423
قناة لنشر القصائد المنبرية الحسينية
قصيدة لسيدي الحسن المجتبى عليه السلام
ثاني حجه من السماء
رابع اصحاب الكساء
ياحقدهم مارضولك بالحيات
وحته نعشك ماسلم بعد الممات
..................
ياحسرتي وخجلي وندامه
من موالي قصر بامامه
شنهو عذري ساعة القيامه
عذر عاشك ماوفه بغرامه
سيدي ياقرة عيون البتول
يامدد نسل وتعاليم الرسول
مارعو منزلتك وهاي الصفات
حته نعشك ما سلم بعد الممات
_
يامئاسي صارت وظليمه
ويامواقف جارحه واليمه
البيك صارت يالحسن هظيمه
جم مصيبه سوو وجريمه
ذوله انصار السقيفه الحاربوك
بغضن بجدك رسول الله وابوك
وهمه كسرو ضلع فخر الطاهرات
حته نعشك ما سلم بعد الممات
...... . ..........
يامثال الحكمه والقيادة
والبطوله وهيبة السيادة
شهر سيفه بكل عزم وارادة
رغم قله عليهم اعتمادة
قاتل وصالح هدف عنده ويقين
يلقي بالحجه عله كل المسلمين
رغم هذا وساندو راي الطغات
وحته عرشك ماسلم بعد الممات
____
يدري جعده مغرضه و لعينه
وسمهه شايل حقد وظغينه
واجت تركض زينب الحزينه
وصرخت احظر ياعلي نسبينه
راح من عدنه الحسن اول عضيد
وباجر حسين وشهيد يجر شهيد
سيدي ياراعي كل الغانمات
وحته نعشك ما سلم بعد الممات
....................
يمه وصه حسين بالقضيه
يكله دمعك لاتسجبه اليه
باجر اهلك عالترب رميه
وزينب اختك تنوخذ سبيه
خويه تبقه عله الترب ظامي وذبيح
والاطفال من العطش والحر تصيح
حسين يبجي دموعه عالخد هاملات
وحته نعشك ما سلم بعد الممات
قصيدة لليوم السابع
موضوع القصيدة .. الزهراء (ع) قد بعثت وصيه بيد زينب (ع) لابي الفضل (ع) تنقلها اليه في اخر وداع لها وبعد ان تنتهي يتبسم الامام وينقل لها وصية ام البنين (ع) ..... ونسأل الله الاجر والثواب وقراءة سورة الفاتحه لروح والدتي وارواح اموات المسلمين
.........................
گربت المنيه ... اسمع الوصيه
خويه يالشوفت عيونك عندي عيد
انته يالمثلك فلا يحصل عضيد
........
عباس يا ليث الوغى والخابطه يصفيها
وصتي الك بنت النبي واليوم صرت احچيها
گالتلي لتحزنين ابد عل دنيه لوشفتيها
عكست وصار ابن الزنه يحكم شريف البيها
ربچ خلقلچ جيش الچ زينب فقط يحميها
وهالجيش مجموع ابشر واحد وزاد عليها
عهده والكفاله .... هيبته وجلاله
كل صفات الزلم وعليهم يزيد
انته يالمثلك فلا يحصل عضيد
..........
گالتلي خالقلچ بشر يختلف عن كل ناسچ
احساسه نسخه مصدقه وطبق الاصل لحساسچ
واشما توقعتي بعد ماينخذل مقياسچ
ومن ينذكر اسمه يحگ للسمه ترفعي راسچ
اسمچ يظل بي مقترن من ينذكر ونبراسج
ماجابت النسوان ابد زينب مثل عباسچ
بإسه والفراسه .... دوم عالي راسه
بالزلم صياد مثل الحر يصيد
انته يالمثلك فلا يحصل عضيد
............
اسمع شوصتني الك عن كربله وعن حالي
گالت بريشة خوذته تبوسيلي ابني الغالي
مافرقه عن ابني الحسن واسمه شكثر يحلالي
مادامه يمچ بي نفس مرتاح منچ بالي
سبحانه ربچ ماقسم والموت ظل يبرالي
من بعد محسن چا جبت عباس اخوچ التالي
ولذلك آنه .... بگلبي اخذ مكانه
گبل لاشوفك احسك مو بعيد
انته يالمثلك فلايحصل عضيد
.......
گالتلي چف ال باللوه يازينب تشميها
وچف العله السيف بلطف يم خدچ تخليها
وعينه اليسار عله الرمش يازينب تبوسيها
ويم نحره ابچي ودمعتچ فوگ النحر صبيها
يايمه زينب جربته بهذا العلگ شديها
وگليليه امك فاطمه يوم الحشر تمليها
جربه كوثريه ... عد نبي البريه
يسگي بيها اللطمو عله ابني الشهيد
انته يالمثلك فلا يحصل عضيد
........
گام وتبسم من حچه وگاللها عندي حچايه
ام البنين بهالامر خلت بگلبي وصايه
گالتلي من تكفلت معصومه ..زينب هايه
لوعطشت اعصرها السمه والغيم طلع مايه
وحسين هذا ابن النبي وابن البتول الايه
ذب الچفوف من الزند بس لا تذب الرايه
واكدت عليه ...بسكنه وي رقيه
شبگته وصاحت يدمي ال بالوريد
انته يالمثلك فلا يحصل عضيد
.............
------- قصيدة رقية عليها السلام ------
بعد انتهاء المعركه امر عمر ابن سعد باعطاء الماء للنساء والاطفال فأبوا إلا طفله صغيره ركضت بلهفه الى الساقي الا انها لم تشرب !!
اخذت وعاء الماء وركضت نحو ارض المعركه صاحت بها عمتها زينب
قالت لها..عمه رقيه الى اين تذهبين
قالت .. سمعت قبل سويعات ابي ينادي العطش العطش
قالت لها .. عمه ان اباكي مقتولا ومقطوع الرأس
گالت ....
اديره على النحر بس يحس برد الماي
بالموادع شبكني وحضنه جواني
ابو جسم الترف من باسني انهاريت
عله كدما شفته يبست خدي اذاني
متعوده كبل لو راد ابو الماي
اركض قبل سكنه واله اجيبه اني
هابويه عدل سمعني منك صوت
اجيتك حافيه والشوج دماني
يالماتقبل يمسني الهوه من يفوت
اجه واحد شتمني ورفس طكاني
اكعد ضمد اذني من التراجي دموم
تجري وجرح بيهن بويه اذاني
متعوده الحنان بجف ابوي حسين
بس هذا لزمهن حيل عتاني
ماعندك طفل من عمري اثر بيك
بكلبكم ماكو رحمه وموقف انساني
كلت عمي وضحك كال انتي عمج مات
انه الكصيت جفه بذني ذرعاني
تمنيت اني الاكبر من حجاها وياي
جاخليته عبره لكل شخص ثاني
اكعد بويه وادم هذي مدري منين
هذا الحرك ثوبي وذاك اليعتني
ودارو عمتي بصياطهم وتصيح
يبن امي ولوني وصكطو متني
اكعد بويه امي عله الرضيع تنوح
وبده عدها البياض بنص سواد العين
اصبرها وتكلي البي يصبر الروح
لو عبد الله يكعد لو يردلي حسين
نزله لام البنين (ع ) وهي تخاطب الريح وتساله عن اخبار ابا عبد الله (ع)
______
ظلت ام البنين
للصبر والونين
_
ظلت اتناطر اخباره ويه الهوه بيوم الطلع
تكله ياريح ارد انشدك والله دلالي انشلع
كلي وين حسين هسه ووين باقيت الربع
الريه ماتسحب نفسها من يفاركها الضلع
واني ضلعي الحسين
للصبر والونين
يجر حسره الريح كام وكال ما احجي الخبر
يكلها خاف احجي وتميل الكاع ويذوب الحجر
تكله سولف راح اموتن بعد ماظل كل صبر
عيني ماشافت وسنها من المغارب للسحر
جفني ماغمض عين
للصبر والونين
كالها ابديلج بدايه من وصل طف كربله
لكه الكتبوله الرسايل ضده كلها مهروله
هوه شاللهم سماحه وهمه شالوله البله
وبحقدهم والضغاين كلها سود محمله
صار بين وبين
للصبر والونين
__
كالو تبايع يزيد وماتكوم عله الظلم
كالهم ماصار هذا ومايصح حته بحلم
صاح حيه عله الجهاد وصاح الوياه والنعم
واحد وسبعين لاجن ماتعادلهم زلم
صاحو محضرين
للصبر والونين
برزو اصحابه وبعده برزو اقمار المله
علي الاكبر بعده جاسم كلهم ليوث الفله
وحته عبد الله الرضيع الماسلم من هالبله
وكمر هاشم عالشريعه بلا جفوف بكربله
تصيح فدوه لحسين
للصبر والونين
_
كالت اخبرني حبيبي حسين وين بياكتر
كاله عالغبره مرمي وظال مكطوع النحر
صاحت آحاا لاتكمل والله دلالي انفطر
كونها يوم القيامه ولاسمعت بهالخبر
ياصراط اليقين
للصبر والونين
_
الشاعر عقيل العنكوشي
نزله لابو الفضل العباس ع
يخوف الموت يشبه ساعة المحشر
يخوف الموت والميدان يتطشر
كل الجيش ضل مرعوب وبحيره
ابن حيدر علي وطب مشتعل غيره
................ ................
سبع يمطر شجاعه وماتشبهه اسباع
اجه تجدح عيونه وماتلمه الكاع
جسم جيش ال اميه ارباع وصط ارباع
وخيرهم التيه عن اخوته وضاع
صرخ عباس لوما حكمة الباري
صرخ عباس ماخليلكم طاري
كله تصيح اشرد شوفلك ديره
ابن حيدر علي وطب مشتعل غيره
.......... .........
من صاحتله زينب خويه يعباس
واهو بنص المعارك دار ليه الراس
رد بلا كلام عليه بس احساس
لان ماراد اسمهه تسمعه باقي الناس
حميته تفور من يسمع تحشمه اخته
حميته تفور الشرف عايش تحت بخته
اليحذر مايلحك منه تحذيره
ابن حيدر علي وطب مشتعل غيره
............. .............
يوم النهروان اليشهد وصفين
طفل وشجم بطل جندلته لجل الدين
لمح البصر سيفي وماتشوفه العين
وفوك الكنطره جوام الزلم صوبين
لهسه الروس الكواسر عافت وملت
لهسه الروس من اجدادكم ظلت
ذكر ان نفع للناس تذكيره
ابن حيدر علي وطب مشتعل غيره
.............. ..........
رجع للخيم عنوه تعنته سكينه
اشكيلك الحال العطش مض بينه
صال عله النهر والاف صوبينه
وباله عله العطاشه اطفال تانينه
نساهن غاد فوك النهر جفينه
نساهن غاد وياهن ظل سهم عينه
الفكر كطعوهن خاب تفكيره
ابن حيدر علي وطب مشتعل غيره
............... .................
لهسا صولتك الرهبه عد الناس
ومن دون المراقد بيك غير احساس
كفايه اليلفظ اسمك بي يشيل الراس
واليعصي بكلامه نحلفه بالعباس
يصطره بساع فنه اليوعد ويخلف
يصطره بساع والجذاب اذا يحلف
مايلحك بعذره ولا بتبريره
ابن حيدر علي وطب مشتعل غيره
________
الشاعر عقيل العنكوشي
قصيدة عبد الله الرضيع ع
الشاعر عقيل العنكوشي:
آه يعبد الله شبعد ... يمه يسألني المهد
وين راحت شمعتج .. والله دلالي انمرد
_______
يمه عبد الله ارد اعاتب ما اريدك تنهظم
بالابن كل ام سندها من يمر بيها الظلم
يمه شوف خدودي عكبك عاين شسوه اللطم
والله يازهرة حياتي كمت يوميه انهدم
يمه دلالي انعمه .. فراك وي حر وظمه
شلون ماتبجي السمه .. وتنتقم برق ورعد
_____
يمه صرت بحاله صعبه وانته تتحسر ظمه
ردت اشربك دم وريدي بس حرام ادري الدمه
اصرخ وشوغاتي توصل لحد نجمات السمه
والدليل الدنيا جانت وي ونيني مدلهمه
جبدك اتفطر عطش.. والدمع من عيني طش
موقف يهز العرش .. ناس ماترحم بعد
_______
جيت لحسين بهمومي وادري مايحمل قهر
فاكد اصحابه واخوته وباقي ضهرهه عله النهر
كتله جف مني الحليب وجبد عبد الله انفطر
كال جيبي وادري ماكو ذره رحمه بهالبشر
صاح والعين اتهمل .. وشذنب هذا الطفل
هذا موقف مو سهل .. ماكو من هذا اشد
____
شاله ظل ينادي يامن عدكم الدين اندثر
بلكي انسانيه عدكم حالكم حال البشر
انجان ظنيتوني مرتد هالطفل ماعنده شر
كشرو انياب شرهم قرع ناقوص الخطر
صاحو اكطع هالنسل .. حرمله اتوله الطفل
صوب لنحره النبل.. وانذبح طير السعد
________
جيت شفتك عالتراب ونحرك بدمه نكع
وكبل لاطيح عله جسمك كلبي سابكني ووكع
يمه ياشمعة حياتي ماردت بيك افجع
هاي اعظم قصه مرت من بعد كسر الضلع
ريت يرجعلي الامس .. واشبع احظان وهمس
حارة عليك الشمس .. خل افيي عالورد
_______
الشاعر عقيل العنكوشي
الشاعر عقيل العنكوشي: قصيدة الهلال
الشاعر عقيل العنكوشي:
كمت اشوفن بالهلال.. معركه سيوف ونبال
وعيله من بعد الدلال... تنسبي فوك الجمال
_
كمت احسب للهلال ايامه اني
ومن كرب كمت احسب لوقته الثواني
كونه لا هل وبعد مامنه ثاني
ياهلال الشوم بيك شكد اعاني
بيك جم غالي اليطيح .. والثكاله تظل تصيح
مايضل حته الجريح .. ومايظل علينه حال
_
صرت هاجس طير النوم بخيالي
من بعد فكد الهواشم شنه حالي
انه ذيج المحد الشايف خيالي
ياعلي احضرني بهذنيج الليالي
والاطفال تظل تنوح .. من العطش ومن الجروح
والله ماظلتلي روح .. رحمتك رب الجلال
_
منين ما احجيلك احزان القضيه
والعطش يبس جبد سكنه ورقيه
القاسم وعبد الله والاكبر ضحيه
والحسين جروحه الف وسبع ميه
وفوكه جم حافر يدوس .. صعدت اضعاف النفوس
والاجساد بلا رؤوس .. ياعظم هذا المقال
_
ياهلال من اذكر جفوف وشريعه
اشعر بنفسي صدك ثكله وفجيعه
راح حامي الدين واركان الشريعه
روح طش هذا الخبر من عدي شيعه
كمت اصيحن ياكفيل .. الوادم خلافك تعيل
منين اجيبله البديل .. ياهو البهذا الكمال
____
ادري بهلال الله مايقبل عليه
وينخسف من يسمع بزينب سبيه
شلون لو شاف الصياط الفوك اديه
لجن حكمة ربك بهاي القضيه
صاح ربك للعباد .. من قبل خلق المهاد
ياهو نكتبله الجهاد ..صحنه احنه بلا سؤال
____
الشاعر عقيل العنكوشي
الشاعر عقيل العنكوشي:
تبكيك عيني ياحسين محبتا
يامنيتي في عسرتي ورجائي
هذا وحزني لايطاق لهيبه
وتضيق نفسي بل تضيق سمائي
ان العيون لقاصرات فليتني
ابكي لاجلك مقلتي ودمائي
عظم الله لنا ولكم الاجر
قصيدة لوفاة السيد محمد (ع )
----------
الشاعر عقيل العنكوشي:
الشاعر عقيل العنكوشي:
يا ابا جعفر مصايبنه عظيمه
جيت اعزيك واسولفلك ظليمه
واحجي عل صار وجره
جم مصيبه ومجزره
يا ابا جعفر مصايبنه عظيمه
-----------
يابو جعفر - منهو يكدر - يشرح عليك الجره
واحنه نشهد - مالك احد - وصط طغمه فاجره
الذله تكتل - ماتشكل - شي امام المفخره
وانته حيدر - ردته يحضر - بالفعل وتكرره
وانته دمك من نبي
وجدك حسين الابي
والحياة بلايه عز مالها قيمه
يا ابا جعفر مصايبنه عظيمه
--------------
يابو جعفر - حالي يفطر - بالحزن كلب الصخر
بالجوادر - دومي حاضر - خلص ماعون الصبر
والمقابر - من السواتر - شوف بيها شجم كمر
والتهجر - والتفجر - كلها راحت بالغدر
سبياكر سوت جرح
شال من عدنه الفرح
والله من احجي قضيتنه هضيمه
يا ابا جعفر مصايبنه عظيمه
-----------
هجرونه - فجرونه - والكره واضح جلي
حاربونه - عذبونه - حته ما نصرخ علي
ذبحونه - عطشونه - جن رجع طف اولي
يكرهونه - يبغضونه - بغضا بكلمة ولي
واحنه نهتف ياعلي
ياولي ونعم الولي
والحياة بلا علي منظرها هيمه
يا ابا جعفر مصايبنه عظيمه
-----------
مل صبرنه - من قهرنه - وصحنه ﻻﻻ للقهر
هب ابنكم - من اجلكم - علي السيستاني وامر
للوصايه - خله رايه - نفس ماصار ابدر
اخذو اهلنه - بكل محنه - واقضو بس عله الشمر
واحنه بس شفنه الامر
عيونه جدحت جمر
ورغم هذا بالحرب كل احنه شيمه
يا ابا جعفر مصايبنه عظيمه
-----------
الشجاعه - والبراعه - بالفصائل بالحشد
وجم مدينه - البين ادينه - تنحل واحنه النشد
المهدي بينه - يحيي ادينه - واحنه نهتفله مدد
وابو فاضل - النه كافل - ولذلك مانرد
هناك دكينه علم
وصحنه بس احنه الزلم
وندعي يارب النصر بيكم يديمه
يا ابا جعفر مصايبنه عظيمه
الشاعر عقيل العنكوشي:
مواسات لامير المؤمنين عليه السلام بفقد النبي صلى الله عليه و آله وسلم
.........
سافر حبيبك ياعلي
.. همك بعد ماينجلي
طه الحبيب الفاركك
.. ياسمه عله الكاع انزلي
------''----
غاب الحبيب وفاركك غاب
ذاك البهمك شاركك غاب
وانته الرببت من الزغر
بحضانه ولوكت الكبر
اب واخو وعون الرحل
.. ياسمه عله الكاع انزلي
------''------
ظلت الدنيه بلا نبي نوح
راح الجبل ذاك الابي نوح
والوحشه ترست منبره
الله يعينك حيدره
والسان حالك هل صرخ
.. ياسمه عله الكاع انزلي
-------''-----
ثار النفاق إعله العلن ثار
من بعدما طه اندفن ثار
مايكفي وشما اصب دمع
من اذكر الباب وضلع
بضعت محمد تنضرب
.. ياسمه عله الكاع انزلي
-------------
راح الغدير وخطبته راح
احبال السقيفه الربطته راح
ظلت قليله التنحسب
حجي النبي كله انسلب
ياوسفه خانو صحبته
.. ياسمه عله الكاع انزلي
---------
ظل الحقد نيه وفعل نار
باب وخيم بي تشتعل نار
بعدك علي راسه انطبر
والزهره ماتت بالقهر
والعتره ماسلمت ابد
.. ياسمه عله الكاع انزلي
________________
الشاعر
عقيل العنكوشي .....
لسدي ومولاي الحسن المجتبى عليه السلام
.............
ثاني حجه من السماء
رابع اصحاب الكساء
ياحقدهم مارضولك بالحيات
وحته نعشك ماسلم بعد الممات
..................
ياحسرتي وخجلي وندامه
من موالي قصر بامامه
شنهو عذري ساعة القيامه
عذر عاشر ماوفه بغرامه
سيدي ياقرة عيون البتول
يامدد نسل وتعاليم الرسول
مارعو منزلتك وهاي الصفات
حته نعشك ما سلم بعد الممات
.............
يامئاسي صارت وظليمه
ويامواقف جارحه واليمه
البيك صارت يالحسن هظيمه
جم مصيبه سوو وجريمه
ذوله انصار السقيفه الحاربوك
بغضن بجدك رسول الله وابوك
وهمه كسرو ضلع فخر الطاهرات
حته نعشك ما سلم بعد الممات
...... . ..........
يامثال الحكمه والقيادة
والبطوله وهيبة السيادة
شهر سيفه بكل عزم وارادة
رغم قله عليهم اعتمادة
قاتل وصالح هدف عنده ويقين
يلقي بالحجه عله كل المسلمين
رغم هذا وساندو راي الطغات
وحته عرشك ماسلم بعد الممات
...............
يدري جعده مغرضه و لعينه
وسمهه شايل حقد وظغينه
واجت تركض زينب الحزينه
وصرخت احظر ياعلي نسبينه
راح من عدنه الحسن اول عضيد
وباجر حسين وشهيد يجر شهيد
سيدي ياراعي كل الغانمات
وحته نعشك ما سلم بعد الممات
....................
يمه وصه حسين بالقضيه
يكله دمعك لاتسجبه اليه
باجر اهلك عالترب رميه
وزينب اختك تنوخذ سبيه
خويه تبقه عله الترب ظامي وذبيح
والاطفال من العطش والحر تصيح
حسين يبجي دموعه عالخد هاملات
وحته نعشك ما سلم بعد الممات
............
الشاعر عقيل العنكوشي
لسيدي أبا عبد الله الحسين عليه السلام
-----------
فطرة بينه - من ربينه - وهسه صرنه اكبار
ماهوينه - بكل مدينه - غير ابى الاحرار
يا ابى الأحرار - ياابى الأحرار
--------------- ----------
حسين حريه وسﻻم وكلمة الحق والضمير 1
حسين للمذلول عزه حسين خبزه لكل فقير
حسين ملك الناس كله حسين للأحرار امير
حسين دمعه حسين شمعه حسين لهفة مستجير
حسين امامي وكل مقامي ودربي منك يستنير
حسين ايه حسين رايه حسين نهج الله ويسير
ياشفيع النار - ياابى الأحرار
---------
حرب عالكافر باسمه حسين للمؤمن سﻻم 2
حسين جنه وريح بارد رغم ناره ال بالخيام
شاف دين الله تﻻشه وكلمة الحق ﻻتقام
ضحه باصحابه وعياله واخوته وكل العمام
بجت دم حته الصخور وصاحت الدنيه حرام
والله ريحانة محمد هذا ابن سيد الانام
سيد الابرار ... ياابا الاحرار
....................
ياهو كال حسين ميت واحنه عباد القبور 3
حسين زاد عله الحيات بكتلته وذبح النحور
رسم ديمومة رسالة جدة من عبر العصور
حسين من نور الله عدنه تمثل بشخصية نور
حسين وشما حزن بسمه حسين للثائر سرور
حسين معنى باسمه شامل ماتوفيه الصطور
مكمن الأسرار - ياابى الأحرار
--------- ----------
حسين مو للشيعة حصراً قط وﻻ للمسلمين 4
حسين زلزال الشعوب الهد عروش الظالمين
حسين انسانيه كبرى وخطه رب العالمين
ياشمس نور الهدايه البيه دله التائهين
حسين اول شخص يقتل ينتصر عالقاتلين
وشوف جم ثائر بثائر اخذ نهجه من الحسين
شعلة الثوار - ياابى الأحرار
..................
الشاعر
عقيل العنكوشي
الشاعر عقيل العنكوشي:
لسيدتي فاطمة العليلة عليها السلام
--------------
ملائكة السماء تفرح بالدعاء
بس لله اندعيله وحلفه بالعقيله
.............. ...............
حلفه بالظلت وحيده ---- والحزن بالون تهيده
عالدرب تنطر يجوه ---- الكصدو لديره بعيده
كصدو للطفوف مابيهه اني اشوف
بالحسره الثكيله حلفه بالعقيله
......... ............
يذوب كلب الهم لهمهه ---- ﻻابو ولا اخو اليمهه
يحزن المخلص فقط لو ---- فاطمة يسمع اسمهه
نذرفه الدموع ونشعلج شموع
بقيتي بلايه عيله حلفه بالعليله
................ ..............
طفله والعله بجسمهه ---- غيرت حته رسمهه
من تشد بيهه المواجع --- تذكر بكل لحضه امهه
تصرخ باعله صوت ييمه الفركه موت
ولربي اشتكيله حلفه بالعليله
..................
عدي بس ام البنين ----- وياكلبه شكد حزين
مثلي مشغوله وتناشد --- عن ابو اليمه الحسين
ماريد البنين بس ردت الحسين
وفه ماكو مثيله حلفه بالعليله
............. ...............
من تظيك الدنيه بيك --- والفرج يبعد عليك
انته بس انخه العليله -- الرحمه يم بابك تجيك
وليلك والغبار يتحول نهار
يكظي المستحيله حلفه بالعليله
............... ..............
موقف يحير العقول --- للجره بال الرسول
حكمة الباري عظيمه -- بالشرح كلش تطول
ثبت بالدماء دينه بكربلاء
فضائلهم جليله حلفه بالعليله
...............
الشاعر عقيل العنكوشي
لسيدتي ومولاتي العقيلة زينب عليها السلام
------------
يادموعي اجري بحزن
ع لي مرمره الزمن
من بعد امه وابوه - شاهدت مصرع اخوه
عاشت بضيم ومحن
---------
بحزن ياعين اجري دمعج واشهكي العبره بقهر 1
وياجفوف بﻻ تواني حيل الطمي عله الصدر
لخت عباس العقيله من بعد ذاك الخدر
شلون دارته المئاسي وليه واليه الدهر
شلون اجت من المدينه - وي اخوه وتحت عينه
من بعد ذاك الامن
عاشت بظيم ومحن
----------------
كربله شسويتي بيه هاي بت حيدر علي 2
شلون اخذتي العون منه وبقت حرمه بﻻ ولي
وصاح ابن ذيج اللعينه يا اميه هلهلي
اليوم اخذنه بثار عتبه والوليد وكل هلي
اليوم اخذنه من الحسين - ثار صفين وحنين
عياله ظلت بس تون " عاشت بضيم ومحن
.................
3 -
الله يعلم شنهي حالج ساعة الطاح الكفيل
هوه كلبج كلب حرمه جا بعد ظيم شيشيل حسين ظل بﻻ مناصر مابقه بس العليل
مشهد العباس نار وجنه تحرك بالدليل
شلكه منج يالطفوف - لسهم عينه ويه الجفوف
حرم بعده تدولبن
عاشت بظيم ومحن
-------------------
مرت عليه مصايب ماتقاومه الزلم 4
لو الم كلنه العليه ما تفي كلمة الم
عل رمح شافت اخوه وركن دين الله انهدم وجن وحوش الناس صارت بيه ماظل كل رحم
هشمة جثته الحوافر - ياعظم هاي المناظر
تصرخ بونه وشجن
عاشت بضيم ومحن
.............
من كثر حقد النواصب للعقيله وللحسين 5
انسبيتي بالحياة وميته رادو تنسبين
ﻻوحك عباس حلمو ﻻوحك ام البنين
وكفت انصارج ليوث وبالمنايه محزمين
ماتظل بﻻ ولي - كلنه فدوه لبت علي
اليوصل بارضه اندفن
عاشت بظيم ومحن
----------''
الشاعر
عقيل العنكوشي
كل قصيدة موجود لحنها والي يحتاجه من الاخوه الرواديد يراسلني واني بالخدمه
Читать полностью…
اناشيد وشعارات للموكب على شكل كراديس ...
.............
يحسين ابچي وانعاك
ولاخر حياتي
لاتتوقع انساك
حد ساعة مماتي
انته من الله نعمه
انه ابدونك اعمه
يانور الله يحسين
يانور الله يحسين
...........
بصفحات التواريخ
صرت ابرز علامه
يالدرست الاحرار
قاموس الكرامه
شبچي عليك دمعه
تضوي بگبري شمعه
يانور الله يحسين
يانور الله يحسين
........
يالضحيت بالروح
وبدم الغوالي
فدوه الروح ناديت
بس دين الله عالي
إشچم هاشميه
ودوها سبيه
يانور الله يحسين
يانور الله يحسين
..........
اهتمينه بتقاليد
تنظيم الشعائر
بس بگلوبنه اليوم
موتنه الضمائر
نريدك تشفعلنه
كلنه ذنوب كلنه
يانور الله يحسين
يانور الله يحسين
..........
ياعباس اجيناك
خطار بفنائك
نشرب قطره ياريت
من جربت وفائك
صحت اني ومقامي
فدوه لدم امامي
يانور الله يحسين
يانور الله يحسين
.........
يمته الفرج مولاي
عالنار انتظاري
يصطع منك النور
ياحجة الباري
بينه تنادي بالثار
واحنه نصير الانصار
يانور الله يحسين
يانور الله يحسين
............
الحسين النه المناهج والدراسه
الحي يصيح بسمه والدراسه
وحگه الوي خواته وده راسه
اموت ويبقه نبض حسين بيه
الشاعر عقيل العنكوشي:
الشاعر عقيل العنكوشي:
قصيدة لسيدي الحسن المجتبى عليه السلام
ثاني حجه من السماء
رابع اصحاب الكساء
ياحقدهم مارضولك بالحيات
وحته نعشك ماسلم بعد الممات
..................
ياحسرتي وخجلي وندامه
من موالي قصر بامامه
شنهو عذري ساعة القيامه
عذر عاشك ماوفه بغرامه
سيدي ياقرة عيون البتول
يامدد نسل وتعاليم الرسول
مارعو منزلتك وهاي الصفات
حته نعشك ما سلم بعد الممات
_
يامئاسي صارت وظليمه
ويامواقف جارحه واليمه
البيك صارت يالحسن هظيمه
جم مصيبه سوو وجريمه
ذوله انصار السقيفه الحاربوك
بغضن بجدك رسول الله وابوك
وهمه كسرو ضلع فخر الطاهرات
حته نعشك ما سلم بعد الممات
...... . ..........
يامثال الحكمه والقيادة
والبطوله وهيبة السيادة
شهر سيفه بكل عزم وارادة
رغم قله عليهم اعتمادة
قاتل وصالح هدف عنده ويقين
يلقي بالحجه عله كل المسلمين
رغم هذا وساندو راي الطغات
وحته عرشك ماسلم بعد الممات
____
يدري جعده مغرضه و لعينه
وسمهه شايل حقد وظغينه
واجت تركض زينب الحزينه
وصرخت احظر ياعلي نسبينه
راح من عدنه الحسن اول عضيد
وباجر حسين وشهيد يجر شهيد
سيدي ياراعي كل الغانمات
وحته نعشك ما سلم بعد الممات
....................
يمه وصه حسين بالقضيه
يكله دمعك لاتسجبه اليه
باجر اهلك عالترب رميه
وزينب اختك تنوخذ سبيه
خويه تبقه عله الترب ظامي وذبيح
والاطفال من العطش والحر تصيح
حسين يبجي دموعه عالخد هاملات
وحته نعشك ما سلم بعد الممات
نعي للشهداء الذين كانو خدام في المواكب الحسينيه
______________
الشاعر عقيل العنكوشي:
اجه عاشور خيم وانته ماجيت
وتنشدني عليك دموع العيون
يخويه الموكب خلافك وحش حيل
ومجانك فارغ ابين اليلطمون
و زوارك عليك تعودو دوم
شكلهم لو اجو عنك ينشدون
اكلهم راح يحمي بصدره الخيام
ويوكف مستعد وي عابس وجون
عفيه الماسكت من صاح الحسين
ألا من ناصرن وين اليسمعون
صح مشتاقلك بس انه مرتاح
اعرف حسين ماينسه اليخدمون
نزله سريعه للسيده سكينه .ع .
الشاعر عقيل العنكوشي:
تصيح ياعمي ضماي
الحكنه بشربه ماي
____
تصيح ياعمي انسبينه
وهجمت الوادم علينه
النار مشتعله بعبينه
طاحت ليوث المدينه
شهالمصيبه هاي هاي
تصيح ياعمي ضماي
__
بيت طه ونسله احنه
للمنايه بهمه رحنه
انه سكنه انه سكنه
طحت من محنه عله محنه
العفه مستوره بغطاي
تصيح ياعمي ضماي
____
ماقبل كلمة خطيه
ولا اهاب انه المنيه
انعد بجيش ال اميه
كلي اصرار وابيه
الخوف شامرته وراي
تصيح ياعمي ضماي
______
الطاغي باهل الدين يحده
ووحده تلتف عله وحده
النبي هزهز غيضه لحده
الجاحد ابرز بينه جحده
يصيح تمشون بلواي
تصيح ياعمي ضماي
_______
شفت ابوي وعمي راحو
والانصار بهمه طاحو
من غوه الدنيا استراحو
والموالين النه ناحو
ضاكت الدنيا وسماي
تصيح ياعمي ضماي
______
الثار ياشيعه لحمانه
وابد مو منه النسانه
صيرو نجمات بسمانه
شيلو رايتنه ولوانه
ال بيت الرحمه هاي
تصيح ياعمي ضماي
_____
الشاعر عقيل العنكوشي
الشاعر عقيل العنكوشي: قصيده الامام القاسم عليه السلام ......
__________________________
بس أشر يعمي ...
لجلك افدي دمي ...
من كون انذبح لجلك واعود سنين
ما وفيلك واشعر بعدلك دين
بس أشر يعمي ...
____
لعينك من صحت .. كبلك من طحت ..هذا الي اريده
شلة بن سعد .. كالولي ابتعد .. كتلهم بعيده
وي عمي انذبح.. وبجسمي انجرح.. روحي تظل سعيده
اطيته العهد.. من يوم المهد .. عمري اطيته بيده
وصاني الحسن كال امتثل لحسين
ما وفيلك واشعر بعدلك دين
بس أشر يعمي ...
__
انه ابن الحسن .. ماذل ووهن .. علمني السياده
وارث مرجله ..وي جلمة هله .. صارت عدي عاده
منه تعلمت .. لا ماساومت.. عالصلطه وقياده
ولدين النبي .. ولحسين الابي .. متمني الشهاده
كلما امتثل كال انتظر بعدين
ماوفيلك واشعر بعدلك دين
بس أشر يعمي
___
مشتبكه الزلم.. باوعت الحرم .. امي تصد عليه
صاحت شمعتي .. يبني وهيبتي.. ردتك بين اديه
شبكتني وبجت ..شمتني وحجت .. كالتلي بقضيه
امني الحسن.. سيفه ودرعه ذن.. وياهن وصيه
مكتوبه افدي عمك بويه ضي العين
ما وفيلك واشعر بعدلك دين
بس أشر يعمي ..
__
شد اعله المهر .. جن وجه الكمر .. نور بوجه هاله
وجيش الكوفه ظل.. واكف منذهل .. من نوره وجماله
اني ابن الولي.. اي حيدر علي.. ميزان العداله
صاح بزمجره .. جدي حيدره..ورثني البساله
واليوصل اريد بسيفي اكطعه اثنين
ما وفيلك واشعر بعدلك دين
بس أشر يعمي ....
___
يمنه وميسره.. صارت مجزره.. وتتنومس عمامه
هذا ابن الفحل.. بالغيره اشتعل.. ماقصر حسامه
جبده من العطش.. مالحضه انتعش.. وبشفته العلامه
التمو كالنحل.. بسيوف ونبل.. شطروها العمامه
وكع وينادي ياعم ياعمود الدين
ما وفيلك واشعر بعدلك دين
بس أشر يعمي ....
__
الشاعر عقيل العنكوشي
هوسات لسماحة المرجعية الرشيدة و لمناسبة الانتصارات التي حققتها الجيش والحشد العراقي ...
الشاعر عقيل العنكوشي:
جبت فتوة وعلك وياي اجيتك معتني عاني
وجبت تكريت والانبار سحل جابوها شباني
وجبت الموصل مدنكه لرجلك علي السستاني
والجان يزامط راح تسحول بالرجلين
........
الشاعر عقيل العنكوشي:
انه ابن الحشد والجيش والسستاني دستوري
لاجل سيفي بالميدان ولا شح خبز تنوري
مثل بيض السلك بيدي تكشر جامع النوري
وهنا يخليفة داعش نايم كلي بيا سرداب
عظم الله لكم الاجر بقرب موعد وفاة باب الحوائج الامام الكاظم عليه السلام
........
الشاعر عقيل العنكوشي:
الشاعر عقيل العنكوشي:
وارث كربﻻء
يارمز الإباء
بالصبر ذليت هارون وعروشه
وعجزت كبالك جﻻوزته وجيوشه
يارمز الإباء
........
صبر ايوب بحياته . منك تعلم صفاته
وماتحمل
وجم زليخه الطببوها. وحدك بيك وخلوها
وجانت اجمل
طلعت بغتراب
مرتديه الحجاب
تكلهم الجبتوني اله طاهر مكانه
عفت الله منزله بروحه وكيانه
يارمز الإباء
...........
عليك مرت يامصيبه . ناح عيسى اله وصليبه
وظل ينادي
يا امم راوت وليه . كل أذه وقسوة من اديه
وكل تمادي
ﻻ عاد بجنود
وﻻ سوت ثمود
سوت سوايتكم براعي الوﻻيه
كل نفس يتنفسه بهالدنيه ايه
يارمز الإباء
.........
حته ابراهيم ناره. بس سﻻم بﻻ حراه
وﻻ اذيه
وانته نار الغربه حمره . والسجن يتﻻضه جمره
بكل مسيه
عبروه الحدود
عن ظلم اليهود
الك جم ناكه ومكانه الي إعكروهها
واية التطهير يالكاظم نسوها
يارمز الإباء
..........
موسى من فرعون جابه. استنجد وربك اجابه
وما اخافه
وانته اجوك بكل وقاحه . جاوبتهم بالسماحه
وباللطافه
اشمازاد الذنوب
تتامل يتوب
حته ذاك السامك بعنفه وعذابه
مانقمت تكول عد الله حسابه
يارمز الإباء
..........
نبقه يالكاظم ننادي . بصرختك ضد الاعادي
والتكبر
وندعي للقائم بنوره ربك يعجل ضهوره
والله ننطر
يامهدي الالوف
نتامل نشوف
وجهك ونأخذ بثار اهلك بدينه
غيبتك يالغالي شو طالت علينه
يارمز الإباء
الشاعر عقيل العنكوشي:
نور على نور -- نور على نور
بمولد الزهره الطاهره
------------
اليوم العرش فرحان
والدنيا تعزف الحان
مولد النور الفرقان
بمولد الزهره الطاهره
---------
والأمل كاتب عنوان
واجب فرح كل انسان
انسو الحزن والحرمان
بمولد الزهرة الطاهرة
-------------
سورت تبارك ملكاج
والنور تمشي بممشاج
بسورة الكوثر سواج
بمولد الزهره الطاهره
----------
حب حيدر وتسوه الروح
وتشفي شتصيبه من جروح
رغم الحزن ينسه النوح
بمولد الزهرة الطاهرة
----------
ام النبي وبنته تصير
بضعته وحط بيها الخير
كون باوامرها نسير
بمولد الزهره الطاهرة
----------
اليوم الورد عطره الخير
وينادي لاصوات الطير
ماريد ابد كل تقصير
بمولد الزهره الطاهرة
-----------
فاطم نزل من اللوح
بهيئة جسد سكنت روح
عطر القدس بيها يفوح
بمولد الزهره الطاهرة
------------
مبروك شيعتها تصيح
تحمل تهانينه الريح
تطب البقيع بتصريح
بمولد الزهره الطاهره
------------
على لحن . جائنا الظلام . لملا باسم
لسان حال الزهراء عليها السلام تخاطب والدها الرسول الكريم صلى الله عليه وآله وسلم
------------
بنتك الحبيبه .. حايره وغريبه
يالعفتني بعدك .... الكه جم مصيبه
........... .......
بويه يا سيد الخلايق يالي خاتم كل نبي
يالي ربك بيك جامع كل خلق سامي وابي
والله احس روحي بغيابك عايشه بذله وسبي
وياك يم ربك اخذني كل مرادي ومطلبي
ربي اخذ حياتي .... وعجل بمماتي
راحو الغوالي .... دنيتي عجيبه
............... ............
بويه يا بيبان رحمة ربك بطول وعرض
بويه فرحانه السماء بيومك وتبجي الأرض
بويه بالدنيه بغيابك مالي كل حاجه وغرض
الحزن بعدك كتلني والسكم بيه انفرض
بنتك الرقيقه ..... تبجي كل دقيقة
ادري ماكو رجعة ..... من بعد مغيبه
..............
بويه ساعات الشهاده وربك انته تهلله
بالشمس والقمر ديني واهلك ومابدله
اني ابوي الي تشهد ماكو واحد مثله
اشهد ان الله وحده واشهد اني مرسله
بهيبته وجلاله ... خاتم الرسالة
ربك الي قرر .... واسترد حبيبه
................
بويه شحجيلك مصايب بعدك شصار وجره
بويه طلاب المناصب بمنبرك لزمو سره
والغدير انباع حكمه بالسقيفه الفاجره
ونارهم يسعر حقده وبالنفاق موجره
بويه والوصيه ... مجتفه الحميه
حفظاً لكلامك ..... قانع بنصيبه
...... ............
بويه خانوهه الوديعه مارسو ظلم وقمع
بويه حركو بابي بعدك واكسرو مني الضلع
بويه والمحسن استشهد طفو بروحه الشمع
بويه بسماره بوريده مثل عبد الله انكطع
بويه عذبوني ...... من البجي احرموني
واني كلبي ذايب .... مستعر لهيبه
-------------
الشاعر عقيل العنكوشي
قصيدة وارث
--------------------
عصمة الأنبياء حكمة الأولياء
كلها بحسين تمت كلها بحسين
------- -------- ----------
وارث ادم اول روح 1
واسحاق وذي الكفل ونوح
وإبراهيم ويه المذبوح
يوسف والظل لجله ينوح
واليسع وادريس ومن هدى بلقيس
كلها بحسين تمت كلها بحسين
------- --------- --------
وارث عيسى الاحيه الناس 2
ولوط وداود والياس
وصبر ايوب الماينقاس
وارث يحيى قطيع الراس
ياوارث ذي النون وفصاحت هارون
كلها بحسين تمت كلها بحسين
-------- ----------
وارث زكريا المختار 3
وشعيب العاده الكفار
وصالح واشال من اخطار
عزير وشيت ويه الابرار
ياوارث الكليم لذاته الكريم
كلها بحسين تمت كلها بحسين
-------- -------- -------
ياوارث سيد الاكوان 4
صفوة ماخلق الرحمان
ياوارث روح القرآن
ونون وياسن وعمران
والحمد والاعراف والتكوير وقاف
كلها بحسين تمت كلها بحسين
-------- --------- --------
ياوارث زهد الكرار 5
وباسه وسيفه علل فجار
يبن الكوثر والاطهار
للضدك مشتاقه النار
الحب والإحسان ورافة الرحمن
كلها بحسين تمت كلها بحسين
------------
الشاعر
عقيل العنكوشي
قصيدة تشذيب الشعائر
---------------
من صعدنه عل المنابر
ردنه تعظيم الشعائر
كربله احزان والم
ﻻ تغنيه بنغم
---------------
احزن والطم ونادي والدمع حيل اهمله 1
مو اغاني وﻻ هﻻهل لوصحت ياكربله
يالي تركص عالمنابر هذا منه الحلله
حته صخر الله تفطر من نحيب العايله
كل مﻻئكة الله صاحت
والسماء عليهه ناحت
شوف طاح شجم شهم
ﻻتغنيه بنغم
..................
يانغم لو علي الاكبر شفته طايح عل ثره 2
والجثث مال الصحابه كبال اهله موذره
واحد لواحد اليبرز للمضاجع بالسره
والأطفال الي تشرد والبقيه ميسره
موقف ياذي اليسمعه
وما تظل بعينه دمعه
ذبحو كل الزلم
ﻻتغنيه بنغم
------------------------
ماتخاف من الله تعزف لو تطبل عل الدفوف 3
لمن تذكره الكفيل بطيحته وكطع الجفوف
حالته وحالت خواته بهالمواقف لو تشوف
حته صوت الريح غير صوته كام تسمعه اووف
والرضيع بنحره سابح
ياعظم هاي المذابح طاح من ايده العلم
ﻻتغنيه بنغم
...................
تصعب نوصف المواقف ساعة الطاح الحسين 4
والله كل عاشر محرم حته عرش الله حزين
يالي غيرت المصيبه خلي عندك ذرة دين
والي عاده العتره صدك خصمه رب العالمين
كل غضب ربك يثور
ثارا لذبح النحور
محد المنهم سلم
ﻻتغنيه بنغم
--------------------
اه يا صوت السبايه الكله بس ونه وعويل 5
ورنة اصوات السﻻسل بيه مجتوف العليل
والصياط ويه الجنود ويه الحوافر والصهيل
كله لوحه من المآسي تشكلت بأمر الجليل
ﻻزم تخليه طاعه
لو ردت باجر شفاعه
وشذب حروف القلم
ﻻتغنيه بنغم
................
الشاعر
عقيل العنكوشي
شوط كربلائي لسيدي زيد الشهيد عليه السلام
--------------
يازيد الهواشم بيك يفرح حيدر ويفخر
من طبيت للميدان تشبه صولت الاكبر
---------------
زاهد عالم ومقدام بيك الناس تتباهه
وبطولات الشجاعه البيك غيرك منه سواهه
حمية غيرة اهل البيت هواشم حاره دماهه
رفضت الظلم باشكاله
لنسل مروان وافعاله
كمر واصحابك الهاله
يوم الصحت بالميدان كلا للظلم والشر
----------------
رغم قلت انصارك جان واهل الظلم ماتنعد
تترادم زلمه وخيل وانته عله الزلم ترعد
كله تصيح رد عباس اجانه من الطفوف وهد
الرايه تشبه الرايه
ونفس صولت الحمايه
وسوه بيهم اسوايه
تشبه جده داحي الباب يوم الخندق وخيبر
............
رفع راية ثار جده هلم يا انصار الدين
لسا ما نشف بالكاع دم اهل النبي وحسين
نثار للضيع نكوم والضحه الجفوف وعين
وللقاسم نسويله
زفه ونذكر العيله
سبيهه وقيدهه نشيله
ونضرب بالوفاء امثال للمختار ولحيدر
----------------
هواشم عدكم الايثار بالدم وانتم القاده
كرامتكم شهاده ونور وعدكم بالقتل عاده
لذلك من يواجهكم ويكثر الاف باعداده
تتكالب عليك صفوف
وتوذر بيك كام سيوف
مابين عليك الخوف
من طحت وولاك الجيش نفس حسين هالمنظر
................
حقدهم ماكفاهم بيك تموت وتنتهي الغايه
وره موتك اجتنه اخبار وال سووهن هوايه
هسا بالدواعش عاد مروان ورفع رايه
نفس الموقف تجدد
زلمنه ظلت عله الحد
لكن ربك اليشهد
اخذنه الثار بيه اضعاف صارت ساعت المحشر
-----------------
الشاعر عقيل العنكوشي
للامام الحسين عليه السلام
----------
ياجرئة الالوفي ...... بالنبل والسيوفي
فقد قطعتموا بها قلب الرسول
والحشر فيه وقفتن لكم تطول
......... ........... .........
احنه لو مر طير يمنه وجان مهموم وجريح
ندعي يارب شافي جرحه ومن كلب صافي نصيح هاي انسانيه عدنه ودرس موروث وصريح
حسين يبجي علل سيوف الحزن بنحره الذبيح
وقال ربي انهم ﻻ يعلمون
صم وبكم للهدى ﻻ يسمعون
ردو على وقوفي .... بالنبل والسيوفي
............ ...............
يا مواقف بيك مرت بيه تحتار العقول
ولو ردت اشرحه حتما بالشرح كلش تطول
الرسالة بلا قضيتك ماتحقق كل وصول
يالي مني واني منك كاله بيك الرسول
الحسنيني سيدا اهل الجنان
واوجب الود لكم نص البيان
ردو على وقوفي .... بالنبل والسيوفي
...................
العطش يبس لهاتك وانته بالك بالعليل
وعين تربي علل خيام وتسمع اصوات العويل
وجفك المن دم رضيعك مانشف لسى يسيل
تعمه عين الي تشوفك ساعة الطاح الكفيل
وانت تهوي فوق ينبوع الوفاء
ياخير من لبى الى داعي السماء
قد قطعو الكفوفي .... بالنبل والسيوفي
.......... ..................
يامثل عدنه النظربه لقصه من الانبياء
بالصبر والتضحيات ومستوه الحب والولاء
هاي اوصاف الرجال شلون تحويه النساء
فقط بس كول انته زينب افتهم معنه الاباء
فوق الرماح رفعو راس الامام
واخوتا صرعا ونارا بالخيام
لم تحنها الظروفي ...... بالنبل والسيوفي
.................
اااخ يا صرخة سكينه اللسه ياعمي تصيح
وااخ يا دمعة رقيه الويه دم نحرك تطيح
واخ يارملة ورباب وكل كلب دامي وجريح
كله تذكره المواقف من تطب باب الظريح
تهوي بلا وعي على القبر تنوح
والنصر عندما تري تلك الصروح
ولن ترى الالوفي .......بالنبل والسيوفي
........................
الشاعر
عقيل العنكوشي
لانصار ابا عبد الله الحسين عليه السلام
---'''''----------
خدام مو انصار الك
عالكلمه باقين جربنه يحسين
وشوف المراجل بالحرب لجل العقيده
--------------
ياضعن من جنة عدن وياه دليله جبريل
سبحله تسبيح بحزن يحدي بامامه اسرافيل
فياله من فوكه بجنح عن الشمس ميكائيل
ويم حامل الرايه ملك هذا الملك عزرائيل
اول اصحابه الاربعه
ذوله المشوله لبو رسوله
بس اشر عله المعجزه الضدك نبيده
وشوف المراجل بالحرب لجل العقيده
...............
الاف كتبتلك كتب بس ماتعدهم الاف
سبعين من هذا العدد والباقي مابي اشراف
وشما كتب حبر القلم يعجز بعد الاوصاف
بس ارد اكلك من كبل لسا مثلهم منشاف
واحدهم يكلك لون
حركوني بالنار واتذره امرار
ماعوفك وبس حبك من الدنيه اريده
وشوف المراجل بالحرب لجل العقيده
----------------
جم كوكب بكوكب اجه وياك صبرو عالصار
بيهم اصحاب من النبي جدك الهادي المختار
جابوهه من وكت الصبه ماعاشو الذل احرار
من النبي لحيدر علي للحسن للطف انصار
الحر وحبيب وكله الك
نادولك بصوت يامحله هالموت
وهنياله الروح الالك راحت سعيده
وشوف المراجل بالحرب لجل العقيده
...................
ولو جانو انصارك عدد قله بهذيج الايام
هسا اجت الاف الك تعلن ولاء وخدام
انصارك الراحو قبل اولادم هسه ازلام
سولك لثارك حشد حرمو عدوك مانام
صولاتهم تشبه كبل
صولات الانصار سووه طشار
رسمو بطولات وصور للطف جديده
وشوف المراجل بالحرب لجل العقيده
------------------
هذا الحشد سوو الك مولاي ياراعي الثار
وكلوبنه ماتنطفي مشتعله وتفور بنار
اطلع وارفع رايتك واصرخ هلم الانصار
افواج وكتايب تنتظر عندك اكيد الاخبار
نتدرب بداعش لحد
لحظة ظهورك يهدينه نورك
وانكسر اخشوم الكبل جانت عنيده
وشوف المراجل بالحرب لجل العقيده
.................
الشاعر عقيل العنكوشي