405
قناة الشعائر الحسينيه ادارة القناة الشاعر عقيل حسين الگرعاوي https://t.me/akiellal
قصيده نزله. للزهراء عليها السلام
🔸▪🔸▪🔸
حيدر ابحسره. يدفـن الزهـره
يدفـن الزهـره. حيدر ابحسره
🔸▪🔸▪🔸▪🔸▪🔸▪🔸
1
الوالي
گـوه ينـگـل جدمـه. شگد عظيمه الصدمه
علي بـاگــو حـلـمـه
الموقف
يصيح هدم حـيلـي. ومـانمـت كـل لـيـلـي
طـيـفـج اينـاغـيلـي
يالزهره
بعيني حرگـت بابج. هـدني حـيل غـيابج
ريـت بـيه صـوابـج
بالگـلب جمـره. يـدفـن الـزهــره
يدفـن الـزهـره. حـيدر ابحـسـره
🔸▪🔸▪🔸▪🔸▪🔸▪🔸
2
اذاني
شطوله ليل الوحشه. مــانـمـت لـلـغـبـشـه
صبري فگـدج طشه.
خلصته
ويم حسن كل ليلـي. احـس جـن تشكـيلي
وعـالظـلـع تـومـيلـي.
وتگلي
عـلـي روح لــزيـنـب. هسه گـعـدت تنحـب
مـن بـجـيـهـااتـعـذب.
رد عـلـي بـقـهـره. يـدفــن الـزهـره
يـدفــن الـزهــره. حـيدر ابحـسـره
🔸▪🔸▪🔸▪🔸▪🔸▪🔸
3
ياويلـي
زيـنـب اتـلـگـتـنـي. من اوصـلـت شـبگـتني
بس حجت بجتني
مااحمـل
گـلـبي ضـل ابناره. محـافظ اعلـه اسـراره
عـالظلـع واخـباره.
مااحجي
تبقـى تسعـر نـاري. عـلـه الـشـفـتـه بـداري
ومـااســل فـقـاري
وانـضـر الـعـصـره. يـدفـن الـزهـره
يـدفــن الـزهــــره. حـيدر ابحـسره
🔸▪🔸▪🔸▪🔸▪🔸▪🔸
4
يالزهـره
والله مـوحش دارج. ضلمه بعد انوارج
بضلعي جن بسمارج.
يشرحلي
طيفج اعلـه الحـالـه. الزمن كـل انذالـه
لـلـحـطـب حـمــالــه
ويشبهـا
نـاره وبـنـص بـيتي. وجتفتني وصيتي
بسـمـي لـونـاديـتـي
افـني هـالزمـره. يدفـن الـزهـره
يـدفــن الـزهـره. حيدر ابحسره
🔸▪🔸▪🔸▪🔸▪🔸▪🔸
5
اذتـنـي
زيـنـب ابـونـتـهــــــا. تبـجـي ويـه اخـوتـهـا
مــاتـكـف دمـعـتـهــا
تجـاره
الدمعه واني ابروحي. امكـابر اعله اجروجي
مــــااســمــع نـوحــي
كـاتمها
ونــتــي والـعــــلــــه. الـگـلــب ضـيـع خـلــه
الـجـان سـاكـن ضلـه
سـاكـن ابـگـبـره. يـدفـن الزهـره
يـدفـن الـزهــره. حيدر ابحسـره
🔸▪🔸▪🔸▪🔸▪🔸▪🔸
6
خـليتي
ريـحـتـج والـمـلـگـه. خـلفـت بس فرگـه
بگـلبي خلت حرگـه.
يالبيتج
صـار بيـت احـزاني. وبـس الــم راوانـي
والـقــهـــر ســلانـي.
ماانسـه
وردتـي العـصـروهـا. وبالضلـع صابوهـا
بت نبي وهضـموهـا
الـطـاهـره الـحـره. يـدفـن الـزهــره
يـدفــن الـزهــــره. حيدر ابـحـسـره
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعـاوي
قصيده لسيدة نساء العالمين
فاطمة الزهراء عليها السلام
لسان حال السيده زينب عليها السلام
🔸🔸🔸🔸
اه يمه فاطمه اه يمه فاطمه
🔸🔸🔸🔸◽◽🔸🔸🔸🔸
١
شـلون يمـه نفـتـرگ وباب حضنج ينطبگ
والله ماشبعت شبگ زيـنـبـج تـبـجـي دمـه
اه يمه فاطمه اه يمه فاطمه
٢
يمـه ناري بفرگـتج تسعـر اعله مصيبـتج
تبجـي دم ابنـيـتج بـجـت امـلاك السـمـه
اه يمه فاطمه اه يمه فاطمه
٣
بيتج لمهبط وحي وجـان محـروس ابنبي
هسه طبه الاجنبي وبـسـهـم حـقــده رمـه
اه يمه فاطمه اه يمه فاطمه
٤
النار بعـيوني شفـت لذت خلفج من خفت
منين ماصد والتفت عيونهم تحجي ضمه
اه يمه فاطمه اه يمه فاطمه
٥
يمه اشم ريحة دخان وفارگت حضن الحنان
راح ويـاج الأمـــــــان وروحي ضلـت هـايمـه
اه يمه فاطمه اه يمه فاطمه
٦
بلاطعم تبقى الحياة عيشه بس شبه الممات
بلايه امي الـنايبـات گــلــبـي راح اتـألــمـــه
اه يمه فاطمه اه يمه فاطمه
٧
ستنتجت من الهجـوم حقدمدسوس بسموم
يرجـع يحـاربـني يوم متني سـوطه يورمـه
اه يمه فاطمه اه يمه فاطمه
٨
بـدت مـدعـات الـفـتـن تـنـتـقـل عـبر الزمـن
ضـد علي وام الحسـن ثوره ضـدهـم قائمـه
اه يمه فاطمه اه يمه فاطمه
٩
بس غريبه اعله العقول تنضرب بنت الرسول
ويـحـتـرگ دار البـتـول الـبـيـتـهـا الله كـرمـه
اه يمه فاطمه اه يمه فاطمه
١٠
ورثت من عـندج عـبي تفيدني بدرب السبي
يطگني سوط الناصبي مـن اضـل ابـلاحـمـه
اه يمه فاطمه اه يمه فاطمه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
متباركين لكم ولاده نبي الرحمه
محمد🌺ص🌺
شـنـهـو من نور النـزل من السـمـاوات
فـك لـثام الـدنـيـا خـلـه الـكـون يرعـد
نورة نازل من عـلـو السبعة العضيمات
وكـسـر ابنـورة الظـلام البيهـا مـشـتـد
هـلـه بجـيـتك تنـتـظـر كـل الديـانـات
والـمـسـيـح تـذكـره بالأنـجـيـل احـمـد
وبـكـتـب مـذكـور عـدهــم وبـروايـات
كـلـهارهـبـان النـصـارى بـحـقـه تـشـهـد
هـــذا خــاتــم لـلــنــبـوه والــرســـالات
يـلـه صـلـو اعـلـه الـنـبـي طـه مـحـمـد
صـلـو بس لـلعلـم مـرجوعـه الصلاوات
الـلـي مـايذكـر عـتـرته ابـوجـهـه تـنـرد
اللهـم صـل على محمد وال محمد
🌺🌺🌺🌺🌺🌺🌺🌺🌺🌺
✍ عقيل حسين الگرعاوي
قصيده للأمام الحسن العسكري عليه السلام
لسان حال ولده الامام (المنتظر) عجل الله فرجه
🔸▪🔸▪🔸▪🔸
الأمـام الـمـنـتـضـر. لوالده محني الظهر
يردد وگلبه انكـسر. والـدي والـدي
🔸▪🔸▪🔸▪🔸▪🔸▪🔸
1
بـويـه يااخــر عـطــر مــن الامــامـه
شلون اودعك والظلم شاهر حسامه
بعيني اشـوفن ليلـك وتهـت بظلامه
والـدي اليخـرج درر مـنـطـق كـلامه
وسفه وبسم الحقد. بويه جبدك ينمرد
وبمـكـانك من يسد. والـدي والـدي
🔸▪🔸▪🔸▪🔸▪🔸▪🔸
2
يالعـفـتـني بدنـيـا بـيهـا بس الجـروح
عندي من حرگ المخيم خنگه بالروح
ولسبي عمتي العـقـيله گـلـبي مـذبوح
الألـهـا متحضـر انـوح بگـد عـمـر نـوح
مــن روايـات الـسـبـي. وقتل ابن بنت النبي
اعليها اون واني صبي. والـدي والـدي
🔸▪🔸▪🔸▪🔸▪🔸▪🔸
3
بويه من اقـره الروايه اعلـه العقـيلـه
مــاانـام ولـلـصـبـح دمـعــي اسـيـلــه
وشـوغه ضلت بالگلب قصـة العـليلـه
الألهـا قصـه ويالضعـن كـلش طـويلـه
ضلـت ابـدار الـحـزن. عالأهل تبجي وتون
تصرخ بدمعـه وتحن. والـدي والـدي
🔸▪🔸▪🔸▪🔸▪🔸▪🔸
4
ياصدى ضـل بذني يهـتف كل مسيه
ثـار ينـتـضـرك يمـهـدي مـن الـزجـيه
مـن الطـفـولـه شـيبـتنـي الـغـاضـريه
من اقـره قصة عمـتي الطـفلـه رقـيه
من اثر سوط وضرب. طفله ماتت بالغرب
والدمع يمـطر سحب. والـدي والـدي
🔸▪🔸▪🔸▪🔸▪🔸▪🔸
5
وتبقى قصه اعله الشريعه تشيب الراس
قصـه عن غيره وشجـاعـة عـمـي عباس
الداهـم وبيده جـربـته وعـالخـطـر داس
وضحـه بجـفـوفه لخـواته لأخـر انفـاس
خله رايه اعله النهر. اتاني جيت المنتضر
ياخـذ بـثـار الـگـمـر. والـدي والـدي
🔸▪🔸▪🔸▪🔸▪🔸▪🔸
6
ابـقـى بـالـغـيـبـه الطـويلـه بالـنـوايـب
عـالـمـشـت لـلشـام بـيـتوهـا بخـرايـب
والـغـريـبـه بـديـره مــابـيـهـــا گـرايـب
ومـن يزيد وزمـرتـه شـافـت عـجـايـب
مختصر كل قصتي. راح اضل ابدمعتي
لـلـعــقـيـلـه عـمـتي. والـدي والـدي
🔸▪🔸▪🔸▪🔸▪🔸▪🔸
تمت بعون الله تعالى
عقيل حسين الگـرعاوي
قصيده نزله. للنبي محمد. (ص )
لسان حال الزهراء عليها السلام
🔸▪🔸▪🔸▪🔸
اه يابـو الـزهـره اه. اه يابـو الـزهـره اه
🔸▪🔸▪🔸
الـيـوم دمـعـات البـتـول. تهمل الفگـد الرسـول
تصـرخ بحـرگـه وتـگـول. مــوتـي اتـمــنـه وراه
اه يابـو الـزهـره اه
اه يابـو الـزهـره اه
الـدمـع مـن دم يسـيل. وليلـي من بعـدك طـويل
تراب گبرك گمت اهيل. وصحت من روحي فداه
اه يابـو الـزهـره اه
اه يابـو الـزهـره اه
گـمـت الـطـم عـالـضلـع. ورگض گدامي الدمع
وخلـصت مـثل الشـمـع. مـن بعد نوره وضواه
اه يابـو الـزهـره اه
اه يابـو الـزهـره اه
يـابـعـد نـاسـي وهـلـي. مـن بـعـد عـيـنـك علي
هـمـه مـاضـن ينجـلـي. گــلـبـي بـالـونـه جـواه
اه يابـو الـزهـره اه
اه يابـو الـزهـره اه
بويه بـس عـني مشـيت. بالذبـول اني ابتديت
وباليبغـضـوني ابـتـلـيت. وحقده عالعتره بداه
اه يابـو الـزهـره اه
اه يابـو الـزهـره اه
بويه بعدك كلشي صار. داري شـبـو بـيـهـــا نار
جـنهـا تطـلب بينه ثـار. الــهــبـل رادت رضــاه
اه يابـو الـزهـره اه
اه يابـو الـزهـره اه
حـيـدر ابـوده يـهـد. يسـحـب بـسـيـفـه ويـرد
لأن مـنطـيلـك عـهـد. مـايـسـلــه اعـلـه الاجـاه
اه يابـو الـزهـره اه
اه يابـو الـزهـره اه
اسـمـعـه يتمـتم كـلام. والله لو اسـل الحسـام
الــه اســويـهــا ضـلام. ابـابـي احــد لــو دنــاه
اه يابـو الـزهـره اه
اه يابـو الـزهـره اه
بوجهه اقره شگد حجي. يروح بالبيت ويجي
يگول بس منيه ارتجـي. رخصه ينطيني الاِله
اه يابـو الـزهـره اه
اه يابـو الـزهـره اه
بالخـتام الهـا لـعـزاء. كـلـنـه خـل نـهـتف نـداء
كـــربــلاء كـــربــلاء. قـلــبـي صــار مـبـتـغــاه
اه يابـو الـزهـره اه
اه يابـو الـزهـره اه
🔸▪🔸▪🔸▪🔸▪🔸▪🔸
تمت بعون الله تعالى
عقـيل حسـين الگـرعـاوي
قصيد للنبي محمد (ص)
لسان حال مولاتي فاطمه الزهراء ع
بعد فقد ابيها
〰〰〰〰〰
رحل كلشي بغيابك اكتبت قصه اعله بابك
وداعـا يانـبـيـنـه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
1
مـن رحـل وحـي الرسـالـه تـرك اثـار
ريش من جـنحـه الاهـي بعـتبه الدار
وريحه من عـطر الـنبوه بقـت تذكـار
عـرفت وي هـذا رحـيله گلبي يحـتار
وگـمت ابجـي وانادي وصحت بويه يهادي
هجـر بعدك وحـينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
2
ويـه روحـي ابـابك انصـب بـويه مـأتـم
واغـفـه من كـثر البواجـي وبيك احـلـم
جن تجي وتگـلي اصبري الجـاي اعظـم
مـن افـز حيدر اشـوفه دمـوعـه من دم
يـنــاديـني يـزهــــره بدمـع خـده يحـفـره
الصبر واجب علينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
3
وي رحـيـلـك كـلـشـي سـافـر بـويه مـنـي
بقت بس دمعـه اعله خدي تواسـي حزني
شــلــون تـتـركــنـي يـتـيـمـه بـزغـر سـنـي
عـلـي مـــن وحــده اشـــوفــه يـزيـد ونـي
يهل دمعه اعله خـده اشـوفه بحيره وحده
وتگـابلـنه وبجـينه بعد مايجينه بعد مايجيه
🔹🔹🔹🔹🔹🔹🔹🔹🔹🔹🔹
4
ضـلـت ابگـلـبـي سـوالـف بويه جـمـره
جـان مـن يـنـزل وحـيـنـه يـمـي تـقـره
الايـه وتـگــلـي اسـمـعـي بـويـه زهــره
هـسـه بس وحـي المـصـايب لـيه يبره
بعـد هـاي الـرزيه گـرب مـوت الـزجـيه
بعـدعينه انولينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
5
والاشـد مـن هـالـرزيـه وهـذا الـمـصـاب
الانقـلاب اعـلـه الرسـالـه من الاصـحاب
هـجـمـو وداري حرگـوهـه ودفعـو الباب
واني خلفه ويعصروني وضلعي ينصاب
وعـلـن محسن شـهـاده قـبـل حـين الـولاده
الحقد غمضها عينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
6
هجمه من يوم السقيفه اسـيوف تنحد
والـغـديـريـه انـكــروهـا الـبـيـهـا تشـهد
ايــه نــزلـــت گـــلـــه بــلــغ يــامـحـمـد
واعـلـن الـيـوم الـولايـه الـبـيـهـا تـمـتـد
الـرسـالـه ويـألامـامـه وعـلـن واضـح كـلامـه
النبي ابيعـه علينه بعد مايجينه بعد مايجينه
🔹🔹🔹🔹🔹🔹🔹🔹🔹🔹🔹
تمت بعون الله تعالى
في كربلاء المقدسه
عقيل حسين الگـرعاوي
لـلاربـعـيـن. (من الارشيف )
اليوم زيـنـب بت عـلـي مـحزمه بصـبـر الـحسـيـن
تصـيـح والمـدمع يـهـل جـيـت يــوم الاربـعـــيـن
◾◾◾◾◾◾◾◾◾◾◾◾◾◾
1
الـيـوم اجـيـت الكـربـلـه من بـعـد ذيـج الـمـحـن
بــعــد لاتـنـده يـزيـنــب انـي اسـمـي ام الـحـزن
مـن بـعـد ذيـج الـمـأسي الـبـيـهـا انـواع الـفـتـن
قـدر الـرب الـمــعــيـن جــيـت يــوم الاربـعــيـن
➖➖➖➖➖➖➖➖➖➖➖➖➖➖
2
شـحجي عن ذيـج المأسي وعل مصايب شردگول
بـيـتـونــــه بـالــخـــرابــه بـهـاي عباس اشـتـگول
ومجلس الـطـاغـي دخلنه بحيـدر يـسـب والبتول
يـصـيـح ذولـه خـارجـين جــيـت يـوم الاربـعـيـن
➖➖➖➖➖➖➖➖➖➖➖➖➖➖
3
خـلـه راس حـسين يمه وگـام يـضـرب بالـعـصـه
گـتـلـه شـنـهوالعذر منه لــورســــول الله اجــــه
والله مـاعـنـدك رجـوله لاوحـگ رب الـــســـمــه
كـون عـد عـبـاس اديـن جــيـت يـوم الاربـعـيـن
➖➖➖➖➖➖➖➖➖➖➖➖➖➖
4
يـضرب بـراس ابو الـيـمـه بـيـنـه يـتـشـمـت يزيد
يـگول ثاري الـيـوم اخذته ثــار عــتـبـه والـولـيـد
لـشـانـهـم قـدمـتـه قـربـه ذبـح اخـوج مـن الوريد
جـان انـي بـذمـتـي ديـن جــيـت يـوم الاربـعـيـن
➖➖➖➖➖➖➖➖➖➖➖➖➖➖
5
جـيـتـك وبگـليبي حسره من مـصـايـب هـالـدهـر
ومن بـعـد عـبـاس اخـويه هـسـه يـحـديـنـي شمر
شـلون تقـبـل يبو الغـيره مـخـدرتـكـم وانـسـطـر
ادري بـي گـلـبـك حـنين جــيـت يـوم الاربـعـيـن
➖➖➖➖➖➖➖➖➖➖➖➖➖➖
6
والله يـاعـبـاس صـعـبه ويـالـغـرب رحت واجيت
عـفـتـك اعلـنـهـر مرمي وبـربـعــيـنـك هـالـفـيـت
جيـتـك اني وكلي لهفه مـوتي يم گبرك نـخـيـت
اشـكـي جـور الضـالمين جــيـت يـوم الاربـعـيـن
➖➖➖➖بيت الدعـاء➖➖➖➖➖➖
7
واني مـن شفت المواكب كـلهـاتـضـرب بالسـيوف
تـعـزي بـالـحـوراء زينب تـمـشـي الاف الـصـفـوف
تصورت ضعن العقيله طب على الحضره ويطوف
وي زحــام الـزائـريـن جــيـت يـوم الاربـعــيـن
◾◾◾◾◾◾◾◾◾◾◾◾◾◾
تـمـت بـعـون الله تعالى
عـقـيـل حـسـيـن الـگـرعـاوي
الى رقـيـه عـليـهـا السـلام
زينب تندب بالامام الحسين ع وهي في خربه الشام وتقول ماذا افعل يااخي ورقيه گلما نامت فزت تنادي رئيت والدي الحسين ع 💔💔
ــــــــــــــــــــــــــــــــــــــــــــــــــــ
بـيـمـن اصــبــرهــــــا فــگــــدك قــوي مـصــابـه
طــيـفـك اذامــرهــــا صـــاحـــت شــفـت بـابـه
⚫⚫⚫⚫⚫⚫⚫⚫⚫⚫⚫⚫⚫
1
طفـلـه مـن فـگـدت ابوهـا ضـلـت بـنـار المـصـايـب
تـبـجــي ســـكــتـه
تـتـعـب وتـغـفـه اعـلـه ايـدي تـرد تـفـزيـاعـمـه هـذا
بـابــــه شـــفـــتــه
تگـلـي عـمـي عـلـه الشـريـعـه تـأخـرومـارد علـيـنـه
شـــنــهــي ضـلـتـه
ماحـضـرحـرگ المـخـيـم ولسـلـب تـرجـيـتـي عمي
يــحــــز رگـــبــتــه
كــافـلـنـه لــو يـحـضـر يـشـوف الـجــره عـلـيـنـه
نــار الـخــيـم تـســعــر جــــوتــهـــا رجـــلــيــنــه
➖➖➖➖➖➖➖➖➖➖➖➖➖➖
2
مـايـگـف سـاعـه عـتـبـهـاوانـه اصـبـرهـا ابدمـوعـي
وضـــهــري مــحــنــي
تـگـعـدوتـشـرح هـضـمـهـاتـنـادي تقـبـلـهـا يسـبـنـي
ورد ضـــــربــــنـــــي
بويـه من ابجـي يجـيـنـي يـگـلي اسـكـتـي يالسبيه
وبــيـده عــــتـــنـــي
خويـه شـوصـف من مواقـف لواجـت يـمـهـاسكينه
وگــــــابــلــتـــنــــي
نـاري تـضـــل تـســعـــر وبـيـش اواســـيـهـــــا
وبـگـلـبـي جـن خـنـجـر حـيـن الاصــد لـيـهــــا
➖➖➖➖➖➖➖➖➖➖➖➖➖➖
3
هـدمـت صـبري رقـيه من مـشـت يم جسـم ابوهـا
بـشـوغـه نـاحـت
تـگـله لابويه اعـله بخـتك مـوگـلت انتي الحـبـيبه
ونـحـره بـاسـت
شـلـون تـتـركـنـي يتـيمـه وانـي غـرگـانـه ابـدلالك
يـمــه صــاحـت
لـوتشـاهـدني اشـجـرالي مـن سـياط انـذال امـيـه
امتـونـي راحـت
امـسـح دمـع عــيـنـي وبـحـضـنـي اخـلـيـهــا
تـشـكـي وتـبـجـيـنـي مـن ضـرب ســابـيـهـــا
➖➖➖➖➖➖➖➖➖➖➖➖➖➖
4
طـفـله مـن دون الـزغـار يگـطـع بگـلـبي حـجـيـهـا
مــــن تــنــادي
هـنـا يـكـفـال الضـعـيـنـه عـمـي مـوطـبـعك سكوت
اعـلـه الـمـأسي
تـســولـف واســمـع جــوابـه جـن يـگــلـلـهــا رقـيـه
شـوفـي راسـي
معـلـگ ابـعـالـي الرماح وجسمـي ظل اعله الشريعه
بــدمــه عــاري
نـار بــگــلــب عــمــج دمــعــاتـج اتـجــرحــه
ومـن سـوط اليـألـمج راســي يـهــز رمــحـــه
➖➖➖➖➖➖➖➖➖➖➖➖➖➖
5
تـردعـتـبـهـالـراس ابـوهـه تـگـلـه سـجـادة صـلاتـك
هــالـجـبـتـهـه
روحـي اقـنـعـهـاتـجـيـنـي بـنـيـتـك الـطـفـلـه رقـيه
شــوعـفـتـهـه
جـنـت اتـغـطـه بـحنـانـك هـسـه مـاتـعـرفهـه بـتـك
لــوشـفـتـهـه
انصـبـنـه مـأتـم بالـخـرابـه اني وسكـيـنـه وحمـيده
وعـمـتـي اجتنه
گــالــت بـواجــيـجــن خـــافــن يـسـمـعـوهــا
تـعــرفـنـه ســابـيـجـن الـتـبـجـي يـضـربـوهـا
➖➖➖➖➖➖➖➖➖➖➖➖➖➖
تـمـت بـعـون الله
عـقـيـل حسـين الگـرعاوي
رقيه ع في عالم الرئيا تذهب الى والدها الحسين ع
وتشكي له ماجرى عليها من المصائب
▪▪▪▪▪▪▪
(قصيده نعي)
جيتـك يبويـه اشـتـكي. مـن الـذي مـربيـه
بس غفت عينك والخدر. صالو عليه حربيـه
وحرگو صـيـوان الحـرم. وخيـال هـد اعليـه
وطگني واخذروحي ومشه.من سلب الترجيه
وخلـه اذانـي اتصب دمـه. وعـيوني هالمعميه
عـگب الدلال ابـنـيـتـك. يابـويه وين ارقـيـه
ركبوني بـالـنـوگ الـهــزل. ومجـتـفـات اديـه
بعدك احس ضلمه الضوه. الشمس جن مطفيه
وبنفاسي مخـنـوگ الهـوه. دخـان مـالـي الريـه
شحجيلك ابدرب السبي. واويـلي من طـاريـه
بكلمـاته يرميني سهـم. لـونـاده يـالـمـسـبيـه
▪▪▪▪▪▪▪▪▪
عقيل حسين الگـرعاوي
يقول الإمام السجاد عليه السلام
مصايبنا الجـرت بالطف متنـضام
ولصياط السبي محضر متن ضام
لـــون مـوجـود ابوفاضل متنضام
عـلـويه بهـزل تمـشـي سـبـيه
عقيل حسين الگرعاوي
قصيده گعده
على لحن قصيده (ياليل طول ساعاتك)
(من اجل احياء التراث الحسيني)
يحسين. بذبحك فجعوني. يحسين. مسبيه اخذوني
ياخـويه امـشـي بلاولـيان. اتـرك عـالـغـبره الخـوان
▪▪▪▪▪▪▪▪▪
1
من اصعدت تل المصايب. وعاينت لـلـحومه انضرك
شـاهـدت خـيل ال امـيـه. كـسـرتهـا اضلـوع صـدرك
وامسـت اعـليك المـسـيه. مـسـلب ومگـطوع نحـرك
بس غفت عينك ياشهم. صار الهجوم اعله الخيم
ومـن بعـد شـيال العلـم. بالـقـهـر عيشـني دهـرك
بلأه. وي راسـك احجي. بلأه. انـضـرلـك وابـجـي
بعدك تسـبـينه العـدوان. اتـرك عـالغـبره الخـوان
▪▪▪▪▪▪▪▪▪▪
2
خويه شوصفها المواقف. نـايـم بگـلـبـي سـهــمـهـا
من بعـد حـرگ المـخـيم. شـلـون اشـرحلـك المـهـا
اطفال تاهـت مني بالـبر. وحايره اني شلون المهـا
والـحــرم فـرت شــارده. من هجمت خيول العده
من بعدك اعليها اشسده. الشـاهـدت ذبحت زلمهـا
ودمـوع. عيني اتجويني. ودمـوع. هجرك تعمـيني
دامـي مـوذر عـالتـربات. اتـرك عـالـغـبره الخـوان
▪▪▪▪▪▪▪▪▪▪▪
3
عـالرمح راسـك وكـلـمه. وادري كل حجـيي يألـمك
بس جـسد خـويه سبيه. روحي ضلت ويه جسمك
من طحت عالغبره واني. بعـيني اصـد يسـيل دمك
بس كابرت رغم الجره. وعفتك رميه اعله الثره
وانه مشـيت امـيسـره. وعفت روحي تنوح يمك
اشلون. ياراعي الغيره. اشلون. ضـلـيت ابـحـيره
گلبي بهالموقف حيران. اتـرك عـالـغـبره الخـوان
▪▪▪▪▪▪▪▪▪▪▪▪
4
للسـبي اتوجهـنه خـويه. ويكسر الخاطر ضعنه
لاحـنـه الضلـينه يمـكـم. ولايرجعـونه الوطـنـه
بس وحگ راسك يغالي. هـالـمـواقـف مـالـونـه
كل ضـنهـم ابنت النبي. راحـت ذليله للسـبي
لاوحگ جـويات العـبي. مايذلنه الطاغي فنه
خليت. بيرغكم عالي. خليت. يهابون اخيالي
زينبكم موياهي الجان. اترك عالغبره الخـوان
▪▪▪▪▪▪▪▪▪▪▪▪
5
خويه بس موقف دهاني. وزيد اهـمـومي العـليه
الشام هـم رادت ضحايه. وخذت من عندي رقيه
خـويـه عـذرا عـالأمــانه. مــن ارد لـلـغـــاضـريـه
اني ادري زيدت الجرح. جـاوبني يالراس برمح
شنهو البديه اني يصـح. عـلـيـه مـكـتوبه الرزيه
بالشـام. ادفنهـا بغـربه. بالشـام. اه شگـد صـعـبه
جفن اعيوني يضل سهران. اترك عالغبره الخوان
▪▪▪▪▪▪▪▪▪▪▪▪
تمت بعون الله تعالى
عقيل حسين الگـرعـاوي
السيده زينب. ع. تخاطب كربلاء في ليله الحادي عشر. وااااحسيناااااه
▪▪▪▪▪▪▪▪
كـربله حـيلي انهـدم حـاجـيني
حسين جـسـمه بياكـتر دليـني
🔸🔸🔸🔸🔸🔸🔸🔸🔸
1
انـضـر اجـسـاد بكـربـلـه مـطـروحـه
وحسين مرمي وعيني ليه مشبوحه
وعـباس ضـل اعلـه النـهـر بجـروحه
شـلون اودعـه الجنت روحي بروحه
ونـضـرات عـدواني علي تـاذيـني
🔸🔸🔸🔸🔸🔸🔸🔸🔸
2
شـلــون ودعـت الحـسـين مــوادع
وانــي عــالـنـاگـــه وهــل الـمـدمـع
نـهـدم حـيـلي من نضـرت المصرع
گــتـلــه ياخـويـه بـعــد مـاارجــــع
واني عـالناگه واسمعـه ونيني
🔸🔸🔸🔸🔸🔸🔸🔸🔸
3
واني عالناگه واشوف اجسـادكـم
شلون احمله والله صعب فراگكم
روحي صعدت للسمه ويرواحكـم
لاكـن شـبيدي غـصـب عـدوانكـم
لشـام اخـذوني ودمعتي بعـيني
🔸🔸🔸🔸🔸🔸🔸🔸🔸
4
يريد يمـشي الحـادي ويتـاني الامر
واني اگـضـي الـليل بالحسـره اجـر
وتـركـونـه الـحين مــاطــر الـفـجـر
والـگـلـب لـفـراگـكـم يـسـعـر جـمـر
وانته طـيفـك اغـفـه ويحـاجـيني
🔸🔸🔸🔸🔸🔸🔸🔸🔸
5
مـر بـالأجـسـاد وعـايـنـت خـوانهـا
صـرعـه كـلـهـم عـالأرض ولـيـانـهـا
وغــيـرت حـــر الـشـمـس الـوانـهـا
واصـعـب مصـاب اليفجـر احزانهـا
شـلـون ذبـاحـك شـمـر يحـديني
🔸🔸🔸🔸🔸🔸🔸🔸🔸
6
شحـال گـلـبي من اشـوفه مسـلب
ضـهـري من ثگـل المصايب حـدب
وانضـر الشـيبه الشـريف مخـضب
وصـاح بـيـه لـمـي ضـعـنج زينب
ودمعـة افراگـك اضن تحمـيني
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
زيـنـب ع مــع اخـيـهــا ابـاالـفـظـل الـعـبـاس ع
ـــــــــــــــــــــــــــــــــــــــــــــــــــــــــــــــ
حـگــج انـتـي بـالـعــتـب مـــن تـعـــاتـبـيـنـي
بـس يـخـيـتـي عـالـنـهـر يـســاري ويـمـيـنـي
اعــــذريـنـي اعـــــذريـنـي
ـــــــــــــــــــــــــــــــــــــــــــــــــــــــــــــــ
1 الـعـبـاس ع
ادري بـيـج انـتـي الــج هــگــوه بـكـــفـيـلـج
ومــن وگــعــت اعــلـنـهــر مـانـمـتـي لـيـلـج
وادري بـي حـــر الــعــطــش فـطــر دلـيـلـج
وتـصــرخ اطــفـال وحــرم زيـنـب دخــيـلـج
ســــــاعـــديـنـي ســـــــاعـــديـنـي
اعــــــــذريــنــي اعــــــــــذريــنــي
ـــــــــــــــــــــــــــــــــــــــــــــــــــــــــــــــ
2 زيـنـب ع
انـتـه مـعــذور ولـجــن مـــاعــنـدي والـــي
وادري مــن بـعــدك تـظــل ســود الـلـيـالـي
ومـن بـعــد ذاك الـخــدر مـســبـيـه تـالـــي
بـــس الـــم اطـــفــال بـالـبــر تـاه بـالـــــي
مـــــاتـجـــيـنـي مـــــاتـجـــيـنـي
اعــــــذريــنــي اعــــــــذريــنــي
ـــــــــــــــــــــــــــــــــــــــــــــــــــــــــــــــ
3 الـعــبـاس ع
والله صــعــبـه الـجـيـه لــو اگـــدر اجـيـكـم
جـــنـت مــتـأمـــل بـجــودي اعـــتـنـيـكـــم
وانـضـر خـيـول الـعــده هــجـمـت عـلـيـكـم
وانـي بـالـحـســرات اظـل اســمـع بـجـيـكـم
تــرتــجــــيـنـي تــرتــجـــــيـنـي
اعــــــذريــنــي اعــــــــذريــنــي
ـــــــــــــــــــــــــــــــــــــــــــــــــــــــــــــــ
4 زيـنـب ع
خـويـه بـس عـيـنـك غـفـت هـجـمـو عـلـيـنـه
حــرگــو اخــيـمـنـه وخــذو عــــز الـعــلـيـنـه
وتـالـــي مــســـبـيـه بــعـــد رايـــه ولــــيـنــه
وبـس عـلـي الـســجــاد يـمــي مــگـــيـديـنـه
ويــنــتــخـــيـنـي ويــنــتــخـــيـنــي
اعــــــــــذريــنــي اعـــــــــــذريــنــي
ـــــــــــــــــــــــــــــــــــــــــــــــــــــــــــــــ
5 الـعــبـاس ع
مـــن وصــلــت الـمــاي انـي وجــســتـه بـارد
غــرفــت مــنـه ومـاشــربـتـه صــبـري عــانــد
ذكـــرت ســكـنـه تـنـتـخـيـنـي وانـي اواعــــد
عـمـي شـنـهـولمـاي اجـيـبـه وسـيـفـي شـاهـد
تــنــطــــريــنــي تــنــطــــريــنــي
اعــــــــذريــنــي اعـــــــــذريــنــي
ـــــــــــــــــــــــــــــــــــــــــــــــــــــــــــــــ
6 زيـنـب ع
اطـفــال كـلـهـه بـذمـتـي وهــاي الـنـســـاويـن
ومــن اجــيـت الابـــو الــيـمــه بـأخـــر ونـيـن
گــــلــي يــازيـنـب ارجــعــي لـلــصـــــواويـن
انـتـي قـائـد گـلـي يـخــتـي بـعــد الـحـسـيـن
ســــامــحــيــنــي ســــامــحــيــنــي
اعــــــــــذريــنــي اعـــــــــــذريــنــي
ـــــــــــــــــــــــــــــــــــــــــــــــــــــــــــــــ
تـمـت بـعــون الله تـعـــالـى
عــقــيـل حــســـيـن الــگـــــرعـــاوي
لــدفـن الاجـســاد الـطـاهـره
عـفـت ظـعـن الـعـايـله الـيـوم اجـيـت الـكـربـلـه
انـي زيـن الـعـــابـديـن راجـع الـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
1
مـن رجـعت الـكـــربـلـه بـأمـــر مـن رب الـجـلـيـل
شـفـت نـاس مـجـمـعـه بـالـنـحــيـب وبـألـعــويـل
رادو يــدفـنــون ابــوي الظـل على الـغـبـره جتيل
مـن گـربت انـه جـفـلـو مـنـهـو انـتـه انـي العلـيـل
ابـن مـحـزوز الـوتـيـن راجـع الـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
2
كــلـهـم يـعـزونـه اجـو نـريـد نـدفــــن هـالـبـطــل
لـتـمـت اعـشــار الـزلـم ركـــن مــنــه مــنــحــمــل
گال احفروهـنانه حفره دفـن بـيـهـا ابـن الـفـحــل
سمع صوت من الحفيره وســـد ابـكــتـري الـطـفـل
وسـده ويـسـمـع ونـيـن راجـع الـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
3
وعـلانصـارعـيـونه دارت گـال احـفـروهـنـا لـحـد
دفـن بـيـهـاانـصــارابـوه تـريـض شـويـه وگــعــد
وصـرخ لايـهـل الـحـمـيه عـالـشـريـعـه ضـل اسـد
عـمـي عـبـاس ارد ادفنه الراسـه مـفـضـوخ بـعـمد
وعـنـده مـاضـلـت اديـن راجـع الـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
4
گــربـو يـم الـشــريـعـه ولـــنـه يـرهــب مـنـضــره
مبـيـنـه اثـار الشـجـاعه ســيـوف يـمـه مـكــســره
جفـوفـه يمـه مگـطعات وجـوده سـبـع الـگـنـطـره
جـنـه يسألـنـي اعلزينب ويـن اخـيـتـي الـصـابـره
يـسـرى مـاعـنـدي ويمين راجـع لـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
5
بـنـي اسـدسألـوني عـنـه شـنـهـو مـوقـف هالگمـر
عن ابوفـاظـل شـسـولـف هـزهـز جيـوش الـشـمـر
صـال صـولـه اعلشـريـعه مـايـهـاب مـن الـخــطــر
يصـيـح يازيـنـب ابـشـري لـخـتـي نـاذر هـالـعـمــر
وبـقـى يـم جـوده رهـيـن راجـع لدفـن الـحـسـيـن
ـــــــــــــــــــــــــــــــــــــــــــــــــــــــــــــــ
6
كـمـلـت دفـن ابوالغـيره وصوب جسـام اعتـنـيـت
صـحـت عريس الطفوف وعلى ابن عـمـي انحنيت
شـنـهـو ذنبـك يالشـباب وحـزن گـلـب امك مـليت
دفـنت جـاسم يم ابوي بحسـره من يمـه مـشـيـت
وصـحـت يـارب الـمعين راجـع لـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
7
نوب موقـف بـالـطفوف وشنهـو من موقـف رهيب
مـن علـي الاكبـر نضرته مـوذر وجـسـمـه سـلــيـب
صحـت ياشـبه الـرسول شلـون جـرح امـك يطيب
وانحنيت اني اعلخيي وكـثـرت يـمـه الـنـحـيـب
وعمري راح ابقى حزين راجـع لـدفـن الـحـسـيـن
ـــــــــــــــــــــــــــــــــــــــــــــــــــــــــــــــ
تـمـت بـعـون الله تـعـالـى
عـقـيـل حـسـيـن الـگـرعــاوي
قصيده للقاسم
لسان حال امه رمله في يوم العاشر
〰〰〰〰〰〰〰〰
بلياك مايسوه العمر جسام يالوجهك بدر
يبني يجسـام يبني يجسـام
🔷🔷🔷 🔷🔷🔷
من الحسن ماخذ علايم هيبته وشخصيته
اثـنين مـعـصـومين ابني اشـتركـو بتربيته
شگـد حلو طولك يجاسم وسفه ماحاويته
لاكـن ابـدا مـوخـسـاره للحـسـين افـديـتـه
فدوه لأبو اليمه ونذر جسام يالوجهك بدر
يبني يجسـام يبني يجسـام
🔷🔷🔷🔷🔷🔷🔷🔷🔷🔷🔷
2
شگد جبير بعيني اشوفك يمه اشوفك قائد
روح يـبـنـي مـودع الله ويـه عـمـك جـاهـد
الله اليعـين التفـگـده وعدها بس هـالواحـد
لاتـهـــم بـأمـك يـغـالــي خـلـي گـلـبـك بـارد
واني امشي اعله الجمر جسام يالوجهك بدر
يبني يجسـام يبني يجسـام
🔷🔷🔷🔷🔷🔷🔷🔷🔷🔷🔷
3
يمه اصد عمك بحيره ينادي هل من ناصر
يعاين انصاره واخوته صرعه يوم العـاشـر
وصرخه اسكينه ورقيه والله تكسر خـاطر
من العطـش عمي تنادي وين جودك صـاير
عالعطش ماضـل صبر جسـام يالوجـهك بدر
يبني يجسـام يبني يجسـام
🔷🔷🔷🔷🔷🔷🔷🔷🔷🔷🔷
4
بحسره وبصفنت خيالي التفت يسره ويمين
فكـرت لازم اضحـي كـلشـي لعيون الحسين
يمه شفـت الحره ضحـت للحسين اربع بنين
يصـيح عـباس واخـوته اباب زينب واگـفـين
رگـابنه تفدي الخـدر جسـام يالوجـهك بدر
يبنـي يجسـام يبنـي يجسـام
🔷🔷🔷🔷🔷🔷🔷🔷🔷🔷🔷
5
الغالي للغالي اقـدمه واني احـس مقصره
كون عشرة ولد عندي وافدي لأبن الزهره
والله لوعـمك رخصني گلبي مثل الجـمره
اهجم بعـامودخـيمه فدوه روحي النحـره
وخـلي اتـگـطـع وذر جسـام يالوجـهك بدر
يبني يجسـام يبني يجسـام
🔷🔷🔷🔷🔷🔷🔷🔷🔷🔷🔷
6
يمه شـمس الله احسهـا اليوم ضـلمه بعيني
مـن اصـد الـوجـه عـمـك دمـعـتي تجـويني
يـمـه روح ارخص حياتك رايده اتگـر عيني
يبني احـس مخـتنگـه لمن زينب تحـاجيني
گـلبي بالـهـم ينعصـر جسـام يالـوجهـك بدر
يبني يجسـام يبني يجسـام
🔷🔷🔷🔷🔷🔷🔷🔷🔷🔷🔷🔷
تمت بعون الله تعالى
عقيل حسين الگرعاوي
الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰
بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك
➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي
ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب
اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده
دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك
➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون
يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني
مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه
نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب
بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك
➖➖➖➖➖➖➖➖➖➖➖➖➖
تـمـت بـعـون الله
عـقـيـل حـسـيـن الـگــرعـاوي
قصيد لسيدتي ومولاتي فاطمه الزهراء. ع
👇
السيده زينب ع. تستقبل والدها بعد رجوعه
من دفن امها الزهراء. ع. واويلاه
▪▪▪▪▪▪▪▪▪
بـويـه الله يعـيـنـك بهـاي المـسـيه
مـن رجعـت ودافن الزهـره الزجيه
رديت دمعك دمـه. وتصيح يافـاطمه
◾◾◾◾◾◾◾◾◾◾◾◾
1. السيده زينب. ع
هـايبويه البگـه براسـك منحني اتجر حسره
لاتـگـول احـنـه يـتـامـه بـعـد امـنـه الـزهـره
مـو يتيم الـعـنده مـثلـك ابـو الـكـل الـفـقـره
صـعـبه وادريهـا يبويه الفـرگه مـثل الجـمره
تـســعــر بـگـلــبـي وكــابـر والـدمــع نـار
مـن اذكر بضلع امي نابت شفت بـسـمـار
تنادي يحـامـي الحمـه وتصـيح يافـاطـمـه
◾◾◾◾◾◾◾◾◾◾◾◾
2. الامـام علي. ع
اي يبويه الزهره راحـت والهـا يكثر نوحـي
الوديعه اني ادفنتها وجيت اجـر بجـروحي
ضاگـت الدنياعـليه واحـس طـلعت روحـي
حـالي من بعد الزجـيه عـالمصـايب يوحـي
وانـي ادفـن واذكـر لـجـدج وصـيـه
هـاي امانه وگـلي تحـفظهـا الزجـيه
بيدي الخـدر سـلمـه وتصـيح يافـاطـمـه
◾◾◾◾◾◾◾◾◾◾◾◾
3. السيده زينب ع
من وصـاياهـا الحـنينه تگـلي زينب صـبرج
بنيتي من بعدي مصـايب يمه تكسر ضهرج
صـيـري بالـمـوقـف قـويه الله يعـلـم قـدرج
بـس وصـيه كـررتهـا تـگـلـي خـدرج خـدرج
تگـلي سـهله يمـه هـايه عصـرت الباب
گـبالج اتشـوفين صرعه اغلى الاحباب
بين الـنهـر والضـمـه وتصـيح يافـاطـمـه
◾◾◾◾◾◾◾◾◾◾◾◾
4. الامـام علي. ع
كـافي دمعـاتج يزينب صبري هذا اول سهم
ينـطـلـق مـن السـقـيفه ويـزرع بگـلـبـج الـم
تكـبر وياج المصايب توصـل الراعـي العـلـم
من يضحـيلج جـفوفه لجـل خدرج والحـرم
الـحـرگ بـاب الـزجـيه يـحـرگ خـيـام
والذبح محسن يجـيلـج شـايل سـهـام
بـغـضـن الـي لورمـه وتـصـيح يافـاطـمـه
◾◾◾◾◾◾◾◾◾◾◾◾
5. زينب. ع
امـي وصـتني وصـيه لـوگـرب يوم الخـطـر
بصدره شميلي الحسين ويمه بوسي بالنحر
وبالحجي گام اتهضم والدموع اتصب قـهـر
صعدي عالتلـه يزينب عـينج الصـوب النهـر
شـوفـي شنهـو اعله الشريعه يمه يجره
شلون الحسين اعله اخيه انكسر ضهره
وراسـه رفعـه وكـلمه وتصـيح يافـاطـمـه
◾◾◾◾◾◾◾◾◾◾◾◾
6. الامـام علي. ع
تبقى بويه اخـر مصـيبه تمر عليجن بالسبي
تـمـشـن ابـلايه كـفـالـه السـاتـر الله والـعـبي
بس تضـلـين العـقـيلـه بالـضـعـن هـيـبه نبي
تسـجـلين اعظـم بطـوله يافخـر كل طـالبي
مـفـخـره بنت الزجـيه واخت الابطال
موقـف اترسـمين يوذكـر مر الاجـيال
عطشـتي نهـر بضمه وتصـيح يافـاطـمه
◾◾◾◾◾◾◾◾◾◾◾◾
تمت بعون الله تعالى
عـقـيل حسـين الگـرعـاوي
قصيدة لمولد النبي الاكرم محمد (ص)
🔸▪🔸▪🔸
اليوم ميلاد الرسول. نهني حيدر والبتول
صوت جبريل اعتله. بأبو القاسم ياهله
🔸▪🔸▪🔸▪🔸▪🔸▪🔸
1
ياهله بنوره. كلهـامسروره
بالسـمـاء وبالأرض فـرحـه لقـدومـه
الكون يتباهه. بمولدك طه
لكشف عن كل البشر حزنه وهمومـه
نورك ايلالي. بألسمه العالي
عكس نورك عـالگـمر هـوه ونجـومـه
ياسراجن يامنير. شتق من نور القدير
العالم ابنوره انمله. ببو القاسم ياهله
🔸▪🔸▪🔸▪🔸▪🔸▪🔸
2
مولدك رحمه. ولـلبـشـر نـعـمـه
ياامـان الدنـيـا بـس اسـمـك نـذكـره
رحمه للعـالـم. وسخط عالظالم
انـتـه يـاســـر الالأه ومــن يـفــسـره
الباري بالقدره. خلـه ابو الزهـره
بـالـعـلـوم الاحـمـديه العـالـم يحـيره
وصار اسلام السلام. للديانات الخـتام
بنوره هـالعـالم حلـه. ببو القاسم ياهله
🔸▪🔸▪🔸▪🔸▪🔸▪🔸
3
يـانـبـع جـاري. ورحمـة الباري
نزلت نورك يشـع ضـيه اعـلـه الاكـوان
مكه مفتخـره. وبيك مبتشره
بمولدك صارت فخر هيه اعله الاوطان
من انولد بيها. حـنـة ايـديـهـا
واصـبحـت مـكـه عروسـة بني عـدنان
ومنها هب اجمل عطر. جان تنتضره عمر
اليوم كل همهـا انجلـه. ببو القاسم ياهلـه
🔸▪🔸▪🔸▪🔸▪🔸▪🔸
4
يانبي ومرسـل. اسـمــك اتـرتـل
عـلـى كـل لـســان مـؤمــن بـالـنـبـوه
يانبـي ومنجـي. بـيـك مـتـرجي
تـجـعـل بـهــذا الـبـلـد الـفــه واخـــوه
ومايضل ظالـم. عالشعـب ناقم
انـريـد يـبـقــى لـلـوطـن عـزه وعـلـوه
ندعي تعجيل الضهور. وعكس عالظالم تدور
عـزنـه بـيـه اتـكـمـلــه. بـبـو القـاسـم ياهـلـه
🔸▪🔸▪🔸▪🔸▪🔸▪🔸
5
بالـفـرج ندعـي. يضهر المهدي
وينقـذ الامـه المـلاهـا الظلـم والجـور
وصارت الفرحه. بينه منذبحـه
دنـيـه بـس احـزانـهــا اعـلـيـنــا يـدور
الامـل جــيـتـك. ننتضر طلتك
وبـقـدومـك تـنـمـلــي الـدنـيــا ســرور
تهدم اصنام الطغـاة. وتحله وياك الحياة
وصوت كلنه انرتلـه. ببو القاسـم ياهـلـه
🔸▪🔸▪🔸▪🔸▪🔸▪🔸
تمت بعون الله تعالى
عـقـيل حسـين الگـرعـاوي
ابوذية للنبي محمد ص
لسان حال الإمام علي ع
برحـيلك للحـزن بـين علامات
احسبه لومتت يعني علي مات
هـتف جبريل هـالليلة علـه امة
محمد تسـتعـد لـعـظـم رزيه
عقيل حسين الگرعاوي
بسم الله الرحمن الرحيم
قصيده الى النبي محمد -ص-
كلام بين الامام علي ع وفاطمه الزهراء ع
ــــــــــــــــــــــــــــــــــــ
الـزهـره ويـه المرتـضـه دمـوعهـم تـجـري سـوه
اصـبح العـالم حـزين يـارسـول الله الامـيـن
------------------------------------------
1 فــاطـمـه
يـاعـظـم فـرگـه ابـويـه شـرد اوصـفـهـه شـأگـول
بـعـد مـاينـزل عـليـنـه الـوحي ويحـاجي الرسول
مــن بـعـد عـيـن الـنـبـوه ريـت عــمـري لايـطـول
يـاعـلـي وجـنـهـه الـمـصـايـب بـعـدعـنـه ماتـزول
مـن شـفـتـهـه اجـمـعـت وبـالسـقـيـفـه خـطـطـت
بـيـن الـحـقـد الـدفـين يـارسـول الله الامـيـن
ـــــــــــــــــــــــــــــــــــــــــــــــ
2 عـلـي
انـكـســر ظـهـري يـزهــره وبـعـد مـا اگـدر اگـوم
من دفـنـت انـي الرسـالـه ودعـت ذيـج الـرسـوم
جـنـت روحي منـي تـطلـع لـو رحل من عدنه يوم
هـسـه يـم الحسـن فـرگـه بيـهـه مـفـتاح الهـمـوم
الـبـايـع بـيـوم الـغـديـر يـنـكـر الـيـوم الامــيـر
ولـلـولايـه نـاقـضـيـن يـارسـول الله الامـيـن
ـــــــــــــــــــــــــــــــــــــــــــــــ
3 فـاطـمـه
والله يابو حسـين صعبـه مـن سـمع يحجي النبـي
قـلـم جـيـبـولي اكـتـبـلكم گـال يـهـجـر صـاحـبـي
نـتـرك احـنـه الامـر شـورى وخـطط الـهه الناصبي
لطـمـت وجهـي من سـمعته هيج يحجي الاجـنبي
ومـن مـتـت مـا شـيـعـك ولاحـظــر بـجـنــازتـك
بـالـخـلافـه طـامـعـيـن يـارسـول الله الامـين
ـــــــــــــــــــــــــــــــــــــــــــــــ
4 عـلـي.
بـعـد يـم الحسـن لوعـه واجـب اعـلـيـهـه الصـبر حـرگ دارج يـالـزجـيـه وظـلـع مـنـج يـنــكـســـر وانـي مـلـزوم بـوصـيـه ونـار گـلـبــي تـســـتــعــر عاصـفـه ريـح السـقـيـفـه تـوصـل الـگـطـع النـحـر
نـحـر الحـسـين الشـهـيد الـيـرفـض يـبـايـع يـزيد
بـثـارجـدهـم طـالـبـيـن يـارسـول الله الامـيـن
ـــــــــــــــــــــــــــــــــــــــــــــــ
5 فـاطـمـه
هـواي حـاجيـلي الـرسـول اعله الـمـصايب ياعـلـي
بـس خـبـر يـبـجـي ويـعـوفه من يصـل يم السبي
مـن اســم زيـنـب يـذكـره يـنـحـب وگــال اتـركـي
هـسـه يـابوحسـيـن اريـدا اسـمـعـك تـحجيلي بـي
لـيـش مـن ذكـره يگـول اه و يــون الــرســــول
ويتـركـه ويبقى حزين يارسـول الله الامـيـن
ـــــــــــــــــــــــــــــــــــــــــــــــ
6 عـلـي
فـدوه اعـذريـنـي يـزهــره مـووكـت هـذا الـكــلام
مـخـتصـر بـس انـي اگـلـج تـنـسـبي عـيال الامـام
ومـن بـعـد ذبـحـه زلـمـهـه زيـنـب وحـرگ الخـيـام
تـصـفـه بـس هـيـه كـفـيـلـه لاعـشــيـره ولاعـمــام
مـايـظـل بـس العـلـيـل وتـمـشـي هلدرب الطويل
بسوط يظربهه اللعين يـارسـول الله الامـيـن
ـــــــــــــــــــــــــــــــــــــــــــــــ
--------تمت بعون الله-----------
(عـقـيـل حـسـين الگـرعـاوي)
للأربعينيه
(تكبيرة المواكب)
🔸🔸🔸
يـاهــلا بـالـزوار تـكـبـيـرة الـمــواكـب
بده فرض الخِدّام على الـزايـريراقب
ننتضركم عالنار هلا بعطر الزوار
🔸🔸🔸🔸🔸🔸🔸🔸
1
اذن اذان الـمــواكــب اســتـمــع لأذانـه
يكَّـبُر بـيـاهـلا بـيـكـم خــادم الـكـم انـه
هـلـه بالواسـه العـقـيلـه البسبي تعبانـه
بشـري يازينب سبايه ماتضل عطشانـه
اليـوم شـديـنـه احـزام نـتـانـي بـالـزيـاره
موتنه بدرب احسين صرخ صوت الغياره
للعقيده احنه انصار هلا بعطر الزوار
🔸🔸🔸🔸🔸🔸🔸🔸
2
اجـت متحـزمه القـوافـل رايه تشـبگ رايه
وفـزعت جـنود المـواكـب تخـدم المـشـايه
وگــف مــذلــول الـفــرات يـوزعـلـهـم مـايه
دجله دگ بيده عله جتفه گله خوش سوايه
اغفر اذنوبك ذيج عـسـن ربك يرحـمـك
تـره تراب الـزوار قـسـم يـگـدر يـطـمـك
قدم بسرعه اعذار هلا بعطر الزوار
🔸🔸🔸🔸🔸🔸🔸🔸
3
ياحسين وشـنهـو احـنه نجازي لعزوبيتك
بالكـرم عندك شـهـاد بسِمـه السابع صيتك
اسـتزغـرت نـفـق المـؤنه وانفـقـت ذريتك
تـالـي بالـروح الـعـزيزه قـررت تضـحـيتك
قـدمـتـهـا قـربـان لـجـل عـين العـقـيده
وصـورت للأحـرار رسـم لـوحـه فـريده
العالم بسرها احتار هلا بعطر الزوار
🔸🔸🔸🔸🔸🔸🔸🔸
4
عـدنه سـر ويالزياره والمـواقـف تشهـد
جـانـو يگـطـعـون ايـده لـلـيزور المرقـد
هسـه كـارونه اجـتنه وتخـتبر من يرتـد
منـهـو ثـابـت عـالـعـقـيده رايـده تتـأكـد
انـتـفـضـنـه ونـصـيح نـردد هـالـعـبـاره
لازم انـروح انـزور لـون دمـنه يتجـاره
يصيح صوت الثوار هلا بعطر الزوار
🔸🔸🔸🔸🔸🔸🔸🔸
5
الأهـداف هـوايه بيها غـايه عـدنه ومطـلـَب
احـنه مـن نحـيي الزياره نصـرتاً لـلـمـذهـَب
واهَـم كل غـايه نجيهـا نواسـي غُـربه زينَب
مانجازي لضحه دمَّه وضامي ضل مايشرَب
هوه شيخ الاحرار واحنه نضَل خِـدامـه
مِـن الـذِلـه هَـيهـات هـذا شِعـار اعـلامـه
انـكِــتَـب لـلأحـرار هلا بعطر الزوار
🔸🔸🔸🔸🔸🔸🔸🔸
6
مـثل لهـفـت جـابر احـنه من نِزَل بالـوادي
اعمه بس عين البَصِيره شافت ابن الهادي
من اجـه بيوم اربعينه لهـسه صوته ينادي
ياحـبـيبي ياحسين تـلـگـه ضـعـن الحـادي
من گـرب للسجاد عمي شنهو الصاير
سـجـلـه لـقـبـر حسين هـوه اول زاير
في سجل الابرار هلا بعطر الزوار
🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
مركز المفقودين في سنه ٦١ هـ
من مخيلتي
اثناءرجوع السبايا في اربعينيه الامام الحسين ع
بصوت الزهرااااء عليها السلام
وهيه واقفه على التل الزينبي
وتكفكف الدموع وتقول (هله بزواااار الحسين )
عالتل صعدت وشابح نضرهاالعين
صـدت للضـعـن ناقـص بعد طـفلـه
تركز زين منهي مـن بنـات احسين
ضـاعـت بـزدحـام وتـاهـت بغـفلـه
خـاف اسـتفـردت مـن بين البنيات
واتـدور ابـوهــــــــا تـريـد تـنـدلـــه
رقيه من التعب ادري الطريق بعيد
وحـادي النوگ حطلج بالگـلب علـه
(انتبااااه)
(على الزائرين الكرام)
على من شاف طفله من سبايا الشام
اهـلـج بـأنـتـضـارج والـدمــع يـجـري
لن صوت العقيله يصيح يازهرااااااء
ذكــر شـوغـه رقـيه يـهـدم ابـصـبري
بقت بالشام ماتت فوگ راس حسين
شـگـله احجـيلي يمـه ويقبل بعـذري
(هنا زينب ع تقول لأمها فاطمه ع)
امشي وياي لبن امـي وجاهـا
اتعـذريلـي تـره نـاري وجـاهـا
مـالي اعيون تنضرلـه وجاهـا
وادري ابشـوگ متنطر رقيه
🔸🔸🔸🔸
جائت زينب الى قبر الامام الحسين ع
تعتذر منه بوجاهة الزهراء ع
تقول
جبت الوجاها اليوم الك. واتمنى تقبل عذري
تلَّگـاني يخــتي ياهـلا. فدوه الـج كـل عـمري
ولدي وبناتي وكل هلي. تفداج والله اليدري
فدوه لخدر بنت النبي. كل دمنه هذااليجري
ورده رقـيه وبالسـبي. ذبلـهـا شـوفت نحـري
الامام الحسين يقول لأمه الزهراء ع
هـسه الوجـاهـه بالعكـس. يمـه ارد اكلفج بيها
حسينج بقى بطف كربله. وزينب شمر يحديها
يمـه برِدَت روحي ونمت. وزينب جمـرجـاويها
يمـه بعـبـاتج عـالخدر. تشـاگف ضـرب سـابيها
عـذرك قـبلـته يالأخـو. بـس كـلـمـه لاتحجـيها
لتگـول عـافتني العقـيله
عگـبك تـره الونه ثجـيله
ودمعي فلايوگف مسيله
تبقى الدمعه سجابه
ايحـسـين ومـصـابه
✍️عقيل حسين الگرعاي
قـصـيـده لـلـعـلـيـلـه فـاطـمـه ع
〰〰〰〰〰〰〰〰
الـعـلـيـلـه فـي عـالـم الـرؤيـا تـرى واقـعـت الـطـف
الالـيـمـه💔💔
⚫⚫⚫⚫⚫⚫
بـعـــالــم الاحــلام جــنـي شـــايـفـه ضــعــون
وگـمـت اصـيـح بـعـالـي صـوتـي ومـايـسمعون
حـلـم الـعـلـيـلـه قـصـه طـويـلـه
➖➖➖➖➖➖➖➖➖➖➖➖➖➖
1
شـفـت جـن نار بـخـيم اواگـع اعـله الشـط علم
مـن يـفـسـر هــالحـلــم هــــذا الــيــه
تـقــربـت لـلـمــشــرعــه شـفـت اعـظـم فـاجـعـه
عـمـي اديـنـه امگـطـعـه عـلـه الـوطـيـه
مـعــلـمـه لــمــن اجـيـك عـمـي تـفـتـحـلي اديـك
هـسه شنهـوالجـاري ليك رد عـــلـــيــه
عمي شـفـته اعـلـه النـهـر مـنضـره يفـطـر الصخر
اوالـدي مـحـنـي الـضـهـر اعــلـه اخـيـه
ورد لـلـعـقـيـلـه قـصـه طـويـل
➖➖➖➖➖➖➖➖➖➖➖➖➖➖
2
بابـه رد محنـي اضـهـره العمـتي يحجي اللي جره
خـويـه سـبـع الگـنـطـره يـم جــربـتـه
يـبـجـي ويـسـولـف قهر يـگـلـهــاعـفـتـه اعـلـنـهـر
راح عــبــاس الــگــمــر كــافـل اخـتـه
وبـدت مـأسـات الـضمه الـبـجـت امـلاك الـسـمـه
طـب ابـويـه مـخــيـمـه بحـلـمي شـفته
اجـه لـعـبـدالله حـمــلـه طـفـل يـطـلـب مـاي الـه
ســهــم وجــه حـرمـلـه وحــز رگــبــتـه
ودمــه يـسـيـلــه قـصـه طــويـلـه
➖➖➖➖➖➖➖➖➖➖➖➖➖➖
3
والـــدي قــاتـل وحـيـد حــاوطـه عـسـكـر يـزيـد
ومــنـه حــزوه الـوريـد بـكــل صــلابـه
مـاخـشـوجـده الـرسـول ولاكــــرامــه لـلــبــتــول
مـنـضـريـوگـف الـعـقـول حـلـمـي جـابـه
مــن بــعــد مــاســلــبــو جـابـو خـيـول اسـحـگـو
صــدر ابــويـه رضـرضــو ايـــبـــــابـــــه
بحضنه جنت اغفه وانام هـسـه مـجـمـوعـه سهام
غــافـيـه بـصـدر الامــام مــــاتـهـــابــه
ومـحــد يـشـيـلــه قـصـه طــويـلــه
➖➖➖➖➖➖➖➖➖➖➖➖➖➖
4
طـاح ابويه اعـله الارض عـفـت موضـوع المـرض
شـفـته مـن صـدره ترض الاعــوجــيـه
باوعـت بـالـخـيـمـه نـار وشـفـت اخـيـاتـي الزغار
يـبـجـن وشـبـعـن مـرار يـــارقــــيـــه
من عمـت عـيـنـي عليج عـمـتـي زينب من تجـيج
زرگ خــلــوهــن اديــج انــذال امـيـه
گــمــت مــنــه ارتـعــش شنهـو من لـيـل هـدعـش
مـنـهـاگـلـبـي يـنـخـمش هــالـمـسـيـه
وعـمـتـي كـفـيـلـه قـصـه طــويـلــه
➖➖➖➖➖➖➖➖➖➖➖➖➖➖
5
حلـمـي احجـي واخـتصر عـالسـبـي ودرب اليسر
عـمـتـي طـبـت لـلـقــصـر يـاهــضـيـمـه
بـكـل صـلابه من حـجـت شگدعضيمـه ومابجت
بـيـنـتـلــه مـــن مــشــت مــالـه قـيـمــه
وشـفـت مـنـضـر بـالحلم هــيــج اهـــات والـــم
رجـع مـن الـطـف سـهـم طـك يـتـيـمـه
بـالـحـلـم مــن شـافـتــه رقـيـه دامــي شـبـگـتـه
ودمـه غـاطـي شـيـبـتـه شـگـد الـيـمـه
لــمــن تـجــيـلــه قـصــه طـويـلــه
➖➖➖➖➖➖➖➖➖➖➖➖
تمت بعون الله تعالى
عقيل حسين الگرعاوي
كل عمري بالشام بس خمسة ايام
وتوادعيت ويالهوه من شاهدت ذبح الضوه
🔸🔸🔸🔸🔸🔸🔸🔸🔸
1
عـن فـاجـعـة طـف كـربله بالگـلب اقـره الـمـقـتل
من يوم عمتي شاهَدِت شبجت العشره اعله التل
وبـلـيـلــة الـبـيـن الـجـــثـث دورتـك ومـــــــاانـدل
تالي اتبعـت درب العطـر اشـتمـه وامشـي اتختل
ليل ورعب جان وبشحه اخـوان
ماكو امان بنينوى من شاهدت ذبح الضوه
🔸🔸🔸🔸🔸🔸🔸🔸🔸
2
راح اختصردرب السبي واشرح الخمسه الصعبه
وادم تلـگـتـنه بحـجـر ضـعـن السـبايه اتضـربـه
وبـعـيـنـي وادمـهـم شـفـت زين الـعـبـاد اتـسـبـه
بـتـنـه بخـرابه بـلاسـگـف السـاده صـارت غُـربـه
شوفخر الانساب هالصارو اغراب
وبدمهم السيف ارتوه من شاهدت ذبح الضوه
🔸🔸🔸🔸🔸🔸🔸🔸🔸
3
من اصبح اعلينه الصبح ثاني خـمـس ايامي
گالو اخذوهم للقصر عتني من اديني الشامي
گـادونـه وبـنـص الـقـصـر راس الابـو گـدامـي
ويـضـربـه بـالـعـوده الـنـذل ويـهـيَّـج بـألامـي
وتتفرج الناس من يضرب الراس
من الحزن عمري انطوه من شاهدت ذبح الضوه
🔸🔸🔸🔸🔸🔸🔸🔸🔸
4
هيج استمرت بالقصر وبعيني اشوف المنضر
يضـرب ثنايا بالعـصى هـيج الوكـت من يفـتر
ويطلب سكـينه خـادمه هيج وصلـت وتصـور
وعـمـتي الدعـاء اتردده أمـن يُجِـيب المـضطر
من دمع العيون جَرَّحت الجفون
ماضن بعد ينفع دوه من شاهدت ذبح الضوه
🔸🔸🔸🔸🔸🔸🔸🔸🔸
5
يانـضـرت الشـامـت سـهـم لـلتـنـسـبي بـلاوالي
گمت اشعر بقرب الاجل من راس ابويه اگبالي
لـن حشـمـت راس الابـو انضـر يبـويه احـوالي
ترضـاهـا بنتك تنضـرب لبوجـوده راسي عـالي
مايحمل اعتاب يقربلي الاسباب
گمت اشعر ابغصني لتوه من شاهدت ذبح الضوه
🔸🔸🔸🔸🔸🔸🔸🔸🔸
6
اخـر مـحـطـه من العـمـر خـامس خمـس ايامي
بالحـلـم جـاني وشـاهـدت وجهـه حـزين ودامي
تـلـگـيـتـه بـويـه يـاهـلـه تـفـضـل مـلـك احـلامي
ليش هيجي بويه شعطلك لشوفتك گلبي ضامي
فزيت اناديك من حرگتي اعليك
اثنـينه متـنه سـوه من شاهدت ذبح الضوه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
السيده زينب ع تخاطب رأس اباالفظل ع
في مسيره السبي وهوعلى الرمح
اه يازينب
〰〰〰〰
بـكــل مـحـطــات الـيـســر شـفــتـه
عــبــاس دايــر بـالــنــضــر لـخـــتـه
راســــك يــبـــاريـنــي
خـويـه يـاضـي عـيني
🔹🔹🔹🔹 🔹🔹🔹🔹
1
خويه الزمن وجـه سهـامه اعله اخـتك
عــبــاس لــتــقـــدم عـــذر عـــاذرتــك
اني اعـتـذر عـالـغـبـره عـاري وعـفـتـك
غــصــبـن عـلـيـه يـالـگــمـر ودعـــتــك
وضــربـت خـويـه مـحــمـلـي بـراســـي
يـالـجــنـت ســاكـن كـافــلــي انـفـاسـي
نـسـلـب خـدر سـنـيـنـي
خـويـه يـاضـي عـيـنـي
🔹🔹🔹🔹 🔹🔹🔹🔹
2
جـيـت بـمــهـــابـه والـگــمـر يـبـرالــي
هــوه واخـوتـه مـحـجـبـيـن اخـيـالـي
خـدرج يـخـيـتـي يـگــلـي جـداغـالـي
گــبـل حـجـيـي يـعــرف الـلـي ابـالــي
يـطــوفـون حـولـه مـحـمـلـي بـرايـــه
يــنـادون زيـنـب بـت عــلــي الأيــــه
بـأرواحـهــم فـــاديـنـي
خـويـه يـاضـي عـيـنـي
🔹🔹🔹🔹 🔹🔹🔹🔹
3
لـمـن وصـلــت لـكـربـلـه بـهـيـبـتـهـم
والله ونــعــم مــن الـلــذي ربـتـهـــم
ادري نـبـع هـاي الـمـحـنـه مـن امـهـم
انـي سـمـعـت اشـگـــالـت اوصـتـهــم
عــبــاس ذمـــــه بــرگـــبــتـك زيــنــب
عــالـجـــربـه يـبـنـي ورايـتـك تـكــتـب
خــادم انـي حـســيـنـي
خـويـه يـاضـي عـيـنـي
🔹🔹🔹🔹 🔹🔹🔹🔹
4
اربـع زلـم صـفـو حـرس لـخـيمـي
عـبـاس گـال ابـذمـتـي اولـتـهـمي
لخـدرج يـزينب افـدي اني ابدمي
ذمـه عـلـيـه هـاضـعـن انـه احـمي
شـــلــت راســي بـأخـــوتـي عـــالـي
يطـوفـون حـولـه خـيـمـتي گـبـالـي
بـأرواحـهــم حـامـيـنـي
خـويـه يـاضـي عـيـنـي
🔹🔹🔹🔹 🔹🔹🔹🔹
5
تالي مـشـيت وراسـك بـعـالي رمـاح
يباريلي وجفوف وعلم عالشط طاح
ياگـمـر وبضـلـمـه مشـه عـنـي وراح
وخلاني وي دمع الهجر علخـد ساح
شـلـون مـــــن بـعــد الـكــفــل خـــدري
مـجـتـوفه والـدمــع يـهــمـــل يـجـــري
خــــلافـكــم سـابـيـنـي
خـويـه ياضـي عـيـنـي
🔹🔹🔹🔹 🔹🔹🔹🔹
6
مسـبيه وايدي امچـتفه بخشـنه احبال
ويـمـشـي نـهـاره ولـيلـه بيـنه الجـمـال
من الهـظـم ظـهري انحنه ودمعـي سال
جـيـت ابـفـخـر وامــدلله ويـه الـكـفـال
صـعـبـه عـلـيـه ويـه الـشــمـر امـــشــي
وكـفـالـي ضــل اعـلـه الـنـهــر مــرمـــي
والـشــمـر يـحــديـنــي
خـويـه ياضـي عـيـنـي
🔹🔹🔹🔹🔹🔹🔹🔹🔹🔹
تمت بعون الله تعالى
عقيل حسين الگرعاوي
زينب ع بعد فقد الأخوان
وكافل ضعنها الأمام العباس ع
🔸🔸🔸🔸
من دمع الدمع يضل عمر الشمع
ياكـل بالضـلـع جـرحـج كـربـلـه
🔸🔸🔸🔸🔸🔸🔸🔸
1
بعد عـين الاهـل قـصـه معـاناتي
جنت بصايت الاخوان ضحكاتي
اذا عباس شاف ابعيني دمعـاتي
عمت عيني يگـلي امري مولاتي
انـه خــادم الــج يخـتي وكافلج
اليصـل محملـج روحه مترد اله
🔸🔸🔸🔸🔸🔸🔸🔸
2
بنص گـلبي يخويه حافره الذكـره
احـد الـقـابـه الـيـه ورده الـزهـــره
لمكـانه وذاته ناكر گضه كل عمـره
غرف نهـر الفرات وماشرب گطـره
موعجـيبه النهـر يمـه لـمـن زغـر
وابوفـاضل كـبر بـزود ومـرجلـه
🔸🔸🔸🔸🔸🔸🔸🔸
3
اخـر مـوقـف الي هـيـج الـمـدمـع
من شـايل جـربـته رايـح ويرجـع
يگلي ارجع يخويه وحاولت اقنع
تالي شلون اشوفن كـافلي مگطع
ضل عالمشـرعـه جفوفه مگطعه
اعـظـم فـاجـعـه لخدري بكـافله
🔸🔸🔸🔸🔸🔸🔸🔸
4
عفـه گلبي وحملها وشاهد المنضر
رحتله اعله الشريعـه امشي واعثر
لـگـيـته بـلاجـفـوف وجسمه اموذر
شـيلـم الگـمر عـالمـشـرعـه مطـشـر
بيوم مات الضوه ريت متنه سـوه
مــااشـــم الـهــوه ريتي مـاتـقـبـلـه
🔸🔸🔸🔸🔸🔸🔸🔸
5
وگفت عالمصرع وناري تشب بحشـاي
وخـلـيت الـدمـوع مـسـابگ وي المـاي
يـانـهــر الـحـنـان الـعــل خــدر جــراي
شـلـون يجـف حـنانك يانضـر عـينـاي
يـانـهـــر الـوفـــه وتـجــري عــاطـفـه
مـووكـت الجفـه روحــي ماتحـمـلـه
🔸🔸🔸🔸🔸🔸🔸🔸
6
غـم هـذا الوكـت زينب تطـب للسـوگ
عگب خدرالهواشم انسبي اعله النوگ
احـس حتى الهـوه الأتنفسـه مخـنوگ
نكتب امشي بسفر بيه الخـدر مبيوگ
بـس هـيـهـات اذِل وعـن خطك ازِل
يبقه نهـجـك عدِل وصــورة زلـزلــه
🔸🔸🔸🔸🔸🔸🔸🔸🔸
تمت بعون الله تعالى
عقيل حسين الگرعاوي
قصيده عن ثورة الامام الحسين ع الخالده
〰〰〰〰〰〰〰〰〰
ثورة حسين ثارت بوجه الطغـاة الظالـمـين
ثورة حسين خالده تبقى على طول السنين
الدين من مسـه الضـمـه حـسـين رواه بـدمـه
ثورة حـسين ثورة حـسين
🔶🔶🔶🔶🔶🔶🔶🔶🔶🔶🔶🔶
1
ثـوره مـن وحـي الـرسـالـه بـيـهـا ايـات
قـصــة الـقــاروره تـشــهــد بـالـروايـات
يگـول ينزف دمـه مـنهـاحسين لـومـات
الـلـي امـنهـا الرسـول ويجـري دمـعـات
هـالامـانه للعـليله ضلت تسولف مصاب
هـالامـانه بالفـجـيعـه حـولت دم التراب
وبجـت امـلاك السمـه حسين رواه بدمـه
ثورة حسـين ثورة حسـين
🔶🔶🔶🔶🔶🔶🔶🔶🔶🔶🔶🔶🔶
2
وانـطـلـق مــن الـمــديـنـه مـوكــب الـنـور
يـريـد احـيـاء الـرســالـه امـفـدي الـنـحـور
ويـنـقـذ الامـه الحـكـمـهـا الـظـلـم والجـور
وصـار تـوقـيـت البطـولـه بـشـهـر عـاشـور
بالظـعـينه سارت اطـفـال وحـرم بأمـرالامام
بالظـعـينه تـوجـهـو لـجـل العـدالـه والسـلام
ضـد عـصـابه مـجـرمه حـسـين رواه بـدمـه
ثورة حسـين ثوره حسـين
🔶🔶🔶🔶🔶🔶🔶🔶🔶🔶🔶🔶🔶
3
وبـده تـجــســيد الـبـطــولــه والـمـراجـل
مـن ابـوفـاضـل عـضـيـده الاسـمـه كـافـل
مـن گـصد صـوب الشـريعـه جـربه حـامل
وذاعــو اخـبـار ابـوفــاضـل خـبـر عــاجـل
هذاعباس جندل الشجعان يم جرف النـهـر
هذاعباس عـينه فـداهـا وجـفـوفه والنـحـر
رخـص عـمـره وقدمه حسـين رواه بدمـه
ثورة حسـين ثوره حسـين
🔶🔶🔶🔶🔶🔶🔶🔶🔶🔶🔶🔶🔶
4
مــن بـعــد ذيـج الـمــواقــف ذبـح الإمـــام
احـتاجـت الثـوره العـظـيمه موقـف اعـلام
زيـنـب اتــولـــت قــيـادة حـــرم لـلــشــــام
مــشــن والـحــره كــفــيـلـه ظـعـن الايـتـام
يـاهـضـيـمـه وي غرب مسبيه هـالدرب الطويل
يـاهـضـيـمـه مـن بعـد عـباس بت حـيدر كـفيل
والـنـعـم بـت فـاطـمـه حسـين رواه بدمـه
ثورة حسـين ثوره حسـين
🔶🔶🔶🔶🔶🔶🔶🔶🔶🔶🔶🔶🔶
5
وثــقــت ثـوره عــظــيـمـه بـنـت الابـطـال
ونـقـلـت احــداث البـطـوله عـبـر الاجـيال
وبـيـنـت احـيـو الـعــالـم بـالـدمــه الـسـال
وصـوت الاحـرار يـتعـالـه بـعـلـو الـجـبـال
ربت اجيال ثوره مابردت ابدطـول الدهـر
ربت اجيال وامـتـداد وباقـيه للـمـنـتـضــر
رايـه الـحـق قـادمـه حـسـيـن رواه بـدمـه
ثورة حسـين ثورة حسـين
🔶🔶🔶🔶🔶🔶🔶🔶🔶🔶🔶
6
كــربـلـــه عـــاصــمـه صــارت لـلـيــريـدون
عـيـشـه حــره ولـلـطـواغـي مـايـخـضـعـون
الـشـيـعـه يـوم الاربـعـيـن الـهـا يـگـصـدون
بـأربـعـيـنه وتـحـيـي ذكـرى بـدمـع الـعـيون
نحيي امره الاحيه روح الدنيه هـوه بالدماء
نحيي امره نجـدد البيعـه بمـسـيره الكـربلاء
الـغـالـي بـيـهـا انقـدمـه حسـين رواه ابدمـه
ثوره حسـين ثوره حسـين
🔶🔶🔶🔶🔶🔶🔶🔶🔶🔶🔶🔶🔶
تمت بعون الله تعالى
عـقـيل حـسـين الگـرعـاوي
حـال السـيده زينب ع عـند ذهـاب الامـام الـعـباس ع للـمشـرعـه
ـــــــــــــــــــــــــــــــــــــــــــــــــــــــــــــــ
هـــــا يـكـــــافــلــهــــــا مــــارجــــعــتــلــهـــــــا
بـعـدك بـحـيـره اصـبـحـت بـزيـنـب نـدار الـوكـت
******
1
تـنـتـضــر يــم الـمــخــيـم زيـنـب الـمــضــلـومـــه
ويـن عـبـاس شـيـرجـعـه ومـن يـجـيـب اعـلـومـه
ادري بـي عـاشـگـهــا كـلـش طـبـتـه لـلــحــــومــه
وانـي اخـاف مـن الـيـغـدره الـمـشـرعـه مـلـزومـه
بـونـه وبـحـسـره صـحـت بـزيـنـب انـدار الـوكـت
********
2
ادري اخـوي الـغــيـره طــبـعـه مــايـفـر لـمـن يـكــر
لهـذاانـي الـخـوف بـيـه وگـلـبـي يـلـهـب بـي جـمـر
وادري مـايـگـدرلـه واحـد بـس شــجـاعـتـهـم غــدر
ردلـــي يـاعــبـاس مــايـك مــو اعــز مــن الــخـــدر
بــعــدك انـي اتـلـوعــت بـزيـنـب انـدار الـوكــت
********
3
تـأخـرت يـم الـشــريـعـه خــويـه طـالـت غـيـبـتـك
شـلـون مـرسـال انـي اودي يگـلـه عـجـل رجـعـتـك
شــنـهـي طـابـتـلـك يـخـويـه وطـولـتـهـا جــيـتــك
انــي بــفــراگــك اخـــاف وكــل امـــانـي بـرايـتـك
خــويـه ردلـي تـمـرمـرت بـزيـنـب انـدار الـوكــت
*********
4
طــول الـعـبـاس ضــلـتـه ولـــيـه مـارجــع جــواب
لبـو اليـمـه اگـصـدت ابـجـي لـگـيـتـه گـاعدعلتراب
گــلـي لاتـحـجـيـن زيـنـب مــثـلـج انـي بـالـعــذاب
غـيـبـه الـعـبـاس هـذي تـنـبـأت بـيـهـــا الـمـصــاب
من الدمـع عـيـنـي صـفـت بـزيـنـب انـدار الوكـت
*********
5
عــلـتـراب احــنـه گــعـدنـه ولـلـگــمـر مـتـنـطـريـن
وابو اليـمـه ايجـرهـا ونه انـكـسـر ضـهـرك ياحسين
ولنـه نسـمـع صـوت اجانـه وين اخـوي حسين وين
حسـيـن صاح بعـالـي صوتـه راح ضخـرام البـنـيـن
ولـلـمـصـيـبـه اتـحـزمـت بـزيـنـب انـدار الـوگـت
********
6
راحـلـه بـحـســره الـحـسـيـن وصــل يـمـه ورتـعــد
گـلـه سـلـمـلـي اعـلـزيـنـب مـاوفـيـت الـهـا الـوعــد
الـمــاي مـاجـبـتـه انـي الـهـــا لـلـخـيـم مــاريـد ارد
ســكـنـه تـربـيـنـي ورقــيـه والـرضــيـع الـبـلـمـهــد
لـجودي كـلـه تـنـطـرت بـزيـنـب نـدار الـــوكــــت
*********
تمت بعون الله تعالى
عـقـيـل حـســيـن الـگــرعــاوي
زيـنـيـب ع تـنـدب ابـاهـا امـير الـمـؤمـنـيـن
ـــــــــــــــــــــــــــــــــــــــــــــــــــــــــــــــ
صـحــت ودمـعي بالعـين وينـك يبـو الـحسـنـين
مـاتـلحــگ عـلــيـنـه وليـه احنـه انولـينه
ـــــــــــــــــــــــــــــــــــــــــــــــــــــــــــــ
1.
بــويــه لـوشــفــتـنـي مـــاتــعــرفـنـي زيـنـب
مـن ثـگـل الـمـصـايب حـتـى الـگـلـب شــيـب
وشـحجـيلك وظـعـنه وخـدري الـلـي تـسـلـب
ومـن حـرگـو خـيمـنه وبـيـنـه الـشـمـر يظرب
صـحـنـا ياعــلـيـنـه وليـه احـنـه انـولـيـنـه
ــــــــــــــــــــــــــــــــــــــــــــــــــــــ
2.
رحـت عـنـهـم سـبيـه شـلـون اتـحـمــلـوهـــا
وبـالـكـوفــه اســيـره اخــتـهـــم نـزلــوهـــــا
ادري لـــو يـگـــدرون اخـتـهـم جـان اجـوهـا
هـسـه ياابـوحـسـيـن زيـنـب يــــم ابـوهــــــا
مـاتـگــدر تـجـيـنــه ولـيـه احـنـه انـولـيـنـه
ـــــــــــــــــــــــــــــــــــــــــــــــــــــ
3
ادري بـالـكـــفـلـنـــي ضـحـه لـجـلـي جــفـوف
ومـاهـاب الـعـسـاكـر طـب ومـاعــرف خــوف
وظل اعلـه الـشـريعه هـنـاك الگـمـر مـخسـوف
وعـفـنـاه ومـشــيـنـه الكـافـل بـرض الـطـفوف
وبعده احنـه انسـبينه ولـيـه احـنـه انـولـيـنـه
ــــــــــــــــــــــــــــــــــــــــــــــــــ
4
هـســـه بـلاكــفـالــــه تـمـشـي بـنـيـتـك اليـوم
ومـتـكـلـفـه بظـعـينه وعـلـيـهـا الـظـالم يحـوم
الـكـوفـه مـن دخـلـنه نـطـلـب فـزعـتـك گـــوم
لاشـمـس وگـمـر ظـل غـابـت حـتـى الـنـجــوم
وظـلـمـت عــلـيـنــه ولـيـه احـنـه انـولـيـنــه
ــــــــــــــــــــــــــــــــــــــــــــــــــــــ
5
نـمـت ولــن اجــانـي ابطـيـف وشــاهـد الـحـال
ابـوي يـصـدلـلـوجوه ويــن ام الـخــدر گـــــــال
اضـنـه مـاعــــرفـنـي مـغـيـره رسـومـي الـرمـال
گـربـلـي انـي گـتـلـه زيـنـب والــدمـــع ســــــال
بـجـه بـدمـعـه حـزينه ولـيـه احـنـه انــولـيـنـه
ـــــــــــــــــــــــــــــــــــــــــــــــــــــــــــــــ
6
مـعـقـولـه انـتـي زيـنـب خـدرج هــذا تـالـــــي
هـيـجـي حـالـج اتـصـير بـعـد عــزي ودلالـــي
بـجـيـت انـي وگــلـتـلـه غــيـرك بـويـه مــالـي
راحــــو كـــل اخــوتـي ولاواحـــــد صــفـالـي
ردنــــي لـلـــمــديــنــه ولــيــه احــنـه انــولـيـنـه
ـــــــــــــــــــــــــــــــــــــــــــــــــــــــــــــــ
تـمـت بـعـون الله تـعــالـى
عـقـيـل حـسـيـن الـگــرعــاوي
نحر الإمام الحسين ع يتكلم مع جفوف
اباالفضل العباس بعد مااخذو السيدة
زينب ع والعيال سبايا
🔸🔸🔸
نحر يحجي ويالجفوف بعد معركةالطفوف
راحـت زينب روح الزهره
واني وياجـن فوگ الغبره
راحت زينب راحت زينب
🔸🔸🔸▫️▫️▫️🔸🔸🔸
1
صوت من النحر مبحوح لجفوف الكفل ناده
هـم عـدجن علم هاليوم شصار بعمة الساده
مشت مسبيه والأنـذال گـام اعـليهـا تتماده
احنه عله الأرض نومه وشمرهم ماخذمراده
فرحان بسبي ام عون بـأخـيتنا يعـذبون
ونار بگـلـبي علـيهم كبره
واني وياجن فوگ الغبره
راحت زينب راحت زينب
🔸🔸🔸▫️▫️▫️🔸🔸🔸
2
بعبره لجف الأيمن صاح من يمنه الضعن حَّدَر
مشت مسبيه صـوب الشـام اياوسفه هالخدَر
رد الجـف الأيسر گـال جـنت لازم علـم حيدَر
ومن گطـعـوني ماهـمـيت مـن ربي عَلَي قَّدَر
المـوته من سـبايا مـرو عـالضحايه
وماكو اخوان الضعنك تبره
وانـي وياجـن فـوگ الغبره
راحت زينب راحت زينب
🔸🔸🔸▫️▫️▫️🔸🔸🔸
3
النحـر جـاوبـهـن الجـفـين اهون امـر ذبـاحي
ولاموقف گمرهاشم من اجيته لازم اصفاحي
مااشعر بألم من جان مثخن جسمي بجراحي
بس جرح لسبي يوجع عليه اشتدت انياحي
من شفت الضعن سار من نحري تشب نار
بـلا كـفـال تـروح الـحـره
واني وياجن فوگ الغبره
راحت زينب راحت زينب
🔸🔸🔸▫️▫️▫️🔸🔸🔸
4
بهاي الساعه لن صرخه من صوب النهر تدوي
النحـر ميزهـا من عباس كلمه توجع اوتجوي
يصيح اهنا يخوي شلون اني اعله لنهر مرمي
وزينب تمـشـي مسـبيه واسـمع تنده ابأسمي
مـاهـمتـني اديـه بگد صرخت رقيه
اخذت روحي وزرعت جمره
وانـي ويـاجـن فـوگ الغـبره
راحت زينب راحت زينب
🔸🔸🔸▫️▫️▫️🔸🔸🔸
5
نحر حسين اله غايه من يحجي ويه جفينه
يدري مـسـتحـي مـنه مـاروه ضـمـه سكينه
واجت الّي اشد واكلف منها تصب دمه عينه
من مرو على الاجساد وشاف الضعن سابينه
لسهم ابعينه مكسور شيفزع هوه منحور
مات امن ايصد خدَّر اسره
واني وياجـن فـوگ الغبره
راحت زينب راحت زينب
🔸🔸🔸▫️▫️▫️🔸🔸🔸
6
اي والله ينحر احسين خجل متزاحم ابالي
صارت ضربة العامود وسهم ابعيني اشوالي
ولاهـمني الجـفين بگـد منضـر سـبي عيالي
مـتـت لـمـن تنـاديني اخـيتي اهـنا يكـفـالي
وانه ابلا وسـيله وتحشمني العـقيله
هنانه الحيل اتهدم صبره
واني وياجن فوگ الغبره
راحت زينب راحت زينب
🔸🔸🔸▫️▫️▫️🔸🔸🔸
تمت بعون الله
عقيل حسين الگرعاوي