405
قناة الشعائر الحسينيه ادارة القناة الشاعر عقيل حسين الگرعاوي https://t.me/akiellal
نهنئكم بولاده مولاتنا فاطمه الزهـراء ع
🌺🌺🌺🌺🌺🌺🌺🌺
نزل جبريل ابشاره امن السماء
بمـولـد الـزهـره لـ محـمـد بشـر
گلـه گـر العـين بالزهـره الـبتول
هـاي مـن ربـك عـطـيه الكـوثـر
الـي يسـخـر مـنك وابـتر يگـول
الشـانئـك بالعـكـس هـوه الابـتر
🌺🌺🌺🌺🌺🌺🌺🌺
✍عقيل حسين الگرعاوي
قصيدة لأم البنين عليها السلام
حضور خوال العباس ع
بفاتحة ام البنين ع
🔸🔸🔸
ليوم لأم عباس نصبو فاتحة
وقافلة جـت بدموع ونايحة
طبت بلهفة وحنين. بفاتحة ام البنين
🔸🔸🔸🔸🔸🔸🔸🔸🔸
1
قافله اتشگ الصحاري گاطعة ادروب الطوال
لـفـاتحـة ام البنـين وصـاحـو اتـلگـو الخـوال
لـفضل صاح اجدادي ذوله والنعم هيبة جبال
الله حـيهـم والمـدامـع گـامت اتصـب الرجال
بأسـم ال حـزام رفـعـو راية
سودة وادموع الحـزن جراية
تعالت اصوات اونين. بفاتحة ام البنين
🔸🔸🔸🔸🔸🔸🔸🔸🔸
2
گـام زين العـابدين وصـاح حـي الله البـدو
ياهـلا بـريحـة خـوالـك عـمـي عباس وكـفو
ورثت غـيرة انته وشجـاعة منهم ومن الأبو
لعمتي زينب منطي كلشي يااخو ونعم الأخو
أبن اختكـم كفل خـدر العايلة
ورفـع صيت ام البنين بكربلة
گعَدَو بي متفاخرين. بفاتحة ام البنين
🔸🔸🔸🔸🔸🔸🔸🔸
3
طـبو المجـلس بواجي ودمع راسم نايبة
گـالـو احـنه بلاتـفـاخـر مـالـنـه غـير الربة
حيدر الأية العـظـيـمة ونال اعـظـم مرتبة
هوه من ياقوت جنة وحنه من معدن شبه
نفخر بأشرف نسب يالسادة
ولـد اختنا صارو من اولادة
بفخر هسه گاعدين. بفاتحة ام البنين
🔸🔸🔸🔸🔸🔸🔸🔸🔸
4
رجل خَّير گـام گـلـهـم والنعم من هـالإخت
عمي هاي المرئة ديرة والله بالحظ بالبخت
اربـعـة جـانـو ولـدها بـيهـم بـيوم انـتـخت
اربعـتكم فـدوه يمـه انتو لحسين اصـرخت
صاحو وگـالو اله فدوة العمر
سـمعـاً وطـاعة وتأمـرينا امر
وصار مأتم للحسين. بفاتحة ام البنين
🔸🔸🔸🔸🔸🔸🔸🔸🔸
5
عافو امصيبة اختهم صار لحسين المصاب
وگام زين العابدين يسولف اشمرهم عذاب
يگـلهم بأرض المعـارة ودعت اغلى الشباب
كـل اخوتي اولـد عمي نامو بحضن التراب
وضل وحيد احسين بالطف وحده
ينذبح ضـامـي وخـواته اتشـاهـده
بَّجَـه كل الجالسين. ابفاتحة ام البنين
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
قصيده. الى فخر النساء. ام البنين. ع
عظم الله اجورنا واجوركم بذكرى وفاتها
▪▪▪▪▪▪▪▪
✍عقيل حسين الگرعاوي
▪▪▪▪▪▪▪▪
تـعـجـز الكـتاب لوكـتـبت عـلـيج
شأرد اوصف عاصمه لدوله وفاء
يلي تاريخج رسـم عفـه وحجاب
مفخره ام عباس صـارت لـلنساء
زرعـت الطـيب بأرض دار الامـام
ونسگـت من ريع سيد الاوصـياء
وخضرت ابطال تتحده الصـعاب
اربـعـه ولـحـسـين نذرتـهـم فـداء
اسست دسـتور بس جدا غـريب
اتگـل لبنهـا افـديتك الولد انبياء
انته خادم صير لختك بنت ابوك
لـزينب الحـره وجـوب الانحـنـاء
ابني عباس واخوتك صيرو سور
لـنـاگـه الحـره بمـشـيـهـا لكـربلاء
وعـينكـم بحسـين خـلوهـا تصير
تهـرولـون بسـرعـه لوجاكـم نداء
بسيدي ومولاي شرط وتنحـنون
سمعا وطاعه الك وافدو الـدمـاء
من تصير المعركه بأرض الطفوف
كـون واحـدكـم يعـد بأكـبر لـواء
يمه عباس الشريعـه گـدها صير
مثل ابوك اليخنگ انفاس الهواء
▪▪▪▪▪▪▪▪▪▪▪▪▪
تمت بعون الله تعالى
عقيل حسين الگرعاوي
قصيدةللزهراء عليها السلام
الزهراء ع توصي الإمام علي ع
في اخر يوم من حياتها واويلاااه
🔸🔸🔸
ٌإگـعد يبو حسين. عندي وصيتين
الأولى اريد اجنازتي تشيعها بالليل
والثانية خليني اوضحها بتفاصيل
وصيتي. وصيتي
🔸🔸🔸🔸🔸🔸🔸🔸
1
بخـفـية بالليل وتوكل هاي الأولى اوصيتي
تحزم ابصبرك يحيدر من تحطـني بحفرتي
انته واللـيل وجـروحـك شيعـوهـا اجـنازتي
اخفي گبري عله لضلمني وسبب صاربموتتي
اسـمع كـلامي. كـل الأسـامي
الهجمو على الدار وشفت من عدهم الويل
والثـانـية خـلـينـي اوضـحـهــا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
2
گـربت سـاعة منيتي من الألم ماگمت انام
ياعلي لـثاني وصيتي اسـتمـع مني الكـلام
التّدعي جانت صحابة هسه ترميني بسهام
خلي ابينلك سوالف صايرة ابگلبي ازدحام
كـل الّـي شـارك. وطب اعله دارك
ماابري ذمته ولايجي لجنازتي ايشيل
والثـانية خلـيني اوضحـهـا بتفـاصيل
وصيتي. وصيتي
🔸🔸🔸🔸🔸🔸🔸🔸🔸
3
استمـع ثاني وصيتي واني احجيهـا بألم
خلي اوضحلك اسامي بلگلب زرعو سهم
ياعلي بهـايه سبحـتي راح اعدهم بالإسم
فلان وفلان اهضموني وبينهم صارلنه دم
المحسن ضحـية. لاگـــه الـمـنـيـه
والزهرة من بعد النبي دمع ودمه يسيل
والثانـية خـلـيـني اوضحـهـا بتفـاصيل
وصيتي. وصيتي
🔸🔸🔸🔸🔸🔸🔸🔸🔸
4
ماردت واحد يصلي عـالجنازة الخائنين
ذوله تربات السقيفة من بعد طـه الامين
علنبي يهجـر تجـرء يلـفظ المـاعنده دين
وبعده عالزهرة تطاول ياعلي هذا اللعين
ماكـو شفاعة. الذوله الجماعة
لخلو ضهر حامي الحمه بجنازتي ايميل
والثانية خلـينـي اوضـحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
5
الله اليعينك يحيدر صعبة هالفرگة احس
ابـتـلائك فـي محمد دافـنـه بأيـدك امـس
وباجر الوحشة جبيرة ليلك ايشيع شمس
من ضمن هاي الوصية رايده بجيك همس
عن لايحسون. بگبري اليضدون
وخلـي البواجي ياعلي الهدنلك الحيل
والثانية خـليني اوضـحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
6
ياعلي دَّون وصـيـتي كـلـهـا وكـتبـهـا بكـتاب
شيعتك خل تقره قصتي تسمع شمرني عذاب
اكـتب الزهـرة شـهـيدة ومـاتت بعـمـر الشباب
ليقره قصتي مااعوفه واحضروياه كل مصاب
اكتب كتابي. وبين مصابي
وخلي المصيبة تنذكر جـيـلاً بعد جـيل
والثانية خـلـيني اوضحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
(ابوذيات)
تقول الزهراء ع
بـعـد مـاغـاب نـور الـنـبي. وجـهــا
نــار ابــاب بـنــتـه الـيـوم. وجـهــا
وسهم حقد ال اميه عليه. وجـهــا
ومـحـسـن قـدمـت اول ضـحـيـه
🔸▪🔸▪🔸▪🔸
تقول زينب ع بعد استشهاد امها الزهراء ع
عـگـبج مـاحـلت عـيشـه. ولاذات
السـطرهـا غـيره ماعنده. ولاذات
رادت مـــنـــه تـتـســـتــر. ولاذات
عـصـرهــا ومـارحـم حـرمـة نـبـيـه
✏ عقيل حسين الگـرعاوي
قصيده لمولاتي فاطمة الزهراء عليهاالسلام
سألو سلمان المحمدي ماللذي يجري
في بيت علي ابن ابي طالب ع
وهوه يجاوب
🔸🔸🔸
احجي ياسلمان شنهو الي جره
اباب حيدر شـفـنه نار امـوجـره
ناس متجمعه وتگول أحرَقو دار البتول
🔸🔸🔸🔸◽◽◽🔸🔸🔸🔸
1
ابلاتحفظ اني اسولـف عن فعل هـاي العبيد
اتجمعو اهل السقيفه ضدعلي ومنصب تريد
بس غـفت عـين الرسـاله بين الحقد الشـديد
ونـكـرو شـوصـه نـبـيـنـه لاكــن ابـداً مايـفـيد
الينكـر الأيه الـعضـيمه بالغـدير
يريديصبح عالخلگ هوه الامير
اليوم سل سيفه ويصول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
2
لاذت الزهـره ودفعـهـا ويدخـل ابلايه اِذِن
فاطمه يگـلوله خلفـه وهـوه جـاوبهـم واِن
شهـالصلافه وهالوقاحه يسمع الزهره توِن
وخلـه بسمـار المنـيه بدفعـته يخضر حزِن
ويسقط المحسن ضحية انقلاب
استشهد برتبة مدافع عالحـجاب
وماقبل عمره يطول أحرَقو دار البتول
احجي ياسلمـان شنهو الي جره
🔸🔸🔸🔸◽◽◽🔸🔸🔸🔸
3
اني شاهد عالجريمه القشعرت جلد السِمه
نهدم ركـن من الرسـاله بكسر ضلع الفاطِمه
ومصحف الزهره الزجيه اصبح ملطخ دِمه
وبَّخـرَت ارض المـدينـه بـاب حمـاي الحِمه
امست الدُخان عنبر جن يفوح
الأفق ابشـع مواقف بـي تلـوح
قررو مرضى العقول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
4
الجان يتسمـه صحابي هسه كشرها النياب
قام ثوره عله الرساله واسس بحقده نقلاب
ومن بعـد عـين النبـوه يحـترگ للزهـره باب
من اثردفعة حقدهم استشهدت ام الحجاب
وحيدر اموصه ابد ميسل فقار
وبقى مجتفته الوصيه بالـ صار
ماخلف امر الرسـول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
5
شَّيـع الدنيـا اعلـه جـتفـه بليل وبلايه علِم
رجـع ويگـلـي يعـمـي اضـن مو واقـع حلِم
غصن من بيت النبوه جنت من عطره اشِم
هسه اشم ريحه هجرها التارك بروحي ثلِم
بيتي ياسلمان صار المگبره
الصبر فارگني بعد الطاهره
دمعي يجري كالسيول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
6
بيت حيدر گمت اطبه مضلم وغايب ضواه
وحيدرالعظم المصيبه محدب وضهره حناه
يگلي جرحي اعله الزجيه مااضن الگه دواه
جـرح البگـلبـه شيجـبره الدفـن زهـرة صباه
يلـي تسأل كـف سـألك والحجي
خلي اواسي حيدرابدمعه وبجي
لوضعه مااملك حلول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
تمت بعون الله تعالى
عقيل حسين الگرعاوي
الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰
بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك
➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي
ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب
اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده
دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون
يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني
مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه
نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب
بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
تـمـت بـعـون الله
عـقـيـل حـسـيـن الـگــرعـاوي
قصيده لسيدة نساء العالمين
فاطمة الزهراء عليها السلام
لسان حال السيده زينب عليها السلام
🔸🔸🔸🔸
اه يمه فاطمه اه يمه فاطمه
🔸🔸🔸🔸◽◽🔸🔸🔸🔸
١
شـلون يمـه نفـتـرگ وباب حضنج ينطبگ
والله ماشبعت شبگ زيـنـبـج تـبـجـي دمـه
اه يمه فاطمه اه يمه فاطمه
٢
يمـه ناري بفرگـتج تسعـر اعله مصيبـتج
تبجـي دم ابنـيـتج بـجـت امـلاك السـمـه
اه يمه فاطمه اه يمه فاطمه
٣
بيتج لمهبط وحي وجـان محـروس ابنبي
هسه طبه الاجنبي وبـسـهـم حـقــده رمـه
اه يمه فاطمه اه يمه فاطمه
٤
النار بعـيوني شفـت لذت خلفج من خفت
منين ماصد والتفت عيونهم تحجي ضمه
اه يمه فاطمه اه يمه فاطمه
٥
يمه اشم ريحة دخان وفارگت حضن الحنان
راح ويـاج الأمـــــــان وروحي ضلـت هـايمـه
اه يمه فاطمه اه يمه فاطمه
٦
بلاطعم تبقى الحياة عيشه بس شبه الممات
بلايه امي الـنايبـات گــلــبـي راح اتـألــمـــه
اه يمه فاطمه اه يمه فاطمه
٧
ستنتجت من الهجـوم حقدمدسوس بسموم
يرجـع يحـاربـني يوم متني سـوطه يورمـه
اه يمه فاطمه اه يمه فاطمه
٨
بـدت مـدعـات الـفـتـن تـنـتـقـل عـبر الزمـن
ضـد علي وام الحسـن ثوره ضـدهـم قائمـه
اه يمه فاطمه اه يمه فاطمه
٩
بس غريبه اعله العقول تنضرب بنت الرسول
ويـحـتـرگ دار البـتـول الـبـيـتـهـا الله كـرمـه
اه يمه فاطمه اه يمه فاطمه
١٠
ورثت من عـندج عـبي تفيدني بدرب السبي
يطگني سوط الناصبي مـن اضـل ابـلاحـمـه
اه يمه فاطمه اه يمه فاطمه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
متباركين لكم ولاده نبي الرحمه
محمد🌺ص🌺
شـنـهـو من نور النـزل من السـمـاوات
فـك لـثام الـدنـيـا خـلـه الـكـون يرعـد
نوره نازل من عـلـو السبعه العضيمات
وكـسـر ابنـوره الضـلام البيهـا مـشـتـد
هـلـه بجـيـتك تنـتـضـر كـل الديـانـات
والـمـسـيـح تـذكـره بالأنـجـيـل احـمـد
وبـكـتـب مـذكـور عـدهــم وبـروايـات
كـلـهارهـبـان النـصـارى بـحـقـه تـشـهـد
هـــذا خــاتــم لـلــنــبـوه والــرســـالات
يـلـه صـلـو اعـلـه الـنـبـي طـه مـحـمـد
صـلـو بس لـلعلـم مـرجوعـه الصلاوات
الـلـي مـايذكـر عـتـرته ابـوجـهـه تـنـرد
اللهـم صـل على محمد وال محمد
🌺🌺🌺🌺🌺🌺🌺🌺🌺🌺
✍ عقيل حسين الگرعاوي
قصيده للأمام الحسن العسكري عليه السلام
لسان حال ولده الامام (المنتضر) عجل الله فرجه
🔸▪🔸▪🔸▪🔸
الأمـام الـمـنـتـضـر. لوالده محني الضهر
يردد وگلبه انكـسر. والـدي والـدي
🔸▪🔸▪🔸▪🔸▪🔸▪🔸
1
بـويـه يااخــر عـطــر مــن الامــامـه
شلون اودعك والظلم شاهر حسامه
بعيني اشـوفن ليلـك وتهـت بظلامه
والـدي اليخـرج درر مـنـطـق كـلامه
وسفه وبسم الحقد. بويه جبدك ينمرد
وبمـكـانك من يسد. والـدي والـدي
🔸▪🔸▪🔸▪🔸▪🔸▪🔸
2
يالعـفـتـني بدنـيـا بـيهـا بس الجـروح
عندي من حرگ المخيم خنگه بالروح
ولسبي عمتي العـقـيله گـلـبي مـذبوح
الألـهـا متحضـر انـوح بگـد عـمـر نـوح
مــن روايـات الـسـبـي. وقتل ابن بنت النبي
اعليها اون واني صبي. والـدي والـدي
🔸▪🔸▪🔸▪🔸▪🔸▪🔸
3
بويه من اقـره الروايه اعلـه العقـيلـه
مــاانـام ولـلـصـبـح دمـعــي اسـيـلــه
وشـوغه ضلت بالگلب قصـة العـليلـه
الألهـا قصـه ويالضعـن كـلش طـويلـه
ضلـت ابـدار الـحـزن. عالأهل تبجي وتون
تصرخ بدمعـه وتحن. والـدي والـدي
🔸▪🔸▪🔸▪🔸▪🔸▪🔸
4
ياصدى ضـل بذني يهـتف كل مسيه
ثـار ينـتـضـرك يمـهـدي مـن الـزجـيه
مـن الطـفـولـه شـيبـتنـي الـغـاضـريه
من اقـره قصة عمـتي الطـفلـه رقـيه
من اثر سوط وضرب. طفله ماتت بالغرب
والدمع يمـطر سحب. والـدي والـدي
🔸▪🔸▪🔸▪🔸▪🔸▪🔸
5
وتبقى قصه اعله الشريعه تشيب الراس
قصـه عن غيره وشجـاعـة عـمـي عباس
الداهـم وبيده جـربـته وعـالخـطـر داس
وضحـه بجـفـوفه لخـواته لأخـر انفـاس
خله رايه اعله النهر. اتاني جيت المنتضر
ياخـذ بـثـار الـگـمـر. والـدي والـدي
🔸▪🔸▪🔸▪🔸▪🔸▪🔸
6
ابـقـى بـالـغـيـبـه الطـويلـه بالـنـوايـب
عـالـمـشـت لـلشـام بـيـتوهـا بخـرايـب
والـغـريـبـه بـديـره مــابـيـهـــا گـرايـب
ومـن يزيد وزمـرتـه شـافـت عـجـايـب
مختصر كل قصتي. راح اضل ابدمعتي
لـلـعــقـيـلـه عـمـتي. والـدي والـدي
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعاوي
قصيد للنبي محمد (ص)
لسان حال مولاتي فاطمه الزهراء ع
بعد فقد ابيها
〰〰〰〰〰
رحل كلشي بغيابك اكتبت قصه اعله بابك
وداعـا يانـبـيـنـه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
1
مـن رحـل وحـي الرسـالـه تـرك اثـار
ريش من جـنحـه الاهـي بعـتبه الدار
وريحه من عـطر الـنبوه بقـت تذكـار
عـرفت وي هـذا رحـيله گلبي يحـتار
وگـمت ابجـي وانادي وصحت بويه يهادي
هجـر بعدك وحـينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
2
ويـه روحـي ابـابك انصـب بـويه مـأتـم
واغـفـه من كـثر البواجـي وبيك احـلـم
جن تجي وتگـلي اصبري الجـاي اعظـم
مـن افـز حيدر اشـوفه دمـوعـه من دم
يـنــاديـني يـزهــــره بدمـع خـده يحـفـره
الصبر واجب علينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
3
وي رحـيـلـك كـلـشـي سـافـر بـويه مـنـي
بقت بس دمعـه اعله خدي تواسـي حزني
شــلــون تـتـركــنـي يـتـيـمـه بـزغـر سـنـي
عـلـي مـــن وحــده اشـــوفــه يـزيـد ونـي
يهل دمعه اعله خـده اشـوفه بحيره وحده
وتگـابلـنه وبجـينه بعد مايجينه بعد مايجيه
🔹🔹🔹🔹🔹🔹🔹🔹🔹🔹🔹
4
ضـلـت ابگـلـبـي سـوالـف بويه جـمـره
جـان مـن يـنـزل وحـيـنـه يـمـي تـقـره
الايـه وتـگــلـي اسـمـعـي بـويـه زهــره
هـسـه بس وحـي المـصـايب لـيه يبره
بعـد هـاي الـرزيه گـرب مـوت الـزجـيه
بعـدعينه انولينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
5
والاشـد مـن هـالـرزيـه وهـذا الـمـصـاب
الانقـلاب اعـلـه الرسـالـه من الاصـحاب
هـجـمـو وداري حرگـوهـه ودفعـو الباب
واني خلفه ويعصروني وضلعي ينصاب
وعـلـن محسن شـهـاده قـبـل حـين الـولاده
الحقد غمضها عينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
6
هجمه من يوم السقيفه اسـيوف تنحد
والـغـديـريـه انـكــروهـا الـبـيـهـا تشـهد
ايــه نــزلـــت گـــلـــه بــلــغ يــامـحـمـد
واعـلـن الـيـوم الـولايـه الـبـيـهـا تـمـتـد
الـرسـالـه ويـألامـامـه وعـلـن واضـح كـلامـه
النبي ابيعـه علينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
تمت بعون الله تعالى
في كربلاء المقدسه
عقيل حسين الگـرعاوي
بسم الله الرحمن الرحيم
قصيده الى النبي محمد -ص-
كلام بين الامام علي ع وفاطمه الزهراء ع
ــــــــــــــــــــــــــــــــــــ
الـزهـره ويـه المرتـضـه دمـوعهـم تـجـري سـوه
اصـبح العـالم حـزين يـارسـول الله الامـيـن
------------------------------------------
1 فــاطـمـه
يـاعـظـم فـرگـه ابـويـه شـرد اوصـفـهـه شـأگـول
بـعـد مـاينـزل عـليـنـه الـوحي ويحـاجي الرسول
مــن بـعـد عـيـن الـنـبـوه ريـت عــمـري لايـطـول
يـاعـلـي وجـنـهـه الـمـصـايـب بـعـدعـنـه ماتـزول
مـن شـفـتـهـه اجـمـعـت وبـالسـقـيـفـه خـطـطـت
بـيـن الـحـقـد الـدفـين يـارسـول الله الامـيـن
ـــــــــــــــــــــــــــــــــــــــــــــــ
2 عـلـي
انـكـســر ظـهـري يـزهــره وبـعـد مـا اگـدر اگـوم
من دفـنـت انـي الرسـالـه ودعـت ذيـج الـرسـوم
جـنـت روحي منـي تـطلـع لـو رحل من عدنه يوم
هـسـه يـم الحسـن فـرگـه بيـهـه مـفـتاح الهـمـوم
الـبـايـع بـيـوم الـغـديـر يـنـكـر الـيـوم الامــيـر
ولـلـولايـه نـاقـضـيـن يـارسـول الله الامـيـن
ـــــــــــــــــــــــــــــــــــــــــــــــ
3 فـاطـمـه
والله يابو حسـين صعبـه مـن سـمع يحجي النبـي
قـلـم جـيـبـولي اكـتـبـلكم گـال يـهـجـر صـاحـبـي
نـتـرك احـنـه الامـر شـورى وخـطط الـهه الناصبي
لطـمـت وجهـي من سـمعته هيج يحجي الاجـنبي
ومـن مـتـت مـا شـيـعـك ولاحـظــر بـجـنــازتـك
بـالـخـلافـه طـامـعـيـن يـارسـول الله الامـين
ـــــــــــــــــــــــــــــــــــــــــــــــ
4 عـلـي.
بـعـد يـم الحسـن لوعـه واجـب اعـلـيـهـه الصـبر حـرگ دارج يـالـزجـيـه وظـلـع مـنـج يـنــكـســـر وانـي مـلـزوم بـوصـيـه ونـار گـلـبــي تـســـتــعــر عاصـفـه ريـح السـقـيـفـه تـوصـل الـگـطـع النـحـر
نـحـر الحـسـين الشـهـيد الـيـرفـض يـبـايـع يـزيد
بـثـارجـدهـم طـالـبـيـن يـارسـول الله الامـيـن
ـــــــــــــــــــــــــــــــــــــــــــــــ
5 فـاطـمـه
هـواي حـاجيـلي الـرسـول اعله الـمـصايب ياعـلـي
بـس خـبـر يـبـجـي ويـعـوفه من يصـل يم السبي
مـن اســم زيـنـب يـذكـره يـنـحـب وگــال اتـركـي
هـسـه يـابوحسـيـن اريـدا اسـمـعـك تـحجيلي بـي
لـيـش مـن ذكـره يگـول اه و يــون الــرســــول
ويتـركـه ويبقى حزين يارسـول الله الامـيـن
ـــــــــــــــــــــــــــــــــــــــــــــــ
6 عـلـي
فـدوه اعـذريـنـي يـزهــره مـووكـت هـذا الـكــلام
مـخـتصـر بـس انـي اگـلـج تـنـسـبي عـيال الامـام
ومـن بـعـد ذبـحـه زلـمـهـه زيـنـب وحـرگ الخـيـام
تـصـفـه بـس هـيـه كـفـيـلـه لاعـشــيـره ولاعـمــام
مـايـظـل بـس العـلـيـل وتـمـشـي هلدرب الطويل
بسوط يظربهه اللعين يـارسـول الله الامـيـن
ـــــــــــــــــــــــــــــــــــــــــــــــ
--------تمت بعون الله-----------
(عـقـيـل حـسـين الگـرعـاوي)
لـلاربـعـيـن. (من الارشيف )
اليوم زيـنـب بت عـلـي مـحزمه بصـبـر الـحسـيـن
تصـيـح والمـدمع يـهـل جـيـت يــوم الاربـعـــيـن
◾◾◾◾◾◾◾◾◾◾◾◾◾◾
1
الـيـوم اجـيـت الكـربـلـه من بـعـد ذيـج الـمـحـن
بــعــد لاتـنـده يـزيـنــب انـي اسـمـي ام الـحـزن
مـن بـعـد ذيـج الـمـأسي الـبـيـهـا انـواع الـفـتـن
قـدر الـرب الـمــعــيـن جــيـت يــوم الاربـعــيـن
➖➖➖➖➖➖➖➖➖➖➖➖➖➖
2
شـحجي عن ذيـج المأسي وعل مصايب شردگول
بـيـتـونــــه بـالــخـــرابــه بـهـاي عباس اشـتـگول
ومجلس الـطـاغـي دخلنه بحيـدر يـسـب والبتول
يـصـيـح ذولـه خـارجـين جــيـت يـوم الاربـعـيـن
➖➖➖➖➖➖➖➖➖➖➖➖➖➖
3
خـلـه راس حـسين يمه وگـام يـضـرب بالـعـصـه
گـتـلـه شـنـهوالعذر منه لــورســــول الله اجــــه
والله مـاعـنـدك رجـوله لاوحـگ رب الـــســـمــه
كـون عـد عـبـاس اديـن جــيـت يـوم الاربـعـيـن
➖➖➖➖➖➖➖➖➖➖➖➖➖➖
4
يـضرب بـراس ابو الـيـمـه بـيـنـه يـتـشـمـت يزيد
يـگول ثاري الـيـوم اخذته ثــار عــتـبـه والـولـيـد
لـشـانـهـم قـدمـتـه قـربـه ذبـح اخـوج مـن الوريد
جـان انـي بـذمـتـي ديـن جــيـت يـوم الاربـعـيـن
➖➖➖➖➖➖➖➖➖➖➖➖➖➖
5
جـيـتـك وبگـليبي حسره من مـصـايـب هـالـدهـر
ومن بـعـد عـبـاس اخـويه هـسـه يـحـديـنـي شمر
شـلون تقـبـل يبو الغـيره مـخـدرتـكـم وانـسـطـر
ادري بـي گـلـبـك حـنين جــيـت يـوم الاربـعـيـن
➖➖➖➖➖➖➖➖➖➖➖➖➖➖
6
والله يـاعـبـاس صـعـبه ويـالـغـرب رحت واجيت
عـفـتـك اعلـنـهـر مرمي وبـربـعــيـنـك هـالـفـيـت
جيـتـك اني وكلي لهفه مـوتي يم گبرك نـخـيـت
اشـكـي جـور الضـالمين جــيـت يـوم الاربـعـيـن
➖➖➖➖بيت الدعـاء➖➖➖➖➖➖
7
واني مـن شفت المواكب كـلهـاتـضـرب بالسـيوف
تـعـزي بـالـحـوراء زينب تـمـشـي الاف الـصـفـوف
تصورت ضعن العقيله طب على الحضره ويطوف
وي زحــام الـزائـريـن جــيـت يـوم الاربـعــيـن
◾◾◾◾◾◾◾◾◾◾◾◾◾◾
تـمـت بـعـون الله تعالى
عـقـيـل حـسـيـن الـگـرعـاوي
الى رقـيـه عـليـهـا السـلام
زينب تندب بالامام الحسين ع وهي في خربه الشام وتقول ماذا افعل يااخي ورقيه گلما نامت فزت تنادي رئيت والدي الحسين ع 💔💔
ــــــــــــــــــــــــــــــــــــــــــــــــــــ
بـيـمـن اصــبــرهــــــا فــگــــدك قــوي مـصــابـه
طــيـفـك اذامــرهــــا صـــاحـــت شــفـت بـابـه
⚫⚫⚫⚫⚫⚫⚫⚫⚫⚫⚫⚫⚫
1
طفـلـه مـن فـگـدت ابوهـا ضـلـت بـنـار المـصـايـب
تـبـجــي ســـكــتـه
تـتـعـب وتـغـفـه اعـلـه ايـدي تـرد تـفـزيـاعـمـه هـذا
بـابــــه شـــفـــتــه
تگـلـي عـمـي عـلـه الشـريـعـه تـأخـرومـارد علـيـنـه
شـــنــهــي ضـلـتـه
ماحـضـرحـرگ المـخـيـم ولسـلـب تـرجـيـتـي عمي
يــحــــز رگـــبــتــه
كــافـلـنـه لــو يـحـضـر يـشـوف الـجــره عـلـيـنـه
نــار الـخــيـم تـســعــر جــــوتــهـــا رجـــلــيــنــه
➖➖➖➖➖➖➖➖➖➖➖➖➖➖
2
مـايـگـف سـاعـه عـتـبـهـاوانـه اصـبـرهـا ابدمـوعـي
وضـــهــري مــحــنــي
تـگـعـدوتـشـرح هـضـمـهـاتـنـادي تقـبـلـهـا يسـبـنـي
ورد ضـــــربــــنـــــي
بويـه من ابجـي يجـيـنـي يـگـلي اسـكـتـي يالسبيه
وبــيـده عــــتـــنـــي
خويـه شـوصـف من مواقـف لواجـت يـمـهـاسكينه
وگــــــابــلــتـــنــــي
نـاري تـضـــل تـســعـــر وبـيـش اواســـيـهـــــا
وبـگـلـبـي جـن خـنـجـر حـيـن الاصــد لـيـهــــا
➖➖➖➖➖➖➖➖➖➖➖➖➖➖
3
هـدمـت صـبري رقـيه من مـشـت يم جسـم ابوهـا
بـشـوغـه نـاحـت
تـگـله لابويه اعـله بخـتك مـوگـلت انتي الحـبـيبه
ونـحـره بـاسـت
شـلـون تـتـركـنـي يتـيمـه وانـي غـرگـانـه ابـدلالك
يـمــه صــاحـت
لـوتشـاهـدني اشـجـرالي مـن سـياط انـذال امـيـه
امتـونـي راحـت
امـسـح دمـع عــيـنـي وبـحـضـنـي اخـلـيـهــا
تـشـكـي وتـبـجـيـنـي مـن ضـرب ســابـيـهـــا
➖➖➖➖➖➖➖➖➖➖➖➖➖➖
4
طـفـله مـن دون الـزغـار يگـطـع بگـلـبي حـجـيـهـا
مــــن تــنــادي
هـنـا يـكـفـال الضـعـيـنـه عـمـي مـوطـبـعك سكوت
اعـلـه الـمـأسي
تـســولـف واســمـع جــوابـه جـن يـگــلـلـهــا رقـيـه
شـوفـي راسـي
معـلـگ ابـعـالـي الرماح وجسمـي ظل اعله الشريعه
بــدمــه عــاري
نـار بــگــلــب عــمــج دمــعــاتـج اتـجــرحــه
ومـن سـوط اليـألـمج راســي يـهــز رمــحـــه
➖➖➖➖➖➖➖➖➖➖➖➖➖➖
5
تـردعـتـبـهـالـراس ابـوهـه تـگـلـه سـجـادة صـلاتـك
هــالـجـبـتـهـه
روحـي اقـنـعـهـاتـجـيـنـي بـنـيـتـك الـطـفـلـه رقـيه
شــوعـفـتـهـه
جـنـت اتـغـطـه بـحنـانـك هـسـه مـاتـعـرفهـه بـتـك
لــوشـفـتـهـه
انصـبـنـه مـأتـم بالـخـرابـه اني وسكـيـنـه وحمـيده
وعـمـتـي اجتنه
گــالــت بـواجــيـجــن خـــافــن يـسـمـعـوهــا
تـعــرفـنـه ســابـيـجـن الـتـبـجـي يـضـربـوهـا
➖➖➖➖➖➖➖➖➖➖➖➖➖➖
تـمـت بـعـون الله
عـقـيـل حسـين الگـرعـاوي
قصيدة للسيدة رقيه عليها السلام
كأني بها تشرح الايام الخمسه القضتهن
بالشام والتحقت بركب الشهداء
كل عمري بالشام بس خمسة ايام
وتوادعيت ويالهوه من شاهدت ذبح الضوه
🔸🔸🔸🔸🔸🔸🔸🔸🔸
1
عـن فـاجـعـة طـف كـربله بالگـلب اقـره الـمـقـتل
من يوم عمتي شاهَدِت شبجت العشره اعله التل
وبـلـيـلــة الـبـيـن الـجـــثـث دورتـك ومـــــاانـدل
تالي اتبعـت درب العطـر اشـتمـه وامشـي اتختل
ليل ورعب جان وبشحه اخـوان
ماكو امان بنينوى من شاهدت ذبح الضوه
🔸🔸🔸🔸🔸🔸🔸🔸🔸
2
راح اختصردرب السبي واشرح الخمسه الصعبه
وادم تلـگـتـنه بحـجـر ضـعـن السـبايه اتضـربـه
وبـعـيـنـي وادمـهـم شـفـت زين الـعـبـاد اتـسـبـه
بـتـنـه بخـرابه بـلاسـگـف السـاده صـارت غُـربـه
شوفخر الانساب هالصارو اغراب
وبدمهم السيف ارتوه من شاهدت ذبح الضوه
🔸🔸🔸🔸🔸🔸🔸🔸🔸
3
من اصبح اعلينه الصبح ثاني خـمـس ايامي
گالو اخذوهم للقصر عتني من اديني الشامي
گـادونـه وبـنـص الـقـصـر راس الابـو گـدامـي
ويـضـربـه بـالـعـوده الـنـذل ويـهـيَّـج بـألامـي
وتتفرج الناس من يضرب الراس
من الحزن عمري انطوه من شاهدت ذبح الضوه
🔸🔸🔸🔸🔸🔸🔸🔸🔸
4
هيج استمرت بالقصر وبعيني اشوف المنضر
يضـرب ثنايا بالعـصى هـيج الوكـت من يفـتر
ويطلب سكـينه خـادمه هيج وصلـت وتصـور
وعـمـتي الدعـاء اتردده أمـن يُجِـيب المـضطر
من دمع العيون جَرَّحت الجفون
ماضن بعد ينفع دوه من شاهدت ذبح الضوه
🔸🔸🔸🔸🔸🔸🔸🔸🔸
5
يانـضـرت الشـامـت سـهـم لـلتـنـسـبي بـلاوالي
گمت اشعر بقرب الاجل من راس ابويه اگبالي
لـن حشـمـت راس الابـو انضـر يبـويه احـوالي
ترضـاهـا بنتك تنضـرب حاجـيني بويه الغـالي
مايحمل اعتاب يقربلي الاسباب
گمت اشعر ابغصني لتوه من شاهدت ذبح الضوه
🔸🔸🔸🔸🔸🔸🔸🔸🔸
6
اخـر مـحـطـه من العـمـر خـامس خمـس ايامي
بالحـلـم جـاني وشـاهـدت وجهـه حـزين ودامي
تـلـگـيـتـه بـويـه يـاهـلـه تـفـضـل مـلـك احـلامي
يابويه شـنـهـو العـطـلك لشـوفتك گـلـبي ضـامي
فزيت اناديك من حرگتي اعليك
اثنـينه متـنه سـوه من شاهدت ذبح الضوه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
موشح لأم البنين
🔸🔸🔸
الياسـبب الله العلي مخـتارهـا
انتي أيـه المـاعرفنه اسـرارهـا
🔸🔸🔸◽◽◽🔸🔸🔸
1
الدنيا سفـره وينكـشـف معـنى البشر
انتي جيتي من البوادي اعله الحضر
لأصـــل بـدويـه ومـواطــن لـلـفـخــر
جـسـدَت مـعـنى البـطـولـه بهـالسـفـر
ونالـت العـزه بعـظـيم افـعـالهـا
انتي أيـه المـاعرفـنه اسـرارهـا
🔸🔸🔸◽◽◽🔸🔸🔸
2
اسـسـت دسـتور عـنـوانـه الحـنـين
تـوگـف اسـتـعـداد لـومــر الحسـين
والـحـسـن يـمـنـعـهــا لايـم البـنـيـن
تـگـلــه مـوبـيدي امـر مـن الجـنـيـن
ابطـنـي العـباس احـسـه گـالهـا
انتي أيـه الماعـرفـنه اسـرارهـا
🔸🔸🔸◽◽◽🔸🔸🔸
3
جـابـت الـعـبـاس غـيـره رضـعــتـه
بـعـلـگ مـن بيت الرســالـه شــدتـه
ومـن رمـــاد الـبـاب بـيـده حــنــتـه
وصــتـه وكــفـــال زيـنـب سـمـــتـه
ورايـة الـعـز والكـفـالـه شـالـهـا
انتي أيـه الماعـرفـنه اسـرارهـا
🔸🔸🔸◽◽◽🔸🔸🔸
4
شلون افسـر ايه بالـمـعـنى قـريب
انـتي ويـه التربـيه امـرج عـجـيب
محـبـتچ لـحسين مـاحبـهـا حبـيب
مـااضـن ولدچ رضعتي بس حلـيب
انه اضن غيره ارضعت اطفالهـا
انتي أيـه المـاعـرفـنه اسـرارهـا
🔸🔸🔸◽◽◽🔸🔸🔸
5
خـلـطـت الـغـيره ويأطـبـاع الـبـدو
وكــاسـرتـهــا بـغـيـض فـقــار الأبـو
وانــتـجـــت اولاد تــركـــع لـلأخـــو
ومـاتـهـاب المـوت لـوجـاهـا العـدو
سيوف رضعت من ثدي فقارهـا
انتي أيـه المـاعـرفـنه اسـرارهـا
🔸🔸🔸◽◽◽🔸🔸🔸
6
امنيتي اعـرفه منـين نابع هـالولاء
شـنهـو سـرچ كوكبج عالدنيا ضاء
شـهـالتواضـع جبتي عمرج انحنـاء
حسن عـاقبتج كـرامـه من السمـاء
الفـاتحـه تسـهـيل امـر نـقـرالهـا
انتي أيـه المـاعـرفـنه اسـرارهـا
🔸🔸🔸🔸🔸🔸
تمت بعون الله تعالى
عقيل حسين الگرعاوي
دارميات. الى ام البنين. ع
عظم الله لكم الاجر بوفاتها
▪▪▪▪▪▪▪
مكدره الدنيا اليوم ومحزمه احزان
من گالو ام عباس منها الاجل حان
▪▪▪▪▪▪▪
مضـلمه بهـذا اليوم ارض المـديـنه
والفـگـدج الاكـوان امسـت حـزينه
▪▪▪▪▪▪▪
اعله الطـاعه للمعصـوم ربتهـا الابطل
اورثت الغـيره اجـيال تنطيها لأجيال
▪▪▪▪▪▪▪
زرعـة الـغـيره ابـگـاع طـگ بيـهـا عباس
وضحه لجربته اجفوف لاخدره ينجاس
▪▪▪▪▪▪▪
✍عقيل حسين الگرعـاوي
الى ام الاقمار الاربعه سيدتي (ام البنين)
🔸🔸🔸🔸
يبوالحسنين عـندي مطـلب بيه اسـولف جيتك
يبوالحسنين ارخصني احجي گبل لاطب بيتك
وادخـل الـدار بسلام
مخـتصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
1
ياباالحسـن اول طـلـب تقـبلني عـدكـم خـادمه
ثاني طـلـب ماريد احـد يسميني بسمي فاطمه
اهل الارض مثلي فرض الكم خَدَم يهـل السمه
خـاف اسمـي يجـرح زينبـك لـوللحـسين يألـمه
رايده جواب خادمتكم تقبلوني ابلااجر
رايده جواب حتى گدام الزجيه افتخر
هذا مطلب بت حُـزام
مخـتـصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
2
يابنت الاجواد وفخـر هذا الحچي من منبعج
انتي بنت فخـر ونسـب شنهو ليدور بخاطرج
شـانج جبير ومنزله سـبحـانه هـوه اختار الج
لــوعـالأسـم يـافــاطـمـه ام الـبـنـيـن انـلـقـبج
انتِ اميره ادخلـي ابمـمـلكـتي ياام البنين
انتِ اميره الباري خصج بالكرامه وباليقين
وكـلفـج بأعظـم مهـام
مخـتصـر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
3
يوم الدخـلت الداركـم ال النبي گـمـت افتخُر
بخدمة علي اولد النبي هنيالي لواگضي العمُر
ياربي ديـم ابرحمـتك توفـيقـي في هذا الامُـر
وارزقـني اولاداٍ خَـدَم افـديهـم الأشـرف خـدُر
ياضوه العين. افـتـخـر الـكـم اصـيراً خـادمـه
ياضوه العين. افدي روحي حتى تقبل فاطمه
بلا رضاها اني بظلام
مخـتصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
4
سـولـفلـي حيدر كـل خـبر من النبي عني روه
گـال اربـع اقمـار انـرزق اوَّلـهـم يـشـيل الـلـوه
ويكفـل خـدر ام الخـدر برحلـة جـهـاد النـينوه
ماكَمَل القصه وطحت ومجره لدمع خدي روه
عهد بالله بالضـلـع والمحـسن وخـدر النبي
عهد بالله افدي ولدي وروحي اني الزينبي
عـهــد بـدويـه لأمـام
مختصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
5
بـعـد الوصـي دار الزمـن والكـربله حسين استعد
حـضـرت ولـدي وحشـمت قـولو هـوه وغيره ابد
دگ صدره عباس اوگف ومن غيرته جسمه ارتعد
لخـدر الـنـبـي انـي فـده والـوالـدي مـنـطـي عـهـد
عفيه ولدي هيه فرصه ومن تمر مر السحاب
عفيه ولدي حسين واقـع والبقيه بس سراب
گرو عيني وخل انام
مختصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
6
چم حسره ضلت بالگلب وخلـتني اعاني من الالم
يوم الـدنه مـنـي الاجـل بگـلـيبي چـن نار الـخـيم
شمحـلاها لو بجنازيتي حسين واخـو راعي العلم
ويشـيعـوني الكـربلـه المـنـهـا جـبـل صـبري انهدم
امنيه هناك اندفن بتراب بي ريح الحسين
امنيه هناك بـكـربـلائـك تـنـدفـن ام البنـين
واغفه بمچان الخـيام
مخـتصـر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
تمت بعون الله تعالى
عقيل حسين الگرعاوي
ملا مسلم عقيل الگرعاوي
واخيراً بيهم التقيت
قصيده للزهراء عليها السلام
اربعة شهود عيان على جريمة الهجوم على
دار علي ع وفاطمة الزهراء ع
يطلبهم الزمن كشهود عيان كل من
الحسن ع والحسين ع وزينب ع وفضه رض
🔸🔸🔸
اتلث شهود اعله الجريمه وفضه رابعهم
شـاهـدو عـين المصـيبه من اضربو امهم
الزمـن رايد كـلام مَـروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
1
الـزمــن يـســأل يـتـانـي رايـد اجـواب
عـن جـريمـه بـلاجـريـمـه يحـترك باب
رايد يوضح الدوافـع واصـل الاسـباب
يبـين اصـحـاب النبي لـوذولـه ارهـاب
رايـد التـاريخ يكـتـب شـنـهـو اسـبـابـه
ينجـتف حـامي الحمـيه ويحترگ بابـه
بنارهم يصبح حُطام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
2
الحـسـن اول شـهـود بـعـيـنـه ينـضُـر
امـه خلـف الباب مجـرم بـيهـا يعـصُر
يگول شـاهـدت اللعـين بخدها يسطُر
يازمـن سجـل ضلعـهـا بدفـعـه يكـسُـر
امـي مـن اشـتـد الـمـهـا يـاعلي صــاحـت
گمت احس ارض لمدينه نشالت وطاحت
وصارت الدنيا ضلام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
3
الحسـين الـشـاهـد الـثـاني سـمـعـهـا
امـه خـلـف البـاب وتـون مـن الـمـهـا
يگول انه بعيني اشاهد من صفـعـهـا
لـسـه بذني صـوت تكـسـيرة ضلعـهـا
بـعـد مـااگـدر اكـمــل حــدب الـســانـي
زيـنـب اتـكـمـل مـصـيـبـة ذبـح قـرأنـي
هذاحجيي وسلام مَروي من بيت الأمام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
4
زينب اتكمـل الشهـاده بعد الحسين
تگـول بسمـار المـنيه صـاب الأثنين
امي والمحسن سويه تشـاهد العين
طاحو ومـنهـا تكَّـسر اضـن ضلـعـين
النار شبت بالعبايه وشبگت المصحف
طفـته وگـلـتلـه عـذراً حـيدر امـجـتف
ياورث خير الأنام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
5
فضه احجيلي اشسمعتي وشنضرتي
صرخـت امن الزهره ياعـالـم فشـلتي
ريت كل اضلوعي فدوه لضلعج انتي
والله مـادام انـي عـدلـه تبـقـه ونـتي
كل الاسماء انه عندي الهجـمـو اعليهـا
باجـر ابـيـوم القـيـامـه لـلنـبي انطـيهـا
عيني بعدج ماتنام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
6
يلَّـي مـاعـندك درايه بهـجمـت الدار
وَضَّحَـو اربع شهـود الَّـي جره وصار
كل تفاصيل الجريمه وفعل الاشـرار
مـارعـو حرمة نبـينه وحامـي الجـار
عـوف تأريخ ال امـيه والنضـر غـضـه
الحسن وحسين شهدو وزينب وفضه
عن جريمه اقتحام مروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
تمت بعون الله تعالى
عقيل حسين الگرعاوي
قصيده لفاطمة الزهراء عليها السلام
الامام علي ع بعد فراق اعز اصحابه واحبابه
فاطمه ع والنبي محمد (ص)
القصيده فيها رساله عن الصاحب
🔸🔸🔸🔸
ياكسرتي بأحبابي ادفن بديني اصحابي
بحقد وغدُر سهم الهجُر
سـهـم الـهـجُـر دگ بابي
🔸🔸🔸🔸◽◽◽🔸🔸🔸🔸
1
يبقى بألم طول العمُر اليدفن بدينه الصاحب
عـالحلوه والمـره مشو عشرة العين وحـاجب
صرنا مثل عند العـرب وطاعة نهجـنه واجب
صحـبة محمد وي علي الأنجـيل عنهـا كـاتب
وبـحـيدره والزهـره كل الخلگ متحيره
لهذا الامُر سهم الهجُر
سهم الهجُـر دگ بابي
🔸🔸🔸🔸◽◽◽🔸🔸🔸🔸
2
عشـرة علي وي فاطمه تبقى مـثل للأجـيال
بيهادروس اعله لخدر ودروس تصنع ابطال
يالتقره عن حيدر علي طبق كـلامه الينگـال
الصاحبك فَـدَّي العمُـر لـوردت تصـبح رجال
اخذل محمد حاشه اني النمت بفراشه
مفَدّي العُمر سهم الهَجُر
سـهـم الـهَـجُـر دگ بابي
🔸🔸🔸🔸◽◽◽🔸🔸🔸🔸
3
بس موقياس الصحبتي ويه اليحرف القرأن
اهل السقيفه الي انكرو بيعة علي موصحبان
اتـأمـرو ضـد الـنـبـي مـات وعلـيـهـم غـضـبان
وتالي بحقدهم فاطمه تموت ابضلعهـا نيشان
يبقى اثرهـا العصره ابگـلـبي مـوبالزهـره
بگلبي جمُر سهم الهَجُر
سهـم الهجُـر دگ بابـي
🔸🔸🔸🔸◽◽◽🔸🔸🔸🔸
4
بعد النبي صـار الغَـدُر منـ ليدعـون الانصـار
واني ابوصيه من النبي لـتسل علـيهـم بتـار
اِحقن دمـاء بهالوضع واصبر عليك شماصار
وتـجـرئـو وبـلاخـجـل ابـابـي شـبـوهـا النـار
بگـرابه ضل فقـاري بگلبي وابيتي ناري
ماضل صبُر سهم الهَجُر
سـهـم الهَجُـر دگ بابـي
🔸🔸🔸🔸◽◽🔸🔸🔸🔸
5
بيتي صُـفـه بلافاطمه بس بـي ورث للملگه
بـي زينب بلهـفه وهلـه تتلگـه ابوها ابشبگه
تلبس عباة امها وتجي يمي وگليبي تحرگه
من اتگلي صبري اتهدمـه مااحتملهـا الفرگه
يبقى الدمع يحجيلي والسهر عاشر ليلي
بحلمي اليمُر سهم الهَجُر
سـهـم الـهَـجُـر دگ بابـي
🔸🔸🔸🔸◽◽◽🔸🔸🔸🔸
6
لمـن اعـيد الذاكـره تخنـگـني حـيل العـبره
وگـلـبـي يضـل ابلـهـفـته يذكـر ايام لزهـره
الجـانت ابعـيني ضـوه وبليلي هـيه الگمره
زغرت ابعيني دنيتي اوحزني صار اشكبره
الفـارگ اعـز احبابه تضل دمعته سجابه
يموت ابغدُر سهم الهَجُر
سـهـم الـهَـجُـر دگ بابـي
🔸🔸🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگـرعاوي
قصيده نزله. للزهراء عليها السلام
🔸▪🔸▪🔸
حيدر ابحسره. يدفـن الزهـره
يدفـن الزهـره. حيدر ابحسره
🔸▪🔸▪🔸▪🔸▪🔸▪🔸
1
الوالي
گـوه ينـگـل جدمـه. شگد عظيمه الصدمه
علي بـاگــو حـلـمـه
الموقف
يصيح هدم حـيلـي. ومـانمـت كـل لـيـلـي
طـيـفـج اينـاغـيلـي
يالزهره
بعيني حرگـت بابج. هـدني حـيل غـيابج
ريـت بـيه صـوابـج
بالگـلب جمـره. يـدفـن الـزهــره
يدفـن الـزهـره. حـيدر ابحـسـره
🔸▪🔸▪🔸▪🔸▪🔸▪🔸
2
اذاني
شطوله ليل الوحشه. مــانـمـت لـلـغـبـشـه
صبري فگـدج طشه.
خلصته
ويم حسن كل ليلـي. احـس جـن تشكـيلي
وعـالظـلـع تـومـيلـي.
وتگلي
عـلـي روح لــزيـنـب. هسه گـعـدت تنحـب
مـن بـجـيـهـااتـعـذب.
رد عـلـي بـقـهـره. يـدفــن الـزهـره
يـدفــن الـزهــره. حـيدر ابحـسـره
🔸▪🔸▪🔸▪🔸▪🔸▪🔸
3
ياويلـي
زيـنـب اتـلـگـتـنـي. من اوصـلـت شـبگـتني
بس حجت بجتني
مااحمـل
گـلـبي ضـل ابناره. محـافظ اعلـه اسـراره
عـالظلـع واخـباره.
مااحجي
تبقـى تسعـر نـاري. عـلـه الـشـفـتـه بـداري
ومـااســل فـقـاري
وانـضـر الـعـصـره. يـدفـن الـزهـره
يـدفــن الـزهــــره. حـيدر ابحـسره
🔸▪🔸▪🔸▪🔸▪🔸▪🔸
4
يالزهـره
والله مـوحش دارج. ضلمه بعد انوارج
بضلعي جن بسمارج.
يشرحلي
طيفج اعلـه الحـالـه. الزمن كـل انذالـه
لـلـحـطـب حـمــالــه
ويشبهـا
نـاره وبـنـص بـيتي. وجتفتني وصيتي
بسـمـي لـونـاديـتـي
افـني هـالزمـره. يدفـن الـزهـره
يـدفــن الـزهـره. حيدر ابحسره
🔸▪🔸▪🔸▪🔸▪🔸▪🔸
5
اذتـنـي
زيـنـب ابـونـتـهــــــا. تبـجـي ويـه اخـوتـهـا
مــاتـكـف دمـعـتـهــا
تجـاره
الدمعه واني ابروحي. امكـابر اعله اجروجي
مــــااســمــع نـوحــي
كـاتمها
ونــتــي والـعــــلــــه. الـگـلــب ضـيـع خـلــه
الـجـان سـاكـن ضلـه
سـاكـن ابـگـبـره. يـدفـن الزهـره
يـدفـن الـزهــره. حيدر ابحسـره
🔸▪🔸▪🔸▪🔸▪🔸▪🔸
6
خـليتي
ريـحـتـج والـمـلـگـه. خـلفـت بس فرگـه
بگـلبي خلت حرگـه.
يالبيتج
صـار بيـت احـزاني. وبـس الــم راوانـي
والـقــهـــر ســلانـي.
ماانسـه
وردتـي العـصـروهـا. وبالضلـع صابوهـا
بت نبي وهضـموهـا
الـطـاهـره الـحـره. يـدفـن الـزهــره
يـدفــن الـزهــــره. حيدر ابـحـسـره
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعـاوي
قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪▪▪▪▪▪▪▪▪
بـويـه الله يعـيـنـك بهـاي المـسـيه
مـن رجعـت ودافن الزهـره الزجيه
رديت دمعك دمـه. وتصيح يافـاطمه
◾◾◾◾◾◾◾◾◾◾◾◾
1. السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره
تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار
تنادي يحـامـي الحمـه وتصـيح يافـاطـمـه
◾◾◾◾◾◾◾◾◾◾◾◾
2. الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي
وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه
بيدي الخـدر سـلمـه وتصـيح يافـاطـمـه
◾◾◾◾◾◾◾◾◾◾◾◾
3. السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج
تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب
بين الـنهـر والضـمـه وتصـيح يافـاطـمـه
◾◾◾◾◾◾◾◾◾◾◾◾
4. الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم
الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام
بـغـضـن الـي لورمـه وتـصـيح يافـاطـمـه
◾◾◾◾◾◾◾◾◾◾◾◾
5. زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر
شـوفـي شنهـو اعله الشريعه يمه يجره
شلون الحسين اعله اخيه انكسر ضهره
وراسـه رفعـه وكـلمه وتصـيح يافـاطـمـه
◾◾◾◾◾◾◾◾◾◾◾◾
6. الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي
مـفـخـره بنت الزجـيه واخت الابطال
موقـف اترسـمين يوذكـر مر الاجـيال
عطشـتي نهـر بضمه وتصـيح يافـاطـمه
◾◾◾◾◾◾◾◾◾◾◾◾
تمت بعون الله تعالى
عـقـيل حسـين الگـرعـاوي
قصيدة لمولد النبي الاكرم محمد (ص)
🔸▪🔸▪🔸
اليوم ميلاد الرسول. نهني حيدر والبتول
صوت جبريل اعتله. بأبو القاسم ياهله
🔸▪🔸▪🔸▪🔸▪🔸▪🔸
1
ياهله بنوره. كلهـامسروره
بالسـمـاء وبالأرض فـرحـه لقـدومـه
الكون يتباهه. بمولدك طه
لكشف عن كل البشر حزنه وهمومـه
نورك ايلالي. بألسمه العالي
عكس نورك عـالگـمر هـوه ونجـومـه
ياسراجن يامنير. شتق من نور القدير
العالم ابنوره انمله. ببو القاسم ياهله
🔸▪🔸▪🔸▪🔸▪🔸▪🔸
2
مولدك رحمه. ولـلبـشـر نـعـمـه
ياامـان الدنـيـا بـس اسـمـك نـذكـره
رحمه للعـالـم. وسخط عالظالم
انـتـه يـاســـر الالأه ومــن يـفــسـره
الباري بالقدره. خلـه ابو الزهـره
بـالـعـلـوم الاحـمـديه العـالـم يحـيره
وصار اسلام السلام. للديانات الخـتام
بنوره هـالعـالم حلـه. ببو القاسم ياهله
🔸▪🔸▪🔸▪🔸▪🔸▪🔸
3
يـانـبـع جـاري. ورحمـة الباري
نزلت نورك يشـع ضـيه اعـلـه الاكـوان
مكه مفتخـره. وبيك مبتشره
بمولدك صارت فخر هيه اعله الاوطان
من انولد بيها. حـنـة ايـديـهـا
واصـبحـت مـكـه عروسـة بني عـدنان
ومنها هب اجمل عطر. جان تنتضره عمر
اليوم كل همهـا انجلـه. ببو القاسم ياهلـه
🔸▪🔸▪🔸▪🔸▪🔸▪🔸
4
يانبي ومرسـل. اسـمــك اتـرتـل
عـلـى كـل لـســان مـؤمــن بـالـنـبـوه
يانبـي ومنجـي. بـيـك مـتـرجي
تـجـعـل بـهــذا الـبـلـد الـفــه واخـــوه
ومايضل ظالـم. عالشعـب ناقم
انـريـد يـبـقــى لـلـوطـن عـزه وعـلـوه
ندعي تعجيل الضهور. وعكس عالظالم تدور
عـزنـه بـيـه اتـكـمـلــه. بـبـو القـاسـم ياهـلـه
🔸▪🔸▪🔸▪🔸▪🔸▪🔸
5
بالـفـرج ندعـي. يضهر المهدي
وينقـذ الامـه المـلاهـا الظلـم والجـور
وصارت الفرحه. بينه منذبحـه
دنـيـه بـس احـزانـهــا اعـلـيـنــا يـدور
الامـل جــيـتـك. ننتضر طلتك
وبـقـدومـك تـنـمـلــي الـدنـيــا ســرور
تهدم اصنام الطغـاة. وتحله وياك الحياة
وصوت كلنه انرتلـه. ببو القاسـم ياهـلـه
🔸▪🔸▪🔸▪🔸▪🔸▪🔸
تمت بعون الله تعالى
عـقـيل حسـين الگـرعـاوي
ابوذية للنبي محمد ص
لسان حال الإمام علي ع
برحـيلك للحـزن بـين علامات
احسبه لومتت يعني علي مات
هـتف جبريل هـالليلة علـه امة
محمد تسـتعـد لـعـظـم رزيه
عقيل حسين الگرعاوي
قصيده نزله. للنبي محمد. (ص )
لسان حال الزهراء عليها السلام
🔸▪🔸▪🔸▪🔸
اه يابـو الـزهـره اه. اه يابـو الـزهـره اه
🔸▪🔸▪🔸
الـيـوم دمـعـات البـتـول. تهمل الفگـد الرسـول
تصـرخ بحـرگـه وتـگـول. مــوتـي اتـمــنـه وراه
اه يابـو الـزهـره اه
اه يابـو الـزهـره اه
الـدمـع مـن دم يسـيل. وليلـي من بعـدك طـويل
تراب گبرك گمت اهيل. وصحت من روحي فداه
اه يابـو الـزهـره اه
اه يابـو الـزهـره اه
گـمـت الـطـم عـالـضلـع. ورگض گدامي الدمع
وخلـصت مـثل الشـمـع. مـن بعد نوره وضواه
اه يابـو الـزهـره اه
اه يابـو الـزهـره اه
يـابـعـد نـاسـي وهـلـي. مـن بـعـد عـيـنـك علي
هـمـه مـاضـن ينجـلـي. گــلـبـي بـالـونـه جـواه
اه يابـو الـزهـره اه
اه يابـو الـزهـره اه
بويه بـس عـني مشـيت. بالذبـول اني ابتديت
وباليبغـضـوني ابـتـلـيت. وحقده عالعتره بداه
اه يابـو الـزهـره اه
اه يابـو الـزهـره اه
بويه بعدك كلشي صار. داري شـبـو بـيـهـــا نار
جـنهـا تطـلب بينه ثـار. الــهــبـل رادت رضــاه
اه يابـو الـزهـره اه
اه يابـو الـزهـره اه
حـيـدر ابـوده يـهـد. يسـحـب بـسـيـفـه ويـرد
لأن مـنطـيلـك عـهـد. مـايـسـلــه اعـلـه الاجـاه
اه يابـو الـزهـره اه
اه يابـو الـزهـره اه
اسـمـعـه يتمـتم كـلام. والله لو اسـل الحسـام
الــه اســويـهــا ضـلام. ابـابـي احــد لــو دنــاه
اه يابـو الـزهـره اه
اه يابـو الـزهـره اه
بوجهه اقره شگد حجي. يروح بالبيت ويجي
يگول بس منيه ارتجـي. رخصه ينطيني الاِله
اه يابـو الـزهـره اه
اه يابـو الـزهـره اه
بالخـتام الهـا لـعـزاء. كـلـنـه خـل نـهـتف نـداء
كـــربــلاء كـــربــلاء. قـلــبـي صــار مـبـتـغــاه
اه يابـو الـزهـره اه
اه يابـو الـزهـره اه
🔸▪🔸▪🔸▪🔸▪🔸▪🔸
تمت بعون الله تعالى
عقـيل حسـين الگـرعـاوي
قصيده الى السيده الجليله (فاطمه بنت اسد)
والـده الامام علي عليه السلام
🔸▪🔸▪🔸▪🔸
ام علي واجب علـينه اليوم ننعـاج
يلي املاك السمه ابيت الله ترعـاج
من جبتي حماي الحمه. سجدتلج املاك السمه
فاطمه يافاطمه. فاطمه يافاطمه
🔸▪🔸▪🔸▪🔸▪🔸▪🔸
1
النـبـي يعـزي علي بـهـاي المـصـيبه
شـافه مكسور الضهر ويجر نحـيبه
ويصـرخ اليوم انطـفـه نور الحبيبه
اليفگـد امـه يشعـر ابروحـه غـريبه
الـنـبـي اتـذكـر زغـيـر اوفـارگ امـه
طـاري فـگـد الوالـده هـوايه يألـمـه
گعدو ضوه وحاضن ضوه. ومثل الشمع ذابو سوه
فاطمه يافاطمه. فاطمه يافاطمه
🔸▪🔸▪🔸▪🔸▪🔸▪🔸
2
يارسول الله احس مخنوگه الانفـاس
جـرح فـگـد الوالـده لامـالـه مـقـياس
امـي ياديره محـنه وطيبه وحسـاس
العنده مثل امي عضيمه يرفع الراس
افتخر من عدها الله انطاني هالصيت
بيوم شـق الهـا الجـدار ودخلت البيت
وصرنه ضيوف بحضرته. سبحانه جلت قدرته
فاطمه يافاطمه. فاطمه يافاطمه
🔸▪🔸▪🔸▪🔸▪🔸▪🔸
3
يمه جنت اني ابوجودج اشعر ازغير
انتي ياعـش المـحـنه ومـنـبع الخـير
والله مـاادري بـغـيابج بيـه شـيصـير
خلافج الدنيا زغيره وجـرحي اجبير
المـدينـه مـضـلـمـه اليـوم وحـزيـنـه
وحيدر اسهـام الهـجـر ذبحـن سنينه
ليش الجفه صار ابعجل. زغير وخذج مني الاجل
فاطمه يافاطمه. فاطمه يافاطمه
🔸▪🔸▪🔸▪🔸▪🔸▪🔸
4
امـي منهـا استلهـمت قـوتي اوفـائي
وعلمتني الديني كيف اصـبح فـدائي
وهـيه غـذتني وسرت غـيره بدمـائي
ويه النـبي خـاوتـني وشـدت لـوائي
اشعر ابوحشـه بغيابج يااماني
ياهويرحم حيدره ابهذا زماني
التمت اشباح القدر. ودمعي نزل يجري نهر
فاطمه يافاطمه. فاطمه يافاطمه
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعاوي
للأربعينيه
(تكبيرة المواكب)
🔸🔸🔸
يـاهــلا بـالـزوار تـكـبـيـرة الـمــواكـب
بده فرض الخِدّام على الـزايـريراقب
ننتضركم عالنار هلا بعطر الزوار
🔸🔸🔸🔸🔸🔸🔸🔸
1
اذن اذان الـمــواكــب اســتـمــع لأذانـه
يكَّـبُر بـيـاهـلا بـيـكـم خــادم الـكـم انـه
هـلـه بالواسـه العـقـيلـه البسبي تعبانـه
بشـري يازينب سبايه ماتضل عطشانـه
اليـوم شـديـنـه احـزام نـتـانـي بـالـزيـاره
موتنه بدرب احسين صرخ صوت الغياره
للعقيده احنه انصار هلا بعطر الزوار
🔸🔸🔸🔸🔸🔸🔸🔸
2
اجـت متحـزمه القـوافـل رايه تشـبگ رايه
وفـزعت جـنود المـواكـب تخـدم المـشـايه
وگــف مــذلــول الـفــرات يـوزعـلـهـم مـايه
دجله دگ بيده عله جتفه گله خوش سوايه
اغفر اذنوبك ذيج عـسـن ربك يرحـمـك
تـره تراب الـزوار قـسـم يـگـدر يـطـمـك
قدم بسرعه اعذار هلا بعطر الزوار
🔸🔸🔸🔸🔸🔸🔸🔸
3
ياحسين وشـنهـو احـنه نجازي لعزوبيتك
بالكـرم عندك شـهـاد بسِمـه السابع صيتك
اسـتزغـرت نـفـق المـؤنه وانفـقـت ذريتك
تـالـي بالـروح الـعـزيزه قـررت تضـحـيتك
قـدمـتـهـا قـربـان لـجـل عـين العـقـيده
وصـورت للأحـرار رسـم لـوحـه فـريده
العالم بسرها احتار هلا بعطر الزوار
🔸🔸🔸🔸🔸🔸🔸🔸
4
عـدنه سـر ويالزياره والمـواقـف تشهـد
جـانـو يگـطـعـون ايـده لـلـيزور المرقـد
هسـه كـارونه اجـتنه وتخـتبر من يرتـد
منـهـو ثـابـت عـالـعـقـيده رايـده تتـأكـد
انـتـفـضـنـه ونـصـيح نـردد هـالـعـبـاره
لازم انـروح انـزور لـون دمـنه يتجـاره
يصيح صوت الثوار هلا بعطر الزوار
🔸🔸🔸🔸🔸🔸🔸🔸
5
الأهـداف هـوايه بيها غـايه عـدنه ومطـلـَب
احـنه مـن نحـيي الزياره نصـرتاً لـلـمـذهـَب
واهَـم كل غـايه نجيهـا نواسـي غُـربه زينَب
مانجازي لضحه دمَّه وضامي ضل مايشرَب
هوه شيخ الاحرار واحنه نضَل خِـدامـه
مِـن الـذِلـه هَـيهـات هـذا شِعـار اعـلامـه
انـكِــتَـب لـلأحـرار هلا بعطر الزوار
🔸🔸🔸🔸🔸🔸🔸🔸
6
مـثل لهـفـت جـابر احـنه من نِزَل بالـوادي
اعمه بس عين البَصِيره شافت ابن الهادي
من اجـه بيوم اربعينه لهـسه صوته ينادي
ياحـبـيبي ياحسين تـلـگـه ضـعـن الحـادي
من گـرب للسجاد عمي شنهو الصاير
سـجـلـه لـقـبـر حسين هـوه اول زاير
في سجل الابرار هلا بعطر الزوار
🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
مركز المفقودين في سنه ٦١ هـ
من مخيلتي
اثناءرجوع السبايا في اربعينيه الامام الحسين ع
بصوت الزهرااااء عليها السلام
وهيه واقفه على التل الزينبي
وتكفكف الدموع وتقول (هله بزواااار الحسين )
عالتل صعدت وشابح نضرهاالعين
صـدت للضـعـن ناقـص بعد طـفلـه
تركز زين منهي مـن بنـات احسين
ضـاعـت بـزدحـام وتـاهـت بغـفلـه
خـاف اسـتفـردت مـن بين البنيات
واتـدور ابـوهــــــــا تـريـد تـنـدلـــه
رقيه من التعب ادري الطريق بعيد
وحـادي النوگ حطلج بالگـلب علـه
(انتبااااه)
(على الزائرين الكرام)
على من شاف طفله من سبايا الشام
اهـلـج بـأنـتـضـارج والـدمــع يـجـري
لن صوت العقيله يصيح يازهرااااااء
ذكــر شـوغـه رقـيه يـهـدم ابـصـبري
بقت بالشام ماتت فوگ راس حسين
شـگـله احجـيلي يمـه ويقبل بعـذري
(هنا زينب ع تقول لأمها فاطمه ع)
امشي وياي لبن امـي وجاهـا
اتعـذريلـي تـره نـاري وجـاهـا
مـالي اعيون تنضرلـه وجاهـا
وادري ابشـوگ متنطر رقيه
🔸🔸🔸🔸
جائت زينب الى قبر الامام الحسين ع
تعتذر منه بوجاهة الزهراء ع
تقول
جبت الوجاها اليوم الك. واتمنى تقبل عذري
تلَّگـاني يخــتي ياهـلا. فدوه الـج كـل عـمري
ولدي وبناتي وكل هلي. تفداج والله اليدري
فدوه لخدر بنت النبي. كل دمنه هذااليجري
ورده رقـيه وبالسـبي. ذبلـهـا شـوفت نحـري
الامام الحسين يقول لأمه الزهراء ع
هـسه الوجـاهـه بالعكـس. يمـه ارد اكلفج بيها
حسينج بقى بطف كربله. وزينب شمر يحديها
يمـه برِدَت روحي ونمت. وزينب جمـرجـاويها
يمـه بعـبـاتج عـالخدر. تشـاگف ضـرب سـابيها
عـذرك قـبلـته يالأخـو. بـس كـلـمـه لاتحجـيها
لتگـول عـافتني العقـيله
عگـبك تـره الونه ثجـيله
ودمعي فلايوگف مسيله
تبقى الدمعه سجابه
ايحـسـين ومـصـابه
✍️عقيل حسين الگرعاي
يقول الإمام السجاد عليه السلام
مصايبنا الجـرت بالطف متنـضام
ولصياط السبي محضر متن ضام
لـــون مـوجـود ابوفاضل متنضام
عـلـويه بهـزل تمـشـي سـبـيه
عقيل حسين الگرعاوي