-
نسال الله التوفيق لخدمة الحسين ع
الكسر والباب // جرح وعتاب
تره البسمار // جرح ماطاب
علمصاب الجره ابابچ/// تنوح وتلطم احبابچ
===========================
كسر ضلعج // وجمر دمعج// يظل بينه
عله مصابچ // وحرگ بابچ /// بـواچينه
بقت مرسومه اثاره
جرحج ماطفت ناره
يلزهره وعليچ العين
تبچي بدمعه عباره
السطر يـ ام الحسن عينچ // ابد ماينتمي لدينچ
ابد مايبرد مصابچ /// تنوح وتلطم احبابچ
==============================
غصب حگچ // وذبـح ولـدچ // فلا ننساه
عله ايامچ // وعلى المحسن// نصيح احاه
نارچ بينه ماتبرد
وجرحچ بالصعب يضمد
لمن يظهر المهدي
ويصير الثارچ المسند
باچر لو اخذ ثارچ /// يبرد گلبچ ونارچ
تظل بحسرة اغيابچ /// تنوح وتلطم احبابچ
============================
دفع الباب /// والاصحاب /// يلزهره ياذونه
گلب حيدر /// تره تفطر/// من الشافه خيعونه
يعين الله گلب حيدر
من الشاهده اتفطر
ثچيله وتكتل اهمومه
وبقه بالدمعه يصبر
ونينه ودمعه ظل دايم // علشافه بضلع فاطم
عليه ظل الحزن شابچ // تنوح وتلطم احبابچ
&&&&&&&&&&&&&&&&&&&&&&&&&&&&
اشد اصواب // لداحي الباب // من شافچ
نحنه ظهره /// وخلص صبره // لمن عافچ
ظل بــحسرته وونــه
ودمـعاته حچن عنه
ذكرچ والضلع والباب
كــل مغرب يلــچمنه
تخنگه بـفرگتچ عبره // خلص عمره وخلص صبره
ابد ماحاسب احسابچ // تنوح وتلطم احبابچ
===============================
حسن وحسين /// جرح جرحين /// يألمهم
جرح جدهم /// جرح محسن /// جرح امهم
يبچون الصبح والليل
ما عدهم صبر لا حيل
واحدهم كلف جرحه
يصيح من الحزن ياويل
فرگتچ والضلع هدهم /// بعد ياهو البقه عدهم
تره البسمار من صابچ /// تنوح وتلطم احبابچ
========================
/channel/ahssan313
الــچ يـلزهره ولـحيدر ولانه
ولـيه الــحزن بـغيابج ولانه
لاواحد وصـل گبرج ولا نه
اشوفنه وتـرد الروح الـيه
========================
شوكت يلزهره ناخذ يوم ثاراج
ونـصل گبرج ونشتم طـيب ثاراج
نـعشج مـو بـگاع انـدفن ثاراج
ابگلب كل شيعي يلزهره الزجيه
========================
كسر ضلع امنه يدي ودوم ماطاب
وعگبهه كل طـعم للــزاد ما طاب
امن الصد علدار ودي الدار ماطب
لان مظلم غده دون الزجيه
========================
/channel/ahssan313
ابيات ابوذيه لاستشهاد مولاتي الزهراء ع
اره البسمار بعيوني وره الباب
وره المحسن سگط منهه وره الباب
وشوف الباب مذوهله وره الباب
لمصاب الزهره بت سيد البريه
========================
حـزينه ارواحنه ومـا مر نعشهه
فــرح وايـامـنه بـحسره نعشهه
لــئن بـليل يــشيع نعشهه
وگبرهه علينه ظل مخفي الزجيه
========================
فرح مــابيچ يادنيا نعي شبيج
وعسانه نموت مالحظه نعش بيج
لان لأم الحسن شالوا نعشج بيج
كـسير اضـلوع ودمــوعه جـريه
========================
/channel/ahssan313
السلام عليك يارسول الله
اليوم يودع حيدر روحه
=======================
يودع حيدر طه الليله
صبره عالفرگه يتچيله
ومتهدم دلاله وحيله
والأملاك تنوح لنوحه
اليوم يودع حيدر روحه
=======================
يودع روحه وحيله مهدم
وگلبه من الحسرات اثلم
وظل الناظر يهمل من دم
ودمعاته اعله الخد مسفوحه
اليوم يودع حيدر روحه
======================
همه الكرار شكبراته
تكتل حسراته وناته
والقرآن تنوح آياته
وچم سوره الامست مجروحه
اليوم يودع حيدر روحه
========================
حيدر وام حسين الزهره
منهم دم تجاره العبره
واحدهم يتوچه بصبره
وماتنعد لاتحصه اجروحه
اليوم يودع حيدر روحه
=======================
من شاله الكرار يدفنه
بيده وگام يغمض جفنه
هال اترابه وبين حزنه
كل سر گام النوح يبوحه
اليوم يودع حيدر روحه
======================
شلون ايرد ودمعه يهمله
وتتلگاه الزهره اسئله
أزيد امصابه ويثگل حمله
والحسبات اتهد اسفوحه
اليوم يودع حيدر روحه
=====================
يتلگونه أولاده بهمهم
بدمعه اعله فراگه يصبرهم
يسكتهم ويهود ونهم
وعين الزهره الهم مشبوحه
اليوم يودع حيدر روحه
========================
/channel/ahssan313
تمادوا اليدعون چـانوا صحبتة
مارعوا دار الزجيه وحرمته
================================
الذي يدعون صحبان النبي
هجموا اعله الدار وين الناصبي
ولسمه بدعوتهه ظلت ترتبي
فاطمه اعله الصار وعله الشافته
مارعوا دار الزجيه وحرمته
=================================
الرساله الساميه الضد الكفر
ماراعوه صحبتة أصحاب الغدر
ارتدو ثوب الخدعيه والمكر
اچفوفهم دار الزجيه حرگته
مارعو دار الزجيه وحرمته
=================================
اول أفعال الجرت من صحبته
عگب ما بچفوف اديهه سمته
اعتنت دار الزجيه وحركته
انقلبوا اعله اعقابهم نص أمته
مارعو دار الزجيه وحرمته
==============================
هجموا اعله الزهره حرگوا دارهه
وبضلعهه الباب ضل بسمارهه
وعله المحسن بقت تسعر نارهه
وان فاطم احرگوهه صرخته
مارعوا دار الزجيه وحرمته
===============================
مارضوا حيدر خليفتهم يصير
خالفو نص النبي بيوم الغدير
غير حيدر رادوا يخلون أمير
وهو حيدر شرفتهم سمعته
مارعوا دار الزجيه وحرمته
===============================
يهجر الهادي بحقد گالو عليه
وحيدر يگولون ابد ماوصه بيه
بالوصيه مگيدات اچفوف اديه
نسوا هذا ونسو يومه وحملته
مارعوا دار الزجيه وحرمته
========================
/channel/ahssan313
عله النوگ الهزيله رحنه لشام
ولاگنونه اشكثر عباس شمات
بخواتك بالحجر گاموا يشمرون
ويگلولي كفيلج عافج ومات
اسكت باليتامه وامسح ادموع
اكابر من اشوف اگبالي شمات
ومو لچمة جرح ونساهه وطيب
عباس وعلي بكل روحي لچمات
اصفن والمدامع تجوي الخدود
وكل مغرب يجيب لبالي صفنات
مو عثرة اجدم تهزنه ونطيح
شبعت بينه خويه النوگ عثرات
ناس من الخوارج كامت اصيح
وناس بلاذنب شبعتنه شتمات
وناس اصيح هاي اخت الكمر هاي
وعليه اعيون ظلت ترمي نظرات
مو شوغه جرح ملچوم وتهيد
شبعتنه الخرابه أشكثر شوغات
اشما نبعد علينه الحزن يدنه
سبونه وشاگفت بالسوط يدنه
نبي الرحمه يهاي الناس يدنه
رحهم لچن ما رحمو سبيه
=======================
/channel/ahssan313
https://youtu.be/5ECwyJbaoRA?si=6TxlSmGvUqSmhLaz
كلماتي وأداء الرادود عماد العطافي
https://youtu.be/XkaIMtVDOng?si=2X3xup2BW2lY92bz
كلماتي وأداء الرادود فريق الشافعي
رديت بضعن وبدمعي اناشدكم
شعجب ماواحد اتلگاني من عدكم
========================
من الشام الكم يخوتي رديت
بس ارماد باقي من الخيام الگيت
اون واصفگ بديه وبلبچي ظليت
وبدمعي وحسرتي اليوم اعاتبكم
رديت بضعن وبدمعي اناشدكم
=========================
رديت وحسبت احسابي تتلگون
زينب وعله حالي والسبي اسئلون
نومه اعله الثره ماحسبت تبقون
يخوتي وأنه زينب جيت افزعكم
رديت بضعن وبدمعي اناشدكم
==========================
افزعكم اريد واشتكي من الصار
بالشام انشتمنه وشامرونه أحجار
ووجوه الشماته علينه من تندار
يگولون ب علي بغضا نعذبكم
رديت بضعن وبدمعي اناشدكم
==========================
رديت وأريد اشكي الجره بحالي
تموت التبقه بالغربه وبلا والي
وأنه وحيده وغريبه ودمعي يبرالي
اناشد ونتظر ياهل الشيم ردكم
رديت بضعن وبدمعي اناشدكم
=========================
رديت ورقيه ماجابتهه وياي
ظلت بالخراب ياضوه عيناي
عطشانه اعله راسك ماتت بلا ماي
الچانت يا ابن ابوي مدلله بسدكم
رديت بضعن وبدمعي اناشدكم
==========================
المن اشتكي حاچوني يخواني
وانتم عله الثره ومحد تلگاني
مچتوفه وسبيه دهري خلاني
عگب ذاك الخدر ياهاشم وعزكم
رديت بضعن وبدمعي اناشدكم
==========================
فوگ اكبوركم هل الضعن دمعه
وگعدنه انوح يمكم وبحزن ننعه
وياهوه الي نعوفه وياهوه النودعه
وتهد اجبال وتشيب مصيبتكم
رديت بضعن وبدمعي اناشدكم
========================
/channel/ahssan313
لا تلــــــومنـــي لاتلــــــومنـــي
مـن انوحــن عــله الـــحسين
==============================
باربعينك ثوره عدنه بكربلاء
انت يارمز البطوله والاباء
يبقى حد الموت قائم هل العزاء
وتبچي تبقى اعله المصيبه عيوني
==============================
ما نزل وياك حد يوم الممات
يلي اسمك صار عنوان الحياة
اربعينك ثورة صار اعله الطغاة
وبيك خليهه تجن اجنوني
===============================
هل المسيره الخالده تئبه الافول
يلي جننت بمحبتك هل العقول
نواسي امك فاطمه وفحل الفحول
اتباهه مجنونك لون سئلوني
================================
ما تمل اجدامه ونطوي الدرب
نهوه دربك حتلو دربك صعب
انت صرت النبض عدنه لكل گلب
وانه بيك العالم يضدوني
================================
حبي نحبي ونستمر اعله المسير
انت حيرت العقول ةالما تحير
النال حبك سيدي صار الامير
ياحياتي ويامماتي وعوني
========================
/channel/ahssan313
زينب ردت مـن الشام //حاچيهه صحت يا حسين
متكفله بحرم وايتام /// حاچيهه صحت يا حسين
=============================
زيـنــب ردت الليله // والمدمع دمه اسيله
اخلافك منهو تشكيله // گللهه رقيه وين
حاچيهه صحت يا حسين
========================
ردت والـــدمع همال // متكفله بحرم وعيال
وصيح الهظم چتال//نشكي من الهظم والبين
حاچيهه صحت يا حسين
==========================
تشكي من الحبل والسوط//تــعثر والــجدام اتروط
راسك الطشت محطوط // موطر الگلب نصين
حاچيهه صحت يا حسين
===========================
اجــتك والدمع جروان // وتحشمك يهل عطشان
يــوم الـهجمت العدوان // تگلك كافلي چا وين
حاچيهه صحت يا حسين
==========================
ردت طــايحه ابحيره// ولشاطي الوجه اديره
همهه اشوف ابو الغيره // دلوهه الشريعه منين
حاچيهه صحت يا حسين
=========================
هــمه اشــوف كافلهه // الـچان يباري محملهه
افراگه والعطش سلهه // وتگله الوعد ظل دين
حاچيهه صحت يا حسين
==========================
ردت وبـعــتبهه اصــيح // وبالممشه اتعثر واطيح
وبسموم الشمس والريح// محتاره غدت بثنين
حاچيهه صحت يا حسين
========================
/channel/ahssan313
الشاعر احسان الحميداوي
هلا يلجيتوا مشايه //// الكم رفت الرايه
المهدي واگف معزب //// يرحب بيكم يرحب
===============================
هلا ابكل التعناني /// فاتح يلگه بيباني
عندي ابدفتري امسجل
ابكل خطوه اجه يمشي /// باچر يأمر ابكلشي
وعندي يصبح امدلل
النيته صافيه وباله //// مني شراد يجراله
خله شراد يتأمل
الاجاني وصافيه نيته //// ولزاير فتح بيته
حبيب ابدفتره يكتب/// يرحب بيكم يرحب
=================================
هلا بجاي الي مشاي /// ويذكرني بشراب الماي
ابد ماعوفه بالمحشر
اليبدي الخطوه بالتسبيح /// جبل مايهتز من الريح
عله قدر الاجر يشكر
مشكور اعله كل خطوه //// الاجر يضاعف ويسوه
اذا لم زادي المطشر
هله بالمعتني حافي /// ويذكر ذبلت اشفافي
وغير حسين لا ميحب /// يرحب بيكم يرحب
======================================
العايف ديرته وناسه /// وگاصد ليه بحساسه
هذا احتار اوصفنه
المحتام ومشي اجاني //// احضره بيوم ينخاني
أعجز بالحچي عنه
اصيحن ياهلا بملگاه /// وياي الزهره تتلگاه
مشكور العهد منه
هلا وكل الهله ومشكور /// كل المعتنيني ايزور
وصوته للعده يرعب /// يرحب بيكم يرحب
===================================
يلجبتوا عوائلكم /// وجوب اعليه اسجلكم
اسمايكم بقت عندي
يلمتحزمين احزام /// اليه كل سنه وكل عام
ماعفتوني ابد وحدي
يخدامي ويزواري /// بيكم ينوخذ ثاري
وجرحي مايظل يدي
معزب واگف العباس/// يصيح ياهلا بهلناس
خطوات المشي ترهب /// يرحب بيكم يرحب
====================================
اليوصل منكم الحضره /// المهدي يحضره والزهره
يگلك اعله التعب گواك
هلا بيكم هلا يحباب /// جرح الضلع بيكم طاب
دوم حسين ماينساك
يلحفاي الي تمشون /// الكم بالحشر مديون
الكم فيت الأملاك
مشكور الكصد ليه //// أجره باچر اعليه
خل احساب الي يحسب /// يرحب بيكم يرحب
========================
/channel/ahssan313
شحدهم يمنعوني //// بحب الحسين
وانه جن الجنوني //// بحب الحسين
===============================
اني عابس صرت ثاني ومعتني مشايه
ماهاب الموت طبعي وبيدي شايل رايه
ماخاف ولا امل ولا تهمني حچايه
والذي يضدوني //// بحب الحسين
وانه جن اجنوني /// بحب الحسين
=================================
اعتني مشاي حافي يم ضريح امامي
اوصل وشباچه ازوره لـــو اگــطع اجدامي
عمري فدوه وكل حياتي تروح لاجل الضامي
الرادوا يمنعوني //// بحب الحسين
وانه جن اجنوني //// بحب الحسين
=================================
زاير بـدفتر حبيبك امــل عندي انه انـكتب
وبلكي خادم للزچيه وزاير حسين انحسب
عمري لاجله يروح فدوه ولاجل جسمه المنسلب
وصاروا ينادوني ///// بحب الحسين
وانه جن اجنوني ///// بحب الحسين
=================================
ما نوافي حسين احنه لو دمع من دم جره
حتى نبقه احرار النه ضحه طفله ومنحره
اچفوف ادينه وكلشي بيه يروح فدوه لخنصره
خلهم يعادوني //// بحب الحسين
وانه جن اجنوني /// بحب الحسين
=================================
ابدربك امنيتي اموتن من زغر منذور الك
يلي بيكم عرش الله يضوي ويدور الفلك
يربح الي مشه بدربك وانت اليعوفك هلك
عاقل وعوفوني //// بحب الحسين
وانه جن اجنوني//// بحب الحسين
========================
/channel/ahssan313
ياغريبه الغرباء يازينب ع
الـــنوايب دوم يـم گلبي سراهن
وابــد للــغير مـا بـاحن سراهن
بــناتك غــفله والــحادي سراهن
بلـــيل وزادت اللــچــمات بــيه
تگول مولاتي زينب ع
النوايب من زغري گلبي ولنه
والي حسره التهد حيلي ولنه
الگبل ماشاف ظل زينب ولنه
يتچاسر يابن ابو الحمله عليه
يالكاسر بيدك ضلع امي /// منك نوحي ومنك همي
انه ابنيتهه المهظومه /// اه يالباب
=================================
علامك كسرت ضلع الصبر يلباب
وعفت روحي غريبه بديرة الاحباب
وگبل ضلع امي احسنه دليلي انصاب
وراسي والگلب من النوايب شاب
اشسويت بحالي وحالي امي //// اه يالباب
جرحك زيد نوحي وهمي //// اه يالباب
تتحسر روحي ومالومه //// انه ابنيتهه المهظومه
=================================
يالباب بعملتك چم جرح خليت
وبگلب الحسن وحسينه اشسويت
أمي ابلا ضواهه شلون اطب البيت
ومثل ون الثگاله اعليه من ونيت
جرحك يدي وظل ماذينه /// اه يالباب
احچي وياك احنه شسوينه /// اه يالباب
اهاتي الظلت مرسومه /// انه ابنيتهه المهظومه
=================================
كل أحلامي ضاعت والعمر عده
يعيش اشلون عمره الماكو ام عنده
المن يشكي همه من تمر شده
ومايعرف زمانه اشجاب وشوده
ضاعت امالي واحلامي /// اه يالباب
وضلمت داري وكل ايامي /// اه يالباب
يتنطر كل فاگد يومه /// انه ابنيتهه المهظومه
=================================
بدون امي العمر مايسوه ابد عندي
بلاهه اشلون اعيش وي الدهر وحدي
المصايب من تروح امي علي تبدي
وصيحين يمي ردي لخاطري ردي
چلمات أعتاب ارد احچيهه /// اه يالباب
لاذت بيك وما تحميهه /// اه يالباب
ماتنعد دلالي اهمومه /// انه ابنيتهه المهظومه
=================================
انفاسي ابلايه امي كوه اجرنهه
وروحي يبچي كل فاكد بقئ لونهه
دمعاتي تسولف بالجرن عنهه
متگبعه بحزنهه وماضحك سنهه
انحب وجروحي تأذيني /// اه يالباب
منك ظل يتعاله ونيني /// اه يالباب
مگدر يومي وتبچي اغيومه /// انه ابنيتهه المهظومه
================================
وداع امي جمر ظل يسعر بروحي
وينوحون الحسن وحسين وينوحي
يروحي بحزنج الما ينحچي بوحي
هدم حيلي الزمان وهدم اسفوحي
طاح المحسن يم أعتابك /// اه يالباب
و بضلع امي يدي اصوابك /// اه يالباب
لچماتك تاذي ومسمومه///انه ابنيتهه المهظومه
========================/channel/ahssan313
اه يلضلع اه // شمسوي بينه
اه يلضلع اه // شينفع بچينه
يا عصرة الباب //// جرحج فلا طاب
=============================
ضلعلج المكسور ناره // بينه مجمرهه دوه
يـاهوانه الي نشمه // غـيره ما ياحله الهوه
حيدر بصبره وكيانه // لحالج انهد ولـتوه
والـصبر ويـه المحنه // بموتتج ماتن سوه
اه يلضلع اه /// تكتل حسرته
اه يلضلع اه /// وناتي سكته
ياخير الأنساب /// جرحج فلا طاب
==============================
دفعة الباب وعصرته // ومحسن ورض الضلع
مـا اظن يجبر كسرهن // لـو بچينه الـدم دمع
انــطفت دار الزجيه // ونـطفه الــنور الـيشع
نحچي عذرا يا محمد // الـزهره بنتك تنصفع
اه يلضلع اه /// ماتطفه ناره
اه يلضلع اه/// يمته الزياره
لگبرج تجي احباب //// جرحج فلا طاب
===============================
ونتج ودمـعات عينچ،، السطره والهم والعذاب
حيدر الكرار منهن ،،گــلبه مـو بس راسه شاب
شكثر مرن بيه مصايب،، مصيبج اعظم امصاب
واحنه يلزهره وحياتج،، مانحب كل طاري باب
اه يلضلع اه /// يوم التكسر
اه يلضلع اه/// نيرانه تسعر
جنح الوحي انصاب/// جرحج فلا طاب
=======================
كل مسية اغروب جرحج// بالـگلب يرسم جرح
الدنيا ماتت ويه موتچ // ومصخ كل طعم الملح
احنه كــل يوم بغيابج // بـحرگة الهم ننذبح
يـازرعنه المات عوده /// حگ تره تموت الفلح
اه يلضلع اه // صوب محمد
اه يلضلع اه // الله ولـحد
شفنه الحجر ذاب /// جرحج فلا طاب
===============================
شرد اسولف عن مصابچ// وانتي بچيتي السمه
ونــزلت الامـلاك تبـچي // تـنادي ماتت فاطمه
انعادت مصيبة محمد// وصوبت حامي الحمه
والحسن وحسين ولــدچ // بچوا العالم دمه
اه يلضلع اه /// مكلف مصابك
اه يلضلع اه /// يوجع عذابك
گلب المحب شاب //// جرحج فلا طاب
========================
/channel/ahssan313
ابيات نعي لمولاتي الزهراء عليها السلام
علزهره الزجيه نهمل ادموم
ونظل للموت مانترك بچينه
وعلظلع التهشم من الاصحاب
يظل كل شيعي يتعاله بونينه
وعلمحسن الطاح ابعتبة الباب
يظل الگلب ما يبرد حنينه
وتظل النار ذيج الحرگت الدار
تظل يم الحسين اچوي ابينه
ترانه شما بچينه وصحنه وياچ
نحس قصرنه مانوفي بحچينه
تره المفروض واحدنه اعله طرواج
من گد البواچي يعمي عينه
مو بس احنه نحزن لازم اعليج
كــون الدنيا لمصابج حزينه
/channel/ahssan313
أظلم الكون بغياب المصطفه
ونور هالدنيا بلا نوره انطفه
========================
أظلم الكون ومدامع ظل يهل
ياضياءه وفرگتك ما تنحمل
انت سيد للانام وللعقل
جرح حيدر يدي بعدك ماشفه
أظلم الكون بغياب المصطفه
========================
حزنت الدنيا والأملاك احزنت
والانوار البلعرش حزنا طفت
وامته والزهره بعده اتيتمت
وناظر الزهره اعله ابوه ماغفه
أظلم الكون بغياب المصطفى
========================
الدنيا صنتت والحزن عم عالمله
حيدر بونه ودمعته غسله
نعشه وحده بحزن يبچي وشايله
حزن حيدر كلف محد وصفه
أظلم الكون بغياب المصطفه
========================
حزنت الآيات وتنوح السور
وچم كسر گلب ام الحسين انكسر
زغيره واول جرح راواهه الدهر
وابد ماجاز ولا منهه اكتفه
أظلم الكون بغياب المصطفه
========================
والأحاديث أشكثر هلت دمع
وصوت ونهه على ابو القاسم ينسمع
ونوحها لسابع سمه ظل يرتفع
المواعظ والحكم والمعرفه
أظلم الكون بغياب المصطفه
========================
نزلت الاملاك عزت فاطمه
وعزت الكرار حماي الحمه
والأرض تبچي لمصابه والسمه
والحجر دمعاته من دم ذارفه
أظلم الكون بغياب المصطفه
========================
/channel/ahssan313
ابيات نعي لسيد الكائنات ابو القاسم محمد ص
خبر موتك فجعهه وهدم الحيل
وحزن غيم ابموتك علزجيه
العاشت روحه ويروحك اسنين
تمرهه اخلافك اشلون المسيه
گلبهه وگلب حيدر شاطن اعليك
ويهل ادموم حماي الحميه
حيدر والزچيه بچوا الكون
وتمنوا كون وياك المنيه
وزينب اه يزينب يوم الوداع
صفت دمعاتهه اعله الخد جريه
ويون الحسن ونه يفطر الكاع
ويكلك تكثر أحزاني العليه
وصل للعرش عگبك نوح الحسين
يجدي يگلك اشسويت بيه
صبح بيت الرسالة بيت الاحزان
وتمر الزهره كلساعه برزيه
/channel/ahssan313
https://youtu.be/PleC0mu3x7Q?si=CwkLXMakVGFlsg1c
كلماتي وأداء الرادود خالد البديري
https://youtu.be/FsIJKBhU6Lo?si=NPemrR3b1M0rExcD
كلماتي وأداء المنشد علي حميد الموسوي
تنــبض حــسين بمحبته اگلوبته
يـــمحــبوب ونــفتخر مــحبوبنه
######################
امنيتي اموت بمجلسك لو حضرتك
حسين الله لا حرمني ازيارتك
اني مذنب ياشفيع ال شيعتك
يلي بمحبتك تطيح اذنوبنه
""""""""""""""""""""""""""""""""""""""""""""""""""""""
بـلا مجالس يعني معناه الممات
شنهي من دونك ثمن هاي الحيات
انت بـــاب الله ورحــمة والنجات
ياسراج البي تنير ادروبنه
"""""""""""""""""""""""""""""""""""""""""""""""""""""
نعتنيك افواج ونطوف الصحن
ماتـــخوفنه الـــبلايا والمحن
والجروح الصعبن بصحنك شفن
العافيه بصحنك تلامس ثوبنه
""""""""""""""""""""""""""""""""""""""""""""""""""""""
انـــه مــنك ما اخـــذ انسانيتي
وجاهي والصيت وثمن حريتي
منــك حسين انه اريد امنيتي
انريدك بيوم الحشر من صوبنه
"""""""""""""""""""""""""""""""""""""""""""""""""""""
نـاسي عـمري وما نسيت احزانك
ذكري صار وخدمتي بــعــنوانك
وشــاني يحــسين يتعـله بــشانك
وبلدموع انكتبه الك مكتوبنه
""""""""""""""""""""""""""""""""""""""""""""
/channel/ahssan313
من ضيم السبي والشام ردينه
عدنه أعتاب اگعد خويه حاچينه
=========================
يم گبره گعدنه بحسره وبلوعه
چم وحده اعله ابنهه البينه مفجوعه
وناظرهه يهل من الدمه ادموعه
وذكرينه الخيل ذيج السحگت اضلوعه
وذكرينه اخيامنه الحرگوهن علينه
عدنه أعتاب اگعد خويه حاچينه
===========================
گعدنه وسولفينه الصار بالشام
بخرابه اعله الرمل من ضيمنه انام
من جور الزمان وجور الايام
لو تدري اشجره بزينب والايتام
يذوب الصخر من يسمع بواچينه
عدنه أعتاب اگعد خويه حاچينه
============================
كصدنه ال گبر ابو فاضل بالدموع
ومن كثر الهظم نتباچه ونلوع
نبچي وندري صوت الليل مسموع
عدنه اشچم متن گناله موجوع
گناله الحبل جرح ايادينه
عدنه أعتاب اگعد خويه حاچينه
============================
مشت ليله للاكبر تنحب بهمه
شلون تعوف امك گلي يايمه
گلبي عليك زاد اعله الجبل همه
تشيل اتراب گبره وظلت اشمه
ظل كلشي بفگدكم يمه ياذينه
عدنه أعتاب اگعد خويه حاچينه
===========================
الرباب تعنت العبد الله بالنوح
بالمثلث عسنه نحري مذبوح
فراگك خله بيه اهات وجروح
دللول الولد يلماخذ الروح
اسبايه فراگ وجهك يبني سابينه
عدنه أعتاب اگعد خويه حاچينه
============================
رمله لجاسم بونهه تعنت
شعلت شمعه يم گبره وتحنت
ونين الدوح عله العريس ونت
بعدك لا تظن روحي تهنت
نعينه وبچت الدنيا نواعينه
عدنه أعتاب اگعد خويه حاچينه
========================
/channel/ahssan313
الشاعر احسان الحميداوي
ابيات نعي لعودة السبايا إلى كربلاء الحزن
رجع ضعن السبايا لارض الطفوف
فارغ هدوج الچان الرقيه
المسيه البيهه وصلوا يم الحسين
چنهه الموت ابد ماچن مسيه
تحاچيه زينب وتجاره العيون
تگله الدهر شوف اسوه بيه
چنت يمك اميره وراسي مرفوع
هسه الوادم اصيح السبيه
خذوني بنوگ هزله لخربة الشام
وصفت بحبال مچتوفات اديه
گبل ماچان طولي وضلي ينشاف
خذوهه مچتفه لابن الدعيه
وسكنه بصوت صاحت عمي عباس
عمي امروتك بس صد عليه
عمي وداعتك ماريدن الماي
اريدن شوفتك يابو الحميه
يحادي الضعن حيل وحيل همنه
تــرانه لگــبر ابــونه حسين هـمنه
نــشوفه ونشكي يـــمه نريد همنه
ونــسولفه الــــجره من الغاضريه
/channel/ahssan313
تگول زينب الغريبه ع
الحزن يحسين نص روحي خيملاك
يــوم انـحرگن وطـاحن خيملاك
عليـك ومــا نـحت وحـدي خيملاك
انــزلت مــن الــسمه وسوت عزيه
تگول مولاتي الغريبه زينب ع
الليالي لسبي احس اليوم يوحن
ودلــيلي علـكفلني شـلون يوحن
اخـــاف مـن الفراگ ويـاه يوحان
مـــنو يــصبرني ويـــسكت رقيه
السلام على فاطمه العليله
شعجب ماجبت طارش ياهو النه
ونــين الـــي نــونه يــــاهو ونه
يــبويه اخــلاف عينك ياهو النه
ومـــنو الـيفگدنه وكت المغربيه