405
قناة الشعائر الحسينيه ادارة القناة الشاعر عقيل حسين الگرعاوي https://t.me/akiellal
قصيدة لأم البنين عليها السلام
حضور خوال العباس ع
بفاتحة ام البنين ع
🔸🔸🔸
ليوم لأم عباس نصبو فاتحة
وقافلة جـت بدموع ونايحة
طبت بلهفة وحنين. بفاتحة ام البنين
🔸🔸🔸🔸🔸🔸🔸🔸🔸
1
قافله اتشك الصحاري گاطعة ادروب الطوال
لـفـاتحـة ام البنـين وصـاحـو اتـلگـو الخـوال
لـفضل صاح اجدادي ذوله والنعم هيبة جبال
الله حـيهـم والمـدامـع گـامت اتصـب الرجال
وصَلَو ولـد احـزام رفعـو راية
سودة وادموع الحـزن جراية
تعالت اصوات اونين. بفاتحة ام البنين
🔸🔸🔸🔸🔸🔸🔸🔸🔸
2
گـام زين العـابدين وصـاح حـي الله البـدو
ياهـلا بـريحـة خـوالـك عـمـي عباس وكـفو
ورثت غـيرة انته وشجـاعة منهم ومن الأبو
لعمتي زينب منطي كلشي يااخو ونعم الأخو
أبن اختكـم كفل خـدر العايلة
ورفـع صيت ام البنين بكربلة
گعَدَو بي متفاخرين. بفاتحة ام البنين
🔸🔸🔸🔸🔸🔸🔸🔸
3
طـبو المجـلس بواجي ودمع راسم نايبة
گـالـو احـنه بلاتـفـاخـر مـالـنـه غـير الربة
حيدر الأية العـظـيـمة ونال اعـظـم مرتبة
هوه من ياقوت جنة وحنه من معدن شبه
نفخر بأشرف نسب يالسادة
ولـد اختنا صارو من اولادة
بفخر هسه گاعدين. بفاتحة ام البنين
🔸🔸🔸🔸🔸🔸🔸🔸🔸
4
رجل خَّير گـام گـلـهـم والنعم من هـالإخت
عمي هاي المرئة ديرة والله بالحظ بالبخت
اربـعـة جـانـو ولـدها بـيهـم بـيوم انـتـخت
اربعـتكم فـدوه يمـه انتو لحسين اصـرخت
صاحو وگـالو اله فدوة العمر
سـمعـاً وطـاعة وتأمـرينا امر
وصار مأتم للحسين. بفاتحة ام البنين
🔸🔸🔸🔸🔸🔸🔸🔸🔸
5
عافو امصيبة اختهم صار لحسين المصاب
وگام زين العابدين يسولف اشمرهم عذاب
يگـلهم بأرض المعـارة ودعت اغلى الشباب
كـل اخوتي اولـد عمي نامو بحضن التراب
وضل وحيد احسين بالطف وحده
ينذبح ضـامـي وخـواته اتشـاهـده
بَّجَـه كل الجالسين. ابفاتحة ام البنين
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
عظم الله لكم الاجر
بأستشهاد مولاتنا الزهراء ع
تقول الزهراء ع
نار وتسـاگيهـا بحطب هـيج الضلع يتلضه
مابيه اگـوم من الألم سنديني يختي فضه
الهدمني حيدر انضره بماي الدموع اتوضه
عقيل حسين الگرعاوي
عظم الله أجورنا وأجوركم بذكرى أستشهاد سيدة نساء العالمين🥺 أم أبيها
الصديقة البتول وسورة الكوثر فاطمة بنت محمد الزهراء عليها السلام
قصيدةللزهراء عليها السلام
الزهراء ع توصي الإمام علي ع
في اخر يوم من حياتها واويلاااه
🔸🔸🔸
ٌإگـعد يبو حسين. عندي وصيتين
الأولى اريد اجنازتي تشيعها بالليل
والثانية خليني اوضحها بتفاصيل
وصيتي. وصيتي
🔸🔸🔸🔸🔸🔸🔸🔸
1
بخـفـية بالليل وتوكل هاي الأولى اوصيتي
تحزم ابصبرك يحيدر من تحطـني بحفرتي
انته واللـيل وجـروحـك شيعـوهـا اجـنازتي
اخفي گبري عله لضلمني وسبب صاربموتتي
اسـمع كـلامي. كـل الأسـامي
الهجمو على الدار وشفت من عدهم الويل
والثـانـية خـلـينـي اوضـحـهــا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
2
گـربت سـاعة منيتي من الألم ماگمت انام
ياعلي لـثاني وصيتي اسـتمـع مني الكـلام
التّدعي جانت صحابة هسه ترميني بسهام
خلي ابينلك سوالف صايرة ابگلبي ازدحام
كـل الّـي شـارك. وطب اعله دارك
ماابري ذمته ولايجي لجنازتي ايشيل
والثـانية خلـيني اوضحـهـا بتفـاصيل
وصيتي. وصيتي
🔸🔸🔸🔸🔸🔸🔸🔸🔸
3
استمـع ثاني وصيتي واني احجيهـا بألم
خلي اوضحلك اسامي بلگلب زرعو سهم
ياعلي بهـايه سبحـتي راح اعدهم بالإسم
فلان وفلان اهضموني وبينهم صارلنه دم
المحسن ضحـية. لاگـــه الـمـنـيـه
والزهرة من بعد النبي دمع ودمه يسيل
والثانـية خـلـيـني اوضحـهـا بتفـاصيل
وصيتي. وصيتي
🔸🔸🔸🔸🔸🔸🔸🔸🔸
4
ماردت واحد يصلي عـالجنازة الخائنين
ذوله تربات السقيفة من بعد طـه الامين
علنبي يهجـر تجـرء يلـفظ المـاعنده دين
وبعده عالزهرة تطاول ياعلي هذا اللعين
ماكـو شفاعة. الذوله الجماعة
لخلو ضهر حامي الحمه بجنازتي ايميل
والثانية خلـينـي اوضـحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
5
الله اليعينك يحيدر صعبة هالفرگة احس
ابـتـلائك فـي محمد دافـنـه بأيـدك امـس
وباجر الوحشة جبيرة ليلك ايشيع شمس
من ضمن هاي الوصية رايده بجيك همس
عن لايحسون. بگبري اليضدون
وخلـي البواجي ياعلي الهدنلك الحيل
والثانية خـليني اوضـحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
6
ياعلي دَّون وصـيـتي كـلـهـا وكـتبـهـا بكـتاب
شيعتك خل تقره قصتي تسمع شمرني عذاب
اكـتب الزهـرة شـهـيدة ومـاتت بعـمـر الشباب
ليقره قصتي مااعوفه واحضروياه كل مصاب
اكتب كتابي. وبين مصابي
وخلي المصيبة تنذكر جـيـلاً بعد جـيل
والثانية خـلـيني اوضحـهـا بتفـاصـيل
وصيتي. وصيتي
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
قصيده لفاطمة الزهراء عليها السلام
الامام علي ع بعد فراق اعز اصحابه واحبابه
فاطمه ع والنبي محمد (ص)
القصيده فيها رساله عن الصاحب
🔸🔸🔸🔸
ياكسرتي بأحبابي ادفن بديني اصحابي
بحقد وغدُر سهم الهجُر
سـهـم الـهـجُـر دگ بابي
🔸🔸🔸🔸◽◽◽🔸🔸🔸🔸
1
يبقى بألم طول العمُر اليدفن بدينه الصاحب
عـالحلوه والمـره مشو عشرة العين وحـاجب
صرنا مثل عند العـرب وطاعة نهجـنه واجب
صحـبة محمد وي علي الأنجـيل عنهـا كـاتب
وبـحـيدره والزهـره كل الخلگ متحيره
لهذا الامُر سهم الهجُر
سهم الهجُـر دگ بابي
🔸🔸🔸🔸◽◽◽🔸🔸🔸🔸
2
عشـرة علي وي فاطمه تبقى مـثل للأجـيال
بيهادروس اعله لخدر ودروس تصنع ابطال
يالتقره عن حيدر علي طبق كـلامه الينگـال
الصاحبك فَـدَّي العمُـر لـوردت تصـبح رجال
اخذل محمد حاشه اني النمت بفراشه
مفَدّي العُمر سهم الهَجُر
سـهـم الـهَـجُـر دگ بابي
🔸🔸🔸🔸◽◽◽🔸🔸🔸🔸
3
بس موقياس الصحبتي ويه اليحرف القرأن
اهل السقيفه الي انكرو بيعة علي موصحبان
اتـأمـرو ضـد الـنـبـي مـات وعلـيـهـم غـضـبان
وتالي بحقدهم فاطمه تموت ابضلعهـا نيشان
يبقى اثرهـا العصره ابگـلـبي مـوبالزهـره
بگلبي جمُر سهم الهَجُر
سهـم الهجُـر دگ بابـي
🔸🔸🔸🔸◽◽◽🔸🔸🔸🔸
4
بعد النبي صـار الغَـدُر منـ ليدعـون الانصـار
واني ابوصيه من النبي لـتسل علـيهـم بتـار
اِحقن دمـاء بهالوضع واصبر عليك شماصار
وتـجـرئـو وبـلاخـجـل ابـابـي شـبـوهـا النـار
بگـرابه ضل فقـاري بگلبي وابيتي ناري
ماضل صبُر سهم الهَجُر
سـهـم الهَجُـر دگ بابـي
🔸🔸🔸🔸◽◽🔸🔸🔸🔸
5
بيتي صُـفـه بلافاطمه بس بـي ورث للملگه
بـي زينب بلهـفه وهلـه تتلگـه ابوها ابشبگه
تلبس عباة امها وتجي يمي وگليبي تحرگه
من اتگلي صبري اتهدمـه مااحتملهـا الفرگه
يبقى الدمع يحجيلي والسهر عاشر ليلي
بحلمي اليمُر سهم الهَجُر
سـهـم الـهَـجُـر دگ بابـي
🔸🔸🔸🔸◽◽◽🔸🔸🔸🔸
6
لمـن اعـيد الذاكـره تخنـگـني حـيل العـبره
وگـلـبـي يضـل ابلـهـفـته يذكـر ايام لزهـره
الجـانت ابعـيني ضـوه وبليلي هـيه الگمره
زغرت ابعيني دنيتي اوحزني صار اشكبره
الفـارگ اعـز احبابه تضل دمعته سجابه
يموت ابغدُر سهم الهَجُر
سـهـم الـهَـجُـر دگ بابـي
🔸🔸🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگـرعاوي
قصيده نزله. للزهراء عليها السلام
🔸▪🔸▪🔸
حيدر ابحسره. يدفـن الزهـره
يدفـن الزهـره. حيدر ابحسره
🔸▪🔸▪🔸▪🔸▪🔸▪🔸
1
الوالي
گـوه ينـگـل جدمـه. شگد عظيمه الصدمه
علي بـاگــو حـلـمـه
الموقف
يصيح هدم حـيلـي. ومـانمـت كـل لـيـلـي
طـيـفـج اينـاغـيلـي
يالزهره
بعيني حرگـت بابج. هـدني حـيل غـيابج
ريـت بـيه صـوابـج
بالگـلب جمـره. يـدفـن الـزهــره
يدفـن الـزهـره. حـيدر ابحـسـره
🔸▪🔸▪🔸▪🔸▪🔸▪🔸
2
اذاني
شطوله ليل الوحشه. مــانـمـت لـلـغـبـشـه
صبري فگـدج طشه.
خلصته
ويم حسن كل ليلـي. احـس جـن تشكـيلي
وعـالظـلـع تـومـيلـي.
وتگلي
عـلـي روح لــزيـنـب. هسه گـعـدت تنحـب
مـن بـجـيـهـااتـعـذب.
رد عـلـي بـقـهـره. يـدفــن الـزهـره
يـدفــن الـزهــره. حـيدر ابحـسـره
🔸▪🔸▪🔸▪🔸▪🔸▪🔸
3
ياويلـي
زيـنـب اتـلـگـتـنـي. من اوصـلـت شـبگـتني
بس حجت بجتني
مااحمـل
گـلـبي ضـل ابناره. محـافظ اعلـه اسـراره
عـالظلـع واخـباره.
مااحجي
تبقـى تسعـر نـاري. عـلـه الـشـفـتـه بـداري
ومـااســل فـقـاري
وانـضـر الـعـصـره. يـدفـن الـزهـره
يـدفــن الـزهــــره. حـيدر ابحـسره
🔸▪🔸▪🔸▪🔸▪🔸▪🔸
4
يالزهـره
والله مـوحش دارج. ضلمه بعد انوارج
بضلعي جن بسمارج.
يشرحلي
طيفج اعلـه الحـالـه. الزمن كـل انذالـه
لـلـحـطـب حـمــالــه
ويشبهـا
نـاره وبـنـص بـيتي. وجتفتني وصيتي
بسـمـي لـونـاديـتـي
افـني هـالزمـره. يدفـن الـزهـره
يـدفــن الـزهـره. حيدر ابحسره
🔸▪🔸▪🔸▪🔸▪🔸▪🔸
5
اذتـنـي
زيـنـب ابـونـتـهــــــا. تبـجـي ويـه اخـوتـهـا
مــاتـكـف دمـعـتـهــا
تجـاره
الدمعه واني ابروحي. امكـابر اعله اجروجي
مــــااســمــع نـوحــي
كـاتمها
ونــتــي والـعــــلــــه. الـگـلــب ضـيـع خـلــه
الـجـان سـاكـن ضلـه
سـاكـن ابـگـبـره. يـدفـن الزهـره
يـدفـن الـزهــره. حيدر ابحسـره
🔸▪🔸▪🔸▪🔸▪🔸▪🔸
6
خـليتي
ريـحـتـج والـمـلـگـه. خـلفـت بس فرگـه
بگـلبي خلت حرگـه.
يالبيتج
صـار بيـت احـزاني. وبـس الــم راوانـي
والـقــهـــر ســلانـي.
ماانسـه
وردتـي العـصـروهـا. وبالضلـع صابوهـا
بت نبي وهضـموهـا
الـطـاهـره الـحـره. يـدفـن الـزهــره
يـدفــن الـزهــــره. حيدر ابـحـسـره
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعـاوي
قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪▪▪▪▪▪▪▪▪
بـويـه الله يعـيـنـك بهـاي المـسـيه
مـن رجعـت ودافن الزهـره الزجيه
رديت دمعك دمـه. وتصيح يافـاطمه
◾◾◾◾◾◾◾◾◾◾◾◾
1. السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره
تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار
تنادي يحـامـي الحمـه وتصـيح يافـاطـمـه
◾◾◾◾◾◾◾◾◾◾◾◾
2. الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي
وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه
بيدي الخـدر سـلمـه وتصـيح يافـاطـمـه
◾◾◾◾◾◾◾◾◾◾◾◾
3. السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج
تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب
بين الـنهـر والضـمـه وتصـيح يافـاطـمـه
◾◾◾◾◾◾◾◾◾◾◾◾
4. الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم
الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام
بـغـضـن الـي لورمـه وتـصـيح يافـاطـمـه
◾◾◾◾◾◾◾◾◾◾◾◾
5. زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر
شـوفـي شنهـو اعله الشريعه يمه يجره
شلون الحسين اعله اخيه انكسر ضهره
وراسـه رفعـه وكـلمه وتصـيح يافـاطـمـه
◾◾◾◾◾◾◾◾◾◾◾◾
6. الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي
مـفـخـره بنت الزجـيه واخت الابطال
موقـف اترسـمين يوذكـر مر الاجـيال
عطشـتي نهـر بضمه وتصـيح يافـاطـمه
◾◾◾◾◾◾◾◾◾◾◾◾
تمت بعون الله تعالى
عـقـيل حسـين الگـرعـاوي
سلام الله على چفوفك نبي الماي
عطاشى من وحي جودك نبي الماي
رضيع حسين شسگيتة نبل ماي
شرب نبلة وتروة من المنيه
الشاعر عقيل حسين الگرعاوي
نهنئكم بمولد امامنا الحسين عليه السلام
🌷🌷🌷
قصيدة مولد الأمام الحسين ع
🌺🌺🌺🌺
شع نوره اعله المعموره
وضـواهـا الدنـيـا بنـوره
بالثالث من شعبان انولدت أيـة قرأن
🌷🌷🌷🌺🌺🌺🌷🌷🌷
1
حسين من انولد كـل المجـرات
سجـدة خـاشـعـة بـهاي المسيه
ونزلت من حواري الجنة افواج
تـهـنـي الـزهـره وتـقـدم هـديـه
مـابـين الأرض بين السـمـاوات
ازدحـام امـلاك يم باب الزجيه
بـالـمـولـــد هــنـو طـه
بحسـينك حگ تتباهـه
ياطـه اعله الأكوان انولدت أيـة قرأن
🌷🌷🌷🌺🌺🌺🌷🌷🌷
2
يأيـه وبـالـمـهـد نـزَّلـهـا جـبـريل
شيفـسر للخـلـگ سـر محتواهـا
يمـعـجـزة الإلـه ومـنـقِـذ الناس
تـِسِـع اقـمـار مـن نـورك ضواهـا
يأيـه مـن اكـبـرت قـرأن صـارت
بـمــأذنـةالـرمـح ختمة خطـاهـا
وخله بنوره الإسـلام
يمشي ومرفوع الهام
ويتباها اعله الأديان نولدت ايـة قرأن
🌷🌷🌷🌺🌺🌺🌷🌷🌷
3
ولـيد وبـالـمـهـد بـيـن كـرامـات
جنح فطرس تشـافه بالكـرامـه
سـبحـانك ثـلاثـة جـمـعـت بـي
الشـفـاء ابـتـربته اكـبـر عـلامـه
وتحت قبته اليدعـي مستجابه
ومـن ذريته جـاعـلـهـا الإمـامـه
تـتـوارث نـوره اولاده
وتضل دستور امجاده
بسمه أنخَط العنوان نولدت أيـة قرأن
🌷🌷🌷🌺🌺🌺🌷🌷🌷
4
يحـائك للحياه صارت شرايين
ومن سينك سماءالمذهب ينور
واليائـك يجـن عقـل المـوالـين
لأن بـالـنـون نـاذر الـهـم انحـور
يثورة تخـلـدت بس انتصـارات
واليمشي بخطاها دومه منصور
هالصوت المنه اتعله
هــيـهـات مـنا الـذلـه
تردد عـبـر الأزمـان نولدت أيـة قرأن
🌷🌷🌷🌺🌺🌺🌷🌷🌷
تمت بعون الله تعالى
عقيل حسين الگرعاوي
السيدة زينب ع
حينما عَزم الامام الحسين ع. بالذهاب الى مكة
ومن ثم الى كربلاء ذهبت الى زوجها
عبدالله ابن جعفر. وهيه متلهفة
لتأخذ منه الإذن بالسفر مع اخوتها كأني بها تقول.
🔸🔸🔸🔸🔸🔸
ابجي اجيت بحرگة. والـدمـوع ابـعـينـي
حسين راح ايسـافر. رخصة اريد انطيني
الواجـب الشـرعي الأمـر بيدك يصير
فـدوة ياعـبـدالله حـددلـي الـمـصـير
🔸🔸🔸🔸🔸
١
يـاابـن عـمـي اجَـتَـك زينـب ابـلايـه شـعـور
لـواضـل ومااسـافر احسبني من اهـل القبور
حسين حضرهاالمحامل وانته اعرف بالأمور
وانه ابقى بلايه اخـوتي مملكة ومابيها سور
روحي صارت بيدك. والـقـرار انـتـضـره
امنيتي كون اتوافق. گـلبي يلهب جمرة
ويه اخوتي الروح مشتهيه المسير
فـدوةياعـبدالله حـددلي الـمـصـير
🔸🔸🔸🔸🔸🔸🔸🔸🔸
٢
يابنت عمي افِهمج بس صعب هذا القرار
راح اوافق بس تراني بعدج اعلن انكسار
ادري هـالثورة عظيمة ولاغبار بهـالمـسار
بس اليفـارگـله زينب عمره ليل ابلا نهـار
ادري بيها اجروحك. ولجلي گمت اتكابر
شحـالي لمن اسمع. ينادي هل من ناصر
ابريلي ذمتي وخلي يرتاح الضمير
فـدوة ياعبدالله حـددلـي المصـير
🔸🔸🔸🔸🔸🔸🔸🔸🔸
٣
رحت اركض صوب اخوتي ومـامكفيني لهوه
شافني حسين وتفاجئ بضحكة وبدمعة سوه
گـلـه ياعـباس اجـتـنـه الـبـعـدك تشـيل اللـوه
فرحو وصارت بواجي بس احس گلبي ارتوه
شفت كل اخـواني. بـالـهـلـه يـحـيـوني
وابوفاضل جـاني. ومسح دمع اعيوني
من وصلتي الضعن گمت اشعر جبير
فـدوة يـاعـبـدالله حـددلـي المـصـير
🔸🔸🔸🔸🔸🔸🔸🔸🔸
٤
من گـعـدنا وابواليـمـه يسـولـفـنـا المـرتسم
وگـال عـبـاس يتكـفـل اخـته ويشـيل العَلم
صَـدالي بأحلى ابتسامه وگال عدعينج نعم
وصـار تـوديع المـدينة بلـيل وبلـوعـة والـم
زرنــه جـدي وامـي. اودعــيـنـا الــديــرة
حسين جر حسراته. ابوجهه اقره الحيرة
يخفي حزنه بگلبه ابوالگلب الجبير
فـدوة يـاعـبدالله حـددلـي المصـير
🔸🔸🔸🔸🔸🔸🔸🔸🔸
٥
من طلعـنا من المدينة اودعينه ام البنين
العـلـيلة من بجـيها گطعت گلب الحسين
يگلها هالسفـرة طويلة وانتي ماتتحملين
اقـتنعـت وكـلـمـة وداعـاً رددتها بالـونين
في امان الباري. تگول صعب افراگكم
بس تضل امنيتي. كون امشي وياكم
راح ابقى وحالي من حال الضرير
فـدوة يـاعبدالله حـددلي المصـير
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
ابيات نعي للأمام موسى ابن جعفر عليه السلام
🔸▪🔸▪🔸▪🔸▪🔸
سيدي الدمعه بضريحك هيه التسولف شريد
وتشـرح اشصـاير علينه من ظلم هـاي العبيد
سيدي بعظمـة بلائك بسجـنك العشـته وحيد
لاتخـلـيني احـيرا بنـص ضـلام وبـيدي قـيد
قـيدتني اذنوبي يمكـن وكـل دعـائي مـايفـيد
بس تحـت قـبة ضريحـك مـاترده المدلك ايد
ويدعي اللهم اغـثني بحق موسى وضل يعيد
سـيدي ادري جـروحـك من اثـر قـيد الحـديد
شفت انواع المصايب بسجـن هارون الرشـيد
وادري بالحجه المصـابك جـرحـه ابدا مايهـيد
✍ عقيل حسين الگرعاوي
قصيده للأمام موسى ابن جعفر. ع
▪▪▪▪▪▪▪▪▪▪▪
هـاي الـروايه مـن السـجـن ارويهـا
وخل شيعتي طول الدهر تحجيهـا
لطاغي عصرنه انگله. هـيهـات منه الذلـه
أسسهـا جدي ابكربله. أسسهـا جدي ابكربله
◾◾◾◾◾◾◾◾◾◾◾◾◾
1
امگـيد وضـلمه السجـن. بطاموره صبري ممتحن
وتحـيطـه حراس
صارتلي عشره ويه الالم. موجن هوه اشهگ سهم
وي جرت الانفاس
واتـجـرعـت مـر الـصـبر. وتـعـدن اسـنيـن العـمـر
مــادنـگــت راس
مـن يوم عـمـلت كـربلـه. مـن اتـلگـه نبلـه حـرمله
بـعـيـونـه عـباس
ثـوره مـمـتده تتضـل للأجـيال
أسسهـا عباس وبقـت للأبطـال
من لـنهـر صوت اتعله. هيهـات منه الذلـه
أسسهـا جدي ابكـربله. أسسهـا جـدي ابكـربله
◾◾◾◾◾◾◾◾◾◾◾◾◾
2
اليفهـم لغه طف كربلـه. مــيـهــمـه كــرب ولابـلــه
لـتهـمـه ضـلام
العـايش تفاصـيل النهـر. يسحگ عله ادروب الخطر
مـيدنـگ الهـام
لعمـاته محـروگـه خـيم. شـتـضـنـه يهـده من الالـم
يـبـقـى بـألالام
تهون المصايب والمحن. لعـمـاته بـصـحـرى انسـبن
وي غربه للشام
الياخذ عبر من كربله ايزيد اصرار
تبـقـه حـراره ثـورتـه تجـوي النـار
وسيف البطوله يسله. هيهـات منه الذلـه
أسسهـا جدي ابكربله. أسسهـا جدي ابكربله
◾◾◾◾◾◾◾◾◾◾◾◾◾
3
يبقى جرح درب السـبي. غصه بصدر كل طالبي
مـن يذكـر الصــار
اتـصور اشـلـون الـنـذل. من يحدي بالنوك الهزل
يضل دمعي مدرار
وشطـولـه ياذاك الـدرب. والحـره نادت بالـغـرب
وينك يكرار
من اتخيل بطبت القصـر. والحادي ياوسفه الشمر
بروحي تشب نار
امعـذب ونـار الخـيم بضـلـوعـي
سبي العقيله مختصر موضوعي
عايش ابروحي عله. هيهات من الذلـه
أسسهـا جدي ابكربله. أسسهـا جدي ابكربله
◾◾◾◾◾◾◾◾◾◾◾◾◾
4
من جدي ابو الباقر خذت. بنفس القيود اتشـددت
اثـنـين اديـه
والـجــامـعــه تـركـت اثـر. بصـمـه بأديني والنحـر
رسمت منيه
بس موقـياس امـصـيبتي. انـي الوحـيد ابغـربتـي
اندارو عليه
مـاعـنـدي عـمـاة انـسـبـن. لاعـندي اخـياة ومـشـن
سكنه ورقيه
لاعـــالــرمـح راس الابــو. لاجــمـعــت جـثـه اخــو
ضلت رميه
لاعندي عـم اعلـه الشريعـه اموذر
شابگله جود وضحه لاجله المنحر
وهـذا الهـتاف اتعـله. هـيهـات منه الذله
أسسهـا جدي ابكربله. أسسهـا جدي ابكربله
◾◾◾◾◾◾◾◾◾◾◾◾◾
5
بنار السجـن وبغـربتي. وحـز الحـديـد ابرگـبـتي
ودمعـات العيون
قطـره ابحـر ام الخدر. من حـادي صـارلها الشمر
يحـدي بالضعـون
تنزل دموعي من دمـه. من اذكـر اطفـال وضمـه
امصـيبـتي تهتون
تـالـي نـهـايـه قصـتـي. بـالـســم افـارگ دنـيـتـي
الگاضيها مسجون
ميهـمـني بالغـربه امـوت الوحدي
الـمـهـم توصـل ثـورتي لـلـمـهـدي
ويحكـم العالم كـلـه. هـيهـات منه الذله
أسسها جدي ابكربله. أسسها جدي ابكربله
◾◾◾◾◾◾◾◾◾◾◾◾◾
تمت بعون الله تعالى
عقيل حسين الگرعاوي
بمـولـد البـاقـر تلالـة. نورٌ على نور
شعَ في بيت الرسالة. نورٌ على نور
🌹🌹🌹🌹🌹🌹🌹
ياهـلـه بنـور النـزل مـن السمـاء
والمدينة استبشرت والبدر ضاء
يافرح شيعـة علي بهذا المـسـاء
بمـحـفـل البـاقـر يعـلـون النـداء
ياابن اشـرف سـلالة. نورٌ على نور
شعَ في بيت الرسالة. نورٌ على نور
🌹🌹🌹🌹🌹🌹🌹
عقيل حسين الگرعاوي
قصيدة لمولاتي زينب عليها السلام
لسان حالها في اخر ايام عمرها الشريف
تقول
🔸🔸🔸
اخـر مـحـطـات السفر
راح الخيال اعله النهر
ليمه الجفوف اتگطعن من اجل خدري
تمـنـيت يم المـشـرعة تحـفـرون گبري
🔸🔸🔸🔸◽◽◽🔸🔸🔸🔸
1
الـذكـريات المـؤلـمـات الـّيـلـة اجـني
ولـلـطـفـوف بـلـيـلـة گـمـرة رافـگـني
نريد نحـيي اخـر عـزية اعله الكفلني
وعالحسين اخر قصيدة بصـوت وني
نكتبت ابدرب السبي
المستهل بـي مطلبي
وين اخوتي اهل الحمية خلص عمري
تمنيت يم المـشـرعـة تحفـرون گـبري
🔸🔸🔸🔸◽◽◽🔸🔸🔸🔸
2
احجي مضمون القصـيدة هايوليان
مـاكـو بيكـم يعـتني للشـام يخـوان
الـعـقـيـلـه بـلايه والـي تـريـد دفـان
گـربت مـنـهـا المـنـيه والأجـل حـان
گومو يهل المرجله
شـيـعـونـي الكـربله
لاتِـخَـلـونـي بـأمــل مـونـفـذ صَـبـري
تمنيت يم المَشـرعة تحفـرون گـبري
🔸🔸🔸🔸◽◽◽🔸🔸🔸🔸
3
اليـنـذبح بالـسـيف هـذا واضـح امـره
هـم شفت مذبوح مثلي يذبحه صبره
من كثرشوگي اعله اخوتي ناري كبره
عيوني نار الفـرگـه تدمـع منهـا جـمره
موذر وعفته الحسين
والكفـيل ابلايه ادين
مگبعه بصبري مشيت ودمعي يجري
تمنيت يم المشـرعة تحفـرون گـبري
🔸🔸🔸🔸◽◽◽🔸🔸🔸🔸
4
ضـلـت بگـلـبـي سـوالـف لـلـحـبـايب
اشـرحـلـهـم عـالجـرالـي وعـالنـوايب
ازغـر اطـفـال الـسـبـايـا صـار شـايب
دفعـة وحدة انصبت علينه المصايب
اليوم ينعد ابسنين
بعد عباس وحسين
من بعـدكـم يخـوتي مكـسـور ضهري
تمنيت يم المشـرعة تحفـرون گـبري
🔸🔸🔸🔸◽◽◽🔸🔸🔸🔸
5
الـلـذي بيوم السـقـيـفـه جـانو ازغـار
وشـاركـو ويه اهـلـهـم حـرگـت الدار
هـسـه بخـيـام الـهـواشـم شـبو النـار
نـفـس الـوجـوه اتكـرر ضـد الأحـرار
الفرگه تذبح بالوريد
والدرب كلـش بعـيد
واني شوگـي لخوتي بحشـاي يسري
تمنيت يم المشـرعة تحفـرون گـبري
🔸🔸🔸🔸◽◽◽🔸🔸🔸🔸
6
بعـالـم الـرؤيا واشـاهـد مـنكـم اطـيوف
جن ضعن اگبل عليه من ارض الطفوف
انزل بگـلـبي السَـكِـيـنة وطَّـرَد الخـوف
من افـز اتمـنـه نـضـرة تكـحـل الشـوف
عيوني تربي عله الاهل
يمـته طـارشـهـم يصـل
بسيف فرگـاكـم تره ذابحـني دهـري
تمنيت يم المشـرعـة تحفرون گـبري
🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
متباركين لكم ولاده مولاتنا فاطمه الزهراء. ع
🌺🌺🌺🌺🌺🌺🌺🌺
بالزهـره جـت اليوم بشـره لـ محمد
حـبل النـبوه الـيوم بالـبضـعـه ينشد
🌺🌺🌺🌺🌺🌺🌺🌺
مـن الجـنـان الـيوم نـزلـت حـواري
نـتـمـنـه لـلـزهـراء نـصـبـح جـواري
🌺🌺🌺🌺🌺🌺🌺🌺
✍عقيل حسين الگرعاوي
الى ام الاقمار الاربعه سيدتي (ام البنين)
🔸🔸🔸🔸
يبوالحسنين عـندي مطـلب بيه اسـولف جيتك
يبوالحسنين ارخصني احجي گبل لاطب بيتك
وادخـل الـدار بسلام
مخـتصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
1
ياباالحسـن اول طـلـب تقـبلني عـدكـم خـادمه
ثاني طـلـب ماريد احـد يسميني بسمي فاطمه
اهل الارض مثلي فرض الكم خَدَم يهـل السمه
خـاف اسمـي يجـرح زينبـك لـوللحـسين يألـمه
رايده جواب خادمتكم تقبلوني ابلااجر
رايده جواب حتى گدام الزجيه افتخر
هذا مطلب بت حُـزام
مخـتـصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
2
يابنت الاجواد وفخـر هذا الحچي من منبعج
انتي بنت فخـر ونسـب شنهو ليدور بخاطرج
شـانج جبير ومنزله سـبحـانه هـوه اختار الج
لــوعـالأسـم يـافــاطـمـه ام الـبـنـيـن انـلـقـبج
انتِ اميره ادخلـي ابمـمـلكـتي ياام البنين
انتِ اميره الباري خصج بالكرامه وباليقين
وكـلفـج بأعظـم مهـام
مخـتصـر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
3
يوم الدخـلت الداركـم ال النبي گـمـت افتخُر
بخدمة علي اولد النبي هنيالي لواگضي العمُر
ياربي ديـم ابرحمـتك توفـيقـي في هذا الامُـر
وارزقـني اولاداٍ خَـدَم افـديهـم الأشـرف خـدُر
يبوالحسنين افـتـخـر الـكـم اصـيراً خـادمـه
يبوالحسنين افدي روحي حتى تقبل فاطمه
بلا رضاها اني بظلام
مخـتصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
4
سـولـفلـي حيدر كـل خـبر من النبي عني روه
گـال اربـع اقمـار انـرزق اوَّلـهـم يـشـيل الـلـوه
ويكفـل خـدر ام الخـدر برحلـة جـهـاد النـينوه
ماكَمَل القصه وطحت ومجره لدمع خدي روه
عهد بالله بالضـلـع والمحـسن وخـدر النبي
عهد بالله افدي ولدي وروحي اني الزينبي
عـهــد بـدويـه لأمـام
مختصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
5
بـعـد الوصـي دار الزمـن والكـربله حسين استعد
حـضـرت ولـدي وحشـمت قـولو هـوه وغيره ابد
دگ صدره عباس اوگف ومن غيرته جسمه ارتعد
لخـدر الـنـبـي انـي فـده والـوالـدي مـنـطـي عـهـد
عفيه ولدي هيه فرصه ومن تمر مر السحاب
عفيه ولدي حسين واقـع والبقيه بس سراب
گرو عيني وخل انام
مختصر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
6
چم حسره ضلت بالگلب وخلـتني اعاني من الالم
يوم الـدنه مـنـي الاجـل بگـلـيبي چـن نار الـخـيم
شمحـلاها لو بجنازيتي حسين واخـو راعي العلم
ويشـيعـوني الكـربلـه المـنـهـا جـبـل صـبري انهدم
امنيه هناك اندفن بتراب بي ريح الحسين
امنيه هناك بـكـربـلائـك تـنـدفـن ام البنـين
واغفه بمچان الخـيام
مخـتصـر هـذا الكـلام (راح اسولف)
🔸🔸🔸🔸◽◽◽🔸🔸🔸🔸
تمت بعون الله تعالى
✍️عقيل حسين الگرعاوي
لسان حال الامام علي ع
يقول لسلمان المحمدي
الضَّيع زهـرة اسنينه يسل من
تعــال وشـوف حـالتنا يسلمان
علي بلافاطمه حتمـاً يسل من
السهر ومرادف الونه الخفيه
عقيل حسين الگرعاوي
(ابوذيات)
تقول الزهراء ع
بـعـد مـاغـاب نـور الـنـبي. وجـهــا
نــار ابــاب بـنــتـه الـيـوم. وجـهــا
وسهم حقد ال اميه عليه. وجـهــا
ومـحـسـن قـدمـت اول ضـحـيـه
🔸▪🔸▪🔸▪🔸
تقول زينب ع بعد استشهاد امها الزهراء ع
عـگـبج مـاحـلت عـيشـه. ولاذات
السـطرهـا غـيره ماعنده. ولاذات
رادت مـــنـــه تـتـســـتــر. ولاذات
عـصـرهــا ومـارحـم حـرمـة نـبـيـه
✏ عقيل حسين الگـرعاوي
قصيده للزهراء عليها السلام
اربعة شهود عيان على جريمة الهجوم على
دار علي ع وفاطمة الزهراء ع
يطلبهم الزمن كشهود عيان كل من
الحسن ع والحسين ع وزينب ع وفضه رض
🔸🔸🔸
اتلث شهود اعله الجريمه وفضه رابعهم
شـاهـدو عـين المصـيبه من اضربو امهم
الزمـن رايد كـلام مَـروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
1
الـزمــن يـســأل يـتـانـي رايـد اجـواب
عـن جـريمـه بـلاجـريـمـه يحـترك باب
رايد يوضح الدوافـع واصـل الاسـباب
يبـين اصـحـاب النبي لـوذولـه ارهـاب
رايـد التـاريخ يكـتـب شـنـهـو اسـبـابـه
ينجـتف حـامي الحمـيه ويحترگ بابـه
بنارهم يصبح حُطام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
2
الحـسـن اول شـهـود بـعـيـنـه ينـضُـر
امـه خلـف الباب مجـرم بـيهـا يعـصُر
يگول شـاهـدت اللعـين بخدها يسطُر
يازمـن سجـل ضلعـهـا بدفـعـه يكـسُـر
امـي مـن اشـتـد الـمـهـا يـاعلي صــاحـت
گمت احس ارض لمدينه نشالت وطاحت
وصارت الدنيا ضلام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
3
الحسـين الـشـاهـد الـثـاني سـمـعـهـا
امـه خـلـف البـاب وتـون مـن الـمـهـا
يگول انه بعيني اشاهد من صفـعـهـا
لـسـه بذني صـوت تكـسـيرة ضلعـهـا
بـعـد مـااگـدر اكـمــل حــدب الـســانـي
زيـنـب اتـكـمـل مـصـيـبـة ذبـح قـرأنـي
هذاحجيي وسلام مَروي من بيت الأمام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
4
زينب اتكمـل الشهـاده بعد الحسين
تگـول بسمـار المـنيه صـاب الأثنين
امي والمحسن سويه تشـاهد العين
طاحو ومـنهـا تكَّـسر اضـن ضلـعـين
النار شبت بالعبايه وشبگت المصحف
طفـته وگـلـتلـه عـذراً حـيدر امـجـتف
ياورث خير الأنام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
5
فضه احجيلي اشسمعتي وشنضرتي
صرخـت امن الزهره ياعـالـم فشـلتي
ريت كل اضلوعي فدوه لضلعج انتي
والله مـادام انـي عـدلـه تبـقـه ونـتي
كل الاسماء انه عندي الهجـمـو اعليهـا
باجـر ابـيـوم القـيـامـه لـلنـبي انطـيهـا
عيني بعدج ماتنام مَروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
6
يلَّـي مـاعـندك درايه بهـجمـت الدار
وَضَّحَـو اربع شهـود الَّـي جره وصار
كل تفاصيل الجريمه وفعل الاشـرار
مـارعـو حرمة نبـينه وحامـي الجـار
عـوف تأريخ ال امـيه والنضـر غـضـه
الحسن وحسين شهدو وزينب وفضه
عن جريمه اقتحام مروي من بيت الامام
اعله الجريمه اعله الجريمه
🔸🔸🔸🔸◽◽◽🔸🔸🔸🔸
تمت بعون الله تعالى
عقيل حسين الگرعاوي
قصيده لمولاتي فاطمة الزهراء عليهاالسلام
سألو سلمان المحمدي ماللذي يجري
في بيت علي ابن ابي طالب ع
وهوه يجاوب
🔸🔸🔸
احجي ياسلمان شنهو الي جره
اباب حيدر شـفـنه نار امـوجـره
ناس متجمعه وتگول أحرَقو دار البتول
🔸🔸🔸🔸◽◽◽🔸🔸🔸🔸
1
ابلاتحفظ اني اسولـف عن فعل هـاي العبيد
اتجمعو اهل السقيفه ضدعلي ومنصب تريد
بس غـفت عـين الرسـاله بين الحقد الشـديد
ونـكـرو شـوصـه نـبـيـنـه لاكــن ابـداً مايـفـيد
الينكـر الأيه الـعضـيمه بالغـدير
يريديصبح عالخلگ هوه الامير
اليوم سل سيفه ويصول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
2
لاذت الزهـره ودفعـهـا ويدخـل ابلايه اِذِن
فاطمه يگـلوله خلفـه وهـوه جـاوبهـم واِن
شهـالصلافه وهالوقاحه يسمع الزهره توِن
وخلـه بسمـار المنـيه بدفعـته يخضر حزِن
ويسقط المحسن ضحية انقلاب
استشهد برتبة مدافع عالحـجاب
وماقبل عمره يطول أحرَقو دار البتول
احجي ياسلمـان شنهو الي جره
🔸🔸🔸🔸◽◽◽🔸🔸🔸🔸
3
اني شاهد عالجريمه القشعرت جلد السِمه
نهدم ركـن من الرسـاله بكسر ضلع الفاطِمه
ومصحف الزهره الزجيه اصبح ملطخ دِمه
وبَّخـرَت ارض المـدينـه بـاب حمـاي الحِمه
امست الدُخان عنبر جن يفوح
الأفق ابشـع مواقف بـي تلـوح
قررو مرضى العقول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
4
الجان يتسمـه صحابي هسه كشرها النياب
قام ثوره عله الرساله واسس بحقده نقلاب
ومن بعـد عـين النبـوه يحـترگ للزهـره باب
من اثردفعة حقدهم استشهدت ام الحجاب
وحيدر اموصه ابد ميسل فقار
وبقى مجتفته الوصيه بالـ صار
ماخلف امر الرسـول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
5
شَّيـع الدنيـا اعلـه جـتفـه بليل وبلايه علِم
رجـع ويگـلـي يعـمـي اضـن مو واقـع حلِم
غصن من بيت النبوه جنت من عطره اشِم
هسه اشم ريحه هجرها التارك بروحي ثلِم
بيتي ياسلمان صار المگبره
الصبر فارگني بعد الطاهره
دمعي يجري كالسيول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
6
بيت حيدر گمت اطبه مضلم وغايب ضواه
وحيدرالعظم المصيبه محدب وضهره حناه
يگلي جرحي اعله الزجيه مااضن الگه دواه
جـرح البگـلبـه شيجـبره الدفـن زهـرة صباه
يلـي تسأل كـف سـألك والحجي
خلي اواسي حيدرابدمعه وبجي
لوضعه مااملك حلول أحرَقو دار البتول
احجي ياسلمان شنهو الي جره
🔸🔸🔸🔸◽◽◽🔸🔸🔸🔸
تمت بعون الله تعالى
عقيل حسين الگرعاوي
الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰
بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك
➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي
ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب
اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده
دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون
يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني
مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه
نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب
بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
تـمـت بـعـون الله
عـقـيـل حـسـيـن الـگــرعـاوي
قصيده لسيدة نساء العالمين
فاطمة الزهراء عليها السلام
لسان حال السيده زينب عليها السلام
🔸🔸🔸🔸
اه يمه فاطمه اه يمه فاطمه
🔸🔸🔸🔸◽◽🔸🔸🔸🔸
١
شـلون يمـه نفـتـرگ وباب حضنج ينطبگ
والله ماشبعت شبگ زيـنـبـج تـبـجـي دمـه
اه يمه فاطمه اه يمه فاطمه
٢
يمـه ناري بفرگـتج تسعـر اعله مصيبـتج
تبجـي دم ابنـيـتج بـجـت امـلاك السـمـه
اه يمه فاطمه اه يمه فاطمه
٣
بيتج لمهبط وحي وجـان محـروس ابنبي
هسه طبه الاجنبي وبـسـهـم حـقــده رمـه
اه يمه فاطمه اه يمه فاطمه
٤
النار بعـيوني شفـت لذت خلفج من خفت
منين ماصد والتفت عيونهم تحجي ضمه
اه يمه فاطمه اه يمه فاطمه
٥
يمه اشم ريحة دخان وفارگت حضن الحنان
راح ويـاج الأمـــــــان وروحي ضلـت هـايمـه
اه يمه فاطمه اه يمه فاطمه
٦
بلاطعم تبقى الحياة عيشه بس شبه الممات
بلايه امي الـنايبـات گــلــبـي راح اتـألــمـــه
اه يمه فاطمه اه يمه فاطمه
٧
ستنتجت من الهجـوم حقدمدسوس بسموم
يرجـع يحـاربـني يوم متني سـوطه يورمـه
اه يمه فاطمه اه يمه فاطمه
٨
بـدت مـدعـات الـفـتـن تـنـتـقـل عـبر الزمـن
ضـد علي وام الحسـن ثوره ضـدهـم قائمـه
اه يمه فاطمه اه يمه فاطمه
٩
بس غريبه اعله العقول تنضرب بنت الرسول
ويـحـتـرگ دار البـتـول الـبـيـتـهـا الله كـرمـه
اه يمه فاطمه اه يمه فاطمه
١٠
ورثت من عـندج عـبي تفيدني بدرب السبي
يطگني سوط الناصبي مـن اضـل ابـلاحـمـه
اه يمه فاطمه اه يمه فاطمه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
قصيده لمولد منقذ البشريه روحي وارواح العالمين
لتراب مقدمه الفداء الامام المهدي المنتضر عج
السلام عليك ياحبيبي وسيدي ومرتجاي
🌺🌺🌺🌺🌺🌺
بمـولـد القـائم دعـينه. عجل بطلعةولـينه
الدنيه من نورك يهل. تنملي قسط وعدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
1
يمـته تضـهـر يابوصـالـح گـلـبي هـايـم بالحـنـين
وتـمـلي هـالـدنـيـه بـضـهـورك يامـلاذ الحـائـريـن
شـوكـت يامـولاي تخـلص هـالعجـاف من السنين
ونحيي مولدوانته حاضر بصحن مولانه الحسين
وتكمل الفرحه بوجودك. واحنه انصاروجنودك
عـالـعـهـد لامـانـزل. تنـملـي قـسـط وعـدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
2
مــولــدك يـبـن الأئـمــه هـــل عـلــيـنـه ابـنـوره
وخـلــه كــل الـجـعـفـريه بـهـالـخـبـر مـسـروره
ربـي بـالـطـلــعـــه الـبــهـــيـه نـور الـمـعــمــوره
الـمـهــدي بالـعـدل الاهــي يـحـكـم ابـدسـتـوره
بالدعـاء ابعـث سـلامي. ياحـبيـبي ياامـامي
ساعه النورك يطل. تنملي قسط وعـدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
3
حرت شكتب بالقـصـيده بيش امليها السطور
شلون اعبر عن فرحتي ابمولدك يحله السـرور
حـبي الـك اعـظـم تجـاره وادري بيهـا مـاتبـور
جـنـي اشـوفـك يامـلاذي وين مـاعـينـي تدور
ادعي للطـلعـه البهـيه. كل صباح وكل مسيه
من نتضـارك مـاامـل. تنملي قسط وعـدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
4
ادعـي بـالـلـهــم عـجـل رافـع ايـدي لـلـسـمـاء
يـم ابـوالـسجـاد ادري يكـون مـقـبول الـدعـاء
من ضريحه ابعث سلامي وادعي ياربي اللقاء
ياطـبـيـب اجـروح گــلــبي انـتـه لـلـعـلـه دواء
يامشـافي ويامعافي. لشوكت يبقى التجافي
شوكت يلتم الشمل. وتنملي قسط وعـدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
5
بـالـولاده الـمـهـدويه نشـعـل شـمـوع الـفــرح
مقـدم القـربان نحـري بنضـره مـنك لـو تصـح
ياهوه الي ابريتي ساكن بدونك اتنفـس جـرح
اعـتـبـر عـمـري خـســاره بـس ولايـتـكـم ربـح
امنيتي اشـوفك بالزياره. طولك بعـلو المناره
نـــور لـلـتـايـه يـدل. تنملي قسط وعـدل
يابوصـالح. يابوصـالح
🌺🌺🌺🌺🌺🌺🌺🌺🌺🌺
تمت بعون الله تعالى
عقيل حسين الگـرعاوي
تقول السيدة زينب ع
المدينة ابليل من عدهـا. رحلنا
وعگـبـهـا ماحصـل ابداً راحلنا
وتـركـنـا اثـار مـن امـي. رحالنا
بقت ميراث ذكرى من الزجية
عقيل حسين الگرعاوي
ذكرى خروج ضعن الأمام الحسين ع
من المدينه الى مكة 28 رجب
سنة 60 هـ
اليوم تبدي معانات فاطمة العليله ع
كأني بلسان حالها تقول
🔸🔸🔸
وداعاً ياضعن يالخذت روحي وياك
خـلـيـت الـعـلـيـلـه بـعـلـت الـفـرگـه
تـشـتـاگ ويجـيـهـا الـلـيـل بحـلامـه
وتگضي الليل بس بطيوفه مختنگه
من الواقـع ولالمـحـة بصر ينشـاف
ضعنكم بس حلـم ؟ هيهات للملگـه
تَّعَـبـت الـدرب والعـين والـرجـلـين
گـد مـانـاطـرت والـروح مـحـترگـه
ذبلان الهـوه المـابي عُـطُـر لحسين
اشـهگ والـزفـير يرد بألـف شَـرگـه
اناطـر والسـراب يـزم نضـر عـيناي
ويشوفني ضعن بي روس متعلگـه
عقيل حسين الگرعاوي
دارميات
للأمام موسى ابن جعفر. ع
➖➖➖➖
بسجن الرشيد اعوام گاضيها ثوره
مـن غـيره العـباس بگـلـيبه جـمـره
▪▪▪▪▪▪
جـمرة الغـيره تخاف منها السلاطين
تجويهم (الهيهات) من ناده الحسين
👇
(هيهات منه الذله)
▪▪▪▪▪▪
ضلت تجـر ثورات (هيهـات) الحسين
استفـتحـت بالعباس ضحه الهـاجفين
▪▪▪▪▪▪
✍ عقيل حسين الگرعاوي
قصيده للامام موسى ابن جعفر عليه السلام
〰〰〰〰〰〰〰〰〰〰〰〰
يـلـي ابـتـلائـك بـالـسـجـن تـگـضـي حـيـاتـك
ومـن مـدرسـه طـف كـربـلـه مـاخـذ صـفـاتـك
سـجـيـن ابـغـربـتـه شعـضـمـهـا محـنـتـه
➖➖➖➖➖➖➖➖➖➖➖➖➖
1
بـظـلـمـه مـسـجــون الـضــوه والله جـريـمــه
وكـل مـاذكـر طـف كـربـلـه وقـصـتـه الالـيـمـه
يـبـجـي ويـغـرگـهـا دمـع الـشـيـبـه الـكـريـمـه
ويـتـخـيـل ابـرجـعـت مـهـر نـاده الـضـلـيـمـه
ويـبـقـى بـألــم طــف كــربـلـه وذكـرت مــأسـي
وبـس وحـده وضـلـمـه الـسـجـن مـحـديـواسـي
شـيـنـشـف دمـعـتـه شـعـضـمـهـا مـحـنـتـه
➖➖➖➖➖➖➖➖➖➖➖➖➖➖
2
يـلـي مـن سـجـن الـسجـن عـمـرك گـضـيتـه
ضــاگــت عـلـيـك وبـالـفــرج ربـك دعــيـتـه
يـاربـي فـرج مـحـنـتـي مـوتـي اشـتـهـيـتـه
مـأتـم مصـايب كـربلـه بـسـجـنـك حـيـيـتـه
ويـتـراوه گــدامـك عــطـش اطـفـال الـحـسـيـن
وتـرسـم عـلـى اخـدودك نـهـر مـن دمـعـه العـين
وتـخـنـگــه عـبـرتـه شـعـضـمـهـا مـحـنـتـه
➖➖➖➖➖➖➖➖➖➖➖➖➖➖
3
شـائت حكـمـتـه ثورتـك تگـضـيـهـا مـسـجـون
رادو يـحـجـبـون الـشـمـس بـس مـايـگــدرون
لـن مـسـتـمـد الـهـا الـضـوه مـن خـالـق الكون
يـرهــبـهـم وهـوه بـســجـن مــنـه يـخــافـون
بـي ثـوره مـن طـف كـربـلـه الـقـائـدهـا عـبـاس
الـخـلاهــا تـشــرد عــالـنـهـر مـــاخـلـه حــراس
جـهـاده بـسـجـدتـه شـعـضـمـهـا مـحـنـتـه
➖➖➖➖➖➖➖➖➖➖➖➖➖➖
4
اخـر مـحـطـات الـسـجـن بـقـتـلـك يـفـگـرون
مـرسـال اجـه مـن شـيـعـتـه گـلـهـم يـتـانـون
المـوعـد الجـمـعـه الصـبـح كـلـكـم تحضـرون
الـمــلــتـقــه يـــم الـجــســر يـانـور الـعــيـون
اجــمــعـت كــل شــيـعــتـك تـتـبـاشــر الـنــاس
لـنـهــم يـنـضــرون الـنـعـش اتـشــيـلـه حــراس
وغـريـبـه اجـنـازتـه اشـعـضـمـهـا مـحـنـتـه
➖➖➖➖➖➖➖➖➖➖➖➖➖➖
5
يـالـمـنـتظــر بـالـفــاجـعــه صـبـت دمــعــتـك
مـانـدري شـنـهــو الاخـرك عـجــل طـلـعــتـك
گـاضـيـهـا مـن جـرح لجـرح قـصـه سـفـرتـك
اعــظــم رزيـه الـبـجــتـك مـسـبـيـه عـمـتـك
وتـمـشـي ويـغـربـه بالسـبـي ومـاعـدهـا كـافـل
وصــارت كــفـيـلـة عــايـلـه اطــفــال وارامـــل
الاسـيـره عـمــتـه شـعـضـمـهـا مـحـنـتـه
➖➖➖➖➖➖➖➖➖➖➖➖➖➖
تمت بعون الله تعالى
عـقـيـل حـسـيـن الـگـرعـاوي
قصيدة للسيده زينب عليها السلام
لسان حالها في الأحتضار تتمنى وجود اخوتها
تقول
🔸🔸🔸🔸
بعازة اخـواني والأجـل جـاني
الـلـيله بحضـان المـنـية
مـاتت غـريبة الهـاشمية
🔸🔸🔸🔸◽◽◽🔸🔸🔸🔸
1
ردت طـارش يصل الكـم يفـزع هـايخوتي
بغرب ماتت يخبركم غفه من الونه صوتي
بني هـاشم احشـمكـم هلـي وانتم عـزوتي
تشيعوني بطوايفكم صدگ يحلالي موتي
المـوته بالغـربة يخـوتـي صـعـبة
وين اخـوّتي تلحگ عليه
مـاتت غـريبة الهـاشمـية
🔸🔸🔸🔸🔸◽◽◽🔸🔸🔸🔸
2
اللذي مثلي صدگ تفخـر اخوتي كلها غيره
يفهموني گـبل حجـيي گـبل لاراسـي اديره
وسف راحوواضل وحدي بعدماجنت اميره
نحنه ضهري من الفرگه صرت وسفه اسيره
وعفـته كفـالي لجـان الي خيالي
صاراسمي من بعده السبية
مـاتـت غـريبـة الـهـاشـمـية
🔸🔸🔸🔸◽◽◽🔸🔸🔸🔸
3
اريد الـي تكـفـلـني يجـينـي الـلـيه دفـان
تضل عيني تناطرهـم يحيهم هـايالخوان
اهل غيرةبحميتهم يحضرون الأجل حان
اخـيتهم عـزيزتهـم غريبة بهـاي الأوطـان
اكسـر الخـاطر شـابحـة الناضر
اني اعله صوب الغاضرية
مـاتت غـريبـة الهـاشـمـية
🔸🔸🔸🔸◽◽◽🔸🔸🔸🔸
4
الجسد بالي واناابالي سوالف سفرت النوگ
ردت اشكي گبل موتي هضيمةطبت السوگ
واگـلـلـهـم يولـياني بـعـدكـم كـبرت احـلـوگ
صفت زينب يهـل غيرة أمان العدهـا مبيوگ
وين اخو خدري يفكني من اسري
ويحضرني بهـاي المسـية
مـاتت غـريبـة الهـاشـمـية
🔸🔸🔸🔸◽◽◽🔸🔸🔸🔸
5
مراسـيلي اوديهن لخـوتي وي هـوه الهـاب
ولايرجـع خبر منكم دوضحـولي هالأسباب
گرب موتي واريدنكم تحضروني يالأحباب
تشيعوني وتدفنوني واكسرو طوگ الغياب
بهـيـده نـزلـوني مـن تـدفـنـونـي
وين اخـوتي اهل الحمية
ماتت غـريبـة الهـاشـمـية
🔸🔸🔸🔸◽◽◽🔸🔸🔸🔸
6
جمر نوحي حرگ روحي بشرارت نارالطفوف
لبقت تدوي بگلب زينب ليظل علملگه ملهوف
يبـو الغـيره يكـافـلـني تعـال بعـيـنـك وشـوف
اعـذرنك على الجـربه فديت الخدري اجفوف
المـاوصل مـايه بس وصـل غـاية
يضحـيلـي جـفـينه هـدية
مـاتت غـريبـة الهـاشـمـية
🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
الـى فـخـر الـمـخـدرات زيـنـب ع
〰〰〰〰〰〰〰〰〰〰
يـالـدمـوعـج بـجـت امـلاك الـسـمـه
وزادت احـزانـج مـصـايـب فـاطـمـه
اشـفـتـي من هذاالـزمـن خلـص عـمـرج بـالـحـزن
يـــــــازيـنـب يــــــــازيـنـب
➖➖➖➖➖➖➖➖➖➖
1
انتي شاهدتي الرسـول من احتضـربس يمـه ابوج
وكسـر ضلـع امـج نضـرتي وبالحرگ هـم روعـوج
وطـبره البهـامـه ابـوج بـشـهـر رمضـان افجـعـوج
وشفتي سم جعده اللعينه الگطعت بي جبداخوج
رغــم هــذا والـتـزامــج بـالـصــبـر
مـن الـطـفـولـه لاخـر ايـام الـعـمـر
صـرتي تـربـات الـمـحـن خـلـص عـمـرج بالـحـزن
يـــــازيـنـب يـــــازيـنـب
➖➖➖➖➖➖➖➖➖➖
2
مـاكفـت ذيـج المصـايب رجـع وجـهلـج سهـام
مرت اعليكـم مواقـف صعـب يوصفـهـا الكـلام
شأرد اوصفهـا اليتامـه من احرگـو كـل الخـيام
فــرو اوحـدج يـزيـنـب كـافـلـه لضـعـن الامـام
صرتي خيمه من حرگـو كل الخيم
وبيهـا جـمـعـتي اليـتـامـه والحـرم
ومـن دمـه عـيونـج بجـن خـلص عـمرج بالحـزن
يــــازيـنـب يـــازيـنـب
➖➖➖➖➖➖➖➖➖➖
3
انـخـتـم تـاريـخ حـزنـج ويـه غـربه بـالـسـبي
وضـل يردد صـده صـوتج فـوگ تـل الـزينبي
عـوفـه مـايك يبو الـغـيره ولاتنـفـذ مـطـلـبي
وضـلـت اثـار الخـيام الـمـنهـا جـويات العـبي
لـهـسـه صـرخـات اليتمـى بكـربلـه
من انسـبت والشـمـر قـاد القـافـلـه
وصار حـادي للـضـعـن خـلـص عـمرج بالحـزن
يـــــازيـنــب يـــــازيــنــب
➖➖➖➖➖➖➖➖➖➖
4
اتجددت احـزان گـلبج من وصلتي ام البنين
هـدمت صـبرج بكـلمـة وين مـولاي الحسين
ويمها صرخـات العـليله تصيح عمه بابه وين
ماتت الكـلمات عندي وگـمت اجاوب بالونين
شأرد اجـاوب والاهـل جوه التراب
عفت دمعي هـوه يشـرح بالمصاب
دمـوع عـينج سولفـن خـلـص عـمرج بالحـزن
يــــازيـنـب يــــازيـنـب
➖➖➖➖➖➖➖➖➖➖➖
5
امنيتي بالدنيه الاخـيره ومن يحقـق منيتي
لكـربله اشـتـاگـيت كـلش اندفـن يم اخـوتي
استرجـعـت كل ذكرياتي وكل مسيره ناگتي
بس صـور عـباس اشـوفـن بيده لازم رايتي
امنيتي لومدفـونه يم جـرف النهـر
حـتى مـن اكـبـورهـم اشـبـع نـضـر
تالي بالغـربه اندفـن خـلـص عـمرج بالحـزن
يــــازيـنـب يـــــازيـنـب
➖➖➖➖➖➖➖➖➖➖➖
تمت بعون الله تعالى
عقيل حسين الگرعاوي
ولادة مولاتنا فاطمة الزهراء عليها السلام
🌺🌺🌺🌺🌺🌺
يابشاره من السماء يوم معراج الرسول
كــرم خــطـــار الإه انـااعطيـنـا الـبـتـول
يكمن الحصن الحصين
فـي صلب طـه الأمـين
🌺🌺🌺🌺🌺🌺
اليحـل ضيف اعله خَّير نال منهُ مبتغـاه
كـيف والضـيف محمد حـل ضيفـاً عَـالإه
قـاب قـوسـينٌ تـقـرب ياترى مـاذا عَـطاه
قـال خُـذهـا يامحمد بِضـعـتاً مِـنـهُ هَـداه
هذي زهرة من الجنان تباهه بيهاعله البشر
خصهـا زوجـه للأمـام وام ائمه اثنى عشر
هـيه نـور الـعـالـمـيـن
في صلب طـه الامين
🌺🌺🌺🌺🌺🌺
اليگول اعليك ابتر خَـل يشوف المكرمات
انته خاتمة الرسـاله المنهـا شريان الحـياة
الله يبـعـثلـك سُـلالـه كـلـهـا اطـهـار وابات
انتَ تحيى يامحمد الشانِئَك هوه الي مات
بكـوثـرك انـتـه افـتخـر بالهـدية القـادمـة
من ضوه كرسي العرش اشتق نور فاطمة
يمـلـئ الدنيـا حـنـيـن
في صلب طـه الامين
🌺🌺🌺🌺🌺🌺
مـن ثنـايا العـرش جـائت نورهـا عَـم البـلاد
شَـعَ فـي بـيـتُ محمد يـوم عـشـرينُ جـمـاد
ازهَـرت والكـون شعـشـع نورهُ فـوق العـبـاد
مكـة لبست ثوب ابيض وانجلى منهاالسواد
ازدحمت احشودالملاك تهني طـه بكوثره
ونـاده جـبـريل الأمـين تبـركـو بالطـاهـره
ويـامـحـمـد قُـر عــيـن
في صلب طـه الامـين
🌺🌺🌺🌺🌺🌺🌺
ياخديجه بهـالوليده الخالق يخصج بأمـر
رايـد يـقـدم هـديـه بـدل امــوالـچ شُـكُــر
الأسـتقـام الدين بيهـا ويالفـقـار الَّـي يكُـر
الزهـره فرحـه للثلاثه البيهم انـزاح الكُفُـر
لـلـنـبـوه امـتـداد مـنـهـا سـادات الـمـلـه
تملئ الدنيا جهاد بأرض مـكـة وكـربـلـه
مـنـهـا نـور الحـسنين
في صلب طـه الأمين
🌺🌺🌺🌺🌺🌺🌺🌺
تمت بعون الله تعالى
عقيل حسين الگرعاوي