفه موصوفه
.......
شيل راسك فوگ فوگ وافتخر
إحنه ربع حسين مو ربع الشمر
الماي من ينكسر إحنه ننكسر
حسين ورّثنا الشهادة والنصر
بالأفعال .. بالأفعال
شيعة علي معروفة
.......
مو حسيني ، الباع دينه بدنيته
بل يزيدي ، الگلبه خالف كلمته
هاي فرصه ولا تفوّت خدمته
تره (حصرياً) الجنه لشيعته
على الباب .. على الباب
باچر يتاني ضيوفه
.........
أحمد هادي الشمري
أبوذيه عن محرم الحرام
. ليالي الحزن يا هالناس.. خـيـمـٰـت
وبكل دار نـشـتـم حرگ.. خـيـمـات
هنا حرمه تـون وهـنـاك.. خي مات
وهـنـا طـفـل يــنــشــد عـن إبــيّــه
*---------------*---------------*
✍️خادم الحسين ع
الشاعر أحمد هادي الشمري
عمّاهُ ياحبيب
بين مولاتنا زينب عليها السّلام وحبيب ابن مظاهر الأسدي عليه السّلام
. عــمَّـــاهُ يا حـبـيـب أُوصـيـكَ بـالـغـريـب
إنـي أرى فـيـهِ جـروحـاً مـــا لـهـا طـبـيـبْ
*---------------*---------------*
فــي ذلـكَ الـلـيـلِ الأخـيــرِ بـالـخـيـام
وزيــنــبٌ مـن جَـفْـنِـهـا ســالَ الـكـلام
أُخِـيَّ قـلـبـي خــائــفٌ كــيــفَ يــنــام ؟
أُحِــسُّــهُ بـأضـلـعــي أمــســى حُـطـام
تـعـالَ يـا حُـســيــن وامسحْ على الوتين
أُخِـيّ قـلـبـي أرهـقـتْـهُ شـدةُ الــوجــيــب
*---------------*---------------*
جيشُ العدا هذا ، وحـانَ الاصطـفـاف
كـأنـــه ســيــلٌ تَــدَاعـى بــارتــجــاف
أُخِـيَّ هل جـرَّبْـتَـهـم ؟! ، إنـي أخــاف
إنْ لاقتِ الأصـحـابُ ساعـاتٍ عُـجـاف
مـا مـوقـفُ الـرجـال إنْ يــبــدأَ الــقــتــال
أُخِـيَّ إنْ تـدعـو أخـافُ مـا تـرى مـجـيـب
*---------------*---------------*
صوتٌ تـنـاهـى لـ حـبـيـبِ الـطـيـبـيـن
وهـاجَ مــاءُ الـغـيـرةِ وسْـطَ الـجـبـيـن
يـا زيـنـبٌ ، هــــاكِ عـهـودَ الـصـادقيـن
سـنـفـرشَ الـعـمـرَ لأقـــدامِ الـحـسـيـن
رَغماً على الحـشـود ســتــزأرُ الأسُــــــود
شمسٌ وفي أُفقِ الحسينِ ما لـنـا مـغـيـب
*---------------*---------------*
يـا زيـنـبٌ لــو قـطّـعـونـا بـالـحــديــد
نَحْـيَا ونُـقـتَـلْ ثُـمَّ نَـحْـيَـا من جـديـد
لن نـتـرُكَ المظلومَ في الـطـفِ وحـيـد
نــصــيــحُ كــلا ثُـــمَّ كــلا يـا يـــزيـــد
تــرنـيـمـةُ الـــوفــاء نـفـديـكَ بـالــدمــاء
فالعمرُ من بعدِ الحسينِ ، هل عسى يطيب؟!
*---------------*---------------*
إنْ خـيّـم الـلـيـلُ عـلـى ظـعـنِ الإمـام
فشيبُ وجهي بالطفوفِ يقشعُ الظلام
أمـامَـهُ أصــيــرُ درعـــــــــاً لـلـسـهـــام
وخـلـفَـهُ إنْ صِـرتُ أصـبـحـتُ حـــزام
سـبـعـيـنَــهُ تــقــول لـ حــافــر الـخـيـول
يا خيلُ عنه استبدلينا ، واتركُي الحبـيـب
*---------------*---------------*
قد جاءَ عـبـاسٌ وفي العـيـنِ احـمـرار
من غاضَ زينبْ ، قالَ ، واهتزّ الـمـدار
قـالـتْ لــه عـبـاسُ يـا راعــي الـكـبـار
قــالَ لــهــا ســأقـلــبُ الـلـيـلَ نــهـــار
تـعــويــذةُ الـخـيـام عـبــاسُ . والـسـلام
إنْ تبتعدْ يا نـبـضَ قلبـي لـم تَـزَلْ قـريـب
*---------------*---------------*
✍️خادم الحسين ع
الشاعر أحمد هادي الشمري
إلى الإمام السجاد عليه السلام
افرح افرح افرح افرح
يـــــا گـلـبـي بـمـيـلاده
افرح افرح افرح افرح
بگرة عين الساده
ــــــــــــــــــــــ
يا گـلبـي افرح هاي الليله
الـيـسـتـاهـل حـبك وفيله
باقه امن الصلوات اهديله
هذا الــ بس يحلالك
كُـف دمعك مو كافي اتسيله
يلّـه لكل مـحـفـل نـمـشـيـلـه
هــــوّس لـلـغـالـي وغـنـيـلـه
سمّعهم موالك
حزنك حزنك حزنك حزنك
اخلع ثوب احداده
ــــــــــــــــــــــ
من شـافـت نــور الله بـخـده
لله سـجـدت حتى الـسـجـده
ومن چف ايده اتجدّي الورده
عطر الزهره بعطره
هذا اليـشـبـه حيدر جده
فتشة عين حسين بولده
ايسبّح لله وهوه بـمـهـده
ويناغي ويذكره
جرحك جرحك جرحك جرحك
ابن حسين ضماده
ــــــــــــــــــــــــــ
هـذا الما تنسد بيبانه
ما ميت عايش ويانه
ما ننساه ومـا ينسانه
مـگـعّـدنـه بنص گلبه
نور الله الـعـالـحـگ دلانـه
وياما ضـيّـفـنـه بـديـوانـه
شما تصعب گال آنه هنانه
وسهلـه تـصـيـر الـصـعـبـه
أنعم أنعم أنعم أنعم
باليكرم وفّاده
ــــــــــــــــــــــــــ
سجاد حسينك بافـراحـه
كون اتضمد هسه جراحه
متعوب وما شاف الراحه
الله يا أيامه
مظلوم مخلص كـل عمره
مات وظلموه حتى بگبره
لا گبـه نـشـاهـد لا حضره
شگد تذبح آلامه
رادوا رادوا رادوا رادوا
ما تظهر امجاده
ــــــــــــــــــــــــــ
غصبا عالحـاقـد والعاذل
رغـمـا عالناصب والباطل
نحچيهه الكلمه ولتجادل
هالكلمه الشيعيه
باچر من يطلع مهدينه
للغرقد هـوّه ايمشيـنـه
نبني گبور الكم بيدينه
شيعتكم ثوريه
نبتر نبتر نبتر نبتر
الأيد التتماده
ــــــــــــــــــــــــــ
أحمد هادي الشمري
#صادق_العترة
. يـا گـلـبـي الـمـا تـبـرد نـاره
محروگ إعله الحرگوا داره
*---------------*---------------*
يا گلبي .. المدفون بصدره
داست فـوگه خيول العبره
عـالصادق شـيـجـبّـر كسره
مـجـروح وتـنـزف أســراره
*---------------*---------------*
بحرگة داره أتخيّل وضـعـه
يـذكـر أمـه ويـلـزم ضـلـعـه
نسوانه إعلـه المحسن تنعه
ويـنـده يا عـبـد الله وثـاره
*---------------*---------------*
شـيـطـان الأمة بسم قـاتـل
سمّه ، وفرحت أهل الباطل
ذاك الـوجـه الـمِـبـدر ، ذابل
مِـن شُـلـت إيــده الـغــدّاره
*---------------*---------------*
صـادقنه ، الله يساعد گلبه
حي ميت ، عـايـش بالغربه
لا مـاتــم ، لا زايــر ، گـربــه
مـن گـبـره نـحـرمـت زواره
*---------------*---------------*
سيـد مـذهـبـنـه وعـنـوانـه
بـضـلـوعـه مـثـبـت أركانـه
يـا چـف ايـهــدّم بـنـيـانــه
ومـهـديـنـه ايـلـعـب فقـاره
*---------------*---------------*
الباطل حـشّـد جِنّـه وإنسه
والصادق مـا طـفّـوا شمسه
مـا ننسه أيــامــك مـا ننسه
وداعـة حـامـي الدار وجاره
*---------------*---------------*
✍️خادم آل محمد (ص)
الشاعر أحمد هادي الشمري
ابوذية للحسين ع لسان حال الخدام
وحگ صـدرك الفوگه الخيل.. يا ليت
عـلـيـنـه مصيبتك يحسـيـن.. يا ليت
بـهـذاك الـيـوم چـنـت ٱوياك.. يا ليت
وأفــوز بــنــصـرتـك يـبـن الــزچـيــه
*---------------*---------------*
١- جالت ٢- جلّت ٣- من التمني ياليت
✍️خادم الحسين ع¹⁴⁴⁶
الشاعر أحمد هادي الشمري
https://youtu.be/8-B52jU-joQ?si=0-bPO83SJxYEYuQF
Читать полностью…
#نعي_في_ #استقبال_شهر_ #محرم1446
. هـلـه بـظـعـنـك يبـو اليمه
وهـلـه ومـية هلـه بشهرك
أنه امـن چـفـوفـي أتـبـره
إذا بـالـلـطـم مــتــنـصـرك
وتطلع عـينـي من عـينـي
إذا ما تـنـحـسـب (نـهـرك)
أهـيـم بـكـلـمة (اسم الله)
إذا سـولـفـوا عـن نـحـرك
وأحس الخـيـل تسحگني
من يـحـچـون عن صدرك
اتـخـايـلـك بــالــهــيــمــه
يصافي الما صـفـه دهـرك
شـرب ذاك الـنـهـر طـولـك
إعلـه أخيّك منسكر ظهرك
وعـلـيـك انـدارت العسكر
و لا نــاصـــر الـيـحـضـرك
هــذا ايـسـلـب ٱثــيــابــك
وذاك ٱيــغــمّــد بـخـصـرك
وأنـت بــآخــر أنــفــاســك
ومـن عـمـري عـلـى عـمرك
اجــتّــك بــنــتــك ارقـيــه
اتـلـمـلـم بـيـك واتـخـبـرك
تِـگـلّـك حـرگــوا ٱخـيـمـنـا
وركـضـنـا انـلاوذ بـكـتـرك
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
تقرأ مع تبديل الرايات
قريض
حسينٌ حسينٌ حسينٌ حسين
أتـانـا مُـحـرَّمْ بـجُـرْحِ السماء
وجـاءتْ حكايا أبي الشهداء
فأهلاً ودمعـاً بـشـهـرِ الـعـزاء
وحيَّ على الحُزْنِ يا كـربـلاء
أتـانـا مُـحـرَّمْ بـنـزفٍ جـديـد
وسِـيْـقَ الكلامُ بكفِ الـوريـد
بـرايـاتِـهِ كم يَـرُفُ الـنـشـيـد
فعاشَ الحسينُ ومـاتَ يزيـد
هُنا رايةُ الحقِ طولَ العصور
عليها أبو الفضلِ دومـاً يدور
ونـحـرٌ وكــفٌ ودمــعٌ وقــور
عـلـيـهِ صـدورُ الـرجـالِ تفور
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
{ آلُـۜسـۨۚ✋ــِۖلُأمُ عليك يا أبا عبد الله الحسين }
Читать полностью…
كرار .. كرار .. كرار .. يا حيدر
يالتدور وي الدمه ..
علي يا حامي الحمه .. مولانه
شفتك بعين الگـلب ..
شمس ضوّت كل درب .. يضوانه
إسمك أقرب منّي إلي ..
بذكره گلبي تنجلي .. أحزانه
والله لعيونك عشت ..
بدون حبك ما ردت .. دنيانه
كرار .. كرار .. كرار .. يا حيدر
ــــــــــــــــــ
بس إلك گلبي يدگـ ..
وبس إلك يحلى العشگـ .. يا حيدر
نظره منك مُـنيتي ..
هاي تسوه دِنيتي .. اي وأكثر
حبك ايهذب النفس ..
ايبدّل الظلمه بشمس .. تتنوّر
مدرسه اتخرج زلم ــ
امعدّله وما تنهزم .. ما تخسر
كرار .. كرار .. كرار .. يا حيدر
ــــــــــــــــ
گالوا تعوفه؟ : گلت ..
ما أعوفه لو متت .. للتالي
آنه من عنده إله ..
چَـنّي واحد من هَلَه .. وما أغالي
مطمئنّ بصايته ..
تارس إيدي بنعمته .. ما أبالي
"علي" يا روحي اكتبي ..
خل يموت الناصبي .. وعُذّالي
كرار .. كرار .. كرار .. يا حيدر
ــــــــــــــــــ
أحمد هادي الشمري
https://youtu.be/ieVErzLoio0?si=G3L6nP_iBB5e0JMn
مليكة حياتي
جديد
ولادة الزهراء عليها السلام
جديد
للإمام الحسن عليه السلام
. كلما هل صـفـر
بچفوف القــدر
جــرحك ينفتح
ويبچّي الـدهــر
*---------------*---------------*
يا صـوت العقل والــديــن والحكمه
ويا خُلق البشير وخِــلــقــتــه ودمه
لـلــگــالــوا عــلــيــك وما رعوا ذمّه
نگول القاع ما يـفــهــم حچي القمه
ظل لـغــزك صعب
عـالأســود گــلــب
الصحره بيا عـقـل
تحچي إعله البحر ؟!
*---------------*---------------*
الكرم يوم الصرت ينحسب ميلاده
يا شــيــخ العــرب يا سـيـد الساده
ومن بابك .. يـوارث شيمة أجداده
المؤالف والمــخــالــف ياخذ مراده
يا شـيـخ الزمن
چفــك لـو عدن ؟!
يتـحـوّل ذهــب
لو شـال الصخر
*---------------*---------------*
وي جيّة صفر .. جرحك يفز بينه
ووسط گــلــوبـنــه آلامك تبچّينه
وحگ جـسّـامـك ورمله ونواعينه
لهسـه سـهـام ذاك الـنـعـش تأذينه
ولـو گالوا (سهم)
نــشــعــر بـالألــم
شچم شاب والك
مكسور الــظــهـر
*---------------*---------------*
شـمـا دار الزمان وطـالــت الـمــده
جرحك هـذا جرحك والنزف بعده
ألا تــبّــت يداها بكل زمن (جعده)
بس مهدينا جرحك يــگــدر يشده
وبــلــيــل الجرح
المهدي يمر صبح
مـيـظل كــل ألــم
بــاچــر لو ظــهــر
*---------------*---------------*
ما بين أربعين حــســيــن والــعــاشـر
يمر جرحك وجرحك چم گلب كــاسر
يدوس إعله الصدر چن دوسة الحافر
وسهم نعشك (مثلث) يالحسن صــاير
وبسم الحـقـد
محـزوز الچبد
طفين أصبحن
چبدك و النحر
*---------------*---------------*
مصابك يالحسن يصعب على أحبابك
والأصعـب ولا شـيـعــي إجــه ابـابــك
غـريـب ووحشه يا أبـو محمد اعتابك
مـشــتــاگـيــن واللـه لـشـمـة تــرابــك
نــقــســم بالودج
مـــولاي الــفــرج
بچفوف الــزمــن
چم شيعي نعصر
*---------------*---------------*
✍️خادم الحسين ع
الشاعر أحمد هادي الشمري
وعيونه
جديد
محرم 1445 هـ
https://youtu.be/j98GlkUKU5Y?si=-8RAOJTVav37Qn8R
صروفُ الدهرِ إنْ تقسو .. عليّا
ستبقى هامتي نجماً .. عليّا
غداً سأصيحُ أهلاً يا .. عليّا
بنعشٍ ، ضمَّ جُرحَ الغاضرية
أهلاً بعلي بأرض علي "عليه السلام"
أبوذيه عن حب سيد الشهداء "ع"
. الزمن ما شرته يوم وخذت.. رايه
ولا طمـعـان گـلـبـي بـ ملك.. رايه
أنـه الشايل محبة حـسـيـن.. رايه
وخذت عقـلـي ليالي الـغـاضـريـه
*---------------*---------------*
✍️خادم الحسين ع
الشاعر أحمد هادي الشمري
#يانجمة
ليلة أم البنين عليها السلام
. يا نجمه ، ارحمي بحالي
واحچيلـي عـن الـغـالـي
شــو مـخـتـنـگ دلالــــي
يا نجمه
*---------------*---------------*
خـل يـسـولـفـلـج ينجمه لـسـان الـجـروح
وشـدي حيلج هـالـمـصـيـبـه أتطلّع الـروح
للسمه أم عباس مـنـهـه الـنـظـر مـشـبـوح
اتـگـلـچ بـسـيـف الـمـوادع گلبي مـذبــوح
ما بيـهـه حـيـل الكـلـمـه
وتلچمهه حتى النـسـمـه
الدمعه بجفنـهـه اتـلالـي
*---------------*---------------*
ساعه تنظرلچ وسـاعـه ٱتـخـط عـالـتـراب
أربـع أسـمـاء لـولـدهـه وتــبــدي الـعـتـاب
خـاف قصرتوا بـخـدمـتـه ابـن أبـو ٱتـراب
لـو يـردلـي حـسـيـن سـالـم أبـقـوا غـيـاب
آنــه وبـنــيــنــي فــدوه
لحسيني راعي الـنـخـوه
بـالأربــعــه مــــا أبـالــي
*---------------*---------------*
احچيلي عن گلبه ينجمه، راوي . عطشان
خايفه بـذيـچ الـصـحـاري جـدمـه تـعـبـان
الدنيا ما تـرحـم الـطـيـب وأبـو الـوجـدان
والزمن شو چـنـه جـنـدي لـبـنـي سـفـيـان
يا نجمه بلله احـچـيـلـي
وويـن الـظـعـن گـلـيـلـي
وشيسوي هـسه الـوالـي
*---------------*---------------*
بــده لـسـان الـحـال يــروي لٱم الـبـنــيــن
اتـگـلـهــه يـالـحـره شـگـلـچ . لا تـمـوتـيـن
احسينچ يظل وحــده بـاچـر بـالـمـيـاديـن
الله أكــبــر مــالــه نـاصـر ، مـالــه امـعـيـن
وعباسـچ إعـلـه الـغـبـره
لا يــمــنــتــه ولا يـسـره
مخسـوف بدره الـعـالـي
*---------------*---------------*
مـدلـلات حـسـيـن بـاچـر عـالـثــره ٱتـنـام
وزيـنـبـچ صـابـغ وجـهـه ٱرمـــاد الـخـيـام
والشمـر بـالـسـوط يـحـرگ گـلـب الأيـتـام
باچر ارقـيـه الــعــزيــزه ٱتـمـوت بـالـشـام
يـا حــره بــاچــر بــاچـر
يوم الـقـيـامـه ، العـاشـر
من الزلـم ظـعـنـچ خالي
*---------------*---------------*
شگـد دعـيـت الله يـحـقـق دعـوتـي هـاي
فــوگ طـف الـغـاضــريــه أصـبـح ٱفـيـاي
بـچـفـي يـم عـبـاس أنــزّل غـيـمـه ويــاي
حـتـى أگـلـه يـبـو الـيـمـه تـهـنّـه بـالـمــاي
كلـمـة عـطـش تـأذيـنـي
لو بيدي أعـصـر عـيـنـي
يـا حـره هــــــاي آمـالـي
*---------------*---------------*
✍️خادم الحسين ع
الشاعر أحمد هادي الشمري
مذهب علي ، فوگ السمه ، عالي عالي
نرخص إله ، كلشي ويظل ، غالي غالي
شرفنا بخدمته
وكتبنا برايته
عالي عالي
...........
رافضية ، وجعفرية
زلم حامي الحمه
إحنه ولده ، وإحنه جنده
اتعرفنه الموزمه
شيعة جعفر الصادق ، ما بينه اليضم رأسه
الله امبارك بچفنه ، چي تلطم لَـ عباسه
مو من عدنا اليفرّق ، ما بين إخوته وناسه
الشيعي بمذهبه تعرفه ، مو الأحزاب مقياسه
كلهم ربع ، هذا الخبر
ذيعه ذيعه
يوحدنا حب ، ابن الحسن
شيعه شيعه
يلمنه بصايته
وكتبنا برايته
عالي عالي
.......
عدنا مذهب ، امباركه الرب
حفظ وجه الشرف
عنده ساده ، وعنده قاده
عزمهم ما ضعف
من چف الگمر شربوا ، ماي الغيره ، حيّاهم
كسروا هيبة أمريكا ، وتلگوا مناياهم
بالبر والبحر والجو ، وين تروح تلگاهم
تره حيدر علي وولده ، بالميدان وياهم
زلمة حرب ، لمن يطب
ساحة ساحة
غيمة سمه ، ويمطر دمه
سلاحه سلاحه
الحشر چن ساعته
وكتبنا برايته
عالي عالي
.......
شلون نخسر ، وعدنا جعفر
يعيش بلا عُمر
رغم موته ، باقي صوته
نسمعه بكل عصر
بس العنده گلب أبيض، يسمع صوته ويفهمه
يحمل راية أفكاره ، ويغرف من بحر علمه
مو شرط إلا بالحوزة ، ولازم يرتدي العمه
الصادق مدرسة وتقبل ، بس الزلمة ابن زلمة
لا تنحرم ، سجّل الك
موقف موقف
شد الجرح ، مذهب علي
ينزف ينزف
انصره بشدته
وكتبنا برايته
عالي عالي
.......
هايه رايه ، وذيچه رايه
يرفّن بالدول
من عراقك ، لأرض فارس
حشد خوه وأهل
وبلبنان نصر الله ، وذاك اليرعد بصعده
ياهو اليقهر الشيعه ، ورايتهم صفت وحده
خيبر رجعت وگاموا ، ولد المرتضى وجنده
صاحوا يا علي وردوا ، شگد يوجع علي ورده
مثل المطر ، ذاك القصف
ناره ناره
وحامي الحمه ، يحمي أرض
جاره جاره
الوفاء بكلمته
وكتبنا برايته
عالي عالي
.......
الطف إرثنا ، وهيّه نعمه
الشهادة والقتل
الدنيا مدة ، مو طويلة
شِبه نومة طفل
من يستشهد القائد ، يطلعلك حشد قاده
إحنه الآمر الناهي ، وغصباً عالدول ساده
مو شيعي الصبح همه ، بس بمشربه وزاده
الشيعي الصح يظل ينطر ، واچفوفه على زناده
يظل يرتقب ، لابن الحسن
عينه عينه
صوت الگلب ، يصرخ يظل
وينه وينه
الخلاص بجيته
وكتبنا برايته
عالي عالي
.......
أحمد هادي الشمري
حوار بين السيدة رقية وفاطمة العليلة (عليهما السلام)
نامت رقيه نومه مو طويلة
وبالرؤية شافت فاطمة العليلة
وتلاگن الخوات .. سوّه الدمع فرات
.......
من وحي الخيال ، القصة أقراهه
وعيون أبو صالح تبچي وياهه
رقية ، الطشروا فوگ الثره دواهه
تعالوا للخرابه انشوف رؤياهه
تحچي العليلة الذابله التعبانه
يرقية يختي شبيچ شو كبرانه
يا خيرة البنات .. سوه الدمع فرات
..........
تلاگن والدمع ظل يحچي عين بعين
العليله اتگلهه يرقيه هلي چا وين
وهذا الدم على اثيابچ يختي منين
بيه ريحة محنة تگول نحر حسين
اللــــه شگد شايل عطر محنة
بس لا يخيتي هذا دم أهلنه
چا شلي بالحياة .. سوه الدمع فرات
........
يخيتي شلون أخوي الطفل بالسفره
مشتاگه اشم عبد الله من نحره
وأشوف شلون أبوي اينومه بصدره
رقيه تگلهه أخوچ اندفن بالصحره
يا فاطمة وبالخيمة لمن شفته
من الألم لازم سهم رگبته
وعيونه ذابلات .. سوه الدمع فرات
.........
شحچيلچ ، حچينه ايكبـّـر العلّه
تره الحافر ببويه عظم ما خله
الشوك ايجرّح ايدي بعثرة الهزله
ونطب للسوگ والديوان مو سهله
كل المصايب يالعليله صعبه
تتفرج علينه الزلم بالغربه
وچفوفي داميات .. سوه الدمع فرات
........
أمشي وراس أبوي إعله الرمح عالي
شما أتعب أحس وجهه ايتدنالي
الظُهر ، فَـي راسه ، من الشمس يبرالي
هو الوالي بأي موقف يظل والي
الدم جامد بعينه ويصد عَليّه
چنه يگلي البيچ كونه بيه
ما يحجبه الممات .. سوه الدمع فرات
.........
أبوي ، المو جميل الصبر بفراگه
يريت إعله الصخر أوگع من الناگه
دموعي المثل جمر الخيم ، حرّاگه
أحس كل دمعه تصرخ بويه مشتاگه
يا فاطمة بِـ فاطمة ادعيلي ،
اللـه يعجّل موتتي ورحيلي
ادعيلي بالصلاة .. سوه الدمع فرات
.........
الشاعر
أحمد هادي الشمري
أبوذية إلى سيد الشهداء "عليه السلام"
خـيــول الــدنــيــا كـلـهـه.. لو تـركـنـي
وحــوافــرهــا الـثـجـيـلـه.. لوت ركني
أكــابــر ، فــقــط چــفــك.. لو تـركـنـي
بحضن أمــي وأحـس غـربـه عــلــيــه
✍️ أحمد هادي الشمري
السلام على #علي_الاكبر
. أوگـف يا بــعــد عــمــري
وحط راسك على صدري .. يالأكبر
بـعــدك يا هــوى الــريــه
مـــــا تـلـگـه نـفـس بـيـه .. يالأكبر
*---------------*---------------*
يــبـنــي الــبــيــه أشوف الهادي جدي
بغلاة الــنــفــس وأكــثــر أنت عـنـدي
بـيّــه مـــوادعــك لـلـگـــبـــر يــحــدي
وگبل ســهــم المــثــلـث زرف چـبـدي
مـن درت الـوجـه .. رايح
تـعـنـالـي سـهـم جــــارح .. يالأكبر
وطـاحـت روحي مغشيه
مـــــا تـلـگـه نـفـس بـيـه .. يالأكبر
*---------------*---------------*
الــعــرب عــاداتــهــم الــرايــح بـأمــره
طــاســة مـــاي تــشــمــر وره ظــهــره
وأنــه يا مــاي عندي حــتــى اشــمــره
حتى دمــوعــي صــارت يبني حــمــره
أول مـره أحـس روحـي
صــارت أزغـر جـروحـي .. يالأكبر
وصـارت عيني مـعـمـيـه
مـــــا تـلـگـه نـفـس بـيـه .. يالأكبر
*---------------*---------------*
گــلــبــي أتــخــايــلــه گــــدام مــهــرك
يــتــلــگــاك لا واحــــــد يــــعــــثــــرك
عـلــي يا عــلــي يا بـويــه شــخــبــرك
بــس الــمــوت يـجــبــر هــذا كــســرك
يمي انت وصحت وينك
اشوف الدنيا من عيـنـك .. يالأكبر
الـزمـن غــادرنـي تـالـيـه
مـــــا تـلـگـه نـفـس بـيـه .. يالأكبر
*---------------*---------------*
قــبــل لا اگــلـك تــــوكـــل يــعــمــري
الكسر من صدري وانشاف اعله ظهري
يبو طــول الـيــصــفــن العين .. تدري
چــنــت أتمنى تــوگــف فــوگ گـبــري
وتقره الفاتـحـه بـدمـعـه
وزيـنـب يــمــك وتـنـعـه .. يالأكبر
الـگـلـب مــاتـت أمـانـيّـه
مـــــا تـلـگـه نـفـس بـيـه .. يالأكبر
*---------------*---------------*
أشــوفــك يـا عـلـي للحـرب تــمــشــي
وراك الــروح ركضت مـدري نــعــشــي
الــدمـوع و صورتك وگفن بــرمــشــي
علي بلياك ظـل يــجــرحــنــي أي شـي
مـا چــنــي أبــو الــيـمـه
جـدمي اتعثّره الـنـسـمـه .. يالأكبر
ودمـعـي نـشـف جــاريـه
مـــــا تـلـگـه نـفـس بـيـه .. يالأكبر
*---------------*---------------*
على الـدنـيـا الـعـفـا بــعــدك يــالأكــبـر
الرحت منه بعد شــيــخــاف يــخــسـر
يـل مــن الــعــطــش گــلــبــك تـفـطــر
أمـي اتاني جــيــتــك عــلــى الكــوثــر
بچف الـزهـره من تشرب
يبني اذكر عـطـش زينب .. يالأكبر
وگلب عبد الله و ٱرقـيـه
مـــــا تـلـگـه نـفـس بـيـه .. يالأكبر
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
.هاي المـديـنـه الـهـاشـمـيـه لـو مـگـبـره وبـالـمـغـربــيـه
طالع ضعن من عدها لو روح
مـا بـيـهـا بس جروح بجروح
وحـشـــه
*---------------*---------------*
ويـنـهــه الـنـاس
شصاير . شبيهه المدينه . وين أهـلـهـه ؟
اتـشـيّـب الـراس
ابـيـوتـهـه بلا روح يـمـكـن حان أجلهه
الـچـفـه يـنـبـاس
ويــن ابـن فاطمه الكل شده يـحـلـهـه
و ويـنــه عـبـاس
گـمـر هــاشــم والـيـسـمـونــه بـطـلـهـه
شـوفته صارت حيل وحشه والليل خانگ ضوه الـغـبـشـه
بسيف الظلام الفجر مـذبـوح
مـا بـيـهـا بس جروح بجروح
وحـشـــه
*---------------*---------------*
گـلـبـي مـرعـوب
وأشعر إعلـه الگاع راد يـطـيـح گـلـبـي
بــيــن الـــدروب
الناس چنها گبور تمشي .. استر يـربي
خـنـگــةْ غــروب
وماكو بچفوفي حبل بس چنّي مسبي
إعله ابن يعگوب
وعـالـظعن مو دمع .. دم يا عين صبي
شـلّال يا عـيـنـي ابچي لجله باچر الـمـوت ايـطـشّـر أهـلـه
عـاري ويظل عالغبره مطروح
مـا بـيـهـا بس جروح بجروح
وحـشـــه
*---------------*---------------*
صــــــوت الآذان
بـالـمـنـايــر مـخـتـنـگ واتـحـسّـه عَبره
الـماي عـطـشـان
حـسـيـن چان الماي والـنـهـران صحره
الـيــقــره قـــرآن
اشيقره(والشمس وضحاها)؟..الشمس سمره
وكـلـشـي بـردان
حسين چان الدفو الما شالته الـجـمـره
مات الـهـوه بـجـو الـمـديـنـه والنفس خنگه امـشـيـعـيـنـه
وبـاب الـگـبـر للعمر مـفـتـوح
مـا بـيـهـا بس جروح بجروح
وحـشـــه
*---------------*---------------*
بـعـد مــيــعـــود
الچان مـن يدعي تحط بـيـده الحمامه
وچــان عــامــود
والـمـديـنـه تـكـشـخ بـأهـلـه وعـمـامـه
الـبـاب مـســدود
عـلـى الدنـيـا وانـفـتـح بـاب الـقـيـامـه
الأمـل مـفــگــود
والـسـلام اقـراه بعده إعـلـه الـسـلامـه
فـاهـي الـعـمـر ما إله قـيـمـه سافر الندعي اللــه يديــمه
وبـس البچي والنوح مسموح
مـا بـيـهـا بس جروح بجروح
وحـشـــه
*---------------*---------------*
بــاچـــر الـكــون
والله مو بس الـمـديـنـه اتـصـيـر غـربه
مــن يـگـطـعـون
اِمن الگفا راس الحسين ويگضي نحبه
بــاچــــر شـلـون
يـطـلـع بـسـهـم الـمـثـلـث ثـلـث گـلـبـه
وظـعـن أم عـون
مـاكـو مـجـلـس بيه شـمـاتـه مــا يطبه
الـسـجاد باچر گلبه محروگ يوگفون عمته الحُره بالسوگ
يـبـاوع عليهـه اليجي ويروح
مـا بـيـهـا بس جروح بجروح
وحـشـــه
*---------------*---------------*
. محرم¹⁴⁴⁶
✍️خادم الحسين ع
الشاعر أحمد هادي الشمري
قصيدة لخروج الحسين ع من المدينة
. بـهـدوة الليل الـمـوادع حـلـه
يجدي مـجـبـور أروح لـكربله
*---------------*---------------*
مختنگ صــدر الـمـديـنـه بـهـالـمـسـيـه
بـعـبـره مـن دم فـاطـمـيـه .. حـيـدريـه
نـزل ظـعـن حـسـيـن بـحـمـول الـرزيـه
والــمــوادع حــان لأرض الـغـاضــريــه
تراب جـده حـسـيـن ٱيـقـبّـلـه
*---------------*---------------*
مـن الـهـوادج نــزلـن ابـنـات الـوديـعـه
وسمعن الـغـالـي يسـولـف بـالـفـجـيعـه
شلون ضاگت بـيـهـن الگاع الـوسـيـعـه
واجه يركض بالـعـلـم راعي الـشـريـعـه
گـال مـمـنـوع تـبـچـي مدللـه
*---------------*---------------*
إجـت لـيـلـى وزيـنـب وسـكـنـه وربابه
عـلـى حـسـيـن ٱلـتـمّـن إبويه ويـيـابـه
وهو يا جد صـاح گـبـرك فُـكـلـي بـابـه
بـلـكـي يـرتـاح الـگـلـب ويخف عـذابـه
ابـنـك وجاك گوم اسـتـقـبـلـه
*---------------*---------------*
والله مـو هـيـنـه علي هالفـرگـه يا جد
وأنت تدري بهوى گبرك جـرحـي ينشد
الـچـان يـصـعـد على چتافك يا محمد
فــوگ صـدره بـاچـر الــذبّــاح يـصـعـد
إمْنِ الگـفـا يصير ذبحه بالفله
*---------------*---------------*
من بـعـد حـضـنـك يجدي ايلمنه گبرك
وأنت حـي ميت ولا مـنـطـيـنـه ظهرك
بـــاچــر بـكـربـلـه يـا طـارش يـخـبـرك
گول سحگوا صدري لو يختنگ صدرك
الحافر يـدوس صـدر البسمله
*---------------*---------------*
باچـر بـكـربـلـه جـسـمـي ايـگـطّـعـونـه
والـظـعـن فـــوگ الـهـزايـل يـاخـذونـه
لـمـجـلـس الطاغي يجدي ايـدخّـلـونـه
وبـخـرابــه عـلـى الـگــاع ايـبـيّـتـونــه
الراح والجاي يصد لـلـعـايـلـه
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
#باب_الخدمة
هــذا هــلال عــاشــورك هلـه بشهرك يـبـو الـيـمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
قــبـل لا يـطـلـع هـلالــه ويـخـيّـم شـهـر المـحـرّم
عصف ريـح البله وگلبي مـثـل صـيـوانـك اتـهـدّم
تـرفـلـك رايــة عـيـونـي وبـكـل دمـعـه الك مأتـم
وعـبـد الـزهـره ياخـذني بـالـمـقـتـل لابـن حـذلـم
وافز من زحمة جروحي وأگـلك يا ولـي الـنـعـمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
أريــد لـعـالـم جــروحـك إذن حـتى أدخل بحرگه
أأدخـل وآنــه خـادمـكـم المـا يـهـتـم بالـيـسـبـگـه
گـبـل چـفـي ركض گلبي تــعــنــه لـبـابـك ٱيـدگـه
عـلـيـك بـذاك بـاب أمـك الباب بوجهي لـتـغـلـگـه
هـا يالـمـا عـفـت چـفـي وعـلـى الـ(تـدلل) امعلّمه
أتأذن يا حـسـيـن أدخـل مـن بــوابــة الــخــدمــه
*---------------*---------------*
وحـگـك وأنـت تـدريـنـه جـوه الله كـتـبـنا اسمك
الـيـحـبـك أكـبـر أحلامـه الله يـوفـقـه ويخـدمـك
يـسـر الله الـفـلا يـنـضـم نـسـولـف بـيك منكتمك
الـدنـيـا وبيـهـه ما بـيـهـه ما تـسـوه نعل جـدمـك
اســمــك حــرز شـدتـنـه وبـكـل مـعـضـلـه نقدمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
الما ينزف على جروحك خــارج مـنـطـق الـغـيـره
والـمـا يـبـچـي لـعـيـالـك حـجـر مـو بـشر تفسيره
تـره الينحرم خـدمـتـكـم ضــاع وضــاع تـقـديـره
أخـذنـي شـمـا ردت أقبل المهم لـتـعـوفني بحيره
إذا درت الـوجــه عــنــي أشـعـر بالشمس عـتـمــه
أتأذن يا حـسـيـن أدخـل مـن بــوابــة الــخــدمــه
*---------------*---------------*
سـواد الـگـلـب مـا يـبقى مـن ألبس علـيـك أسود
وإذا نـار الـجـدر تـطـفـى نـار الـگـلـب مــــا تـبـرد
أشـد حـيـلـي إلك وٱذكـر جـرح صـدرك الما ينشد
وأخـجـل أوگـف بطـولـي وأنـت إعله الـثـره امدد
شـلـون الما شـرب گطره بـالـطـف سـابــح بـدمـه
أتأذن يا حـسـيـن أدخـل مـن بــوابــة الــخــدمــه
*---------------*---------------*
✍️خادم الحسين ع¹⁴⁴⁶
الشاعر أحمد هادي الشمري
جديدنا
ولادة الإمام الحسين عليه السلام
https://youtu.be/2TuoqRTjqo8?si=TST6XRU2VWm-QzE7
https://youtu.be/cObTipWko_w?si=KKJ91Kl6-IQuQAvZ
جديد
مولد الإمام علي عليه السلام
وفاة القاسم بن الكاظم عليهما السلام
زاير القاسم أفلح وفاز
مشكور هذا السعي مشكور
گلبك بحب العتره معمور
اخلع ظلامك والبس النور
صك الأمان استلمه مأجور
المذلول يصبح من العزاز
_**_
هذا الغريب العاش مهموم
ومن الاهل والدار محروم
شايل الماي ويروي بالگوم
العن يزيد .. اذكر المظلوم
واعله الصراط اليذكره جاز
_**_
من الوقار .. امحيّر الناس
چنه انخلق من نور واحساس
والشافه صار براسه وهواس
هذا علي لو هذا عباس ؟
هذا لغز مو مثل الالغاز
_**_
شوف الرضا من الغربه شيگول
لو درب مشهد عنك يطول
للقاسم امشي بجفن مبلول
ولمن تزوره .. زيارتي اتنول
والزار اخويه اعله الفضل حاز
_**_
الطيب ابن الناس الاطياب
الله اعله چفه يجري الاسباب
لو تطلبه وتريد الجواب ؟
بس حلفه بالطاحت على الباب
بعينه المصيبه تنثر اكزاز
_**_
چن والده الكاظم تعناه
وأمه الزچيه تمشي وياه
ويلاه صاحت يبني ويلاه
غربتك مردت گلبي وحشاه
سيف الحزن بضلوعي حزّاز
_**_
هالليله وجه الدنيا مخطوف
ودمع السمه عالگاع مذروف
چن عالشريعه طاحت چفوف
وگام النهر يلطم عالجروف
وين اهله لتشيله يجناز
_**_
أحمد هادي الشمري
#جديد
إلى الإمام السجاد عليه السلام
حيلك مـنـهـدم .. ذبـلان الـجـسم
ولو هـب الهوى .. گلبك يـنـلـچـم
&_&_&
يبو جرح الـچـبـيـر السمه مو گده
زايـد بالنزف عـالـقـبـلـه والـبـعـده
بجسم تعبان ما يگدر على الگعده
يـا سـلّاب تـگـدر تــنــهــض ٱتـرده ؟!
چـانـت دمـعـتـك .. تشرح قصتك
بقطعة من الگلب .. تـطـلـع ونّـتك
&_&_&
عـاشـور الـمـصـايـب من طلع صبحه
عينك شـافت الما يـنـوصـف شـرحـه
أبوك من الگفا .. شـمـر الخنا ايذبحـه
وأخوك الطفل راسه يطيح من رمحه
راس من الضوه .. بظلمة نيـنـوى
من گد مـا تـرف .. طاح من الهوه
&_&_&
العصا طاحت من ايدك . طاحت بحيره
من طاحت الـجـربـه من ايد أبـو الغيره
ومن سـلـبـوا تـراچـي الـطـفـلـه الزغيره
عـلـى جـاسـم والأكـبـر طـرفـك اتـديـره
لا عـم لا أبــو .. لا صاحب وأخو
شخلت كربله .. والـي ظـل مـنـو؟
&_&_&
خذوك إعله الهزل والـحـرم مسبيه
اچفوفك بالحديـد الـحـار مـدمـيـه
ومـن گـد ضيمهه عـمـتـك المسبيه
عنها تحاچي روحك . هيه مو هيه !!
اشسوت كـربـله .. ابت عقد الوله
مسبيه أصبحت .. وشگد ذابــلــه !
&_&_&
خبر والراوي عن ذاك السبي ينقله
يوصّف حالتك والحاله مو سـهـلـه
تطيح اعله الوجه مــن تعثر الهزله
ياهو الظل عدل والـگـيـدك يـفـلـه
الروح ملوّعه .. بثگل الجامعه
تتمنى الگـمـر .. چفه يـرجّـعـه
&_&_&
مـن دم ودخان وسـبـي .. آلامك
وانصبغت بـلـون الـعـاشـر أيامك
متت وي كل عـزيـز نذبح گدامك
وكلهه تهون بس الغالي (إسلامك)
انطيتوا بلا عدد .. حتى البـالـمـهـد
مـوعـود بـنـصـر .. من الله الـوعــد
&_&_&
✍️خادم الحسين ع
أحمد هادي الشمري
الخيل الخيل بلا رحمه .. هجمت عالصيوان
ارجع عوف الماي وبيدك .. طفّيهه النيران
داسوا ايتامك بالحافر
وحسينك ظل بلا ناصر
طايح عالتربان
ــــــــــــــــــــــــ
يمرجّف گلوب العده .. البلمعركه والما جاي
منخلق من ماي ووفه .. وفّاي وابن الوفّاي
يالغافي بعيونك نهر .. ارجعلي ما اريد الماي
اباب الخيم هذا الشمر .. والنار بچفوف اعداي
العَطَش ودخان الخيمه
يحرگ بالانفاس
واطفالك من تحت الحافر
تتصارخ عباس
ما اصرخ لا يطلع صوتي
وتمنّيت يگرّب موتي
يا فارس عدنان
ــــــــــــــــــــــــ
اركض وأدوّر بالخيم .. وجدامي تحرگهه النار
وبين الحوافر واللهب .. ضاعولي ايتام زغار
هذا البلسياط نضرب .. وذاك التصوب بحجار
والشمر يركض عالحرم .. وايصيّح الثار الثار
والسجاد يلملم حيله
يوگف بس يطيح
تطلع روحه قبل الچلمه
وبلا صوت يصيح
يا زينب ما ظلّت خيمه
خيمتكم يا عمه الهيمه
من بعد الوليان
ــــــــــــــــــــــــ
ما عندي راي وحايره .. أنطي الوجه إلمن .. وين
العيله هجّت بالفله .. واركضت خويه إعله حسين
يا ريت عميه ولا شفت .. ابن امي صاير نصين
الف وتسعمية جرح .. وكل جرح شايل جرحين
ذاك الوجه الضاوي مدمّه
ومن الحر ذبلان
بآخر انفاس يحاچيني
يا زينب عطشان
جاوبته اشرب.. هاك عيوني
ويا ريت وياك يذبحوني
ولا اسمع عطشان
ــــــــــــــــــــــــ
يا خويه إجيتك للنهر .. ما چني اجيتك عباس
لا گمت لا گتلي هله .. ولا أمّنتني من الناس
عفت الدلال وي الخيم .. جمرات بآخر انفاس
وذيچ الأميره أم الخدر .. بلا والي ومدنگه الراس
عباس وياهو اتعناله
من اشعر بالخوف
يا عين الدنيا، انظر لاختك
شيل النبله وشوف
الما چان يعاين لخيالي
يضحك من صدلي بلا والي
دهري شگد خوّان
ــــــــــــــــــــــــ
أحمد هادي الشمري